ᠮᠠᠢᠭᠠ ᠶ᠋ᠢᠨ ᠮᠠᠢᠭᠠ- ᠵ . ᠤᠷᠲᠤᠨᠠᠰᠤᠨМайгын майга-ж уртнасан
392ᠮᠠᠢᠭᠠ ᠶ᠋ᠢᠨ ᠮᠠᠢᠭᠠ
ᠵᠣᠬᠢᠶᠠᠭᠴᠢ ᠃ ᠵ . ᠤᠷᠲᠤᠨᠠᠰᠤᠨ
ᠨᠠᠮᠤᠷ ᠤ᠋ᠨ ᠰᠡᠭᠦᠯᠴᠢ ᠶ᠋ᠢᠨ ᠪᠣᠷᠣᠭᠠ
ᠴᠠᠰᠤ ᠪᠣᠯᠬᠤ ᠭᠡᠵᠦ ᠶᠠᠭᠠᠷᠠᠭᠠᠳ ᠯᠡ
ᠨᠠᠪᠴᠢᠨ ᠪ ᠨᠣᠭᠣᠭᠠᠨ ᠰᠤᠳᠠᠰᠤ ᠬᠦᠷᠲᠡᠯᠡ
ᠪᠡᠭᠡᠷᠡᠭᠰᠢᠵᠦ ᠠᠪᠴᠢᠭᠠᠳ ᠯᠡ
ᠨᠠᠰᠤ ᠵᠢᠯ ᠭᠡᠨᠡᠳᠲᠡ
ᠥᠲᠡᠯᠴᠢᠬᠡᠭᠰᠡᠨ ᠶᠤᠮ ᠰᠢᠭ᠌ ᠰᠠᠨᠠᠭᠳᠠᠭᠠᠳ ᠯᠡ
ᠨᠠᠳᠠᠳᠤ ᠬᠠᠢᠷᠠᠲᠠᠢ ᠬᠥᠮᠦᠰ ᠪᠦᠭᠦᠳᠡᠭᠡᠷ
ᠦᠭᠡ ᠳᠠᠭᠤ ᠴᠥᠭᠡᠷᠡᠭᠡᠳ ᠯᠡ
ᠪᠢ ᠮᠠᠢᠭᠠ ᠶ᠋ᠢᠨ ᠮᠠᠢᠭᠠ ᠪᠣᠯᠤᠭᠠᠳ ᠯᠡ ᠁
ᠣᠨ ᠪ ᠰᠡᠭᠦᠯᠴᠢ ᠶ᠋ᠢᠨ ᠪᠣᠷᠣᠭᠠ
ᠳᠡᠭᠡᠪᠦᠷ ᠲᠤᠭᠤᠷᠭᠠ ᠶ᠋ᠢ ᠴᠠᠷᠴᠠᠭᠠᠭᠠᠳ ᠯᠡ
ᠣᠭᠣᠲᠣᠨᠠ ᠵᠤᠷᠠᠮᠠ ᠶ᠋ᠢᠨ ᠭᠦᠶᠦᠭᠡ
ᠭᠠᠵᠠᠷ ᠲᠠᠢ ᠨᠠᠭᠠᠯᠳᠤᠨ ᠬᠥᠯᠳᠡᠭᠡᠳ ᠯᠡ
ᠣᠷᠤᠨ ᠭᠠᠷᠤᠨ ᠵᠢᠷᠦᠬᠡ ᠮᠢᠨᠢ
ᠬᠡᠨ ᠨᠢᠭᠡᠨ ᠢ᠋ ᠦᠭᠡᠢᠯᠡᠭᠡᠳ ᠯᠡ
ᠣᠯᠠᠨ ᠬᠦᠮᠦᠰ ᠢ᠋ ᠪᠢ ᠪᠦᠷ
ᠭᠣᠮᠣᠳᠠᠭᠠᠴᠢᠬᠠᠭᠰᠠᠨ ᠶᠤᠮ ᠰᠢᠭ᠋ ᠪᠣᠳᠣᠭᠳᠠᠭᠠᠳ ᠯᠡ
ᠪᠢ ᠮᠠᠢᠭᠠ ᠶ᠋ᠢᠨ ᠮᠠᠢᠭᠠ ᠪᠣᠯᠤᠭᠠᠳ ᠯᠡ ᠁
ᠰᠡᠭᠦᠯ ᠰᠡᠭᠦᠯᠴᠢ ᠶ᠋ᠢᠨ ᠪᠣᠷᠣᠭᠠᠨ ᠳ᠋ᠤ᠌
ᠪᠣᠯᠵᠣᠮᠣᠷ ᠱᠠᠭᠠᠵᠠᠭᠠᠢ ᠪᠦᠪᠡᠢᠭᠡᠳ ᠯᠡ
ᠰᠥᠯ ᠲᠡᠢ ᠰᠢᠷᠭᠠᠯ ᠮᠠᠩᠬᠠᠨ ᠳᠡᠭᠡᠷᠡ
ᠭᠠᠭᠴᠠᠬᠠᠨ ᠪᠦᠷᠭᠦᠳ ᠦᠲᠤᠢᠭᠡᠳ ᠯᠡ
ᠰᠦᠷᠦᠭ ᠮᠠᠯ ᠤ᠋ᠨ ᠲᠦᠷᠦᠭᠦᠴᠢ
ᠡᠪᠦᠯᠵᠢᠶᠡᠨ ᠪ ᠵᠠᠮ ᠶ᠋ᠢᠠᠷ ᠬᠡᠯᠲᠦᠷᠢᠭᠡᠳ ᠯᠡ
ᠰᠡᠭᠦᠳᠡᠷ ᠪᠢᠳᠡ ᠬᠣᠶᠠᠷ
ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ ᠠᠭᠤᠰᠤᠯᠳᠤᠭᠠᠳ ᠯᠡ
ᠪᠢ ᠰᠡᠭᠦᠯ ᠰᠡᠭᠦᠯ ᠳ᠋ᠡᠭᠡᠨ ᠪᠦᠷ
ᠮᠠᠢᠭᠠ ᠶ᠋ᠢᠨ ᠮᠠᠢᠭᠠ ᠪᠣᠯᠤᠭᠠᠳ ᠯᠡ ᠁