ᠦᠨᠡᠨᠴᠢ ᠢᠲᠡᠭᠡᠯ – ᠪᠡᠬᠡᠪᠢᠷ Үнэнч итгэл – Бэхбир
260ᠦᠨᠡᠨᠴᠢ ᠢᠲᠡᠭᠡᠯ
ᠵᠣᠬᠢᠶᠠᠭᠴᠢ — ᠪᠡᠬᠡᠪᠢᠷ
1
ᠠᠨᠲᠠ ᠶ᠋ᠢᠨ ᠵᠢᠷᠤᠮ ᠳᠦ ᠮᠥᠩᠬᠡᠵᠢᠬᠦ ᠦᠨᠡᠨᠴᠢ ᠢᠲᠡᠭᠡᠯ
ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ ᠳᠦ ᠮᠢᠨᠢ ᠭᠦᠨ ᠲᠣᠭᠲᠠᠨᠠᠮ
ᠠᠮᠢᠲᠤᠷᠠᠯ ᠳᠦ ᠦᠨᠢᠲᠡ ᠬᠣᠨᠣᠭᠰᠢᠬᠤ ᠦᠨᠡᠨᠴᠢ ᠢᠲᠡᠭᠡᠯ
ᠠᠵᠢᠯ ᠦᠢᠯᠡᠰ ᠲᠦ ᠭᠢᠯᠪᠠᠬ᠋ᠠ ᠨᠡᠮᠡᠷᠢᠯᠡᠨᠡᠮ
2
ᠬᠠᠷᠠᠴᠠᠨ ᠳᠦ ᠭᠦᠶᠦᠯᠭᠡᠭᠰᠡᠨ ᠦᠨᠡᠨᠴᠢ ᠢᠲᠡᠭᠡᠯ
ᠬᠠᠶ᠋ᠢᠷᠠ ᠳᠦ ᠮᠥᠩᠬᠡᠷᠡᠬᠦ ᠪᠠᠶ᠋ᠢᠯᠭᠦᠢ
ᠬᠠᠯᠠᠮᠵᠢ ᠣᠯᠭᠣᠨ ᠰᠣᠶᠣᠷᠬᠠᠬᠤ ᠦᠨᠡᠨᠴᠢ ᠢᠲᠡᠭᠡᠯ
ᠬᠠᠷᠠᠮ ᠦᠭᠡᠢ ᠵᠣᠷᠢᠭᠤᠯᠬᠤ ᠪᠠᠶ᠋ᠢᠯᠭᠦᠢ
3
ᠭᠣᠣᠯ ᠵᠢᠷᠦᠬᠡᠨ ᠡᠴᠡ ᠣᠷᠭᠢᠯᠬᠤ ᠦᠨᠡᠨᠴᠢ ᠢᠲᠡᠭᠡᠯ
ᠭᠤᠸ᠋ᠠ ᠰᠠᠶ᠋ᠢᠬᠠᠨ ᠪ ᠡᠭᠦᠳᠦᠭᠴᠢ ᠪᠣᠯᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠢ
ᠭᠣᠯᠣᠮᠲᠠ ᠪᠠᠨ ᠪᠠᠲᠠᠷᠠᠭᠤᠯᠤᠨ ᠬᠦᠭᠵᠢᠭᠦᠯᠬᠦ ᠦᠨᠡᠨᠴᠢ ᠢᠲᠡᠭᠡᠯ
ᠭᠤᠲᠤᠮᠰᠢᠬ ᠵᠢᠭ᠌ᠰᠢᠯ ᠡᠴᠡ ᠵᠠᠶ᠋ᠢᠯᠠᠰᠬᠢᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠢ
4
ᠢᠲᠡᠭᠡᠯᠴᠡᠭᠰᠡᠳ ᠦ᠋ᠨ ᠬᠣᠭᠣᠷᠣᠨᠲᠣ ᠪᠤᠢ ᠦᠨᠡᠨᠴᠢ ᠢᠲᠡᠭᠡᠯ
ᠢᠷᠡᠭᠡᠲᠦᠢ ᠳᠦ ᠭᠡᠷᠡᠴᠢᠯᠡᠭᠳᠡᠬᠦ ᠶᠣᠰᠣᠲᠠᠢ
ᠢᠷᠥᠭᠡᠯ ᠮᠠᠭᠲᠠᠭᠠᠯ ᠳᠦ ᠡᠷᠬᠢᠮᠯᠡᠭᠰᠡᠨ ᠦᠨᠡᠨᠴᠢ ᠢᠲᠡᠭᠡᠯ
ᠢᠪᠡᠭᠡᠵᠦ ᠴᠢᠮᠠᠶ᠋ᠢ ᠤᠷᠤᠭᠰᠢᠯᠠᠭᠤᠯᠲᠠᠭ ᠶᠣᠰᠣᠲᠠᠢ
5
ᠬᠠᠨᠢ ᠶ᠋ᠢᠨ ᠬᠣᠭᠣᠷᠣᠨᠲᠣᠬᠢ ᠦᠨᠡᠨᠴᠢ ᠢᠲᠡᠭᠡᠯ
ᠬᠠᠯᠠᠭᠤᠮᠰᠤᠭ ᠰᠡᠤᠠᠬᠢᠯᠭᠡ ᠪᠡᠷ ᠪᠢᠯᠬᠠᠮᠠ ᠪᠠᠶ᠋ᠢᠭᠠᠰᠠᠢ
ᠬᠠᠲᠠᠭᠤ ᠪᠡᠷᠬᠡ ᠶ᠋ᠢ ᠳᠠᠪᠠᠮᠠ ᠦᠨᠡᠨᠴᠢ ᠢᠲᠡᠭᠡᠯ
ᠬᠠᠯᠠᠰᠢᠷᠠᠬᠤ ᠦᠭᠡᠢ ᠴᠢᠮᠠ ᠶ᠋ᠢ ᠪᠣᠯᠪᠠᠰᠤᠷᠠᠭᠤᠯᠵᠤ ᠪᠠᠶ᠋ᠢᠭᠠᠰᠠᠢ
6
ᠥᠷᠥᠴᠡ ᠵᠢᠷᠦᠬᠡᠨ ᠡᠴᠡ ᠤᠨᠲᠤᠷᠬᠤ ᠦᠨᠡᠨᠴᠢ ᠢᠲᠡᠭᠡᠯ
ᠦᠨᠢᠲᠡ ᠴᠢᠮᠠ ᠳᠦ ᠦᠢᠯᠡᠴᠢᠯᠡᠬᠦ ᠪᠣᠯᠲᠤᠭᠠᠢ
ᠦᠯᠡᠮᠵᠢ ᠶ᠋ᠢᠨ ᠴᠢᠨᠠᠷ ᠬᠠᠲᠠᠭᠠᠯᠠᠭᠰᠠᠨ ᠦᠨᠡᠨᠴᠢ ᠢᠲᠡᠭᠡᠯ
ᠦᠷᠭᠦᠯᠵᠢ ᠴᠢᠮᠠ ᠳᠦ ᠵᠢᠯᠣᠭᠣᠲᠤᠯᠬ᠋ᠠ ᠪᠣᠯᠲᠤᠭᠠᠢ
7
ᠲᠡᠦᠬᠡ ᠰᠣᠶᠣᠯ ᠳᠦ ᠦᠵᠡᠭᠦᠯᠦᠭᠰᠡᠨ ᠦᠨᠡᠨᠴᠢ ᠢᠲᠡᠭᠡᠯ
ᠲᠡᠷᠡ ᠣᠯᠠᠨ ᠳᠦ ᠳᠠᠭᠤᠷᠢᠶᠠᠯ ᠪᠣᠯᠲᠤᠭᠠᠢ
ᠲᠡᠷᠢᠭᠦᠨ ᠪ ᠦᠢᠯᠡ ᠶ᠋ᠢ ᠰᠢᠵᠢᠮᠯᠡᠭᠰᠡᠨ ᠦᠨᠡᠨᠴᠢ ᠢᠲᠡᠭᠡᠯ
ᠲᠡᠮᠡᠴᠡᠯ ᠦ᠋ᠨ ᠰᠠᠶ᠋ᠢᠬᠠᠨ ᠳᠦ ᠮᠥᠩᠬᠡᠷᠡᠬᠦ ᠪᠣᠯᠲᠤᠭᠠᠢ
8
ᠤᠷᠤᠭᠰᠢᠯᠠᠵᠤ ᠳᠠᠪᠰᠢᠬᠤ ᠳᠦ ᠡᠷᠬᠢᠮ ᠦᠨᠡᠨᠴᠢ ᠢᠲᠡᠭᠡᠯ
ᠣᠶᠤᠨ ᠲᠠᠷᠢᠬᠢ ᠶ᠋ᠢ ᠮᠢᠨᠢ ᠡᠵᠡᠮᠲᠡᠨᠡᠮ
ᠤᠴᠠᠷᠠᠯᠲᠤ ᠬᠣᠷᠸ᠋ᠠ ᠳᠦ ᠨᠠᠨᠲᠢᠨ ᠦᠨᠡᠨᠴᠢ ᠢᠲᠡᠭᠡᠯ
ᠤᠭᠰᠠᠬ᠋ᠠ ᠦᠨᠲᠦᠰᠦᠲᠡᠨ ᠊ᠢ ᠮᠢᠨᠢ ᠤᠷᠤᠭᠰᠢᠯᠠᠭᠤᠯᠤᠨᠠᠮ !
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ — ᠡᠷᠳᠡᠨᠢᠴᠡᠴᠡᠭ
ᠬᠢᠨᠠᠭᠴᠢ ᠄ ᠣᠳᠬᠠᠨᠰᠣᠸᠠ