ᠠᠪᠤ ᠳ᠋ᠤ᠌ ᠪᠠᠨ- ᠴ ᠬᠤᠯᠠᠨАавдаа-ц хулан
637ᠠᠪᠤ ᠳ᠋ᠤ᠌ ᠪᠠᠨ
ᠴ᠂ ᠬᠤᠯᠠᠨ
ᠰᠠᠢᠬᠠᠨ ᠵᠠᠯᠠᠭᠤ ᠠᠪᠤ ᠶ᠋ᠢᠨ ᠦ᠌ ᠲᠡᠷᠢᠭᠦᠨ ᠳ᠋ᠦ᠍
ᠪᠤᠭᠤᠷᠤᠯ ᠣᠷᠣᠭᠰᠠᠨ ᠢ᠋ ᠠᠩᠬᠠ ᠦᠵᠡᠭᠡᠳ
ᠰᠠᠪᠠᠭᠠ ᠦᠭᠡᠢ ᠲᠣᠮᠣᠭᠠ ᠦᠭᠡᠢ ᠬᠡᠦᠬᠡᠳ ᠨᠠᠰᠤ ᠪᠠᠨ ᠪᠢ
ᠲᠡᠷᠡ ᠵᠢᠯ ᠦ᠋ᠨ ᠬᠢᠨ ᠰᠢᠪᠠᠭᠤᠳ ᠲᠠᠢ ᠬᠠᠮᠲᠤ ᠪᠤᠴᠠᠭᠠᠭᠰᠠᠨ
ᠰᠠᠨᠴᠢᠭ ᠲᠤ᠌ ᠨᠢ ᠨᠡᠮᠡᠬᠦ ᠮᠥᠩᠭᠥᠨ ᠰᠤᠷ ᠤ᠋ᠨ ᠲᠣᠭᠠᠯᠠᠭᠠ ᠪᠠᠷ
ᠵᠢᠷᠭᠠᠭᠠᠨᠠ ᠳᠠ ᠲᠡᠭᠡᠪᠡᠯ ᠭᠡᠬᠦ ᠳ᠋ᠦ᠍
ᠰᠠᠨᠠᠭᠰᠠᠨ ᠢ᠋ᠶ᠋ᠠᠷ ᠳᠠᠩᠴᠤ ᠪᠣᠯᠬᠤ ᠦᠭᠡᠢ ᠶᠠᠪᠤᠨᠠ᠂
ᠠᠪᠤ ᠠ᠋
ᠪᠦᠪᠡᠢ ᠳ᠋ᠦ᠍ ᠬᠣᠩᠭᠣᠷ ᠡᠵᠢ ᠶ᠋ᠢᠨ ᠲᠤᠬᠠᠢ ᠳᠠᠭᠤᠤ ᠮᠡᠳᠡᠭᠡᠵᠢ ᠣᠯᠠᠨ
ᠪᠦᠳᠡᠭᠢᠬᠡᠨ ᠭᠠᠷᠳᠠᠭ ᠵᠢᠷᠤᠭ ᠰᠢᠭ᠋ ᠰᠠᠨᠠᠭᠠ ᠲᠠᠢ ᠬᠢᠳᠡᠭ ᠠᠯᠳᠠᠭᠠ ᠰᠢᠭ᠋
ᠪᠦᠬᠦᠢᠯᠡ ᠣᠷᠴᠢᠯᠠᠩ ᠳ᠋ᠤ᠌ ᠬᠠᠷᠢᠨ ᠠᠪᠤ ᠶ᠋ᠢᠨ ᠠᠴᠢ ᠭᠡᠵᠦ ᠳᠠᠭᠤᠯᠠᠳᠠᠭ ᠥᠬᠡᠢ
ᠪᠦᠭᠦᠳᠡ ᠶ᠋ᠢᠨ ᠬᠢᠨ ᠠᠪᠤ ᠶᠠᠮᠠᠷ ᠮᠢᠨᠦ ᠠᠪᠤ ᠰᠢᠭ᠋ ᠪᠢᠰᠢ ᠳᠡ
ᠠᠮᠲᠠᠲᠠᠨ ᠵᠥᠭᠡᠯᠡᠨ ᠬᠣᠶᠠᠷ ᠢ᠋ᠶ᠋ᠠᠷ ᠪᠢᠯᠠᠷᠠᠭᠣᠯᠳ᠋ᠠᠭ ᠮᠠᠭᠤ ᠢᠵᠢᠢ ᠮᠢᠨᠢ
ᠠᠢᠯ ᠤ᠋ᠨ ᠲᠠᠪᠠᠭ ᠠ᠋ᠴᠠ ᠰᠢᠬᠢᠷ ᠬᠠᠷᠠᠮᠯᠠᠵᠤ ᠰᠢᠷᠠ ᠪᠠᠨ ᠪᠣᠯᠭᠣᠭᠠᠨᠠ
ᠠᠪᠤ ᠮᠢᠨᠢ ᠲᠡᠭᠡᠬᠦ ᠦᠭᠡᠢ
ᠠᠯᠠᠭ ᠴᠢᠯᠠᠭᠤ ᠬᠡᠭᠡᠷᠡ ᠡᠴᠡ ᠬᠣᠷᠮᠣᠢᠯᠠᠵᠤ ᠬᠦᠦ ᠳ᠋ᠡᠭᠡᠨ ᠵᠢᠰᠦᠯᠡᠭᠦᠯᠦᠨᠡ
ᠠᠯᠤᠰ ᠤ᠋ᠨ ᠵᠠᠮ ᠳ᠋ᠤ᠌ ᠠᠭᠤᠯᠠᠰ ᠤ᠋ᠨ ᠨᠡᠷᠡ ᠲᠣᠭᠲᠠᠭᠠᠯᠭᠠᠵᠤ ᠤᠬᠠᠭᠠᠨ ᠨᠡᠮᠡᠨᠡ
ᠡᠭᠡᠳᠡᠷᠡᠭᠡᠲᠦ ᠮᠢᠩᠭᠠᠨ ᠬᠠᠷᠭᠤᠢ
ᠲᠥᠷᠥᠭᠰᠡᠨ ᠭᠡᠷ ᠦ᠋ᠨ ᠭᠠᠳᠠᠨᠠ ᠠ᠋ᠴᠠ ᠡᠬᠢᠯᠡᠵᠦ
ᠡᠮᠡᠭᠡᠯ ᠳᠡᠭᠡᠷᠡ ᠪᠡᠨ ᠰᠣᠶᠣᠮᠪᠣ ᠲᠠᠢ
ᠤᠨᠠᠭᠠᠨ ᠬᠦᠯᠦᠭ ᠦ᠋ᠨ ᠨᠢᠷᠤᠭᠤᠨ ᠳ᠋ᠤ᠌ ᠠᠩᠬᠠ ᠭᠠᠷᠬᠤ ᠳ᠋ᠤ᠌
ᠰᠠᠨᠰᠠᠷ ᠲᠤ᠌ ᠬᠦᠦ ᠨᠢ ᠨᠢᠰᠬᠦ ᠰᠢᠭ ᠰᠠᠨᠠᠵᠤ
ᠡᠵᠢ ᠨᠠᠷ ᠰᠠᠴᠤᠯᠢ ᠪᠠᠨ ᠡᠷᠭᠦᠵᠦ ᠭᠦᠶᠦᠯᠳᠦᠳᠡᠭ
ᠰᠠᠭᠠᠯᠲᠠ ᠣᠷᠣᠭᠠᠳ ᠡᠷᠭᠢᠬᠦ ᠶᠤᠮ ᠰᠢᠭ ᠰᠨ᠋ᠠᠵᠣ
ᠠᠪᠤ ᠨᠠᠷ ᠳᠤᠬᠤ ᠶ᠋ᠢ ᠨᠢ ᠬᠠᠨᠠᠵᠤ ᠦᠨᠦᠷᠯᠡᠳᠡᠭ
ᠠᠳᠬᠠᠵᠤ ᠢᠵᠢᠢ ᠨᠢ ᠡᠳᠦᠷᠵᠢᠨ ᠷᠠᠳᠢᠣ᠋ ᠰᠢᠭ᠋ ᠦᠭᠡᠯᠡᠨᠡ
ᠠᠮᠢᠳᠤᠷᠠᠯ ᠳ᠋ᠤ᠌ ᠵᠥᠪᠬᠡᠨ ᠦᠨᠡᠨ ᠢ᠋ ᠬᠡᠯᠡᠬᠦ ᠭᠡᠵᠦ ᠠᠪᠤ ᠨᠠᠷ
ᠰᠤᠮᠤ ᠶ᠋ᠢᠨ ᠦᠵᠡᠯ ᠰᠢᠭ ᠬᠠᠶᠠ ᠨᠢᠭᠡ ᠳᠤᠤᠭᠠᠷᠤᠨᠠ
ᠪᠡᠶᠡ ᠡᠪᠡᠳᠦᠯᠡ ᠭᠡᠵᠦ ᠡᠵᠢ ᠨᠠᠷ ᠬᠡᠦᠬᠡᠳ ᠢ᠋ᠶ᠋ᠡᠨ
ᠠᠷᠭᠠ ᠦᠭᠡᠢ ᠨᠢᠭᠡ ᠠᠶᠤᠯᠭᠠᠳᠠᠭ
ᠪᠢᠲᠡᠭᠦᠬᠡᠨ ᠳᠣᠲᠣᠷᠠ ᠠ᠋ᠴᠠ ᠪᠠᠨ ᠨᠤᠷᠠᠵᠤ ᠠᠪᠤ ᠨᠠᠷ
ᠴᠢᠮᠡᠭᠡ ᠦᠭᠡᠢᠬᠡᠨ ᠥᠲᠡᠯᠳᠡᠭ
ᠦᠬᠦᠵᠦ ᠪᠣᠯᠬᠤ ᠦᠭᠡᠢ ᠲᠤᠰᠢᠶᠠᠯ ᠠᠪᠤᠭᠰᠠᠨ
ᠴᠡᠷᠢᠭ ᠰᠢᠭ ᠲᠡᠳᠡ
ᠦᠷᠡᠰ ᠨᠢ ᠬᠥᠯ ᠢ᠋ᠶ᠋ᠡᠨ ᠣᠯᠲᠠᠯᠠ
ᠴᠣ ᠡᠷᠡᠭᠦᠯ ᠪᠣᠯᠵᠤ ᠵᠦᠴᠦᠭᠡᠯᠡᠳᠡᠭ ᠠ᠋
ᠠᠴᠢ ᠶ᠋ᠢ ᠲᠠᠨᠢ ᠬᠠᠷᠢᠭᠤᠯᠤᠨᠠ ᠭᠡᠵᠦ
ᠣᠯᠠᠨ ᠵᠢᠯ ᠪᠢ ᠬᠤᠳᠠᠯ ᠶᠠᠷᠢᠯᠠ
ᠠᠴᠢ ᠶ᠋ᠢ ᠨᠢ ᠭᠠᠷᠭᠠᠵᠤ ᠥᠭᠭᠦᠴᠢᠬᠡᠭᠡᠳ ᠬᠠᠷᠢᠨ
ᠨᠢᠭᠡ ᠶᠡᠬᠡ ᠭᠠᠪᠢᠶᠠᠲᠠᠨ ᠰᠢᠭ᠋
ᠰᠥᠬᠥ ᠰᠥᠬᠥ ᠭᠡᠵᠦ ᠭᠡᠪᠳ᠋ᠡᠭᠦᠯᠦᠨ
ᠨᠣᠮᠣᠬᠠᠨ ᠲᠡᠮᠡᠭᠡ ᠨᠣᠣᠯᠠᠭᠤᠯᠬᠤ ᠮᠡᠲᠦ
ᠰᠥᠭᠡᠰᠡᠭᠡᠷ ᠬᠡᠳᠦᠨ ᠪᠠᠴᠠᠭᠠᠨ ᠤ᠋ ᠡᠮᠦᠨᠡ
ᠬᠥᠭᠰᠢᠨ ᠠᠪᠤ ᠶ᠋ᠢ ᠪᠡᠨ ᠮᠥᠯᠬᠥᠭᠦᠯᠦᠯᠡ
ᠭᠠᠷ ᠢ᠋ᠶ᠋ᠠᠨ ᠡᠷᠭᠦᠵᠦ ᠳᠠᠢᠰᠤᠨ ᠳ᠋ᠤ᠌ ᠪᠠᠨ
ᠦᠭᠡ ᠳᠠᠭᠤ ᠦᠭᠡᠢ ᠪᠠᠭᠤᠵᠤ ᠥᠭᠬᠦ ᠮᠡᠲᠦ
ᠭᠠᠷᠴᠠᠭᠠ ᠦᠭᠡᠢ ᠲᠣᠮᠣ ᠠᠯᠠᠭᠠ ᠪᠠᠨ ᠳᠡᠯᠭᠡᠵᠦ
ᠲᠠ ᠲᠡᠳᠡᠨ ᠢ᠋ ᠪᠡᠨ ᠬᠥᠲᠥᠯᠦᠨᠡ
ᠭᠠᠷᠠᠭ ᠳᠡᠯᠡᠬᠡᠢ ᠳ᠋ᠦ᠍ ᠤᠶᠠᠩᠭᠠᠲᠠᠢ
ᠡᠢᠮᠦ ᠨᠠᠢᠷᠠᠭᠴᠢ ᠪᠠᠢᠲᠠᠯᠠ ᠪᠠᠨ
ᠭᠠᠩᠭᠠᠨᠠᠭᠰᠠᠨ ᠬᠡᠳᠦᠨ ᠵᠢᠭᠡ ᠲᠡᠢ ᠪᠡᠨ
ᠬᠡᠳᠦᠨᠲᠡ ᠬᠡᠯᠡ ᠳ᠋ᠦ᠍ ᠣᠷᠣᠨᠠ
ᠭᠠᠳᠠᠨᠠ ᠨᠠᠪᠴᠢᠰ ᠤᠨᠠᠵᠤ
ᠣᠨ ᠵᠢᠯ ᠪᠢᠳᠡᠨ ᠢ᠋ ᠤᠨᠠᠭᠰᠠᠨ ᠨᠠᠪᠴᠢ ᠰᠢᠭ᠋ ᠣᠷᠬᠢᠵᠤ
ᠭᠠᠢᠭᠤᠢ ᠳᠠ ᠠᠪᠤ ᠶ᠋ᠢ ᠪᠡᠨ ᠵᠢᠷᠭᠠᠭᠠᠵᠤ ᠠᠮᠵᠢᠨᠠ ᠭᠡᠵᠦ
ᠥᠪᠡᠷ ᠢ᠋ ᠪᠡᠨ ᠬᠠᠭᠤᠷᠤᠨᠠ
ᠭᠠᠭᠴᠠᠬᠠᠨ ᠵᠢᠷᠦᠬᠡᠨ ᠦ᠌ ᠲᠠᠨᠢ ᠴᠣᠬᠢᠯᠲᠠ
ᠨᠠᠮᠠᠶ᠋ᠢ ᠵᠢᠮᠡᠯᠡᠨ ᠯᠤᠭᠰᠢᠵᠤ
ᠭᠠᠵᠠᠷ ᠳᠡᠭᠡᠷᠡ ᠠᠪᠤ ᠮᠢᠨᠢ ᠬᠦᠷᠲᠡᠯᠡ
ᠮᠥᠩᠬᠡ ᠪᠤᠰᠤ ᠶ᠋ᠢ ᠰᠠᠨᠠᠭᠤᠯᠳᠠᠭ ᠠ᠋
ᠬᠠᠵᠠᠢᠯᠭᠠᠵᠤ ᠪᠣᠯᠬᠤ ᠦᠭᠡᠢ ᠲᠢᠲᠢᠮ ᠰᠢᠭ
ᠨᠡᠷᠡ ᠪᠡᠷ ᠴᠢᠨᠢ ᠪᠢ ᠣᠪᠣᠭᠯᠠᠭᠰᠠᠨ
ᠬᠠᠯᠠᠭᠤᠨ ᠵᠢᠷᠦᠬᠡᠨ ᠦ᠌ ᠤᠶᠠᠷᠠᠯ ᠬᠠᠢᠷᠠ ᠂
ᠭᠤᠨᠢᠭ ᠢ᠋ ᠴᠢᠨᠢ ᠬᠦᠷᠲᠡᠯᠡ ᠦᠪᠯᠩᠰᠡᠨ
ᠥᠷᠭᠡᠰᠦᠲᠦ ᠣᠷᠴᠢᠯᠠᠩ ᠳ᠋ᠤ᠌ ᠪᠦᠳᠦᠴᠢᠭᠡᠳ
ᠤᠬᠢᠯᠠᠵᠤ ᠰᠠᠭᠤᠬᠤ ᠶ᠋ᠢᠨ ᠴᠠᠭ ᠲᠤ᠌ ᠪᠠᠨ ᠬᠦᠦ ᠨᠢ
ᠥᠯᠥᠭᠡᠢ ᠶ᠋ᠢ ᠮᠢᠨᠢ ᠰᠡᠢᠯᠦᠭᠰᠡᠨ ᠠᠪᠤ ᠲᠠᠢ ᠪᠣᠯᠬᠤ ᠪᠠᠷ ᠯᠠ
ᠠᠮᠢᠳᠤ ᠶᠠᠪᠤᠵᠤ ᠴᠢᠳᠠᠳᠠᠭ ᠠ᠋᠃