ᠵᠢᠷᠭᠠᠵᠤ ᠠᠮᠢᠳᠤᠷᠠᠭᠠᠷᠠᠢ -ᠪ ᠥᠯᠵᠡᠢJargaj amidraarai B Ulzii-Жаргаж амьдраарай-Б. Өлзий ᠳᠠᠭᠤᠤ ᠬᠥᠭᠵᠢᠮ

Үг:С Ёндоншарав
Ая:Ш Эрдос
Дуучин:Б. Өлзий

Оддын цагаан гэгээнд бүжиг бүжиглээд
Оргилох булаг шиг ундарч яваарай
Дэгжин гоё инээдээр бэлэг бариад
Дэлбээлэх цэцэг шиг ялдам яваарай

Ертөнц амгалан байхыг билэгдэж
Ерөөл өргөж найрлан сууцгаая
Амьдрал жаргалтай байхыг ерөөж
Алив бүгдээрээ чуулан найрлая

Хун хуурын аялгуунд биелгээ биелээд
Хундага шаргих шиг цуурайлж яваарай
Хүсэл мөрөөдөлдөө эзэн нь байж
Хээрийн салхи шиг дэрвэж яваарай

Ертөнц амгалан байхыг билэгдэж
Ерөөл өргөж найрлан сууцгаая
Амьдрал жаргалтай байхыг ерөөж
Алив бүгдээрээ чуулан найрлая

Үдшийн намуун байгальд аялгуу аялаад
Үлгэрийн юм шиг үзэсгэлэнтэй яваарай
Үзэгдээд өнгөрөх богинохон амьдралд
Үүрийн цолмон шиг гялалзаж яваарай