ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ -2- ᠬᠣᠷᠸᠠ ᠶᠢᠨ ᠡᠷᠢᠶᠡᠨ ᠪᠠᠷᠠᠭᠠᠨ - <5>᠂ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ Эр эмийн ёсон – Д᠂ Болдцэрэн <2-р бүлэг>– Хорвоогийн эрээн бараан- 5᠂Хормойн гажуудал
232ᠲᠠᠪᠤ᠂ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ
ᠣᠳᠣ ᠲᠡᠳᠡᠭᠡᠷ ᠦ᠋ᠨ ᠵᠠᠷᠢᠮ ᠠ᠋ᠴᠠ ᠳᠤᠷᠠᠳᠤᠶᠠ᠃ ᠲᠡᠳᠡᠨ ᠦ᠌ ᠨᠢᠭᠡ ᠬᠡᠰᠡᠭ ᠨᠢ ᠬᠤᠷᠢᠴᠠᠯ ᠦᠢᠯᠡᠳᠴᠦ ᠪᠣᠢ ᠬᠥᠮᠦᠨ ᠢ᠋ᠶ᠋ᠡᠨ ᠪᠦᠳᠦᠭᠦᠯᠢᠭ ᠦᠭᠡ ᠪᠡᠷ ᠳᠣᠷᠣᠮᠵᠢᠯᠠᠬᠤ᠂ ᠲᠡᠮᠦᠯᠡᠨ ᠵᠣᠪᠠᠭᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠳᠤᠷᠠ ᠪᠠᠨ ᠲᠠᠢᠯᠳᠠᠭ᠃ ᠡᠭᠦᠨ ᠢ᠋ ᠰᠡᠳᠢᠰᠮ ᠭᠡᠳᠡᠭ᠃ ᠡᠢᠮᠦ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠲᠠᠢ ᠬᠥᠮᠦᠰ ᠬᠤᠷᠢᠴᠠᠯ ᠬᠠᠮᠲᠤᠷᠠᠨ ᠦᠢᠯᠡᠳᠦᠭᠴᠢ ᠪᠡᠨ ᠲᠠᠮᠤᠯᠠᠨ ᠵᠣᠪᠠᠭᠠᠬᠤ ᠪᠤᠶᠤ ᠡᠪᠡᠳᠬᠡᠵᠦ ᠲᠠᠷᠴᠢᠯᠠᠭᠠᠬᠤ ᠦᠭᠡᠢ ᠪᠡᠷ ᠳᠤᠷᠠ ᠨᠢ ᠬᠠᠩᠬᠤ ᠦᠭᠡᠢ᠃ ᠭᠡᠲᠡᠯᠡ ᠨᠥᠭᠦᠭᠡ ᠬᠡᠰᠡᠭ ᠨᠢ ᠵᠠᠪᠠᠯ《ᠢᠩᠭᠢᠭᠦᠯᠬᠦ ᠦᠭᠡᠢ》 ᠪᠡᠷ ᠳᠤᠷᠠ ᠨᠢ ᠬᠠᠨᠤᠨᠠ ᠭᠡᠵᠦ ᠶᠡᠷᠦ ᠦᠭᠡᠢ᠃ ᠲᠡᠳᠡ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠬᠡᠳᠦᠢ ᠴᠢᠨᠡᠭᠡ ᠪᠦᠳᠦᠭᠦᠯᠢᠭ᠂ ᠬᠥᠮᠦᠨ ᠪᠤᠰᠤ᠂ ᠮᠠᠭᠤᠬᠠᠢ ᠦᠭᠡ ᠪᠡᠷ ᠬᠡᠯᠡᠭᠦᠯᠵᠦ᠂ ᠲᠡᠮᠦᠯᠦᠨ ᠵᠣᠪᠠᠭᠠᠯᠭᠠᠨᠠ᠂ ᠲᠡᠳᠦᠢ ᠴᠢᠨᠡᠭᠡ ᠳᠤᠷᠠ ᠨᠢ ᠠᠰᠠᠵᠤ ᠬᠠᠨᠤᠮᠵᠢᠲᠠᠢ ᠪᠠᠢᠨᠠ᠃ ᠡᠢᠮᠦ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠢ᠋ ᠮᠠᠽᠣᠬᠢᠰᠮ ᠭᠡᠵᠦ ᠨᠡᠷᠡᠯᠡᠨᠡ᠃ ᠵᠠᠷᠢᠮ ᠡᠷᠡᠭᠦᠯ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠨᠢ ᠳᠡᠭᠡᠳᠦ ᠴᠢᠭ ᠲᠡᠭᠡᠨ ᠬᠦᠷᠦᠭᠰᠡᠨ ᠦᠶᠡ ᠳ᠋ᠦ᠍ ᠴᠢᠨᠠᠳᠤ ᠬᠥᠮᠦᠨ ᠢ᠋ᠶ᠋ᠡᠨ ᠡᠪᠡᠳᠬᠡᠬᠦ ᠶᠠᠪᠤᠳᠠᠯ᠂ ᠲᠤᠬᠠᠢᠯᠠᠪᠠᠯ ᠬᠠᠵᠠᠴᠢᠬᠠᠬᠤ ᠨᠢ ᠬᠠᠶᠠ ᠪᠠᠢᠳᠠᠭ ᠯᠠ ᠳᠠ᠃ ᠭᠡᠪᠡᠴᠦ ᠲᠡᠭᠦᠨ ᠦ᠌ ᠳᠤᠷᠠ ᠬᠠᠩᠬᠤ ᠨᠢ ᠡᠭᠦᠨ ᠲᠡᠢ ᠣᠭᠲᠣ ᠬᠣᠯᠪᠣᠭᠠ ᠦᠭᠡᠢ ᠶᠦᠮ᠃ ᠲᠡᠭᠡᠪᠡᠯ ᠰᠠᠳᠢᠰᠮ ᠬᠡᠮᠡᠬᠦ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠲᠠᠢ ᠬᠥᠮᠦᠨ ᠵᠠᠪᠠᠯ ᠢᠩᠭᠢᠵᠦ ᠯᠡ ᠳᠤᠷᠠ ᠨᠢ ᠬᠠᠩᠬᠤ ᠠ᠋ᠴᠠ ᠥᠭᠡᠷᠡ ᠪᠡᠷ ᠬᠠᠩᠬᠤ ᠦᠭᠡᠢ ᠪᠥᠭᠡᠳ ᠴᠢᠨᠠᠳᠤ ᠬᠥᠮᠦᠨ ᠦ᠌ ᠬᠢ ᠪᠡᠨ ᠵᠣᠪᠠᠨ ᠲᠠᠷᠴᠢᠯᠠᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠬᠤ ᠪᠠᠷ ᠢ᠋ᠶ᠋ᠠᠨ ᠳᠤᠷᠠ ᠨᠢ ᠤᠯᠠᠮ ᠨᠡᠮᠡᠭᠳᠡᠨᠡ᠃ ᠰᠠᠳᠢᠰᠮ ᠠ᠋ᠴᠠ ᠢᠯᠭᠠᠭᠠ ᠲᠠᠢ ᠨᠢ ᠮᠠᠽᠣᠬᠢᠰᠮ ᠬᠡᠮᠡᠬᠦ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠭᠣᠣᠯᠴᠠᠭᠤ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠲᠣᠬᠢᠶᠠᠯᠳᠤᠳᠠᠭ᠃
᠁ ᠠ·38 ᠨᠠᠰᠤᠲᠠᠢ᠃ ᠠᠩᠬᠠᠨ ᠤ᠋ ᠨᠥᠬᠥᠷ ᠡᠴᠡ ᠪᠡᠨ ᠰᠠᠯᠵᠤ᠂ ᠬᠡᠳᠦᠨ ᠵᠢᠯ ᠦ᠋ᠨ ᠳᠠᠷᠠᠭᠠ ᠳᠠᠬᠢᠨ ᠨᠥᠬᠥᠷ ᠲᠦ᠍ ᠭᠠᠷᠤᠭᠰᠠᠨ ᠪᠣᠯᠪᠠᠴᠤ ᠠᠮᠢᠳᠤᠷᠠᠯ ᠨᠢ ᠨᠢᠭᠡ ᠯᠡ ᠪᠣᠯᠬᠤ ᠦᠭᠡᠢ ᠪᠠᠢᠪᠠ᠃ ᠰᠢᠨᠡ ᠨᠥᠬᠥᠷ ᠦ᠋ᠨ ᠬᠢᠨᠢ ᠬᠡᠲᠦᠷᠬᠡᠢ ᠨᠢᠯᠤᠭᠤᠨ ᠨᠠᠭᠠᠯᠢᠩᠬᠠᠢ ᠵᠠᠩ ᠲᠡᠭᠦᠨ ᠳ᠋ᠦ᠍ ᠣᠭᠲᠣ ᠲᠠᠭᠠᠯᠠᠭᠳᠠᠬᠤ ᠦᠭᠡᠢ ᠠᠵᠠᠢ᠃ ᠤᠴᠢᠷ ᠨᠢ ᠲᠦᠷᠦᠭᠦᠴᠢ ᠶ᠋ᠢᠨ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠦᠶᠡ ᠳ᠋ᠦ᠍ ᠭᠠᠷᠭᠠᠳᠠᠭ《ᠵᠡᠷᠯᠢᠭ》 ᠠᠶᠠᠭ ᠲᠤ᠌ ᠪᠦᠷ ᠲᠡᠰᠴᠦ ᠣᠷᠬᠢᠭᠰᠠᠨ ᠠᠵᠠᠢ᠃ ᠭᠡᠲᠡᠯᠡ ᠰᠢᠨᠡ ᠨᠥᠬᠥᠷ ᠨᠢ ᠲᠡᠭᠦᠨ ᠡᠴᠡ ᠱᠠᠯ ᠣᠨᠳᠣᠣ᠃ ᠡᠬᠡᠨᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠥᠪᠡᠷ ᠢ᠋ ᠪᠡᠨ ᠢᠯᠢᠨ ᠲᠠᠭᠠᠯᠠᠭᠤᠯᠬᠤ ᠶ᠋ᠢ ᠬᠦᠰᠡᠮᠵᠢᠯᠡᠨᠡ᠃ ᠡᠨᠡ ᠨᠢ ᠠ ᠳ᠋ᠤ᠌ ᠣᠭᠲᠣ ᠤᠳᠬᠠ ᠦᠭᠡᠢ ᠰᠠᠨᠠᠭᠳᠠᠬᠤ ᠪᠣᠯᠪᠠᠴᠤ ᠲᠡᠷᠡ ᠪᠡᠷ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠶᠠᠪᠤᠭᠰᠠᠭᠠᠷ ᠡᠳᠦᠢ ᠬᠦᠷᠦᠭᠰᠡᠨ ᠨᠢᠭᠡᠨ ᠪᠠᠢᠪᠠ᠃ ᠡᠢᠨᠬᠦ ᠠ ᠶ᠋ᠢᠨ ᠠᠩᠬᠠᠨ ᠤ᠋ ᠨᠥᠬᠥᠷ ᠦ᠋ᠨ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠲᠡᠭᠦᠨ ᠳ᠋ᠦ᠍ 《ᠬᠠᠯᠳᠠᠵᠠᠢ》᠃
ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠤ᠋ᠨ ᠨᠡᠯᠢᠶᠡᠳ ᠳᠡᠯᠭᠡᠷᠡᠭᠰᠡᠨ ᠥᠭᠡᠷᠡ ᠨᠢᠭᠡ ᠬᠡᠯᠪᠡᠷᠢ ᠨᠢ ᠡᠰᠡᠷᠭᠦ ᠬᠦᠢᠰᠦ ᠲᠡᠢ ᠬᠥᠮᠦᠨ ᠦ᠌ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠳᠡᠭ ᠬᠤᠪᠴᠠᠰᠤ ᠬᠤᠨᠠᠷ ᠲᠤ᠌ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠬᠥᠳᠡᠯᠬᠦ ᠪᠤᠶᠤ ᠡᠰᠡᠪᠡᠯ ᠥᠬᠢᠳ ᠡᠮᠡᠭᠲᠡᠢᠴᠦᠳ ᠦ᠋ᠨ ᠥᠭᠡᠳᠡ ᠡᠴᠡ《ᠢᠴᠢᠮᠡᠬᠡᠢ》 ᠡᠷᠬᠡᠲᠡᠨ ᠢ᠋ᠶ᠋ᠡᠨ ᠭᠠᠷᠭᠠᠵᠤ ᠦᠵᠡᠭᠦᠯᠬᠦ ᠪᠠᠢᠳᠠᠯ ᠢ᠋ᠶ᠋ᠠᠷ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠢ᠋ᠶ᠋ᠠᠨ ᠬᠥᠳᠡᠯᠭᠡᠬᠦ ᠶᠠᠪᠤᠳᠠᠯ ᠶᠤᠮ᠂ ᠶᠠᠭ ᠡᠨᠡ ᠦᠶᠡ ᠳ᠋ᠦ᠍ ᠡᠨᠡ ᠦᠶᠡ ᠳ᠋ᠦ᠍ ᠡᠷᠡᠭᠲᠡᠢ ᠬᠥᠮᠦᠨ ᠪᠡᠯᠭᠡ ᠡᠷᠬᠡᠲᠡᠨ ᠢ᠋ᠶ᠋ᠡᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠤᠷᠤᠯᠳᠤᠵᠤ ᠳᠤᠷᠠ ᠪᠠᠨ ᠬᠠᠩᠭᠠᠳᠠᠭ᠃ ᠡᠢᠮᠦ ᠭᠠᠵᠢᠭᠤᠳᠠᠯ ᠭᠣᠣᠯᠴᠠᠭᠤ ᠠᠷᠬᠠᠭ ᠠᠷᠢᠬᠢᠴᠢᠳ ᠲᠤ᠌ ᠲᠣᠬᠢᠶᠠᠯᠳᠤᠳᠠᠭ᠃ ᠡᠷᠬᠢᠯᠡᠭᠰᠡᠨ ᠠᠵᠢᠯ ᠲᠥᠷᠥᠯ ᠦᠭᠡᠢ᠂ 40 ᠣᠷᠴᠢᠮ ᠨᠠᠰᠤᠨ ᠤ᠋ ᠪᠠ᠊ ᠭᠡᠭᠴᠢ ᠡᠮ ᠦ᠋ᠨ ᠰᠠᠩ᠂ ᠵᠠᠬᠠ ᠵᠡᠭᠡᠯᠢ ᠶ᠋ᠢᠨ ᠪᠣᠯᠤᠨ ᠨᠡᠢᠲᠡ ᠶ᠋ᠢᠨ ᠬᠠᠯᠠᠭᠤᠨ ᠤᠰᠤᠨ ᠤ᠋ ᠭᠠᠵᠠᠷ ᠤᠳᠠᠭᠠ ᠳᠠᠷᠠᠭᠠ ᠡᠢᠮᠦ ᠬᠥᠮᠦᠨ ᠪᠤᠰᠤ ᠠᠷᠠᠨᠰᠢᠨ ᠭᠠᠷᠭᠠᠵᠤ ᠪᠠᠢᠭᠠᠳ ᠬᠥᠮᠦᠰ ᠲᠦ᠍ ᠨᠢᠳᠦᠯᠡᠭᠳᠡᠵᠦ᠂ ᠰᠡᠷᠭᠡᠢᠯᠡᠬᠦ ᠳ᠋ᠦ᠍ ᠪᠠᠷᠢᠭᠳᠠᠵᠠᠢ᠃ ᠲᠡᠷᠡ ᠬᠡᠯᠡᠬᠦ ᠳ᠋ᠡᠭᠡᠨ᠄《ᠰᠡᠭᠦᠯ ᠦ᠋ᠨ ᠬᠡᠳᠦᠨ ᠵᠢᠯ ᠠᠷᠢᠬᠢᠨ ᠳ᠋ᠤ᠌ ᠨᠥᠬᠥᠴᠡᠯ ᠦᠭᠡᠢ ᠣᠷᠣᠭᠰᠠᠨ᠂ ᠲᠡᠭᠦᠨ ᠡᠴᠡ ᠬᠣᠢᠰᠢ ᠢᠩᠭᠢᠭᠡᠳ ᠪᠠᠢᠳᠠᠭ ᠪᠣᠯᠤᠭᠰᠠᠨ》 ᠭᠡᠵᠡᠢ᠃ ᠠᠷᠢᠬᠢ ᠭᠡᠭᠴᠢ ᠢᠩᠭᠢᠵᠦ ᠤᠭ ᠶᠣᠰᠣ ᠶ᠋ᠢ ᠭᠠᠵᠢᠭᠤᠳᠠᠭᠤᠯᠵᠤ ᠬᠥᠮᠦᠨ ᠢ᠋ ᠲᠠᠩᠳᠠ ᠬᠠᠷᠠ ᠪᠠᠯᠴᠢᠭ ᠲᠤ᠌ ᠤᠨᠠᠭᠠᠵᠤ ᠪᠠᠢᠳᠠᠭ ᠢ᠋ ᠪᠠᠰᠠ ᠳᠠᠬᠢᠨ ᠬᠡᠯᠡᠬᠦ ᠶᠠᠭᠤᠨ᠃ ᠲᠡᠭᠦᠨᠴᠢᠯᠡᠨ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠠᠷᠤ ᠠ᠋ᠴᠠ ᠳᠠᠭᠠᠵᠤ ᠶᠠᠪᠤᠭᠠᠳ ᠪᠡᠶᠡ ᠨᠢ ᠬᠥᠯᠥᠷᠡᠵᠦ᠂ ᠳᠤᠷᠠ ᠪᠠᠨ ᠲᠠᠢᠯᠳᠠᠭ ᠬᠥᠮᠦᠨ ᠴᠦ᠍ ᠪᠠᠢᠬᠤ ᠶᠤᠮ᠃ ᠲᠡᠷᠡ ᠪᠦᠦ ᠬᠡᠯᠡ ᠬᠣᠷᠸᠠ ᠶ᠋ᠢᠨ ᠵᠢᠮᠡ ᠪᠡᠷ ᠨᠠᠰᠤ ᠳᠡᠭᠡᠷᠡ ᠭᠠᠷᠤᠭᠰᠠᠨ ᠬᠥᠭᠰᠢᠨ ᠬᠥᠮᠦᠨ ᠲᠡᠢ ᠶᠦᠮ ᠤᠤ ᠡᠰᠡᠪᠡᠯ ᠤᠴᠢᠷ ᠮᠡᠳᠡᠬᠦ ᠦᠭᠡᠢ ᠪᠠᠭᠠ ᠨᠠᠰᠤᠨ ᠤ᠋ ᠬᠡᠦᠬᠡᠳ ᠲᠡᠢ᠂ ᠲᠡᠷᠡ ᠪᠦᠦ ᠬᠡᠯᠡ ᠴᠣᠭᠴᠠᠰ ᠲᠠᠢ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠳᠤᠷᠠ ᠲᠥᠷᠥᠬᠦ ᠬᠦᠷᠲᠡᠯᠡ ᠭᠠᠵᠢᠭᠤᠳᠠᠯ ᠪᠠᠢᠳᠠᠭ ᠢ᠋ ᠡᠷᠳᠡᠮᠲᠡᠳ ᠪᠢᠴᠢᠵᠡᠢ᠃ ᠪᠠᠰᠠ ᠡᠰᠡᠷᠭᠦ ᠬᠦᠢᠰᠦᠨ ᠦ᠌ ᠪᠡᠨ ᠬᠥᠮᠦᠨ ᠦ᠌ ᠬᠤᠪᠢᠰᠴᠤ ᠶ᠋ᠢ ᠰᠣᠯᠢᠵᠤ ᠡᠮᠦᠰᠬᠦ ᠡᠷᠡᠮᠡᠯᠵᠡᠯ ᠪᠦᠬᠦᠢ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠪᠣᠢ᠃ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠤ᠋ᠨ ᠨᠥᠭᠦᠭᠡ ᠨᠢᠭᠡ ᠬᠡᠯᠪᠡᠷᠢ ᠨᠢ ᠢᠵᠢᠯ ᠬᠦᠢᠰᠦᠲᠡᠨ ᠲᠡᠢ ᠪᠡᠨ ᠬᠠᠪᠢᠳᠠᠬᠤ ᠶᠠᠪᠤᠳᠠᠯ ᠶᠤᠮ ᠡᠢᠮᠦ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠢ᠋ ᠳᠡᠯᠡᠬᠡᠢ ᠨᠡᠢᠲᠡ ᠪᠡᠷ ᠢ᠋ᠶ᠋ᠡᠨ ᠭᠣᠮᠣᠰᠸᠺᠰ ᠬᠡᠮᠡᠳᠡᠭ᠃ ᠡᠨᠡ ᠨᠡᠷᠡ ᠲᠣᠮᠢᠶᠠ ᠶ᠋ᠢ ᠠᠩᠬᠠ1969 ᠣᠨ ᠳ᠋ᠤ᠌ ᠬᠠᠩᠭᠠᠷᠢ ᠶ᠋ᠢᠨ ᠡᠮᠴᠢ ᠪᠧᠨᠺᠸᠷᠲ ᠰᠠᠨᠠᠭᠠᠴᠢᠯᠠᠵᠠᠢ᠃ ᠭᠣᠮᠣ ᠭᠡᠳᠡᠭ ᠨᠢ ᠢᠵᠢᠯ ᠭᠡᠰᠡᠨ ᠤᠳᠬᠠ ᠲᠠᠢ ᠭᠷᠧᠭ ᠦᠭᠡ᠂ ᠰᠧᠺᠰ ᠭᠡᠳᠡᠭ ᠨᠢ ᠬᠦᠢᠰᠦ ᠭᠡᠰᠡᠨ ᠯᠠᠲ᠋ᠢᠨ ᠦᠭᠡ ᠶᠦᠮ᠃ ᠠᠮᠢᠲᠠᠨ ᠪᠦᠬᠦᠨ ᠡᠷᠡᠭᠴᠢᠨ᠂ ᠡᠮᠡᠭᠴᠢᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠣᠣᠰᠯᠠᠨ ᠠᠮᠢᠳᠤᠷᠠᠵᠤ ᠪᠠᠢᠳᠠᠭ ᠨᠢ ᠡᠨᠡ ᠬᠣᠷᠸᠠ ᠶ᠋ᠢᠨ ᠵᠢᠮᠡ ᠶᠣᠰᠣᠨ ᠪᠢᠯᠡ᠃ ᠠᠮᠢᠳᠤᠷᠠᠯ ᠤ᠋ᠨ ᠡᠨᠡ ᠬᠠᠤᠯᠢ ᠳ᠋ᠤ᠌ ᠵᠠᠬᠢᠷᠤᠭᠳᠠᠬᠤ ᠦᠭᠡᠢ ᠠᠮᠢᠳᠤ ᠠᠮᠢᠲᠠᠨ ᠭᠡᠵᠦ ᠦᠭᠡᠢ᠃ ᠡᠨᠡ ᠨᠢ ᠨᠢᠭᠡ ᠲᠠᠯᠠ ᠪᠠᠷ ᠪᠦᠬᠦᠯᠢ ᠪᠦᠲᠦᠨ ᠠᠮᠢᠳᠤᠷᠠᠯ ᠲᠡᠳᠦᠢ ᠦᠭᠡᠢ ᠠᠮᠢᠳᠤᠷᠠᠯ ᠤ᠋ᠨ ᠲᠥᠯᠥᠭᠡ᠂ ᠦᠷᠡ ᠤᠳᠤᠮ ᠢ᠋ᠶ᠋ᠠᠨ ᠦᠯᠡᠳᠡᠭᠡᠬᠦ ᠶ᠋ᠢᠨ ᠲᠥᠯᠥᠭᠡᠨ ᠦ᠌ ᠲᠡᠮᠡᠴᠡᠯ ᠭᠡᠵᠦ ᠬᠡᠯᠡᠵᠦ ᠪᠣᠯᠤᠨᠠ᠃ ᠴᠣᠬᠣᠮ ᠬᠦ᠌ ᠠᠮᠢ ᠲᠠᠢ ᠶ᠋ᠢᠨ ᠤᠴᠢᠷ ᠡᠭᠦᠨ ᠳ᠋ᠦ᠍ ᠯᠡ ᠣᠷᠣᠰᠢᠬᠤ ᠪᠢᠵᠡ᠃ ᠡᠨᠡ ᠴᠢᠨᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠣᠷᠸᠠ ᠭᠡᠳᠡᠭ ᠤᠯᠠᠮ ᠴᠦ᠍ ᠠᠭᠤᠤ᠂ ᠠᠮᠢᠳᠤᠷᠠᠯ ᠭᠡᠳᠡᠭ ᠤᠯᠠᠮ ᠴᠦ᠍ ᠤᠳᠬᠠ ᠲᠡᠭᠦᠰ ᠪᠠᠢᠳᠠᠭ ᠪᠢᠯᠡ᠃ ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠪᠡᠶᠡ ᠶ᠋ᠢ ᠣᠯᠵᠤ ᠲᠥᠷᠥᠭᠰᠡᠨ ᠪᠢᠳᠡᠨ ᠳ᠋ᠦ᠍ ᠡᠭᠦᠨ ᠡᠴᠡ ᠡᠷᠬᠢᠮ ᠬᠤᠪᠢ ᠲᠠᠪᠢᠯᠠᠩ ᠭᠡᠵᠦ ᠳᠠᠩᠴᠢ ᠪᠠᠢᠬᠤ ᠦᠭᠡᠢ᠃ ᠪᠠᠢᠬᠤ ᠴᠦ᠍ ᠶᠣᠰᠣᠨ ᠦᠭᠡᠢ ᠪᠠᠢᠮᠠᠷ ᠰᠠᠨ᠃ ᠭᠡᠲᠡᠯᠡ᠁ ᠭᠡᠲᠡᠯᠡ᠁ ᠡᠨᠡ ᠵᠢᠮᠡ ᠶᠣᠰᠣᠨ ᠠ᠋ᠴᠠ ᠭᠠᠳᠠᠭᠤᠷ᠂ ᠬᠥᠮᠦᠨ ᠪᠤᠰᠤ ᠶ᠋ᠢᠨ ᠭᠡᠵᠦ ᠦᠵᠡᠬᠦ ᠳ᠋ᠦ᠍ ᠭᠠᠵᠢ ᠦᠵᠡᠭᠳᠡᠯ ᠡᠨᠡ ᠣᠷᠴᠢᠯᠠᠩ ᠤ᠋ᠨ ᠣᠯᠠᠨ ᠣᠷᠣᠨ ᠳ᠋ᠤ᠌ ᠲᠦᠭᠡᠭᠡᠵᠦ ᠳᠡᠯᠭᠡᠷᠡᠭᠰᠡᠭᠡᠷ ᠮᠠᠨ ᠤ᠋ ᠤᠯᠤᠰ ᠲᠤ᠌ ᠴᠦ᠍ ᠮᠡᠷ ᠰᠡᠷ ᠪᠣᠢ ᠪᠣᠯᠤᠯᠠ᠃ ᠤᠭ ᠨᠢ《ᠮᠣᠳ᠋ ᠮᠣᠩᠭᠣᠯ ᠢ᠋ᠶ᠋ᠠᠷ ᠳᠠᠭᠤᠰᠳᠠᠭ》 ᠭᠡᠰᠡᠨ ᠱᠣᠭ ᠶᠠᠷᠢᠶᠠ ᠪᠠᠢᠳᠠᠭ ᠯᠠ ᠳᠠ᠃ ᠳᠠᠩᠴᠢ《ᠮᠣᠳ᠋》 ᠪᠢᠰᠢ ᠨᠢ ᠬᠠᠷᠠᠮᠰᠠᠯᠲᠠᠢ᠃ ᠬᠠᠷᠠᠮᠰᠠᠯᠲᠠᠢ ᠪᠠᠷ ᠦᠯᠦ ᠪᠠᠷᠠᠨ ᠠᠶᠤᠯᠲᠠᠢ᠃ ᠠᠶᠤᠯᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ ᠣᠨᠴᠠ ᠶ᠋ᠢᠨ ᠠᠶᠤᠯᠲᠠᠢ ᠡᠨᠡ ᠦᠵᠡᠭᠳᠡᠯ《ᠭᠣᠮᠣᠰᠧᠺᠰ》 ᠭᠡᠮᠡᠨ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠨᠡᠷᠡᠯᠡᠭᠳᠡᠬᠦ ᠪᠣᠯᠤᠭᠰᠠᠨ ᠪᠡᠯᠭᠡ ᠶ᠋ᠢᠨ ᠭᠠᠵᠢ ᠬᠠᠪᠢᠲᠠᠯ ᠪᠤᠶᠤ ᠪᠤᠷᠤᠭᠤ ᠬᠤᠷᠢᠴᠠᠯ ᠶᠤᠮ᠃ ᠡᠭᠦᠨ ᠢ᠋ ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠳ᠋ᠤ᠌ ᠪᠡᠶᠡ ᠪᠡᠷ ᠦᠢᠯᠡᠳᠬᠦ ᠭᠤᠷᠪᠠᠨ ᠨᠢᠭᠦᠯ ᠭᠡᠵᠦ ᠴᠡᠭᠡᠷᠯᠡᠳᠡᠭ ᠠᠲᠠᠯᠠ ᠢᠩᠭᠢᠬᠦ ᠶ᠋ᠢᠨ ᠤᠴᠢᠷ ᠶᠠᠭᠤ ᠪᠣᠢ? ᠡᠨᠡᠬᠦ ᠭᠠᠵᠢ ᠦᠵᠡᠭᠳᠡᠯ ᠨᠢ ᠣᠯᠠᠨ ᠵᠠᠭᠤᠨ ᠵᠢᠯ ᠦ᠋ᠨ ᠲᠤᠷᠰᠢ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠵᠣᠪᠠᠭᠠᠵᠤ᠂ ᠲᠡᠭᠦᠨ ᠦ᠌ ᠤᠴᠢᠷ ᠰᠢᠯᠲᠠᠭᠠᠨ ᠢ᠋ ᠣᠯᠬᠤ ᠭᠡᠵᠦ ᠣᠯᠠᠨ ᠦᠶᠡ ᠶ᠋ᠢᠨ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠤᠬᠠᠭᠠᠨ ᠪᠣᠳᠣᠯ ᠢ᠋ᠶ᠋ᠠᠨ ᠰᠢᠷᠭᠢᠭᠡᠭᠰᠡᠨ ᠪᠣᠯᠪᠠᠴᠤ ᠪᠦᠷᠢᠨ ᠭᠦᠢᠴᠡᠳ ᠲᠠᠢᠯᠵᠤ ᠴᠢᠳᠠᠭᠠᠳᠤᠢ ᠪᠠᠢᠨᠠ᠃ ᠨᠡᠢᠭᠡᠮ ᠦ᠋ᠨ ᠶᠡᠬᠡ ᠬᠦᠷᠢᠶᠡ ᠶ᠋ᠢ ᠬᠠᠮᠤᠷᠤᠭᠰᠠᠨ ᠥᠭᠡᠷᠡᠴᠢᠯᠡᠨ ᠪᠠᠢᠭᠤᠯᠤᠯᠲᠠ ᠶ᠋ᠢᠨ ᠶᠡᠬᠡ ᠳᠠᠪᠠᠯᠭᠠᠨ ᠳᠠᠪᠠᠯᠭᠠᠯᠠᠵᠤ ᠪᠣᠢ ᠥᠨᠥ ᠦᠶᠡ ᠳ᠋ᠦ᠍ ᠤᠷᠢᠳᠤ ᠡᠮᠦᠨᠡ ᠬᠠᠭᠠᠯᠲᠠ ᠲᠠᠢ ᠪᠠᠢᠭᠰᠠᠨ ᠣᠯᠠᠨ ᠰᠡᠳᠦᠪ ᠪᠢᠳᠡᠨ ᠦ᠌ ᠡᠮᠦᠨᠡ ᠢᠯᠡ ᠭᠠᠷᠴᠤ ᠬᠠᠷᠢᠭᠤᠯᠲᠠ ᠬᠦᠯᠢᠶᠡᠨ ᠵᠣᠭᠰᠣᠵᠤ ᠪᠠᠢᠭᠠ ᠶ᠋ᠢᠨ ᠨᠢᠭᠡ ᠨᠢ ᠡᠨᠡᠬᠦ ᠠᠰᠠᠭᠤᠳᠠᠯ ᠶᠤᠮ᠃ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠠᠬᠤᠯ ᠬᠡᠮᠡᠬᠦ ᠠᠢᠽ ᠠᠶᠤᠯᠲᠤ ᠡᠪᠡᠳᠴᠢᠨ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠦᠬᠦᠯ ᠦ᠋ᠨ ᠠᠶᠤᠯ ᠵᠠᠨᠤᠯᠬᠢᠯᠠᠭᠰᠠᠨ ᠣᠳᠣ ᠦᠶᠡ ᠶ᠋ᠢᠨ ᠡᠨᠡ ᠠᠰᠠᠭᠤᠳᠠᠯ ᠢ᠋ ᠬᠥᠨᠳᠡᠬᠦ ᠨᠢ ᠣᠨᠴᠣᠭᠣᠢ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠶᠤᠮ᠃ ᠤᠴᠢᠷ ᠨᠢ ᠳᠡᠭᠡᠷᠡᠬᠢ ᠲᠠᠬᠤᠯ ᠠᠩᠬᠠ ᠲᠡᠳᠡᠨ ᠦ᠌ ᠳᠣᠲᠣᠷᠠ ᠠ᠋ᠴᠠ ᠢᠯᠡᠷᠡᠭᠰᠡᠨ ᠪᠠ ᠣᠳᠣ ᠪᠠᠷ ᠠᠢᠽᠢ ᠡᠪᠡᠳᠴᠢᠨ ᠢᠶᠡᠷ ᠡᠪᠡᠳᠴᠢᠯᠡᠭᠰᠡᠳ ᠦᠨ ᠲᠠᠯᠠ ᠢᠯᠡᠭᠦᠦ ᠬᠤᠪᠢ ᠢᠵᠢᠯ ᠬᠦᠢᠰᠦᠲᠡᠨ ᠲᠠᠢ ᠪᠠᠨ ᠬᠠᠪᠢᠳᠠᠭᠴᠢᠳ ᠪᠠᠢᠨᠠ᠃ ᠳᠡᠯᠡᠬᠡᠢ ᠶᠢᠨ ᠭᠠᠵᠠᠷ ᠤᠨ ᠵᠢᠷᠤᠭ ᠳᠡᠭᠡᠷᠡ《ᠶᠠᠭᠠᠨ ᠢ᠋ᠶ᠋ᠠᠷ》 ᠲᠡᠮᠳᠡᠭᠯᠡᠨ ᠪᠣᠢ ᠴᠥᠭᠡᠨ ᠣᠷᠣᠨ ᠤ᠋ ᠨᠢᠭᠡ ᠨᠢ ᠮᠠᠨ ᠤ᠋ ᠤᠯᠤᠰ᠃ ᠬᠣᠶᠠᠷ ᠭᠤᠷᠪᠠᠨ ᠵᠠᠭᠤᠨ ᠰᠠᠶᠠ ᠬᠥᠮᠦᠨ ᠠᠮᠠ ᠲᠠᠢ ᠣᠷᠣᠨ ᠨᠤᠭᠤᠳ ᠲᠤ᠌ ᠳᠠᠬᠤᠯ ᠮᠡᠲᠦ ᠬᠤᠷᠳᠤᠨ ᠬᠠᠯᠳᠠᠪᠤᠷᠢᠯᠠᠵᠤ ᠪᠣᠢ ᠬᠣᠶᠠᠷ ᠰᠠᠶᠠ ᠶ᠋ᠢᠨ ᠪᠣᠱᠣᠭᠠ ᠶ᠋ᠢ ᠳᠥᠩᠭᠡᠵᠢ ᠳᠠᠪᠠᠭᠰᠠᠨ ᠤᠯᠤᠰ ᠣᠷᠣᠨ ᠳ᠋ᠤ᠌ ᠮᠢᠨᠢ ᠣᠷᠣᠵᠤ ᠢᠷᠡᠪᠡᠯ ᠶᠠᠮᠠᠷ ᠠᠶᠤᠯ ᠲᠠᠷᠢᠬᠤ ᠶ᠋ᠢ ᠪᠣᠳᠣᠬᠤ ᠳ᠋ᠤ᠌ ᠵᠢᠷᠦᠬᠡ ᠰᠢᠮᠰᠢᠷᠡᠵᠦ᠂ ᠠᠢᠳᠠᠰ ᠲᠥᠷᠥᠭᠦᠯᠦᠨᠡ᠃ ᠭᠡᠲᠡᠯᠡ ᠤᠭ ᠡᠪᠡᠳᠴᠢᠨ ᠦ᠌ ᠡᠬᠢ ᠡᠭᠦᠰᠪᠦᠷᠢ ᠶ᠋ᠢ ᠲᠠᠯᠪᠢᠭᠴᠢ᠂ ᠳᠠᠷᠢᠭᠴᠢ ᠪᠣᠯᠬᠤ ᠢᠵᠢᠯ ᠬᠦᠢᠰᠦᠲᠡᠨ ᠲᠡᠢ ᠪᠡᠨ ᠬᠠᠪᠢᠳᠠᠭᠴᠢᠳ ᠡᠬᠡ ᠣᠷᠣᠨ ᠳ᠋ᠤ᠌ ᠮᠢᠨᠢ ᠪᠣᠢ ᠪᠣᠯᠴᠢᠬᠠᠭᠠᠳ ᠥᠪᠡᠷᠰᠡᠳ ᠦ᠋ᠨ ᠬᠥᠮᠦᠨ ᠪᠤᠰᠤ ᠶ᠋ᠢᠨ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠥᠷᠭᠡᠵᠢᠭᠦᠯᠬᠦ ᠪᠡᠷ᠂ ᠬᠦᠷᠢᠶᠡ ᠪᠡᠨ ᠲᠡᠯᠡᠬᠦ ᠪᠡᠷ ᠤᠷᠤᠯᠳᠤᠵᠤ ᠪᠣᠢ ᠨᠢ ᠴᠣᠬᠣᠮ ᠬᠦ᠌ ᠠᠶᠤᠮᠰᠢᠭ᠃ ᠣᠯᠠᠨ ᠠᠷᠪᠠᠨ ᠵᠢᠯ ᠲᠤᠷᠰᠢ ᠠᠯᠢᠪᠠ ᠮᠠᠭᠤ ᠮᠠᠭᠤᠬᠠᠢ ᠶ᠋ᠢ ᠬᠠᠷᠠᠭᠰᠠᠨ ᠴᠦ᠍ ᠬᠠᠷᠠᠭᠠ ᠦᠭᠡᠢ ᠶᠦᠮ ᠰᠢᠭ᠂ ᠮᠡᠳᠡᠭᠰᠡᠨ ᠴᠦ᠍ ᠮᠡᠳᠡᠭᠡ ᠦᠭᠡᠢ ᠶᠦᠮ ᠰᠢᠭ ᠴᠢᠷᠠᠢᠯᠠᠵᠤ᠂ ᠳᠠᠩ ᠭᠠᠭᠴᠠ ᠰᠠᠢᠨ ᠲᠠᠯᠠ ᠪᠠᠨ ᠥᠷᠥᠭᠡᠰᠦᠯ ᠢ᠋ᠶ᠋ᠡᠷ ᠮᠠᠭᠲᠠᠵᠤ ᠢᠷᠡᠭᠰᠡᠨ ᠦ᠌ ᠬᠣᠣᠷ ᠤᠷᠰᠢᠭ ᠪᠢᠳᠡᠨ ᠳᠡᠭᠡᠷᠡ ᠶᠠᠮᠠᠷ ᠬᠦ᠌ ᠬᠦᠨᠳᠦ ᠴᠣᠬᠢᠯᠲᠠ ᠠᠪᠴᠤ ᠢᠷᠡᠬᠦ ᠶ᠋ᠢ ᠬᠡᠨ ᠴᠦ᠍ ᠲᠥᠰᠦᠭᠡᠯᠡᠬᠦ ᠦᠭᠡᠢ ᠪᠢᠵᠡ᠃ ᠡᠢᠮᠦ ᠪᠠᠢᠳᠠᠯ ᠢ᠋ᠶ᠋ᠠᠷ ᠴᠢᠨᠠᠭᠰᠢ ᠨᠢᠳᠦᠨ ᠪᠠᠯᠠᠢ᠂ ᠴᠢᠬᠢᠨ ᠳᠦᠯᠢ ᠶᠠᠪᠤᠬᠤ ᠨᠢ ᠭᠡᠮᠲᠦ ᠬᠡᠷᠡᠭ ᠭᠡᠬᠦ ᠳ᠋ᠦ᠍ ᠬᠢᠯᠢᠰᠳᠡᠬᠦ ᠦᠭᠡᠢ᠃
ᠪᠢᠳᠡ ᠠᠯᠢᠪᠠ ᠠᠶᠤᠯ ᠢ᠋ ᠨᠥᠮᠥᠷᠦᠭᠰᠡᠨ ᠬᠣᠢᠨᠠ ᠨᠢ ᠤᠬᠠᠭᠠᠷᠠᠬᠤ ᠪᠢᠰᠢ᠂ ᠰᠡᠷᠡᠮᠵᠢᠯᠡᠨ ᠵᠠᠢᠯᠠᠭᠤᠯᠵᠤ ᠪᠠᠢᠬᠤ ᠶᠤᠮᠰᠠᠨ᠃ ᠥᠩᠭᠡᠷᠡᠨ ᠣᠳᠬᠤ ᠬᠣᠷᠣᠮ ᠪᠦᠷᠢ ᠶ᠋ᠢ ᠦᠨᠡᠲᠡᠢ ᠪᠠᠢᠭᠠ ᠶ᠋ᠢ ᠣᠢᠯᠭᠠᠭᠠᠰᠠᠢ ᠪᠢᠯᠡ᠂ ᠲᠠ ᠮᠢᠨᠢ᠃ ᠡᠢᠨᠬᠦ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠨᠢ ᠮᠠᠰᠢ ᠣᠯᠠᠨ ᠶᠠᠩᠵᠤ ᠪᠠᠷ ᠢᠯᠡᠷᠡᠳᠡᠭ᠃ ᠡᠨᠡ ᠬᠣᠷᠸᠠ ᠳ᠋ᠤ᠌ ᠬᠥᠮᠦᠨ ᠪᠣᠯᠵᠤ ᠲᠥᠷᠥᠭᠰᠡᠨ ᠦ᠌ ᠤᠴᠢᠷ ᠬᠣᠷᠮᠣᠢ ᠶ᠋ᠢᠨ ᠭᠠᠵᠢᠭᠤᠳᠠᠯ ᠭᠡᠳᠡᠭ ᠨᠢᠭᠦᠯ ᠢ᠋ ᠬᠥᠮᠦᠨ ᠪᠦᠬᠦᠨ ᠲᠡᠪᠴᠢᠶᠡ᠃