ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ <ᠬᠣᠶᠠᠳᠤᠭᠠᠷ ᠪᠦᠯᠦᠭ>– ᠬᠣᠷᠸᠠ ᠶᠢᠨ ᠡᠷᠢᠶᠡᠨ ᠪᠠᠷᠠᠭᠠᠨ– 4᠂ ᠬᠣᠷᠮᠣᠢ ᠶ᠋ᠢᠨ ᠪᠠᠯᠠᠭ Эр эмийн ёсон – Д᠂ Болдцэрэн <2-р бүлэг>– Хорвоогийн эрээн бараан - 4᠂Хормойн балаг
171ᠳᠥᠷᠪᠡ᠂ ᠬᠣᠷᠮᠣᠢ ᠶ᠋ᠢᠨ ᠪᠠᠯᠠᠭ
ᠣᠳᠣ ᠶ᠋ᠢᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠳᠠᠷᠢᠳᠤ ᠳ᠋ᠠᠬᠢ ᠬᠡᠦᠬᠡᠳ ᠦ᠋ᠨ ᠬᠥᠮᠦᠵᠢᠯ ᠬᠥᠳᠡᠯᠮᠦᠷᠢ ᠶ᠋ᠢᠨ ᠺᠣᠯᠣᠨᠢ ᠳ᠋ᠤ᠌ ᠶᠠᠯᠠ ᠪᠠᠢᠭᠠ ᠨᠠᠰᠤᠨ ᠳ᠋ᠤ᠌ ᠬᠦᠷᠦᠭᠡ ᠦᠭᠡᠢ ᠨᠡᠢᠲᠡ ᠬᠡᠦᠬᠡᠳ ᠦ᠋ᠨ37.1% ᠪᠤᠶᠤ ᠭᠤᠷᠪᠠᠨ ᠤ᠋ ᠨᠢᠭᠡ ᠢᠯᠡᠭᠦᠦ ᠨᠢ ᠬᠦᠴᠦᠨ ᠦ᠌ ᠬᠢ ᠪᠡᠷ《ᠳᠠᠪᠬᠤᠷ ᠨᠠᠢ᠍ᠮᠠ》 ᠪᠤᠶᠤ ᠣᠳᠣ ᠶ᠋ᠢᠨ ᠬᠢ ᠪᠡᠷ112 ᠳ᠋ᠤᠭᠠᠷ ᠵᠦᠢᠯ ᠠᠩᠭᠢ᠂ ᠬᠦᠴᠦᠨ ᠦ᠌ ᠬᠡᠷᠡᠭᠲᠡᠨ ᠨᠦ᠍ᠭᠦᠳ ᠪᠠᠢᠭᠠ ᠶ᠋ᠢᠨ ᠳᠡᠭᠡᠷᠡ ᠲᠡᠳᠡᠨ ᠦ᠌60% ᠨᠢ ᠭᠤᠷᠪᠠ ᠠ᠋ᠴᠠ ᠳᠡᠭᠡᠭᠰᠢ ᠵᠢᠯ ᠦ᠋ᠨ ᠶᠠᠯᠠ ᠲᠠᠢ ᠪᠠᠢᠨᠠ᠃ ᠳᠡᠭᠡᠷᠡᠬᠢ ᠲᠣᠭᠠ ᠬᠡᠨ ᠪᠦᠬᠦᠨ ᠦ᠌ ᠰᠡᠳᠬᠢᠯ ᠢ᠋ ᠡᠮᠵᠡᠭᠯᠡᠭᠦᠯᠵᠦ ᠪᠠᠢᠨᠠ᠃ ᠨᠡᠢᠭᠡᠮ ᠦ᠋ᠨ ᠬᠢᠮᠤᠷᠠᠯ ᠪᠣᠯᠵᠤ ᠪᠣᠢ ᠥᠨᠥ ᠦᠶᠡ ᠳ᠋ᠦ᠍ ᠠᠯᠢᠪᠠ ᠭᠡᠮᠲᠦ ᠬᠡᠷᠡᠭ ᠦᠰᠦᠨ ᠨᠡᠮᠡᠭᠳᠡᠵᠦ ᠪᠠᠢᠨᠠ᠃ ᠡᠢᠮᠦ ᠨᠥᠬᠥᠴᠡᠯ ᠳ᠋ᠦ᠍ ᠲᠠ ᠪᠢᠳᠡᠨ ᠦ᠌ ᠬᠡᠨ ᠨᠢ ᠴᠦ᠍ ᠥᠬᠢᠨ ᠬᠡᠦᠬᠡᠳ ᠢ᠋ᠶ᠋ᠡᠨ ᠦᠳᠡᠰᠢ ᠣᠷᠣᠢ ᠶ᠋ᠢᠨ ᠴᠠᠭ ᠢ᠋ᠶ᠋ᠠᠷ ᠭᠠᠳᠠᠭᠰᠢ ᠭᠠᠷᠭᠠᠬᠤ ᠵᠢᠷᠦᠬᠡ ᠵᠣᠷᠢᠭ ᠬᠡᠨ ᠳᠦ ᠴᠦ᠍ ᠮᠠᠨᠢ ᠠᠯᠠᠭᠠ ᠪᠣᠯᠵᠠᠢ᠃ ᠬᠡᠯᠡᠬᠦ ᠳ᠋ᠦ᠍ ᠭᠠᠰᠢᠭᠤᠨ ᠴᠦ᠍ ᠭᠠᠷᠴᠠᠭᠠ ᠦᠭᠡᠢ ᠦᠨᠡᠨ ᠡᠢᠮᠦ᠃ ᠡᠨᠡ ᠶᠠᠭᠤᠨ ᠤ᠋ ᠤᠴᠢᠷ ᠪᠣᠢ? ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠪᠠᠭᠠ ᠨᠠᠰᠤᠨ ᠤ᠋ ᠥᠬᠢᠳ ᠢ᠋ ᠬᠦᠴᠦᠷᠬᠡᠭᠯᠡᠵᠦ᠂ ᠪᠤᠰᠤᠷᠮᠠᠭ ᠶᠠᠪᠤᠳᠠᠯ ᠦᠢᠯᠡᠳᠦᠭᠴᠢᠳ ᠴᠥᠭᠡᠨ ᠦᠭᠡᠢ ᠰᠣᠨᠣᠰᠳᠠᠬᠤ ᠪᠣᠯᠤᠭᠰᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ᠃ ᠪᠢᠳᠡ ᠬᠠᠭᠤᠴᠢᠨ ᠵᠠᠩᠰᠢᠯ ᠢ᠋ᠶ᠋ᠠᠷ ᠣᠷᠣᠢᠲᠠᠭᠰᠠᠨ ᠥᠬᠢᠨ ᠢ᠋ᠶ᠋ᠡᠨ ᠰᠡᠳᠬᠢᠯ ᠵᠣᠪᠠᠨ ᠬᠦᠯᠢᠶᠡᠵᠦ᠂ ᠭᠠᠳᠠᠭᠤᠷ ᠭᠠᠷᠬᠤ ᠳ᠋ᠤ᠌ ᠬᠠᠶᠠ ᠨᠢᠭᠡ ᠳᠠᠭᠠᠵᠤ ᠶᠠᠪᠤᠬᠤ ᠲᠡᠳᠦᠢᠬᠡᠨ ᠢ᠋ᠶ᠋ᠡᠷ ᠰᠡᠳᠬᠢᠯ ᠢ᠋ᠶ᠋ᠡᠨ ᠬᠠᠭᠤᠷᠴᠤ ᠪᠣᠯᠬᠤ ᠦᠭᠡᠢ ᠪᠣᠯᠵᠠᠢ᠃ ᠶᠡᠬᠡᠩᠬᠢ ᠬᠥᠮᠦᠰ ᠦ᠋ᠨ ᠳᠤᠮᠳᠠ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠢ᠋ ᠨᠢᠭᠡ ᠪᠣᠯ ᠰᠡᠳᠬᠢᠴᠡ ᠶ᠋ᠢᠨ ᠡᠮᠭᠡᠭ ᠲᠡᠢ᠂ ᠨᠥᠭᠦᠭᠡ ᠪᠣᠯ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠲᠠᠢ ᠪᠤᠶᠤ ᠪᠢᠳᠡᠨ ᠦ᠌ ᠶᠠᠷᠢᠵᠤ ᠵᠠᠩᠰᠢᠭᠰᠠᠨ ᠢ᠋ᠶ᠋ᠠᠷ《ᠮᠤᠨᠤᠭ》 ᠤ᠋ᠳ ᠦᠢᠯᠡᠳᠳᠡᠭ ᠭᠡᠰᠡᠨ ᠠᠨᠳᠠᠭᠤ ᠲᠠᠰᠢᠶᠠ ᠣᠢᠯᠠᠭᠠᠴᠠ ᠪᠠᠢᠭᠰᠠᠭᠠᠷ ᠯᠠ ᠪᠠᠢᠨᠠ᠃ ᠭᠡᠲᠡᠯᠡ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠬᠡᠨ ᠳ᠋ᠦ᠍ ᠴᠦ᠍ ᠪᠣᠢ᠃ ᠲᠡᠷᠡ ᠲᠣᠰᠤᠮ ᠢ᠋ᠶ᠋ᠠᠨ ᠡᠳᠦᠷ ᠪᠦᠷᠢ ᠦᠰᠦᠨ ᠲᠣᠷᠨᠢᠵᠤ᠂ ᠥᠳᠥ ᠰᠥᠳᠥ ᠨᠢ ᠤᠷᠭᠤᠵᠤ ᠭᠦᠢᠴᠡᠵᠦ ᠪᠠᠢᠭᠠ ᠦᠷᠡ ᠬᠡᠦᠬᠡᠳ ᠲᠦ᠍ ᠮᠠᠨᠢ ᠤᠯᠠᠮ ᠬᠦᠴᠦᠲᠡᠢ ᠢᠯᠡᠷᠡᠳᠡᠭ ᠢ᠋ ᠮᠡᠳᠡᠭᠡ ᠦᠭᠡᠢ ᠴᠢᠷᠠᠢ ᠭᠠᠷᠭᠠᠨ᠂ ᠦᠯᠦ ᠠᠩᠵᠠᠭᠠᠷᠠᠨ ᠰᠠᠭᠤᠵᠤ ᠬᠡᠷᠬᠢᠪᠡᠴᠦ ᠪᠣᠯᠬᠤ ᠦᠭᠡᠢ ᠪᠢᠵᠡ᠃ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠦᠭᠴᠢᠳ ᠦᠨᠡᠬᠡᠷ ᠦ᠋ᠨ ᠰᠡᠳᠬᠢᠴᠡ ᠶ᠋ᠢᠨ ᠡᠮᠭᠡᠭ ᠲᠡᠢ᠂ ᠡᠰᠡᠪᠡᠯ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠲᠠᠢ ᠠᠯᠢ ᠨᠢ ᠪᠣᠯᠬᠤ ᠶ᠋ᠢ ᠲᠣᠭᠲᠠᠭᠠᠬᠤ ᠵᠣᠷᠢᠯᠭᠠ ᠪᠠᠷ ᠡᠷᠬᠡ ᠴᠢᠯᠥᠭᠡ ᠪᠡᠨ ᠬᠠᠰᠤᠭᠤᠯᠤᠨ ᠲᠣᠣᠷ ᠲᠠᠢ ᠬᠠᠰᠢᠶᠠᠨ ᠳᠣᠲᠣᠷᠠ ᠶᠠᠯᠠ ᠡᠳ᠋ᠯᠡᠵᠦ᠂ ᠰᠢᠨᠠᠯᠤᠨ ᠰᠠᠭᠤᠭᠠ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠰᠡᠳᠬᠢᠴᠡ ᠶ᠋ᠢᠨ ᠪᠣᠯᠤᠨ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠪᠠᠢᠳᠠᠯ ᠢ᠋ ᠪᠢᠳᠡ ᠲᠣᠳᠣᠷᠬᠠᠢᠯᠠᠬᠤ ᠵᠣᠷᠢᠯᠭᠠ ᠪᠠᠷ ᠳᠠᠷᠢᠲᠤ ᠳ᠋ᠠᠬᠢ ᠬᠡᠦᠬᠡᠳ ᠦ᠋ᠨ ᠬᠥᠳᠡᠯᠮᠦᠷᠢ ᠬᠥᠮᠦᠵᠢᠯ ᠦ᠋ᠨ ᠺᠣᠯᠣᠨᠢ ᠳ᠋ᠤ᠌ ᠣᠴᠢᠭᠰᠠᠨ ᠶᠤᠮ᠃
(ᠳ· ᠪᠤᠯᠤᠳᠰᠡᠷᠡᠩ᠂ ᠨ᠂ ᠣᠷᠯᠣᠶᠤ1990.4 ᠰᠠᠷᠠ)
ᠢᠩᠭᠢᠬᠦ ᠳ᠋ᠦ᠍ ᠲᠡᠳᠡᠨ ᠦ᠌ ᠰᠡᠳᠬᠢᠴᠡ ᠶ᠋ᠢᠨ ᠪᠣᠯᠤᠨ ᠪᠡᠯᠭᠡ ᠶ᠋ᠢᠨ ᠶᠠᠮᠠᠷ ᠨᠢᠭᠡ ᠡᠮᠭᠡᠭ ᠥᠭᠡᠷᠡᠴᠢᠯᠡᠯᠲᠡ ᠢᠯᠡᠷᠡᠭᠰᠡᠨ ᠦᠭᠡᠢ᠃ ᠡᠢᠮᠦ ᠳ᠋ᠦ᠍ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠴᠦ ᠪᠣᠢ ᠤᠴᠢᠷ ᠰᠢᠯᠲᠠᠭᠠᠨ ᠢ᠋ ᠥᠭᠡᠷᠡ ᠶᠠᠭᠤᠮᠠᠨ ᠠ᠋ᠴᠠ ᠡᠷᠢᠵᠦ ᠬᠠᠢᠬᠤ ᠠ᠋ᠴᠠ ᠠᠷᠭᠠ ᠦᠭᠡᠢ ᠪᠣᠯᠤᠯᠠ᠃ ᠪᠢᠳᠡᠨ ᠦ᠌ ᠦᠵᠡᠵᠦ ᠪᠠᠢᠭᠠ ᠪᠠᠷ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠦᠭᠴᠢᠳ ᠦ᠋ᠨ ᠨᠢᠭᠡ ᠬᠡᠰᠡᠭ ᠪᠡᠯᠭᠡ ᠶ᠋ᠢᠨ ᠪᠣᠢᠵᠢᠯᠲᠠ ᠨᠢ ᠬᠡᠪ ᠦ᠋ᠨ᠂ ᠨᠥᠭᠦᠭᠡ ᠬᠡᠰᠡᠭ ᠨᠢ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠨᠢ ᠳᠤᠮᠳᠠ ᠵᠡᠷᠭᠡ ᠪᠥᠭᠡᠳ ᠬᠥᠩᠭᠡᠨ ᠬᠡᠢᠰᠪᠦᠷᠢ ᠵᠠᠩ ᠠ᠋ᠴᠠ ᠪᠠᠨ ᠪᠣᠯᠵᠤ ᠳᠡᠭᠡᠷᠡᠬᠢ ᠬᠡᠷᠡᠭ ᠢ᠋ ᠪᠦᠯᠦᠭᠯᠡᠵᠦ ᠦᠢᠯᠡᠳᠦᠭᠰᠡᠨ ᠪᠠᠢᠪᠠ᠃ ᠲᠡᠳᠡᠨ ᠦ᠌ ᠦᠢᠯᠡᠳᠦᠭᠰᠡᠨ ᠬᠠᠮ᠂ ᠪᠦᠯᠦᠭ ᠭᠡᠮᠲᠦ ᠬᠡᠷᠡᠭ ᠦ᠋ᠨ30% ᠨᠢ2-3᠂50% ᠨᠢ4-10᠂20% ᠨᠢ11 ᠡᠴᠡ ᠳᠡᠭᠡᠭᠰᠢ ᠬᠣᠯᠪᠣᠭᠳᠠᠭᠴᠢ ᠲᠠᠢ ᠪᠠᠢᠭᠰᠠᠨ ᠪᠥᠭᠡᠳ ᠡᠢᠮᠦ ᠭᠡᠮᠲᠦ ᠬᠡᠷᠡᠭ ᠲᠦ᠍ ᠣᠷᠣᠭᠰᠠᠨ ᠰᠢᠯᠲᠠᠭᠠᠨ᠂ ᠨᠥᠬᠥᠴᠡᠯ ᠢ᠋ ᠠᠰᠠᠭᠤᠬᠤ ᠳ᠋ᠤ᠌《ᠡᠴᠢᠭᠡ᠂ ᠡᠬᠡ᠂ ᠪᠠᠭᠰᠢ᠂ ᠬᠠᠮᠲᠤ ᠣᠯᠠᠨ ᠤ᠋ ᠬᠠᠷᠠᠭᠠ ᠬᠢᠨᠠᠯᠲᠠ ᠠ᠋ᠴᠠ ᠬᠥᠨᠳᠡᠢᠷᠡᠵᠦ ᠭᠠᠳᠠᠭᠤᠷ ᠲᠡᠨᠦᠵᠦ ᠰᠡᠯᠡᠭᠦᠴᠡᠳᠡᠭ᠂ ᠤᠬᠠᠮᠰᠠᠷ ᠮᠥᠴᠢᠳ᠂ ᠬᠥᠩᠭᠡᠨ ᠬᠡᠢᠰᠪᠦᠷᠢ᠂ ᠪᠤᠰᠤᠳ ᠢ᠋ ᠠᠶᠠᠯᠳᠤᠨ ᠳᠠᠭᠠᠯᠳᠤᠳᠠᠭ᠂ ᠥᠪᠡᠷ ᠦ᠋ᠨ ᠭᠡᠰᠡᠨ ᠪᠣᠳᠣᠯᠭᠠ ᠦᠭᠡᠢ ᠠᠰᠠᠭᠤᠳᠠᠯ ᠢ᠋ ᠶᠠᠨ ᠬᠦᠴᠦ ᠪᠡᠷ ᠲᠦᠷᠦᠭᠦᠦ ᠪᠠᠷᠢᠨ ᠰᠢᠢᠳᠬᠦ ᠭᠡᠳᠡᠭ ᠳᠡᠭᠡᠷᠡᠩᠭᠦᠢ ᠵᠠᠩ ᠲᠠᠢ᠂ ᠲᠢᠭ ᠵᠢᠷᠤᠮ ᠦᠭᠡᠢ᠂ ᠲᠠᠩᠬᠠᠢ᠂ ᠬᠥᠮᠦᠨ ᠢ᠋ ᠬᠦᠨᠳᠦᠳᠬᠡᠬᠦ ᠦᠭᠡᠢ ᠪᠠᠢᠭᠰᠠᠨ ᠵᠡᠷᠭᠡ ᠡᠴᠡ ᠪᠣᠯᠤᠯᠠ》 ᠭᠡᠵᠦ ᠬᠠᠷᠢᠭᠤᠯᠵᠠᠭᠠᠵᠤ ᠪᠠᠢᠯᠠ᠃ ᠬᠡᠷᠡᠭ ᠦᠢᠯᠡᠳᠦᠭᠰᠡᠨ ᠪᠠᠢᠳᠠᠯ ᠢ᠋ ᠠᠪᠴᠤ ᠦᠵᠡᠪᠡᠯ ᠬᠡᠨ ᠨᠢᠭᠡ ᠬᠥᠮᠦᠵᠢᠯ ᠦ᠋ᠨ ᠳᠣᠭᠣᠯᠳᠠᠯ ᠲᠠᠢ ᠨᠢ ᠤᠭ ᠬᠡᠷᠡᠭ ᠢ᠋ ᠡᠭᠦᠰᠬᠡᠨ ᠰᠠᠨᠠᠭᠠᠴᠢᠯᠠᠵᠤ᠂ ᠪᠤᠰᠤᠳ ᠨᠢ ᠳᠠᠭᠠᠯᠳᠤᠭᠰᠠᠨ᠂《ᠳᠠᠷᠪᠠᠢᠭᠰᠠᠨ》 ᠰᠢᠨᠵᠢ ᠴᠢᠨᠠᠷ ᠲᠠᠢ᠂ ᠥᠩᠭᠡᠴᠡ ᠱᠣᠬᠣᠭᠣᠷᠬᠠᠯ ᠨᠥᠯᠥᠭᠡᠯᠡᠭᠰᠡᠨ ᠪᠠᠢᠪᠠ᠃ ᠲᠡᠳᠡᠨ ᠲᠡᠢ ᠶᠠᠷᠢᠯᠴᠠᠬᠤ ᠳ᠋ᠤ᠌ ᠡᠭᠦᠨ ᠢ᠋ ᠪᠡᠨ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠵᠦ ᠪᠠᠢᠭᠰᠠᠨ ᠶᠤᠮ᠃ ᠲᠡᠳᠡ ᠬᠡᠷᠡᠭ ᠲᠦ᠍ ᠲᠠᠲᠠᠭᠳᠠᠬᠤ ᠠ᠋ᠴᠠ ᠡᠮᠦᠨᠡ ᠬᠣᠭᠣᠷᠣᠨᠳᠣ ᠪᠠᠨ ᠶᠠᠷᠢᠯᠴᠠᠳᠠᠭ ᠭᠣᠣᠯ ᠰᠡᠳᠦᠪ ᠨᠢ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠲᠤᠬᠠᠢ ᠶᠠᠷᠢᠶᠠ ᠪᠠᠢᠪᠠ᠃ ᠡᠨᠡ ᠲᠤᠬᠠᠢ ᠵᠦᠭᠡᠷ ᠰᠣᠨᠢᠭᠤᠴᠢᠯᠠᠨ ᠶᠠᠷᠢᠯᠴᠠᠬᠤ ᠲᠡᠳᠦᠢ ᠯᠡ ᠰᠠᠷᠠᠯ ᠨᠢ ᠬᠦᠴᠦᠲᠡᠢ ᠬᠥᠳᠡᠯᠳᠡᠭ ᠦ᠋ᠨ ᠡᠷᠬᠡ ᠪᠡᠷ ᠨᠢᠳᠦᠨ ᠦ᠌ ᠬᠢᠨᠢ ᠡᠮᠦᠨᠡ ᠬᠦᠴᠦᠨ ᠳ᠋ᠦ᠍ ᠠᠪᠲᠠᠭᠰᠠᠨ ᠬᠡᠳᠦᠢ ᠴᠦ᠍ ᠨᠢᠴᠦᠭᠦᠨ ᠬᠡᠪᠲᠡᠵᠦ ᠪᠣᠢ ᠥᠬᠢᠨ ᠢ᠋ ᠬᠠᠷᠠᠭᠠᠳ ᠦᠨᠡᠬᠡᠷ ᠲᠡᠰᠬᠡᠯ ᠦᠭᠡᠢ᠂ ᠶᠠᠮᠠᠷ ᠪᠠᠢᠳᠠᠭ ᠢ᠋ ᠨᠢ ᠦᠵᠡᠬᠦ ᠭᠡᠳ ᠮᠠᠭᠤᠬᠠᠢ ᠬᠡᠷᠡᠭ ᠲᠦ᠍ ᠬᠣᠯᠪᠣᠭᠳᠠᠯᠠ ᠭᠡᠳ ᠭᠡᠮᠰᠢᠨ ᠶᠠᠷᠢᠵᠤ ᠪᠠᠢᠭᠰᠠᠨ ᠬᠡᠦᠬᠡᠳ ᠦ᠋ᠳ ᠴᠥᠭᠡᠨ ᠦᠭᠡᠢ ᠪᠠᠢᠪᠠ᠃ ᠨᠢᠭᠡᠨ ᠪᠠᠷᠢᠮᠲᠠ ᠰᠡᠬᠦᠶᠡ᠃
14 ᠨᠠᠰᠤᠲᠠᠢ ᠨ ᠭᠡᠭᠴᠢ ᠬᠡᠦᠬᠡᠳ ᠥᠪᠡᠷ ᠡᠴᠡ ᠪᠡᠨ ᠠᠬᠠ ᠰᠤᠷᠤᠯᠭᠠ᠂ ᠬᠥᠮᠦᠵᠢᠯ ᠦ᠋ᠨ ᠳᠣᠭᠣᠯᠳᠠᠯ ᠲᠠᠢ ᠬᠡᠰᠡᠭ ᠬᠡᠦᠬᠡᠳ ᠦ᠋ᠳ ᠲᠡᠢ ᠨᠥᠬᠥᠷᠯᠡᠵᠦ᠂ ᠲᠡᠳᠡᠨ ᠦ᠌ ᠮᠠᠭᠤ ᠨᠥᠯᠦᠭᠡᠨ ᠳ᠋ᠦ᠍ ᠠᠪᠲᠠᠨ ᠬᠦᠴᠦᠨ ᠦ᠌ ᠬᠡᠷᠡᠭ ᠲᠦ᠍ ᠣᠷᠣᠵᠤ᠂ ᠭᠤᠷᠪᠠᠨ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠ ᠲᠠᠢ ᠶᠠᠯᠠ ᠡᠳ᠋ᠯᠡᠵᠦ ᠪᠠᠢᠨᠠ᠃ ᠰᠠᠢᠨ ᠢ᠋ ᠳᠠᠭᠠᠪᠠᠯ ᠰᠠᠷᠠᠨ ᠤ᠋ ᠭᠡᠷᠡᠯ᠂ ᠮᠠᠭᠤ ᠶ᠋ᠢ ᠳᠠᠭᠠᠪᠠᠯ ᠮᠣᠭᠠᠢ ᠶ᠋ᠢᠨ ᠬᠣᠣᠷ ᠭᠡᠭᠴᠢ ᠨᠢ ᠡᠨᠡ ᠳᠡ᠃ ᠡᠢᠮᠦ ᠡᠴᠡ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠲᠦ᠍ ᠥᠷᠲᠥᠬᠦ ᠡᠴᠡ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠰᠡᠷᠡᠮᠵᠢᠯᠡᠬᠦ ᠶ᠋ᠢᠨ ᠲᠤᠯᠠᠳᠠ ᠪᠣᠯᠬᠤ᠂ ᠪᠦᠲᠦᠬᠦ ᠦᠭᠡᠢ ᠬᠥᠮᠦᠰ ᠲᠡᠢ ᠨᠥᠬᠥᠷᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠬᠦ ᠨᠢ ᠴᠢᠬᠤᠯᠠ ᠶᠤᠮ᠃ ᠬᠦᠴᠦᠷᠬᠡᠭᠯᠡᠯ ᠦ᠋ᠨ ᠬᠠᠮᠤᠭ ᠤ᠋ᠨ ᠶᠡᠷᠦᠩᠬᠡᠢ ᠰᠢᠯᠲᠠᠭᠠᠨ ᠨᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠲᠠᠴᠢᠶᠠᠯ ᠤ᠋ᠨ ᠢᠯᠭᠠᠪᠤᠷᠢ ᠲᠠᠢ ᠬᠣᠯᠪᠣᠭᠠ ᠲᠠᠢ᠃ ᠡᠷᠡᠭᠲᠡᠢ ᠬᠥᠮᠦᠨ ᠡᠰᠡᠷᠭᠦᠴᠡᠯ ᠢ᠋ ᠳᠠᠪᠠᠨ ᠭᠠᠷᠴᠤ ᠪᠠᠢᠵᠤ ᠪᠠᠬᠠ ᠨᠢ ᠬᠠᠨᠳᠠᠭ ᠲᠠᠯᠠ ᠪᠣᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠬᠥᠮᠦᠨ ᠬᠡᠳᠦᠢ ᠴᠢᠨᠡᠭᠡ ᠡᠰᠡᠷᠭᠦᠴᠡᠯ ᠦᠵᠡᠭᠦᠯᠦᠨᠡ᠂ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠰᠠᠷᠠᠯ ᠲᠡᠳᠦᠢ ᠴᠢᠨᠡᠭᠡ ᠬᠦᠴᠦᠲᠡᠢ ᠬᠥᠳᠡᠯᠳᠡᠭ᠃ ᠡᠢᠨᠬᠦ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠲᠠᠴᠢᠶᠠᠯ ᠢᠮᠠᠭᠲᠠ ᠬᠦᠴᠦᠷᠬᠡᠭᠯᠡᠯ ᠦ᠋ᠨ ᠡᠯᠸᠮᠸᠨ᠋ᠲ ᠠᠭᠤᠯᠵᠤ ᠪᠠᠢᠳᠠᠭ᠃ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠦᠭᠴᠢᠳ ᠦ᠋ᠨ ᠨᠢᠭᠡ ᠬᠡᠰᠡᠭ ᠨᠢ ᠤᠭ ᠤ᠋ᠨ ᠬᠡᠷᠡᠭ ᠢ᠋ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠦᠢᠯᠡᠳᠦᠭᠰᠡᠨ ᠪᠠᠢᠪᠠ᠃ ᠲᠡᠳᠡᠨ ᠦ᠌ ᠰᠡᠳᠬᠢᠴᠡ ᠶ᠋ᠢᠨ ᠪᠠ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠰᠤᠳᠤᠯᠤᠨ ᠦᠴᠡᠬᠦ ᠳ᠋ᠦ᠍᠂ ᠪᠡᠯᠭᠡ ᠶ᠋ᠢᠨ ᠪᠣᠢᠵᠢᠯᠲᠠ ᠶ᠋ᠢᠨ ᠶᠠᠪᠤᠴᠠ ᠦᠶᠡ ᠳᠠᠩ ᠤ᠋ᠨ ᠬᠢ ᠡᠴᠡ ᠬᠣᠴᠣᠷᠤᠭᠰᠠᠨ᠂ ᠥᠩᠭᠡᠨ ᠲᠠᠯᠠ ᠠ᠋ᠴᠠ ᠪᠠᠨ ᠪᠦᠷᠦᠭ ᠳᠣᠷᠣᠢ ᠮᠡᠲᠦ ᠬᠠᠷᠠᠭᠳᠠᠪᠠᠴᠤ ᠳᠣᠲᠣᠷᠠ ᠪᠠᠨ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠲᠠᠯᠠ ᠪᠠᠷ ᠶᠡᠬᠡ ᠪᠣᠳᠣᠳᠠᠭ᠂ ᠨᠢᠭᠡ ᠦᠭᠡ ᠪᠡᠷ ᠬᠡᠯᠡᠬᠦ ᠳ᠋ᠦ᠍ ᠳᠣᠲᠣᠭᠠᠳᠤ ᠶᠢᠷᠲᠢᠨᠴᠦ ᠨᠢ ᠲᠦᠭᠵᠢᠭᠳᠡᠮᠡᠯ᠂ ᠬᠠᠭᠠᠯᠲᠠ ᠲᠠᠢ ᠪᠠᠢᠳᠠᠭ ᠨᠢ ᠠᠵᠢᠭᠯᠠᠭᠳᠠᠯᠠ᠃ ᠪᠣᠳᠠᠲᠤ ᠦᠵᠡᠯᠭᠡ ᠪᠡᠷ᠂ ᠶᠡᠬᠡᠩᠬᠢ ᠶ᠋ᠢᠨ ᠬᠢᠨᠢ ᠤᠮᠠᠳᠠᠭ ᠲᠤᠨᠢ ᠦᠰᠦ ᠤᠷᠭᠤᠭᠠ ᠦᠭᠡᠢ᠂ ᠪᠡᠯᠭᠡ ᠡᠷᠬᠡᠲᠡᠨ ᠨᠢ ᠲᠣᠮᠣᠷᠠᠭᠠ ᠦᠭᠡᠢ ᠪᠠᠢᠪᠠ᠃
ᠡᠨᠡ ᠬᠡᠰᠡᠭ ᠲᠦ᠍ ᠬᠠᠮᠤᠷᠤᠭᠳᠠᠭᠰᠠᠳ ᠤ᠋ᠨ ᠭᠡᠮᠲᠦ ᠦᠢᠯᠡᠳᠦᠯ ᠦ᠋ᠨ ᠭᠣᠣᠯ ᠣᠪᠢᠶᠠᠺᠲ— ᠬᠣᠬᠢᠷᠠᠭᠴᠢ ᠨᠢ ᠪᠠᠭᠠ ᠨᠠᠰᠤᠨ ᠤ᠋ ᠥᠬᠢᠳ ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠶᠤᠯᠲᠠᠢ ᠪᠠᠢᠳᠠᠭ ᠪᠥᠭᠡᠳ ᠲᠡᠷᠡ ᠥᠬᠢᠨ ᠢ᠋ ᠪᠦᠬᠦ ᠨᠠᠰᠤ ᠪᠠᠷ ᠨᠢ ᠪᠡᠶᠡ᠂ ᠰᠡᠳᠬᠢᠯ ᠢ᠋ᠶ᠋ᠡᠷ ᠨᠢ ᠬᠣᠣᠷᠯᠠᠳᠠᠭ ᠪᠠᠢᠨᠠ᠃ ᠡᠢᠮᠦ ᠮᠠᠭᠤ ᠦᠢᠯᠡ ᠬᠢᠭᠴᠢ ᠥᠪᠡᠷᠰᠡᠳ ᠦ᠋ᠨ ᠬᠦᠴᠦ ᠪᠣᠯᠤᠯᠴᠠᠭᠠ ᠶ᠋ᠢ ᠦᠷᠭᠦᠯᠵᠢ ᠳᠤᠲᠠᠭᠤ ᠦᠨᠡᠯᠡᠳᠡᠭ ᠦᠶᠡ ᠳᠠᠩ ᠤ᠋ᠨ ᠢ᠋ᠶ᠋ᠠᠨ ᠥᠬᠢᠳ ᠲᠡᠢ ᠬᠠᠪᠢᠳᠠᠵᠤ ᠣᠭᠲᠣ ᠴᠢᠳᠠᠬᠤ ᠦᠭᠡᠢ ᠮᠡᠲᠦ ᠪᠡᠷ ᠳᠦᠷᠰᠦᠯᠡᠨ ᠰᠡᠳᠬᠢᠳᠡᠭ ᠨᠡᠷᠡᠯᠬᠡᠦ᠂ ᠵᠣᠷᠢᠭ ᠮᠠᠭᠤᠲᠠᠢ ᠠᠶᠤᠮᠠᠬᠠᠢ ᠬᠥᠮᠦᠰ ᠪᠠᠢᠳᠠᠭ᠃ ᠡᠢᠮᠦ ᠪᠠᠢᠳᠠᠯ ᠵᠠᠷᠢᠮ ᠨᠠᠰᠤᠨ ᠳ᠋ᠤ᠌ ᠬᠦᠷᠦᠭᠴᠢᠳ ᠲᠦ᠍ ᠴᠦ᠍ ᠭᠠᠷᠳᠠᠭ ᠢ᠋ ᠡᠨᠳᠡ ᠳᠤᠷᠠᠳᠬᠤ ᠬᠡᠷᠡᠭᠲᠡᠢ᠃ ᠢᠩᠭᠢᠭᠡᠳ ᠲᠡᠳᠡ ᠬᠤᠷᠢᠴᠠᠯ ᠦᠢᠯᠡᠳᠴᠦ ᠴᠢᠳᠠᠬᠤ ᠡᠰᠡᠬᠦ ᠪᠡᠨ ᠲᠤᠷᠰᠢᠬᠤ᠂ ᠬᠦᠰᠡᠯ ᠲᠠᠴᠢᠶᠠᠯ ᠢ᠋ᠶ᠋ᠠᠨ ᠬᠠᠩᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠪᠡᠶᠡ ᠪᠡᠨ ᠬᠠᠮᠠᠭᠠᠯᠠᠬᠤ ᠴᠢᠳᠠᠪᠤᠷᠢ ᠦᠭᠡᠢ᠂ ᠪᠠᠭᠠ ᠨᠠᠰᠤᠨ ᠤ᠋ ᠥᠬᠢᠳ ᠢ᠋ ᠰᠣᠩᠭᠣᠵᠤ ᠠᠪᠳᠠᠭ ᠪᠠᠢᠨᠠ᠃ ᠡᠨᠳᠡ ᠳᠤᠷᠠᠳᠪᠠᠯ ᠵᠣᠬᠢᠬᠤ ᠨᠢᠭᠡ ᠵᠦᠢᠯ ᠪᠣᠯ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠦᠭᠴᠢᠳ ᠨᠢ ᠲᠩᠷᠢ ᠡᠴᠡ ᠤᠨᠠᠵᠤ ᠭᠠᠵᠠᠷ ᠠ᠋ᠴᠠ ᠤᠷᠭᠤᠳᠠᠭ ᠦᠭᠡᠢ ᠶ᠋ᠢ ᠬᠡᠯᠡᠬᠦ ᠬᠡᠷᠡᠭᠲᠡᠢ᠃ ᠲᠡᠳᠡ ᠬᠣᠬᠢᠷᠠᠭᠴᠢ ᠶ᠋ᠢ ᠤᠷᠢᠳᠤ ᠡᠮᠦᠨᠡ ᠰᠠᠢᠨ ᠲᠠᠨᠢᠳᠠᠭ ᠮᠡᠳᠡᠳᠡᠭ᠂ ᠲᠡᠷᠡ ᠪᠤᠤ ᠬᠡᠯᠡ ᠵᠠᠷᠢᠮ ᠨᠢ ᠬᠠᠮᠢᠶᠠᠲᠠᠨ ᠰᠠᠳᠤᠨ ᠪᠠᠢᠭᠰᠠᠨ ᠨᠢ ᠬᠡᠷᠡᠭ ᠦ᠋ᠨ ᠮᠠᠲ᠋ᠧᠷᠢᠶᠠᠯ ᠠ᠋ᠴᠠ ᠲᠣᠳᠣᠷᠬᠠᠢ ᠪᠠᠢᠪᠠ᠃ ᠪᠠᠰᠠ ᠨᠢᠭᠡ ᠵᠢᠰᠢᠶᠠ ᠲᠠᠲᠠᠶᠠ᠃ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠦᠭᠴᠢ ᠶ᠋ᠢᠨ· ᠬᠠᠵᠠᠭᠤ ᠠᠢᠯ ᠤ᠋ᠨ ᠢ᠋ᠶ᠋ᠠᠨ8 ᠨᠠᠰᠤᠲᠠᠢ ᠥᠬᠢᠨ ᠳ ᠢ᠋ ᠲᠣᠮᠣᠴᠤᠳ ᠪᠠᠢᠬᠤ ᠦᠭᠡᠢ ᠦᠶᠡ ᠳ᠋ᠦ᠍ ᠬᠦᠴᠦᠷᠬᠡᠭᠯᠡᠨ ᠵᠣᠭᠰᠣᠬᠤ ᠦᠭᠡᠢ ᠪᠡᠯᠭᠡ ᠡᠷᠬᠡᠲᠡᠨ ᠢ᠋ᠶ᠋ᠡᠨ ᠬᠣᠬᠢᠷᠠᠭᠴᠢ ᠶ᠋ᠢᠨ ᠠᠮᠠᠨ ᠳ᠋ᠤ᠌ ᠬᠢᠵᠦ ᠲᠣᠬᠣᠭᠤᠷᠬᠠᠨ ᠳᠣᠷᠣᠮᠵᠢᠯᠠᠵᠤ ᠲᠠᠩᠬᠠᠢᠷᠠᠭᠰᠠᠨ ᠪᠠᠢᠪᠠ᠃ ᠡᠴᠢᠭᠡ ᠡᠬᠡ ᠨᠢ ᠯᠠᠪ ᠬᠡᠦᠬᠡᠳ ᠢ᠋ᠶ᠋ᠡᠨ ᠡᠢᠮᠦ ᠪᠤᠰᠤᠷᠮᠠᠭ ᠬᠡᠷᠡᠭ ᠬᠢᠨᠡ ᠭᠡᠵᠦ ᠬᠡᠵᠢᠶᠡ ᠴᠦ᠍ ᠵᠡᠭᠦᠳᠦᠯᠡᠭᠡ ᠦᠭᠡᠢ ᠤᠷᠢᠳᠴᠢᠯᠠᠨ ᠲᠠᠭᠠᠪᠤᠷᠢᠯᠠᠭᠠ ᠦᠭᠡᠢ ᠪᠢᠵᠡ᠃ ᠢᠩᠭᠢᠭᠡᠳ ᠪᠣᠳᠣᠬᠤ ᠳ᠋ᠤ᠌ ᠪᠢᠳᠡ ᠪᠦᠬᠦᠨ ᠦ᠌ ᠮᠠᠨᠢ ᠬᠡᠨ ᠦ᠌ ᠴᠦ᠍ ᠦᠷᠡ ᠬᠡᠦᠬᠡᠳ ᠭᠡᠮᠲᠦ ᠬᠡᠷᠡᠭ ᠲᠦ᠍ ᠬᠣᠯᠪᠣᠭᠳᠠᠵᠤ᠂ ᠬᠦᠴᠦᠷᠬᠡᠭᠯᠡᠯ ᠳ᠋ᠦ᠍ ᠤᠴᠠᠷᠠᠬᠤ ᠦᠭᠡᠢ ᠭᠡᠰᠡᠨ ᠪᠣᠳᠠᠲᠠᠢ ᠪᠠᠲᠤᠯᠠᠭᠠ ᠳᠠᠩᠴᠢ ᠠᠯᠠᠭᠠ ᠪᠠᠢᠨᠠ ᠰᠢᠦ ᠳᠡ᠃ ᠡᠢᠮᠦ ᠡᠴᠡ ᠬᠦᠴᠦᠨ ᠦ᠌ ᠭᠡᠮᠲᠦ ᠬᠡᠷᠡᠭ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠯᠡᠬᠦ ᠨᠢ ᠨᠡᠢᠭᠡᠮ ᠦ᠋ᠨ ᠲᠣᠮᠣᠬᠠᠨ ᠠᠰᠠᠭᠤᠳᠠᠯ ᠶᠤᠮ᠃ ᠬᠦᠴᠦᠷᠬᠡᠭᠯᠡᠯ ᠪᠣᠯ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠡᠷᠬᠢᠮ ᠶᠣᠰᠣᠨ ᠤ᠋ ᠤᠭ ᠮᠥᠨ ᠴᠢᠨᠠᠷ ᠢ᠋ ᠭᠠᠵᠢᠭᠤᠳᠠᠭᠤᠯᠵᠤ ᠪᠠᠢᠭᠠ ᠪᠠᠷ ᠢ᠋ᠶ᠋ᠠᠨ ᠪᠤᠰᠤᠷᠮᠠᠭ ᠶᠠᠪᠤᠳᠠᠯ᠂ ᠨᠣᠴᠢᠲᠠᠢ ᠭᠡᠮᠲᠦ ᠬᠡᠷᠡᠭ ᠳᠠᠷᠤᠢ ᠮᠥᠨ᠃ ᠫᠤᠯᠠᠨᠲ ᠲᠤ᠌ ᠠᠯᠢᠪᠠ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠪᠤᠶᠤ ᠬᠦᠴᠦᠨ ᠦ᠌ ᠬᠡᠷᠡᠭ ᠢ᠋ ᠵᠥᠪᠬᠡᠨ ᠰᠡᠳᠬᠢᠴᠡ ᠶ᠋ᠢᠨ ᠲᠡᠳᠦᠢ ᠦᠭᠡᠢ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠰᠤᠳᠤᠯᠤᠯ ᠤ᠋ᠨ ᠨᠠᠷᠢᠪᠴᠢᠯᠠᠭᠰᠠᠨ ᠮᠠᠭᠠᠳᠯᠠᠭᠠ ᠬᠢᠭᠰᠡᠨ ᠦ᠌ ᠳᠠᠷᠠᠭᠠ ᠰᠢᠳᠬᠡᠳᠡᠭ ᠪᠠᠢᠨᠠ᠂ ᠬᠠᠷᠠᠮᠰᠠᠯᠲᠠᠢ ᠨᠢ ᠮᠠᠨ ᠤ᠋ ᠳ᠋ᠤ᠌ ᠡᠢᠮᠦ ᠪᠣᠯᠤᠯᠴᠠᠭᠠ ᠬᠠᠷᠠᠬᠠᠨ ᠠᠯᠠᠭᠠ᠃ ᠵᠠᠷᠢᠮ ᠤᠯᠤᠰ ᠣᠷᠣᠨ ᠳ᠋ᠤ᠌ ᠤᠳᠠᠭᠠ ᠳᠠᠷᠠᠭᠠ᠂ ᠳᠠᠬᠢᠨ ᠳᠠᠪᠲᠠᠨ ᠬᠦᠴᠦᠨ ᠦ᠌ ᠬᠡᠷᠡᠭ ᠬᠢᠭᠡᠳ ᠵᠠᠰᠠᠷᠠᠬᠤ ᠦᠭᠡᠢ ᠬᠥᠮᠦᠰ ᠦ᠋ᠨ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠲᠠᠴᠢᠶᠠᠯ ᠢ᠋ ᠪᠠᠭᠤᠷᠠᠭᠤᠯᠵᠤ᠂ ᠪᠡᠶᠡ ᠪᠡᠨ ᠡᠵᠡᠮᠳᠡᠨ ᠵᠠᠬᠢᠷᠴᠤ ᠴᠢᠳᠠᠳᠠᠭ ᠪᠣᠯᠭᠠᠳᠠᠭ ᠲᠤᠰᠬᠠᠢ ᠡᠮ᠂ ᠪᠡᠯᠡᠳᠦᠮᠡᠯ ᠴᠦ᠍ ᠬᠡᠷᠡᠭᠯᠡᠳᠡᠭ ᠠᠵᠠᠢ᠃ ᠲᠡᠷᠡ ᠪᠦᠦ ᠬᠡᠯᠡ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠦᠭᠰᠡᠨ ᠬᠥᠮᠦᠰ ᠲᠦ᠍ ᠱᠣᠷᠣᠩ ᠳ᠋ᠤ᠌ ᠪᠠᠢᠬᠤ ᠳ᠋ᠤᠨᠢ ᠥᠪᠡᠷ ᠢ᠋ ᠪᠡᠨ ᠡᠵᠡᠮᠳᠡᠨ ᠵᠠᠬᠢᠷᠴᠤ ᠰᠡᠳᠬᠢᠯ ᠵᠠᠰᠠᠯ ᠤ᠋ᠨ ᠲᠤᠰᠬᠠᠢ ᠺᠦᠷᠡᠰ ᠬᠦᠷᠲᠡᠯᠡ ᠬᠢᠯᠭᠡᠳᠡᠭ ᠠᠵᠠᠢ᠃ ᠪᠢᠳᠡᠨ ᠦ᠌ ᠦᠵᠡᠭᠰᠡᠨ ᠢ᠋ᠶ᠋ᠡᠷ᠂ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠬᠦ ᠭᠣᠣᠯ ᠰᠢᠯᠲᠠᠭᠠᠨ ᠪᠣᠯ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠬᠥᠮᠦᠵᠢᠯ ᠦᠭᠡᠢ᠂ ᠡᠨᠡ ᠲᠠᠯᠠ ᠪᠠᠷ ᠠᠩᠬᠠᠨ ᠤ᠋ ᠮᠡᠳᠡᠭᠳᠡᠬᠦᠨ ᠦᠭᠡᠢ ᠶᠠᠪᠤᠳᠠᠯ ᠶᠤᠮ᠃ ᠮᠠᠨᠠᠢᠬᠢᠨ ᠡᠨᠡ ᠲᠠᠯᠠ ᠪᠠᠷ ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠨᠠᠷᠢᠪᠴᠢᠯᠠᠨ ᠲᠠᠢᠯᠪᠤᠷᠢᠯᠠᠵᠤ ᠥᠭᠳᠡᠭ ᠦᠭᠡᠢ᠂ ᠵᠦᠩ ᠢ᠋ᠶ᠋ᠡᠷ ᠨᠢ ᠲᠠᠯᠪᠢᠳᠠᠭ ᠲᠠᠢ ᠴᠦ᠍ ᠬᠣᠯᠪᠣᠭᠠᠲᠠᠢ ᠪᠠᠢᠵᠤ ᠪᠠᠰᠠ ᠮᠡᠳᠡᠬᠦ ᠶᠦᠮ᠃ ᠡᠢᠮᠦ ᠡᠴᠡ ᠪᠢᠳᠡᠨ ᠦ᠌ ᠦᠷᠡ ᠬᠡᠦᠬᠡᠳ ᠡᠩᠭᠡᠷ ᠵᠥᠷᠢᠭᠦᠯᠦᠨᠡ ᠭᠡᠳᠡᠭ ᠡᠷᠬᠢᠮ ᠶᠣᠰᠣ ᠶ᠋ᠢ ᠭᠠᠵᠢᠭᠤᠳᠠᠭᠤᠯᠵᠤ ᠪᠠᠢᠬᠤ ᠪᠠᠷ ᠢ᠋ᠶ᠋ᠠᠨ ᠬᠥᠮᠦᠨ ᠪᠦᠬᠦᠨ ᠦ᠌ ᠵᠢᠭᠰᠢᠯ ᠵᠢᠪᠡᠭᠦᠴᠡᠯ ᠢ᠋ ᠲᠥᠷᠥᠭᠦᠯᠵᠦ ᠪᠠᠢᠨᠠ᠃ ᠡᠢᠮᠦ ᠡᠮᠭᠡᠨᠢᠯᠲᠦ ᠪᠠᠢᠳᠠᠯ ᠳ᠋ᠤ᠌ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠣᠷᠣᠭᠤᠯᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠤᠳᠬᠠ ᠤᠴᠢᠷ ᠢ᠋ ᠬᠡᠦᠬᠡᠳ ᠪᠦᠬᠦᠨ ᠳ᠋ᠦ᠍ ᠪᠠᠭᠠ ᠪᠠᠯᠴᠢᠷ ᠠ᠋ᠴᠠ ᠨᠢ ᠡᠴᠢᠭᠡ ᠡᠬᠡ᠂ ᠪᠠᠭᠰᠢ᠂ ᠰᠤᠷᠭᠠᠨ ᠬᠥᠮᠦᠵᠢᠭᠦᠯᠦᠭᠴᠢ ᠬᠡᠨ ᠪᠦᠬᠦᠨ ᠣᠢᠯᠠᠭᠠᠵᠤ ᠴᠢᠳᠠᠭᠰᠠᠨ ᠴᠠᠭ ᠲᠤ᠌《ᠬᠦᠴᠦᠨ》 ᠭᠡᠳᠡᠭ ᠦᠭᠡ ᠶ᠋ᠢ ᠲᠣᠯᠢ ᠪᠢᠴᠢᠭ ᠡᠴᠡ ᠡᠷᠢᠭᠡᠳ ᠣᠯᠬᠤ ᠦᠭᠡᠢ ᠴᠠᠭ ᠢᠷᠡᠬᠦ ᠪᠣᠢ ᠢᠠ᠃ ᠡᠢᠮᠦ ᠳ᠋ᠦ᠍ ᠰᠤᠷᠭᠠᠭᠤᠯᠢ ᠶ᠋ᠢᠨ ᠫᠷᠣᠭ᠌ᠷᠠᠮ ᠳ᠋ᠤ᠌ ᠰᠧᠺᠰ ᠦ᠋ᠨ ᠲᠠᠯᠠ ᠪᠠᠷ ᠵᠣᠬᠢᠬᠤ ᠮᠡᠳᠡᠯᠭᠡ ᠥᠭᠬᠦ ᠬᠢᠴᠢᠶᠡᠯ ᠣᠷᠣᠭᠤᠯᠪᠠᠯ ᠰᠠᠢᠨ ᠰᠠᠨ᠃
ᠡᠨᠳᠡ ᠯᠡ ᠪᠢᠳᠡᠨ ᠦ᠌ ᠦᠷᠡ ᠬᠡᠦᠬᠡᠳ ᠢ᠋ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠯᠡᠬᠦ ᠭᠠᠭᠴᠠ ᠠᠷᠭᠠ ᠵᠠᠮ ᠣᠷᠣᠰᠢᠨᠠ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠥᠬᠢᠳ ᠢ᠋ ᠬᠦᠴᠦᠨ ᠦ᠌ ᠭᠡᠮᠲᠦ ᠬᠡᠷᠡᠭ ᠦ᠋ᠨ ᠬᠠᠯᠳᠠᠯᠭᠠ ᠠ᠋ᠴᠠ ᠥᠪᠡᠷ ᠢ᠋ ᠪᠡᠨ ᠬᠠᠮᠠᠭᠠᠯᠠᠬᠤ ᠠᠷᠭᠠ ᠵᠠᠮ ᠢ᠋ ᠪᠣᠯᠪᠠᠰᠤᠷᠠᠭᠤᠯᠬᠤ ᠶᠠᠪᠤᠳᠠᠯ ᠴᠢᠬᠤᠯᠠ ᠪᠠᠢᠨᠠ᠃ ᠶᠠᠫᠣᠨ ᠤ᠋ ᠺᠷᠠᠲ᠋ᠸᠭ᠋ ᠤ᠋ᠨ ᠰᠤᠷᠬᠤ ᠪᠢᠴᠢᠭ ᠲᠦ᠍ ᠬᠦᠴᠦᠷᠬᠡᠭᠯᠡᠬᠦ ᠡᠴᠡ ᠥᠪᠡᠷ ᠢ᠋ ᠪᠡᠨ ᠬᠠᠮᠠᠭᠠᠯᠠᠬᠤ ᠵᠥᠪᠯᠡᠮᠵᠢ ᠡᠮᠡᠭᠲᠡᠢᠴᠦᠳ ᠲᠦ᠍ ᠥᠭᠭᠦᠭᠰᠡᠨ ᠪᠠᠢᠳᠠᠭ ᠢ᠋ ᠪᠣᠳᠣᠭᠤᠰᠢᠲᠠᠢ᠃ ᠬᠣᠷᠮᠣᠢ ᠶ᠋ᠢᠨ ᠭᠡᠮᠲᠦ ᠬᠡᠷᠡᠭ ᠦ᠋ᠨ ᠨᠥᠭᠦᠭᠡ ᠠᠶᠤᠯ ᠲᠠᠢ ᠲᠠᠯᠠ ᠪᠣᠯ ᠭᠡᠮ ᠵᠢᠮ ᠦᠭᠡᠢ ᠥᠬᠢᠳ ᠦ᠋ᠨ ᠪᠡᠶᠡ᠂ ᠰᠡᠳᠬᠢᠯ ᠢ᠋ ᠪᠤᠵᠠᠷᠯᠠᠵᠤ᠃ ᠲᠡᠳᠡᠨ ᠦ᠌ ᠡᠷᠡᠭᠦᠯ ᠮᠡᠨᠳᠦ ᠨᠡᠷᠡ ᠲᠥᠷᠥ᠂ ᠰᠡᠳᠬᠢᠯ ᠰᠠᠨᠠᠭᠠᠨ ᠤ᠋ ᠬᠦᠨᠳᠦ ᠬᠣᠬᠢᠷᠠᠯ ᠤᠴᠠᠷᠠᠭᠤᠯᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠶᠤᠮ᠃ ᠵᠠᠷᠢᠮ ᠬᠣᠬᠢᠷᠠᠭᠴᠢ ᠰᠡᠳᠬᠢᠯ ᠦ᠋ᠨ ᠭᠦᠨᠵᠡᠭᠡᠢ ᠬᠢᠮᠤᠷᠠᠯ ᠳ᠋ᠤ᠌ ᠣᠷᠣᠵᠤ᠂ ᠠᠮᠢ ᠪᠠᠨ ᠬᠣᠣᠷᠯᠠᠬᠤ ᠶᠠᠪᠤᠳᠠᠯ ᠴᠦ᠍ ᠭᠠᠷᠴᠤ ᠪᠠᠢᠨᠠ᠃ ᠡᠭᠦᠨ ᠢ᠋ ᠶᠠᠭᠤ ᠪᠠᠷ ᠴᠦ᠍ ᠨᠥᠬᠥᠵᠦ ᠴᠢᠳᠠᠬᠤ ᠦᠭᠡᠢ ᠨᠢ ᠮᠠᠰᠢ ᠬᠠᠷᠠᠮᠰᠠᠯᠲᠠᠢ ᠪᠢᠯᠡ᠃