ᠬᠣᠯᠠ ᠶ᠋ᠢᠨ ᠬᠣᠯᠠ ᠠ᠋ᠴᠠ-ThunderZ - TengriKHOLIIN KHOLOOSХолын холоос
132ᠬᠣᠯᠠ ᠶ᠋ᠢᠨ ᠬᠣᠯᠠ ᠠ᠋ᠴᠠ
ᠳᠠᠭᠤᠴᠢᠨ᠄ ThunderZ
ᠬᠣᠯᠠ ᠶ᠋ᠢᠨ ᠬᠣᠯᠠ ᠠ᠋ᠴᠠ ᠬᠦᠦ ᠪᠡᠨ ᠬᠦᠯᠢᠶᠡᠭᠰᠡᠨ
ᠭᠣᠣᠯ ᠤ᠋ᠨ ᠬᠠᠢᠷᠠᠲᠠᠢ ᠡᠵᠢ ᠮᠢᠨᠢ ᠰᠠᠭᠤᠭᠠ ᠳ᠋ᠡ᠃
ᠰᠠᠢᠬᠠᠨ ᠡᠵᠢ ᠮᠢᠨᠢ ᠬᠦᠯᠢᠶᠡᠵᠦ ᠯᠡ ᠰᠠᠭᠤᠭᠠ
ᠴᠠᠢ ᠪᠠᠨ ᠴᠢᠨᠠᠭᠠᠳ ᠲᠡᠨᠳᠡ ᠪᠦᠯᠢᠶᠡᠴᠡᠭᠦᠯᠵᠦ ᠰᠠᠭᠤᠭᠠ
ᠲᠠᠨ ᠤ᠋ ᠪᠠᠨ ᠡᠪᠦᠷ ᠳᠡᠭᠡᠷᠡ ᠬᠥᠯ ᠢ᠋ᠶ᠋ᠡᠨ ᠵᠢᠭᠢᠵᠦ ᠰᠠᠭᠤᠭᠰᠠᠨ
ᠲᠠᠩᠬᠢᠯ ᠨᠠᠰᠤ ᠮᠢᠨᠢ ᠲᠡᠷᠲᠡᠭᠡ ᠳ᠋ᠦ᠍ ᠥᠷᠯᠥᠭᠡ ᠰᠢᠭ ᠰᠠᠨᠠᠭᠳᠠᠨᠠ
ᠲᠠᠮᠠᠬᠢ ᠰᠤᠷᠤᠭᠠᠳ ᠦᠯᠢᠶᠡᠵᠦ ᠯᠡ ᠪᠠᠢᠬᠤ ᠳᠠ
ᠲᠦᠮᠡᠨ ᠪᠣᠳᠣᠯ ᠢ᠋ᠶ᠋ᠠᠷ ᠲᠠᠷᠢᠬᠢ ᠪᠠᠨ ᠡᠯᠡᠭᠡᠵᠦ ᠯᠡ ᠪᠠᠢᠭᠠ
ᠪᠠᠶᠠᠷ ᠤ᠋ᠨ ᠰᠢᠷᠡᠭᠡ ᠲᠣᠣᠷᠳ᠋ ᠮᠡᠳᠡᠭᠡᠴᠢ ᠪᠦᠭᠦᠳᠡ ᠪᠠᠢᠭᠰᠠᠨ ᠴᠤ᠌
ᠬᠠᠵᠠᠭᠤ ᠳ᠋ᠤ᠌ ᠴᠢᠨᠢ ᠪᠠᠢᠬᠤ ᠦᠭᠡᠢ ᠰᠠᠨᠠᠭᠠ ᠴᠢᠯᠡᠭᠡᠵᠦ ᠯᠡ ᠪᠠᠢᠭᠠ᠃
ᠳᠡᠰ ᠬᠠᠷᠠᠩᠭᠤᠢ ᠶ᠋ᠢᠨ ᠳᠤᠮᠳᠠ ᠲᠥᠭᠡᠷᠢᠬᠦ ᠪᠦᠷᠢ ᠳ᠋ᠡᠭᠡᠨ ᠲᠠᠨ ᠢ᠋ ᠳᠠᠭᠤᠳᠠᠨᠠ
ᠭᠤᠷᠪᠠᠨ ᠦᠰᠦᠭ ᠲᠡᠢ ᠨᠡᠷᠡ ᠴᠢᠨᠢ ᠯᠡ ᠨᠠᠮᠠ ᠶ᠋ᠢ ᠠᠪᠤᠷᠠᠨᠠ
ᠬᠣᠷᠸᠠ ᠶ᠋ᠢ ᠬᠡᠰᠦᠪᠡᠴᠦ ᠭᠡᠷ ᠲᠦ᠍ ᠴᠢᠨᠢ ᠣᠷᠣᠭᠠᠳ ᠠᠮᠠᠷᠠᠨᠠ
ᠠᠷᠢᠬᠢᠨ ᠳ᠋ᠤ᠌ ᠣᠷᠣᠭᠰᠠᠨ ᠴᠤ᠌ ᠲᠡᠪᠴᠢᠨ ᠨᠠᠮᠠ ᠶ᠋ᠢ ᠬᠠᠢᠷᠠᠯᠠᠬᠤ
ᠠᠬᠢᠨ ᠲᠥᠷᠥᠭᠰᠡᠨ ᠴᠦ᠍ ᠪᠢ ᠦᠷᠡ ᠴᠢᠨᠢ ᠯᠡ ᠪᠣᠯᠤᠭᠠᠳ ᠲᠥᠷᠥᠨᠡ ᠠ᠋᠃
ᠬᠣᠯᠠ ᠶ᠋ᠢᠨ ᠬᠣᠯᠠ ᠠ᠋ᠴᠠ ᠬᠦᠦ ᠪᠡᠨ ᠬᠦᠯᠢᠶᠡᠭᠰᠡᠨ
ᠭᠣᠣᠯ ᠤ᠋ᠨ ᠬᠠᠢᠷᠠᠲᠠᠢ ᠡᠵᠢ ᠮᠢᠨᠢ ᠰᠠᠭᠤᠭᠠ ᠳ᠋ᠡ
ᠰᠠᠷᠠᠭᠤᠯ ᠲᠠᠯᠠ ᠡᠴᠡ ᠪᠡᠨ ᠰᠠᠯᠬᠢ ᠨᠢ ᠬᠦᠷᠭᠡᠭᠡᠰᠡᠢ
ᠰᠠᠢᠬᠠᠨ ᠨᠤᠲᠤᠭ ᠲᠠᠭᠠᠨ ᠬᠦᠯᠢᠶᠡᠵᠦ ᠯᠡ ᠰᠠᠭᠤᠭᠠ ᠳ᠋ᠡ᠃
ᠬᠦᠦ ᠨᠢ ᠪᠣᠳᠣᠯᠠ ᠳ᠋ᠡ
ᠬᠥᠮᠦᠨ ᠪᠣᠯᠤᠭᠠᠳ ᠪᠢ ᠬᠢᠷᠢ ᠶᠡᠬᠡ ᠠᠯᠳᠠᠭᠠ ᠬᠢᠪᠡ
ᠬᠡᠴᠢᠨᠡᠨ ᠢ᠋ ᠨᠢ ᠴᠠᠢᠷᠠᠭᠤᠯᠵᠤ ᠬᠡᠳᠦ ᠶ᠋ᠢ ᠨᠢ ᠠᠷᠤ ᠳ᠋ᠠᠭᠠᠨ ᠬᠢᠪᠡ᠃
ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠠᠢᠨ ᠰᠤᠷᠤᠭᠠ ᠦᠭᠡᠢ ᠶ᠋ᠢ ᠠᠯᠳᠠᠭᠠ ᠭᠡᠬᠦ ᠤᠤ
ᠰᠤᠷ ᠤ᠋ᠨ ᠪᠦᠰᠡ ᠳᠤᠲᠠᠭᠤᠳᠠᠭᠰᠠᠨ ᠢ᠋ ᠮᠢᠨᠢ ᠠᠯᠳᠠᠭᠠ ᠭᠡᠬᠦ ᠤᠤ
ᠦᠭᠡᠨ ᠡᠴᠡ ᠴᠢᠨᠢ ᠵᠥᠷᠢᠵᠦ
ᠦᠳᠡᠰᠢ ᠶ᠋ᠢᠨ ᠪᠦᠷᠦᠢ ᠪᠣᠯᠲᠠᠯᠠ ᠲᠡᠨᠦᠵᠦ
ᠦᠦᠷ ᠢ᠋ᠶ᠋ᠡᠷ ᠦᠨᠦᠷᠲᠦᠭᠦᠯᠦᠨ ᠣᠷᠣᠬᠤ ᠳ᠋ᠤ᠌
ᠦᠷᠭᠡᠯᠡᠨ ᠰᠠᠭᠤᠬᠤ ᠶ᠋ᠢ ᠴᠢᠨᠢ ᠬᠠᠷᠠᠭᠰᠠᠨ ᠰᠠᠨ
ᠡᠴᠢᠭᠡ ᠶ᠋ᠢᠨ ᠣᠷᠣᠨ ᠵᠠᠢ ᠶ᠋ᠢ ᠨᠥᠬᠥᠬᠦ ᠭᠡᠵᠦ ᠬᠢᠴᠢᠶᠡᠭᠰᠡᠨ ᠢ᠋ ᠴᠢᠨᠢ
ᠡᠮᠡᠭᠡ ᠪᠢᠳᠡ ᠬᠣᠶᠠᠷ ᠯᠠ ᠮᠡᠳᠡᠬᠦ ᠬᠡᠳᠦᠢ ᠴᠦ᠍
ᠡᠷᠡᠭᠦᠯ ᠲᠦᠷᠦᠭᠦᠯᠡᠭᠡᠳ ᠦᠭᠭᠦᠭᠰᠡᠨ ᠪᠠᠢᠲᠠᠯᠠ
ᠡᠮᠨᠡᠯᠭᠡ ᠳ᠋ᠦ᠍ ᠣᠴᠢᠭᠰᠠᠨ ᠬᠦᠦ ᠶ᠋ᠢᠨ ᠴᠢᠨᠢ ᠠᠯᠳᠠᠭᠠ ᠤᠤ
ᠡᠬᠡᠨᠡᠷ ᠪᠣᠯᠬᠤ ᠪᠠᠢᠭᠰᠠᠨ ᠥᠬᠢᠨ ᠢ᠋ ᠶᠠᠪᠤᠭᠤᠯᠤᠭᠰᠠᠨ ᠠᠯᠳᠠᠭᠠ ᠤᠤ
ᠶᠡᠬᠡ ᠨᠡᠷᠡ ᠣᠯᠬᠤ ᠭᠡᠵᠦ ᠬᠡᠲᠦᠷᠬᠡᠢ ᠤᠯᠠᠢᠷᠠᠭᠰᠠᠨ ᠮᠢᠨᠢ ᠠᠯᠳᠠᠭᠠ ᠤᠤ
ᠡᠷᠭᠢᠭᠡᠳ ᠪᠣᠳᠣᠬᠤ ᠳ᠋ᠤ᠌ ᠪᠢ ᠵᠥᠩᠳᠡᠭᠡᠨ ᠯᠡ ᠪᠤᠷᠤᠭᠤ ᠶᠠᠭᠤᠮᠠ ᠬᠢᠭᠰᠡᠨ
ᠡᠷᠡ ᠬᠥᠮᠦᠨ ᠪᠣᠯᠤᠭᠰᠠᠨ ᠬᠣᠢᠨᠠ ᠡᠮᠡᠭᠲᠡᠢᠴᠦᠳ ᠢ᠋ ᠴᠦ᠍ ᠭᠣᠮᠣᠳᠠᠭᠠᠭᠰᠠᠨ ᠭᠡᠪᠡᠴᠦ
ᠡᠨᠡ ᠪᠦᠭᠦᠳᠡ ᠶ᠋ᠢᠨ ᠠᠯᠢ ᠨᠢ ᠴᠦ᠍ ᠲᠡᠢᠮᠦ ᠲᠣᠮᠣ ᠠᠯᠳᠠᠭᠠ ᠪᠢᠰᠢ
ᠡᠵᠢ ᠳᠡᠭᠡᠷᠡ ᠪᠡᠨ ᠲᠠᠮᠠᠬᠢ ᠦᠨᠦᠷᠲᠦᠭᠦᠯᠵᠦ ᠣᠷᠣᠭᠰᠠᠨ ᠮᠢᠨᠢ ᠯᠡ ᠠᠯᠳᠠᠭᠠ᠃
ᠬᠣᠯᠠ ᠶ᠋ᠢᠨ ᠬᠣᠯᠠ ᠠ᠋ᠴᠠ ᠬᠦᠦ ᠪᠡᠨ ᠬᠦᠯᠢᠶᠡᠭᠰᠡᠨ
ᠭᠣᠣᠯ ᠤ᠋ᠨ ᠬᠠᠢᠷᠠᠲᠠᠢ ᠡᠵᠢ ᠮᠢᠨᠢ ᠰᠠᠭᠤᠭᠠ ᠳ᠋ᠡ
ᠰᠠᠷᠠᠭᠤᠯ ᠲᠠᠯᠠ ᠡᠴᠡ ᠪᠡᠨ ᠰᠠᠯᠬᠢ ᠬᠦᠷᠭᠡᠭᠡᠰᠡᠢ
ᠰᠠᠢᠬᠠᠨ ᠨᠤᠲᠤᠭ ᠲᠠᠭᠠᠨ ᠬᠦᠯᠢᠶᠡᠵᠦ ᠯᠡ ᠰᠠᠭᠤᠭᠠ ᠳ᠋ᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠤᠭᠠᠨᠵᠢᠳ
ᠬᠢᠨᠠᠭᠴᠢ᠄ ᠮᠡᠷᠭᠡᠨᠪᠢᠯᠢᠭ