ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ -2- ᠬᠣᠷᠸᠠ ᠶᠢᠨ ᠡᠷᠢᠶᠡᠨ ᠪᠠᠷᠠᠭᠠᠨ - <7>᠂ ᠮᠠᠨᠢᠨ ᠭᠡᠵᠦ ᠶᠠᠭᠤ ᠪᠣᠢ Эр эмийн ёсон – Д᠂ Болдцэрэн <2-р бүлэг>– Хорвоогийн эрээн бараан- 7᠂Манин гэж юу бий ᠠᠩᠭᠢᠯᠠᠯ：ᠡᠷᠡᠭᠦᠯ ᠡᠩᠬᠡ 2025-09-24 46 ᠳᠣᠯᠣᠭᠠ᠂ᠮᠠᠨᠢᠨ ᠭᠡᠵᠦ ᠶᠠᠭᠤ ᠪᠣᠢ ᠪᠢᠳᠡᠨ ᠦ᠌ ᠬᠦᠯᠢᠶᠡᠨ ᠠᠪᠳᠠᠭ ᠣᠯᠠᠨ ᠵᠠᠬᠢᠳᠠᠯ ᠤ᠋ᠨ ᠳᠣᠲᠣᠷᠠ 《ᠮᠠᠨᠢᠨ ᠭᠡᠵᠦ ᠶᠠᠭᠤ ᠪᠣᠢ? ᠶᠡᠷᠦᠨᠢ ᠡᠢᠮᠦ ᠬᠥᠮᠦᠨ ᠪᠠᠢᠳᠠᠭ ᠤᠤ? ᠪᠠᠢᠳᠠᠭ ᠪᠣᠯ ᠲᠡᠳᠡᠨ ᠦ᠌ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠶᠠᠮᠠᠷ ᠪᠠᠢᠬᠤ ᠪᠣᠢ?》 ᠭᠡᠰᠡᠨ ᠠᠰᠠᠭᠤᠯᠲᠠ ᠴᠥᠭᠡᠨ ᠦᠭᠡᠢ ᠪᠠᠢᠳᠠᠭ᠃ ᠡᠳᠡᠭᠡᠷ ᠠᠰᠠᠭᠤᠯᠲᠠ ᠳ᠋ᠤ᠌ ᠬᠠᠷᠢᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ《ᠬᠦᠢᠰᠦ》 ᠭᠡᠳᠡᠭ ᠣᠢᠯᠠᠭᠠᠯᠲᠠ ᠲᠠᠢ ᠲᠠᠨᠢᠯᠴᠠᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ᠃ ᠬᠦᠢᠰᠦ ᠭᠡᠳᠡᠭ ᠨᠢ ᠬᠥᠮᠦᠨ ᠠᠳᠤᠭᠤᠰᠤ ᠶ᠋ᠢᠨ ᠡᠷᠡ ᠡᠮᠡ ᠶ᠋ᠢ ᠲᠡᠮᠳᠡᠭᠯᠡᠳᠡᠭ ᠣᠢᠯᠠᠭᠠᠯᠲᠠ ᠪᠥᠭᠡᠳ ᠡᠨᠡ ᠨᠢ ᠪᠢᠳᠡᠨ ᠦ᠌ ᠲᠥᠰᠦᠭᠡᠯᠡᠵᠦ ᠪᠠᠢᠭᠠ ᠠ᠋ᠴᠠ ᠬᠠᠪᠢ ᠦᠭᠡᠢ ᠥᠷᠭᠡᠨ ᠬᠦᠷᠢᠶᠡ ᠲᠡᠢ ᠶᠦᠮ᠃ ᠬᠥᠮᠦᠨ ᠦ᠌ ᠬᠦᠢᠰᠦ ᠶ᠋ᠢ ᠵᠥᠪᠬᠡᠨ ᠪᠢᠣᠯᠣᠭᠢ ᠡᠭᠦᠳᠡᠨ ᠡᠴᠡ ᠠᠪᠴᠤ ᠦᠵᠡᠵᠦ ᠪᠣᠯᠬᠤ ᠦᠭᠡᠢ᠃ ᠬᠦᠢᠰᠦ ᠭᠡᠳᠡᠭ ᠣᠢᠯᠠᠭᠠᠯᠲᠠ ᠪᠣᠯ ᠵᠥᠪᠬᠡᠨ ᠪᠢᠣᠯᠣᠭᠢ ᠶ᠋ᠢᠨ ᠲᠡᠳᠦᠢ ᠦᠭᠡᠢ ᠨᠡᠢᠭᠡᠮ ᠦ᠋ᠨ᠂ ᠬᠠᠤᠯᠢ ᠴᠠᠭᠠᠵᠠ ᠶ᠋ᠢᠨ ᠣᠢᠯᠠᠭᠠᠯᠲᠠ ᠶᠤᠮ᠃ ᠪᠢᠣᠯᠣᠭᠢ ᠶ᠋ᠢᠨ ᠡᠭᠦᠳᠡᠨ ᠡᠴᠡ ᠬᠦᠢᠰᠦ ᠭᠡᠳᠡᠭ ᠨᠢ ᠬᠥᠮᠦᠨ ᠨᠥᠬᠥᠨ ᠦᠢᠯᠡᠳᠪᠦᠷᠢᠯᠡᠬᠦ《ᠬᠦᠴᠦᠲᠦ》 ᠠᠵᠢᠯ ᠤ᠋ᠨ ᠦᠶᠡ ᠳ᠋ᠦ᠍ ᠭᠦᠢᠴᠡᠳᠬᠡᠬᠦ ᠡᠭᠦᠷᠭᠡ ᠶ᠋ᠢ ᠲᠣᠳᠣᠷᠬᠠᠢᠯᠠᠳᠠᠭ ᠣᠢᠯᠠᠭᠠᠯᠲᠠ ᠶᠤᠮ᠃ ᠬᠠᠤᠯᠢ ᠴᠠᠭᠠᠵᠠ ᠶ᠋ᠢᠨ ᠤᠳᠬᠠ ᠪᠠᠷ ᠨᠢ ᠠᠪᠴᠤ ᠦᠵᠡᠪᠡᠯ ᠬᠦᠢᠰᠦ ᠭᠡᠳᠡᠭ ᠨᠢ ᠬᠥᠮᠦᠨ ᠪᠢᠣᠯᠣᠭᠢ ᠶ᠋ᠢᠨ ᠢ᠋ᠶ᠋ᠡᠨ ᠣᠨᠴᠠᠯᠢᠭ ᠲᠤ᠌ ᠲᠣᠬᠢᠷᠠᠭᠤᠯᠤᠭᠠᠳ ᠠᠢᠯ ᠭᠡᠷ᠂ ᠨᠡᠢᠭᠡᠮ ᠳ᠋ᠦ᠍ ᠭᠦᠢᠴᠡᠳᠬᠡᠵᠦ ᠪᠠᠢᠭᠠ ᠡᠭᠦᠷᠭᠡ ᠶ᠋ᠢ ᠬᠡᠯᠡᠨᠡ᠃ ᠬᠡᠦᠬᠡᠳ ᠡᠬᠡ ᠡᠴᠡ ᠨᠡᠷᠡᠲᠦ ᠶᠢᠷᠲᠢᠨᠴᠦ ᠳ᠋ᠦ᠍ ᠮᠡᠨᠳᠦᠯᠡᠬᠦ ᠡᠴᠡ ᠭᠠᠳᠠᠨᠠ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠨᠢ ᠡᠷᠡ᠂ ᠡᠮᠡ ᠬᠣᠶᠠᠷ ᠬᠦᠢᠰᠦᠨ ᠦ᠌ ᠠᠯᠢᠨ ᠳ᠋ᠤᠨᠢ ᠪᠠᠭᠲᠠᠬᠤ ᠠ᠋ᠴᠠ ᠬᠠᠮᠤᠷᠤᠨ᠂《ᠨᠡᠢᠭᠡᠮ ᠦ᠋ᠨ ᠭᠡᠰᠢᠭᠦᠨ᠂＜ ᠢᠷᠭᠡᠨ ᠦ᠌＞ ᠬᠦᠢᠰᠦ ᠠᠪᠳᠠᠭ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠬᠥᠮᠦᠨ ᠦ᠌ ᠵᠢᠩᠬᠢᠨᠢ ᠬᠦᠢᠰᠦ ᠶ᠋ᠢ ᠭᠠᠳᠠᠨᠠ ᠪᠡᠯᠭᠡ ᠡᠷᠬᠡᠲᠡᠨ᠂ ᠪᠡᠯᠭᠡ ᠶ᠋ᠢᠨ ᠪᠤᠯᠴᠢᠷᠬᠠᠢ ᠪᠠᠷ ᠲᠣᠭᠲᠠᠭᠠᠳᠠᠭ᠃》 ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠮᠦᠰ ᠥᠩᠭᠡᠨ ᠲᠠᠯᠠ ᠠ᠋ᠴᠠ ᠪᠠᠨ ᠡᠮᠦᠰᠴᠦ ᠵᠡᠭᠦᠬᠦ᠂ ᠬᠡᠯᠡᠵᠦ ᠶᠠᠷᠢᠬᠤ᠂ ᠴᠢᠷᠠᠢ ᠵᠢᠰᠦ ᠪᠡᠷ ᠢ᠋ᠶ᠋ᠡᠨ ᠥᠩᠭᠡ ᠶ᠋ᠢᠨ ᠠᠯᠠᠭᠯᠠᠭᠰᠠᠨ ᠴᠡᠴᠡᠭᠡᠰ ᠰᠢᠭ ᠣᠨᠳᠣᠣ ᠣᠨᠳᠣᠣ ᠪᠣᠯᠪᠠᠴᠤ ᠬᠥᠲᠥᠰᠦᠨ ᠬᠥᠨᠵᠢᠯᠡ ᠶ᠋ᠢᠨ ᠳᠣᠣᠷᠠ ᠰᠡᠵᠢᠭᠦᠷ ᠳᠣᠣᠷᠠ ᠴᠢᠷᠠᠮᠠᠨ ᠨᠢᠴᠦᠭᠦᠯᠡᠭᠡᠳ ᠢᠷᠡᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠴᠠᠭ ᠲᠤ᠌ ᠵᠥᠪᠬᠡᠨ ᠡᠷᠡ᠂ ᠡᠮᠡ ᠪᠠᠷ ᠢ᠋ᠶ᠋ᠠᠨ ᠯᠠ ᠢᠯᠭᠠᠭᠳᠠᠬᠤ ᠠ᠋ᠴᠠ ᠪᠢᠰᠢ᠂ ᠪᠤᠰᠤᠳ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠢᠭᠡ《ᠥᠯᠥᠭᠡᠢ ᠶ᠋ᠢᠨ》᠂ ᠨᠢᠭᠡ ᠯᠡ ᠵᠠᠶᠠᠭᠠ ᠲᠠᠢ ᠤᠯᠤᠰ᠂ ᠡᠢᠨᠬᠦ ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠮᠦᠰ ᠲᠣᠭᠠ ᠲᠣᠮᠰᠢ ᠦᠭᠡᠢ ᠣᠯᠠᠨ ᠴᠦ᠍ ᠭᠡᠰᠡᠨ ᠬᠣᠶᠠᠷᠬᠠᠨ ᠬᠦᠢᠰᠦᠨ ᠳ᠋ᠦ᠍ ᠯᠡ ᠬᠤᠷᠠᠵᠤ ᠪᠠᠭᠲᠠᠨᠠ᠃ ᠴᠣᠬᠣᠮ ᠳ᠋ᠠᠭᠠᠨ ᠡᠨᠡ ᠯᠡ ᠬᠣᠶᠠᠷ ᠬᠦᠢᠰᠦᠨ ᠡᠴᠡ ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠤᠤ᠂ ᠠᠯᠢ ᠡᠰᠡᠪᠡᠯ ᠰᠦᠢᠷᠡᠵᠦ ᠮᠥᠬᠥᠬᠦ ᠤᠤ ᠭᠡᠳᠡᠭ ᠠᠮᠢᠨ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠡᠷᠡᠭᠡᠯᠵᠡᠭᠡ ᠦᠭᠡᠢ ᠰᠢᠯᠲᠠᠭᠠᠯᠠᠨᠠ᠃ ᠡᠷᠡ ᠡᠮᠡ ᠬᠣᠶᠠᠷ ᠬᠦᠢᠰᠦ ᠠᠯᠢ ᠨᠢᠭᠡ ᠨᠢ ᠯᠡ ᠦᠭᠡᠢ ᠪᠣᠯ ᠤᠶᠠᠬᠠᠨ ᠽᠠᠮᠪᠤᠲᠢᠪ ᠤ᠋ᠨ ᠨᠠᠷᠠ ᠭᠬᠢᠷᠲᠦᠬᠦ ᠪᠠᠢᠵᠠᠢ᠃ ᠡᠢᠨᠬᠦ ᠡᠰᠡᠷᠭᠦ ᠲᠡᠰᠡᠷᠭᠦ ᠬᠣᠶᠠᠷ ᠬᠦᠢᠰᠦ ᠨᠢ ᠬᠣᠭᠣᠷᠣᠨᠳᠣ ᠪᠠᠨ ᠬᠦᠢ ᠶ᠋ᠢᠨ ᠬᠣᠯᠪᠣᠭᠠ ᠲᠠᠢ ᠪᠥᠭᠡᠳ ᠽᠠᠮᠪᠤᠯᠢᠩ ᠬᠣᠷᠸᠠ ᠭᠡᠭᠴᠢ ᠤᠭ ᠲᠠᠭᠠᠨ ᠡᠷᠡ ᠡᠮᠡ ᠶ᠋ᠢᠨ ᠬᠠᠷᠢᠴᠠᠭᠠ ᠪᠠᠷ ᠠᠮᠢ ᠠᠮᠢᠳᠤᠷᠠᠯ ᠢ᠋ ᠲᠠᠰᠤᠷᠠᠯᠲᠠ ᠦᠭᠡᠢ ᠨᠥᠬᠥᠨ ᠰᠡᠯᠭᠦᠵᠦ᠂ ᠰᠢᠨᠡᠴᠢᠯᠡᠵᠦ ᠪᠠᠢᠳᠠᠭ ᠪᠢᠯᠡ᠃ ᠴᠣᠬᠣᠮ ᠡᠭᠦᠨ ᠳ᠋ᠦ᠍ ᠯᠡ ᠡᠰᠡᠷᠭᠦ᠂ ᠲᠡᠰᠡᠷᠭᠦ ᠬᠣᠶᠠᠷ ᠬᠦᠢᠰᠦ ᠵᠡᠷᠭᠡᠴᠡᠨ ᠣᠷᠣᠰᠢᠬᠤ ᠶ᠋ᠢᠨ ᠤᠴᠢᠷ ᠣᠷᠣᠰᠢᠪᠠᠢ᠃
46