ᠰᠠᠷᠠ ᠰᠢᠨᠡ ᠶ᠋ᠢᠨ ᠪᠠᠶᠠᠷ -ᠰᠡᠴᠡᠨᠪᠢᠯᠢᠭ ᠲᠠᠮᠢᠷ ᠥᠭᠦᠯᠡᠨ Сар жилийн баяр-Сэцнбилэг Тамир Өгүүлэн
244ᠰᠠᠷᠠ ᠰᠢᠨᠡ ᠶ᠋ᠢᠨ ᠪᠠᠶᠠᠷ
ᠦᠭᠡ᠄ ᠣᠲᠣᠷ
ᠠᠶᠠ᠄ ᠰᠡᠷᠭᠦᠯᠡᠩᠴᠣᠭᠲᠤ
ᠳᠠᠭᠤᠴᠢᠨ᠄ ᠰᠡᠴᠡᠨᠪᠢᠯᠢᠭ ᠂ ᠲᠠᠮᠢᠷ ᠂ ᠥᠭᠦᠯᠡᠨ ᠨᠠᠷ
ᠰᠦᠨ ᠢᠷᠦᠭᠡᠯ ᠬᠤᠷᠤᠢᠯᠠᠭᠠᠳ ᠰᠠᠴᠤᠯᠢ ᠶ᠋ᠢᠨ ᠳᠡᠭᠡᠵᠢ ᠪᠡᠨ ᠰᠡᠷᠵᠢᠮᠯᠡᠭᠰᠡᠨ
ᠰᠠᠮᠪᠠᠢ ᠬᠠᠳᠠᠭ ᠢ᠋ᠶ᠋ᠠᠨ ᠳᠡᠯᠭᠡᠵᠦ ᠰᠠᠢᠨ ᠤ᠋ ᠬᠦᠰᠡᠯ ᠢ᠋ᠶ᠋ᠡᠨ ᠳᠡᠪᠰᠢᠭᠦᠯᠦᠶᠡ
ᠢᠲᠡᠭᠡᠯ ᠵᠥᠩᠨᠡᠯ ᠬᠠᠢᠷᠠᠯᠠᠵᠤ ᠦᠯᠡᠮᠵᠢ ᠶ᠋ᠢᠨ ᠪᠤᠶᠠᠨ ᠢ᠋ᠶ᠋ᠠᠨ ᠢᠪᠡᠭᠡᠭᠰᠡᠨ
ᠡᠷᠳᠡᠨᠢ ᠶ᠋ᠢᠨ ᠬᠦᠬᠦᠷ ᠰᠣᠯᠢᠯᠴᠠᠨ ᠡᠯᠪᠡᠭ ᠪᠠᠶᠠᠷ ᠢ᠋ᠶ᠋ᠠᠨ ᠠᠢᠯᠠᠳᠬᠠᠶᠠ᠃
ᠲᠠ ᠪᠢᠳᠡᠨ ᠵᠣᠯᠭᠠᠶᠠ ᠴᠠᠭᠠᠨ ᠰᠠᠷᠠ ᠪᠠᠷ ᠴᠠᠭ ᠤ᠋ᠨ ᠰᠠᠢᠬᠠᠨ ᠳ᠋ᠤ᠌ ᠵᠣᠯᠭᠠᠶᠠ
ᠴᠠᠭᠯᠠᠰᠢ ᠦᠭᠡᠢ ᠪᠠᠶᠠᠷᠯᠠᠨ ᠵᠣᠯᠭᠠᠶᠠ᠃
ᠣᠷᠣᠭᠰᠠᠨ ᠪᠤᠤᠷᠠ ᠶ᠋ᠢᠨ ᠵᠣᠭᠳᠣᠷ ᠬᠡᠢᠰᠬᠡᠨ ᠣᠩᠭᠣᠨ ᠬᠦᠯᠦᠭ ᠦ᠋ᠨ ᠳᠡᠯ ᠴᠠᠩᠲᠤᠭᠤᠯᠤᠨ
ᠣᠷᠴᠢᠯᠠᠩ ᠤ᠋ᠨ ᠭᠠᠩᠭᠠᠩ ᠡᠪᠦᠯ ᠤᠷᠤᠰᠬᠤ ᠴᠠᠰᠤᠨ ᠮᠣᠷᠢᠯᠠᠨ ᠰᠠᠭᠠᠲᠠᠯᠠ
ᠣᠨ ᠤ᠋ ᠲᠣᠷᠭᠠᠨ ᠬᠠᠭᠤᠳᠠᠰᠤ ᠰᠢᠨᠡ ᠪᠡᠷ ᠰᠣᠯᠢᠭᠳᠠᠬᠤ ᠵᠠᠪᠰᠠᠷ ᠢ᠋ᠶ᠋ᠠᠷ
ᠣᠯᠵᠤ ᠠᠯᠳᠠᠭᠰᠠᠨ ᠢ᠋ᠶ᠋ᠠᠨ ᠲᠤᠩᠭᠠᠨ ᠪᠣᠳᠣᠬᠤ ᠡᠷᠭᠢᠴᠡᠭᠦᠯᠦᠯ ᠰᠠᠢᠬᠠᠨ ᠳᠠ᠃
ᠨᠠᠷᠠ ᠬᠣᠯᠠᠳᠠᠨ ᠡᠪᠦᠯ ᠮᠣᠷᠢᠯᠠᠵᠤ ᠬᠦᠢᠲᠡᠨ ᠵᠢᠪᠠᠷ ᠢ᠋ᠶ᠋ᠠᠷ ᠠᠳᠤᠭᠤᠨ ᠳ᠋ᠤ᠌ ᠶᠠᠪᠤᠬᠤ ᠳ᠋ᠤ᠌
ᠨᠠᠳᠠ ᠳ᠋ᠤ᠌ ᠨᠡᠬᠡᠢ ᠳᠡᠪᠡᠯ ᠮᠢᠨᠢ ᠲᠤᠩ ᠡᠭᠡᠯᠢᠲᠡᠢ ᠰᠠᠨᠠᠭᠳᠠᠨᠠ
ᠨᠠᠯᠠᠭᠠᠷ ᠰᠠᠢᠬᠠᠨ ᠨᠤᠲᠤᠭ ᠮᠢᠨᠢ ᠡᠪᠦᠯ ᠦ᠋ᠨ ᠥᠩᠭᠡ ᠪᠡᠷ ᠴᠢᠮᠡᠭᠯᠡᠬᠦ ᠳ᠋ᠦ᠍
ᠨᠠᠰᠤᠨ ᠤ᠋ ᠵᠢᠷᠭᠠᠯ ᠳ᠋ᠤ᠌ ᠱᠣᠭᠰᠢᠭᠤᠯᠵᠤ ᠪᠠᠢᠭᠰᠠᠨ ᠡᠪᠦᠭᠡᠳ ᠦ᠋ᠨ ᠣᠲᠣᠷ ᠢ᠋ᠶ᠋ᠠᠨ ᠳᠤᠷᠠᠰᠤᠨᠠ᠃
ᠨᠠᠷᠠ ᠵᠥᠪ ᠡᠷᠭᠢᠭᠰᠡᠨ ᠨᠠᠢᠷ ᠤ᠋ᠨ ᠲᠣᠭᠣᠷᠠ ᠠᠶᠠᠲᠠᠢᠬᠠᠨ
ᠥᠯᠵᠡᠢ ᠳᠡᠮᠪᠡᠷᠢᠯᠲᠦ ᠨᠤᠲᠤᠭ ᠲᠤ᠌ ᠪᠠᠨ ᠮᠥᠩᠬᠡ ᠶ᠋ᠢᠨ ᠬᠦᠰᠡᠯ ᠢ᠋ᠶ᠋ᠡᠷ ᠮᠡᠨᠳᠦᠴᠢᠯᠡᠶᠡ᠃
ᠰᠦᠨ ᠢᠷᠦᠭᠡᠯ ᠲᠡᠢ ᠰᠢᠨᠡ ᠵᠢᠯ ᠦ᠋ᠨ ᠮᠡᠨᠳᠦ ᠶ᠋ᠢ ᠡᠨᠳᠡ ᠡᠴᠡ ᠪᠠᠷᠢᠶᠠ
ᠰᠦᠯᠳᠡ ᠬᠡᠢᠮᠣᠷᠢ ᠥᠯᠵᠡᠢ ᠪᠤᠶᠠᠨ ᠲᠠᠢ ᠢᠷᠦᠭᠡᠯ ᠢ᠋ ᠡᠨᠳᠡ ᠡᠴᠡ ᠬᠠᠢᠷᠠᠯᠠᠶᠠ᠃
ᠬᠡᠰᠢᠭ ᠪᠤᠶᠠᠨ ᠳᠡᠯᠭᠡᠷᠡᠭᠰᠡᠨ ᠬᠣᠲᠠᠯᠠ ᠣᠯᠠᠨ ᠢ᠋ᠶ᠋ᠠᠷ ᠪᠠᠶᠠᠰᠤᠯᠴᠠᠭᠰᠠᠨ
ᠶᠢᠰᠦᠨ ᠡᠷᠳᠡᠨᠢ ᠶ᠋ᠢᠨ ᠨᠤᠲᠤᠭ ᠲᠤ᠌ ᠪᠠᠨ ᠥᠨᠢᠳᠡ ᠶ᠋ᠢᠨ ᠲᠠᠪᠠ ᠪᠠᠷ ᠵᠢᠷᠭᠠᠶᠠ᠃
ᠲᠠ ᠪᠢᠳᠡᠨ ᠵᠣᠯᠭᠠᠶᠠ ᠴᠠᠭᠠᠨ ᠰᠠᠷᠠ ᠪᠠᠷ ᠴᠠᠭ ᠤ᠋ᠨ ᠰᠠᠢᠬᠠᠨ ᠳ᠋ᠤ᠌ ᠵᠣᠯᠭᠠᠶᠠ
ᠴᠠᠭᠯᠠᠰᠢ ᠦᠭᠡᠢ ᠪᠠᠶᠠᠷᠯᠠᠨ ᠵᠣᠯᠭᠠᠶᠠ᠃
ᠣᠭ᠌ᠶᠤ ᠨᠣᠮᠢᠨ ᠲᠩᠷᠢ ᠶ᠋ᠢᠨ ᠬᠠᠶᠠᠭᠠᠨ ᠳ᠋ᠤ᠌ ᠦᠦᠷ ᠦ᠋ᠨ ᠴᠣᠯᠮᠣᠨ ᠭᠢᠯᠪᠠᠵᠤ ᠪᠠᠢᠨᠠ
ᠣᠩᠭᠣᠨ ᠲᠠᠭᠱᠠᠨ ᠡᠬᠡ ᠣᠷᠣᠨ ᠳ᠋ᠤ᠌ ᠰᠢᠨᠡᠬᠡᠨ ᠥᠷᠯᠥᠭᠡ ᠰᠠᠨᠠᠭᠳᠠᠵᠤ ᠪᠠᠢᠨᠠ
ᠣᠮᠣᠭᠯᠠᠩ ᠬᠦᠯᠦᠭ ᠦ᠋ᠨ ᠬᠢᠷᠭᠠᠭᠠ ᠳᠡᠯ ᠳ᠋ᠦ᠍ ᠥᠲᠥᠨ ᠴᠠᠰᠤ ᠪᠤᠲᠠᠷᠠᠵᠤ ᠪᠠᠢᠨᠠ
ᠣᠷᠳᠣᠨ ᠴᠠᠭᠠᠨ ᠭᠡᠷ ᠦ᠋ᠨ ᠬᠣᠢᠮᠣᠷ ᠲᠤ᠌ ᠳᠠᠭᠤᠤ ᠬᠤᠭᠤᠷ ᠬᠣᠷᠰᠢᠵᠤ ᠪᠠᠢᠨᠠ᠃
ᠠᠢᠷᠠᠭ ᠴᠡᠬᠡ ᠮᠥᠩᠭᠥᠨ ᠵᠠᠪᠢᠶᠠᠨ ᠳ᠋ᠤ᠌ ᠠᠮᠠᠰᠠᠷ ᠳᠦᠭᠦᠷᠡᠩ ᠪᠢᠯᠬᠠᠵᠤ ᠪᠠᠢᠨᠠ
ᠠᠷᠢᠭᠤᠨ ᠪᠢᠯᠢᠭᠲᠦ ᠢᠷᠦᠭᠡᠯ ᠵᠥᠩᠨᠡᠯ ᠳ᠋ᠦ᠍ ᠬᠠᠳᠠᠭ ᠬᠦᠬᠦᠷ ᠵᠥᠷᠢᠭᠦᠯᠵᠦ ᠪᠠᠢᠨᠠ
ᠠᠵᠠᠢ ᠪᠤᠭᠤᠷᠤᠯ ᠤ᠋ᠳ ᠨᠠᠢᠷ ᠤ᠋ᠨ ᠥᠨᠳᠥᠷ ᠲᠦ᠍ ᠲᠦᠪᠰᠢᠨ ᠲᠦᠯᠬᠢᠨ ᠲᠣᠭᠯᠠᠵᠤ ᠪᠠᠢᠨᠠ
ᠠᠷᠠᠳ ᠤ᠋ᠨ ᠴᠡᠩᠭᠡᠯ ᠪᠦᠭᠦᠳᠡ ᠶ᠋ᠢᠨ ᠵᠢᠷᠭᠠᠯ ᠳ᠋ᠤ᠌ ᠰᠢᠨᠡ ᠵᠢᠯ ᠪᠡᠶᠡᠰᠴᠦ ᠪᠠᠢᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠤᠭᠠᠨᠵᠢᠳ
ᠬᠢᠨᠠᠭᠴᠢ᠄ ᠮᠡᠷᠭᠡᠨᠪᠢᠯᠢᠭ