ᠬᠥᠮᠦᠨ ᠪᠣᠯᠤᠭᠠᠷᠠᠢ- ᠪᠠᠶᠠᠭᠤᠳ ᠳᠡᠭᠦᠦᠵᠠᠶᠠᠭᠠХүн болоорой-баяут түзаяа
333ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠪᠠᠶᠠᠭᠤᠳ ᠳᠡᠭᠦᠦᠵᠠᠶᠠᠭᠠ
ᠬᠡᠦᠬᠡᠳ ᠮᠢᠨᠢ ᠬᠥᠮᠦᠨ ᠪᠣᠯᠤᠭᠠᠷᠠᠢ ᠬᠡᠷᠡᠭ
ᠬᠡᠯᠡ ᠪᠡᠨ ᠰᠤᠷᠴᠤ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠡᠨ ᠳ᠋ᠦ᠍ ᠴᠤ᠌ ᠬᠡᠷᠡᠭ ᠦᠭᠡᠢ ᠪᠠᠢᠬᠰᠠᠨ ᠴᠤ᠌
ᠬᠡᠵᠢᠶᠡᠳᠡ ᠴᠢᠮᠠ ᠳ᠋ᠤ᠌ ᠬᠡᠷᠡᠭ ᠲᠡᠢ ᠶᠤᠮ
ᠬᠡᠬᠦᠳᠡᠭ ᠴᠡᠭᠡᠵᠢᠨ ᠳ᠋ᠡᠭᠡᠨ ᠬᠢᠴᠢᠶᠡᠩᠭᠦᠢᠯᠡᠨ ᠬᠠᠳᠠᠩᠰᠢᠭᠤᠯ
ᠬᠡᠷᠡᠭ ᠪᠣᠯᠭᠠᠵᠤ ᠠᠮᠢ ᠲᠠᠢ ᠪᠠᠨ ᠬᠣᠯᠪᠣ ᠠ᠋
ᠬᠡᠦᠬᠡᠳ ᠮᠢᠨᠢ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠥᠪ ᠰᠣᠶᠣᠯ ᠢ᠋ᠶ᠋ᠠᠨ ᠵᠠᠯᠭᠠᠮᠵᠢᠯᠠᠬᠤ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠥᠨᠢ ᠮᠥᠩᠬᠡ ᠶ᠋ᠢᠨ ᠬᠥᠷᠥᠩᠭᠡ ᠴᠢᠨᠢ ᠶᠤᠮ
ᠥᠭᠡᠷᠡ ᠬᠡᠨ ᠪ ᠶᠠᠭᠤ ᠶ᠋ᠢ ᠰᠤᠷᠤᠭᠰᠠᠨ ᠴᠤ᠌
ᠥᠪᠡᠷ ᠢ᠋ ᠪᠡᠨ ᠶᠠᠭᠠᠬᠢᠭᠰᠠᠨ ᠢ᠋ ᠪᠤᠤ ᠬᠠᠶᠠ
ᠥᠷᠥᠰᠢᠶᠡᠯᠲᠦ ᠳᠡᠭᠡᠳᠦᠰ ᠦ᠋ᠨ ᠮᠢᠨᠢ ᠵᠠᠬᠢᠶᠠ ᠶᠤᠮ
ᠬᠡᠦᠬᠡᠳ ᠮᠢᠨᠢ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠠᠢᠷᠠ ᠪᠠᠨ ᠶᠡᠭᠦᠯᠡᠵᠦ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠠᠢᠷᠠ ᠶ᠋ᠢᠨ ᠠᠷᠢᠭᠤᠨ ᠥᠯᠥᠭᠡᠢ ᠳ᠋ᠦ᠍
ᠬᠠᠢᠷᠠᠲᠠᠢ ᠲᠠ ᠨᠠᠷ ᠮᠢᠨᠢ ᠬᠥᠮᠦᠨ ᠪᠣᠯᠤᠭᠰᠠᠨ ᠶᠤᠮ
ᠬᠠᠢᠷᠠ ᠪᠠᠷ ᠢ᠋ᠶ᠋ᠠᠨ ᠠᠷᠭᠠᠳᠠ ᠠᠮᠢᠲᠤᠷᠠᠯ ᠢ᠋ᠶ᠋ᠠᠨ
ᠬᠠᠷᠢᠭᠤ ᠳ᠋ᠤᠨᠢ ᠴᠢᠮᠠ ᠳ᠋ᠤ᠌ ᠵᠢᠷᠭᠠᠯ ᠢᠷᠡᠬᠦ ᠶᠤᠮ
ᠬᠡᠦᠬᠡᠳ ᠮᠢᠨᠢ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠥᠮᠦᠨ ᠢ᠋ ᠬᠦᠨᠳᠦᠯᠡᠵᠦ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠦᠨᠳᠦᠲᠦ ᠠᠭᠤᠤ ᠡᠴᠢᠭᠡ ᠡᠬᠡ ᠡᠴᠡ ᠪᠡᠨ ᠡᠬᠢᠯᠡ
ᠬᠥᠪᠦᠷᠡᠯ ᠪᠣᠯᠵᠤ ᠲᠣᠭᠲᠠᠭᠰᠠᠨ ᠴᠠᠭ ᠡᠴᠡ ᠴᠢᠨᠢ
ᠬᠥᠭᠡᠷᠦᠬᠦᠢ ᠲᠠᠨ ᠢ᠋ ᠪᠡᠨ ᠪᠦᠪᠡᠢᠯᠡᠵᠦ
ᠬᠦᠯᠦᠭ ᠦ᠋ᠨ ᠨᠢᠷᠤᠭᠤᠨ ᠳ᠋ᠤ᠌ ᠭᠠᠷᠭᠠᠭᠰᠠᠨ ᠶᠤᠮ
ᠬᠡᠦᠬᠡᠳ ᠮᠢᠨᠢ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠦᠨᠳᠦ ᠬᠥᠩᠭᠡᠨ ᠢ᠋ ᠤᠬᠠᠵᠤ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠥᠷᠥᠰᠥᠲᠦ ᠠᠯᠲᠠᠨ ᠳᠡᠯᠡᠬᠡᠢ ᠳ᠋ᠦ᠍ ᠪᠡᠨ
ᠬᠦᠢ ᠪᠡᠨ ᠵᠠᠯᠭᠠᠬᠤ ᠭᠡᠵᠦ ᠲᠠ ᠨᠠᠷ ᠢᠷᠡᠭᠰᠡᠨ ᠶᠤᠮ
ᠬᠥᠭᠵᠢᠭᠡᠵᠦ ᠪᠠᠲᠠᠷᠠᠭᠠ ᠭᠣᠯᠣᠮᠲᠠ ᠶ᠋ᠢᠨ ᠭᠠᠯ ᠢ᠋ᠶ᠋ᠠᠨ
ᠬᠡᠵᠢᠶᠡᠳᠡ ᠪᠡᠶᠡ ᠪᠡᠨ ᠥᠪᠡᠷ ᠦ᠋ᠨ ᠬᠢ ᠪᠡᠷ ᠢ᠋ᠶ᠋ᠡᠨ ᠭᠣᠶᠣ ᠠ᠋
ᠬᠡᠦᠬᠡᠳ ᠮᠢᠨᠢ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠥᠲᠥᠯ ᠳᠠᠪᠠᠭᠠ ᠶ᠋ᠢ ᠲᠤᠭᠤᠯᠵᠤ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠦᠯ ᠢ᠋ ᠴᠢᠨᠢ ᠬᠠᠳᠬᠤᠬᠤ ᠥᠷᠭᠡᠰᠦ
ᠬᠦᠷᠴᠦ ᠢᠷᠡᠬᠦ ᠠᠯᠢᠪᠠ ᠰᠠᠭᠠᠳ ᠢ᠋
ᠬᠦᠴᠦᠨ ᠪ ᠲᠡᠩᠬᠡᠭᠡ ᠪᠡᠷ ᠢ᠋ᠶ᠋ᠡᠨ ᠲᠤᠭᠤᠯ
ᠬᠥᠬᠡ ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠪᠣᠰᠣᠭᠠ ᠪᠠᠷ ᠢ᠋ᠶ᠋ᠠᠨ ᠶᠠᠪᠤ ᠠ᠋
ᠬᠡᠦᠬᠡᠳ ᠮᠢᠨᠢ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠥᠮᠦᠨ ᠮᠥᠰᠥ ᠲᠡᠢ ᠬᠥᠮᠦᠨ ᠪᠣᠯᠤᠭᠠᠷᠠᠢ
ᠬᠦᠰᠡᠯ ᠢᠲᠡᠭᠡᠯ ᠶ᠋ᠢᠡᠷ ᠢ᠋ᠶ᠋ᠡᠨ ᠣᠶᠤᠨ ᠢ᠋ᠶ᠋ᠠᠨ ᠬᠥᠪᠴᠢᠯᠡᠵᠦ
ᠬᠦᠯ ᠳᠡᠭᠡᠷᠡ ᠪᠡᠨ ᠯᠠᠪᠳᠠᠭᠤᠨ ᠲᠣᠭᠲᠠ
ᠬᠦᠷᠬᠦ ᠲᠡᠷᠡ ᠬᠠᠷᠠᠯᠲᠠ ᠵᠦᠭ ᠢ᠋ᠶ᠋ᠡᠨ
ᠬᠦᠴᠦᠯᠡᠨ ᠵᠢᠳᠬᠦ ᠂ ᠪᠤᠤ ᠰᠢᠨᠲᠠᠷᠠ ᠂ ᠢᠷᠡᠭᠡᠳᠦᠢ ᠲᠠᠨ ᠪ ᠬᠢ ᠁
( ᠳᠡᠯᠡᠬᠡᠢ ᠶ᠋ᠢᠨ ᠡᠬᠡ ᠬᠡᠯᠡᠨ ᠪ ᠡᠳᠦᠷ ᠲᠦ᠍
ᠪᠡᠯᠡᠭᠯᠡᠶᠡ )
2022 .6.3 ᠳ᠋ᠦ᠍ ᠪᠢᠴᠢᠪᠡ
2023.2.21 ᠪ ᠳᠡᠯᠡᠬᠡᠢ ᠶ᠋ᠢᠨ ᠶᠡᠬᠡ ᠬᠡᠯᠡᠨ ᠪ ᠡᠳᠦᠷ ᠂
ᠣᠳᠬᠠᠨᠰᠣᠠ ᠠᠮᠢᠯᠠᠭᠤᠯᠪᠠ ᠃