ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ – ᠭᠦᠷᠵᠠᠪ Хуухэд нас сайхан – Гүржав
295ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ
ᠭᠦᠷᠵᠠᠪ
ᠴᠠᠰᠤᠲᠠᠢ ᠥᠨᠲᠥᠷ ᠣᠷᠭᠢᠯ ᠦ᠋ᠨ
ᠴᠠᠭᠠᠨᠠ ᠨᠢ ᠶᠠᠭᠤ ᠪᠠᠶ᠋ᠢᠲᠠᠭ ᠪᠣᠯ ᠭᠡᠵᠦ ᠰᠣᠨᠢᠭᠤᠴᠢᠯᠠᠵᠤ
ᠴᠠᠷᠠᠰᠤᠲᠠᠢ ᠠᠭᠤᠲᠠᠮ ᠬᠥᠨᠲᠡᠢ ᠶ᠋ᠢᠨ
ᠵᠠᠬᠠ ᠳ᠋ᠤᠨᠢ ᠨᠢᠭᠡ ᠭᠠᠷᠤᠭᠰᠠᠨ ᠪᠣᠯ ᠡ ᠭᠡᠵᠦ ᠬᠦᠰᠡᠬᠦᠶ᠋ᠢᠴᠢᠯᠡᠵᠦ
ᠴᠠᠭ ᠦᠷᠭᠦᠯᠵᠢ ᠪᠣᠰᠣᠨ ᠰᠠᠭᠤᠨ ᠳᠡᠪᠬᠡᠷᠳᠡᠭ
ᠴᠣᠪᠣᠭᠣ ᠰᠡᠷᠭᠦᠯᠡᠩ
ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ !
ᠴᠡᠭ ᠴᠡᠭ ᠦ᠋ᠨ ᠨᠠᠭᠠᠲᠤᠮ ᠶ᠋ᠢᠠᠨ
ᠴᠢᠨᠦ ᠮᠢᠨᠦ ᠭᠡᠵᠦ ᠬᠤᠪᠢᠶᠠᠯ ᠦᠭᠡᠢ — ᠨᠡᠶ᠋ᠢᠯᠡᠭᠦᠯᠵᠦ
ᠵᠢᠭ᠌ ᠵᠢᠭ᠌ ᠦ᠋ᠨ ᠨᠠᠭᠠᠲᠤᠮ ᠶ᠋ᠢᠠᠨ
ᠵᠢᠮᠡᠯᠡᠭᠦᠯᠦᠨᠡ ᠤᠤ ᠪᠤᠷᠤᠭᠤᠰᠢᠶᠠᠯᠭᠠᠨᠠ ᠤᠤ ᠳ᠋ᠠ
ᠰᠡᠵᠢᠭ᠌ᠯᠡᠯ ᠦᠭᠡᠢ — ᠪᠠᠲᠠᠷᠠᠭᠤᠯᠵᠤ
ᠵᠢᠯ ᠦ᠋ᠨ ᠵᠢᠯ ᠳ᠋ᠡᠭᠡᠨ
ᠵᠢᠷᠭᠢᠨ ᠂ ᠲᠠᠭᠤᠯᠠᠨ ᠂ ᠦᠨᠳᠦᠷᠵᠢᠳᠡᠭ
ᠵᠢᠭᠳᠡ ᠡᠰᠡᠷᠡᠭ ᠠᠵᠢᠯᠯᠠᠬ᠋ᠠ ᠲᠣᠭᠯᠠᠭᠠᠮ ᠨᠢ ᠰᠠᠶ᠋ᠢᠬᠠᠨ ᠃
ᠨᠠᠷᠠ ᠲᠠᠢ ᠡᠨᠡ ᠲᠩᠷᠢ ᠶ᠋ᠢ
ᠨᠠᠭᠠᠨᠠ ᠠ᠋ᠴᠠ ᠨᠢ ᠶᠠᠭᠤ ᠳᠣᠯᠣᠬ᠋ᠠ ᠲᠡᠢ ᠪᠣᠯ ᠭᠡᠵᠦ
ᠬᠠᠴᠢᠷᠬᠠᠵᠤ
ᠨᠠᠲᠠ ᠲᠠᠢ ᠠᠲᠠᠯᠢ ᠬᠡᠤᠭᠡᠳ
ᠨᠢᠭᠤᠴᠠ ᠶ᠋ᠢ ᠨᠢ ᠬᠡᠵᠢᠶᠡ ᠮᠡᠲᠡᠬᠦ ᠪᠣᠯ ᠭᠡᠵᠦ
ᠪᠣᠲᠣᠯᠭᠠᠰᠢᠷᠠᠵᠤ
ᠨᠠᠭᠠᠰᠢ ᠪᠠᠨ ᠂ ᠨᠠᠭᠠᠰᠢ ᠪᠠᠨ
ᠡᠷᠭᠢᠨ ᠂ ᠲᠤᠩᠭᠠᠨ ᠂ ᠭᠢᠯᠠᠯᠵᠠᠲᠠᠭ
ᠨᠢᠯᠬᠠ ᠪᠠᠯᠴᠢᠷ
ᠣᠶᠤᠨ ᠰᠡᠤᠠᠬᠢᠬᠦᠢ ᠨᠢ ᠰᠠᠶ᠋ᠢᠬᠠᠨ !
ᠨᠠᠭᠤᠷ ᠦ᠋ᠨ ᠣᠯᠠᠨ ᠰᠢᠪᠠᠭᠤᠳ ᠊ᠢ
ᠨᠤᠲᠤᠭ ᠲᠠᠭᠠᠨ ᠡᠩᠬᠡ ᠪᠠᠶ᠋ᠢᠯᠭᠠᠬᠤ ᠶ᠋ᠢ ᠬᠦᠰᠡᠵᠦ
ᠨᠣᠷᠠ ᠶ᠋ᠢᠨ ᠰᠢᠷᠭᠠᠯ ᠵᠡᠭᠡᠷᠡᠳ ᠊ᠢ
ᠨᠢᠭᠦᠯᠲᠦ ᠰᠤᠮᠤ ᠳᠦ
ᠨᠢᠭᠡ ᠶ᠋ᠢ ᠴᠦ᠍ ᠬᠣᠷᠣᠭᠲᠠᠭᠤᠯᠬᠤ ᠦᠭᠡᠢ ᠶ᠋ᠢ ᠰᠠᠨᠠᠵᠤ
ᠨᠠᠮᠤᠷ ᠦ᠋ᠨ ᠤᠷᠲᠤ ᠰᠥᠨᠢ ᠶ᠋ᠢ
ᠨᠣᠶ᠋ᠢᠷ ᠬᠣᠭᠣᠯᠠ ᠦᠭᠡᠢ ᠥᠩᠭᠡᠷᠡᠭᠦᠯᠳᠡᠭ
ᠨᠢᠭᠦᠯᠡᠰᠦᠩᠭᠦᠢ ᠬᠥᠭᠡᠷᠦᠬᠦᠨ
ᠦᠵᠡᠯ ᠰᠡᠤᠠᠬᠢᠯ ᠨᠢ ᠰᠠᠶ᠋ᠢᠬᠠᠨ !
ᠢᠷᠡᠯᠲᠡ – ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ
ᠭᠦᠷᠵᠠᠪ ᠵᠣᠬᠢᠶᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠳᠠᠰᠢᠮᠠ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ ᠪᠠᠭᠰᠢ
2023 ᠣᠨ ᠪ 3 ᠰᠠᠷᠠ ᠶ᠋ᠢᠨ 1 ᠪ ᠡᠲᠦᠷ