ᠮᠣᠩᠭᠣᠯ ᠪᠢᠴᠢᠭ - ᠭᠦᠨᠷᠦᠭᠵᠡᠪ ᠦᠨ ᠢᠰᠢᠬᠦᠦ Монгол бичиг - Г. Ишүү
391ᠮᠣᠩᠭᠣᠯ ᠪᠢᠴᠢᠭ
ᠢᠷᠠᠭᠤ ᠨᠠᠢᠷᠠᠭᠴᠢ ᠄ ᠢ ᠂ ᠢᠰᠢᠬᠦᠦ
ᠣᠷᠣᠢ ᠨᠠᠮᠤᠷ ᠤᠨ ᠴᠠᠰᠤ ᠶᠢ ᠵᠢᠷᠤᠭᠯᠠᠭᠰᠠᠨ ᠪᠤᠭᠤ ᠶᠢᠨ ᠴᠢᠭ᠌ ᠮᠣᠩᠭᠣᠯ ᠪᠢᠴᠢᠭ
ᠤᠯᠠᠨ ᠤᠰᠤᠨ ᠤ ᠬᠠᠪᠤᠷᠵᠢᠶᠠ ᠶᠢᠨ ᠣᠮᠣᠭᠯᠠᠩ ᠪᠤᠯᠠᠭ ᠤᠳ ᠮᠣᠩᠭᠣᠯ ᠪᠢᠴᠢᠭ
ᠳᠡᠯᠡᠬᠡᠢ ᠶᠢ ᠲᠠᠮᠠᠭᠠᠯᠠᠭᠰᠠᠨ ᠮᠣᠷᠢᠳ ᠤᠨ ᠲᠣᠭᠣᠷᠠᠢ ᠶᠢᠨ ᠲᠣᠭᠣᠰᠣ ᠮᠣᠩᠭᠣᠯ ᠪᠢᠴᠢᠭ
ᠳᠡᠭᠡᠪᠦᠷᠲᠦ ᠴᠠᠭᠠᠨ ᠭᠡᠷ ᠦᠨ ᠴᠡᠩᠬᠡᠷ ᠤᠲᠤᠭᠠ ᠮᠣᠩᠭᠣᠯ ᠪᠢᠴᠢᠭ
ᠳᠡᠭᠡᠳᠦᠰ ᠬᠠᠭᠠᠳ ᠤᠨ ᠲᠠᠮᠠᠭᠠᠨ ᠳ᠋ᠡᠬᠢ ᠳᠠᠷᠤᠳᠠᠰᠤ ᠪᠦᠬᠦᠨ ᠮᠣᠩᠭᠣᠯ ᠪᠢᠴᠢᠭ
ᠳᠡᠨᠵᠢ ᠶᠢᠨ ᠴᠡᠴᠡᠭ ᠢ ᠵᠠᠶ᠋ᠢᠮᠤᠴᠢᠯᠤᠭᠤᠭᠰᠠᠨ ᠮᠣᠷᠢᠨ ᠤ ᠶᠠᠪᠤᠳᠠᠯ ᠮᠣᠩᠭᠣᠯ ᠪᠢᠴᠢᠭ
ᠳᠦᠭᠦᠷᠡᠩ ᠳᠡᠯᠭᠡᠷ ᠨᠠᠷᠠᠨ ᠤ ᠨᠣᠮᠢᠨ ᠰᠣᠯᠣᠩᠭᠠ ᠮᠣᠩᠭᠣᠯ ᠪᠢᠴᠢᠭ
ᠳᠦᠦᠭᠡᠦᠷ ᠰᠢᠳᠡᠭᠰᠡᠨ ᠴᠢᠯᠠᠭᠤᠨ ᠤ ᠴᠣᠭᠣᠯᠤᠭᠰᠠᠨ ᠵᠢᠮᠡ ᠮᠣᠩᠭᠣᠯ ᠪᠢᠴᠢᠭ
ᠳᠡᠭᠦᠦ ᠪᠡᠨ ᠳᠠᠭᠠᠭᠤᠯᠵᠤ ᠭᠦᠶᠦᠭᠰᠡᠨ ᠨᠤᠭᠤ ᠶᠢᠨ ᠵᠢᠮ ᠮᠣᠩᠭᠣᠯ ᠪᠢᠴᠢᠭ
ᠳᠦᠷᠡᠯᠵᠡᠨ ᠠᠰᠠᠬᠤ ᠭᠠᠯ ᠤᠨ ᠬᠥᠬᠡ ᠢᠷ ᠮᠣᠩᠭᠣᠯ ᠪᠢᠴᠢᠭ ᠡ
ᠠᠯᠲᠠᠢ ᠶᠢᠨ ᠢᠵᠠᠭᠤᠷᠲᠤ ᠬᠡᠯᠡᠨ ᠦ ᠴᠢᠮᠡᠭ ᠭᠣᠶᠣᠯᠠᠯ ᠮᠣᠩᠭᠣᠯ ᠪᠢᠴᠢᠭ
ᠠᠯᠲᠠᠨ ᠬᠠᠷᠭᠠᠨᠠ ᠶᠢᠨ ᠣᠶ᠋ᠢᠰᠤᠨ ᠳᠡᠭᠡᠷᠡᠬᠢ ᠰᠤᠳᠤᠷ ᠨᠣᠮ ᠮᠣᠩᠭᠣᠯ ᠪᠢᠴᠢᠭ
ᠠᠭᠤᠤ ᠳᠡᠭᠡᠳᠦᠰ ᠦᠨ ᠰᠣᠶᠣᠯ ᠪᠠᠶ᠋ᠢᠬᠰᠠᠨ ᠠᠴᠠ ᠠᠮᠢ ᠪᠠᠨ ᠠᠯᠳᠠᠬᠤ ᠲᠦᠭᠦᠭᠰᠡᠨ ᠪᠢᠴᠢᠭ
ᠠᠷᠤ ᠂ ᠥᠪᠥᠷ ᠂ ᠬᠠᠯᠢᠮᠠᠭ ᠂ ᠪᠤᠷᠢᠶᠠᠳ ᠠᠯᠢ ᠠᠯᠢ ᠨᠢ ᠮᠣᠩᠭᠣᠯ ᠪᠢᠴᠢᠭ
ᠴᠠᠰᠤᠲᠤ ᠶᠢᠨ ᠮᠣᠩᠭᠣᠯ ᠂ ᠴᠠᠭᠠᠨ ᠮᠣᠩᠭᠣᠯ ᠂ ᠬᠠᠵᠠᠭᠠᠷ ᠮᠣᠩᠭᠣᠯ
ᠴᠠᠭ ᠴᠠᠭ ᠤᠨ ᠮᠣᠩᠭᠣᠯ ᠪᠢᠴᠢᠭ
ᠴᠠᠰᠤᠨ ᠳᠡᠭᠡᠭᠦᠷ ᠲᠤᠭᠤᠯᠤᠭᠰᠠᠨ ᠮᠠᠯ ᠤᠨ ᠴᠠᠴᠤᠭ ᠮᠥᠷ ᠮᠣᠩᠭᠣᠯ ᠪᠢᠴᠢᠭ
ᠲᠡᠷᠲᠡᠭᠡ ᠬᠥᠲᠥᠯ ᠢ ᠳᠠᠪᠠᠵᠤ ᠶᠠᠪᠤᠭᠠ ᠲᠡᠮᠡᠭᠡᠨ ᠵᠢᠩ ᠮᠣᠩᠭᠣᠯ ᠪᠢᠴᠢᠭ
ᠲᠩᠷᠢ ᠭᠠᠵᠠᠷ ᠢ ᠨᠡᠬᠡᠵᠦ ᠪᠠᠶ᠋ᠢᠭᠠ ᠪᠣᠷᠣᠭᠠᠨ ᠲᠤᠰᠤᠯ ᠮᠣᠩᠭᠣᠯ ᠪᠢᠴᠢᠭ
ᠬᠠᠷᠢ ᠶᠢᠨ ᠭᠦᠷᠦᠨ ᠤᠷᠤᠭᠤ ᠥᠷᠲᠡᠭᠡᠯᠡᠭᠰᠡᠨ ᠥᠳᠥᠲᠦ ᠵᠠᠬᠢᠳᠠᠯ ᠮᠣᠩᠭᠣᠯ ᠪᠢᠴᠢᠭ
ᠬᠠᠭᠠᠳ ᠤᠨ ᠵᠠᠷᠯᠢᠬ ᠢ ᠠᠭᠤᠯᠤᠭᠰᠠᠨ (ᠠᠬᠤᠭᠤᠯᠤᠭᠰᠠᠨ )
ᠬᠠᠰᠪᠣᠣ ᠲᠠᠮᠠᠭᠠ ᠮᠣᠩᠭᠣᠯ ᠪᠢᠴᠢᠭ
ᠭᠦᠷᠦᠨ ᠦ ᠲᠡᠦᠬᠡ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠲᠩᠷᠢ ᠶᠢᠨ ᠪᠣᠱᠣᠭ ᠭᠡᠷᠡᠯᠲᠦ ᠪᠢᠴᠢᠭ
ᠡᠷᠢᠨ ᠦ ᠲᠣᠭᠠᠯᠠᠯ ᠳᠤ ᠮᠦᠩᠬᠡᠷᠡᠭᠰᠡᠨ ᠶᠡᠬᠡ ᠲᠥᠷᠥ ᠶᠢᠨ ᠴᠠᠭᠠᠵᠠ ᠪᠢᠴᠢᠭ ᠡ
ᠬᠥᠰᠢᠶᠡ ᠴᠢᠯᠠᠭᠤᠨ ᠳᠤ ᠰᠡᠶ᠋ᠢᠯᠦᠭᠳᠡᠭᠰᠡᠨ ᠰᠦᠭ ᠵᠢᠷᠤᠭ ᠤᠳ ᠡᠪᠦᠭᠡ ᠪᠢᠴᠢᠭ
ᠬᠥᠬᠡ ᠮᠣᠩᠭᠣᠯ ᠡᠪᠦᠭᠡᠳ ᠦᠨ ᠲᠡᠦᠬᠡᠲᠦ ᠵᠢᠷᠤᠯᠭᠠ ᠣᠪᠣᠭ ᠪᠢᠴᠢᠭ
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠳᠦ ᠮᠦᠩᠬᠡᠯᠡᠭᠰᠡᠨ ᠡᠷᠬᠢᠮ ᠰᠣᠶᠣᠯ ᠳᠡᠭᠡᠳᠦ ᠪᠢᠴᠢᠭ
ᠾᠦᠩᠨᠦ ᠂ ᠰᠢᠶᠠᠨᠪᠢ ᠶ᠋ᠢᠨ ᠲᠡᠦᠬᠡ ᠬᠡᠯᠬᠢᠭᠰᠡᠨ ᠶᠡᠬᠡ ᠨᠡᠭᠦᠳᠡᠯ ᠬᠤᠳᠤᠮ ᠪᠢᠴᠢᠭ
ᠨᠠᠷᠠᠨ ᠵᠦᠭ ᠲᠢᠲᠢᠮᠯᠡᠵᠦ ᠪᠢᠴᠢᠭᠰᠡᠨ ᠣᠮᠣᠭ ᠲᠡᠭᠦᠯᠳᠡᠷ ᠭᠠᠯ ᠪᠢᠴᠢᠭ
ᠨᠠᠰᠤᠨ ᠬᠤᠲᠤᠭ ᠢ ᠪᠡᠯᠭᠡᠳᠡᠵᠦ ᠲᠠᠲᠠᠭᠰᠠᠨ ᠵᠠᠭᠤᠨ ᠵᠠᠭᠤᠨ ᠤ ᠪᠣᠰᠤᠭᠠ ᠪᠢᠴᠢᠭ
ᠳᠡᠪᠲᠡᠷ ᠨᠣᠮ ᠤᠨ ᠬᠠᠭᠤᠳᠠᠰᠤᠨ ᠳᠤ ᠣᠷᠣᠰᠢᠬᠰᠠᠨ ᠳᠡᠭᠡᠷᠡᠬᠢ ᠨᠠᠷᠠᠨ ᠤ ᠰᠠᠴᠤᠷᠠᠯ ᠪᠢᠴᠢᠭ
ᠳᠡᠯᠡᠬᠡᠢ ᠶᠢᠨ ᠰᠣᠶᠣᠯ ᠤᠨ ᠡᠪᠦᠭᠡᠨ ᠡᠴᠢᠭᠡ ᠳᠡᠭᠡᠳᠦ ᠲᠩᠷᠢ ᠶᠢᠨ ᠵᠠᠷᠯᠢᠬ ᠪᠢᠴᠢᠭ
ᠮᠣᠩᠭᠣᠯ ᠪᠢᠴᠢᠭ ᠡ