ᠲᠩᠷᠢ ᠶ᠋ᠢᠨ ᠪᠣᠲᠣᠭᠣ – ᠯᠸ᠊ · ᠡᠩᠬᠡᠬᠠᠲᠠ Тэнгэрийн ботго – Л ·Энххад
527ᠲᠩᠷᠢ ᠶ᠋ᠢᠨ ᠪᠣᠲᠣᠭᠣ
ᠯᠸ᠊ · ᠡᠩᠬᠡᠬᠠᠲᠠ
ᠲᠡᠮᠡᠭᠡ — ᠲᠩᠷᠢ ᠶ᠋ᠢᠨ ᠪᠣᠲᠣᠭᠣ
ᠲᠡᠮᠡᠭᠡ — ᠳᠡᠪᠡᠯ ᠲᠡᠢ ᠤᠯᠤᠰ ᠦ᠋ᠨ ᠲᠡᠭᠷᠢᠯᠢᠭ ᠤᠨᠤᠬ᠋ᠠ
ᠲᠡᠮᠡᠭᠡ — ᠲᠡᠰᠪᠦᠷᠢ ᠪᠡᠨ ᠨᠢᠭᠤᠭᠰᠠᠨ ᠭᠠᠵᠠᠷ ᠦ᠋ᠨ ᠲᠡᠩᠬᠡᠭᠡ ᠃
ᠪᠡᠶᠡ ᠶ᠋ᠢ ᠨᠢ ᠬᠠᠷᠠᠬᠤ ᠳᠦ ᠢᠲᠡᠭᠡᠯ ᠬᠠᠶ᠋ᠢᠷᠠᠯᠠᠲᠠᠭ
ᠪᠠᠶ᠋ᠢᠷᠢᠨ ᠳᠦ ᠪᠠᠨ ᠪᠠᠶ᠋ᠢᠬᠤ ᠳᠦ ᠪᠠᠶᠠᠨ ᠬᠠᠷᠠᠭᠲᠠᠲᠠᠭ
ᠪᠤᠤᠷᠠ ᠲᠠᠢ ᠪᠠᠨ ᠪᠡᠯᠴᠢᠬᠦ ᠳᠦ ᠠᠮᠤᠭᠤᠯᠠᠩ ᠠᠮᠢᠲᠠᠨ ᠭᠡᠭᠴᠢ ᠲᠡᠮᠡᠭᠡ ᠃
ᠠᠷᠪᠠᠨ ᠭᠤᠷᠪᠠᠨ ᠰᠠᠷᠠ ᠲᠡᠭᠡᠭᠡᠭᠰᠡᠨ ᠪᠣᠲᠣᠭᠣ ᠪᠠᠨ ᠲᠥᠷᠥᠬᠦ ᠳᠦ
ᠠᠯᠠᠭ ᠬᠣᠷᠸ᠋ᠠ ᠠ᠋ᠴᠠ ᠰᠢᠯᠢᠷᠡᠵᠦ ᠨᠢᠭᠡ ᠵᠣᠪᠠᠲᠠᠭ
ᠠᠶᠠᠨ ᠪ ᠠᠯᠤᠰ ᠲᠤ ᠲᠠᠪᠠᠭ ᠨᠢ ᠴᠣᠭᠣᠷᠤᠭᠰᠠᠨ ᠴᠤ᠌
ᠠᠪᠤ ᠶ᠋ᠢᠨ ᠨᠤᠲᠤᠭ ᠠ᠋ᠴᠠ ᠰᠠᠯᠵᠤ ᠶᠡᠷᠦ ᠨᠢ ᠦᠵᠡᠭᠡ ᠦᠭᠡᠢ ᠃
ᠡᠭᠦᠯᠡ ᠰᠡᠮᠡᠯᠦᠮᠡ ᠪᠦᠬᠦ ᠶ᠋ᠢᠨ ᠬᠢᠨᠢ ᠳᠤᠮᠳᠠ ᠥᠰᠦᠭᠰᠡᠨ ᠬᠡᠦᠬᠡᠳ ᠦ᠋ᠳ
ᠥᠨᠲᠥᠷ ᠲᠤ ᠳᠤᠷᠠᠲᠠᠢ ᠪᠣᠯᠵᠤ ᠲᠣᠮᠣᠭᠠᠵᠢᠲᠠᠭ ᠶᠤᠮ
ᠥᠨᠲᠥᠷᠲᠡᠭᠡᠳ ᠡᠭᠦᠯᠡᠨ ᠳᠦ ᠲᠥᠭᠡᠷᠢᠴᠢᠬᠡᠬᠦ ᠴᠤ᠌ ᠪᠣᠯᠪᠠ ᠤᠤ ? ᠭᠡᠵᠦ ᠰᠥᠭᠥᠤᠠᠬᠦ ᠳᠦ ᠨᠢ
ᠥᠷᠥ ᠡᠪᠡᠤᠠᠴᠦ ᠬᠦᠯᠢᠶᠡᠳᠡᠭ ᠭᠠᠵᠠᠷ ᠤᠰᠤ ᠨᠢ
ᠵᠠᠭ ᠦ᠋ᠨ ᠬᠥᠬᠡ ᠮᠥᠴᠢᠷ ᠶ᠋ᠢᠡᠨ ᠳᠡᠪᠢᠰᠴᠦ ᠨᠢᠯᠬᠠᠷᠠᠲᠠᠭ ᠶᠤᠮ ᠃
ᠬᠥᠮᠦᠨ ᠪᠠᠶ᠋ᠢᠭᠠᠯᠢ ᠳᠦ ᠠᠮᠠᠷᠬᠠᠨ ᠳᠠᠰᠳᠠᠭ ᠶ᠋ᠢᠠᠷ ᠶ᠋ᠢᠠᠨ
ᠭᠦᠨ ᠭᠣᠪᠢ ᠳᠦ ᠲᠡᠮᠡᠭᠡ ᠥᠤᠠᠬᠡᠨ ᠦᠷᠡᠵᠢᠭᠰᠡᠨ ᠲᠡᠦᠬᠡ ᠲᠡᠢ
ᠬᠦᠷᠡᠩ ᠬᠠᠷᠠ ᠨᠢᠲᠦᠨ ᠳᠦ ᠨᠢ ᠬᠥᠬᠡ ᠲᠩᠷᠢ ᠥᠪᠡᠷ ᠶ᠋ᠢᠡᠨ ᠪᠠᠭᠲᠠᠵᠤ ᠴᠢᠲᠠᠲᠠᠭ ᠠ᠋ᠴᠠ
ᠬᠥᠯᠥᠰᠥ ᠲᠡᠢ ᠣᠷᠴᠢᠯᠠᠩ ᠦ᠋ᠨ ᠵᠣᠪᠠᠯ ᠵᠦᠲᠡᠭᠦᠷᠢ ᠶ᠋ᠢ
ᠬᠥᠭᠡᠷᠦᠬᠦᠢ ᠲᠡᠮᠡᠭᠡᠨ ᠳᠦ ᠪᠡᠨ ᠯᠠ ᠲᠡᠩ ᠬᠤᠪᠢᠶᠠᠵᠤ ᠠᠴᠢᠶᠠᠯᠠᠭᠰᠠᠨ ᠶᠤᠮ ᠃
ᠭᠠᠲᠠᠨᠠ ᠪᠠᠨ ᠲᠡᠮᠡᠭᠡ ᠲᠡᠢ ᠠᠶ᠋ᠢᠯ ᠳᠤᠯᠠᠭᠠᠬᠠᠨ ᠰᠠᠨᠠᠭᠲᠠᠲᠠᠭ ᠶᠤᠮ
ᠭᠠᠯᠪᠠ ᠶ᠋ᠢᠨ ᠭᠣᠪᠢ ᠳᠦ ᠲᠡᠮᠡᠭᠡ ᠪᠠᠶ᠋ᠢᠬᠤ ᠪᠠᠷ ᠠᠭᠤᠵᠢᠮ ᠬᠠᠷᠠᠭᠲᠠᠲᠠᠭ ᠶᠤᠮ ᠃
ᠪᠣᠷᠪᠢ ᠲᠠᠢ ᠤᠰᠤ ᠲᠡᠩᠨᠡᠭᠡᠳ ᠯᠠ ᠪᠣᠰᠬᠤ ᠪᠠᠷ
ᠪᠤᠲᠤᠷᠭᠠᠨᠠᠲᠦ ᠬᠥᠲᠡᠭᠡ ᠨᠢ ᠴᠠᠩᠭᠠᠬ᠋ᠠ ᠪᠠᠨ ᠲᠠᠶ᠋ᠢᠯᠵᠤ ᠬᠣᠲᠤᠯᠵᠠᠲᠠᠭ
ᠪᠣᠲᠣᠭᠣᠨ ᠳᠦ ᠪᠠᠨ ᠬᠦᠷᠬᠦ ᠵᠥᠭᠡᠯᠡᠨ ᠪᠤᠶ᠋ᠢᠯᠠᠭᠠᠨ ᠳᠦ ᠨᠢ
ᠪᠤᠶᠠᠨᠲᠤ ᠪᠤᠭᠤᠷᠤᠯ ᠦ᠋ᠳ ᠮᠢᠨᠢ ᠬᠤᠭᠤᠷ ᠶ᠋ᠢᠠᠨ ᠬᠦᠭᠯᠡᠵᠦ ᠤᠬᠢᠯᠠᠲᠠᠭ ᠃
ᠵᠤᠳ ᠰᠢᠭᠤᠷᠬ᠋ᠠ ᠬᠥᠯᠯᠡᠬᠦ ᠪᠡᠷ ᠨᠢ
ᠵᠣᠭᠲᠣᠷ ᠶ᠋ᠢᠠᠨ ᠳᠡᠪᠢᠰᠴᠦ ᠦᠷᠡ ᠪᠡᠨ ᠥᠮᠥᠭᠡᠷᠡᠲᠡᠭ᠋ ᠬᠠᠶ᠋ᠢᠷᠠ ᠭᠡᠭᠴᠢ ᠲᠡᠮᠡᠭᠡ
ᠵᠢᠯᠪᠢ ᠶ᠋ᠢᠨ ᠪᠣᠣᠬᠠᠢ ᠳᠠᠭᠠᠷᠢᠬᠤ ᠪᠠᠷ ᠨᠢ
ᠵᠢᠭᠦᠷᠲᠡᠨ ᠲᠥᠭᠡᠷᠢᠳᠡᠭ ᠵᠠᠭ ᠦ᠋ᠨ ᠰᠢᠭᠤᠢ ᠳᠦ ᠪᠠᠨ ᠳᠠᠯᠳᠠᠯᠠᠳᠠᠭ ᠤᠬᠠᠭᠠᠨ ᠭᠡᠵᠦ ᠲᠡᠮᠡᠭᠡ
ᠥᠷᠭᠡᠨ ᠲᠠᠯᠠ ᠳᠦ ᠪᠠᠶ᠋ᠢᠬᠤ ᠳᠦ ᠪᠠᠨ
ᠥᠷᠭᠡᠰᠦᠲᠦ ᠡᠮᠬᠦᠵᠦ ᠡᠭᠦᠯᠡ ᠬᠠᠷᠠᠨ ᠬᠡᠪᠢᠳᠡᠭ ᠥᠷᠪᠡᠯᠭᠡ ᠲᠠᠢ 《 ᠵᠠᠭᠠᠨ 》
ᠦᠨᠡᠰᠦᠨ ᠳᠡᠭᠡᠷᠡ ᠢᠷᠡᠵᠦ ᠬᠥᠷᠪᠡᠬᠦ ᠳᠦ ᠪᠡᠨ
ᠠᠤᠠᠬᠤ ᠪᠤᠷᠠᠮ ᠳᠦ ᠬᠠᠭᠤᠷᠲᠠᠨ ᠬᠠᠮᠠᠷᠯᠠᠭᠤᠯᠲᠠᠭ ᠲᠡᠵᠢᠭᠡᠪᠦᠷᠢ 《 ᠪᠤᠭᠤ 》 ᠃
ᠬᠤᠷᠢᠮ ᠦ᠋ᠨ ᠭᠠᠵᠠᠷ ᠰᠠᠷᠠ ᠪᠠᠷ ᠰᠣᠶ᠋ᠢᠬᠲᠠᠬᠤ
ᠬᠣᠮ ᠲᠠᠢ ᠠᠲᠠᠳ ᠦ᠋ᠨ
ᠬᠣᠷᠭᠣᠯ ᠨᠢ ᠬᠦᠷᠲᠡᠯᠡ ᠢᠯᠴᠢ ᠲᠡᠢ ᠶᠤᠮ᠃
ᠬᠣᠯᠠ ᠶ᠋ᠢᠨ ᠠᠶᠠᠨ ᠳᠦ ᠵᠢᠯ ᠶ᠋ᠢᠡᠷ ᠵᠢᠤᠠᠬᠦᠬᠦ
ᠬᠤᠷ ᠲᠠᠢ ᠲᠡᠮᠡᠭᠡᠳ ᠦ᠋ᠨ
ᠬᠣᠩᠬᠣ ᠨᠢ ᠬᠦᠷᠲᠡᠯᠡ ᠬᠤᠷᠴᠠ ᠬᠡᠯᠡ ᠲᠡᠢ ᠶᠤᠮ ᠃
ᠬᠤᠭᠤᠷ ᠶ᠋ᠢᠠᠨ ᠪᠦᠬᠦᠨ ᠳᠦ ᠨᠢ ᠵᠡᠭᠦᠭᠡᠳ ᠯᠡ ᠶᠠᠪᠤᠬᠤ ᠳᠦ
ᠬᠣᠷᠸ᠋ᠠ ᠪᠦᠷ ᠳᠠᠭᠤᠯᠠᠴᠢᠬᠠᠭᠰᠠᠨ ᠯᠠ ᠪᠠᠶ᠋ᠢᠲᠠᠭ
ᠬᠠᠷᠢ ᠳᠦ ᠮᠣᠷᠲᠠᠬᠤ ᠬᠡᠦᠬᠡᠨ ᠬᠥᠮᠦᠨ ᠤᠨᠤᠭᠠᠳ ᠯᠠ ᠭᠠᠷᠬᠤ ᠳᠦ
ᠬᠣᠭᠣᠷᠣᠨᠲᠣ ᠠ᠋ᠴᠠ ᠨᠢ ᠪᠦᠷ ᠤᠬᠢᠯᠠᠴᠢᠬᠠᠭᠰᠠᠨ ᠯᠠ ᠪᠠᠶ᠋ᠢᠲᠠᠭ ᠃
ᠬᠣᠷᠸ᠋ᠠ ᠶ᠋ᠢᠨ ᠰᠠᠶ᠋ᠢᠬᠠᠨ ᠠᠮᠢᠲᠠᠨ ᠲᠡᠮᠡᠭᠡ
ᠬᠠᠷᠠᠴᠤ ᠬᠥᠮᠦᠨ ᠪ ᠲᠠᠯᠪᠢᠬᠰᠠᠨ
ᠬᠠᠰ ᠦ᠋ᠨ ᠲᠠᠮᠠᠬ᠋ᠠ ᠲᠠᠢ ᠪᠠᠨ ᠴᠣᠭ
ᠬᠠᠨ ᠲᠡᠭᠷᠢ ᠳᠦ ᠪᠡᠨ ᠬᠠᠷᠢᠬᠤ ᠪᠣᠯᠪᠠ ᠃
ᠲᠡᠮᠦᠷ ᠦ᠋ᠨ ᠵᠢᠪᠡ ᠬᠠᠩᠬᠤᠯᠵᠤ ᠬᠠᠮᠠᠷ ᠭᠠᠲᠠᠨᠠ
ᠲᠠᠤᠯᠠᠢ ᠶ᠋ᠢᠨ ᠲᠣᠣᠷ ᠬᠡᠷᠴᠢᠯᠲᠦᠵᠦ ᠬᠠᠷᠠᠬ᠋ᠠ ᠪᠠᠯᠠᠷᠠᠨᠠ
ᠬᠥᠮᠦᠨ ᠪᠠᠶ᠋ᠢᠭᠠᠯᠢ ᠥᠰᠢᠯᠲᠦᠵᠦ ᠬᠣᠷᠸ᠋ᠠ ᠵᠢᠵᠢᠭᠷᠡᠨᠡ
ᠲᠡᠮᠡᠭᠡ ᠮᠠᠯᠴᠢᠨ ᠬᠣᠶᠠᠷ ᠯᠡ ᠵᠢᠷᠦᠬᠡᠨ ᠳᠦ ᠪᠡᠨ ᠨᠢᠯᠪᠤᠰᠤ ᠲᠠᠢ ᠃
ᠲᠩᠷᠢ ᠳᠠᠰᠤᠨ ᠳᠡᠰᠦᠭᠰᠡᠭᠡᠷ ᠬᠢᠯᠢᠩᠨᠡᠪᠡ
ᠲᠡᠮᠡᠭᠡ ᠪᠡᠨ ᠬᠤᠷᠢᠶᠠᠬᠤ ᠵᠠᠷᠯᠢᠬ ᠪᠠᠭᠤᠯᠭᠠᠪᠠ
ᠲᠡᠭᠦᠨ ᠳᠡᠭᠡᠷᠡ ᠨᠢ 《 ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠳᠦ 》 ᠭᠡᠵᠦ ᠬᠠᠶᠢᠬᠯᠠᠭᠰᠠᠨ ᠪᠠᠶ᠋ᠢᠪᠠ
ᠲᠩᠷᠢ – ᠲᠡᠮᠡᠭᠡ ᠪᠡᠨ ᠬᠤᠷᠢᠶᠠᠪᠠ
ᠲᠡᠷᠭᠡᠯ ᠭᠣᠪᠢ ᠲᠡᠭᠷᠢᠯᠢᠭ ᠤᠨᠤᠬ᠋ᠠ ᠪᠠᠨ ᠠᠯᠲᠠᠵᠤ ᠶᠠᠪᠠᠭᠠᠷᠠᠪᠠ ᠃
ᠲᠩᠷᠢ ᠶ᠋ᠢᠨ ᠪᠣᠲᠣᠭᠣ ᠲᠡᠭᠷᠢ ᠳᠦ ᠪᠠᠨ ᠬᠠᠷᠢᠬᠤ ᠳᠦ
ᠲᠡᠵᠢᠭᠡᠵᠦ ᠥᠰᠭᠡᠭᠰᠡᠨ ᠮᠣᠩᠭᠣᠯ ᠣᠷᠣᠨ ᠡᠩᠭᠡᠷ ᠳᠦᠭᠦᠷᠡᠩ ᠨᠢᠯᠪᠤᠰᠤ ᠲᠠᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠤᠷᠠᠨᠲᠣᠭᠤᠰ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠤᠤᠠᠬᠠᠨᠰᠸ᠋ᠠ