ᠪᠠᠷᠰ ᠤᠨ ᠦᠰᠦ ᠪᠢᠳᠡᠷ ᠲᠡᠢ ᠴᠣᠬᠣᠷ ᠪᠣᠯᠤᠭᠰᠠᠨ ᠤ ᠤᠴᠢᠷ-ᠦᠯᠢᠭᠡᠷ6Барын үс бидэртэй цоохор болсны учир-Үлгэр 6 ᠳᠣᠮᠣᠭ ᠦᠯᠢᠭᠡᠷ

Эрт цагт нас нь өндөр болсон бар хүүгээ дуудаж ᠄ 

     “За , хүү минь , хүчиндээ эрдэж хүн гэдэг амьтанд л битгий ойрдоорой доо! ” гэж хэлээд амьсгал хураасан юм санжай. 

      Залуу бар“ хүн гэдэг амьтан ямар болоод ойртож болдоггүй билээ? ер нь түүнтэй хүчээ нэг үзээд алдах юмсан” гэж бодоод хүнийг эрж гэнэ. тэгтэл замд нь нэгэн бух тааралдаж гэнэ. 

    “Чи хүн гэдэг амьтан мөн үү?”гэжээ. 

    “Би хүн биш , би бол бух байна.”

    “А. тэгвэл чи хүн гэдэг амьтныг мэдэх үү?” 

    “Мэдэхээр барах үү ! би чинь хүний зарц нь байхгүй юу︖ чи миний энэ хамрын төрийг харж байна уу? намыг ингэж төрлөөд , хөтлөөд , бас тэргэнд хөллөөд дээр минь унаж явдаг юм даа , тэр хүн чинь.” 

    “Хүүг , тэгвэл үнэхээр их бир тэнхээтэй амьтан байх нь ээ!” гэж барыг асуухад бух ᠄ 

    “Тийм ч биш л да.намыг толгойгоо сэжихэд эврээс минь зүүгдээд энд тэнд минь гарч байдаг юм билээ !”

“Тийм үү ? тэгээд ямар хачин юм бэ ? энэ дарлагар эвэртэй , бүдүүн цээжтэй , том биетэй амьтныг яаж зарцалж чаддаг юм бол”гэж бодоод цааш явж  гэнэ.

Тэгтэл нэг буур тааралдахад бар᠄ 

    “За , чи нөгөө хүн гэдэг амьтан мөн үү?” гэвэл 

    “Би хүн биш , би бол буур байна. ингэхэд та хүнээр яах нь вэ?”гэж асуужай. 

    “Аа , би хүнтэй хүчээ үзэлцэх гэсэн юмаа”

    “Ээ , бар минь дээ , бар минь ! хүн гэдэг чинь энэ дэлхийд хамгийн хүчтэй амьтан шүү дээ. дэмий биз дээ?”

    “Тэгвэл асар том амьтан байх нь үү.” 

    “Үгүй , үгүй. жаахан амьтан , би тэр хүнийг чинь дээрээ мордуулах гэж сөгдөж өгдөг юм байхгүй юу?” гэж гэнэ. тэгтэл бар ᠄ 

    “Юу ? чи чинь тэр хүн гэдгийн бас зарц нь юм уу?” гэхэд 

    “Тэгэлгүй яахав ! миний хамрын буйлыг харж байгаа биз дээ? намыг бурантгаар залж хүн гэдэг амьтан чинь онож явдаг юм шүү дээ ”гэхэд бар ᠄ 

    “Үгүй , мөн хачин юм даа ! ”гэж барыг дуу алдан ганхахад буур ᠄ 

    “Хүний хүч чадал нь ухаандаа л байдаг юм. тийм ухаантай амьтан ховор биз дээ ”гээд буурыг хэлэхэд бар ᠄ 

    “Хүн гэдэг амьтан чинь тэгээд бяр тэнхээ байхгүй , бие бялдар багатайг бодоход аймаар амьтан ч ер нь биш юм шүү дээ ! ухаан гэдэг нь юу байдаг юм бол доо ? тэгвэл ухааныг нь булаагаад авчхах юмсан ”гэж бодсоор цаашаа явж гэнэ.

   Ингээд бар ой дотор цөхрөнгөө бартал тэнэж явсаар нэгэн түлээчин эртэй тааралдаж гэнэ. 

    “Хүн гэдэг амьтан хаагуур байдаг юм бол оо. ”гэж барыг асуухад түлээчин ᠄ 

    “Би байна даа.та яах нь вэ? ”гэж дотроо айсан боловч бардам дүртэйгээр хэлэхэд 

    “Юу ? хүн гэдэг чинь тэгээд ердөө л энүүхэн үү? ”гэж дуу алдсанаа “арай сүр ч байхгүй , арчаагүй л амьтан байна доо , ганц л дэвсэхэд болох юм байна ”гэж бодоод 

     “Чамд тэгээд үзүүлэх хүч чадал гэгч нь байдаг юм уу? ”гэж ихэд басамжилж гэнэ. тэгэхэд хүн ᠄ 

     “Бар гуай минь дээ , байлгүй яахав ! миний хүч чадал чинь ухаандаа байдаг юм шүү дээ ”гэсэнд нөгөө бар хүнээс тэр ухааныг нь авна гэж бодож байхсан болохоор 

     “За , тэгвэл тэр ухаанаа надад үзүүлчээ дэ! ”гэжээ. хүн :

     “Бар гуай минь , би таныг энд ухаан үзэх юм гэж ерөөсөө санасангүй юм , тэгээд би ухаанаа гэртээ орхиод ирчихсэн юм байхгүй юу! ”гэхэд бар᠄ 

     “За , тэгвэл танайд очиж тэр ухааныг чинь үзье ”гэж архиран хэлж гэнэ. 

     “Бар гуай минь , бар гуай минь , та намыг дагаж манайх руу ойртож ерөөс болохгүй , манай хоточ нохойнууд таныг харангуут давхиж ирээд амь насанд чинь аюул болж мэднэ. эндээ хүлээгээд байж байхсан чинь дээр дээ!”гэж гэнэ. бар тэндээ хоцрох болоход түлээчин хэт алхсанаа тээнэгэлзэж зогсоод ᠄ 

     “Би ерөөсөө айгаад байна”гэж гэнэ. бар᠄ 

     “Юунаас айгаа вэ? ”гэхэд хүн ᠄

“Таныг араас минь бариад авах болов уу! гэж айгаад байна ”гэсэнд бар“хүн гэдэг чинь ийм аймхай байж яаж хүч чадалтай байхав дэ”гэж дотор нь инээд хүрч бодоод ᠄ 

     “За , за , тэгтэл айгаад байгаа юм бол намыг энэ модноос уяад яв л дээ.”гэж гэнэ. түлээчин барыг бүсээр модтой сайн гэгч нь барьж хүлээд ᠄ 

     “За , бар гуай минь , би яваад цэцэн ухаанаа аваад ирье , харин та түр хүлээж байгаарай ! ”гээд явж гэнэ. асар удалгүй модны хатсан мөчир тэвэрч авчраад барын хажуугаар овоолж ᠄ 

     “За , бар гуай минь , би ингээд ухаанаа аваад ирлээ , та үз дээ!” гээд хэд цахиураа цахиж овоолсон модондоо гал түлээд явж өгчээ. бар энд тэнд ээс нь шатаж эхлэхэд өнгөлцгөө хагартал айж байтал ашгүй хүлсэн бүс нь түлэгдэж сулраад санд мэнд гал дундуур дүүлэн гарч амь тэмцэн зугтаж оджээ. 

      Ингэж бар хүний цэцэн ухааныг үзэх гэж үсээ шарлааж оочин цоочин түлэгдээд хар цоохор бидэртэй болсон юм гэнэ билээ.