ᠡᠬᠡ ᠬᠡᠯᠡ – ᠭᠠᠩᠲᠡᠮᠦᠷ Эх хэл – — Гантөмөр
638ᠡᠬᠡ ᠬᠡᠯᠡ
ᠪᠠᠷᠭᠤ ᠮᠠᠯᠴᠢᠨ — ᠭᠠᠩᠲᠡᠮᠦᠷ
ᠠᠯᠲᠠᠨ ᠳᠡᠯᠡᠬᠡᠢ ᠳᠦ ᠬᠥᠮᠦᠨ ᠭᠡᠵᠦ ᠲᠥᠷᠥᠬᠦ ᠡᠴᠡ
ᠠᠪᠤ ᠭᠡᠵᠦ ᠳᠠᠭᠤᠳᠠᠭᠰᠠᠨ ᠡᠬᠡ ᠬᠡᠯᠡ
ᠠᠩᠬᠠ ᠦᠰᠦᠭ ᠨᠢᠲᠦᠯᠡᠬᠦ ᠡᠴᠡ
ᠠ ᠭᠡᠵᠦ ᠡᠭᠡᠰᠢᠭᠯᠡᠭᠰᠡᠨ ᠡᠬᠡ ᠬᠡᠯᠡ
ᠡᠨᠡ ᠶᠢᠷᠲᠢᠨᠴᠦ ᠳᠦ ᠵᠠᠶᠠᠭᠠᠭᠰᠠᠨ ᠠ᠋ᠴᠠ
ᠡᠵᠢ ᠭᠡᠵᠦ ᠦᠭᠡ ᠰᠤᠷᠤᠭᠰᠠᠨ ᠡᠬᠡ ᠬᠡᠯᠡ
ᠡᠷᠲᠡᠮ ᠦ᠋ᠨ ᠮᠥᠷ ᠊ᠢ ᠮᠥᠰᠬᠢᠬᠦ ᠳᠦ
ᠡ ᠭᠡᠵᠦ ᠦᠰᠦᠭᠯᠡᠭᠰᠡᠨ ᠡᠬᠡ ᠬᠡᠯᠡ
ᠬᠣᠨᠢ ᠬᠤᠷᠠᠬ᠋ᠠ ᠶ᠋ᠢᠨ ᠮᠠᠶ᠋ᠢᠯᠠᠬ᠋ᠠ ᠶ᠋ᠢᠨ ᠳᠤᠮᠳᠠ
ᠲᠣᠭᠯᠠᠵᠤ ᠨᠠᠭᠠᠤᠠᠴᠤ ᠪᠠᠶ᠋ᠢᠬᠤ ᠳ᠋ᠠᠭᠠᠨ
ᠲᠣᠶ᠋ᠢᠬ ᠦ᠋ᠨ ᠳᠠᠭᠤᠤ ᠲᠠᠢ ᠡᠬᠡ ᠬᠡᠯᠡ ᠃
ᠬᠤᠷᠲᠤᠨ ᠬᠦᠯᠦᠭ ᠦ᠋ᠨ ᠨᠢᠷᠤᠭᠤᠨ ᠳᠦ ᠨᠢᠰᠬᠡᠬᠦ ᠳᠦ
ᠲᠣᠭᠣᠰᠣᠨ ᠰᠤᠭᠤᠨᠠᠭ ᠦ᠋ᠨ ᠳᠤᠮᠳᠠ
ᠬᠦᠦᠬᠡᠢ ᠶ᠋ᠢᠨ ᠳᠠᠭᠤᠤ ᠲᠠᠢ ᠡᠬᠡ ᠬᠡᠯᠡ ᠃
ᠳᠠᠯᠠᠢ ᠶᠡᠬᠡ ᠨᠠᠭᠠᠲᠤᠮ ᠦ᠋ᠨ ᠲᠠᠯᠠᠪᠠᠢ ᠳᠦ
ᠪᠥᠬᠡ ᠶ᠋ᠢᠨ ᠤᠷᠢᠶᠠ ᠲᠠᠢ ᠡᠬᠡ ᠬᠡᠯᠡ
ᠲᠠᠩᠰᠤᠭ ᠰᠠᠶ᠋ᠢᠬᠠᠨ ᠨᠠᠶ᠋ᠢᠷ ᠦ᠋ᠨ ᠰᠢᠷᠡᠭᠡᠨ ᠳᠦ
ᠪᠥᠵᠢᠭ ᠂ ᠨᠠᠶ᠋ᠢᠷᠠᠭ ᠂ ᠳᠠᠭᠤᠤ ᠲᠠᠢ ᠡᠬᠡ ᠬᠡᠯᠡ ᠃
ᠲᠡᠦᠬᠡ ᠴᠠᠲᠢᠬ ᠦ᠋ᠨ ᠬᠠᠭᠤᠲᠠᠰᠤᠨ ᠳᠦ
ᠪᠢᠴᠢᠭᠯᠡᠵᠦ ᠦᠯᠡᠳᠡᠭᠡᠭᠰᠡᠨ ᠡᠬᠡ ᠬᠡᠯᠡ
ᠳᠠᠶᠠᠩ ᠳᠡᠯᠡᠬᠡᠢ ᠭᠦᠷᠦᠨ ᠨᠤᠭᠦᠳ ᠲᠦ
ᠪᠢᠯᠢᠭ ᠶ᠋ᠢᠡᠨ ᠭᠠᠶ᠋ᠢᠬᠠᠭᠤᠯᠤᠭᠰᠠᠨ ᠡᠬᠡ ᠬᠡᠯᠡ
ᠡᠪᠦᠭᠡ ᠳᠡᠭᠡᠳᠦ ᠶ᠋ᠢᠨ ᠦᠶᠡ ᠡᠴᠡ ᠪᠡᠨ
ᠥᠪᠯᠡᠵᠦ ᠤᠯᠠᠮᠵᠢᠯᠠᠭᠰᠠᠨ ᠡᠬᠡ ᠬᠡᠯᠡ
ᠦᠶᠡ ᠶ᠋ᠢᠨ ᠦᠶᠡ ᠳ᠋ᠡᠭᠡᠨ
ᠥᠮᠴᠢᠯᠡᠬᠦ ᠶᠣᠰᠣ ᠲᠠᠢ ᠡᠬᠡ ᠬᠡᠯᠡ ᠃
2023.2.21
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ — ᠪᠠᠯᠵᠢ
ᠬᠢᠨᠠᠭᠴᠢ ᠪᠠᠭᠰᠢ — ᠪᠠᠶᠠᠷᠴᠡᠴᠡᠭ