ᠠᠪᠢᠶᠠᠨ ᠤ᠋ ᠵᠦᠢ01ᠮᠣᠩᠭᠣᠯ ᠬᠡᠯᠡᠨ ᠦ᠌ ᠡᠭᠡᠰᠢᠭ ᠠᠪᠢᠶᠠ ᠪᠠ ᠲᠡᠭᠦᠨ ᠢ᠋ ᠲᠡᠮᠳᠡᠭᠯᠡᠬᠦ ᠨᠢ
767 ᠮᠣᠩᠭᠣᠯ ᠬᠡᠯᠡᠨ ᠦ᠌ ᠠᠪᠢᠶᠠᠨ ᠤ᠋ ᠵᠦᠢ
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠬᠠᠷᠢᠯᠴᠠᠨ ᠶᠠᠷᠢᠯᠴᠠᠵᠤ᠂ ᠪᠣᠳᠣᠯ ᠰᠠᠨᠠᠯ ᠢ᠋ᠶ᠋ᠠᠨ ᠰᠣᠯᠢᠯᠴᠠᠨ ᠠᠵᠢᠯ ᠦᠢᠯᠡᠰ ᠢ᠋ᠶ᠋ᠡᠨ ᠭᠦᠢᠴᠡᠳᠬᠡᠬᠦ ᠳ᠋ᠡᠭᠡᠨ ᠦᠭᠡ ᠬᠡᠯᠡᠨ ᠦ᠌ ᠡᠷᠬᠡᠲᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠳᠠᠭᠤ ᠠᠶᠠᠯᠭᠤ ᠶ᠋ᠢ ᠭᠠᠷᠭᠠᠵᠤ ᠤᠴᠢᠷ ᠢ᠋ᠶ᠋ᠠᠨ ᠮᠡᠳᠡᠯᠴᠡᠵᠦ ᠪᠠᠢᠳᠠᠭ᠃ ᠡᠨᠡ ᠬᠦ᠌ ᠲᠣᠭᠲᠠᠭᠰᠠᠨ ᠤᠳᠬᠠ ᠶ᠋ᠢ ᠢᠯᠡᠳᠬᠡᠵᠦ ᠪᠠᠢᠭᠠ ᠳᠠᠭᠤ ᠠᠶᠠᠯᠭᠤ ᠶ᠋ᠢ ᠬᠡᠯᠡᠨ ᠦ᠌ ᠠᠪᠢᠶᠠ ᠭᠡᠳᠡᠭ᠃ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠳᠠᠭᠤ ᠠᠪᠢᠶᠠ ᠶ᠋ᠢ ᠲᠡᠮᠳᠡᠭᠯᠡᠭᠰᠡᠨ ᠲᠣᠭᠲᠠᠭᠰᠠᠨ ᠲᠡᠮᠳᠡᠭ ᠦᠰᠦᠭ ᠢ᠋ ᠠᠪᠢᠶᠠᠨ ᠤ᠋ ᠦᠰᠦᠭ ᠭᠡᠵᠦ᠂ ᠠᠪᠢᠶᠠ ᠶ᠋ᠢᠨ ᠲᠤᠬᠠᠢ ᠪᠣᠯᠤᠨ ᠠᠪᠢᠶᠠᠨ ᠤ᠋ ᠦᠰᠦᠭ ᠦ᠋ᠨ ᠲᠤᠬᠠᠢ ᠰᠤᠳᠤᠯᠬᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ᠋ ᠠᠪᠢᠶᠠᠨ ᠤ᠋ ᠵᠦᠢ ᠭᠡᠨᠡ᠃
ᠮᠣᠩᠭᠣᠯ ᠬᠡᠯᠡᠨ ᠦ᠌ ᠠᠪᠢᠶᠠ ᠦᠰᠦᠭ ᠬᠣᠶᠠᠷ
ᠮᠣᠩᠭᠣᠯ ᠬᠡᠯᠡᠨ ᠦ᠌ ᠲᠣᠭᠲᠠᠭᠰᠠᠨ ᠤᠳᠬᠠ ᠶ᠋ᠢ ᠢᠯᠡᠳᠬᠡᠵᠦ ᠪᠠᠢᠭᠠ ᠳᠠᠭᠤ ᠠᠶᠠᠯᠭᠤ ᠶ᠋ᠢ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠠᠪᠢᠶᠠ ᠭᠡᠳᠡᠭ᠃ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠳᠠᠭᠤ ᠠᠪᠢᠶᠠ ᠶ᠋ᠢ ᠲᠡᠮᠳᠡᠭᠯᠡᠭᠰᠡᠨ ᠲᠣᠭᠲᠠᠭᠰᠠᠨ ᠲᠡᠮᠳᠡᠭ ᠦᠰᠦᠭ ᠢ᠋ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠠᠪᠢᠶᠠᠨ ᠤ᠋ ᠦᠰᠦᠭ ᠭᠡᠨᠡ᠃ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠠᠪᠢᠶᠠᠨ ᠤ᠋ ᠦᠰᠦᠭ ᠢ᠋ ᠡᠭᠡᠰᠢᠭ ᠦᠰᠦᠭ᠂ ᠭᠡᠢᠭᠦᠯᠦᠭᠴᠢ ᠦᠰᠦᠭ᠂ ᠳᠡᠪᠢᠰᠬᠡᠷ ᠦᠰᠦᠭ ᠭᠡᠵᠦ ᠬᠡᠳᠦᠨ ᠵᠦᠢᠯ ᠢ᠋ᠶ᠋ᠡᠷ ᠬᠤᠪᠢᠶᠠᠵᠤ ᠦᠵᠡᠵᠦ ᠪᠣᠯᠤᠨᠠ᠃
ᠨᠢᠭᠡ᠃ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠡᠭᠡᠰᠢᠭ ᠠᠪᠢᠶᠠ ᠪᠠ ᠲᠡᠭᠦᠨ ᠢ᠋ ᠲᠡᠮᠳᠡᠭᠯᠡᠬᠦ ᠨᠢ
ᠥᠭᠦᠯᠡᠬᠦ ᠳ᠋ᠦ᠍ ᠠᠭᠤᠰᠬᠢᠨ ᠡᠴᠡ ᠭᠠᠷᠤᠭᠰᠠᠨ ᠬᠡᠢ ᠶ᠋ᠢᠨ ᠤᠷᠤᠰᠬᠠᠯ ᠥᠴᠦᠬᠡᠨ ᠴᠦ᠍ ᠰᠠᠭᠠᠳ ᠬᠠᠷᠰᠢ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ᠂ ᠢᠷᠠᠭᠤ ᠲᠣᠳᠣ ᠪᠠᠷ ᠡᠭᠡᠰᠢᠭᠯᠡᠨ ᠰᠣᠨᠣᠰᠳᠠᠵᠤ ᠪᠠᠢᠭᠠ ᠠᠪᠢᠶᠠ ᠶ᠋ᠢ ᠡᠭᠡᠰᠢᠭ ᠠᠪᠢᠶᠠ ᠭᠡᠨᠡ᠃ ᠡᠭᠡᠰᠢᠭ ᠠᠪᠢᠶᠠ ᠶ᠋ᠢ ᠲᠡᠮᠳᠡᠭᠯᠡᠭᠰᠡᠨ ᠲᠣᠭᠲᠠᠭᠰᠠᠨ ᠲᠡᠮᠳᠡᠭ ᠦᠰᠦᠭ ᠢ᠋ ᠡᠭᠡᠰᠢᠭ ᠦᠰᠦᠭ ᠭᠡᠳᠡᠭ᠃
ᠡᠭᠡᠰᠢᠭ ᠦᠰᠦᠭ ᠨᠢ᠄
1 ᠡᠭᠡᠰᠢᠭ ᠦᠰᠦᠭ ᠢ᠋ ᠤᠩᠰᠢᠬᠤ ᠳ᠋ᠤ᠌ ᠬᠡᠢ ᠶ᠋ᠢᠨ ᠤᠷᠤᠰᠬᠠᠯ ᠬᠠᠷᠰᠢ ᠰᠠᠭᠠᠳ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ᠃
2 ᠡᠭᠡᠰᠢᠭ ᠦᠰᠦᠭ ᠢ᠋ ᠤᠩᠰᠢᠬᠤ ᠳ᠋ᠤ᠌ ᠥᠭᠦᠯᠡᠬᠦ ᠡᠷᠬᠡᠲᠡᠨ ᠨᠡᠢᠳᠡᠮ ᠳ᠋ᠡᠭᠡᠨ ᠴᠢᠩᠭᠠᠷᠠᠳᠠᠭ᠃
3 ᠡᠭᠡᠰᠢᠭ ᠦᠰᠦᠭ ᠢ᠋ ᠤᠩᠰᠢᠬᠤ ᠳ᠋ᠤ᠌ ᠬᠡᠢ ᠶ᠋ᠢᠨ ᠤᠷᠤᠰᠬᠠᠯ ᠰᠤᠯᠠ ᠳᠥᠯᠭᠡᠬᠡᠨ ᠪᠠᠢᠳᠠᠭ᠃
4 ᠡᠭᠡᠰᠢᠭ ᠦᠰᠦᠭ ᠢ᠋ ᠤᠩᠰᠢᠬᠤ ᠳ᠋ᠤ᠌ ᠳᠠᠭᠤᠨ ᠤ᠋ ᠬᠥᠪᠴᠢ ᠳᠣᠷᠭᠢᠵᠤ ᠲᠣᠳᠣ ᠴᠢᠯᠥᠭᠡᠲᠡᠢ ᠡᠭᠡᠰᠢᠭᠯᠡᠭᠳᠡᠨᠡ᠃
5 ᠦᠶᠡ ᠪᠦᠲᠦᠬᠦ ᠳ᠋ᠦ᠍ ᠡᠭᠡᠰᠢᠭ ᠦᠰᠦᠭ ᠨᠢ ᠢᠮᠠᠭᠲᠠ ᠲᠤᠯᠭᠠᠭᠤᠷᠢ ᠪᠡᠶᠡ ᠪᠣᠯᠳᠠᠭ᠃
6 ᠦᠶᠡ ᠪᠦᠲᠦᠬᠦ ᠳ᠋ᠦ᠍ ᠡᠭᠡᠰᠢᠭ ᠦᠰᠦᠭ ᠨᠢ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠨ ᠳᠠᠭᠠᠭᠠᠵᠤ ᠦᠶᠡ ᠪᠦᠲᠦᠭᠡᠵᠦ ᠴᠢᠳᠠᠳᠠᠭ ᠵᠡᠷᠭᠡ ᠣᠨᠴᠠᠯᠢᠭ ᠪᠣᠢ᠃
ᠡᠭᠡᠰᠢᠭ ᠦᠰᠦᠭ ᠦ᠋ᠨ ᠬᠦᠰᠦᠨᠦᠭ
| ᠡᠭᠡᠰᠢᠭ ᠦᠰᠦᠭ | ᠳ᠋ᠤᠭᠠᠷ | ᠣᠯᠠᠨ ᠤᠯᠤᠰ ᠤᠨ ᠭᠠᠯᠢᠭ | ᠴᠢᠨᠠᠷ |
|---|---|---|---|
| ᠠ᠊ | 1 | a | ᠴᠢᠩᠭᠠ(ᠡᠷᠡ) |
| ᠡ᠊ | 2 | ə | ᠬᠥᠨᠳᠡᠢ(ᠡᠮᠡ) |
| ᠢ᠊ | 3 | i | ᠰᠠᠭᠠᠷᠮᠠᠭ(ᠡᠷᠰᠦ) |
| ᠣ᠊ | 4 | ɔ | ᠴᠢᠩᠭᠠ(ᠡᠷᠡ) |
| ᠤ᠊ | 5 | ʊ | ᠴᠢᠩᠭᠠ(ᠡᠷᠡ) |
| ᠥ᠊ | 6 | ɵ | ᠬᠥᠨᠳᠡᠢ(ᠡᠮᠡ) |
| ᠦ᠊ | 7 | u | ᠬᠥᠨᠳᠡᠢ(ᠡᠮᠡ) |
《ᠠ》 ᠡᠭᠡᠰᠢᠭ ᠢ᠋ ᠥᠭᠦᠯᠡᠬᠦ ᠳ᠋ᠦ᠍ ᠠᠮᠠᠨ ᠤ᠋ ᠬᠥᠨᠳᠡᠢ ᠬᠠᠮᠤᠭ ᠤ᠋ᠨ ᠶᠡᠬᠡ ᠪᠡᠷ ᠨᠡᠭᠡᠭᠡᠭᠳᠡᠵᠦ᠂ ᠬᠡᠯᠡ ᠬᠠᠮᠤᠭ ᠤ᠋ᠨ ᠪᠠᠭᠠ ᠡᠷᠭᠦᠭᠳᠡᠬᠦ ᠪᠥᠭᠡᠳ ᠬᠡᠯᠡᠨ ᠦ᠌ ᠤᠭ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠨᠠ᠃ ᠡᠭᠦᠨ ᠊ᠢ ᠴᠢᠩᠭᠠ ᠡᠭᠡᠰᠢᠭ ᠭᠡᠳᠡᠭ᠃
《ᠠ》 ᠡᠭᠡᠰᠢᠭ ᠨᠢ ᠦᠭᠡ ᠶ᠋ᠢᠨ ᠡᠬᠢᠨ ᠳ᠋ᠦ᠍《ᠠ᠊》ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠬᠦ ᠪᠠ ᠦᠭᠡ ᠶ᠋ᠢᠨ ᠳᠤᠮᠳᠠ《᠊᠊ᠠ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠵᠦ᠂ ᠦᠭᠡ ᠶ᠋ᠢᠨ ᠠᠳᠠᠭ ᠲᠤ᠌《᠊ᠠ》᠂《ᠡ》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠨᠡ᠃
ᠡᠭᠦᠨ ᠳ᠋ᠦ᠍᠂ ᠴᠠᠴᠤᠯᠭᠠ《ᠠ》 ᠶ᠋ᠢ《᠊ᠠ᠂ ᠊ᠯ᠂ ᠊ᠮ᠂ ᠊ᠷ᠂ ᠊ᠭ᠂ ᠢ᠋》 ᠵᠡᠷᠭᠡ ᠦᠰᠦᠭ ᠦ᠋ᠨ ᠳᠠᠷᠠᠭᠠ ᠰᠠᠯᠤᠩᠭᠢᠳᠠ ᠪᠢᠴᠢᠵᠦ᠂《ᠪ᠂ ᠫ᠂ ᠹ᠂ ᠺ》 ᠦ᠋ᠨ ᠳᠠᠷᠠᠭᠠ ᠠᠴᠤᠭ ᠨᠡᠮᠡᠵᠦ ᠨᠡᠢᠯᠡᠭᠦᠯᠵᠦ ᠪᠢᠴᠢᠨᠡ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠠᠷᠠᠳ᠂ ᠠᠷᠢᠭᠤᠨ᠂ᠠᠭᠤᠤ᠂ ᠠᠴᠢ᠂᠂ ᠨᠠᠷᠠ᠂ ᠰᠠᠷᠠ᠂ ᠪᠠᠲᠤ᠂ ᠬᠠᠲᠠᠭᠤ᠂ ᠬᠠᠳᠠ᠂ ᠬᠣᠯᠠ᠂ ᠶᠠᠪᠤᠴᠠ᠂ ᠲᠤᠰᠠ᠂ ᠪᠠᠭᠠ᠂ ᠶᠠᠪᠤᠶᠠ᠂ ᠠᠬᠠ᠂ ᠭᠠᠷᠤᠯᠠ᠂ ᠠᠪᠠ᠂ ᠶᠠᠪᠤᠪᠠ᠂ ᠧᠦ᠋ᠷᠣᠫᠠ᠂ ᠠᠮᠧᠷᠢᠺᠠ ᠭᠡᠬᠦ ᠮᠡᠲᠦ᠃
2. ᠠ᠋ ᠡᠭᠡᠰᠢᠭ
《ᠠ᠋》 ᠡᠭᠡᠰᠢᠭ ᠢ᠋ ᠥᠭᠦᠯᠡᠬᠦ ᠳ᠋ᠦ᠍ ᠠᠮᠠᠨ ᠤ᠋ ᠬᠥᠨᠳᠡᠢ ᠳᠤᠮᠳᠠ ᠵᠡᠷᠭᠡ ᠨᠡᠭᠡᠭᠡᠭᠳᠡᠵᠦ᠂ ᠬᠡᠯᠡᠨ ᠦ᠌ ᠳᠤᠮᠳᠠ ᠡᠲᠡᠭᠡᠳ ᠳᠡᠭᠡᠭᠰᠢ ᠪᠢᠴᠢᠬᠠᠨ ᠡᠷᠭᠦᠭᠳᠡᠨᠡ᠃ ᠡᠭᠦᠨ ᠢ᠋ ᠬᠥᠨᠳᠡᠢ ᠡᠭᠡᠰᠢᠭ ᠭᠡᠳᠡᠭ᠃
《ᠠ᠋》 ᠡᠭᠡᠰᠢᠭ ᠨᠢ ᠦᠭᠡ ᠶ᠋ᠢᠨ ᠡᠬᠢᠨ ᠳ᠋ᠦ᠍ 《ᠡ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠬᠦ ᠪᠠ ᠦᠭᠡ ᠶ᠋ᠢᠨ ᠳᠤᠮᠳᠠ《᠊᠊ᠡ᠊᠊ 》᠂《᠊ᠸ》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠵᠦ ᠦᠭᠡ ᠶ᠋ᠢᠨ ᠠᠳᠠᠭ ᠲᠤ᠌《᠊ᠠ》᠂《ᠡ》᠂《᠊ᠸ》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠨᠡ᠃
ᠡᠭᠦᠨ ᠳ᠋ᠦ᠍᠂ ᠴᠠᠴᠤᠯᠭᠠ《ᠡ》 ᠶ᠋ᠢ《ᠪ᠂ ᠫ᠂ ᠬᠡ᠊᠂ ᠭᠡ᠊ 》 ᠶ᠋ᠢᠨ ᠳᠠᠷᠠᠭᠠ ᠠᠴᠤᠭ ᠨᠡᠮᠡᠵᠦ ᠨᠡᠢᠯᠡᠭᠦᠯᠵᠦ ᠪᠢᠴᠢᠨᠡ᠃《᠊ᠠ᠂ ᠊ᠯ᠂ ᠊ᠮ᠂ ᠊ᠷ᠂ ᠢ᠋》 ᠶ᠋ᠢᠨ ᠳᠠᠷᠠᠭᠠ ᠰᠠᠯᠤᠩᠭᠢᠳᠠ ᠪᠢᠴᠢᠨᠡ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠡᠨᠡ᠂ ᠡᠭᠦᠳᠡ᠂ ᠡᠬᠡ᠂ ᠡᠳ᠋᠂, ᠡᠷᠡᠭᠦᠯ᠂ ᠡᠪᠯᠡᠯ᠂ ᠡᠮᠨᠡᠯᠭᠡ᠂ ᠡᠷᠳᠡᠮ᠂ ᠭᠦᠩᠱᠧ᠂ ᠾᠧ᠂ ᠪᠧᠢ᠂ ᠮᠸᠳᠡᠭ᠂ ᠲᠡᠷᠡ᠂ ᠬᠡᠯᠡ᠂ ᠦᠵᠡ᠂ ᠡᠷᠬᠡ᠂ ᠦᠵᠡᠪᠡ ᠭᠡᠬᠦ ᠮᠡᠲᠦ᠃
3. ᠢ ᠡᠭᠡᠰᠢᠭ
《ᠢ》 ᠡᠭᠡᠰᠢᠭ ᠢ᠋ ᠥᠭᠦᠯᠡᠬᠦ ᠳ᠋ᠦ᠍ ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠭᠳᠡᠬᠦ ᠨᠢ ᠤᠢᠲᠠᠨ ᠪᠣᠯᠵᠤ᠂ ᠬᠡᠯᠡᠨ ᠦ᠌ ᠦᠵᠦᠭᠦᠷ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠨᠠ᠃ ᠡᠭᠦᠨ ᠢ᠋ ᠰᠠᠭᠠᠷᠮᠠᠭ ᠡᠭᠡᠰᠢᠭ ᠭᠡᠳᠡᠭ᠃
《ᠢ》 ᠡᠭᠡᠰᠢᠭ ᠨᠢ ᠦᠭᠡ ᠶ᠋ᠢᠨ ᠡᠬᠢᠨ ᠳ᠋ᠦ᠍《ᠢ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠬᠦ ᠪᠠ ᠦᠭᠡ ᠶ᠋ᠢᠨ ᠳᠤᠮᠳᠠ《᠊ᠢ᠊》· 《᠊ᠢᠢ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠵᠦ᠂ ᠦᠭᠡ ᠶ᠋ᠢᠨ ᠠᠳᠠᠭ ᠲᠤ᠌《᠊ᠢ》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠨᠡ᠃
ᠡᠭᠦᠨ ᠳ᠋ᠦ᠍᠂ ᠭᠡᠢᠭᠦᠯᠦᠭᠴᠢ ᠪᠠ《ᠥ᠊〈6〉》《ᠦ᠊〈7〉》 ᠡᠭᠡᠰᠢᠭ ᠦ᠋ᠨ ᠳᠠᠷᠠᠭᠠ《ᠢ》 ᠡᠭᠡᠰᠢᠭ᠂《᠊᠊ᠢ᠊》 ᠳᠦᠷᠰᠦ ᠪᠡᠷ ᠪᠢᠴᠢᠵᠦ᠂《ᠠ᠂ ᠠ᠋᠂ ᠣ᠊〈4〉᠂ ᠣ᠊〈5〉》 ᠡᠭᠡᠰᠢᠭ ᠦ᠋ᠨ ᠳᠠᠷᠠᠭᠠ《᠊ᠢᠢ᠊》 ᠳᠦᠷᠰᠦ ᠪᠡᠷ ᠪᠢᠴᠢᠨᠡ᠃ ( ᠰᠢᠯᠪᠢ ᠦᠭᠡᠢ ᠦᠶᠡ ᠶ᠋ᠢᠨ ᠳᠠᠷᠠᠭᠠ ᠬᠣᠶᠠᠷ ᠰᠢᠯᠪᠢ ᠲᠡᠢ《᠊ᠢᠢ᠊》 ᠶ᠋ᠢ ᠪᠢᠴᠢᠵᠦ᠂ ᠰᠢᠯᠪᠢ ᠲᠡᠢ ᠦᠶᠡ ᠶ᠋ᠢᠨ ᠳᠠᠷᠠᠭᠠ ᠨᠢᠭᠡ ᠰᠢᠯᠪᠢ ᠲᠡᠢ《᠊ᠢ᠊》 ᠶ᠋ᠢ ᠪᠢᠴᠢᠨᠡ᠃)
ᠵᠢᠱ᠌ᠢᠶᠡᠯᠡᠪᠡᠯ᠄ ᠢᠮᠠᠭᠠ᠂ ᠢᠯᠠᠭᠠ᠂ ᠢᠷᠠᠭᠤ᠂ ᠢᠲᠡᠭᠡᠯ᠂ ᠵᠢᠵᠢᠭ᠂ ᠵᠣᠷᠢᠯᠭᠠ᠂ ᠰᠢᠢᠳᠪᠦᠷᠢ᠂ ᠦᠢᠯᠡᠳᠪᠦᠷᠢ᠂ ᠠᠢᠯ᠂ ᠡᠢᠮᠦ᠂ ᠣᠢᠮᠣᠰᠤ᠂ ᠤᠶ᠋ᠢᠳᠬᠠᠷ ; ᠰᠠᠭᠤᠷᠢ᠂ ᠰᠢᠭᠤᠢ᠂ ᠪᠠᠭᠰᠢ᠂ ᠬᠢᠴᠢᠶᠡᠩᠭᠦᠢ ᠭᠡᠬᠦ ᠮᠡᠲᠦ᠃
4. ᠣ᠊〈4〉ᠡᠭᠡᠰᠢᠭ
《ᠣ᠊》 ᠡᠭᠡᠰᠢᠭ ᠢ᠋ ᠥᠭᠦᠯᠡᠬᠦ ᠳ᠋ᠦ᠍ ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠭᠳᠡᠬᠦ ᠬᠡᠮᠵᠢᠶᠡ ᠳᠤᠮᠳᠠ ᠵᠡᠷᠭᠡ᠂《 ᠠ》ᠡᠴᠡ ᠪᠠᠭᠠ᠃《 ᠠ᠋》 ᠡᠴᠡ ᠶᠡᠬᠡ ᠪᠠᠢᠵᠤ᠂ ᠬᠡᠯᠡᠨ ᠦ᠌ ᠤᠭ ᠡᠷᠭᠦᠭᠳᠡᠨ ᠤᠷᠤᠭᠤᠯ ᠲᠥᠭᠥᠷᠢᠭ ᠬᠡᠯᠪᠡᠷᠢ ᠲᠡᠢ ᠪᠣᠯᠤᠨᠠ᠃ ᠡᠭᠦᠨ ᠢ᠋ ᠴᠢᠩᠭᠠ ᠡᠭᠡᠰᠢᠭ ᠭᠡᠨᠡ᠃
《ᠣ᠊ < ᠊ᠣ᠊ >》 ᠡᠭᠡᠰᠢᠭ ᠨᠢ ᠦᠭᠡ ᠶ᠋ᠢᠨ ᠡᠬᠢᠨ ᠳ᠋ᠦ᠍《ᠣ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠬᠦ ᠪᠠ ᠦᠭᠡ ᠵᠢᠨ ᠳᠤᠮᠳᠠ《᠊᠊ᠣ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠵᠦ ᠦᠭᠡ ᠶ᠋ᠢᠨ ᠠᠳᠠᠭ ᠲᠤ᠌《᠊᠊ᠤ》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠨᠡ᠃
ᠡᠭᠦᠨ ᠳ᠋ᠦ᠍᠂ ᠬᠣᠶᠠᠳᠤᠭᠠᠷ ᠦᠶᠡ ᠡᠴᠡ ᠬᠣᠢᠰᠢ ᠡᠩ ᠦ᠋ᠨ ᠪᠠᠢᠳᠠᠯ ᠳ᠋ᠤ᠌《ᠣ᠊<4>》 ᠡᠭᠡᠰᠢᠭ ᠣᠷᠣᠬᠤ ᠦᠭᠡᠢ ᠪᠠᠢᠳᠠᠭ ᠪᠢᠯᠡ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠣᠷᠣᠨ᠂ ᠣᠳᠣ(ᠴᠠᠭ ᠤ᠋ᠨ )᠂ ᠣᠷᠣᠭᠤᠯᠬᠤ᠂ ᠣᠨᠴᠣᠭᠣᠢ ᠭᠡᠬᠦ ᠮᠡᠲᠦ᠃
5 ᠤ᠊ <5> ᠡᠭᠡᠰᠢᠭ
《ᠤ᠊<5>》 ᠡᠭᠡᠰᠢᠭ ᠨᠢ ᠥᠭᠦᠯᠡᠬᠦ ᠳ᠋ᠦ᠍ ᠠᠮᠠᠨ ᠤ᠋ ᠬᠥᠨᠳᠡᠢ ᠳᠤᠮᠳᠠ ᠵᠡᠷᠭᠡ ᠨᠡᠭᠡᠭᠡᠭᠳᠡᠵᠦ᠂ ᠬᠡᠯᠡᠨ ᠦ᠌ ᠬᠣᠢᠭᠤᠷᠬᠢ ᠬᠡᠰᠡᠭ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠬᠤ ᠪᠥᠭᠡᠳ ᠤᠷᠤᠭᠤᠯ ᠲᠥᠭᠦᠷᠢᠭᠰᠢᠵᠦ ᠪᠠᠬᠠᠨ ᠱᠣᠪᠣᠢᠨᠠ᠃ ᠡᠭᠦᠨ ᠢ᠋ ᠴᠢᠩᠭᠠ ᠡᠭᠡᠰᠢᠭ ᠭᠡᠳᠡᠭ᠃ 《ᠤ᠊<5>》 ᠡᠭᠡᠰᠢᠭ ᠨᠢ ᠦᠭᠡ ᠶ᠋ᠢᠨ ᠡᠬᠢᠨ ᠳ᠋ᠦ᠍《ᠤ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠬᠦ ᠪᠠ ᠦᠭᠡ ᠶ᠋ᠢᠨ ᠳᠤᠮᠳᠠ《᠊ᠤ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠵᠦ ᠦᠭᠡ ᠶ᠋ᠢᠨ ᠠᠳᠠᠭ ᠲᠤ᠌《᠊᠊᠊ᠤ》《᠊ᠤ᠋ 》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠨᠡ᠃ ᠡᠭᠦᠨ ᠳ᠋ᠦ᠍᠂《ᠣ᠊ <4>》
《ᠤ᠊<5>》 ᠡᠭᠡᠰᠢᠭ ᠨᠢ ᠪᠢᠴᠢᠯᠭᠡ ᠪᠡᠷ ᠠᠳᠠᠯᠢ ᠲᠤᠯᠠ ᠲᠡᠭᠦᠨ ᠢ᠋ ᠤᠳᠬᠠ ᠪᠠᠷ ᠨᠢ ᠢᠯᠭᠠᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠤᠷᠠᠨ᠂ ᠤᠷᠲᠤ᠂ ᠪᠣᠯᠪᠠᠰᠤᠷᠠᠯ᠂ ᠰᠣᠶᠣᠯ᠂ ᠠᠰᠠᠭᠤᠳᠠᠯ᠂ ᠤᠰᠤ᠂ ᠲᠠᠪᠤ᠂ ᠶᠠᠪᠤ᠂ ᠺᠢᠨᠣ᠋᠂ ᠤᠷᠭᠤᠬᠤ ᠭᠡᠬᠦ ᠮᠡᠲᠦ᠃
6 ᠦ<6> ᠡᠭᠡᠰᠢᠭ
《ᠦ<6>》 ᠡᠭᠡᠰᠢᠭ ᠢ᠋ ᠥᠭᠦᠯᠡᠬᠦ ᠳ᠋ᠦ᠍ ᠠᠮᠠᠨ ᠤ᠋ ᠬᠥᠨᠳᠡᠢ ᠳᠤᠮᠳᠠ ᠵᠡᠷᠭᠡ ᠨᠡᠭᠡᠭᠡᠭᠳᠡᠵᠦ᠂ ᠬᠡᠯᠡᠨ ᠦ᠌ ᠳᠤᠮᠳᠠᠭᠤᠷᠬᠢ ᠬᠡᠰᠡᠭ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠨ᠂ ᠤᠷᠤᠭᠤᠯ ᠴᠣᠷᠪᠣᠢᠵᠤ᠃ ᠲᠦᠭᠦᠷᠢᠭᠰᠢᠨᠡ᠃ ᠡᠭᠦᠨ ᠢ᠋ ᠬᠥᠨᠳᠡᠢ ᠡᠭᠡᠰᠢᠭ ᠭᠡᠳᠡᠭ᠃
《ᠥ᠊<6>》 ᠡᠭᠡᠰᠢᠭ ᠨᠢ ᠦᠭᠡ ᠶ᠋ᠢᠨ ᠡᠬᠢᠨ ᠳ᠋ᠦ᠍《ᠥ᠊》ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠬᠦ ᠪᠠ ᠦᠭᠡ ᠶ᠋ᠢᠨ ᠳᠤᠮᠳᠠ《᠊ᠤ᠊》᠂《᠊ᠦ᠋᠊ 》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠵᠦ᠂ ᠦᠭᠡ ᠶ᠋ᠢᠨ ᠠᠳᠠᠭ ᠲᠤ᠌《᠊ᠤ 》《᠊ᠥ᠌》《᠊ᠥ᠋》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠨᠡ᠃
ᠡᠭᠦᠨ ᠳ᠋ᠦ᠍᠂《ᠥ᠊<6>》 ᠡᠭᠡᠰᠢᠭ ᠨᠢ᠂ ᠦᠭᠡ ᠶ᠋ᠢᠨ ᠬᠣᠶᠠᠳᠤᠭᠠᠷ ᠦᠶᠡ ᠡᠴᠡ ᠬᠣᠢᠰᠢ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠥᠪᠥᠷ᠂ ᠥᠪᠡᠷ᠂ ᠤᠷᠲᠤ᠂ ᠥᠷᠭᠡᠨ᠂ ᠥᠨᠳᠥᠷ᠂ ᠥᠮᠥᠳᠥ᠂ ᠰᠥᠰᠥ᠂ ᠮᠥᠷᠭᠥᠬᠦ ᠭᠡᠬᠦ ᠮᠡᠲᠦ᠃
7 ᠦ<7> ᠡᠭᠡᠰᠢᠭ
《ᠦ᠊<7>》 ᠡᠭᠡᠰᠢᠭ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠠᠮᠠᠨ ᠤ᠋ ᠬᠥᠨᠳᠡᠢ ᠳᠤᠮᠳᠠ ᠵᠡᠷᠭᠡ ᠨᠡᠭᠡᠭᠡᠭᠳᠡᠵᠦ᠂ ᠬᠡᠯᠡᠨ ᠦ᠌ ᠳᠤᠮᠳᠠᠭᠤᠷᠬᠢ ᠬᠡᠰᠡᠭ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠨ᠂ ᠤᠷᠤᠭᠤᠯ ᠱᠣᠪᠣᠢᠨ ᠲᠦᠭᠦᠷᠢᠭᠰᠢᠨᠡ᠃ ᠡᠭᠦᠨ ᠢ᠋ ᠬᠥᠨᠳᠡᠢ ᠡᠭᠡᠰᠢᠭ ᠭᠡᠳᠡᠭ᠃
《ᠦ<7>》 ᠡᠭᠡᠰᠢᠭ ᠨᠢ ᠦᠭᠡ ᠶ᠋ᠢᠨ ᠡᠬᠢᠨ ᠳ᠋ᠦ᠍《ᠦ᠊》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠬᠦ ᠪᠠ ᠦᠭᠡ ᠶ᠋ᠢᠨ ᠳᠤᠮᠳᠠ 《᠊ᠤ᠊》《᠊ᠦ᠋᠊》ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠵᠦ᠂ ᠥᠭᠡ ᠶ᠋ᠢᠨ ᠠᠳᠠᠭ ᠲᠤ᠌《᠊ᠤ》《᠊ᠣ᠋》《᠊ᠥ᠋》 ᠳᠦᠷᠰᠦ ᠪᠡᠷ ᠪᠢᠴᠢᠭᠳᠡᠨᠡ᠃
ᠡᠭᠦᠨ ᠳ᠋ᠦ᠍᠂《ᠥ᠊ <6>》《ᠦ᠊<7>》 ᠡᠭᠡᠰᠢᠭ ᠨᠢ ᠪᠢᠴᠢᠯᠭᠡ ᠪᠡᠷ ᠠᠳᠠᠯᠢ ᠲᠤᠯᠠ ᠲᠡᠭᠦᠨ ᠦ᠌ ᠤᠳᠬᠠ ᠪᠠᠷ ᠨᠢ ᠢᠯᠭᠠᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠦᠭᠡᠢᠭᠦᠦ᠂ ᠦᠷᠡ᠂ ᠦᠨᠳᠦᠰᠦ᠂ ᠦᠨᠡᠨ᠂ ᠵᠡᠭᠦᠦ᠂ ᠭᠡᠭᠦᠦ᠂ ᠦᠵᠡᠬᠦ᠂ ᠬᠦᠷᠬᠦ᠂ ᠵᠦᠰᠦᠬᠦ᠂ ᠵᠦᠯᠭᠦᠬᠦ᠂ ᠭᠠᠨᠪᠦ᠋ ᠭᠡᠬᠦ ᠮᠡᠲᠦ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠯᠡᠰᠣᠶᠣᠯ(ᠪᠤᠤ ᠵᠢᠨ ᠬᠤᠸᠠ)᠂ ᠠᠯᠲᠠᠨᠴᠢᠮᠡᠭ᠂ ᠤᠷᠠᠨᠴᠢᠮᠡᠭ᠂ ᠨᠠᠷᠠᠨᠲᠤᠶᠠᠭᠠ᠂ ᠪᠠᠶᠠᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠨᠠᠷᠠᠨ᠂ ᠣᠳᠬᠠᠨᠰᠣᠠ
ᠡᠭᠡᠰᠢᠭ ᠦ᠋ᠨ ᠭᠤᠷᠪᠠᠨ ᠬᠤᠪᠢᠷᠠᠯ ᠦ᠋ᠨ ᠬᠦᠰᠦᠨᠦᠭ
| No. | ᠤᠭ ᠳᠦᠷᠰᠦ | ᠡᠬᠢᠨ | ᠳᠤᠮᠳᠠ | ᠠᠳᠠᠭ | ᠭᠠᠯᠢᠭ᠋ | ᠶᠦᠨᠢᠺᠣᠳ᠋ | ᠵᠢᠱ᠌ᠢᠶᠡ | |||
|---|---|---|---|---|---|---|---|---|---|---|
| 1 | ᠠ | ᠠ᠊ | ᠊ᠠ᠊ | ᠊ᠠ᠋᠊ | ᠊ᠠ | ᠊ᠠ᠋ | a | U1820 | ||
| 2 | ᠡ | ᠡ᠊ | ᠊ᠡ᠊ | ᠊ᠡ | ᠊ᠠ᠋ | ə | U1821 | |||
| 3 | ᠢ | ᠢ᠊ | ᠊ᠢ᠊ | ᠊ᠢ᠌᠊ | ᠊ᠢ | i | U1822 | ᠨᠠᠢ᠍ᠮᠠ | ||
| 4 | ᠣ | ᠣ᠊ | ᠊ᠣ᠊ | ᠊ᠣ | ᠊ᠣ᠋ | ɔ | U1823 | ᠺᠢᠨᠣ᠋ | ||
| 5 | ᠤ | ᠤ᠊ | ᠊ᠤ᠊ | ᠊ᠤ | ᠊ᠤ᠋ | ʊ | U1824 | |||
| 6 | ᠥ | ᠥ᠊ | ᠊ᠥ᠊ | ᠊ᠦ᠋᠊ | ᠊ᠥ | ᠊ᠥ᠋ | ᠊ᠥ᠌ | ɵ | U1825 | ᠬᠦ᠋ |
| 7 | ᠦ | ᠦ᠊ | ᠊ᠦ᠊ | ᠊ᠦ᠋᠊ | ᠊ᠥ | ᠊ᠦ᠋ | ᠊ᠥ᠌ | u | U1826 | ᠰᠦ᠋ |