ᠨᠠᠪᠴᠢ- ᠮ ᠲᠠᠷᠬᠠᠨᠬᠦᠦНавч-м дарханхүү
370ᠨᠠᠪᠴᠢ
ᠮ ᠂ ᠳᠠᠷᠬᠠᠨᠬᠦᠦ
ᠨᠠᠪᠴᠢ ᠶ᠋ᠢ ᠦᠵᠡᠭᠰᠡᠭᠡᠷ ᠪᠢ
ᠨᠠᠢᠷᠠᠭ ᠪᠢᠴᠢᠬᠦ ᠶ᠋ᠢ ᠰᠠᠨᠠᠴᠢᠬᠠᠯᠠ
ᠨᠠᠢᠷᠠᠭ ᠰᠡᠳᠬᠢᠯ ᠢ᠋ ᠠᠵᠢᠭ᠍ᠰᠠᠭᠠᠷ
ᠨᠠᠪᠴᠢᠨ ᠳ᠋ᠥ᠍ ᠪᠥᠮᠪᠥᠷᠢᠭᠡᠳ ᠰᠢᠩᠭᠡᠴᠢᠬᠡᠯᠡ
ᠨᠣᠭᠣᠭᠠᠨ ᠲᠣᠷᠭᠠᠨ ᠳᠡᠯᠡᠬᠡᠢ ᠭᠡᠵᠦ
ᠨᠠᠪᠴᠢ ᠪᠠᠷ ᠪᠠᠭᠯᠠᠭᠰᠠᠨ ᠥᠯᠥᠭᠡᠢ ᠪᠢᠵᠡ
ᠨᠤᠴᠤᠮᠡ ᠬᠠᠢᠷᠠ ᠪᠠᠷ ᠢ᠋ᠶ᠋ᠡᠨ ᠪᠦᠪᠡᠢᠯᠡᠭᠰᠡᠨ
ᠨᠠᠰᠤᠲᠠᠢ ᠡᠵᠢ ᠶ᠋ᠢᠨ ᠡᠪᠦᠷ ᠪᠢᠵᠡ
ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠶ᠋ᠢ ᠴᠢᠩᠨᠠᠭᠰᠠᠭᠠᠷ
ᠡᠨᠡ ᠥᠯᠥᠭᠡᠢ ᠳ᠋ᠥ᠍ ᠤᠨᠠᠭᠰᠠᠨ ᠶᠤᠮ
ᠪᠥᠮᠪᠥᠷ ᠪᠥᠮᠪᠥᠷ ᠭᠦᠶᠦᠭᠰᠡᠭᠡᠷ
ᠡᠨᠡ ᠡᠪᠦᠷ ᠲᠣ᠌ ᠪᠣᠢᠵᠢᠭ᠍ᠰᠠᠨ ᠶᠤᠮ
ᠬᠥᠬᠡ ᠨᠣᠭᠣᠭᠠᠨ ᠨᠠᠪᠴᠢ ᠮᠢᠨᠢ
ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠳ᠋ᠥ᠍ ᠪᠠᠨ ᠴᠢᠮᠡᠭ ᠶᠤᠮ
ᠬᠦᠰᠡᠯᠡᠩ ᠢ᠋ ᠪᠡᠯᠭᠡᠳᠡᠭᠡᠳ ᠨᠠᠮᠢᠯᠵᠠᠭᠰᠠᠨ
ᠬᠦᠰᠡᠯᠲᠦ ᠵᠢᠷᠦᠬᠡᠨ ᠊ᠣ ᠳᠤᠭ ᠶᠤᠮᠰᠠᠨ
ᠨᠣᠭᠣᠭᠠᠷᠠᠵᠤ ᠬᠥᠬᠡᠷᠡᠬᠦ ᠨᠠᠪᠴᠢ ᠪᠠᠨ
ᠨᠤᠬᠤᠴᠢᠵᠤ ᠪᠢᠲᠡᠭᠡᠢ ᠯᠡ ᠰᠦᠢᠳᠬᠡᠶᠡ ᠳᠡ
ᠨᠣᠭᠣᠭᠠᠨ ᠠᠮᠢ ᠶ᠋ᠢ ᠨᠢ ᠪᠣᠭᠣᠮᠢᠯᠠᠬᠤ
ᠨᠣᠭᠲᠣ᠌ ᠪᠤᠤ ᠯᠡ ᠪᠣᠯᠣᠶᠠ ᠳᠡ
ᠬᠤᠷᠠ ᠤᠰᠤ ᠳᠤᠲᠠᠪᠠᠯ ᠰᠢᠭᠦᠳᠡᠷᠢ ᠪᠣᠯᠵᠤ ᠶᠠᠪᠤᠶᠠ ᠳᠡ
ᠬᠣᠷᠣᠬᠠᠢ ᠰᠢᠪᠠᠵᠢ ᠬᠠᠯᠳᠠᠪᠠᠯ ᠡᠮᠴᠢ ᠨᠢ ᠪᠣᠯᠵᠤ ᠵᠠᠰᠠᠶᠠ ᠳᠡ
ᠠᠮᠢᠵᠢᠷᠠᠯ ᠢ᠋ ᠨᠢ ᠪᠠᠲᠤᠯᠠᠵᠤ ᠴᠢᠳᠠᠪᠠᠯ
ᠠᠮᠢ ᠪᠠᠨ ᠴᠦ᠍ ᠣᠷᠣᠨ ᠳ᠋ᠥ᠍ ᠨᠢ ᠦᠭᠬᠦᠶᠡ ᠳᠡ
ᠠᠮᠢᠳᠤᠷᠠᠵᠤ ᠣᠷᠣᠰᠢᠬᠤ ᠥᠯᠥᠭᠡᠢ ᠪᠠᠨ
ᠠᠯᠠᠭ ᠯᠡ ᠪᠤᠤ ᠤᠷᠬᠢᠶᠡ ᠳᠡ
ᠨᠠᠪᠴᠢ ᠪᠠᠷ ᠪᠠᠭᠯᠠᠭᠰᠠᠨ ᠳᠡᠯᠡᠬᠡᠢ ᠳ᠋ᠥ᠍ ᠪᠠᠨ
ᠨᠠᠢᠷᠠᠭ ᠢ᠋ᠶ᠋ᠡᠨ ᠢᠩᠭᠢᠵᠦ ᠡᠷᠭᠦᠶᠡ ᠳᠡ
ᠨᠠᠢᠷᠠᠭ ᠰᠡᠳᠬᠢᠯ ᠬᠣᠶᠠᠷ ᠢ᠋ᠶ᠋ᠡᠨ
ᠨᠠᠪᠴᠢ ᠲᠠᠢ ᠬᠣᠯᠪᠣᠵᠤ ᠰᠠᠭᠤᠶᠠ ᠳᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠠᠸᠠ
ᠦᠰᠦᠭ ᠬᠠᠳᠠᠭᠴᠢ ᠄ ᠭᠠᠸᠠ