ᠰᠠᠷᠠ ᠮᠠᠨᠲᠤᠲᠠᠭ – ᠭᠦᠷᠵᠠᠪ Сар манддаг – Гүржав
274ᠰᠠᠷᠠ ᠮᠠᠨᠲᠤᠲᠠᠭ
ᠭᠦᠷᠵᠡᠪ
ᠰᠠᠨᠰᠠᠷ ᠶᠡᠬᠡ ᠲᠩᠷᠢ ᠶ᠋ᠢᠨ ᠶ᠋ᠢᠡᠨ
ᠰᠠᠷᠠᠭᠤᠯᠬᠠᠨ ᠡᠯᠢᠭᠡ ᠶ᠋ᠢ ᠡᠯᠢᠭᠡᠲᠡᠵᠦ
ᠰᠠᠪᠠ ᠠᠭᠤᠲᠠᠮ ᠣᠷᠴᠢᠯᠠᠩ ᠦ᠋ᠨ ᠶ᠋ᠢᠠᠨ
ᠰᠠᠶ᠋ᠢᠬᠠᠨ ᠪᠠᠷᠠ ᠶ᠋ᠢ ᠰᠢᠷᠲᠡᠵᠦ
ᠰᠠᠷᠠ ᠮᠠᠨᠲᠤᠲᠠᠭ
ᠰᠠᠶᠢᠬᠠᠨ ᠬᠣᠲᠠ ᠳ᠋ᠠᠭᠠᠨ ᠪᠤᠴᠠᠭᠰᠠᠨ
ᠬᠣᠨᠢᠳ ᠦ᠋ᠨ ᠮᠢᠨᠢ ᠲᠣᠯᠣᠭᠠᠢ ᠶ᠋ᠢ ᠢᠯᠪᠢᠵᠦ
ᠰᠠᠶ᠋ᠢᠨ ᠰᠤᠷᠤᠯᠴᠠᠭᠠᠳ ᠢᠷᠡᠭᠰᠡᠨ
ᠳᠡᠭᠦᠦ ᠶ᠋ᠢᠨ ᠮᠢᠨᠢ ᠬᠠᠴᠠᠷ ᠊ᠢ ᠥᠨᠥᠰᠴᠦ
ᠰᠠᠷᠠ ᠮᠠᠨᠲᠤᠲᠠᠭ
ᠰᠠᠭᠠᠯᠢ ᠶ᠋ᠢᠨ ᠮᠥᠩᠭᠥᠨ ᠰᠠᠭᠤᠯᠠᠭᠠᠨ ᠳᠤ ᠮᠢᠨᠢ
ᠰᠠᠴᠤᠷᠠᠮᠠᠯ ᠭᠡᠭᠡ ᠪᠡᠨ ᠲᠤᠰᠬᠠᠵᠤ
ᠰᠠᠨᠴᠢᠬ ᠪᠤᠭᠤᠷᠤᠯ ᠡᠮᠡᠭᠡ ᠶ᠋ᠢᠨ ᠮᠢᠨᠢ
ᠬᠦᠲᠡᠯᠮᠦᠷᠢ ᠪᠦᠲᠦᠭᠡᠯ ᠊ᠢ ᠱᠠᠭᠰᠢᠵᠤ
ᠰᠠᠷᠠ ᠮᠠᠨᠲᠤᠲᠠᠭ
ᠰᠠᠨᠠᠬ᠋ᠠ ᠪᠠᠷ ᠶ᠋ᠢᠠᠨ ᠠᠭᠠᠰᠢᠯᠠᠲᠠᠭ ᠬᠡᠦᠬᠡᠳ ᠦ᠋ᠳ ᠦ᠋ᠨ
ᠰᠠᠬᠢᠯᠬ᠋ᠠ ᠦᠭᠡᠢ ᠰᠤᠷᠲᠠᠯ ᠊ᠢ ᠰᠢᠭᠦᠮᠵᠢᠯᠡᠵᠦ
ᠰᠠᠯᠠᠬ᠋ᠠ ᠪᠠᠷ ᠶ᠋ᠢᠠᠨ ᠬᠣᠯᠪᠤᠯᠲᠤᠭᠰᠠᠨ ᠮᠣᠲᠣᠳ ᠦ᠋ᠨ
ᠰᠠᠭᠠᠷᠠᠰᠢ ᠦᠭᠡᠢ ᠪᠠᠷᠢᠯᠲᠤᠯᠬ᠋ᠠ ᠶ᠋ᠢ ᠮᠠᠭᠲᠠᠵᠤ
ᠰᠠᠷᠠ ᠮᠠᠨᠲᠤᠲᠠᠭ
ᠰᠠᠷᠠᠭᠠᠲᠤ ᠶ᠋ᠢᠨ ᠥᠨᠲᠥᠷ ᠬᠥᠲᠥᠯ ᠦ᠋ᠨ
ᠰᠠᠯᠬᠢᠨ ᠪ ᠠᠶᠠᠰ ᠲᠤ ᠳᠣᠭᠲᠣᠯᠵᠤ
ᠬᠠᠷᠠᠭᠠᠲᠤ ᠶ᠋ᠢᠨ ᠥᠷᠭᠡᠨ ᠬᠥᠨᠲᠡᠢ ᠶ᠋ᠢᠨ
ᠠᠬᠢ ᠶ᠋ᠢᠨ ᠦᠨᠦᠷ ᠲᠦ ᠰᠣᠭᠲᠤᠭᠤᠷᠠᠵᠤ
ᠰᠠᠷᠠ ᠮᠠᠨᠲᠤᠲᠠᠭ ᠁
ᠢᠷᠡᠯᠲᠡ – ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ
ᠭᠦᠷᠵᠠᠪ ᠵᠣᠬᠢᠶᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ ᠪᠠᠭᠰᠢ
2023 ᠣᠨ ᠪ 3 ᠰᠠᠷᠠ ᠶ᠋ᠢᠨ 3 ᠪ ᠡᠲᠦᠷ