ᠨᠠᠶᠠᠭᠠᠳ ᠤᠨ ‍ᠤ ᠵᠢᠷᠤᠭᠯᠠᠯ- ᠬᠤᠨᠲᠤᠨ ᠪᠠᠭᠠᠲᠥᠷНаяад оны зураглал-хондон баатар ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

       — ᠬᠤᠨᠲᠤᠨ ᠪᠠᠭᠠᠲᠥᠷ

ᠨᠠᠶᠠᠭᠠᠳ ᠣᠨ ‍ᠤ ᠬᠥᠳᠡᠭᠡ ᠨᠠᠰᠤᠨ ᠪᠠᠭ᠎ᠠ ‍ᠶ᠋ᠢᠨ ᠮᠢᠨᠢ ᠳᠤᠷᠠᠳᠬᠠᠯ
ᠨᠠᠳᠠ ᠎ᠳ᠋ᠤ᠌ ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ ᠨᠡᠷᠡᠲᠦ ‍ᠶ᠋ᠢᠨ ᠮᠥᠩᠬᠡ ᠵᠢᠷᠤᠭᠯᠠᠯ
ᠨᠠᠷᠮᠠᠢ ᠮᠣᠩᠭᠣᠯ ᠠᠮᠢᠳᠤᠷᠠᠯ ‍ᠤᠨ ᠦᠨᠡᠨ ᠪᠣᠳᠠᠲᠠᠢ ᠲᠡᠦᠬᠡ
ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠬᠤ ᠤᠴᠢᠷᠲᠠᠢ ᠤᠨᠠᠭᠠᠨ ᠨᠠᠰᠤᠨ ‍ᠤ ᠵᠢᠷᠤᠭ ᠡ

ᠬᠥᠬᠡ ᠮᠥᠩᠭᠥᠨ ᠲᠡᠭᠷᠢ ᠲᠣᠭᠣᠰᠣ ᠲᠣᠷᠲᠣᠭ ᠦᠭᠡᠢ ᠪᠠᠶ᠋ᠢᠭᠰᠠᠨ
ᠬᠦᠷᠬᠢᠷᠡᠨ ᠤᠷᠤᠰᠬᠤ ᠭᠣᠣᠯ ᠮᠥᠷᠡᠨ ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠡᠯᠪᠡᠭ ᠪᠠᠶ᠋ᠢᠭᠰᠠᠨ
ᠲᠣᠯᠢᠨ ᠪᠣᠯᠣᠷ ᠨᠠᠭᠤᠷ ᠪᠦᠷᠢᠳᠦ ᠎ᠳ᠋ᠦ᠍ ᠭᠠᠯᠠᠭᠤ ᠨᠤᠭᠤᠰᠤ ᠠᠮᠤᠭᠤᠯᠠᠩ ᠪᠠᠶ᠋ᠢᠭᠰᠠᠨ
ᠲᠣᠣᠷ ᠬᠦᠷᠢᠶ᠎ᠡ ᠦᠭᠡᠢ ᠲᠠᠯ᠎ᠠ ᠨᠤᠲᠤᠭ ᠬᠠᠷᠠᠭ᠎ᠠ ᠠᠯᠳᠠᠮ᠎ᠠ ᠲᠡᠨᠢᠭᠡᠷ ᠪᠠᠶ᠋ᠢᠭᠰᠠᠨ

ᠥᠨᠳᠥᠷ ᠰᠦᠷᠯᠢᠭ ᠠᠭᠤᠯᠠ ᠬᠠᠶ᠋ᠢᠷᠬᠠᠨ ᠬᠥᠬᠡᠷᠡᠨ ᠰᠦᠨᠳᠡᠷᠯᠡᠨ ᠰᠡᠬᠦᠶ᠋ᠢᠭᠡᠳ
ᠡᠪᠦᠳᠦᠭ ᠳᠠᠪᠠᠮ᠎ᠠ ᠪᠡᠯᠴᠢᠭᠡᠷ ᠬᠠᠳᠤᠯᠠᠩ ᠰᠠᠯᠬᠢᠨ ‍ᠤ ᠠᠶᠠᠰ ‍ᠢᠶ᠋ᠠᠷ ᠨᠠᠶ᠋ᠢᠭᠤᠭᠠᠳ
ᠡᠪᠦᠯᠵᠢᠶ᠎ᠡ ᠵᠤᠰᠠᠯᠠᠩ ᠰᠡᠯᠭᠦᠵᠦ ᠳᠥᠷᠪᠡᠨ ᠤᠯᠠᠷᠢᠯ ‍ᠢᠶ᠋ᠠᠷ ᠣᠲᠣᠷᠯᠠᠭᠠᠳ
ᠥᠩᠭᠡ ᠪᠦᠷᠢ ‍ᠶ᠋ᠢᠨ ᠴᠡᠴᠡᠭ ᠮᠢᠷᠠᠯᠵᠠᠨ ᠳᠡᠯᠭᠡᠷᠡᠭᠡᠳ ᠪᠥᠵᠢᠭᠯᠡᠳᠡᠭ ᠪᠠᠶ᠋ᠢᠭᠰᠠᠨ

ᠲᠠᠪᠤᠨ ᠡᠷᠳᠡᠨᠢᠲᠦ ᠰᠦᠷᠦᠭ ᠲᠠᠯ᠎ᠠ ᠪᠦᠷᠬᠦᠨ ᠠᠯᠠᠭᠯᠠᠵᠤ
ᠲᠠᠷᠠᠭ ᠠᠶ᠋ᠢᠷᠠᠭ ᠰᠦ᠋ ᠰᠠᠭᠠᠯᠢ ᠬᠥᠨᠥᠭ ᠳᠦᠭᠦᠷᠡᠩ ᠴᠠᠯᠭᠢᠵᠤ
ᠲᠠᠷᠪᠠᠭ᠎ᠠ ᠵᠡᠭᠡᠷ᠎ᠡ ᠬᠡᠭᠡᠷ᠎ᠡ ‍ᠶ᠋ᠢᠨ ᠠᠮᠢᠲᠠᠨ ᠲᠠᠪᠠ ᠳᠤᠷ᠎ᠠ ᠎ᠪᠠᠷ ‍ᠢᠶ᠋ᠠᠨ ᠲᠣᠭᠯᠠᠵᠤ
ᠳᠠᠭᠠᠨ᠎ᠠ ᠮᠠᠩᠭᠢᠷ ᠵᠦᠢᠯ ‍ᠦᠨ ᠤᠷᠭᠤᠮᠠᠯ ᠰᠠᠮᠰᠠ ᠰᠡᠩᠭᠢᠨᠡᠭᠦᠯᠦᠨ ᠬᠠᠯᠢᠭᠤᠷᠠᠳᠠᠭ ᠪᠠᠶ᠋ᠢᠬᠰᠠᠨ

ᠥᠨᠳᠥᠷ ᠨᠠᠰᠤᠲᠠᠢ ᠡᠪᠦᠭᠡ ᠭᠡᠷ ‍ᠦᠨ ᠪᠠᠷᠠᠭᠤᠨ ᠳ᠋ᠤ᠌ ᠨᠣᠭᠲᠣ ᠴᠢᠳᠥᠷ ᠮᠤᠰᠬᠢᠵᠤ
ᠥᠲᠡᠯᠦᠭᠡ ᠪᠤᠭᠤᠷᠤᠯ ᠡᠮᠡᠭᠡ ᠲᠤᠯᠭ᠎ᠠ ‍ᠶ᠋ᠢᠨ ᠵᠠᠬ᠎ᠠ ᠎ᠳ᠋ᠤ᠌ ᠤᠲᠠᠰᠤ ᠡᠭᠡᠷᠡᠦᠯ ᠎ᠲᠠᠢ ᠵᠢᠭᠤᠷᠠᠯᠳᠤᠵᠤ
ᠢᠳᠡ ᠬᠦᠴᠦ ᠲᠡᠢ ᠵᠠᠯᠠᠭᠤᠰ ᠦᠷ ᠰᠥᠨᠢ ᠎ᠪᠡᠷ ᠠᠳᠤᠭᠤᠨ ‍ᠳᠤ ᠎ᠪᠠᠨ ᠮᠣᠷᠳᠠᠵᠤ
ᠦᠵᠡᠰᠬᠦᠯᠡᠩ ᠭᠤᠸ᠋᠎ᠠ ᠪᠦᠰᠡᠭᠦᠶ᠋ᠢᠴᠦᠳ ᠦᠨᠢᠶ᠎ᠡ ᠲᠤᠭᠤᠯ ᠭᠡᠳ ᠶᠠᠭᠠᠷᠠᠳᠠᠭ ᠪᠠᠶ᠋ᠢᠭᠰᠠᠨ

ᠲᠣᠭᠣᠨᠣ ᠎ᠪᠠᠷ ᠳᠤᠰᠬᠤ ᠨᠠᠷᠠᠨ ‍ᠢᠶ᠋ᠠᠷ ᠡᠳᠦᠷ ‍ᠦᠨ ᠴᠠᠭ ‍ ‍ᠢᠶ᠋ᠡᠨ ᠬᠡᠮᠵᠢᠵᠦ
ᠲᠤᠭᠤᠷᠭᠠᠲᠤ ᠭᠡᠷ ‍ᠦᠨ ᠬᠠᠶᠠᠭ᠎ᠠ ᠎ᠪᠠᠷ ᠬᠣᠷᠸ᠋᠎ᠠ ᠪᠦᠬᠦᠨ ‍ᠳᠦ ᠠᠵᠢᠵᠤ
ᠮᠠᠨᠳᠤᠬᠤ ᠰᠢᠩᠭᠡᠬᠦ ᠨᠠᠷᠠ ‍ᠶ᠋ᠢ ᠠᠵᠢᠭᠯᠠᠨ ᠴᠠᠭ ᠠᠭᠠᠷ ‍ᠢ ᠰᠢᠨᠵᠢᠵᠦ
ᠮᠠᠨᠲᠣᠭᠣᠷ ᠬᠥᠭᠡᠷᠦᠬᠦᠨ ᠬᠡᠦᠬᠡᠳ ‍ᠦᠳ ᠲᠣᠭᠣᠰᠣ ᠰᠢᠷᠣᠢ ᠎ᠲᠠᠢ ᠬᠤᠳᠬᠤᠨ ᠪᠠᠶ᠋ᠢᠵᠤ ᠲᠤᠷᠨᠢᠳᠠᠭ ᠪᠠᠶ᠋ᠢᠭᠰᠠᠨ

ᠳᠡᠭᠡᠷ᠎ᠡ ᠵᠠᠭᠤᠨ ‍ᠤ ᠨᠠᠶᠠᠭᠠᠳ ᠣᠨ ᠳᠡᠯᠭᠡᠭᠰᠡᠨ ᠵᠢᠷᠤᠭ ᠰᠢᠭ᠋ ᠰᠠᠶ᠋ᠢᠬᠠᠨ ᠪᠠᠶ᠋ᠢᠭᠰᠠᠨ
ᠳᠡᠪᠡᠯ ᠎ᠲᠡᠢ ᠮᠣᠩᠭᠣᠯ ᠲᠦᠮᠡᠨ ᠮᠢᠨᠢ ᠳᠡᠯᠡᠬᠡᠢ ᠎ᠲᠡᠢ ᠎ᠪᠡᠨ ᠳᠠᠩᠴᠤ ᠣᠶ᠋ᠢᠷᠠᠬᠠᠨ ᠪᠠᠶ᠋ᠢᠭᠰᠠᠨ
ᠳᠡᠭᠡᠳᠦᠯᠡᠵᠦ ᠡᠷᠬᠢᠮᠯᠡᠳᠡᠭ ᠡᠪᠦᠭᠡᠳ ‍ᠦᠨ ᠰᠤᠷᠭᠠᠯ ᠵᠢᠷᠦᠬᠡᠨ ᠎ᠳ᠋ᠦ᠍ ᠲᠠᠩᠳᠠ ᠰᠡᠶ᠋ᠢᠯᠦᠭᠡᠰᠦᠲᠡᠢ ᠪᠠᠶ᠋ᠢᠭᠰᠠᠨ
ᠳᠡᠯᠭᠡᠷ ᠨᠤᠲᠤᠭ ‍ᠤᠨ ᠠᠮᠢ ᠠᠬᠤᠢ ᠲᠠᠯᠬᠢᠬᠳᠠᠯ ᠦᠭᠡᠢ ᠣᠩᠭᠣᠨ ᠪᠠᠶ᠋ᠢᠭᠰᠠᠨ ᠡ
            — ᠨᠠᠮᠤᠷ ‍ᠤᠨ ᠰᠡᠭᠦᠯ ᠰᠠᠷ᠎ᠠ