ᠨᠤᠲᠤᠭ ᠤᠨ ᠮᠢᠨᠢ ᠵᠢᠵᠢᠭᠬᠡᠨ ᠭᠣᠣᠯ - ᠵᠣᠬᠢᠶᠠᠭ᠍ᠴᠢ : ᠵᠢᠭᠳᠡᠨᠸᠠᠩᠵᠢᠯ ᠂ ᠭᠡᠭᠡᠨᠮᠡᠯᠮᠡᠢ ᠤᠶᠠᠩᠭᠠᠯᠠᠪᠠ Нутгийн минь жижигхэн гол - Зохиогч ᠄ Жигдэнваанжил , Гэгээнмэлмий уянгалав
448ᠨᠤᠲᠤᠭ ᠤᠨ ᠮᠢᠨᠢ ᠵᠢᠵᠢᠭᠬᠡᠨ ᠭᠣᠣᠯ
ᠰᠢᠯᠦᠭ ᠄ ᠵᠢᠭᠳᠡᠨᠸᠠᠩᠵᠢᠯ
ᠭᠡᠭᠡᠨᠮᠡᠯᠮᠡᠢ ᠤᠶᠠᠩᠭᠠᠯᠠᠪᠠ
ᠨᠠᠮᠠ ᠶ᠋ᠢ ᠲᠣᠭᠣᠷᠢᠵᠤ ᠤᠷᠤᠰᠤᠭᠰᠠᠨ ᠨᠤᠲᠤᠭ ᠤᠨ ᠮᠢᠨᠢ ᠭᠣᠣᠯ ᠦ᠋ᠳ
ᠨᠠᠷᠠᠨ ᠰᠠᠷᠠᠨ ᠬᠣᠶᠠᠷ ᠢ ᠠᠴᠢᠶᠠᠯᠠᠵᠤ ᠬᠣᠯᠠ ᠶ᠋ᠢᠨ ᠨᠤᠲᠤᠭ ᠢ ᠵᠣᠷᠢᠨᠠ
ᠨᠠᠪᠴᠢᠨ ᠳᠤ ᠠᠭᠤᠰᠴᠤ ᠬᠣᠨᠣᠭᠠᠳ ᠰᠢᠭᠦᠳᠡᠷᠢ ᠶ᠋ᠢᠨ ᠤᠰᠤ ᠶ᠋ᠢ ᠰᠡᠭᠰᠦᠷᠦᠭᠰᠡᠭᠡᠷ
ᠨᠠᠷᠠ ᠰᠠᠷᠠᠨ ᠪᠡᠶᠡ ᠪᠡᠶᠡᠰ ᠢᠶ᠋ᠡᠨ ᠬᠥᠭᠡᠭᠡᠯᠴᠡᠨ ᠴᠡᠴᠡᠭᠡᠰ ᠢ ᠢᠴᠢᠭᠡᠵᠤ
ᠨᠤᠲᠤᠭ ᠤᠨ ᠮᠢᠨᠢ ᠵᠢᠵᠢᠭᠬᠡᠨ ᠭᠣᠣᠯ ᠤᠳ ᠲᠤ
ᠨᠢᠭᠤᠷ ᠢᠶ᠋ᠠᠨ ᠤᠬᠢᠶᠠᠬᠤ ᠪᠠᠷ ᠢᠷᠡᠨᠡ
ᠨᠠᠮᠬᠠᠨ ᠬᠥᠲᠥᠯ ᠦᠨ ᠬᠣᠷᠮᠣᠢ ᠶ᠋ᠢ ᠨᠤᠷᠭᠠᠵᠤ ᠤᠷᠤᠰᠬᠤ
ᠵᠢᠵᠢᠭᠬᠡᠨ ᠭᠣᠣᠯ ᠦᠳ ᠮᠢᠨᠢ
ᠨᠠᠮᠤᠭᠤᠬᠠᠨ ᠠᠶᠠᠰ ᠬᠥᠭᠵᠢᠮᠳᠡᠵᠤ
ᠡᠪᠡᠰᠦᠲᠦ ᠲᠠᠯᠠ ᠶ᠋ᠢ ᠠᠷᠭᠠᠳᠠᠩᠬᠠᠨ ᠤᠷᠤᠰᠤᠨᠠ
ᠨᠠᠷᠢᠬᠠᠨ ᠵᠢᠵᠢᠭ ᠵᠢᠭᠠᠰᠤ ᠨᠤᠭᠤᠳ
ᠰᠡᠭᠦᠯ ᠢᠶ᠋ᠡᠨ ᠰᠢᠪᠬᠠᠳᠠᠨ ᠡᠷᠬᠡᠯᠡᠵᠦ ᠬᠦᠪᠡᠭᠡᠨ ᠳᠦ ᠨᠢ ᠢᠷᠡᠨᠡ
ᠨᠠᠷᠠᠨ ᠰᠠᠷᠠᠨ ᠬᠣᠶᠠᠷ ᠢ ᠲᠣᠭᠣᠷᠢᠨ ᠤᠷᠤᠰᠬᠤ
ᠨᠤᠲᠤᠭ ᠤᠨ ᠮᠢᠨᠢ ᠭᠣᠣᠯ ᠦᠳ
ᠨᠠᠪᠴᠢᠨ ᠳᠤ ᠨᠣᠭᠣᠭᠠᠨ ᠢ ᠨᠠᠳᠠ ᠳᠤ ᠤᠬᠠᠭᠠᠨ ᠬᠠᠶ᠋ᠢᠷᠠᠯᠠᠵᠤ
ᠠᠯᠤᠰ ᠢ ᠵᠣᠷᠢᠨ ᠤᠷᠤᠰᠬᠠᠯ ᠲᠠᠰᠤᠷᠠᠨᠠ
ᠨᠠᠰᠤ ᠂ ᠪᠡᠶᠡ ᠪᠡᠨ ᠡᠯᠡᠭᠡᠭᠰᠡᠨ
ᠨᠤᠲᠤᠭ ᠤᠨ ᠮᠢᠨᠢ ᠵᠢᠵᠢᠭᠬᠡᠨ ᠭᠣᠣᠯ ᠦᠳ ᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠰᠡᠷᠭᠦᠯᠡᠩ
ᠬᠢᠨᠠᠭᠴᠢ ᠄ ᠮᠦᠴᠢᠷ