ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ – ᠲ · ᠴᠠᠭᠠᠨ Эмзэгхэн хүрэн чулуугаа эмтэлж битгий хагалаарай – Т · Цагаан
346ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ
ᠲ · ᠴᠠᠭᠠᠨ
ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ
ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ
ᠴᠡᠩᠬᠡᠷ ᠲᠩᠷᠢ ᠶ᠋ᠢᠨ ᠥᠩᠭᠡ ᠲᠡᠢ
ᠬᠥᠬᠡ ᠴᠢᠯᠠᠭᠤ ᠡᠬᠡ ᠣᠷᠣᠨ
ᠴᠡᠴᠡᠨ ᠤᠬᠠᠭᠠᠨ ᠪ ᠰᠢᠲᠢ ᠲᠡᠢ
ᠴᠠᠬᠢᠭᠤᠷ ᠴᠢᠯᠠᠭᠤ ᠡᠬᠡ ᠣᠷᠣᠨ
ᠴᠡᠭᠡᠨ ᠰᠠᠷᠠᠨ ᠪ ᠭᠡᠷᠡᠯ ᠣᠶ᠋ᠢᠬᠰᠠᠨ
ᠴᠠᠭᠠᠨ ᠴᠢᠯᠠᠭᠤ ᠡᠬᠡ ᠣᠷᠣᠨ
ᠴᠡᠴᠡᠭᠡᠰ ᠦ᠋ᠨ ᠥᠩᠭᠡ ᠪᠡᠷ ᠰᠣᠯᠣᠩᠭᠠᠷᠠᠭᠰᠠᠨ
ᠭᠣᠪᠢ ᠶ᠋ᠢᠨ ᠴᠢᠯᠠᠭᠤ ᠡᠬᠡ ᠣᠷᠣᠨ
ᠡᠬᠡ ᠳᠡᠯᠡᠬᠡᠢ ᠶ᠋ᠢᠨ ᠴᠢᠯᠠᠭᠤ ᠶ᠋ᠢ
ᠡᠩᠬᠦᠷᠡᠶ᠋ᠢᠯᠡᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠃
ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ
ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ ᠃
ᠡᠩᠬᠡ ᠮᠡᠨᠲᠦ ᠶ᠋ᠢᠨ ᠠᠮᠢᠨ ᠰᠠᠬᠢᠶᠠ
ᠡᠰᠡᠨᠢᠯ ᠮᠠᠨᠲᠤᠯ ᠦ᠋ᠨ ᠤᠶᠠᠩᠭᠠᠨ ᠲᠦᠷᠡᠯᠭᠡ
ᠡᠪ ᠪᠦᠯᠬᠦᠮᠲᠡᠯ ᠦ᠋ᠨ ᠲᠣᠷᠭᠠᠨ ᠵᠤᠯᠠᠢ
ᠡᠪᠲᠡᠷᠡᠰᠢ ᠦᠭᠡᠢ ᠪᠠᠲᠤ ᠲᠠᠩᠭᠠᠷᠢᠬ
ᠡᠬᠡ ᠣᠷᠣᠨ ᠪ ᠮᠢᠨᠢ ᠯᠤᠭᠰᠢᠬᠤ ᠵᠢᠷᠦᠬᠡ
ᠡᠬᠡ ᠳᠡᠯᠡᠬᠡᠢ ᠶ᠋ᠢᠨ ᠴᠢᠯᠠᠭᠤ ᠪᠠᠨ
ᠡᠩᠬᠦᠷᠡᠶ᠋ᠢᠯᠡᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠃
ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ
ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ ᠃
ᠡᠴᠢᠭᠡ ᠶ᠋ᠢᠨ ᠮᠢᠨᠢ ᠲᠡᠭᠷᠢᠯᠢᠭ ᠰᠦᠷ
ᠡᠵᠢ ᠶ᠋ᠢᠨ ᠮᠢᠨᠢ ᠠᠩᠭᠢᠷ ᠤᠭᠤᠷᠠᠭ
ᠡᠩᠬᠦᠷᠡᠢ ᠦᠷᠡᠰ ᠦ᠋ᠨ ᠮᠢᠨᠢ ᠬᠣᠩᠭᠣᠷ ᠵᠤᠯᠠᠢ
ᠡᠬᠡ ᠣᠷᠣᠨ ᠪ ᠮᠢᠨᠢ ᠶᠢᠰᠦᠨ ᠡᠷᠲᠡᠨᠢ
ᠡᠷᠡᠯᠬᠡᠭ ᠪᠦᠷᠭᠦᠳ ᠦ᠋ᠨ ᠰᠣᠲᠣᠨ ᠵᠢᠭᠦᠷ
ᠡᠬᠡ ᠳᠡᠯᠡᠬᠡᠢ ᠶ᠋ᠢᠨ ᠴᠢᠯᠠᠭᠤ ᠪᠠᠨ
ᠡᠩᠬᠦᠷᠡᠶ᠋ᠢᠯᠡᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠃
ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ
ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠤᠯᠤᠭᠠᠷᠠᠢ ᠃
ᠡᠷᠲᠡᠨᠢ ᠰᠣᠶᠣᠯ ᠦ᠋ᠨ ᠣᠶᠤᠨ ᠪ ᠭᠠᠶ᠋ᠢᠬᠠᠮᠰᠢᠬ
ᠡᠷᠲᠡᠨ ᠪ ᠬᠠᠲᠠᠨ ᠵᠢᠷᠤᠭ ᠦ᠋ᠨ ᠪᠠᠶ᠋ᠢᠭᠠᠯᠢ ᠶ᠋ᠢᠨ ᠮᠦᠽᠸᠢ
ᠡᠷᠬᠡ ᠴᠢᠯᠥᠭᠡᠨ ᠪ ᠲᠥᠯᠥᠭᠡ ᠡᠷᠡᠰᠲᠡᠵᠦ ᠲᠤᠰᠤᠭᠰᠠᠨ
ᠡᠷᠡ ᠬᠥᠮᠦᠨ ᠪ ᠴᠢᠰᠤᠨ ᠴᠢᠯᠠᠭᠤᠵᠢᠮᠠᠯ
ᠡᠩᠬᠡ ᠲᠠᠶ᠋ᠢᠪᠤᠩ ᠦ᠋ᠨ ᠴᠠᠭᠠᠨ ᠲᠠᠭᠲᠠᠬ᠋ᠠ
ᠡᠬᠡ ᠳᠡᠯᠡᠬᠡᠢ ᠶ᠋ᠢᠨ ᠴᠢᠯᠠᠭᠤ ᠪᠠᠨ
ᠡᠩᠬᠦᠷᠡᠶ᠋ᠢᠯᠡᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠃
ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ
ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ ᠃
《 ᠬᠢᠩᠭᠠᠨ ᠳᠠᠯᠠᠢ 》 ᠶ᠋ᠢ ᠰᠢᠷᠭᠢᠭᠡᠭᠰᠡᠨ
ᠲᠡᠦᠬᠡ ᠶ᠋ᠢᠨ ᠪᠤᠭᠤᠷᠤᠯ ᠣᠨᠢᠰᠣᠬ᠋ᠠ
ᠬᠡᠭᠡᠷᠡ ᠭᠣᠪᠢ ᠶ᠋ᠢ ᠲᠤᠭᠤᠯᠤᠭᠰᠠᠨ
ᠲᠡᠮᠡᠭᠡᠨ ᠵᠢᠩ ᠦ᠋ᠨ ᠴᠤᠪᠤᠬ᠋ᠠ
ᠬᠡᠴᠢᠨᠡᠭᠡᠨ ᠵᠠᠭᠤᠨ ᠊ᠢ ᠡᠯᠡᠭᠡᠭᠰᠡᠨ
ᠬᠥᠮᠦᠨ ᠴᠢᠯᠠᠭᠤᠨ ᠬᠥᠰᠢᠶᠡ
ᠬᠡᠭᠡᠨᠴᠢᠷ ᠰᠠᠶ᠋ᠢᠬᠠᠨ ᠨᠤᠲᠤᠭ ᠦ᠋ᠨ
ᠨᠠᠷᠠᠨ ᠪ ᠬᠦᠷᠡᠩ ᠴᠢᠯᠠᠭᠤ
ᠬᠡᠨ ᠴᠤ᠌ ᠬᠥᠨᠲᠡᠵᠦ ᠪᠣᠯᠣᠰᠢ ᠦᠭᠡᠢ
ᠲᠤᠯᠬ᠋ᠠ ᠶ᠋ᠢᠨ ᠭᠤᠷᠪᠠᠨ ᠴᠢᠯᠠᠭᠤ
ᠡᠬᠡ ᠳᠡᠯᠡᠬᠡᠢ ᠶ᠋ᠢᠨ ᠴᠢᠯᠠᠭᠤ ᠶ᠋ᠢ
ᠡᠩᠬᠦᠷᠡᠶ᠋ᠢᠯᠡᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠃
ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ
ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ᠃
ᠥᠨᠲᠥᠷ ᠲᠡᠭᠷᠢ ᠶ᠋ᠢᠨ ᠣᠲᠣᠳ ᠲᠠᠢ
ᠢᠵᠢᠯᠢᠬᠡᠨ ᠵᠠᠶᠠᠬ᠋ᠠ ᠬᠤᠪᠢᠶᠠᠯᠴᠠᠵᠤ
ᠥᠭᠡᠲᠡ ᠲᠡᠢ ᠤᠷᠤᠭᠤ ᠲᠠᠢ ᠠᠮᠢᠲᠤᠷᠠᠯ ᠊ᠢ
ᠥᠷᠥᠪᠴᠢᠬᠡᠨ ᠰᠡᠤᠠᠬᠢᠯ ᠶ᠋ᠢᠡᠷ ᠪᠥᠬᠡᠴᠡᠶ᠋ᠢᠯᠡᠵᠦ
《 ᠥᠨᠥᠴᠢᠨ ᠴᠠᠭᠠᠨ ᠪᠣᠲᠣᠭᠣ 》 ᠪᠠᠨ
ᠰᠥᠨᠢᠵᠢᠨ ᠪᠥᠪᠠᠶ᠋ᠢᠯᠡᠨ ᠠᠷᠭᠠᠲᠠᠵᠤ
ᠥᠷᠥᠰᠢᠶᠡᠯ ᠶᠡᠬᠡᠲᠡᠢ ᠪᠠᠶ᠋ᠢᠭᠠᠯᠢ ᠠ᠋ᠴᠠ
ᠥᠮᠴᠢᠯᠡᠵᠦ ᠠᠪᠤᠭᠰᠠᠨ ᠥᠪ ᠮᠢᠨᠢ
ᠡᠪᠦᠭᠡ ᠳᠡᠭᠡᠳᠦᠰ ᠦ᠋ᠨ ᠮᠢᠨᠢ
ᠦᠯᠡᠲᠡᠭᠡᠵᠦ ᠥᠭᠭᠦᠭᠰᠡᠨ ᠰᠢᠷᠣᠢ
ᠡᠬᠡ ᠳᠡᠯᠡᠬᠡᠢ ᠶ᠋ᠢᠨ ᠴᠢᠯᠠᠭᠤ ᠪᠠᠨ
ᠡᠩᠬᠦᠷᠡᠶ᠋ᠢᠯᠡᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠃
ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ
ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ᠃
ᠡᠷᠢᠶᠡᠨ ᠭᠣᠪᠢ ᠶ᠋ᠢᠨ ᠡᠷᠡᠬᠡᠢ ᠶ᠋ᠢᠨ ᠴᠢᠨᠡᠭᠡᠨ ᠴᠢᠯᠠᠭᠤᠨ ᠳᠡᠭᠡᠷᠡ
ᠡᠬᠡ ᠣᠷᠣᠨ ᠪ ᠮᠢᠨᠢ ᠪᠦᠲᠦᠨ ᠵᠠᠶᠠᠬ᠋ᠠ ᠪᠠᠭᠲᠠᠲᠠᠭ ᠶᠤᠮ
ᠡᠯᠢᠭᠡ ᠪᠦᠲᠦᠨ ᠠᠮᠢᠲᠤᠷᠠᠯ ᠦ᠋ᠨ
ᠡᠩᠬᠡ ᠶ᠋ᠢᠨ ᠪᠠᠶᠠᠷ ᠵᠢᠷᠭᠠᠯᠠᠩ ᠴᠠᠯᠭᠢᠲᠠᠭ ᠶᠤᠮ ᠭᠡᠵᠦ
ᠡᠴᠢᠭᠡ ᠮᠢᠨᠢ ᠰᠤᠷᠭᠠᠭᠰᠠᠨ ᠶᠤᠮ
ᠡᠵᠢ ᠮᠢᠨᠢ ᠵᠠᠬᠢᠬᠰᠠᠨ ᠶᠤᠮ
ᠡᠬᠡ ᠳᠡᠯᠡᠬᠡᠢ ᠶ᠋ᠢᠨ ᠴᠢᠯᠠᠭᠤ ᠪᠠᠨ
ᠡᠩᠬᠦᠷᠡᠶ᠋ᠢᠯᠡᠨ ᠬᠠᠶ᠋ᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠃
ᠡᠮᠵᠡᠭᠬᠡᠨ ᠬᠦᠷᠡᠩ ᠴᠢᠯᠠᠭᠤ ᠪᠠᠨ
ᠡᠮᠲᠡᠯᠵᠦ ᠪᠢᠲᠡᠭᠡᠢ ᠬᠠᠭᠠᠯᠤᠭᠠᠷᠠᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠬᠠᠢ ᠶᠢᠩ ᠂ ᠪᠤᠤ ᠿᠦᠩ ᠬᠤᠸᠠ ᠃
ᠬᠢᠨᠠᠭᠴᠢ ᠪᠠᠭ᠍ᠰᠢ ᠄ ᠮᠥᠴᠢᠷ