ᠮᠣᠩᠭᠣᠯ ᠬᠡᠯᠡ – ᠵᠠ ᠂ ᠤᠷᠭᠤᠮᠠᠯ Монгол хэл – Ж ᠂ Ургамал
410ᠮᠣᠩᠭᠣᠯ ᠬᠡᠯᠡ
ᠳᠡᠯᠡᠬᠡᠢ ᠶ᠋ᠢᠨ ᠡᠬᠡ ᠬᠡᠯᠡᠨ ᠪ ᠪᠠᠶᠠᠷ ᠦ᠋ᠨ ᠡᠲᠦᠷ ᠲᠦ ᠵᠣᠷᠢᠭᠤᠯᠪᠠ
ᠵᠠ ᠂ ᠤᠷᠭᠤᠮᠠᠯ ( ᠰᠢᠨᠵᠢᠶᠠᠩ ᠪᠣᠷᠣᠲᠠᠯᠠ )
ᠲᠩᠷᠢ ᠳᠦ ᠳᠡᠯᠡᠰᠦᠭᠰᠡᠨ ᠰᠦᠯᠲᠡ
ᠲᠡᠭᠷᠢᠯᠢᠭ ᠪᠣᠰᠤᠬ᠋ᠠ ᠮᠣᠩᠭᠣᠯ ᠬᠡᠯᠡ
ᠳᠡᠭᠡᠳᠦᠰ ᠦ᠋ᠨ ᠤᠯᠠᠮᠵᠢᠯᠠᠯᠲᠤ ᠥᠪ
ᠲᠡᠭᠦᠰ ᠪᠢᠯᠢᠭ ᠦ᠋ᠨ ᠮᠣᠩᠭᠣᠯ ᠬᠡᠯᠡ
ᠲᠦᠮᠡᠨ ᠪᠣᠲᠠᠰ ᠦ᠋ᠨ ᠠᠮᠢᠯᠠᠯ
ᠲᠡᠦᠬᠡᠨ ᠡᠴᠡ ᠦᠯᠡᠳᠡᠭᠰᠡᠨ ᠮᠣᠩᠭᠣᠯ ᠬᠡᠯᠡ
ᠲᠠᠯᠠ ᠶ᠋ᠢᠨ ᠰᠠᠶ᠋ᠢᠬᠠᠨ ᠴᠡᠴᠡᠭᠡᠰ
ᠳᠡᠯᠭᠡᠷ ᠨᠤᠲᠤᠭ ᠦ᠋ᠨ ᠮᠣᠩᠭᠣᠯ ᠬᠡᠯᠡ
ᠳᠠᠷᠬᠠᠨ ᠥᠯᠥᠭᠡᠢ ᠨᠤᠲᠤᠭ ᠲᠠᠭᠠᠨ
ᠲᠠᠮᠠᠭᠠᠨ ᠬᠡ ᠲᠡᠢ ᠮᠣᠩᠭᠣᠯ ᠬᠡᠯᠡ
ᠲᠠᠪᠤᠨ ᠬᠠᠨᠠ ᠲᠠᠢ ᠭᠡᠷ ᠦ᠋ᠨ ᠶ᠋ᠢᠡᠨ
ᠲᠤᠯᠭᠠᠭᠤᠷᠢ ᠪᠠᠭᠠᠨᠠ ᠮᠣᠩᠭᠣᠯ ᠬᠡᠯᠡ
ᠲᠥᠷᠥᠯᠬᠢ ᠮᠣᠩᠭᠣᠯ ᠦ᠋ᠨ ᠣᠷᠣᠨ ᠳᠦ ᠪᠠᠨ
ᠳᠦᠭᠦᠷᠡᠩ ᠮᠡᠯᠮᠡᠷᠡᠭᠰᠡᠨ ᠮᠣᠩᠭᠣᠯ ᠬᠡᠯᠡ
ᠲᠦᠪᠰᠢᠨ ᠡᠩᠬᠡ ᠶ᠋ᠢᠨ ᠵᠥᠩᠨᠡᠯ ᠲᠡᠢ
ᠲᠦᠭᠡᠮᠡᠯᠵᠢᠵᠦ ᠬᠠᠲᠠᠭᠠᠯᠠᠬᠤ ᠮᠣᠩᠭᠣᠯ ᠬᠡᠯᠡ
ᠲᠣᠷᠭᠠᠨ ᠬᠡᠭᠡᠷᠡ ᠶ᠋ᠢᠨ ᠰᠣᠯᠣᠩᠬ᠋ᠠ
ᠳᠣᠯᠣᠭᠠᠨ ᠪᠤᠷᠬᠠᠨ ᠮᠣᠩᠭᠣᠯ ᠬᠡᠯᠡ
ᠳᠣᠷᠣᠨᠠ ᠶ᠋ᠢᠨ ᠭᠡᠭᠡᠨ ᠨᠠᠷᠠ
ᠳᠠᠭᠤ ᠨᠢ ᠢᠷᠠᠭᠤᠬᠠᠨ ᠮᠣᠩᠭᠣᠯ ᠬᠡᠯᠡ
ᠳᠡᠯᠭᠡᠷ ᠬᠡᠶ᠋ᠢᠮᠣᠷᠢ ᠶ᠋ᠢᠨ ᠳᠠᠯᠠᠯᠬ᠋ᠠ ᠲᠠᠢ
ᠲᠡᠨᠢᠭᠦᠨ ᠮᠣᠩᠭᠣᠯ ᠦ᠋ᠨ ᠴᠢᠮᠡᠭ ᠮᠣᠩᠭᠣᠯ ᠬᠡᠯᠡ
ᠳᠡᠯᠡᠬᠡᠢ ᠶ᠋ᠢ ᠳᠠᠶ᠋ᠢᠯᠠᠭᠰᠠᠨ ᠲᠡᠦᠬᠡ ᠲᠡᠢ
ᠲᠩᠷᠢ ᠶ᠋ᠢᠨ ᠵᠠᠷᠯᠢᠬ ᠲᠠᠢ ᠮᠣᠩᠭᠣᠯ ᠬᠡᠯᠡ
ᠲᠠᠰᠤᠷᠠᠵᠤ ᠠᠭᠤᠰᠬᠤ ᠦᠭᠡᠢ ᠤᠨᠲᠤᠷᠤᠯ
ᠲᠤᠨᠤᠯᠵᠠᠭᠰᠠᠨ ᠤᠷᠤᠰᠬᠠᠯᠲᠤ ᠮᠣᠩᠭᠣᠯ ᠬᠡᠯᠡ
ᠲᠡᠦᠬᠡ ᠰᠤᠨᠲᠠᠯᠠᠭᠰᠠᠨ ᠬᠣᠷᠸ᠋ᠠ ᠳᠦ
ᠲᠤᠯᠬ᠋ᠠ ᠶ᠋ᠢᠨ ᠴᠢᠯᠠᠭᠤ ᠮᠣᠩᠭᠣᠯ ᠬᠡᠯᠡ
ᠲᠣᠭᠣᠨᠣᠲᠤ ᠭᠡᠷ ᠦ᠋ᠨ ᠦᠷᠡ ᠬᠣᠶ᠋ᠢᠴᠢᠰ
ᠰᠦᠰᠦᠭᠯᠡᠬᠦ ᠰᠢᠲᠦᠭᠡᠨ ᠮᠣᠩᠭᠣᠯ ᠬᠡᠯᠡ
ᠲᠣᠭᠣᠰᠣᠲᠤ ᠣᠷᠴᠢᠯᠠᠩ ᠠ᠋ᠴᠠ ᠠᠶᠠᠷᠯᠠᠭᠰᠠᠨ ᠴᠤ᠌
ᠰᠦᠨᠡᠰᠦᠨ ᠳᠦ ᠮᠢᠨᠢ ᠬᠣᠷᠭᠣᠲᠠᠬᠤ ᠮᠣᠩᠭᠣᠯ ᠬᠡᠯᠡ
2023.2.21
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ — ᠪᠠᠯᠵᠢ
ᠬᠢᠨᠠᠭᠴᠢ ᠪᠠᠭᠰᠢ — ᠪᠠᠶᠠᠷᠴᠡᠴᠡᠭ