ᠬᠦᠦ ᠮᠢᠨᠢ ᠲᠦᠰᠢᠭ ᠮᠢᠨᠢ-ᠡ᠊ ∙ ᠵᠣᠯᠵᠢᠷᠭᠠᠯ Khüü mini Tüshig mini-E.ZoljargalХүү минь Түшиг минь-Э.Золжаргал ᠳᠠᠭᠤᠤ ᠬᠥᠭᠵᠢᠮ

Э.Золжаргал

Ход ход хийн инээх бяцхан хүү минь
Хонгорхон инээдэнд чинь хайр цалгидаг даа
Алганд багтахгүй жаахан гарт чинь
Амьдрах утга учир минь зурайдаг даа

Хүү минь түшиг минь
Хүйн заяаны түшиг тулгуур үр минь
Хүү минь итгэл минь
Хүнлэг сэтгэлтэй л хүн болоорой

Хүү минь бахархал минь
Хүний дээд хүн болоорой
Хайрлаж эрхэмлэх учиртай юм шүү
Ханийн дээд хань яваарай үр минь

Дэлхий ертөнцтэй анх танилцаж
Тэнцэж зогсож торнисон доо үр минь
Дэндүүхэн хэрсүүхэн ухаанаа улам тэлээд
Тэмүүлэх амьдралынхаа эзэн нь яваарай

Хүү минь түшиг минь
Хүний ертөнцийг гийгүүлсэн нар минь
Амьдралд бат зогсох эр хүн болжээ
Аав шигээ нөмөрлөх түшиг болсон үр минь

Хүү минь хүндэтгэл минь
Хүний дээд хүн болоорой
Хайрлаж эрхэмлэх учиртай юм шүү
Ханийн дээд хань яваарай үр минь

Хуруухан чинээ хувцсандаа жаахан байсан
Хүү минь одоо ямар том эр болоо вэ
Бүсгүй хүнийг бүхнээс илүү хайрлах зүрхтэй
Бүтэн амьдралынхаа ноён нуруу нь яваарай

Хүү минь түшиг минь
Хүйн заяаны түшиг тулгуур үр минь
Хүү минь итгэл минь
Хүнлэг сэтгэлтэй л хүн болоорой

Хүү минь түшиг минь
Хүний дээд хүн болоорой
Хайрлаж эрхэмлэх учиртай юм шүү
Ханийн дээд хань яваарай үр минь