ᠬᠠᠲᠠᠨ ᠡᠩᠭᠡᠷ- ᠭ · ᠴᠢᠩᠪᠠᠭᠠᠲᠤᠷХадан энгэр-Г·Чинбаатар
339ᠬᠠᠲᠠᠨ ᠡᠩᠭᠡᠷ
ᠭ · ᠴᠢᠩᠪᠠᠭᠠᠲᠤᠷ
ᠲᠡᠮᠡᠭᠡᠨ ᠪ ᠨᠣᠣᠰᠣ ᠭᠣᠣᠵᠢᠬᠤ ᠰᠢᠭ᠋
ᠡᠩᠭᠡᠷ ᠦ᠋ᠨ ᠴᠠᠰᠤ ᠴᠣᠬᠣᠷᠲᠠᠨᠠ
ᠲᠡᠨᠲᠡ ᠬᠠᠪᠤᠷ ᠢᠷᠡᠵᠡᠢ ᠭᠡᠵᠦ
ᠬᠠᠲᠠᠨ ᠡᠩᠭᠡᠷ ᠊ᠢ ᠠᠪᠤ ᠵᠢᠭᠠᠭᠰᠠᠭᠠᠷ
ᠬᠠᠪᠰᠠᠷᠬ᠋ᠠ ᠦᠩᠭᠡᠷᠡᠬᠦ ᠨᠢ ᠡ ᠭᠡᠵᠦ
ᠡᠵᠢ ᠳᠤ ᠶᠠᠷᠢᠨᠠ
ᠥᠷᠯᠥᠭᠡ ᠪᠣᠯᠭᠠᠨ ᠬᠣᠨᠢᠳ ᠮᠢᠨᠢ
ᠡᠩᠭᠡᠷ ᠤᠷᠤᠭᠤ ᠪᠡᠯᠴᠢᠨᠡ
ᠡᠪᠦᠯ ᠡᠴᠡ ᠬᠠᠪᠤᠷ ᠤᠷᠤᠭᠤ ᠴᠤᠪᠤᠬᠤ ᠰᠢᠭ᠋
ᠤᠷᠠᠩᠬᠠᠢ ᠴᠠᠰᠤᠨ ᠪ ᠵᠠᠢ ᠪᠡᠷ
ᠭᠤᠲᠤᠴᠢᠬᠰᠠᠭᠠᠷ
ᠬᠠᠭᠵᠠᠷᠠᠭᠰᠠᠨ ᠲᠠᠯᠠ ᠶ᠋ᠢᠨ ᠴᠤᠭᠤᠷᠬᠠᠢ ᠶ᠋ᠢ ᠨᠥᠬᠥᠬᠦ ᠰᠢᠭ᠌
ᠪᠠᠷᠠᠭᠠᠨᠲᠤᠭᠰᠠᠨ ᠡᠩᠭᠡᠷ
ᠲᠣᠨᠢ ᠲᠣᠭᠲᠠᠲᠠᠭ ᠃
ᠬᠠᠲᠠᠨ ᠡᠩᠭᠡᠷ ᠦ᠋ᠨ ᠴᠠᠰᠤ ᠳᠠᠭᠤᠴᠢᠵᠤ
ᠬᠠᠪᠤᠷ ᠢᠷᠡᠲᠡᠭ
ᠬᠠᠲᠠᠨ ᠡᠩᠬᠡᠷ ᠲᠦ᠍ ᠮᠢᠨᠢ ᠪᠠᠶ᠋ᠢᠵᠠᠨᠠᠵᠤ ᠪᠠᠶ᠋ᠢᠭᠠᠳ
ᠬᠠᠶᠠᠭᠠᠨ ᠳᠤ ᠢᠷᠡᠲᠡᠭ
ᠡᠩᠭᠡᠷ ᠦ᠋ᠨ ᠬᠠᠶ᠋ᠢᠯ ᠪᠡᠯ ᠤᠷᠤᠭᠤ ᠪᠠᠨ ᠰᠢᠮᠡᠤᠠᠬᠦ ᠳᠤ
ᠡᠬᠢᠨ ᠪ ᠰᠢᠪᠠᠭᠤᠳ ᠲᠩᠷᠢ ᠪᠡᠷ ᠢᠷᠡᠲᠡᠭ
ᠵᠠᠶ᠋ᠢᠷᠮᠠᠭ ᠬᠠᠯᠢᠶᠠ ᠲᠠᠯᠠ ᠳ᠋ᠠᠭᠠᠨ ᠪᠠᠭᠤᠬᠤ ᠳᠤ
ᠵᠠᠯᠠᠨ ᠪ ᠮᠢᠨᠢ
ᠬᠠᠵᠠᠭᠤ ᠳᠤ ᠤᠷᠢ ᠢᠷᠡᠲᠡᠭ
ᠡᠩᠭᠡᠷ ᠦ᠋ᠨ ᠴᠠᠰᠤ
ᠡᠩᠭᠡᠷ ᠶ᠋ᠢᠡᠨ ᠢᠷᠠᠬᠤ ᠦᠭᠡᠢ ᠪᠣᠯ
ᠡᠵᠢ ᠶ᠋ᠢᠨ ᠮᠢᠨᠢ ᠴᠢᠷᠠᠢ ᠡᠴᠡ
ᠶᠠᠲᠠᠷᠠᠬ᠋ᠠ ᠠᠷᠢᠯᠲᠠᠭ ᠦᠭᠡᠢ
ᠡᠯᠢᠭᠡᠨ ᠬᠠᠲᠠᠨ ᠳᠤᠨᠢ ᠪᠦᠪᠡᠭᠡᠯᠵᠢ ᠳᠣᠣᠭᠠᠷᠬᠤ ᠦᠭᠡᠢ ᠪᠤᠯ
ᠮᠠᠶ᠋ᠢᠬᠠᠨᠲᠤ ᠶ᠋ᠢᠨ ᠬᠠᠲᠠᠨ ᠳᠤ ᠠᠶ᠋ᠢᠷᠠᠭ ᠴᠢᠬᠢᠯᠡᠲᠡᠭ ᠦᠭᠡᠢ ᠃
ᠲᠤᠶ᠋ᠢᠬ ᠦ᠋ᠨ ᠳᠠᠭᠤᠨ ᠰᠠᠭᠠᠮᠠᠰᠢᠬᠰᠠᠨ ᠬᠤᠨᠢᠳ
ᠲᠣᠩᠭᠣᠶ᠋ᠢᠨ ᠲᠣᠩᠭᠣᠶ᠋ᠢᠨ ᠬᠤᠷᠠᠬ᠋ᠠ ᠪᠠᠨ ᠦᠨᠦᠷᠯᠡᠬᠦ ᠳᠤ
ᠰᠥᠭᠥᠲᠦᠭᠰᠡᠨ ᠬᠤᠷᠠᠭᠠᠨ ᠪ ᠡᠪᠦᠲᠦᠭ ᠳᠣᠣᠷᠠ
ᠰᠥᠬᠥ ᠴᠠᠰᠤ ᠤᠶᠠᠷᠠᠲᠠᠭ ᠦ᠋ᠨ ᠠᠲᠠᠯᠢ
ᠡᠪᠦᠯ ᠦ᠋ᠨ ᠡᠷᠴᠢ ᠴᠦ᠍ ᠬᠠᠲᠠᠨ ᠡᠩᠭᠡᠷ ᠲᠤ
ᠡᠪᠦᠲᠦᠭ ᠰᠥᠭᠥᠤᠠᠴᠢᠬᠡᠭᠡᠳ ᠰᠢᠪᠠᠭᠤᠳ ᠲᠠᠢ ᠵᠥᠷᠢᠲᠡᠭ ᠃
ᠬᠠᠲᠠ ᠴᠢᠨᠢ ᠬᠡᠯᠲᠡᠷᠡᠵᠦ ᠬᠠᠶ᠋ᠢᠷ ᠨᠢ ᠤᠨᠠᠬᠤ ᠰᠢᠭ᠋
ᠬᠠᠮᠢᠬ᠋ᠠ ᠨᠢᠭᠡᠲᠡᠭᠡ ᠪᠢ ᠴᠤ᠌ ᠤᠨᠠᠨᠠ
ᠨᠠᠷᠠᠨ ᠪ ᠰᠡᠭᠦᠲᠡᠷ ᠡᠴᠡ ᠰᠠᠯᠵᠤ
ᠭᠠᠵᠠᠷ ᠲᠤ᠌ ᠪᠠᠨ ᠪᠤᠴᠠᠬᠤ ᠶ᠋ᠢᠨ ᠴᠠᠭ ᠲᠤ
ᠨᠢᠯᠬᠠ ᠶᠤᠮ ᠰᠢᠭ᠋ ᠡᠷᠬᠡᠯᠡᠵᠦ
ᠪᠦᠯᠢᠶᠡᠨ ᠡᠩᠭᠡᠷ ᠲᠤ ᠴᠢᠨᠢ ᠬᠡᠪᠲᠡᠨᠡ
ᠬᠠᠲᠠᠨ ᠡᠩᠭᠡᠷ ᠲᠡᠭᠡᠨ ᠪᠢ
ᠨᠢᠲᠦ ᠠᠨᠢᠬᠤ ᠪᠣᠶᠠᠨ ᠲᠠᠢ ᠪᠤᠯ
ᠬᠠᠵᠠᠭᠤ ᠳᠤ ᠮᠢᠨᠢ ᠳ᠋ᠸᠪᠡᠵᠠᠨ ᠪᠠᠶ᠋ᠢᠬᠰᠠᠨ ᠴᠦ᠍ ᠣᠴᠢᠬᠤ ᠦᠭᠡᠢ
ᠬᠠᠲᠠᠨ ᠡᠩᠭᠡᠷ ᠲᠡᠭᠡᠨ ᠪᠢ
ᠲᠠᠬᠢᠵᠤ ᠲᠦᠷᠦᠬᠦ ᠵᠠᠶᠠᠬ᠋ᠠ ᠲᠠᠢ ᠶᠤᠮ ᠪᠤᠯ
ᠬᠠᠷᠢᠨ ᠳ᠋ᠸᠪᠡᠵᠠᠨ ᠡᠴᠡ ᠴᠦ᠍ ᠰᠦᠨᠡᠰᠦ ᠮᠢᠨᠢ ᠤᠷᠭᠤᠨᠠ ᠳ᠋ᠠ
2000.04.24
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄
ᠪᠣᠣ ᠴᠢᠩ ᠬᠤ᠌
ᠬᠢᠨᠠᠬᠴᠢ ᠄ ᠮᠥᠴᠢᠷ