ᠡᠪᠦᠯ - Өвөл -
406ᠡᠪᠦᠯ
ᠠᠯᠤᠰ ᠦ᠋ᠨ ᠰᠠᠯᠬᠢ ᠵᠢᠬᠡᠭᠦᠨ ᠠᠮᠢᠰᠬᠤᠯ ᠶ᠋ᠢᠠᠷ ᠨᠢᠰ ᠭᠡᠬᠦ ᠳᠦ
ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢᠨ ᠠᠭᠤᠯᠠ ᠲᠠᠯᠠ ᠮᠥᠩᠭᠥᠨ ᠬᠤᠶᠠᠭ ᠡᠮᠦᠰᠦᠨᠡ ᠃
ᠡᠪᠦᠯ ᠦ᠋ᠨ ᠰᠥᠨᠢ ᠲᠩᠷᠢ ᠶ᠋ᠢᠨ ᠣᠲᠣᠳ ᠣᠴᠢ ᠮᠡᠲᠦ ᠭᠢᠯᠠᠯᠵᠠᠬᠤ ᠳᠦ
ᠠᠭᠤᠲᠠᠮ ᠲᠠᠯᠠ ᠳᠦ ᠵᠢᠩᠴᠢᠨ ᠬᠥᠮᠦᠨ ᠪ ᠳᠠᠭᠤ ᠲᠣᠲᠣᠬᠠᠨ ᠰᠣᠨᠣᠰᠲᠠᠨᠠ ᠃
ᠥᠨᠲᠥᠷ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠦ ᠪᠤᠲᠠᠩ ᠬᠦᠲᠡᠩ ᠵᠤᠭᠠᠴᠠᠭᠠᠳ
ᠥᠷᠭᠡᠨ ᠲᠠᠯᠠ ᠶ᠋ᠢᠨ ᠬᠥᠨᠲᠡᠢ ᠨᠢᠲᠦ ᠬᠢᠯᠪᠠᠮᠡ ᠮᠡᠯᠴᠡᠶ᠋ᠢᠬᠦ ᠳᠦ
ᠪᠡᠯᠴᠢᠭᠡᠷ ᠦ᠋ᠨ ᠮᠠᠯ ᠰᠤᠷᠭᠤᠭ ᠦᠰᠦ ᠪᠡᠨ ᠬᠢᠯᠡᠯᠵᠠᠭᠤᠯᠤᠨ ᠪᠤᠴᠠᠬᠤ ᠳᠦ
ᠢᠲᠡᠷ ᠵᠠᠯᠠᠭᠤ ᠮᠠᠯᠴᠢᠨ ᠲᠡᠭᠦᠨ ᠊ᠢ ᠬᠣᠷᠢᠶᠠᠨ ᠢᠰᠭᠡᠷᠤᠨᠡ ᠃
ᠥᠨᠲᠥᠷ ᠭᠠᠵᠠᠷ ᠦ᠋ᠨ ᠬᠦᠢᠲᠡᠨ ᠴᠢᠮᠥᠭᠡ ᠴᠠᠷᠴᠠᠮᠠ ᠡᠷᠴᠢᠲᠡᠢ
ᠮᠣᠩᠭᠣᠯ ᠦ᠋ᠨ ᠵᠠᠯᠠᠭᠤᠰ ᠨᠢᠭᠤᠷ ᠲᠠᠭᠠᠨ ᠴᠣᠭ ᠲᠠᠢ ᠨᠢᠲᠦᠨ ᠳ᠋ᠡᠭᠡᠨ ᠭᠠᠯ ᠲᠠᠢ ᠃
ᠵᠢᠷᠭᠤᠭᠠᠨ ᠮᠡᠴᠢᠳ ᠣᠷᠣᠢ ᠳᠡᠭᠡᠷᠡ ᠵᠤᠯᠠ ᠶ᠋ᠢᠨ ᠭᠡᠷᠡᠯ ᠬᠠᠵᠠᠭᠤ ᠳᠦ
ᠭᠦᠭᠰᠢᠳ ᠡᠪᠦᠭᠡᠳ ᠭᠠᠯ ᠊ᠢ ᠪᠠᠵᠠᠭᠠᠨ ᠬᠠᠭᠤᠴᠢᠨ ᠦᠭᠡᠰ ᠊ᠢ ᠶᠠᠷᠢᠯᠴᠠᠨᠠ ᠃
ᠡᠪᠦᠯ ᠬᠠᠪᠤᠷ ᠵᠤᠨ ᠨᠠᠮᠤᠷ ᠲᠥᠷᠪᠡᠨ ᠤᠯᠠᠷᠢᠯ ᠡᠭᠡᠯᠵᠢᠯᠡᠵᠦ
ᠠᠭᠤᠯᠠ ᠤᠰᠤ ᠨᠠᠷᠠ ᠰᠠᠷᠠ ᠳᠥᠷᠪᠡ ᠲᠡᠢ ᠨᠥᠬᠥᠷᠯᠡᠨᠡ ᠃
ᠬᠥᠮᠦᠨ ᠪᠦᠷᠢ ᠥᠲᠡᠭᠦᠰ ᠊ᠢ ᠦᠲᠡᠵᠦ ᠨᠢᠯᠬᠠᠰ ᠊ᠢ ᠤᠭᠲᠤᠨ ᠪᠠᠶᠠᠰᠴᠤ
ᠮᠢᠩᠭᠠᠨ ᠮᠢᠩᠭᠠᠨ ᠵᠢᠯ ᠥᠴᠦᠬᠡᠨ ᠴᠤ᠌ ᠴᠢᠯᠥᠭᠡ ᠵᠠᠪ ᠦᠭᠡᠢ ᠃
ᠦᠰᠦᠭ᠋ ᠠᠮᠢᠯᠠᠭᠤᠯᠤᠭᠴᠢ ᠄ ᠰᠢᠯᠤᠭᠤᠨ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ ᠪᠠᠭ᠍ᠰᠢ