ᠳᠡᠪᠡᠯ ᠦᠨ ᠢᠶ᠋ᠡᠨ ᠡᠩᠭᠡᠷ ᠢᠶ᠋ᠡᠷ ᠨᠢᠯᠪᠤᠰᠤ ᠶ᠋ᠢ ᠮᠢᠨᠢ ᠠᠷᠴᠢᠵᠤ
ᠳᠡᠯᠡᠬᠡᠢ ᠶ᠋ᠢ ᠦᠭᠴᠦ ᠨᠠᠮᠠ ᠶ᠋ᠢ ᠠᠷᠭᠠᠳᠠᠭᠰᠠᠨ ᠡᠮᠸ ᠮᠢᠨᠢ
ᠡᠬᠡ ᠶ᠋ᠢᠨ ᠴᠠᠭᠠᠨ ᠰᠦᠨ ᠦ ᠴᠢᠨᠢ ᠬᠠᠷᠢᠭᠤ ᠳᠤ
ᠡᠨᠡᠬᠡᠨ ᠪᠥᠮᠪᠥᠷᠴᠡᠭ ᠢ ᠡᠬᠡᠭᠦᠯᠵᠦ ᠦᠭᠬᠦ ᠳᠦ ᠪᠠᠭᠠᠳᠠᠨᠠᠮ
ᠥᠷᠦᠭᠡᠯ ᠦᠨ ᠨᠢᠳᠦᠨ ᠳᠦ ᠥᠷᠳᠦᠮᠡᠷ ᠦᠭᠡᠢ
ᠦᠪᠡᠷ ᠢᠶ᠋ᠡᠷ ᠮᠢᠨᠢ ᠥᠪᠡᠷ ᠢ ᠪᠡᠨ ᠠᠷᠭᠠᠳᠠᠳᠠᠭ ᠪᠠᠶ᠋ᠢᠵᠤ ᠳ᠋ᠠ ᠡᠮᠸ ᠮᠢᠨᠢ
ᠡᠬᠡ ᠬᠡᠯᠡᠨ ᠦ ᠮᠢᠨᠢ ᠪᠠᠶᠠᠯᠢᠬ ᠰᠠᠩ ᠠ᠋ᠴᠠ
ᠡᠮᠸ ᠪᠠᠨ ᠠᠷᠭᠠᠳᠠᠬᠤ ᠦᠭᠡ ᠨᠠᠳᠠ ᠣᠯᠳᠠᠭᠰᠠᠨ ᠦᠭᠡᠢ
ᠭᠤᠷᠪᠠᠨ ᠵᠢᠯ ᠠᠶ᠋ᠢᠯ ᠤᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠭᠦᠶᠦᠬᠦ ᠳᠦ ᠪᠡᠨ ᠪᠠᠷᠠᠮᠴᠢ ᠪᠠᠶ᠋ᠢᠯᠠ ᠪᠢ
ᠭᠤᠳᠤᠯ ᠢ ᠮᠢᠨᠢ ᠨᠦᠬᠦᠵᠦ ᠣᠶ᠋ᠢᠮᠤᠰᠤ ᠶ᠋ᠢ ᠮᠢᠨᠢ ᠴᠣᠭᠣᠯᠢᠳᠴᠤ
ᠦᠦᠷ ᠴᠠᠶ᠋ᠢᠯᠭᠠᠳᠠᠭ ᠪᠠᠶ᠋ᠢᠯᠠ ᠡᠮᠸ ᠮᠢᠨᠢ
ᠭᠤᠯᠤᠩᠬᠠᠢ ᠬᠣᠨᠢ ᠲᠣᠶ᠋ᠢᠬᠯᠠᠬᠤ ᠳᠤ ᠪᠠᠨ ᠴᠤ᠌ ᠬᠦᠦ ᠮᠢᠨᠢ ᠭᠡᠵᠦ
ᠭᠣᠣᠯ ᠠ᠋ᠴᠠ ᠪᠠᠨ ᠤᠶᠠᠷᠠᠵᠤ ᠣᠬᠢᠯᠠᠳᠠᠭ ᠪᠠᠶ᠋ᠢᠵᠤ ᠳ᠋ᠠ ᠡᠮᠸ ᠮᠢᠨᠢ
ᠨᠡᠷᠡ ᠪᠡᠷ ᠮᠢᠨᠢ ᠳᠠᠭᠤᠳᠠᠵᠤ ᠵᠡᠭᠦᠳᠦᠨ ᠡᠴᠡ ᠪᠡᠨ ᠰᠡᠷᠡᠬᠦ ᠪᠣᠯᠭᠠᠨ
ᠵᠢᠷᠦᠬᠡ ᠪᠡᠨ ᠳᠦᠭᠰᠢᠭᠦᠯᠵᠦ ᠪᠦᠳᠦᠨ ᠨᠣᠶ᠋ᠢᠷ ᠢᠶ᠋ᠠᠨ
ᠬᠤᠭᠤᠰᠯᠠᠳᠠᠭ ᠯᠠ ᠪᠠᠶ᠋ᠢᠯᠠ ᠳ᠋ᠠ ᠡᠮᠧ ᠮᠢᠨᠢ
ᠡᠪ ᠦᠭᠡᠶ᠋ᠢᠷᠬᠡᠵᠤ ᠨᠢᠳᠦ ᠨᠢ ᠳᠠᠲᠠᠬᠤ ᠳᠤ ᠪᠠᠨ ᠡᠪᠡᠢ ᠬᠦᠦ ᠮᠢᠨᠢ ᠶᠠᠭᠠᠬᠢᠯᠠ ᠭᠡᠵᠦ
ᠵᠠᠯᠪᠠᠷᠢᠳᠠᠭ ᠪᠠᠶ᠋ᠢᠯᠠ ᠳ᠋ᠠ ᠡᠮᠧ ᠮᠢᠨᠢ
ᠠᠶ᠋ᠢᠮᠠᠭ ᠤᠨ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠴᠢᠬᠠᠯᠠ ᠭᠡᠵᠦ
ᠠᠯᠢᠨ ᠠ᠋ᠴᠠ ᠨᠢ ᠴᠤ᠌ ᠢᠯᠡᠭᠦᠦ ᠪᠠᠶᠠᠷᠯᠠᠭᠰᠠᠨ ᠨᠢ ᠡᠮᠧ ᠮᠢᠨᠢ ᠪᠠᠶ᠋ᠢᠯᠠ
ᠠᠮᠠᠷ ᠦᠭᠡᠢ ᠳ᠋ᠠ ᠂ ᠲᠡᠶ᠋ᠢᠮᠦ ᠬᠣᠯᠠ ᠭᠡᠵᠦ
ᠠᠯᠠᠭ ᠨᠢᠳᠦᠨ ᠦ ᠪᠠᠨ ᠵᠡᠶ᠋ᠢᠷ ᠢ ᠬᠠᠨᠴᠤᠢ ᠳᠦ ᠪᠡᠨ ᠨᠢᠭᠤᠭᠰᠠᠨ ᠨᠢ ᠴᠤ᠌ ᠡᠮᠧ ᠮᠢᠨᠢ ᠪᠠᠶ᠋ᠢᠯᠠ
ᠠᠯᠤᠰ ᠣᠴᠢᠪᠠᠯ ᠡᠵᠢ ᠳᠦ ᠪᠡᠨ ᠵᠠᠬᠢᠳᠠᠯ ᠪᠢᠴᠢᠭᠡᠷᠡᠢ ᠭᠡᠵᠦ
ᠠᠮᠠᠨ ᠠ᠋ᠴᠠ ᠪᠠᠨ ᠬᠣᠶ᠋ᠢᠰᠢ ᠦᠭᠡᠢ ᠶᠠᠷᠢᠳᠠᠭ ᠪᠠᠶ᠋ᠢᠯᠠ ᠳ᠋ᠠ ᠡᠮᠧ ᠮᠢᠨᠢ
ᠠᠢ ᠂ ᠲᠡᠭᠡᠬᠦ ᠳᠦ ᠪᠢ ᠴᠢᠨᠢ ᠡᠵᠢ ᠶ᠋ᠢᠨ ᠢᠶ᠋ᠡᠨ ᠰᠡᠳᠬᠢᠯ ᠢ ᠠᠷᠭᠠᠳᠠᠵᠤ
ᠠᠳᠠᠭ ᠨᠢ ᠨᠢᠭᠡ ᠴᠤ᠌ ᠵᠠᠬᠢᠳᠠᠯ ᠦᠭᠡᠢ ᠰᠠᠭᠤᠳᠠᠭ ᠪᠠᠶ᠋ᠢᠬᠰᠠᠨ ᠳ᠋ᠠ
ᠠᠢ ᠳ᠋ᠠ ᠂ ᠬᠦᠦ ᠮᠢᠨᠢ ᠶᠠᠪᠤᠴᠢᠬᠠᠪᠠᠯ ᠭᠡᠷ ᠬᠦᠨᠳᠡᠶ᠋ᠢᠷᠡᠴᠢᠬᠡᠨᠡ ᠭᠡᠵᠦ
ᠠᠷᠪᠠ ᠬᠣᠨᠣᠭ ᠤᠨ ᠤᠷᠢᠳᠠ ᠡᠴᠡ ᠯᠠ ᠡᠳᠦᠷ ᠲᠣᠭᠠᠯᠠᠨ ᠵᠣᠪᠠᠳᠠᠭ ᠶᠤᠮ ᠳ᠋ᠠ ᠡᠮᠧ ᠮᠢᠨᠢ
ᠠᠮᠠᠷᠠᠯᠲᠠ ᠪᠠᠷ ᠨᠢᠭᠡ ᠣᠴᠢᠬᠤ ᠳᠤ ᠪᠠᠨ ᠴᠤ᠌
ᠠᠬᠠᠶ᠋ᠢᠰ ᠭᠡᠮᠡᠷ ᠨᠢᠭᠡ ᠴᠤ᠌ ᠢᠯᠡᠭᠦᠦ ᠬᠣᠨᠣᠯ ᠦᠭᠡᠢ ᠪᠡᠷ ᠶᠠᠪᠤᠴᠢᠬᠠᠳᠠᠭ ᠪᠠᠶ᠋ᠢᠯᠠ ᠪᠢ
ᠲᠠᠬᠤᠯ ᠡᠪᠡᠳᠴᠢᠨ ᠳᠦ ᠨᠢᠭᠡ ᠤᠨᠠᠬᠤ ᠳᠤ ᠪᠠᠨ ᠴᠤ᠌
ᠲᠠᠨ ᠤ ᠪᠠᠨ ᠰᠠᠶ᠋ᠢᠨ ᠢ ᠦᠵᠡᠯ ᠦᠭᠡᠢ ᠶᠠᠪᠤᠴᠢᠬᠠᠬᠤ ᠶᠤᠮ ᠤᠤ ᠳ᠋ᠠ ᠭᠡᠵᠦ
ᠠᠷᠬᠠᠶ᠋ᠢᠵᠤ ᠳᠠᠷᠬᠠᠶ᠋ᠢᠬᠰᠠᠨ ᠬᠣᠶᠠᠷ ᠬᠦᠦ ᠳᠦ ᠪᠠᠨ
ᠠᠯᠠᠭ ᠨᠢᠳᠦᠨ ᠦ ᠨᠢᠯᠪᠤᠰᠤ ᠪᠠᠨ ᠰᠢᠪᠬᠠᠨ ᠪᠠᠶ᠋ᠢᠵᠤ ᠬᠡᠯᠡᠭᠰᠡᠨ ᠶᠤᠮ ᠳ᠋ᠠ ᠡᠮᠧ ᠮᠢᠨᠢ
ᠰᠢᠷᠭᠠ ᠮᠣᠷᠢ ᠪᠠᠨ ᠬᠤᠳᠠᠯᠳᠤᠴᠢᠬᠠᠭᠠᠳ
ᠰᠢᠷᠠᠲᠠᠲᠠᠯᠡ ᠨᠢᠭᠡ ᠰᠣᠭᠳᠤᠭᠰᠠᠨ ᠶᠤᠮ ᠰᠢᠦ ᠠᠪᠤ ᠴᠢᠨᠢ ᠭᠡᠵᠦ
ᠰᠢᠯᠭᠠᠯᠲᠠ ᠶ᠋ᠢ ᠮᠢᠨᠢ ᠨᠦᠯᠦᠭᠡᠯᠡᠴᠢᠬᠡᠨᠡ ᠭᠡᠵᠦ ᠠᠯᠢ ᠰᠡᠭᠦᠯᠡᠷ
ᠰᠢᠪᠠᠳᠠᠵᠤ ᠭᠣᠪᠢᠭᠤᠯᠤᠭᠰᠠᠨ ᠵᠣᠭᠣᠰ ᠤᠨ ᠢᠷᠡᠯᠲᠡ ᠪᠡᠨ ᠬᠡᠯᠡᠭᠰᠡᠨ ᠶᠤᠮ ᠡ ᠡᠮᠧ ᠮᠢᠨᠢ
ᠡᠮᠧ ᠭᠡᠵᠦ ᠬᠡᠯᠡᠨ ᠳᠦ ᠣᠷᠣᠭᠰᠠᠨ ᠡ ᠪᠢ ᠂
ᠡᠬᠡ ᠬᠡᠯᠡᠨ ᠦ ᠪᠡᠨ ᠥᠨᠳᠥᠷ ᠤᠷᠤᠭᠤ ᠨᠢᠰᠦᠭᠰᠡᠨ ᠰᠢᠪᠠᠭᠤ
ᠤᠶᠠᠩᠭᠠ ᠶ᠋ᠢᠨ ᠡᠷᠢᠯ ᠳᠦ ᠤᠳᠠᠳᠠᠯᠡ ᠪᠡᠨ ᠶᠠᠪᠤᠭᠰᠠᠨ ᠴᠤ᠌
ᠡᠮᠧ ᠪᠡᠨ ᠠᠷᠭᠠᠳᠠᠬᠤ ᠦᠭᠡ ᠳᠠᠩᠴᠤ ᠣᠯᠳᠠᠭᠰᠠᠨ ᠦᠭᠡᠢ
ᠲᠣᠷᠭᠠᠨ ᠬᠡᠯᠡ ᠶ᠋ᠢᠨ ᠮᠠᠨᠠᠭᠠᠨ ᠳᠤ ᠤᠷᠭᠠᠨ ᠮᠣᠷᠢ ᠰᠢᠭ᠋ ᠶᠠᠭᠠᠷᠠᠵᠤ
ᠲᠣᠭᠠ ᠲᠠᠢ ᠬᠡᠳᠦ ᠬᠣᠨᠣᠭ ᠤᠨ ᠴᠢᠯᠥᠭᠡ ᠪᠡᠷ ᠢᠶ᠋ᠡᠨ ᠬᠠᠶᠠ ᠨᠢᠭᠡ ᠬᠠᠷᠢᠬᠤ ᠳᠤ
ᠨᠠᠷᠠᠲᠠᠢ ᠪᠣᠷᠣᠭᠠᠨ ᠰᠢᠭ᠋ ᠡᠮᠧ ᠮᠢᠨᠢ
ᠨᠠᠳᠠ ᠶ᠋ᠢ ᠪᠡᠨ ᠪᠠᠶᠠᠷ ᠤᠨ ᠨᠢᠯᠪᠤᠰᠤ ᠪᠠᠷ ᠤᠭᠲᠤᠳᠠᠭ ᠶᠤᠮ ᠳ᠋ᠠ
ᠠᠢ ᠳ᠋ᠠ ᠂ ᠲᠡᠭᠡᠬᠦ ᠳᠦ ᠡᠮᠧ ᠮᠢᠨᠢ ᠵᠢᠯ ᠡᠴᠡ ᠪᠡᠨ ᠵᠢᠯ ᠥᠲᠡᠯᠵᠦ ᠪᠠᠶ᠋ᠢᠬᠤ ᠶ᠋ᠢᠨ ᠬᠢ ᠶᠤᠮ ᠤᠤ
ᠬᠡᠦᠬᠡᠳ ᠰᠢᠭ᠌ ᠪᠣᠯᠴᠢᠬᠠᠭᠰᠠᠨ ᠢ ᠨᠢ ᠶᠠᠭᠠᠬᠢᠨᠠ
ᠬᠦᠰᠡᠯ ᠢᠶ᠋ᠡᠷ ᠨᠢ ᠬᠦᠷᠦᠭᠡᠳ ᠣᠴᠢᠬᠤ ᠳᠤ ᠣᠬᠢᠯᠠᠴᠢᠬᠠᠬᠤ ᠶ᠋ᠢ ᠨᠢ ᠶᠠᠭᠠᠬᠢᠨᠠ
ᠭᠠᠵᠠᠷ ᠬᠡᠳᠦᠢ ᠬᠣᠯᠠ ᠪᠠᠶ᠋ᠢᠯᠠ ᠴᠤ᠌ ᠬᠦᠷᠦᠭᠡᠳ ᠢᠷᠡᠳᠡᠭ ᠶᠤᠮ ᠡᠮᠧ ᠮᠢᠨᠢ
ᠭᠠᠯᠲᠤ ᠲᠡᠷᠭᠡᠨ ᠥᠷᠲᠡᠭᠡᠨ ᠳᠦ ᠪᠠᠷᠠᠪᠠᠷ ᠮᠢᠨᠢ ᠣᠬᠢᠯᠠᠴᠢᠬᠠᠳᠠᠭ ᠶᠤᠮ ᠡᠮᠧ ᠮᠢᠨᠢ
ᠭᠠᠷ ᠳᠠᠯᠠᠯᠤᠭᠠᠳ ᠭᠠᠳᠠᠨᠠ ᠪᠠᠨ ᠬᠣᠴᠣᠷᠬᠤ ᠳᠤ ᠪᠠᠨ ᠴᠤ᠌ ᠡᠮᠧ ᠮᠢᠨᠢ
ᠭᠠᠭᠴᠠᠬᠠᠨ ᠴᠤ᠌ ᠲᠡᠰᠬᠦ ᠦᠭᠡᠢ ᠣᠬᠢᠯᠠᠴᠢᠬᠠᠳᠠᠭ ᠢ ᠨᠢ ᠶᠠᠭᠠᠬᠢᠨᠠ
ᠤᠯᠠᠷᠢᠯ ᠤᠨ ᠰᠢᠪᠠᠭᠤᠳ ᠤᠨ ᠲᠦᠷᠦᠭᠦᠴᠢ ᠶ᠋ᠢ ᠬᠠᠷᠠᠭᠠᠳ
ᠤᠶᠠᠷᠠᠨ ᠤᠶᠠᠷᠠᠵᠤ ᠨᠢᠭᠡ ᠰᠠᠶ᠋ᠢᠨ ᠣᠬᠢᠯᠠᠲᠠᠭ ᠪᠠᠶ᠋ᠢᠬᠤ ᠳ᠋ᠠ ᠡᠮᠧ ᠮᠢᠨᠢ
ᠠᠭᠤᠯᠠᠰ ᠤᠨ ᠤᠷᠤᠢ ᠪᠤᠭᠤᠷᠤᠯᠲᠤᠵᠤ ᠡᠪᠦᠯ ᠢᠷᠡᠬᠦ ᠳᠦ
ᠤᠳᠠᠳᠠᠯᠡ ᠪᠡᠨ ᠭᠠᠳᠠᠨᠠ ᠪᠠᠨ ᠵᠣᠭᠰᠣᠵᠤ ᠵᠢᠭᠡᠭᠦᠴᠡᠴᠢᠭᠡᠬᠦ ᠪᠣᠢ ᠳ᠋ᠠ ᠡᠮᠧ ᠮᠢᠨᠢ
ᠳᠡᠷᠭᠡᠳᠡ ᠨᠢ ᠬᠠᠮᠲᠤ ᠪᠠᠶ᠋ᠢᠬᠤ ᠳᠤ ᠪᠠᠨ
ᠳᠡᠩᠳᠡᠭᠦᠦ ᠴᠤ᠌ ᠡᠷᠬᠡ ᠪᠠᠶ᠋ᠢᠵᠤ ᠡᠮᠧ ᠪᠡᠨ ᠵᠣᠪᠠᠭᠠᠯᠠ ᠳ᠋ᠠ ᠪᠢ
ᠳᠡᠷᠭᠡᠳᠡ ᠨᠢ ᠨᠢᠰᠦᠭᠡᠳ ᠣᠴᠢᠵᠤ ᠴᠢᠳᠠᠬᠤ ᠦᠭᠡᠢ ᠴᠤ᠌
ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠢᠭᠠ ᠠ᠋ᠴᠠ ᠴᠤ᠌ ᠡᠮᠧ ᠮᠢᠨᠢ ᠡᠷᠢᠭᠳᠡᠨᠡ ᠳ᠋ᠠ
ᠥᠯᠥᠭᠡᠢ ᠶ᠋ᠢᠨ ᠰᠢᠷᠣᠢ ᠳᠤ ᠮᠢᠨᠢ ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠪᠠᠨ ᠰᠢᠩᠭᠡᠭᠡᠵᠦ
ᠥᠭᠦᠯᠡᠪᠦᠷᠢ ᠪᠦᠷᠢ ᠶ᠋ᠢᠨ ᠡᠬᠢᠨ ᠳᠤ ᠪᠠᠨ ᠡᠪᠡᠢ ᠬᠦᠦ ᠮᠢᠨᠢ ᠭᠡᠵᠦ ᠠᠷᠭᠠᠳᠠᠭᠰᠠᠨ ᠡᠮᠧ ᠮᠢᠨᠢ
ᠡᠬᠡ ᠶ᠋ᠢᠨ ᠰᠡᠳᠬᠢᠯ ᠦᠨ ᠥᠨᠳᠥᠷ ᠲᠤ᠌ ᠴᠢᠨᠢ ᠲᠡᠮᠡᠤᠯᠬᠦ ᠳᠦ
ᠡᠨᠡᠬᠡᠨ ᠪᠡᠶᠡ ᠮᠢᠨᠢ ᠡᠷᠭᠢᠬᠦ ᠲᠥᠷᠥᠯ ᠲᠡᠢ ᠪᠡᠨ ᠪᠠᠭᠠᠳᠠᠨᠠ
612