ᠠᠮᠢᠳᠤ ᠳ᠋ᠠᠭᠠᠨ ᠪᠡᠶ᠎ᠡ ᠪᠡᠶ᠎ᠡ ᠪᠠᠨ ᠬᠠᠢᠷᠠᠯᠠ ᠂ ᠬᠥᠮᠦᠰ ᠡ- ᠸᠴᠢᠷᠪᠠᠲᠤ ‍ᠶ᠋ᠢᠨ ᠲᠠᠰᠢᠪᠠᠯᠪᠠᠷАмьддаа бие биеэ хайрла , хүмүүс өө-очирбат ин дашбалбар ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

    ᠸᠴᠢᠷᠪᠠᠲᠤ ‍ᠶ᠋ᠢᠨ ᠲᠠᠰᠢᠪᠠᠯᠪᠠᠷ
ᠠᠮᠢᠳᠤ ᠳ᠋ᠠᠭᠠᠨ ᠪᠡᠶ᠎ᠡ ᠪᠡᠶ᠎ᠡ ᠪᠠᠨ ᠬᠠᠢᠷᠠᠯᠠ ᠂ ᠬᠥᠮᠦᠰ ᠡ
ᠠᠯᠢᠪᠠ ᠰᠠᠶ᠋ᠢᠬᠠᠨ ‍ᠢᠶ᠋ᠠᠨ ᠪᠤᠰᠤᠳ ᠠ᠋ᠴᠠ ᠪᠢᠲᠡᠭᠡᠢ ᠬᠠᠷᠠᠮᠠᠯᠠ!
ᠬᠡᠷᠡᠭ ᠦᠭᠡᠢ ᠦᠭᠡ ‍ᠶ᠋ᠢᠨ ᠵᠡᠪᠡ ᠎ᠪᠡᠷ ᠵᠢᠷᠦᠬᠡ ‍ᠶ᠋ᠢ ᠮᠢᠨᠢ ᠪᠤᠤ ᠰᠢᠷᠬᠠᠯᠠᠭᠤᠯ ᠂
ᠬᠡᠨ ᠨᠢᠭᠡ ‍ᠶ᠋ᠢ ᠎ᠪᠡᠨ ᠬᠠᠷᠠᠩᠭᠤᠢ ᠨᠦᠬᠡ ᠤᠷᠤᠭᠤ ᠪᠢᠲᠡᠭᠡᠢ ᠲᠦᠯᠬᠢ!
ᠠᠷᠢᠬᠢᠨ ‍ᠳᠤ ᠣᠷᠣᠭᠰᠠᠨ ᠨᠢᠭᠡ ‍ᠶ᠋ᠢ ᠎ᠪᠡᠨ ᠱᠣᠣᠯᠠᠵᠤ ᠪᠤᠤ ᠢᠨᠢᠶᠡ ᠂
ᠠᠶ᠎ᠠ ᠴᠢᠨᠦ ᠠᠪᠤ ᠴᠢᠨᠢ ᠴᠤ᠌ ᠪᠠᠶ᠋ᠢᠵᠤ ᠮᠡᠳᠡᠨ᠎ᠡ ᠰᠢᠦ ᠳ᠋ᠠ
ᠠᠮᠵᠢᠵᠤ ᠴᠢ ᠥᠪᠡᠷ ‍ᠢᠶ᠋ᠡᠨ ᠠᠯᠳᠠᠷ ‍ᠤᠨ ᠵᠡᠷᠭᠡ ‍ᠳᠦ ᠬᠦᠷᠦᠭᠰᠡᠨ ᠪᠣᠯ
ᠠᠵᠠ ᠵᠢᠷᠭᠠᠯ ‍ᠤᠨ ᠬᠠᠭᠠᠯᠭ᠎ᠠ ‍ᠶ᠋ᠢ ᠪᠤᠰᠤᠳ ᠎ᠲᠠᠭᠠᠨ ᠨᠡᠭᠡᠭᠡᠵᠦ ᠥᠭ!
ᠠᠴᠢ ‍ᠶ᠋ᠢ ᠴᠢᠨᠢ ᠲᠡᠳᠡ ᠨᠠᠷ ᠪᠠᠰᠠ ᠪᠤᠤ ᠮᠠᠷᠲᠠᠭ ᠡ
ᠭᠠᠭᠴᠠ ᠰᠠᠶ᠋ᠢᠬᠠᠨ ᠦᠭᠡ ᠎ᠪᠡᠷ ᠳᠤᠲᠠᠵᠤ ᠶᠠᠪᠤᠭ᠎ᠠ ᠬᠥᠮᠦᠨ ‍ᠳᠦ
ᠭᠠᠷᠴᠠᠭ᠎ᠠ ᠦᠭᠡᠢ ᠳᠡᠷᠡᠨ ‍ᠢ ᠨᠢ ᠣᠯᠵᠤ ᠬᠡᠯᠡ
ᠭᠠᠳᠠᠨ᠎ᠠ ᠨᠠᠷᠠ ᠎ᠲᠠᠢ ᠴᠤ᠌ ᠭᠡᠷ  ᠲᠤ ᠬᠦᠢᠲᠡᠨ ᠡᠳᠦᠷ
ᠭᠠᠵᠠᠷ ᠳᠡᠭᠡᠷ᠎ᠡ ᠨᠢᠭᠡ ᠪᠤᠰᠤ ᠤᠳᠠᠭ᠎ᠠ ᠲᠣᠬᠢᠶᠠᠯᠳᠤᠨ᠎ᠠ ᠃
ᠴᠢᠮ᠎ᠠ ‍ᠳᠤ ᠳᠤᠷᠠᠯᠠᠭᠰᠠᠨ ᠰᠠᠶ᠋ᠢᠬᠠᠨ ᠬᠥᠪᠡᠭᠦᠨ ‍ᠢ
ᠴᠢᠩᠭ᠎ᠠ ᠬᠠᠲᠠᠭᠤ ᠦᠭᠡ ᠎ᠪᠡᠷ ᠪᠢᠲᠡᠭᠡᠢ ᠭᠣᠮᠣᠳᠠᠭ᠎ᠠ ᠪᠦᠰᠡᠭᠦᠢ ᠮᠢᠨᠢ
ᠴᠢᠮ᠎ᠠ ‍ᠶ᠋ᠢ ᠬᠠᠢᠷᠠᠯᠠᠭᠰᠠᠨ ‍ᠤ ᠬᠢᠨᠢ ᠬᠠᠷᠢᠭᠤ ‍ᠳᠤ ᠬᠠᠢᠷᠠᠯᠠ
ᠴᠢᠮ᠎ᠠ ᠠ᠋ᠴᠠ ᠰᠠᠶ᠋ᠢᠬᠠᠨ ᠬᠡᠦᠬᠡᠨ ‍ᠳᠦ ᠴᠤ᠌ ᠳᠤᠷᠠᠯᠠᠵᠤ ᠪᠣᠯᠬᠤ ᠰᠢᠦ ᠳ᠋ᠡ
ᠪᠢᠳᠡᠨ ‍ᠦ ᠠᠮᠢᠳᠤᠷᠠᠯ ᠠᠪ ᠠᠳᠠᠯᠢᠬᠠᠨ ᠂
ᠪᠢᠳᠡᠨ ‍ᠦ ᠬᠣᠭᠣᠯᠠᠢ ᠳᠡᠭᠡᠷᠡᠬᠢ ᠦᠭᠡ ᠬᠦᠷᠲᠡᠯ᠎ᠡ ᠨᠢᠭᠡ ᠯᠡ ᠶᠠᠩᠵᠤ ᠎ᠪᠠᠷ ᠵᠠᠩᠭᠢᠷᠠᠵᠤ
ᠪᠢᠳᠡᠨ ‍ᠦ ᠬᠠᠴᠠᠷ ᠳᠡᠭᠡᠷ᠎ᠡ ᠨᠢᠯᠪᠤᠰᠤ ᠬᠦᠷᠲᠡᠯ᠎ᠡ ᠨᠢᠭᠡ ᠯᠡ ᠶᠠᠩᠵᠤ ᠎ᠪᠠᠷ ᠪᠥᠮᠪᠥᠷᠢᠴᠦ
ᠪᠢᠳᠡᠨ ‍ᠦ ᠵᠠᠮ ᠳᠡᠭᠡᠷ᠎ᠡ ᠠᠪ ᠠᠳᠠᠯᠢᠬᠠᠨ ᠤᠴᠠᠷᠠᠯ ᠲᠣᠬᠢᠶᠠᠯᠳᠤᠨ᠎ᠠ
ᠪᠦᠰᠡᠭᠦᠢ ‍ᠶ᠋ᠢᠨ ᠳᠣᠭᠣᠯᠠᠩ ᠨᠢᠯᠪᠤᠰᠤ ‍ᠶ᠋ᠢ ᠠᠰᠠᠭᠤᠯ ᠦᠭᠡᠢ ᠎ᠪᠡᠷ ᠠᠷᠴᠢᠵᠤ ᠦᠭ
ᠪᠦᠳᠦᠷᠢᠵᠦ ᠤᠨᠠᠭᠰᠠᠨ ᠬᠡᠦᠬᠡᠳ ‍ᠢ ᠳᠡᠭᠡᠷ᠎ᠡ ᠡᠷᠭᠦᠵᠦ ᠠᠷᠭᠠᠳᠠ ᠃
ᠥᠨᠥᠳᠥᠷ ᠴᠢ ᠢᠨᠢᠶᠡᠵᠦ ᠂ ᠨᠥᠭᠥᠭᠡᠳᠡᠬᠢ ᠨᠢ ᠤᠬᠢᠯᠠᠳᠠᠭ ᠴᠤ᠌
ᠥᠭᠡᠷ᠎ᠡ ᠨᠢᠭᠡ ᠡᠳᠦᠷ ᠴᠢ ᠭᠤᠨᠢᠵᠤ ᠴᠠᠭᠠᠳᠤᠬᠢ ᠴᠢᠨᠢ ᠳᠠᠭᠤᠯᠠᠬᠤ ᠪᠣᠯᠤᠨ᠎ᠠ
ᠥᠯᠥᠭᠡᠢ ᠠᠪᠰᠠ ᠬᠣᠶᠠᠷ ‍ᠢ ᠬᠥᠮᠦᠨ ᠪᠦᠬᠦᠨ ᠳᠠᠮᠵᠢᠳᠠᠭ ᠪᠣᠯᠬᠣᠷ
ᠥᠭᠡᠷ᠎ᠡ ᠶᠠᠭᠤ ᠴᠤ᠌ ᠬᠡᠷᠡᠭ ᠦᠭᠡᠢ ᠪᠡᠶ᠎ᠡ ᠪᠠᠶᠠᠨ ‍ᠢᠶ᠋ᠠᠨ ᠯᠡ ᠬᠠᠢᠷᠠᠯᠠ
ᠥᠷᠭᠡᠨ ᠬᠣᠷᠸ᠋᠎ᠠ ‍ᠳᠤ ᠬᠥᠮᠦᠨ ᠭᠡᠵᠦ ᠬᠠᠶ᠋ᠢᠷ᠎ᠠ ᠎ᠪᠠᠷ ᠳᠤᠲᠠᠵᠤ ᠪᠣᠯᠬᠤ ᠦᠭᠡᠢ!
ᠠᠵᠠ ᠵᠢᠷᠭᠠᠯ ‍ᠢ ᠪᠢ ᠬᠥᠮᠦᠨ ‍ᠦ ᠰᠡᠳᠬᠢᠯ ‍ᠦᠨ ᠭᠠᠯ ‍ᠢᠶ᠋ᠠᠷ ᠲᠥᠰᠦᠭᠡᠯᠡᠳᠡᠭ ᠪᠣᠯᠬᠣᠷ
ᠠᠯᠲᠠᠨ ᠨᠠᠷᠠ ᠭᠡᠷᠡᠯ ‍ᠢᠶ᠋ᠡᠨ ᠪᠢᠳᠡᠨ ‍ᠳᠦ ᠠᠪ ᠠᠳᠠᠯᠢᠬᠠᠨ ᠬᠠᠢᠷᠠᠯᠠᠳᠠᠭ ᠪᠣᠯᠬᠣᠷ
ᠠᠮᠢᠳᠤ ᠶᠠᠪᠤᠬᠤ ‍ᠶ᠋ᠢ ᠪᠢ ᠪᠤᠰᠤᠳ  ᠲᠤ ᠬᠠᠶ᠋ᠢᠷ᠎ᠠ ᠎ᠪᠠᠷ ᠲᠦᠭᠡᠭᠡᠬᠦ ‍ᠶ᠋ᠢᠨ ᠨᠡᠷ᠎ᠡ ᠭᠡᠵᠦ ᠪᠣᠳᠣᠨᠠᠮ!
ᠠᠵᠠ ᠵᠢᠷᠭᠠᠯ ‍ᠢ ᠪᠢ ᠪᠤᠰᠤᠳ ᠠ᠋ᠴᠠ ᠬᠠᠶ᠋ᠢᠷ᠎ᠠ ᠬᠦᠯᠢᠶᠡᠬᠦ ‍ᠶ᠋ᠢᠨ ᠨᠡᠷ᠎ᠡ ᠭᠡᠵᠦ ᠣᠶ᠋ᠢᠯᠠᠭᠠᠨᠠᠮ!

ᠠᠮᠢᠳᠤ ᠳ᠋ᠠᠭᠠᠨ ᠪᠡᠶ᠎ᠡ ᠪᠡᠶ᠎ᠡ ᠪᠠᠨ ᠬᠠᠢᠷᠠᠯᠠ ᠂ ᠬᠥᠮᠦᠰ ᠡ
ᠠᠯᠢᠪᠠ ᠰᠠᠶ᠋ᠢᠬᠠᠨ ‍ᠢᠶ᠋ᠠᠨ ᠪᠤᠰᠤᠳ ᠠ᠋ᠴᠠ ᠪᠢᠲᠡᠭᠡᠢ ᠬᠠᠷᠠᠮᠠᠯᠠ!