ᠤᠬᠠᠭᠠᠷᠠᠵᠤ ᠠᠮᠢᠳᠤᠷᠠᠬᠤ ᠤᠶᠠᠩᠭ᠎ᠠ ᠶ᠋ᠢᠨ ᠣᠴᠢᠬ- ᠭ᠂ ᠴᠢᠩᠪᠠᠭᠠᠲᠤᠷУхаарч амьдарах уянгын учиг-г чанбаатар ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

     ᠭ ᠂ ᠴᠢᠩᠪᠠᠭᠠᠲᠤᠷ
ᠭᠠᠵᠠᠷ ᠲᠤ ᠮᠣᠳᠣ᠌ ᠰᠢᠭᠠᠨ ᠲᠣᠭᠯᠠᠵᠤ ᠪᠠᠢᠬᠤ  ᠳᠦ
ᠭᠠᠢ ᠲᠠᠢ ᠬᠡᠦᠬᠡᠳ ᠁ ᠭᠡᠵᠦ
ᠤᠨᠠᠲᠠᠯ᠎ᠠ ᠠᠯᠠᠭᠠᠳᠠᠭᠰᠠᠨ ᠠᠪᠤ ᠪᠠᠨ ᠬᠠᠷᠠᠭᠠᠳ
ᠡᠬᠡ ᠰᠢᠷᠣᠢ ᠳ᠋ᠤ᠌ ᠪᠠᠨ ᠬᠠᠢᠷᠠᠲᠠᠢ ᠶᠠᠪᠤᠬᠤ ᠶ᠋ᠢᠨ ᠴᠣᠬᠣᠮ ᠤᠬᠠᠭᠠᠨ ᠢ
ᠡᠴᠢᠭᠡ ᠶ᠋ᠢᠨ ᠶ᠋ᠢᠡᠨ 《 ᠬᠠᠯᠠ 》 ᠠ᠋ᠴᠠ ᠳᠠᠭᠢᠵᠤ ᠮᠠᠷᠲᠠ ᠯᠡ ᠦᠭᠡᠢ ᠴᠡᠭᠡᠵᠢᠯᠡᠵᠦ ᠠᠪᠤᠭᠰᠠᠨ ᠶᠤᠮ
ᠬᠤᠪᠢᠩ ᠲᠠᠢ ᠰᠦ ᠪᠡᠨ ᠡᠭᠡᠳᠡᠲᠡᠯ᠎ᠡ ᠰᠠᠷᠠᠪᠴᠢᠯᠠᠨ ᠨᠠᠮ᠎ᠠ ᠶ᠋ᠢ ᠦᠳᠡᠭᠰᠡᠨ ᠡᠵᠢ ᠮᠢᠨᠢ
ᠬᠣᠯᠠ ᠶᠠᠪᠤᠯ᠎ᠠ ᠴᠤ᠌ ᠡᠷᠭᠢᠵᠦ ᠢᠷ᠎ᠡ ᠭᠡᠵᠦ ᠮᠠᠩᠨᠠᠢ ᠳᠡᠭᠡᠷ᠎ᠡ ᠮᠢᠨᠢ ᠦᠨᠦᠰᠦᠭᠰᠡᠨ ᠶᠤᠮ
ᠢᠰᠡᠭᠡᠢ ᠭᠡᠷ ᠂ ᠡᠵᠢ ᠠᠪᠤ ᠬᠣᠶᠠᠷ ᠲᠤ ᠪᠠᠨ ᠪᠤᠴᠠᠵᠤ ᠢᠷ᠎ᠡ ᠭᠡᠰᠡᠨ ᠦᠭᠡ ᠪᠢᠰᠢ
ᠡᠬᠡ ᠨᠤᠲᠤᠭ ᠲᠤ ᠪᠠᠨ ᠲᠡᠮᠡᠦᠯᠵᠦ ᠢᠷ᠎ᠡ ᠭᠡᠰᠡᠨ ᠰᠤᠷᠭᠠᠯ ᠪᠠᠢᠵᠠᠢ
ᠡᠯᠡᠰᠦ ᠲᠠᠢ ᠬᠥᠷᠥᠰᠥᠨ ᠳᠡᠭᠡᠷ᠎ᠡ ᠨᠢ ᠡᠯᠢᠭᠡᠳᠡᠨ ᠭᠡᠪᠲᠡᠭᠦ ᠪᠡᠷ
ᠡᠵᠢ ᠶ᠋ᠢᠨ ᠮᠢᠨᠢ ᠰᠦ ᠦᠨᠦᠷᠲᠦᠬᠦ ᠰᠢᠭ ᠰᠠᠨᠠᠭᠳᠠᠪᠠ
ᠠᠭᠢ ᠲᠠᠢ ᠰᠢᠷᠣᠢ ᠳᠡᠭᠡᠷ᠎ᠡ ᠨᠢ ᠠᠯᠳᠠᠯᠠᠨ ᠭᠡᠪᠲᠡᠭᠦ ᠪᠡᠷ
ᠠᠪᠤ ᠶ᠋ᠢᠨ ᠮᠢᠨᠢ ᠰᠤᠷᠭᠠᠯ ᠰᠡᠳᠬᠢᠭᠳᠡᠬᠦ ᠰᠢᠭ ᠪᠤᠲᠤᠬ᠍ᠲᠠᠪᠠ
ᠡᠬᠡ ᠣᠷᠣᠨ ᠭᠡᠳᠡᠭ ᠦ᠋ᠨ ᠴᠣᠬᠣᠮ ᠤᠳᠬ᠎ᠠ ᠶᠢ
ᠡᠨᠳᠡ ᠡᠴᠡ ᠪᠢ ᠮᠡᠳᠡᠵᠦ ᠠᠪᠤᠭᠰᠠᠨ ᠶᠤᠮ

     ᠦᠰᠦᠭ ᠠᠮᠢᠯᠠᠭᠤᠯᠤᠭ᠍ᠴᠢ ᠄ᠨᠠᠪᠴᠢ
     ᠎ᠬᠢᠨᠠᠭ᠍ᠴᠢ ᠄ ᠰᠡᠯᠡᠭᠦᠨ