ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ -2- ᠬᠣᠷᠸᠠ ᠶᠢᠨ ᠡᠷᠢᠶᠡᠨ ᠪᠠᠷᠠᠭᠠᠨ - <6>᠂ ᠬᠣᠷᠮᠣᠢ ᠶ᠋ᠢᠨ ᠪᠣᠭ Эр эмийн ёсон – Д᠂ Болдцэрэн <2-р бүлэг>– Хорвоогийн эрээн бараан- 6᠂Хормойн бог
91ᠵᠢᠷᠭᠤᠭᠠ᠂ ᠬᠣᠷᠮᠣᠢ ᠶ᠋ᠢᠨ ᠪᠣᠭ
ᠴᠣᠬᠣᠮ ᠡᠢᠨ《 ᠲᠠᠪᠠᠷᠠᠭᠰᠠᠨ》 ᠬᠠᠷᠠᠳᠠᠯᠲᠠ ᠨᠢ ᠢᠮᠠᠭᠲᠠ ᠬᠠᠷᠠ ᠮᠥᠷ ᠲᠠᠲᠠᠭᠤᠯᠵᠤ᠂ ᠬᠥᠮᠦᠨ ᠢ᠋ ᠶᠠᠭᠤᠨ ᠳ᠋ᠤ᠌ ᠴᠦ᠍ ᠬᠦᠷᠭᠡᠵᠦ᠂ ᠶᠠᠭᠤ ᠴᠦ᠍ ᠬᠢᠯᠭᠡᠵᠦ ᠮᠡᠳᠡᠬᠦ ᠪᠢᠯᠡ᠃ ᠬᠠᠷᠠᠲᠠᠢ ᠬᠥᠮᠦᠨ ᠳ᠋ᠦ᠍ ᠬᠠᠷᠠᠳᠠᠬᠤ ᠰᠡᠵᠢᠭᠦᠷ ᠮᠤᠩᠳᠠᠬᠤ ᠦᠭᠡᠢ ᠣᠯᠠᠨ᠃ ᠬᠠᠮᠲᠤ ᠶᠠᠪᠤᠵᠤ ᠪᠠᠢᠭᠠᠳ ᠲᠠᠨᠢᠳᠠᠭ ᠬᠥᠮᠦᠨ ᠨᠢ ᠡᠳᠦᠷ ᠲᠠᠭᠠᠷᠠᠯᠳᠤᠭᠠᠳ《ᠰᠠᠢᠨ ᠤᠤ?》 ᠭᠡᠳ ᠵᠥᠷᠢᠬᠦ ᠳ᠋ᠦ᠍ ᠯᠡ ᠶᠠᠭᠤᠨ ᠬᠥᠮᠦᠨ ᠶᠦᠮ? ᠬᠡᠵᠢᠶᠡ᠂ ᠶᠠᠭᠠᠬᠢᠵᠤ ᠲᠠᠨᠢᠯᠴᠠᠭᠰᠠᠨ ᠶᠤᠮ ᠪᠣᠢ? ᠭᠡᠳ ᠪᠠᠢᠴᠠᠭᠠᠵᠤ ᠭᠠᠷᠤᠨᠠ᠃ ᠡᠰᠡᠬᠦᠯᠡ ᠠᠥ᠋ᠲ᠋ᠤᠪᠤᠰ ᠤ᠋ᠨ ᠵᠣᠭᠰᠣᠭᠠᠯ ᠤ᠋ᠨ ᠰᠠᠨᠳᠠᠯᠢ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠬᠤ ᠳ᠋ᠤ᠌ ᠬᠠᠵᠠᠭᠤ ᠳ᠋ᠤᠨᠢ ᠡᠷᠡᠭᠲᠡᠢ ᠯᠡ ᠬᠥᠮᠦᠨ ᠪᠠᠢᠪᠠᠯ ᠵᠠᠩᠨᠠᠵᠤ ᠡᠬᠢᠯᠡᠨᠡ᠃ ᠲᠡᠷᠡ ᠪᠦᠦ ᠬᠡᠯᠡ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠥᠭᠡᠳᠡ ᠡᠴᠡ ᠨᠢ ᠬᠠᠷᠠᠭᠠᠳ ᠰᠠᠭᠤᠬᠤ ᠳ᠋ᠤ᠌《ᠴᠢᠮᠠ ᠤᠷᠤᠭᠤ ᠬᠠᠷᠠᠴᠢᠬᠠᠯᠠ᠂ ᠲᠠ ᠬᠣᠶᠠᠷ ᠨᠢᠭᠡ ᠯᠡ ᠤᠴᠢᠷ ᠲᠠᠢ》 ᠭᠡᠳ ᠠᠭᠤᠷᠯᠠᠨᠠ᠃ ᠬᠠᠷᠠᠲᠠᠢ ᠬᠥᠮᠦᠨ ᠬᠥᠮᠦᠨ ᠦ᠌ ᠡᠯᠢᠭᠡ ᠬᠥᠰᠢᠮᠡᠷ᠂ ᠶᠠᠯᠢᠶᠠ ᠦᠭᠡᠢ ᠶᠠᠭᠤᠮᠠ ᠶ᠋ᠢ ᠴᠦ᠍ ᠬᠠᠷᠠᠳᠠᠨᠠ ᠭᠡᠭᠴᠢ᠃ ᠬᠥᠷᠰᠢ ᠠᠢᠯ ᠤ᠋ᠨ ᠬᠢᠨᠢ ᠶᠦᠮ ᠤᠤ ᠡᠰᠡᠪᠡᠯ ᠠᠵᠢᠯ ᠤ᠋ᠨ ᠭᠠᠵᠠᠷ ᠤ᠋ᠨ ᠬᠢᠨᠢ ᠬᠥᠮᠦᠨ ᠣᠷᠣᠵᠤ ᠢᠷᠡᠬᠦ ᠳ᠋ᠦ᠍ ᠠᠢᠯ ᠤ᠋ᠨ ᠭᠡᠷ ᠦ᠋ᠨ ᠡᠵᠡᠭᠲᠡᠢ᠂ ᠡᠮᠡᠭᠲᠡᠢ ᠬᠥᠮᠦᠨ ᠶᠦᠮ ᠴᠢᠨᠢ ᠢᠳᠡᠭᠡ ᠪᠤᠳᠠᠭᠠ ᠪᠠᠨ ᠲᠠᠯᠪᠢᠵᠤ᠂ ᠠᠶᠠᠭᠠ ᠴᠠᠢ ᠬᠢᠵᠦ᠂ ᠠᠷᠪᠠ ᠲᠠᠪᠤᠨ ᠦᠭᠡ ᠰᠣᠯᠢᠯ ᠦᠭᠡᠢ ᠶᠠᠭᠠᠬᠢᠬᠤᠪ᠃ ᠲᠡᠭᠡᠬᠦᠯᠡᠷ ᠯᠡ ᠪᠣᠯᠬᠤ ᠪᠠᠨ ᠪᠠᠢᠨᠠ᠃《ᠴᠢ ᠡᠷᠡᠭᠲᠡᠢ ᠬᠥᠮᠦᠨ ᠯᠡ ᠬᠠᠷᠠᠬᠤ ᠪᠠᠷ ᠢ᠋ᠶ᠋ᠠᠨ ᠬᠥᠯ ᠢ᠋ᠶ᠋ᠡᠨ ᠬᠤᠭᠤᠯᠴᠢᠬᠠᠬᠤ ᠭᠡᠳ ᠭᠦᠶᠦᠭᠡᠳ᠂ ᠠᠩᠭᠠᠯᠵᠠᠭᠠᠳ᠂ ᠬᠡᠵᠢᠶᠡ ᠯᠡ ᠴᠢ ᠡᠮᠡᠭᠲᠡᠢ ᠬᠥᠮᠦᠨ ᠱᠠᠭᠠᠢᠬᠤ ᠳ᠋ᠤ᠌ ᠢᠩᠭᠢᠵᠦ ᠰᠦᠢᠳ ᠮᠡᠢᠳ ᠪᠣᠯᠳᠠᠭ ᠪᠠᠢᠯᠠ᠂ ᠲᠡᠭᠡᠳᠡᠭ ᠦᠭᠡᠢ ᠰᠢᠦ ᠳᠡ 》 ᠭᠡᠬᠦᠴᠢᠯᠡᠨ ᠶᠣᠰᠣᠲᠠᠢ ᠰᠣᠯᠪᠢᠵᠤ ᠬᠠᠷᠠᠨᠠ ᠭᠡᠭᠴᠢ ᠶ᠋ᠢᠨ ᠦᠯᠢᠭᠡᠷ ᠢ᠋ᠶ᠋ᠡᠷ ᠨᠢᠳᠦ ᠨᠢ ᠶᠠᠭᠤᠮᠠ ᠶ᠋ᠢ ᠭᠠᠵᠢᠭᠤ ᠲᠤᠰᠬᠠᠳᠠᠭ᠃ ᠶᠡᠷᠦᠨᠢ ᠬᠠᠷᠠᠲᠠᠢ ᠬᠥᠮᠦᠨ ᠬᠢᠮᠤᠰᠤ ᠶ᠋ᠢᠨ ᠴᠢᠨᠡᠭᠡ ᠶᠠᠭᠤᠮᠠ ᠶ᠋ᠢ ᠬᠤᠷᠤᠭᠤᠨ ᠴᠢᠨᠡᠭᠡ᠂ ᠢᠮᠠᠭᠠᠨ ᠴᠢᠨᠡᠭᠡ ᠶᠠᠭᠤᠮᠠ ᠶ᠋ᠢ ᠲᠡᠮᠡᠭᠡᠨ ᠴᠢᠨᠡᠭᠡ ᠪᠣᠯᠭᠠᠳᠠᠭ ᠭᠠᠢᠬᠠᠯᠲᠠᠢ ᠳᠤᠷᠠᠨ ᠠᠪᠠᠢ ᠪᠠᠷ ᠡᠬᠡᠨᠡᠷ ᠢ᠋ᠶ᠋ᠡᠨ ᠲᠠᠩᠳᠠ《ᠳᠤᠷᠠᠨᠳᠠᠵᠤ》 ᠪᠠᠢᠳᠠᠭ᠃
ᠬᠠᠷᠠᠲᠠᠢ ᠨᠥᠬᠥᠷ ᠲᠡᠢ᠂ ᠡᠮᠨᠡᠯᠭᠡ ᠶ᠋ᠢᠨ ᠳᠤᠮᠳᠠ ᠮᠡᠷᠭᠡᠵᠢᠯ ᠦ᠋ᠨ ᠨᠢᠭᠡᠨ ᠪᠦᠰᠡᠭᠦᠢ ᠢᠩᠭᠢᠵᠦ ᠶᠠᠷᠢᠭᠰᠠᠨ ᠶᠤᠮ᠃
《᠁ ᠲᠠᠰᠤᠭ ᠲᠤᠨᠢ ᠬᠡᠪᠲᠡᠭᠡᠳ ᠭᠠᠷᠤᠭᠰᠠᠨ ᠨᠢᠭᠡ ᠡᠪᠡᠳᠴᠢᠲᠡᠨ ᠦ᠌(ᠺᠠᠽᠠᠭ) ᠡᠮᠨᠡᠯᠭᠡ ᠶ᠋ᠢᠨ ᠬᠠᠭᠤᠳᠠᠰᠤ ᠶ᠋ᠢ ᠠᠪᠴᠤ ᠥᠭᠬᠦ ᠭᠡᠳ ᠳᠠᠭᠠᠭᠤᠯᠤᠭᠠᠳ ᠳ᠋ᠦᠩ ᠪᠦᠷᠢᠳᠬᠡᠯ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠭᠠᠳ ᠭᠠᠢ ᠲᠠᠢ ᠶᠤᠮ ᠰᠢᠭ᠋ ᠲᠠᠭᠠᠷᠠᠯᠳᠤᠭᠰᠠᠨ ᠴᠢᠨᠢ ᠶᠠᠮᠠᠷ ᠰᠢᠷᠠ ᠪᠠᠨ ᠭᠡᠭᠴᠢ᠂ ᠲᠡᠷᠡ ᠣᠯᠠᠨ ᠲᠠᠨᠢᠳᠠᠭ᠂ ᠲᠠᠨᠢᠳᠠᠭ ᠦᠭᠡᠢ ᠬᠥᠮᠦᠨ ᠦ᠌ ᠨᠢᠭᠤᠷ ᠳᠡᠭᠡᠷᠡ(ᠺᠠᠽᠠᠭ ᠤ᠋ᠨ ᠬᠢ ᠲᠣᠮᠣ ᠪᠠᠢᠳᠠᠭ ᠶᠤᠮ ᠭᠡᠨᠡ ᠯᠠᠢ᠃ ᠴᠢ ᠳᠠᠭᠠᠵᠤ ᠭᠦᠶᠦᠵᠦ ᠪᠠᠢᠬᠤ ᠳ᠋ᠠᠭᠠᠨ ᠶᠠᠭᠠᠬᠢᠳᠠᠭ ᠶᠤᠮ) ᠭᠡᠵᠦ ᠬᠣᠩᠭᠢᠯ ᠳ᠋ᠤ᠌ ᠤᠯᠠᠢᠮᠠ ᠴᠠᠢᠮᠠ ᠢᠴᠢᠬᠦ ᠦᠭᠡᠢ ᠬᠡᠯᠡᠵᠦ ᠪᠠᠢᠭᠠ ᠶᠤᠮ ᠳᠠ᠃ ᠪᠢ ᠪᠦᠷ ᠡᠮᠦᠨᠡ ᠡᠴᠡ ᠨᠢ ᠨᠢᠭᠤᠷ ᠬᠢᠬᠦ ᠭᠠᠵᠠᠷ ᠣᠯᠳᠠᠭᠠ ᠦᠭᠡᠢ》 ᠭᠡᠵᠦ ᠨᠢᠳᠦ ᠨᠢ ᠨᠢᠯᠪᠤᠰᠤ ᠪᠠᠷ ᠴᠡᠢᠯᠡᠭᠡᠨᠡᠵᠦ ᠶᠠᠷᠢᠶᠠ ᠪᠠᠨ ᠴᠠᠰᠢ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠨ ᠶᠦᠮ᠃ ᠣᠳᠣ ᠲᠡᠭᠦᠨ ᠦ᠌ ᠬᠠᠷᠠᠲᠠᠢ ᠶ᠋ᠢ ᠨᠢ ᠠᠪᠤ ᠡᠵᠢ᠂ ᠠᠬᠠ ᠳᠡᠭᠦᠦ ᠨᠠᠷ ᠨᠢ ᠴᠥᠮ ᠮᠡᠳᠡᠬᠦ ᠦᠭᠡᠢ ᠭᠡᠵᠦ ᠪᠠᠢᠬᠤ ᠦᠭᠡᠢ᠃ ᠠᠪᠤ ᠡᠵᠢ ᠬᠣᠶᠠᠷ ᠨᠢ ᠬᠥᠭᠰᠢᠨ ᠬᠥᠮᠦᠨ ᠪᠣᠯᠬᠣᠷ ᠠᠷᠭᠠ ᠪᠠᠨ ᠪᠠᠷᠠᠬᠤ ᠳ᠋ᠠᠭᠠᠨ ᠬᠥᠮᠦᠨ ᠳ᠋ᠦ᠍ ᠦᠵᠡᠭᠦᠯᠦᠭᠰᠡᠨ ᠴᠢᠨᠢ《ᠰᠢᠷᠠ ᠥᠩᠭᠡᠲᠡᠢ(ᠤᠰᠤ) ᠰᠢᠷᠣᠢ ᠥᠭᠭᠦᠭᠡᠳ᠂ ᠰᠢᠷᠣᠢ ᠶ᠋ᠢ ᠨᠢ ᠭᠤᠲᠤᠯ ᠤ᠋ᠨ ᠬᠢᠨᠢ ᠳᠣᠣᠷᠠ ᠬᠢᠭᠡᠷᠡᠢ᠂ ᠰᠢᠩᠭᠡᠨ ᠶᠠᠭᠤᠮᠠ ᠶ᠋ᠢ ᠨᠢ ᠬᠣᠭᠣᠯᠠ ᠴᠠᠢ ᠳ᠋ᠤᠨᠢ ᠶᠤᠮ ᠤᠤ ᠡᠰᠡᠬᠦᠯᠡ ᠵᠦᠭᠡᠷ ᠤᠤᠭᠤᠯᠭᠠᠭᠠᠷᠠᠢ ᠭᠡᠰᠡᠨ ᠪᠠᠢᠨᠠ ᠯᠠᠢ ᠲᠡᠭᠡᠭᠰᠡᠨ ᠴᠢᠨᠢ ᠡᠨᠡ ᠯᠠᠮᠠ ᠶ᠋ᠢᠨ ᠰᠢᠭᠡᠰᠦ ᠪᠡᠷ ᠪᠢ ᠶᠠᠭᠠᠬᠢᠬᠤ ᠶᠤᠮ ᠭᠡᠳ ᠰᠠᠴᠤᠴᠢᠬᠠᠭᠰᠠᠨ᠃ ᠶᠣᠰᠣᠲᠠᠢ ᠬᠠᠷᠠᠲᠠᠢ ᠬᠥᠮᠦᠨ ᠲᠠᠢ ᠯᠠ ᠰᠠᠭᠤᠮᠠᠷ ᠦᠭᠡᠢ ᠶᠦᠮ ᠪᠠᠢᠨᠠ ᠭᠡᠵᠦ ᠤᠷᠲᠤ ᠬᠣᠢᠲᠤᠬᠢ ᠳ᠋ᠠᠭᠠᠨ7 ᠵᠠᠬᠢᠮᠠᠷ ᠶᠤᠮ ᠪᠠᠢᠨᠠ》 ᠭᠡᠵᠦ ᠰᠠᠨᠠᠭᠠ ᠠᠯᠲᠠᠨ᠂ ᠬᠡᠯᠡᠬᠦ ᠦᠭᠡ ᠪᠡᠨ ᠣᠯᠬᠤ ᠦᠭᠡᠢ ᠪᠠᠢᠵᠤ ᠪᠢᠯᠡ᠃ ᠲᠡᠷᠡ ᠪᠡᠷ ᠨᠥᠬᠥᠷ ᠨᠢ ᠬᠠᠷᠠᠳᠠᠬᠤ ᠪᠠᠷ ᠢ᠋ᠶ᠋ᠠᠨ ᠤᠬᠠᠭᠠᠨ ᠢ᠋ᠶ᠋ᠠᠨ ᠠᠯᠳᠠᠵᠤ᠂ ᠥᠪᠡᠷ ᠦ᠋ᠨ ᠮᠠᠲᠠᠯ ᠦᠭᠡᠢ ᠶᠦᠮ ᠰᠢᠭ ᠪᠣᠯᠳᠠᠭ᠃ ᠭᠠᠷ ᠬᠥᠯ ᠨᠢ ᠰᠠᠯᠭᠠᠨᠠᠵᠤ ᠴᠡᠴᠡᠷᠡᠭᠡᠳ᠂ ᠴᠢᠷᠠᠢ ᠨᠢ ᠢᠩᠳᠡᠦᠳᠡᠴᠢᠬᠡᠭᠰᠡᠨ ᠶᠦᠮ ᠰᠢᠭ ᠭᠥᠯᠢᠰᠬᠢᠭᠡᠳ ᠳᠠᠷᠠᠭᠠ ᠨᠢ ᠤᠯᠠᠢᠵᠤ᠂ ᠬᠣᠷᠸᠠ ᠶ᠋ᠢᠨ ᠮᠠᠭᠤᠬᠠᠢ ᠦᠭᠡ ᠪᠣᠯᠭᠠᠨ ᠢ᠋ᠶ᠋ᠠᠷ(ᠶᠠᠩᠬᠠᠨ᠂ ᠪᠠᠩᠵᠠᠯ᠂ ᠳᠡᠪᠢᠰᠬᠡᠷ᠂ ᠵᠣᠷᠯᠣᠩ᠂ ᠦᠮᠡᠬᠡᠢ ᠨᠦᠬᠡ᠂ ᠪᠡᠯᠡᠨ ᠪᠣᠷᠣ ᠭᠡᠬᠦ ᠮᠡᠲᠦ) ᠤᠲᠤᠵᠤ ᠭᠠᠷᠤᠨᠠ᠃ ᠲᠡᠭᠡᠭᠡᠳ ᠵᠣᠭᠰᠣᠬᠤ ᠦᠭᠡᠢ ᠨᠢᠳᠦ ᠪᠡᠨ ᠪᠦᠯᠲᠡᠷᠡᠭᠡᠳ᠂ ᠣᠴᠢ ᠦᠰᠦᠷᠲᠡᠯᠡ ᠠᠯᠠᠭᠠᠳᠠᠵᠤ ᠴᠣᠬᠢᠵᠤ ᠵᠣᠳᠣᠭᠰᠠᠨ ᠨᠢ ᠨᠢᠭᠡ ᠪᠤᠰᠤ ᠤᠳᠠᠭᠠ ᠠᠵᠠᠢ᠃ ᠦᠰᠦᠨ ᠡᠴᠡ ᠨᠢ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠷᠢᠶᠠᠵᠤ ᠬᠠᠮᠠᠷ ᠢ᠋ᠶ᠋ᠠᠷ ᠨᠢ ᠱᠠᠯᠠ ᠮᠥᠷᠭᠥᠭᠦᠯᠵᠦ᠂ ᠨᠢᠭᠤᠷ ᠠᠮᠠ ᠶ᠋ᠢ ᠨᠢ ᠴᠢᠰᠤ ᠪᠠᠷ ᠪᠣᠳᠣᠭᠰᠠᠨ ᠤᠳᠠᠭᠠ ᠲᠠᠢ᠃ ᠢᠩᠭᠢᠭᠡᠳ ᠪᠠᠢᠬᠤ ᠪᠠᠷ ᠨᠢ ᠶᠠᠳᠠᠵᠤ ᠭᠠᠭᠴᠠ ᠬᠣᠶᠠᠷ ᠵᠢᠯ ᠠᠮᠢᠳᠤ ᠶᠠᠪᠤᠬᠤ ᠪᠠᠨ ᠪᠣᠳᠣᠶᠠ᠂ ᠰᠠᠯᠤᠶᠠ ᠭᠡᠬᠦ ᠳ᠋ᠦ᠍ ᠨᠣᠢᠲᠠᠨ ᠬᠠᠮᠠᠭᠤ ᠰᠢᠭ᠋ ᠰᠠᠯᠬᠤ ᠦᠭᠡᠢ᠃ ᠢᠩᠭᠢᠵᠦ ᠠᠮᠢᠳᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠰᠠᠯᠤᠨᠠ ᠭᠡᠬᠦ ᠪᠡᠷ ᠠᠯᠠᠨᠠ᠂ ᠳᠡᠯᠡᠨᠡ ᠭᠡᠳᠡᠭ᠃ ᠡᠬᠢᠨ ᠳ᠋ᠡᠭᠡᠨ ᠴᠢᠮᠠ ᠶᠢ ᠠᠯᠠᠨᠠ ᠭᠡᠳᠡᠭ ᠪᠠᠢᠭᠰᠠᠨ ᠰᠡᠭᠦᠯ ᠳ᠋ᠡᠭᠡᠨ ᠬᠠᠷᠠᠳᠠᠯᠲᠠ ᠨᠢ ᠨᠡᠮᠡᠭᠳᠡᠬᠦ ᠬᠢᠷᠢ ᠪᠡᠷ ᠦᠷᠡ ᠬᠡᠦᠬᠡᠳ ᠲᠡᠢ ᠪᠡᠨ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠯᠡ ᠵᠦᠢᠯ ᠳᠠᠭᠤᠰᠤᠨᠠ ᠭᠡᠳᠡᠭ ᠪᠣᠯᠤᠭᠰᠠᠨ᠃ ᠡᠢᠨᠬᠦ ᠬᠠᠷᠠᠲᠠᠢ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠡᠳᠦᠷ ᠬᠣᠨᠣᠭ ᠥᠩᠭᠡᠷᠡᠭᠡᠭᠰᠡᠨ᠂ ᠦᠯᠭᠡᠨ ᠰᠠᠯᠭᠠᠨ ᠪᠣᠯᠤᠨᠠ᠃ ᠡᠮᠡᠭᠲᠡᠢ ᠬᠥᠮᠦᠨ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠪᠣᠳᠣᠭᠠᠳ᠂ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠣᠢᠲᠤ ᠡᠴᠢᠭᠡ ᠶ᠋ᠢᠨ ᠴᠢᠷᠠᠢ ᠬᠠᠷᠠᠭᠤᠯᠬᠤ ᠦᠭᠡᠢ ᠭᠡᠳ ᠲᠡᠰᠦᠭᠡᠳ ᠲᠡᠪᠴᠢᠭᠡᠳ ᠶᠠᠪᠤᠭᠠᠳ ᠪᠠᠢᠬᠤ ᠲᠣᠰᠤᠮ ᠬᠥᠭᠡᠷᠦᠬᠦᠢ ᠭᠡᠵᠦ ᠨᠢᠭᠡ ᠴᠦ᠍ ᠤᠳᠠᠭᠠ ᠪᠣᠳᠣᠬᠤ ᠦᠭᠡᠢ᠂ ᠤᠯᠠᠮ ᠯᠠ ᠭᠠᠭᠠᠷᠠᠭᠠᠳ ᠪᠠᠢᠨᠠ ᠭᠡᠭᠴᠢ᠃ ᠬᠠᠷᠠᠲᠠᠢ ᠬᠥᠮᠦᠨ ᠦ᠌ ᠡᠬᠡᠨᠡᠷ ᠡᠬᠢᠨ ᠳ᠋ᠡᠭᠡᠨ ᠶᠠᠭᠤᠮᠠ ᠪᠣᠯ ᠤᠬᠢᠯᠠᠨᠠ᠃ ᠬᠥᠮᠦᠨ ᠳ᠋ᠦ᠍ ᠬᠡᠯᠡᠵᠦ ᠶᠠᠷᠢᠭᠠᠳ ᠤᠬᠢᠯᠠᠭᠠᠳ ᠪᠠᠢᠨᠠ᠃ ᠰᠡᠭᠦᠯ ᠳ᠋ᠡᠭᠡᠨ ᠣᠯᠠᠨ ᠵᠢᠯ ᠲᠠᠮᠤᠯᠠᠭᠳᠠᠴᠢᠬᠠᠬᠤ ᠪᠠᠷ ᠢ᠋ᠶ᠋ᠠᠨ ᠴᠦ᠍ ᠲᠡᠷᠡ ᠶᠦᠮ ᠤᠤ ᠶᠣᠰᠣᠲᠠᠢ ᠨᠢᠯᠪᠤᠰᠤ ᠲᠠᠲᠠᠨᠠ ᠭᠡᠳᠡᠭ ᠪᠣᠯᠬᠤ ᠨᠢ ᠲᠡᠷᠡ᠃ ᠬᠠᠷᠠᠲᠠᠢ ᠬᠥᠮᠦᠨ ᠢ᠋ ᠥᠭᠦᠯᠡᠵᠦ ᠬᠡᠯᠡᠭᠡᠳ ᠴᠦ᠍ ᠬᠡᠷᠡᠭ ᠦᠭᠡᠢ᠂ ᠤᠬᠢᠯᠠᠵᠤ ᠬᠡᠯᠡᠭᠡᠳ ᠴᠦ᠍ ᠬᠡᠷᠡᠭ ᠦᠭᠡᠢ᠂ ᠡᠪ ᠢ᠋ᠶ᠋ᠡᠷ ᠬᠡᠯᠡᠭᠡᠳ ᠴᠦ᠍ ᠬᠡᠷᠡᠭ ᠦᠭᠡᠢ᠂ ᠡᠢᠮᠦ ᠯᠡ ᠨᠢᠭᠡ《ᠡᠷᠡᠭᠦᠯ ᠰᠠᠷᠠᠭᠤᠯ ᠪᠢᠰᠢ》 ᠤᠬᠠᠭᠠᠨ ᠲᠠᠢ ᠬᠥᠮᠦᠨ ᠶᠠᠪᠤᠳᠠᠭ᠃ ᠡᠷᠬᠢᠯᠡᠭᠰᠡᠨ ᠠᠵᠢᠯ ᠬᠥᠳᠡᠯᠮᠦᠷᠢ᠂ ᠭᠡᠷ ᠣᠷᠣᠨ ᠤ᠋ ᠠᠵᠢᠯ ᠳ᠋ᠤ᠌ ᠪᠣᠯ ᠵᠥᠪ ᠵᠦᠭᠡᠷ᠃ ᠲᠡᠭᠡᠭᠰᠡᠨ ᠮᠥᠷᠲᠡᠭᠡᠨ ᠬᠠᠷᠠᠳᠠᠬᠤ ᠪᠠᠷ ᠢ᠋ᠶ᠋ᠠᠨ ᠶᠠᠭ ᠡᠪᠡᠳᠴᠢᠨ ᠲᠡᠢ ᠶᠦᠮ ᠰᠢᠭ ᠪᠣᠯᠴᠢᠬᠠᠨᠠ᠃
ᠤᠬᠠᠭᠠᠨ ᠦᠭᠡᠢ ᠬᠠᠷᠠᠳᠠᠯᠲᠠ ᠨᠢ ᠬᠠᠭᠠᠰ ᠡᠷᠡᠭᠦᠯ ᠬᠥᠮᠦᠨ ᠦ᠌ ᠯᠡ ᠵᠠᠩ᠃ ᠰᠣᠯᠢᠶᠠᠲᠠᠢ ᠭᠡᠬᠦ ᠳ᠋ᠦ᠍ ᠰᠣᠯᠢᠶᠠᠲᠠᠢ ᠪᠢᠰᠢ᠂ ᠮᠡᠳᠡᠷᠡᠯ— ᠰᠡᠳᠬᠢᠴᠡ ᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠡᠷᠡᠭᠦᠯ᠂ ᠡᠪᠡᠳᠴᠢᠨ ᠲᠡᠢ ᠶ᠋ᠢᠨ《ᠵᠠᠪᠰᠠᠷ ᠤ᠋ᠨ》 ᠬᠥᠮᠦᠰ ᠲᠦ᠍ ᠯᠡ ᠬᠠᠷᠠᠳᠠᠯᠲᠠ ᠬᠠᠮᠤᠭ ᠤ᠋ᠨ ᠣᠯᠠᠨᠲᠠ ᠲᠣᠬᠢᠶᠠᠯᠳᠤᠳᠠᠭ ᠢ᠋ ᠡᠮᠴᠢ ᠨᠠᠷ ᠠᠵᠢᠭᠯᠠᠵᠠᠢ᠃ ᠬᠠᠷᠠᠲᠠᠢ ᠬᠥᠮᠦᠨ ᠦ᠌ ᠡᠬᠡᠨᠡᠷ ᠡᠴᠦᠰ ᠦ᠋ᠨ ᠡᠴᠦᠰ ᠲᠦ᠍ ᠨᠠᠢᠵᠠ ᠨᠥᠬᠥᠳ ᠦᠭᠡᠢ᠂ ᠭᠡᠷ ᠲᠦ᠋ᠨᠢ ᠱᠠᠭᠠᠢᠬᠤ ᠬᠥᠮᠦᠨ ᠦᠭᠡᠢ᠂ ᠲᠠᠨᠢᠳᠠᠭ ᠮᠡᠳᠡᠳᠡᠭ ᠪᠠᠢᠩᠭᠤ 2 ᠬᠥᠮᠦᠨ ᠲᠡᠢ ᠪᠡᠨ ᠴᠦ᠍ ᠮᠡᠨᠳᠦᠯᠡᠬᠦ ᠡᠷᠬᠡ ᠦᠭᠡᠢ ᠪᠣᠯᠤᠨᠠ᠃ ᠬᠠᠷᠠᠳᠠᠭᠠᠳ ᠪᠠᠢᠳᠠᠭ ᠪᠣᠯᠬᠣᠷ ᠲᠠᠨᠢᠳᠠᠭ ᠬᠥᠮᠦᠨ ᠲᠡᠢ ᠪᠡᠨ ᠴᠦ᠍ ᠲᠠᠭᠠᠷᠠᠯᠳᠤᠬᠤ ᠠ᠋ᠴᠠ ᠶᠠᠰᠤ ᠨᠢ ᠬᠠᠪᠲᠠᠰᠬᠢᠨᠡ᠃ ᠡᠢᠨᠬᠦ ᠪᠠᠢᠩᠭᠤ ᠬᠠᠷᠠᠳᠠᠨ ᠰᠡᠷᠡᠳᠡᠭᠦᠯᠵᠦ᠂ ᠲᠦᠭᠰᠢᠵᠦ᠂ ᠠᠶᠤᠵᠤ ᠰᠠᠨᠳᠤᠷᠴᠤ ᠠ᠋ᠴᠠ ᠮᠡᠳᠡᠷᠡᠯ ᠨᠢ ᠰᠤᠯᠠᠳᠠᠵᠤ᠂ ᠰᠡᠳᠬᠢᠯ ᠦ᠋ᠨ ᠡᠪᠡᠳᠴᠢᠨ ᠴᠦ᠍ ᠪᠣᠯᠵᠤ ᠪᠣᠯᠤᠨᠠ᠃
16 ᠵᠢᠯ ᠬᠠᠨᠢᠯᠠᠬᠤ ᠳ᠋ᠠᠭᠠᠨ ᠬᠠᠷᠠᠳᠠᠭᠠ ᠦᠭᠡᠢ ᠨᠢᠭᠡ ᠡᠳᠦᠷ ᠦᠵᠡᠭᠡ ᠦᠭᠡᠢ ᠨᠥᠬᠥᠷ ᠲᠡᠢ ᠨᠢᠭᠡᠨ ᠵᠣᠪᠠᠭᠰᠠᠨ ᠡᠮᠡᠭᠲᠡᠢ ᠡᠬᠢᠯᠡᠭᠡᠳ ᠪᠠᠮᠪᠠᠢ ᠲᠠᠢ ᠪᠣᠯᠵᠤ ᠳᠠᠷᠠᠭᠠ ᠨᠢ ᠨᠢᠳᠦᠨ ᠦ᠌ ᠳᠠᠷᠤᠯᠲᠠ ᠶᠡᠬᠡᠰᠴᠦ᠂ ᠬᠣᠳᠣᠭᠣᠳᠣ ᠨᠢ ᠶᠡᠬᠡ ᠡᠪᠡᠳᠳᠡᠭ᠂ ᠨᠣᠢᠷ ᠨᠢ ᠬᠦᠷᠬᠦ ᠪᠡᠨ ᠪᠣᠯᠢᠭᠰᠠᠨ ᠪᠠᠢᠪᠠ᠃ ᠡᠨᠡ ᠪᠦᠬᠦᠨ ᠴᠣᠬᠣᠮ ᠳ᠋ᠠᠭᠠᠨ ᠬᠠᠷᠠᠳᠠᠯᠲᠠ ᠶ᠋ᠢᠨ ᠬᠠᠷᠠ ᠰᠠᠯᠬᠢ ᠳᠠᠷᠤᠢ ᠮᠥᠨ᠃ ᠬᠠᠷᠠᠳᠠᠯᠲᠠ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠴᠦ᠍ ᠲᠤᠩ ᠮᠠᠭᠤ ᠪᠠᠷ ᠨᠥᠯᠥᠭᠡᠯᠡᠨᠡ᠃ ᠬᠠᠷᠠᠲᠠᠢ ᠬᠥᠮᠦᠨ ᠦ᠌ ᠡᠬᠡᠨᠡᠷ ᠪᠡᠯᠭᠡ ᠶ᠋ᠢᠨ ᠬᠠᠷᠢᠴᠠᠭᠠᠨ ᠳ᠋ᠤ᠌ ᠰᠣᠨᠢᠷᠬᠠᠯ ᠦᠭᠡᠢ ᠪᠣᠯᠵᠤ᠂ ᠳᠤᠷᠠ ᠨᠢ ᠬᠦᠷᠬᠦ ᠨᠢ ᠣᠯᠠᠨᠲᠠ ᠪᠠᠢᠳᠠᠭ ᠢ᠋ ᠪᠡᠯᠭᠡ ᠶ᠋ᠢᠨ ᠡᠮᠭᠡᠭ ᠰᠤᠳᠤᠯᠤᠭᠴᠢ- ᠡᠮᠴᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠪᠢ ᠰᠠᠢᠨ ᠮᠡᠳᠡᠬᠦ ᠪᠢᠯᠡ᠃ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠦᠶᠡ ᠳ᠋ᠦ᠍ ᠴᠠᠭᠠᠷᠢᠭ ᠪᠤᠯᠴᠢᠩ ᠠᠭᠰᠢᠭᠠᠳ ᠶᠠᠭ ᠠᠮᠠᠰᠠᠷ ᠳᠡᠭᠡᠷᠡ ᠪᠡᠨ ᠢᠷᠡᠵᠦ ᠪᠠᠢᠲᠠᠯᠠ ᠮᠠᠭᠤᠬᠠᠢ ᠦᠭᠡ ᠪᠡᠷ ᠤᠲᠤᠵᠤ ᠪᠠᠢᠭᠰᠠᠨ ᠨᠢ ᠴᠢᠬᠢᠨ ᠳ᠋ᠦ᠍ ᠬᠠᠲᠠᠭᠠᠳ ᠨᠥᠭᠦᠭᠡ ᠠᠰᠢᠲᠠᠢᠬᠠᠨ᠂ ᠭᠣᠶᠣ ᠪᠣᠯᠵᠤ ᠪᠠᠢᠭᠰᠠᠨ ᠴᠢᠨᠢ ᠳᠣᠣᠷᠠᠬᠠᠨ ᠢ᠋ᠶ᠋ᠠᠨ ᠠᠯᠠᠭᠠ ᠪᠣᠯᠴᠢᠬᠠᠨᠠ᠃《ᠡᠨᠡ ᠨᠠᠮᠠ ᠶ᠋ᠢ ᠶᠠᠮᠠᠷ ᠬᠠᠢᠷᠠᠯᠠᠳᠠᠭ᠂ ᠬᠠᠯᠠᠮᠵᠢᠯᠠᠳᠠᠭ ᠪᠢᠰᠢ ᠳᠡ᠂ ᠵᠦᠭᠡᠷ ᠠᠰᠢᠭᠯᠠᠵᠤ ᠯᠠ ᠪᠠᠢᠭᠠ ᠰᠢᠦ ᠳᠡ》 ᠭᠡᠵᠦ ᠪᠣᠳᠣᠭᠳᠠᠭᠠᠳ ᠳᠤᠷᠠ ᠦᠭᠡᠢ ᠨᠢ ᠬᠦᠷᠦᠭᠡᠳ ᠶᠠᠪᠤᠴᠢᠬᠠᠨᠠ᠃ ᠡᠢᠮᠦ ᠳ᠋ᠦ᠍ ᠢᠩᠭᠢᠵᠦ ᠠᠰᠢᠭᠯᠠᠭᠤᠯᠵᠤ ᠪᠠᠢᠭᠠᠳ ᠶᠠᠭᠠᠬᠢᠳᠠᠭ ᠶᠤᠮ ᠭᠡᠵᠦ ᠪᠣᠳᠣᠬᠤ ᠠ᠋ᠴᠠ ᠶᠠᠭᠠᠬᠢᠬᠤᠪ᠃ ᠬᠠᠷᠠ ᠦᠭᠡᠢ ᠨᠥᠬᠥᠷ ᠲᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠡᠷᠡ ᠨᠥᠬᠥᠷ ᠲᠡᠭᠡᠨ ᠪᠡᠶᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠦᠷᠢᠨ ᠲᠤᠰᠢᠶᠠᠵᠤ᠂ ᠬᠠᠨᠢ ᠳ᠋ᠠᠭᠠᠨ ᠶᠠᠮᠠᠷ ᠶᠡᠬᠡ ᠬᠠᠢᠷᠠᠲᠠᠢ᠂ ᠳᠤᠷᠠᠲᠠᠢ ᠪᠠᠢᠬᠤ ᠨᠢ ᠣᠢᠯᠠᠭᠠᠮᠵᠢᠲᠠᠢ᠂ ᠢᠩᠭᠢᠬᠦᠯᠡᠷ ᠬᠠᠷᠠᠳᠠᠯᠲᠠ ᠪᠣᠯ ᠡᠮᠡᠭᠲᠡᠢ ᠶ᠋ᠢᠨ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠥᠷᠥᠬᠦ ᠨᠢᠭᠡ ᠭᠣᠣᠯ ᠰᠢᠯᠲᠠᠭᠠᠨ ᠶᠠᠭᠠᠬᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠮᠥᠨ᠃ ᠤᠴᠢᠷ ᠡᠢᠮᠦ ᠳ᠋ᠦ᠍ ᠡᠬᠡᠨᠡᠷ ᠢ᠋ᠶ᠋ᠡᠨ《ᠮᠥᠰᠥᠨ》 ᠬᠥᠮᠦᠨ ᠪᠣᠯᠭᠠᠴᠢᠬᠠᠬᠤ ᠦᠭᠡᠢ ᠭᠡᠪᠡᠯ ᠬᠡᠵᠢᠶᠡ ᠴᠦ᠍ ᠪᠦᠦ ᠬᠠᠷᠠᠳᠠᠭᠠᠷᠠᠢ ᠠᠮᠤᠷ ᠵᠠᠶᠠᠭᠠ ᠦᠵᠡᠭᠦᠯᠬᠦ ᠦᠭᠡᠢ᠂ ᠦᠷᠭᠦᠯᠵᠢ ᠬᠠᠷᠠᠳᠠᠭᠠᠳ ᠪᠠᠢᠬᠤ ᠳ᠋ᠤ᠌ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠠᠮᠤᠭ ᠤ᠋ᠨ ᠳᠤᠷᠠ ᠰᠠᠷᠠᠯ ᠭᠤᠲᠤᠬᠤ ᠠ᠋ᠴᠠ ᠪᠢᠰᠢ᠂ ᠠᠰᠠᠬᠤ ᠦᠭᠡᠢ ᠨᠢ ᠮᠡᠳᠡᠭᠡᠵᠢ ᠮᠠᠭᠠᠳ ᠦᠭᠡᠢ ᠬᠣᠭᠣᠰᠣᠨ ᠬᠠᠷᠠᠳᠠᠭᠤᠯᠤᠭᠠᠳ ᠬᠣᠬᠢᠷᠠᠵᠤ ᠶᠠᠪᠤᠬᠤ ᠪᠠᠷ《ᠬᠣᠭᠣᠯᠠ ᠲᠠᠢ》 ᠭᠡᠵᠦ ᠤᠷᠢᠳᠤ ᠨᠢ ᠪᠣᠳᠣᠭᠠ ᠦᠭᠡᠢ ᠪᠣᠳᠣᠯ ᠴᠦ᠍ ᠲᠥᠷᠥᠭᠡᠳ ᠢᠷᠡᠬᠦ ᠶᠦᠮ ᠪᠢᠯᠢᠤ᠂ ᠬᠡᠨ ᠮᠡᠳᠡᠯᠡ᠃ ᠡᠢᠮᠦ ᠶᠠᠪᠤᠳᠠᠯ ᠠᠮᠢᠳᠤᠷᠠᠯ ᠳᠤ ᠴᠦ᠍ ᠪᠣᠢ ᠰᠢᠦ ᠳᠡ᠃ ᠲᠡᠭᠡᠬᠦ ᠪᠡᠷ᠂ ᠡᠬᠡᠨᠡᠷ ᠢ᠋ᠶ᠋ᠡᠨ ᠥᠭᠡᠷᠡ ᠬᠥᠮᠦᠨ ᠲᠡᠢ ᠠᠭᠤᠯᠵᠠᠭᠤᠯᠬᠤ ᠦᠭᠡᠢ ᠭᠡᠵᠦ ᠬᠠᠷᠠᠳᠠᠭᠠᠳ ᠪᠠᠢᠭᠠ ᠴᠢᠨᠢ ᠡᠴᠦᠰ ᠲᠡᠭᠡᠨ ᠡᠨᠡ ᠵᠠᠮ ᠤᠷᠤᠭᠤ ᠲᠦᠯᠬᠢᠵᠦ ᠮᠡᠳᠡᠬᠦ ᠶᠦᠮ ᠰᠢᠦ! ᠬᠠᠷᠠᠲᠠᠢ ᠬᠥᠮᠦᠨ ᠡᠬᠡᠨᠡᠷ ᠲᠡᠭᠡᠨ ᠭᠣᠶᠣ ᠭᠠᠩᠭᠠᠩ ᠬᠤᠪᠴᠠᠰᠤ ᠬᠤᠨᠠᠷ ᠠᠪᠴᠤ ᠥᠭᠬᠦ ᠡᠴᠡ ᠴᠦ᠍ ᠠᠶᠤᠨᠠ᠃ ᠭᠠᠭᠴᠠ ᠠᠮᠢᠳᠤᠷᠠᠬᠤ ᠠᠮᠢᠳᠤᠷᠠᠯ ᠢ᠋ ᠢᠩᠭᠢᠵᠦ ᠤᠴᠢᠷ ᠦᠭᠡᠢ ᠥᠩᠭᠡᠷᠡᠭᠡᠬᠦ ᠶ᠋ᠢᠨ ᠬᠡᠷᠡᠭ ᠪᠠᠢᠨᠠ ᠤᠤ! ᠲᠠ ᠰᠠᠢᠨ ᠪᠣᠳᠣᠭᠠᠷᠠᠢ᠃ ᠡᠬᠡᠨᠡᠷ ᠢ᠋ᠶ᠋ᠡᠨ ᠬᠠᠷᠠᠳᠠᠭᠠᠳ ᠠᠮᠤᠷ ᠵᠠᠶᠠᠭᠠ ᠦᠵᠡᠭᠦᠯᠬᠦ ᠦᠭᠡᠢ ᠮᠥᠷᠲᠡᠭᠡᠨ ᠥᠪᠡᠷ ᠢ᠋ᠶ᠋ᠡᠨ ᠵᠦᠭᠡᠷ ᠪᠠᠢᠳᠠᠭ ᠦᠭᠡᠢ᠂ ᠡᠨᠡ ᠭᠡᠮ ᠢ᠋ᠶ᠋ᠡᠨ ᠶᠠᠭᠤᠮᠠᠨ ᠴᠢᠨᠡᠭᠡ ᠲᠣᠭᠣᠳᠠᠭ ᠦᠭᠡᠢ ᠡᠷᠡᠴᠦᠳ ᠴᠦ᠍ ᠪᠠᠰᠠ ᠪᠠᠢᠬᠤ ᠯᠠ ᠶᠤᠮ᠃ ᠡᠢᠮᠦ ᠡᠷᠡᠴᠦᠳ ᠰᠣᠯᠢᠶᠠᠲᠠᠢ ᠶᠤᠮ ᠰᠢᠭ᠋ ᠬᠠᠷᠠᠳᠠᠬᠤ ᠬᠡᠳᠦᠢ ᠮᠥᠷᠲᠡᠭᠡᠨ ᠠᠪᠠᠯᠢ ᠡᠬᠡᠨᠡᠷ ᠴᠦ᠍᠂ ᠥᠭᠡᠷᠡ ᠪᠤᠰᠤᠳ ᠡᠮᠡᠭᠲᠡᠢᠴᠦᠳ ᠢ᠋ ᠴᠦ᠍᠂ ᠶᠡᠷᠦᠨᠢ ᠬᠡᠨ ᠢ᠋ ᠴᠦ᠍ ᠵᠢᠩᠬᠢᠨᠢ ᠶᠣᠰᠣ ᠪᠠᠷ ᠬᠠᠢᠷᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠲᠡᠳᠡᠨ ᠢ᠋ ᠪᠦᠭᠦᠳᠡᠭᠡᠷ ᠢ᠋ ᠬᠤᠳᠠᠯᠴᠢ ᠬᠠᠭᠤᠷᠤᠨ ᠮᠡᠬᠡᠯᠡᠭᠴᠢ ᠭᠡᠵᠦ ᠪᠣᠳᠣᠵᠤ ᠶᠠᠪᠤᠳᠠᠭ᠃ ᠡᠷᠡᠭᠲᠡᠢ ᠬᠥᠮᠦᠨ ᠡᠴᠡ ᠳᠤᠲᠠᠬᠤ ᠦᠭᠡᠢ ᠠᠶᠤᠮᠠᠷ ᠬᠠᠷᠠᠲᠠᠢ《ᠡᠬᠡᠨᠡᠷ ᠦ᠋ᠳ》 ᠢ᠋ ᠴᠦ᠍ ᠪᠠᠰᠠ ᠠᠯᠢ ᠶ᠋ᠢ ᠨᠢ ᠲᠡᠷᠡ ᠭᠡᠬᠦᠪ᠃ ᠭᠡᠪᠡᠴᠦ ᠡᠷᠡᠭᠲᠡᠢ ᠬᠥᠮᠦᠨ ᠬᠠᠷᠠᠳᠠᠬᠤ ᠪᠠᠷ ᠢ᠋ᠶ᠋ᠠᠨ ᠡᠬᠡᠨᠡᠷ ᠤᠷᠤᠭᠤ ᠪᠠᠨ ᠬᠠᠯᠳᠠᠳᠠᠭ ᠪᠣᠯ ᠡᠮᠡᠭᠲᠡᠢᠴᠦᠳ ᠭᠣᠣᠯᠳᠠᠭᠤ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ《ᠨᠢᠭᠤᠴᠠ ᠠᠮᠠᠷᠠᠭ》 ᠤᠷᠤᠭᠤ ᠳᠠᠭᠠᠷᠢᠳᠠᠭ᠃ ᠬᠠᠷᠠᠳᠠᠯᠲᠠ ᠠ᠋ᠴᠠ ᠡᠭᠦᠰᠦᠭᠰᠡᠨ ᠬᠡᠷᠡᠭᠦᠯ ᠮᠠᠷᠭᠤᠭᠠᠨ ᠳ᠋ᠤ᠌ ᠬᠥᠨᠳᠡᠯᠡᠨ ᠦ᠌ ᠬᠥᠮᠦᠰ ᠢ᠋᠂ ᠢᠯᠠᠩᠭᠤᠶᠠ ᠬᠡᠦᠬᠡᠳ ᠢ᠋ ᠲᠡᠳᠡᠨ ᠤᠷᠣᠭᠤᠯᠵᠤ ᠬᠡᠷᠬᠢᠪᠡᠴᠦ ᠪᠣᠯᠬᠤ ᠦᠭᠡᠢ᠃ ᠬᠠᠷᠠᠲᠠᠢ ᠨᠥᠬᠥᠷ ᠢ᠋ᠶ᠋ᠡᠨ ᠲᠤᠢᠯ ᠢ᠋ᠶ᠋ᠠᠷ ᠵᠣᠪᠠᠭᠠᠵᠤ᠂ ᠲᠡᠭᠦᠨ ᠢ᠋ ᠥᠪᠡᠷ ᠡᠴᠡ ᠪᠡᠨ ᠤᠯᠠᠮ ᠬᠥᠨᠳᠡᠢᠷᠡᠭᠦᠯᠦᠨᠡ᠃ ᠡᠷᠡᠭᠲᠡᠢ ᠬᠥᠮᠦᠨ ᠬᠠᠷᠠᠳᠠᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠤᠯᠠᠮ ᠴᠠᠭᠠᠰᠢᠯᠠᠨᠠ ᠤᠤ ᠭᠡᠬᠦ ᠡᠴᠡ ᠪᠢᠰᠢ᠂ ᠨᠠᠭᠠᠰᠢᠯᠠᠬᠤ ᠨᠢ ᠬᠡᠵᠢᠶᠡ ᠴᠦ᠍ ᠦᠭᠡᠢ᠃ ᠬᠠᠷᠠ ᠠ᠋ᠴᠠ ᠪᠣᠯᠵᠤ ᠡᠷᠡ ᠶ᠋ᠢᠨ ᠢ᠋ᠶ᠋ᠡᠨ《ᠡᠮᠵᠡᠭ》 ᠡᠷᠬᠡᠲᠡᠨ ᠢ᠋ ᠬᠦᠢᠲᠡᠨ ᠮᠡᠰᠡ ᠪᠡᠷ ᠬᠥᠨᠳᠡᠭᠰᠡᠨ ᠡᠮᠡᠭᠲᠡᠢ ᠪᠣᠢ᠃ ᠬᠠᠷᠠᠳᠠᠯᠲᠠ ᠭᠡᠳᠡᠭ ᠴᠣᠬᠣᠮ ᠳ᠋ᠠᠭᠠᠨ ᠡᠢᠮᠦ ᠯᠡ ᠬᠠᠷᠠ ᠮᠥᠷ ᠲᠡᠢ᠃ ᠬᠠᠷᠠᠲᠠᠢ ᠠᠪᠤ ᠶᠤᠮ ᠤᠤ ᠡᠵᠢ ᠲᠡᠢ ᠬᠡᠦᠬᠡᠳ ᠴᠦ᠍ ᠪᠠᠭᠠ ᠠ᠋ᠴᠠ ᠪᠠᠨ ᠬᠥᠮᠦᠨ ᠳ᠋ᠦ᠍ ᠢᠲᠡᠭᠡᠬᠦ ᠪᠡᠨ ᠪᠠᠢᠵᠤ ᠲᠣᠮᠣ ᠪᠣᠯᠤᠭᠰᠠᠨ ᠤ᠋ ᠬᠣᠢᠨᠠ ᠮᠥᠨ《ᠡᠬᠡ ᠨᠢ ᠬᠡᠭᠡᠷᠡ ᠠᠯᠠᠭ ᠪᠣᠯ ᠤᠨᠠᠭᠠ ᠨᠢ ᠰᠢᠭᠢᠷᠡ ᠠᠯᠠᠭ》 ᠭᠡᠭᠴᠢ ᠬᠠᠷᠠᠲᠠᠢ ᠬᠥᠮᠦᠨ ᠪᠣᠯᠵᠤ᠂ ᠠᠮᠢᠲᠠᠨ ᠤ᠋ ᠠᠯᠠᠭ ᠦᠷᠡ ᠶ᠋ᠢ ᠵᠣᠪᠠᠭᠠᠵᠤ ᠲᠠᠮᠤᠯᠠᠬᠤ ᠨᠢ ᠪᠣᠢ᠃ ᠠᠪᠤ ᠨᠢ ᠤᠴᠢᠷ ᠦᠭᠡᠢ ᠬᠠᠷᠠᠲᠠᠢ ᠨᠢᠭᠡᠨ ᠠᠢᠯ ᠤ᠋ᠨ 8 ᠨᠠᠰᠤᠲᠠᠢ ᠬᠦᠦ ᠬᠣᠶᠠᠷ ᠡᠭᠡᠴᠢ ᠪᠡᠨ ᠬᠠᠮᠢᠭᠠᠰᠢ ᠶᠠᠪᠤᠭᠰᠠᠨ ᠢ᠋ ᠦᠷᠭᠦᠯᠵᠢ ᠪᠠᠢᠴᠠᠭᠠᠵᠤ᠂ ᠶᠠᠭᠠᠬᠢᠬᠤ ᠭᠡᠵᠦ ᠪᠠᠢᠭᠠ ᠶᠤᠮ ᠭᠡᠵᠦ ᠠᠰᠠᠭᠤᠵᠤ ᠰᠢᠯᠭᠠᠬᠤ ᠶᠤᠮ ᠤᠤ ᠡᠰᠡᠪᠡᠯ ᠡᠵᠢ᠂ ᠠᠪᠤ ᠳ᠋ᠠᠭᠠᠨ ᠲᠡᠢᠮᠦ ᠬᠡᠦᠬᠡᠳ ᠲᠡᠢ ᠲᠡᠭᠡᠵᠦ ᠢᠩᠭᠢᠵᠦ ᠶᠠᠪᠤᠭᠠᠳ ᠦᠭᠭᠦᠭᠰᠡᠨ ᠰᠢᠦ ᠭᠡᠵᠦ ᠦᠷᠭᠦᠯᠵᠢ ᠬᠣᠪ ᠵᠥᠭᠡᠭᠡᠳᠡᠭ ᠪᠣᠯᠤᠭᠰᠠᠨ ᠪᠠᠢᠪᠠ᠃ ᠡᠨᠡ ᠪᠣᠯ ᠡᠴᠢᠭᠡ ᠡᠬᠡ ᠶ᠋ᠢᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠮᠥᠨ ᠬᠣᠵᠢᠮ ᠬᠣᠢᠰᠢᠳᠠ ᠬᠠᠨᠢᠯᠠᠭᠰᠠᠨ ᠡᠢᠨᠬᠦ ᠮᠥᠷᠳᠡᠨ ᠮᠥᠰᠬᠢᠬᠦ ᠯᠡ ᠨᠢᠭᠡ ᠠᠯᠬᠤᠮ ᠴᠤᠬᠤᠯᠵᠠᠵᠤ ᠪᠠᠢᠭᠠ ᠨᠢ ᠲᠡᠷᠡ᠃ ᠢᠩᠭᠢᠬᠦᠯᠡᠷ ᠠᠭᠤᠷ ᠢ᠋ ᠠᠭᠤᠷᠯᠠᠵᠤ ᠪᠠᠷᠠᠬᠤ ᠦᠭᠡᠢ᠂ ᠢᠨᠢᠶᠡᠵᠦ ᠪᠠᠷᠠᠳᠠᠭ ᠤ᠋ᠨ ᠨᠢᠭᠡᠨ ᠠᠳᠠᠯᠢ ᠬᠠᠷᠠᠳᠠᠯᠲᠠ ᠶ᠋ᠢ ᠬᠠᠯᠠᠭᠤᠨ ᠬᠠᠢᠷᠠ ᠰᠡᠳᠬᠢᠯ ᠡᠴᠡ ᠥᠭᠡᠷᠡ ᠶᠠᠭᠤ ᠴᠦ᠍ ᠰᠢᠬᠠᠨ ᠵᠠᠢᠯᠠᠭᠤᠯᠵᠤ ᠦᠯᠦ ᠴᠢᠳᠠᠨᠠ᠃ ᠬᠠᠷᠠᠳᠠᠯᠲᠠ ᠪᠣᠯ ᠤᠭ ᠲᠠᠭᠠᠨ ᠪᠤᠵᠠᠷ ᠠ᠋ᠴᠠ ᠡᠭᠦᠰᠳᠡᠭ ᠪᠥᠭᠰᠡᠨ ᠦ᠌ ᠬᠡᠷᠡᠭᠦᠯ ᠮᠠᠷᠭᠤᠭᠠᠨ ᠪᠣᠯᠠᠢ᠃ ᠡᠢᠮᠦ ᠪᠥᠭᠡᠰᠦ ᠲᠡᠭᠦᠨ ᠢ᠋ ᠦᠯᠦ ᠲᠡᠪᠴᠢᠪᠡᠰᠦ ᠠᠢᠯ ᠭᠡᠷ ᠦ᠋ᠨ ᠥᠩᠭᠡ ᠵᠢᠰᠦ ᠬᠥᠰᠡᠷ ᠢ᠋ ᠳᠠᠭᠠᠭᠠᠵᠤ᠂ ᠠᠯᠠᠭ ᠦᠷᠡᠰ ᠨᠢ ᠥᠭᠡᠳᠡᠯᠡᠬᠦ ᠦᠭᠡᠢ᠃