ᠠᠲᠤᠭᠤᠴᠢᠨАдуучин ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

 ᠠᠲᠤᠭᠤᠴᠢᠨ
                           
            ᠪ · ᠪᠥᠷᠢᠨᠪᠡᠬᠢ
ᠠᠲᠤᠭᠤᠨ ᠲᠤᠭᠤᠷᠠᠢ ᠫᠠᠴᠢᠭᠢᠨᠠᠭᠠᠳ ᠢᠷᠡᠯ᠎ᠡ
ᠠᠷᠲᠠᠭ ᠮᠣᠷᠢᠳ ᠬᠠᠯᠤᠰᠬᠢᠭᠠᠳ ᠳᠤᠲᠠᠭᠠᠯ᠎ᠠ
ᠠᠲᠠᠷ ᠦ᠋ᠨ ᠬᠥᠷᠥᠰᠥ ᠶ᠋ᠢ ᠵᠤᠯᠭᠠᠭᠠᠭᠠᠳ ᠬᠠᠶᠠᠯ᠎ᠠ
ᠠᠭᠠᠷ ᠦ᠋ᠨ ᠨᠢᠭᠤᠷ ᠊ᠢ ᠬᠬᠢᠷᠲᠦᠬᠡᠭᠡᠳ ᠲᠠᠯᠪᠢᠯ᠎ᠠ ᠃

ᠰᠣᠩᠭᠣᠵᠤ ᠤᠨᠤᠭᠰᠠᠨ ᠤᠷᠭᠠᠨ ᠮᠣᠷᠢ ᠨᠢ
ᠰᠤᠭᠤ ᠦᠰᠦᠷᠦᠨ ᠭᠠᠷᠤᠭᠠᠳ ᠬᠥᠭᠡᠭᠡᠯ᠎ᠡ
ᠰᠤᠷᠴᠤ ᠮᠡᠷᠭᠡᠰᠢᠭᠰᠡᠨ ᠬᠠᠰᠢᠷ ᠠᠲᠤᠭᠤᠴᠢᠨ
ᠰᠤᠭᠰᠠᠯᠵᠠᠭᠰᠠᠨ ᠤᠷᠬ᠋᠎ᠠ ᠪᠠᠨ ᠡᠷᠭᠦᠭᠡᠳ ᠳᠠᠪᠬᠢᠯ᠎ᠠ ᠃

ᠠᠭᠤᠲᠠᠮ ᠲᠠᠯ᠎ᠠ ᠨᠢ ᠰᠠᠨᠠᠬ᠋᠎ᠠ ᠲᠠᠢ ᠨᠢ ᠨᠡᠶ᠋ᠢᠴᠡᠭᠡᠳ
ᠤᠨᠤᠭᠰᠠᠨ ᠮᠣᠷᠢ ᠨᠢ ᠰᠡᠤᠠᠬᠢᠯ ᠲᠡᠢ ᠨᠢ ᠲᠠᠭᠠᠷᠠᠭᠠᠳ
ᠤᠶᠠᠭᠰᠠᠨ ᠤᠷᠬ᠋᠎ᠠ ᠨᠢ ᠴᠢᠲᠠᠯ ᠲᠠᠢ ᠨᠢ ᠲᠡᠩᠴᠡᠭᠡᠳ
ᠤᠷᠭᠠᠯᠠᠬᠤ ᠡᠷᠲᠡᠮ ᠨᠢ ᠨᠡᠩ ᠴᠤ᠌ ᠲᠣᠪᠣᠶ᠋ᠢᠯ᠎ᠠ ᠃

ᠬᠠᠷ᠎ᠠ ᠭᠠᠵᠠᠷ ᠲᠠᠶ᠋ᠢᠪᠠᠯᠵᠠᠵᠤ ᠪᠠᠶ᠋ᠢᠨ᠎ᠠ
ᠬᠠᠭᠲᠠ ᠡᠪᠡᠰᠦ ᠬᠤᠶ᠋ᠢᠯᠠᠷᠠᠵᠤ ᠪᠠᠶ᠋ᠢᠨ᠎ᠠ
ᠪᠣᠷᠣ ᠲᠣᠭᠣᠰᠣ ᠪᠤᠵᠢᠭᠢᠨᠠᠵᠤ ᠪᠠᠶ᠋ᠢᠨ᠎ᠠ
ᠪᠤᠲᠠᠨ ᠪ ᠲᠦᠷᠦᠭᠦᠦ ᠦᠰᠦᠷᠴᠦ ᠪᠠᠶ᠋ᠢᠨ᠎ᠠ ᠃

ᠬᠡᠷᠦᠵᠦ ᠣᠴᠢᠭᠠᠳ ᠬᠠᠰᠢᠭᠠᠳ ᠠᠪᠤᠯ᠎ᠠ
ᠬᠡᠲᠦ ᠳᠣᠣᠷ᠎ᠠ ᠨᠢ ᠨᠤᠭᠤᠯᠤᠭᠠᠳ ᠪᠤᠴᠠᠭᠠᠯ᠎ᠠ
ᠬᠡᠲᠦᠷᠡᠬᠦ ᠴᠦ᠍ ᠦᠭᠡᠢ᠂ ᠬᠣᠴᠣᠷᠬᠤ ᠴᠦ᠍ ᠦᠭᠡᠢ
ᠬᠡᠭᠡᠷ ᠮᠣᠷᠢ ᠶ᠋ᠢ ᠰᠡᠭᠦᠯᠲᠡᠭᠡᠳ ᠪᠠᠶ᠋ᠢᠯ᠎ᠠ ᠃

ᠤᠷᠭᠠᠨ ᠪ ᠦᠵᠦᠭᠦᠷ ᠳᠣᠬᠢᠰᠬᠢᠯ᠎ᠡ
ᠤᠨᠤᠭᠰᠠᠨ ᠮᠣᠷᠢ ᠨᠢ ᠵᠣᠭᠰᠣᠰᠬᠢᠯ᠎ᠡ
ᠤᠷᠢᠲᠠᠢ ᠨᠢ ᠵᠢᠭᠤᠲᠠᠭᠰᠠᠨ ᠲᠣᠭᠰᠢᠨ ᠬᠡᠭᠡᠷ
ᠤᠶᠠᠭᠠᠨ  ᠳᠤ ᠪᠠᠶ᠋ᠢᠬᠤ ᠰᠢᠭ᠋ ᠨᠣᠮᠣᠬᠠᠨ ᠪᠣᠯᠤᠯ᠎ᠠ ᠃

ᠰᠡᠷ ᠰᠡᠷ ᠰᠠᠯᠬᠢ ᠡᠮᠦᠨ᠎ᠡ ᠡᠴᠡ ᠦᠯᠢᠶᠡᠵᠦ
ᠰᠡᠪᠡᠭᠦᠨ ᠨᠣᠭᠣᠭᠠᠨ ᠪ ᠦᠨᠦᠷ ᠊ᠢ ᠠᠪᠴᠢᠷᠠᠨ᠎ᠠ
ᠰᠡᠤᠠᠬᠢᠯ  ᠳᠤ ᠲᠠᠭᠠᠲᠠᠢ ᠬᠠᠪᠤᠷ ᠦ᠋ᠨ ᠲᠠᠯ᠎ᠠ ᠳᠡᠭᠡᠷ᠎ᠡ
ᠰᠡᠷᠪᠡᠯᠵᠡᠭᠰᠡᠨ ᠵᠡᠷᠭᠡᠯᠭᠡᠨ ᠠᠯᠤᠰ  ᠲᠦ ᠰᠦᠮᠡᠯᠵᠡᠨ᠎ᠡ ᠃

ᠠᠭᠠᠰᠢᠲᠤ ᠬᠡᠭᠡᠷ ᠮᠢᠨᠢ ᠴᠢ ᠬᠠᠮᠢᠭᠠᠰᠢ ᠪᠠᠨ ᠳᠤᠲᠠᠭᠠᠨ᠎ᠠ ?
ᠠᠵᠢᠯᠴᠢ ᠡᠵᠡᠨ ᠴᠢᠨᠢ ᠪᠢ ᠡᠨᠲᠡ ᠪᠠᠶ᠋ᠢᠨ᠎ᠠ ᠭᠡᠬᠦ ᠰᠢᠭ᠌
ᠤᠷᠭᠠᠯᠠᠵᠤ ᠠᠪᠤᠭᠰᠠᠨ ᠮᠣᠷᠢ ᠪᠠᠨ ᠬᠥᠲᠥᠯᠦᠭᠰᠡᠭᠡᠷ
ᠤᠷᠤᠭᠰᠢ ᠪᠠᠨ ᠬᠠᠲᠠᠷᠢᠭᠤᠯᠤᠯ᠎ᠠ ᠮᠠᠨ ᠪ ᠠᠲᠤᠭᠤᠴᠢᠨ ᠃

        ᠢᠷᠡᠯᠲᠡ  ᠄   ᠨᠠᠶᠠᠭᠠᠳ ᠣᠨ ᠪ ᠪᠠᠬ᠋᠎ᠠ        
        ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠢᠴᠢᠶᠡᠯ ᠦ᠋ᠨ ᠪᠢᠴᠢᠭ ᠦ᠋ᠨ
        ᠰᠦᠯᠵᠢᠶᠡᠨ ᠬᠡᠪ ᠡᠴᠡ ᠰᠣᠩᠭᠣᠪᠠ ᠃

        ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ  ᠄   ᠲᠣ᠋ · ᠨᠠᠨᠲᠢᠨ
        ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣ‌‍ᠠ᠋
                                   2023.2.27