ᠬᠡᠪᠲᠡᠬᠦ ᠤᠴᠢᠷ ᠦᠭᠡᠢ ᠪᠣᠰᠣᠭᠠ ᠪᠢᠴᠢᠭ- ᠪ ᠰᠠᠷᠠᠨᠲᠤᠶᠠᠭᠠХэвтэх учиргүй босоо бичиг-б сарантуяа
3057ᠬᠡᠪᠲᠡᠬᠦ ᠤᠴᠢᠷ ᠦᠭᠡᠢ ᠪᠣᠰᠤᠬ᠋ᠠ ᠪᠢᠴᠢᠭ
ᠪ ᠰᠠᠷᠠᠨᠲᠤᠶᠠᠭᠠ
ᠪᠤᠭᠤᠷᠤᠯ ᠲᠡᠦᠬᠡ ᠶᠢᠨ ᠡᠭᠡᠳᠡᠷᠡᠭᠡᠲᠦ ᠬᠦᠷᠳᠦ ᠨᠢ
ᠪᠥᠬᠥᠢᠵᠦ ᠨᠣᠮᠣᠬᠠᠷᠠᠭᠠ ᠦᠭᠡᠢ ᠪᠣᠰᠤᠭᠠ ᠪᠢᠴᠢᠭ
ᠡᠨᠡ ᠯᠡ ᠮᠣᠩᠭᠣᠯ ᠤ᠋ᠨ ᠢᠵᠠᠭᠤᠷ ᠬᠡᠯᠡᠨ ᠳ᠋ᠦ᠍
ᠡᠪ ᠦ᠋ᠨ ᠭᠠᠩᠨᠠᠭᠠᠰᠤ ᠰᠢᠭ᠋ ᠡᠪᠴᠡᠵᠦ ᠲᠠᠭᠠᠴᠠᠭᠰᠠᠨ ᠮᠣᠩᠭᠣᠯ ᠪᠢᠴᠢᠭ
ᠲᠦᠮᠡᠨ ᠭᠠᠰᠠᠯᠠᠩ ᠤ᠋ᠨ ᠳᠤᠮᠳᠠ ᠠ᠋ᠴᠠ ᠰᠢᠵᠠᠭᠤᠷ ᠵᠠᠭᠤᠨ ᠥᠨᠳᠡᠢᠬᠦ
ᠲᠡᠭᠦᠯᠳᠡᠷ ᠮᠣᠩᠭᠣᠯ ᠤ᠋ᠨ ᠪᠣᠰᠤᠭᠠ ᠬᠡᠢᠮᠣᠷᠢ ᠨᠢ ᠪᠣᠯᠵᠤ ᠲᠤᠯᠤᠭᠰᠠᠨ ᠶᠤᠮ᠃
ᠪᠤᠳᠠᠩᠲᠤ ᠠᠯᠤᠰ ᠤ᠋ᠨ ᠰᠦᠮᠡᠯᠵᠡᠬᠦ ᠲᠡᠳᠦᠢ ᠢᠷᠡᠭᠡᠳᠦᠢ ᠳ᠋ᠦ᠍ ᠴᠦ᠍
ᠪᠤᠷᠬᠠᠨ ᠤ᠋ ᠲᠢᠭ ᠰᠢᠭ ᠲᠣᠳᠣᠷᠠ ᠳᠤᠷᠠᠢᠬᠤ ᠤᠴᠢᠷᠲᠠᠢ ᠶᠤᠮ᠃
ᠣᠶᠤᠨᠲᠤ ᠳᠡᠯᠡᠬᠡᠢ ᠶᠢᠨ ᠡᠷᠳᠡᠮ ᠦ᠋ᠨ ᠭᠡᠭᠡ ᠬᠡᠪᠲᠡᠵᠦ ᠮᠥᠯᠬᠥᠨ ᠰᠠᠴᠤᠷᠠᠵᠤ ᠪᠠᠢᠬᠤ ᠳ᠋ᠤ᠌
ᠣᠷᠴᠢᠯᠠᠩ ᠤ᠋ᠨ ᠶᠠᠪᠤᠳᠠᠯ ᠢ ᠳᠡᠭᠡᠷᠡ ᠡᠴᠡ ᠨᠢ ᠲᠣᠯᠢᠳᠠᠬᠤ ᠭᠡᠰᠡᠨ ᠰᠢᠭ
ᠴᠣᠷ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠵᠣᠭᠰᠣᠵᠤ ᠦᠯᠡᠳᠡᠭᠰᠡᠨ ᠪᠣᠰᠤᠭᠠ ᠪᠢᠴᠢᠭ
ᠵᠠᠭᠤᠨ ᠵᠠᠭᠤᠨ ᠨᠢ ᠥᠷᠲᠡᠭᠡᠯᠡᠭᠰᠡᠨ ᠲᠠᠯᠠ ᠶᠢᠨ ᠬᠥᠬᠡ ᠰᠠᠯᠬᠢ ᠨᠢ
ᠵᠤᠯᠵᠠᠭᠠᠨ ᠡᠪᠡᠰᠦᠨ ᠦ᠌ ᠦᠵᠦᠭᠦᠷ ᠢᠮᠡᠷᠦᠨ ᠢᠮᠡᠷᠦᠨ ᠳᠣᠮᠣᠭ ᠬᠦᠦᠷᠨᠢᠬᠦ ᠰᠢᠭ
ᠵᠤᠷᠪᠤᠰ ᠴᠠᠭᠠᠨ ᠲᠤᠶᠠᠭᠠᠨ ᠳ᠋ᠤ᠌ ᠲᠩᠷᠢ ᠶᠢᠨ ᠬᠡᠭᠡᠯ ᠳ᠋ᠦ᠍ ᠪᠦᠷᠢᠯᠳᠦᠭᠰᠡᠨ ᠵᠠᠶᠠᠭᠠ
ᠪᠤᠶᠠᠨᠲᠤ ᠡᠪᠦᠭᠡ ᠳᠡᠭᠡᠳᠦᠰ ᠦ᠋ᠨ ᠮᠢᠨᠢ ᠲᠠᠰᠤᠷᠠᠬᠤ ᠤᠴᠢᠷ ᠦᠭᠡᠢ ᠦᠷᠭᠦᠯᠵᠢᠯᠡᠯ
ᠬᠥᠬᠡ ᠲᠣᠯᠪᠣᠲᠤ ᠮᠣᠩᠭᠣᠯ ᠬᠥᠮᠦᠨ ᠳ᠋ᠦ᠍
ᠤᠬᠠᠭᠠᠷᠠᠯ ᠢ ᠤᠶᠠᠷᠠᠯ ᠢ ᠠᠭᠤᠴᠢᠯᠠᠯ ᠢ
ᠰᠢᠪᠡᠨᠡᠨ ᠰᠢᠪᠡᠨᠡᠨ ᠥᠭᠡᠯᠡᠬᠦ ᠬᠢᠷᠢ ᠨᠢ
ᠬᠠᠳᠬᠤᠯᠳᠤᠬᠤ ᠳᠠᠢᠰᠤᠨ ᠴᠢᠨᠢ
ᠬᠠᠷᠢ ᠳ᠋ᠤ᠌ ᠪᠣᠢ ᠶ᠋ᠢ ᠰᠠᠨᠠᠭᠤᠯᠤᠨ ᠬᠡᠯᠡᠬᠦ
ᠬᠠᠷᠠᠭᠤᠯ ᠤ᠋ᠨ ᠴᠡᠷᠢᠭ ᠮᠡᠲᠦ ᠨᠢᠳᠦ ᠴᠠᠪᠴᠢᠯ ᠦᠭᠡᠢ ᠨᠢᠷᠤᠭᠤ ᠴᠡᠬᠡ ᠵᠣᠭᠰᠣᠨ
ᠭᠡᠵᠢᠭᠡ ᠪᠡᠨ ᠬᠡᠢᠰᠬᠡᠵᠦ ᠭᠡᠳᠡᠰᠦ ᠪᠡᠨ ᠲᠦᠷᠢᠵᠦ
ᠰᠢᠳᠦ ᠪᠡᠨ ᠵᠢᠭᠤᠵᠤ ᠰᠢᠯᠪᠢ ᠪᠡᠨ ᠲᠠᠰᠤᠷᠠᠲᠠᠯᠠ ᠵᠢᠭᠢᠵᠦ
ᠰᠦᠯᠳᠡ ᠬᠡᠢᠮᠣᠷᠢ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠮᠣᠩᠭᠣᠯ ᠢ᠋ᠶ᠋ᠠᠨ ᠲᠤᠯᠤᠭᠰᠠᠨ ᠪᠣᠰᠤᠭᠠ ᠪᠢᠴᠢᠭ
ᠲᠢᠲᠢᠮ ᠡᠴᠡ ᠰᠡᠭᠦᠯ ᠬᠦᠷᠲᠡᠯᠡ ᠦᠶᠡ ᠬᠣᠯᠪᠣᠨ ᠦᠭᠡ ᠪᠦᠲᠦᠭᠡᠵᠦ
ᠬᠠᠭᠠᠳ ᠠ᠋ᠴᠠ ᠬᠠᠷᠠᠴᠤ ᠣᠯᠠᠨ ᠨᠢ ᠬᠦᠷᠲᠡᠯᠡ
ᠦᠰᠦᠭ ᠬᠣᠯᠪᠣᠭᠤᠯᠤᠨ ᠦᠶᠡ ᠳᠠᠮᠵᠢᠨ ᠤᠩᠰᠢᠭᠳᠠᠭᠰᠠᠨ
ᠨᠠᠷᠠᠨ ᠤ᠋ ᠰᠠᠴᠤᠷᠠᠭ ᠮᠡᠲᠦ ᠪᠣᠮᠠᠨ ᠰᠠᠴᠤᠷᠠᠭ ᠵᠦᠭ ᠲᠦ᠍ ᠪᠡᠨ ᠳᠣᠣᠷᠠ ᠳᠡᠯᠭᠡᠷᠡᠭᠰᠡᠨ
ᠨᠠᠵᠢᠳ ᠮᠤᠩᠬᠠᠭ ᠤ᠋ᠨ ᠬᠠᠷᠠᠩᠭᠤᠢ ᠶ᠋ᠢ ᠭᠡᠷᠡᠯᠲᠦᠭᠦᠯᠦᠨ ᠭᠡᠢᠭᠦᠯᠦᠭᠰᠡᠨ
ᠲᠡᠭᠦᠨ ᠦ᠌ ᠳᠣᠣᠷᠠ ᠲᠦᠮᠡᠨ ᠠᠭᠲᠠᠨ ᠤ᠋ ᠲᠣᠭᠣᠰᠣᠨ ᠳ᠋ᠤ᠌ ᠤᠤᠬᠠᠢ ᠶᠠᠭᠤ ᠪᠠᠨ ᠬᠠᠳᠠᠭᠠᠭᠰᠠᠨ
ᠮᠣᠷᠢᠲᠠᠨ ᠮᠣᠩᠭᠣᠯ ᠤ᠋ᠨ ᠬᠡᠢᠮᠣᠷᠢ ᠰᠢᠭ᠃
ᠲᠡᠭᠦᠯᠳᠡᠷ ᠣᠷᠴᠢᠯᠠᠩ ᠤ᠋ᠨ ᠡᠯᠢᠭᠡᠨ ᠳᠡᠭᠡᠷᠡ ᠬᠡᠪᠲᠡᠵᠦ
ᠮᠥᠯᠬᠥᠬᠦ ᠤᠴᠢᠷ ᠦᠭᠡᠢ ᠪᠣᠰᠤᠭᠠ ᠪᠢᠴᠢᠭ ᠮᠢᠨᠦ᠃ ᠮᠣᠩᠭᠣᠯ ᠪᠢᠴᠢᠭ ᠮᠢᠨᠦ᠃
ᠬᠢᠨᠠᠭᠴᠢ᠄ ᠲᠣᠳᠣᠭᠡᠷᠡᠯ