ᠮᠢᠨᠦ ᠨᠥᠬᠥᠳ ᠨᠠᠷᠠ ᠵᠢᠷᠤᠬᠤ ᠳᠤᠷᠠᠲᠠᠢ – ᠭᠦᠷᠵᠠᠪ Миний нөхөд нар зурах дуртай – Гүржав
317ᠮᠢᠨᠦ ᠨᠥᠬᠥᠳ ᠨᠠᠷᠠ ᠵᠢᠷᠤᠬᠤ ᠳᠤᠷᠠᠲᠠᠢ
ᠭᠦᠷᠵᠠᠪ
ᠮᠢᠨᠦ ᠨᠥᠬᠥᠳ ᠨᠠᠷᠠ ᠵᠢᠷᠤᠬᠤ ᠳᠤᠷᠠᠲᠠᠢ —
ᠮᠠᠨᠲᠤᠵᠤ ᠪᠠᠶ᠋ᠢᠬ᠋ᠠ ᠂ ᠳᠡᠭᠳᠡᠵᠦ ᠪᠠᠶ᠋ᠢᠬ᠋ᠠ
ᠮᠠᠭᠰᠢᠵᠤ ᠪᠠᠶ᠋ᠢᠬ᠋ᠠ ᠂ ᠳᠡᠪᠢᠵᠦ ᠪᠠᠶ᠋ᠢᠬ᠋ᠠ
ᠮᠢᠩᠬ᠋ᠠ ᠲᠦᠮᠡᠨ
ᠨᠠᠷᠠ ᠵᠢᠷᠤᠬᠤ ᠳᠤᠷᠠᠲᠠᠢ
ᠮᠢᠩᠬ᠋ᠠ ᠲᠦᠮᠡᠨ ᠨᠠᠷᠠ ᠪᠠᠨ ᠲᠣᠭᠣᠷᠢᠭᠤᠯᠤᠭᠠᠳ
ᠮᠣᠷᠢ ᠵᠢᠷᠤᠬᠤ ᠳᠤᠷᠠᠲᠠᠢ
ᠲᠡᠮᠡᠭᠡ ᠵᠢᠷᠤᠬᠤ ᠳᠤᠷᠠᠲᠠᠢ —
ᠮᠤᠨᠲᠠᠬ᠋ᠠ ᠬᠡᠶ᠋ᠢᠰᠬᠡᠨ ᠂ ᠵᠣᠭᠲᠣᠷ ᠪᠣᠰᠬᠠᠨ
ᠳᠠᠪᠬᠢᠵᠤ ᠪᠠᠶ᠋ᠢᠬ᠋ᠠ ᠪᠠᠷ ᠂ ᠬᠠᠲᠠᠷᠢᠵᠤ ᠪᠠᠶ᠋ᠢᠬ᠋ᠠ ᠪᠠᠷ
ᠵᠢᠷᠤᠬᠤ ᠳᠤᠷᠠᠲᠠᠢ ᠁
ᠮᠣᠩᠭᠣᠯ ᠨᠤᠲᠤᠭ ᠶ᠋ᠢᠠᠨ
ᠴᠡᠴᠡᠭᠯᠡᠵᠦ ᠪᠠᠶ᠋ᠢᠬ᠋ᠠ ᠪᠠᠷ ᠂ ᠥᠭᠡᠲᠡᠯᠡᠵᠦ ᠪᠠᠶ᠋ᠢᠬ᠋ᠠ ᠪᠠᠷ
ᠵᠢᠷᠤᠬᠤ ᠳᠤᠷᠠᠲᠠᠢ
ᠮᠢᠨᠦ ᠨᠥᠬᠥᠳ
ᠰᠠᠷᠠ ᠵᠢᠷᠤᠬᠤ ᠳᠤᠷᠠᠲᠠᠢ —
ᠰᠠᠮᠪᠠᠷᠠ ᠳᠡᠭᠡᠷᠡ ᠂ ᠳᠡᠪᠲᠡᠷ ᠳᠡᠭᠡᠷᠡ
ᠱᠠᠯᠠ ᠳᠡᠭᠡᠷᠡ ᠂ ᠭᠠᠵᠠᠷ ᠳᠡᠭᠡᠷᠡ
ᠰᠠᠴᠤᠷᠠᠵᠤ ᠪᠠᠶ᠋ᠢᠬ᠋ᠠ ᠂ ᠭᠡᠷᠡᠯᠲᠦᠵᠦ ᠪᠠᠶ᠋ᠢᠬ᠋ᠠ
ᠰᠠᠶᠠ ᠲᠦᠮᠡᠨ
ᠰᠠᠷᠠ ᠵᠢᠷᠤᠬᠤ ᠳᠤᠷᠠᠲᠠᠢ
ᠰᠠᠶᠠ ᠲᠦᠮᠡᠨ ᠰᠠᠷᠠ ᠪᠠᠨ ᠳᠠᠭᠠᠭᠠᠳ
ᠰᠠᠵᠢᠯᠠᠵᠤ ᠪᠠᠶ᠋ᠢᠬ᠋ᠠ ᠂ ᠳᠡᠯᠭᠡᠷᠡᠵᠦ ᠪᠠᠶ᠋ᠢᠬ᠋ᠠ
ᠴᠡᠴᠡᠭ᠋ ᠵᠢᠷᠤᠬᠤ ᠳᠤᠷᠠᠲᠠᠢ
ᠰᠠᠶ᠋ᠢᠬᠠᠨ ᠳᠠᠭᠤ ᠪᠠᠷ ᠵᠢᠷᠭᠢᠵᠦ ᠪᠠᠶ᠋ᠢᠬ᠋ᠠ
ᠰᠢᠪᠠᠭᠤ ᠵᠢᠷᠤᠬᠤ ᠳᠤᠷᠠᠲᠠᠢ
ᠰᠠᠶ᠋ᠢᠨ ᠰᠤᠷᠴᠢᠬᠠᠭᠠᠳ
ᠰᠠᠶ᠋ᠢᠰᠢᠶᠠᠭᠲᠠᠨ ᠮᠠᠭᠲᠠᠭᠲᠠᠵᠤ ᠪᠠᠶ᠋ᠢᠬ᠋ᠠ
ᠬᠡᠦᠬᠡᠳ ᠵᠢᠷᠤᠬᠤ ᠳᠤᠷᠠᠲᠠᠢ !
ᠢᠷᠡᠯᠲᠡ – ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ
ᠭᠦᠷᠵᠠᠪ ᠵᠣᠬᠢᠶᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ4 ᠪ ᠡᠲᠦᠷ