ᠮᠣᠩᠭᠣᠯ ᠬᠥᠮᠦᠨ ‍ᠦ ᠵᠢᠷᠦᠬᠡᠨ ‍ᠦ ᠪᠢᠴᠢᠭᠡᠰᠦ-ᠲᠠᠩᠭᠤᠳ ᠤᠨ ᠭᠠᠯᠰᠠᠩ Монгол хүний зүрхний бичээс--тангады ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

   ᠲᠠᠩᠭᠤᠳ  ᠤᠨ ᠭᠠᠯᠰᠠᠩ

ᠪᠢ — ᠲᠠᠪᠤᠨ ᠬᠠᠨ᠎ᠠ ᠎ᠲᠠᠢ ᠭᠡᠷ  ᠲᠦ ᠲᠥᠷᠥᠵᠡᠢ
ᠪᠢ — ᠲᠠᠪᠤᠨ ᠲᠢᠪ ᠎ᠲᠡᠢ ᠳᠡᠯᠡᠬᠡᠢ ‍ᠳᠦ ᠲᠥᠷᠥᠵᠡᠢ
ᠪᠢ — ᠪᠤᠭᠤᠷᠤᠯ ᠲᠡᠦᠬᠡ ᠎ᠲᠡᠢ ᠮᠣᠩᠭᠣᠯ ‍ᠳᠤ ᠲᠥᠷᠥᠵᠡᠢ
ᠪᠢ — ᠪᠤᠷᠬᠠᠳ ᠮᠡᠨᠳᠦᠯᠡᠳᠡᠭ ᠳᠣᠷᠣᠨ᠎ᠠ ‍ᠳᠤ ᠲᠥᠷᠥᠵᠡᠢ

ᠪᠣᠶ᠋ᠢᠲᠣᠭ ‍ᠤᠨ ᠮᠢᠨᠢ ᠬᠣᠩᠬᠣ ᠨᠠᠮ᠎ᠠ ‍ᠶ᠋ᠢ ᠬᠥᠯ ‍ᠳᠦ ᠣᠷᠣᠭᠤᠯᠤᠭᠰᠠᠨ
ᠪᠣᠲᠣᠭᠣᠨ ᠪᠣᠶ᠋ᠢᠯᠠᠭ᠎ᠠ ᠨᠠᠮ᠎ᠠ ‍ᠶ᠋ᠢ ᠬᠡᠯᠡ ‍ᠳᠦ ᠣᠷᠣᠭᠤᠯᠤᠭᠰᠠᠨ
ᠤᠤᠬᠠᠢ ᠭᠢᠩᠭᠤᠤ ᠨᠠᠳᠠ ‍ᠳᠤ ᠵᠢᠭᠦᠷ ᠤᠷᠭᠤᠭᠤᠯᠤᠭᠰᠠᠨ
ᠤᠷᠲᠤ ‍ᠶ᠋ᠢᠨ ᠳᠠᠭᠤᠤ ᠨᠠᠳᠠ ‍ᠳᠤ ᠤᠬᠠᠭᠠᠨ ᠴᠠᠷᠠᠭᠠᠯᠠᠭᠰᠠᠨ

ᠡᠪᠳᠡᠷᠡᠪᠡᠰᠦ ᠪᠢᠳᠡ ᠬᠤᠪᠢᠶᠠᠬᠤ ‍ᠶ᠋ᠢᠨ ᠬᠦᠷᠳᠦ ᠡ
ᠡᠪᠯᠡᠷᠡᠪᠡᠰᠦ ᠪᠢᠳᠡ ᠦᠷᠡᠵᠢᠭᠦᠯᠬᠦ ‍ᠶ᠋ᠢᠨ ᠬᠦᠷᠳᠦ ᠡ
ᠡᠨᠡ ᠪᠣᠯ ᠮᠢᠨᠦ ᠵᠢᠷᠦᠬᠡᠨ ‍ᠦ ᠪᠢᠴᠢᠭᠡᠰᠦ ᠡ
ᠡᠪᠯᠡᠷᠡᠭᠰᠡᠨ ᠴᠠᠭ ᠲᠦ ᠎ᠪᠠᠨ ᠮᠣᠩᠭᠣᠯᠴᠤᠳ ᠪᠢᠳᠡ ᠬᠦᠴᠦᠲᠡᠢ ᠡ

ᠠᠪᠳᠠᠷ᠎ᠠ ᠳᠣᠲᠣᠷ᠎ᠠ ᠎ᠪᠠᠨ ᠰᠤᠳᠤᠷ ᠮᠢᠨᠢ ᠪᠠᠭᠲᠠᠳᠠᠭ
ᠠᠲᠠᠨ ‍ᠤ ᠎ᠪᠡᠨ ᠨᠢᠷᠤᠭᠤᠨ ᠳᠡᠭᠡᠷ᠎ᠡ ᠭᠡᠷ ᠮᠢᠨᠢ ᠪᠠᠭᠲᠠᠳᠠᠭ
ᠦᠷᠭᠦᠭᠡᠨ ᠲᠣᠭᠣᠨᠣ ᠎ᠪᠠᠷ ᠮᠢᠨᠢ ᠨᠠᠷᠠᠨ ᠪᠠᠭᠲᠠᠳᠠᠭ
ᠦᠩᠬᠦᠯᠴᠡᠭ ‍ ᠳᠣᠲᠣᠷ᠎ᠠ ᠮᠢᠨᠢ ᠣᠷᠴᠢᠯᠠᠩ ᠣᠷᠴᠢᠳᠠᠭ ᠡ

ᠪᠢ — ᠳᠡᠯᠡᠬᠡᠢ ᠬᠡᠪ᠎ᠲᠡᠢ ᠭᠡᠷ ‍ᠦᠨ ᠡᠵᠡᠨ
ᠪᠢ — ᠳᠡᠭᠡᠭᠰᠢ ᠎ᠪᠡᠨ ᠵᠠᠶᠠᠭ᠎ᠠ᠎ᠲᠠᠢ ᠪᠤᠶᠠᠨ ‍ᠤ ᠡᠵᠡᠨ
ᠪᠢ — ᠳᠡᠭᠡᠷ᠎ᠡ ᠎ᠪᠡᠨ ᠨᠠᠷᠠ᠎ᠲᠠᠢ ᠲᠩᠷᠢ ‍ᠶ᠋ᠢᠨ ᠡᠵᠡᠨ
ᠪᠢ — ᠳᠡᠭᠡᠳᠦᠰ ᠎ᠡᠴᠡ ᠵᠠᠷᠯᠢᠬ ᠎ᠲᠠᠢ ᠮᠣᠩᠭᠣᠯ ‍ᠤᠨ ᠡᠵᠡᠨ

ᠪᠢ — ᠲᠠᠪᠤᠨ ᠬᠣᠰᠢᠭᠤ ᠰᠦᠷᠦᠭ ‍ᠦᠨ ᠡᠵᠡᠨ
ᠪᠢ — ᠲᠠᠯ᠎ᠠ ᠬᠠᠩᠭᠠᠢ ᠭᠣᠪᠢ ‍ᠶ᠋ᠢᠨ ᠡᠵᠡᠨ
ᠪᠢ — ᠯᠤᠤᠰ ᠎ᠲᠠᠢ ᠬᠥᠬᠡ ᠤᠰᠤᠨ ‍ᠤ ᠡᠵᠡᠨ
ᠪᠢ — ᠯᠤᠤ ᠎ᠲᠠᠢ ᠬᠥᠬᠡ ᠲᠡᠭᠷᠢ ‍ᠶ᠋ᠢᠨ ᠡᠵᠡᠨ