ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ <ᠬᠣᠶᠠᠳᠤᠭᠠᠷ ᠪᠦᠯᠦᠭ>– ᠬᠣᠷᠸᠠ ᠶᠢᠨ ᠡᠷᠢᠶᠡᠨ ᠪᠠᠷᠠᠭᠠᠨ– ᠬᠣᠶᠠᠷ᠂ ᠬᠣᠷᠮᠣᠢ ᠶᠢᠨ ᠳᠤᠩ Эр эмийн ёсон – Д᠂ Болдцэрэн <2-р бүлэг>– Хорвоогийн эрээн бараан - 2᠂ хормойн дун
174<ᠬᠣᠶᠠᠳᠤᠭᠠᠷ ᠪᠦᠯᠦᠭ>– ᠬᠣᠷᠸᠠ ᠶᠢᠨ ᠡᠷᠢᠶᠡᠨ ᠪᠠᠷᠠᠭᠠᠨ
ᠬᠣᠶᠠᠷ᠂ ᠬᠣᠷᠮᠣᠢ ᠶᠢᠨ ᠳᠤᠩ
᠁ ᠢᠩᠭᠢᠵᠦ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠲᠠᠴᠢᠶᠠᠯ ᠬᠡᠪ ᠦ᠋ᠨ ᠬᠡᠮᠵᠢᠶᠡᠨ ᠡᠴᠡ ᠪᠡᠨ ᠬᠡᠳᠦ ᠶᠡᠬᠡᠰᠬᠦ ᠶ᠋ᠢ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠭᠡᠪᠡᠴᠦ ᠡᠭᠦᠨ ᠢ᠋ ᠡᠨᠡ ᠲᠠᠯᠠ ᠶ᠋ᠢᠨ ᠬᠦᠰᠡᠯ ᠰᠣᠨᠢᠷᠬᠠᠯ ᠪᠠᠭᠠᠲᠠᠢ ᠬᠥᠮᠦᠨ ᠲᠡᠢ ᠬᠠᠷᠢᠴᠠᠭᠤᠯᠬᠤ ᠳ᠋ᠤ᠌ ᠳᠤᠷᠠ ᠲᠠᠴᠢᠶᠠᠯ ᠬᠦᠴᠦᠲᠡᠢ ᠢᠯᠡᠷᠡᠳᠡᠭ ᠡᠷᠡᠭᠦᠯ ᠴᠢᠬᠢᠷᠠᠭ ᠤᠯᠤᠰ ᠠ᠋ᠴᠠ ᠢᠯᠭᠠᠵᠤ ᠬᠠᠢᠷᠠᠯᠠ ᠲᠠ ᠮᠢᠨᠢ᠃ ᠲᠡᠳᠡ ᠳᠤᠷᠠ ᠬᠦᠰᠡᠯ ᠶᠡᠬᠡᠲᠡᠢ ᠴᠦ᠍ ᠭᠡᠰᠡᠨ ᠡᠨᠡ ᠨᠢ ᠲᠡᠳᠡᠨ ᠢ᠋ ᠬᠥᠮᠦᠨ ᠰᠢᠭ᠂ ᠬᠥᠮᠦᠨ ᠦ᠌ ᠲᠠᠢᠳᠠᠢ ᠶᠠᠪᠤᠬᠤ ᠳ᠋ᠤ᠌ ᠰᠠᠳᠠᠭᠠ᠂ ᠰᠠᠭᠠᠳ ᠲᠣᠳᠬᠠᠷ ᠪᠣᠯᠬᠤ ᠦᠭᠡᠢ᠃ ᠬᠠᠷᠢᠨ ᠴᠦ᠍ ᠡᠷᠡ ᠴᠢᠳᠠᠯ᠂ ᠡᠷᠴᠢ ᠬᠦᠴᠦ ᠨᠢ ᠬᠠᠷᠢᠭᠠ ᠦᠭᠡᠢ ᠪᠠᠢᠭᠠ ᠶ᠋ᠢ ᠭᠡᠷᠡᠴᠢᠯᠡᠨᠡ᠃ ᠡᠢᠮᠦ ᠬᠥᠮᠦᠨ ᠢ᠋ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠲᠠᠢ ᠭᠡᠬᠦ ᠶᠦᠮ ᠪᠣᠯ ᠮᠤᠩᠬᠠᠭ ᠬᠡᠷᠡᠭ ᠪᠣᠯᠬᠤ ᠪᠢᠵᠡ᠃ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠱᠦᠭᠯᠡᠭᠰᠡᠨ ᠬᠥᠮᠦᠨ ᠭᠡᠳᠡᠭ ᠪᠣᠯ ᠱᠠᠯᠢᠭ ᠰᠠᠮᠠᠭᠤᠨ ᠶᠠᠪᠤᠳᠠᠯ ᠠ᠋ᠴᠠ ᠥᠭᠡᠷᠡ ᠪᠣᠳᠣᠬᠤ ᠦᠭᠡᠢ᠂ ᠪᠦᠬᠦᠨ ᠢ᠋ ᠤᠮᠠᠷᠲᠠᠨ᠂ ᠡᠷᠡᠭᠡ ᠴᠡᠭᠡᠷ ᠢ᠋ᠶ᠋ᠡᠨ ᠠᠯᠳᠠᠵᠤ᠂ ᠰᠣᠬᠣᠷ ᠳᠤᠷᠠ ᠲᠠᠴᠢᠶᠠᠯ ᠳ᠋ᠠᠭᠠᠨ ᠪᠤᠷᠠᠨᠲᠠᠭᠯᠠᠭᠤᠯᠤᠨ ᠬᠥᠲᠥᠯᠦᠭᠦᠯᠦᠨᠡ᠃ ᠡᠷᠡᠭᠦᠯ ᠰᠠᠷᠠᠭᠤᠯ ᠬᠤᠷᠢᠴᠠᠯ ᠤ᠋ᠨ ᠳᠠᠷᠠᠭᠠ ᠪᠡᠶᠡ ᠨᠢ ᠲᠠᠯᠪᠢᠭᠤᠷᠠᠵᠤ᠂ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠠᠨᠤᠨ᠂ ᠬᠦᠰᠡᠯ ᠲᠠᠴᠢᠶᠠᠯ ᠨᠢ ᠤᠨᠲᠠᠷᠠᠬᠤ ᠶ᠋ᠢᠨ ᠰᠠᠴᠠᠭᠤ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠦᠭᠡᠢ ᠦᠶᠡ ᠡᠬᠢᠯᠡᠨᠡ᠃ ᠡᠨᠡ ᠡᠷᠴᠢ ᠬᠦᠴᠦ ᠪᠡᠨ ᠴᠢᠨᠠᠭᠰᠢᠳᠠ ᠤᠳᠬᠠ ᠤᠴᠢᠷ ᠦᠭᠡᠢ᠂ ᠳᠡᠮᠡᠢ ᠵᠠᠷᠤᠴᠠᠭᠤᠯᠬᠤ ᠠ᠋ᠴᠠ ᠬᠢᠮᠠᠭᠠᠳᠠᠭᠰᠠᠨ ᠬᠠᠮᠠᠭᠠᠯᠠᠬᠤ ᠰᠠᠭᠠᠲᠠᠯ ᠶᠤᠮ᠃ ᠡᠢᠨᠬᠦ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠪᠠᠢᠭᠠᠯᠢ ᠡᠬᠡ ᠥᠪᠡᠷ ᠢ᠋ᠶ᠋ᠡᠨ ᠤᠳᠤᠷᠢᠳᠤᠨ ᠵᠣᠬᠢᠴᠠᠭᠤᠯᠵᠤ᠂ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠢᠯᠡᠭᠦᠳᠡᠬᠦ ᠠᠪᠠᠰᠤ ᠲᠡᠭᠦᠨ ᠢ᠋ ᠵᠣᠭᠰᠣᠭᠠᠨᠠ᠃ ᠡᠭᠦᠨ ᠦ᠌ ᠤᠴᠢᠷ ᠪᠣᠯ ᠬᠢᠷᠢ ᠡᠴᠡ ᠳᠠᠪᠠᠭᠰᠠᠨ ᠬᠤᠷᠢᠴᠠᠯ ᠨᠢ ᠬᠥᠮᠦᠨ ᠦ᠌ ᠮᠡᠳᠡᠷᠡᠯ ᠦ᠋ᠨ ᠰᠢᠰᠲ᠋ᠧᠮ ᠢ᠋ ᠶᠠᠳᠠᠷᠠᠭᠤᠯᠬᠤ ᠳ᠋ᠤ᠌ ᠬᠦᠷᠭᠡᠳᠡᠭ ᠲᠦ᠍ ᠣᠷᠣᠰᠢᠨᠠ᠃ ᠲᠡᠭᠡᠪᠡᠯ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠱᠦᠭᠯᠡᠭᠰᠡᠨ ᠬᠥᠮᠦᠨ ᠬᠡᠳᠦᠨ ᠴᠦ᠍ ᠤᠳᠠᠭᠠ ᠡᠩᠭᠡᠷ ᠵᠥᠷᠢᠭᠦᠯᠦᠭᠡᠳ ᠬᠠᠨᠵᠤ ᠴᠠᠳᠬᠤ ᠶ᠋ᠢ ᠮᠡᠳᠡᠬᠦ ᠦᠭᠡᠢ᠂ ᠤᠯᠠᠮ ᠰᠢᠨᠤᠨ ᠮᠤᠨᠤᠭᠯᠠᠨᠠ᠃ ᠡᠢᠨᠬᠦ ᠬᠦᠰᠡᠯ ᠲᠠᠴᠢᠶᠠᠯ ᠳ᠋ᠠᠭᠠᠨ ᠮᠠᠩᠰᠢᠭᠤᠷᠠᠨ ᠣᠯᠳᠠᠵᠤ ᠯᠠ ᠪᠠᠢᠪᠠᠯ ᠬᠥᠭᠰᠢᠨ ᠵᠠᠯᠠᠭᠤ᠂ ᠰᠠᠢᠬᠠᠨ ᠮᠠᠭᠤᠬᠠᠢ ᠭᠡᠵᠦ ᠢᠯᠭᠠᠯ ᠦᠭᠡᠢ ᠬᠠᠪᠢᠳᠠᠭᠰᠠᠨ ᠣᠢᠷᠠᠲᠤᠭᠰᠠᠨ ᠪᠣᠯᠭᠠᠨ ᠲᠠᠢ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠶ᠋ᠢ ᠤᠷᠢᠳᠠᠯ ᠪᠣᠯᠭᠠᠨᠠ᠃ ᠢᠩᠭᠢᠬᠦᠯᠡᠷ᠂ ᠬᠤᠷᠢᠴᠠᠯ ᠳᠤᠷᠠ ᠲᠠᠴᠢᠶᠠᠯ᠂ ᠲᠡᠭᠦᠨ ᠦ᠌《ᠲᠣᠭᠠᠨ》 ᠦᠵᠡᠭᠦᠯᠦᠯᠲᠡ ᠪᠣᠯ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠬᠡᠮᠵᠢᠬᠦ ᠨᠢᠭᠡ ᠦᠨᠳᠦᠰᠦᠨ ᠬᠡᠮᠵᠢᠭᠦᠷ ᠪᠣᠯᠪᠠᠴᠤ ᠪᠦᠬᠦᠨ ᠢ᠋ ᠲᠠᠩᠳᠠ ᠭᠠᠭᠴᠠ ᠡᠭᠦᠨ ᠢ᠋ᠶ᠋ᠡᠷ ᠰᠢᠢᠳᠴᠦ ᠪᠠᠰᠠ ᠪᠣᠯᠬᠤ ᠦᠭᠡᠢ ᠨᠢ ᠣᠢᠯᠠᠭᠠᠮᠵᠢᠲᠠᠢ᠃ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠢ᠋ ᠲᠣᠭᠲᠠᠭᠠᠬᠤ ᠳ᠋ᠤ᠌ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠲᠣᠭᠠᠨ ᠦᠵᠡᠭᠦᠯᠦᠯᠲᠡ᠂ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠲᠠᠴᠢᠶᠠᠯ ᠠ᠋ᠴᠠ ᠭᠠᠳᠠᠨᠠ ᠪᠡᠶᠡ ᠬᠥᠮᠦᠨ ᠦ᠌ ᠲᠥᠯᠦᠪᠰᠢᠯ᠂ ᠨᠡᠢᠭᠡᠮ ᠦ᠋ᠨ ᠪᠠᠢᠷᠢ ᠰᠠᠭᠤᠷᠢ᠂ ᠨᠣᠶᠠᠨ ᠨᠢᠷᠤᠭᠤ ᠵᠡᠷᠭᠡ ᠶ᠋ᠢ ᠵᠠᠪᠠᠯ ᠬᠠᠷᠠᠭᠠᠯᠵᠠᠨ ᠦᠵᠡᠬᠦ ᠤᠴᠢᠷ ᠲᠠᠢ ᠶᠤᠮ᠃ ᠭᠡᠪᠡᠴᠦ ᠬᠥᠮᠦᠨ ᠲᠥᠯᠥᠪᠰᠢᠨᠡ ᠭᠡᠳᠡᠭ ᠨᠠᠰᠤᠨ ᠤ᠋ ᠢᠯᠭᠠᠪᠤᠷᠢ ᠪᠠᠷ ᠪᠤᠰᠤ ᠤᠬᠠᠭᠠᠨ ᠤ᠋ ᠡᠩ ᠢ᠋ᠶ᠋ᠡᠷ ᠬᠡᠮᠵᠢᠳᠡᠭ ᠪᠣᠯᠤᠯᠲᠠᠢ᠃ ᠬᠥᠮᠦᠨ ᠪᠦᠬᠦᠨ ᠦ᠌ ᠬᠠᠢᠷᠠ ᠬᠦᠨᠳᠦᠳᠬᠡᠯ ᠢ᠋ ᠪᠤᠯᠢᠶᠠᠬᠤ ᠠᠵᠠᠢ ᠪᠤᠭᠤᠷᠤᠯ ᠪᠣᠯᠤᠭᠰᠠᠨ ᠠᠲᠠᠯᠠ᠂ ᠨᠠᠰᠤ ᠲᠣᠭᠲᠠᠭᠠ ᠦᠭᠡᠢ᠂ ᠨᠠᠮᠪᠠᠭᠠ ᠰᠠᠭᠤᠭᠠᠳᠤᠢ ᠬᠥᠮᠦᠨ ᠮᠡᠷ ᠰᠡᠷ ᠴᠦ᠍ ᠭᠡᠰᠡᠨ ᠪᠣᠢ᠃
᠁56 ᠨᠠᠰᠤᠲᠠᠢ᠂ ᠳᠡᠭᠡᠳᠦ ᠪᠣᠯᠪᠠᠰᠤᠷᠠᠯ ᠲᠠᠢ᠂ ᠰᠦᠬᠡᠪᠠᠭᠠᠲᠤᠷ ᠤ᠋ᠨ ᠲᠡᠭᠦᠷᠭᠡ ᠳ᠋ᠦ᠍ ᠣᠷᠣᠰᠢᠨ ᠰᠠᠭᠤᠭᠴᠢ ᠳ ᠭᠡᠳᠡᠭ ᠪᠠᠭᠠ ᠨᠠᠰᠤᠨ ᠤ᠋ ᠥᠬᠢᠳ ᠦ᠋ᠨ ᠪᠡᠯᠭᠡ ᠡᠷᠬᠡᠲᠡᠨ ᠢ᠋ ᠬᠤᠷᠤᠭᠤ᠂ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠤᠷᠤᠯᠳᠤᠵᠤ ᠳᠤᠷᠠ ᠪᠠᠨ ᠲᠠᠢᠯᠳᠠᠭ ᠨᠢᠭᠡᠨ ᠪᠠᠢᠪᠠ᠃ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠪᠣᠯ ᠵᠠᠯᠠᠭᠤ ᠽᠠᠨᠳᠠᠨ ᠴᠠᠭ ᠠ᠋ᠴᠠ ᠪᠠᠨ ᠳᠤᠷᠠ ᠲᠠᠴᠢᠶᠠᠯ ᠢ᠋ᠶ᠋ᠠᠨ ᠬᠢᠮᠠᠭᠠᠳᠠᠬᠤ ᠦᠭᠡᠢ᠂ ᠲᠡᠭᠦᠨ ᠢ᠋ ᠵᠣᠷᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠯᠭᠠᠭᠰᠠᠨ ᠤ᠋《ᠱᠠᠩ》 ᠶᠤᠮ᠃ ᠡᠢᠮᠦ ᠳ᠋ᠦ᠍ ᠬᠠᠷᠠ ᠪᠠᠭᠠ ᠠ᠋ᠴᠠ ᠪᠠᠨ ᠪᠡᠶᠡ ᠪᠡᠨ ᠡᠵᠡᠮᠳᠡᠨ ᠵᠠᠬᠢᠷᠴᠤ ᠰᠤᠷᠬᠤ ᠬᠡᠷᠡᠭᠲᠡᠢ᠃ ᠬᠡᠷᠪᠡ ᠲᠠ ᠪᠡᠶᠡ ᠪᠡᠨ ᠵᠠᠬᠢᠷᠴᠤ ᠴᠢᠳᠠᠬᠤ ᠦᠭᠡᠢ ᠪᠣᠯ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠱᠦᠭᠯᠡᠵᠦ ᠪᠠᠢᠭᠠ ᠨᠢ ᠲᠡᠷᠡ ᠪᠥᠭᠡᠳ ᠢᠩᠭᠢᠭᠰᠡᠨ ᠢ᠋ᠶ᠋ᠡᠷ ᠬᠥᠮᠦᠨ ᠨᠡᠷᠡ ᠪᠡᠨ ᠠᠯᠳᠠᠵᠤ᠂ ᠬᠡᠨ ᠳ᠋ᠦ᠍ ᠴᠦ᠍ ᠬᠡᠷᠡᠭ ᠦᠭᠡᠢ ᠬᠥᠮᠦᠨ ᠪᠣᠯᠤᠨ ᠬᠤᠪᠢᠷᠠᠨᠠ᠃ ᠬᠥᠮᠦᠨ ᠦ᠌ ᠨᠡᠷᠡ ᠪᠡᠨ᠂ ᠲᠣᠭᠣᠰ ᠥᠳᠥ ᠪᠡᠨ ᠭᠡᠳᠡᠭ ᠪᠤᠰᠤ ᠤᠤ? ᠪᠡᠯᠭᠡ ᠶ᠋ᠢᠨ ᠡᠮᠭᠡᠭ ᠰᠤᠳᠤᠯᠤᠯ ᠤ᠋ᠨ ᠫᠷᠠᠺᠲ᠋ᠢᠭ ᠲᠤ᠌ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠲᠠᠢ ᠪᠣᠯᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠢᠯᠡᠷᠡᠳᠡᠭ ᠪᠡᠯᠭᠡ ᠶ᠋ᠢᠨ ᠡᠮᠭᠡᠭ ᠥᠭᠡᠷᠡᠴᠢᠯᠡᠯᠲᠡ ᠴᠥᠭᠡᠨ ᠦᠭᠡᠢ ᠲᠣᠬᠢᠶᠠᠯᠳᠤᠳᠠᠭ᠃ ᠭᠡᠪᠡᠴᠦ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠪᠠᠭᠤᠷᠠᠬᠤ ᠨᠢ ᠡᠭᠦᠨ ᠡᠴᠡ ᠬᠠᠪᠢ ᠦᠭᠡᠢ ᠡᠯᠪᠡᠭ ᠪᠠᠢᠳᠠᠭ᠃ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠡᠳᠦ ᠶᠡᠬᠡᠰᠬᠦ ᠨᠢ ᠮᠡᠳᠡᠷᠡᠯ— ᠰᠡᠳᠬᠢᠴᠡ ᠶ᠋ᠢᠨ ᠪᠣᠯᠤᠨ ᠳᠣᠲᠣᠭᠠᠳᠤ ᠱᠦᠭᠦᠷᠡᠯ ᠦ᠋ᠨ ᠪᠤᠯᠴᠢᠷᠬᠠᠢ ᠶ᠋ᠢᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠡᠪᠡᠳᠴᠢᠨ ᠦ᠌ ᠦᠶᠡ ᠳ᠋ᠦ᠍ ᠭᠠᠷᠴᠤ ᠪᠣᠯᠤᠨᠠ᠃ ᠢᠯᠠᠩᠭᠤᠶᠠ ᠲᠠᠷᠢᠬᠢᠨ ᠰᠤᠳᠠᠰᠤᠨ ᠤ᠋ ᠡᠪᠡᠳᠴᠢᠨ᠂ ᠬᠠᠪᠤᠳᠠᠷ᠂ ᠭᠡᠮᠲᠦᠯ ᠵᠡᠷᠭᠡ ᠶ᠋ᠢᠨ ᠤᠯᠠᠮ ᠠ᠋ᠴᠠ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠤᠳᠤᠷᠢᠳᠤᠨ ᠵᠣᠬᠢᠴᠠᠭᠤᠯᠳᠠᠭ ᠲᠠᠷᠢᠬᠢᠨ ᠤ᠋ ᠵᠠᠷᠢᠮ ᠲᠣᠭᠲᠠᠯᠴᠠᠭᠠ ᠶ᠋ᠢᠨ(ᠬᠢᠫᠤᠲ᠋ᠠᠯᠠᠮᠤᠰ᠂ ᠯᠢᠮᠹᠠ ᠶ᠋ᠢᠨ ᠰᠢᠰᠲ᠋ᠧᠮ ᠭᠡᠬᠦ ᠮᠡᠲᠦ) ᠦᠢᠯᠡ ᠠᠵᠢᠯᠯᠠᠭᠠ ᠠᠯᠳᠠᠭᠳᠠᠭᠰᠠᠨ ᠠ᠋ᠴᠠ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠡᠳᠦ ᠶᠡᠬᠡᠰᠬᠦ ᠨᠢ ᠴᠥᠭᠡᠨ ᠦᠭᠡᠢ ᠪᠠᠢᠳᠠᠭ᠃ ᠲᠡᠢᠮᠦ ᠡᠴᠡ ᠮᠡᠷᠭᠡᠵᠢᠯ ᠦ᠋ᠨ ᠡᠮᠴᠢ ᠳ᠋ᠦ᠍ ᠴᠠᠭ ᠠᠯᠳᠠᠯ ᠦᠭᠡᠢ ᠣᠴᠢᠵᠤ᠂ ᠵᠥᠪᠯᠡᠯᠭᠡ ᠠᠪᠬᠤ ᠨᠢ ᠵᠦᠢᠲᠡᠢ᠃ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠲᠠᠢ ᠡᠷᠡᠴᠦᠳ ᠡᠪᠡᠳᠴᠢᠨ ᠳ᠋ᠡᠭᠡᠨ ᠡᠨᠡᠯᠦᠨ ᠰᠢᠨᠠᠯᠵᠤ᠂ ᠡᠮᠴᠢ ᠶ᠋ᠢᠨ ᠵᠥᠪᠯᠡᠯᠭᠡ ᠠᠪᠬᠤ ᠶ᠋ᠢ ᠦᠨᠡᠨ ᠭᠣᠣᠯ ᠠ᠋ᠴᠠ ᠪᠠᠨ ᠬᠦᠰᠡᠵᠦ᠂ ᠲᠡᠭᠦᠨ ᠡᠴᠡ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠰᠠᠨᠠᠭᠠᠴᠢᠯᠠᠨ ᠣᠴᠢᠳᠠᠭ ᠪᠣᠯ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠱᠦᠭᠯᠡᠭᠰᠡᠨ ᠬᠥᠮᠦᠨ ᠪᠤᠰᠤᠳ ᠤ᠋ᠨ ᠰᠢᠬᠠᠯᠲᠠ ᠱᠠᠭᠠᠷᠳᠠᠯᠭᠠ ᠪᠠᠷ ᠳᠤᠷᠠ ᠲᠠᠢ ᠳᠤᠷᠠ ᠦᠭᠡᠢ ᠡᠮᠴᠢ ᠳ᠋ᠦ᠍ ᠣᠴᠢᠬᠤ ᠠ᠋ᠴᠠ ᠪᠢᠰᠢ᠂ ᠥᠪᠡᠷᠰᠡᠳ ᠦ᠋ᠨ ᠰᠠᠨᠠᠭᠠᠴᠢᠯᠠᠭᠠ ᠠ᠋ᠴᠠ ᠬᠦᠷᠦᠭᠡᠳ ᠢᠷᠡᠬᠦ ᠨᠢ ᠬᠡᠵᠢᠶᠡ ᠴᠦ᠍ ᠦᠭᠡᠢ᠃ ᠡᠢᠮᠦ ᠳ᠋ᠦ᠍ ᠲᠡᠳᠡᠨ ᠢ᠋《ᠲᠤᠩ ᠢ᠋ᠶ᠋ᠠᠨ》 ᠣᠢᠯᠠᠭᠠᠭᠠᠳ ᠡᠮᠴᠢ ᠳ᠋ᠦ᠍ ᠬᠦᠷᠴᠦ ᠣᠴᠢᠬᠤ ᠶ᠋ᠢ ᠬᠦᠯᠢᠶᠡᠵᠦ ᠰᠠᠭᠤᠪᠠᠯ ᠶᠣᠰᠣᠲᠠᠢ《ᠪᠤᠬᠠ ᠶ᠋ᠢᠨ ᠳᠣᠣᠷᠠᠬᠢ ᠶ᠋ᠢ ᠬᠠᠷᠠᠵᠤ ᠦᠨᠡᠭᠡ ᠲᠤᠷᠠᠵᠤ ᠦᠬᠦᠨᠡ》 ᠭᠡᠭᠴᠢ ᠶ᠋ᠢᠨ ᠦᠯᠢᠭᠡᠷ ᠪᠣᠯᠤᠨᠠ᠃
᠁ ᠬᠣᠷᠮᠣᠢ ᠶ᠋ᠢᠨ ᠲᠤᠩ ᠤ᠋ᠨ ᠨᠢᠭᠡ ᠬᠡᠯᠪᠡᠷᠢ ᠪᠣᠯ ᠳᠤᠩᠵᠢᠭᠤᠨ ᠤ᠋ ᠬᠠᠮ ᠰᠢᠨᠵᠢ ᠶᠦᠮ᠃ ᠳᠤᠩᠵᠢᠭᠤᠨ ᠬᠡᠮᠡᠬᠦ ᠡᠨᠡ ᠨᠡᠷᠡ ᠪᠡᠯᠭᠡ ᠶ᠋ᠢᠨ ᠡᠮᠭᠡᠭ ᠰᠤᠳᠤᠯᠤᠯ ᠳ᠋ᠤ᠌ ᠲᠡᠳᠦᠢ ᠦᠭᠡᠢ ᠤᠳᠬᠠ ᠵᠣᠬᠢᠶᠠᠯ᠂ ᠤᠷᠠᠯᠢᠭ ᠲᠤ᠌ ᠭᠦᠨ ᠭᠦᠨᠵᠡᠭᠡᠢ ᠨᠡᠪᠲᠡᠷᠡᠵᠡᠢ᠃ ᠳᠤᠩᠵᠢᠭᠤᠨ ᠤ᠋ ᠬᠠᠮ ᠰᠢᠨᠵᠢ ᠭᠡᠳᠡᠭ ᠪᠣᠯ ᠰᠠᠢᠬᠠᠨ ᠬᠠᠨᠢ ᠢᠵᠢᠯᠢ᠂ ᠦᠷᠡ ᠬᠡᠦᠬᠡᠳ ᠲᠡᠢ᠂ ᠶᠡᠷᠦᠨᠢ ᠳᠤᠲᠠᠭᠳᠠᠵᠤ ᠭᠠᠴᠢᠭᠳᠠᠬᠤ ᠶᠠᠭᠤᠮᠠ ᠶᠠᠭᠤ ᠴᠦ᠍ ᠦᠭᠡᠢ ᠬᠢᠷᠢ ᠳ᠋ᠦ᠍ ᠦᠷᠭᠦᠯᠵᠢ ᠢᠯᠡᠭᠦᠦ ᠬᠠᠷᠠᠵᠤ᠂ ᠪᠢᠯᠡᠭᠦᠦ ᠳᠣᠯᠢᠶᠠᠵᠤ ᠶᠠᠪᠤᠳᠠᠭ ᠬᠥᠮᠦᠨ ᠢ᠋ ᠬᠡᠯᠡᠳᠡᠭ᠃ ᠡᠨᠡ ᠨᠢ ᠨᠢᠭᠡ ᠲᠠᠯᠠ ᠠ᠋ᠴᠠ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠡᠳᠦ ᠶᠡᠬᠡᠲᠡᠢ ᠬᠣᠯᠪᠣᠭᠠ ᠲᠠᠢ ᠪᠠᠢᠬᠤ ᠪᠣᠯᠪᠠᠴᠤ ᠨᠥᠭᠦᠭᠡ ᠲᠠᠯᠠ ᠠ᠋ᠴᠠ ᠶᠡᠬᠡᠪᠴᠢᠯᠡᠨ ᠥᠪᠡᠷ ᠢ᠋ ᠪᠡᠨ ᠳᠣᠣᠷᠠ ᠳ᠋ᠤ᠌ ᠦᠵᠡᠬᠦ᠂ ᠭᠣᠯᠣᠵᠤ ᠭᠣᠣᠳᠠᠵᠤ ᠶᠠᠪᠤᠳᠠᠭ᠂ ᠥᠪᠡᠷ ᠲᠡᠭᠡᠨ ᠢᠲᠡᠭᠡᠬᠦ ᠢᠲᠡᠭᠡᠯ ᠰᠤᠯᠠ ᠳᠣᠷᠣᠢ ᠥᠭᠡᠳᠡ ᠦᠭᠡᠢ ᠮᠠᠭᠤ ᠡᠷᠡ ᠶ᠋ᠢᠨ ᠰᠢᠨᠵᠢ ᠶᠦᠮ᠃ ᠲᠡᠳᠡ ᠦᠶᠡ ᠳᠠᠩ ᠤ᠋ᠨ ᠬᠥᠮᠦᠨ ᠳ᠋ᠡᠭᠡᠨ ᠪᠣᠯᠬᠤ ᠪᠠᠷ ᠬᠠᠯᠳᠠᠬᠤ ᠵᠢᠷᠦᠬᠡ ᠵᠣᠷᠢᠭ ᠪᠠᠢᠬᠤ ᠦᠭᠡᠢ ᠠᠲᠠᠯᠠ ᠤᠴᠢᠷ ᠮᠡᠳᠡᠬᠦ ᠦᠭᠡᠢ ᠪᠠᠯᠴᠢᠷ ᠪᠠᠭᠠ ᠥᠬᠢᠳ ᠢ᠋ ᠪᠣᠯᠬᠤ ᠪᠠᠷ ᠡᠯᠡᠭ ᠪᠠᠷᠢᠵᠤ᠂ ᠳᠥᠩᠭᠡᠴᠢᠬᠡᠬᠦ ᠶ᠋ᠢ ᠪᠣᠳᠣᠳᠠᠭ ᠠᠷᠭᠠᠴᠠᠭᠠ ᠦᠭᠡᠢ ᠤᠯᠤᠰ᠃ ᠡᠢᠮᠦᠷᠬᠦ ᠳᠤᠩᠵᠢᠭᠤᠨ ᠦᠷᠡ ᠰᠡᠳᠡ ᠨᠠᠷ ᠲᠠᠢ ᠪᠢᠳᠡ ᠡᠪᠯᠡᠷᠡᠰᠢ ᠦᠭᠡᠢ ᠲᠡᠮᠡᠴᠡᠬᠦ ᠬᠡᠷᠡᠭᠲᠡᠢ᠃ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠡᠳᠦ ᠶᠡᠬᠡᠰᠬᠦ ᠨᠢ ᠶᠡᠬᠡᠩᠬᠢ ᠳ᠋ᠡᠭᠡᠨ ᠡᠷᠡᠴᠦᠳ ᠦ᠋ᠨ ᠳᠤᠮᠳᠠ ᠪᠠᠢᠬᠤ ᠪᠣᠯᠪᠠᠴᠤ ᠡᠨᠡ ᠨᠢ ᠬᠠᠶᠠ ᠡᠮᠡᠭᠲᠡᠢ ᠬᠥᠮᠦᠰ ᠲᠦ᠍ ᠲᠣᠬᠢᠶᠠᠯᠳᠤᠬᠤ ᠨᠢ ᠪᠣᠢ᠃