ᠮᠠᠯᠴᠢᠳ ᠶ᠋ᠢᠠᠨ ᠥᠮᠥᠭᠯᠡᠵᠦ ᠪᠢᠴᠢᠭᠰᠡᠨ ᠰᠢᠯᠦᠭ – ᠬᠣᠨᠲᠣᠨ ᠪᠠᠭᠠᠲᠤᠷ Малчдаа өмөглөж бичсэн шүлэг – Хунтун Баатар
395ᠮᠠᠯᠴᠢᠳ ᠶ᠋ᠢᠠᠨ ᠥᠮᠥᠭᠯᠡᠵᠦ ᠪᠢᠴᠢᠭᠰᠡᠨ ᠰᠢᠯᠦᠭ
ᠬᠣᠨᠲᠣᠨ · ᠪᠠᠭᠠᠲᠤᠷ
ᠵᠢᠯ ᠦ᠋ᠨ ᠳᠥᠷᠪᠡᠨ ᠤᠯᠠᠷᠢᠯ ᠳᠦ ᠠᠮᠠᠷᠠᠯᠲᠠ ᠭᠡᠵᠦ ᠪᠠᠶ᠋ᠢᠲᠠᠭ ᠦᠭᠡᠢ
ᠵᠢᠷᠦᠬᠡᠨ ᠲᠠᠮᠢᠷ ᠶ᠋ᠢᠠᠨ ᠰᠢᠪᠬᠠᠵᠤ ᠪᠠᠶ᠋ᠢᠭᠠᠯᠢ ᠨᠤᠲᠤᠭ ᠶ᠋ᠢᠠᠨ ᠠᠷᠭᠠᠲᠠᠭᠰᠠᠨ
ᠵᠢᠷ ᠦ᠋ᠨ ᠡᠭᠡᠯ ᠬᠥᠲᠡᠯᠮᠦᠷᠢᠴᠢ ᠂ ᠬᠥᠲᠡᠭᠡ ᠶ᠋ᠢᠨ ᠪᠣᠷᠣᠬᠠᠨ ᠬᠥᠮᠦᠰ ᠊ᠢ
ᠵᠢᠭᠲᠡᠢ ᠮᠠᠭᠤᠬᠠᠢ ᠪᠦᠳᠦᠭᠦᠯᠢᠭ ᠭᠡᠵᠦ ᠳᠡᠩᠳᠡᠭᠦᠦ ᠪᠢᠲᠡᠭᠡᠢ ᠭᠠᠲᠠᠭᠤᠷᠴᠢᠯᠠ
ᠮᠣᠩᠭᠣᠯ ᠨᠤᠲᠤᠭ ᠦ᠋ᠨ ᠵᠢᠩᠬᠢᠨᠢ ᠡᠵᠡᠳ ᠲᠡᠲᠡ ᠪᠠᠶ᠋ᠢᠬ᠋ᠠ ᠶᠤᠮ
ᠮᠣᠷᠢᠲᠠᠨ ᠤᠲᠤᠮ ᠦ᠋ᠨ ᠴᠡᠪᠡᠷ ᠴᠢᠰᠤ ᠲᠡᠲᠡ ᠪᠠᠶ᠋ᠢᠬ᠋ᠠ ᠶᠤᠮ ᠂
ᠤᠤᠷ ᠰᠣᠶᠣᠯ ᠦ᠋ᠨ ᠡᠷᠲᠡᠨᠢᠲᠦ ᠥᠪ ᠲᠡᠲᠡ ᠪᠠᠶ᠋ᠢᠬ᠋ᠠ ᠶᠤᠮ
ᠠᠭᠤᠲᠠᠮ ᠲᠠᠯᠠ ᠪᠠᠨ ᠴᠣᠭᠴᠠᠯᠠᠨ ᠬᠠᠮᠠᠭᠠᠯᠠᠭᠴᠢ ᠲᠡᠲᠡ ᠪᠠᠶ᠋ᠢᠬ᠋ᠠ ᠶᠤᠮ ᠃
ᠦᠦᠷ ᠦ᠋ᠨ ᠴᠣᠯᠮᠣᠨ ᠲᠠᠢ ᠤᠷᠤᠯᠲᠤᠨ ᠰᠠᠭᠠᠯᠢ ᠶ᠋ᠢᠨ ᠳᠡᠭᠡᠵᠢ ᠪᠡᠨ ᠡᠷᠭᠦᠳᠡᠭ
ᠦᠲᠡᠰᠢ ᠶ᠋ᠢᠨ ᠲᠤᠯᠤᠩ ᠲᠠᠢ ᠵᠡᠷᠭᠡᠴᠡᠨ ᠡᠲᠦᠷ ᠦ᠋ᠨ ᠠᠵᠢᠯ ᠶ᠋ᠢᠠᠨ ᠵᠠᠪᠰᠠᠷᠯᠠᠲᠠᠭ
ᠡᠭᠦᠯᠡ ᠨᠠᠷᠠᠨ ᠪ ᠬᠤᠪᠢᠷᠠᠯᠲᠠ ᠪᠠᠷ ᠴᠠᠭ ᠠᠭᠤᠷ ᠊ᠢ ᠰᠢᠨᠵᠢᠳᠡᠭ
ᠥᠷᠥᠪᠴᠢᠬᠡᠨ ᠰᠡᠤᠠᠬᠢᠯᠲᠦ ᠮᠠᠯᠴᠢᠳ ᠊ᠢ ᠦᠬᠡᠷ ᠲᠡᠨᠡᠭ ᠭᠡᠵᠦ ᠪᠤᠤ ᠪᠠᠰᠤ
ᠡᠬᠡ ᠮᠣᠩᠭᠣᠯ ᠬᠡᠯᠡᠨ ᠪ ᠦᠨᠲᠦᠰᠦ ᠰᠤᠷᠪᠤᠯᠵᠢ ᠨᠢ ᠲᠡᠲᠡ ᠪᠠᠶ᠋ᠢᠬ᠋ᠠ ᠶᠤᠮ
ᠡᠷᠢᠭᠡᠳ ᠣᠯᠲᠠᠰᠢ ᠦᠭᠡᠢ ᠠᠮᠢᠲᠤ ᠲᠣᠯᠢ ᠪᠢᠴᠢᠭ ᠲᠡᠲᠡ ᠪᠠᠶ᠋ᠢᠬ᠋ᠠ ᠶᠤᠮ
ᠡᠷᠲᠡᠮ ᠰᠢᠨᠵᠢᠯᠡᠭᠡᠨ ᠳᠦ ᠨᠤᠲᠠᠯᠠᠭᠲᠠᠬ᠋ᠠ ᠦᠭᠡᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠡᠲᠡ ᠪᠠᠶ᠋ᠢᠬ᠋ᠠ ᠶᠤᠮ
ᠡᠩᠭᠡᠷ ᠲᠡᠭᠡᠨ ᠮᠸᠳᠠᠯ ᠵᠡᠭᠦᠭᠡ ᠦᠭᠡᠢ ᠭᠠᠪᠢᠶᠠᠲᠠᠨ ᠲᠡᠲᠡ ᠪᠠᠶ᠋ᠢᠬ᠋ᠠ ᠶᠤᠮ
ᠬᠠᠶᠠ ᠨᠢᠭᠡ ᠬᠣᠲᠠ ᠣᠷᠣᠵᠤ ᠬᠡᠲᠦᠭᠦᠯᠡ ᠨᠡᠶ᠋ᠢᠯᠡᠭᠡᠳ ᠬᠥᠭᠡᠷᠦᠯᠲᠦᠬᠦ ᠳᠦ ᠨᠢ
ᠬᠥᠯᠴᠥᠭᠦᠦ ᠰᠣᠭᠲᠣᠭᠤ ᠬᠥᠲᠡᠭᠡ ᠶ᠋ᠢᠨ ᠠᠷᠢᠬᠢᠴᠢᠨ ᠭᠡᠵᠦ ᠪᠢᠲᠡᠭᠡᠢ ᠡᠯᠡᠭᠯᠡ
ᠬᠥᠮᠦᠨ ᠬᠣᠷᠸ᠋ᠠ ᠶ᠋ᠢᠨ ᠬᠠᠮᠤᠭ ᠬᠠᠲᠠᠭᠤ ᠣᠷᠴᠢᠨ ᠳᠦ ᠨᠠᠰᠤ ᠪᠠᠷ ᠶ᠋ᠢᠠᠨ ᠵᠢᠤᠠᠬᠦᠬᠦ ᠳ᠋ᠡᠭᠡᠨ
ᠬᠤᠪᠢ ᠵᠠᠶᠠᠬ᠋ᠠ ᠮᠠᠭᠤ ᠭᠡᠵᠦ ᠬᠡᠨ ᠳᠦ ᠴᠤ᠌ ᠭᠣᠮᠣᠲᠠᠬ᠋ᠠ ᠦᠭᠡᠢ ᠴᠠᠶ᠋ᠢᠯᠭᠠᠨ ᠬᠥᠮᠦᠰ ᠶᠤᠮ
ᠬᠣᠲᠠ ᠶ᠋ᠢᠨ ᠬᠢᠨ ᠰᠢᠭ᠋ ᠭᠠᠩᠭᠠᠩ ᠬᠤᠪᠴᠠᠰᠤᠯᠠᠵᠤ ᠤᠷᠠᠨ ᠬᠣᠩᠰᠢᠶᠠᠷᠯᠠᠬᠤ ᠦᠭᠡᠢ
ᠬᠤᠲᠠᠯ ᠢᠨᠢᠶᠡᠵᠦ ᠂ ᠬᠣᠶ᠋ᠢᠭᠤᠷ ᠴᠢᠨᠢ ᠤᠰᠤ ᠭᠦᠶᠦᠯᠭᠡᠬᠦ ᠮᠠᠭᠤᠬᠠᠢ ᠵᠠᠩ ᠦᠭᠡᠢ
ᠬᠣᠷᠣᠬᠠᠢ ᠰᠢᠪᠡᠵᠢ ᠶ᠋ᠢ ᠴᠤ᠌ ᠬᠥᠭᠡᠷᠦᠬᠦᠢᠯᠡᠨ ᠦᠷᠦᠪᠳᠡᠳᠡᠭ ᠥᠷᠥᠪᠴᠢᠬᠡᠨ ᠰᠡᠤᠠᠬᠢᠯ ᠲᠡᠢ
ᠬᠣᠷᠸ᠋ᠠ ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠠᠰᠪᠤᠷ ᠪᠣᠷᠣᠭᠵᠢᠭᠤᠨ ᠮᠠᠯᠴᠢᠨ ᠬᠥᠮᠦᠰ ᠮᠢᠨᠢ
ᠳᠠᠯᠠᠢ ᠬᠡᠯᠡᠨ ᠪ ᠪᠠᠶᠠᠯᠢᠬ — ᠮᠠᠯᠴᠢᠨ ᠬᠥᠮᠦᠨ
ᠳᠠᠪᠠᠵᠤ ᠲᠤᠭᠤᠯᠬᠤ ᠣᠮᠣᠭ — ᠮᠠᠯᠴᠢᠨ ᠬᠥᠮᠦᠨ
ᠳᠠᠶᠠᠭᠠᠷ ᠮᠣᠩᠭᠣᠯ ᠦ᠋ᠨ ᠢᠷᠡᠭᠡᠲᠦᠢ — ᠮᠠᠯᠴᠢᠨ ᠬᠥᠮᠦᠨ
ᠳᠠᠶᠠᠩ ᠳᠦ ᠮᠥᠩᠬᠡᠷᠡᠬᠦ ᠢᠲᠡᠭᠡᠯ — ᠮᠠᠯᠴᠢᠨ ᠬᠥᠮᠦᠨ
2020.4.7
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠳᠠᠪᠰᠢᠯᠲᠦ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ ᠪᠠᠭᠰᠢ