ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ– ᠳ᠂ᠪᠤᠯᠤᠳᠴᠡᠷᠢᠩ <ᠭᠤᠷᠪᠠᠳᠤᠭᠠᠷ ᠪᠦᠯᠦᠭ> - ᠨᠢᠭᠡ᠂ᠨᠠᠰᠤᠨ ᠤ ᠨᠠᠮᠤᠷ ᠤᠨ ᠳᠤᠬᠠᠢ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠬᠤᠢ Эр эмийн ёсон – Д᠂ Болдцэрэн <3-р бүлэг> - 1᠂ Насны намрын тухай эргэцүүлэн бодохуй
105ᠭᠤᠷᠪᠠᠳᠤᠭᠠᠷ ᠪᠦᠯᠦᠭ –
ᠨᠢᠭᠡ᠂ᠨᠠᠰᠤᠨ ᠤ ᠨᠠᠮᠤᠷ ᠤᠨ ᠳᠤᠬᠠᠢ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠬᠤᠢ
ᠨᠠᠰᠤᠨ ᠤ᠋ ᠦᠶᠡ ᠲᠣᠰᠪᠣᠷᠢ ᠪᠢᠣᠯᠣᠭᠢ᠂ ᠨᠡᠢᠭᠡᠮ᠂ ᠰᠡᠳᠬᠢᠯ ᠵᠦᠢ ᠶ᠋ᠢᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠪᠠᠢᠳᠠᠭ᠃ ᠲᠤᠬᠠᠢᠯᠠᠪᠠᠯ᠂ ᠪᠢᠣᠯᠣᠭᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠬᠡᠦᠬᠡᠳ ᠠᠬᠤᠢ ᠴᠠᠭ ᠪᠣᠯ ᠪᠦᠬᠦ ᠶᠠᠭᠤᠮᠠ ᠳᠡᠭᠵᠢᠨ ᠳᠡᠭᠡᠭᠰᠢᠯᠡᠬᠦ ᠨᠠᠰᠤ ᠶᠤᠮ᠃ ᠲᠡᠭᠡᠪᠡᠯ ᠥᠲᠡᠯᠬᠦ ᠶ᠋ᠢᠨ ᠦᠶᠡ ᠪᠣᠯ ᠬᠠᠢᠷᠠᠨ ᠪᠡᠶᠡ ᠶ᠋ᠢ ᠨᠠᠰᠤ ᠳᠠᠷᠤᠵᠤ᠂ ᠬᠠᠨ ᠠᠭᠤᠯᠠ ᠶ᠋ᠢ ᠴᠠᠰᠤ ᠳᠠᠷᠤᠳᠠᠭ ᠬᠠᠷᠢᠬᠤ ᠨᠠᠰᠤ ᠪᠢᠯᠡ᠃ ᠪᠢᠣᠯᠣᠭᠢ᠂ ᠨᠡᠢᠭᠡᠮ᠂ ᠰᠡᠳᠬᠢᠯ ᠵᠦᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌50—60 ᠨᠠᠰᠤᠨ ᠠ᠋ᠴᠠ ᠬᠣᠢᠰᠢᠬᠢ ᠠᠮᠢᠳᠤᠷᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠬᠠᠷᠢᠬᠤ ᠨᠠᠰᠤ ᠪᠤᠶᠤ ᠨᠠᠰᠤᠨ ᠤ᠋ ᠨᠠᠮᠤᠷ ᠭᠡᠳᠡᠭ᠃ ᠡᠷᠭᠢᠬᠦ ᠳᠥᠷᠪᠡᠨ ᠤᠯᠠᠷᠢᠯ ᠤ᠋ᠨ ᠨᠢᠭᠡ ᠨᠢ ᠨᠠᠮᠤᠷ ᠤ᠋ᠨ ᠤᠯᠠᠷᠢᠯ ᠠᠭᠠᠳ ᠲᠡᠭᠦᠪᠡᠷ ᠵᠢᠯ ᠦ᠋ᠨ ᠳᠥᠷᠪᠡᠨ ᠤᠯᠠᠷᠢᠯ ᠥᠨᠳᠥᠷᠯᠡᠳᠡᠭ ᠦ᠋ᠨ ᠠᠳᠠᠯᠢ ᠨᠠᠰᠤᠨ ᠤ᠋ ᠨᠠᠮᠤᠷ ᠪᠣᠯ ᠬᠥᠮᠦᠨ ᠦ᠌ ᠲᠤᠭᠤᠯᠬᠤ ᠠᠮᠢᠳᠤᠷᠠᠯ ᠤ᠋ᠨ ᠵᠠᠢᠯᠠᠰᠢ ᠦᠭᠡᠢ ᠨᠢᠭᠡᠨ ᠦᠶᠡ ᠱᠠᠲᠤ ᠪᠣᠯᠬᠤ ᠠ᠋ᠴᠠ ᠪᠢᠰᠢ᠂ ᠲᠡᠭᠦᠪᠡᠷ ᠵᠠᠪᠠᠯ ᠨᠠᠰᠤ ᠡᠴᠦᠰᠯᠡᠬᠦ ᠠᠯᠪᠠ ᠦᠭᠡᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠵᠢᠯ ᠦ᠋ᠨ ᠳᠥᠷᠪᠡᠨ ᠤᠯᠠᠷᠢᠯ ᠤ᠋ᠨ ᠰᠢᠪᠲᠤᠷᠠᠭᠠᠨ ᠨᠢ ᠡᠪᠦᠯ ᠪᠣᠯᠬᠤ ᠠ᠋ᠴᠠ ᠪᠢᠰᠢ᠂ ᠨᠠᠮᠤᠷ ᠴᠠᠭ ᠪᠢᠰᠢ ᠯᠦ᠍ᠭᠡ ᠠᠳᠠᠯᠢ ᠨᠠᠰᠤᠨ ᠤ᠋ ᠨᠠᠮᠤᠷ ᠪᠣᠯ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠤ᠋ᠨ ᠵᠢᠷᠭᠠᠵᠤ ᠪᠠᠢᠭᠠ ᠨᠠᠷᠠ ᠬᠠᠷᠠᠬᠠᠨ ᠪᠢᠰᠢ᠃ ᠨᠠᠮᠤᠷ ᠤ᠋ᠨ ᠤᠯᠠᠷᠢᠯ ᠢᠳᠡᠭᠡ ᠴᠠᠭᠠ ᠡᠯᠪᠡᠭ᠂ ᠳᠡᠯᠪᠡᠭ᠂ ᠠᠮᠤ ᠪᠤᠳᠠᠭᠠ ᠦᠷᠡ ᠲᠠᠷᠢᠶᠠ᠂ ᠵᠢᠮᠢᠰ ᠵᠢᠮᠢᠰᠬᠡᠨᠡ ᠪᠣᠯᠪᠠᠰᠤᠷᠠᠭᠰᠠᠨ ᠰᠠᠢᠬᠠᠨ ᠴᠠᠭ ᠪᠠᠢᠳᠠᠭ ᠰᠢᠭ᠋ ᠨᠠᠰᠤᠨ ᠤ᠋ ᠨᠠᠮᠤᠷ ᠴᠦ᠍ ᠪᠠᠰᠠ ᠨᠠᠯᠠᠭᠠᠷ ᠲᠡᠨᠢᠭᠦᠨ᠂ ᠨᠠᠷᠭᠢᠶᠠᠨ ᠬᠥᠭᠵᠢᠶᠡᠨ ᠲᠡᠢ᠃ ᠠᠮᠢᠳᠤᠷᠠᠯ ᠤ᠋ᠨ ᠬᠦᠷᠳᠦ ᠲᠣᠭᠣᠷᠢᠨ ᠡᠷᠭᠢᠭᠰᠡᠭᠡᠷ᠂ ᠠᠯᠪᠠ ᠠᠮᠢᠨ ᠤ᠋ ᠪᠣᠷᠪᠢ ᠪᠣᠬᠢᠰᠬᠢᠬᠦ ᠦᠭᠡᠢ ᠠᠵᠢᠯ ᠲᠠᠢ ᠵᠢᠭᠤᠷᠠᠯᠳᠤᠭᠰᠠᠭᠠᠷ ᠶᠠᠪᠤᠲᠠᠯᠠ ᠨᠢᠭᠡ ᠯᠡ ᠮᠡᠳᠡᠬᠦ ᠳ᠋ᠦ᠍ ᠰᠠᠨᠴᠢᠭ ᠤ᠋ᠨ ᠦᠰᠦᠨ ᠳ᠋ᠦ᠍ ᠨᠠᠰᠤᠨ ᠤ᠋ ᠬᠢᠷᠠᠭᠤ ᠪᠠᠭᠤᠵᠤ᠂ ᠨᠠᠰᠤᠨ ᠬᠤᠲᠤᠭ ᠨᠡᠮᠡᠨ ᠨᠡᠮᠡᠭᠰᠡᠭᠡᠷ ᠪᠤᠶᠠᠨ ᠲᠠᠢ ᠪᠤᠭᠤᠷᠤᠯ ᠪᠣᠯᠬᠤ ᠨᠢ ᠶᠢᠷᠲᠢᠨᠴᠦ ᠶ᠋ᠢᠨ ᠵᠢᠮᠡ ᠶᠣᠰᠣᠨ ᠪᠣᠯᠬᠣᠷ《ᠨᠢᠳᠦ ᠢᠷᠮᠡᠬᠦ ᠶ᠋ᠢᠨ ᠵᠠᠭᠤᠷᠠ ᠥᠩᠭᠡᠷᠡᠴᠢᠬᠡᠳᠡᠭ ᠶᠠᠭᠠᠬᠢᠭᠰᠠᠨ ᠴᠦ᠍ ᠣᠬᠣᠷᠬᠠᠨ ᠪᠣᠭᠣᠨᠢ ᠬᠣᠷᠸᠠ ᠪᠣᠢ ᠳᠠ》 ᠭᠡᠵᠦ ᠬᠠᠯᠠᠭᠯᠠᠬᠤ ᠬᠥᠮᠦᠨ ᠬᠠᠮᠢᠭᠠ ᠪᠠᠢᠬᠤᠪ᠃ ᠤᠴᠢᠷ ᠨᠢ ᠦᠵᠡᠵᠦ ᠥᠩᠭᠡᠷᠡᠭᠦᠯᠦᠭᠰᠡᠨ ᠢ᠋ᠶ᠋ᠡᠨ ᠨᠡᠬᠡᠨ ᠰᠠᠨᠠᠬᠤ ᠳ᠋ᠤ᠌ ᠲᠤᠭᠤᠯᠤᠭᠰᠠᠨ ᠠᠮᠢᠳᠤᠷᠠᠯ ᠲᠡᠢᠮᠦ ᠴᠦ᠍ ᠴᠢᠮᠠᠯᠠᠮᠠᠷ ᠭᠡᠵᠢ ᠤᠤ᠃ ᠥᠪᠡᠷ ᠦ᠋ᠨ ᠠᠮᠢᠳᠤᠷᠠᠯ ᠤ᠋ᠨ ᠦᠷᠭᠦᠯᠵᠢᠯᠡᠯ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠥᠰᠬᠡᠨ ᠥᠨᠳᠡᠢᠯᠭᠡᠵᠦ᠂ ᠭᠠᠷ ᠢ᠋ ᠨᠢ ᠭᠠᠨᠵᠤᠭᠠᠨ ᠳ᠋ᠤ᠌᠂ ᠬᠥᠯ ᠢ᠋ ᠨᠢ ᠳᠥᠷᠦᠭᠡᠨ ᠳ᠋ᠦ᠍ ᠬᠦᠷᠭᠡᠭᠰᠡᠨ ᠢ᠋ᠶ᠋ᠡᠨ ᠪᠣᠳᠣᠬᠤ ᠳ᠋ᠤ᠌ ᠰᠡᠳᠬᠢᠯ ᠬᠠᠩᠭᠠᠯᠤᠭᠤᠨ ᠶᠠᠪᠤᠬᠤ ᠶᠠᠪᠤᠬᠤ ᠠ᠋ᠴᠠ ᠶᠠᠭᠠᠬᠢᠬᠤᠪ᠃ ᠬᠥᠮᠦᠨ ᠳ᠋ᠦ᠍ ᠦᠷᠡ ᠶ᠋ᠢᠨ ᠦᠷᠡ ᠶ᠋ᠢ ᠦᠵᠡᠬᠦ ᠡᠴᠡ ᠥᠭᠡᠷᠡ ᠵᠢᠷᠭᠠᠯ ᠪᠠᠢᠬᠤ ᠦᠭᠡᠢ ᠴᠦ᠍ ᠭᠡᠯᠡ ᠬᠥᠭᠰᠢᠳ ᠢ᠋ᠶ᠋ᠡᠨ ᠵᠠᠪᠠᠯ ᠬᠡᠦᠬᠡᠳ ᠪᠠᠭᠠᠴᠤᠳ ᠢ᠋ᠶ᠋ᠠᠷ ᠳᠠᠷᠤᠵᠤ᠂ ᠶᠠᠳᠠᠷᠠᠭᠠᠬᠤ ᠵᠣᠬᠢᠰ ᠦᠭᠡᠢ᠃ ᠲᠡᠳᠡ ᠨᠠᠷ ᠮᠢᠨᠢ ᠥᠲᠡᠯᠦᠭᠰᠡᠨ ᠪᠣᠯᠬᠤ ᠠ᠋ᠴᠠ ᠦᠬᠦᠭᠰᠡᠨ ᠪᠢᠰᠢ ᠪᠣᠯᠬᠣᠷ ᠨᠠᠰᠤ ᠥᠨᠳᠥᠷ ᠭᠠᠷᠤᠭᠰᠠᠨ ᠴᠦ᠍ ᠬᠥᠮᠦᠨ ᠦ᠌ ᠡᠳ᠋ᠯᠡᠳᠡᠭ ᠴᠡᠩᠭᠡᠯ ᠵᠢᠷᠭᠠᠯ ᠢ᠋ ᠬᠦᠷᠲᠡᠬᠦ ᠶ᠋ᠢ ᠪᠠᠰᠠ ᠪᠣᠳᠣᠵᠤ ᠪᠠᠢᠭᠠ ᠰᠢᠦ ᠳᠡ᠃ ᠨᠠᠰᠤᠨ ᠤ᠋ ᠡᠷᠬᠡ ᠪᠡᠷ ᠥᠲᠡᠯᠦᠭᠰᠡᠨ ᠴᠦ᠍ ᠨᠠᠭᠠᠳᠴᠤ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠮᠠᠷᠲᠠᠬᠤ ᠦᠭᠡᠢ ᠪᠡᠷ ᠦᠯᠦ ᠪᠠᠷᠠᠮ ᠬᠣᠶᠠᠷ ᠪᠡᠶᠡ ᠪᠡᠨ ᠪᠠᠷᠤᠭ ᠠᠷᠪᠠᠨ ᠨᠠᠢ᠍ᠮᠠᠲᠤ ᠰᠢᠭ᠋ ᠰᠠᠨᠠᠵᠤ ᠰᠠᠭᠤᠳᠠᠭ ᠢ᠋ ᠬᠡᠨ ᠡᠰᠡ ᠮᠡᠳᠡᠯᠡ᠃ ᠵᠠᠯᠠᠭᠤ ᠬᠥᠮᠦᠨ ᠢ᠋ ᠬᠥᠮᠦᠨ ᠪᠦᠬᠦᠨ ᠣᠢᠯᠠᠭᠠᠬᠤ ᠲᠤᠯᠠ ᠪᠠᠰᠠ ᠴᠢᠭ ᠤᠴᠢᠷ ᠲᠠᠢ ᠰᠠᠨᠠᠭᠳᠠᠨᠠ᠃
ᠲᠡᠭᠡᠪᠡᠯ ᠨᠠᠰᠤᠨ ᠤ᠋ ᠨᠠᠮᠤᠷ ᠲᠠᠢ ᠪᠠᠨ ᠵᠣᠯᠭᠠᠭᠰᠠᠨ ᠠᠬᠠᠮᠠᠳ ᠤ᠋ᠳ ᠤ᠋ᠨ ᠬᠡᠨ ᠳ᠋ᠦ᠍ ᠴᠦ᠍ ᠬᠡᠯᠡᠵᠦ ᠪᠣᠯᠤᠮᠠ ᠦᠭᠡᠢ ᠠᠮᠢᠳᠤᠷᠠᠯ ᠤ᠋ᠨ ᠨᠠᠷᠢᠨ ᠱᠠᠷᠢᠨ ᠶᠠᠭᠤᠮᠠ ᠶ᠋ᠢ ᠪᠦᠲᠦᠨ ᠣᠢᠯᠭᠠᠳᠠᠭ ᠭᠡᠵᠢ ᠤᠤ! ᠲᠡᠷᠡ ᠪᠦᠷ ᠣᠢᠯᠠᠭᠠᠭᠳᠠᠬᠤ ᠦᠭᠡᠢ ᠡᠴᠡ ᠲᠡᠳᠡᠨ ᠢ᠋ ᠪᠠᠰᠠ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠠᠷᠠᠭᠤᠯᠬᠤ ᠭᠡᠵᠦ《ᠰᠠᠯᠠᠭᠠᠨ ᠬᠥᠨᠳᠡᠢᠷᠡᠭᠦᠯᠬᠦ》 ᠲᠣᠬᠢᠶᠠᠯᠳᠤᠯ ᠴᠥᠭᠡᠨ ᠦᠭᠡᠢ ᠭᠠᠷᠳᠠᠭ᠃ ᠨᠠᠰᠤᠨ ᠤ᠋ ᠨᠠᠮᠤᠷ ᠲᠤ᠌ ᠴᠦ᠍ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠠᠵᠠ ᠵᠢᠷᠭᠠᠯ᠂ ᠪᠠᠶᠠᠷ ᠴᠡᠩᠭᠡᠯ ᠠᠪᠴᠢᠷᠠᠨᠠ᠃ ᠵᠢᠷᠠ ᠠ᠋ᠴᠠ ᠳᠡᠭᠡᠭᠰᠢ ᠨᠠᠰᠤᠨ ᠢ᠋ ᠪᠢᠳᠡ ᠨᠠᠰᠤᠨ ᠤ᠋ ᠨᠠᠮᠤᠷ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠢᠭᠠ ᠨᠢ ᠴᠣᠬᠣᠮ ᠳ᠋ᠠᠭᠠᠨ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠵᠣᠭᠰᠣᠭᠠ ᠦᠭᠡᠢ ᠭᠡᠰᠡᠨ ᠦᠭᠡ᠃ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍᠂ ᠵᠢᠷᠠᠲᠠᠢ ᠬᠥᠮᠦᠰ ᠦ᠋ᠨ75%᠂ ᠲᠠᠯᠠᠲᠠᠢ ᠬᠥᠮᠦᠰ ᠦ᠋ᠨ30%᠂ ᠨᠠᠶᠠᠲᠠᠢ ᠬᠥᠮᠦᠰ ᠦ᠋ᠨ15% ᠨᠢ ᠲᠤᠰ ᠲᠤᠰ《ᠠᠵᠢᠯ ᠬᠥᠨᠳᠡᠢᠷᠡᠭᠡ ᠦᠭᠡᠢ》 ᠪᠠᠢᠳᠠᠭ ᠪᠠᠢᠨᠠ᠃ ᠭᠡᠲᠡᠯᠡ ᠵᠠᠷᠢᠮ ᠬᠥᠮᠦᠨ ᠬᠥᠭᠰᠢᠨ ᠬᠥᠮᠦᠰ ᠲᠦ᠍ ᠲᠡᠢᠮᠦ ᠶᠠᠭᠤᠮᠠ ᠶᠠᠭᠤ ᠯᠠ ᠪᠠᠢᠪᠠ ᠭᠡᠵᠦ ᠳᠡ ᠭᠡᠰᠡᠨ ᠬᠡᠨᠡᠭᠡᠨ ᠪᠣᠳᠣᠯ ᠲᠠᠢ ᠪᠠᠢᠵᠤ᠂ ᠡᠰᠡᠬᠦᠯᠡ ᠨᠠᠰᠤ ᠠᠬᠢᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠪᠡᠯᠭᠡ ᠶ᠋ᠢᠨ ᠬᠠᠷᠢᠴᠠᠭᠠ ᠬᠣᠣᠷᠲᠠᠢ ᠭᠡᠰᠡᠨ ᠠᠨᠳᠠᠭᠤ ᠲᠡᠰᠢᠶᠡ ᠣᠢᠯᠭᠠᠯᠲᠠ ᠲᠠᠢ ᠶᠠᠪᠤᠬᠤ ᠬᠥᠮᠦᠨ ᠪᠠᠰᠠ ᠴᠦ᠍ ᠪᠣᠢ᠃ 《ᠨᠠᠰᠤ ᠠᠬᠢᠭᠰᠠᠨ ᠴᠦ᠍ ᠬᠠᠶᠠ(ᠲᠣᠬᠢᠶᠠᠬᠤ ᠳ᠋ᠤ᠌) ᠪᠡᠶᠡ ᠬᠥᠩᠭᠡᠷᠡᠴᠦ ᠰᠠᠢᠬᠠᠨ ᠪᠣᠯᠬᠤ ᠶ᠋ᠢᠨ ᠰᠠᠴᠠᠭᠤ ᠰᠡᠳᠬᠢᠯ ᠢ᠋ ᠠᠮᠠᠷᠠᠭᠠᠳᠠᠭ》᠃ ᠢᠩᠭᠢᠬᠦᠯᠡᠷ ᠪᠡᠶᠡ ᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦ᠂ ᠶᠡᠷᠦᠩᠬᠡᠢ ᠵᠢᠪᠬᠤᠭᠠ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠳ᠋ᠤ᠌ ᠥᠪᠡᠷ ᠢ᠋ ᠪᠡᠨ ᠨᠠᠰᠤ ᠥᠨᠳᠥᠷ ᠪᠣᠯᠵᠤ ᠪᠠᠢᠨᠠ ᠭᠡᠳ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠦᠰᠡᠯ ᠢ᠋ᠶ᠋ᠡᠨ ᠠᠯᠪᠠ ᠪᠠᠷ ᠬᠣᠷᠢᠭᠯᠠᠬᠤ ᠬᠡᠷᠡᠭ ᠦᠭᠡᠢ ᠶᠦᠮ᠃ ᠲᠡᠭᠦᠪᠡᠷ ᠴᠦ᠍ ᠪᠠᠷᠠᠬᠤ ᠦᠭᠡᠢ ᠨᠠᠰᠤ ᠠᠬᠢᠭᠰᠠᠨ ᠬᠥᠮᠦᠨ ᠣᠯᠠᠨ ᠬᠣᠨᠣᠭ᠂ ᠰᠠᠷᠠ ᠪᠠᠷ ᠰᠣᠢᠪᠠᠯ ᠪᠡᠯᠭᠡ ᠶ᠋ᠢᠨ ᠴᠢᠳᠠᠪᠤᠷᠢ ᠨᠢ ᠴᠦ᠍ ᠦᠯᠡᠮᠵᠢ ᠳᠣᠷᠣᠢᠲᠠᠳᠠᠭ ᠲᠡᠳᠦᠢ ᠦᠭᠡᠢ ᠪᠡᠶᠡ ᠳ᠋ᠦ᠍ᠨᠢ ᠮᠠᠭᠤ ᠢᠷᠣᠠ ᠨᠥᠯᠥᠭᠡᠯᠡᠳᠡᠭ᠃ ᠢᠳᠡᠷ ᠪᠠ ᠢᠳᠡ ᠨᠠᠰᠤᠨ ᠤ᠋ ᠡᠷᠡᠴᠦᠳ ᠦ᠋ᠨ ᠵᠡᠭᠦᠳᠦ᠂ ᠨᠣᠢᠷ ᠲᠠᠭᠠᠨ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠠᠯᠳᠠᠬᠤ ᠵᠠᠮ ᠢ᠋ᠶ᠋ᠠᠷ ᠪᠡᠶᠡ ᠡᠴᠡ ᠪᠡᠨ ᠭᠠᠳᠠᠭᠰᠢᠯᠠᠭᠤᠯᠵᠤ᠂ ᠪᠡᠯᠭᠡ ᠶ᠋ᠢᠨ ᠲᠡᠩᠴᠡᠭᠦᠷᠢᠲᠦ ᠪᠠᠢᠳᠠᠯ ᠢ᠋ᠶ᠋ᠠᠨ ᠬᠠᠳᠠᠭᠠᠯᠠᠵᠤ ᠴᠢᠳᠠᠨᠠ᠃ ᠲᠡᠢᠮᠦ ᠡᠴᠡ ᠳᠤᠷᠠ ᠬᠦᠰᠡᠯ ᠢ᠋ᠶ᠋ᠡᠨ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠲᠡᠪᠴᠢᠬᠦ ᠨᠢ ᠲᠡᠳᠡᠨ ᠦ᠌ ᠪᠡᠶᠡ ᠳ᠋ᠦ᠍ ᠶᠠᠮᠠᠷ ᠴᠦ᠍ ᠬᠣᠣᠷ ᠪᠣᠯᠬᠤ ᠦᠭᠡᠢ᠃ ᠲᠡᠭᠡᠪᠡᠯ ᠠᠬᠢᠮᠠᠭ ᠨᠠᠰᠤᠨ ᠳ᠋ᠤ᠌ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠡᠯᠡ ᠡᠭᠡᠨᠡᠭᠰᠢᠨ ᠳᠠᠰᠤᠨ ᠵᠣᠬᠢᠴᠠᠬᠤ ᠴᠢᠳᠠᠪᠤᠷᠢ ᠬᠠᠷᠢᠳᠠᠭ ᠤᠴᠢᠷ ᠠ᠋ᠴᠠ ᠣᠯᠠᠨ ᠬᠣᠨᠣᠭ᠂ ᠰᠠᠷᠠ ᠰᠣᠢᠭᠳᠠᠬᠤ ᠳ᠋ᠤ᠌ ᠪᠡᠶᠡ ᠳ᠋ᠦ᠍ ᠬᠤᠷᠠᠮᠲᠤᠭᠳᠠᠬᠤ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠭᠠᠳᠠᠭᠰᠢᠯᠠᠬᠤ ᠥᠭ《ᠳᠣᠲᠣᠭᠰᠢᠯᠠᠨᠠ》᠃ ᠡᠭᠦᠨ ᠦ᠌ ᠤᠯᠠᠮ ᠠ᠋ᠴᠠ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠡᠷᠬᠡᠲᠡᠨ ᠥᠨᠳᠡᠢᠬᠦ᠂ ᠬᠥᠪᠴᠢᠷᠡᠬᠦ ᠳᠤᠷᠠ ᠦᠭᠡᠢ ᠪᠣᠯᠵᠤ᠂ ᠣᠢᠷᠠᠲᠤᠬᠤ ᠬᠦᠰᠡᠯᠡᠩ ᠤᠯᠠᠮ ᠪᠦᠷ ᠤᠨᠲᠠᠷᠠᠨᠠ᠃ ᠡᠢᠮᠦ ᠡᠴᠡ ᠠᠬᠢᠮᠠᠭ ᠨᠠᠰᠤᠨ ᠤ᠋ ᠬᠥᠮᠦᠨ ᠬᠤᠷᠢᠴᠠᠯ ᠤ᠋ᠨ ᠲᠣᠭᠠ ᠬᠡᠮᠵᠢᠶᠡ ᠪᠡᠨ ᠠᠯᠪᠠ ᠪᠠᠷ ᠴᠥᠭᠡᠯᠡᠬᠦ ᠶ᠋ᠢ ᠡᠷᠡᠮᠡᠯᠵᠡᠬᠦ ᠬᠡᠷᠡᠭ ᠦᠭᠡᠢ᠃ ᠭᠡᠲᠡᠯᠡ ᠬᠢᠵᠡᠭᠡᠯ ᠨᠠᠰᠤᠨ ᠤ᠋ ᠵᠠᠷᠢᠮ ᠬᠥᠮᠦᠰ ᠪᠡᠯᠭᠡ ᠶ᠋ᠢᠨ ᠴᠢᠳᠠᠪᠤᠷᠢ ᠪᠠᠨ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠬᠡᠪ ᠢ᠋ᠶ᠋ᠡᠷ ᠬᠠᠳᠠᠭᠠᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠬᠦᠴᠦ ᠪᠡᠨ ᠵᠣᠷᠢᠭᠤᠳᠠ ᠨᠥᠭᠡᠵᠦ᠂《ᠠᠷᠪᠢᠯᠠᠨ ᠬᠡᠮᠨᠡᠬᠦ》 ᠨᠢ ᠲᠤᠰᠠ ᠦᠭᠡᠢ᠃ ᠪᠠᠰᠠ ᠡᠰᠡ ᠪᠣᠰᠤᠨ ᠡᠮ ᠳᠠᠩ ᠬᠡᠷᠡᠭᠯᠡᠨ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠬᠦᠴᠦ ᠪᠡᠷ《ᠰᠢᠪᠬᠠᠭᠤᠷᠳᠠᠬᠤ》 ᠨᠢ ᠴᠦ᠍ ᠲᠤᠰᠠ ᠪᠠᠷ ᠪᠠᠭᠠ ᠶᠤᠮ᠃ ᠣᠷᠣᠢ ᠶ᠋ᠢᠨ ᠳᠡᠭᠡᠳᠦ ᠲᠥᠷᠥ ᠶ᠋ᠢᠨ ᠮᠢᠨᠢ ᠰᠦᠷ ᠰᠦᠯᠳᠡ᠂ ᠪᠤᠶᠠᠨ ᠵᠠᠶᠠᠭᠠ ᠲᠡᠳᠬᠦᠨ ᠲᠦᠰᠢᠵᠦ᠂ ᠮᠠᠨ ᠤ᠋ ᠬᠥᠮᠦᠨ ᠠᠮᠠ ᠶ᠋ᠢᠨ ᠳᠤᠮᠳᠠᠴᠢ ᠨᠠᠰᠤ65 ᠬᠦᠷᠦᠯᠡ᠃ ᠡᠢᠨᠬᠦ ᠳᠤᠮᠳᠠᠴᠢ ᠨᠠᠰᠤ ᠤᠷᠲᠤᠳᠤᠭᠰᠠᠨ ᠤ᠋ ᠬᠢᠷᠢ ᠪᠡᠷ ᠬᠢᠵᠠᠭᠡᠯ ᠪᠠ ᠠᠬᠢᠮᠠᠭ ᠨᠠᠰᠤᠨ ᠤ᠋ ᠬᠥᠮᠦᠰ ᠦ᠋ᠨ ᠲᠣᠭᠠ ᠣᠯᠠᠰᠢᠷᠠᠬᠤ᠂ ᠵᠢᠷᠠ ᠱᠦᠷᠭᠦᠭᠡᠭᠰᠡᠨ ᠬᠥᠮᠦᠨ ᠥᠪᠡᠷ ᠢ᠋ ᠪᠡᠨ ᠲᠡᠢᠮᠦ ᠴᠦ᠍ ᠬᠥᠭᠰᠢᠨ ᠳ᠋ᠦ᠍ ᠲᠣᠭᠠᠴᠢᠬᠤ ᠦᠭᠡᠢ ᠪᠠᠢᠨᠠ᠃ ᠥᠩᠭᠡᠷᠡᠭᠰᠡᠨ ᠣᠨ ᠤ᠋ ᠬᠥᠮᠦᠨ ᠠᠮᠠ ᠶ᠋ᠢᠨ ᠲᠣᠭᠠᠯᠠᠯᠭᠠ ᠶ᠋ᠢᠨ ᠳ᠋ᠦᠩ ᠡᠴᠡ ᠦᠵᠡᠬᠦ ᠳ᠋ᠦ᠍ ᠮᠠᠨ ᠤ᠋ ᠳ᠋ᠤ᠌ ᠵᠠᠭᠤ ᠶ᠋ᠢᠨ ᠲᠠᠯᠠ ᠠ᠋ᠴᠠ ᠳᠡᠭᠡᠭᠰᠢ ᠨᠠᠰᠤᠲᠠᠨ222 ᠭᠠᠷᠤᠢ ᠪᠠᠢᠭᠠ ᠪᠥᠭᠡᠳ ᠲᠡᠳᠡᠭᠡᠷ ᠦ᠋ᠨ46.5% ᠨᠢ ᠡᠷᠡᠭᠲᠡᠢ᠂ ᠦᠯᠡᠳᠡᠭᠰᠡᠨ ᠬᠤᠪᠢ ᠨᠢ ᠡᠮᠡᠭᠲᠡᠢ ᠠᠵᠤᠭᠤ᠃ ᠭᠡᠪᠡᠴᠦ ᠶᠠᠭᠤ ᠲᠡᠳᠡᠨ ᠳ᠋ᠦ᠍ ᠵᠣᠷᠢᠭᠤᠯᠤᠭᠰᠠᠨ ᠭᠠᠷ ᠤ᠋ᠨ ᠠᠪᠤᠯᠭᠠ᠂ ᠯᠧᠺᠼᠢ᠂ ᠵᠥᠪᠯᠡᠮᠵᠢ ᠲᠡᠷᠡ ᠪᠦᠷᠢ ᠶ᠋ᠢᠨ ᠪᠡᠯᠡᠨ ᠵᠠᠯᠠᠨ ᠪᠠᠢᠬᠤ ᠦᠭᠡᠢ ᠪᠠᠢᠭᠠ ᠶ᠋ᠢ ᠮᠡᠳᠡᠭᠰᠡᠭᠡᠷ᠂ ᠣᠢᠯᠭᠠᠭᠰᠠᠭᠠᠷ ᠪᠠᠢᠵᠤ᠂ ᠴᠢᠰᠤ ᠰᠢᠩᠭᠡᠨ ᠴᠦ᠍ ᠭᠡᠯᠡ ᠭᠡᠰᠡᠨ ᠡᠮᠴᠢ ᠬᠥᠮᠦᠨ ᠦ᠌ ᠬᠤᠪᠢ ᠳ᠋ᠤ᠌᠂ ᠪᠠᠰᠠ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠰᠤᠳᠤᠯᠤᠭᠴᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠪᠤᠶᠠᠨ ᠪᠣᠯᠬᠤ ᠮᠠᠭᠠᠳ ᠭᠡᠮᠡᠨ ᠮᠡᠬᠦᠰᠬᠡᠨ ᠣᠶᠤᠨ ᠪᠣᠳᠣᠯ ᠢ᠋ᠶ᠋ᠠᠨ ᠰᠢᠷᠭᠢᠭᠡᠨ ᠪᠠᠢᠵᠤ ᠡᠨᠡ ᠪᠦᠬᠦᠨ ᠢ᠋ ᠲᠠ ᠪᠦᠬᠦᠨ ᠳ᠋ᠡᠭᠡᠨ ᠲᠣᠯᠢᠯᠠᠭᠤᠯᠵᠤ ᠪᠣᠢ ᠨᠢ ᠡᠨᠡ ᠪᠥᠯᠥᠭᠡ᠃ ᠡᠢᠨᠬᠦ᠂ ᠪᠤᠴᠠᠬᠤ ᠳ᠋ᠤ᠌ ᠠᠯᠠᠭ ᠦᠭᠡᠢ ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠳ᠋ᠤ᠌ ᠲᠥᠷᠥᠵᠦ ᠥᠰᠦᠭᠡᠳ᠂ ᠡᠪᠦᠭᠡᠷᠡᠵᠦ ᠥᠲᠡᠯᠬᠦ ᠨᠢ ᠪᠠᠢᠭᠠᠯᠢ ᠶ᠋ᠢᠨ ᠵᠢᠮᠡ ᠶᠣᠰᠣᠨ ᠤ᠋ ᠬᠣᠢᠨᠠ ᠲᠡᠭᠦᠨ ᠢ᠋ ᠳᠠᠭᠠᠷᠢᠬᠤ ᠦᠭᠡᠢ᠂ ᠲᠣᠭᠣᠷᠢᠨ ᠭᠠᠷᠬᠤ ᠬᠡᠨ ᠪᠠᠢᠬᠤᠪ᠃ ᠬᠥᠮᠦᠨ ᠪᠦᠬᠦᠨ ᠦᠵᠡᠵᠦ ᠥᠩᠭᠡᠷᠡᠭᠦᠯᠬᠦ ᠲᠠᠪᠢᠯᠠᠩ ᠲᠠᠢ ᠡᠨᠡᠬᠦ ᠪᠢᠣᠯᠣᠭᠢ ᠶ᠋ᠢᠨ ᠨᠡᠢᠲᠡᠯᠢᠭ ᠦᠵᠡᠭᠳᠡᠯ ᠨᠢ ᠬᠡᠨ ᠦ᠌ ᠴᠦ᠍ ᠰᠠᠨᠠᠭᠠᠨ ᠳ᠋ᠤ᠌ ᠣᠷᠣᠮᠠ ᠦᠭᠡᠢ ᠨᠠᠷᠢᠨ ᠵᠦᠢ ᠲᠣᠭᠲᠠᠭᠠᠯ ᠲᠠᠢ ᠠᠵᠠᠢ᠃ ᠲᠤᠬᠠᠢᠯᠠᠪᠠᠯ᠂ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠡᠷᠬᠡᠲᠡᠨ᠂ ᠰᠢᠰᠲ᠋ᠧᠮ ᠦ᠋ᠳ ᠳᠠᠭᠤ ᠳᠠᠭᠤ ᠪᠠᠨ ᠠᠪᠤᠯᠴᠠᠭᠰᠠᠨ ᠶᠤᠮ ᠰᠢᠭ᠋ ᠨᠢᠭᠡᠨ ᠵᠡᠷᠭᠡ《ᠥᠲᠡᠯᠬᠦ ᠦᠭᠡᠢ》 ᠨᠢ ᠭᠠᠢᠬᠠᠯᠲᠠᠢ᠃ ᠨᠢᠭᠡ ᠦᠭᠡ ᠪᠡᠷ ᠬᠡᠯᠡᠪᠡᠯ᠂ ᠥᠲᠡᠯᠬᠦ ᠦᠢᠯᠡ ᠶᠠᠪᠤᠴᠠ ᠡᠷᠬᠡᠲᠡᠨ᠂ ᠰᠢᠰᠲ᠋ᠧᠮ ᠪᠣᠯᠭᠠᠨ ᠳ᠋ᠤ᠌ ᠴᠠᠭ ᠬᠤᠭᠤᠴᠠᠭᠠᠨ ᠤ᠋ ᠬᠤᠪᠢ ᠳ᠋ᠤ᠌ ᠡᠷᠲᠡ᠂ ᠣᠷᠣᠢ᠂ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ᠂《ᠲᠡᠭᠰᠢ ᠭᠡᠮ ᠦᠭᠡᠢ》 ᠶᠠᠪᠤᠭᠳᠠᠳᠠᠭ ᠠᠵᠠᠢ᠃ ᠲᠡᠢᠮᠦ ᠡᠴᠡ ᠨᠠᠰᠤ ᠰᠠᠴᠠᠭᠤᠳᠠᠨ ᠨᠤᠭᠤᠳ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠪᠠᠭᠤᠷᠠᠬᠤ ᠦᠶᠡ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠣᠨᠳᠣᠣ ᠣᠨᠳᠣᠣ ᠪᠠᠢᠨᠠ᠃ ᠲᠤᠬᠠᠢᠯᠠᠪᠠᠯ᠂ ᠵᠢᠷᠠ ᠬᠦᠷᠦᠭᠰᠡᠨ ᠨᠠᠰᠤᠲᠠᠨ ᠨᠤᠭᠤᠳ ᠤ᠋ᠨ ᠨᠢᠭᠡ ᠬᠡᠰᠡᠭ ᠨᠢ ᠠᠯᠢ ᠬᠡᠳᠦᠢᠨᠡᠢ《ᠠᠵᠢᠯ ᠬᠥᠨᠳᠡᠢᠷᠡᠭᠰᠡᠨ》 ᠪᠠᠢᠬᠤ ᠳ᠋ᠤ᠌ ᠨᠥᠭᠦᠭᠡ ᠬᠡᠰᠡᠭ ᠨᠢ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠪᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠪᠠᠢᠬᠤ ᠪᠠᠷ ᠦᠯᠦ ᠪᠠᠷᠠᠮ ᠳᠠᠯᠠ᠂ ᠨᠠᠶᠠ᠂ ᠶᠡᠷᠡ ᠬᠦᠷᠲᠡᠯᠡ ᠶᠠᠩᠵᠤ ᠪᠠᠷ ᠢ᠋ᠶ᠋ᠠᠨ ᠪᠠᠢᠬᠤ᠂ ᠨᠠᠰᠤ ᠭᠠᠷᠤᠭᠰᠠᠨ ᠴᠦ᠍ ᠵᠠᠯᠠᠭᠤᠬᠠᠨ ᠡᠬᠡᠨᠡᠷ ᠲᠡᠢ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠵᠤ ᠶᠠᠪᠤᠭᠠ ᠤᠯᠤᠰ ᠪᠢᠰᠢᠭᠦᠢ ᠪᠣᠢ᠃ ᠡᠵᠡᠨ ᠴᠢᠩᠭᠢᠰ ᠦ᠋ᠨ ᠤᠳᠤᠮ ᠲᠠᠢ ᠪᠢᠳᠡᠨ ᠦ᠌ ᠮᠣᠩᠭᠣᠯᠴᠤᠳ ᠪᠡᠯᠭᠡ ᠶ᠋ᠢᠨ ᠴᠢᠳᠠᠪᠬᠢ(ᠴᠢᠯᠬᠠ) ᠰᠠᠢᠲᠠᠢ ᠪᠠᠷ ᠢ᠋ᠶ᠋ᠠᠨ ᠳᠡᠯᠡᠬᠡᠢ ᠳ᠋ᠦ᠍ ᠵᠠᠷ ᠲᠠᠢ ᠤᠯᠤᠰ ᠭᠡᠬᠦ ᠳ᠋ᠦ᠍ ᠦᠭᠡᠢ ᠭᠡᠬᠦ ᠭᠠᠵᠠᠷ ᠦᠭᠡᠢ᠃ ᠶᠠᠮᠠᠷ ᠰᠤᠯᠠ ᠳᠣᠷᠣᠢ ᠪᠠᠢᠲᠠᠯᠠ ᠳᠠᠯᠠ ᠭᠠᠷᠤᠭᠰᠠᠨ ᠬᠥᠭᠰᠢᠳ ᠬᠦᠷᠲᠡᠯᠡ《 ᠪᠡᠨ ᠰᠥᠨᠢ ᠶ᠋ᠢᠨ ᠨᠢᠭᠡ ᠡᠴᠡ ᠢᠯᠡᠭᠦᠦ ᠴᠢᠳᠠᠬᠤ ᠪᠠᠨ ᠪᠣᠯᠢᠭᠠᠳ ᠪᠠᠢᠨᠠ᠁》 ᠭᠡᠵᠦ ᠴᠢᠮᠠᠯᠠᠨ ᠰᠠᠭᠤᠬᠤ ᠪᠢᠯᠡ᠃ ᠡᠭᠦᠨ ᠢ᠋ ᠵᠥᠪᠯᠡᠯᠲᠦ ᠶ᠋ᠢᠨ ᠢᠷᠠᠭᠤ ᠨᠠᠢᠷᠠᠭᠴᠢ ᠶᠧ᠂ ᠶᠸᠪᠲ᠋ᠤᠱᠸᠨᠺᠦ ᠮᠠᠨ ᠤ᠋ ᠤᠯᠤᠰ ᠲᠤ᠌ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠦ᠌ ᠳᠠᠷᠠᠭᠠ1980 ᠣᠨ ᠤ᠋ ᠰᠡᠭᠦᠯᠴᠢ ᠪᠡᠷ ᠠᠮᠧᠷᠢᠺᠠ ᠶ᠋ᠢᠨ《ᠯᠠᠢᠹ》 ᠰᠡᠳᠬᠦᠯ ᠳ᠋ᠦ᠍ ᠠᠩᠬᠠ ᠪᠢᠴᠢᠵᠦ ᠬᠡᠪᠯᠡᠭᠦᠯᠦᠭᠰᠡᠨ ᠲᠡᠮᠳᠡᠭᠯᠡᠯ ᠡᠴᠡ ᠴᠦ᠍ ᠦᠵᠡᠭᠰᠡᠨ ᠲᠣᠪ ᠲᠣᠳᠣᠷᠬᠠᠢ ᠪᠠᠢᠨᠠ᠃ ᠭᠡᠪᠡᠴᠦ ᠮᠠᠨᠠᠢᠬᠢᠨ ᠥᠪᠡᠷᠰᠡᠳ ᠢ᠋ ᠪᠡᠨ ᠪᠠᠰᠤᠮᠵᠢᠯᠠᠭᠰᠠᠨ ᠬᠠᠴᠢᠨ ᠤᠯᠤᠰ᠃
ᠭᠠᠳᠠᠭᠠᠳᠤ ᠶ᠋ᠢᠨ ᠵᠠᠷᠢᠮ ᠬᠠᠮᠲᠤᠯᠢᠭ ᠠᠶᠠ ᠳᠠᠭᠤᠨ ᠳ᠋ᠠᠭᠠᠨ ᠬᠦᠷᠲᠡᠯᠡ ᠴᠢᠩᠭᠢᠰ ᠬᠠᠭᠠᠨ ᠢ᠋ ᠮᠢᠨᠢ ᠰᠢᠲᠦᠨ ᠪᠢᠰᠢᠷᠡᠵᠦ ᠪᠠᠢᠬᠤ ᠳ᠋ᠤ᠌ ᠪᠢᠳᠡ ᠲᠡᠭᠦᠨ ᠦ᠌ ᠬᠠᠯᠠᠭᠤᠨ ᠮᠢᠬᠠ᠂ ᠴᠢᠰᠤᠨ ᠤ᠋ ᠲᠠᠰᠤᠷᠬᠠᠢ᠂ ᠬᠠᠪᠲᠠᠭᠠᠢ ᠶᠠᠰᠤᠨ ᠤ᠋ ᠬᠡᠯᠲᠡᠷᠬᠡᠢ ᠨᠢ ᠮᠥᠷᠲᠡᠭᠡᠨ ᠰᠠᠶᠢᠬᠠᠨ ᠪᠣᠯᠲᠠᠯᠠ ᠨᠡᠷᠡ ᠠᠯᠳᠠᠷ ᠢ᠋ ᠨᠢ ᠬᠡᠯᠡᠬᠦ ᠡᠴᠡ ᠠᠶᠤᠳᠠᠭ᠂ ᠪᠣᠯᠭᠣᠮᠵᠢᠯᠠᠳᠠᠭ ᠪᠠᠢᠯᠠ ᠰᠢᠦ ᠳᠡ᠃ ᠪᠢᠳᠡᠨ ᠦ᠌ ᠮᠣᠩᠭᠣᠯᠴᠤᠳ ᠴᠥᠭᠡᠨ ᠴᠦ᠍ ᠳᠡᠯᠡᠬᠡᠢ ᠶ᠋ᠢ ᠳᠣᠩᠰᠣᠯᠭᠠᠭᠰᠠᠨ ᠠᠯᠳᠠᠷ ᠴᠤᠤ ᠲᠠᠢ ᠤᠯᠤᠰ᠃ ᠨᠠᠰᠤᠲᠠᠢ ᠬᠥᠮᠦᠨ ᠦ᠌ ᠬᠡᠦᠬᠡᠳ ᠪᠡᠶᠡ ᠰᠤᠯᠠᠲᠠᠢ ᠪᠠᠢᠳᠠᠭ ᠨᠢ ᠦᠨᠡᠨ ᠦ᠌ ᠬᠤᠪᠢ ᠲᠠᠢ ᠪᠣᠯᠪᠠᠴᠤ ᠪᠠᠰᠠ ᠵᠠᠪᠠᠯ ᠲᠡᠢᠮᠦ ᠪᠠᠢᠬᠤ ᠠᠯᠪᠠ ᠲᠠᠢ ᠴᠦ᠍ ᠪᠢᠰᠢ᠃ ᠨᠠᠰᠤᠲᠠᠢ ᠬᠥᠮᠦᠨ ᠡᠴᠡ ᠬᠣᠷᠸᠠ ᠳ᠋ᠤ᠌ ᠬᠣᠣᠰ ᠦᠭᠡᠢ ᠡᠷᠳᠡᠮ ᠲᠡᠢ ᠦᠷᠡ ᠵᠠᠶᠠᠭᠠᠬᠤ ᠶ᠋ᠢ ᠠᠯᠢ ᠶ᠋ᠢ ᠲᠡᠷᠡ ᠭᠡᠬᠦ ᠪᠢᠯᠡ᠃ ᠭᠡᠪᠡᠴᠦ ᠨᠠᠰᠤ ᠨᠡᠮᠡᠬᠦ ᠲᠣᠰᠤᠮ ᠪᠢᠳᠡᠨ ᠦ᠌ ᠪᠡᠶᠡ ᠳ᠋ᠦ᠍ ᠶᠠᠮᠠᠷ ᠨᠢᠭᠡᠨ ᠡᠮᠭᠡᠭ ᠬᠠᠭᠤᠴᠢ ᠲᠣᠭᠲᠠᠬᠤ ᠠ᠋ᠴᠠ ᠭᠠᠳᠠᠨᠠ ᠢᠯᠭᠠᠷᠠᠨ ᠭᠠᠷᠬᠤ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠬᠡᠮᠵᠢᠶᠡ ᠪᠠᠭᠠᠰᠴᠤ᠂ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠰ ᠦ᠋ᠨ ᠲᠣᠭᠠ ᠴᠥᠭᠡᠷᠡᠵᠦ᠂ ᠬᠥᠳᠡᠯᠭᠡᠨ ᠨᠢ ᠮᠠᠭᠤᠳᠠᠬᠤ ᠬᠠᠨᠳᠤᠯᠭᠠ ᠲᠠᠢ ᠪᠣᠯᠳᠠᠭ᠃ ᠡᠨᠡ ᠪᠦᠬᠦᠨ ᠲᠥᠷᠥᠬᠦ ᠬᠡᠦᠬᠡᠳ ᠦ᠋ᠨ ᠡᠷᠡᠭᠦᠯ ᠮᠡᠨᠳᠦ ᠳ᠋ᠦ᠍ ᠶᠠᠮᠠᠷ ᠨᠢᠭᠡᠨ ᠬᠡᠮᠵᠢᠶᠡ ᠪᠡᠷ ᠨᠥᠯᠥᠭᠡᠯᠡᠬᠦ ᠨᠢ ᠬᠠᠷᠠ ᠬᠠᠷᠠ ᠤᠬᠠᠭᠠᠨ ᠢ᠋ᠶ᠋ᠠᠷ ᠪᠣᠳᠣᠭᠰᠠᠨ ᠴᠦ᠍ ᠪᠣᠳᠣᠭᠠᠴᠢ ᠶ᠋ᠢᠨ ᠬᠡᠷᠡᠭ᠃ ᠲᠡᠭᠦᠨᠴᠢᠯᠡᠨ ᠲᠠᠷᠭᠤᠯᠠᠬᠤ᠂ ᠲᠤᠷᠠᠬᠤ᠂ ᠪᠡᠶᠡ ᠶᠠᠳᠠᠷᠠᠬᠤ ᠰᠡᠳᠬᠢᠯ ᠦ᠋ᠨ ᠡᠯᠳᠡᠪ ᠳᠠᠷᠤᠯᠲᠠ ᠴᠦ᠍ ᠪᠠᠭᠠ ᠦᠭᠡᠢ ᠨᠥᠯᠥᠭᠡ ᠲᠡᠢ᠃ ᠡᠢᠮᠦ ᠨᠥᠬᠥᠴᠡᠯ ᠳ᠋ᠦ᠍ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠪᠡᠶᠡ ᠶ᠋ᠢᠨ ᠡᠰᠡᠷᠭᠦᠴᠡᠯ ᠮᠠᠭᠤᠲᠠᠢ ᠪᠠᠢᠬᠤ ᠠ᠋ᠴᠠ ᠭᠠᠳᠠᠨᠠ ᠣᠶᠤᠨ ᠤ᠋ ᠬᠣᠮᠰᠠᠳᠠᠯ ᠵᠡᠷᠭᠡ ᠮᠡᠳᠡᠷᠡᠯ— ᠰᠡᠳᠬᠢᠴᠡ ᠶ᠋ᠢᠨ ᠵᠠᠷᠢᠮ ᠡᠪᠡᠳᠴᠢᠨ ᠡᠮᠭᠡᠭ ᠢᠯᠡᠷᠡᠬᠦ ᠨᠢ ᠢᠯᠡᠭᠦᠦ ᠪᠠᠢᠳᠠᠭ᠃ ᠲᠠᠪᠢ ᠭᠠᠷᠤᠭᠰᠠᠨ ᠡᠷᠡ ᠬᠥᠮᠦᠨ ᠦᠷᠡ ᠲᠣᠭᠲᠠᠭᠠᠬᠤ ᠴᠢᠳᠠᠪᠤᠷᠢ ᠪᠠᠨ ᠬᠠᠳᠠᠭᠠᠯᠠᠬᠤ ᠪᠣᠯᠪᠠᠴᠤ ᠪᠡᠯᠭᠡ ᠶ᠋ᠢᠨ ᠴᠢᠳᠠᠪᠤᠷᠢ(ᠴᠢᠯᠬᠠ) ᠬᠠᠷᠢᠭᠰᠠᠨ ᠪᠠᠢᠳᠠᠭ᠃ ᠲᠡᠢᠮᠦ ᠡᠴᠡ ᠥᠴᠢᠨᠡᠨ ᠵᠢᠯ ᠬᠠᠨᠢᠯᠠᠭᠰᠠᠨ ᠬᠠᠨᠢ ᠲᠠᠢ ᠪᠠᠨ ᠴᠣᠭ ᠤᠨᠲᠠᠬᠤ ᠬᠦᠰᠡᠯᠡᠩ ᠪᠠᠢᠪᠠᠴᠤ ᠳᠥᠩᠭᠡᠬᠦ ᠦᠭᠡᠢ ᠪᠣᠯᠤᠭᠰᠠᠨ ᠳ᠋ᠤ᠌ ᠰᠡᠳᠬᠢᠯ ᠰᠠᠨᠠᠭᠠ ᠨᠢ ᠪᠠᠬᠠᠨ ᠬᠢᠮᠤᠷᠠᠵᠤ᠂ ᠭᠤᠲᠤᠷᠠᠵᠤ ᠶᠠᠪᠤᠬᠤ ᠨᠢ ᠴᠦ᠍ ᠪᠣᠢ᠃ ᠢᠯᠠᠩᠭᠤᠶᠠ ᠨᠠᠰᠤᠨ ᠤ᠋ ᠵᠥᠷᠢᠶᠡ ᠶᠡᠬᠡ ᠪᠣᠯ ᠪᠦᠷ ᠴᠢᠭ ᠶᠠᠭ ᠦᠭᠡᠢ᠃ ᠡᠢᠮᠦ ᠳ᠋ᠦ᠍ ᠦᠶᠡ ᠮᠤᠯᠲᠤᠷᠠᠭᠰᠠᠨ ᠳᠡᠭᠦᠦ ᠬᠥᠮᠦᠨ ᠲᠡᠢ ᠲᠣᠯᠣᠭᠠᠢ ᠬᠣᠯᠪᠣᠪᠠᠯ ᠬᠣᠵᠢᠮ ᠤ᠋ᠨ ᠡᠳᠦᠷ ᠰᠡᠳᠬᠢᠯ ᠦ᠋ᠨ ᠪᠥᠭᠡᠮ ᠵᠣᠪᠠᠯᠠᠩ ᠳ᠋ᠤ᠌ ᠤᠨᠠᠬᠤ ᠪᠣᠢ! ᠨᠥᠬᠥᠷ ᠨᠢ ᠲᠠᠪᠢ ᠭᠠᠷᠴᠤ ᠪᠠᠢᠬᠤ ᠳ᠋ᠤ᠌ ᠡᠬᠡᠨᠡᠷ ᠨᠢ ᠢᠳᠡ ᠵᠠᠯᠠᠭᠤ ᠪᠠᠷ ᠢ᠋ᠶ᠋ᠠᠨ᠂ ᠳᠥᠩᠭᠡᠵᠢ ᠭᠤᠴᠢ᠂ ᠭᠤᠴᠢᠨ ᠲᠠᠪᠤᠲᠠᠢ ᠪᠠᠢᠵᠤ ᠪᠣᠯᠬᠤ ᠰᠢᠦ ᠳᠡ᠃ ᠨᠠᠰᠤᠨ ᠤ᠋ ᠡᠢᠮᠦ ᠶᠡᠬᠡ ᠬᠣᠯᠠ ᠵᠥᠷᠢᠶᠡ ᠲᠡᠢ ᠬᠥᠮᠦᠰ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠲᠠᠯᠠ ᠪᠠᠷ ᠬᠣᠭᠣᠷᠣᠨᠳᠣ ᠪᠠᠨ ᠦᠶᠡ ᠳᠠᠩ ᠤ᠋ᠨ ᠤᠯᠤᠰ ᠰᠢᠭ᠋ ᠪᠠᠢᠵᠤ ᠴᠢᠳᠠᠨᠠ ᠭᠡᠵᠢ ᠤᠤ ᠳᠠ᠃ ᠡᠭᠦᠨ ᠡᠴᠡ ᠪᠣᠯᠤᠭᠠᠳ ᠡᠷᠦᠬᠡ ᠭᠡᠷ ᠦ᠋ᠨ ᠡᠪ ᠲᠥᠨᠵᠢᠨ ᠬᠠᠭᠠᠷᠠᠵᠤ ᠪᠤᠲᠠᠷᠠᠬᠤ ᠶ᠋ᠢ ᠬᠡᠨ ᠡᠰᠡ ᠮᠡᠳᠡᠬᠦ ᠪᠢᠯᠡ ᠳᠠ᠃ ᠭᠡᠪᠡᠴᠦ ᠡᠪ ᠨᠠᠢᠷᠠᠮᠳᠠᠯ ᠲᠠᠢ᠂ ᠥᠨᠢᠷ ᠥᠳᠬᠡᠨ ᠭᠡᠷ ᠪᠦᠯᠢ ᠪᠠᠢᠳᠠᠭ ᠢ᠋ ᠴᠦ᠍ ᠠᠯᠢ ᠶ᠋ᠢ ᠲᠡᠷᠡ ᠭᠡᠬᠦᠪ᠃
50—60 ᠨᠠᠰᠤ ᠪᠣᠯ ᠪᠣᠳᠣᠵᠤ ᠰᠡᠳᠬᠢᠬᠦ ᠪᠦᠲᠦᠭᠡᠵᠦ ᠲᠤᠭᠤᠷᠪᠢᠬᠤ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠠᠨᠤᠬᠠᠨ ᠨᠠᠰᠤ ᠪᠢᠯᠡ᠃ ᠭᠡᠲᠡᠯᠡ ᠮᠠᠨᠠᠢᠬᠢᠨ ᠳᠥᠩᠭᠡᠵᠢ ᠳᠥᠴᠢ ᠬᠦᠷᠦᠭᠡᠳ ᠥᠲᠡᠯᠵᠦ ᠡᠪᠦᠭᠡᠷᠡᠬᠦ ᠶ᠋ᠢᠨ ᠲᠤᠬᠠᠢ ᠶᠠᠷᠢᠵᠤ ᠡᠬᠢᠯᠡᠳᠡᠭ ᠨᠢ ᠮᠥᠨ ᠴᠦ᠍ ᠲᠤᠰᠠ ᠦᠭᠡᠢ ᠠ᠋᠃ 40 ᠨᠠᠰᠤᠨ ᠳ᠋ᠤ᠌ ᠠᠮᠢᠳᠤᠷᠠᠯ ᠡᠬᠢᠯᠡᠳᠡᠭ ᠭᠡᠵᠦ ᠬᠣᠱᠣᠩᠨᠠᠳᠠᠭ ᠨᠢ ᠤᠴᠢᠷ ᠲᠠᠢ᠃ ᠳᠥᠴᠢ ᠳᠠᠪᠠᠭᠰᠠᠨ ᠡᠷᠡ᠂ ᠳᠥᠷᠪᠡ ᠪᠡᠨ ᠳᠠᠷᠤᠭᠰᠠᠨ ᠠᠳᠠ ᠭᠡᠵᠦ ᠶᠣᠰᠣᠲᠠᠢ ᠯᠠ ᠤᠬᠠᠭᠠᠨ ᠲᠣᠭᠲᠠᠵᠤ ᠬᠦᠴᠦ ᠲᠠᠮᠢᠷ ᠲᠡᠩᠴᠡᠵᠦ᠂ ᠭᠠᠷ ᠲᠠᠭᠠᠨ ᠴᠦ᠍ ᠪᠢᠷᠠ ᠲᠠᠢ᠂ ᠰᠡᠳᠬᠢᠯ ᠳ᠋ᠡᠭᠡᠨ ᠴᠦ᠍ ᠬᠦᠴᠦᠲᠡᠢ᠂ ᠨᠠᠰᠤᠨ ᠤ᠋ ᠨᠠᠯᠠᠭᠠᠷ ᠦᠶᠡ ᠶ᠋ᠢ ᠮᠣᠩᠭᠣᠯᠴᠤᠳ ᠣᠨᠴᠠ ᠮᠡᠷᠭᠡᠨ ᠬᠡᠯᠡᠵᠡᠢ᠃ ᠦᠨᠡᠨ ᠳ᠋ᠡᠭᠡᠨ ᠭᠡᠬᠦ ᠳ᠋ᠦ᠍ ᠳᠥᠴᠢᠨ ᠨᠠᠰᠤ ᠪᠦᠲᠦᠭᠡᠵᠦ ᠲᠤᠭᠤᠷᠪᠢᠬᠤ ᠢᠳᠡ ᠴᠡᠴᠡᠭᠯᠡᠯᠲᠡᠢ ᠦᠶᠡ᠂ ᠤᠬᠠᠭᠠᠨ ᠪᠣᠳᠣᠯ ᠲᠡᠭᠰᠢᠷᠡᠵᠦ᠂ ᠨᠠᠰᠤ ᠲᠣᠭᠲᠠᠵᠤ᠂ ᠨᠠᠮᠪᠠᠭᠠ ᠰᠠᠭᠤᠬᠤ ᠰᠠᠢᠬᠠᠨ ᠦᠶᠡ ᠶᠦᠮ᠃ ᠭᠡᠪᠡᠴᠦ ᠳᠥᠴᠢ ᠳᠠᠪᠠᠭᠰᠠᠨ ᠡᠷᠡᠴᠦᠳ ᠦ᠋ᠨ ᠭᠤᠷᠪᠠᠨ ᠤ᠋ ᠬᠣᠶᠠᠷ ᠨᠢ ᠲᠠᠮᠠᠬᠢ ᠲᠠᠲᠠᠵᠤ᠂ ᠳᠥᠷᠪᠡᠨ ᠦ᠌ ᠨᠢᠭᠡ ᠨᠢ ᠠᠷᠢᠬᠢ ᠬᠡᠷᠡᠭᠯᠡᠬᠦ ᠡᠴᠡ ᠪᠤᠴᠠᠬᠤ ᠦᠭᠡᠢ ᠪᠠᠢᠨᠠ᠃ ᠲᠡᠳᠡ ᠰᠠᠢᠨ ᠡᠬᠡᠨᠡᠷ᠂ ᠦᠷᠡ ᠬᠡᠦᠬᠡᠳ ᠦ᠋ᠨ ᠢ᠋ᠶ᠋ᠡᠨ ᠬᠠᠢᠷᠠ ᠬᠠᠯᠠᠮᠵᠢ ᠳ᠋ᠤ᠌ ᠲᠦᠰᠢᠭᠯᠡᠵᠦ᠂ ᠭᠡᠷ ᠣᠷᠣᠨ ᠤ᠋ ᠬᠠᠷᠠ ᠪᠣᠷᠣ ᠠᠵᠢᠯ ᠳ᠋ᠤ᠌ ᠬᠥᠳᠡᠯᠬᠦ ᠨᠢ ᠪᠠᠭᠠᠰᠤᠭᠰᠠᠭᠠᠷ ᠭᠤᠷᠪᠠᠨ ᠤ᠋ ᠨᠢᠭᠡ ᠨᠢ《ᠭᠦᠵᠡᠭᠡᠯᠡᠵᠡᠢ》᠃ ᠡᠨᠡ《ᠳᠥᠷᠪᠡᠨ ᠪᠡᠷᠬᠡ》 ᠡᠴᠡ ᠪᠣᠯᠤᠭᠠᠳ ᠳᠥᠴᠢ ᠭᠠᠷᠤᠭᠰᠠᠨ ᠡᠷᠡᠴᠦᠳ ᠦ᠋ᠨ ᠵᠢᠷᠦᠬᠡ᠂ ᠲᠠᠷᠢᠬᠢ᠂ ᠡᠯᠢᠭᠡ᠂ ᠠᠭᠤᠰᠬᠢ ᠭᠡᠳ ᠪᠡᠶᠡ ᠮᠠᠬᠠᠪᠣᠳ ᠢ᠋ ᠬᠥᠳᠡᠯᠭᠡᠬᠦ ᠭᠣᠣᠯ ᠬᠦᠴᠦ ᠨᠢ ᠥᠪᠡᠷ ᠦ᠋ᠨ ᠪᠤᠷᠤᠭᠤ ᠠ᠋ᠴᠠ《ᠲᠠᠮᠢᠷᠳᠠᠵᠤ》 ᠡᠬᠢᠯᠡᠨᠡ᠃ ᠢᠩᠭᠢᠭᠡᠳ ᠯᠡ ᠵᠢᠷᠦᠬᠡᠨ ᠦ᠌ ᠪᠤᠯᠴᠢᠷᠬᠠᠢ ᠶ᠋ᠢᠨ ᠰᠢᠭᠢᠳᠬᠡᠰᠦ᠂ ᠵᠢᠷᠦᠬᠡᠨ ᠦ᠌ ᠴᠢᠰᠤ ᠲᠠᠰᠤᠯᠳᠠᠬᠤ᠂ ᠴᠠᠰᠤᠨ ᠤ᠋ ᠳᠠᠷᠤᠯᠲᠠ ᠶᠡᠬᠡᠰᠬᠦ ᠡᠪᠡᠳᠴᠢᠨ ᠳ᠋ᠦ᠍ ᠢᠯᠡᠭᠦᠦ ᠥᠷᠲᠥᠭᠳᠡᠨᠡ᠃ ᠮᠥᠨ ᠰᠢᠬᠢᠷ ᠰᠢᠵᠢᠩ᠂ ᠬᠠᠮᠠᠷ ᠬᠣᠭᠣᠯᠠᠢ᠂ ᠪᠦᠳᠦᠭᠦᠨ ᠭᠡᠳᠡᠰᠦ᠂ ᠲᠦᠷᠦᠭᠦᠦ ᠪᠤᠯᠴᠢᠷᠬᠠᠢ ᠶ᠋ᠢᠨ ᠬᠠᠪᠤᠳᠠᠷ ᠵᠡᠷᠭᠡ ᠡᠪᠡᠳᠴᠢᠨ ᠡᠮᠭᠡᠭ ᠦ᠋ᠨ《ᠳᠣᠬᠢᠶᠠ》 ᠮᠡᠳᠡᠭᠳᠡᠵᠦ ᠡᠬᠢᠯᠡᠨᠡ᠃ ᠤᠯᠠᠮ ᠢ᠋ᠶ᠋ᠠᠷ ᠠᠬᠢᠮᠠᠭ ᠨᠠᠰᠤ ᠪᠠ ᠥᠲᠡᠯᠡ ᠨᠠᠰᠤᠨ ᠳ᠋ᠤ᠌ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠡᠷᠬᠡᠲᠡᠨ᠂ ᠰᠢᠰᠲ᠋ᠧᠮ ᠳ᠋ᠦ᠍ ᠣᠯᠠᠨ ᠲᠣᠭᠠᠨ ᠤ᠋ ᠡᠮᠭᠡᠭ ᠬᠠᠭᠤᠴᠢ ᠢᠯᠡᠷᠡᠨᠡ᠃ ᠲᠡᠳᠡᠭᠡᠷ ᠢ᠋ ᠭᠠᠳᠠᠭᠠᠳᠤ ᠶᠡᠬᠡ ᠳᠠᠯᠠᠢ ᠳ᠋ᠤ᠌ ᠬᠦᠪᠦᠵᠦ ᠪᠠᠢᠭᠠ ᠮᠥᠰᠥᠨ ᠠᠭᠤᠯᠠ ᠲᠠᠢ ᠵᠦᠢᠷᠯᠡᠨ ᠦᠵᠡᠵᠦ ᠪᠣᠯᠤᠨᠠ᠃ ᠮᠥᠰᠥᠨ ᠠᠭᠤᠯᠠ ᠶ᠋ᠢᠨ ᠭᠠᠳᠠᠭᠠᠳᠤ ᠶ᠋ᠢᠨ6/7 ᠭᠠᠷᠤᠢ ᠬᠤᠪᠢ ᠨᠢ ᠤᠰᠤᠨ ᠳ᠋ᠤ᠌ ᠬᠠᠯᠬᠠᠯᠠᠭᠳᠠᠭᠰᠠᠨ ᠪᠠᠢᠳᠠᠭ ᠰᠢᠭ᠋ ᠨᠠᠰᠤᠲᠠᠢ ᠬᠥᠮᠦᠨ ᠦ᠌ ᠪᠡᠶᠡ ᠳ᠋ᠦ᠍ ᠣᠯᠠᠨ ᠡᠮᠭᠡᠭ ᠬᠠᠭᠤᠴᠢ《ᠰᠢᠷᠭᠤᠯᠠᠨ ᠨᠢᠭᠤᠭᠳᠠᠭᠰᠠᠨ》 ᠪᠠᠢᠨᠠ᠃ ᠡᠢᠮᠦ ᠳ᠋ᠦ᠍ ᠠᠬᠢᠮᠠᠭ ᠪᠠ ᠥᠲᠡᠯᠡ ᠨᠠᠰᠤᠨ ᠤ᠋ ᠬᠥᠮᠦᠨ ᠦ᠌ ᠪᠡᠶᠡ ᠶ᠋ᠢᠨ ᠬᠢᠭᠡᠳ ᠰᠡᠳᠬᠢᠴᠡ ᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦ ᠶ᠋ᠢ ᠬᠠᠮᠠᠭᠠᠯᠠᠨ ᠪᠡᠬᠢᠵᠢᠭᠦᠯᠵᠦ᠂ ᠲᠡᠳᠡᠨ ᠦ᠌ ᠨᠡᠢᠭᠡᠮ ᠦ᠋ᠨ ᠠᠰᠠᠭᠤᠳᠠᠯ ᠢ᠋ ᠠᠩᠬᠠᠷᠴᠤ ᠦᠵᠡᠬᠦ ᠡᠴᠡ ᠥᠭᠡᠷᠡ ᠠᠷᠭᠠ ᠦᠭᠡᠢ ᠪᠣᠯᠤᠯᠠ᠃ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠡᠮᠴᠢ ᠳ᠋ᠦ᠍ ᠣᠴᠢᠵᠤ ᠪᠣᠢ ᠡᠪᠡᠳᠴᠢᠲᠡᠨ ᠦ᠌ ᠪᠠᠷᠤᠭ ᠳᠠᠩ ᠬᠠᠭᠠᠰ ᠨᠢ ᠵᠢᠷᠠ ᠠ᠋ᠴᠠ ᠳᠡᠭᠡᠭᠰᠢ ᠨᠠᠰᠤᠨ ᠤ᠋ ᠬᠥᠮᠦᠰ ᠪᠠᠢᠳᠠᠭ ᠪᠠᠢᠨᠠ᠃ ᠬᠥᠮᠦᠨ ᠦ᠌ ᠨᠠᠰᠤ ᠵᠢᠷᠠ ᠱᠦᠷᠭᠦᠭᠡᠬᠦ ᠦᠶᠡ ᠶ᠋ᠢᠨ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠲᠡᠭᠡᠲᠡᠯᠡ ᠴᠦ᠍ ᠮᠠᠭᠤᠳᠠᠳᠠᠭ ᠦᠭᠡᠢ ᠤᠴᠢᠷ ᠠ᠋ᠴᠠ ᠥᠨᠳᠥᠷ ᠨᠠᠰᠤᠲᠠᠨ ᠨᠤᠭᠤᠳ ᠤ᠋ᠨ ᠪᠡᠯᠭᠡ ᠶ᠋ᠢᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠶ᠋ᠢ ᠢᠯᠡᠭᠦᠦ ᠲᠡᠢ ᠠᠩᠬᠠᠷᠴᠤ ᠦᠵᠡᠬᠦ ᠬᠡᠷᠡᠭᠲᠡᠢ᠃ ᠭᠡᠪᠡᠴᠦ ᠨᠢᠭᠡ ᠭᠡᠷ ᠲᠦ᠍ ᠠᠴᠢ ᠭᠤᠴᠢ ᠲᠠᠢ ᠪᠠᠨ ᠠᠵᠤ ᠲᠥᠷᠥᠵᠦ ᠪᠠᠢᠭᠠ ᠥᠨᠳᠥᠷ ᠨᠠᠰᠤᠲᠠᠢ ᠬᠣᠣᠰ ᠤ᠋ᠳ ᠲᠤᠰᠠᠭᠠᠷ ᠪᠠᠢᠬᠤ ᠪᠣᠯᠤᠮᠵᠢ ᠦᠭᠡᠢ ᠡᠴᠡ ᠪᠡᠯᠭᠡ ᠶ᠋ᠢᠨ ᠬᠠᠷᠢᠴᠠᠭᠠᠨ ᠤ᠋ ᠬᠢᠨᠢ ᠲᠤᠬᠠᠢ ᠶᠠᠷᠢᠶᠠ ᠪᠤᠰᠤᠳ ᠤ᠋ᠨ ᠴᠢᠬᠢ ᠶ᠋ᠢ ᠳᠡᠯᠡᠰᠬᠦ ᠡᠴᠡ ᠡᠮᠢᠶᠡᠵᠦ ᠣᠢᠷᠠᠲᠤᠵᠤ ᠬᠠᠪᠢᠳᠠᠵᠤ ᠴᠢᠳᠠᠳᠠᠭ ᠦᠭᠡᠢ ᠪᠠᠢᠵᠤ ᠮᠠᠭᠠᠳ᠃ ᠭᠡᠬᠦ ᠳ᠋ᠡᠭᠡᠨ ᠥᠨᠳᠥᠷ ᠨᠠᠰᠤᠲᠠᠨ ᠡᠳᠦᠷ ᠲᠡᠭᠡᠨ ᠵᠠᠪ ᠴᠢᠯᠥᠭᠡ ᠶᠡᠬᠡᠲᠡᠢ ᠪᠡᠶᠡ ᠪᠡᠶᠡ ᠪᠡᠨ ᠡᠨᠡᠷᠢᠨ ᠬᠠᠯᠠᠮᠵᠢᠯᠠᠬᠤ ᠪᠣᠯᠤᠮᠵᠢ ᠶᠡᠬᠡᠲᠡᠢ᠂ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠠᠶᠤᠵᠤ ᠡᠮᠢᠶᠡᠬᠦ ᠶᠠᠪᠤᠳᠠᠯ ᠦᠭᠡᠢ ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠵᠠᠯᠠᠭᠤᠰ ᠠ᠋ᠴᠠ ᠳᠠᠪᠠᠭᠤ ᠲᠠᠯᠠ ᠲᠠᠢ ᠶᠤᠮ᠃ ᠡᠷᠡ ᠶ᠋ᠢ ᠨᠠᠰᠤ ᠳᠠᠷᠤᠬᠤ ᠪᠠᠷ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠬᠠᠷᠢᠬᠤ ᠨᠢ ᠵᠦᠢ ᠶ᠋ᠢᠨ ᠬᠡᠷᠡᠭ᠃ ᠭᠡᠪᠡᠴᠦ ᠡᠭᠦᠨ ᠢ᠋ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤ᠋ᠳ ᠮᠢᠨᠢ ᠶᠠᠩᠵᠤ ᠶᠠᠩᠵᠤ ᠪᠠᠷ ᠬᠦᠯᠢᠶᠡᠵᠦ ᠠᠪᠤᠨᠠ᠃ ᠲᠡᠳᠡᠨ ᠦ᠌ ᠨᠢᠭᠡ ᠬᠡᠰᠡᠭ ᠨᠢ ᠪᠡᠶᠡ ᠮᠠᠬᠠᠪᠣᠳ ᠮᠠᠭᠤᠳᠠᠵᠤ᠂ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠬᠠᠷᠢᠵᠤ ᠪᠣᠢ ᠳ᠋ᠤ᠌ ᠰᠡᠳᠬᠢᠯ ᠳᠤᠮᠳᠠᠭᠤᠷ᠂ ᠬᠥᠩᠭᠡᠨ ᠭᠤᠨᠢᠭ ᠲᠠᠢ ᠶᠠᠪᠤᠳᠠᠭ᠃ ᠲᠡᠭᠡᠪᠡᠯ ᠨᠥᠭᠦᠭᠡ ᠬᠡᠰᠡᠭ ᠨᠢ ᠲᠡᠭᠦᠨ ᠢ᠋ ᠨᠠᠰᠤᠨ ᠤ᠋ ᠬᠢ ᠬᠣᠢᠨᠠ ᠶᠠᠭᠠᠬᠢᠶᠠ ᠭᠡᠬᠦᠪ ᠭᠡᠮᠡᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠲᠠᠢᠳᠬᠤᠷᠠᠭᠤᠯᠤᠨᠠ᠃ ᠨᠠᠰᠤ ᠠᠬᠢᠭᠠᠳ ᠢᠷᠡᠬᠦᠯᠡᠷ ᠬᠥᠮᠦᠨ ᠦ᠌ ᠤᠭ ᠤ᠋ᠨ ᠵᠠᠩ ᠤᠯᠠᠮ ᠲᠣᠳᠣᠷᠠᠵᠤ᠂ ᠠᠯᠤᠰ ᠢᠷᠡᠭᠡᠳᠦᠢ ᠪᠡᠨ ᠰᠣᠨᠢᠷᠬᠠᠬᠤ ᠨᠢ ᠪᠠᠭᠤᠷᠠᠵᠤ᠂ ᠬᠠᠭᠤᠴᠢᠨ ᠢ᠋ ᠪᠠᠷᠢᠮᠲᠠᠯᠠᠬᠤ ᠳᠤᠷᠠᠲᠠᠢ ᠪᠣᠯᠤᠨᠠ᠃ ᠣᠢᠷᠠ ᠲᠥᠷᠥᠯ ᠦ᠋ᠨ ᠬᠥᠮᠦᠨ ᠨᠢ ᠶᠢᠷᠲᠢᠨᠴᠦ ᠶ᠋ᠢᠨ ᠮᠥᠩᠬᠡ ᠪᠤᠰᠤ ᠶ᠋ᠢ ᠦᠵᠡᠭᠦᠯᠵᠦ᠂ ᠬᠠᠳᠠᠨ ᠭᠡᠷ ᠲᠡᠭᠡᠨ ᠣᠴᠢᠬᠤ ᠳ᠋ᠤ᠌ ᠬᠡᠵᠢᠶᠡ ᠮᠢᠨᠦ ᠡᠭᠡᠯᠵᠢ ᠢᠷᠡᠬᠦ ᠪᠣᠯ ᠳᠠ ᠭᠡᠮᠡᠨ ᠰᠡᠳᠬᠢᠯ ᠨᠢ ᠲᠦᠭᠰᠢᠨᠡ᠃ ᠰᠡᠳᠬᠢᠯ ᠰᠠᠨᠠᠭᠠ ᠨᠢ ᠲᠣᠭᠲᠠᠪᠤᠷᠢ ᠦᠭᠡᠢ᠃ ᠭᠣᠮᠣᠳᠠᠵᠤ᠂ ᠪᠠᠶᠠᠷᠯᠠᠬᠤ ᠨᠢ ᠠᠮᠠᠷᠬᠠᠨ᠂ ᠦᠭᠡ ᠳᠠᠭᠠᠭᠠᠬᠤ ᠦᠭᠡᠢ ᠠᠶᠤᠯᠭᠠᠬᠤ ᠨᠢ ᠶᠡᠬᠡᠰᠦᠨᠡ᠃ ᠪᠡᠶᠡ ᠪᠡᠨ ᠦᠷᠭᠦᠯᠵᠢ ᠴᠢᠩᠨᠠᠨᠠ᠂ ᠡᠰᠡᠨ ᠪᠣᠰᠤᠨ ᠡᠪᠡᠳᠴᠢᠨ ᠲᠣᠭᠠᠴᠢᠵᠤ᠂ ᠣᠢᠷᠠ ᠶ᠋ᠢᠨ ᠦᠢᠯᠡ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠰᠠᠨᠠᠬᠤ ᠦᠭᠡᠢ᠂ ᠮᠠᠷᠲᠠᠮᠠᠲᠠᠭᠠᠢ ᠪᠣᠯᠬᠤ ᠵᠡᠷᠭᠡ ᠰᠡᠳᠬᠢᠴᠡ ᠶ᠋ᠢᠨ ᠵᠠᠷᠢᠮ ᠥᠭᠡᠷᠡᠴᠢᠯᠡᠯᠲᠡ ᠨᠠᠰᠤᠵᠢᠭᠠᠳ ᠡᠬᠢᠯᠡᠬᠦ ᠪᠡᠷ ᠨᠡᠮᠡᠭᠳᠡᠨᠡ᠃ ᠭᠡᠪᠡᠴᠦ ᠠᠬᠠᠮᠠᠳ ᠪᠤᠭᠤᠷᠤᠯ ᠤ᠋ᠳ ᠭᠡᠳᠡᠭ ᠲᠡᠷᠡ ᠠᠶᠠ ᠪᠠᠷ ᠢ᠋ᠶ᠋ᠠᠨ ᠠᠷᠭᠠ ᠲᠤᠷᠰᠢᠯᠭᠠ᠂ ᠡᠷᠳᠡᠮ ᠤᠬᠠᠭᠠᠨ ᠪᠠᠢᠳᠠᠭ ᠬᠣᠢᠨᠠ ᠵᠠᠯᠠᠭᠤᠰ ᠲᠤ᠌ ᠶᠡᠬᠡ ᠲᠦᠰᠢᠭ᠂ ᠡᠷᠬᠢᠮ ᠵᠥᠪᠯᠡᠭᠴᠢ ᠨᠢ ᠪᠠᠢᠨᠠ᠃ ᠤᠷᠲᠤ ᠨᠠᠰᠤᠯᠠᠵᠤ᠂ ᠤᠳᠠᠭᠠᠨ ᠵᠢᠷᠭᠠᠬᠤ ᠶ᠋ᠢ ᠬᠦᠰᠡᠬᠦ ᠦᠭᠡᠢ ᠬᠡᠨ ᠪᠠᠢᠬᠤᠪ᠃ ᠭᠡᠪᠡᠴᠦ ᠡᠨᠡ ᠨᠢ ᠳᠠᠩ ᠭᠠᠭᠴᠠ ᠬᠦᠰᠡᠯ ᠢ᠋ᠶ᠋ᠡᠷ ᠪᠦᠲᠦᠬᠦ ᠦᠭᠡᠢ ᠥᠭᠡᠷᠡ ᠣᠯᠠᠨ ᠵᠦᠢᠯ ᠡᠴᠡ ᠰᠢᠯᠲᠠᠭᠠᠯᠠᠨᠠ᠃ ᠭᠡᠰᠡᠨ ᠬᠡᠳᠦᠢ ᠴᠦ᠍ ᠬᠠᠨᠢ ᠶ᠋ᠢᠨ ᠲᠦᠰᠢᠭ᠂ ᠬᠠᠢᠷᠠ ᠬᠠᠯᠠᠮᠵᠢ ᠶ᠋ᠢ ᠭᠦᠢᠴᠡᠬᠦ ᠶᠠᠭᠤᠮᠠ ᠬᠠᠮᠢᠭᠠ ᠪᠠᠢᠬᠤᠪ᠃ ᠤᠷᠲᠤ ᠨᠠᠰᠤᠯᠠᠬᠤ ᠶ᠋ᠢᠨ ᠨᠢᠭᠡ《ᠨᠢᠭᠤᠴᠠ》 ᠨᠢ ᠬᠠᠨᠢ ᠶ᠋ᠢᠨ ᠵᠠᠶᠠᠭᠠ ᠯᠠᠪ ᠮᠥᠨ᠃ ᠬᠣᠷᠸᠠ ᠶ᠋ᠢᠨ ᠵᠢᠷᠭᠠᠯ᠂ ᠵᠣᠪᠠᠯᠠᠩ ᠢ᠋ ᠲᠡᠩᠴᠡᠭᠦᠦ ᠬᠤᠪᠢᠶᠠᠵᠤ᠂ ᠬᠠᠮᠲᠤ ᠥᠲᠡᠯᠵᠦ ᠪᠣᠢ ᠬᠣᠣᠰ ᠤ᠋ᠳ ᠬᠠᠨᠢ ᠠ᠋ᠴᠠ ᠪᠠᠨ ᠵᠠᠯᠠᠭᠤ ᠪᠠᠷ ᠢ᠋ᠶ᠋ᠠᠨ ᠬᠠᠭᠠᠴᠠᠨ ᠪᠡᠯᠪᠡᠰᠦᠷᠡᠭᠰᠡᠨ ᠬᠥᠮᠦᠰ ᠡᠴᠡ ᠤᠷᠲᠤ ᠨᠠᠰᠤᠯᠠᠳᠠᠭ ᠨᠢ ᠨᠢᠭᠤᠴᠠ ᠪᠢᠰᠢ ᠠ᠋᠃ ᠤᠷᠲᠤ ᠨᠠᠰᠤᠯᠠᠵᠤ ᠪᠣᠢ ᠡᠷᠡᠭᠲᠡᠢᠴᠦᠳ ᠦ᠋ᠨ ᠨᠢᠭᠡ ᠥᠪᠡᠷᠮᠢᠴᠡ ᠰᠢᠨᠵᠢ ᠪᠣᠯ ᠨᠠᠰᠤ ᠳᠡᠭᠡᠷᠡ ᠭᠠᠷᠤᠨ ᠭᠠᠷᠲᠠᠯᠠ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ᠂ ᠦᠷᠡ ᠲᠣᠭᠲᠠᠬᠤ ᠴᠢᠳᠠᠪᠤᠷᠢ ᠪᠠᠨ ᠬᠡᠪ ᠢ᠋ᠶ᠋ᠡᠷ ᠬᠠᠳᠠᠭᠠᠯᠠᠬᠤ ᠶᠠᠪᠤᠳᠠᠯ ᠶᠤᠮ᠃ ᠤᠷᠲᠤ ᠨᠠᠰᠤᠯᠠᠭᠴᠢᠳ ᠤ᠋ᠨ ᠳᠡᠢᠯᠦᠩᠭᠢ ᠨᠢ ᠡᠴᠡᠩᠬᠡᠢ ᠲᠤᠷᠠᠩᠬᠠᠢ᠂ ᠬᠥᠩᠭᠡᠨ ᠱᠠᠯᠠᠮᠠᠭ᠂ ᠴᠣᠪᠣᠭᠣ ᠰᠡᠷᠭᠦᠯᠡᠩ᠂ ᠠᠭᠤᠷ ᠤ᠋ᠨ ᠮᠤᠩᠬᠠᠭ ᠢ᠋ ᠲᠡᠪᠴᠢᠵᠦ᠂ ᠠᠭᠤᠷᠯᠠᠬᠤ ᠦᠭᠡᠢ ᠶ᠋ᠢᠨ ᠲᠤᠰᠠ ᠡᠷᠳᠡᠨᠢ ᠶ᠋ᠢ ᠬᠦᠷᠲᠡᠵᠦ᠂ ᠢᠨᠢᠶᠡᠳᠦᠮ ᠢ᠋ᠶ᠋ᠡᠷ ᠰᠡᠳᠬᠢᠯ ᠢ᠋ᠶ᠋ᠡᠨ ᠴᠠᠯᠭᠢᠶᠠᠵᠤ ᠴᠢᠳᠠᠬᠤ ᠰᠢᠳᠢ ᠶ᠋ᠢ ᠣᠯᠤᠭᠰᠠᠨ ᠤᠯᠤᠰ ᠪᠠᠢᠳᠠᠭ᠃ ᠣᠷᠴᠢᠨ ᠦᠶᠡ ᠶ᠋ᠢᠨ ᠣᠢᠯᠠᠭᠠᠯᠲᠠ ᠪᠠᠷ᠂ ᠮᠡᠳᠡᠷᠡᠯ— ᠰᠢᠩᠭᠡᠨ ᠦ᠌ ᠵᠣᠬᠢᠴᠠᠭᠤᠯᠭᠠ ᠳ᠋ᠤ᠌ ᠬᠤᠪᠢᠷᠠᠯ ᠥᠭᠡᠷᠡᠴᠢᠯᠡᠯᠲᠡ ᠨᠦ᠍ᠭᠦᠳ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠥᠲᠡᠯᠬᠦ ᠦᠢᠯᠡ ᠶᠠᠪᠤᠴᠠ ᠳ᠋ᠤ᠌ ᠬᠠᠮᠤᠭ ᠠ᠋ᠴᠠ ᠴᠢᠬᠤᠯᠠ ᠡᠭᠦᠷᠭᠡ ᠭᠦᠢᠴᠡᠳᠬᠡᠨᠡ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠵᠣᠭᠰᠣᠭᠰᠠᠨ ᠠ᠋ᠴᠠ ᠥᠲᠡᠯᠵᠦ ᠪᠠᠢᠭᠠ ᠶᠤᠮ ᠪᠢᠰᠢ᠂ ᠬᠠᠷᠢᠨ ᠥᠲᠡᠯᠬᠦ ᠶᠠᠪᠤᠴᠠ ᠨᠢ ᠪᠢᠣᠯᠣᠭᠢ ᠶ᠋ᠢᠨ ᠵᠢᠮᠡ ᠵᠢᠮᠡ ᠶᠣᠰᠣᠨ ᠪᠣᠯᠬᠤ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠵᠠᠢᠯᠠᠰᠢ ᠦᠭᠡᠢ ᠵᠣᠭᠰᠣᠭᠠᠨᠠ᠃ ᠭᠡᠪᠡᠴᠦ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠪᠣᠯᠤᠨ ᠪᠡᠯᠭᠡ ᠶ᠋ᠢᠨ ᠡᠮᠭᠡᠭ ᠰᠤᠳᠤᠯᠤᠭᠴᠢ— ᠡᠮᠴᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠨᠠᠰᠤᠨ ᠤ᠋ ᠡᠷᠬᠡ ᠪᠡᠷ ᠪᠡᠯᠭᠡ ᠶ᠋ᠢᠨ ᠲᠣᠭᠲᠠᠯᠴᠠᠭᠠ ᠳ᠋ᠤ᠌ ᠭᠠᠷᠳᠠᠭ ᠬᠤᠪᠢᠷᠠᠯ ᠥᠭᠡᠷᠡᠴᠢᠯᠡᠯᠲᠡ ᠶ᠋ᠢ ᠲᠠ ᠪᠦᠬᠦᠨ ᠦ᠌ ᠰᠣᠨᠣᠷ ᠲᠤ᠌ ᠬᠦᠷᠭᠡᠬᠦ ᠶ᠋ᠢ ᠵᠣᠷᠢᠭᠰᠠᠨ ᠠᠵᠢᠶᠠᠮᠤ᠃