ᠢᠷᠦᠭᠡᠯᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ – ᠦ · ᠳᠠᠮᠷᠢᠨ Ерөөлт цагаан монгол гэр – Ө · Дамиран
295ᠢᠷᠦᠭᠡᠯᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠦ · ᠳᠠᠮᠷᠢᠨ
ᠡᠷᠡᠯᠬᠡᠭ ᠮᠣᠩᠭᠣᠯ ᠦᠨᠲᠦᠰᠦᠲᠡᠨ ᠪ
ᠵᠢᠪᠬᠤᠯᠠᠩᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠡᠵᠡᠨ ᠴᠢᠩᠭᠢᠰ ᠦ᠋ᠨ ᠰᠠᠭᠠᠲᠠᠭᠰᠠᠨ
ᠵᠢᠷᠭᠠᠯᠠᠩᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ ᠃
ᠡᠷᠲᠡᠨᠢ ᠰᠢᠬᠦᠷ ᠲᠣᠭᠣᠨᠣ ᠲᠠᠢ
ᠡᠩᠬᠦᠷᠡᠢ ᠠᠯᠲᠠᠨ ᠪᠣᠱᠣᠬ᠋ᠠ ᠲᠠᠢ
ᠵᠠᠭᠣᠨ ᠨᠠᠢ᠍ᠮᠠᠨ ᠣᠨᠢ ᠲᠠᠢ
ᠵᠢᠷᠭᠤᠭᠠᠨ ᠶᠡᠬᠡ ᠬᠠᠨᠠ ᠲᠠᠢ
ᠬᠥᠪᠥᠩ ᠴᠠᠭᠠᠨ ᠡᠷᠦᠬᠡ ᠲᠡᠢ
ᠬᠦᠯᠲᠦᠷᠭᠡᠲᠦ ᠴᠠᠭᠠᠨ ᠳᠡᠭᠡᠪᠦᠷ ᠲᠡᠢ
ᠦᠷᠭᠡᠨ ᠴᠠᠭᠠᠨ ᠲᠤᠭᠤᠷᠬ᠋ᠠ ᠲᠠᠢ
ᠥᠭᠡᠲᠡᠩ ᠬᠠᠷᠠ ᠪᠦᠰᠡᠯᠡᠭᠦᠷ ᠲᠡᠢ
ᠭᠠᠷ ᠦ᠋ᠨ ᠤᠷᠠᠯᠢᠬ ᠊ᠢ ᠭᠠᠶ᠋ᠢᠬᠠᠭᠤᠯᠤᠭᠰᠠᠨ
ᠭᠠᠶ᠋ᠢᠬᠠᠮᠰᠢᠬᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠭᠠᠯᠪᠠ ᠳᠡᠯᠡᠬᠡᠢ ᠳᠦ ᠬᠤᠤᠰ ᠦᠭᠡᠢ
ᠦᠵᠡᠰᠭᠦᠯᠡᠩᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ ᠃
ᠠᠷᠪᠠᠨ ᠳᠡᠰ ᠦ᠋ᠨ ᠰᠠᠯᠬᠢᠨ ᠳᠦ
ᠬᠦᠲᠡᠯᠦᠰᠢ ᠦᠭᠡᠢ ᠴᠢᠬᠳᠠᠭᠠ ᠲᠠᠢ
ᠠᠭᠠᠲᠠᠷ ᠰᠢᠷᠦᠭᠦᠨ ᠪᠣᠷᠤᠭᠠᠨ ᠳᠦ
ᠨᠡᠪᠲᠡᠷᠡᠰᠢ ᠦᠭᠡᠢ ᠪᠦᠷᠢᠶᠡᠰᠦ ᠲᠡᠢ
ᠬᠥᠬᠡᠭᠡ ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠳᠦ
ᠬᠦᠰᠢᠭᠡ ᠶ᠋ᠢ ᠨᠢ ᠲᠠᠲᠠᠴᠢᠬᠠᠪᠠᠯ ᠳᠣᠯᠠᠭᠠᠬᠠᠨ
ᠲᠤᠩᠭᠠᠯᠠᠭ ᠵᠤᠨ ᠪ ᠬᠠᠯᠠᠭᠤᠨ ᠳᠦ
ᠲᠤᠭᠤᠷᠬ᠋ᠠ ᠶ᠋ᠢ ᠨᠢ ᠰᠡᠬᠦᠴᠢᠬᠡᠪᠡᠯ ᠰᠡᠷᠢᠭᠦᠬᠡᠨ
ᠴᠢ ᠪᠢᠲᠡᠨ ᠳᠦ ᠵᠠᠶᠠᠭᠠᠬᠰᠠᠨ
ᠢᠷᠦᠭᠡᠯᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠴᠡᠩᠭᠡᠯ ᠪᠠᠶᠠᠷ ᠪᠢᠯᠬᠠᠬᠰᠠᠨ
ᠪᠠᠶᠠᠰᠬᠤᠯᠠᠩᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ ᠃
ᠥᠷᠭᠡᠨ ᠴᠠᠭᠠᠨ ᠰᠢᠷᠢᠳᠡᠭ ᠳᠡᠭᠡᠷᠡ ᠨᠢ
ᠥᠩᠭᠡ ᠶ᠋ᠢᠨ ᠬᠡᠪᠢᠰ ᠮᠢᠷᠠᠯᠵᠠᠭᠰᠠᠨ
ᠡᠷᠢᠶᠡᠨ ᠬᠤᠸᠠᠷ ᠲᠠᠢ ᠬᠠᠶ᠋ᠢᠷᠴᠠᠭ ᠳᠡᠭᠡᠷᠡ ᠨᠢ
ᠡᠭᠡᠰᠢᠭᠲᠦ ᠷᠠᠲᠢᠣ᠋ ᠬᠠᠩᠭᠢᠨᠠᠭᠰᠠᠨ
ᠰᠢᠵᠢᠷ ᠴᠠᠭᠠᠷᠢᠬᠲᠤ ᠭᠠᠩ ᠳᠦ ᠨᠢ
ᠰᠢᠮᠡᠲᠦ ᠠᠶ᠋ᠢᠷᠠᠭ ᠬᠦᠭᠡᠰᠦᠷᠡᠭᠰᠡᠨ
ᠱ᠌ᠢᠷᠦᠨ ᠤᠯᠠᠭᠠᠨ ᠪᠤᠲᠤᠩ ᠳᠦ ᠨᠢ
ᠰᠢᠷᠠ ᠲᠣᠰᠣ ᠪᠢᠯᠬᠠᠷᠠᠭᠰᠠᠨ
ᠴᠡᠭᠡ ᠠᠶ᠋ᠢᠷᠠᠭ ᠬᠠᠩᠬᠤᠯᠤᠭᠰᠠᠨ
ᠥᠯᠵᠡᠶ᠋ᠢᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠴᠡᠯᠡᠭᠡᠷ ᠲᠠᠯᠠ ᠪᠠᠷ ᠨᠡᠭᠦᠳᠡᠯᠯᠡᠭᠰᠡᠨ
ᠲᠡᠦᠬᠡᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ ᠃
ᠡᠪᠡᠰᠦ ᠤᠰᠤ ᠮᠠᠭᠤᠲᠠᠭᠠᠳ
ᠬᠥᠲᠡᠯᠦᠶᠡ ᠭᠡᠪᠡᠯ ᠠᠴᠢᠴᠢᠬᠠᠨᠠ
ᠥᠨᠥ ᠮᠠᠷᠭᠠᠰᠢ ᠬᠡᠵᠢᠶᠡ ᠴᠤ᠌
ᠨᠡᠭᠦᠶᠡ ᠭᠡᠪᠡᠯ ᠨᠡᠭᠦᠴᠢᠬᠡᠨᠡ ᠃
ᠰᠢᠮᠡᠲᠦ ᠪᠡᠯᠴᠢᠭᠡᠷ ᠬᠠᠮᠢᠬ᠋ᠠ ᠪᠣᠯ
ᠲᠡᠨᠲᠡ ᠨᠡᠭᠦᠭᠡᠳ ᠪᠠᠭᠤᠴᠢᠬᠠᠨᠠ
ᠰᠢᠨᠡ ᠰᠣᠷᠭᠣᠭ ᠨᠤᠲᠤᠭ ᠲᠤ
ᠥᠷᠭᠥᠭᠡ ᠭᠡᠷ ᠶ᠋ᠢᠡᠨ ᠪᠠᠷᠢᠴᠢᠬᠠᠨᠠ ᠃
ᠨᠠᠷᠠᠨ ᠮᠠᠨᠲᠠᠯᠲᠤ ᠠᠭᠤᠯᠠ ᠶ᠋ᠢᠨ ᠶ᠋ᠢᠡᠨ
ᠡᠩᠭᠡᠷ ᠳᠡᠭᠡᠷᠡ ᠨᠢ ᠪᠠᠭᠤᠴᠠ ᠲᠠᠢ
ᠨᠠᠪᠴᠢ ᠴᠡᠴᠡᠭᠲᠦ ᠲᠠᠯᠠ ᠶ᠋ᠢᠨ ᠶ᠋ᠢᠡᠨ
ᠡᠯᠢᠭᠡᠨ ᠳᠡᠭᠡᠷᠡ ᠨᠢ ᠪᠠᠭᠤᠴᠠ ᠲᠠᠢ
ᠪᠣᠯᠣᠷ ᠤᠷᠤᠰᠬᠠᠯᠲᠤ ᠭᠣᠣᠯ ᠦ᠋ᠨ ᠶ᠋ᠢᠠᠨ
ᠳᠡᠨᠵᠢᠨ ᠳᠡᠭᠡᠷᠡ ᠨᠢ ᠪᠠᠭᠤᠴᠠ ᠲᠠᠢ
ᠪᠠᠶᠠᠨ ᠦᠷᠡᠵᠢᠯᠲᠦ ᠰᠦᠷᠦᠭ ᠦ᠋ᠨ ᠶ᠋ᠢᠡᠨ
ᠪᠡᠯᠴᠢᠭᠡᠷ ᠳᠡᠭᠡᠷᠡ ᠨᠢ ᠪᠠᠭᠤᠴᠠ ᠲᠠᠢ
ᠰᠦᠯᠲᠡ ᠴᠠᠭᠠᠨ ᠬᠡᠢ ᠮᠣᠷᠢ ᠲᠠᠢ
ᠭᠡᠷᠡᠯᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠰᠦᠷᠦᠭ ᠮᠠᠯ ᠦ᠋ᠨ ᠳᠠᠯᠠᠯᠬ᠋ᠠ ᠲᠠᠢ
ᠬᠡᠰᠢᠭᠲᠦ ᠴᠠᠭᠠᠨ ᠮᠣᠩᠭᠣᠯ ᠭᠡᠷ ᠃
ᠡᠪᠦᠭᠡᠳ ᠦ᠋ᠨ ᠠᠯᠲᠠᠷ ᠊ᠢ ᠳᠠᠭᠤᠷᠢᠰᠬᠠᠭᠰᠠᠨ
ᠲᠤᠷᠠᠰᠬᠠᠯᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ
ᠦᠷᠡᠰ ᠨᠢ ᠵᠠᠯᠭᠠᠵᠤ ᠭᠡᠷᠡᠯᠲᠦᠭᠦᠯᠦᠭᠰᠡᠨ
ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠮᠣᠩᠭᠣᠯ ᠭᠡᠷ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠥᠷᠯᠦᠭ ᠂ ᠰᠠᠷᠠᠨᠠ ᠂ ᠪᠦᠷᠢᠨᠵᠢᠷᠭᠠᠯ
ᠬᠢᠨᠠᠭᠴᠢ ᠪᠠᠭ᠍ᠰᠢ᠄ ᠮᠥᠴᠢᠷ