ᠮᠣᠩᠭᠣᠯ ᠦᠰᠦᠭ ᠶ᠋ᠢᠨᠷ ᠴᠠᠬᠢᠮ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠬᠠᠢᠬᠤ ᠠᠷᠭᠠмонгол үсгээр цахим сүлжээн дээр хайх арга
20853 ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠷ ᠴᠠᠬᠢᠮ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠶᠠᠮᠠᠷ ᠨᠢᠭᠡᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠢ᠋ ᠴᠢᠯᠥᠭᠡᠲᠡᠢ ᠡᠷᠢᠵᠦ ᠬᠠᠢᠵᠤ ᠳᠡᠢᠯᠳᠡᠭ᠃ ᠭᠡᠪᠡᠴᠦ Baidu ᠮᠡᠲᠦ ᠬᠥᠲᠥᠴᠢ ᠳᠡᠭᠡᠷᠡ ᠮᠣᠩᠭᠣᠯ ᠦᠰᠦᠭ ᠢ᠋ ᠲᠠᠨᠢᠳᠠᠭ ᠦᠭᠡᠢ ᠪᠣᠯᠬᠣᠷ ᠬᠠᠢᠪᠠᠴᠤ ᠣᠯᠳᠠᠳᠠᠭ ᠦᠭᠡᠢ ᠶᠦᠮ᠃ ᠡᠭᠦᠨ ᠡᠴᠡ ᠪᠣᠯᠤᠭᠠᠳ ᠮᠣᠩᠭᠣᠯ ᠦᠰᠦᠭ ᠢ᠋ ᠴᠠᠬᠢᠮ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠳᠡᠮᠡᠢ ᠬᠡᠷᠡᠭᠯᠡᠳᠡᠭ ᠦᠭᠡᠢ᠂ ᠳᠡᠯᠡᠬᠡᠢ ᠶ᠋ᠢᠨ ᠨᠢᠭᠡᠳᠦᠯᠲᠡᠢ ᠺᠣᠳ᠋( ᠶᠦᠨᠢᠺᠥᠳ᠋ ) ᠲᠦ᠍ ᠣᠷᠣᠭᠰᠠᠨ ᠦᠭᠡᠢ ᠭᠡᠬᠦ ᠮᠡᠲᠦ ᠪᠡᠷ ᠣᠢᠯᠠᠭᠠᠳᠠᠭ ᠬᠥᠮᠦᠰ ᠴᠦ᠍ ᠪᠠᠭᠠ ᠦᠭᠡᠢ ᠪᠠᠢᠬᠤ ᠪᠠᠢᠳᠠᠯ ᠲᠠᠢ᠂ ᠦᠨᠡᠨᠳᠡᠭᠡᠨ ᠮᠣᠩᠭᠣᠯ ᠦᠰᠦᠭ ᠶᠦᠨᠢᠺᠥᠳ᠋ ᠲᠦ᠍ ᠣᠷᠣᠭᠰᠠᠨ ᠮᠥᠷᠲᠡᠭᠡᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠪᠤᠶᠤ ᠰᠤᠷᠠᠭ ᠵᠠᠩᠭᠢ ᠶ᠋ᠢ ᠴᠦ᠍ ᠬᠠᠢᠵᠤ ᠳᠡᠢᠯᠳᠡᠭ᠃
ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠷ ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠲᠣᠮᠣ ᠬᠥᠲᠥᠴᠢ ᠪᠣᠯᠬᠤ Google ᠳᠡᠭᠡᠷᠡ ᠪᠣᠯ ᠬᠠᠢᠵᠤ ᠳᠡᠢᠯᠦᠨᠡ᠂ ᠭᠡᠪᠡᠴᠦ ᠵᠠᠷᠢᠮ ᠭᠠᠵᠠᠷ ᠣᠷᠣᠨ ᠳ᠋ᠤ᠌ ᠬᠢᠵᠠᠭᠠᠷᠯᠠᠯ ᠲᠠᠢ ᠪᠣᠯᠬᠣᠷ ᠡᠨᠳᠡ ᠪᠢᠳᠡ Microsoft(ᠮᠢᠺᠷᠣᠰᠣᠹᠲ) ᠺᠣᠮᠫᠠᠨᠢ ᠶ᠋ᠢᠨ ᠵᠣᠬᠢᠶᠠᠭᠰᠠᠨ ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠲᠣᠮᠣ ᠬᠥᠲᠥᠴᠢ Edge ᠶ᠋ᠢᠨ ᠬᠠᠢᠯᠲᠠ ᠶ᠋ᠢᠨ ᠰᠢᠰᠲ᠋ᠧᠮ Bing ᠳᠡᠭᠡᠷᠡ ᠭᠠᠷ ᠤᠲᠠᠰᠤ ᠶ᠋ᠢ ᠠᠰᠢᠭᠯᠠᠨ ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠨ ᠬᠡᠷᠬᠢᠨ ᠬᠠᠢᠬᠤ ᠠᠷᠭᠠ ᠶ᠋ᠢᠨ ᠲᠤᠬᠠᠢ ᠵᠢᠷᠤᠭ ᠤ᠋ᠨ ᠬᠡᠯᠪᠡᠷᠢ ᠪᠡᠷ ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠵᠢᠭᠠᠶᠠ᠃
1. Bing ᠬᠠᠢᠯᠲᠠ ᠶ᠋ᠢᠨ ᠰᠢᠰᠲ᠋ᠧᠮ ᠢ᠋ ᠬᠡᠢᠮᠣᠷᠢ ᠰᠦᠯᠵᠢᠶᠡᠨ ᠡᠴᠡ ᠪᠠᠭᠤᠯᠭᠠᠨ ᠠᠪᠬᠤ ᠬᠡᠷᠡᠭᠲᠡᠢ᠃ ᠬᠡᠯᠬᠢᠶᠡᠰᠦ ᠨᠢ https://hiimor.com/soft/ ᠪᠤᠶᠤ ᠬᠡᠢᠮᠣᠷᠢ ᠰᠦᠯᠵᠢᠶᠡᠨ ᠤ ᠪᠠᠷᠠᠭᠤᠨ ᠳᠡᠭᠡᠷᠡ ᠪᠠᠢᠭᠠ 《ᠮᠣᠩᠭᠣᠯ ᠰᠣᠹᠲ》ᠳᠡᠭᠡᠷᠡ ᠳᠣᠶᠢᠵᠤ(ᠲᠣᠭᠰᠢᠵᠤ)᠂ ᠬᠡᠢᠮᠣᠷᠢ ᠰᠦᠯᠵᠢᠶᠡᠨ ᠦ᠌ ᠰᠣᠹᠲ ᠤ᠋ᠨ ᠬᠠᠢᠷᠴᠠᠭ ᠲᠤ᠌ ᠣᠷᠣᠨᠠ᠂ ᠵᠢᠷᠤᠭ7-1 ᠮᠡᠲᠦ᠃
2. ᠬᠠᠢᠯᠲᠠ ᠶ᠋ᠢᠨ ᠰᠢᠰᠲ᠋ᠧᠮ ᠮᠣᠩᠭᠣᠯ ᠢ᠋ᠶ᠋ᠠᠷ ᠬᠠᠢᠬᠤ ᠠᠩᠭᠢᠯᠠᠯ ᠳᠣᠲᠣᠷᠠ ᠠᠯᠮᠤᠷᠠᠳ ᠭᠠᠷ ᠤᠲᠠᠰᠤ ᠪᠣᠯ ᠪᠠᠷᠠᠭᠤᠨ ᠭᠠᠷ ᠤ᠋ᠨ ᠲᠠᠯᠠ ᠶ᠋ᠢᠨ ᠠᠯᠮᠤᠷᠠᠳ ᠤ᠋ᠨ ᠵᠢᠷᠤᠭ᠂ ᠠᠯᠮᠤᠷᠠᠳ ᠠ᠋ᠴᠠ ᠪᠤᠰᠤᠳ ᠭᠠᠷ ᠤᠲᠠᠰᠤ ᠪᠣᠯ ᠵᠡᠭᠦᠨ ᠭᠠᠷ ᠤ᠋ᠨ ᠲᠠᠯᠠ ᠶ᠋ᠢᠨ ᠮᠠᠰᠢᠨ ᠬᠥᠮᠦᠨ ᠦ᠌ ᠵᠢᠷᠤᠭ ᠢ᠋ ᠳᠣᠶᠢᠵᠤ ᠪᠠᠭᠤᠯᠭᠠᠨ ᠠᠪᠤᠨᠠ᠃ ᠳᠣᠶᠢᠭᠠᠳ ᠬᠥᠳᠡᠯᠬᠦ ᠦᠭᠡᠢ ᠪᠣᠯ ᠭᠠᠷ ᠤᠲᠠᠰᠤᠨ ᠤ᠋ ᠪᠠᠷᠠᠭᠤᠨ ᠳᠡᠭᠡᠷᠡ ᠥᠨᠴᠥᠭ ᠳᠡᠭᠡᠷᠡᠬᠢ ᠭᠤᠷᠪᠠᠨ ᠳᠤᠰᠤᠯ（︙） ᠢ᠋ ᠳᠣᠶᠢᠵᠤ᠂ ᠬᠥᠲᠥᠴᠢ(浏览器) ᠪᠡᠨ ᠰᠣᠯᠢᠨᠠ᠃ ᠵᠢᠷᠤᠭ7-2 ᠮᠡᠲᠦ᠃
3. ᠬᠥᠲᠥᠴᠢ ᠪᠡᠨ ᠰᠣᠯᠢᠬᠤ ᠳᠤ ᠤᠲᠠᠰᠤ ᠪᠣᠯᠭᠠᠨ ᠪᠠᠭᠠ ᠵᠥᠷᠢᠶᠡ ᠲᠡᠢ ᠪᠣᠯᠪᠠᠴᠤ ᠳᠡᠯᠡᠬᠡᠢ ᠶ᠋ᠢᠨ ᠪᠥᠮᠪᠥᠷᠴᠡᠭ ᠦ᠋ᠨ ᠵᠢᠷᠤᠭ ᠢ᠋ ᠳᠣᠶᠢᠨᠠ᠂ ᠵᠢᠷᠤᠭ7-3 ᠮᠡᠲᠦ᠃
4. ᠥᠪᠡᠷ ᠦ᠋ᠨ ᠭᠠᠷ ᠤᠲᠠᠰᠤᠨ ᠳᠡᠭᠡᠷᠡᠬᠢ ᠬᠥᠲᠥᠴᠢ ᠪᠡᠷ ᠳᠠᠮᠵᠢᠨ ᠪᠠᠭᠤᠯᠭᠠᠵᠤ ᠠᠪᠤᠨᠠ᠂ ᠵᠢᠷᠤᠭ7-4 ᠮᠡᠲᠦ᠃
5.ᠳᠠᠬᠢᠨ ᠬᠣᠶᠠᠳᠤᠭᠠᠷ ᠠᠯᠬᠤᠮ ᠲᠠᠢ ᠠᠳᠠᠯᠢ ᠥᠪᠡᠷ ᠦ᠋ᠨ ᠭᠠᠷ ᠤᠲᠠᠰᠤᠨ ᠳ᠋ᠤ᠌ ᠲᠣᠬᠢᠷᠠᠭᠰᠠᠨ Bing ᠬᠠᠢᠯᠲᠠ ᠶ᠋ᠢᠨ ᠰᠢᠰᠲ᠋ᠧᠮ ᠢ᠋ ᠪᠠᠭᠤᠯᠭᠠᠨ ᠠᠪᠴᠤ ᠤᠭᠰᠠᠷᠠᠨᠠ᠃ ᠵᠢᠷᠤᠭ7-5 ᠮᠡᠲᠦ᠃
6.ᠭᠠᠷ ᠤᠲᠠᠰᠤᠨ ᠤ᠋ ᠲᠡᠷᠢᠭᠦᠨ ᠨᠢᠭᠤᠷ ᠳᠡᠭᠡᠷᠡ ᠵᠢᠷᠤᠭ7-6 ᠮᠡᠲᠦ ᠳᠦᠷᠰᠦ ᠭᠠᠷᠴᠤ ᠢᠷᠡᠪᠡᠯ ᠵᠥᠪ ᠤᠭᠰᠠᠷᠠᠵᠠᠢ᠃
7. Bing ᠬᠠᠢᠯᠲᠠ ᠶᠢᠨ ᠰᠢᠰᠲ᠋ᠧᠮ ᠢ ᠳᠣᠶᠢᠨᠠ᠂ ᠵᠢᠱ᠌ᠢᠶᠡ
ᠵᠢᠷᠤᠭ7-7 ᠮᠡᠲᠦ ᠥᠪᠡᠷ ᠦᠨ ᠬᠠᠢᠬᠤ ᠰᠠᠨᠠᠭᠠ ᠲᠠᠢ ᠦᠰᠦᠭ ᠢ ᠪᠢᠴᠢᠵᠦ
ᠣᠷᠣᠭᠤᠯᠤᠨ ᠬᠠᠢᠨᠠ᠃
ᠺᠣᠮᠫᠢᠦ᠋ᠲ᠋ᠧᠷ ᠦ᠋ᠨ ᠬᠡᠷᠡᠭᠯᠡᠭᠴᠢᠳ ᠪᠣᠯ ᠺᠣᠮᠫᠢᠦ᠋ᠲ᠋ᠧᠷ ᠳᠡᠭᠡᠷᠡ ᠪᠡᠨ Bing ᠬᠠᠢᠯᠲᠠ ᠶ᠋ᠢᠨ ᠰᠢᠰᠲ᠋ᠧᠮ ᠦ᠋ᠨ https://www.bing.com/ ᠰᠦᠯᠵᠢᠶᠡ ᠶ᠋ᠢ ᠬᠠᠳᠠᠭᠠᠯᠠᠨ ᠠᠪᠴᠤ ᠬᠡᠷᠡᠭᠯᠡᠭᠡᠷᠡᠢ᠃
ᠮᠣᠩᠭᠣᠯ ᠢ᠋ᠶ᠋ᠠᠷ ᠬᠠᠢᠬᠤ ᠳ᠋ᠤ᠌ ᠵᠠᠪᠠᠯ ᠤᠯᠤᠰ ᠊ᠤᠨ ᠪᠠᠷᠢᠮᠵᠢᠶᠠ ᠺᠣᠳ᠋ ᠶ᠋ᠢᠨᠷ ᠵᠥᠪ ᠪᠢᠴᠢᠬᠦ ᠬᠡᠷᠡᠭᠲᠡᠢ᠂ ᠵᠢᠱ᠌ᠢᠶᠡᠯᠡᠪᠡᠯ《ᠮᠣᠩᠭᠣᠯ 》ᠭᠡᠳᠡᠭ ᠦᠭᠡ ᠶ᠋ᠢ ᠬᠠᠢᠬᠤ ᠳ᠋ᠤ᠌ ᠪᠠᠨ 《 ᠮ ᠣ( 4 ᠳ᠋ᠦ᠍ᠭᠡᠷ ᠦᠶᠡ ) ᠩ ᠭ ᠣ( 4 ᠳ᠋ᠦ᠍ᠭᠡᠷ ᠦᠶᠡ ) ᠯ 》ᠮᠡᠲᠦ ᠪᠡᠷ ᠵᠥᠪ ᠪᠢᠴᠢᠮᠡᠨᠵᠢᠨ ᠰᠠᠶᠢ ᠵᠥᠪ ᠬᠠᠢᠵᠤ ᠣᠯᠤᠨᠠ᠃ ᠮᠣᠩᠭᠣᠯ ᠪᠢᠴᠢᠭ ᠢ᠋ᠶ᠋ᠡᠨ ᠴᠠᠬᠢᠮ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠵᠥᠪ ᠪᠢᠴᠢᠵᠦ ᠰᠤᠷᠤᠶᠠ ᠭᠡᠰᠡᠨ ᠪᠣᠳᠣᠯ ᠲᠠᠢ ᠬᠥᠮᠦᠰ ᠬᠡᠢᠮᠣᠷᠢ ᠰᠦᠯᠵᠢᠶᠡᠨ ᠊ᠤ᠌《ᠬᠡᠯᠡ ᠪᠢᠴᠢᠭ》ᠠᠩᠭᠢᠯᠠᠯ https://hiimor.com/blog/helebichig/ ᠪᠤᠶᠤ 《ᠰᠦᠨ ᠰᠠᠴᠤᠯᠢ》᠂ 《ᠵᠥᠪ ᠪᠢᠴᠢᠯᠭᠡ 》ᠬᠣᠯᠪᠣᠭᠠᠨ ᠳ᠋ᠤ᠌ ᠣᠷᠣᠵᠤ ᠰᠤᠷᠴᠤ ᠪᠣᠯᠤᠨᠠ᠂ ᠲᠡᠨᠳᠡ ᠶᠠᠮᠠᠷ ᠴᠤ᠌ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢ ᠪᠡᠷ ᠵᠢᠭᠠᠵᠤ ᠥᠭᠴᠦ ᠪᠠᠢᠭᠠ ᠪᠤᠷᠬᠠᠨ ᠰᠡᠳᠬᠢᠯ ᠲᠡᠢ ᠪᠠᠭᠰᠢ ᠨᠠᠷ ᠪᠠᠢᠳᠠᠭ᠃