ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ– ᠳ᠂ᠪᠤᠯᠤᠳᠴᠡᠷᠢᠩ <ᠭᠤᠷᠪᠠᠳᠤᠭᠠᠷ ᠪᠦᠯᠦᠭ> - ᠭᠤᠷᠪᠠ᠂ᠠᠬᠢᠮᠠᠭ ᠨᠠᠰᠤᠨ ᠤ᠋ ᠬᠥᠮᠦᠰ ᠲᠦ᠍ ᠥᠭᠬᠦ ᠠᠷᠪᠠᠨ ᠵᠥᠪᠯᠡᠮᠵᠢ Эр эмийн ёсон – Д᠂ Болдцэрэн <3-р бүлэг> - 3᠂Ахимаг насны хүмүүст өгөх арван зө
208ᠭᠤᠷᠪᠠ᠂ ᠠᠬᠢᠮᠠᠭ ᠨᠠᠰᠤᠨ ᠤ᠋ ᠬᠥᠮᠦᠰ ᠲᠦ᠍ ᠥᠭᠬᠦ ᠠᠷᠪᠠᠨ ᠵᠥᠪᠯᠡᠮᠵᠢ
1. ᠡᠷᠡ ᠶ᠋ᠢ ᠨᠠᠰᠤ᠂ ᠠᠭᠤᠯᠠ ᠶ᠋ᠢ ᠴᠠᠰᠤ ᠳᠠᠷᠤᠳᠠᠭ ᠨᠢ ᠡᠷᠭᠢᠬᠦ ᠬᠣᠷᠸᠠ ᠶ᠋ᠢᠨ ᠵᠢᠮᠡ ᠶᠣᠰᠣᠨ ᠪᠣᠯᠪᠠᠴᠤ ᠨᠠᠰᠤᠨ ᠤ᠋ ᠶᠡᠬᠡ ᠳ᠋ᠦ᠍ ᠲᠥᠬᠥᠷᠳᠡᠯ ᠦᠭᠡᠢ᠂ ᠵᠠᠯᠠᠭᠤ ᠵᠠᠯᠠᠭᠤ ᠶ᠋ᠢᠨ ᠵᠣᠯᠪᠣᠭᠠ ᠪᠠᠷ ᠤᠷᠮᠠ ᠵᠣᠷᠢᠭ ᠲᠠᠢ ᠠᠯᠬᠤ᠂ ᠬᠥᠮᠦᠨ ᠭᠡᠳᠡᠭ ᠰᠡᠳᠬᠢᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠳᠠᠭ ᠬᠣᠢᠨᠠ《ᠬᠥᠭᠰᠢᠨ ᠬᠣᠨᠢᠨ ᠤ᠋ ᠨᠠᠰᠤ ᠪᠣᠯᠤᠭᠰᠠᠨ ᠨᠠᠳᠠ ᠰᠢᠭ᠋ ᠠᠮᠢᠲᠠᠨ ᠢ᠋ᠶ᠋ᠠᠷ ᠶᠠᠭᠤ ᠬᠢᠬᠦᠪ》 ᠭᠡᠵᠦ ᠥᠪᠡᠷ ᠢ᠋ ᠪᠡᠨ ᠴᠢᠮᠠᠯᠠᠨ᠂ ᠭᠤᠲᠤᠵᠤ ᠭᠤᠨᠢᠬᠤ ᠦᠭᠡᠢ᠂ ᠠᠯᠤᠰ ᠢᠷᠡᠭᠡᠳᠦᠢ ᠪᠡᠨ ᠪᠣᠳᠣᠵᠤ᠂ ᠥᠭᠡᠳᠡᠷᠬᠡᠭ᠂ ᠬᠡᠢ ᠮᠣᠷᠢᠯᠠᠭ ᠶᠠᠪᠤ᠃ ᠲᠡᠭᠡᠭᠰᠡᠨ ᠴᠠᠭ ᠲᠤ᠌ ᠬᠣᠷᠸᠠ ᠳ᠋ᠤ᠌ ᠬᠣᠶᠠᠷ ᠢᠷᠡᠬᠦ ᠦᠭᠡᠢ᠂ ᠭᠠᠭᠴᠠ ᠣᠯᠳᠠᠬᠤ ᠨᠠᠰᠤ ᠪᠠᠨ ᠤᠷᠲᠤᠳᠬᠠᠨᠠ᠃ ᠰᠡᠳᠬᠢᠯ ᠦ᠋ᠨ ᠲᠡᠩᠬᠡᠭᠡ ᠪᠡᠷ ᠮᠢᠩᠭᠠ ᠶ᠋ᠢ ᠳᠠᠪᠠᠨᠠ ᠭᠡᠳᠡᠭ ᠢ᠋ ᠪᠣᠳᠣ ᠳᠠ᠃
2. ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠪᠣᠯ ᠪᠠᠢᠭᠠᠯᠢ ᠠ᠋ᠴᠠ ᠬᠥᠮᠦᠨ ᠳ᠋ᠦ᠍ ᠵᠠᠶᠠᠭᠠᠭᠰᠠᠨ ᠲᠥᠷᠥᠯᠬᠢ ᠶ᠋ᠢᠨ᠂ ᠵᠠᠢᠯᠠᠰᠢ ᠦᠭᠡᠢ ᠬᠡᠷᠡᠭᠴᠡᠭᠡ ᠤᠴᠢᠷ ᠠ᠋ᠴᠠ ᠨᠠᠰᠤ ᠠᠬᠢᠭᠰᠠᠨ ᠴᠦ᠍ ᠭᠡᠰᠡᠨ ᠲᠡᠭᠦᠨ ᠢ᠋ ᠠᠯᠪᠠ ᠪᠠᠷ ᠬᠣᠷᠢᠬᠤ ᠬᠡᠷᠡᠭ ᠦᠭᠡᠢ᠃ ᠭᠡᠪᠡᠴᠦ ᠬᠤᠷᠢᠴᠠᠯ ᠤ᠋ᠨ ᠬᠦᠴᠦ ᠪᠡᠨ ᠪᠠᠷᠠᠭᠳᠠᠲᠠᠯᠠ ᠪᠢᠰᠢ᠂ ᠴᠢᠨᠠᠭᠰᠢᠳᠠ ᠦᠢᠯᠡᠳᠬᠦ ᠬᠦᠰᠡᠯ ᠰᠣᠨᠢᠷᠬᠠᠯ ᠦᠯᠡᠳᠡᠵᠦ ᠬᠣᠴᠣᠷᠬᠤᠢᠴᠠ ᠪᠠᠢᠬᠤ ᠪᠠᠷ ᠲᠣᠭᠠᠴᠢᠯᠠᠨ ᠦᠢᠯᠡᠳᠬᠦ ᠨᠢ ᠵᠦᠢᠲᠡᠢ᠃ ᠬᠢᠵᠡᠭᠡᠯ ᠨᠠᠰᠤᠨ ᠤ᠋ ᠬᠤᠷᠢᠴᠠᠯ ᠤ᠋ᠨ ᠲᠣᠭᠠ ᠬᠡᠮᠵᠢᠶᠡ ᠬᠡᠳᠦ ᠣᠯᠠᠰᠢᠷᠠᠪᠠᠯ ᠥᠲᠡᠯᠬᠦ ᠦᠢᠯᠡ ᠶᠠᠪᠤᠴᠠ ᠲᠦᠷᠭᠡᠰᠦᠨᠡ᠃ ᠬᠠᠷᠢᠨ ᠬᠤᠷᠢᠴᠠᠯ ᠤ᠋ᠨ ᠲᠣᠭᠠ ᠬᠡᠮᠵᠢᠶᠡ ᠬᠡᠳᠦ ᠴᠥᠭᠡᠷᠡᠪᠡᠯ ᠲᠦᠷᠦᠭᠦᠦ ᠪᠤᠯᠴᠢᠷᠬᠠᠢ ᠶ᠋ᠢᠨ ᠱᠦᠭᠦᠷᠡᠯ᠂ ᠪᠡᠶᠡ ᠳ᠋ᠦ᠍ ᠶᠡᠬᠡ ᠪᠡᠷ ᠬᠣᠷᠠᠮᠳᠠᠭᠤᠯᠣᠭᠳᠠᠵᠤ᠂ ᠲᠥᠮᠥᠰᠦᠭ ᠦ᠋ᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠳᠠᠷᠤᠩᠭᠤᠢᠯᠠᠨᠠ᠃ ᠡᠢᠮᠦ ᠳ᠋ᠦ᠍ ᠠᠬᠢᠮᠠᠭ ᠨᠠᠰᠤᠨ ᠤ᠋ ᠬᠤᠷᠢᠴᠠᠯ ᠤ᠋ᠨ ᠲᠣᠭᠠ ᠬᠡᠮᠵᠢᠶᠡ ᠣᠯᠠᠨ᠂ ᠴᠥᠭᠡᠨ ᠪᠠᠢᠬᠤ ᠳ᠋ᠠᠭᠠᠨ ᠪᠢᠰᠢ᠂ ᠬᠠᠮᠤᠭ ᠤ᠋ᠨ ᠭᠣᠣᠯ ᠨᠢ ᠲᠣᠭᠲᠠᠮᠠᠯ ᠪᠠᠢᠬᠤ ᠨᠢ ᠴᠢᠬᠤᠯᠠ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠬᠤᠷᠢᠴᠠᠯ ᠤ᠋ᠨ ᠲᠣᠭᠠ ᠶ᠋ᠢ ᠶᠡᠬᠡᠰᠬᠡᠵᠦ᠂ ᠪᠠᠭᠠᠰᠬᠠᠬᠤ ᠦᠭᠡᠢ᠂ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠢ᠋ ᠬᠡᠪ ᠦ᠋ᠨ ᠪᠠᠢᠯᠭᠠ᠃ ᠲᠡᠷᠡ ᠬᠡᠪ ᠢ᠋ᠶ᠋ᠡᠷ ᠨᠢ ᠪᠠᠢᠵᠤ ᠭᠡᠮᠡᠨ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ᠂ ᠰᠡᠳᠬᠢᠯ ᠰᠠᠨᠠᠭᠠ᠂ ᠬᠥᠳᠡᠯᠮᠦᠷᠢ ᠶ᠋ᠢᠨ ᠴᠢᠳᠠᠪᠤᠷᠢ᠂ ᠡᠪ ᠳᠦᠨᠵᠢᠨ ᠪᠦᠬᠦᠯᠢ ᠳ᠋ᠡᠭᠡᠨ ᠬᠡᠪ ᠦ᠋ᠨ ᠪᠠᠢᠵᠤ ᠴᠢᠳᠠᠬᠤ ᠲᠡᠭᠦᠨ ᠦ᠌ ᠠᠯᠢᠪᠠ ᠭᠠᠵᠢᠭᠤᠳᠠᠯ(ᠢᠯᠡᠭᠦᠳᠡᠯ ᠪᠠ ᠳᠤᠲᠠᠭᠳᠠᠯ) ᠡᠷᠡᠭᠦᠯ ᠮᠡᠨᠳᠦ ᠳ᠋ᠦ᠍ ᠨᠥᠯᠥᠭᠡᠯᠡᠬᠦ ᠦᠭᠡᠢ ᠪᠠᠢᠵᠤ ᠦᠯᠦ ᠴᠢᠳᠠᠨᠠ᠃ ᠲᠣᠭᠲᠠᠮᠠᠯ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠪᠣᠯ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠡᠪᠡᠳᠴᠢᠨ ᠡᠰᠡᠷᠭᠦᠴᠡᠬᠦ ᠴᠢᠳᠠᠯ ᠢ᠋ ᠰᠠᠢᠵᠢᠷᠠᠭᠤᠯᠬᠤ ᠠ᠋ᠴᠠ ᠭᠠᠳᠠᠨᠠ ᠮᠡᠳᠡᠷᠡᠯ ᠴᠣᠴᠠᠷᠠᠭᠳᠠᠯ᠂ ᠠᠭᠤᠷ ᠬᠢᠯᠢᠩ ᠦ᠋ᠨ ᠭᠡᠮ ᠡᠴᠡ ᠠᠪᠤᠷᠠᠵᠤ᠂ ᠬᠥᠩᠭᠡᠨ ᠱᠥᠩᠭᠡᠨ᠂ ᠴᠣᠪᠣᠭᠣ ᠰᠡᠷᠭᠦᠯᠡᠩ ᠪᠠᠢᠬᠤ ᠳ᠋ᠤ᠌ ᠲᠤᠰᠠᠯᠠᠨᠠ᠃
3. ᠬᠡᠳᠦ ᠲᠠᠷᠭᠤᠯᠠᠬᠤ ᠠ᠋ᠴᠠ ᠪᠣᠯᠭᠣᠮᠵᠢᠯᠠ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠬᠡᠳᠦ ᠲᠠᠷᠭᠤ᠂ ᠢᠯᠡᠭᠦᠦ ᠵᠢᠩ ᠪᠣᠯ ᠬᠥᠮᠦᠨ ᠦ᠌ ᠨᠠᠰᠤ ᠶ᠋ᠢ ᠪᠣᠭᠣᠨᠢᠰᠬᠠᠵᠤ᠂ ᠭᠠᠢ ᠪᠣᠯᠬᠤ ᠠ᠋ᠴᠠ ᠪᠢᠰᠢ ᠠᠰᠢᠭ ᠬᠣᠨᠵᠢᠶᠠ ᠪᠣᠯᠬᠤ ᠨᠢ ᠦᠭᠡᠢ᠃ ᠲᠡᠢᠮᠦ ᠡᠴᠡ ᠲᠠᠷᠭᠤᠨ ᠮᠠᠯ ᠲᠠᠯᠠ ᠪᠦᠷᠢ ᠶ᠋ᠢᠨ ᠠᠰᠢᠭᠲᠠᠢ ᠪᠣᠯ ᠲᠠᠷᠭᠤᠨ ᠬᠥᠮᠦᠨ ᠲᠠᠯᠠ ᠪᠦᠷᠢ ᠶ᠋ᠢᠨ ᠶᠠᠷᠰᠢᠭᠲᠠᠢ ᠭᠡᠵᠦ ᠬᠣᠱᠣᠩᠨᠠᠳᠠᠭ᠃ ᠪᠡᠶᠡ ᠶ᠋ᠢᠨ ᠲᠠᠷᠭᠤ᠂ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣ ᠶᠠᠮᠠᠷ ᠨᠢᠭᠡᠨ ᠬᠡᠮᠵᠢᠶᠡᠨ ᠦ᠌ ᠬᠣᠯᠪᠣᠭᠠ ᠪᠠᠢᠳᠠᠭ ᠢ᠋ ᠪᠢᠳᠡᠨ ᠦ᠌ ᠰᠤᠳᠤᠯᠭᠠᠨ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃ ᠡᠷᠡᠭᠲᠡᠢ ᠬᠥᠮᠦᠨ《ᠳᠤᠷᠠ ᠦᠭᠡᠢ》 ᠪᠣᠯᠤᠭᠠᠳ ᠢᠷᠡᠬᠦ ᠪᠡᠷ ᠢ᠋ᠶ᠋ᠡᠨ ᠲᠠᠷᠭᠤᠯᠠᠵᠤ᠂ ᠲᠠᠷᠭᠤᠯᠠᠭᠠᠳ ᠢᠷᠡᠬᠦ ᠪᠡᠷ ᠢ᠋ᠶ᠋ᠡᠨ《ᠳᠤᠷᠠ ᠦᠭᠡᠢ》 ᠪᠣᠯᠴᠢᠬᠠᠬᠤ ᠨᠢ ᠴᠥᠭᠡᠨ ᠦᠭᠡᠢ ᠪᠠᠢᠳᠠᠭ ᠶᠤᠮ᠃ ᠡᠨᠡ ᠪᠣᠯ ᠲᠠᠷᠭᠤ ᠶᠡᠬᠡᠲᠡᠭᠰᠡᠨ ᠦ᠌ ᠨᠢᠭᠡ《ᠶᠠᠷᠰᠢᠭ》 ᠪᠣᠯᠤᠮᠤᠢ᠃ ᠶᠡᠷᠦᠨᠢ ᠡᠴᠡᠩᠬᠡᠢ ᠲᠤᠷᠠᠩᠬᠠᠢ ᠤᠯᠤᠰ ᠬᠦᠰᠡᠯ ᠲᠠᠴᠢᠶᠠᠯ ᠢ᠋ᠶ᠋ᠠᠷ ᠠᠬᠢᠭᠤ ᠪᠠᠢᠳᠠᠭ ᠢ᠋ ᠠᠮᠢᠳᠤᠷᠠᠯ ᠠ᠋ᠴᠠ ᠪᠢᠰᠢᠭᠦᠢ ᠣᠯᠵᠤ ᠬᠠᠷᠠᠵᠤ ᠪᠣᠯᠤᠨᠠ᠂ ᠭᠡᠬᠦ ᠳ᠋ᠡᠭᠡᠨ ᠲᠥᠷᠥᠯᠬᠢ ᠡᠴᠡ ᠲᠠᠷᠭᠤᠨ ᠬᠥᠮᠦᠨ ᠬᠣᠵᠢᠭᠤ ᠲᠠᠷᠭᠤᠯᠠᠭᠰᠠᠨ ᠬᠥᠮᠦᠨ ᠡᠴᠡ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠲᠠᠴᠢᠶᠠᠯ ᠨᠡᠯᠢᠶᠡᠳ ᠮᠠᠭᠤᠲᠠᠢ ᠪᠠᠢᠳᠠᠭ᠃
4. ᠵᠦᠢ ᠶ᠋ᠢᠨ ᠬᠣᠭᠣᠯᠠᠯᠠ᠃ ᠬᠣᠭᠣᠯᠠ ᠲᠡᠵᠢᠭᠡᠯ ᠨᠢ ᠵᠥᠪᠬᠡᠨ ᠡᠳ᠋᠂ ᠡᠰ ᠨᠥᠬᠥᠨ ᠲᠥᠯᠵᠢᠯᠲᠡ᠂ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠠᠵᠢᠯᠯᠠᠭᠠᠨ ᠳ᠋ᠤ᠌ ᠱᠠᠭᠠᠷᠳᠠᠭᠳᠠᠬᠤ ᠢᠯᠴᠢ ᠬᠦᠴᠦ ᠶ᠋ᠢ ᠬᠠᠩᠭᠠᠬᠤ ᠡᠬᠢ ᠰᠤᠷᠪᠤᠯᠵᠢ ᠲᠡᠳᠦᠢ ᠦᠭᠡᠢ ᠪᠡᠶᠡ ᠶ᠋ᠢᠨ ᠡᠰᠡᠷᠭᠦᠴᠡᠯ ᠢ᠋ ᠰᠠᠢᠵᠢᠷᠠᠭᠤᠯᠬᠤ᠂ ᠠᠯᠢᠪᠠ ᠡᠪᠡᠳᠴᠢᠨ ᠡᠴᠡ ᠰᠡᠷᠭᠡᠢᠯᠡᠬᠦ ᠬᠡᠷᠡᠭᠯᠡᠭᠦᠷ ᠪᠢᠯᠡ᠃ ᠢᠯᠠᠩᠭᠤᠶᠠ ᠨᠠᠰᠤ ᠠᠬᠢᠭᠠᠳ ᠢᠷᠡᠬᠦᠯᠡᠷ ᠲᠠᠭᠠᠷᠠᠭᠰᠠᠨ ᠴᠢᠨᠠᠷ ᠤ᠋ᠨ ᠬᠣᠭᠣᠯᠠ᠂ ᠴᠠᠢ ᠤᠯᠠᠮ ᠦᠭᠡᠢᠯᠡᠭᠳᠡᠵᠦ ᠡᠬᠢᠯᠡᠨᠡ᠃ ᠡᠨᠡ ᠨᠢ ᠴᠦ᠍ ᠠᠷᠭᠠ ᠦᠭᠡᠢ ᠪᠢᠵᠡ᠃ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠦᠶᠡ ᠳ᠋ᠦ᠍ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ ᠶᠡᠬᠡ ᠬᠡᠮᠵᠢᠶᠡ ᠪᠡᠷ ᠡᠷᠴᠢ ᠬᠦᠴᠦ ᠠᠯᠳᠠᠭᠳᠠᠳᠠᠭ ᠢ᠋ ᠡᠮᠦᠨᠡ ᠥᠭᠦᠯᠡᠭᠰᠡᠨ ᠪᠢᠯᠡ᠃ ᠭᠡᠪᠡᠴᠦ ᠵᠠᠯᠠᠭᠤ ᠬᠥᠮᠦᠨ ᠨᠠᠰᠤᠨ ᠤ᠋ ᠠᠭᠠᠭ ᠢ᠋ᠶ᠋ᠠᠷ ᠬᠣᠭᠣᠯᠠ ᠤᠮᠳᠠ ᠭᠣᠯᠣᠬᠤ ᠦᠭᠡᠢ᠂ ᠨᠢᠭᠡ ᠰᠠᠢᠨ ᠨᠣᠢᠷ ᠠᠪᠴᠢᠬᠠᠪᠠᠤ ᠪᠣᠯᠤᠭᠠᠳ ᠶᠠᠪᠤᠴᠢᠬᠠᠨᠠ᠃ ᠲᠡᠭᠡᠪᠡᠯ ᠨᠠᠰᠤ ᠠᠬᠢᠭᠰᠠᠨ ᠬᠥᠮᠦᠨ ᠢ᠋ ᠰᠠᠢᠨ ᠬᠣᠭᠣᠯᠠ᠂ ᠴᠠᠢ ᠪᠠᠷ ᠯᠠ ᠲᠤᠢᠯᠠᠨᠠ᠃ ᠢᠯᠠᠩᠭᠤᠶᠠ ᠡᠩᠭᠡᠷ ᠵᠥᠷᠢᠭᠦᠯᠦᠭᠰᠡᠨ ᠦ᠌(《ᠲᠣᠬᠢᠶᠠᠭᠰᠠᠨ》) ᠮᠠᠷᠭᠠᠰᠢ ᠡᠳᠦᠷ ᠭᠤᠶᠠᠨ ᠤ᠋ ᠮᠢᠬᠠ ᠪᠠᠷ ᠱᠥᠯᠥ ᠬᠢᠵᠦ ᠤᠤᠭᠤᠪᠠᠯ ᠪᠡᠶᠡ ᠶ᠋ᠢᠨ ᠠᠯᠵᠢᠶᠠᠯ ᠮᠠᠰᠢ ᠰᠠᠢᠨ ᠲᠠᠢᠯᠤᠭᠳᠠᠨᠠ᠃ ᠮᠣᠩᠭᠣᠯᠴᠤᠳ ᠨᠢᠯᠬᠠ ᠪᠡᠶᠡ ᠲᠡᠢ ᠡᠬᠡ ᠶ᠋ᠢ ᠲᠡᠩᠬᠡᠷᠡᠭᠦᠯᠬᠦ ᠶ᠋ᠢᠨ ᠲᠤᠯᠠᠳᠠ ᠪᠤᠶᠤ ᠡᠰᠡᠪᠡᠯ ᠶᠠᠳᠠᠷᠠᠵᠤ ᠲᠠᠮᠢᠷᠳᠠᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠵᠠᠪᠠᠯ ᠭᠤᠶᠠᠨ ᠤ᠋ ᠮᠢᠬᠠ ᠪᠠᠷ ᠱᠥᠯᠥ ᠥᠭᠳᠡᠭ ᠨᠢ ᠨᠠᠷᠢᠨ ᠤᠴᠢᠷ ᠤᠳᠬᠠ ᠲᠠᠢ ᠠᠵᠠᠢ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠪᠤᠲᠠ ᠮᠠᠯ ᠪᠢᠰᠢ᠂ ᠪᠤᠭ ᠮᠠᠯ ᠤ᠋ᠨ ᠮᠢᠬᠠ ᠪᠠᠷ᠂ ᠬᠣᠨᠢᠨ ᠤ᠋ ᠭᠤᠶᠠ ᠪᠠᠷ ᠱᠥᠯᠥ ᠬᠢᠵᠦ ᠤᠤᠭᠤᠯᠭᠠᠳᠠᠭ ᠨᠢ ᠪᠡᠶᠡ ᠶ᠋ᠢᠨ ᠠᠯᠵᠢᠶᠠᠯ᠂ ᠶᠠᠳᠠᠷᠠᠭᠠ ᠶ᠋ᠢ ᠰᠠᠢᠨ ᠲᠠᠢᠯᠵᠤ ᠲᠡᠩᠬᠡᠭᠡ ᠲᠠᠮᠢᠷ ᠰᠠᠢᠨ ᠠᠪᠬᠠᠭᠤᠯᠳᠠᠭ ᠠᠵᠠᠢ᠃ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ᠂ ᠲᠤᠤᠯᠢᠰ ᠲᠤ ᠭᠤᠨᠠᠨ ᠦᠬᠡᠷ᠂ ᠪᠠᠢᠳᠠᠰᠤᠨ ᠭᠡᠭᠦᠦ ᠶ᠋ᠢᠨ ᠮᠢᠬᠠ ᠶ᠋ᠢ ᠢᠳᠡᠵᠦ᠂ ᠠᠷᠭᠠᠰ ᠮᠠᠩᠭᠤᠰ ᠲᠠᠢ ᠲᠠᠯᠠ ᠶ᠋ᠢ ᠰᠠᠮ ᠪᠣᠯᠲᠠᠯᠠ᠂ ᠠᠭᠤᠯᠠ ᠶ᠋ᠢ ᠲᠠᠯᠠ ᠪᠣᠯᠲᠠᠯᠠ ᠲᠡᠮᠡᠴᠡᠯᠳᠦᠭᠰᠡᠨ ᠪᠠᠭᠠᠲᠤᠷ ᠤ᠋ᠨ ᠲᠤᠬᠠᠢ ᠥᠭᠦᠯᠡᠳᠡᠭ᠃ ᠡᠨᠡ ᠪᠣᠯ ᠪᠠᠭᠠ ᠮᠠᠯ ᠤ᠋ᠨ ᠮᠢᠬᠠ ᠶᠠᠮᠠᠷ ᠶᠡᠬᠡ ᠬᠦᠴᠦ ᠥᠭᠳᠡᠭ ᠢ᠋ ᠢᠯᠡᠳᠬᠡᠨ ᠬᠠᠷᠭᠤᠭᠤᠯᠤᠨᠠ᠃ ᠠᠯᠳᠠᠷ ᠴᠤᠤ ᠲᠠᠢ ᠪᠥᠬᠡᠴᠦᠳ ᠲᠡᠩᠬᠡᠭᠡ ᠲᠠᠮᠢᠷ ᠰᠠᠢᠨ ᠠᠪᠬᠤ ᠶ᠋ᠢᠨ ᠲᠤᠯᠠᠳᠠ ᠭᠤᠷᠪᠠᠨ ᠨᠠᠰᠤᠲᠠᠢ ᠮᠠᠯ ᠤ᠋ᠨ ᠮᠢᠬᠠ ᠢᠳᠡᠳᠡᠭ ᠪᠠᠢᠭᠰᠠᠨ ᠨᠢ ᠪᠠᠰᠠ ᠤᠴᠢᠷ ᠲᠠᠢ᠃ ᠭᠤᠷᠪᠠᠨ ᠨᠠᠰᠤᠲᠠᠢ ᠮᠠᠯ ᠭᠡᠳᠡᠭ ᠪᠣᠯ ᠶᠠᠭ ᠪᠡᠯᠭᠡ ᠶ᠋ᠢᠨ ᠪᠣᠢᠵᠢᠯᠲᠠ ᠶ᠋ᠢᠨ ᠦᠶᠡ ᠳᠡᠭᠡᠷᠡ ᠪᠡᠨ ᠪᠠᠢᠭᠠ ᠤᠴᠢᠷ ᠠ᠋ᠴᠠ ᠮᠢᠬᠠ ᠨᠢ ᠰᠢᠮᠡ ᠲᠡᠵᠢᠭᠡᠯ(ᠱᠦᠯᠲᠦ) ᠢᠯᠡᠭᠦᠦ ᠰᠠᠢᠲᠠᠢ ᠪᠠᠢᠳᠠᠭ ᠪᠣᠯᠤᠯᠲᠠᠢ᠃ ᠭᠡᠪᠡᠴᠦ ᠬᠣᠲᠠ ᠰᠠᠭᠤᠷᠢᠨ ᠭᠠᠵᠠᠷ ᠠᠵᠢᠯᠯᠠᠵᠤ᠂ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤ᠋ᠳ ᠮᠠᠨᠢ ᠲᠡᠷᠡ ᠪᠦᠷᠢ ᠭᠤᠶᠠᠨ ᠤ᠋ ᠮᠢᠬᠠ ᠪᠠᠷ ᠱᠥᠯᠥ ᠬᠢᠵᠦ ᠤᠤᠭᠤᠭᠠᠳ ᠪᠠᠢᠵᠤ ᠶᠠᠭᠠᠬᠢᠨ ᠴᠢᠳᠠᠬᠤᠪ᠃
5. ᠰᠢᠳᠦ ᠪᠡᠨ ᠪᠡᠬᠢᠵᠢᠭᠦᠯ᠃ ᠰᠢᠲᠦ ᠮᠠᠭᠤ ᠪᠣᠯ ᠬᠠᠴᠠᠷ ᠠᠮᠠ ᠬᠣᠩᠬᠣᠢᠬᠤ ᠠ᠋ᠴᠠ ᠠᠪᠤᠭᠠᠳ ᠬᠣᠳᠣᠭᠣᠳᠣ ᠭᠡᠳᠡᠰᠦ᠂ ᠬᠣᠭᠣᠯᠠ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡ ᠠᠵᠢᠯᠯᠠᠭᠠ ᠮᠠᠭᠤᠳᠠᠵᠤ᠂ ᠴᠠᠭ ᠠ᠋ᠴᠠ ᠡᠷᠲᠡ ᠥᠲᠡᠯᠦᠨᠡ᠃ ᠬᠥᠮᠦᠨ ᠬᠣᠭᠣᠯᠠ ᠤᠮᠳᠠ ᠦᠭᠡᠢ ᠠᠮᠢᠳᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠨᠢ ᠬᠡᠨ ᠳ᠋ᠦ᠍ ᠴᠦ᠍ ᠣᠢᠯᠠᠭᠠᠮᠵᠢᠲᠠᠢ ᠪᠥᠭᠡᠳ ᠲᠡᠭᠦᠨ ᠢ᠋ ᠪᠣᠯᠪᠠᠰᠤᠷᠠᠭᠤᠯᠳᠠᠭ ᠬᠠᠮᠤᠭ ᠤ᠋ᠨ ᠠᠩᠬᠠᠨ ᠤ᠋ ᠡᠷᠬᠡᠲᠡᠨ ᠨᠢ ᠰᠢᠳᠦ ᠶᠦᠮ᠃ ᠰᠢᠲᠦ ᠰᠠᠢᠲᠠᠢ ᠪᠣᠯ ᠪᠡᠶᠡ ᠴᠦ᠍ ᠰᠠᠢᠨ ᠪᠠᠢᠨᠠ᠂ ᠪᠡᠶᠡ ᠶ᠋ᠢᠨ ᠴᠢᠯᠬᠠ ᠴᠦ᠍ ᠰᠠᠢᠨ ᠪᠠᠢᠨᠠ᠃ ᠰᠢᠳᠦ ᠶ᠋ᠢ ᠪᠡᠬᠢᠵᠢᠭᠦᠯᠬᠦ ᠬᠢᠭᠡᠳ ᠬᠣᠳᠣᠭᠣᠳᠣ᠂ ᠭᠡᠳᠡᠰᠦ ᠪᠡᠨ ᠭᠠᠮᠨᠠᠬᠤ ᠳ᠋ᠤ᠌ ᠲᠠᠷᠠᠭ᠂ ᠠᠢᠷᠠᠭ᠂ ᠠᠭᠠᠷᠤᠤᠯ᠂ ᠡᠭᠡᠵᠡᠭᠡᠢ ᠪᠢᠰᠢᠯᠠᠭ᠂ ᠬᠣᠭᠤᠷᠮᠠᠭ᠂ ᠶᠡᠷᠦᠨᠢ ᠴᠠᠭᠠᠨ ᠢᠳᠡᠭᠡ ᠮᠠᠰᠢ ᠶᠡᠬᠡ ᠬᠡᠷᠡᠭ ᠲᠡᠢ ᠶ᠋ᠢ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ᠃
6. ᠥᠷᠯᠥᠭᠡ ᠦᠳᠡᠰᠢ ᠪᠠᠢᠩᠭᠤ ᠶᠠᠪᠠᠭᠠᠨ ᠶᠠᠪᠤᠬᠤ ᠡᠷᠡᠭᠦᠯ ᠮᠡᠨᠳᠦ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠠᠰᠢᠭᠲᠠᠢ 《ᠡᠮ》 ᠪᠣᠯᠠᠢ᠃ ᠥᠨᠥ ᠦᠶᠡ ᠳ᠋ᠦ᠍ ᠠᠵᠢᠯ᠂ ᠠᠬᠤᠢ ᠶ᠋ᠢᠨ ᠠᠯᠢᠨ ᠳ᠋ᠤ᠌ ᠴᠤ᠌ ᠬᠥᠮᠦᠰ ᠦ᠋ᠨ ᠬᠥᠳᠡᠯᠭᠡᠭᠡᠨ ᠪᠠᠭᠠᠰᠴᠤ᠂ ᠰᠠᠭᠤᠬᠤ ᠨᠢ ᠨᠡᠮᠡᠭᠳᠡᠭᠰᠡᠨ ᠪᠣᠯᠤᠭᠰᠠᠨ ᠤᠴᠢᠷ ᠡᠷᠡᠭᠦᠯ ᠪᠠᠢᠵᠤ ᠤᠷᠲᠤ ᠨᠠᠰᠤᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠶᠠᠪᠤᠵᠤ ᠪᠠᠢᠬᠤ ᠶ᠋ᠢ ᠡᠷᠬᠢᠮᠯᠡ! ᠥᠷᠯᠥᠭᠡ᠂ ᠦᠳᠡᠰᠢ ᠶ᠋ᠢᠨ ᠵᠠᠪ ᠢᠶᠠᠨ ᠠᠰᠢᠭᠯᠠᠨ ᠶᠠᠪᠠᠭᠠᠨ ᠶᠠᠪᠤᠬᠤ ᠨᠢ ᠥᠷᠯᠥᠭᠡ ᠶ᠋ᠢᠨ ᠭᠢᠮᠨᠡᠰᠲ᠋ᠢᠺ ᠬᠢᠬᠦ᠂ ᠭᠦᠶᠦᠬᠦ᠂ ᠤᠰᠤ ᠠᠭᠠᠷ ᠢ᠋ᠶ᠋ᠠᠷ ᠪᠡᠶᠡ ᠪᠡᠨ ᠴᠢᠭᠢᠷᠠᠭᠵᠢᠭᠤᠯᠬᠤ ᠠ᠋ᠴᠠ ᠳᠤᠲᠠᠭᠤ ᠦᠭᠡᠢ ᠨᠥᠯᠥᠭᠡ ᠦᠵᠡᠭᠦᠯᠵᠦ᠂ ᠶᠠᠮᠠᠷ ᠴᠦ᠍ ᠡᠮ ᠲᠠᠷᠢᠶᠠ ᠬᠡᠷᠡᠭᠯᠡᠭᠰᠡᠨ ᠡᠴᠡ ᠬᠠᠪᠢ ᠦᠭᠡᠢ ᠳᠡᠭᠡᠷᠡ᠂ ᠨᠢᠭᠡ ᠶᠣᠰᠣᠨ ᠤ᠋ ᠦᠨᠡ ᠬᠥᠯᠥᠰᠥ ᠦᠭᠡᠢ ᠬᠠᠮᠤᠭ ᠤ᠋ᠨ ᠰᠠᠢᠨ ᠡᠮᠴᠢᠯᠡᠭᠡ ᠪᠣᠯᠤᠨᠠ᠃ ᠡᠢᠮᠦ ᠳ᠋ᠦ᠍ ᠪᠣᠯᠵᠤ ᠯᠠ ᠥᠭᠪᠡᠯ ᠶᠠᠪᠠᠭᠠᠨ ᠶᠠᠪᠤᠬᠤ ᠶ᠋ᠢ ᠬᠢᠴᠢᠶᠡ᠃ ᠬᠣᠢᠷᠭᠣ᠂ ᠰᠠᠭᠤᠮᠠᠬᠠᠢ ᠠᠮᠢᠳᠤᠷᠠᠯ ᠠ᠋ᠴᠠ ᠠᠩᠭᠢᠵᠢᠷᠠᠨ ᠰᠠᠯᠵᠤ᠂ ᠣᠷᠬᠣᠨ ᠤ᠋ ᠤᠯᠠᠭᠠᠨ ᠴᠠᠳᠬᠤᠯᠠᠩ ᠳᠣᠷᠣᠨᠠᠲᠤ ᠮᠣᠩᠭᠣᠯ ᠤ᠋ᠨ ᠡᠩ ᠦᠭᠡᠢ ᠠᠭᠤᠳᠠᠮ ᠲᠠᠯᠠ᠂ ᠬᠥᠪᠰᠥᠭᠥᠯ ᠨᠠᠭᠤᠷ᠂ ᠠᠯᠲᠠᠢ ᠶ᠋ᠢᠨ ᠰᠦᠷᠯᠢᠭ ᠠᠭᠤᠯᠠᠰ᠂ ᠬᠥᠪᠴᠢ ᠬᠠᠩᠭᠠᠢ ᠵᠡᠷᠭᠡ ᠰᠠᠢᠬᠠᠨ ᠮᠣᠩᠭᠣᠯ ᠣᠷᠣᠨ ᠤ᠋ ᠪᠠᠢᠭᠠᠯᠢ ᠶ᠋ᠢᠨ ᠦᠵᠡᠰᠬᠦᠯᠡᠩ ᠴᠣᠭᠴᠠᠯᠠᠨ ᠪᠦᠷᠢᠳᠦᠭᠰᠡᠨ ᠣᠢ᠂ ᠬᠥᠪᠴᠢ ᠪᠡᠷ ᠳᠤᠷᠠ ᠪᠠᠷ ᠰᠡᠯᠡᠭᠦᠴᠡᠨ᠂ ᠴᠡᠩᠭᠡᠭ ᠠᠷᠢᠭᠤᠨ ᠠᠭᠠᠷ ᠢ᠋ᠶ᠋ᠠᠷ ᠨᠢ ᠴᠡᠭᠡᠵᠢ ᠳᠦᠭᠦᠷᠡᠩ ᠠᠮᠢᠰᠬᠤᠯᠠᠵᠤ᠂ ᠠᠯᠤᠰ ᠤ᠋ᠨ ᠪᠠᠷᠠ ᠶ᠋ᠢ ᠰᠢᠷᠳᠡᠨ ᠶᠠᠪᠤᠬᠤ ᠶᠠᠭᠤᠲᠠᠢ ᠵᠢᠷᠭᠠᠯᠲᠠᠢ᠂ ᠶᠠᠭᠤᠲᠠᠢ ᠪᠠᠬᠠᠳᠤᠯᠲᠠᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠡᠷᠡᠭᠦᠯ ᠪᠠᠢᠬᠤ ᠶ᠋ᠢᠨ ᠡᠬᠢ ᠰᠤᠷᠪᠤᠯᠵᠢ ᠪᠣᠯ ᠬᠥᠳᠡᠯᠭᠡᠭᠡᠨ ᠶᠦᠮ᠃ ᠶᠠᠪᠠᠭᠠᠨ ᠶᠠᠪᠤᠬᠤ ᠳ᠋ᠤ᠌ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠰᠠᠨᠠᠭᠠ ᠰᠡᠷᠭᠦᠵᠦ᠂ ᠨᠢᠷᠤᠭᠤ ᠴᠢᠬᠡ᠂ ᠪᠡᠶᠡ ᠶ᠋ᠢᠨ ᠭᠠᠯᠪᠢᠷ ᠭᠤᠸᠠ ᠰᠠᠢᠬᠠᠨ ᠪᠣᠯᠬᠤ ᠠ᠋ᠴᠠ ᠭᠠᠳᠠᠨᠠ ᠢᠯᠡᠭᠦᠦ ᠵᠢᠩ ᠢ᠋ ᠬᠠᠰᠤᠵᠤ᠂ ᠡᠷᠡᠭᠦᠯ ᠮᠡᠨᠳᠦ ᠶ᠋ᠢ ᠪᠡᠬᠢᠵᠢᠭᠦᠯᠦᠨᠡ᠃ ᠪᠠᠢᠩᠭᠤ ᠶᠠᠪᠠᠭᠠᠨ ᠶᠠᠪᠤᠳᠠᠭ ᠤᠯᠤᠰ ᠪᠡᠶᠡ ᠮᠠᠭᠤᠳᠠᠯᠠ ᠭᠡᠬᠦ ᠨᠢ ᠬᠣᠪᠣᠷ ᠪᠠᠢᠳᠠᠭ᠃ ᠲᠥᠪ ᠰᠠᠭᠤᠷᠢᠨ ᠤ᠋ ᠪᠠᠨ ᠠᠵᠢᠯ ᠲᠠᠷᠬᠠᠭᠠᠳ ᠣᠯᠠᠨ ᠬᠥᠮᠦᠨ ᠲᠡᠢ ᠠᠦ᠋ᠲ᠋ᠣᠪᠦ᠋ᠰ ᠲᠦ᠍ ᠴᠢᠬᠢᠯᠳᠦᠬᠦ ᠶ᠋ᠢᠨ ᠣᠷᠣᠨ ᠳ᠋ᠤ᠌20—30 ᠮᠢᠨᠦ᠋ᠲ ᠡᠷᠡᠭᠦᠯ ᠠᠭᠠᠷ ᠲᠤ᠌ ᠶᠠᠪᠠᠭᠠᠨ ᠶᠠᠪᠤᠭᠠᠳ ᠬᠠᠷᠢᠪᠠᠯ ᠠᠵᠢᠯ ᠤ᠋ᠨ ᠳᠠᠷᠠᠭᠠᠬᠢ ᠠᠯᠵᠢᠶᠠᠯ ᠶᠠᠳᠠᠷᠠᠭᠠ ᠠᠶᠠᠨᠳᠠᠭᠠᠨ ᠠᠷᠢᠯᠤᠨᠠ᠃ ᠣᠯᠠᠨ ᠳᠠᠪᠬᠤᠷ ᠪᠠᠢᠰᠢᠩ ᠤ᠋ᠨ ᠳᠡᠭᠡᠳᠦ ᠳᠠᠪᠬᠤᠷ ᠲᠤ᠌ ᠴᠠᠬᠢᠯᠭᠠᠨ ᠱᠠᠲᠤ ᠪᠠᠷ ᠭᠠᠷᠬᠤ ᠶ᠋ᠢ ᠤᠷᠢᠳᠠᠯ ᠪᠣᠯᠭᠠᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠶᠠᠪᠠᠭᠠᠨ ᠶᠠᠪᠤᠵᠤ ᠭᠠᠷᠬᠤ ᠶ᠋ᠢ ᠬᠢᠴᠢᠶᠡ᠃ ᠬᠠᠷᠢᠨ ᠪᠠᠭᠤᠬᠤ ᠳ᠋ᠠᠭᠠᠨ ᠵᠢᠭᠳᠡ ᠭᠦᠨᠵᠡᠭᠡᠢ ᠠᠮᠢᠰᠬᠤᠯᠯᠠᠵᠤ᠂ ᠱᠠᠲᠤᠨ ᠤ᠋ ᠪᠠᠷᠢᠭᠤᠯ ᠠ᠋ᠴᠠ ᠪᠠᠷᠢᠬᠤ ᠦᠭᠡᠢ ᠱᠠᠯᠠᠮᠠᠭ ᠪᠠᠭᠤᠬᠤ ᠨᠢ ᠠᠰᠢᠭᠲᠠᠢ᠃ ᠢᠩᠭᠢᠬᠦᠯᠡᠷ ᠳᠣᠣᠷᠠᠲᠤ ᠮᠥᠴᠡ᠂ ᠬᠥᠯ ᠦ᠋ᠨ ᠰᠤᠳᠠᠰᠤ ᠲᠡᠯᠡᠵᠦ᠂ ᠪᠠᠭᠠ ᠠᠭᠠᠷᠴᠠᠭ ᠤ᠋ᠨ ᠶᠠᠰᠤ ᠲᠣᠭᠲᠠᠩᠭᠤᠰᠢᠬᠤ ᠠ᠋ᠴᠠ ᠰᠡᠷᠭᠡᠢᠯᠡᠵᠦ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠪᠠᠰᠠ ᠰᠠᠢᠵᠢᠷᠠᠭᠤᠯᠤᠨᠠ᠃ ᠶᠡᠷᠦᠨᠢ ᠶᠠᠪᠠᠭᠠᠨ ᠶᠠᠪᠤᠬᠤ ᠨᠢ ᠡᠮᠴᠢᠯᠡᠭᠡᠨ ᠦ᠌ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠨᠢᠭᠡ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠣᠯᠳᠠᠭ᠃
7. ᠡᠷᠡᠭᠦᠯ ᠮᠡᠨᠳᠦ᠂ ᠪᠡᠶᠡ ᠶ᠋ᠢᠨ ᠴᠢᠯᠬᠠ ᠪᠠᠨ ᠪᠠᠢᠩᠭᠤ ᠰᠠᠢᠨ ᠪᠠᠢᠯᠭᠠᠬᠤ ᠬᠠᠮᠤᠭ ᠤ᠋ᠨ ᠵᠣᠬᠢᠰᠲᠠᠢ ᠠᠷᠭᠠ ᠪᠣᠯ ᠭᠦᠶᠦᠯᠲᠡ ᠶᠦᠮ᠃ ᠭᠦᠶᠦᠯᠲᠡ ᠪᠡᠷ ᠬᠢᠴᠢᠶᠡᠯᠯᠡᠬᠦ ᠨᠢ ᠡᠮᠭᠡᠭ ᠬᠠᠭᠤᠴᠢ ᠡᠳᠡᠭᠡᠷᠡᠵᠦ᠂ ᠡᠷᠡᠭᠦᠯ ᠴᠢᠬᠢᠷᠡᠭ ᠪᠣᠯᠬᠤ ᠠ᠋ᠴᠠ ᠭᠠᠳᠠᠨᠠ ᠬᠥᠳᠡᠯᠮᠦᠷᠢ ᠶ᠋ᠢᠨ ᠴᠢᠳᠠᠪᠤᠷᠢ ᠪᠠᠨ ᠤᠳᠠᠲᠠᠯᠠ ᠬᠡᠪ ᠢ᠋ᠶ᠋ᠡᠷ ᠬᠠᠳᠠᠭᠠᠯᠠᠵᠤ᠂ ᠥᠲᠡᠯᠦᠯᠲᠡ ᠶ᠋ᠢ ᠤᠳᠠᠭᠠᠰᠢᠷᠠᠭᠤᠯᠤᠨᠠ᠂ ᠪᠠᠢᠩᠭᠤ ᠭᠦᠶᠦᠳᠡᠭ ᠬᠥᠮᠦᠰ ᠥᠯᠴᠢᠷ ᠴᠢᠭᠢᠷᠠᠭ᠂ ᠬᠥᠩᠭᠡᠨ ᠱᠥᠩᠭᠡᠨ ᠪᠠᠢᠳᠠᠭ᠃ ᠭᠦᠶᠦᠯᠲᠡ ᠨᠢ ᠮᠡᠳᠡᠷᠡᠯ ᠦ᠋ᠨ ᠰᠢᠰᠲ᠋ᠧᠮ ᠦ᠋ᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠰᠡᠷᠭᠦᠭᠡᠵᠦ᠂ ᠪᠣᠳᠠᠰ ᠤ᠋ᠨ ᠰᠣᠯᠢᠯᠴᠠᠭᠠ᠂ ᠢᠯᠠᠩᠭᠤᠶᠠ ᠥᠭᠡᠬᠦᠨ ᠦ᠌ ᠰᠣᠯᠢᠯᠴᠠᠭᠠ᠂ ᠳᠣᠲᠣᠭᠠᠳᠤ ᠱᠦᠭᠦᠷᠡᠯ ᠦ᠋ᠨ ᠪᠤᠯᠴᠢᠷᠬᠠᠢ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠢᠳᠡᠪᠬᠢᠵᠢᠭᠦᠯᠬᠦ ᠡᠴᠡ ᠭᠠᠳᠠᠨᠠ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠶ᠋ᠢ ᠪᠠᠰᠠ ᠰᠠᠢᠵᠢᠷᠠᠭᠤᠯᠤᠨᠠ᠃ ᠭᠦᠶᠦᠯᠲᠡ ᠶ᠋ᠢᠨ ᠠᠴᠢ ᠲᠤᠰᠠ ᠪᠠᠷ ᠬᠥᠮᠦᠨ ᠦ᠌ ᠴᠢᠰᠤᠨ ᠳ᠋ᠤ᠌ ᠥᠭᠡᠬᠦ ᠲᠣᠰᠣᠨ ᠤ᠋ ᠬᠡᠮᠵᠢᠶᠡ ᠪᠠᠭᠠᠰᠴᠤ᠂ ᠴᠢᠰᠤᠨ ᠤ᠋ ᠳᠠᠷᠤᠯᠲᠠ ᠶᠡᠬᠡᠰᠬᠦ᠂ ᠰᠤᠳᠠᠰᠤ ᠬᠠᠲᠠᠭᠤᠷᠠᠬᠤ᠂ ᠵᠢᠷᠦᠬᠡᠨ ᠦ᠌ ᠰᠢᠭᠢᠳᠬᠡᠰᠦ᠂ ᠲᠠᠷᠢᠬᠢᠨ ᠳ᠋ᠤ᠌ ᠴᠢᠰᠤ ᠬᠠᠷᠪᠤᠬᠤ ᠵᠡᠷᠭᠡ ᠣᠯᠠᠨ ᠡᠪᠡᠳᠴᠢᠨ ᠡᠮᠭᠡᠭ ᠢ᠋ ᠰᠡᠷᠭᠡᠢᠯᠡᠨᠡ᠃ ᠢᠩᠭᠢᠬᠦᠯᠡᠷ᠂ ᠭᠦᠶᠦᠯᠲᠡ ᠪᠣᠯ ᠣᠯᠠᠨ ᠡᠪᠡᠳᠴᠢᠨ ᠡᠮᠭᠡᠭ ᠢ᠋ ᠰᠡᠷᠭᠡᠢᠯᠡᠨ ᠠᠨᠠᠭᠠᠳᠠᠭ ᠡᠮ ᠦ᠋ᠨ ᠪᠤᠰᠤ ᠡᠮᠴᠢᠯᠡᠭᠡᠨ ᠦ᠌ ᠰᠢᠯᠢᠳᠡᠭ ᠠᠷᠭᠠ᠂ ᠪᠦᠬᠦ ᠨᠠᠰᠤᠨ ᠤ᠋ ᠬᠥᠮᠦᠰ ᠲᠦ᠍ ᠵᠠᠢᠯᠠᠰᠢ ᠦᠭᠡᠢ ᠬᠡᠷᠡᠭᠲᠡᠢ ᠡᠷᠡᠭᠦᠯᠵᠢᠭᠦᠯᠬᠦ ᠲᠤᠰᠬᠠᠯ ᠶᠤᠮ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠬᠣᠯᠠ ᠭᠦᠶᠦᠬᠦ ᠳ᠋ᠡᠭᠡᠨ ᠭᠣᠣᠯ ᠪᠢᠰᠢ᠂ ᠪᠡᠶᠡ ᠳ᠋ᠡᠭᠡᠨ ᠲᠣᠬᠢᠷᠠᠭᠰᠠᠨ ᠲᠣᠭᠲᠠᠮᠠᠯ ᠭᠦᠶᠦᠯᠲᠡ ᠯᠡ ᠡᠮᠴᠢᠯᠡᠭᠡ ᠪᠣᠯᠤᠨᠠ᠃ ᠬᠢᠷᠢ ᠡᠴᠡ ᠬᠡᠲᠦᠷᠡᠭᠰᠡᠨ ᠭᠦᠶᠦᠯᠲᠡ 《ᠬᠣᠣᠷ》ᠴᠦ᠍ ᠪᠣᠯᠵᠤ ᠮᠠᠭᠠᠳ ᠦᠭᠡᠢ᠃ ᠭᠦᠶᠦᠬᠦ ᠳ᠋ᠦ᠍ ᠭᠣᠣᠯ ᠪᠠᠷᠢᠮᠲᠠᠯᠠᠬᠤ ᠵᠦᠢᠯ ᠪᠣᠯ ᠰᠤᠳᠠᠰᠤᠨ ᠤ᠋ ᠯᠤᠭᠰᠢᠯᠲᠠ ᠶᠤᠮ᠃40—49 ᠨᠠᠰᠤᠨ ᠤ᠋ ᠬᠥᠮᠦᠨ ᠭᠦᠶᠦᠬᠦ ᠳ᠋ᠦ᠍ ᠰᠤᠳᠠᠰᠤᠨ ᠤ᠋ ᠯᠤᠭᠰᠢᠯᠲᠠ ᠨᠢᠭᠡ ᠮᠢᠨᠦ᠋ᠲ ᠲᠦ᠍140 ᠠ᠋ᠴᠠ ᠳᠡᠭᠡᠭᠰᠢ ᠪᠠᠢᠬᠤ ᠬᠡᠷᠡᠭ ᠦᠭᠡᠢ᠃ ᠳᠤᠮᠳᠠᠴᠢ ᠬᠡᠮᠵᠢᠶᠡ120 ᠪᠠᠢᠬᠤ ᠵᠢᠱ᠌ᠢᠶᠡ ᠲᠡᠢ᠃ ᠬᠥᠩᠭᠡᠨ ᠡᠴᠡ ᠬᠦᠨᠳᠦ ᠤᠷᠤᠭᠤ᠂ ᠤᠳᠠᠭᠠᠨ ᠠ᠋ᠴᠠ ᠲᠦᠷᠭᠡᠨ ᠭᠦᠶᠦᠬᠦ ᠵᠠᠷᠴᠢᠮ ᠢ᠋ ᠪᠠᠷᠢᠮᠲᠠᠯᠠᠬᠤ ᠬᠡᠷᠡᠭᠲᠡᠢ᠃ ᠨᠠᠰᠤ᠂ ᠪᠡᠶᠡ ᠶ᠋ᠢᠨ ᠪᠠᠢᠳᠠᠯ ᠠ᠋ᠴᠠ ᠪᠣᠯᠵᠤ ᠭᠦᠶᠦᠯᠲᠡ ᠪᠡᠨ ᠲᠣᠬᠢᠷᠠᠭᠤᠯᠤᠨᠠ᠃ ᠡᠭᠦᠨ ᠦ᠌ ᠲᠤᠯᠠᠳᠠ ᠡᠮᠴᠢ ᠡᠴᠡ ᠵᠠᠪᠠᠯ ᠵᠥᠪᠯᠡᠯᠭᠡ ᠠᠪᠤᠭᠠᠷᠠᠢ᠃
8. ᠮᠣᠷᠢ ᠤᠨᠤᠬᠤ ᠪᠣᠯᠤᠨ ᠳᠤᠭᠤᠢ ᠪᠠᠷ ᠶᠠᠪᠤᠬᠤ ᠠᠰᠢᠭᠲᠠᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠮᠣᠷᠢ ᠤᠨᠤᠬᠤ ᠪᠠ ᠳᠤᠭᠤᠢ ᠪᠠᠷ ᠶᠠᠪᠤᠬᠤ ᠳ᠋ᠤ᠌ ᠬᠥᠯ ᠦ᠋ᠨ᠂ ᠲᠡᠭᠦᠨᠴᠢᠯᠡᠨ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠴᠢᠰᠤᠨ ᠬᠠᠩᠭᠠᠮᠵᠢ ᠰᠠᠢᠵᠢᠷᠠᠵᠤ᠂ ᠲᠦᠷᠦᠭᠦᠦ ᠪᠤᠯᠴᠢᠷᠬᠠᠢ ᠲᠣᠮᠣᠷᠠᠬᠤ᠂ ᠴᠠᠭᠠᠨ ᠮᠢᠬᠠ ᠭᠠᠷᠬᠤ ᠵᠡᠷᠭᠡ ᠡᠪᠡᠳᠴᠢᠨ ᠡᠴᠡ ᠰᠡᠷᠭᠡᠢᠯᠡᠨᠡ᠃
9. ᠥᠷᠯᠥᠭᠡ ᠳ᠋ᠦ᠍ ᠪᠡᠶᠡ ᠪᠡᠨ ᠬᠦᠢᠲᠡᠨ ᠴᠢᠭᠢᠭ ᠲᠡᠢ ᠠᠯᠴᠢᠭᠤᠷ ᠢ᠋ᠶ᠋ᠠᠷ ᠠᠷᠴᠢᠵᠤ᠂ ᠪᠣᠯᠤᠯᠴᠠᠭᠠ ᠲᠠᠢ ᠪᠣᠯ ᠰᠠᠷᠠ ᠳ᠋ᠤ᠌ ᠨᠢᠭᠡ ᠡᠴᠡ ᠳᠣᠷᠣᠭᠰᠢ ᠦᠭᠡᠢ ᠤᠳᠠᠭᠠ ᠠᠭᠤᠷ ᠲᠤ᠌ ᠰᠠᠭᠤᠵᠤ ᠪᠠᠢ᠃ ᠬᠠᠯᠠᠭᠤᠨ ᠤᠰᠤᠨ ᠳ᠋ᠤ᠌ ᠣᠷᠣᠬᠤ ᠪᠤᠶᠤ ᠠᠭᠤᠷ ᠲᠤ᠌ ᠰᠠᠭᠤᠭᠰᠠᠨ ᠤ᠋ ᠳᠠᠷᠠᠭᠠ ᠪᠡᠶᠡ ᠬᠥᠩᠭᠡᠷᠡᠵᠦ᠂ ᠰᠡᠳᠬᠢᠯ ᠡᠴᠡ ᠰᠡᠷᠭᠦᠳᠡᠭ ᠢ᠋ ᠪᠢᠳᠡ ᠰᠠᠢᠨ ᠮᠡᠳᠡᠨᠡ᠃ ᠡᠨᠡ ᠨᠢ ᠤᠰᠤᠨ ᠤ᠋ ᠠᠭᠤᠷ᠂ ᠠᠷᠠᠰᠤᠨ ᠤ᠋ ᠨᠦᠬᠡ ᠰᠦᠪᠡ ᠶ᠋ᠢ ᠴᠡᠪᠡᠷᠯᠡᠨ ᠣᠩᠭᠣᠢᠯᠭᠠᠵᠤ᠂ ᠴᠠᠰᠤᠨ ᠤ᠋ ᠡᠷᠭᠢᠯᠲᠡ ᠰᠠᠢᠵᠢᠷᠠᠳᠠᠭ ᠠ᠋ᠴᠠ ᠬᠣᠯᠪᠣᠭᠠᠲᠠᠢ᠃ ᠲᠠᠮᠢᠷᠴᠢᠨ ᠬᠥᠮᠦᠨ ᠪᠤᠯᠴᠢᠩ ᠢ᠋ᠶ᠋ᠠᠨ ᠪᠠᠢᠩᠭᠤ ᠳᠠᠰᠬᠠᠯᠵᠢᠭᠤᠯᠳᠠᠭ ᠰᠢᠭ᠋ ᠠᠷᠠᠰᠤ ᠪᠠᠨ ᠲᠣᠷᠳᠠᠵᠤ ᠳᠠᠰᠬᠠᠯᠵᠢᠭᠤᠯᠬᠤ ᠬᠡᠷᠡᠭᠲᠡᠢ᠃ ᠬᠠᠯᠠᠭᠤᠨ ᠤᠰᠤᠨ ᠳ᠋ᠤ᠌ ᠣᠷᠣᠵᠤ᠂ ᠠᠭᠤᠷ ᠲᠤ᠌ ᠰᠠᠭᠤᠬᠤ ᠨᠢ ᠠᠷᠠᠰᠤ ᠶ᠋ᠢ ᠳᠡᠭᠡᠳᠦ ᠵᠡᠷᠭᠡ ᠪᠡᠷ ᠳᠠᠰᠬᠠᠯᠵᠢᠭᠤᠯᠵᠤ᠂ ᠡᠷᠲᠡ ᠦᠷᠴᠢᠯᠡᠭᠡ ᠲᠣᠭᠲᠠᠬᠤ ᠠ᠋ᠴᠠ ᠬᠠᠮᠠᠭᠠᠯᠠᠨᠠ᠃ ᠲᠡᠭᠦᠨᠴᠢᠯᠡᠨ ᠬᠠᠯᠠᠭᠤᠨ ᠤᠰᠤ᠂ ᠠᠭᠤᠷ ᠤ᠋ᠨ ᠢᠯᠴᠢ ᠠᠷᠠᠰᠤᠨ ᠳ᠋ᠤ᠌ ᠬᠴᠲ ᠨᠥᠯᠥᠭᠡᠯᠡᠵᠦ᠂ ᠶᠡᠬᠡ ᠬᠥᠯᠥᠷᠡᠨᠡ᠃ ᠬᠥᠯᠥᠰᠥ ᠪᠡᠷ ᠳᠠᠮᠵᠢᠨ ᠵᠥᠪᠬᠡᠨ ᠢᠯᠡᠭᠦᠳᠡᠯ ᠲᠤᠯᠭᠠᠨ ᠲᠡᠳᠦᠢ ᠦᠭᠡᠢ ᠪᠣᠳᠠᠰ ᠤ᠋ᠨ ᠰᠣᠯᠢᠯᠴᠠᠭᠠᠨ ᠤ᠋ ᠡᠴᠦᠰ ᠦ᠋ᠨ ᠢᠯᠡᠭᠦᠳᠡᠯ《 ᠬᠡᠷᠡᠭ ᠦᠭᠡᠢ》 ᠪᠦᠲᠦᠭᠡᠭᠳᠡᠬᠦᠨ ᠭᠠᠳᠠᠭᠰᠢᠯᠠᠬᠤ ᠠ᠋ᠴᠠ ᠭᠠᠳᠠᠨᠠ ᠲᠠᠷᠭᠤᠯᠠᠬᠤ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠨᠥᠯᠥᠭᠡ ᠲᠡᠢ᠃
10.《ᠡᠷᠡᠭᠦᠯ ᠢ᠋ ᠬᠦᠰᠡᠪᠡᠯ ᠡᠮᠨᠡᠯᠭᠡ ᠶ᠋ᠢ ᠬᠦᠰᠡ》 ᠭᠡᠳᠡᠭ ᠤᠬᠠᠭᠠᠨᠲᠤ ᠬᠥᠮᠦᠨ ᠦ᠌ ᠰᠤᠷᠭᠠᠯ ᠢ᠋ ᠪᠤᠤ ᠮᠠᠷᠲᠠᠭᠠᠷᠠᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠰᠤᠮᠤ᠂ ᠠᠢᠮᠠᠭ᠂ ᠬᠡᠰᠡᠭ ᠦ᠋ᠨ ᠢ᠋ᠶ᠋ᠡᠨ ᠡᠮᠴᠢ ᠲᠡᠢ ᠠᠭᠤᠯᠵᠠᠵᠤ᠂ ᠵᠥᠪᠯᠡᠯᠭᠡ ᠪᠠᠢᠩᠭᠤ ᠠᠪᠴᠤ᠂ ᠬᠠᠮᠠᠷ ᠬᠣᠭᠣᠯᠠᠢ᠂ ᠰᠢᠯᠤᠭᠤᠨ ᠭᠡᠳᠡᠰᠦ᠂ ᠲᠦᠷᠦᠭᠦᠦ ᠪᠤᠯᠴᠢᠷᠬᠠᠢ ᠶ᠋ᠢᠨ ᠪᠠᠢᠳᠠᠯ ᠢ᠋ ᠰᠢᠯᠭᠠᠭᠤᠯᠵᠤ᠂ ᠵᠢᠷᠦᠬᠡᠨ ᠪᠢᠴᠢᠯᠭᠡ ᠬᠢᠯᠭᠡᠵᠦ᠂ ᠴᠢᠰᠤᠨ ᠳ᠋ᠤ᠌ ᠪᠠᠢᠭᠠ ᠰᠢᠬᠢᠷ ᠦ᠋ᠨ ᠬᠡᠮᠵᠢᠶᠡ ᠶ᠋ᠢ ᠲᠣᠳᠣᠷᠬᠠᠢᠯᠠᠵᠤ᠂ ᠡᠮᠨᠡᠯᠭᠡ ᠶ᠋ᠢᠨ ᠬᠡᠯᠡ ᠪᠡᠷ ᠪᠣᠯ ᠳ᠋ᠢᠰᠫᠠᠨᠢᠰᠧᠷ ᠦ᠋ᠨ ᠦᠵᠡᠯᠭᠡ ᠳ᠋ᠦ᠍ ᠣᠷᠣᠬᠤ ᠶ᠋ᠢᠨ ᠴᠢᠬᠤᠯᠠ ᠶ᠋ᠢ ᠠᠬᠢᠮᠠᠭ ᠨᠠᠰᠤᠨ ᠳ᠋ᠤ᠌ ᠤᠯᠠᠮ ᠰᠠᠨᠠᠭᠤᠰᠢᠲᠠᠢ᠃
ᠭᠡᠪᠡᠴᠦ ᠡᠳᠡᠭᠡᠷ10 ᠵᠥᠪᠯᠡᠮᠵᠢ ᠪᠡᠷ ᠡᠷᠡᠭᠦᠯ ᠡᠩᠬᠡ ᠪᠣᠯᠴᠢᠬᠠᠬᠤ ᠦᠭᠡᠢ᠃ ᠭᠡᠰᠡᠨ ᠬᠡᠳᠦᠢ ᠶᠠᠳᠠᠵᠤ ᠳᠡᠭᠡᠷᠡᠬᠢ10 ᠵᠥᠪᠯᠡᠮᠵᠢ ᠶ᠋ᠢ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠴᠢᠩᠳᠠ ᠮᠥᠷᠳᠡᠵᠦ᠂ ᠬᠡᠪᠰᠢᠪᠡᠯ ᠲᠠᠨ ᠤ᠋ ᠪᠡᠶᠡ ᠶ᠋ᠢᠨ ᠭᠠᠯᠪᠢᠷ ᠰᠠᠢᠬᠠᠨ᠂ ᠥᠨᠳᠥᠷ ᠨᠠᠰᠤ ᠨᠠᠰᠤᠯᠠᠪᠠᠴᠤ ᠢᠳᠡ ᠵᠠᠯᠠᠭᠤ ᠶ᠋ᠢᠨ ᠰᠢᠭ᠋ ᠭᠢᠯᠠᠯᠵᠠᠵᠤ᠂ ᠤᠬᠠᠭᠠᠨ ᠰᠠᠨᠠᠭᠠ ᠰᠠᠷᠠᠭᠤᠯ ᠪᠠᠢᠬᠤ ᠪᠣᠯᠤᠨᠠ᠃ ᠬᠥᠮᠦᠨ ᠶᠠᠭᠠᠬᠢᠵᠤ ᠠᠮᠢᠳᠤᠷᠠᠬᠤ ᠶ᠋ᠢᠨ ᠬᠡᠮᠵᠢᠭᠦᠷ ᠨᠢ ᠠᠵᠢᠯ ᠬᠥᠳᠡᠯᠮᠦᠷᠢ ᠪᠠᠢᠳᠠᠭ ᠪᠣᠯ ᠶᠠᠭᠠᠬᠢᠵᠤ ᠠᠮᠢᠳᠤᠷᠠᠭᠰᠠᠨ ᠤ᠋ ᠬᠢᠨᠢ ᠬᠡᠮᠵᠢᠭᠦᠷ ᠨᠠᠰᠤ ᠰᠡᠭᠦᠳᠡᠷ ᠪᠠᠢᠳᠠᠭ ᠶᠤᠮ ᠰᠢᠦ ᠭᠡᠵᠦ ᠬᠥᠭᠰᠢᠴᠦᠦᠯ ᠬᠥᠭᠡᠷᠳᠡᠭ᠃ ᠡᠢᠮᠦ ᠡᠴᠡ ᠤᠷᠲᠤ ᠨᠠᠰᠤᠯᠠᠨᠠ ᠭᠡᠳᠡᠭ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠭᠰᠠᠨ ᠤ᠋ ᠬᠢ᠂ ᠬᠠᠯᠠᠮᠵᠢᠲᠠᠢ ᠬᠠᠨᠢ ᠢᠵᠢᠯᠢ᠂ ᠬᠠᠮᠲᠤ ᠣᠯᠠᠨ᠂ ᠦᠷᠡ ᠠᠴᠢ ᠶ᠋ᠢᠨ ᠪᠤᠶᠠᠨ ᠵᠠᠶᠠᠭᠠ ᠪᠣᠯᠠᠢ᠃