ᠳᠡᠭᠦᠯᠢᠯᠲᠡ -ᠬᠠᠢᠴᠢᠩᠰᠢᠪᠠᠭᠤ 《ᠵᠠᠭᠠᠨ 》ᠬᠠᠮᠲᠤᠯᠢᠭДүүлэлт-Хайчиншивуу“Заан ”хамтлаг
223ᠳᠡᠭᠦᠯᠢᠯᠲᠡ
ᠬᠥᠭᠵᠢᠮ ᠦ᠋ᠨ ᠨᠠᠢᠷᠠᠭᠤᠯᠤᠭᠴᠢ᠄ ᠦᠢᠯᠡᠰ
ᠭᠤᠷᠪᠠᠨ ᠤᠲᠠᠰᠤᠲᠤ ᠬᠤᠭᠤᠷ᠄ ᠡᠤ ᠬᠠᠨ ᠯᠢᠦ᠂ ᠦᠨᠡᠨᠴᠢ᠂ ᠪᠤᠤ ᠰᠢᠶᠣᠤ ᠾᠦᠢ᠂ ᠠᠭᠤᠳᠠᠮ
ᠤᠷᠲᠤ ᠶ᠋ᠢᠨ ᠳᠠᠭᠤᠤ᠄ ᠨᠠᠨᠳᠢᠨ᠂ ᠷᠠᠰᠢᠶᠠᠨ
ᠶᠡᠬᠡ ᠮᠣᠷᠢᠨ ᠬᠤᠭᠤᠷ᠄ ᠲᠠᠯᠠ᠂ ᠨᠠᠮᠤᠷ
ᠳᠠᠭᠤᠴᠢᠨ᠄ ᠬᠠᠢᠴᠢᠩᠰᠢᠪᠠᠭᠤ《 ᠵᠠᠭᠠᠨ》 ᠬᠠᠮᠲᠤᠯᠢᠭ
ᠡᠨᠡ ᠮᠣᠷᠢ ᠭᠡᠳᠡᠭ ᠴᠢᠨᠢ
ᠡᠩ ᠦ᠋ᠨ ᠮᠣᠷᠢ ᠲᠠᠢ ᠲᠠᠭᠠᠷᠠᠬᠤ ᠦᠭᠡᠢ
ᠡᠷᠳᠡᠨᠢ ᠶ᠋ᠢᠨ ᠲᠠᠮᠠᠭᠠᠨ ᠡᠷᠭᠢᠯᠭᠡ ᠲᠡᠢ
ᠡᠰᠡᠷᠸᠠ ᠳᠡᠭᠡᠷᠡ ᠪᠡᠨ ᠮᠠᠨᠳᠠᠯ ᠲᠠᠢ
ᠵᠥᠪᠲᠡᠢ ᠪᠤᠷᠤᠭᠤᠲᠠᠢ ᠡᠷᠭᠢᠯᠭᠡ ᠲᠡᠢ
ᠵᠡᠪᠡ ᠰᠤᠮᠤᠨ ᠮᠠᠨᠵᠢᠯᠭᠠ ᠲᠠᠢ
ᠵᠡᠷᠯᠢᠭ ᠢᠷᠪᠢᠰ ᠦ᠋ᠨ ᠭᠦᠶᠦᠳᠡᠯ ᠲᠡᠢ
ᠵᠢᠭᠦᠷᠲᠡᠨ ᠰᠢᠪᠠᠭᠤᠨ ᠤ᠋ ᠠᠮᠢᠰᠬᠤᠯ ᠲᠠᠢ
ᠲᠤᠩ ᠡᠷᠳᠡᠨᠢ ᠶ᠋ᠢᠨ ᠰᠢᠲᠦ ᠲᠡᠢ
ᠳᠤᠷᠠᠨ ᠬᠣᠶᠠᠷ ᠨᠢᠳᠦ ᠲᠡᠢ
ᠮᠠᠲᠠᠷ ᠵᠢᠭᠠᠰᠤᠨ ᠤ᠋ ᠬᠠᠮᠠᠷ ᠲᠠᠢ
ᠮᠠᠨᠳᠤᠮᠠᠯ ᠰᠠᠷᠠᠨ ᠮᠠᠩᠨᠠᠢ ᠲᠠᠢ
ᠬᠦᠷᠡᠩ ᠭᠠᠷᠤᠳᠢ ᠶ᠋ᠢᠨ ᠲᠣᠯᠣᠭᠠᠢ ᠲᠠᠢ
ᠬᠥᠬᠡ ᠠᠷᠰᠯᠠᠨ ᠤ᠋ ᠬᠦᠵᠦᠭᠦᠦ ᠲᠡᠢ
ᠬᠦᠴᠦᠲᠦ ᠪᠠᠷᠰ ᠤ᠋ᠨ ᠴᠡᠭᠡᠵᠢ ᠲᠡᠢ
ᠬᠦᠳᠡᠷ ᠵᠠᠭᠠᠨ ᠤ᠋ ᠨᠢᠷᠤᠭᠤ ᠲᠠᠢ
ᠴᠠᠭᠠᠨ ᠵᠡᠭᠡᠷᠡ ᠶ᠋ᠢᠨ ᠰᠢᠯᠪᠢ ᠲᠡᠢ
ᠴᠠ ᠪᠤᠭᠤ ᠶ᠋ᠢᠨ ᠪᠣᠷᠪᠢ ᠲᠠᠢ
ᠲᠠᠢᠭᠠ ᠨᠣᠬᠠᠢ ᠶ᠋ᠢᠨ ᠭᠡᠳᠡᠰᠦ ᠲᠡᠢ
ᠲᠠᠯᠪᠢᠭᠤ ᠲᠣᠮᠣ ᠪᠡᠶᠡ ᠲᠡᠢ
ᠠᠵᠠᠷᠭᠠ ᠬᠤᠢᠪᠢ ᠪᠠᠷ ᠪᠠᠢᠳᠠᠭ ᠦᠭᠡᠢ
ᠣᠳᠤᠯᠭᠠ ᠰᠠᠩ ᠢ᠋ᠶ᠋ᠠᠷ ᠪᠠᠢᠳᠠᠭ
ᠰᠠᠯᠬᠢ ᠵᠢᠪᠠᠷ ᠢ᠋ᠶ᠋ᠠᠷ ᠢᠷᠡᠳᠡᠭ ᠦᠭᠡᠢ
ᠰᠠᠩ ᠤᠳᠤᠯᠭᠠ ᠪᠠᠷ ᠢᠷᠡᠳᠡᠭ
ᠬᠠᠷᠠᠵᠠ ᠪᠤᠯᠠᠭ ᠤ᠋ᠨ ᠤᠰᠤ ᠶ᠋ᠢ
ᠬᠠᠨᠣᠳᠠᠯᠡ ᠤᠤᠭᠤᠵᠤ ᠲᠣᠷᠨᠢᠭᠰᠠᠨ
ᠬᠠᠩᠭᠠᠢ ᠰᠢᠯᠢ ᠶ᠋ᠢᠨ ᠳᠡᠨᠵᠢᠨ ᠳᠡᠭᠡᠷᠡ
ᠬᠠᠯᠭᠢᠯᠠᠨ ᠪᠤᠯᠭᠢᠯᠠᠨ ᠪᠣᠢᠵᠢᠭᠰᠠᠨ
ᠬᠥᠬᠡ ᠲᠣᠷᠭᠠᠨ ᠲᠠᠯᠠ ᠳᠡᠭᠡᠷᠡ
ᠬᠥᠷᠪᠡᠨ ᠪᠠᠢᠵᠤ ᠥᠰᠦᠭᠰᠡᠨ
ᠬᠥᠨᠳᠡᠢ ᠶ᠋ᠢᠨ ᠭᠥᠷᠥᠭᠡᠰᠦ ᠲᠡᠢ
ᠤᠷᠤᠯᠳᠤᠵᠤ ᠪᠠᠢᠵᠤ ᠴᠣᠭᠣᠷᠣᠭᠰᠠᠨ
ᠬᠥᠮᠦᠨ ᠦ᠌ ᠭᠠᠵᠠᠷ ᠶᠠᠪᠤᠬᠤ ᠳ᠋ᠤ᠌
ᠬᠦᠯᠦᠭ ᠪᠣᠯᠤᠭᠰᠠᠨ ᠵᠢᠷᠣᠭᠠ
ᠬᠠᠶᠠᠭᠠᠨ ᠠ᠋ᠴᠠ ᠪᠠᠨ ᠤᠨᠤᠬᠤ ᠳ᠋ᠤ᠌
ᠬᠠᠩᠭᠢᠨᠠᠮᠠ ᠵᠢᠷᠣᠭᠠ ᠶᠤᠮ
ᠬᠠᠷᠢ ᠶ᠋ᠢᠨ ᠭᠠᠵᠠᠷ ᠤᠨᠤᠬᠤ ᠳ᠋ᠤ᠌
ᠬᠠᠨᠢ ᠪᠣᠯᠤᠭᠰᠠᠨ ᠵᠢᠷᠣᠭᠠ
ᠬᠠᠷᠴᠠᠭᠠᠢ ᠰᠢᠪᠠᠭᠤ ᠰᠢᠭ᠋
ᠬᠠᠯᠬᠢᠵᠢᠭᠤᠯᠤᠭᠰᠠᠨ ᠵᠢᠷᠣᠭᠠ
ᠬᠠᠨᠳᠠᠭᠠᠢ ᠰᠤᠭᠤ ᠰᠢᠭ᠋
ᠬᠠᠷᠪᠤᠭᠰᠠᠨ ᠵᠢᠷᠣᠭᠠ
ᠬᠠᠢᠷᠠᠲᠠᠢ ᠬᠥᠮᠦᠨ ᠳ᠋ᠦ᠍ ᠪᠡᠨ
ᠬᠠᠮᠠᠭᠠᠯᠠᠯ ᠪᠣᠯᠤᠭᠰᠠᠨ ᠵᠢᠷᠣᠭᠠ
ᠬᠣᠣᠷᠲᠠᠨ ᠳᠠᠢᠰᠤᠨ ᠳ᠋ᠤ᠌
ᠳᠠᠷᠤᠯᠭᠠ ᠪᠣᠯᠤᠭᠰᠠᠨ ᠵᠢᠷᠣᠭᠠ
ᠣᠯᠠᠨ ᠲᠦᠮᠡᠨ ᠳ᠋ᠦ᠍ ᠪᠡᠨ
ᠣᠨᠣᠯᠭᠠ ᠪᠣᠯᠤᠭᠰᠠᠨ ᠵᠢᠷᠣᠭᠠ
ᠬᠥᠪᠳᠥ ᠠᠭᠢ ᠳᠠᠭᠠᠨᠠ
ᠭᠤᠷᠪᠠᠨ ᠢᠳᠡᠰᠢ ᠲᠡᠢ
ᠬᠦᠷᠬᠢᠷᠡ ᠬᠠᠷᠠᠵᠠ ᠪᠤᠯᠠᠭ
ᠭᠤᠷᠪᠠᠨ ᠤᠮᠳᠠᠭᠠᠨ ᠲᠠᠢ
ᠬᠦᠢᠲᠡᠨ ᠰᠡᠷᠢᠭᠦᠨ ᠵᠢᠪᠠᠷ
ᠭᠤᠷᠪᠠᠨ ᠰᠣᠢᠯᠭᠠ ᠲᠠᠢ
ᠬᠥᠲᠥᠯ ᠬᠥᠨᠳᠡᠢ ᠲᠠᠯᠠ
ᠭᠤᠷᠪᠠᠨ ᠭᠦᠶᠦᠳᠡᠯ ᠲᠡᠢ
ᠬᠥᠨᠲᠥᠷᠦᠭᠡ ᠳᠤᠭᠲᠤᠷᠤᠭᠠ ᠱᠤᠩᠭᠤᠭᠠ
ᠭᠤᠷᠪᠠᠨ ᠤᠨᠴᠡᠯᠢᠭ᠋ ᠲᠡᠢ
ᠬᠦᠴᠦ ᠵᠣᠷᠢᠭ ᠳᠠᠭᠠᠭᠠᠴᠠ
ᠭᠤᠷᠪᠠᠨ ᠢᠳᠡ ᠲᠡᠢ
ᠬᠥᠪᠦᠨ ᠨᠢᠰᠬᠦ ᠳᠡᠭᠦᠯᠢᠬᠦ
ᠭᠤᠷᠪᠠᠨ ᠤᠪᠠᠳᠢᠰ ᠲᠠᠢ
ᠬᠥᠳᠡᠯᠮᠦᠷᠢᠴᠢ ᠤᠶᠠᠭᠠᠴᠢᠨ ᠤ᠋
ᠬᠤᠯᠠᠨ ᠴᠢᠬᠢᠲᠦ ᠴᠣᠯᠠ ᠲᠠᠢ
ᠦᠰᠦᠭ ᠠᠮᠢᠠᠭᠤᠯᠤᠬᠴᠢ᠄ ᠰᠡᠴᠡᠨᠬᠡᠷᠡᠯ
ᠦᠰᠦᠭ ᠬᠠᠲᠠᠭᠴᠢ᠄ ᠰᠡᠴᠡᠨᠭᠡᠷᠡᠯ
ᠬᠢᠨᠠᠭᠴᠢ ᠪᠠᠭᠰᠢ᠄ ᠠᠯᠲᠠᠨᠴᠡᠴᠡᠭ