ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ– ᠳ᠂ᠪᠤᠯᠤᠳᠴᠡᠷᠢᠩ <ᠭᠤᠷᠪᠠᠳᠤᠭᠠᠷ ᠪᠦᠯᠦᠭ> - ᠳᠥᠷᠪᠡ᠂ ᠳ᠋ᠦᠩᠨᠡᠬᠦ ᠢᠨᠦ Эр эмийн ёсон – Д᠂ Болдцэрэн <3-р бүлэг> - 4᠂ Дүгнэх ино
445 ᠴᠣᠬᠣᠮ ᠬᠦ᠌ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠮᠣᠩᠭᠣᠯ ᠬᠤᠪᠢᠯᠪᠤᠷᠢ᠂ ᠮᠣᠩᠭᠣᠯᠵᠢᠨ ᠵᠢᠭᠠᠪᠤᠷᠢ ᠭᠡᠭᠴᠢ ᠶ᠋ᠢ ᠪᠢᠳᠡ ᠡᠨᠡ ᠨᠣᠮ ᠳᠠᠭᠠᠨ ᠵᠣᠬᠢᠶᠠᠬᠤ ᠶᠢ ᠡᠷᠡᠮᠡᠯᠵᠡᠭᠰᠡᠨ ᠪᠥᠭᠡᠳ ᠢᠩᠬᠢᠬᠦ ᠳ᠋ᠡᠭᠡᠨ ᠴᠡᠪᠡᠷ ᠢᠴᠢᠮᠡᠲᠡᠭᠡᠢ ᠵᠠᠩ ᠲᠠᠢ ᠮᠣᠩᠭᠣᠯ ᠤᠩᠰᠢᠭᠴᠢᠳ ᠢᠶᠠᠨ ᠡᠪ ᠦᠭᠡᠢ ᠪᠠᠢᠳᠠᠯ ᠳᠤ ᠣᠷᠣᠭᠤᠯᠵᠣ ᠡᠭᠳᠡᠭᠦᠦ ᠶᠢ ᠨᠢ ᠬᠦᠷᠭᠡᠬᠦ ᠶᠢ ᠥᠴᠥᠬᠡᠨ ᠴᠦ᠍ ᠬᠦᠰᠡᠭᠡ ᠦᠭᠡᠢ ᠪᠢᠯᠡ᠃ ᠨᠥᠭᠥᠭᠡᠲᠡᠭᠡᠭᠦᠷ᠂ ᠵᠠᠬᠢᠷᠭᠠᠳᠠᠬᠤ ᠠᠷᠭᠠ ᠶ᠋ᠢᠨ ᠬᠦᠨᠳᠦ ᠳᠠᠷᠤᠯᠲᠠ ᠶ᠋ᠢ ᠰᠡᠭᠰᠦᠴᠢᠨ ᠬᠠᠶᠠᠵᠤ ᠪᠠᠢᠭᠠ ᠨᠢ ᠡᠨᠡ ᠭᠡᠳ ᠨᠥᠭᠦᠭᠡ ᠬᠡᠲᠦᠷᠬᠡᠢᠯᠡᠯ ᠤᠷᠤᠭᠤ ᠬᠠᠯᠲᠤᠷᠢᠵᠤ ᠶᠣᠰᠣᠷᠬᠠᠬᠤ ᠲᠦᠪᠰᠢᠨ᠂ ᠤᠬᠠᠭᠠᠯᠢᠭ ᠳᠠᠷᠤᠤ ᠮᠣᠩᠭᠣᠯ ᠲᠦᠮᠡᠨ ᠦ᠌ ᠪᠡᠨ ᠭᠤᠸᠠ ᠰᠠᠢᠬᠠᠨ ᠤ᠋ ᠲᠠᠭᠠᠰᠢᠶᠠᠯ ᠢ᠋ ᠭᠤᠲᠤᠭᠠᠵᠤ᠂ ᠪᠠᠲᠤ ᠵᠢᠷᠤᠮ ᠤ᠋ᠨ ᠠᠯᠲᠠᠨ ᠬᠡᠯᠬᠢᠶᠡ ᠶ᠋ᠢ ᠲᠠᠰᠤᠯᠬᠤ ᠶ᠋ᠢ ᠪᠠᠰᠠ ᠬᠦᠰᠡᠭᠡ ᠦᠭᠡᠢ ᠶᠦᠮ ᠰᠢᠦ᠃ ᠶᠠᠮᠠᠷ ᠴᠦ᠍ ᠠᠲᠤᠭᠠᠢ ᠬᠥᠮᠦᠨ ᠦ᠌ ᠡᠷᠳᠡᠨᠢᠲᠦ ᠪᠡᠶᠡ ᠶ᠋ᠢ ᠣᠯᠵᠤ ᠲᠥᠷᠥᠭᠰᠡᠨ ᠬᠡᠨ ᠪᠣᠯᠪᠠᠴᠤ ᠠᠳᠤᠭᠤᠰᠤ ᠠᠮᠢᠲᠠᠨ ᠠ᠋ᠴᠠ ᠢᠯᠭᠠᠭᠠ ᠲᠠᠢ ᠨᠢ ᠬᠣᠷᠮᠣᠢ ᠶ᠋ᠢᠨ ᠶᠠᠪᠤᠳᠠᠯ ᠢ᠋ ᠵᠥᠪᠬᠡᠨ ᠤᠳᠤᠮ ᠤᠭᠰᠠᠭᠠ ᠪᠠᠨ ᠵᠠᠯᠭᠠᠭᠤᠯᠬᠤ ᠶ᠋ᠢᠨ ᠲᠡᠳᠦᠢ ᠦᠭᠡᠢ ᠪᠠᠰᠠ ᠠᠵᠠ ᠵᠢᠷᠭᠠᠯ ᠤ᠋ᠨ ᠭᠠᠢᠬᠠᠮᠰᠢᠭ᠂ ᠬᠥᠮᠦᠨ ᠪᠣᠯᠤᠭᠰᠠᠨ ᠤ᠋ ᠪᠠᠶᠠᠷ ᠴᠡᠩᠭᠡᠯ ᠢ᠋ ᠠᠮᠰᠠᠨ ᠡᠳ᠋ᠯᠡᠬᠦ ᠶ᠋ᠢᠨ ᠲᠤᠯᠠᠳᠠ ᠦᠢᠯᠡᠳᠳᠡᠭ ᠬᠥᠮᠦᠨ ᠡᠴᠡ ᠥᠨᠳᠥᠷ ᠰᠣᠶᠣᠯ᠂ ᠵᠥᠪ ᠬᠥᠮᠦᠵᠢᠯ ᠵᠦᠢ ᠶᠣᠰᠣ ᠶ᠋ᠢ ᠱᠠᠭᠠᠷᠳᠠᠨᠠ᠃ ᠭᠡᠪᠡᠴᠦ ᠡᠢᠮᠦ ᠰᠣᠶᠣᠯ᠂ ᠬᠥᠮᠦᠵᠢᠯ ᠪᠢᠳᠡᠨ ᠳ᠋ᠦ᠍ ᠳᠤᠲᠠᠭᠤ ᠳᠤᠯᠢᠮᠠᠭ᠂ ᠬᠠᠩᠭᠠᠯᠲᠠ ᠦᠭᠡᠢ ᠪᠠᠢᠭᠠ ᠶ᠋ᠢ ᠨᠢᠭᠤᠬᠤ ᠶᠠᠭᠤᠨ ᠪᠢᠯᠡ᠃ ᠬᠥᠮᠦᠨ ᠦ᠌ ᠲᠥᠷᠥᠯᠬᠢ ᠶ᠋ᠢᠨ ᠰᠢᠨᠵᠢ ᠴᠢᠨᠠᠷ᠂ ᠣᠯᠵᠤ ᠠᠪᠤᠭᠰᠠᠨ ᠮᠡᠳᠡᠯᠭᠡ᠂ ᠰᠣᠶᠣᠯ ᠴᠣᠬᠣᠮ ᠳ᠋ᠠᠭᠠᠨ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠳ᠋ᠤ᠌ ᠲᠣᠳᠣ ᠪᠠᠷ ᠢᠯᠡᠷᠡᠳᠡᠭ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠡᠷᠡ ᠡᠮᠡ ᠶ᠋ᠢᠨ ᠢᠯᠪᠢ ᠤᠬᠠᠭᠠᠨ᠂ ᠰᠣᠶᠣᠯ ᠬᠥᠮᠦᠵᠢᠯ ᠪᠣᠯ ᠪᠡᠶᠡ ᠬᠥᠮᠦᠨ ᠦ᠌ ᠰᠣᠶᠣᠯ ᠢ᠋ ᠬᠡᠮᠵᠢᠬᠦ ᠨᠢᠭᠡᠨ ᠴᠢᠬᠤᠯᠠ ᠬᠡᠮᠵᠢᠭᠦᠷ ᠶᠦᠮ ᠰᠢᠦ᠃ ᠡᠢᠮᠦ ᠤᠴᠢᠷ ᠠ᠋ᠴᠠ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠵᠥᠪ ᠬᠥᠮᠦᠵᠢᠯ᠂ ᠥᠨᠳᠥᠷ ᠰᠣᠶᠣᠯ ᠡᠵᠡᠮᠰᠢᠭᠦᠯᠵᠦ᠂ ᠵᠥᠪ ᠬᠠᠷᠢᠴᠠᠭᠠᠨ ᠳ᠋ᠤ᠌ ᠰᠤᠷᠭᠠᠬᠤ ᠳ᠋ᠤ᠌ ᠲᠠ ᠪᠦᠬᠦᠨ ᠳ᠋ᠡᠭᠡᠨ ᠡᠷᠭᠦᠨ ᠪᠠᠷᠢᠵᠤ ᠪᠣᠢ ᠡᠨᠡ ᠨᠣᠮ ᠤ᠋ᠨ ᠭᠣᠣᠯ ᠵᠣᠷᠢᠯᠭᠠ ᠣᠷᠣᠰᠢᠨᠠ᠃
《ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ》 ᠭᠡᠬᠦ ᠨᠣᠮ ᠣᠯᠠᠨ ᠲᠦᠮᠡᠨ ᠦ᠌ ᠲᠤᠰᠠ ᠳᠠᠮ ᠬᠢᠭᠡᠳ ᠣᠶᠤᠨ ᠪᠣᠳᠣᠯ ᠢ᠋ᠶ᠋ᠠᠨ ᠲᠤᠩᠭᠠᠨ ᠰᠢᠷᠭᠢᠭᠡᠭᠰᠡᠨ ᠦ᠌ ᠦᠷᠡ ᠳ᠋ᠦᠩ ᠳ᠋ᠦ᠍ ᠪᠦᠲᠦᠭᠰᠡᠨ ᠪᠢᠯᠡ᠃ ᠭᠡᠪᠡᠴᠦ ᠣᠯᠠᠨ ᠲᠦᠮᠡᠨ ᠦ᠌ ᠠᠴᠢ ᠪᠤᠶᠠᠨ ᠢ᠋ᠶ᠋ᠠᠷ ᠪᠦᠲᠦᠭᠰᠡᠨ ᠡᠨᠡ ᠨᠣᠮ ᠢ᠋ ᠮᠠᠨᠢ ᠬᠠᠷᠠᠩᠭᠤᠢ ᠮᠠᠭᠤ ᠶ᠋ᠢᠨ ᠬᠠᠷᠠᠭᠠ ᠪᠠᠷ ᠥᠨᠥᠳᠥᠷ ᠦ᠋ᠨ ᠡᠳᠦᠷ ᠨᠢᠳᠦ ᠦᠵᠦᠭᠦᠷᠯᠡᠬᠦ ᠨᠢᠭᠡᠨ ᠪᠠᠢᠪᠠᠴᠤ ᠬᠣᠵᠢᠮ ᠤ᠋ᠨ ᠡᠳᠦᠷ《ᠨᠢᠭᠦᠯ᠂ ᠪᠤᠶᠠᠨ》 ᠠᠯᠢᠨ ᠪᠣᠯᠬᠤ ᠶ᠋ᠢ ᠪᠤᠭᠤᠷᠤᠯ ᠲᠡᠦᠬᠡ ᠳᠠᠩᠰᠠᠯᠠᠬᠤ ᠪᠠᠢᠯᠭᠦᠢ᠃ 《ᠡᠨᠡ ᠴᠢᠨᠢ ᠶᠠᠮᠠᠷ ᠵᠣᠷᠢᠯᠭᠠ ᠲᠠᠢ ᠶᠤᠮ ᠪᠣᠢ? ᠢᠩᠭᠢ ᠭᠡᠵᠦ ᠵᠢᠭᠠᠵᠤ ᠥᠭᠴᠦ ᠪᠠᠢᠭᠠ ᠶᠤᠮ ᠤᠤ?》 ᠭᠡᠵᠦ ᠵᠠᠩᠳᠤᠷᠤᠩᠭᠤᠢ ᠠᠰᠠᠭᠤᠬᠤ ᠨᠢᠭᠡᠨ ᠪᠠᠢᠬᠤ ᠳ᠋ᠤ᠌《ᠮᠠᠨ ᠤ᠋ ᠳ᠋ᠤ᠌ ᠪᠠᠢᠭᠠ ᠦᠭᠡᠢ ᠨᠣᠮ ᠠᠩᠬᠠ ᠤᠳᠠᠭᠠ ᠭᠠᠷᠤᠯᠠ》 ᠭᠡᠵᠦ ᠮᠠᠩᠨᠠᠢ ᠲᠡᠨᠢᠢᠨ ᠪᠠᠶᠠᠷᠯᠠᠬᠤ ᠨᠢ ᠪᠠᠰᠠ ᠣᠯᠠᠨ ᠪᠣᠢ᠃ ᠡᠷᠡ ᠡᠮᠡ ᠶ᠋ᠢᠨ ᠰᠤᠳᠤᠯᠤᠯ ᠪᠣᠯᠤᠨ ᠪᠡᠯᠭᠡ ᠶ᠋ᠢᠨ ᠡᠮᠭᠡᠭ ᠰᠤᠳᠤᠯᠤᠯ ᠤ᠋ᠨ ᠲᠠᠯᠠ ᠪᠠᠷ ᠮᠠᠨ ᠤ᠋ ᠬᠢ ᠰᠢᠭ᠋ ᠬᠥᠮᠦᠨ ᠠᠷᠠᠳ ᠨᠢ ᠭᠠᠷ ᠲᠠᠭᠠᠨ ᠪᠠᠷᠢᠬᠤ ᠭᠠᠭᠴᠠ ᠰᠢᠷᠬᠡᠭ ᠴᠦ᠍ ᠨᠣᠮ ᠪᠠᠢᠬᠤ ᠦᠭᠡᠢ ᠤᠯᠤᠰ ᠣᠷᠣᠨ ᠪᠠᠷᠤᠭ ᠪᠠᠢᠬᠤ ᠦᠭᠡᠢ ᠭᠡᠬᠦ ᠳ᠋ᠦ᠍ ᠬᠢᠯᠢᠰᠳᠡᠬᠦ ᠦᠭᠡᠢ ᠪᠤᠯᠪᠠᠤ? ᠢᠩᠭᠢᠭᠡᠳ ᠪᠣᠳᠣᠬᠤ ᠳ᠋ᠤ᠌ ᠪᠢᠳᠡ ᠳᠠᠩᠴᠢ ᠬᠣᠯᠠ ᠬᠣᠴᠣᠷᠴᠤ ᠳᠠ ᠭᠡᠵᠦ ᠪᠣᠳᠣᠮᠠᠷ᠁ ᠁
ᠡᠰᠡᠬᠦᠯᠡ ᠮᠣᠩᠭᠣᠯᠴᠤᠳ ᠪᠢᠳᠡ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ ᠤ᠋ᠨ ᠲᠤᠬᠠᠢ ᠢᠯᠠᠨ ᠳᠠᠯᠠᠨ ᠦᠭᠡᠢ ᠥᠭᠦᠯᠡᠭᠰᠡᠨ ᠨᠣᠮ ᠵᠣᠬᠢᠶᠠᠯ ᠤᠩᠰᠢᠬᠤ᠂ ᠲᠤᠭᠤᠷᠪᠢᠬᠤ ᠬᠤᠪᠢ ᠲᠠᠪᠢᠯᠠᠩ ᠦᠭᠡᠢ ᠤᠯᠤᠰ ᠭᠡᠵᠢ ᠤᠤ! ᠦᠭᠡᠢ ᠰᠠᠨ ᠪᠠᠢᠮᠠᠷ! ᠬᠢᠯᠢ ᠶ᠋ᠢᠨ ᠴᠢᠨᠠᠳᠤ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠪᠣᠯᠤᠨ ᠪᠡᠯᠭᠡ ᠲᠡᠮᠳᠡᠭ ᠡᠮᠭᠡᠭ ᠦ᠋ᠨ ᠰᠤᠳᠤᠯᠤᠯ ᠤ᠋ᠨ ᠲᠠᠯᠠ ᠪᠠᠷ ᠨᠡᠢᠲᠡ ᠳ᠋ᠦ᠍ ᠵᠣᠷᠢᠭᠤᠯᠤᠭᠰᠠᠨ ᠡᠳᠦᠢ ᠲᠡᠳᠦᠢ ᠣᠯᠠᠨ ᠨᠣᠮ ᠰᠡᠳᠬᠦᠯ ᠬᠡᠪᠯᠡᠭᠳᠡᠨ ᠭᠠᠷᠤᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠣᠯᠤᠨ ᠬᠥᠭᠵᠢᠵᠦ᠂ ᠣᠳᠣ ᠨᠢᠭᠡᠨᠲᠡ《ᠭᠠᠷ ᠨᠢ ᠭᠠᠨᠵᠤᠭᠠᠨ ᠳ᠋ᠤ᠌᠂ ᠬᠥᠯ ᠨᠢ ᠳᠥᠷᠦᠭᠡᠨ ᠳ᠋ᠡᠭᠡᠨ ᠬᠦᠷᠴᠡᠢ》᠃ ᠭᠠᠭᠴᠠᠬᠦ ᠮᠠᠨ ᠤ᠋ ᠨᠡᠢᠭᠡᠮ ᠦ᠋ᠨ ᠠᠮᠢᠳᠤᠷᠠᠯ ᠳ᠋ᠤ᠌᠂ ᠲᠤᠬᠠᠢᠯᠠᠪᠠᠯ ᠣᠶᠤᠨ ᠰᠠᠨᠠᠭᠠᠨ ᠤ᠋ ᠠᠮᠢᠳᠤᠷᠠᠯ ᠳ᠋ᠤ᠌ ᠭᠠᠷᠴᠤ ᠪᠣᠢ ᠥᠭᠡᠷᠡᠴᠢᠯᠡᠨ ᠪᠠᠢᠭᠤᠯᠤᠯᠲᠠ ᠶ᠋ᠢᠨ ᠠᠴᠢ ᠪᠠᠷ ᠰᠡᠳᠬᠢᠯ ᠦ᠋ᠨ ᠢ᠋ᠶ᠋ᠡᠨ ᠨᠢᠭᠡ ᠬᠡᠪ ᠦ᠋ᠨ ᠵᠠᠭᠪᠤᠷᠴᠢᠯᠠᠯ ᠠ᠋ᠴᠠ ᠠᠩᠭᠢᠵᠢᠷᠠᠨ ᠰᠠᠯᠵᠤ᠂ ᠬᠡᠯᠡᠬᠦ᠂ ᠶᠠᠷᠢᠬᠤ《ᠡᠷᠬᠡ ᠴᠢᠯᠥᠭᠡ》 ᠪᠣᠢ ᠪᠣᠯᠤᠯᠠ᠃ ᠥᠴᠥᠭᠡᠳᠦᠷᠬᠡᠨ ᠠᠷᠭᠠ ᠦᠭᠡᠢ ᠠᠮᠠᠷᠠᠭ ᠠ᠋ᠴᠠ ᠨᠢᠭᠤᠴᠠ ᠠᠮᠠᠷᠠᠭ ᠬᠦᠷᠲᠡᠯᠡᠬᠢ ᠶ᠋ᠢ ᠳᠠᠭᠤ ᠪᠠᠨ ᠨᠠᠮᠰᠠᠭᠠᠵᠤ᠂ ᠲᠣᠬᠣᠢ ᠪᠠᠨ ᠶᠣᠪᠣᠷᠤᠨ ᠴᠢᠬᠢᠨ ᠳ᠋ᠦ᠍ ᠰᠣᠨᠤᠰᠬᠠᠭᠳᠠᠬᠤ ᠲᠠᠢ ᠦᠭᠡᠢ ᠲᠡᠢ ᠰᠢᠪᠡᠨᠡᠨ ᠶᠠᠷᠢᠳᠠᠭ ᠪᠠᠢᠭᠰᠠᠨ ᠪᠣᠯ ᠥᠨᠥᠳᠥᠷ ᠡᠨᠡ ᠲᠤᠬᠠᠢ ᠢᠯᠡ ᠳᠠᠯᠠᠨ ᠦᠭᠡᠢ᠂《ᠵᠠᠳᠠᠭᠠᠢ》᠂ ᠶᠠᠷᠢᠬᠤ᠂ ᠪᠢᠴᠢᠬᠦ ᠪᠣᠯᠤᠯᠠ᠃ ᠡᠨᠡ ᠪᠣᠯ ᠮᠠᠨ ᠤ᠋ ᠳ᠋ᠤ᠌《ᠬᠣᠷᠮᠣᠢ ᠶ᠋ᠢᠨ ᠬᠤᠪᠢᠰᠬᠠᠯ》 ᠮᠠᠨᠳᠤᠵᠤ ᠪᠣᠢ ᠶ᠋ᠢᠨ ᠨᠢᠭᠡ ᠢᠯᠡᠷᠡᠯ ᠮᠥᠨ᠃ 《ᠬᠣᠷᠮᠣᠢ ᠶ᠋ᠢᠨ ᠬᠤᠪᠢᠰᠬᠠᠯ》 ᠭᠡᠭᠴᠢ ᠰᠣᠶᠣᠯ ᠤ᠋ᠨ ᠬᠤᠪᠢᠰᠬᠠᠯ ᠠᠳᠠᠯᠢ ᠴᠢᠰᠤ ᠤᠷᠤᠰᠬᠠᠬᠤ ᠦᠭᠡᠢ᠂ ᠬᠥᠮᠦᠰ ᠦ᠋ᠨ ᠣᠶᠤᠨ ᠰᠠᠨᠠᠭᠠᠨ ᠳ᠋ᠤ᠌ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ ᠢ᠋ ᠦᠵᠡᠬᠦ ᠦᠵᠡᠯ᠂ ᠬᠠᠨᠳᠤᠯᠭᠠ ᠳ᠋ᠤ᠌ ᠭᠠᠷᠴᠤ ᠪᠣᠢ ᠡᠷᠭᠢᠯᠲᠡ ᠥᠭᠡᠷᠡᠴᠢᠯᠡᠯᠲᠡ ᠳᠠᠷᠤᠢ ᠮᠥᠨ᠃ ᠬᠥᠮᠦᠨ ᠪᠦᠬᠦᠨ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ ᠤ᠋ᠨ《ᠴᠠᠭᠠᠨ ᠲᠣᠯᠣᠭᠠᠢ》 ᠶ᠋ᠢ ᠨᠢᠭᠡᠨᠲᠡ ᠲᠠᠢᠯᠵᠤ᠂ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠥᠨᠳᠥᠷ ᠰᠣᠶᠣᠯ ᠥᠪ ᠲᠡᠭᠰᠢ ᠬᠥᠮᠦᠵᠢᠯ ᠢ᠋ ᠪᠡᠶᠡ ᠳ᠋ᠡᠭᠡᠨ ᠥᠪᠴᠢ ᠰᠢᠩᠭᠡᠭᠡᠭᠰᠡᠨ ᠴᠠᠭ ᠲᠤ᠌ ᠰᠠᠶᠢ《ᠬᠣᠷᠮᠣᠢ ᠶ᠋ᠢᠨ ᠬᠤᠪᠢᠰᠬᠠᠯ》 ᠢᠯᠠᠬᠤ ᠪᠣᠯᠤᠨᠠ᠃ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠠᠯᠢᠪᠠ ᠤᠯᠤᠰ ᠨᠡᠢᠭᠡᠮ ᠢ᠋ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠬᠥᠲᠥᠯᠦᠨ ᠶᠠᠪᠤᠭᠤᠯᠵᠤ ᠪᠣᠢ ᠪᠠᠢᠳᠠᠯ ᠢ᠋ᠶ᠋ᠠᠷ ᠨᠢ ᠬᠣᠶᠠᠷ ᠬᠤᠪᠢᠶᠠᠳᠠᠭ ᠪᠢᠯᠡ᠃ ᠡᠬᠢᠨ ᠦ᠌ ᠬᠢᠨᠢ ᠶ᠋ᠢ᠂ ᠲᠤᠬᠠᠢᠯᠠᠪᠠᠯ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠠᠮᠢᠳᠤᠷᠠᠯ ᠲᠠᠢ ᠬᠣᠯᠪᠣᠭᠠ ᠲᠠᠢ ᠪᠣᠯᠭᠠᠨ ᠢ᠋ ᠦᠵᠡᠯ ᠰᠤᠷᠲᠠᠯᠵᠢᠭᠤᠯᠵᠤ᠂ ᠡᠷᠬᠡ ᠴᠢᠯᠥᠭᠡ ᠶ᠋ᠢ ᠬᠠᠭᠠᠨ ᠪᠣᠭᠣᠭᠳᠠᠭᠤᠯᠳᠠᠭ᠃ ᠪᠦᠬᠦᠨ ᠢ᠋ ᠨᠢᠭᠤᠴᠠᠯᠠᠨ ᠳᠠᠷᠤᠩᠭᠤᠢᠯᠠᠳᠠᠭ《ᠬᠠᠭᠠᠯᠲᠠ ᠲᠠᠢ》᠂ ᠬᠠᠷᠠᠩᠭᠤᠢ ᠪᠥᠭᠯᠡᠭᠦᠦ ᠨᠡᠢᠭᠡᠮ᠂ ᠡᠭᠦᠨ ᠳ᠋ᠦ᠍ ᠮᠠᠨ ᠤ᠋ ᠬᠢ ᠲᠡᠳᠦᠢ ᠦᠭᠡᠢ ᠬᠥᠷᠰᠢ ᠵᠡᠷᠭᠡᠯᠡᠳᠡᠭᠡ ᠵᠠᠷᠢᠮ ᠲᠣᠮᠣ ᠭᠦᠷᠦᠨ ᠴᠦ᠍ ᠬᠤᠷᠠᠵᠤ ᠪᠠᠭᠲᠠᠨᠠ᠃ ᠨᠥᠭᠥᠭᠡᠳᠡᠬᠢ ᠠᠯᠢᠪᠠ ᠭᠣᠬᠠ ᠳᠡᠭᠡᠭᠡ᠂ ᠰᠢᠬᠠᠯᠲᠠ ᠬᠠᠪᠴᠢᠯᠭᠠ ᠣᠭᠲᠣ ᠪᠠᠢᠬᠤ ᠦᠭᠡᠢ᠂ ᠨᠢᠭᠤᠵᠤ ᠬᠠᠭᠠᠬᠤ ᠶᠠᠭᠤᠮᠠ ᠥᠴᠦᠬᠡᠨ ᠴᠦ᠍ ᠦᠭᠡᠢ《ᠨᠡᠭᠡᠭᠡᠯᠲᠡᠲᠡᠢ》᠂《ᠵᠠᠳᠠᠭᠠᠢ》᠂ ᠡᠷᠬᠡ ᠴᠢᠯᠥᠭᠡᠲᠦ ᠶᠢᠷᠲᠢᠨᠴᠦ ᠶᠦᠮ᠃ ᠴᠣᠬᠣᠮ ᠡᠢᠮᠦ ᠤᠯᠤᠰ ᠨᠡᠢᠭᠡᠮ ᠥᠪᠡᠷᠰᠡᠳ ᠢ᠋ ᠪᠡᠨ《ᠬᠣᠷᠮᠣᠢ ᠶ᠋ᠢᠨ ᠬᠤᠪᠢᠰᠬᠠᠯ》 ᠢᠯᠠᠭᠰᠠᠨ ᠣᠷᠣᠨ ᠭᠡᠵᠦ ᠳᠡᠯᠡᠬᠡᠢ ᠳ᠋ᠦ᠍ ᠭᠠᠢᠬᠠᠭᠤᠯᠵᠤ ᠪᠠᠢᠭᠠ ᠪᠥᠭᠡᠳ ᠲᠡᠢᠮᠦ ᠤᠯᠤᠰ ᠭᠦᠷᠦᠨ ᠦ᠌ ᠲᠣᠭᠠᠨ ᠳ᠋ᠤ᠌ ᠥᠷᠥᠨᠡᠲᠦ ᠶ᠋ᠢᠨ ᠣᠯᠠᠨ ᠤᠯᠤᠰ ᠣᠷᠣᠨ᠂ ᠲᠤᠬᠠᠢᠯᠠᠪᠠᠯ᠂ ᠰᠸᠳᠢ ᠤᠯᠤᠰ ᠣᠷᠣᠨᠠ᠃ ᠥᠷᠥᠨᠡᠲᠦ ᠶ᠋ᠢᠨ ᠣᠷᠣᠨ ᠨᠤᠭᠤᠳ ᠲᠤ᠌ ᠬᠡᠦᠬᠡᠳ ᠲᠦ᠍ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠵᠥᠪ ᠬᠥᠮᠦᠵᠢᠯ ᠪᠠᠭᠠ ᠪᠠᠯᠴᠢᠷ ᠠ᠋ᠴᠠ ᠨᠢ ᠡᠬᠢᠯᠡᠵᠦ ᠣᠯᠭᠣᠳᠠᠭ ᠪᠣᠯᠬᠣᠷ ᠲᠡᠳᠡ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ ᠢ᠋ ᠦᠵᠡᠭᠡᠳ ᠲᠡᠭᠡᠲᠡᠯᠡ ᠰᠦᠢᠳ ᠮᠡᠢᠳ ᠪᠣᠯᠳᠠᠭ ᠦᠭᠡᠢ ᠠᠵᠠᠢ᠃ ᠥᠷᠥᠨᠡᠲᠦ ᠶ᠋ᠢᠨ ᠣᠷᠣᠨ ᠨᠤᠭᠤᠳ ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠲᠡᠢᠨ ᠡᠴᠡ ᠬᠣᠢᠰᠢ《ᠴᠢᠯᠥᠭᠡᠲᠡᠢ》 ᠶᠢᠷᠲᠢᠨᠴᠦ ᠪᠣᠯᠤᠭᠰᠠᠨ ᠠᠭᠠᠳ ᠰᠡᠭᠦᠯ ᠦ᠋ᠨ ᠬᠣᠷᠢ ᠭᠠᠷᠤᠢ ᠵᠢᠯ《ᠬᠣᠷᠮᠣᠢ ᠶ᠋ᠢᠨ ᠬᠤᠪᠢᠰᠬᠠᠯ》 ᠥᠷᠨᠢᠵᠦ ᠪᠠᠢᠨᠠ᠃ ᠤᠷᠢᠳᠤ ᠨᠢ ᠬᠣᠷᠮᠣᠢ ᠶ᠋ᠢᠨ ᠶᠠᠪᠤᠳᠠᠯ ᠢ᠋ ᠰᠢᠭᠤᠳ ᠢᠯᠡ ᠪᠡᠷ ᠪᠢᠴᠢᠳᠡᠭ ᠦᠭᠡᠢ ᠶᠠᠮᠠᠷ ᠨᠢᠭᠡᠨ《ᠨᠡᠷᠡ ᠲᠣᠮᠢᠶᠠ》 ᠪᠠᠷ ᠳᠠᠮᠵᠢᠭᠤᠯᠵᠤ᠂ ᠬᠠᠯᠬᠠᠪᠴᠢ ᠬᠢᠳᠡᠭ ᠪᠠᠢᠭᠰᠠᠨ ᠪᠣᠯ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠡᠭᠦᠨ ᠢ᠋ ᠢᠯᠡ ᠵᠠᠳᠠᠭᠠᠢ᠂《ᠲᠦᠭᠦᠬᠡᠢ》 ᠴᠢᠭ ᠢ᠋ᠶ᠋ᠡᠷ ᠨᠢ ᠭᠠᠷᠭᠠᠬᠤ ᠪᠣᠯᠤᠭᠰᠠᠨ᠃ ᠤᠷᠢᠳᠤ ᠨᠢ ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠵᠥᠪᠬᠡᠨ ᠡᠪᠦᠳᠦᠭ ᠢ᠋ ᠭᠠᠷᠭᠠᠬᠤ ᠳ᠋ᠤ᠌ ᠰᠣᠴᠢᠳᠠᠭ ᠪᠠᠢᠭᠰᠠᠨ ᠪᠣᠯ ᠣᠳᠣ ᠣᠭᠲᠣ ᠲᠣᠭᠣᠬᠤ ᠪᠠᠨ ᠪᠠᠢᠵᠠᠢ᠃ ᠲᠡᠷᠡ ᠪᠦᠦ ᠬᠡᠯᠡ ᠰᠺᠰᠱᠤᠫ᠂ ᠫᠣᠷᠨᠣᠱᠫ ᠬᠡᠮᠡᠬᠦ ᠳᠡᠯᠭᠡᠭᠦᠷ ᠬᠦᠷᠲᠡᠯᠡ ᠪᠣᠢ ᠪᠣᠯᠵᠠᠢ᠃ ᠡᠢᠨᠬᠦ ᠥᠷᠥᠨᠡᠲᠦ ᠶ᠋ᠢᠨ ᠣᠷᠣᠨ ᠨᠤᠭᠤᠳ ᠲᠤ᠌ ᠥᠷᠨᠢᠵᠦ ᠪᠣᠢ《ᠬᠣᠷᠮᠣᠢ ᠶ᠋ᠢᠨ ᠬᠤᠪᠢᠰᠬᠠᠯ》 ᠬᠡᠵᠢᠶᠡ ᠥᠨᠳᠥᠷᠯᠡᠬᠦ ᠬᠢᠭᠡᠳ ᠶᠠᠮᠠᠷ ᠦᠷᠡ ᠳ᠋ᠦᠩ ᠳ᠋ᠦ᠍ ᠬᠦᠷᠬᠦ ᠶ᠋ᠢ ᠭᠠᠭᠴᠠᠬᠦ ᠴᠠᠭ ᠬᠤᠭᠤᠴᠠᠭᠠ ᠯᠠ ᠬᠠᠷᠠᠭᠤᠯᠤᠨᠠ᠃ ᠬᠥᠮᠦᠨ ᠭᠡᠭᠴᠢ ᠴᠠᠭ ᠤ᠋ᠨ ᠪᠦᠲᠦᠭᠡᠭᠳᠡᠬᠦᠨ ᠠᠭᠠᠳ ᠤᠯᠠᠷᠢᠬᠤ ᠴᠠᠭ ᠤ᠋ᠨ ᠢᠳᠢ ᠰᠢᠳᠢ ᠭᠠᠢᠬᠠᠮᠰᠢᠭᠲᠠᠢ᠂ ᠪᠤᠶᠠᠨ ᠢ᠋ ᠨᠢᠭᠦᠯ ᠴᠦ᠍ ᠪᠣᠯᠭᠠᠨᠠ᠂ ᠨᠢᠭᠦᠯ ᠢ᠋ ᠪᠤᠶᠠᠨ ᠴᠦ᠍ ᠪᠣᠯᠭᠠᠨᠠ᠃ ᠴᠠᠭ ᠴᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ᠂ ᠴᠠᠬᠢᠯᠳᠠᠭ ᠬᠥᠬᠡ ᠪᠡᠷ ᠢ᠋ᠶ᠋ᠡᠨ ᠪᠠᠢᠳᠠᠭ ᠦᠭᠡᠢ ᠪᠣᠯᠬᠣᠷ ᠬᠡᠳᠦᠢᠪᠡᠷ ᠮᠠᠨᠠᠢᠬᠢᠨ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ ᠢ᠋ ᠢᠯᠠᠨ ᠳᠠᠯᠠᠨ ᠦᠭᠡᠢ᠂ ᠥᠭᠦᠯᠡᠬᠦ ᠡᠴᠡ ᠢᠴᠢᠵᠦ ᠵᠣᠪᠠᠳᠠᠭ ᠪᠠᠢᠳᠠᠭ ᠴᠦ᠍ ᠭᠡᠰᠡᠨ ᠥᠨᠥᠳᠥᠷ ᠡᠨᠡ ᠴᠢᠮᠡᠭᠡ ᠦᠭᠡᠢ ᠥᠩᠭᠡᠷᠡᠵᠦ ᠶᠠᠪᠤᠵᠤ ᠪᠣᠯᠬᠤ ᠦᠭᠡᠢ ᠪᠣᠯᠵᠠᠢ᠃ ᠬᠥᠭᠵᠢᠯ ᠦ᠋ᠨ ᠶᠡᠷᠦᠩᠬᠡᠢ ᠬᠠᠨᠳᠤᠯᠭᠠ ᠶ᠋ᠢ ᠠᠪᠴᠤ ᠦᠵᠡᠪᠡᠯ ᠬᠣᠷᠢᠭᠠ ᠴᠡᠭᠡᠷ ᠲᠡᠢ ᠵᠦᠢᠯ ᠦ᠋ᠨ ᠵᠠᠭᠠᠭ ᠬᠢᠵᠠᠭᠠᠷ ᠬᠤᠮᠢᠭᠳᠠᠬᠤ ᠲᠥᠯᠥᠪᠲᠡᠢ ᠪᠠᠢᠨᠠ᠃
ᠡᠢᠮᠦ ᠳ᠋ᠦ᠍ ᠦᠨᠳᠦᠰᠦᠲᠡᠨ ᠦ᠌ ᠰᠣᠶᠣᠯ ᠤ᠋ᠨ ᠰᠢᠮᠡ ᠲᠡᠢ ᠬᠥᠷᠥᠰᠥᠨ ᠳ᠋ᠦ᠍ ᠪᠠᠲᠤᠲᠠᠢ ᠲᠤᠯᠭᠠᠭᠤᠷᠢᠯᠠᠬᠤ ᠠ᠋ᠴᠠ ᠭᠠᠳᠠᠨᠠ ᠳᠡᠯᠡᠬᠡᠢ ᠶ᠋ᠢᠨ ᠰᠣᠶᠣᠯ ᠢᠷᠭᠡᠨᠰᠢᠯ᠂ ᠥᠷᠥᠨᠡᠳᠠᠬᠢᠨ ᠤ᠋ ᠰᠣᠶᠣᠯ ᠠ᠋ᠴᠠ ᠬᠣᠴᠣᠷᠤᠯ ᠦᠭᠡᠢ ᠰᠤᠷᠤᠯᠴᠠᠬᠤ᠂ ᠤᠯᠠᠮᠵᠢᠯᠠᠬᠤ ᠵᠦᠢᠯ ᠴᠦ᠍ ᠪᠣᠢ᠃ ᠪᠠᠰᠠ ᠬᠣᠴᠣᠷᠴᠢᠬᠠᠨᠠ ᠭᠡᠵᠦ ᠵᠣᠪᠠᠯ ᠦᠭᠡᠢ ᠳᠠᠭᠤᠷᠢᠶᠠᠯ ᠦᠭᠡᠢ ᠥᠩᠭᠡᠷᠡᠵᠦ ᠪᠣᠯᠬᠤ ᠪᠠᠷ ᠵᠦᠢᠯ ᠴᠦ᠍ ᠪᠠᠢᠨᠠ᠃ ᠴᠣᠬᠣᠮ ᠡᠭᠦᠨ ᠦ᠌ ᠲᠣᠭᠠᠨ ᠳ᠋ᠤ᠌ ᠰᠠᠳᠤᠷ ᠰᠠᠮᠠᠭᠤᠨ᠂ ᠤᠵᠢᠳ ᠵᠠᠪᠬᠠᠢ ᠶᠠᠪᠤᠳᠠᠯ ᠢ᠋ ᠡᠷᠡᠭᠡ ᠴᠡᠭᠡᠷ ᠦᠭᠡᠢ᠂ ᠢᠴᠢᠭᠦᠷᠢ ᠰᠤᠨᠵᠢᠭᠤᠷᠢ ᠦᠭᠡᠢ ᠳᠦᠷᠰᠦᠯᠡᠨ ᠦᠵᠡᠭᠦᠯᠦᠭᠰᠡᠨ ᠺᠢᠨᠣ᠋᠂ ᠰᠢ ᠳᠦᠷᠰᠦ ᠪᠢᠴᠢᠯᠭᠡ(ᠫᠣᠷᠨᠣᠭᠷᠠᠹᠤᠶᠠ) ᠣᠷᠣᠨᠠ᠃ ᠡᠨᠳᠡ ᠨᠢᠭᠡ ᠵᠦᠢᠯ ᠢ᠋ ᠲᠠ ᠪᠦᠬᠦᠨ ᠳ᠋ᠦ᠍ ᠵᠣᠷᠢᠭᠤᠳᠠ ᠰᠣᠨᠣᠷᠳᠠᠭᠤᠯᠤᠮᠠᠷ ᠪᠠᠢᠨᠠ᠃ ᠶᠠᠭᠤ ᠪᠣᠢ ᠭᠡᠪᠡᠯ ᠵᠠᠷᠢᠮ ᠤᠬᠠᠪᠤᠷᠢ ᠮᠥᠴᠢᠳ ᠬᠥᠮᠦᠰ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ(ᠰᠸᠺᠰ) ᠢ᠋ ᠤᠵᠢᠳ ᠵᠠᠪᠬᠠᠢ ᠰᠠᠳᠤᠷ ᠰᠠᠮᠠᠭᠤᠨ ᠶᠠᠪᠤᠳᠠᠯ ᠢ᠋ ᠳᠦᠷᠰᠦᠯᠡᠭᠰᠡᠨ ᠵᠣᠬᠢᠶᠠᠯ(ᠫᠣᠷᠨᠣᠭᠷᠠᠹᠤᠶᠠ) ᠲᠠᠢ ᠬᠠᠳᠬᠤᠬᠤ ᠭᠡᠮ ᠪᠢᠰᠢᠭᠦᠢ ᠲᠠᠭᠠᠷᠠᠬᠤ ᠶᠤᠮ᠃ ᠡᠳᠡᠭᠡᠷ ᠨᠢ ᠬᠣᠭᠣᠷᠣᠨᠳᠣ ᠪᠠᠨ ᠡᠷᠡᠰ ᠢᠯᠭᠠᠭᠠ ᠲᠠᠢ ᠡᠰᠡᠷᠭᠦ ᠲᠡᠰᠡᠷᠭᠦ ᠤᠬᠠᠭᠳᠠᠬᠤᠨ ᠪᠢᠯᠡ᠃ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ(ᠰᠸᠺᠰ) ᠠᠷᠢᠭᠤᠨ ᠬᠠᠢᠷᠠ ᠳᠡᠭᠡᠷᠡ ᠲᠣᠭᠲᠠᠳᠠᠭ ᠪᠣᠯ ᠰᠠᠳᠤᠷ ᠰᠠᠮᠠᠭᠤᠨ ᠶᠠᠪᠤᠳᠠᠯ(ᠫᠣᠷᠨᠣᠭᠷᠠᠹᠤᠶᠠ) ᠨᠢ ᠭᠠᠭᠴᠠᠬᠦ ᠥᠩᠭᠡ᠂ ᠮᠥᠩᠭᠥᠨ ᠳᠡᠭᠡᠷᠡ ᠯᠡ ᠲᠣᠭᠲᠠᠨᠠ᠃ ᠲᠡᠭᠦᠨᠴᠢᠯᠡᠨ ᠰᠠᠳᠤᠷ ᠰᠠᠮᠠᠭᠤᠨ᠂ ᠵᠠᠪᠬᠠᠢ ᠶᠠᠪᠤᠳᠠᠯ ᠢ᠋ ᠳᠦᠷᠰᠦᠯᠡᠭᠰᠡᠨ ᠵᠣᠬᠢᠶᠠᠯ ᠢ᠋ ᠳᠤᠷᠠᠯᠠᠯ ᠲᠠᠴᠢᠶᠠᠯ᠂ ᠤᠷᠢᠨ ᠲᠠᠴᠢᠶᠠᠩᠭᠤᠢ ᠦᠵᠡᠭᠦᠯᠦᠭᠰᠡᠨ ᠵᠣᠬᠢᠶᠠᠯ ᠠ᠋ᠴᠠ(ᠡᠷᠦᠲ᠋ᠢᠨᠺᠡ) ᠪᠠᠰᠠ ᠢᠯᠭᠠᠵᠤ ᠦᠵᠡᠪᠡᠯ ᠵᠣᠬᠢᠨᠠ᠃ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ᠂ ᠤᠷᠠᠨ ᠲᠠᠴᠢᠶᠠᠩᠭᠤᠢ ᠭᠡᠭᠴᠢ ᠡᠷᠳᠡᠨᠢᠲᠦ ᠬᠥᠮᠦᠨ ᠳ᠋ᠦ᠍ ᠵᠠᠪᠠᠯ ᠪᠠᠢᠬᠤ ᠤᠴᠢᠷ ᠲᠠᠢ᠂ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠡᠭᠦᠨ ᠢ᠋ ᠪᠠᠢᠭᠠᠯᠢ ᠡᠬᠡ ᠬᠠᠢᠷᠠᠯᠠᠭᠰᠠᠨ ᠪᠥᠯᠥᠭᠡ᠃ ᠬᠠᠷᠢᠨ ᠰᠠᠳᠤᠷ ᠰᠠᠮᠠᠭᠤᠨ᠂ ᠤᠵᠢᠳ ᠵᠠᠪᠬᠠᠢ᠂ ᠪᠤᠰᠤᠷᠮᠠᠭ ᠶᠠᠪᠤᠳᠠᠯ(ᠫᠣᠷᠨᠣᠭᠷᠠᠹᠤᠶᠠ) ᠪᠣᠯ ᠬᠥᠮᠦᠨ ᠦ᠌ ᠶᠣᠰᠣᠨ ᠳ᠋ᠤ᠌ ᠬᠠᠷᠰᠢ᠂ ᠬᠥᠮᠦᠨ ᠪᠤᠰᠤ ᠠᠷᠠᠨᠰᠢᠨ ᠤᠴᠢᠷ ᠪᠠᠢᠭᠠᠯᠢ ᠡᠬᠡ ᠲᠡᠭᠦᠨ ᠢ᠋ ᠵᠠᠪᠠᠯ ᠬᠡᠰᠭᠡᠭᠡᠨ ᠴᠡᠭᠡᠷᠯᠡᠭᠦᠯᠦᠨᠡ᠃ ᠰᠠᠳᠤᠷ ᠰᠠᠮᠠᠭᠤᠨ ᠶᠠᠪᠤᠳᠠᠯᠲᠠᠨ᠂ ᠳᠠᠭᠤᠴᠢ ᠡᠮᠡᠰ ᠢ᠋ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌ ᠲᠣᠬᠢᠶᠠᠯᠳᠤᠳᠠᠭ᠂ ᠪᠠᠢᠵᠤ ᠪᠣᠯᠬᠤ《ᠨᠢᠭᠤᠴᠠ ᠠᠮᠠᠷᠠᠭ》 ᠲᠠᠢ ᠵᠦᠢᠷᠯᠡᠨ ᠠᠳᠠᠯᠢᠳᠬᠠᠵᠤ ᠶᠠᠭᠠᠬᠢᠨ ᠪᠣᠯᠬᠤ ᠪᠢᠯᠡ᠃ ᠨᠢᠭᠤᠴᠠ ᠠᠮᠠᠷᠠᠭ ᠭᠡᠭᠴᠢ ᠥᠨᠥ ᠮᠠᠷᠭᠠᠰᠢ ᠶ᠋ᠢᠨ ᠥᠪᠡᠷ ᠦ᠋ᠨ ᠵᠢᠷᠭᠠᠯ ᠬᠠᠢᠭᠴᠢ ᠪᠢᠰᠢ᠂ ᠶᠣᠰᠣᠲᠠᠢ ᠰᠡᠳᠬᠢᠯ ᠦ᠋ᠨ᠂ ᠠᠷᠭᠠ ᠦᠭᠡᠢ ᠠᠮᠠᠷᠠᠭ ᠪᠠᠢᠪᠠᠯ ᠶᠠᠭᠠᠬᠢᠯᠲᠠᠢ ᠪᠢᠯᠡ᠃ ᠳᠠᠭᠤᠴᠢ ᠡᠮᠡ ᠶ᠋ᠢᠨ ᠦᠨᠡᠨ ᠨᠢᠭᠤᠷ ᠴᠢᠷᠠᠢ ᠭᠡᠪᠡᠯ《ᠠᠨᠳᠠᠭᠤ ᠳᠠᠭᠤᠯᠠᠬᠤ ᠦᠭᠡᠢ ᠪᠣᠯ ᠦᠭᠡᠢ ᠭᠡᠬᠦ ᠦᠭᠡᠢ》᠂《ᠬᠡᠨ ᠢ᠋ ᠴᠦ᠍ ᠬᠡᠨ ᠪᠤᠭᠠᠢ ᠭᠡᠳᠡᠭ ᠦᠭᠡᠢ》᠂《ᠮᠢᠨᠦ ᠪᠠᠨᠲᠠᠭᠠᠷ ᠶᠠᠮᠠᠷ ᠦᠨᠡ ᠬᠦᠷᠬᠦ ᠪᠣᠯ》 ᠭᠡᠵᠦ ᠪᠥᠭᠰᠡ ᠪᠡᠨ ᠦᠨᠡᠯᠡᠨ ᠬᠤᠳᠠᠯᠳᠤᠭᠴᠢᠳ᠂ ᠲᠡᠭᠦᠪᠡᠷ ᠠᠮᠢ ᠪᠠᠨ ᠵᠢᠭᠤᠭᠴᠢᠳ ᠶᠤᠮ᠃
ᠡᠨᠳᠡ ᠪᠠᠰᠠ ᠨᠢᠭᠡ ᠵᠦᠢᠯ ᠢ᠋ ᠵᠣᠷᠢᠭᠤᠳᠠ ᠠᠩᠬᠠᠷᠤᠭᠤᠯᠬᠤ ᠳ᠋ᠤ᠌ ᠬᠦᠰᠡᠯ ᠢ᠋ᠶ᠋ᠡᠨ ᠪᠠᠷᠢᠵᠤ ᠲᠡᠪᠴᠢᠬᠦ ᠦᠭᠡᠢ ᠪᠣᠯᠤᠭᠰᠠᠨ《ᠬᠣᠷᠮᠣᠢ ᠶᠢᠨ ᠲᠤᠩ》 ᠱᠥᠭᠯᠡᠭᠴᠢᠳ ᠢ᠋ ᠳᠠᠭᠤᠴᠢ ᠡᠮᠡ ᠡᠴᠡ ᠢᠯᠭᠠᠨ ᠰᠠᠯᠭᠠᠵᠤ ᠣᠢᠯᠠᠭᠠᠬᠤ ᠬᠡᠷᠡᠭᠲᠡᠢ ᠶᠦᠮ᠃ ᠡᠨᠡ ᠪᠣᠯ ᠨᠢᠭᠡ ᠨᠢ ᠡᠪᠡᠳᠴᠢᠨ᠂ ᠨᠥᠭᠦᠭᠡ ᠨᠢ ᠨᠡᠢᠭᠡᠮ ᠦ᠋ᠨ ᠦᠵᠡᠭᠳᠡᠯ ᠶᠦᠮ᠃
ᠡᠴᠦᠰ ᠲᠦ᠍ ᠬᠡᠯᠡᠬᠦ ᠳ᠋ᠦ᠍ ᠥᠷᠭᠡᠨ ᠣᠯᠠᠨ ᠳ᠋ᠠᠭᠠᠨ ᠪᠠᠷᠢᠵᠤ ᠪᠣᠢ ᠡᠨᠡᠬᠦ ᠨᠣᠮ ᠮᠠᠨᠢ《ᠳᠤᠲᠠᠭᠤ ᠶ᠋ᠢ ᠭᠦᠢᠴᠡᠭᠡᠵᠦ᠂ ᠳᠤᠮᠳᠠᠭᠤᠷ ᠢ᠋ ᠳᠦᠭᠦᠷᠭᠡᠨᠡ》 ᠭᠡᠭᠴᠢ ᠪᠡᠷ ᠲᠠᠨ ᠤ᠋ ᠮᠡᠳᠡᠭᠡ ᠦᠭᠡᠢ᠂ ᠣᠢᠯᠠᠭᠠᠭᠠ ᠦᠭᠡᠢ ᠶᠠᠪᠤᠭᠰᠠᠨ ᠢ᠋ ᠮᠡᠳᠡᠭᠦᠯᠵᠦ᠂ ᠣᠢᠯᠠᠭᠠᠭᠤᠯᠵᠤ᠂ ᠳᠤᠲᠠᠭᠤ ᠳᠤᠯᠢᠮᠠᠭ ᠪᠣᠳᠣᠭᠰᠠᠨ ᠢ᠋ ᠴᠢᠨᠢ ᠭᠦᠢᠴᠡᠭᠡᠵᠦ ᠥᠭᠪᠡᠯ ᠥᠴᠦᠬᠡᠨ ᠮᠢᠨᠦ ᠬᠡᠷᠡᠭ ᠪᠦᠲᠦᠵᠦ᠂ ᠮᠠᠩᠨᠠᠢ ᠲᠡᠨᠢᠢᠬᠦ ᠠᠵᠢᠶᠠᠮᠤ᠃ ᠡᠷᠦᠬᠡ ᠪᠦᠯᠢ ᠪᠦᠬᠦᠨ ᠳ᠋ᠦ᠍ ᠠᠵᠠ ᠵᠢᠷᠭᠠᠯ ᠤ᠋ᠨ ᠭᠡᠷᠡᠯ ᠭᠡᠭᠡ ᠲᠤᠶᠠᠭᠠᠷᠠᠬᠤ ᠪᠣᠯᠲᠤᠭᠠᠢ!
(ᠬᠠᠰᠣ᠋ᠳᠤ᠂ ᠰᠡᠷᠭᠦᠯᠡᠩ ᠪᠠᠭᠤᠯᠭᠠᠪᠠ)
ᠬᠡᠪᠯᠡᠯ ᠦ᠋ᠨ ᠲᠣᠳᠣᠷᠬᠠᠢᠯᠠᠯᠲᠠ
ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠡᠮᠨᠡᠯᠭᠡ ᠶ᠋ᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠢᠣᠯᠣᠭᠢ ᠶ᠋ᠢᠨ ᠤᠬᠠᠭᠠᠨ ᠤ᠋ ᠳ᠋ᠣᠺᠲ᠋ᠣᠷ ᠳ᠋᠂ ᠪᠤᠯᠤᠳᠴᠠᠷᠢᠩ ᠤ᠋ᠨ1990 ᠣᠨ ᠳ᠋ᠤ᠌ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠᠨᠠ ᠰᠢᠨᠡ ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠷ ᠲᠤᠭᠤᠷᠪᠢᠨ ᠪᠢᠴᠢᠵᠦ ᠬᠡᠪᠯᠡᠭᠦᠯᠦᠭᠰᠡᠨ《ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ》 ᠬᠡᠮᠡᠬᠦ ᠡᠨᠡ ᠨᠣᠮ ᠢ᠋ ᠡᠳᠦᠭᠡ ᠪᠢᠳᠡ ᠬᠠᠭᠤᠴᠢᠨ ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠷ ᠪᠠᠭᠤᠯᠭᠠᠨ ᠬᠡᠪᠯᠡᠭᠦᠯᠬᠦ ᠳ᠋ᠡᠭᠡᠨ ᠤᠤᠯ ᠨᠣᠮ ᠤ᠋ᠨ ᠭᠠᠳᠠᠷ ᠨᠠᠭᠤᠷ ᠢ᠋ ᠰᠢᠨᠡ ᠪᠡᠷ ᠤᠷᠠᠯᠠᠨ ᠵᠢᠷᠤᠵᠤ᠂ ᠳᠣᠲᠣᠷᠠ ᠨᠢ ᠬᠠᠪᠰᠤᠷᠭᠠᠭᠰᠠᠨ ᠵᠢᠷᠤᠭ ᠤ᠋ᠳ ᠢ᠋ ᠬᠠᠰᠤᠵᠤ᠂ ᠵᠠᠷᠢᠮ ᠨᠡᠷᠡ ᠲᠣᠮᠢᠶᠠ ᠪᠣᠯᠤᠨ ᠦᠭᠡ ᠥᠭᠦᠯᠡᠪᠦᠷᠢ ᠶ᠋ᠢᠨ ᠤᠳᠬᠠ ᠶ᠋ᠢ ᠦᠯᠦ ᠬᠤᠪᠢᠷᠠᠭᠤᠯᠬᠤ ᠵᠠᠷᠴᠢᠮ ᠤ᠋ᠨ ᠳᠣᠣᠷᠠ ᠮᠠᠨ ᠤ᠋ ᠣᠷᠣᠨ ᠤ᠋ ᠥᠷᠭᠡᠨ ᠣᠯᠠᠨ ᠤᠩᠰᠢᠭᠴᠢᠳ ᠤ᠋ᠨ ᠢ᠋ᠶ᠋ᠠᠨ ᠣᠢᠯᠠᠭᠠᠮᠵᠢ ᠰᠠᠢᠲᠠᠢ ᠪᠤᠶᠤ ᠬᠡᠷᠡᠭᠯᠡᠵᠦ ᠳᠠᠳᠤᠭᠰᠠᠨ ᠦᠭᠡ ᠬᠡᠯᠡᠯᠭᠡ ᠪᠡᠷ ᠵᠠᠰᠠᠭᠰᠠᠨ ᠢ᠋ ᠡᠨᠳᠡ ᠲᠣᠳᠣᠷᠬᠠᠢᠯᠠᠨ ᠮᠡᠳᠡᠭᠳᠡᠶᠡ᠃ ᠡᠷᠡ ᠡᠮᠡ ᠶ᠋ᠢᠨ ᠠᠮᠢᠳᠤᠷᠠᠯ ᠪᠣᠯ ᠡᠬᠡ ᠪᠠᠢᠭᠠᠯᠢ ᠠ᠋ᠴᠠ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠳ᠋ᠦ᠍ ᠬᠠᠢᠷᠠᠯᠠᠭᠰᠠᠨ ᠬᠡᠰᠢᠭ ᠪᠤᠶᠠᠨ ᠪᠢᠯᠡ᠃ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠡᠨᠡ ᠬᠡᠰᠢᠭ ᠪᠤᠶᠠᠨ ᠢ᠋ᠶ᠋ᠠᠨ ᠡᠳ᠋ᠯᠡᠬᠦ ᠳ᠋ᠡᠭᠡᠨ ᠪᠢᠰᠢᠭᠦᠢ ᠣᠯᠠᠨ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠬᠥᠮᠦᠵᠢᠯ ᠱᠠᠭᠠᠷᠳᠠᠭᠳᠠᠨᠠ᠃ ᠬᠥᠮᠦᠨ ᠪᠣᠯᠭᠠᠨ ᠪᠠᠶᠠᠨ ᠨᠣᠶᠠᠨ ᠪᠤᠶᠤ ᠡᠷᠳᠡᠮᠲᠡᠨ ᠪᠠᠭᠰᠢ ᠪᠣᠯᠬᠤ ᠠᠯᠪᠠ ᠦᠭᠡᠢ᠂ ᠭᠡᠪᠡᠴᠦ ᠬᠥᠮᠦᠨ ᠪᠣᠯᠭᠠᠨ ᠡᠬᠡ ᠡᠴᠢᠭᠡ ᠪᠣᠯᠬᠤ ᠶᠣᠰᠣᠲᠠᠢ᠃ ᠬᠡᠦᠬᠡᠳ ᠥᠰᠴᠦ ᠪᠡᠶᠡ ᠵᠡᠷᠭᠡ ᠳ᠋ᠦ᠍ ᠬᠦᠷᠬᠦ ᠳ᠋ᠦ᠍᠂ ᠢᠯᠠᠩᠭᠤᠶᠠ ᠲᠣᠭᠣᠨᠣ ᠲᠠᠢ ᠭᠡᠷ ᠲᠦ᠍ ᠲᠣᠯᠣᠭᠠᠢ ᠬᠣᠯᠪᠣᠵᠤ᠂ ᠲᠣᠭᠣᠭᠠ ᠲᠠᠢ ᠬᠣᠭᠣᠯᠠᠨ ᠳ᠋ᠤ᠌ ᠬᠣᠰᠢᠭᠤ ᠬᠣᠯᠪᠣᠨ ᠠᠢᠯ ᠭᠡᠷ ᠪᠣᠯᠵᠤ᠂ ᠠᠵᠤ ᠲᠥᠷᠥᠨ ᠰᠠᠭᠤᠬᠤ ᠳ᠋ᠠᠭᠠᠨ ᠡᠷᠡ ᠡᠮᠡ ᠪᠣᠯᠣᠭᠰᠠᠳ《ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ》 ᠢ᠋ ᠵᠦᠢᠲᠡᠢ ᠰᠠᠢᠬᠠᠨ ᠡᠭᠦᠰᠬᠡᠵᠦ ᠪᠠᠢᠬᠤ ᠨᠢ ᠵᠥᠪᠬᠡᠨ ᠦᠷᠡ ᠬᠡᠦᠬᠡᠳ ᠲᠡᠢ ᠪᠣᠯᠬᠤ ᠶ᠋ᠢᠨ ᠲᠥᠯᠥᠭᠡ ᠯᠡ ᠪᠢᠰᠢ᠂ ᠪᠠᠰᠠ ᠢᠨᠠᠭ ᠬᠠᠢᠷᠠ ᠶ᠋ᠢᠨ ᠪᠠᠯ ᠪᠤᠷᠠᠮ ᠢ᠋ ᠠᠮᠲᠠᠯᠠᠵᠤ᠂ ᠭᠡᠷ ᠪᠦᠯᠢ ᠶ᠋ᠢᠨ ᠠᠵᠠ ᠵᠢᠷᠭᠠᠯ ᠢ᠋ᠶ᠋ᠠᠨ ᠪᠠᠲᠤ ᠴᠣᠭᠴᠠᠯᠠᠵᠤ᠂ ᠪᠡᠶᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠬᠡᠵᠢᠶᠡᠳᠡ ᠡᠷᠡᠭᠦᠯ ᠡᠩᠬᠡ ᠠᠪᠴᠤ ᠶᠠᠪᠤᠬᠤ ᠳ᠋ᠤ᠌ ᠳᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠠᠷᠭᠠ ᠪᠢᠯᠢᠭ ᠦ᠋ᠨ ᠵᠣᠬᠢᠴᠠᠯ ᠪᠢᠯᠡ᠃ ᠭᠡᠪᠡᠴᠦ ᠡᠭᠦᠨ ᠢ᠋ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠪᠢᠣᠯᠣᠭᠢ ᠶ᠋ᠢᠨ ᠮᠡᠳᠡᠯᠭᠡ ᠬᠢᠭᠡᠳ ᠨᠡᠢᠭᠡᠮ ᠦ᠋ᠨ ᠳᠡᠪᠰᠢᠯᠲᠡ᠂ ᠵᠠᠩ ᠮᠣᠷᠠᠯ ᠤ᠋ᠨ ᠡᠭᠦᠳᠡᠨ ᠡᠴᠡ ᠵᠥᠪ ᠲᠠᠨᠢᠨ ᠦᠢᠯᠡᠳᠬᠦ ᠦᠭᠡᠢ ᠪᠣᠯ ᠬᠤᠪᠢ ᠬᠥᠮᠦᠨ ᠦ᠌ ᠪᠡᠶᠡ ᠰᠡᠳᠬᠢᠯ᠂ ᠭᠡᠷ ᠪᠦᠯᠢ ᠶ᠋ᠢᠨ ᠠᠵᠠ ᠵᠢᠷᠭᠠᠯ᠂ ᠨᠡᠢᠭᠡᠮ ᠨᠡᠢᠲᠡ ᠶ᠋ᠢᠨ ᠠᠮᠤᠷ ᠲᠦᠪᠰᠢᠨ ᠪᠠ ᠥᠷᠨᠢᠯ ᠬᠥᠭᠵᠢᠯ ᠳ᠋ᠦ᠍ ᠪᠦᠷ ᠮᠠᠭᠤ ᠨᠥᠯᠥᠭᠡ ᠪᠣᠯᠳᠠᠭ᠃ ᠲᠤᠰ ᠨᠣᠮ ᠡᠳᠡᠭᠡᠷ ᠶᠣᠰᠣ ᠤᠴᠢᠷ ᠢ᠋ ᠮᠣᠩᠭᠣᠯ ᠰᠡᠳᠬᠢᠴᠡ ᠪᠡᠷ ᠵᠠᠳᠠᠯᠤᠨ ᠰᠢᠨᠵᠢᠯᠡᠵᠦ᠂ ᠤᠷᠤᠰᠤᠮᠠ ᠰᠠᠢᠬᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠮᠠᠰᠢ ᠲᠣᠳᠣᠷᠬᠠᠢ ᠥᠭᠦᠯᠡᠭᠰᠡᠨ ᠪᠥᠭᠡᠳ ᠡᠷᠲᠡ ᠡᠳᠦᠭᠡ ᠪᠠ ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠶ᠋ᠢᠨ ᠬᠣᠪᠣᠷ ᠨᠠᠨᠳᠢᠨ ᠮᠠᠲ᠋ᠧᠷᠢᠶᠠᠯ ᠢ᠋ ᠬᠢᠨᠠᠯᠲᠠ ᠪᠣᠯᠭᠠᠨ᠂ ᠥᠨᠥ ᠶ᠋ᠢᠨ ᠨᠡᠢᠭᠡᠮ ᠦ᠋ᠨ ᠦᠨᠡᠨ ᠪᠣᠳᠠᠲᠤ ᠠᠮᠢᠳᠤᠷᠠᠯ ᠳᠤᠮᠳᠠᠬᠢ ᠪᠢᠰᠢᠭᠦᠢ ᠣᠯᠠᠨ ᠠᠰᠠᠭᠤᠳᠠᠯ ᠲᠠᠢ ᠬᠣᠯᠪᠣᠭᠳᠠᠭᠤᠯᠤᠨ ᠠᠩᠬᠠᠷᠤᠨ ᠰᠤᠳᠤᠯᠤᠭᠰᠠᠨ ᠲᠤᠯᠠ ᠮᠠᠨ ᠤ᠋ ᠣᠷᠣᠨ ᠤ᠋ ᠡᠷᠬᠢᠮ ᠣᠯᠠᠨ ᠤᠩᠰᠢᠭᠴᠢᠳ᠂ ᠢᠯᠠᠩᠭᠤᠶᠠ ᠪᠡᠶᠡ ᠵᠡᠷᠭᠡ ᠳ᠋ᠦ᠍ ᠬᠦᠷᠴᠦ ᠶᠠᠪᠤᠭᠠ ᠵᠠᠯᠠᠭᠤᠴᠤᠳ ᠲᠤ᠌ ᠶᠠᠭᠤ ᠪᠠᠷ ᠴᠦ᠍ ᠦᠯᠦ ᠬᠡᠮᠵᠢᠭᠳᠡᠬᠦ ᠠᠷᠢᠭᠤᠨ ᠶᠡᠬᠡ ᠪᠤᠶᠠᠨ ᠪᠣᠯᠬᠤ ᠪᠤᠢᠠ ᠭᠡᠮᠡᠨ ᠪᠠᠲᠤ ᠢᠲᠡᠭᠡᠨᠡᠮ!
ᠨᠠᠢᠷᠠᠭᠤᠯᠤᠭᠴᠢ ᠠ᠋ᠴᠠ 1998 ᠣᠨ ᠤ᠋
7 ᠰᠠᠷᠠ ᠶ᠋ᠢᠨ10 ᠤ᠋ ᠡᠳᠦᠷ
ᠬᠣᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ᠋ ᠴᠠᠬᠢᠮ ᠶᠢᠷᠲᠢᠨᠴᠦ ᠳ᠋ᠦ᠍ ᠮᠣᠩᠭᠣᠯ ᠬᠡᠯᠡ ᠮᠢᠨᠢ ᠴᠠᠬᠢᠮᠵᠢᠬᠤ ᠠᠭᠱᠠᠨ ᠳ᠋ᠤ᠌ ᠳᠡᠭᠡᠷᠡ ᠦᠶᠡ ᠶ᠋ᠢᠨ ᠮᠡᠷᠭᠡᠳ ᠦ᠋ᠨ ᠦᠷᠡ ᠪᠦᠲᠦᠭᠡᠯ ᠢ᠋ ᠠᠮᠢᠯᠠᠭᠤᠯᠤᠨ ᠤᠳᠤᠮ ᠬᠣᠢᠴᠢᠰ ᠲᠠᠭᠠᠨ ᠵᠣᠯᠭᠠᠭᠤᠯᠬᠤ ᠪᠣᠯᠤᠭᠰᠠᠨ ᠳ᠋ᠠᠭᠠᠨ ᠪᠠᠶᠠᠷᠲᠠᠢ ᠪᠠᠢᠨᠠ!
ᠠᠮᠢᠯᠠᠭᠤᠯᠤᠭᠰᠠᠨ ᠦᠰᠦᠭ ᠦ᠋ᠨ ᠮᠢᠨᠢ ᠠᠯᠳᠠᠭᠠ ᠪᠤᠷᠤᠭᠤ ᠶ᠋ᠢ ᠦᠵᠡᠵᠦ ᠮᠡᠳᠡᠪᠡᠯ ᠠᠭᠤᠴᠢᠯᠠᠨ ᠰᠢᠭᠦᠮᠵᠢᠯᠡᠵᠦ ᠠᠩᠬᠠᠷᠤᠭᠤᠯᠤᠨ ᠥᠭᠬᠦ ᠶ᠋ᠢ ᠤᠩᠰᠢᠭᠴᠢ ᠲᠦᠮᠡᠨ ᠡᠴᠡ ᠦᠷᠭᠦᠯᠵᠢ ᠬᠦᠯᠢᠶᠡᠨᠡ! ᠡᠷᠡᠨ ᠵᠠᠭᠤᠨ ᠤ᠋ ᠬᠡᠢᠮᠣᠷᠢ ᠰᠦᠯᠵᠢᠶᠡ ᠳ᠋ᠦ᠍ ᠡᠯᠪᠡᠭ ᠪᠠᠶᠠᠯᠢᠭ ᠦᠭᠡᠰ ᠦ᠋ᠨ ᠰᠠᠩ ᠲᠠᠢ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠦ᠋ᠨ ᠵᠢᠪᠬᠤᠭᠠᠲᠤ ᠡᠩᠨᠡᠭᠡ ᠲᠡᠢ ᠡᠷᠬᠢᠮᠰᠦᠭ ᠭᠤᠸᠠ ᠮᠣᠩᠭᠣᠯᠴᠤᠳ ᠤ᠋ᠨ ᠤᠳᠤᠮ ᠬᠣᠢᠴᠢᠰ ᠤ᠋ᠨ ᠪᠤᠶᠠᠨ ᠨᠡᠮᠡᠭᠳᠡᠵᠦ ᠣᠯᠠᠨ ᠪᠣᠯᠵᠤ ᠲᠥᠯᠵᠢᠨ ᠳᠡᠯᠭᠡᠷᠡᠬᠦ ᠨᠢ 《ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ》 ᠪᠤᠢᠠ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠠᠳᠠᠴᠢᠨ ᠱᠠᠵᠢᠨ
ᠬᠢᠨᠠᠭᠴᠢ᠄ ᠪᠤᠤ᠂ ᠰᠠᠷᠠᠨᠠ
2025ᠣᠨ ᠤ᠋9 ᠰᠠᠷᠠ ᠶ᠋ᠢᠨ26 ᠤ᠋ ᠡᠳᠦᠷ