ᠲᠡᠮᠡᠴᠢ ᠶ᠋ᠢᠨ ᠰᠠᠶ᠋ᠢᠬᠠᠨ ᠥᠯᠥᠭᠡᠢ ᠮᠢᠨᠢ – ᠳ ᠂ ᠥᠯᠵᠡᠶ᠋ᠢᠲᠦ Тамчийн сайхан өлгий минь – Д ᠂ Өлзийт
371ᠲᠡᠮᠡᠴᠢ ᠶ᠋ᠢᠨ ᠰᠠᠶ᠋ᠢᠬᠠᠨ ᠥᠯᠥᠭᠡᠢ ᠮᠢᠨᠢ
ᠳ ᠂ ᠥᠯᠵᠡᠶ᠋ᠢᠲᠦ
ᠲᠠᠯᠠ ᠬᠠᠩᠭᠠᠢ ᠨᠢ ᠴᠡᠩᠬᠡᠷᠯᠡᠭᠰᠡᠨ
ᠲᠠᠭᠠᠨᠠ ᠶ᠋ᠢᠨ ᠴᠡᠴᠡᠭ ᠳᠡᠯᠭᠡᠷᠡᠭᠰᠡᠨ
ᠲᠠᠪᠤᠨ ᠡᠷᠲᠡᠨᠢ ᠶ᠋ᠢᠨ ᠷᠠᠰᠢᠶᠠᠨ ᠲᠠᠢ
ᠳᠠᠪᠬᠢᠬ᠋ᠠ ᠬᠤᠯᠠᠨ ᠪ ᠲᠣᠭᠣᠰᠣ ᠲᠠᠢ
ᠭᠥᠷᠥᠭᠡᠰᠦ ᠶᠠᠩᠭᠢᠷ ᠨᠢ ᠰᠦᠷᠦᠭᠯᠡᠭᠰᠡᠨ
ᠬᠥᠬᠥᠭᠡ ᠰᠢᠪᠠᠭᠤᠳ ᠨᠢ ᠳᠣᠩᠭᠣᠳᠤᠭᠰᠠᠨ
ᠬᠥᠪᠴᠢ ᠣᠢ ᠪᠠᠭᠰᠢᠷᠠᠨ ᠵᠢᠭᠳᠡᠷᠡᠭᠰᠡᠨ
ᠬᠥᠬᠡ ᠮᠠᠨᠠᠨ ᠨᠢᠮᠭᠡᠨ ᠭᠦᠰᠢᠭᠡᠯᠡᠭᠰᠡᠨ
ᠬᠦᠷᠡᠩ ᠲᠡᠮᠡᠴᠢ ᠰᠠᠶ᠋ᠢᠬᠠᠨ ᠥᠯᠥᠭᠡᠢ ᠮᠢᠨᠢ ᠡ ᠃
ᠬᠣᠶᠠᠷ ᠰᠥᠨᠢᠳ ᠊ᠢ ᠬᠣᠯᠪᠣᠭᠰᠠᠨ
ᠬᠤᠸᠠᠷ ᠴᠡᠴᠡᠭ ᠦ᠋ᠨ ᠮᠢᠷᠠᠯᠵᠠᠭᠠᠨ ᠲᠠᠢ
ᠬᠣᠷᠸ᠋ᠠ ᠶ᠋ᠢᠨ ᠰᠠᠶ᠋ᠢᠬᠠᠨ ᠦᠵᠡᠮᠵᠢ ᠪᠡᠷ
ᠬᠣᠯᠠ ᠣᠶ᠋ᠢᠷᠠ ᠳᠦ ᠪᠠᠨ ᠠᠯᠲᠠᠷᠰᠢᠬᠰᠠᠨ
ᠬᠤᠷᠲᠤᠨ ᠮᠠᠰᠢᠨ ᠡᠲᠦᠷᠵᠢᠨ ᠠᠶᠠᠯᠠᠭᠰᠠᠨ ᠴᠤ᠌
ᠬᠣᠶ᠋ᠢᠮᠣᠷ ᠨᠢ ᠬᠠᠷᠠᠭᠲᠠᠬᠤ ᠦᠭᠡᠢ ᠨᠤᠲᠤᠭ
ᠬᠤᠨ ᠭᠠᠯᠠᠭᠤ ᠬᠤᠷᠲᠤᠯᠠᠨ ᠨᠢᠰᠦᠭᠰᠡᠨ ᠴᠤ᠌
ᠪᠠᠷᠠ ᠨᠢ ᠦᠵᠡᠭᠳᠡᠬᠦ ᠦᠭᠡᠢ ᠭᠠᠵᠠᠷ
ᠪᠠᠶ᠋ᠢᠭᠠᠯᠢ ᠶ᠋ᠢᠨ ᠰᠣᠲᠣᠨ ᠶ᠋ᠢᠠᠨ ᠭᠠᠶ᠋ᠢᠬᠠᠭᠤᠯᠤᠭᠰᠠᠨ
ᠪᠠᠶᠠᠯᠢᠬ ᠥᠯᠥᠭᠡᠢ ᠲᠡᠮᠡᠴᠢ ᠮᠢᠨᠢ ᠰᠠᠶ᠋ᠢᠬᠠᠨ ᠡ ᠃
ᠬᠦᠭᠰᠢᠨ ᠬᠤᠤᠬᠤᠩ ᠦ᠋ᠨ ᠰᠢᠨᠲᠠᠰᠤ ᠶ᠋ᠢ ᠰᠢᠯᠭᠠᠭᠰᠠᠨ
ᠬᠦᠬᠡᠮᠳᠦᠭ ᠬᠠᠩᠭᠠᠢ ᠶ᠋ᠢᠨ ᠥᠷᠭᠡᠨ ᠲᠠᠯᠠ ᠲᠠᠢ
ᠬᠥᠬᠡᠷᠡᠨ ᠤᠨᠢᠶᠠᠷᠲᠤᠭᠰᠠᠨ ᠵᠡᠷᠭᠡᠯᠭᠡᠨᠲᠦ ᠲᠠᠯᠠ ᠳᠦ ᠨᠢ
ᠬᠦᠯᠦᠭ ᠠᠲᠤᠭᠤᠳ ᠢᠨᠴᠠᠭᠠᠨ ᠦᠦᠷᠰᠡᠭᠰᠡᠨ
ᠬᠥᠬᠡ ᠮᠣᠩᠭᠣᠯ ᠦ᠋ᠨ ᠳᠣᠮᠣᠭᠲᠤ ᠥᠯᠥᠭᠡᠢ
ᠬᠦᠰᠡᠯᠡᠩ ᠦ᠋ᠨ ᠰᠠᠶ᠋ᠢᠬᠠᠨ ᠲᠡᠮᠡᠴᠢ ᠮᠢᠨᠢ ᠠ᠋ ᠃
ᠲᠠᠪᠤᠨ ᠲᠣᠯᠣᠭᠠᠢ ᠨᠢ ᠠᠯᠤᠰ ᠲᠦ ᠬᠠᠷᠠᠭᠲᠠᠭᠰᠠᠨ
ᠳᠠᠪᠬᠢᠭᠠᠳ ᠬᠤᠷᠲᠤᠯᠠᠭᠰᠠᠨ ᠴᠤ᠌ ᠲᠤᠭᠤᠯᠠᠰᠢ ᠦᠭᠡᠢ
ᠲᠠᠯᠠ ᠭᠣᠪᠢ ᠨᠢ ᠰᠦᠮᠡᠯᠵᠡᠭᠰᠡᠨ ᠠᠭᠤᠲᠠᠮ ᠲᠡᠮᠡᠴᠢ
ᠳᠡᠯᠡᠬᠡᠢ ᠶ᠋ᠢᠨ ᠭᠠᠶ᠋ᠢᠬᠠᠮᠰᠢᠬᠲᠤ ᠰᠠᠶ᠋ᠢᠬᠠᠨ ᠥᠯᠥᠭᠡᠢ
ᠳᠡᠯᠭᠡᠷ ᠮᠣᠩᠭᠣᠯ ᠦ᠋ᠨ ᠭᠣᠶᠣᠬᠠᠨ ᠲᠡᠮᠡᠴᠢ ᠮᠢᠨᠢ ᠠ᠋ ᠃
2023 ᠂ 2 ᠂ 20
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠳ ᠣᠶᠤᠨᠪᠢᠯᠢᠭ᠌
ᠬᠢᠨᠠᠭᠰᠠᠨ ᠨᠢ ᠄ ᠣᠤᠠᠬᠠᠨᠰᠣ ᠡ