ᠭᠠᠯᠳᠠᠨ ᠪᠣᠱᠣᠭᠲᠤ ᠬᠠᠭᠠᠨ02ᠳᠡᠳ᠋ ᠳᠡᠪᠲᠡᠷ -ᠳ· ᠵᠠᠮᠢᠶᠠᠨГалдан бошгот хаан-Т·Жамъян
244ᠨᠢᠭᠡ
ᠡᠴᠢᠭᠡ ᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠶ᠋ᠢᠨ ᠴᠣᠯᠠ ᠨᠢ ᠬᠤᠲᠤᠭᠴᠢᠨ ᠪᠥᠯᠥᠭᠡ᠃ ᠲᠡᠭᠦᠨ ᠳ᠋ᠦ᠍ ᠠᠷᠪᠠᠨ ᠨᠢᠭᠡᠨ ᠬᠥᠪᠡᠭᠦᠨ ᠪᠣᠢ᠃ ᠠᠯᠲᠠᠢ ᠶ᠋ᠢᠨ ᠶᠡᠬᠡ ᠠᠭᠤᠯᠠᠰ ᠳᠤᠮᠳᠠ ᠭᠠᠯᠳᠠᠨ ᠤ᠋ ᠤᠳᠤᠮ ᠤᠭᠰᠠᠭᠠ ᠨᠤᠲᠤᠭᠰᠢᠨ ᠢᠳᠡᠭᠡᠰᠢᠵᠦ ᠣᠯᠠᠨ ᠣᠨ ᠵᠢᠯ ᠢ᠋ ᠥᠩᠭᠡᠷᠡᠭᠡᠯᠡ᠃
ᠬᠠᠮᠤᠭ ᠤ᠋ᠨ ᠠᠬᠠᠮᠠᠳ ᠬᠥᠪᠡᠭᠦᠨ ᠴᠡᠴᠡᠨ ᠪᠥᠭᠡᠳ ᠲᠡᠭᠦᠨ ᠦ᠌ ᠬᠤᠪᠢ ᠵᠠᠶᠠᠭᠠ ᠡᠮᠭᠡᠨᠢᠯᠲᠡᠢ᠂ ᠪᠠᠷᠴᠢᠳ ᠶᠡᠬᠡᠲᠡᠢ᠂ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨ ᠤ᠋ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠨᠠᠭᠠᠷᠬᠠᠴᠢ ᠪᠠᠢᠪᠠ᠃ ᠬᠠᠭᠠᠨ ᠰᠠᠭᠤᠳᠠᠯ ᠤ᠋ᠨ ᠲᠥᠯᠥᠭᠡ ᠬᠣᠵᠢᠮ ᠠᠯᠠᠭᠳᠠᠭᠰᠠᠨ ᠶᠤᠮ᠃ ᠳᠡᠩᠳᠡᠭᠦᠦ ᠥᠭᠡᠨᠲᠡᠭᠴᠢ ᠵᠠᠩ ᠠ᠋ᠴᠠ ᠪᠠᠨ ᠠᠮᠢ ᠪᠠᠨ ᠠᠯᠳᠠᠭᠰᠠᠨ ᠶᠤᠮ᠃
ᠳᠠᠷᠠᠭᠠ ᠵᠣᠳᠪᠠᠪᠠᠭᠠᠲᠤᠷ ᠶᠤᠮ᠃ ᠵᠣᠳᠪᠠᠪᠠᠭᠠᠲᠣᠷ ᠲᠥᠷᠥᠭᠰᠡᠨ ᠠᠬᠠ ᠴᠡᠴᠡᠨ ᠲᠡᠢ ᠬᠤᠤᠪᠢᠯᠳᠤᠭᠰᠠᠨ ᠪᠥᠯᠥᠭᠡ᠃ ᠴᠡᠴᠡᠨ ᠨᠢ ᠲᠡᠭᠦᠨ ᠦ᠌ ᠠᠭᠤᠷ ᠢ᠋ ᠲᠠᠲᠠᠵᠤ ᠪᠤᠷᠤᠭᠤ ᠦᠢᠯᠡ ᠳ᠋ᠦ᠍ ᠳᠠᠭᠤᠳᠠᠭᠰᠠᠨ ᠪᠣᠯᠠᠢ᠃ ᠬᠠᠮᠲᠤ ᠳ᠋ᠠᠭᠠᠨ ᠴᠠᠭᠠᠵᠠ ᠶ᠋ᠢᠨ ᠲᠠᠪᠴᠠᠩ ᠳᠡᠭᠡᠷᠡ ᠳᠠᠸᠠᠴᠢ ᠶ᠋ᠢ ᠵᠣᠯᠠᠮᠠᠯᠠᠭᠰᠠᠨ ᠠᠷᠠᠰᠤ ᠡᠮᠬᠦᠬᠦ ᠶ᠋ᠢ ᠦᠵᠡᠭᠰᠡᠨ ᠶᠦᠮ᠃ ᠬᠠᠳᠠᠨ ᠬᠠᠪᠴᠢᠯ ᠠ᠋ᠴᠠ ᠴᠡᠴᠡᠨ ᠠᠬᠠ ᠶ᠋ᠢᠨ ᠬᠠᠮᠲᠤ ᠴᠦᠯᠡᠯᠭᠡ ᠳ᠋ᠦ᠍ ᠳᠠᠭᠤᠳᠠᠵᠠᠢ᠃
ᠬᠥᠪᠡᠭᠦᠨ ᠰᠠᠪᠳᠠᠨᠵᠠᠯ᠃ ᠰᠠᠪᠳᠠᠨᠵᠠᠯ ᠤ᠋ᠨ ᠤᠳᠤᠮ ᠬᠣᠶᠠᠷ ᠦᠶᠡ ᠪᠣᠯᠵᠤ ᠲᠠᠰᠤᠷᠠᠭᠰᠠᠨ ᠪᠠᠢᠨᠠ᠃ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢ ᠬᠣᠣᠷᠯᠠᠭᠳᠠᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠭᠦᠨ ᠦ᠌ ᠪᠠᠭᠠ ᠬᠠᠲᠤᠨ ᠠᠮᠢᠨᠳᠠᠷᠡ ᠨᠢ ᠰᠡᠪᠳᠡᠨᠵᠡᠯ ᠢ᠋ ᠳᠠᠭᠠᠵᠤ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠤ᠋ ᠢᠪᠡᠭᠡᠯ ᠳ᠋ᠦ᠍ ᠳᠠᠭᠠᠷᠠ ᠣᠷᠣᠵᠤ ᠬᠤᠪᠢ ᠵᠠᠶᠠᠭᠠ ᠪᠠᠷ ᠢ᠋ᠶ᠋ᠠᠨ ᠲᠣᠭᠯᠠᠵᠠᠢ᠃ ᠰᠠᠪᠲᠠᠨᠵᠠᠯ ᠮᠠᠨᠵᠤ ᠶ᠋ᠢᠨ ᠲᠤᠷᠬᠢᠷᠠᠯᠲᠠ ᠪᠠᠷ ᠠᠨᠤ ᠬᠠᠲᠤᠨ ᠢ᠋ ᠬᠠᠷᠪᠤᠵᠤ ᠬᠠᠷᠠ ᠲᠣᠯᠣᠭᠠᠢ ᠪᠠᠨ ᠨᠠᠷᠠᠰᠤᠨ ᠳ᠋ᠤ᠌ ᠴᠠᠪᠴᠢᠭᠤᠯᠵᠠᠢ᠃
ᠬᠥᠪᠡᠭᠦᠨ ᠪᠠᠨᠳᠢᠷ᠃ ᠪᠠᠨᠳᠢᠷ ᠤ᠋ᠨ ᠠᠴᠢ ᠨᠢ ᠽᠠᠮᠪᠠᠯ᠃ ᠽᠠᠮᠪᠠᠯ ᠪᠥᠭᠡᠰᠦ ᠤᠷᠪᠠᠭᠴᠢ ᠰᠠᠪᠳᠠᠨᠵᠠᠯ ᠤ᠋ᠨ ᠵᠠᠰᠠᠭ ᠵᠠᠯᠭᠠᠮᠵᠢᠯᠠᠭᠰᠠᠨ ᠠᠵᠤᠭᠤ᠃
ᠬᠥᠪᠡᠭᠦᠨ ᠵᠣᠷᠢᠭᠲᠤ ᠬᠣᠰᠢᠭᠤᠴᠢ᠃ ᠵᠣᠷᠢᠭᠲᠤ ᠬᠣᠰᠢᠭᠤᠴᠢ ᠨᠢ ᠳᠠᠷᠤᠢ ᠵᠠᠰᠠᠭ ᠬᠦᠩ ᠷᠠᠪᠳᠠᠨ ᠤ᠋ ᠬᠤᠰᠢᠭᠤᠨ ᠤ᠋ ᠣᠪᠣᠭ ᠮᠥᠨ᠃
ᠬᠥᠪᠡᠭᠦᠨ ᠣᠨᠤᠴᠢᠨ᠃ ᠣᠨᠤᠴᠢᠨ ᠠᠬᠠ ᠶ᠋ᠢᠨ ᠬᠥᠪᠡᠭᠦᠨ ᠳᠠᠨᠵᠢᠯᠠ ᠪᠥᠭᠡᠰᠦ ᠵᠠᠰᠠᠭ ᠬᠦᠩ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠤᠴᠢᠷ ᠰᠠᠢᠨ ᠨᠣᠶᠠᠨ ᠠᠢᠮᠠᠭ ᠲᠤ᠌ ᠰᠠᠭᠤᠵᠤ ᠵᠡᠭᠦᠨᠭᠠᠷ ᠤ᠋ᠨ ᠲᠥᠯᠥᠭᠡ ᠰᠡᠭᠦᠯ ᠦ᠋ᠨ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠭᠠᠯᠳᠠᠨ ᠲᠠᠢ ᠬᠠᠮᠲᠤᠷᠠᠵᠤ ᠣᠷᠣᠯᠴᠠᠨ ᠭᠠᠯᠳᠠᠨ ᠨᠠᠰᠤᠨ ᠬᠤᠲᠤᠭ ᠣᠯᠲᠠᠯᠠ ᠴᠣᠭ ᠲᠡᠮᠡᠴᠡᠵᠦ ᠶᠠᠪᠤᠭᠰᠠᠨ ᠬᠤᠭᠤᠷᠠᠰᠢ ᠦᠭᠡᠢ ᠪᠠᠭᠠᠲᠤᠷ ᠮᠥᠨ᠃ ᠭᠠᠨᠴᠠᠬᠦ ᠳᠠᠨᠵᠢᠯᠠ ᠳ᠋ᠤᠷ ᠢᠲᠡᠭᠡᠵᠦ ᠪᠣᠯᠤᠨᠠ᠃
ᠬᠥᠪᠡᠭᠦᠨ ᠰᠡᠩᠭᠡ᠃ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨ ᠤ᠋ ᠠᠬᠠ ᠲᠡᠷᠡᠪᠡᠷ ᠳᠠᠸᠠᠴᠢ ᠳ᠋ᠤ᠌ ᠠᠯᠠᠭᠳᠠᠪᠠ᠃ ᠪᠤᠰᠤᠷᠮᠠᠭ ᠤ᠋ᠨ ᠴᠠᠭᠠᠨᠠ ᠠᠪᠠᠭᠠ ᠠᠬᠠ ᠴᠦᠬᠦᠢ ᠤᠪᠠᠰᠢ᠂ ᠠᠬᠠ ᠴᠡᠴᠡᠨ᠂ ᠵᠤᠳᠪᠠᠪᠠᠭᠠᠲᠤᠷ᠂ ᠬᠣᠶᠠᠷ ᠨᠢᠭᠤᠷᠲᠤ ᠰᠠᠪᠳᠠᠨᠵᠠᠯ᠂ ᠠᠬᠠᠢᠲᠠᠨ ᠠᠮᠢᠨᠳᠠᠷᠠ ᠮᠡᠲᠦᠰ ᠪᠣᠢ᠃
ᠬᠥᠪᠡᠭᠦᠨ ᠭᠠᠯᠳᠠᠨ᠃ ᠲᠡᠭᠦᠨ ᠢ᠋ ᠪᠣᠱᠣᠭᠲᠤ ᠬᠡᠮᠡᠮᠦᠢ᠃
ᠬᠥᠪᠡᠭᠦᠨ ᠪᠤᠮ ᠪᠥᠭᠡᠳ ᠴᠣᠯᠠ ᠨᠢ ᠡᠷᠳᠡᠨᠢ ᠲᠠᠢᠱ᠌ᠢ ᠬᠡᠮᠡᠮᠦᠢ᠃ ᠲᠡᠭᠦᠨ ᠦ᠌ ᠠᠴᠢ ᠳᠠᠸᠠᠴᠢ ᠮᠥᠨ᠃ ᠳᠠᠸᠠᠴᠢ ᠨᠢ ᠬᠠᠭᠠᠨ ᠰᠠᠭᠤᠳᠠᠯ ᠤ᠋ᠨ ᠲᠥᠯᠥᠭᠡ ᠮᠤᠩᠬᠠᠭ ᠶᠠᠪᠤᠳᠠᠯ ᠳ᠋ᠤ᠌ ᠣᠷᠣᠯᠴᠠᠭᠴᠢ ᠠᠵᠤᠭᠤ᠃ ᠳᠠᠸᠠᠴᠢ ᠳ᠋ᠤ᠌ ᠮᠠᠨᠵᠤ ᠨᠠᠷ ᠴᠢᠨ ᠸᠠᠩ ᠴᠣᠯᠠ ᠡᠷᠭᠦᠮᠵᠢᠯᠡᠭᠰᠡᠨ ᠪᠣᠯᠪᠠᠴᠤ ᠮᠣᠩᠭᠣᠯ ᠠᠢᠮᠠᠭ ᠲᠤ᠌ ᠳᠠᠩᠰᠠ ᠦᠭᠡᠢ ᠪᠢᠯᠡ᠃
ᠬᠥᠪᠡᠭᠦᠨ ᠲᠣᠷᠵᠢᠵᠠᠪ᠃ ᠬᠠᠯᠬᠠ ᠶ᠋ᠢᠨ ᠲᠦᠰᠢᠶᠡᠲᠦ ᠬᠠᠨ ᠴᠠᠬᠣᠳᠳᠣᠷᠵᠢ ᠳ᠋ᠤ᠌ ᠠᠯᠠᠭᠳᠠᠪᠠ᠃ ᠡᠪ ᠦ᠋ᠨ ᠡᠭᠦᠳᠡ ᠶ᠋ᠢ ᠠᠩᠬᠠ ᠬᠡᠮᠬᠡ ᠲᠠᠲᠠᠭᠰᠠᠨ ᠬᠥᠮᠦᠨ ᠪᠣᠯ ᠴᠠᠬᠣᠳᠳᠣᠷᠵᠢ ᠶᠤᠮ᠃ ᠬᠡᠯᠡ ᠮᠡᠳᠡᠭᠡᠴᠢ ᠶ᠋ᠢ ᠠᠯᠠᠨᠠ ᠭᠡᠳᠡᠭ ᠵᠤᠲᠠᠭ ᠦᠭᠡᠢ ᠬᠡᠷᠡᠭ ᠨᠥᠭᠦᠭᠡ ᠲᠠᠯᠠ ᠪᠠᠷ ᠥᠳᠥᠭᠡᠵᠦ ᠰᠡᠳᠦᠭᠰᠡᠨ ᠬᠡᠷᠡᠭ᠃ ᠨᠠᠰᠤᠨ ᠲᠤᠷᠰᠢ ᠶ᠋ᠢᠨ ᠵᠥᠷᠢᠴᠡᠯ ᠬᠠᠭᠠᠴᠠᠯ ᠴᠠᠬᠣᠳᠳᠣᠷᠵᠢ ᠠ᠋ᠴᠠ ᠡᠭᠦᠰᠪᠡ᠃
ᠬᠥᠪᠡᠭᠦᠨ ᠫᠣᠩᠰᠣᠭᠳᠠᠰᠢ᠃ ᠠᠴᠢ ᠭᠠᠯᠵᠡᠳᠳᠣᠷᠵᠢ ᠨᠢ ᠴᠣᠷᠣᠰ ᠬᠠᠨ ᠡᠷᠭᠦᠮᠵᠢᠯᠡᠭᠳᠡᠵᠦ ᠶᠠᠪᠤᠪᠠ᠃
ᠬᠥᠪᠡᠭᠦᠨ ᠲᠠᠷᠮᠠ᠃ ᠲᠠᠷᠮᠠ ᠠ᠋ᠴᠠ ᠭᠤᠷᠪᠠᠨ ᠦᠶᠡ ᠤᠯᠠᠮᠵᠢᠯᠠᠭᠳᠠᠵᠤ᠂ ᠭᠤᠷᠪᠠᠨ ᠦᠶᠡ ᠮᠤᠯᠲᠤᠷᠠᠵᠤ ᠢᠷᠡᠭᠡᠳ ᠳᠣᠲᠣᠭᠠᠳᠤ ᠰᠢᠯᠤᠭᠤᠨ ᠬᠠᠷᠢ ᠶ᠋ᠢᠨ ᠮᠣᠩᠭᠣᠯ ᠬᠤᠰᠢᠭᠤᠨ ᠳ᠋ᠤ᠌ ᠲᠡᠳᠡ ᠣᠷᠣᠵᠤ ᠨᠡᠢᠯᠡᠵᠡᠢ᠃
ᠭᠠᠯᠳᠠᠨ ᠥᠪᠡᠷ ᠦ᠋ᠨ ᠶᠠᠰᠤᠨ ᠲᠥᠷᠥᠯ ᠢ᠋ ᠢᠩᠭᠢᠵᠦ ᠳᠠᠭᠠᠵᠤ ᠲᠡᠮᠳᠡᠭᠯᠡᠭᠰᠡᠨ ᠢ᠋ ᠬᠣᠵᠢᠮ ᠬᠣᠢᠨᠠ ᠣᠢᠷᠠᠳ᠂ ᠮᠣᠩᠭᠣᠯ ᠲᠤᠭᠤᠷᠭᠠᠲᠠᠨ ᠤ᠋ ᠪᠢᠴᠢᠭᠲᠡᠨ ᠮᠡᠷᠭᠡᠳ ᠰᠡᠬᠦᠨ ᠤᠩᠰᠢᠵᠤ᠂ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠠᠷᠪᠠᠨ ᠨᠢᠭᠡᠨ ᠰᠠᠯᠠᠭᠠ ᠪᠠᠷ ᠪᠡᠳᠡᠷᠢᠨ ᠰᠤᠷᠪᠤᠯᠵᠢᠯᠠᠬᠤ ᠪᠣᠢ ᠺᠡ᠃ ᠴᠣᠬᠣᠮ ᠳ᠋ᠠᠭᠠᠨ ᠴᠠᠭ ᠬᠤᠭᠤᠴᠠᠭᠠ ᠶ᠋ᠢ ᠠᠯᠳᠠᠵᠤ ᠮᠠᠭᠠᠳ ᠦᠭᠡᠢ ᠬᠡᠮᠡᠬᠦ ᠶ᠋ᠢᠨ ᠤᠴᠢᠷ ᠦᠢᠯᠡ ᠶᠠᠪᠤᠳᠠᠯ ᠤ᠋ᠨ ᠳᠡᠰ ᠳᠠᠷᠠᠭᠠᠯᠠᠯ ᠢ᠋ ᠡᠰᠡ ᠪᠠᠷᠠᠭᠠᠯᠠᠪᠠ᠃ ᠡᠳᠡᠨ ᠦ᠌ ᠬᠤᠪᠢ ᠵᠠᠶᠠᠭᠠ ᠶ᠋ᠢ ᠲᠣᠳᠣᠷᠬᠠᠢ ᠳᠡᠯᠭᠡᠶᠡ᠃
ᠨᠢᠭᠡᠨ ᠴᠠᠭ ᠲᠤᠷ ᠡᠨᠡ ᠬᠦ᠌ ᠠᠬᠠ ᠳᠡᠬᠦᠤᠰ ᠤ᠋ᠨ ᠨᠠᠮᠲᠠᠷ ᠲᠡᠦᠬᠡ ᠦᠯᠡᠳᠡᠵᠦ ᠪᠣᠯᠬᠤ ᠶᠤᠮ᠃ ᠦᠯᠡᠳᠡᠬᠦ ᠪᠡᠷ ᠦᠯᠦ ᠪᠠᠷᠠᠮ ᠮᠥᠰᠬᠢᠨ ᠬᠥᠭᠡᠭᠡᠵᠦ ᠲᠣᠳᠣᠷᠠᠭᠤᠯᠬᠤ ᠶ᠋ᠢ ᠬᠡᠨ ᠪᠠᠢᠭ ᠭᠡᠬᠦᠪ᠃ ᠣᠯᠠᠨ ᠭᠣᠷᠣᠬᠠ ᠨᠡᠢᠯᠡᠵᠦ ᠭᠣᠣᠯ ᠪᠣᠯᠳᠠᠭ᠃ ᠭᠣᠣᠯ ᠳ᠋ᠤ᠌ ᠨᠡᠢᠯᠡᠭᠡ ᠦᠭᠡᠢ ᠭᠣᠷᠣᠬᠠ ᠬᠠᠲᠠᠵᠤ ᠰᠠᠢᠷ ᠪᠣᠯᠳᠠᠭ᠃ ᠭᠠᠯᠳᠠᠨ ᠠ᠋ᠴᠠ ᠪᠤᠰᠤᠳ ᠠᠷᠪᠠᠨ ᠨᠢᠭᠡᠨ ᠰᠠᠯᠠᠭᠠ ᠶ᠋ᠢ ᠲᠤᠰ ᠪᠦᠷᠢ ᠳ᠋ᠡᠭᠡᠨ ᠭᠣᠣᠯ ᠪᠣᠯᠵᠤ ᠮᠣᠣᠲᠤᠤ ᠴᠠᠭᠠᠰᠣᠨᠠ ᠨᠤᠲᠠᠯᠠᠭᠳᠠᠨ ᠦᠯᠡᠳᠡᠬᠦ ᠶ᠋ᠢ ᠰᠡᠳᠬᠢᠯ ᠦ᠋ᠨ ᠰᠡᠪ ᠦᠭᠡᠢ ᠲᠡᠮᠳᠡᠭᠯᠡᠵᠦ ᠪᠠᠢᠨᠠ᠃
ᠬᠣᠶᠠᠷ
ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠲᠣᠮᠣ ᠬᠥᠪᠡᠭᠦᠨ ᠴᠡᠴᠡᠨ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠤᠢᠳᠤᠮᠠᠬᠠᠢ᠂ ᠳᠤᠷᠠᠯᠠᠮᠠᠬᠠᠢ ᠮᠠᠭᠤ ᠵᠠᠩ ᠢ᠋ ᠬᠠᠭᠤᠯᠵᠤ ᠲᠥᠷᠥᠵᠡᠢ᠃ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠭᠣᠯᠣᠮᠲᠠ ᠶ᠋ᠢ ᠪᠣᠢ ᠪᠣᠯᠭᠠᠬᠤ ᠪᠤᠵᠢᠭᠢᠨᠠᠭᠠᠨ ᠳᠤᠮᠳᠠ ᠥᠰᠴᠡᠢ᠃ ᠪᠠᠯᠵᠢᠳᠠᠷᠠ ᠨᠢ ᠶᠡᠬᠡᠳᠡ ᠥᠮᠥᠭᠡᠷᠡᠳᠡᠭ ᠪᠠᠢᠵᠠᠢ᠃ ᠺᠠᠷᠬᠢᠽ ᠠᠪᠠᠭᠠᠢᠴᠤᠤᠯ ᠬᠡᠦᠬᠡᠳ ᠢ᠋ᠶ᠋ᠡᠨ ᠥᠮᠥᠭᠡᠷᠡᠬᠦ ᠶ᠋ᠢᠨ ᠲᠤᠯᠠᠳᠠ ᠡᠬᠡ ᠪᠣᠯᠤᠭᠰᠠᠨ ᠮᠡᠲᠦ ᠪᠤᠰᠤᠳ ᠠ᠋ᠴᠠ ᠬᠠᠷᠠᠮᠯᠠᠨᠠ᠃
ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠨᠢᠭᠡᠨ ᠮᠢᠩᠭᠠᠲᠤ ᠴᠡᠷᠢᠭ ᠦ᠋ᠨ ᠵᠠᠭᠤᠲᠤ ᠶ᠋ᠢᠨ ᠠᠬᠠᠯᠠᠭᠴᠢ ᠪᠠᠷ ᠴᠡᠴᠡᠨ ᠢ᠋ ᠲᠥᠪ ᠠᠽᠢᠶᠠ ᠶ᠋ᠢᠨ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠶᠠᠪᠤᠭᠤᠯᠤᠭᠰᠠᠨ ᠪᠢᠯᠡ᠃
ᠪᠠᠢᠯᠳᠤᠭᠠᠨ ᠳᠠᠭᠤᠰᠴᠤ ᠬᠣᠲᠠ᠂ ᠲᠣᠰᠬᠣᠳ ᠠ᠋ᠴᠠ ᠣᠯᠵᠠ ᠶ᠋ᠢᠨ ᠲᠠᠷᠢᠶᠠᠴᠢᠳ ᠢ᠋ ᠲᠠᠭᠤᠵᠤ ᠢᠷᠡᠪᠡ᠃ ᠲᠠᠷᠢᠶᠠᠴᠢᠳ ᠳᠠᠳᠤᠷᠠ ᠪᠣᠭᠣᠯ ᠺᠸᠮᠴᠢ ᠬᠡᠮᠡᠬᠦ ᠦᠵᠡᠰᠬᠦᠯᠡᠩᠲᠦ ᠡᠬᠡᠨᠡᠷ ᠲᠡᠢ᠂ ᠨᠠᠷᠭᠢᠯ ᠬᠡᠮᠡᠬᠦ ᠳᠠᠭᠠᠭᠤᠯᠢ ᠥᠬᠢᠨ ᠲᠡᠢ ᠨᠢᠭᠡᠨ ᠡᠷᠡ ᠪᠠᠢᠵᠠᠢ᠃ ᠬᠠᠷᠠ ᠡᠷᠴᠢᠰ ᠮᠥᠷᠡᠨ ᠦ᠌ ᠰᠠᠪᠠ ᠬᠥᠨᠳᠡᠢ ᠪᠡᠷ ᠱᠤᠤᠳᠤᠤ ᠲᠠᠲᠠᠵᠤ ᠬᠥᠬᠡ ᠠᠷᠪᠠᠢ᠂ ᠭᠦᠴᠡ ᠪᠤᠳᠠᠭᠠ ᠲᠠᠷᠢᠶᠠᠯᠠᠪᠠ᠃ ᠣᠯᠵᠠ ᠶ᠋ᠢᠨ ᠲᠠᠷᠢᠶᠠᠴᠢᠳ ᠢ᠋ ᠰᠠᠢᠲᠤᠷ ᠬᠠᠷᠠᠭᠠᠯᠵᠠᠵᠤ ᠪᠠᠢ ᠭᠡᠮᠡᠨ ᠡᠴᠢᠭᠡ ᠬᠣᠩ ᠲᠠᠢᠵᠢ ᠴᠡᠴᠡᠨ ᠢ᠋ ᠠᠶᠠᠨ ᠲᠡᠢᠨ ᠦ᠌ ᠬᠥᠯ ᠡᠴᠡ ᠴᠢᠯᠥᠭᠡᠯᠡᠭᠰᠡᠨ ᠶᠦᠮ᠃ ᠴᠡᠴᠡᠨ ᠳᠤᠷᠠ ᠮᠡᠳᠡᠨ ᠪᠣᠭᠣᠯ ᠺᠧᠮᠴᠢ ᠶ᠋ᠢ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠤ᠋ᠨ ᠪᠡᠬᠢᠯᠡᠯᠲᠡ ᠳ᠋ᠦ᠍ ᠭᠠᠯ ᠲᠣᠭᠣᠭᠠᠨ ᠤ᠋ ᠵᠠᠷᠤᠴᠠ ᠪᠠᠷ ᠢᠯᠡᠭᠡᠵᠦ᠂ ᠦᠵᠡᠰᠬᠦᠯᠡᠩᠲᠦ ᠡᠬᠡᠨᠡᠷ ᠢ᠋ ᠨᠢ ᠥᠪᠡᠷᠲᠡᠭᠡᠨ ᠦᠯᠡᠳᠡᠭᠡᠬᠦ ᠳ᠋ᠦ᠍ ᠰᠢᠷᠠ ᠲᠠᠢ ᠡᠬᠡᠨᠡᠷ ᠭᠣᠣᠯ ᠤ᠋ᠨ ᠣᠰᠤᠨᠠ ᠣᠢᠵᠤ ᠦᠬᠦᠪᠡ᠃
ᠨᠠᠷᠭᠢᠯ ᠥᠬᠢᠨ ᠦᠯᠡᠳᠡᠪᠡ᠃ ᠲᠡᠭᠦᠨ ᠦ᠌ ᠲᠣᠬᠢᠯᠵᠠᠭᠤᠷ ᠪᠡᠶᠡ᠂ ᠪᠤᠯᠪᠠᠷᠠᠢ ᠴᠣᠭᠴᠠᠰ ᠴᠡᠴᠡᠨ ᠢ᠋ ᠰᠣᠷᠢᠨᠵᠢᠨ ᠠᠳᠠᠯᠢ ᠲᠠᠲᠠᠵᠠᠢ᠃ ᠵᠥᠪᠬᠡᠨ ᠴᠡᠴᠡᠨ ᠪᠤᠰᠤ ᠲᠡᠭᠦᠨ ᠦ᠌ ᠳᠡᠭᠦᠦ ᠵᠣᠳᠪᠠᠪᠠᠭᠠᠲᠤᠷ ᠨᠢ ᠴᠦ᠍ ᠲᠡᠭᠦᠨ ᠳ᠋ᠦ᠍ ᠲᠠᠲᠠᠭᠳᠠᠪᠠ᠃ ᠠᠬᠠ᠂ ᠳᠡᠭᠦᠦ ᠬᠣᠶᠠᠷ ᠴᠢᠰᠤ ᠪᠠᠨ ᠰᠡᠳᠡᠷᠡᠲᠡᠯᠡ ᠵᠣᠳᠣᠯᠳᠤᠵᠤ ᠳᠠᠷᠠᠭᠠ ᠨᠢ ᠡᠪᠯᠡᠷᠡᠭᠡᠳ ᠨᠠᠷᠭᠢᠯ ᠤ᠋ᠨ ᠠᠷᠤ ᠠ᠋ᠴᠠ ᠡᠭᠡᠯᠵᠢᠯᠡᠨ ᠭᠦᠶᠦᠳᠡᠭ ᠪᠠᠢᠯᠠ᠃ ᠣᠯᠵᠠ ᠶ᠋ᠢᠨ ᠥᠬᠢᠨ ᠬᠠᠭᠠᠨ ᠤ᠋ ᠬᠥᠪᠡᠭᠦᠳ ᠲᠡᠢ ᠬᠣᠯᠪᠣᠭᠳᠠᠬᠤ ᠨᠢ ᠲᠡᠷᠡ᠃
ᠨᠠᠷᠭᠢᠯ ᠤ᠋ᠨ ᠵᠠᠪᠬᠠᠢ ᠵᠠᠢᠳᠠᠩ ᠶᠠᠪᠤᠳᠠᠯ ᠬᠣᠲᠠ ᠬᠦᠷᠢᠶᠡ ᠪᠡᠷ ᠨᠢᠭᠡ ᠲᠠᠷᠬᠠᠬᠤ ᠳ᠋ᠤ᠌ ᠤᠭᠰᠠᠭᠠ ᠭᠠᠷᠪᠠᠯᠢ᠂ ᠰᠢᠲᠦᠯᠭᠡ ᠨᠢᠭᠡᠲᠡᠢ ᠣᠯᠵᠠᠨ ᠤ᠋ ᠲᠠᠷᠢᠶᠠᠴᠢᠳ ᠲᠡᠭᠦᠨ ᠢ᠋ ᠴᠢᠯᠠᠭᠤ ᠪᠠᠷ ᠰᠢᠳᠡᠭᠰᠡᠭᠡᠷ ᠠᠮᠢ ᠨᠠᠰᠤ ᠶ᠋ᠢ ᠨᠢ ᠪᠦᠷᠢᠯᠭᠡᠭᠰᠡᠨ ᠪᠢᠯᠡ᠃
ᠴᠡᠴᠡᠨ ᠠᠬᠠ ᠣᠯᠵᠠ ᠶ᠋ᠢᠨ ᠲᠠᠷᠢᠶᠠᠴᠢᠳ ᠢ᠋ ᠡᠨᠡ ᠶᠠᠪᠤᠳᠠᠯ ᠤ᠋ᠨ ᠤᠯᠠᠮ ᠠ᠋ᠴᠠ ᠨᠢᠭᠡ ᠨᠢᠭᠡ ᠪᠡᠷ ᠲᠠᠰᠢᠭᠤᠷᠳᠠᠨ ᠵᠣᠳᠣᠵᠤ ᠲᠠᠷᠴᠢᠯᠭᠠᠳᠠᠭ ᠪᠠᠢᠯᠠ᠃ ᠴᠡᠴᠡᠨ ᠠᠬᠠ ᠰᠦᠷ ᠦᠵᠡᠭᠦᠯᠬᠦ ᠳᠤᠷᠠᠲᠠᠢ᠃ ᠴᠡᠴᠡᠨ ᠠᠬᠠ ᠲᠡᠰᠢᠶᠡ ᠲᠤᠯᠵᠤ ᠬᠠᠩᠬᠠᠯᠵᠠᠨ᠂ ᠲᠠᠰᠢᠭᠤᠷ ᠳᠠᠯᠠᠢᠵᠤ ᠪᠣᠭᠣᠯ ᠤ᠋ᠳ ᠢ᠋ ᠳᠠᠯᠢᠳᠠᠴᠢᠭᠤᠯᠤᠨ ᠤᠰᠤᠨ ᠦᠵᠦᠮ ᠦ᠋ᠨ ᠲᠠᠯᠠᠪᠠᠢ ᠳᠤᠮᠳᠠ ᠠᠯᠬᠤᠨᠠ᠃ ᠴᠡᠴᠡᠨ ᠢ᠋ ᠬᠠᠷᠠᠭᠰᠠᠨ ᠣᠯᠵᠠ ᠶ᠋ᠢᠨ ᠲᠠᠷᠢᠶᠠᠴᠢᠳ ᠲᠣᠯᠣᠭᠠᠢ ᠪᠠᠨ ᠬᠠᠭᠠ ᠴᠣᠬᠢᠭᠤᠯᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ《ᠬᠠᠭᠠᠨ ᠢᠷᠡᠯᠡ᠂ ᠬᠠᠭᠠᠨ ᠶᠠᠪᠤᠵᠤ ᠪᠠᠢᠨᠠ》 ᠭᠡᠮᠡᠨ ᠮᠣᠩᠭᠣᠯ ᠬᠡᠯᠡ ᠪᠡᠷ ᠬᠠᠰᠬᠢᠷᠤᠨᠠ᠃ ᠴᠡᠴᠡᠨ ᠠᠬᠠ ᠶ᠋ᠢᠨ ᠶᠠᠪᠤᠳᠠᠯ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠴᠢᠬᠢᠨ ᠳ᠋ᠦ᠍ ᠬᠦᠷᠴᠦ《ᠣᠯᠵᠠ ᠶ᠋ᠢᠨ ᠪᠣᠭᠣᠯ ᠤ᠋ᠳ ᠢ᠋ ᠵᠣᠳᠣᠵᠤ ᠪᠣᠯᠤᠨᠠ᠃ ᠬᠠᠷᠢᠨ ᠥᠪᠡᠷ ᠢ᠋ ᠪᠡᠨ ᠬᠠᠭᠠᠨ ᠭᠡᠮᠡᠨ ᠶᠠᠭᠤᠨ ᠳ᠋ᠤ᠌ ᠡᠷᠭᠦᠮᠵᠢᠯᠡᠨᠡ ᠪᠣᠢ᠃ ᠡᠷᠡᠭᠦᠯ ᠰᠣᠭᠲᠣᠭᠤ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠲᠠᠩᠬᠠᠢ ᠵᠠᠩ ᠲᠠᠢ》 ᠭᠡᠮᠡᠨ ᠡᠭᠳᠡᠭᠦᠴᠡᠨ ᠪᠣᠳᠣᠭᠠᠳ᠂
— ᠴᠡᠴᠡᠨ ᠢ᠋ ᠮᠢᠩᠭᠠᠲᠤ ᠴᠡᠷᠢᠭ ᠦ᠋ᠨ ᠨᠣᠶᠠᠨ ᠪᠣᠯᠭᠠᠵᠤ ᠠᠭᠤᠯᠠ ᠶ᠋ᠢᠨ ᠪᠡᠬᠢᠯᠡᠯᠲᠡ ᠳ᠋ᠦ᠍ ᠰᠠᠭᠤᠯᠭᠠ ᠭᠡᠵᠦ ᠵᠠᠷᠯᠢᠭᠳᠠᠵᠠᠢ᠃ᠠᠭᠤᠯᠠ ᠶ᠋ᠢᠨ ᠪᠡᠬᠢᠯᠡᠯᠲᠡ ᠪᠣᠯ ᠬᠣᠢᠲᠤ ᠵᠦᠭ ᠲᠦ᠍ ᠳᠠᠯᠠᠢ ᠶ᠋ᠢᠨ ᠰᠠᠮᠠᠭᠤᠨ ᠪᠣᠯᠬᠤ ᠠ᠋ᠴᠠ ᠰᠡᠷᠡᠮᠵᠢᠯᠡᠨ ᠰᠠᠭᠤᠳᠠᠭ ᠴᠡᠷᠢᠭ ᠦ᠋ᠨ ᠬᠦᠷᠢᠶᠡ ᠶᠦᠮ᠃ ᠲᠡᠷᠡ ᠴᠡᠷᠢᠭ ᠦ᠋ᠨ ᠬᠦᠷᠢᠶᠡ ᠶ᠋ᠢ ᠬᠡᠷᠡᠮ ᠬᠠᠰᠢᠶᠠ ᠪᠠᠷ ᠬᠠᠰᠢᠵᠠᠢ᠃ ᠬᠠᠰᠢᠶᠠ ᠶ᠋ᠢ ᠴᠢᠯᠠᠭᠤ ᠪᠠᠷ ᠥᠨᠳᠥᠷ ᠭᠡᠭᠴᠢ ᠥᠷᠥᠵᠡᠢ᠃ ᠴᠡᠴᠡᠨ ᠨᠣᠶᠠᠨ ᠵᠢᠯ ᠰᠢᠬᠠᠮ ᠤᠢᠳᠬᠠᠷᠲᠤ ᠪᠡᠬᠢᠯᠡᠯᠲᠡ ᠳ᠋ᠦ᠍ ᠬᠠᠷᠠᠭᠤᠯ ᠤ᠋ᠨ ᠠᠯᠪᠠ ᠬᠠᠰᠢᠭᠠᠳ ᠡᠴᠢᠭᠡ ᠬᠣᠩ ᠲᠠᠢᠵᠢ ᠠ᠋ᠴᠠ ᠭᠣᠶᠣᠭᠰᠠᠭᠠᠷ ᠪᠠᠢᠵᠤ ᠪᠤᠴᠠᠵᠤ ᠢᠷᠡᠪᠡ᠃ ᠴᠡᠴᠡᠨ ᠠᠬᠠ ᠶ᠋ᠢᠨ ᠬᠠᠭᠠᠨ ᠪᠣᠯᠬᠤ ᠨᠢᠭᠤᠴᠠ ᠬᠦᠰᠡᠯ ᠣᠪᠣᠯᠵᠠᠨ ᠬᠥᠳᠡᠯᠦᠭᠰᠡᠭᠡᠷ ᠪᠠᠢᠭᠰᠠᠨ ᠶᠤᠮ᠃
ᠭᠤᠷᠪᠠ
ᠨᠠᠷᠭᠢᠯ ᠬᠡᠦᠬᠡᠨ ᠢ᠋ ᠦᠬᠦᠭᠰᠡᠨ ᠦ᠌ ᠳᠠᠷᠠᠭᠠ ᠵᠣᠳᠪᠠᠪᠠᠭᠠᠲᠤᠷ ᠬᠡᠭᠡᠷᠡ ᠬᠥᠳᠡᠭᠡ ᠪᠡᠷ ᠳᠡᠮᠡᠢ ᠲᠡᠨᠦᠵᠦ ᠮᠣᠷᠢᠳ ᠴᠤᠴᠠᠭᠠᠨ ᠠᠪᠠ ᠬᠣᠮᠣᠷᠭᠠᠨ ᠳ᠋ᠤ᠌ ᠴᠠᠭ ᠢ᠋ ᠦᠷᠡᠨᠡ᠃ ᠨᠢᠭᠡ ᠤᠳᠠᠭᠠ ᠪᠦᠷᠭᠦᠳ ᠦ᠋ᠨ ᠴᠠᠭᠴᠠᠬᠠᠢ ᠪᠠᠷᠢᠬᠤ ᠪᠠᠷ ᠬᠠᠳᠠ ᠬᠠᠪᠴᠢᠯ ᠠ᠋ᠴᠠ ᠨᠢᠰᠴᠦ ᠦᠬᠦᠬᠦ ᠶ᠋ᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠪᠤᠭᠤᠢᠯᠢᠳᠠᠨ ᠲᠠᠲᠠᠵᠤ ᠲᠣᠭᠲᠠᠭᠠᠭᠠᠳ ᠠᠮᠢ ᠶ᠋ᠢ ᠨᠢ ᠠᠪᠤᠷᠠᠵᠠᠢ᠃
ᠶᠡᠬᠡ ᠬᠦᠷᠢᠶᠡᠨ ᠳ᠋ᠦ᠍ ᠢᠷᠡᠭᠰᠡᠨ ᠬᠣᠢᠨᠠ ᠪᠠᠨ ᠵᠤᠳᠪᠠᠪᠠᠭᠠᠲᠤᠷ ᠨᠣᠶᠠᠨ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠲᠤ᠌᠂
— ᠪᠢ ᠬᠠᠭᠠᠨ ᠪᠣᠯᠤᠨᠠ᠃ᠲᠡᠭᠡᠬᠦ ᠪᠡᠷ ᠢ᠋ᠶ᠋ᠡᠨ ᠴᠢᠮᠠ ᠶ᠋ᠢ ᠪᠦᠬᠦ ᠴᠡᠷᠢᠭ ᠦ᠋ᠨ ᠵᠠᠩᠵᠤᠨ ᠳ᠋ᠤ᠌ ᠡᠷᠭᠦᠮᠵᠢᠯᠡᠨᠡ᠃ ᠲᠡᠷᠡ ᠬᠦᠷᠲᠡᠯᠡ ᠠᠮᠠ ᠪᠠᠨ ᠵᠢᠮᠢᠢᠭᠡᠳ ᠶᠠᠪᠤᠵᠤ ᠪᠠᠢ᠃ ᠬᠠᠳᠠᠨ ᠬᠠᠯᠢᠯ ᠳ᠋ᠤ᠌ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ᠋ ᠬᠡᠨ ᠳ᠋ᠦ᠍ ᠴᠦ᠍ ᠪᠦᠦ ᠬᠡᠯᠡ ᠭᠡᠵᠡᠢ᠃
ᠪᠦᠷᠭᠦᠳ ᠦ᠋ᠨ ᠴᠠᠭᠴᠠᠬᠠᠢ ᠪᠠᠷᠢᠨᠠ ᠭᠡᠳᠡᠭ ᠡᠷᠡ ᠵᠣᠷᠢᠭ ᠤ᠋ᠨ ᠰᠤᠷᠭᠠᠭᠤᠯᠢ ᠪᠢᠯᠡ᠃ ᠪᠦᠷᠭᠦᠳ ᠡᠭᠦᠷ ᠢ᠋ᠶ᠋ᠡᠨ ᠬᠠᠳᠠᠨ ᠬᠠᠪᠴᠢᠯ ᠳ᠋ᠤ᠌ ᠵᠠᠰᠠᠨᠠ᠃ ᠪᠦᠷᠭᠦᠳ ᠦ᠋ᠨ ᠡᠭᠦᠷ ᠲᠦ᠍ ᠬᠦᠷᠬᠦ ᠵᠠᠮ ᠳᠥᠷᠪᠡᠨ ᠵᠦᠭ ᠡᠴᠡ ᠪᠡᠷᠬᠡ ᠲᠡᠢ᠃ᠳᠡᠭᠡᠷᠡ ᠡᠴᠡ ᠨᠢ ᠪᠠᠭᠤᠬᠤ ᠶᠠᠮᠠᠷ ᠴᠤ᠌ ᠠᠷᠭᠠ ᠦᠭᠡᠢ᠃ ᠳᠡᠭᠦᠵᠢᠩ ᠢ᠋ᠶ᠋ᠡᠷ ᠡᠭᠦᠷ ᠲᠦ᠍ ᠬᠦᠷᠬᠦ ᠭᠡᠪᠡᠯ ᠬᠠᠳᠠᠨ ᠴᠣᠬᠢᠶᠠ ᠬᠠᠯᠬᠠᠯᠠᠨᠠ᠃ ᠬᠠᠳᠠᠨ ᠴᠣᠬᠢᠶᠠ ᠶ᠋ᠢᠨ ᠣᠷᠣᠭᠰᠢ ᠪᠠᠨ ᠲᠦᠷᠢᠵᠦ ᠲᠣᠭᠲᠠᠭᠰᠠᠨ ᠨᠠᠯᠠᠤ ᠬᠠᠳᠠ ᠳᠡᠭᠦᠵᠢᠩ ᠡᠴᠡ ᠬᠥᠨᠳᠡᠢᠷᠡᠭᠦᠯᠵᠦ ᠡᠭᠦᠷ ᠲᠦ᠍ ᠬᠦᠷᠬᠦ ᠨᠥᠬᠥᠴᠡᠯ ᠦᠭᠡᠢ ᠪᠣᠯᠭᠠᠳᠠᠭ᠃
ᠪᠠᠷᠠᠭᠤᠨ ᠪᠣᠯᠤᠨ ᠵᠡᠭᠦᠨ ᠲᠠᠯᠠ ᠠ᠋ᠴᠠ ᠬᠠᠳᠠᠨ ᠬᠢᠰᠠᠭᠠ ᠶ᠋ᠢ ᠭᠡᠵᠢᠯᠡᠭᠥᠷᠳᠡᠨ ᠶᠠᠪᠤᠬᠤ ᠪᠥᠭᠡᠰᠦ ᠢᠷᠮᠡᠭ ᠦᠭᠡᠢ ᠣᠯᠢᠭᠠᠷ ᠬᠠᠳᠠᠨ ᠳ᠋ᠤ᠌ ᠬᠦᠷᠴᠦ ᠭᠤᠯᠠᠰᠴᠤ ᠦᠬᠦᠬᠦ ᠠᠶᠤᠯᠲᠠᠢ᠃
ᠬᠠᠮᠤᠭ ᠤ᠋ᠨ ᠨᠠᠢᠳᠠᠪᠤᠷᠢᠲᠠᠢ ᠵᠠᠮ ᠨᠢ ᠳᠣᠣᠷᠠ ᠠ᠋ᠴᠠ ᠳᠡᠭᠡᠭᠰᠢ ᠥᠭᠰᠥᠬᠦ ᠪᠣᠯᠠᠢ᠃ ᠥᠭᠰᠥᠨ ᠥᠭᠰᠥᠭᠰᠡᠭᠡᠷ ᠡᠭᠦᠷ ᠲᠦ᠍ ᠬᠦᠷᠦᠭᠰᠡᠨ ᠬᠣᠢᠨᠠ ᠪᠠᠨ ᠡᠷᠭᠢᠵᠦ ᠪᠠᠭᠤᠬᠤ ᠨᠢ ᠨᠢᠰᠴᠦ ᠦᠬᠦᠬᠦ ᠠᠶᠤᠯ ᠠᠪᠴᠢᠷᠠᠨᠠ᠃ ᠵᠤᠳᠪᠠᠪᠠᠭᠠᠲᠤᠷ ᠨᠣᠶᠠᠨ ᠤ᠋ ᠨᠢᠰᠦᠭᠰᠡᠨ ᠬᠠᠳᠠᠨ ᠬᠠᠯᠢᠯ ᠤ᠋ᠨ ᠢᠷᠣᠭᠠᠷ ᠲᠤ᠌ ᠬᠡᠳᠦ ᠬᠡᠳᠦᠨ ᠪᠣᠭᠣᠯ ᠤ᠋ᠨ ᠥᠭᠢᠷᠡᠭᠰᠡᠨ ᠶᠠᠰᠤ ᠴᠠᠢᠷᠠᠵᠤ ᠪᠠᠢᠳᠠᠭ᠃ ᠡᠴᠢᠭᠡ ᠬᠣᠩ ᠲᠠᠢᠵᠢ ᠵᠤᠳᠪᠠᠪᠠᠭᠠᠲᠤᠷ ᠤ᠋ᠨ ᠪᠦᠷᠭᠦᠳ ᠢ᠋ ᠬᠠᠷᠠᠵᠤ ᠰᠠᠢᠰᠢᠶᠠᠭᠠᠳ᠂
— ᠬᠥᠪᠡᠭᠦᠨ ᠥᠪᠡᠷ ᠦ᠋ᠨ ᠭᠠᠷ ᠢ᠋ᠶ᠋ᠠᠷ ᠪᠠᠷᠢᠭᠰᠠᠨ ᠭᠡᠪᠡ ᠤᠤ ᠭᠡᠪᠡ᠃
— ᠡᠴᠢᠭᠡ ᠲᠠᠨ ᠳ᠋ᠤ᠌ ᠪᠡᠯᠡᠭᠯᠡᠬᠦ ᠭᠡᠵᠦ ᠠᠪᠴᠢᠷᠠᠭᠰᠠᠨ ᠪᠢᠯᠡ ᠭᠡᠮᠡᠨ ᠵᠤᠳᠪᠠᠪᠠᠭᠠᠲᠤᠷ ᠵᠢᠱ᠌ᠢᠮᠡ ᠦᠭᠡᠢ ᠥᠭᠦᠯᠡᠵᠡᠢ᠃
ᠡᠴᠢᠭᠡ ᠬᠣᠩ ᠲᠠᠢᠵᠢ ᠪᠡᠶᠡᠰᠦᠨ᠂
— ᠪᠦᠷᠭᠦᠳ ᠲᠡᠭᠷᠢ ᠭᠠᠵᠠᠷ ᠤ᠋ᠨ ᠠᠮᠢᠲᠠᠨ ᠭᠡᠮᠡᠨ ᠭᠥᠪᠳᠥᠨᠡᠪᠡ᠃
— ᠡᠴᠢᠭᠡ ᠲᠠ ᠶᠠᠭᠠᠬᠢᠭᠠᠳ ᠭᠠᠵᠠᠷ ᠤ᠋ᠨ ᠠᠮᠢᠲᠠᠨ ᠭᠡᠪᠡ ᠭᠡᠵᠦ ᠵᠤᠳᠪᠠᠪᠠᠭᠠᠲᠤᠷ ᠠᠰᠠᠭᠤᠪᠠ᠃
— ᠭᠠᠵᠠᠷ ᠲᠤ᠌ ᠲᠥᠷᠥᠳᠡᠭ ᠪᠤᠰᠤ ᠤᠤ ᠭᠡᠵᠦ ᠬᠣᠩ ᠲᠠᠢᠵᠢ ᠥᠭᠦᠯᠡᠪᠡ᠃ ᠪᠦᠷᠭᠦᠳ ᠦ᠋ᠨ ᠴᠠᠭᠴᠠᠬᠠᠢ ᠭᠠᠵᠠᠷ ᠤ᠋ᠨ ᠬᠡᠪᠡᠯᠢ ᠳ᠋ᠦ᠍ ᠡᠭᠦᠷ ᠲᠡᠭᠡᠨ ᠥᠨᠳᠡᠭᠡᠯᠡᠳᠡᠭ ᠪᠢᠯᠡ᠃ ᠪᠦᠷᠭᠦᠳ ᠭᠠᠵᠠᠷ ᠲᠤ᠌ ᠲᠥᠷᠥᠵᠦ᠂ ᠲᠡᠭᠷᠢ ᠳ᠋ᠦ᠍ ᠥᠲᠡᠯᠳᠡᠭ ᠵᠢᠭᠦᠷᠲᠡᠨ᠂ ᠪᠦᠷᠭᠦᠳ ᠦ᠋ᠨ ᠴᠠᠭᠴᠠᠬᠠᠢ ᠪᠠᠷᠢᠵᠤ ᠲᠡᠵᠢᠭᠡᠬᠦ ᠨᠢ ᠣᠢᠷᠠᠳ ᠲᠤ᠌ ᠡᠷᠡ ᠵᠣᠷᠢᠭ᠂ ᠠᠵᠠ ᠬᠡᠢᠮᠣᠷᠢ ᠶᠤᠮ᠃
ᠡᠴᠢᠭᠡ ᠬᠣᠩ ᠲᠠᠢᠵᠢ ᠬᠣᠶᠠᠳᠤᠭᠠᠷ ᠬᠥᠪᠡᠭᠦᠨ ᠵᠤᠳᠪᠠᠪᠠᠭᠠᠲᠤᠷ ᠲᠤ᠌ ᠬᠠᠨᠳᠤᠵᠤ᠂
— ᠪᠦᠷᠭᠦᠳ ᠪᠡᠯᠡᠭᠯᠡᠬᠦ ᠭᠡᠰᠡᠨ ᠬᠥᠪᠡᠭᠦᠨ ᠦ᠌ ᠰᠠᠨᠠᠭᠠ ᠳ᠋ᠤ᠌ ᠲᠠᠯᠠᠷᠬᠠᠯᠠ᠃ ᠨᠠᠮᠠᠶ᠋ᠢ ᠵᠠᠭᠤᠲᠤ ᠴᠡᠷᠢᠭ᠂ ᠵᠠᠭᠤᠨ ᠪᠦᠷᠭᠦᠳ ᠬᠠᠮᠠᠭᠠᠯᠠᠨ ᠳᠠᠭᠠᠬᠤ ᠲᠤᠯᠠ ᠬᠥᠪᠡᠭᠦᠨ ᠴᠢ ᠥᠪᠡᠷ ᠦ᠋ᠨ ᠪᠦᠷᠭᠦᠳ ᠲᠡᠢ ᠪᠣᠯ᠃ ᠥᠪᠡᠷ ᠦ᠋ᠨ ᠪᠦᠷᠭᠦᠳ ᠲᠡᠢ ᠬᠥᠮᠦᠨ ᠬᠣᠯᠠ ᠭᠠᠵᠠᠷ ᠣᠳᠴᠤ ᠨᠢᠳᠦ ᠲᠠᠢᠯᠬᠤ ᠤᠴᠢᠷ ᠲᠠᠢ᠂ ᠴᠢᠮᠠᠶ᠋ᠢ ᠬᠥᠬᠡᠨᠠᠭᠤᠷ ᠤ᠋ᠨ ᠴᠡᠷᠢᠭ ᠦ᠋ᠨ ᠬᠦᠷᠢᠶᠡ ᠶ᠋ᠢ ᠪᠡᠬᠢᠵᠢᠭᠦᠯᠬᠦ ᠠᠵᠢᠯ ᠳ᠋ᠤ᠌ ᠵᠢᠳᠬᠦᠭᠦᠯᠦᠨᠡ᠃ ᠲᠡᠨᠳᠡ ᠰᠢᠯᠭᠠᠷᠠᠬᠤ ᠠᠪᠠᠰᠤ ᠣᠢᠷᠠᠳ ᠤ᠋ᠨ ᠶᠡᠬᠡ ᠴᠡᠷᠢᠭ ᠲᠦ᠍ ᠨᠣᠶᠠᠨ ᠰᠠᠭᠤᠨᠠ ᠭᠡᠯᠡ᠃ ᠵᠣᠳᠪᠠᠪᠠᠭᠠᠲᠤᠷ ᠠᠬᠠ ᠶ᠋ᠢᠨ ᠬᠣᠣᠷ ᠰᠢᠷᠠ ᠬᠥᠳᠡᠯᠵᠦ᠂
—ᠡᠴᠢᠭᠡ ᠲᠠ ᠨᠠᠮᠠᠶ᠋ᠢ ᠶᠡᠬᠡ ᠬᠦᠷᠢᠶᠡᠨ ᠭᠠᠳᠠᠨᠠ ᠭᠠᠷᠭᠠᠪᠠ᠃ ᠬᠡᠨ ᠦ᠌ ᠬᠠᠳᠬᠤᠯᠭᠠ ᠪᠠᠢᠭᠰᠠᠨ ᠴᠤ᠌ ᠪᠢ ᠬᠥᠬᠡᠨᠠᠭᠤᠷ ᠲᠤ᠌ ᠰᠠᠭᠤᠶᠠ᠃ ᠨᠠᠮᠠᠶ᠋ᠢ ᠲᠠ ᠦᠯᠦ ᠲᠣᠭᠣᠪᠠ ᠭᠡᠮᠡᠨ ᠭᠣᠮᠣᠳᠠᠯᠯᠠᠵᠠᠢ᠃ ᠭᠣᠮᠣᠳᠠᠯ ᠤ᠋ᠨ ᠬᠠᠷᠠ ᠦᠶᠡᠷ ᠵᠣᠳᠪᠠᠪᠠᠭᠠᠲᠤᠷ ᠤ᠋ᠨ ᠴᠡᠭᠡᠵᠢᠨ ᠳᠤᠮᠳᠠᠭᠤᠷ ᠤᠷᠤᠰᠪᠠ᠃ ᠵᠣᠳᠪᠠᠪᠠᠭᠠᠲᠤᠷ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠢᠪᠡᠭᠡᠯ ᠳ᠋ᠦ᠍ ᠪᠠᠭᠲᠠᠵᠤ ᠤᠯᠠᠮ ᠢ᠋ᠶ᠋ᠠᠷ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠡᠮᠬᠢᠯᠩᠳᠡᠡ ᠪᠣᠢ ᠭᠠᠯ ᠭᠣᠯᠣᠮᠲᠠ ᠳ᠋ᠤ᠌ ᠡᠵᠡᠨ ᠰᠠᠭᠤᠬᠤ ᠬᠦᠰᠡᠯ ᠲᠡᠢ ᠪᠠᠢᠯᠠ᠃
ᠳᠥᠷᠪᠡ
ᠰᠡᠪᠳᠡᠨᠵᠠᠯ ᠤ᠋ᠨ ᠡᠬᠡ ᠬᠣᠲᠣᠩ ᠪᠦᠰᠡᠭᠦᠢ ᠪᠠᠢᠪᠠ᠃ ᠬᠣᠲᠣᠩ ᠬᠡᠦᠬᠡᠨ ᠬᠣᠶᠠᠷᠳᠠᠬᠢ ᠬᠡᠦᠬᠡᠳ ᠢ᠋ᠶ᠋ᠡᠨ ᠲᠥᠷᠥᠭᠦᠯᠵᠦ ᠴᠢᠳᠠᠯ ᠦᠭᠡᠢ ᠰᠠᠪᠠᠨ ᠤ᠋ ᠬᠠᠯᠠᠭᠤᠨ ᠢ᠋ᠶ᠋ᠠᠷ ᠥᠭᠡᠳᠡ ᠪᠣᠯᠵᠠᠢ᠃ ᠰᠡᠪᠳᠡᠨᠵᠡᠯ ᠪᠠᠭᠠᠠ᠋ᠴᠠ ᠪᠠᠨ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠦᠭᠡᠨ ᠡᠴᠡ ᠵᠥᠷᠢᠵᠦ᠂ ᠨᠤᠲᠤᠭ ᠬᠣᠰᠢᠭᠤ ᠵᠠᠬᠢᠷᠬᠤ ᠶ᠋ᠢ ᠬᠦᠰᠡᠵᠡᠢ᠃
ᠵᠥᠷᠢᠭᠦᠳ ᠬᠥᠪᠡᠭᠦᠨ ᠢ᠋ ᠡᠴᠢᠭᠡ ᠲᠠᠰᠢᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠵᠠᠯᠬᠠᠭᠠᠬᠤ ᠭᠡᠰᠡᠨ ᠪᠣᠯᠪᠠᠴᠤ ᠲᠡᠭᠦᠨ ᠡᠴᠡ ᠡᠰᠡ ᠶᠠᠭᠤᠮᠠ ᠪᠣᠯᠵᠠᠢ᠃ ᠰᠡᠪᠳᠡᠨᠵᠠᠯ ᠡᠴᠢᠭᠡ ᠶ᠋ᠢᠨ ᠠᠮᠢᠳᠤ ᠠᠬᠤᠢ ᠳ᠋ᠤ᠌ ᠰᠠᠬᠠᠯ ᠤᠷᠭᠤᠭᠤᠯᠵᠤ᠂ ᠬᠣᠶᠠᠷ ᠡᠬᠡᠨᠡᠷ ᠠᠪᠴᠠᠢ᠃ ᠰᠡᠪᠳᠡᠨᠵᠠᠯ ᠢᠮᠠᠭᠲᠠ ᠨᠢᠭᠤᠭᠳᠠᠵᠤ ᠶᠠᠪᠤᠨᠠ᠃ ᠰᠡᠪᠳᠡᠨᠵᠠᠯ ᠭᠠᠯᠳᠠᠨ ᠳ᠋ᠤ᠌ ᠦᠮᠡᠬᠡᠢ ᠬᠦᠷᠡᠨᠡ ᠰᠢᠭ ᠰᠠᠨᠠᠭᠳᠠᠳᠠᠭ ᠪᠠᠢᠯᠠ᠃ ᠰᠠᠨᠠᠭᠠ ᠨᠢ ᠦᠮᠡᠬᠡᠢ ᠁
ᠰᠡᠪᠳᠡᠨᠵᠠᠯ ᠠᠬᠠ ᠶ᠋ᠢᠨ ᠵᠠᠮ ᠭᠠᠯᠳᠠᠨ ᠲᠠᠢ ᠲᠠᠷᠰᠯᠡᠳᠡᠨ ᠣᠭᠲᠣᠯᠤᠯᠴᠠᠵᠤ᠂ ᠪᠡᠶᠡ ᠪᠡᠨ ᠤᠲᠤᠵᠤ᠂ ᠴᠢᠭᠤᠯᠭᠠᠨ ᠬᠤᠷᠠᠯᠳᠤᠬᠤ ᠳ᠋ᠤ᠌ ᠰᠦᠷᠭᠦᠯᠳᠦᠵᠦ ᠶᠠᠪᠤᠭᠰᠠᠭᠠᠷ ᠡᠴᠦᠰ ᠲᠡᠭᠡᠨ ᠭᠤᠨᠢᠭᠲᠠᠢ ᠪᠠᠷ ᠲᠡᠭᠦᠰᠦᠨᠡ ᠭᠡᠳᠡᠭ ᠢ᠋ ᠲᠥᠰᠦᠭᠡᠯᠡᠵᠦ ᠪᠠᠢᠯᠠ᠃
ᠭᠠᠯᠳᠠᠨ ᠤ᠋ ᠲᠡᠮᠳᠡᠭᠯᠡᠯ ᠦ᠋ᠨ ᠬᠠᠮᠤᠭ ᠤ᠋ᠨ ᠠᠲᠠᠷᠠᠮᠠᠭᠠ ᠲᠠᠢ ᠬᠠᠭᠤᠳᠠᠰᠤ ᠰᠡᠪᠳᠡᠨᠵᠠᠯ ᠳ᠋ᠤ᠌ ᠵᠣᠷᠢᠭᠤᠯᠤᠭᠳᠠᠬᠤ ᠪᠢᠯᠡ᠃ ᠰᠡᠪᠳᠡᠨᠵᠠᠯ ᠤ᠋ᠨ ᠪᠠᠢᠳᠠᠯ ᠢ᠋ ᠮᠠᠨᠵᠤ ᠶ᠋ᠢᠨ ᠡᠯᠴᠢ ᠲᠤᠷᠰᠢᠭᠤᠯ ᠤ᠋ᠳ ᠡᠷᠲᠡᠨ ᠡᠴᠡ ᠮᠡᠳᠡᠵᠡᠢ᠃ ᠰᠡᠪᠳᠡᠨᠵᠠᠯ ᠬᠡᠦᠬᠡᠨ ᠳ᠋ᠦ᠍ ᠳᠤᠷᠠᠲᠠᠢ ᠪᠠᠢᠯᠠ᠃ ᠰᠡᠪᠳᠡᠨᠵᠠᠯ ᠤ᠋ᠨ ᠬᠡᠦᠬᠡᠮᠰᠦᠭ ᠢ᠋ ᠮᠠᠨᠵᠤ ᠶ᠋ᠢᠨ ᠲᠠᠯᠠ ᠠᠰᠢᠭᠯᠠᠵᠤ ᠴᠢᠳᠠᠭᠰᠠᠨ ᠶᠤᠮ᠃
ᠡᠴᠢᠭᠡ ᠬᠣᠩ ᠲᠠᠢᠵᠢ ᠰᠡᠪᠳᠡᠨᠵᠠᠯ ᠢ᠋ ᠨᠢᠳᠦᠨ ᠡᠴᠡ ᠪᠡᠨ ᠬᠣᠯᠠ ᠪᠠᠢᠯᠭᠠᠬᠤ ᠰᠠᠨᠠᠭᠠ ᠲᠠᠢ ᠪᠣᠯᠪᠠᠴᠤ ᠢᠮᠠᠭᠲᠠ ᠡᠴᠢᠭᠡ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠥᠷᠭᠡᠰᠦ ᠮᠡᠲᠦ ᠳᠣᠷᠣᠭᠰᠠᠭᠠᠷ ᠪᠥᠯᠥᠭᠡ᠃ ᠰᠡᠪᠳᠡᠨᠵᠠᠯ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠨᠢᠭᠤᠭᠳᠠᠵᠤ ᠠᠮᠢᠳᠤ ᠦᠯᠡᠳᠡᠨᠡ᠃ ᠡᠨᠡ ᠠᠬᠠ ᠶ᠋ᠢᠨ ᠡᠨᠳᠡ ᠮᠥᠷ ᠦ᠋ᠨ ᠵᠠᠩ ᠪᠤᠷᠬᠠᠨ ᠤ᠋ ᠰᠤᠷᠭᠠᠯ ᠢ᠋ᠶ᠋ᠠᠷ ᠪᠤᠷᠤᠭᠤ ᠡᠷᠭᠢᠵᠡᠢ᠃ ᠰᠡᠪᠳᠡᠡᠵᠠᠯ ᠢ᠋ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠪᠠᠭᠠ ᠬᠠᠲᠤᠨ ᠠᠮᠢᠨᠳᠠᠷᠠ ᠲᠠᠢ ᠨᠡᠢᠯᠡᠭᠦᠯᠦᠭᠰᠡᠨ ᠡᠴᠡ ᠬᠣᠢᠰᠢ ᠠᠷᠤ ᠬᠠᠯᠬᠠ᠂ ᠬᠥᠬᠡᠨᠠᠭᠤᠷ ᠢ᠋ᠶ᠋ᠠᠷ ᠳᠠᠮᠵᠢᠨ ᠮᠠᠨᠵᠤ ᠨᠤᠭᠤᠳ ᠲᠡᠢᠰᠢ ᠪᠡᠯᠡᠭ ᠬᠦᠷᠭᠡᠵᠦ ᠵᠢᠶᠦ᠋ᠨ ᠸᠠᠩ ᠴᠣᠯᠠ ᠠᠪᠴᠤ ᠥᠪᠡᠷ ᠦ᠋ᠨ ᠬᠣᠰᠢᠭᠤ ᠲᠠᠢ ᠪᠣᠯᠤᠭᠰᠠᠨ ᠴᠤ᠌ ᠰᠡᠳᠬᠢᠯ ᠬᠠᠨᠤᠭᠰᠠᠨ ᠦᠭᠡᠢ᠃
ᠭᠠᠯᠳᠠᠨ ᠢ᠋ ᠲᠥᠪᠡᠳ ᠡᠴᠡ ᠢᠷᠡᠭᠰᠡᠨ ᠡᠴᠡ ᠬᠣᠢᠰᠢ ᠰᠡᠪᠳᠡᠨᠵᠠᠯ ᠠᠬᠠ ᠮᠠᠨᠵᠤ ᠤᠷᠤᠭᠤ ᠣᠳᠤᠭᠰᠠᠨ ᠰᠤᠷᠠᠭ ᠢ᠋ᠶ᠋ᠠᠷ ᠪᠡᠶᠡ ᠲᠡᠰᠦᠷᠡᠴᠦ ᠪᠠᠢᠪᠠ᠃ ᠬᠥᠬᠡᠬᠣᠲᠠ ᠶ᠋ᠢᠨ ᠬᠦᠷᠢᠶᠡᠨ ᠳ᠋ᠦ᠍ ᠰᠠᠭᠤᠳᠠᠭ ᠢᠯᠠᠭᠤᠭᠰᠠᠨ ᠬᠤᠲᠤᠭᠲᠤ ᠵᠠᠬᠢᠳᠠᠯ ᠳ᠋ᠠᠭᠠᠨ《ᠰᠡᠪᠳᠡᠨᠵᠠᠯ ᠰᠡᠵᠢᠭ ᠲᠥᠷᠥᠭᠦᠯᠵᠦ ᠪᠠᠢᠨᠠ᠃ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠳ᠋ᠤ᠌ ᠲᠣᠯᠢᠭᠠᠨᠠᠬᠤ ᠶᠡᠬᠡᠰᠪᠡ᠃ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠵᠠᠬᠢᠶᠠ ᠳᠠᠭᠠᠭᠠᠯᠭᠠᠪᠤᠷᠢ ᠥᠭᠳᠡᠭ ᠪᠣᠯᠤᠯᠲᠠᠢ᠃ ᠬᠡᠷᠪᠡ ᠸᠴᠢᠷᠳᠦ ᠰᠡᠴᠡᠨ ᠬᠠᠭᠠᠨ ᠴᠤᠭᠯᠠᠭᠠᠨ ᠳᠠᠷᠤᠭᠠ ᠶ᠋ᠢᠨ ᠡᠷᠬᠡ ᠪᠡᠨ ᠪᠦᠷᠢᠮᠦᠰᠦᠨ ᠠᠯᠳᠠᠬᠤ ᠠᠪᠠᠰᠤ ᠰᠠᠪᠳᠠᠨᠵᠠᠯ ᠡᠪᠦᠭᠡᠨ ᠬᠠᠭᠠᠨ ᠢ᠋ ᠪᠤᠷᠤᠭᠤ ᠴᠢᠭ ᠲᠦ᠍ ᠬᠥᠲᠥᠯᠵᠦ ᠮᠠᠭᠠᠳ᠃ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠤ᠋ ᠬᠣᠲᠠ ᠬᠦᠷᠢᠶᠡᠨ ᠳ᠋ᠦ᠍ ᠰᠠᠪᠳᠠᠨᠵᠠᠯ ᠬᠡᠳᠦᠢ ᠳ᠋ᠦ᠍ ᠪᠠᠭᠤᠳᠠᠯᠯᠠᠵᠤ ᠬᠡᠳᠦᠢ ᠳ᠋ᠦ᠍ ᠪᠤᠴᠠᠵᠤ ᠪᠠᠢᠭᠠ ᠶ᠋ᠢ ᠮᠠᠨ ᠤ᠋ ᠬᠢᠨ ᠦ᠌ ᠬᠥᠮᠦᠰ ᠰᠠᠢᠲᠤᠷ ᠲᠡᠩᠨᠡᠵᠦ ᠪᠠᠢᠭᠠ ᠲᠤᠯᠠ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠦᠦ ᠴᠢᠯᠡᠭᠡ᠃ ᠪᠤᠷᠬᠠᠨ ᠤ᠋ ᠣᠯᠠᠨ ᠱᠠᠪᠢ ᠨᠠᠷ ᠬᠤᠪᠢᠯᠭᠠᠨ ᠲᠠᠨ ᠳ᠋ᠤ᠌ ᠲᠤᠰᠠᠯᠠᠬᠤ ᠳ᠋ᠤ᠌ ᠪᠡᠯᠡᠨ》 ᠭᠡᠵᠦ ᠥᠭᠦᠯᠡᠵᠡᠢ᠃
ᠲᠠᠪᠤ
ᠠᠬᠠ ᠪᠠᠨᠳᠢᠷ ᠶᠣᠰᠣ ᠲᠣᠮᠣᠭᠠ ᠲᠠᠢ᠂ ᠭᠦᠳᠦᠰ ᠰᠢᠯᠤᠭᠤᠨ ᠵᠠᠩ ᠲᠠᠢ᠂ ᠬᠤᠤᠳᠤᠤ ᠶᠠᠪᠤᠳᠠᠯ ᠳ᠋ᠤ᠌ ᠳᠤᠷᠠ ᠦᠭᠡᠢ ᠨᠢᠭᠡᠨ ᠪᠠᠢᠪᠠ᠃ ᠪᠡᠨᠳᠢᠷ ᠦ᠋ᠨ ᠠᠴᠢ ᠽᠡᠮᠪᠡᠯ ᠶᠠᠭ ᠦᠭᠡᠢ ᠬᠣᠣᠷ ᠰᠢᠷᠠ ᠲᠠᠢ᠂ ᠡᠷᠡᠰᠬᠥᠳ ᠬᠥᠪᠡᠭᠦᠨ ᠪᠥᠭᠡᠳ ᠰᠠᠪᠳᠠᠨᠵᠠᠯ ᠤ᠋ᠨ ᠵᠠᠰᠠᠭ ᠢ᠋ ᠵᠠᠯᠭᠠᠮᠵᠢᠯᠠᠭᠴᠢ ᠪᠣᠯᠬᠤ ᠨᠢ ᠲᠣᠳᠣᠷᠬᠠᠢ ᠪᠣᠯᠪᠠ᠃
ᠪᠠᠨᠳᠢᠷ ᠠᠬᠠ ᠴᠡᠷᠢᠭ ᠦ᠋ᠨ ᠠᠯᠪᠠᠨ ᠳ᠋ᠤ᠌ ᠵᠠᠭᠤᠲᠤ ᠳᠠᠷᠤᠭᠠᠯᠠᠵᠤ ᠣᠯᠠᠨ ᠤᠳᠠᠭᠠ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠣᠷᠣᠯᠴᠠᠭᠰᠠᠨ ᠪᠢᠯᠡ᠃ ᠨᠢᠭᠡ ᠤᠳᠠᠭᠠ ᠶ᠋ᠢᠨ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠪᠠᠨᠳᠢᠷ ᠠᠬᠠ ᠵᠡᠭᠦᠨ ᠨᠢᠳᠦᠨ ᠡᠴᠡ ᠪᠡᠨ ᠰᠠᠯᠪᠠ᠃ ᠵᠡᠭᠦᠨ ᠨᠢᠳᠦ ᠪᠡᠨ ᠰᠣᠬᠣᠷᠠᠭᠰᠠᠨ ᠤ᠋ ᠳᠠᠷᠠᠭᠠ ᠪᠠᠨᠳᠢᠷ ᠠᠬᠠ ᠬᠠᠭᠠᠨ ᠤ᠋ ᠣᠲᠣᠭ ᠤ᠋ᠨ ᠮᠠᠯ ᠠᠬᠤᠢ ᠶ᠋ᠢ ᠪᠦᠷᠢᠳᠬᠡᠨ ᠵᠠᠬᠢᠷᠴᠤ ᠪᠠᠢᠯᠠ᠃
ᠪᠠᠨᠳᠢᠷ ᠠᠬᠠ ᠳᠥᠷᠪᠡᠨ ᠬᠥᠪᠡᠭᠦᠨ ᠲᠡᠢ᠂ ᠲᠣᠮᠣ ᠬᠥᠪᠡᠭᠦᠨ ᠪᠤᠬᠠᠷ ᠣᠷᠴᠢᠮ ᠳ᠋ᠤ᠌ ᠠᠮᠢ ᠦᠷᠡᠭᠳᠡᠭᠰᠡᠨ ᠪᠥᠭᠡᠳ ᠬᠣᠶᠠᠳᠤᠭᠠᠷ ᠬᠥᠪᠡᠭᠦᠨ ᠨᠢ ᠽᠡᠮᠪᠡᠯ ᠲᠠᠢᠵᠢ ᠶᠤᠮ᠃ ᠽᠡᠮᠪᠡᠯ ᠲᠠᠢᠵᠢ ᠲᠠᠪᠤᠨ ᠨᠠᠰᠤᠲᠠᠢ ᠳ᠋ᠠᠭᠠᠨ ᠲᠣᠳᠣ ᠪᠢᠴᠢᠭ ᠰᠤᠷᠴᠤ ᠭᠠᠯᠳᠠᠨ ᠳ᠋ᠤ᠌ ᠵᠠᠬᠢᠳᠠᠯ ᠢᠯᠡᠭᠡᠵᠦ ᠪᠠᠢᠪᠠ᠃ ᠽᠡᠮᠪᠡᠯ ᠬᠠᠭᠠᠨ ᠠᠪᠠᠭᠠ ᠲᠠᠨ ᠤ᠋ ᠨᠡᠷᠡ ᠰᠦᠷ ᠣᠢᠷᠢᠳ ᠤ᠋ᠳ ᠢ᠋ ᠳᠠᠷᠤᠩᠭᠤᠢᠯᠠᠪᠠ᠃ ᠪᠢ ᠲᠠᠨ ᠰᠢᠭ᠋ ᠨᠡᠷᠡ ᠲᠡᠢ᠂ ᠰᠦᠷ ᠲᠡᠢ ᠪᠣᠯᠬᠤ ᠶᠤᠮᠰᠠᠨ ᠭᠡᠮᠡᠨ ᠪᠢᠴᠢᠭᠰᠡᠨ ᠶᠦᠮ᠃
ᠵᠢᠷᠭᠤᠭᠠ
ᠵᠣᠷᠢᠭᠲᠤ ᠬᠣᠰᠢᠭᠤᠴᠢ ᠠᠬᠠ ᠲᠥᠷᠥᠭᠰᠡᠨ ᠡᠴᠢᠭᠡ ᠡᠷᠳᠡᠨᠢᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠲᠠᠢ ᠵᠢᠷᠤᠭ ᠰᠢᠭ᠋ ᠠᠳᠠᠯᠢᠬᠠᠨ ᠪᠠᠢᠯᠠ᠃ ᠵᠣᠷᠢᠭᠲᠤ ᠬᠣᠰᠢᠭᠤᠴᠢ ᠠᠬᠠ ᠳ᠋ᠤ᠌ ᠠᠵᠠ ᠳᠤᠲᠠᠪᠠ᠃ ᠲᠡᠭᠦᠨ ᠳ᠋ᠦ᠍ ᠬᠥᠪᠡᠭᠦᠨ ᠵᠠᠶᠠᠭᠠᠭᠰᠠᠨ ᠦᠭᠡᠢ᠃ ᠭᠤᠷᠪᠠᠨ ᠡᠬᠡᠨᠡᠷ ᠡᠴᠡ ᠳᠣᠯᠣᠭᠠ᠂ ᠳᠣᠯᠣᠭᠠᠨ ᠥᠬᠢᠨ ᠲᠥᠷᠥᠵᠡᠢ᠃ ᠵᠣᠷᠢᠭᠲᠤ ᠬᠣᠰᠢᠭᠤᠴᠢ ᠠᠬᠠ᠂
— ᠪᠢ ᠬᠣᠷᠢᠨ ᠨᠢᠭᠡᠨ ᠳ᠋ᠠᠷᠠ ᠡᠬᠡ ᠭᠡᠵᠦ ᠬᠠᠯᠠᠮᠴᠠᠭᠰᠠᠨ ᠦᠶᠡ ᠳ᠋ᠡᠭᠡᠨ ᠰᠠᠢᠷᠬᠠᠵᠤ ᠭᠣᠮᠣᠳᠠᠬᠤ ᠶ᠋ᠢᠨ ᠬᠣᠭᠣᠷᠣᠨᠳᠣ ᠥᠭᠦᠯᠡᠨᠡ᠃ ᠬᠣᠷᠢᠨ ᠨᠢᠭᠡᠨ ᠳ᠋ᠠᠷᠠ ᠡᠬᠡ ᠨᠢ ᠵᠡᠭᠦᠨᠭᠠᠷ ᠤ᠋ᠨ ᠲᠠᠢᠵᠢ ᠢᠵᠠᠭᠤᠷᠲᠠᠨ ᠤ᠋ ᠡᠬᠡᠨᠡᠷ ᠪᠣᠯᠵᠤ᠂ ᠲᠡᠳᠡᠨ ᠦ᠌ ᠠᠮᠠ ᠪᠦᠯᠢ ᠪᠠᠷᠤᠭ ᠵᠠᠭᠤ ᠰᠢᠬᠠᠮ ᠪᠣᠯᠵᠤ ᠥᠳᠬᠡᠷᠡᠪᠡ᠃
ᠵᠠᠰᠠᠭ ᠬᠦᠩ ᠷᠠᠪᠲᠠᠨ ᠤ᠋ ᠬᠤᠰᠢᠭᠤᠨ ᠤ᠋ ᠣᠪᠣᠭ ᠨᠢ ᠵᠣᠷᠢᠭᠲᠤ ᠬᠣᠰᠢᠭᠤᠴᠢ ᠠᠬᠠ ᠪᠣᠯᠠᠢ᠃
ᠳᠣᠯᠣᠭᠠ
ᠠᠬᠠ ᠣᠨᠤᠴᠢᠨ ᠪᠥᠬᠡ ᠪᠠᠢᠪᠠ᠃ ᠪᠢᠷᠠ ᠬᠦᠴᠦ ᠶᠡᠬᠡᠲᠡᠢ᠂ ᠪᠡᠶᠡ ᠲᠣᠮᠣ᠂ ᠱᠣᠣ ᠳ᠋ᠠᠭᠠᠨ ᠴᠠᠭᠯᠠᠰᠢ ᠦᠭᠡᠢ ᠲᠡᠩᠬᠡᠭᠡ ᠲᠡᠢ ᠳᠠᠢᠴᠢᠨ ᠡᠷᠡ ᠪᠢᠯᠡ᠃ ᠣᠨᠤᠴᠢᠨ ᠠᠬᠠ ᠮᠥᠨ ᠬᠣᠰᠢᠭᠤ ᠨᠣᠶᠠᠨ ᠶᠤᠮ᠃ ᠬᠠᠮᠤᠭ ᠤ᠋ᠨ ᠰᠡᠭᠦᠯ ᠳ᠋ᠦ᠍ ᠪᠠᠱᠺᠢᠷ ᠠ᠋ᠴᠠ ᠣᠯᠵᠠᠯᠠᠵᠤ ᠠᠪᠴᠢᠷᠠᠭᠰᠠᠨ ᠥᠬᠢᠨ ᠲᠡᠢ ᠣᠨᠤᠴᠢᠨ ᠠᠬᠠ ᠭᠡᠷᠯᠡᠪᠡ᠃ ᠪᠠᠱᠺᠢᠷ ᠬᠡᠦᠬᠡᠨ ᠤᠷᠲᠤ ᠰᠣᠷᠮᠤᠤᠰᠤ ᠲᠠᠢ᠂ ᠬᠠᠷᠠ ᠨᠢᠳᠦ ᠲᠡᠢ᠂ ᠥᠨᠳᠥᠷ ᠰᠢᠯᠪᠢ ᠲᠡᠢ ᠭᠤᠸᠠᠯᠢᠭ ᠪᠦᠰᠡᠭᠦᠢ ᠪᠠᠢᠭᠰᠠᠨ᠃ ᠲᠡᠭᠦᠨ ᠳ᠋ᠦ᠍ ᠳᠠᠨᠵᠢᠯᠠ ᠮᠠᠰᠢᠳᠠ ᠳᠤᠷᠠ ᠦᠭᠡᠢᠴᠡᠨ ᠡᠴᠢᠭᠡ ᠣᠨᠤᠴᠢᠨ ᠲᠠᠢ ᠠᠮᠠ ᠮᠤᠷᠤᠢᠵᠠᠢ᠃ ᠪᠠᠱᠺᠢᠷ ᠬᠡᠦᠬᠡᠨ ᠡᠴᠡ ᠬᠡᠦᠬᠡᠳ ᠳᠥᠷᠥᠭᠡ ᠦᠭᠡᠢ᠃ ᠬᠡᠦᠬᠡᠨ ᠦ᠌ ᠬᠠᠷᠠ ᠨᠢᠳᠦ ᠨᠢ ᠮᠥᠰᠥᠨ ᠦ᠌ ᠴᠣᠨᠣᠭ ᠰᠢᠭ᠋ ᠮᠡᠯᠮᠡᠷᠡᠵᠦ᠂ ᠡᠪᠦᠭᠡᠨ ᠨᠣᠶᠠᠨ ᠠ᠋ᠴᠠ ᠤᠢᠳᠬᠤ ᠶ᠋ᠢᠨ ᠡᠷᠬᠡ ᠪᠡᠷ ᠤᠷᠭᠤᠵᠤ ᠠᠯᠠᠭᠠ ᠪᠣᠯᠪᠠ᠃
ᠳᠠᠨᠵᠢᠯᠠ ᠭᠠᠯᠳᠠᠨ ᠳ᠋ᠤ᠌᠂
— ᠲᠡᠷᠡ ᠬᠡᠦᠬᠡᠨ ᠦᠬᠦᠪᠡᠯ ᠲᠠᠭᠠᠷᠠᠨᠠ ᠭᠡᠵᠦ ᠬᠡᠯᠡᠭᠰᠡᠨ᠃ ᠳᠠᠨᠵᠢᠯᠠ ᠪᠣᠯ ᠣᠨᠤᠴᠢᠨ ᠠᠬᠠ ᠰᠢᠭ᠋ ᠲᠣᠮᠣ ᠪᠡᠶᠡ ᠲᠡᠢ᠂ ᠲᠡᠩᠬᠡᠭᠡ ᠲᠠᠮᠢᠷ ᠶᠡᠬᠡᠲᠡᠢ᠂ ᠵᠠᠷ ᠲᠠᠢ ᠪᠥᠬᠡ ᠪᠠᠢᠯᠠ᠃ ᠭᠠᠯᠳᠠᠨ ᠲᠠᠢ ᠪᠠᠷᠢᠯᠳᠤᠬᠤ ᠶᠤᠮᠰᠠᠨ ᠭᠡᠳᠡᠭ ᠢ᠋ᠶ᠋ᠡᠨ ᠨᠢᠭᠤᠵᠤ ᠶᠠᠳᠠᠨ ᠪᠠᠢᠳᠠᠭ ᠰᠠᠨ᠃
— ᠬᠠᠭᠠᠨ ᠲᠠ ᠪᠠᠷᠢᠯᠳᠤᠳᠠᠭ ᠪᠢᠵᠡ ᠳᠡ᠃
— ᠲᠡᠢᠮᠦ᠃
— ᠬᠠᠭᠠᠨ ᠲᠠ ᠪᠠᠷᠢᠯᠳᠤᠭᠠ ᠦᠭᠡᠢ ᠤᠳᠠᠭᠰᠠᠨ ᠤᠤ?
— ᠤᠳᠠᠭᠰᠠᠨ᠃
— ᠬᠠᠭᠠᠨ ᠲᠠ ᠪᠥᠬᠡ ᠶ᠋ᠢᠨ ᠡᠮᠦᠰᠬᠡᠯ ᠡᠮᠦᠰᠴᠦ ᠦᠵᠡᠭᠰᠡᠨ ᠤᠤ?
— ᠦᠵᠡᠭᠰᠡᠨ᠃
— ᠬᠣᠶᠠᠭᠤᠯᠠ ᠪᠠᠨ ᠪᠠᠷᠢᠯᠳᠤᠪᠠᠯ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨ ᠤ᠋ ᠨᠡᠷᠡ ᠳ᠋ᠦ᠍ ᠰᠡᠪ ᠰᠠᠭᠤᠬᠤ ᠤᠤ?
— ᠰᠠᠭᠤᠨᠠ᠃
— ᠬᠠᠭᠠᠨ ᠲᠠ ᠨᠠᠮᠠᠶ᠋ᠢ ᠥᠷᠥᠰᠢᠶᠡ!
ᠳᠠᠨᠵᠢᠯᠠ ᠭᠠᠯᠳᠠᠨ ᠲᠠᠢ ᠨᠣᠴᠣᠯᠳᠤᠬᠤ ᠶ᠋ᠢ ᠬᠡᠴᠢᠨᠡᠭᠡᠨ ᠬᠦᠰᠡᠪᠡᠴᠦ ᠴᠢᠳᠠᠭᠠ ᠦᠭᠡᠢ ᠶᠦᠮ᠃ ᠲᠡᠢᠨ ᠳᠣᠯᠣᠭᠠᠨ ᠤ᠋ ᠤᠷᠲᠤ ᠵᠠᠮ ᠢ᠋ ᠬᠠᠮᠲᠤ ᠳ᠋ᠠᠭᠠᠨ ᠲᠤᠭᠤᠯᠵᠤ ᠠᠬᠠ ᠳᠡᠭᠦᠦ ᠡᠴᠡ ᠢᠯᠡᠭᠦᠦ ᠳᠣᠲᠣᠨᠣ ᠨᠥᠬᠥᠳ ᠪᠣᠯᠤᠭᠰᠠᠨ ᠰᠠᠨ᠃
ᠨᠠᠢ᠍ᠮᠠ
ᠠᠬᠠ ᠰᠡᠩᠭᠡ ᠵᠡᠭᠦᠨᠭᠠᠷ ᠢ᠋ ᠱᠠᠭᠠ ᠰᠢᠭ᠋ ᠴᠤᠭᠯᠠᠭᠤᠯᠤᠭᠰᠠᠨ᠃ ᠭᠠᠯᠳᠠᠨ ᠲᠥᠪᠡᠳ ᠡᠴᠡ ᠢᠷᠡᠭᠰᠡᠨ᠃ ᠣᠯᠠᠨ ᠠᠷᠪᠢᠨ ᠬᠡᠢᠳ ᠪᠠᠢᠭᠤᠯᠵᠤ᠂ ᠵᠠᠯᠠᠭᠤ ᠯᠠᠮᠠ ᠨᠠᠷ ᠢ᠋ ᠬᠡᠢᠳ ᠲᠦ᠍ ᠰᠠᠭᠤᠯᠭᠠᠵᠤ ᠠᠳᠢᠰ ᠬᠦᠷᠲᠡᠭᠡᠭᠰᠡᠨ᠃
ᠬᠠᠭᠠᠨ ᠠᠬᠠ ᠰᠡᠩᠭᠡ ᠴᠤᠭᠯᠠᠭᠤᠯᠤᠭᠰᠠᠨ ᠱᠠᠭᠠ ᠪᠠᠨ ᠠᠳᠬᠤᠵᠤ ᠴᠢᠳᠠᠭᠠ ᠦᠭᠡᠢ ᠶᠦᠮ᠃ ᠬᠠᠭᠠᠨ ᠤ᠋ ᠤᠳᠤᠮ ᠤ᠋ᠨ ᠠᠬᠠ ᠳᠡᠭᠦᠦᠰ ᠲᠡᠭᠦᠨ ᠦ᠌ ᠡᠰᠡᠷᠭᠦ ᠬᠤᠤᠪᠢᠯᠳᠤᠭᠠᠨ ᠬᠢᠵᠦ ᠠᠮᠢ ᠨᠠᠰᠤ ᠶ᠋ᠢ ᠨᠢ ᠪᠦᠷᠢᠯᠭᠡᠭᠰᠡᠨ ᠪᠢᠯᠡ᠃
ᠰᠡᠩᠭᠡ ᠶᠢᠨ ᠪᠠᠭᠠ ᠬᠠᠲᠤᠨ ᠠᠨᠤᠳᠠᠷᠠ᠃ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠴᠡᠸᠠᠩᠷᠠᠪᠳᠠᠨ᠃ ᠬᠣᠵᠢᠮ ᠤ᠋ᠨ ᠬᠣᠢᠴᠢ ᠡᠳᠦᠷ ᠬᠦᠷᠲᠡᠯᠡ ᠨᠢᠭᠡᠨ ᠬᠡᠪᠡᠯᠢ ᠳ᠋ᠦ᠍ ᠪᠦᠷᠢᠯᠳᠦᠭᠰᠡᠨ ᠰᠡᠩᠭᠡ ᠠᠬᠠ ᠮᠢᠨᠢ ᠪᠤᠷᠬᠠᠳ ᠤ᠋ᠨ ᠳᠤᠮᠳᠠ ᠦᠯᠡᠳᠡᠭᠰᠡᠨ ᠶᠦᠮ᠃ ᠥᠨᠳᠥᠷ ᠭᠡᠭᠡᠨ ᠦ᠌ ᠤᠷᠠᠯᠠᠭᠰᠠᠨ ᠵᠠᠷᠢᠮ ᠨᠢᠭᠡᠨ ᠪᠤᠷᠬᠠᠨ ᠤ᠋ ᠳᠦᠷᠢ ᠳ᠋ᠦ᠍ ᠰᠡᠩᠭᠡ ᠠᠬᠠ ᠪᠣᠢ ᠭᠡᠮᠡᠨ ᠰᠠᠨᠠᠭᠳᠠᠨᠠ᠃ ᠰᠡᠩᠭᠡ ᠠᠬᠠ ᠪᠢᠳᠡ ᠬᠣᠶᠠᠷ ᠣᠢᠷᠠᠬᠠᠨ ᠴᠤ᠌ ᠶᠤᠮ ᠰᠢᠭ᠋᠂ ᠬᠣᠯᠠ ᠴᠤ᠌ ᠶᠤᠮ ᠰᠢᠭ᠋ ᠪᠠᠢᠭᠰᠠᠭᠠᠷ ᠪᠠᠢᠯᠠ᠃ ᠠᠬᠠ ᠬᠠᠭᠠᠨ ᠤ᠋ ᠬᠣᠢᠨᠠᠠ᠋ᠴᠠ ᠲᠠᠢᠳᠬᠤᠷᠠᠰᠢ ᠦᠭᠡᠢ ᠶᠡᠬᠡ ᠪᠡᠷ ᠭᠠᠰᠢᠭᠤᠳᠠᠵᠤ ᠪᠢᠯᠡ᠃ ᠬᠥᠬᠡᠨᠠᠭᠤᠷ ᠤ᠋ᠨ ᠬᠥᠬᠡ ᠲᠠᠯᠠᠠ᠋ᠴᠠ ᠡᠭᠦᠷᠢᠳᠡ ᠰᠠᠯᠵᠤ ᠪᠠᠢᠭᠠ ᠪᠠᠨ ᠳᠠᠩᠴᠤ ᠮᠡᠳᠡᠭᠡ ᠦᠭᠡᠢ ᠶᠦᠮ᠃ ᠣᠢᠷᠠᠳ ᠬᠥᠮᠦᠰ ᠲᠦ᠍
ᠰᠡᠳᠬᠢᠯ ᠬᠦᠷᠲᠡᠭᠡᠵᠦ᠂ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨ ᠲᠥᠷᠥ ᠶ᠋ᠢᠨ ᠬᠡᠷᠡᠭ ᠲᠦ᠍ ᠵᠢᠳᠬᠦᠨ ᠬᠡᠰᠡᠭ ᠬᠤᠭᠤᠴᠠᠭᠠ ᠰᠡᠩᠭᠡ ᠠᠬᠠ ᠨᠠᠳᠠ ᠳ᠋ᠤ᠌
ᠲᠠᠭᠠᠲᠠᠢ᠂ ᠳᠠᠭᠠ ᠦᠭᠡᠢ ᠬᠣᠶᠠᠷ ᠶᠠᠩᠵᠤ ᠪᠠᠷ
ᠬᠠᠨᠳᠤᠳᠠᠭ ᠪᠠᠢᠪᠠ᠃
ᠰᠡᠩᠭᠡ ᠠᠬᠠ ᠶ᠋ᠢᠨ ᠢᠲᠡᠭᠡᠮᠡᠲᠡᠭᠡᠢ ᠭᠡᠨᠡᠨ ᠵᠠᠩ ᠲᠡᠭᠦᠨ ᠦ᠌ ᠠᠮᠢ ᠨᠠᠰᠤ ᠶ᠋ᠢ ᠠᠪᠴᠤ ᠣᠳᠤᠯᠠ᠃ ᠪᠤᠷᠬᠠᠨ ᠪᠠᠢᠪᠠᠴᠤ ᠮᠢᠬᠠ ᠴᠢᠰᠤᠨ ᠳ᠋ᠤ᠌
ᠲᠥᠷᠥᠭᠰᠡᠨ ᠪᠡᠶᠡ ᠶ᠋ᠢ ᠳᠠᠭᠠᠭᠠᠨᠠ ᠭᠡᠳᠡᠭ
ᠬᠤᠳᠠᠯ ᠪᠤᠰᠤ ᠤᠤ?
ᠶᠠᠭᠤ ᠦᠨᠡᠨ ᠪᠣᠢ? ᠲᠥᠷᠥᠬᠦ ᠦᠨᠡᠨ᠂
ᠦᠬᠦᠬᠦ ᠦᠨᠡᠨ᠃ ᠲᠥᠷᠥᠬᠦ᠂ ᠦᠬᠦᠬᠦ ᠦᠨᠡᠨ ᠦ᠌ ᠬᠣᠭᠣᠷᠣᠨᠳᠣ ᠬᠷᠸᠠ
ᠪᠠᠭᠲᠠᠨᠠ᠃ ᠰᠡᠩᠭᠡ ᠠᠬᠠ ᠶ᠋ᠢᠨ
ᠠᠮᠢᠳᠤᠷᠠᠯ ᠦᠨᠡᠨ ᠳ᠋ᠦ᠍ ᠭᠦᠢᠴᠡᠭᠳᠡᠭᠰᠡᠨ ᠪᠢᠯᠡ᠃
ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠠᠷᠢᠭᠤᠨ ᠰᠦᠨᠡᠰᠦᠨ ᠳ᠋ᠦ᠍ ᠮᠥᠷᠭᠥᠵᠦ ᠶᠠᠪᠤᠶᠠ ᠭᠡᠮᠡᠨ ᠭᠠᠯᠳᠠᠨ ᠳᠠᠭᠠᠳᠬᠠᠪᠠ᠃
ᠶᠢᠰᠦ
ᠨᠢᠭᠡ ᠨᠡᠷᠡ ᠭᠠᠯᠳᠠᠨ ᠨᠠᠮᠠᠶ᠋ᠢ
ᠪᠣᠱᠣᠭᠲᠤ ᠬᠡᠮᠡᠮᠦᠢ ᠤᠰᠤ ᠭᠣᠣᠯ ᠨᠢ
ᠤᠷᠤᠰᠤᠭᠠᠳ᠂ ᠤᠷᠤᠰᠤᠭᠠᠳ ᠲᠤᠨᠲᠠᠷᠠᠨᠠ ᠭᠡᠵᠦ ᠦᠭᠡᠢ ᠤᠷᠭᠤᠮᠠᠯ ᠡᠪᠡᠰᠦ ᠨᠢ
ᠬᠠᠭᠳᠠᠷᠠᠭᠠᠳ᠂ ᠬᠠᠭᠳᠠᠷᠠᠭᠠᠳ ᠪᠠᠷᠠᠭᠳᠠᠨᠠ ᠭᠡᠵᠦ ᠦᠭᠡᠢ
ᠭᠠᠯᠳᠠᠨ ᠤ᠋ ᠪᠡᠶᠡ ᠤᠷᠤᠰᠤᠨᠠ
ᠭᠠᠯᠳᠠᠨ ᠤ᠋ ᠪᠡᠶᠡ ᠤᠷᠭᠤᠨᠠ
ᠳᠥᠷᠪᠡᠨ ᠣᠢᠷᠠᠳ ᠢ᠋ ᠳᠥᠷᠦᠭᠡᠨ ᠳᠡᠭᠡᠷᠡ ᠪᠡᠨ
ᠪᠤᠰᠬᠠᠪᠠ ᠪᠢ!
ᠵᠡᠭᠦᠨᠭᠠᠷ ᠤ᠋ᠨ ᠤᠯᠤᠰ ᠢ᠋
ᠵᠢᠷᠦᠬᠡᠨ ᠲᠠᠮᠢᠷ ᠢ᠋ᠶ᠋ᠠᠷ ᠨᠢᠭᠡᠳᠬᠡᠪᠡ ᠪᠢ!
ᠠᠷᠪᠠ
ᠵᠤᠯᠠᠢ ᠶ᠋ᠢ ᠭᠢᠰᠬᠢᠭᠰᠡᠨ ᠳᠡᠭᠦᠦ ᠶ᠋ᠢᠨ ᠨᠡᠷᠡ ᠪᠤᠮ᠃ ᠲᠡᠭᠦᠨ ᠦ᠌ ᠴᠣᠯᠠ ᠶ᠋ᠢ ᠡᠷᠳᠡᠨᠢ ᠲᠡᠢᠰᠢ ᠬᠡᠮᠡᠮᠦᠢ᠃ ᠲᠡᠭᠦᠨ ᠦ᠌ ᠠᠴᠢ ᠳᠠᠸᠠᠴᠢ ᠮᠥᠨ᠃ ᠳᠠᠸᠠᠴᠢ ᠳ᠋ᠤ᠌ ᠮᠠᠨᠵᠤ ᠨᠠᠷ ᠴᠢᠨ ᠸᠠᠩ ᠴᠣᠯᠠ ᠡᠷᠭᠦᠮᠵᠢᠯᠡᠵᠡᠢ᠃ ᠳᠠᠸᠠᠴᠢ ᠪᠣᠯ ᠦᠯᠢᠭᠡᠷ ᠲᠦ᠍ ᠭᠠᠷᠳᠠᠭ ᠢᠷᠣᠠ ᠵᠥᠩᠨᠡᠭᠰᠡᠨ ᠬᠥᠬᠡ ᠰᠠᠯᠬᠢ ᠰᠢᠭ᠋ ᠬᠡᠢᠰᠴᠦ ᠢᠷᠡᠳᠡᠭ ᠭᠠᠢ ᠶᠤᠮ᠃ ᠳᠠᠸᠠᠴᠢ ᠨᠢᠭᠡ ᠡᠳᠦᠷ ᠠᠪᠠᠭᠠ ᠠᠬᠠ ᠴᠦᠬᠦᠢ ᠤᠪᠠᠰᠢ ᠲᠠᠢ ᠠᠭᠤᠯᠵᠠᠵᠠᠢ᠃ ᠴᠦᠬᠦᠢ ᠤᠪᠠᠰᠢ ᠶ᠋ᠢᠨ ᠨᠢᠳᠦ ᠪᠤᠯᠠᠩᠭᠢᠷ ᠲᠠᠢ ᠪᠠᠢᠪᠠ᠃
— ᠳᠠᠸᠠᠴᠢ ᠴᠢ ᠬᠠᠮᠢᠭᠠ ᠬᠦᠷᠦᠨᠡ?
— ᠬᠠᠭᠠᠨ ᠰᠡᠩᠭᠡ ᠶ᠋ᠢᠨ ᠥᠷᠭᠥᠭᠡ ᠶ᠋ᠢ ᠵᠣᠷᠢᠵᠤ ᠶᠠᠪᠤᠨᠠ᠃
— ᠬᠠᠭᠠᠨ ᠬᠣᠣᠷᠯᠠᠭᠳᠠᠭᠰᠠᠨ ᠁
— ᠬᠡᠵᠢᠶᠡ ᠲᠡᠷᠡ ᠪᠣᠢ? ᠬᠡᠨ ᠡᠭᠦᠨ ᠢ᠋ ᠬᠢᠪᠡ? ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨ ᠰᠠᠭᠤᠳᠠᠯ ᠡᠵᠡᠭᠦᠢᠷᠡᠭᠰᠡᠨ ᠤᠤ? ᠵᠥᠪ ᠳᠡ ᠬᠦ᠂ ᠣᠳᠣ ᠬᠥᠳᠡᠯᠬᠦ ᠴᠠᠭ ᠪᠣᠯᠤᠯᠠ᠃ᠳᠠᠸᠠᠴᠢ ᠶ᠋ᠢ ᠦᠭᠡ ᠪᠡᠨ ᠤᠷᠤᠰᠬᠠᠵᠤ ᠳᠠᠭᠤᠰᠤᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠴᠦᠬᠦᠢ ᠤᠪᠠᠰᠢ᠂
— ᠬᠡᠷᠢᠶᠡ ᠪᠠᠷᠬᠢᠷᠠᠬᠤ ᠪᠣᠯᠤᠭᠠ ᠦᠭᠡᠢ ᠪᠠᠢᠨᠠ ᠭᠡᠪᠡ᠃
ᠳᠠᠸᠠᠴᠢ ᠶ᠋ᠢᠨ ᠨᠢᠭᠤᠷ ᠴᠢᠨᠦᠷᠡᠨ ᠤᠯᠠᠢᠵᠤ᠂
— ᠴᠦᠬᠦᠢ ᠤᠪᠠᠰᠢ ᠲᠠᠨ ᠤ᠋ ᠪᠠᠭᠠᠯᠵᠠᠭᠤᠷ ᠢ᠋ ᠰᠢᠭᠠᠬᠤ ᠶᠤᠮᠰᠠᠨ᠂ ᠨᠠᠮᠠᠶ᠋ᠢ ᠶᠠᠭᠤᠨ ᠳ᠋ᠤ᠌ ᠲᠤᠷᠰᠢᠪᠠ᠃ ᠬᠡᠷᠪᠡ ᠳᠠᠸᠠᠴᠢ ᠮᠢᠨᠦ ᠰᠠᠨᠠᠭᠠ ᠶ᠋ᠢ ᠬᠠᠭᠠᠨ ᠮᠡᠳᠡᠪᠡᠯ ᠨᠠᠳᠠᠳᠤ ᠬᠦᠢᠲᠡᠨ ᠮᠡᠰᠡ ᠡᠮᠬᠦᠭᠦᠯᠦᠨᠡ᠃ ᠲᠠ ᠰᠠᠨᠠᠭᠠ ᠪᠠᠨ
ᠬᠡᠯᠡ ᠭᠡᠮᠡᠨ ᠲᠦᠷᠢᠮᠳᠡᠨ ᠰᠢᠬᠠᠵᠠᠢ᠃
ᠴᠦᠬᠦᠢ ᠤᠪᠠᠰᠢ ᠴᠠᠷ ᠲᠠᠢ ᠢᠨᠢᠶᠡᠵᠦ᠂
— ᠬᠠᠭᠠᠨ ᠰᠠᠭᠤᠳᠠᠯ ᠳ᠋ᠤ᠌ ᠬᠡᠨ ᠲᠣᠬᠢᠷᠠᠨᠠ ᠭᠡᠵᠦ ᠠᠰᠠᠭᠤᠵᠠᠢ᠃ ᠳᠠᠸᠠᠴᠢ
ᠬᠠᠷᠢᠭᠤ ᠳ᠋ᠤ᠌ ᠨᠢ᠂
— ᠪᠢ ᠲᠣᠬᠢᠷᠠᠨᠠ ᠭᠡᠵᠦ ᠢᠴᠢᠩᠭᠦᠪᠲᠦᠷ ᠲᠡᠢ ᠥᠴᠢᠪᠡ᠃
ᠮᠣᠭᠠᠢ ᠶ᠋ᠢᠨ ᠬᠦᠵᠦᠭᠦᠨ ᠡᠴᠡ ᠠᠳᠬᠤᠬᠤ ᠵᠣᠷᠢᠭ ᠲᠠᠢ ᠵᠢᠷᠦᠬᠡᠲᠡᠨ ᠣᠯᠬᠤ ᠪᠠᠷ ᠰᠢᠨᠠᠯᠵᠤ ᠶᠠᠪᠤᠭᠰᠠᠨ ᠴᠦᠬᠦᠢ ᠤᠪᠠᠰᠢ ᠴᠠᠷ ᠢ᠋ᠶ᠋ᠠᠨ ᠨᠢᠯᠪᠤᠵᠤ᠂
— ᠰᠥᠨᠢ ᠠᠭᠤᠯᠵᠠᠶᠠ ᠭᠡᠪᠡ᠃
ᠳᠠᠸᠠᠴᠢ ᠶ᠋ᠢᠨ ᠨᠡᠷᠡ ᠮᠣᠩᠭᠣᠯ ᠠᠢᠮᠠᠭ ᠲᠤ᠌ ᠳᠠᠩᠰᠠ ᠦᠭᠡᠢ ᠦᠯᠡᠳᠡᠵᠡᠢ᠃ ᠳᠠᠸᠠᠴᠢ ᠨᠢ ᠠᠬᠠ ᠪᠤᠮ ᠤ᠋ᠨ ᠵᠡᠭᠦᠨ ᠬᠠᠴᠠᠷ ᠳᠠᠭᠠᠨ ᠲᠣᠳᠣ ᠬᠠᠷᠠ ᠮᠡᠩᠭᠡ ᠲᠡᠢ ᠪᠢᠯᠡ᠃ ᠲᠡᠷᠡ ᠬᠥᠪᠡᠭᠦᠨ ᠲᠠᠪᠲᠤᠷ ᠦᠭᠡᠢ ᠪᠡᠷ ᠢ᠋ᠶ᠋ᠡᠨ ᠴᠤᠤᠲᠠᠢ ᠪᠠᠢᠪᠠ᠃ ᠲᠡᠭᠦᠨ ᠦ᠌ ᠬᠥᠬᠡ ᠰᠠᠯᠬᠢ ᠯᠤᠭᠠ ᠬᠥᠩᠭᠡᠨ ᠵᠠᠩ ᠢ᠋ ᠴᠥᠭᠦᠢ ᠤᠪᠠᠰᠢ ᠡᠭᠡᠵᠡᠭ ᠢ᠋ ᠨᠢ ᠣᠯᠵᠤ ᠠᠰᠢᠭᠯᠠᠪᠠ᠃
ᠴᠡᠴᠡᠨ ᠵᠤᠳᠪᠠᠪᠠᠭᠠᠳᠤᠷ ᠬᠣᠶᠠᠷ ᠢ᠋
ᠴᠦᠯᠡᠭᠰᠡᠨ᠃ ᠳᠠᠸᠠᠴᠢ ᠳ᠋ᠤ᠌ ᠵᠤᠯᠤᠮᠠ ᠡᠮᠬᠦᠭᠦᠯᠵᠦ ᠬᠣᠷᠣᠭᠠᠭᠰᠠᠨ᠃
ᠪᠤᠮ ᠠᠬᠠ ᠶ᠋ᠢᠨ ᠠᠴᠢ ᠬᠥᠪᠡᠭᠦᠨ ᠳᠠᠸᠠᠴᠢ ᠦᠬᠦᠵᠦ ᠲᠡᠭᠦᠰᠪᠡ᠃ ᠪᠤᠮ ᠡᠷᠳᠡᠨᠢ ᠶ᠋ᠢᠨ ᠶᠠᠰᠤᠨ ᠲᠥᠷᠥᠯ ᠦᠷᠭᠦᠯᠵᠢᠯᠡᠵᠦ ᠤᠯᠠᠮ ᠥᠳᠬᠡᠷᠡᠵᠦ ᠪᠢᠯᠡ᠃
ᠠᠷᠪᠠᠨ ᠨᠢᠭᠡ
ᠨᠣᠶᠠᠨ ᠳᠣᠷᠵᠢᠵᠠᠪ ᠢ᠋ ᠶᠠᠭᠠᠬᠢᠨ ᠮᠠᠷᠲᠠᠬᠤ ᠪᠢᠯᠡ᠃ ᠳᠡᠭᠦᠦ ᠨᠣᠶᠠᠨ ᠢ᠋ ᠭᠠᠯᠳᠠᠨ ᠪᠡᠯᠡᠭ ᠰᠡᠯᠲᠡ ᠶ᠋ᠢᠨ ᠬᠠᠮᠲᠤ ᠭᠤᠷᠪᠠᠨ ᠵᠠᠭᠤᠨ ᠴᠡᠷᠢᠭ ᠳᠠᠭᠠᠭᠤᠯᠤᠨ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠳ᠋ᠤᠷ
ᠢᠯᠡᠭᠡᠪᠡ᠃
ᠤᠭ ᠨᠢ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠨᠤᠲᠤᠭ ᠢ᠋ᠶ᠋ᠠᠷ ᠣᠳᠤᠭᠰᠠᠨ ᠪᠣᠯ ᠵᠠᠮ ᠴᠡᠪᠡᠷ ᠪᠠᠢᠵᠠᠢ᠃ ᠬᠥᠬᠡᠬᠣᠲᠠ ᠪᠠᠷ ᠢᠯᠠᠭᠤᠭᠰᠠᠨ ᠬᠤᠲᠤᠭᠲᠤ ᠳ᠋ᠤ᠌ ᠪᠠᠷᠠᠭᠠᠯᠬᠠᠯᠠᠵᠣ ᠬᠡᠯᠡ ᠮᠡᠳᠡᠭᠡ ᠳᠣᠭᠣᠯᠭᠠᠭᠠᠳ ᠶᠠᠪᠤᠭᠤᠯᠬᠤ ᠪᠠᠢᠭᠰᠠᠨ ᠶᠤᠮ᠃
ᠭᠡᠲᠡᠯᠡ ᠳᠣᠷᠵᠢᠵᠠᠪ ᠨᠣᠶᠠᠨ᠂
— ᠠᠷᠤ ᠬᠠᠯᠬᠠ ᠶ᠋ᠢᠨ ᠨᠤᠲᠤᠭ ᠢ᠋ᠶ᠋ᠠᠷ ᠨᠡᠪᠲᠡᠷᠡᠵᠦ ᠮᠠᠨᠵᠤᠤᠷ ᠣᠷᠣᠬᠤ ᠲᠦᠳᠡ ᠵᠠᠮ ᠪᠣᠢ ᠭᠡᠮᠡᠨ ᠭᠠᠯᠳᠠᠨ ᠳ᠋ᠤ᠌ ᠪᠠᠷᠠᠯᠬᠠᠬᠤ ᠳ᠋ᠠᠭᠠᠨ ᠬᠡᠯᠡᠭᠰᠡᠨ ᠶᠦᠮ᠃ ᠬᠠᠭᠠᠨ ᠭᠠᠯᠳᠠᠨ᠂
— ᠲᠦᠳᠡ ᠶ᠋ᠢ ᠬᠠᠷᠠᠵᠤ ᠳᠥᠷᠪᠡ ᠬᠣᠨᠣᠯᠠ ᠭᠡᠳᠡᠭ᠃ ᠢᠯᠠᠭᠤᠭᠰᠠᠨ ᠬᠤᠲᠤᠭᠲᠤ ᠳ᠋ᠤ᠌ ᠰᠠᠶᠢᠪᠲᠤᠷ ᠡᠯᠴᠢ ᠵᠠᠷᠤᠭᠰᠠᠨ᠃ ᠮᠠᠨᠵᠤ ᠨᠠᠷ ᠠᠷᠤ ᠬᠠᠯᠬᠠ ᠶ᠋ᠢ ᠬᠦᠯᠬᠦᠬᠦ ᠰᠠᠨᠠᠭᠠ ᠲᠠᠢ ᠳ᠋ᠠᠭ᠃ ᠲᠡᠳᠡᠨ ᠡᠴᠡ ᠤᠷᠢᠲᠠᠵᠤ ᠮᠢᠩᠭᠠᠨ ᠯᠠᠮᠠ ᠬᠠᠯᠬᠠ ᠳ᠋ᠤ᠌ ᠣᠷᠣᠭᠤᠯᠵᠤ᠂ ᠮᠠᠨᠵᠤ ᠶ᠋ᠢᠨ ᠲᠦᠷᠢᠮᠡᠬᠡᠢ ᠪᠣᠳᠣᠯ ᠢ᠋ ᠲᠠᠨᠢᠭᠤᠯᠬᠤ ᠶ᠋ᠢ ᠢᠯᠠᠭᠤᠭᠰᠠᠨ ᠬᠤᠲᠤᠭᠲᠤ ᠳ᠋ᠤ᠌ ᠰᠠᠨᠠᠯ ᠪᠣᠯᠭᠠᠭᠰᠠᠨ᠃ ᠮᠢᠨᠦ ᠰᠠᠨᠠᠭᠠ ᠬᠤᠲᠤᠭᠲᠤ ᠶ᠋ᠢᠨ ᠰᠠᠨᠠᠭᠠᠨ ᠳ᠋ᠤ᠌ ᠨᠡᠢᠴᠡᠨᠡ ᠭᠡᠳᠡᠭ ᠲᠦ᠍ ᠢᠲᠡᠭᠡᠯ ᠲᠡᠢ ᠪᠠᠢᠨᠠ᠃ ᠳᠣᠷᠵᠢᠵᠠᠪ ᠲᠠ ᠶᠠᠪᠤᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠪᠤ᠃ ᠬᠢᠴᠢᠶᠡᠯᠲᠡᠢ ᠬᠢᠨᠠᠮᠠᠭᠠᠢ ᠶᠠᠪᠤᠭᠠᠷᠠᠢ ᠭᠡᠮᠡᠨ ᠥᠭᠦᠯᠡᠪᠡ᠃ᠨᠣᠶᠠᠨ ᠳᠣᠷᠵᠢᠵᠠᠪ ᠨᠡᠭᠡᠭᠡᠯᠲᠡ ᠲᠡᠢ ᠡᠭᠦᠳᠡ ᠪᠡᠷ ᠠᠭᠤᠯᠠᠰ ᠤ᠋ᠨ ᠵᠦᠭ ᠬᠠᠷᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠂
— ᠥᠯᠥᠰᠦᠭᠰᠡᠨ ᠴᠢᠨᠣᠠ ᠨᠢᠭᠡᠨ ᠢ᠋ᠶ᠋ᠡᠨ ᠪᠠᠷᠢᠳᠠᠭ ᠦᠭᠡᠢ ᠪᠢᠵᠡ ᠳᠡ ᠭᠡᠵᠦ ᠠᠰᠠᠭᠤᠵᠤ ᠬᠠᠷᠢᠭᠤᠯᠬᠤ ᠶ᠋ᠢᠨ ᠬᠣᠭᠣᠷᠣᠨᠳᠣ ᠬᠡᠯᠡᠪᠡ᠃
ᠳᠣᠷᠵᠢᠵᠠᠪ ᠤ᠋ᠨ ᠪᠡᠯᠡᠳᠬᠡᠯ ᠰᠠᠢᠲᠠᠢ ᠲᠣᠷᠭᠠᠨ ᠴᠡᠷᠢᠭ ᠬᠥᠲᠥᠯᠦᠭᠡ ᠮᠣᠷᠢ ᠲᠠᠢ ᠣᠢᠷᠠᠳ ᠠ᠋ᠴᠠ ᠮᠣᠷᠳᠠᠭᠰᠠᠨ ᠶᠤᠮ᠃ᠲᠦᠰᠢᠶᠡᠲᠦ ᠬᠠᠨ ᠴᠠᠭᠳᠳᠣᠷᠵᠢ᠂
— ᠳᠣᠷᠵᠢᠵᠠᠪ ᠢ᠋ ᠴᠠᠭᠠᠵᠠᠯᠠ! ᠵᠢᠭᠤᠲᠠᠭᠰᠠᠨ ᠴᠡᠷᠢᠭ ᠦ᠋ᠳ ᠢ᠋ ᠬᠥᠭᠡᠭᠡᠵᠦ ᠭᠦᠢᠴᠡᠭᠡᠳ ᠴᠠᠪᠴᠢᠵᠤ ᠠᠯᠠ ᠭᠡᠮᠡᠨ ᠣᠩᠭᠣᠨ ᠴᠠᠭᠠᠨ ᠴᠠᠢᠳᠠᠮ ᠳ᠋ᠤ᠌ ᠠᠭᠤᠷᠰᠠᠨ ᠬᠠᠰᠬᠢᠷᠤᠭᠰᠠᠨ ᠢ᠋ ᠬᠣᠵᠢᠮ ᠰᠣᠨᠣᠰᠬᠤ ᠳ᠋ᠤ᠌ ᠵᠢᠷᠦᠬᠡᠨ ᠦ᠌ ᠤᠭ ᠲᠤ᠌ ᠡᠪᠡᠳᠵᠦ ᠪᠢᠯᠡ᠃ ᠡᠨᠡ ᠬᠡᠷᠡᠭ ᠶᠠᠪᠤᠳᠠᠯ ᠳ᠋ᠤ᠌ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠳᠠᠪᠤᠰᠤ ᠰᠠᠴᠤᠭᠰᠠᠨ ᠪᠠᠢᠵᠠᠢ᠃
ᠳᠣᠷᠵᠢᠵᠠᠪ ᠨᠣᠶᠠᠨ ᠢ᠋ ᠴᠠᠭᠠᠵᠠᠯᠠᠭᠰᠠᠨ ᠲᠤᠯᠠ ᠬᠠᠭᠠᠨ ᠭᠠᠯᠳᠠᠨ ᠢ᠋ ᠠᠷᠤ ᠬᠠᠯᠬᠠ ᠶ᠋ᠢ ᠥᠷᠥᠰᠢᠶᠡᠬᠦ ᠰᠡᠳᠬᠢᠯ ᠦᠭᠡᠢ ᠪᠣᠯᠭᠠᠪᠠ᠃ ᠴᠠᠭᠳᠳᠣᠷᠵᠢ ᠭᠠᠯᠳᠠᠨ ᠳ᠋ᠤ᠌ ᠳᠤᠷᠠ ᠦᠭᠡᠢ᠂ ᠮᠠᠨᠵᠤ ᠳ᠋ᠤ᠌ ᠳᠤᠷᠠᠲᠠᠢ ᠪᠠᠢᠭᠰᠠᠨ ᠢ᠋ ᠲᠡᠭᠡᠬᠦ ᠳ᠋ᠦ᠍ ᠮᠡᠳᠡᠭᠰᠡᠨ ᠶᠦᠮ᠃
ᠠᠷᠪᠠᠨ ᠬᠣᠶᠠᠷ
ᠡᠴᠢᠭᠡ ᠨᠢᠭᠡᠲᠦ ᠨᠢᠭᠡ ᠳᠡᠭᠦᠦ ᠶ᠋ᠢ ᠨᠢ ᠫᠣᠩᠰᠤᠭᠳᠠᠰᠢ ᠬᠡᠮᠡᠬᠦ ᠪᠦᠯᠦᠭ᠃ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠦᠵᠦᠮᠦᠴᠢᠨ ᠡᠬᠡᠨᠡᠷ ᠡᠴᠡ ᠲᠥᠷᠥᠭᠰᠡᠨ ᠫᠣᠩᠰᠣᠭᠳᠠᠰᠢ ᠠᠭᠤᠷ ᠲᠠᠢ ᠲᠣᠭᠰᠢᠨ ᠬᠥᠮᠦᠨ ᠪᠠᠢᠵᠠᠢ᠃ ᠫᠣᠩᠰᠤᠭᠳᠠᠰᠢ ᠬᠣᠰᠢᠭᠤ ᠨᠣᠶᠠᠨ ᠤ᠋ ᠪᠠᠨ ᠳᠠᠭᠵᠠ ᠶ᠋ᠢ ᠲᠠᠰᠢᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠥᠮᠥ ᠴᠣᠬᠢᠵᠤ ᠠᠯᠠᠭᠠᠳ ᠬᠣᠰᠢᠭᠤ ᠨᠣᠶᠠᠨ ᠪᠣᠯᠪᠠ᠃ ᠨᠣᠶᠠᠨ ᠰᠠᠭᠤᠭᠰᠠᠨ ᠤ᠋ ᠪᠠᠨ ᠳᠠᠷᠠᠭᠠ ᠴᠡᠷᠢᠭ ᠦ᠋ᠨ ᠠᠭᠲᠠ ᠭᠠᠷᠭᠠᠵᠤ ᠥᠭᠭᠦᠭᠰᠡᠨ ᠦᠭᠡᠢ ᠭᠡᠮᠡᠨ ᠲᠠᠢᠵᠢ ᠪᠡᠭᠡᠵᠦ ᠶ᠋ᠢ ᠴᠣᠬᠢᠵᠤ ᠠᠯᠠᠭᠠᠳ ᠬᠣᠰᠢᠭᠤ ᠨᠣᠶᠠᠨ ᠤ᠋ ᠰᠠᠭᠤᠳᠠᠯ ᠠ᠋ᠴᠠ ᠬᠣᠪᠬᠣᠷᠠᠪᠠ᠃
ᠫᠣᠩᠰᠣᠭᠳᠠᠰᠢ ᠶ᠋ᠢᠨ ᠠᠴᠢ ᠬᠦᠦ ᠭᠠᠯᠵᠠᠳᠳᠣᠷᠵᠢ ᠨᠡᠯᠢᠶᠡᠳ ᠬᠣᠵᠢᠭᠤ ᠴᠣᠷᠣᠰ ᠬᠠᠨ ᠡᠷᠭᠦᠮᠵᠢᠯᠡᠭᠳᠡᠵᠦ ᠲᠤᠭ ᠪᠠᠷᠢᠵᠤ ᠶᠠᠪᠤᠪᠠ᠃
ᠠᠷᠪᠠᠨ ᠭᠤᠷᠪᠠ
ᠡᠴᠢᠭᠡ ᠶ᠋ᠢᠨ ᠨᠠᠢ᠍ᠮᠠᠨ ᠬᠠᠲᠤᠨ ᠠ᠋ᠴᠠ ᠲᠥᠷᠥᠭᠰᠡᠨ ᠠᠷᠪᠠᠨ ᠨᠢᠭᠡᠨ ᠬᠥᠪᠡᠭᠦᠨ ᠦ᠌ ᠳᠣᠲᠣᠷᠠ ᠠ᠋ᠴᠠ ᠪᠢᠴᠢᠭ ᠦ᠋ᠨ ᠮᠥᠷ ᠬᠥᠭᠡᠭᠡᠭᠰᠡᠨ ᠨᠢ ᠲᠠᠷᠮᠠ ᠶᠤᠮ᠃ ᠲᠠᠷᠮᠠ ᠬᠠᠭᠠᠨ ᠤ᠋ ᠳᠣᠲᠣᠭᠠᠳᠤ ᠨᠣᠮ ᠤ᠋ᠨ ᠥᠷᠭᠥᠭᠡ ᠶ᠋ᠢ ᠡᠮᠬᠢᠯᠡᠵᠦ ᠴᠡᠭᠴᠡ ᠲᠡᠢ ᠪᠣᠯᠭᠠᠪᠠ᠃ ᠲᠥᠪᠡᠳ ᠡᠴᠡ ᠢᠷᠡᠭᠡᠳ ᠰᠡᠩᠭᠡ ᠠᠬᠠ ᠶ᠋ᠢᠨ ᠳᠡᠷᠭᠡᠳᠡ ᠬᠡᠰᠡᠭ ᠬᠤᠭᠤᠴᠠᠭᠠ ᠶ᠋ᠢ ᠥᠩᠭᠡᠷᠡᠭᠡᠬᠦ ᠳ᠋ᠡᠭᠡᠨ ᠭᠠᠯᠳᠠᠨ ᠲᠥᠪᠡᠳ᠂ ᠬᠢᠲᠠᠳ᠂ ᠮᠠᠨᠵᠤ ᠵᠣᠬᠢᠶᠠᠯ ᠢ᠋ ᠲᠣᠳᠣ ᠦᠰᠦᠭ ᠢ᠋ᠶ᠋ᠡᠷ ᠬᠥᠷᠪᠡᠭᠦᠯᠦᠨ ᠪᠠᠭᠤᠯᠭᠠᠵᠤ ᠪᠢᠯᠡ᠃
ᠲᠡᠷᠡ ᠬᠦ᠌ ᠬᠥᠷᠪᠡᠭᠦᠯᠭᠡ ᠶ᠋ᠢ ᠲᠠᠷᠮᠠ ᠵᠢᠷᠤᠮᠯᠠᠨ ᠴᠡᠭᠴᠡᠯᠡᠵᠦ ᠳᠠᠭᠤᠰᠬᠠᠭᠠᠳ ᠨᠣᠮ ᠤ᠋ᠨ ᠮᠥᠷ ᠬᠥᠭᠡᠭᠡᠵᠦ ᠡᠨᠡᠳᠬᠡᠭ ᠭᠠᠵᠠᠷ ᠣᠳᠪᠠ᠃
ᠲᠠᠷᠮᠠ ᠶ᠋ᠢᠨ ᠴᠡᠭᠴᠡᠯᠡᠭᠰᠡᠨ ᠨᠣᠮ ᠪᠢᠴᠢᠭ ᠢ᠋ ᠠᠨᠤ ᠬᠠᠲᠤᠨ᠂ ᠠᠬᠠᠳᠠᠷᠠ ᠬᠠᠲᠤᠨ ᠬᠣᠶᠠᠭᠤᠯᠠ ᠤᠩᠰᠢᠵᠤ ᠪᠠᠷᠢᠨᠲᠠᠭ ᠪᠣᠭᠣᠯᠲᠠ ᠲᠠᠢ᠂ ᠮᠣᠳᠣᠨ ᠱᠣᠭᠣᠯ ᠲᠠᠢ ᠥᠷᠭᠥᠭᠡ ᠪᠣᠢ ᠪᠣᠯᠭᠠᠵᠠᠢ᠃ ᠨᠣᠮ ᠤ᠋ᠨ ᠥᠷᠭᠥᠭᠡ ᠶ᠋ᠢ ᠠᠬᠠᠳᠠᠷᠠ ᠬᠠᠲᠤᠨ ᠡᠵᠡᠮᠳᠡᠪᠡ᠃
ᠶᠡᠷᠦ ᠨᠢ ᠬᠠᠭᠠᠨ ᠤ᠋ ᠨᠣᠮ ᠤ᠋ᠨ ᠦᠷᠭᠦᠭᠡᠨ ᠳ᠋ᠦ᠍ ᠰᠢᠭᠤᠳ ᠠᠯᠬᠤᠵᠤ ᠣᠷᠣᠭᠰᠠᠨ ᠬᠥᠮᠦᠨ ᠪᠣᠯ ᠠᠬᠠᠳᠠᠷᠠ ᠬᠠᠲᠤᠨ ᠪᠠᠢᠯᠠ᠃ ᠲᠠᠷᠮᠠ ᠳᠡᠭᠦᠦ ᠡᠴᠡ ᠬᠣᠢᠰᠢᠬᠢ ᠭᠤᠷᠪᠠᠨ ᠦᠶᠡ ᠰᠠᠯᠠᠭᠠᠯᠠᠵᠤ ᠤᠷᠤᠰᠤᠭᠠᠳ ᠳᠣᠲᠣᠭᠠᠳᠤ ᠰᠢᠯᠤᠭᠤᠨ ᠬᠠᠷᠢ ᠶ᠋ᠢᠨ ᠮᠣᠩᠭᠣᠯ ᠬᠤᠰᠢᠭᠤᠨ ᠳ᠋ᠤ᠌ ᠨᠡᠢᠯᠡᠵᠦ ᠰᠤᠷᠠᠭ ᠠᠯᠳᠠᠷᠠᠪᠠ᠃
ᠠᠷᠪᠠᠨ ᠳᠥᠷᠪᠡ
ᠬᠣᠩ ᠲᠠᠢᠵᠢ ᠡᠷᠳᠡᠨᠢᠪᠠᠭᠠᠲᠤᠷ ᠤ᠋ᠨ ᠬᠥᠪᠡᠭᠦᠳ ᠦ᠋ᠨ ᠬᠤᠪᠢ ᠵᠠᠶᠠᠭᠠ ᠶ᠋ᠢ ᠲᠣᠪᠴᠢᠬᠠᠨ ᠲᠡᠮᠳᠡᠭᠯᠡᠵᠦ ᠦᠯᠡᠳᠡᠭᠡᠪᠡ᠃
ᠡᠴᠢᠭᠡ ᠨᠠᠢ᠍ᠮᠠᠨ ᠬᠠᠲᠤᠨ ᠲᠠᠢ ᠪᠠᠢᠪᠠ᠃ ᠨᠠᠢ᠍ᠮᠠᠨ ᠬᠠᠲᠤᠨ ᠠ᠋ᠴᠠ ᠠᠷᠪᠠᠨ ᠨᠢᠭᠡᠨ ᠰᠠᠯᠠᠭᠠ ᠤᠷᠭᠤᠵᠤ ᠰᠠᠯᠠᠭᠠ ᠪᠦᠷᠢ ᠨᠢ ᠮᠥᠴᠢᠷᠯᠡᠵᠦ ᠦᠷᠡ ᠵᠢᠮᠢᠰ ᠢ᠋ᠶ᠋ᠡᠨ ᠦᠯᠡᠳᠡᠭᠡᠵᠦ ᠡᠳᠦᠢ ᠬᠦᠷᠪᠡ᠃ ᠡᠴᠢᠭᠡ ᠶ᠋ᠢᠨ ᠦᠯᠡᠳᠡᠭᠡᠭᠰᠡᠨ ᠦᠷᠡ ᠵᠢᠮᠢᠰ ᠢ᠋ ᠴᠡᠪᠡᠷᠯᠡᠬᠦ ᠶ᠋ᠢ ᠬᠢᠴᠢᠶᠡᠭᠰᠡᠨ᠃ ᠵᠠᠷᠢᠮ ᠵᠢᠮᠢᠰ ᠢᠯᠵᠠᠷᠠᠵᠤ ᠮᠠᠭᠤᠳᠠᠵᠠᠢ᠃ ᠢᠯᠵᠠᠷᠠᠭᠰᠠᠨ ᠵᠢᠮᠢᠰ ᠢ᠋ ᠮᠥᠴᠢᠷ ᠡᠴᠡ ᠨᠢ ᠰᠠᠯᠭᠠᠵᠤ ᠬᠠᠶᠠᠪᠠ᠃ ᠵᠠᠷᠢᠮ ᠵᠢᠮᠢᠰ ᠬᠣᠣᠷ ᠲᠠᠢ ᠪᠠᠢᠪᠠ᠃ ᠨᠢᠭᠡ ᠦᠷᠡ ᠶ᠋ᠢᠨ ᠮᠣᠳᠣᠨ ᠠ᠋ᠴᠠ ᠰᠠᠢᠨ ᠪᠠ ᠮᠠᠭᠤ ᠵᠢᠮᠢᠰ ᠤᠷᠭᠤᠳᠠᠭ ᠠᠵᠢ᠃
ᠬᠠᠭᠠᠨ ᠭᠠᠯᠳᠠᠨ ᠤ᠋ ᠲᠡᠮᠳᠡᠭᠯᠡᠯ ᠳ᠋ᠦ᠍ ᠠᠬᠠ ᠳᠡᠭᠦᠦ ᠨᠠᠷ ᠤ᠋ᠨ ᠪᠣᠯᠤᠨ ᠳᠥᠷᠪᠡᠨ ᠣᠢᠷᠠᠳ ᠤ᠋ᠨ ᠨᠠᠮᠲᠠᠷ ᠲᠡᠦᠬᠡ ᠪᠢᠴᠢᠭᠳᠡᠬᠦ ᠲᠤᠯᠠ ᠪᠤᠭᠤᠷᠤᠯ ᠥᠲᠡᠭᠦᠰ᠂ᠦᠷᠡ ᠠᠴᠢ ᠨᠠᠷ ᠰᠣᠨᠢᠷᠬᠠᠬᠤ ᠨᠢ ᠵᠦᠢ᠃ ᠲᠥᠷᠥᠯ ᠠᠷᠠᠯᠵᠢᠭᠰᠠᠨ ᠨᠢᠭᠡᠨ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠶᠠᠮᠠᠷᠬᠠᠨ ᠪᠠᠶᠠᠨ ᠨᠠᠮᠲᠠᠷ ᠲᠠᠢ ᠪᠣᠢ᠃ ᠴᠠᠪ ᠴᠠᠭᠠᠨ ᠴᠠᠰᠤᠨ ᠳᠡᠭᠡᠷᠡ᠂ ᠮᠣᠯᠲᠣᠭᠴᠢᠨ ᠲᠠᠤᠯᠠᠢ ᠶ᠋ᠢᠨ ᠮᠥᠷ ᠰᠢᠭ ᠲᠣᠳᠣ ᠬᠠᠷᠠ ᠪᠢᠴᠢᠭ ᠢ᠋ᠶ᠋ᠡᠷ ᠪᠢᠴᠢᠪᠡᠢ᠃
ᠠᠷᠪᠠᠨ ᠲᠠᠪᠤ
ᠶᠠᠪᠤᠬᠤ ᠴᠠᠭ ᠪᠣᠯᠤᠭᠰᠠᠨ ᠢ᠋ ᠪᠢᠰᠬᠢᠭᠦᠷ ᠦ᠋ᠨ ᠣᠯᠢᠬᠤ ᠮᠡᠲᠦ ᠳᠠᠭᠤᠨ ᠵᠠᠷᠯᠠᠵᠤ᠂ ᠣᠢᠷᠠᠳ ᠤ᠋ᠨ ᠬᠣᠲᠠ ᠬᠦᠷᠢᠶᠡ ᠳᠡᠭᠡᠭᠦᠷ ᠲᠦᠭᠡᠪᠡ᠃ ᠲᠡᠭᠦᠨᠴᠡ ᠬᠥᠰᠬᠡ ᠬᠣᠯᠠᠳᠴᠤ ᠶᠠᠪᠤᠨᠠ᠃ ᠮᠣᠬᠣᠯᠠᠭᠲᠤ ᠲᠡᠷᠭᠡ᠂ ᠲᠡᠮᠡᠭᠡᠨ ᠲᠡᠷᠭᠡ᠂ ᠢᠳᠡᠰᠢ ᠶ᠋ᠢᠨ ᠦᠬᠡᠷ᠂ ᠬᠣᠲᠠᠴᠢ ᠨᠣᠬᠠᠢ ᠮᠡᠲᠦ ᠡᠴᠡ ᠬᠣᠯᠢᠯᠳᠤᠵᠤ ᠪᠠᠭᠰᠢᠷᠠᠭᠰᠠᠨ ᠨᠡᠭᠦᠳᠡᠯ ᠬᠣᠲᠠ ᠬᠦᠷᠢᠶᠡ ᠡᠴᠡ ᠬᠣᠯᠠᠳᠴᠠᠢ᠃ ᠨᠡᠭᠦᠳᠡᠯ ᠦ᠋ᠨ ᠴᠠᠭᠠᠨᠠ ᠬᠠᠭᠳᠠᠷᠠᠭᠰᠠᠨ ᠡᠪᠡᠰᠦ ᠨᠣᠭᠣᠭᠠᠨ ᠤ᠋ ᠲᠣᠭᠣᠰᠣᠨᠴᠢᠷ ᠲᠠᠲᠠᠵᠤ ᠲᠡᠷᠲᠡᠭᠡᠬᠢ ᠠᠯᠤᠰ ᠤ᠋ᠨ ᠠᠭᠤᠯᠠᠰ ᠪᠦᠳᠡᠭᠢᠷᠡᠨᠡ᠃ ᠴᠡᠴᠡᠭ ᠦ᠋ᠨ ᠲᠣᠭᠣᠰᠣ ᠶᠡᠬᠡ ᠪᠠᠢᠯᠠ᠃
ᠪᠤᠬᠠᠷ ᠭᠠᠵᠠᠷ ᠤᠷᠠᠯᠠᠭᠰᠠᠨ᠂ ᠺᠢᠷᠭᠢᠽ ᠴᠢᠮᠡᠭᠯᠡᠯ ᠪᠦᠬᠦᠢ ᠵᠢᠤᠵᠠ ᠲᠡᠷᠭᠡ ᠽᠠᠶᠠ ᠪᠠᠨᠳᠢᠳᠠ ᠭᠡᠭᠡᠨ ᠪᠣᠯᠤᠨ ᠭᠠᠯᠳᠠᠨ ᠢ᠋ ᠬᠦᠯᠢᠶᠡᠨᠡ᠃ ᠬᠥᠯᠦᠭᠰᠡᠨ ᠮᠣᠷᠢᠨ ᠤ᠋ ᠱᠠᠩᠬᠤ ᠲᠠᠯᠠ ᠤᠷᠲᠤ ᠪᠥᠭᠡᠳ ᠬᠣᠯᠠ ᠶ᠋ᠢᠨ ᠠᠶᠠᠨ ᠳ᠋ᠤ᠌ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠣᠳᠬᠤ ᠪᠠᠨ ᠲᠠᠭᠠᠮᠠᠭᠯᠠᠬᠤ ᠮᠡᠲᠦ ᠢᠵᠢᠯᠢ ᠰᠦᠷᠦᠭ ᠢ᠋ᠶ᠋ᠡᠨ ᠬᠠᠷᠠᠨ ᠬᠠᠮᠠᠷ ᠢ᠋ᠶ᠋ᠠᠨ ᠰᠠᠷᠲᠠᠯᠵᠠᠭᠤᠯᠤᠨ ᠲᠦᠬᠦᠭᠡᠯᠵᠡᠬᠦ ᠪᠥᠯᠥᠭᠡ᠃
ᠪᠢᠰᠬᠢᠭᠦᠷ ᠦ᠋ᠨ ᠳᠠᠭᠤ ᠨᠠᠮᠳᠠᠬᠤ ᠳ᠋ᠤ᠌ ᠭᠡᠭᠡᠨᠳᠡᠨ ᠢ᠋ ᠦᠳᠡᠵᠦ ᠪᠣᠢ
ᠬᠣᠲᠠ ᠬᠦᠷᠢᠶᠡ ᠶ᠋ᠢᠨ ᠬᠢᠨ ᠮᠥᠷᠭᠥᠯᠴᠢᠳ
ᠵᠠᠯᠪᠠᠷᠢᠯ ᠦᠢᠯᠡᠳᠴᠦ ᠴᠣᠭ ᠰᠢᠭ᠋ ᠨᠢᠳᠦ ᠪᠡᠨ
ᠠᠨᠢᠰᠬᠢᠨ ᠵᠢᠤᠵᠠ ᠳ᠋ᠤ᠌ ᠪᠠᠨ ᠰᠠᠭᠤᠪᠠ᠃ ᠡᠴᠢᠭᠡ ᠬᠠᠭᠠᠨ ᠭᠠᠯᠳᠠᠨ ᠤ᠋ ᠬᠥᠬᠥᠯ ᠢ᠋ ᠢᠯᠢᠵᠦ᠂
— ᠬᠣᠪᠢᠯᠭᠠᠨᠲᠠᠨ ᠳᠠᠭᠤᠳᠠᠵᠤ ᠪᠠᠢᠨᠠ ᠭᠡᠪᠡ᠃
ᠮᠥᠷᠭᠥᠯᠴᠢᠳ ᠰᠢᠲᠣᠯᠭᠡᠳᠡᠳ ᠭᠠᠵᠠᠷ ᠲᠤ᠌ ᠪᠣᠬᠢᠷᠴᠤ ᠰᠥᠭᠥᠳᠪᠡ᠃ ᠭᠡᠭᠡᠨᠲᠡᠨ ᠵᠠᠯᠪᠠᠷᠢᠭᠰᠠᠭᠠᠷ ᠰᠠᠭᠤᠨᠠ᠃
ᠬᠠᠲᠤᠨ ᠡᠬᠡ ᠶᠥᠮ ᠠᠭᠠ ᠵᠢᠤᠵᠠ ᠲᠡᠷᠭᠡᠨ ᠦ᠌ ᠬᠥᠨᠳᠡᠯᠡᠪᠴᠢ᠂ ᠮᠣᠷᠢᠨ ᠤ᠋ ᠮᠠᠩᠨᠠᠢ ᠳ᠋ᠤ᠌ ᠰᠦ ᠳᠤᠰᠤᠭᠠᠪᠠ᠃
ᠬᠥᠲᠥᠴᠢ ᠪᠠᠬᠢᠮ ᠡᠷᠡ《ᠴᠥᠬᠥ》ᠭᠡᠮᠡᠨ ᠰᠦᠷᠲᠡᠢ ᠤᠶᠠᠩᠭᠠᠯᠠᠨ ᠳᠠᠭᠤᠳᠠᠬᠤ ᠳ᠋ᠤ᠌ ᠡᠮᠡᠭᠡᠯ ᠦ᠋ᠨ ᠪᠦᠭᠦᠷᠭᠡᠨ ᠡᠴᠡ ᠪᠠᠷᠢᠴᠢᠬᠠᠭᠰᠠᠨ ᠴᠡᠷᠢᠭ ᠦ᠋ᠳ ᠳᠥᠷᠥᠭᠡ ᠪᠡᠨ ᠬᠠᠷᠰᠢᠭᠤᠯᠤᠨ ᠳᠠᠷᠬᠢᠲᠠᠯᠠ ᠮᠣᠷᠳᠠᠵᠤ᠂ ᠰᠡᠯᠡᠮᠡ ᠵᠢᠩᠭᠢᠷ ᠳᠤᠤᠭᠠᠷᠤᠯᠠ᠃
ᠬᠠᠷᠠ ᠡᠷᠴᠢᠰ ᠮᠥᠷᠡᠨ ᠦ᠌ ᠬᠥᠪᠡᠭᠡᠨ ᠡᠴᠡ ᠠᠩᠬᠠ ᠢᠩᠭᠢᠵᠦ ᠮᠣᠷᠳᠠᠭᠰᠠᠨ ᠪᠢᠯᠡ᠃ ᠬᠤᠰᠤᠨ ᠣᠢ ᠨᠢᠴᠦᠭᠦᠷᠡᠵᠦ ᠲᠤᠩ ᠴᠠᠭᠠᠨ ᠮᠥᠴᠢᠷ ᠦ᠋ᠳ ᠨᠢ ᠭᠤᠨᠢᠭᠲᠠᠢᠬᠠᠨ ᠰᠠᠷᠪᠠᠢᠬᠤ ᠠᠭᠠᠳ ᠨᠠᠷᠠᠰᠤ᠂ ᠬᠠᠷᠠ ᠮᠣᠳᠣᠨ ᠣᠢ ᠪᠡᠬᠢᠯᠳᠣᠨ ᠬᠠᠷᠠᠩᠭᠤᠢ ᠲᠠᠲᠠᠵᠤ᠂ ᠮᠣᠳᠣᠳ ᠤ᠋ᠨ ᠵᠠᠪᠰᠠᠷ ᠢ᠋ᠶ᠋ᠠᠷ ᠨᠠᠮᠤᠷ ᠤ᠋ᠨ ᠲᠤᠩᠭᠠᠯᠠᠭ ᠤᠰᠤᠨ ᠤ᠋ ᠭᠡᠭᠡ ᠲᠠᠲᠠᠨᠠ᠃
ᠲᠣᠮᠣ ᠠᠬᠠ ᠴᠡᠴᠡᠨ ᠨᠠᠮᠠᠶ᠋ᠢ ᠬᠥᠳᠡᠯᠬᠦ ᠡᠴᠡ ᠡᠮᠦᠨᠡᠬᠡᠨ ᠦᠷᠭᠦᠭᠡᠨ ᠦ᠌ ᠠᠷᠤ ᠳ᠋ᠤ᠌ ᠬᠥᠲᠥᠯᠵᠦ ᠠᠪᠠᠴᠢᠭᠠᠳ᠂
— ᠴᠢ ᠯᠠᠮᠠ ᠪᠣᠯᠤᠨᠠ ᠭᠡᠨᠡ᠃
— ᠲᠡᠢᠮᠦ ᠠ᠋᠂ ᠪᠢ ᠯᠠᠮᠠ ᠪᠣᠯᠤᠨᠠ ᠭᠡᠮᠡᠨ ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠬᠡᠯᠡᠲᠡᠯᠡ ᠴᠡᠴᠡᠨ ᠠᠬᠠ ᠬᠥᠬᠥᠷᠡᠵᠦ᠂
— ᠯᠠᠮᠠ ᠪᠣᠯ ᠰᠠᠬᠢᠯ ᠰᠠᠨᠸᠠᠷ ᠲᠠᠢ ᠲᠠᠢᠭᠠᠨ ᠮᠥᠨ ᠭᠡᠵᠦ ᠨᠠᠮᠠᠶ᠋ᠢ ᠮᠤᠬᠤᠷᠳᠠᠭᠤᠯᠪᠠ᠃
— ᠲᠠ ᠶᠠᠭᠠᠬᠢᠭᠰᠠᠨ ᠮᠠᠭᠤᠬᠠᠢ ᠬᠥᠮᠦᠨ ᠪᠣᠢ? ᠯᠠᠮᠠ ᠪᠠᠭᠰᠢ ᠶ᠋ᠢ ᠲᠠᠢᠭᠠᠨ ᠭᠡᠪᠡ ᠤᠤ? ᠲᠠ ᠶᠠᠭᠠᠬᠢᠭᠠᠳ ᠢᠩᠭᠢᠵᠦ ᠬᠡᠯᠡᠵᠦ ᠪᠠᠢᠭᠠ ᠶᠤᠮ?
— ᠭᠠᠯᠳᠠᠨ ᠮᠢᠨᠢ᠂ ᠲᠠᠢᠭᠠᠨ ᠬᠡᠦᠬᠡᠳ ᠲᠡᠢ ᠪᠠᠢᠳᠠᠭ ᠤᠤ? ᠲᠠᠢᠭᠠᠨ ᠲᠡᠭᠡᠭᠡᠳ ᠡᠬᠡᠨᠡᠷ ᠲᠡᠢ ᠪᠠᠢᠳᠠᠭ ᠤᠤ? ᠠᠬᠠ ᠨᠢ ᠯᠠᠮᠠ ᠪᠠᠭᠰᠢ ᠶ᠋ᠢ ᠲᠠᠢᠭᠠᠨ ᠰᠢᠭ᠋ ᠡᠬᠡᠨᠡᠷ ᠦᠭᠡᠢ ᠪᠠᠢᠳᠠᠭ ᠭᠡᠰᠡᠨ ᠶᠦᠮ᠃ ᠳᠡᠭᠦᠦ ᠮᠢᠨᠢ ᠪᠢᠲᠡᠭᠡᠢ ᠴᠢᠬᠤᠯᠳᠠ᠃ ᠨᠠᠮᠠᠶ᠋ᠢ ᠵᠣᠳᠪᠠ ᠲᠠᠢ ᠬᠡᠦᠬᠡᠨ ᠪᠤᠯᠢᠶᠠᠯᠳᠤᠬᠤ ᠳ᠋ᠤ᠌ ᠴᠢ ᠬᠣᠰᠢᠭᠤ ᠲᠥᠷᠥᠵᠦ ᠪᠠᠢᠭᠰᠠᠨ᠃
— ᠠᠬᠠ ᠲᠠᠨ ᠢ᠋ ᠲᠠᠢᠭᠠᠨ ᠰᠢᠭ᠋ ᠵᠠᠰᠠᠴᠢᠬᠠᠪᠠᠯ ᠲᠠᠭᠠᠷᠠᠨᠠ᠃
— ᠦ ᠬᠦ ᠁ ᠨᠠᠮᠠᠶ᠋ᠢ ᠵᠠᠰᠠᠵᠤ ᠶᠠᠭᠠᠬᠢᠨᠠᠮ? ᠦᠷᠡ ᠦᠨᠳᠦᠰᠦ ᠦᠭᠡᠢ ᠪᠣᠯᠭᠠᠬᠤ ᠰᠠᠨᠠᠭᠠ ᠲᠠᠢ ᠶᠤᠮ᠃ ᠴᠢᠮᠠᠶ᠋ᠢ ᠪᠠᠭᠠ ᠳ᠋ᠤ᠌ ᠵᠠᠰᠠᠬᠤ ᠪᠠᠢᠭᠰᠠᠨ ᠶᠤᠮ᠃ ᠳᠠᠩᠴᠤ ᠥᠷᠦᠪᠳᠦᠭᠰᠡᠨ ᠁
— ᠬᠣᠪ ᠵᠢᠪ ᠶᠠᠷᠢᠬᠤ ᠦᠭᠡᠢ ᠪᠣᠯᠤᠨᠠ ᠰᠢᠦ ᠳᠡ᠃ ᠵᠣᠤᠪᠡ ᠲᠠᠢᠭᠠᠨ ᠢ᠋ ᠬᠠᠷᠠ᠃ ᠬᠣᠭᠣᠯᠠ ᠢᠳᠡᠨᠡ᠂ ᠨᠣᠬᠠᠢ ᠰᠢᠭ᠋ ᠬᠠᠶᠠᠭᠠ ᠮᠡᠨᠡᠨᠡ᠃ ᠲᠡᠭᠡᠭᠡᠳ ᠭᠦᠢᠴᠡᠭᠡ᠃
— ᠭᠠᠯᠳᠠᠨ ᠳᠡᠭᠦᠦ ᠰᠢᠷᠠ ᠲᠠᠢ ᠶᠤᠮ᠃ ᠭᠡᠬᠦ ᠳ᠋ᠡᠭᠡᠨ ᠮᠢᠨᠦ ᠵᠠᠮ ᠠ᠋ᠴᠠ ᠡᠷᠲᠡᠬᠡᠨ ᠬᠣᠯᠠᠳᠤᠯᠠ᠃ ᠶᠠᠮᠠᠷ ᠪᠣᠯᠪᠠᠴᠤ ᠨᠠᠳᠠ ᠰᠠᠭᠠᠳ ᠪᠣᠯᠬᠤ ᠦᠭᠡᠢ ᠨᠢ ᠲᠣᠳᠣᠷᠬᠠᠢ᠃ ᠮᠢᠨᠦ ᠳᠡᠭᠦᠦ ᠰᠠᠢᠨ ᠯᠠᠮᠠ ᠪᠣᠯᠤᠭᠠᠷᠠᠢ! ᠴᠢᠮᠠᠶ᠋ᠢ ᠯᠠᠮᠠ ᠪᠣᠯᠤᠭᠠ ᠦᠭᠡᠢ ᠶᠦᠮ ᠪᠣᠯ ᠲᠠᠢᠭᠠᠨ ᠪᠣᠯᠭᠠᠬᠤ ᠪᠠᠢᠭᠰᠠᠨ ᠶᠤᠮ᠃
— ᠴᠡᠴᠡᠨ ᠠᠬᠠ ᠲᠠ ᠨᠠᠮᠠᠶ᠋ᠢ ᠥᠳᠥᠭᠡᠪᠡ᠃ ᠦᠭᠡ ᠶ᠋ᠢᠨ ᠰᠢᠷᠬᠠ ᠠᠷᠢᠯᠳᠠᠭ ᠦᠭᠡᠢ ᠪᠤᠰᠤ ᠤᠤ?
— ᠭᠠᠯᠳᠠᠨ ᠳᠡᠭᠦᠦ ᠨᠠᠰᠤᠨ ᠠ᠋ᠴᠠ ᠪᠠᠨ ᠦᠳᠡᠯᠦᠭᠡ ᠶᠦᠮ ᠭᠡᠭᠴᠢ᠃ ᠡᠴᠢᠭᠡ ᠬᠣᠩ ᠲᠠᠢᠵᠢ ᠰᠡᠩᠭᠡ ᠳ᠋ᠦ᠍ ᠰᠦᠢ ᠲᠠᠯᠪᠢᠭᠰᠠᠨ ᠪᠠᠢᠲᠠᠯᠠ ᠴᠢᠮᠠ ᠳ᠋ᠤ᠌ ᠪᠣᠯ ᠬᠡᠵᠢᠶᠡ ᠴᠦ᠍ ᠰᠦᠢ ᠲᠠᠯᠪᠢᠬᠤ ᠦᠭᠡᠢ᠃ ᠰᠡᠩᠭᠡ ᠶ᠋ᠢᠨ ᠰᠦᠢ ᠲᠠᠯᠪᠢᠭᠰᠠᠨ ᠥᠬᠢᠨ ᠢ᠋ ᠨᠢ ᠠᠨᠤᠳᠠᠷᠠ ᠭᠡᠳᠡᠭ ᠶᠦᠮ᠃ ᠲᠠ ᠨᠠᠷ ᠴᠠᠰᠤᠲᠤ ᠶ᠋ᠢᠨ ᠣᠷᠣᠨ ᠲᠠᠢᠰᠢ ᠣᠳᠬᠤ ᠵᠠᠮ ᠳ᠋ᠠᠭᠠᠨ ᠬᠥᠬᠡᠨᠠᠭᠤᠷ ᠲᠤ᠌ ᠸᠴᠢᠷᠲᠦ
ᠰᠡᠴᠡᠨ ᠬᠠᠭᠠᠨ ᠤ᠋ ᠳ᠋ᠤ᠌ ᠣᠴᠢᠨᠠ᠃ ᠰᠡᠩᠭᠡ ᠶ᠋ᠢᠨ ᠬᠠᠲᠤᠨ ᠲᠡᠨᠳᠡ ᠪᠠᠢᠭᠠ᠃ ᠰᠠᠢᠨ ᠬᠠᠷᠠᠵᠤ ᠠᠪᠤᠭᠠᠷᠠᠢ!
— ᠵᠠ᠂ ᠲᠡᠭᠡᠭᠡᠳ᠁
— ᠬᠣᠵᠢᠮ ᠰᠡᠩᠭᠡ ᠮᠢᠨᠦ ᠡᠮᠦᠨᠡ ᠬᠥᠨᠳᠡᠯᠢᠰᠴᠦ ᠮᠠᠭᠠᠳ᠂ ᠡᠷᠲᠡᠬᠡᠨ ᠮᠡᠳᠡᠵᠦ ᠪᠠᠢ᠃ ᠭᠠᠯᠳᠠᠨ ᠴᠢᠨᠦ ᠬᠤᠪᠢ ᠵᠣᠬᠢᠶᠠᠯ ᠬᠠᠷᠢᠨ ᠥᠭᠡᠷᠡᠴᠢᠯᠡᠭᠳᠡᠪᠡ᠃ ᠳᠥᠩᠭᠡ ᠳ᠋ᠦ᠍ ᠣᠷᠣᠪᠠ᠃
— ᠨᠠᠮᠠᠶ᠋ᠢ ᠴᠠᠰᠤᠲᠤ ᠠ᠋ᠴᠠ ᠢᠷᠡᠬᠦ ᠳ᠋ᠦ᠍ ᠲᠠ ᠬᠣᠭᠣᠯᠠᠨ ᠤ᠋ ᠪᠠᠨ ᠰᠠᠪᠠ ᠶ᠋ᠢ ᠪᠦᠲᠦᠨ ᠪᠠᠢᠯᠭᠠᠵᠤ ᠪᠠᠢᠭᠠᠷᠠᠢ᠃
— ᠰᠠᠢᠨ ᠯᠠᠮᠠ ᠪᠣᠯᠵᠤ ᠪᠤᠶᠠᠨ ᠬᠤᠷᠢᠶᠠᠬᠤ ᠶ᠋ᠢ ᠬᠦᠰᠡᠶᠡ᠃ ᠪᠤᠷᠤᠭᠤ ᠬᠣᠢᠰᠢ ᠪᠠᠨ ᠁
ᠴᠡᠴᠡᠨ ᠡᠢᠨ ᠬᠦ᠌ ᠲᠣᠭᠣᠮᠵᠢᠷ ᠦᠭᠡᠢ ᠥᠭᠦᠯᠡᠭᠡᠳ ᠭᠠᠯᠳᠠᠨ ᠢ᠋ ᠦᠯᠦ ᠣᠢᠰᠢᠶᠠᠭᠰᠠᠨ ᠪᠠᠢᠳᠠᠯ ᠲᠠᠢ ᠥᠷᠭᠥᠭᠡ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠵᠦᠭ ᠠᠯᠬᠤᠪᠠ᠃ ᠡᠴᠢᠭᠡ ᠶ᠋ᠢᠨ ᠶᠡᠬᠡ ᠬᠠᠲᠤᠨ ᠪᠠᠯᠵᠢᠳᠠᠷᠠ ᠠ᠋ᠴᠠ ᠲᠥᠷᠥᠭᠰᠡᠨ ᠲᠣᠮᠣ ᠠᠬᠠ ᠴᠡᠴᠡᠨ ᠨᠡᠯᠢᠶᠡᠳ ᠡᠷᠲᠡ ᠡᠴᠡ ᠦ ᠡᠷᠢᠵᠦ᠂ ᠰᠡᠩᠭᠡ ᠠᠬᠠ ᠳ᠋ᠤ᠌ ᠪᠠᠰᠠ ᠭᠠᠯᠳᠠᠨ ᠳ᠋ᠤ᠌ ᠠᠲᠠᠭᠠᠷᠬᠠᠵᠤ ᠪᠠᠢᠭᠰᠠᠨ ᠢ᠋ ᠣᠨ ᠵᠢᠯ ᠦ᠋ᠨ ᠤᠷᠤᠰᠬᠠᠯ ᠳ᠋ᠤ᠌ ᠮᠡᠳᠡᠵᠦ ᠪᠢᠯᠡ᠃
ᠠᠷᠪᠠᠨ ᠵᠢᠷᠭᠤᠭᠠ
ᠵᠠᠮ ᠵᠠᠭᠤᠷᠠ ᠰᠠᠷᠠ ᠢᠯᠡᠭᠦᠦ ᠠᠶᠠᠯᠠᠭᠰᠠᠨ ᠤ᠋ ᠳᠠᠷᠠᠭᠠᠬᠢ ᠥᠷᠯᠥᠭᠡ᠂ ᠰᠠᠬᠤᠯᠢᠭ ᠡᠪᠡᠰᠦᠨ ᠳᠣᠲᠣᠷᠠ ᠠ᠋ᠴᠠ ᠨᠠᠷᠠ ᠮᠠᠨᠳᠤᠪᠠ᠃ ᠨᠠᠷᠠ ᠶ᠋ᠢᠨ ᠭᠦᠨ ᠰᠢᠷᠭᠠᠯ ᠲᠤᠶᠠᠭᠠ ᠶ᠋ᠢ ᠰᠥᠭᠡᠯ ᠨᠢ ᠲᠠᠲᠠᠷᠠᠭᠠ ᠦᠭᠡᠢ ᠡᠪᠡᠰᠦ ᠨᠣᠭᠣᠭᠠ ᠭᠡᠭᠡᠯᠡᠵᠡᠢ᠃ ᠨᠠᠮᠤᠷ ᠴᠠᠭ ᠤ᠋ᠨ ᠥᠨᠳᠥᠷ ᠴᠠᠢᠪᠤᠷ ᠡᠪᠡᠰᠦ ᠶᠠᠭᠠᠬᠢᠭᠠᠳ ᠨᠠᠷᠠ ᠶ᠋ᠢ ᠬᠡᠭᠡᠯᠡᠵᠦ ᠪᠠᠢᠭᠠ ᠶ᠋ᠢ ᠭᠠᠢᠬᠠᠮᠠᠷ ᠪᠠᠢᠯᠠ᠃ ᠶᠠᠪᠤᠭᠠᠨ ᠳ᠋ᠠᠭᠠᠨ ᠥᠨᠳᠥᠷ ᠰᠥᠮᠡᠨ ᠡᠪᠡᠰᠦ ᠭᠠᠵᠠᠷ ᠲᠠᠭᠠᠨ ᠦᠯᠡᠳᠡᠵᠦ ᠮᠥᠨᠥᠬᠢ ᠨᠠᠷᠠᠨ ᠲᠩᠷᠢ ᠳ᠋ᠦ᠍ ᠠᠭᠠᠵᠢᠭᠤᠬᠠᠨ ᠬᠥᠭᠡᠷᠴᠦ ᠪᠢᠯᠡ᠃ ᠲᠠᠯᠠ ᠶ᠋ᠢᠨ ᠨᠠᠷᠠ ᠶᠠᠭᠠᠬᠢᠵᠤ ᠮᠠᠨᠳᠤᠳᠠᠭ ᠢ᠋ ᠬᠠᠷᠠᠭᠠᠳ ᠪᠠᠶᠠᠰᠬᠤ ᠰᠡᠳᠬᠢᠯ ᠲᠥᠷᠥᠭᠰᠡᠨ ᠶᠣᠮᠳᠠᠭ᠃
ᠸᠴᠢᠷᠲᠦ ᠰᠡᠴᠡᠨ ᠬᠠᠭᠠᠨ ᠤ᠋ ᠬᠣᠲᠠ ᠬᠦᠷᠢᠶᠡ ᠡᠪᠡᠰᠦ ᠴᠡᠴᠡᠭ ᠦ᠋ᠨ ᠴᠠᠭᠠᠨ ᠲᠣᠭᠣᠰᠣᠨᠴᠢᠷ ᠪᠢᠲᠡᠭᠦᠦ ᠪᠦᠷᠬᠦᠭᠰᠡᠨ ᠲᠠᠯᠠ ᠶ᠋ᠢᠨ ᠲᠡᠷᠲᠡᠭᠡ ᠡᠴᠡ ᠴᠠᠢᠪᠠᠯᠵᠠᠨ ᠣᠢᠷᠠᠳᠪᠠ᠃ ᠬᠥᠬᠡᠨᠠᠭᠤᠷ ᠬᠡᠮᠡᠬᠦ ᠡᠩ ᠦᠭᠡᠢ ᠲᠠᠯᠠ ᠨᠤᠲᠤᠭ ᠲᠤ᠌ ᠢᠷᠡᠵᠡᠢ᠃ ᠤᠰᠤ᠂ ᠤᠷᠭᠤᠮᠠᠯ ᠲᠡᠭᠰᠢ ᠤᠷᠲᠤ ᠬᠥᠪᠡᠭᠡ ᠬᠠᠷᠠᠭᠳᠠᠨᠠ᠃ ᠠᠯᠤᠰ ᠤ᠋ᠨ ᠠᠯᠤᠰ ᠲᠤ᠌ ᠬᠥᠬᠡ ᠠᠭᠤᠯᠠ ᠵᠡᠷᠭᠡᠯᠭᠡ ᠳ᠋ᠦ᠍ ᠲᠠᠢᠪᠠᠯᠵᠠᠨᠠ᠃ ᠨᠠᠮᠤᠷ ᠴᠠᠭ ᠤ᠋ᠨ ᠡᠪᠡᠰᠦ ᠨᠣᠭᠣᠭᠠᠨ ᠤ᠋ ᠲᠣᠭᠣᠰᠣᠨᠴᠢᠷ ᠲᠤ᠌ ᠵᠡᠷᠭᠡᠯᠭᠡ ᠨᠢ ᠳᠠᠪᠠᠯᠭᠠᠯᠠᠬᠤ ᠮᠡᠲᠦ ᠦᠵᠡᠭᠳᠡᠨᠡ᠃
ᠰᠦᠷᠦᠭ ᠴᠠᠭᠠᠨ ᠲᠡᠮᠡᠭᠡ ᠪᠡᠯᠴᠢᠨᠡ᠃ ᠭᠠᠯᠳᠠᠨ ᠪᠣᠯᠤᠨ ᠽᠠᠶᠠ ᠪᠠᠨᠳᠢᠳᠠ ᠭᠡᠭᠡᠨᠲᠡᠨ ᠦ᠌ ᠬᠥᠰᠬᠡ ᠸᠴᠢᠷᠲᠦ ᠰᠡᠴᠡᠨ ᠬᠠᠭᠠᠨ ᠤ᠋ ᠬᠣᠲᠠ ᠬᠦᠷᠢᠶᠡᠨ ᠡᠴᠡ ᠵᠠᠢᠳᠠᠭᠤᠬᠠᠨ ᠬᠣᠲᠠᠯᠠ ᠪᠠᠭᠤᠵᠠᠢ᠃ ᠠᠶᠠᠨ ᠤ᠋ ᠬᠦᠷᠢᠶᠡ ᠪᠣᠯ ᠭᠣᠣᠯ ᠲᠥᠯᠥᠪ ᠵᠣᠳᠣᠭᠠᠷ ᠂ ᠮᠠᠢᠬᠠᠨ ᠰᠡᠯᠲᠡ ᠡᠴᠡ ᠪᠦᠷᠢᠳᠦᠨᠡ᠃ ᠳᠠᠭᠠᠭᠠᠮᠠᠯ ᠤ᠋ᠨ ᠬᠣᠶᠠᠷ ᠲᠠᠯᠠ ᠳ᠋ᠠᠭᠠᠨ ᠪᠢᠲᠡᠭᠦᠦ ᠤᠭᠠᠯᠵᠠ ᠲᠠᠢ ᠮᠠᠢᠬᠠᠨ ᠬᠦᠷᠢᠶᠡ ᠶ᠋ᠢᠨ ᠲᠥᠪ ᠳᠤᠮᠳᠠ ᠪᠠᠢᠷᠢᠯᠠᠵᠠᠢ᠃
ᠰᠡᠴᠡᠨ ᠬᠠᠭᠠᠨ ᠸᠴᠢᠷᠲᠤ ᠪᠣᠯᠪᠠᠰᠤ ᠭᠠᠯᠳᠠᠨ ᠤ᠋ ᠡᠴᠢᠭᠡ ᠡᠷᠳᠡᠨᠢᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠲᠠᠢ ᠣᠢᠷᠠᠳ ᠤ᠋ᠨ ᠴᠢᠭᠤᠯᠭᠠᠨ ᠤ᠋ ᠲᠡᠷᠢᠭᠦᠨ ᠢ᠋ ᠡᠭᠡᠯᠵᠢ ᠳᠠᠷᠠᠭᠠ ᠪᠠᠷ ᠠᠬᠠᠯᠠᠳᠠᠭ ᠬᠥᠮᠦᠨ ᠪᠢᠯᠡ᠃
ᠸᠴᠢᠷᠲᠤ ᠰᠡᠴᠡᠨ ᠨᠢ ᠪᠣᠰᠤᠭᠠᠳᠠᠭᠤ ᠨᠢᠭᠤᠷ ᠲᠠᠢ᠂ ᠴᠠᠢᠪᠤᠷ ᠴᠢᠷᠠᠢ ᠲᠠᠢ᠂ ᠡᠷᠡᠯᠬᠡᠭ ᠪᠠᠭᠠᠲᠤᠷ ᠡᠷᠡ ᠶ᠋ᠢᠨ ᠰᠢᠨᠵᠢ ᠪᠠᠭᠠ᠂ ᠪᠢᠴᠢᠭ ᠦ᠋ᠨ ᠬᠥᠮᠦᠨ ᠦ᠌ ᠲᠥᠷᠬᠦ ᠲᠡᠢ ᠨᠢᠭᠡᠨ ᠪᠠᠢᠯᠠ᠃
ᠽᠠᠶᠠ ᠪᠠᠨᠳᠢᠳᠠ ᠭᠡᠭᠡᠨ ᠦ᠌ ᠠᠮᠤᠷ ᠠᠮᠤᠭᠤᠯᠠᠩ ᠢ᠋ ᠡᠷᠢᠵᠦ ᠲᠦᠳᠡᠯ ᠦᠭᠡᠢ ᠭᠠᠯᠳᠠᠨ ᠢ᠋ ᠱᠣᠬᠣᠭᠣᠷᠬᠠᠪᠠ᠃
— ᠭᠠᠯᠳᠠᠨ ᠬᠥᠪᠡᠭᠦᠨ ᠮᠥᠨ ᠤᠤ? ᠭᠡᠵᠦ ᠸᠴᠢᠷᠲᠤ ᠰᠡᠴᠡᠨ ᠠᠰᠠᠭᠤᠪᠠ᠃
— ᠪᠢ ᠮᠥᠨ ᠪᠢᠯᠡ ᠭᠡᠮᠡᠨ ᠥᠴᠢᠪᠡ᠃
— ᠴᠢᠮᠠᠶ᠋ᠢ ᠬᠦᠯᠢᠶᠡᠵᠦ ᠪᠠᠢᠯᠠ ᠭᠡᠵᠦ ᠲᠡᠷᠡ ᠪᠡᠷ ᠬᠦᠨᠳᠦᠳᠬᠡᠯ ᠲᠡᠢ ᠥᠭᠦᠯᠡᠭᠡᠳ ᠨᠢᠳᠦ ᠪᠡᠨ ᠴᠠᠪᠴᠢᠯᠠᠨ ᠬᠠᠷᠠᠪᠠ᠃ ᠭᠠᠯᠳᠠᠨ ᠠ᠋ᠴᠠ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠡᠷᠢᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠣᠯᠪᠠ ᠪᠣᠯᠤᠯᠲᠠᠢ ᠵᠠᠳᠠᠭᠠᠢ ᠠᠮᠢᠰᠬᠤᠭᠠ ᠠᠪᠤᠭᠠᠳ ᠦᠷᠭᠦᠭᠡᠨ ᠳ᠋ᠡᠭᠡᠨ ᠤᠷᠢᠯᠠ᠃
ᠣᠢᠷᠠᠳ ᠤ᠋ᠨ ᠴᠢᠭᠤᠯᠭᠠᠨ ᠢ᠋ ᠡᠯᠦᠨᠴᠡ ᠬᠤᠯᠤᠨᠴᠠ ᠠ᠋ᠴᠠ ᠪᠠᠨ ᠲᠡᠷᠢᠭᠦᠯᠡᠵᠦ ᠢᠷᠡᠭᠰᠡᠳ ᠦ᠋ᠨ ᠦᠷᠭᠦᠭᠡᠨ ᠳ᠋ᠦ᠍ ᠰᠠᠭᠠᠳᠠᠪᠠ᠃ ᠸᠴᠢᠷᠲᠤ ᠰᠡᠴᠡᠨ ᠬᠠᠭᠠᠨ ᠤ᠋ ᠡᠯᠦᠨᠴᠡ ᠡᠴᠢᠭᠡ ᠪᠦᠪᠡᠢ ᠪᠥᠯᠥᠭᠡ᠃ ᠪᠦᠪᠡᠢ ᠨᠢ ᠬᠠᠨᠢ ᠨᠣᠶᠠᠨ ᠬᠣᠩᠭᠣᠷ ᠤ᠋ᠨ ᠬᠥᠪᠡᠭᠦᠨ ᠪᠥᠯᠥᠭᠡ᠃ ᠬᠠᠨᠢ ᠨᠣᠶᠠᠨ ᠬᠣᠩᠭᠣᠷ ᠤ᠋ᠨ ᠬᠥᠪᠡᠭᠦᠨ ᠨᠢ ᠸᠴᠢᠷᠲᠤ ᠰᠡᠴᠡᠨ ᠬᠠᠭᠠᠨ ᠤ᠋ ᠡᠴᠢᠭᠡ ᠪᠠᠢᠪᠠᠭᠠᠰ ᠪᠠᠭᠠᠲᠤᠷ ᠠᠵᠢ᠃ ᠤᠳᠤᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠢᠷᠠᠳ ᠤ᠋ᠨ ᠴᠢᠭᠤᠯᠭᠠᠨ ᠢ᠋ ᠲᠡᠷᠢᠭᠦᠯᠡᠵᠦ᠂ ᠥᠨᠳᠥᠷ ᠳᠡᠭᠡᠳᠦ ᠵᠢᠩᠳᠠᠭᠠᠨ ᠳ᠋ᠤ᠌ ᠡᠳᠦᠢ ᠬᠦᠷᠲᠡᠯᠡ ᠪᠠᠢᠵᠤ᠂ ᠲᠩᠷᠢ ᠶ᠋ᠢᠨ ᠲᠠᠭᠠᠯᠠᠯ ᠳ᠋ᠤ᠌ ᠨᠡᠢᠴᠡᠭᠰᠡᠨ ᠨᠢ ᠪᠥᠴᠢᠭᠰᠠᠨ ᠣᠯᠠᠨ ᠳ᠋ᠤ᠌ ᠲᠤᠩ ᠲᠠᠭᠠᠲᠠᠢ ᠰᠡᠳᠬᠢᠭᠳᠡᠯ ᠲᠥᠷᠥᠭᠦᠯᠦᠨᠡ᠃
ᠸᠴᠢᠷᠲᠤ ᠰᠡᠴᠡᠨ ᠨᠤᠮᠤ ᠶ᠋ᠢᠨ ᠬᠡᠯᠪᠡᠷᠢᠲᠦ ᠰᠠᠬᠠᠯ ᠢ᠋ᠶ᠋ᠠᠨ ᠢᠯᠢᠵᠦ ᠴᠠᠷᠠ ᠲᠠᠪᠠᠭ ᠲᠤ᠌ ᠦᠷᠦᠭᠰᠡᠨ ᠢᠳᠡᠭᠡ ᠴᠠᠭᠠ᠂ ᠮᠣᠳᠣᠨ ᠲᠥᠮᠫᠥᠨ ᠲᠡᠢ ᠮᠢᠬᠠ᠂ ᠸᠠᠭᠠᠷ ᠰᠠᠪᠠ ᠲᠠᠢ ᠤᠮᠳᠠᠭᠠ ᠵᠡᠷᠭᠡ ᠡᠴᠡ ᠢᠳᠡ ᠤᠤᠭᠤ ᠭᠡᠮᠡᠨ ᠨᠠᠢᠷᠰᠠᠭ ᠢ᠋ᠶ᠋ᠠᠷ ᠥᠭᠦᠯᠡᠨᠡ᠃《ᠡᠨᠡ ᠭᠠᠯᠳᠠᠨ ᠬᠥᠪᠡᠭᠦᠨ ᠴᠠᠬᠢᠯᠠᠵᠤ ᠶᠠᠪᠤᠭᠠ ᠢᠷᠪᠢᠰ ᠮᠡᠲᠦ ᠶᠠᠭᠤᠲᠠᠢ ᠬᠡᠢᠮᠥᠷᠢᠯᠢᠭ ᠪᠣᠢ᠃ ᠷᠢᠳᠢ ᠰᠢᠳᠢ ᠲᠡᠢ ᠮᠡᠩᠭᠡ ᠲᠡᠢ ᠶᠦᠮ᠃ ᠡᠢᠮᠦ ᠬᠥᠮᠦᠨ ᠢ᠋ ᠪᠢ ᠮᠠᠰᠢ ᠬᠣᠪᠣᠷ ᠦᠵᠡᠵᠡᠢ᠃ ᠣᠢᠷᠠᠳ ᠤ᠋ᠨ ᠵᠠᠭᠤᠨ ᠨᠠᠢ᠍ᠮᠠᠨ ᠬᠥᠪᠡᠭᠦᠨ ᠢ᠋ ᠲᠡᠷᠢᠭᠦᠯᠡᠵᠦ ᠴᠠᠰᠤᠲᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠪᠤᠷᠬᠠᠨ ᠤ᠋ ᠨᠣᠮ ᠰᠤᠷᠤᠨᠠ ᠭᠡᠪᠡ ᠤᠤ? ᠬᠤᠳᠤᠭᠴᠢᠨ ᠪᠠᠭᠠᠲᠤᠷ ᠤ᠋ᠨ ᠭᠠᠷ ᠲᠤ᠌ ᠵᠡᠭᠦᠨᠭᠠᠷ ᠤ᠋ᠨ ᠤᠯᠤᠰ ᠯᠠᠪ ᠣᠷᠣᠬᠤ ᠨᠢ ᠃ ᠡᠳᠡᠨ ᠲᠡᠢ ᠤᠷᠤᠭ ᠪᠠᠷᠢᠯᠳᠤᠬᠤ ᠨᠢ ᠶᠠᠭᠤᠲᠠᠢ ᠰᠠᠢᠨ ᠪᠣᠢ》 ᠭᠡᠮᠡᠨ ᠸᠴᠢᠷᠲᠤ ᠰᠡᠴᠡᠨ ᠪᠣᠳᠣᠵᠤ ᠪᠠᠢᠵᠠᠢ᠃
— ᠠᠨᠤᠳᠠᠷᠠ ᠶ᠋ᠢ ᠳᠠᠭᠤᠳᠠ ᠭᠡᠮᠡᠨ ᠸᠴᠢᠷᠲᠤ ᠰᠡᠴᠡᠨ ᠥᠭᠦᠯᠡᠪᠡ᠃
ᠠᠨᠤᠳᠠᠷᠠ ᠶ᠋ᠢ ᠬᠠᠷᠠᠬᠤ ᠬᠦᠰᠡᠯ ᠣᠷᠭᠢᠯᠵᠤ ᠪᠠᠢᠭᠰᠠᠨ ᠢ᠋ ᠨᠢᠭᠤᠬᠤ ᠶᠠᠭᠤᠨ᠃ ᠠᠨᠤᠳᠠᠷᠠ ᠪᠣᠯ ᠭᠠᠯᠳᠠᠨ ᠤ᠋ ᠠᠬᠠ ᠰᠡᠩᠭᠡ ᠶ᠋ᠢᠨ ᠰᠦᠢᠲᠦ ᠥᠬᠢᠨ ᠶᠦᠮ᠃ ᠰᠡᠩᠭᠡ ᠠᠬᠠ ᠬᠠᠲᠤᠨ ᠢ᠋ᠶ᠋ᠠᠨ ᠠᠯᠢ ᠬᠡᠳᠦᠢᠨ ᠲᠣᠪᠯᠠᠵᠠᠢ᠃ ᠭᠠᠯᠳᠠᠨ ᠳ᠋ᠤ᠌ ᠬᠠᠲᠤᠨ ᠲᠣᠪᠯᠠᠬᠤ ᠪᠠᠢᠲᠤᠭᠠᠢ ᠰᠦᠢ ᠲᠠᠯᠪᠢᠬᠤ ᠡᠳᠦᠷ ᠢᠷᠡᠨᠡ ᠭᠡᠵᠦ ᠤᠤ? ᠥᠬᠢᠳ ᠪᠣᠯ ᠭᠠᠭᠴᠠ ᠬᠦ᠌ ᠡᠷᠡᠴᠦᠳ ᠦ᠋ᠨ ᠤᠮᠳᠠᠯᠠᠬᠤ ᠳᠠᠷᠠᠰᠤ ᠶᠤᠮ᠃ ᠭᠠᠯᠳᠠᠨ ᠮᠡᠲᠦ ᠶ᠋ᠢᠨ ᠯᠠᠮᠠ ᠨᠠᠷ ᠠ᠋ᠴᠠ ᠳᠡᠩᠳᠡᠭᠦᠦ ᠬᠣᠯᠠ ᠪᠢᠯᠡ᠃ ᠥᠬᠢᠳ ᠮᠥᠷᠥᠭᠡᠳᠬᠦ ᠡᠷᠬᠡ ᠦᠭᠡᠢ ᠪᠣᠯᠤᠭᠰᠠᠨ ᠳ᠋ᠠᠭᠠᠨ ᠭᠠᠯᠳᠠᠨ ᠶᠡᠬᠡᠳᠡ ᠭᠤᠨᠢᠭᠯᠠᠵᠤ
ᠪᠠᠢᠯᠠ᠃ ᠴᠡᠴᠡᠨ ᠠᠬᠠ ᠭᠠᠯᠳᠠᠨ ᠢ᠋ ᠦᠭᠡ ᠪᠡᠷ ᠬᠣᠣᠷᠯᠠᠭᠰᠠᠨ ᠢ᠋ ᠲᠡᠷᠡ ᠬᠣᠵᠢᠮ ᠨᠢ ᠰᠠᠶᠢ ᠣᠢᠯᠠᠭᠠᠪᠠ᠃
ᠳᠠᠷᠠᠰᠭᠡᠨ ᠬᠣᠶᠠᠷ ᠥᠬᠢᠨ ᠡᠭᠦᠳᠡ ᠪᠡᠷ ᠣᠷᠣᠵᠤ ᠢᠷᠡᠭᠡᠳ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠰ ᠡᠴᠡ ᠪᠡᠷᠬᠡᠰᠢᠶᠡᠨ ᠵᠣᠭᠰᠣᠪᠠ᠃
— ᠮᠢᠨᠦ ᠥᠬᠢᠳ ᠭᠡᠵᠦ ᠸᠴᠢᠷᠲᠤ ᠰᠡᠴᠡᠨ ᠥᠭᠦᠯᠡᠪᠡ᠃
ᠥᠬᠢᠳ ᠦ᠋ᠨ ᠡᠮᠦᠰᠦᠭᠰᠡᠨ ᠬᠤᠪᠴᠠᠰᠤ ᠲᠣᠷᠭᠠᠮᠰᠤᠭ ᠪᠥᠭᠡᠳ ᠨᠠᠮᠢᠷᠠᠭᠰᠠᠨ ᠤᠷᠲᠤ ᠠᠵᠢ᠃ ᠲᠡᠳᠡᠨ ᠦ᠌ ᠭᠣᠶᠣᠮᠰᠣᠭ ᠵᠡᠭᠦᠯᠲᠡ ᠴᠢᠮᠡᠭᠯᠡᠯ ᠡᠷᠬᠡ ᠦᠭᠡᠢ ᠬᠠᠷᠠᠭᠠ ᠲᠠᠲᠠᠨᠠ᠃
ᠶᠠᠯᠢᠮ ᠦᠭᠡᠢ ᠥᠨᠳᠥᠷ ᠨᠢᠷᠤᠭᠤ ᠲᠠᠢ᠂ ᠮᠣᠢᠯ ᠬᠠᠷᠠ ᠨᠢᠳᠦ ᠲᠡᠢ᠂ ᠰᠢᠯᠤᠭᠤᠨ ᠬᠠᠮᠠᠷ ᠲᠠᠢ᠂ ᠬᠣᠩᠭᠣᠷ ᠴᠠᠢᠪᠤᠷ ᠴᠢᠷᠠᠢ ᠲᠠᠢ ᠨᠢ ᠠᠨᠤᠳᠠᠷᠠ ᠪᠠᠢᠯᠠ᠃ ᠠᠨᠤᠳᠠᠷᠠ ᠭᠠᠯᠳᠠᠨ ᠢ᠋ ᠬᠠᠷᠠᠭᠠᠳ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠢᠴᠢᠪᠡ᠃ ᠭᠡᠲᠡᠯᠡ ᠡᠴᠢᠭᠡ ᠨᠢ ᠲᠡᠭᠦᠨ ᠳ᠋ᠦ᠍᠂
— ᠰᠡᠩᠭᠡ ᠶ᠋ᠢᠨ ᠳᠡᠭᠦᠦ ᠭᠠᠯᠳᠠᠨ᠃ ᠲᠥᠪᠡᠳ ᠲᠦ᠍ ᠪᠤᠷᠬᠠᠨ ᠤ᠋ ᠨᠣᠮ ᠰᠤᠷᠬᠤ ᠪᠠᠷ ᠶᠠᠪᠤᠵᠤ ᠪᠠᠢᠨᠠ ᠭᠡᠪᠡ᠃
ᠠᠨᠤᠳᠠᠷᠠ ᠴᠡᠭᠡᠯ ᠬᠣᠭᠣᠯᠠᠢ ᠪᠠᠷ ᠪᠢ ᠭᠠᠯᠳᠠᠨ ᠢ᠋ ᠮᠡᠳᠡᠨᠡ ᠭᠡᠪᠡ᠃
ᠸᠴᠠᠷᠲᠤ ᠰᠡᠴᠡᠨ ᠬᠠᠭᠠᠨ ᠨᠠᠷᠭᠢᠶᠠᠨ ᠲᠠᠢ ᠪᠠᠷ ᠢᠨᠢᠶᠡᠵᠦ᠂
— ᠮᠠᠨ ᠤ᠋ ᠠᠨᠤᠳᠠᠷᠠ ᠲᠤᠭᠤᠯᠤᠭᠰᠠᠨ ᠰᠣᠨᠣᠰᠤᠭᠰᠠᠨ ᠢ᠋ᠶ᠋ᠠᠨ ᠶᠡᠷᠦ ᠮᠠᠷᠲᠠᠬᠤ ᠦᠭᠡᠢ᠃ ᠭᠠᠯᠳᠠᠨ ᠢ᠋ ᠮᠡᠳᠡᠨᠡ ᠭᠡᠨᠡ᠃ ᠳᠥᠩᠭᠡᠵᠦ ᠴᠢᠷᠠᠢ ᠵᠢᠰᠦ ᠶ᠋ᠢ ᠨᠢ ᠬᠠᠷᠠᠵᠤ ᠪᠠᠢᠵᠤ᠂᠂᠂᠂ ᠨᠡᠷᠡ ᠶ᠋ᠢ ᠨᠢ ᠮᠡᠳᠡᠳᠡᠭ ᠦᠨᠡᠨ ᠰᠢᠦ ᠭᠡᠳ ᠨᠢᠭᠤᠷ ᠳᠦᠭᠦᠷᠡᠩ ᠮᠦᠰᠢᠶᠡᠪᠡ᠃
ᠠᠨᠤᠳᠠᠷᠠ ᠤᠯᠠᠮ ᠴᠡᠭᠡᠯ ᠬᠣᠭᠣᠯᠠᠢ ᠪᠠᠷ᠂
— ᠰᠦᠢᠲᠦ ᠬᠠᠨ ᠬᠦᠦ ᠶ᠋ᠢᠨ ᠳᠡᠭᠦᠦ ᠢᠷᠡᠯᠡ ᠰᠢᠦ ᠳᠡ᠃ ᠲᠥᠪᠡᠳ ᠦ᠋ᠨ ᠴᠠᠰᠤᠲᠤ ᠠᠭᠤᠯᠠ ᠡᠨᠳᠡ ᠡᠴᠡ ᠬᠠᠷᠠᠭᠳᠠᠳᠠᠭ ᠭᠡᠯᠡ᠃
— ᠠᠯᠢᠪ ᠬᠠᠷᠢᠶᠠ ᠭᠡᠳ ᠭᠠᠯᠳᠠᠨ ᠤᠬᠤᠰᠬᠢᠨ ᠦᠷᠭᠦᠭᠡᠨ ᠡᠴᠡ ᠭᠠᠷᠪᠠ᠃
— ᠲᠡᠷᠡ ᠲᠩᠷᠢ ᠶ᠋ᠢᠨ ᠬᠠᠶᠠᠭᠠᠨ ᠳ᠋ᠤ᠌ ᠴᠠᠭᠠᠨ ᠠᠭᠤᠯᠠ ᠪᠠᠢᠨᠠ ᠤᠤ᠂᠂᠂᠂ ᠲᠡᠷᠡ ᠴᠠᠭᠠᠨ ᠠᠭᠤᠯᠠᠨ ᠳ᠋ᠤ᠌ ᠬᠦᠷᠲᠡᠯᠡ ᠡᠨᠳᠡ ᠡᠴᠡ ᠭᠤᠷᠪᠠᠨ ᠰᠠᠷᠠ ᠠᠶᠠᠯᠠᠳᠠᠭ ᠶᠤᠮ᠃ ᠬᠣᠯᠠ ᠪᠠᠢᠭᠠ ᠪᠢᠵᠡ᠃ ᠶᠠᠮᠠᠷ ᠬᠣᠯᠠ ᠶᠠᠪᠤᠵᠤ ᠪᠠᠢᠭᠠ ᠶᠤᠮ ᠪᠣᠢ ᠭᠡᠮᠡᠨ ᠠᠨᠤᠳᠠᠷᠠ ᠤᠶᠠᠩᠭᠠᠯᠠᠭᠤᠯᠤᠨ ᠥᠭᠦᠯᠡᠪᠡ᠃
ᠲᠩᠷᠢ ᠶ᠋ᠢᠨ ᠬᠠᠶᠠᠭᠠᠨ ᠳ᠋ᠤ᠌ ᠪᠣᠢ ᠴᠠᠭᠠᠨ ᠠᠭᠤᠯᠠ ᠴᠣᠬᠣᠮ ᠳ᠋ᠠᠭᠠᠨ ᠭᠠᠯᠳᠠᠨ ᠳ᠋ᠤ᠌ ᠦᠯᠦ ᠦᠵᠡᠭᠳᠡᠨᠡ᠃ ᠲᠩᠷᠢ ᠶ᠋ᠢᠨ ᠬᠠᠶᠠᠭᠠ ᠨᠢᠯ ᠳ᠋ᠡᠭᠡᠨ ᠴᠠᠭᠠᠨ ᠪᠠᠢᠪᠠ᠃ ᠠᠭᠤᠵᠢᠮ ᠬᠡᠭᠡᠷᠡ ᠲᠠᠯᠠ ᠳ᠋ᠤ᠌ ᠥᠰᠦᠭᠰᠡᠨ ᠪᠣᠯᠬᠣᠷ ᠢ᠋ᠶ᠋ᠠᠨ ᠠᠨᠤᠳᠠᠷᠠ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠲᠡᠷᠲᠡᠭᠡᠬᠢ ᠠᠯᠤᠰ ᠤ᠋ᠨ ᠠᠭᠤᠯᠠ ᠲᠣᠳᠣ ᠬᠠᠷᠠᠭᠳᠠᠭᠰᠠᠨ ᠪᠢᠵᠡ᠃
— ᠬᠣᠯᠠ ᠶᠠᠪᠤᠨᠠ ᠭᠡᠵᠦ ᠡᠴᠢᠭᠡ ᠬᠣᠩ ᠲᠠᠢᠵᠢ ᠭᠠᠯᠳᠠᠨ ᠳ᠋ᠤ᠌ ᠬᠡᠯᠡᠭᠰᠡᠨ᠃ ᠭᠠᠯᠳᠠᠨ ᠢ᠋ ᠬᠣᠯᠠ ᠶᠠᠪᠤᠭᠤᠯᠤᠨᠠ ᠭᠡᠵᠦ ᠬᠠᠲᠤᠨ ᠡᠬᠡ ᠤᠬᠢᠯᠠᠭᠰᠠᠨ᠃ ᠦᠨᠡᠬᠡᠷ ᠬᠣᠯᠠ ᠶᠠᠪᠤᠬᠤ ᠰᠠᠢᠬᠠᠨ ᠴᠣ ᠶᠤᠮ ᠰᠢᠭ᠋᠂᠂᠂᠂ ᠭᠡᠮᠡᠨ ᠥᠭᠦᠯᠡᠪᠡ᠃
ᠠᠨᠤᠳᠠᠷᠠ ᠠᠯᠤᠰ ᠲᠠᠢᠰᠢ ᠬᠦᠰᠡᠮᠵᠢᠯᠡᠵᠦ ᠬᠠᠷᠠᠭᠠᠴᠢᠯᠠᠭᠰᠠᠨ ᠴᠢᠭ ᠲᠡᠭᠡᠨ᠂
— ᠴᠠᠭᠠᠨ ᠠᠭᠤᠯᠠ ᠶ᠋ᠢᠨ ᠨᠠᠭᠠᠨᠠ ᠴᠠᠭᠠᠨᠠ ᠥᠴᠢᠨᠡᠭᠡᠨ ᠠᠭᠤᠯᠠ ᠪᠣᠢ᠃ ᠳᠥᠷᠪᠡᠨ ᠤᠯᠠᠷᠢᠯ ᠳ᠋ᠤ᠌ ᠥᠩᠭᠡ ᠪᠡᠨ ᠰᠣᠯᠢᠳᠠᠭ ᠲᠡᠷᠡ ᠣᠯᠠᠨ ᠠᠭᠤᠯᠠ ᠶ᠋ᠢ ᠨᠡᠷᠡᠯᠡᠵᠦ ᠮᠡᠳᠡᠬᠦ ᠦᠭᠡᠢ ᠴᠦ᠍ ᠳᠦᠷᠰᠦᠯᠡᠵᠦ ᠴᠢᠳᠠᠨᠠ᠃ ᠤᠯᠠᠭᠠᠨ᠂ ᠰᠢᠷᠠ᠂ ᠬᠥᠬᠡ᠂ ᠴᠠᠭᠠᠨ ᠥᠩᠭᠡ ᠲᠡᠢ ᠠᠭᠤᠯᠠᠰ ᠱᠣᠪᠬᠣ᠂ ᠬᠠᠪᠲᠠᠭᠠᠢ᠂ ᠲᠠᠰᠢᠭᠤ᠂ ᠪᠥᠭᠡᠷᠡᠩᠬᠡᠢ ᠣᠷᠣᠢ ᠲᠠᠢ ᠪᠠᠢᠳᠠᠭ ᠶᠤᠮ᠃ ᠴᠢ ᠬᠥᠬᠡᠨᠠᠭᠤᠷ ᠢ᠋ᠶ᠋ᠠᠷ ᠴᠠᠭᠠᠰᠢ ᠨᠠᠭᠠᠰᠢ ᠪᠠᠨ ᠵᠣᠷᠴᠢᠬᠤ ᠳ᠋ᠠᠭᠠᠨ ᠡᠨᠡ ᠣᠯᠠᠨ ᠠᠭᠤᠯᠠ ᠶ᠋ᠢ ᠵᠢᠰᠦᠯᠡᠵᠦ ᠬᠠᠷᠠᠭᠠᠷᠠᠢ ᠭᠡᠮᠡᠨ ᠭᠠᠯᠳᠠᠨ ᠳ᠋ᠤ᠌ ᠠᠮᠢᠨᠴᠢᠯᠠᠨ ᠶᠠᠷᠢᠪᠠ᠃
— ᠵᠠ᠂ ᠲᠡᠭᠡᠨᠡ ᠭᠡᠵᠦ ᠭᠠᠯᠳᠠᠨ ᠬᠡᠯᠡᠪᠡ᠃
ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠨᠠᠮᠪᠠ ᠲᠥᠷᠬᠦ ᠪᠦᠬᠦᠢ ᠬᠣᠩᠭᠣᠷ ᠴᠠᠢᠪᠤᠷ ᠴᠢᠷᠠᠢ ᠲᠠᠢ᠂ ᠮᠣᠢᠯ ᠬᠠᠷᠠ ᠨᠢᠳᠦ ᠨᠢ ᠲᠤᠨᠤᠷᠠᠭᠰᠠᠨ ᠠᠨᠤᠳᠠᠷᠠ ᠭᠠᠯᠳᠠᠨ ᠢ᠋ ᠬᠠᠮᠢᠶᠠᠲᠠᠨ ᠰᠠᠳᠤᠨ ᠯᠤᠭᠠ ᠠᠳᠠᠯᠢ ᠢᠯᠡᠭᠦᠦ ᠳᠣᠲᠣᠨᠣᠴᠢᠯᠠᠨ ᠪᠠᠢᠯᠠ᠃
ᠬᠥᠬᠡᠨᠠᠭᠤᠷ ᠤ᠋ᠨ ᠪᠦᠰᠡᠭᠦᠢ ᠰᠢᠭᠦᠷᠡᠮᠡ ᠰᠢᠷᠭᠠᠯ ᠡᠪᠡᠰᠦᠨ ᠳᠤᠮᠳᠠᠭᠤᠷ ᠶᠠᠪᠤᠭᠰᠠᠭᠠᠷ ᠭᠠᠵᠠᠷ ᠤ᠋ᠨ ᠬᠥᠷᠥᠰᠥ ᠶ᠋ᠢ ᠲᠠᠴᠢᠷᠬᠠᠨ ᠠᠲᠠᠯᠠ ᠪᠠᠨ ᠪᠢᠲᠡᠭᠦᠦ ᠪᠦᠷᠬᠦᠭᠰᠡᠨ ᠪᠣᠷᠣ ᠬᠦᠷᠡᠩ ᠡᠪᠡᠰᠦ ᠶ᠋ᠢᠨ ᠦᠨᠳᠦᠰᠦ ᠳᠤᠮᠳᠠ ᠣᠷᠣᠪᠠ᠃
ᠠᠨᠤᠳᠠᠷᠠ ᠭᠠᠯᠳᠠᠨ ᠢ᠋ ᠰᠢᠷᠳᠡᠭᠰᠡᠨ ᠴᠢᠭ ᠲᠡᠭᠡᠨ᠂
— ᠴᠢ ᠠᠬᠠ ᠲᠠᠢ ᠪᠠᠨ ᠠᠳᠠᠯᠢᠬᠠᠨ ᠤᠤ? ᠭᠡᠮᠡᠨ ᠠᠰᠠᠭᠤᠪᠠ᠃
— ᠮᠡᠳᠡᠬᠦ ᠦᠭᠡᠢ ᠠ᠋ ᠭᠡᠵᠦ ᠭᠠᠯᠳᠠᠨ ᠬᠠᠷᠢᠭᠤᠯᠪᠠ᠃
ᠠᠨᠤᠳᠠᠷᠠ ᠲᠡᠭᠦᠨ ᠢ᠋ ᠮᠥᠨ ᠬᠦ᠌ ᠭᠢᠷᠠᠬᠠᠢ ᠠᠵᠢᠵᠤ᠂
— ᠲᠠ ᠬᠣᠶᠠᠷ ᠤ᠋ᠨ ᠨᠢᠳᠦ ᠠᠳᠠᠯᠢᠬᠠᠨ ᠶᠤᠮ ᠪᠠᠢᠨᠠ ᠭᠡᠪᠡ᠃
ᠭᠠᠯᠳᠠᠨ ᠢᠩᠭᠢᠵᠦ ᠠᠨᠤᠳᠠᠷᠠ ᠬᠡᠮᠡᠬᠦ ᠰᠡᠩᠭᠡ ᠠᠬᠠ ᠶ᠋ᠢᠨ ᠰᠦᠢᠲᠦ ᠪᠦᠰᠡᠭᠦᠢ ᠶ᠋ᠢᠨ ᠥᠩᠭᠡ ᠵᠢᠰᠦ ᠶ᠋ᠢ ᠭᠠᠢᠬᠠᠵᠤ᠂ ᠢᠯᠳᠠᠮ ᠲᠡᠨᠢᠭᠦᠨ ᠠᠭᠠᠰᠢ ᠶ᠋ᠢ ᠪᠠᠬᠠᠳᠤᠵᠤ ᠪᠢᠯᠡ᠃
ᠠᠨᠤᠳᠠᠷᠠ ᠲᠡᠷᠡ ᠬᠦ᠌ ᠡᠪᠡᠰᠦᠨ ᠦ᠌ ᠪᠣᠷᠣ ᠦᠨᠳᠦᠰᠦ᠂ ᠬᠦᠷᠡᠩ ᠦᠨᠳᠦᠰᠦ ᠬᠣᠯᠢᠯᠳᠤᠨ ᠤᠷᠭᠤᠭᠰᠠᠨ ᠬᠦᠷᠢᠶᠡ ᠶ᠋ᠢ ᠳᠣᠣᠷᠠ ᠪᠠᠨ ᠡᠷᠭᠢᠯᠳᠦᠨ ᠵᠢᠭᠠᠵᠤ ᠪᠢᠯᠡ᠃
— ᠬᠠᠷᠠᠵᠤ ᠪᠠᠢᠨᠠ ᠤᠤ? ᠭᠠᠯᠳᠠᠨ!
— ᠶᠠᠮᠠᠷ ᠲᠣᠮᠣ ᠪᠤᠢᠷ ᠪᠣᠢ?
— ᠡᠨᠳᠡ ᠰᠢᠪᠠᠭᠤ ᠥᠨᠳᠡᠭᠡᠯᠡᠳᠡᠭ ᠶᠦᠮ᠃
—ᠰᠢᠪᠠᠭᠤᠨ ᠤ᠋ ᠡᠭᠦᠷ ᠳᠦᠭᠦᠷᠡᠩ ᠪᠠᠢᠭᠠ᠃
— ᠶᠠᠮᠠᠷ ᠣᠯᠠᠨ ᠡᠭᠦᠷ ᠪᠠᠢᠭᠠ ᠶ᠋ᠢ ᠬᠠᠷᠠᠭᠠᠴᠢ᠂ ᠭᠠᠯᠳᠠᠨ!
ᠲᠡᠷᠡ ᠬᠦ᠌ ᠳᠤᠭᠤᠢ ᠪᠣᠷᠣ ᠬᠦᠷᠡᠩ ᠲᠣᠭᠣᠷᠢᠮ ᠲᠡᠷᠡ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠢᠪᠠᠭᠤᠨ ᠤ᠋ ᠡᠭᠦᠷ ᠪᠠᠢᠪᠠ᠃ ᠰᠢᠪᠠᠭᠤᠨ ᠤ᠋ ᠡᠭᠦᠷ ᠵᠢᠵᠢᠭᠬᠡᠨ ᠠᠲᠠᠯᠠ ᠡᠪᠯᠢᠭ ᠤᠷᠠᠨ ᠪᠥᠯᠥᠭᠡ᠃ ᠡᠭᠦᠷ ᠪᠣᠯᠭᠠᠨ ᠢ᠋ ᠡᠪᠡᠰᠦᠨ ᠦ᠌ ᠴᠠᠭᠠᠨ᠂ ᠰᠢᠷᠠ᠂ ᠬᠥᠬᠡ᠂ ᠨᠣᠭᠣᠭᠠᠨ ᠡᠰᠢ ᠪᠡᠷ ᠵᠠᠰᠠᠵᠤ᠂ ᠵᠠᠢ ᠵᠠᠪᠰᠠᠷ ᠨᠢ ᠬᠥᠪᠥᠩ ᠮᠡᠲᠦ ᠵᠥᠭᠡᠯᠡᠨ ᠡᠪᠡᠰᠦ ᠪᠡᠷ ᠲᠣᠣᠷᠯᠠᠵᠠᠢ᠃ ᠨᠢᠭᠡ ᠳᠣᠣᠷᠠ ᠰᠢᠪᠠᠭᠤᠨ ᠤ᠋ ᠡᠭᠦᠷ ᠡᠢᠮᠦ ᠣᠯᠠᠨ ᠪᠠᠢᠳᠠᠭ ᠢ᠋ ᠮᠡᠳᠡᠭᠰᠡᠨ ᠶᠦᠮ ᠃
— ᠪᠣᠷᠣ ᠪᠣᠷᠣ ᠶ᠋ᠢᠨ ᠪᠢᠯᠵᠤᠤᠬᠠᠢ ᠡᠨᠳᠡ ᠥᠨᠳᠡᠭᠡᠯᠡᠳᠡᠭ ᠶᠦᠮ ᠭᠡᠵᠦ ᠠᠨᠤᠳᠠᠷᠠ ᠥᠭᠦᠯᠡᠪᠡ᠃ ᠬᠠᠷᠢᠨ ᠠᠨᠤᠳᠠᠷᠠ ᠶ᠋ᠢᠨ ᠳᠡᠭᠦᠦ ᠠᠬᠠᠳᠠᠷᠠ ᠡᠭᠡᠴᠢ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡ ᠪᠠ ᠬᠥᠳᠡᠯᠭᠡᠭᠡᠨ ᠢ᠋ ᠨᠢ ᠳᠠᠭᠤᠷᠢᠶᠠᠵᠤ ᠳᠠᠭᠠᠭᠰᠠᠭᠠᠷ ᠪᠠᠢᠯᠠ᠃ ᠲᠡᠷᠡ ᠬᠣᠶᠠᠷ ᠤᠰᠤᠨ ᠤ᠋ ᠰᠤᠳᠠᠯ ᠰᠢᠭ᠋ ᠢᠵᠢᠯᠢᠬᠡᠨ ᠥᠬᠢᠨ ᠶᠦᠮ᠃
ᠠᠷᠪᠠᠨ ᠳᠣᠯᠣᠭᠠ
ᠸᠴᠢᠷᠲᠤ ᠰᠡᠴᠡᠨ ᠬᠠᠭᠠᠨ ᠤ᠋ ᠬᠢ ᠡᠴᠡ ᠬᠥᠳᠡᠯᠦᠭᠡᠳ ᠣᠢᠷᠠᠳ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ ᠮᠥᠷᠭᠥᠯᠴᠢᠳ ᠦ᠋ᠨ ᠬᠡᠰᠡᠭ ᠪᠤᠰᠠᠭ ᠴᠤᠪᠤᠭᠠ ᠲᠠᠢ ᠲᠠᠭᠠᠷᠠᠯᠳᠤᠪᠠ᠃ ᠮᠥᠷᠭᠥᠯᠴᠢᠳ ᠮᠠᠨ ᠤ᠋ ᠨᠡᠭᠦᠳᠡᠯ ᠬᠥᠰᠬᠡ ᠶ᠋ᠢ ᠪᠠᠷᠠᠭᠠᠳᠠᠨ ᠳᠠᠭᠠᠬᠤ ᠪᠣᠯᠤᠯᠠ᠃ ᠲᠠᠯᠠ ᠬᠡᠭᠡᠷᠡ ᠨᠤᠲᠤᠭ ᠲᠤ᠌ ᠴᠠᠭᠠᠨ ᠲᠡᠮᠡᠭᠡ ᠴᠠᠳᠬᠤᠯᠳᠤᠨ ᠰᠦᠷᠦᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠡᠯᠴᠢᠵᠦ᠂ ᠲᠠᠷᠭᠤᠯᠠᠭᠰᠠᠨ ᠴᠠᠭᠠᠨ ᠵᠡᠭᠡᠷᠡ ᠣᠭᠣᠨᠣ᠂ ᠰᠢᠷᠠᠭᠴᠢᠨ ᠢ᠋ᠶ᠋ᠠᠷ ᠢᠯᠭᠠᠷᠠᠨ ᠰᠦᠷᠦᠭᠯᠡᠵᠦ᠂ ᠡᠪᠡᠰᠦᠨ ᠦ᠌ ᠴᠠᠭᠠᠨ ᠲᠣᠭᠣᠰᠣ ᠶ᠋ᠢ ᠦᠷᠭᠦᠭᠡᠨ ᠬᠤᠢᠯᠠᠷᠠᠬᠤ ᠪᠥᠯᠥᠭᠡ᠃ ᠴᠡᠴᠡᠭ ᠦ᠋ᠨ ᠲᠣᠭᠣᠰᠣ ᠦᠯᠡᠮᠵᠢ ᠶᠡᠬᠡ ᠪᠡᠷ ᠪᠣᠰᠤᠨᠠ᠃
ᠬᠣᠱᠤᠳ᠂ ᠲᠣᠷᠭᠤᠳ ᠠᠢᠯ ᠤ᠋ᠳ ᠤ᠋ᠨ ᠬᠠᠶᠠᠭᠠ ᠪᠠᠷ ᠥᠩᠭᠡᠷᠡᠬᠦ ᠪᠡᠷ ᠠᠪᠠᠭᠠᠢ ᠬᠡᠦᠬᠡᠨ ᠨᠦ᠍ᠭᠦᠳ ᠰᠦ ᠡᠷᠭᠦᠨ ᠦᠳᠡᠨᠡ᠃ ᠸᠴᠢᠷᠲᠤ ᠰᠡᠴᠡᠨ ᠬᠠᠭᠠᠨ ᠦᠳᠡ ᠶ᠋ᠢᠨ ᠭᠠᠵᠠᠷ ᠠᠶᠠᠯᠠᠵᠤ ᠪᠤᠴᠠᠬᠤ ᠳ᠋ᠠᠭᠠᠨ᠂
— ᠣᠢᠷᠠᠳ ᠲᠦᠮᠡᠨ ᠠᠵᠠ ᠲᠠᠢ ᠶᠤᠮ᠃ ᠨᠢᠭᠡ ᠵᠠᠭᠤ ᠨᠠᠢ᠍ᠮᠠᠨ ᠬᠤᠪᠢᠯᠭᠠᠨ ᠲᠠᠢ ᠪᠣᠯᠵᠤ ᠨᠢᠭᠦᠯ ᠬᠢᠯᠢᠨᠴᠡ ᠪᠡᠨ ᠳᠤᠮᠳᠠᠯᠠᠬᠤ ᠶᠤᠮ ᠪᠠᠢᠨᠠ᠃ ᠵᠠᠭᠤᠨ ᠨᠠᠢ᠍ᠮᠠᠨ ᠯᠠᠮᠠ ᠶ᠋ᠢᠨ ᠲᠡᠭᠦᠨᠴᠡ ᠭᠠᠯᠳᠠᠨ ᠬᠠᠨ ᠬᠦᠦ ᠶ᠋ᠢᠨ ᠵᠠᠮ ᠨᠢ ᠥᠯᠵᠡᠢ ᠲᠡᠢ ᠪᠣᠯᠲᠤᠭᠠᠢ ᠭᠡᠮᠡᠨ ᠢᠷᠦᠭᠡᠯ ᠡᠷᠭᠦᠪᠡ᠃
ᠵᠠᠮ ᠵᠠᠭᠤᠷᠠ ᠴᠡᠴᠡᠨ ᠠᠬᠠ ᠶ᠋ᠢᠨ ᠰᠢᠪᠡᠨᠡᠨ ᠬᠡᠯᠡᠭᠰᠡᠨ《ᠲᠠᠢᠭᠠᠨ ᠬᠥᠮᠦᠨ ᠡᠬᠡᠨᠡᠷ ᠠᠪᠳᠠᠭ ᠦᠭᠡᠢ᠂ ᠲᠠᠢᠭᠠᠨ ᠬᠥᠮᠦᠨ ᠬᠡᠦᠬᠡᠳ ᠦᠭᠡᠢ ᠪᠠᠢᠳᠠᠭ᠂ ᠯᠠᠮᠠ ᠬᠥᠮᠦᠨ ᠲᠠᠢᠭᠠᠨ ᠲᠠᠢ ᠢᠵᠢᠯᠢ》 ᠭᠡᠮᠡᠨ ᠨᠠᠮᠠᠶ᠋ᠢ ᠦᠷᠭᠦᠭᠡᠨ ᠦ᠌ ᠭᠠᠳᠠᠨᠠ ᠬᠥᠲᠥᠯᠵᠦ ᠠᠪᠠᠴᠢᠭᠠᠳ ᠥᠭᠦᠯᠡᠭᠰᠡᠨ ᠨᠢ ᠬᠣᠷᠣᠰᠤᠯ ᠲᠥᠷᠥᠭᠦᠯᠵᠦ ᠪᠠᠢᠯᠠ᠃
ᠲᠡᠭᠡᠬᠦ ᠳ᠋ᠦ᠍ ᠬᠡᠳᠦᠢᠪᠡᠷ ᠨᠠᠰᠤ ᠪᠠᠯᠴᠢᠷ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠬᠣᠷᠢᠨ ᠵᠢᠯ ᠦ᠋ᠨ ᠬᠣᠢᠨᠠ ᠬᠠᠭᠠᠨ ᠰᠡᠨᠳᠡᠢ ᠳ᠋ᠦ᠍ ᠵᠠᠯᠠᠷᠠᠵᠤ᠂ ᠲᠡᠮᠳᠡᠭᠯᠡᠯ ᠪᠡᠷᠯᠡᠵᠦ ᠪᠠᠢᠬᠤ ᠳ᠋ᠠᠭᠠᠨ ᠭᠠᠯᠳᠠᠨ ᠶᠠᠭᠤᠨ ᠳ᠋ᠤ᠌ ᠡᠭᠦᠨ ᠢ᠋ ᠰᠠᠨᠠᠭᠠᠯᠵᠠᠪᠠ᠃ ᠴᠡᠴᠡᠨ ᠭᠠᠯᠳᠠᠨ ᠳ᠋ᠤ᠌ ᠪᠤᠰᠤ ᠰᠡᠩᠭᠡ ᠠᠬᠠ ᠳ᠋ᠤ᠌ ᠨᠢ ᠬᠣᠷᠣᠰᠴᠤ ᠪᠠᠢᠵᠠᠢ᠃ ᠬᠠᠭᠠᠨ ᠤ᠋ ᠲᠣᠮᠣ ᠬᠥᠪᠡᠭᠦᠨ ᠬᠠᠭᠠᠨ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠨᠠᠭᠠᠷᠬᠠᠵᠤ ᠶᠠᠪᠤᠭᠰᠠᠭᠠᠷ ᠲᠡᠭᠦᠰᠪᠡ᠃
ᠬᠥᠬᠡᠨᠠᠭᠤᠷ ᠤ᠋ᠨ ᠲᠠᠯᠠ ᠨᠤᠲᠤᠭ ᠡᠷᠲᠡᠨ ᠦ᠌ ᠨᠡᠭᠦᠳᠡᠯᠴᠢᠳ ᠦ᠋ᠨ ᠬᠣᠪᠢᠯ ᠲᠠᠲᠠᠭᠰᠠᠨ ᠵᠠᠮ ᠲᠠᠢ ᠪᠥᠯᠥᠭᠡ᠃ ᠲᠡᠷᠡ ᠰᠣᠷᠪᠢ ᠮᠡᠲᠦ ᠵᠠᠮ ᠣᠨ ᠵᠢᠯ ᠦ᠋ᠨ ᠪᠣᠷᠣᠭᠠ ᠬᠤᠷᠠ᠂ ᠠᠭᠲᠠ ᠮᠣᠷᠢᠳ ᠤ᠋ᠨ ᠲᠤᠭᠤᠷᠠᠢ ᠳ᠋ᠤ᠌ ᠤᠯᠠᠮ ᠥᠷᠭᠡᠵᠢᠭᠰᠡᠭᠡᠷ ᠠᠯᠤᠰ ᠲᠠᠢᠰᠢ ᠬᠥᠳᠡᠯᠦᠨᠡ᠃
ᠡᠷᠭᠢᠵᠦ ᠬᠠᠷᠠᠬᠤ ᠳ᠋ᠤ᠌ ᠠᠯᠲᠠᠢ ᠶ᠋ᠢᠨ ᠠᠭᠤᠯᠠᠰ ᠤ᠋ᠨ ᠪᠠᠷᠠ ᠲᠠᠰᠤᠷᠠᠵᠠᠢ᠃ ᠴᠠᠭᠠᠨ ᠪᠣᠷᠭᠢᠶᠠ ᠲᠠᠲᠠᠭᠤᠯᠤᠭᠰᠠᠨ ᠠᠭᠤᠯᠠ ᠶ᠋ᠢᠨ ᠭᠣᠣᠯ᠂ᠰᠦᠷᠯᠢᠭ ᠬᠠᠳᠠᠲᠤ ᠣᠷᠭᠢᠯ ᠭᠠᠵᠠᠷ ᠤ᠋ᠨ ᠬᠣᠯᠠ ᠳ᠋ᠤ᠌ ᠭᠡᠭᠡᠭᠳᠡᠨ ᠬᠣᠴᠣᠷᠴᠤ ᠭᠠᠯᠳᠠᠨ ᠢ᠋ ᠥᠨᠦᠴᠢᠷᠡᠭᠦᠯᠵᠦ ᠪᠠᠢᠯᠠ᠃ᠭᠠᠯᠳᠠᠨ ᠬᠥᠪᠡᠭᠦᠨ ᠠᠭᠤᠯᠠ ᠤᠰᠤᠨ ᠠ᠋ᠴᠠ ᠪᠠᠨ ᠬᠣᠯᠠᠳᠤᠭᠰᠠᠭᠠᠷ ᠠᠵᠢ᠃ ᠭᠠᠯᠳᠠᠨ ᠡᠪᠡᠰᠦ᠂ ᠴᠡᠴᠡᠭ ᠦ᠋ᠨ ᠲᠣᠭᠣᠰᠣᠨ ᠳ᠋ᠤ᠌ ᠳᠠᠷᠤᠭᠤᠯᠤᠭᠰᠠᠭᠠᠷ ᠣᠳᠪᠠ᠃ᠡᠪᠡᠰᠦ᠂ᠴᠡᠴᠡᠭ ᠦ᠋ᠨ ᠲᠣᠭᠣᠰᠣᠨ ᠳᠤᠮᠳᠠᠭᠤᠷ ᠰᠥᠯ ᠰᠠᠢᠲᠠᠢ ᠨᠠᠮᠤᠷ ᠴᠠᠭ ᠢ᠋ᠶ᠋ᠠᠷ ᠠᠯᠤᠰ ᠭᠠᠵᠠᠷ ᠣᠳᠬᠤ ᠰᠠᠢᠬᠠᠨ ᠪᠠᠢᠯᠠ᠃
ᠠᠷᠪᠠᠨ ᠨᠠᠢ᠍ᠮᠠ
ᠲᠥᠪᠡᠳ ᠦ᠋ᠨ ᠨᠤᠲᠤᠭ ᠤᠷᠤᠭᠤ ᠣᠢᠷᠠᠳ ᠤ᠋ᠨ ᠬᠥᠰᠬᠡ ᠨᠡᠭᠦᠳᠡᠯ ᠰᠢᠷᠭᠤᠨ ᠣᠷᠣᠵᠤ ᠭᠠᠩᠭᠠ᠂ ᠬᠠᠪᠴᠢᠯ ᠪᠦᠬᠦᠢ ᠨᠠᠷᠢᠨ ᠵᠠᠮ ᠢ᠋ᠶ᠋ᠠᠷ ᠥᠭᠰᠥᠭᠰᠡᠭᠡᠷ᠃ᠮᠣᠷᠢᠳ᠂ᠲᠡᠮᠡᠭᠡ ᠮᠠᠯ ᠤ᠋ᠨ ᠬᠥᠯ ᠢ᠋ᠶ᠋ᠡᠷ ᠴᠢᠯᠠᠭᠤ ᠥᠩᠬᠥᠷᠢᠨ ᠨᠤᠷᠠᠵᠤ᠂ ᠭᠦᠨ ᠰᠠᠢᠷ ᠤ᠋ᠨ ᠢᠷᠣᠭᠠᠷ ᠬᠠᠷᠠᠯᠠᠨᠠ᠃ ᠠᠭᠤᠯᠠ ᠥᠨᠳᠥᠷᠰᠦᠨᠡ᠃
ᠬᠥᠰᠬᠡ ᠶ᠋ᠢᠨ ᠠᠬᠠᠯᠠᠭᠴᠢ ᠳᠠᠪᠠᠭᠠ ᠥᠭᠡᠳᠡ ᠥᠭᠰᠥᠵᠦ ᠶᠠᠪᠤᠭᠠᠳ᠂
— ᠲᠦᠷᠦᠭᠦᠴᠢ ᠶ᠋ᠢᠨ ᠲᠡᠮᠡᠭᠡᠨ ᠦ᠌ ᠨᠢᠳᠦ ᠶ᠋ᠢ ᠪᠣᠭᠣᠬᠤ ᠤᠤ? ᠵᠢᠷᠦᠬᠡ ᠠᠯᠳᠠᠭᠠᠳ ᠪᠠᠢᠬᠤ ᠰᠢᠭ᠋ ᠪᠠᠢᠨᠠ᠃ ᠶᠠᠭᠠᠬᠢᠬᠤ ᠪᠣᠢ? ᠭᠡᠬᠦ ᠳ᠋ᠦ᠍ ᠵᠠᠭᠤᠲᠤ ᠴᠡᠷᠢᠭ ᠦ᠋ᠨ ᠱᠠᠯᠠᠮᠠᠭᠠᠢ ᠵᠠᠩᠵᠤᠨ ᠪᠠᠷᠬᠢᠷᠠᠵᠤ᠂
— ᠴᠢ ᠮᠡᠳᠡᠵᠦ ᠪᠠᠢᠭᠰᠠᠨ ᠶᠤᠮ ᠪᠣᠯ ᠪᠣᠭᠣᠬᠤ ᠦᠭᠡᠢ ᠶᠠᠭᠠᠬᠢᠭᠰᠠᠨ ᠶᠤᠮ᠃ ᠡᠳᠦᠢ ᠥᠨᠳᠥᠷ ᠲᠦ᠍ ᠭᠠᠷᠤᠭᠰᠠᠨ ᠬᠣᠢᠨᠠ ᠮᠡᠩᠳᠡᠵᠦ ᠪᠠᠢᠳᠠᠭ᠃ ᠥᠭᠡᠳᠡ ᠦᠭᠡᠢ ᠲᠤᠷᠤᠰᠬᠠ᠁ ᠭᠡᠯᠡ᠃
ᠣᠯᠠᠨ ᠶᠠᠪᠠᠭᠠᠨ ᠢᠷᠭᠡᠳ ᠲᠡᠮᠡᠭᠡ ᠮᠠᠯ ᠲᠠᠭᠤᠵᠤ ᠶᠠᠪᠤᠨᠠ᠃ ᠨᠡᠪᠰᠡᠢᠭᠰᠡᠨ ᠤᠷᠲᠤ ᠴᠤᠪᠤᠭᠠᠨ ᠤ᠋ ᠬᠥᠯ ᠴᠤᠴᠠᠵᠤ ᠵᠠᠮ ᠤᠯᠠᠮ ᠥᠭᠰᠥᠭᠦᠷ ᠪᠣᠯᠤᠨᠠ᠃
ᠴᠠᠰᠤᠨ ᠤ᠋ ᠬᠥᠯ ᠮᠦᠰᠥᠳᠡᠵᠡᠢ᠃ ᠮᠥᠰᠥᠨ ᠡᠴᠡ ᠨᠠᠷᠠᠨ ᠤ᠋ ᠭᠡᠷᠡᠯ ᠣᠢᠵᠤ ᠵᠢᠬᠡᠭᠦᠨ ᠢ᠋ᠶ᠋ᠡᠷ ᠭᠢᠯᠲᠠᠭᠠᠨᠠᠨᠠ᠃ ᠳᠠᠪᠠᠭᠠ ᠶ᠋ᠢᠨ ᠣᠷᠣᠢ ᠳ᠋ᠤ᠌ ᠴᠣᠪᠣᠭᠠᠨ ᠤ᠋ ᠲᠦᠷᠦᠭᠦᠴᠢ ᠶ᠋ᠢᠨ ᠬᠥᠰᠬᠡ ᠭᠠᠷᠴᠤ ᠢᠷᠡᠨᠡ᠃ ᠳᠠᠪᠠᠭᠠᠨ ᠤ᠋ ᠣᠷᠣᠢ ᠲᠡᠨᠢᠭᠦᠨ ᠠᠵᠢ᠃ ᠬᠡᠴᠢᠨᠡᠭᠡᠨ ᠠᠴᠢᠶᠠ ᠬᠥᠰᠬᠡ᠂ ᠵᠢᠤᠵᠠ ᠲᠡᠷᠭᠡ ᠪᠠᠭᠲᠠᠵᠤ ᠪᠠᠷ ᠵᠠᠢᠲᠠᠢ ᠪᠠᠢᠪᠠ᠃
ᠣᠯᠪᠣᠬᠲᠣ ᠰᠡᠦᠬᠡ ᠲᠡᠷᠭᠡᠨ ᠡᠴᠡ ᠵᠠᠯᠠᠭᠤᠬᠠᠨ ᠯᠠᠮᠠ ᠶ᠋ᠢ ᠰᠤᠭᠤᠳᠠᠨ ᠪᠠᠭᠤᠯᠭᠠᠬᠤ ᠳ᠋ᠤ᠌ ᠲᠡᠷᠡ ᠪᠡᠷ ᠨᠠᠮᠪᠠ ᠲᠡᠭᠦᠯᠳᠡᠷ ᠠᠯᠬᠤᠵᠤ ᠣᠪᠣᠭᠠᠨ ᠳ᠋ᠤ᠌ ᠴᠢᠯᠠᠭᠤ ᠨᠡᠮᠡᠪᠡ᠃ ᠭᠣᠨᠵᠣᠭᠣᠷ ᠨᠢᠭᠤᠷ ᠲᠠᠢ᠂ ᠲᠣᠮᠣ ᠴᠢᠬᠢ ᠲᠡᠢ᠂ ᠬᠠᠷᠠ ᠨᠢᠳᠦ ᠲᠡᠢ ᠯᠠᠮᠠ ᠪᠠᠷᠠ ᠪᠣᠯᠣᠭᠰᠠᠳ ᠤ᠋ᠨ ᠢ᠋ᠶ᠋ᠠᠨ ᠲᠠᠢᠰᠢ ᠬᠠᠷᠠᠭᠠᠴᠢᠯᠠᠬᠤ ᠳ᠋ᠤ᠌ ᠬᠥᠮᠦᠰ ᠰᠦᠰᠦᠭᠯᠡᠨ ᠮᠥᠷᠭᠥᠵᠦ ᠭᠠᠵᠠᠷ ᠪᠣᠬᠢᠷᠴᠠᠢ᠃ᠬᠠᠷᠢᠨ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠴᠡᠷᠢᠭ ᠦ᠋ᠳ ᠬᠠᠷᠠ ᠶᠡᠬᠡᠲᠡᠢ ᠬᠠᠷᠠᠨᠠ᠃ ᠲᠥᠪᠡᠳ ᠮᠣᠩᠭᠣᠯ ᠯᠠᠮᠠ ᠨᠠᠷ᠂ ᠴᠡᠷᠢᠭ ᠦ᠋ᠳ ᠳᠠᠭᠠᠯᠳᠤᠬᠤ ᠶ᠋ᠢ ᠪᠣᠳᠣᠪᠠᠯ ᠵᠠᠯᠠᠭᠤ ᠯᠠᠮᠠ ᠵᠢᠩᠳᠠᠭᠠ ᠥᠨᠳᠥᠷ ᠠᠵᠢ᠃
ᠡᠨᠡ ᠦᠶᠡ ᠳ᠋ᠦ᠍ ᠠᠷᠭᠤᠮᠠᠭ ᠮᠣᠷᠢᠳ ᠤ᠋ᠳ ᠳᠠᠪᠠᠭᠠ ᠥᠭᠡᠳᠡ ᠥᠭᠰᠥᠵᠦ ᠣᠪᠣᠭᠠᠨ ᠤ᠋ ᠴᠢᠩᠬᠠ ᠡᠮᠦᠨᠡ ᠡᠴᠡ ᠭᠠᠷᠴᠤ ᠢᠷᠡᠭᠡᠳ ᠣᠯᠠᠨ ᠮᠥᠷᠭᠥᠯᠴᠢᠳ᠂ ᠯᠠᠮᠠ ᠬᠤᠸᠠᠷᠠᠭ ᠤ᠋ᠳ᠂ ᠴᠡᠷᠢᠭ ᠡᠷᠡᠰ ᠡᠴᠡ ᠳᠠᠢᠵᠢᠬᠤ ᠮᠡᠲᠦ ᠵᠣᠭ ᠲᠣᠰᠴᠤ ᠣᠪᠣᠭᠠᠨ ᠤ᠋ ᠵᠡᠭᠦᠨ ᠲᠠᠯᠠ ᠳ᠋ᠤ᠌ ᠵᠥᠷᠢᠵᠦ ᠵᠣᠭᠰᠣᠨᠠ᠃ ᠳᠠᠪᠠᠭᠠᠨ ᠤ᠋ ᠲᠡᠨᠢᠭᠦᠨ ᠣᠷᠣᠢ ᠬᠥᠮᠦᠰ ᠢ᠋ᠶ᠋ᠡᠷ ᠳᠦᠭᠦᠷᠪᠡ᠃
ᠪᠣᠭᠳᠠ ᠯᠠᠮᠠ ᠶ᠋ᠢ ᠰᠡᠦᠬᠡ ᠲᠡᠷᠭᠡᠨ ᠳ᠋ᠦ᠍ ᠰᠠᠭᠤᠯᠭᠠᠬᠤ ᠪᠠᠷ ᠤᠷᠢᠨ ᠵᠠᠯᠠᠬᠤ ᠳ᠋ᠤ᠌ ᠲᠡᠷᠡ ᠪᠡᠷ ᠮᠣᠷᠢᠳ ᠤ᠋ᠨ ᠬᠥᠯᠥᠰᠥ ᠦᠨᠦᠷᠲᠦᠵᠦ ᠲᠠᠭᠠᠲᠠᠢᠬᠠᠨ ᠢᠨᠢᠶᠡᠮᠰᠦᠭᠯᠡᠵᠦ᠂ ᠣᠪᠣᠭᠠᠨ ᠤ᠋ ᠪᠠᠷᠠᠭᠤᠨ ᠲᠠᠯᠠ ᠶ᠋ᠢᠨ ᠣᠢᠷᠠᠳ ᠮᠣᠩᠭᠣᠯᠴᠤᠳ ᠤᠷᠤᠭᠤ ᠬᠠᠷᠠᠵᠤ ᠵᠣᠭᠰᠣᠨᠠ᠃
ᠮᠣᠩᠭᠣᠯᠴᠤᠳ ᠮᠥᠨ ᠬᠦ᠌ ᠯᠠᠮᠠ ᠶ᠋ᠢ ᠪᠢᠰᠢᠷᠠᠯᠲᠠᠢᠬᠡᠨ ᠬᠠᠷᠠᠵᠠᠭᠠᠨᠠ᠃
— ᠲᠠ ᠪᠦᠬᠦᠨ ᠠᠮᠤᠷᠬᠠᠨ ᠰᠠᠢᠨ ᠮᠣᠷᠢᠯᠠᠵᠤ ᠶᠠᠪᠤᠨᠠ ᠤᠤ ᠭᠡᠮᠡᠨ ᠮᠥᠨᠥᠬᠢ ᠯᠠᠮᠠ ᠨᠠᠢᠷ ᠲᠠᠯᠪᠢᠨ ᠮᠡᠨᠳᠦ ᠮᠡᠳᠡᠯᠡ᠃ ᠣᠢᠷᠠᠳ ᠴᠡᠷᠢᠭ ᠦ᠋ᠨ ᠵᠠᠩᠵᠤᠨ᠂
— ᠪᠤᠷᠬᠠᠨ ᠤ᠋ ᠣᠷᠣᠨ ᡀᠠᠰᠠ ᠣᠷᠣᠬᠤ ᠪᠠᠷ ᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠶ᠋ᠢᠨ ᠨᠤᠲᠤᠭ ᠠ᠋ᠴᠠ ᠠᠮᠤᠷ ᠠᠮᠤᠭᠤᠯᠠᠩ ᠶᠠᠪᠤᠨᠠ ᠭᠡᠵᠦ ᠮᠡᠨᠳᠦᠯᠡᠪᠡ᠃ ᠭᠡᠲᠡᠯᠡ ᠮᠥᠨᠥᠬᠢ ᠨᠢᠳᠦᠨ ᠳ᠋ᠦ᠍ ᠳᠤᠯᠠᠭᠠᠬᠠᠨ ᠲᠣᠮᠣ ᠴᠢᠬᠢ ᠲᠡᠢ ᠯᠠᠮᠠ᠂
— ᠪᠠᠭᠰᠢ ᠯᠠᠮᠠ ᠽᠠᠶᠠ ᠪᠠᠨᠳᠢᠳᠠ ᠭᠡᠭᠡᠨ ᠬᠠᠮᠲᠤ ᠮᠣᠷᠢᠯᠠᠵᠤ ᠢᠷᠡᠭᠰᠡᠨ ᠤᠤ? ᠭᠡᠮᠡᠨ ᠨᠠᠢᠷᠰᠠᠭ ᠳᠣᠲᠣᠨᠣ ᠪᠠᠷ ᠥᠭᠦᠯᠡᠪᠡ᠃
— ᠣᠳᠣᠬᠠᠨ ᠢᠷᠡᠨᠡ᠃ ᠪᠣᠭᠳᠠ ᠯᠠᠮᠠᠳᠠᠳ ᠲᠠ ᠪᠣᠯᠭᠣᠭᠠᠵᠤ ᠥᠷᠥᠰᠢᠶᠡ᠃ ᠳᠠᠪᠠᠭᠠ ᠥᠨᠳᠥᠷ ᠲᠤᠯᠠ ᠮᠠᠴᠤᠵᠤ ᠵᠢᠳᠬᠦᠭᠰᠡᠭᠡᠷ ᠣᠢᠷᠠᠲᠤᠨ ᠶᠠᠪᠤᠭᠠ ᠭᠡᠵᠦ ᠴᠡᠷᠢᠭ ᠦ᠋ᠨ ᠠᠬᠠᠯᠠᠭᠴᠢ ᠬᠡᠯᠡᠪᠡ᠃
ᠽᠠᠶᠠ ᠪᠠᠨᠳᠢᠳᠠ ᠨᠠᠮᠠᠬᠠᠢᠵᠠᠮᠰᠣ᠂ ᠬᠠᠨ ᠬᠦᠦ ᠭᠠᠯᠳᠠᠨ ᠤ᠋ ᠬᠠᠮᠲᠤ ᠣᠪᠣᠭᠠᠨ ᠳᠡᠭᠡᠷᠡ ᠪᠠᠭᠤᠪᠠ᠃ ᠮᠣᠩᠭᠣᠯ ᠤ᠋ᠨ ᠠᠩᠬᠠᠳᠤᠭᠠᠷ ᠪᠣᠭᠳᠠ ᠵᠢᠪᠽᠣᠨᠳᠠᠮᠪᠠ ᠬᠡᠮᠡᠬᠦ ᠥᠨᠳᠥᠷ ᠭᠡᠭᠡᠨ ᠵᠠᠨᠠᠪᠠᠽᠠᠷ᠂ ᠣᠢᠷᠠᠳ ᠲᠤ᠌ ᠰᠠᠭᠤᠵᠤ ᠪᠣᠢ ᠭᠡᠭᠡᠨᠳᠡᠨ ᠽᠠᠶᠠ ᠪᠠᠨᠳᠢᠳᠠ ᠨᠠᠮᠠᠬᠠᠢᠵᠠᠮᠰᠣ ᠳ᠋ᠤ᠌ ᠪᠥᠬᠥᠢᠵᠦ ᠮᠣᠳᠣᠷ ᠤ᠋ᠨ ᠠᠳᠢᠰ ᠬᠦᠷᠲᠡᠪᠡ᠃ ᠨᠠᠮᠠᠬᠠᠢᠵᠠᠮᠰᠣ ᠭᠡᠭᠡᠨᠳᠡᠨ ᠪᠥᠭᠡᠰᠦ ᠪᠣᠭᠳᠠ ᠯᠠᠮᠠ ᠶ᠋ᠢᠨ ᠨᠣᠮ ᠤ᠋ᠨ ᠪᠠᠭᠰᠢ ᠪᠠᠢᠭᠰᠠᠨ ᠪᠢᠯᠡ᠃ ᠲᠡᠷᠡ ᠶᠡᠬᠡ ᠯᠠᠮᠠᠳᠠᠨ ᠠᠯᠲᠠᠢ ᠬᠢᠵᠠᠭᠠᠷ᠂ ᠬᠠᠷᠠ ᠡᠷᠴᠢᠰ ᠮᠥᠷᠡᠨ ᠦ᠌ ᠰᠠᠪᠠ ᠨᠤᠲᠤᠭ ᠵᠡᠭᠦᠨᠭᠠᠷ ᠢ᠋ᠶ᠋ᠠᠷ ᠪᠡᠳᠡᠷᠢᠨ ᠶᠠᠪᠤᠵᠤ ᠪᠤᠷᠬᠠᠨ ᠱᠠᠰᠢᠨ ᠤ᠋ ᠰᠤᠳᠤᠷ ᠨᠣᠮ ᠵᠠᠯᠠᠵᠤ᠂ ᠲᠥᠷᠥᠬᠦ ᠦᠬᠦᠬᠦ ᠶ᠋ᠢᠨ ᠵᠠᠪᠰᠠᠷ ᠪᠤᠶᠠᠨ ᠦᠢᠯᠡᠳᠴᠦ᠂ ᠨᠢᠭᠦᠯ ᠡᠴᠡ ᠨᠢᠭᠤᠭᠳᠠᠵᠤ ᠶᠠᠪᠤᠬᠤ ᠶ᠋ᠢᠨ ᠤᠬᠠᠭᠠᠷᠠᠯ ᠢ᠋ ᠲᠠᠨᠢᠭᠤᠯᠤᠭᠰᠠᠭᠠᠷ ᠬᠡᠳᠦᠨ ᠵᠢᠯ ᠢ᠋ ᠦᠳᠡᠭᠰᠡᠨ ᠪᠠᠢᠵᠠᠢ᠃ ᠳᠥᠷᠪᠡᠨ ᠣᠢᠷᠠᠳ ᠲᠤ᠌ ᠰᠦᠮᠡ ᠳᠤᠭᠠᠩ ᠪᠤᠰᠬᠠᠵᠤ᠂ ᠲᠡᠷᠡ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠦᠰᠦᠭᠲᠡᠨ ᠣᠯᠠᠨ ᠲᠠᠢ ᠪᠣᠯᠵᠠᠢ᠃ ᠤᠭ ᠠ᠋ᠴᠠ ᠨᠠᠮᠠᠬᠠᠢᠵᠠᠮᠰᠣ ᠯᠠᠮᠠᠲᠠᠨ ᠢ᠋ ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠵᠦᠭ ᠡᠴᠡ ᠵᠡᠭᠦᠨᠭᠠᠷ ᠲᠠᠢᠰᠢ ᠤᠲᠤᠭᠤᠯᠵᠤ᠂ ᠲᠦᠮᠡᠨ ᠣᠯᠠᠨ ᠤ᠋ ᠲᠠᠭᠠᠰᠢᠶᠠᠯ ᠢ᠋ ᠬᠦᠯᠢᠶᠡᠵᠦ᠂ ᠪᠤ᠍ᠳ᠌ᠳ᠌᠍ᠾᠠ ᠶ᠋ᠢᠨ ᠰᠤᠷᠭᠠᠯ ᠨᠣᠮᠯᠠᠯ ᠢ᠋ ᠲᠠᠨᠢᠭᠤᠯᠵᠤ ᠳᠥᠷᠪᠡᠨ ᠣᠢᠷᠠᠳ ᠢ᠋ ᠬᠦᠯᠢᠴᠡᠩᠭᠦᠢ ᠳᠤᠭᠤᠯᠭᠠᠪᠤᠷᠢ ᠲᠠᠢ ᠱᠠᠪᠢ ᠪᠣᠯᠭᠠᠬᠤ ᠶ᠋ᠢ ᠬᠦᠰᠡᠭᠰᠡᠨ ᠪᠠᠢᠵᠠᠢ᠃ ᠠᠭᠤᠯᠠ ᠲᠠᠯᠠ᠂ ᠭᠣᠪᠢ ᠨᠤᠲᠤᠭ ᠤ᠋ᠨ ᠳᠤᠮᠳᠠᠭᠤᠷ ᠪᠡᠳᠡᠷᠢᠨ ᠶᠠᠪᠤᠵᠤ ᠱᠠᠪᠢ ᠨᠠᠷ ᠤ᠋ᠨ ᠢ᠋ᠶ᠋ᠠᠨ ᠲᠣᠭᠠ ᠶ᠋ᠢ ᠠᠷᠪᠢᠵᠢᠭᠤᠯᠵᠤ ᠳᠠᠯᠠᠢ ᠪᠠᠭᠰᠢ ᠶ᠋ᠢᠨ ᠢ᠋ᠶ᠋ᠡᠨ ᠳᠠᠭᠠᠭᠠᠯᠭᠠᠪᠤᠷᠢ ᠶ᠋ᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠢ᠋ᠶ᠋ᠡᠨ ᠲᠡᠭᠦᠨ ᠳ᠋ᠦ᠍ ᠲᠠᠨᠢᠭᠤᠯᠬᠤ ᠪᠠᠷ ᠶᠠᠪᠤᠭᠠ ᠨᠢ ᠨᠠᠮᠠᠬᠠᠢᠵᠠᠮᠰᠣ ᠯᠠᠮᠠᠳᠠᠨ ᠳ᠋ᠤ᠌ ᠲᠠᠭᠠᠲᠠᠢ ᠬᠡᠷᠡᠭ ᠪᠠᠢᠨᠠ᠃ ᠨᠠᠮᠠᠬᠠᠢᠵᠠᠮᠰᠣ ᠭᠡᠭᠡᠨᠲᠡᠨ ᠦ᠌ ᠡᠭᠡᠯ ᠦᠭᠡᠢ ᠵᠢᠳᠬᠦᠯ ᠦ᠋ᠨ ᠰᠢᠮᠡ ᠪᠡᠷ ᠣᠢᠷᠠᠳ ᠤ᠋ᠨ ᠤᠳᠤᠮ ᠤᠭᠰᠠᠭᠠ ᠰᠠᠢᠲᠠᠢ ᠬᠥᠪᠡᠭᠦᠳ ᠭᠠᠯᠳᠠᠨ ᠤ᠋ ᠠᠷᠤ ᠠ᠋ᠴᠠ ᠰᠢᠯᠢ ᠪᠡᠨ ᠳᠠᠷᠤᠨ ᠲᠥᠪᠡᠳ ᠦ᠋ᠨ ᠠᠷᠢᠭᠤᠨ ᠣᠷᠣᠨ ᠳ᠋ᠤ᠌ ᠢᠷᠡᠨᠡ ᠁ ᠭᠠᠯᠳᠠᠨ ᠢ᠋ ᠬᠠᠷᠠᠭᠠᠳ ᠥᠨᠳᠥᠷ ᠭᠡᠭᠡᠨ ᠵᠠᠨᠠᠪᠠᠽᠠᠷ ᠵᠡᠷᠭᠡ ᠵᠢᠩᠳᠠᠭᠠ ᠪᠠᠨ ᠪᠣᠳᠣᠵᠠᠢ᠃ ᠥᠨᠳᠥᠷ ᠭᠡᠭᠡᠨ《ᠭᠠᠯᠳᠠᠨ ᠴᠢ ᠪᠣᠯ ᠯᠤᠤᠰ ᠰᠠᠪᠳᠠᠭ ᠤ᠋ᠨ ᠪᠦᠷᠢᠯᠸᠠ ᠶᠤᠮ᠃ ᠴᠢᠮᠠᠶ᠋ᠢ ᠶᠠᠮᠠᠷ ᠶᠡᠬᠡ ᠡᠷᠡᠰᠳᠡᠯ᠂ ᠭᠠᠷᠤᠵᠠ ᠳᠠᠭᠠᠵᠤ ᠶᠠᠪᠤᠨᠠ ᠪᠣᠢ? ᠤᠬᠠᠭᠠᠨ ᠰᠡᠷᠭᠦᠯᠡᠩ᠂ ᠣᠯᠵᠠ ᠶ᠋ᠢᠨ ᠤᠭᠤᠲᠠ ᠨᠡᠭᠡᠭᠡᠯᠲᠡᠲᠡᠢ ᠬᠥᠮᠦᠨ ᠢ᠋ ᠳᠠᠭᠠᠳᠠᠭ ᠮᠠᠭᠤ ᠵᠦᠭ ᠦ᠋ᠨ ᠰᠠᠪᠳᠠᠭ ᠲᠠᠢ ᠲᠡᠷᠰᠯᠡᠬᠦ ᠶᠦᠮ ᠪᠠᠢᠨᠠ》 ᠭᠡᠵᠦ ᠪᠣᠳᠣᠪᠠ᠃ ᠥᠨᠳᠥᠷ ᠭᠡᠭᠡᠨ ᠦ᠌ ᠨᠢᠳᠦ ᠶᠡᠬᠡᠳᠡ ᠰᠦᠮᠡᠢᠵᠡᠢ᠃ ᠨᠠᠮᠠᠬᠠᠢᠵᠠᠮᠰᠣ ᠯᠠᠮᠠᠳᠠᠨ ᠲᠡᠭᠦᠨ ᠳ᠋ᠦ᠍ ᠭᠠᠯᠳᠠᠨ ᠢ᠋ ᠲᠠᠨᠢᠯᠴᠠᠭᠤᠯᠪᠠ᠃ ᠯᠠᠮᠠ ᠨᠠᠮᠤᠭᠤᠬᠠᠨ ᠳᠠᠭᠤ ᠪᠠᠷ᠂
— ᠡᠨᠡ ᠬᠥᠪᠡᠭᠦᠨ ᠪᠣᠯ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨ ᠡᠷᠳᠡᠨᠢᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠶ᠋ᠢᠨ ᠵᠢᠷᠭᠤᠳᠤᠭᠠᠷ ᠬᠦᠦ ᠭᠠᠯᠳᠠᠨ ᠪᠢᠯᠡ᠃ ᠪᠣᠭᠳᠠ ᠭᠡᠭᠡᠨ ᠲᠠ ᠬᠥᠪᠡᠭᠦᠨ ᠢ᠋ ᠪᠣᠯᠭᠣᠭᠠᠨᠠ ᠤᠤ?ᠲᠠᠨ ᠤ᠋ ᠵᠠᠯᠠᠷᠠᠳᠠᠭ ᠳᠠᠰᠢᠯᠠᡁᠠᠮᠣ ᠬᠡᠢᠳ ᠢ᠋ ᠵᠣᠷᠢᠵᠤ ᠶᠠᠪᠤᠭᠠ ᠭᠡᠪᠡ᠃
ᠥᠨᠳᠥᠷ ᠭᠡᠭᠡᠨ ᠵᠠᠨᠠᠪᠠᠽᠠᠷ ᠽᠠᠶᠠ ᠭᠡᠭᠡᠨ ᠦ᠌ ᠤᠷᠮᠠ ᠶ᠋ᠢ ᠬᠤᠭᠤᠯᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠵᠠᠯᠠᠭᠤᠬᠠᠨ ᠴᠠᠢᠪᠤᠷ ᠴᠢᠷᠠᠢ ᠳ᠋ᠠᠭᠠᠨ ᠢᠨᠢᠶᠡᠮᠰᠦᠭᠯᠡᠯ ᠲᠣᠳᠣᠷᠠᠭᠤᠯᠤᠨ᠂
— ᠭᠠᠯᠳᠠᠨ ᠬᠥᠪᠡᠭᠦᠨ ᠢ᠋ ᠪᠢ ᠲᠠᠨᠢᠵᠤ ᠮᠡᠳᠡᠨᠡ᠃ ᠬᠥᠪᠡᠭᠦᠨ ᠦ᠌ ᠨᠢᠳᠦ ᠴᠣᠭᠯᠢᠭ ᠶᠤᠮ᠃ ᠨᠣᠮ ᠤ᠋ᠨ ᠡᠷᠬᠢᠮ ᠪᠠᠭᠰᠢᠲᠠᠨ ᠣᠢᠷᠠᠳ ᠠ᠋ᠴᠠ ᠬᠥᠮᠦᠨ ᠢ᠋ᠶ᠋ᠡᠨ ᠵᠥᠪ ᠲᠠᠨᠢᠵᠤ ᠣᠯᠵᠠᠢ᠃ ᠮᠣᠩᠭᠣᠯ ᠠ᠋ᠴᠠ ᠡᠷᠭᠢᠵᠦ ᠢᠷᠡᠭᠡᠳ ᠪᠢᠳᠡ ᠭᠦᠨ ᠳᠣᠲᠣᠨᠣ ᠲᠠᠨᠢᠯᠴᠠᠨᠠ᠃ ᠠᠯᠢᠪ ᠨᠠᠭᠠᠰᠢ ᠪᠠᠨ ᠢᠷᠡ ᠭᠡᠳ ᠮᠣᠳᠣᠷ ᠤ᠋ᠨ ᠠᠳᠢᠰ ᠬᠦᠷᠲᠡᠭᠡᠪᠡ᠃
ᠥᠨᠳᠥᠷ ᠭᠡᠭᠡᠨ ᠦ᠌ ᠮᠣᠳᠣᠷ ᠤ᠋ᠨ ᠠᠳᠢᠰ ᠲᠠᠯᠪᠢᠭᠰᠠᠨ ᠮᠠᠩᠨᠠᠢ ᠶ᠋ᠢᠨ ᠲᠤᠰ ᠭᠠᠵᠠᠷ ᠬᠠᠯᠠᠭᠤᠨ ᠲᠥᠭᠡᠨᠡᠪᠡ᠃ᠥᠨᠳᠥᠷ ᠭᠡᠭᠡᠨ ᠵᠠᠨᠠᠪᠠᠽᠠᠷ ᠪᠣᠯ ᠭᠠᠯᠳᠠᠨ ᠤ᠋ ᠰᠡᠳᠬᠢᠯ ᠳ᠋ᠦ᠍ ᠬᠠᠳᠠᠭᠠᠯᠠᠭᠳᠠᠨ ᠦᠯᠡᠳᠡᠭᠰᠡᠨ ᠴᠣᠷ ᠤ᠋ᠨ ᠭᠠᠭᠴᠠ ᠬᠠᠯᠠᠭᠤᠨ ᠭᠠᠷᠳᠠᠨ᠃ ᠲᠡᠭᠦᠨ ᠦ᠌ ᠭᠠᠷ ᠮᠠᠰᠢ ᠬᠠᠯᠠᠭᠤᠨ ᠪᠠᠢᠭᠰᠠᠨ ᠰᠢᠦ᠃ ᠥᠨᠳᠥᠷ ᠭᠡᠭᠡᠨ ᠦ᠌ ᠨᠢᠳᠦ ᠤᠢᠳᠬᠠᠷ ᠲᠠᠢ ᠬᠠᠷᠠᠭᠳᠠᠭᠰᠠᠨ᠃ ᠵᠠᠨᠠᠪᠠᠽᠠᠷ ᠭᠡᠭᠡᠨ ᠭᠠᠯᠳᠠᠨ ᠢ᠋ ᠲᠠᠯᠠᠷᠬᠠᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠵᠢᠭᠠᠬᠠᠨ ᠴᠡᠷᠪᠡᠵᠦ ᠪᠢᠯᠡ᠃
ᠨᠠᠮᠬᠠᠢᠵᠠᠮᠰᠣ ᠭᠡᠭᠡᠨᠳᠡᠨ ᠬᠠᠯᠬᠠ᠂ ᠣᠢᠷᠠᠳ ᠬᠣᠶᠠᠷ ᠬᠥᠪᠡᠭᠦᠨ ᠢ᠋ ᠣᠭᠲᠣ ᠰᠠᠨᠠᠮᠰᠠᠷ ᠦᠭᠡᠢ ᠲᠠᠭᠠᠷᠠᠯᠳᠤᠭᠰᠠᠨ ᠳ᠋ᠤ᠌ ᠪᠠᠰᠠ ᠬᠦ᠌ ᠭᠠᠢᠬᠠᠵᠤ ᠪᠣᠢ ᠪᠣᠯᠤᠯᠲᠠᠢ᠃ ᠳᠠᠪᠠᠭᠠᠨ ᠤ᠋ ᠣᠷᠣᠢ ᠳ᠋ᠤ᠌ ᠬᠡᠪ ᠭᠡᠨᠡᠳᠲᠡ ᠬᠡᠳᠦ ᠬᠡᠳᠦᠨ ᠬᠠᠷᠠ ᠳᠡᠰ ᠪᠠᠭᠤᠪᠠ᠃ᠴᠡᠷᠢᠭ ᠦ᠋ᠳ ᠦ᠋ᠨ ᠮᠣᠷᠢᠳ ᠳᠣᠷᠭᠢᠵᠤ᠂ ᠮᠥᠷᠭᠥᠯᠴᠢᠳ ᠦ᠋ᠨ ᠶᠠᠳᠠᠷᠠᠭᠤ ᠴᠢᠷᠠᠢ ᠳᠡᠰ ᠰᠢᠪᠠᠭᠤᠨ ᠤ᠋ ᠰᠡᠭᠦᠳᠡᠷ ᠡᠴᠡ ᠪᠣᠯᠭᠣᠮᠵᠢᠯᠠᠬᠤ ᠠᠵᠢ᠃ ᠳᠡᠰ ᠪᠠᠭᠤᠬᠤ ᠳ᠋ᠤ᠌ ᠲᠣᠭᠣᠷᠢᠨ ᠰᠠᠭᠤᠭᠠᠳ ᠮᠢᠬᠠ ᠢᠳᠡᠵᠦ ᠪᠠᠢᠭᠰᠠᠨ ᠵᠠᠷᠢᠮ ᠨᠢ ᠶᠠᠰᠤ ᠪᠠᠨ ᠰᠢᠪᠠᠭᠤᠨ ᠤ᠋ ᠵᠦᠭ ᠰᠢᠳᠡᠪᠡ᠃
ᠥᠨᠳᠥᠷ ᠭᠡᠭᠡᠨ ᠵᠠᠨᠠᠪᠠᠽᠠᠷ《ᠦᠢᠯᠡ ᠶ᠋ᠢᠨ ᠦᠷᠡ ᠪᠡᠷ ᠭᠠᠯᠳᠠᠨ ᠲᠠᠢ ᠲᠠᠭᠠᠷᠠᠪᠠ᠃ ᠦᠢᠯᠡ ᠶ᠋ᠢᠨ ᠦᠷᠡ ᠡᠴᠡ ᠪᠤᠯᠲᠠᠬᠤ ᠠᠷᠭᠠ ᠦᠭᠡᠢ》 ᠭᠡᠮᠡᠨ ᠪᠣᠳᠣᠵᠤ ᠠᠮᠵᠢᠪᠠ᠃ ᠭᠠᠯᠳᠠᠨ ᠤ᠋ ᠨᠢᠳᠦ ᠪᠤᠰᠤ᠂ ᠬᠣᠶᠠᠷ ᠵᠣᠪᠬᠢ ᠶ᠋ᠢᠨ ᠮᠡᠩᠭᠡ ᠥᠨᠳᠥᠷ ᠭᠡᠭᠡᠨ ᠢ᠋ ᠡᠢᠨ ᠬᠦ᠌ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠬᠤ ᠳ᠋ᠤ᠌ ᠬᠦᠷᠭᠡᠵᠡᠢ᠃
ᠲᠡᠷᠡ ᠮᠡᠩᠭᠡ ᠳ᠋ᠦ᠍ ᠢᠷᠦᠭᠡᠯ ᠴᠦ᠍ ᠪᠣᠢ᠂ ᠬᠠᠷᠢᠶᠠᠯ ᠴᠤ᠌ ᠪᠣᠢ᠃
ᠠᠷᠪᠠ ᠶᠢᠰᠦ
ᠭᠠᠯᠳᠠᠨ ᠪᠣᠯ ᠬᠠᠭᠠᠨ ᠤ᠋ ᠬᠦᠦ ᠤᠴᠢᠷ ᠠ᠋ᠴᠠ ᠬᠠᠨ ᠬᠦᠦ ᠮᠥᠨ᠃ ᠲᠡᠷᠡ ᠬᠥᠪᠡᠭᠦᠨ ᠬᠣᠩ ᠲᠠᠢᠵᠢ ᠶ᠋ᠢᠨ ᠬᠥᠪᠡᠭᠦᠨ ᠪᠣᠯᠬᠣᠷ ᠬᠣᠩ ᠲᠠᠢᠵᠢ ᠶᠤᠮ᠃ ᠭᠡᠬᠦ ᠳ᠋ᠡᠭᠡᠨ ᠪᠤᠷᠬᠠᠨ ᠪᠣᠭᠳᠠ ᠶ᠋ᠢᠨ ᠱᠠᠪᠢ ᠪᠣᠯᠵᠤ ᠭᠡᠭᠡᠷᠡᠬᠦ ᠠᠪᠠᠰᠤ ᠢᠵᠠᠭᠤᠷᠲᠠᠨ ᠰᠠᠨᠸᠠᠷᠲᠠᠨ ᠪᠣᠯᠤᠨᠠ᠃
ᠰᠢᠷᠠ ᠲᠣᠷᠭᠠᠨ ᠲᠣᠨᠣᠭ ᠪᠦᠬᠦᠢ ᠡᠮᠦᠨᠡ ᠭᠠᠵᠠᠷ ᠤᠷᠠᠯᠠᠭᠰᠠᠨ ᠮᠥᠩᠭᠥᠨ ᠰᠡᠦᠬᠡ ᠳᠣᠲᠣᠷᠠ ᠪᠣᠭᠳᠠ ᠭᠡᠭᠡᠨ ᠰᠠᠭᠤᠭᠰᠠᠨ ᠪᠠᠢᠪᠠ᠃ ᠵᠠᠨᠠᠪᠠᠽᠠᠷ ᠰᠡᠦᠬᠡ ᠶ᠋ᠢᠨ ᠰᠢᠷᠠ ᠲᠣᠷᠭᠠᠨ ᠬᠥᠰᠢᠭᠡ ᠶ᠋ᠢ ᠰᠡᠬᠦᠬᠦ ᠦᠶᠡ ᠳ᠋ᠦ᠍ ᠭᠠᠯᠳᠠᠨ ᠥᠪᠡᠷ ᠦ᠋ᠨ ᠵᠢᠤᠵᠠ ᠲᠡᠷᠭᠡᠨ ᠦ᠌ ᠭᠡᠭᠡᠪᠴᠢ ᠪᠡᠷ ᠬᠠᠷᠠᠵᠤ ᠲᠡᠳᠡᠨ ᠲᠡᠢ ᠬᠠᠷᠠᠴᠠ ᠲᠤᠯᠭᠠᠷᠠᠪᠠ᠃ᠵᠠᠨᠠᠪᠠᠽᠠᠷ᠂ᠭᠠᠯᠳᠠᠨ ᠬᠣᠶᠠᠭᠤᠯᠠ ᠢᠨᠢᠶᠡᠮᠰᠦᠭᠯᠡᠨᠡ᠃
ᠪᠣᠭᠳᠠ ᠭᠡᠭᠡᠨᠲᠡᠨ ᠳᠠᠭᠠᠭᠤᠯ ᠤ᠋ᠳ ᠤ᠋ᠨ ᠬᠠᠮᠲᠤ ᠮᠣᠩᠭᠣᠯ ᠨᠤᠲᠤᠭ ᠤ᠋ᠨ ᠵᠦᠭ᠂ ᠬᠠᠷᠢᠨ ᠭᠠᠯᠳᠠᠨ ᡀᠠᠰᠠ ᠲᠠᠢᠰᠢ ᠵᠡᠷᠭᠡ ᠬᠥᠳᠡᠯᠵᠦ ᠳᠠᠪᠠᠭᠠᠨ ᠤ᠋ ᠣᠷᠣᠢ ᠬᠣᠭᠣᠰᠣᠷᠠᠪᠠ᠃ ᠬᠡᠳᠦᠨ ᠳᠡᠰ ᠭᠡᠢᠴᠢᠳ᠂ ᠮᠥᠷᠭᠥᠯᠴᠢᠳ ᠦ᠋ᠨ ᠦᠯᠡᠳᠡᠭᠡᠭᠰᠡᠨ ᠢᠳᠡᠰᠢ ᠤᠤᠭᠤᠰᠢ ᠶ᠋ᠢᠨ ᠦᠯᠡᠳᠡᠭᠳᠡᠯ ᠢ᠋ ᠬᠠᠤ ᠬᠠᠮᠤᠵᠤ ᠢᠳᠡᠭᠡᠳ ᠴᠠᠳᠬᠤᠯᠠᠩ ᠭᠦᠵᠡᠭᠡ ᠪᠡᠨ ᠳᠠᠭᠠᠭᠠᠵᠤ ᠶᠠᠳᠠᠨ ᠲᠡᠭᠷᠢ ᠳ᠋ᠦ᠍ ᠳᠡᠭᠦᠯᠢᠪᠡ᠃
ᠳᠡᠰ ᠰᠢᠪᠠᠭᠤᠳ ᠤ᠋ᠨ ᠴᠢᠩᠬᠠ ᠳᠡᠭᠡᠷᠡ ᠨᠢᠭᠡᠨ ᠪᠦᠷᠭᠦᠳ ᠡᠷᠭᠢᠨᠡ᠃ ᠠᠯᠲᠠᠢ ᠶ᠋ᠢᠨ ᠪᠦᠷᠭᠦᠳ ᠴᠣᠭ ᠮᠡᠲᠦ ᠨᠢᠳᠦ ᠪᠡᠷ ᠭᠠᠯᠳᠠᠨ ᠤ᠋ ᠰᠠᠭᠤᠵᠤ ᠶᠠᠪᠤᠭᠠ ᠪᠤᠬᠠᠷ ᠭᠠᠵᠠᠷ ᠤᠷᠠᠯᠠᠭᠰᠠᠨ ᠵᠢᠤᠵᠠ ᠲᠡᠷᠭᠡ ᠶ᠋ᠢ ᠠᠯᠳᠠᠯ ᠦᠭᠡᠢ ᠰᠢᠷᠳᠡᠨ ᠳᠠᠭᠠᠨᠠ᠃ ᠵᠢᠤᠵᠠ ᠲᠡᠷᠭᠡᠨ ᠦ᠌ ᠪᠦᠬᠡᠭᠡᠭ ᠦ᠋ᠨ ᠬᠣᠶᠠᠷ ᠲᠠᠯᠠ ᠳ᠋ᠤ᠌ ᠰᠠᠴᠤᠭ ᠲᠠᠢ ᠰᠢᠷᠠ ᠳᠠᠷᠴᠤᠭ ᠬᠡᠢᠰᠬᠡᠵᠡᠢ᠃ ᠲᠡᠷᠢᠭᠦᠨ ᠳ᠋ᠦ᠍ ᠶᠠᠪᠤᠭᠠ ᠮᠣᠷᠢᠲᠤ ᠴᠡᠷᠢᠭ ᠦ᠋ᠳ ᠣᠢᠷᠠᠳ ᠤ᠋ᠨ ᠬᠥᠬᠡ ᠲᠤᠭ ᠢ᠋ ᠮᠠᠨᠳᠤᠭᠤᠯᠵᠤ ᠶᠠᠪᠤᠨᠠ᠃
ᠪᠤ᠍ᠳ᠌ᠳ᠌ᠾᠠ ᠶ᠋ᠢᠨ ᠱᠠᠰᠢᠨ ᠤ᠋ ᠭᠡᠭᠡᠨᠲᠡᠨ᠂ ᠣᠢᠷᠠᠳ ᠤ᠋ᠨ ᠮᠣᠷᠢᠲᠤ ᠪᠠᠭ ᠴᠡᠷᠢᠭ ᠶᠠᠪᠤᠭᠠ ᠨᠢ ᠵᠠᠮ ᠵᠠᠭᠤᠷᠠ ᠶ᠋ᠢᠨ ᠠᠢᠯ ᠬᠦᠷᠢᠶᠡᠨ ᠳ᠋ᠦ᠍ ᠳᠠᠩᠴᠤ ᠲᠣᠳᠣᠷᠬᠠᠢ ᠪᠠᠢᠯᠠ᠃ ᠡᠢᠮᠦ ᠨᠦᠰᠡᠷ ᠬᠥᠰᠬᠡ ᠬᠣᠪᠣᠷ ᠶᠠᠪᠤᠳᠠᠭ ᠪᠢᠯᠡ᠃
ᠡᠨᠡ ᠦᠶᠡ ᠪᠣᠯ1650 ᠣᠨ ᠤ᠋ ᠴᠠᠭᠠᠨ ᠪᠠᠷᠰ ᠵᠢᠯ ᠦ᠋ᠨ ᠰᠢᠪᠲᠤᠷᠠᠭᠠ ᠴᠠᠭᠠᠭᠴᠢᠨ ᠲᠠᠤᠯᠠᠢ ᠵᠢᠯ ᠦ᠋ᠨ ᠪᠣᠱᠣᠭᠠ ᠪᠠᠢᠪᠠ᠃ ᠭᠠᠯᠳᠠᠨ ᠲᠠᠢ ᠲᠥᠪᠡᠳ ᠦ᠋ᠨ ᠥᠨᠳᠥᠷ ᠠᠭᠤᠯᠠᠨ ᠳ᠋ᠤ᠌ ᠵᠥᠷᠢᠵᠦ ᠥᠩᠭᠡᠷᠡᠭᠰᠡᠨ ᠥᠨᠳᠥᠷ ᠭᠡᠭᠡᠨ ᠵᠠᠨᠠᠪᠠᠽᠠᠷ ᠶᠠᠭ ᠲᠡᠷᠡ ᠵᠢᠯ ᠸᠴᠢᠷᠳᠠᠷᠠ ᠪᠤᠷᠬᠠᠨ ᠢ᠋ ᠤᠷᠠᠯᠠᠨ ᠪᠦᠲᠦᠭᠡᠭᠰᠡᠨ ᠭᠡᠳᠡᠭ ᠢ᠋ ᠲᠡᠮᠳᠡᠭᠯᠡᠶᠡ᠃ ᠭᠠᠯᠳᠠᠨ ᠤ᠋ ᠵᠢᠤᠵᠠ ᠶ᠋ᠢᠨ ᠠᠷᠤ ᠠ᠋ᠴᠠ ᠴᠡᠷᠢᠭ ᠡᠷᠡᠰ᠂ ᠠᠴᠢᠶᠠ ᠲᠠᠢ ᠲᠡᠮᠡᠭᠡᠨ ᠵᠢᠩ᠂ ᠮᠥᠷᠭᠥᠯᠴᠢᠳ ᠳᠠᠭᠠᠯᠳᠤᠨ ᠣᠪᠣᠭᠠᠷᠠᠵᠤ ᠪᠠᠭᠤᠵᠤ ᠣᠳᠬᠤ ᠳ᠋ᠤ᠌ ᠰᠠᠶᠢᠬᠠᠨ ᠱᠠᠰᠢᠨ ᠤ᠋ ᠶᠡᠬᠡᠰ ᠳᠡᠭᠡᠳᠦᠰ ᠦ᠋ᠨ ᠲᠦᠷ ᠪᠠᠭᠤᠳᠠᠯᠯᠠᠭᠰᠠᠨ ᠴᠠᠰᠤᠲᠤ ᠠᠭᠤᠯᠠ ᠶ᠋ᠢᠨ ᠣᠪᠣᠭᠠᠨ ᠳᠡᠭᠡᠭᠦᠷ ᠴᠠᠰᠤ ᠪᠤᠲᠠᠷᠠᠵᠤ ᠢᠩᠭᠡ ᠶ᠋ᠢᠨ ᠲᠤᠢᠯᠠᠳᠠᠰᠤ ᠰᠢᠳᠡᠯᠡᠵᠦ ᠡᠬᠢᠯᠡᠪᠡ᠃ ᠲᠡᠭᠷᠢ ᠳ᠋ᠦ᠍ ᠳᠡᠰ ᠰᠢᠪᠠᠭᠤ ᠠᠯᠠᠭᠠ᠃ ᠴᠠᠰᠤᠨ ᠳᠤᠮᠳᠠ ᠪᠦᠷᠭᠦᠳ ᠪᠥᠷᠲᠥᠯᠵᠡᠬᠦ ᠠᠪᠠᠢ᠃
ᠭᠠᠯᠳᠠᠨ ᠪᠣᠯ ᠬᠤᠷᠴᠠ ᠬᠦᠷᠡᠩ ᠨᠢᠳᠦ ᠲᠡᠢ᠂ ᠳᠠᠢᠴᠢᠨ ᠱᠠᠯᠠᠮᠠᠭᠠᠢ ᠬᠥᠳᠡᠯᠭᠡᠭᠡᠨ ᠲᠡᠢ᠂ ᠮᠣᠩᠬᠣᠷᠳᠠᠭᠤ ᠬᠠᠮᠠᠷ ᠲᠠᠢ᠂ ᠨᠢᠭᠤᠷ ᠰᠢᠨᠠ ᠤᠷᠲᠤ ᠲᠠᠢ᠂ ᠡᠷᠰᠭᠦᠳ ᠴᠢᠷᠠᠢᠯᠢᠭ ᠬᠥᠪᠡᠭᠦᠨ ᠪᠠᠢᠪᠠ᠃ ᠳᠥᠷᠥᠭᠡ ᠬᠣᠷᠰᠢᠭᠤᠯᠵᠤ ᠶᠠᠪᠤᠭᠠ ᠨᠠᠮᠬᠠᠢᠵᠠᠮᠰᠤ ᠯᠠᠮᠠᠲᠠᠨ ᠭᠠᠯᠳᠠᠨ ᠳ᠋ᠤ᠌ ᠨᠠᠮᠠᠨᠴᠢᠯᠠᠨ ᠵᠠᠬᠢᠵᠤ ᠬᠡᠯᠡᠪᠡ᠃
— ᠭᠠᠯᠳᠠᠨ ᠬᠥᠪᠡᠭᠦᠨ ᠪᠡᠴᠢᠨ ᠵᠢᠯ ᠲᠡᠢ ᠪᠤᠰᠤ ᠤᠤ? ᠭᠡᠪᠡ᠃
— ᠲᠡᠢᠮᠦ ᠠ᠋᠂ ᠪᠠᠭᠰᠢ᠁
— ᠠᠰᠠᠭᠤᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠵᠢᠯ ᠢ᠋ᠶ᠋ᠡᠨ ᠪᠦᠦ ᠬᠡᠯᠡ᠃ ᠨᠢᠭᠤᠵᠤ ᠪᠠᠢ᠃ ᠴᠢᠮᠠᠶ᠋ᠢ ᠣᠯᠵᠠᠯᠠᠨᠠ᠃
—ᠵᠠ᠂ ᠨᠡᠷᠡ ᠪᠡᠨ ᠬᠡᠯᠡᠵᠦ ᠪᠣᠯᠬᠤ ᠤᠤ? ᠨᠡᠷᠡ ᠭᠡᠨᠡ?᠂ ᠨᠡᠷᠡ ᠴᠢᠨᠢ ᠪᠤᠷᠬᠠᠨ ᠤ᠋ ᠬᠡᠰᠢᠭ᠃ ᠪᠤᠷᠬᠠᠨ ᠤ᠋ ᠬᠡᠰᠢᠭ ᠢ᠋ ᠪᠤᠳᠠᠭᠠ ᠮᠡᠲᠦ ᠲᠦᠭᠡᠭᠡᠬᠦ ᠶᠣᠰᠣᠲᠠᠢ᠃ ᠶᠠᠪᠤᠭᠠᠨ ᠳ᠋ᠠᠭᠠᠨ ᠴᠢᠨᠦ ᠨᠡᠷᠡ ᠰᠦᠯᠳᠡ ᠪᠣᠯᠤᠨᠠ᠃ ᠬᠦᠦ ᠮᠢᠨᠢ᠁
— ᠰᠠᠶᠢ ᠶ᠋ᠢᠨ ᠪᠣᠭᠳᠠ ᠯᠠᠮᠠ ᠲᠠᠨ ᠤ᠋ ᠱᠠᠪᠢ ᠶᠤᠮ ᠤᠤ?
— ᠮᠢᠨᠦ ᠱᠠᠪᠢ ᠤᠴᠢᠷ ᠠ᠋ᠴᠠ ᠪᠣᠭᠳᠠ ᠯᠠᠮᠠ ᠨᠠᠳᠠᠳᠤ ᠮᠥᠷᠭᠥᠵᠦ ᠪᠠᠢᠭᠠ ᠶᠤᠮ᠃1639 ᠣᠨ ᠳ᠋ᠤ᠌ ᠠᠷᠤ᠂ ᠥᠪᠥᠷ ᠬᠠᠩᠭᠠᠢ ᠶ᠋ᠢᠨ ᠵᠠᠭᠠᠭ ᠲᠤ᠌ ᠰᠢᠷᠡᠭᠡ ᠴᠠᠭᠠᠨ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨᠠ ᠰᠢᠷᠠ ᠪᠥᠰ ᠳᠠᠪᠤᠤ ᠪᠠᠷ ᠬᠦᠷᠢᠶᠡ ᠲᠠᠲᠠᠵᠤ ᠰᠢᠷᠠ ᠤᠷᠲᠤ ᠪᠣᠰᠬᠠᠭᠠᠳ ᠲᠠᠪᠤᠨ ᠨᠠᠰᠤᠲᠠᠢ ᠵᠠᠨᠠᠪᠠᠽᠠᠷ ᠢ᠋ ᠮᠣᠩᠭᠣᠯ ᠤ᠋ᠨ ᠱᠠᠰᠢᠨ ᠤ᠋ ᠠᠩᠬᠠᠳᠤᠭᠠᠷ ᠪᠣᠭᠳᠠ ᠳ᠋ᠤ᠌ ᠡᠷᠭᠦᠮᠵᠢᠯᠡᠭᠰᠡᠨ ᠶᠦᠮ᠃ ᠵᠠᠨᠠᠪᠠᠽᠠᠷ ᠤ᠋ᠨ ᠡᠴᠢᠭᠡ ᠲᠦᠰᠢᠶᠡᠲᠦ ᠬᠠᠨ ᠭᠣᠮᠪᠤᠳᠣᠷᠵᠢ ᠮᠣᠩᠭᠣᠯᠴᠤᠳ ᠤ᠋ᠨ ᠡᠶᠡ ᠡᠪ ᠦ᠋ᠨ ᠬᠣᠯᠪᠣᠭᠠ ᠶ᠋ᠢ ᠪᠤᠷᠬᠠᠨ ᠤ᠋ ᠱᠠᠪᠢ ᠨᠠᠷ ᠪᠡᠬᠢᠵᠢᠭᠦᠯᠬᠦ ᠭᠡᠬᠦ ᠡᠴᠡ ᠬᠦᠦ ᠪᠡᠨ ᠯᠠᠮᠠ ᠪᠣᠯᠭᠠᠵᠤ ᠲᠦᠮᠡᠨ ᠣᠯᠠᠨ ᠢ᠋ ᠥᠪᠡᠷ ᠲᠡᠭᠡᠨ ᠲᠠᠲᠠᠬᠤ ᠪᠣᠳᠣᠯ ᠡᠪᠦᠷᠯᠡᠭᠰᠡᠨ ᠶᠦᠮ ᠰᠢᠦ ᠳᠡ᠃
— ᠡᠴᠢᠭᠡ ᠬᠣᠩ ᠲᠠᠢᠵᠢ ᠨᠠᠮᠠᠶ᠋ᠢ ᠪᠠᠰᠠ ᠯᠠᠮᠠ ᠪᠣᠯᠭᠠᠵᠤ ᠣᠢᠷᠠᠳ ᠮᠣᠩᠭᠣᠯ ᠲᠦᠮᠡᠨ ᠢ᠋ ᠠᠮᠤᠷᠵᠢᠭᠤᠯᠤᠨᠠ ᠭᠡᠪᠡ ᠤᠤ?
— ᠴᠣᠬᠣᠮ᠂ ᠴᠣᠬᠣᠮ᠃
— ᠤᠷᠢᠳᠤ ᠰᠥᠨᠢ ᠮᠢᠨᠦ ᠵᠡᠭᠦᠳᠦᠨ ᠳ᠋ᠦ᠍ ᠳᠤᠸᠠ ᠰᠣᠬᠣᠷ ᠢᠷᠡᠯᠡ᠃ ᠳᠤᠸᠠ ᠰᠣᠬᠣᠷ ᠮᠠᠩᠨᠠᠢ ᠳᠡᠭᠡᠷᠡ ᠪᠡᠨ ᠲᠣᠮᠣ ᠨᠢᠳᠦ ᠲᠡᠢ ᠶᠦᠮ᠃ ᠲᠡᠷᠡ ᠨᠠᠳᠠᠳᠤ ᠭᠤᠷᠪᠠᠨ ᠨᠢᠳᠦ ᠲᠡᠢ ᠰᠠᠨᠠᠭᠳᠠᠭᠰᠠᠨ᠃ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠳᠡᠭᠡᠳᠦ ᠢᠵᠠᠭᠤᠷ ᠳᠤᠸᠠ ᠰᠣᠬᠣᠷ ᠪᠣᠯ ᠮᠠᠨ ᠤ᠋ ᠬᠢᠨ ᠦ᠌ ᠲᠩᠷᠢ ᠡᠴᠢᠭᠡ ᠪᠢᠵᠡ ᠳᠡ᠃ ᠲᠩᠷᠢ ᠡᠴᠢᠭᠡ ᠨᠠᠳᠠ ᠲᠠᠢ ᠠᠭᠤᠯᠵᠠᠪᠠ᠃
— ᠰᠠᠢᠬᠠᠨ ᠵᠡᠭᠦᠳᠦ ᠪᠠᠢᠨᠠ᠃ ᠭᠤᠷᠪᠠ ᠪᠢᠲᠡᠭᠡᠢ ᠬᠡᠯᠡ᠂ ᠳᠥᠷᠪᠡᠨ ᠨᠢᠳᠦ ᠲᠡᠢ ᠬᠥᠮᠦᠨ ᠪᠠᠢᠳᠠᠭ ᠶᠤᠮ᠃
— ᠲᠡᠷᠡ ᠬᠡᠨ ᠪᠣᠢ?
— ᠴᠠᠭ ᠨᠢ ᠪᠣᠯᠬᠤ ᠪᠠᠷ ᠴᠢᠮᠠ ᠳ᠋ᠤ᠌ ᠬᠡᠯᠡᠨᠡ᠂ ᠬᠦᠦ ᠮᠢᠨᠢ᠂ ᠳᠤᠸᠠ ᠰᠣᠬᠣᠷ ᠴᠢᠮᠠᠶ᠋ᠢ ᠮᠡᠳᠡᠴᠢᠬᠡᠵᠡᠢ᠃ ᠴᠢᠮᠠ ᠠ᠋ᠴᠠ ᠰᠠᠯᠬᠤ ᠦᠭᠡᠢ ᠨᠢ ᠃ ᠰᠠᠢᠨ ᠢᠷᠦᠭᠡᠯ ᠢ᠋ᠶ᠋ᠡᠷ ᠁ ᠳᠡᠭᠡᠳᠦ ᠡᠪᠦᠭᠡᠳ ᠢ᠋ᠶ᠋ᠡᠨ ᠮᠡᠳᠡᠵᠦ ᠪᠠᠢᠬᠤ ᠨᠢ ᠪᠤᠶᠠᠨ ᠤ᠋ ᠰᠠᠳᠤᠨ ᠴᠢᠮᠠ ᠳ᠋ᠤ᠌ ᠶᠡᠬᠡ ᠲᠤᠰᠠᠲᠠᠢ᠃
ᠠᠴᠢᠶᠠ ᠬᠥᠰᠬᠡ ᠴᠡᠷᠢᠭ ᠦ᠋ᠳ ᠂ ᠮᠥᠷᠭᠥᠯᠴᠢᠳ ᠠᠭᠤᠯᠠ ᠲᠠᠰᠢᠶᠠᠭᠰᠠᠨ ᠵᠠᠮ ᠢ᠋ᠶ᠋ᠠᠷ ᠴᠤᠪᠤᠷᠠᠵᠤ᠂ ᠨᠣᠭᠣᠭᠠ ᠬᠠᠯᠢᠭᠤᠷᠠᠭᠰᠠᠨ ᠪᠠᠯ ᠤᠷᠤᠭᠤ ᠨᠢ ᠤᠷᠤᠭᠤᠳᠠᠪᠠ᠃ ᠠᠭᠤᠯᠠ ᠶ᠋ᠢᠨ ᠬᠢᠵᠢᠯᠡᠭᠦᠷ ᠵᠠᠮ ᠡᠭᠴᠡ ᠰᠦᠷᠯᠢᠭ ᠤᠴᠢᠷ ᠠ᠋ᠴᠠ ᠬᠥᠰᠬᠡ ᠠᠭᠠᠵᠢᠮ ᠢ᠋ᠶ᠋ᠠᠷ ᠤᠷᠤᠭᠤᠳᠠᠨᠠ᠃ ᠣᠪᠣᠭᠠᠨ ᠤ᠋ ᠴᠠᠭᠠᠨᠠ ᠪᠣᠭᠳᠠ ᠯᠠᠮᠠ ᠶ᠋ᠢᠨ ᠰᠢᠷᠠ ᠴᠤᠪᠤᠭᠠ᠂ ᠣᠪᠣᠭᠠᠨ ᠤ᠋ ᠨᠠᠭᠠᠨᠠ ᠭᠠᠯᠳᠠᠨ ᠬᠠᠨ ᠬᠦᠦ ᠶ᠋ᠢᠨ ᠬᠥᠬᠡ ᠴᠤᠪᠤᠭᠠ ᠬᠦᠪᠦᠷᠡᠨᠡ᠃
ᠭᠠᠯᠳᠠᠨ ᠢ᠋ ᠢᠵᠠᠭᠤᠷ ᠤᠭᠰᠠᠭᠠ ᠲᠠᠢ ᠭᠡᠳᠡᠭ ᠢ᠋ ᠡᠴᠢᠭᠡ ᠬᠣᠩ ᠲᠠᠢᠵᠢ᠂ ᠽᠠᠶᠠ ᠪᠠᠨᠳᠢᠳᠠ ᠭᠡᠭᠡᠨ ᠬᠣᠶᠠᠷ ᠪᠠᠢᠨ ᠪᠠᠢᠨ ᠰᠠᠨᠠᠭᠤᠯᠤᠨᠠ᠃ ᠶᠠᠪᠤᠭᠠᠨ ᠳ᠋ᠠᠭᠠᠨ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠲᠥᠯᠥᠭᠡ ᠠᠮᠢ ᠪᠠᠨ ᠡᠷᠭᠦᠬᠦ ᠪᠡᠨ ᠣᠢᠯᠠᠭᠠᠪᠠ᠁ ᠬᠠᠷᠠ ᠬᠥᠯᠥᠰᠥ ᠪᠡᠨ ᠴᠤᠪᠤᠭᠤᠯᠤᠨ ᠲᠡᠷᠭᠡ ᠮᠥᠷᠥᠯᠡᠨ ᠵᠢᠳᠬᠦᠬᠦ ᠶ᠋ᠢ ᠲᠡᠳᠡ ᠵᠥᠩᠨᠡᠭᠰᠡᠨ ᠦᠭᠡᠢ᠃ ᠣᠯᠠᠨ ᠠᠷᠠᠳ ᠤ᠋ᠨ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠬᠣᠢᠨᠠ ᠠ᠋ᠴᠠ ᠪᠠᠨ ᠳᠠᠭᠠᠭᠤᠯᠵᠤ᠂ ᠣᠷᠣᠢ ᠶ᠋ᠢᠨ ᠳᠡᠭᠡᠳᠦ ᠪᠤᠷᠬᠠᠨ ᠢ᠋ᠶ᠋ᠠᠨ ᠰᠢᠲᠦᠨ ᠵᠠᠯᠠᠵᠤ ᠣᠢᠷᠠᠳ ᠲᠦᠮᠡᠨ ᠢ᠋ ᠱᠠᠭᠠ ᠰᠢᠭ᠋ ᠠᠳᠬᠤᠬᠤ ᠶ᠋ᠢ ᠭᠠᠯᠳᠠᠨ ᠳ᠋ᠤ᠌ ᠠᠭᠠᠵᠢᠮ ᠢ᠋ᠶ᠋ᠠᠷ ᠣᠢᠯᠠᠭᠠᠭᠤᠯᠤᠭᠰᠠᠨ ᠪᠢᠯᠡ᠃
ᠡᠨᠡ ᠨᠢ ᠢᠯᠳᠦ ᠪᠠᠮᠪᠠᠢ᠂ ᠲᠣᠪᠰᠢᠭᠤᠷ ᠬᠤᠭᠤᠷ᠂ ᠳᠣᠯᠣᠭᠠᠨ᠂ ᠭᠤᠨᠢᠭ ᠤ᠋ᠨ ᠨᠢᠯᠪᠤᠰᠤ᠂ ᠨᠡᠭᠦᠳᠡᠯ ᠰᠠᠭᠤᠳᠠᠯ ᠠ᠋ᠴᠠ ᠬᠣᠯᠠᠳᠴᠤ ᠣᠳᠤᠨᠠ ᠭᠡᠰᠡᠨ ᠦᠭᠡ ᠪᠢᠰᠢ᠃ ᠱᠣᠷᠪᠣᠭ ᠭᠠᠰᠢᠭᠤᠨ ᠪᠣᠯᠭᠠᠨ ᠢ᠋ ᠠᠮᠰᠠᠵᠤ ᠲᠡᠷᠡ ᠴᠢᠨᠡᠭᠡ ᠪᠡᠷ ᠢ᠋ᠶ᠋ᠡᠨ ᠠᠮᠢᠳᠤᠷᠠᠯ ᠤᠷᠤᠭᠤ ᠨᠠᠪᠴᠢᠨ ᠣᠷᠣᠬᠤ ᠶ᠋ᠢ ᠰᠠᠨᠠᠭᠤᠯᠵᠤ ᠪᠠᠢᠯᠠ᠃
ᠪᠤᠷᠬᠠᠨ ᠤ᠋ ᠨᠣᠮ ᠦᠢᠯᠡᠳᠴᠦ ᠪᠠᠢᠬᠤ ᠳ᠋ᠠᠭᠠᠨ ᠴᠤ᠌ ᠲᠥᠷᠥ ᠶ᠋ᠢᠨ ᠲᠣᠳᠣ ᠦᠰᠦᠭ ᠲᠡᠢ ᠲᠠᠮᠠᠭᠠ ᠶ᠋ᠢ ᠠᠳᠬᠤᠵᠤ ᠰᠠᠭᠤᠬᠤ ᠳ᠋ᠠᠭᠠᠨ ᠴᠤ᠌ ᠭᠠᠯᠳᠠᠨ ᠤ᠋ ᠨᠢᠳᠦᠨ ᠳ᠋ᠦ᠍ ᠨᠢᠭᠡᠨ ᠵᠢᠷᠤᠭ ᠬᠠᠷᠠᠭᠳᠠᠵᠤ᠂ ᠰᠡᠳᠬᠢᠯ ᠳ᠋ᠦ᠍ ᠨᠢ ᠨᠢᠭᠡᠨ ᠠᠶᠠᠯᠭᠤ ᠡᠭᠡᠰᠢᠭᠯᠡᠳᠡᠭ ᠶᠦᠮ᠃ ᠲᠡᠷᠡ ᠨᠢ ᠡᠷᠲᠡᠨ ᠦ᠌ ᠭᠤᠨᠢᠭᠲᠤ ᠳᠠᠭᠤᠤ ᠮᠡᠲᠦ ᠵᠢᠷᠦᠬᠡᠨ ᠳ᠋ᠦ᠍ ᠣᠷᠣᠰᠢᠨᠠ᠃
ᠦᠭᠡᠢᠯᠡᠯ ᠭᠤᠨᠢᠭ ᠵᠢᠷᠦᠬᠡᠨ ᠳ᠋ᠦ᠍ ᠦᠭᠡ ᠬᠡᠯᠡᠨᠡ᠃《᠁ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠪᠠᠢᠭᠤᠯᠤᠭᠰᠠᠨ ᠶᠡᠬᠡ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠡᠨᠡᠬᠡᠨ ᠬᠡᠰᠡᠭ ᠢ᠋ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠵᠠᠭᠤᠨ ᠳ᠋ᠤ᠌ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨᠲᠤ ᠤᠯᠤᠰ ᠭᠡᠮᠡᠨ ᠨᠠᠷᠠᠯᠠᠮᠤᠢ᠃ᠡᠨᠡ ᠬᠦ᠌ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠬᠠᠷᠢᠶᠠᠯᠠᠯ ᠨᠢ ᠬᠣᠪᠲᠣ᠂ ᠳᠥᠷᠪᠡᠳ ᠦ᠋ᠨ ᠬᠢᠵᠠᠭᠠᠷ᠂ ᠠᠯᠲᠠᠢ ᠲᠩᠷᠢ ᠠᠭᠤᠯᠠ ᠶ᠋ᠢᠨ ᠴᠠᠭᠠᠨ ᠵᠤᠯᠠᠢ᠂ ᠰᠢᠷᠭᠠ᠂ ᠪᠣᠷᠣ ᠴᠥᠵᠢ᠂ ᠬᠣᠨᠢᠨ ᠤᠰᠤ᠂ ᠮᠢᠩᠭᠠᠨ ᠤ᠋ ᠪᠤᠲᠠᠷᠠᠭᠠᠲᠣ ᠭᠣᠪᠢ᠂ ᠳᠣᠷᠣᠨᠠᠲᠤ ᠳᠦᠷᠺᠸᠨ᠋ᠰᠲ᠋ᠠᠨ ᠬᠠᠰᠠᠭ ᠤ᠋ᠨ ᠲᠠᠯᠠ ᠬᠡᠭᠡᠷᠡ ᠨᠤᠲᠤᠭ᠂ ᠳᠤᠮᠳᠠᠳᠤ ᠠᠽᠢᠶᠠ ᠶ᠋ᠢᠨ ᠨᠢᠭᠡ ᠮᠢᠩᠭᠠ ᠬᠣᠶᠠᠷ ᠵᠠᠭᠤ ᠢᠯᠡᠭᠦᠦ ᠬᠣᠲᠠ ᠪᠠᠯᠭᠠᠳ᠂ ᠣᠷᠳᠣᠰ ᠠ᠋ᠴᠠ ᠬᠥᠬᠡᠨᠠᠭᠤᠷ ᠬᠦᠷᠲᠡᠯᠡ ᠠᠯᠠᠱᠠ ᠶ᠋ᠢᠨ ᠰᠠᠪᠠ ᠭᠠᠵᠠᠷ ᠪᠦᠬᠦᠯᠢ ᠳ᠋ᠡᠭᠡᠨ ᠪᠠᠭᠲᠠᠵᠠᠢ᠃ ᠮᠣᠷᠢᠲᠠᠨ ᠪᠠᠭᠠᠲᠤᠷ ᠤ᠋ᠳ ᠤ᠋ᠨ ᠲᠤᠯᠤᠯᠳᠤᠭᠠᠨ ᠤ᠋ ᠲᠠᠯᠠᠪᠠᠢ ᠵᠡᠭᠦᠨᠭᠠᠷ ᠪᠣᠯᠵᠤ ᠪᠠᠢᠯᠠ ᠁ 》᠃
ᠠᠩᠬᠠ ᠤᠳᠠᠭᠠ ᠬᠥᠬᠡᠨᠠᠭᠤᠷ ᠢ᠋ᠶ᠋ᠠᠷ ᠳᠠᠭᠠᠷᠢᠵᠤ ᠣᠳᠬᠤ ᠳ᠋ᠤ᠌ ᠠᠨᠤᠳᠠᠷᠠ ᠪᠢᠯᠵᠤᠤᠬᠠᠢ ᠲᠡᠷᠢᠭᠦᠲᠡᠨ ᠬᠡᠭᠡᠷᠡ ᠲᠠᠯᠠ ᠶ᠋ᠢᠨ ᠪᠢᠴᠢᠬᠠᠨ ᠰᠢᠪᠠᠭᠤᠳ ᠤ᠋ᠨ ᠭᠤᠷᠪᠠ ᠳᠥᠷᠪᠡ ᠪᠡᠷ ᠨᠢ ᠥᠨᠳᠡᠭᠡ ᠪᠡᠨ ᠳᠠᠷᠤᠳᠠᠭ ᠡᠪᠡᠰᠦ ᠨᠣᠭᠣᠭᠠᠨ ᠤ᠋ ᠳᠣᠲᠣᠷᠠᠬᠢ ᠡᠭᠦᠷ ᠢ᠋ ᠦᠵᠡᠭᠦᠯᠦᠭᠰᠡᠨ ᠨᠢ ᠳᠡᠩᠳᠡᠭᠦᠦ ᠪᠠᠭᠠ ᠪᠠᠯᠴᠢᠷ ᠭᠡᠵᠦ ᠰᠠᠨᠠᠭᠰᠠᠨ ᠤ᠋ ᠬᠢ ᠪᠢᠵᠡ᠃ ᠲᠡᠷᠡ ᠪᠡᠷ ᠴᠡᠷᠢᠭ ᠦ᠋ᠨ ᠬᠦᠷᠢᠶᠡᠨ ᠳ᠋ᠦ᠍ ᠠᠪᠠᠴᠢᠨ ᠨᠤᠮᠤ ᠰᠤᠮᠤ ᠪᠠᠨ ᠬᠠᠷᠠᠭᠤᠯᠤᠭᠰᠠᠨ ᠪᠣᠯ ᠤᠯᠠᠮ ᠢᠯᠡᠭᠦᠦ ᠰᠡᠳᠬᠢᠯ ᠳ᠋ᠦ᠍ ᠦᠯᠡᠳᠡᠬᠦ ᠪᠠᠢᠵᠠᠢ᠃ ᠸᠴᠢᠷᠲᠦ ᠰᠡᠴᠡᠨ ᠬᠠᠭᠠᠨ ᠤ᠋ ᠴᠡᠷᠢᠭ ᠦ᠋ᠨ ᠬᠦᠷᠢᠶᠡᠨ ᠡᠴᠡ ᠬᠡᠳᠦᠨ ᠮᠣᠷᠢᠲᠠᠨ ᠳᠠᠪᠬᠢᠨ ᠢᠷᠡᠬᠦ ᠳ᠋ᠦ᠍ ᠰᠡᠯᠡᠮᠡ ᠨᠢ ᠶᠡᠷᠦ ᠪᠤᠰᠤ ᠶ᠋ᠢᠨ ᠰᠢᠷᠠ ᠠᠯᠠᠭ ᠢᠯᠭᠢ ᠶ᠋ᠢᠨ ᠠᠷᠠᠰᠤ ᠪᠠᠷ ᠪᠦᠷᠢᠵᠦ ᠬᠢᠭᠰᠡᠨ ᠨᠢ ᠲᠦᠷᠺ ᠬᠤᠳᠠᠯᠳᠤᠭᠠᠴᠢᠳ ᠤ᠋ᠨ ᠵᠠᠷᠤᠳᠠᠭ ᠠᠷᠠᠰᠤ ᠪᠠᠢᠪᠠ᠃ ᠲᠦᠷᠺ ᠦ᠋ᠳ ᠬᠥᠬᠡᠨᠠᠭᠤᠷ ᠲᠤ᠌ ᠣᠴᠢᠳᠠᠭ ᠪᠠᠢᠭᠰᠠᠨ ᠢ᠋ ᠯᠠᠪᠲᠠᠢᠶᠠ ᠮᠡᠳᠡᠵᠦ ᠪᠢᠯᠡ᠃ ᠲᠡᠢᠮᠦ ᠲᠦᠷᠺ ᠢᠯᠭᠢ ᠶ᠋ᠢᠨ ᠤᠭᠤᠲᠠᠨ ᠳ᠋ᠤ᠌ ᠮᠢᠭᠮᠠᠨᠰᠠᠩᠵᠠᠢ ᠥᠬᠢᠨ ᠦᠰᠦᠨ ᠦ᠌ ᠪᠡᠨ ᠰᠢᠷᠠ ᠰᠤᠪᠤᠳ ᠤ᠋ᠨ ᠭᠣᠶᠣᠯᠠᠯ ᠢ᠋ᠶ᠋ᠠᠨ ᠬᠠᠳᠠᠭᠠᠯᠠᠳᠠᠭ ᠰᠠᠨ᠃
ᠬᠣᠷᠢ
— ᠵᠠᠮ ᠲᠡᠭᠦᠰᠪᠡ᠃ ᠵᠠᠮ ᠤ᠋ᠨ ᠲᠡᠭᠦᠰᠬᠡᠯ ᠳ᠋ᠦ᠍ ᠯᡁᠠᠰᠨ ᠬᠡᠮᠡᠬᠦ ᠪᠤ᠍ᠳ᠌ᠳ᠌ᠾᠨ ᠤ᠋ ᠱᠠᠰᠢᠨ ᠤ᠋ ᠬᠣᠲᠠ ᠪᠠᠯᠭᠠᠳ ᠪᠣᠰᠴᠠᠢ᠃ ᠲᠡᠨᠳᠡ ᠠᠶᠠᠯᠠᠴᠢᠨ᠂ ᠭᠡᠢᠴᠢᠨ᠂ ᠮᠥᠷᠭᠥᠯᠴᠢᠳ ᠠᠢᠮᠠᠭ᠂ ᠣᠲᠣᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠤᠭᠤᠢ ᠬᠦᠷᠢᠶᠡ ᠪᠣᠯᠤᠨ ᠪᠠᠭᠤᠵᠠᠭᠠᠵᠠᠢ᠃ ᠪᠠᠭᠤᠳᠠᠯ ᠪᠦᠷᠢ ᠳ᠋ᠦ᠍ ᠭᠣᠷᠲᠢᠭ ᠲᠢᠭ ᠲᠠᠲᠠᠭᠰᠠᠨ ᠪᠠᠢᠪᠠ᠃ ᠭᠠᠭᠴᠠᠬᠠᠨ ᠣᠯᠣᠭᠠᠢ ᠲᠠᠢ ᠰᠢᠷᠠ ᠲᠣᠰᠣ ᠪᠠᠨ ᠪᠤᠷᠬᠠᠨ ᠳ᠋ᠤ᠌ ᠡᠷᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠴᠦ᠍ ᠪᠠᠢᠳᠠᠭ᠃ ᠰᠢᠷᠠ ᠲᠣᠰᠣᠨ ᠡᠴᠡ ᠪᠡᠨ ᠰᠠᠯᠪᠠᠯ ᠢᠳᠡᠬᠦ ᠬᠣᠭᠣᠯᠠ ᠦᠭᠡᠢ ᠬᠠᠷᠠᠭᠳᠠᠨᠠ᠃ ᠪᠤᠷᠬᠠᠨ ᠪᠠᠭᠰᠢ ᠶ᠋ᠢᠨ ᠲᠥᠯᠥᠭᠡᠨᠡ ᠬᠠᠷᠠᠩᠭᠠᠳᠠᠬᠣ ᠪᠠᠭᠠᠳᠠᠨᠠ᠃ ᠪᠤᠷᠬᠠᠨ ᠤ᠋ ᠲᠥᠯᠥᠭᠡ ᠦᠬᠦᠬᠦ ᠳ᠋ᠦ᠍ ᠬᠣᠢᠲᠤ ᠲᠥᠷᠥᠯ ᠳ᠋ᠡᠭᠡᠨ ᠪᠤᠶᠠᠨᠲᠤ ᠬᠥᠮᠦᠨ ᠵᠠᠶᠠᠭᠠᠨᠠ᠃ ᠬᠣᠢᠲᠤ ᠲᠥᠷᠥᠯ ᠢ᠋ᠶ᠋ᠡᠨ ᠪᠣᠳᠣᠵᠤ ᠠᠮᠠᠨ ᠳ᠋ᠠᠭᠠᠨ ᠡᠮᠬᠦᠬᠦ ᠰᠢᠷᠠ ᠲᠣᠰᠣ ᠶ᠋ᠢ ᠵᠤᠯᠠ ᠡᠷᠭᠦᠬᠦ ᠳ᠋ᠦ᠍ ᠵᠣᠷᠢᠭᠤᠯᠤᠨᠠ᠃ ᠮᠥᠷᠭᠥᠯᠴᠢᠳ ᠴᠤᠭᠯᠠᠷᠠᠵᠠᠢ᠃ ᠮᠥᠷᠭᠥᠯᠴᠢᠳ ᠦ᠋ᠨ ᠬᠦᠷᠢᠶᠡ ᠡᠭᠦᠰᠦᠭᠰᠡᠨ ᠠᠵᠢ᠃
ᡀᠠᠰᠠ ᠬᠡᠮᠡᠬᠦ ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠤ᠋ ᠰᠦᠮᠡ ᠳᠤᠭᠠᠩ ᠪᠠᠭᠰᠢᠷᠠᠵᠤ᠂ ᠨᠣᠬᠠᠢ ᠵᠣᠣᠯᠠᠬᠣ᠂ ᠮᠠᠨᠢ ᠮᠡᠭᠵᠡᠮ ᠡᠭᠡᠰᠢᠭᠯᠡᠭᠰᠡᠨ ᠭᠠᠵᠠᠷ ᠲᠤ᠌ ᠵᠡᠭᠦᠨᠭᠠᠷ ᠤ᠋ᠨ ᠬᠥᠪᠡᠭᠦᠳ ᠡᠴᠡ ᠬᠠᠮᠤᠭ ᠤ᠋ᠨ ᠲᠡᠷᠢᠭᠦᠨ ᠳ᠋ᠦ᠍ ᠭᠠᠯᠳᠠᠨ ᠰᠠᠬᠢᠯ ᠬᠦᠷᠲᠡᠵᠡᠢ᠃
ᠰᠥᠨᠢ ᠳᠦᠯᠢ ᠶ᠋ᠢᠨ ᠴᠠᠭ ᠪᠠᠢᠯᠠ᠃ ᠪᠤᠳᠠᠯᠠᠩ ᠬᠡᠢᠳ ᠦ᠋ᠨ ᠳᠡᠭᠡᠷᠡ ᠣᠳᠣ ᠲᠦᠭᠡᠵᠡᠢ᠃ ᠭᠠᠯᠳᠠᠨ ᠰᠣᠴᠢᠨ ᠰᠡᠷᠡᠪᠡ᠃《ᠨᠣᠢᠷ ᠮᠠᠭᠤᠳᠠᠪᠠ》 ᠭᠡᠵᠦ ᠲᠡᠷᠡ ᠪᠣᠳᠣᠪᠠ᠃
ᠭᠠᠯᠳᠠᠨ ᠤ᠋ ᠳᠦᠷᠢ ᠲᠥᠷᠬᠦ ᠥᠭᠡᠷᠡᠴᠢᠯᠡᠭᠳᠡᠵᠦ᠂ ᠵᠣᠷᠢᠮᠠᠭ ᠨᠢᠳᠦ ᠨᠢ ᠤᠢᠳᠬᠠᠷ ᠲᠠᠢ᠂ ᠠᠵᠢᠭᠴᠢ ᠭᠢᠷᠠᠬᠠᠢ ᠪᠣᠯᠵᠠᠢ᠃ ᠭᠠᠯᠳᠠᠨ ᠯᠠᠮᠠ ᠬᠠᠷᠠ ᠳᠠᠷᠤᠵᠤ ᠵᠡᠭᠦᠳᠦᠯᠡᠭᠡᠳ ᠶᠠᠭ ᠬᠠᠲᠤᠨ ᠡᠬᠡ ᠰᠢᠭ ᠢ᠋ᠶ᠋ᠡᠨ《ᠮᠠᠭᠤ ᠢᠷᠣᠠ ᠶ᠋ᠢᠨ ᠵᠡᠭᠦᠳᠦ》 ᠭᠡᠵᠦ ᠰᠢᠪᠡᠨᠡᠪᠡ᠃
ᠭᠠᠯᠳᠠᠨ ᠪᠥᠭᠡᠰᠦ ᠲᠠᠰᠢᠯᠠᠾᠠᠮᠤ ᠬᠡᠢᠳ ᠦ᠋ᠨ ᠲᠡᠷᠢᠭᠦᠨ ᠱᠠᠪᠢ ᠪᠣᠯᠵᠤ᠂ ᠲᠣᠬᠢᠯᠢᠭ ᠦᠷᠭᠦᠭᠡᠨ ᠳ᠋ᠦ᠍ ᠭᠠᠭᠴᠠᠭᠠᠷ ᠰᠠᠭᠤᠳᠠᠭ ᠪᠠᠢᠪᠠ᠃ ᠠᠶᠠᠭᠠᠴᠢ ᠯᠠᠮᠠ ᠨᠣᠢᠷᠰᠤᠵᠠᠢ᠃ ᠠᠶᠠᠭᠠᠴᠢ ᠬᠤᠷᠬᠢᠷᠠᠭᠰᠠᠭᠠᠷ ᠪᠠᠢᠯᠠ᠃
ᠭᠠᠯᠳᠠᠨ ᠤ᠋ ᠥᠷᠥᠭᠡᠨ ᠦ᠌ ᠬᠠᠭᠠᠯᠭᠠᠨ ᠤ᠋ ᠴᠠᠭᠠᠨᠠ ᠬᠠᠭᠠᠯᠭᠠ᠂ ᠪᠠᠰᠠ ᠬᠠᠭᠠᠯᠭᠠ᠂ ᠳᠠᠬᠢᠭᠠᠳ ᠬᠠᠭᠠᠯᠭᠠ᠂ ᠳᠠᠷᠠᠭᠠ ᠶ᠋ᠢᠨ ᠬᠠᠭᠠᠯᠭᠠ ᠪᠠᠷ ᠳᠤᠭᠠᠩ ᠤ᠋ᠨ ᠬᠠᠵᠠᠭᠤ ᠶ᠋ᠢᠨ ᠬᠠᠭᠠᠯᠭᠠᠨ ᠳ᠋ᠤ᠌ ᠬᠦᠷᠴᠦ ᠲᠡᠷᠡ ᠬᠠᠭᠠᠯᠭᠠ ᠪᠠᠷ ᠭᠠᠳᠠᠭᠠᠯᠠᠳᠠᠭ ᠪᠥᠯᠥᠭᠡ᠃
ᠭᠠᠯᠳᠠᠨ ᠯᠠᠮᠠ ᠬᠤᠪᠴᠠᠰᠤ ᠲᠠᠢ ᠪᠠᠨ ᠲᠥᠭᠰᠢᠭᠦᠷᠢᠲᠡᠢᠬᠡᠨ ᠶᠠᠪᠤᠭᠰᠠᠭᠠᠷ ᠬᠠᠭᠠᠯᠭᠠ ᠪᠦᠷᠢ ᠶ᠋ᠢᠨ ᠡᠮᠦᠨᠡ ᠴᠢᠩᠨᠠᠷᠬᠠᠨ ᠰᠠᠭᠠᠳᠠᠭᠰᠠᠭᠠᠷ ᠡᠭᠦᠳᠡᠨ ᠦ᠌ ᠬᠠᠭᠠᠯᠭᠠᠨ ᠳ᠋ᠤ᠌ ᠲᠤᠯᠵᠤ ᠣᠴᠢᠪᠠ᠃
ᠲᠡᠷᠡ ᠬᠠᠭᠠᠯᠭᠠ ᠨᠡᠭᠡᠭᠡᠯᠡ᠃ ᠠᠭᠤᠯᠠ ᠶ᠋ᠢᠨ ᠵᠢᠬᠡᠭᠥᠪᠳᠣᠷ ᠰᠠᠯᠬᠢ ᠰᠡᠪᠡᠯᠵᠡᠨ ᠦᠯᠢᠶᠡᠯᠡ᠃ ᠨᠣᠣᠷᠬᠠᠢ ᠬᠤᠪᠴᠠᠰᠤ ᠲᠠᠢ ᠭᠠᠯᠳᠠᠨ ᠤ᠋ ᠦᠶᠡ ᠳᠠᠩ ᠤ᠋ᠨ ᠨᠢᠭᠡᠨ ᠬᠥᠪᠡᠭᠦᠨ ᠵᠣᠭᠰᠣᠵᠤ ᠪᠠᠢᠨᠠ᠃ ᠬᠥᠪᠡᠭᠦᠨ ᠲᠠᠭᠠᠷᠠᠵᠠᠢ᠃
— ᠴᠢ ᠶᠠᠭᠤᠨ ᠤ᠋ ᠬᠥᠮᠦᠨ ᠪᠣᠢ ᠭᠡᠵᠦ ᠠᠰᠠᠭᠤᠪᠠ᠃
— ᠪᠢ ᠬᠣᠱᠤᠳ ᠣᠪᠣᠭ ᠤ᠋ᠨ ᠭᠠᠢᠳᠠᠪ ᠭᠡᠭᠴᠢ ᠪᠤᠷᠬᠠᠨ ᠤ᠋ ᠣᠷᠣᠨ ᠳ᠋ᠤ᠌ ᠮᠥᠷᠭᠥᠬᠦ ᠪᠡᠷ ᠡᠵᠢ ᠪᠡᠨ ᠳᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠶᠦᠮ᠃ ᠡᠵᠢ ᠮᠢᠨᠢ ᠶᠠᠳᠠᠷᠠᠬᠤ ᠶ᠋ᠢᠨ ᠲᠤᠢᠯ ᠳ᠋ᠤ᠌ ᠬᠦᠷᠴᠦ ᠨᠠᠰᠤ ᠪᠠᠷᠠᠪᠠ᠃ ᠲᠡᠭᠡᠭᠡᠳ ᠪᠢ ᠭᠠᠰᠢᠭᠤᠳᠠᠨ ᠬᠣᠩ ᠲᠠᠢᠵᠢ ᠶ᠋ᠢᠨ ᠬᠥᠪᠡᠭᠦᠨ ᠢ᠋ ᠡᠷᠢᠵᠦ ᠪᠡᠳᠡᠷᠢᠭᠰᠡᠭᠡᠷ ᠢᠷᠡᠪᠡ᠃ ᠶᠡᠬᠡ ᠬᠥᠯ ᠦ᠋ᠨ ᠭᠠᠵᠠᠷ ᠬᠡᠴᠡᠭᠦᠦ ᠶᠦᠮ᠃ ᠬᠥᠮᠦᠨ ᠰᠤᠷᠠᠭᠯᠠᠨᠠ ᠭᠡᠳᠡᠭ ᠮᠠᠯ ᠤ᠋ᠨ ᠡᠷᠢᠯ ᠳ᠋ᠦ᠍ ᠬᠠᠲᠠᠬᠤ ᠠ᠋ᠴᠠ ᠳᠣᠯᠣᠭᠠᠨ ᠳᠣᠣᠷᠠ ᠠᠵᠢ᠃ ᠲᠠᠨ ᠤ᠋ ᠬᠠᠮᠢᠭᠠ ᠰᠠᠭᠤᠳᠠᠭ ᠢ᠋ ᠳᠤᠭᠠᠩᠴᠢ ᠯᠠᠮᠠ ᠥᠭᠡᠷᠡ ᠨᠢᠭᠡ ᠯᠠᠮᠠ ᠳ᠋ᠤ᠌ ᠶᠠᠷᠢᠵᠤ ᠪᠠᠢᠬᠤ ᠳ᠋ᠤ᠌ ᠰᠣᠨᠣᠰᠴᠤ ᠮᠡᠳᠡᠯᠡ᠃ ᠬᠠᠢᠭᠰᠠᠭᠠᠷ ᠶᠠᠪᠤᠭᠠᠳ ᠬᠦᠷᠴᠦ ᠢᠷᠡᠯᠡ᠃
— ᠨᠠᠮᠠᠶ᠋ᠢ ᠶᠠᠭ ᠣᠯᠵᠠᠢ᠃ ᠪᠢ ᠭᠠᠯᠳᠠᠨ ᠪᠠᠢᠨᠠ᠃
— ᠡᠵᠢ ᠮᠢᠨᠢ ᠬᠣᠩ ᠲᠠᠢᠵᠢ ᠶ᠋ᠢᠨ ᠬᠦᠦ ᠡᠴᠡ ᠠᠳᠢᠰ ᠠᠪᠬᠤ ᠶᠤᠮᠰᠠᠨ ᠭᠡᠵᠦ ᠶᠠᠷᠢᠳᠠᠭ ᠪᠠᠢᠭᠰᠠᠨ᠃ ᠳᠠᠩᠴᠤ ᠠᠳᠢᠰ ᠠᠪᠴᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠡᠵᠢ ᠶ᠋ᠢ ᠪᠡᠨ ᠬᠡᠭᠡᠷᠡ ᠨᠤᠲᠤᠭᠯᠠᠭᠤᠯᠪᠠ᠃ ᠪᠢ ᠭᠠᠭᠴᠠᠭᠠᠷ ᠦᠯᠡᠳᠡᠪᠡ᠃
— ᠳᠣᠲᠣᠭᠰᠢ ᠪᠠᠨ ᠣᠷᠣᠭᠠᠴᠢ᠂᠂᠂᠂
— ᠪᠢ ᠠᠷᠢᠭᠤᠨ ᠳᠤᠭᠠᠩ ᠳ᠋ᠤ᠌ ᠣᠷᠣᠵᠤ ᠪᠣᠯᠬᠤ ᠦᠭᠡᠢ ᠠ᠋᠃ ᠨᠠᠳᠠᠳᠤ ᠪᠤᠵᠠᠷ ᠰᠢᠩᠭᠡᠭᠰᠡᠨ ᠪᠠᠢᠭᠠ᠃ ᠬᠡᠭᠦᠷ ᠦ᠋ᠨ ᠭᠠᠵᠠᠷ ᠠ᠋ᠴᠠ ᠢᠷᠡᠯᠡ᠃
— ᠴᠢ ᠪᠣᠯ ᠪᠤᠶᠠᠨ ᠬᠢᠵᠦ ᠶᠠᠪᠤᠭᠠ ᠬᠥᠮᠦᠨ᠃ ᠡᠵᠢ ᠪᠡᠨ ᠳᠠᠭᠠᠭᠤᠯᠵᠤ ᠡᠨᠡ ᠬᠣᠯᠠ ᠭᠠᠵᠠᠷ ᠢᠷᠡᠨᠡ ᠭᠡᠳᠡᠭ ᠬᠢᠷᠢ ᠪᠠᠷᠤᠭ ᠤ᠋ᠨ ᠬᠥᠮᠦᠨ ᠦ᠌ ᠰᠠᠪᠠᠨ ᠳ᠋ᠤ᠌ ᠪᠠᠭᠲᠠᠬᠤ ᠦᠭᠡᠢ ᠶᠡᠬᠡ ᠪᠤᠶᠠᠨ ᠶᠤᠮ ᠰᠢᠦ᠃ ᠪᠤᠤ ᠵᠣᠪᠠ!
— ᠬᠤᠪᠢᠯᠭᠠᠨ ᠲᠠ ᠨᠠᠮᠠᠶ᠋ᠢ ᠥᠷᠥᠰᠢᠶᠡᠵᠦ ᠪᠣᠯᠭᠣᠭᠠᠪᠠᠯ ᠪᠢ ᠣᠷᠣᠶᠠ᠃
ᠭᠠᠯᠳᠠᠨ ᠯᠠᠮᠠ᠂ ᠭᠠᠢᠳᠠᠪ ᠬᠥᠪᠡᠭᠦᠨ ᠳ᠋ᠦ᠍ ᠬᠣᠭᠣᠯᠠ ᠤᠮᠳᠠ ᠥᠭᠴᠦ ᠲᠡᠩᠬᠡᠷᠡᠭᠦᠯᠦᠭᠡᠳ ᠤᠨᠲᠠᠭᠤᠯᠪᠠ᠃ ᠪᠠᠷᠢᠨᠲᠠᠭ ᠲᠠᠢ ᠰᠤᠳᠤᠷ ᠳᠦᠭᠦᠷᠡᠩ ᠥᠷᠥᠵᠦ ᠬᠦᠵᠢ᠂ ᠵᠤᠯᠠ ᠠᠰᠠᠭᠠᠵᠤ᠂ ᠪᠤᠷᠬᠠᠳ ᠤ᠋ᠨ ᠬᠥᠷᠥᠭ ᠡᠩᠨᠡᠭᠦᠯᠦᠭᠰᠡᠨ ᠦᠷᠭᠦᠭᠡᠨ ᠳ᠋ᠦ᠍ ᠭᠠᠢᠳᠠᠪ ᠰᠡᠷᠡᠪᠡ᠃ ᠭᠠᠯᠳᠠᠨ ᠨᠣᠮ ᠪᠢᠰᠢᠯᠭᠠᠨ ᠰᠠᠭᠤᠵᠤ ᠪᠠᠢᠯᠠ᠃ ᠭᠠᠯᠳᠠᠨ ᠯᠠᠮᠠ ᠶᠡᠬᠡᠳᠡ ᠰᠡᠷᠭᠦᠵᠡᠢ᠃
— ᠪᠢ ᠶᠡᠬᠡ ᠲᠦᠭᠰᠢᠭᠦᠷᠢ ᠲᠡᠢ ᠬᠣᠨᠣᠯᠠ᠃ ᠣᠳᠣ ᠳᠠᠯᠠᠢ ᠯᠠᠮᠠ᠂ ᠪᠠᠡᠴᠢᠡᠡᠷᠳᠡᠨᠢ ᠬᠣᠶᠠᠷ ᠲᠤ᠌ ᠮᠥᠷᠭᠥᠭᠡᠳ ᠢᠷᠡᠶᠡ᠃ ᠴᠢ ᠡᠨᠳᠡ ᠪᠡᠨ ᠬᠦᠯᠢᠶᠡᠵᠦ ᠪᠠᠢ ᠭᠡᠳ ᠭᠠᠯᠳᠠᠨ ᠢ᠋ ᠶᠠᠪᠤᠬᠤ ᠭᠡᠬᠦ ᠳ᠋ᠦ᠍᠂
— ᠪᠤᠷᠬᠠᠨ ᠨᠠᠮᠠᠶ᠋ᠢ ᠲᠠᠭᠠᠯᠠᠬᠤ ᠪᠣᠯᠪᠠᠤ? ᠭᠡᠵᠦ ᠭᠠᠢᠳᠠᠪ ᠠᠢᠳᠠᠰ ᠲᠠᠢ ᠠᠰᠠᠭᠤᠪᠠ᠃
— ᠪᠤᠷᠬᠠᠨ ᠪᠣᠯ ᠳᠡᠭᠡᠳᠦᠰ ᠳᠣᠣᠷᠠᠳᠤᠰ ᠲᠤ᠌ ᠠᠳᠠᠯᠢᠬᠠᠨ ᠬᠠᠨᠳᠤᠳᠠᠭ ᠶᠤᠮ᠃ ᠨᠢᠭᠦᠯ ᠬᠢᠯᠢᠨᠴᠡ ᠬᠢᠭᠰᠡᠨ ᠬᠥᠮᠦᠨ ᠢ᠋ ᠴᠦ᠍ ᠠᠷᠢᠭᠤᠰᠬᠠᠳᠠᠭ᠃ ᠪᠤᠷᠬᠠᠨ ᠠ᠋ᠴᠠ ᠠᠶᠤᠬᠤ ᠬᠡᠷᠡᠭ ᠦᠭᠡᠢ᠃ ᠪᠤᠷᠬᠠᠨ ᠳ᠋ᠤ᠌ ᠣᠢᠷᠠᠬᠠᠨ ᠪᠠᠢᠬᠤ ᠶ᠋ᠢ ᠬᠢᠴᠢᠶᠡᠭᠡᠴᠢ᠃ ᠪᠤᠷᠬᠠᠨ ᠬᠥᠮᠦᠨ ᠦ᠌ ᠣᠶᠤᠨ ᠰᠠᠨᠠᠭᠠ ᠶ᠋ᠢ ᠪᠦᠲᠦᠭᠡᠭᠰᠡᠨ ᠶᠦᠮ ᠰᠢᠦ ᠳᠡ᠃ ᠪᠤᠷᠬᠠᠨ ᠤ᠋ ᠪᠦᠲᠦᠭᠡᠯ ᠡᠴᠡ ᠠᠶᠤᠬᠤ ᠬᠡᠷᠡᠭ ᠦᠭᠡᠢ᠃ ᠬᠥᠮᠦᠨ ᠪᠣᠯ ᠪᠦᠲᠦᠭᠡᠯ ᠶᠦᠮ᠃ ᠬᠥᠮᠦᠨ ᠥᠪᠡᠷ ᠢ᠋ᠶ᠋ᠡᠨ ᠠᠳᠠᠭ ᠤ᠋ᠨ ᠵᠠᠩ ᠭᠠᠷᠭᠠᠳᠠᠭ ᠰᠢᠢᠳᠬᠡᠭᠴᠢ ᠤᠴᠢᠷ ᠠ᠋ᠴᠠ ᠪᠤᠷᠬᠠᠨ ᠵᠠᠷᠢᠮ ᠳ᠋ᠠᠭᠠᠨ ᠴᠡᠭᠡᠷᠯᠡᠭᠦᠯᠳᠡᠭ᠃ ᠪᠤᠷᠬᠠᠨ ᠢ᠋ ᠰᠡᠳᠬᠢᠯ ᠳ᠋ᠡᠭᠡᠨ ᠰᠢᠲᠦᠵᠦ ᠪᠢᠰᠢᠷᠡᠵᠦ ᠶᠠᠪᠤᠪᠠᠰᠤ ᠡᠷᠭᠢᠭᠡᠳ ᠴᠢᠮᠠᠶ᠋ᠢ ᠪᠤᠷᠬᠠᠨ ᠬᠠᠷᠠᠳᠠᠭ ᠰᠢᠭ᠋ ᠬᠠᠷᠠᠨᠠ᠃ ᠪᠤᠷᠬᠠᠨ ᠤ᠋ ᠢᠪᠡᠭᠡᠯ ᠳ᠋ᠦ᠍ ᠨᠢᠭᠡ ᠪᠠᠭᠲᠠᠪᠠᠯ ᠨᠠᠰᠤᠨ ᠲᠤᠷᠰᠢ ᠳ᠋ᠠᠭᠠᠨ ᠪᠠᠭᠲᠠᠨᠠ᠃
— ᠬᠤᠪᠢᠯᠭᠠᠨ ᠲᠠ ᠪᠤᠷᠬᠠᠨ ᠤᠴᠢᠷ ᠠ᠋ᠴᠠ ᠪᠢ ᠲᠠᠨ ᠤ᠋ ᠢᠪᠡᠭᠡᠯ ᠳ᠋ᠦ᠍ ᠪᠠᠭᠲᠠᠭᠰᠠᠨ ᠪᠣᠯᠪᠠᠤ?
ᠭᠠᠢᠳᠠᠪ ᠬᠡᠮᠡᠬᠦ ᠲᠡᠷᠡ ᠠᠶᠠᠳᠠᠭᠤ ᠨᠠᠮᠤᠭᠤᠨ ᠳᠠᠭᠤ ᠲᠠᠢ᠂ ᠵᠣᠪᠠᠯᠠᠩᠲᠤ ᠬᠥᠪᠡᠭᠦᠨ ᠢ᠋ ᠭᠠᠯᠳᠠᠨ ᠲᠠᠯᠠᠷᠬᠠᠯ ᠲᠠᠢ ᠬᠠᠷᠠᠪᠠ᠃ ᠭᠠᠯᠳᠠᠨ ᠭᠠᠢᠳᠠᠪ ᠢ᠋ ᠬᠠᠷᠠ ᠵᠦᠩ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠦᠯᠢᠶᠡᠵᠦ ᠠᠪᠤᠭᠰᠠᠨ᠃
ᠭᠠᠯᠳᠠᠨ ᠭᠠᠢᠳᠠᠪ ᠢ᠋ ᠬᠠᠷᠠᠭᠠᠳ ᠢᠲᠡᠭᠡᠭᠰᠡᠨ᠃ ᠠᠩᠬᠠ ᠤᠳᠠᠭᠠ ᠠᠭᠤᠯᠵᠠᠬᠤ ᠳ᠋ᠤ᠌ ᠢᠲᠡᠭᠡᠯ ᠲᠥᠷᠥᠭᠦᠯᠳᠡᠭ ᠬᠥᠮᠦᠨ ᠲᠡᠢᠮᠦ ᠣᠯᠠᠨ ᠪᠠᠢᠳᠠᠭ ᠦᠭᠡᠢ ᠪᠢᠵᠡ᠃ ᠭᠠᠢᠳᠠᠪ ᠵᠠᠶᠠᠭᠠᠨ ᠠ᠋ᠴᠠ ᠰᠡᠯᠡᠮᠡ ᠡᠷᠭᠢᠭᠦᠯᠵᠦ ᠶᠠᠪᠤᠬᠤ ᠤᠴᠢᠷ ᠲᠠᠢ ᠪᠠᠢᠭᠰᠠᠨ ᠰᠢᠦ᠃ ᠭᠠᠢᠳᠠᠪ ᠨᠡᠯᠢᠶᠡᠳ ᠰᠠᠨᠳᠤᠷᠴᠤ ᠬᠤᠪᠢᠯᠭᠠᠨ ᠯᠠᠮᠠ ᠶ᠋ᠢᠨ ᠲᠠᠬᠢᠯ᠂ ᠰᠠᠨᠸᠠᠷ ᠠ᠋ᠴᠠ ᠴᠣᠴᠢᠷᠳᠠᠬᠤ ᠠᠪᠠᠴᠤ ᠪᠡᠶᠡ ᠨᠢ ᠬᠥᠩᠭᠡᠷᠡᠵᠦ᠂ ᠰᠡᠳᠬᠢᠯ ᠨᠢ ᠶᠡᠷᠦ ᠪᠤᠰᠤ ᠶ᠋ᠢᠨ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠪᠠᠢᠵᠠᠢ᠃ ᠲᠡᠷᠡ ᠪᠡᠷ ᠠᠬᠠ ᠳᠡᠭᠦᠦ ᠳ᠋ᠡᠭᠡᠨ ᠢᠷᠡᠭᠰᠡᠨ ᠮᠡᠲᠦ ᠣᠢᠷᠠ ᠳᠣᠲᠣᠨᠣ ᠰᠡᠳᠬᠢᠯ ᠲᠡᠢ ᠪᠣᠯᠵᠠᠢ᠃ ᠯᠠᠮᠠ ᠨᠣᠮ ᠢ᠋ᠶ᠋ᠠᠨ ᠪᠠᠶᠠᠰᠬᠠᠵᠤ ᠢᠷᠡᠭᠡᠳ᠂
—ᠮᠢᠨᠦ ᠳᠡᠷᠭᠡᠳᠡ ᠪᠠᠢᠵᠤ ᠪᠠᠢ ᠭᠡᠪᠡ᠃
— ᠵᠠ ᠭᠡᠵᠦ ᠭᠠᠢᠳᠠᠪ ᠬᠡᠯᠡᠪᠡ᠃
— ᠪᠢ ᠬᠤᠷᠠᠯ ᠳ᠋ᠤ᠌ ᠣᠷᠣᠯᠠ ᠡᠷᠭᠢᠵᠦ ᠢᠷᠡᠲᠡᠯᠡ ᠠᠮᠠᠷᠠᠵᠤ ᠪᠠᠢ᠃ ᠠᠶᠠᠭᠠᠴᠢ ᠯᠠᠮᠠ ᠣᠳᠣᠬᠠᠨ ᠢᠷᠡᠨᠡ᠃ ᠲᠡᠷᠡ ᠯᠠᠮᠠ ᠳ᠋ᠤ᠌ ᠴᠢᠮᠠᠶ᠋ᠢ ᠲᠥᠪᠬᠢᠨᠡᠭᠦᠯᠬᠦ ᠶ᠋ᠢ ᠠᠢᠯᠠᠳᠤᠯᠠ ᠭᠡᠵᠦ ᠭᠠᠯᠳᠠᠨ ᠬᠤᠪᠢᠯᠭᠠᠨ ᠥᠭᠦᠯᠡᠭᠡᠳ ᠶᠠᠪᠤᠯᠠ᠃ ᠭᠠᠯᠳᠠᠨ ᠲᠡᠷᠡ ᠡᠳᠦᠷ ᠭᠠᠢᠳᠠᠪ ᠢ᠋ ᠬᠣᠶᠠᠷ ᠭᠤᠷᠪᠠ ᠡᠷᠭᠢᠵᠦ ᠪᠢᠯᠡ᠃
ᠨᠢᠭᠡᠨᠲᠡ ᠥᠷᠯᠥᠭᠡ ᠶ᠋ᠢᠨ ᠮᠥᠷᠭᠥᠯ ᠦ᠋ᠨ ᠴᠠᠭ ᠪᠣᠯᠵᠠᠢ᠃ ᠭᠤᠷᠪᠠᠨ ᠵᠢᠯ ᠡᠢᠨ ᠬᠦ᠌ ᠨᠠᠷᠠ ᠮᠠᠨᠳᠤᠬᠤ ᠦᠶᠡ ᠪᠡᠷ ᠭᠠᠯᠳᠠᠨ ᠭᠣᠷᠢᠶᠠ ᠬᠢᠵᠦ ᠮᠢᠨᠳᠤᠭᠲᠠᠨ ᠤ᠋ ᠦᠷᠭᠦᠭᠡᠨᠡ ᠮᠣᠷᠢᠯᠠᠳᠠᠭ ᠪᠢᠯᠡ᠃
ᠭᠠᠯᠳᠠᠨ ᠯᠠᠮᠠ ᠶ᠋ᠢ ᠲᠠᠰᠢᠯᠠᠾᠠᠮᠤ ᠬᠡᠢᠳ ᠲᠦ᠍ ᠱᠠᠪᠢᠯᠠᠨ ᠰᠠᠭᠤᠵᠤ ᠪᠠᠢᠬᠤ ᠦᠶᠡ ᠳ᠋ᠦ᠍ ᠳᠠᠯᠠᠢ ᠯᠠᠮᠠ ᠯᠣᠪᠰᠠᠩᠵᠠᠮᠰᠤ᠂ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠤ᠋ ᠮᠢᠨᠳᠤᠭᠲᠠᠨ ᠪᠠᠨᠴᠢᠨ᠌ᠡᠷᠳᠡᠨᠢ ᠶ᠋ᠢ ᠨᠠᠷ ᠭᠠᠯᠳᠠᠨ ᠤ᠋ ᠰᠡᠷᠭᠦᠯᠡᠩ ᠣᠢ ᠤᠬᠠᠭᠠᠨ᠂ ᠳᠣᠲᠣᠭᠠᠳᠤ ᠴᠢᠨᠠᠷ᠂ ᠳᠠᠯᠳᠠ ᠮᠡᠳᠡᠷᠡᠮᠵᠢ ᠶ᠋ᠢ ᠨᠢ ᠲᠠᠨᠢᠵᠤ ᠣᠢᠷᠠᠳ ᠤ᠋ᠨ ᠬᠠᠭᠠᠨ ᠤ᠋ ᠣᠶᠤᠨ ᠤ᠋ ᠰᠠᠩ ᠭᠡᠮᠡᠨ ᠪᠡᠯᠭᠡᠰᠢᠶᠡᠨ
ᠨᠡᠷᠡᠢᠳᠴᠦ ᠪᠠᠢᠪᠠ᠃
ᠡᠨᠡ ᠦᠶᠡ ᠳ᠋ᠦ᠍ ᠪᠤᠳᠠᠯᠠᠩ ᠣᠷᠳᠣᠨ ᠳ᠋ᠤ᠌ ᠬᠦᠷᠬᠦ ᠵᠠᠭᠤ ᠨᠠᠢ᠍ᠮᠠᠨ ᠭᠢᠰᠬᠢᠭᠦᠷᠲᠦ ᠱᠠᠲᠤ ᠪᠡᠬᠢᠯᠡᠭᠳᠡᠪᠡ᠃ ᠭᠢᠰᠬᠢᠭᠦᠷ ᠦ᠋ᠨ ᠲᠣᠭᠠ ᠪᠠᠷ ᠮᠠᠨᠢ ᠶ᠋ᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠬᠡᠯᠬᠢᠵᠦ ᠵᠢᠷᠭᠤᠭᠠᠨ ᠵᠦᠢᠯ ᠬᠠᠮᠤᠭ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠᠳᠠ ᠪᠦᠲᠦᠭᠡᠭᠳᠡᠵᠦ ᠪᠣᠢ ᠠᠭᠤᠤ ᠬᠡᠢᠳ ᠦ᠋ᠨ ᠪᠣᠱᠣᠭ ᠢ᠋ ᠠᠯᠬᠤᠨᠠ᠃ ᠪᠤᠳᠠᠯᠠᠩ ᠬᠡᠮᠡᠬᠦ ᠰᠠᠨᠸᠠᠷᠲᠠᠨ᠂ ᠰᠦᠰᠦᠭᠲᠡᠨ ᠦ᠌ ᠣᠷᠳᠣᠨ ᠰᠦᠨᠳᠡᠷᠯᠡᠯᠡ᠃ ᠲᠦᠮᠡᠨ ᠬᠥᠮᠦᠨ ᠬᠦᠯᠬᠦᠵᠦ ᠥᠭᠯᠢᠭᠡ ᠡᠷᠭᠦᠵᠦ ᠪᠠᠢᠳᠠᠭ ᠠᠷᠢᠭᠤᠨ ᠲᠠᠭᠰᠢᠨ ᠪᠤᠷᠬᠠᠳ ᠤ᠋ᠨ ᠣᠷᠣᠨ ᠳᠠᠪᠬᠤᠷᠯᠠᠭᠰᠠᠨ ᠱᠣ ᠮᠡᠲᠦ ᠲᠡᠷᠲᠡᠭᠡ ᠬᠣᠯᠠ ᠠ᠋ᠴᠠ ᠰᠣᠷᠢᠨᠵᠢᠳᠠᠨᠠ᠃ ᠪᠤᠳᠠᠯᠠᠩ ᠣᠷᠳᠣᠨ ᠢ᠋ ᠬᠡᠷᠬᠢᠨ ᠰᠦᠨᠳᠡᠷᠯᠡᠬᠦ ᠶ᠋ᠢ ᠨᠢᠳᠦ ᠪᠡᠷ ᠦᠵᠡᠭᠰᠡᠨ ᠬᠥᠮᠦᠨ ᠳᠡ ᠭᠠᠯᠳᠠᠨ᠃ ᠲᠡᠷᠡ ᠪᠤᠷᠬᠠᠨ ᠤ᠋ ᠰᠢᠲᠦᠭᠡᠨ ᠣᠷᠳᠣᠨ ᠳ᠋ᠤ᠌ ᠡᠳᠦᠷ ᠲᠡᠭᠡᠨ ᠬᠡᠳᠦ ᠣᠷᠣᠵᠤ ᠮᠠᠨᠢ ᠮᠡᠭᠵᠡᠮ ᠰᠠᠶᠠ ᠵᠢᠸᠠ ᠶ᠋ᠢ ᠪᠢᠰᠢᠯᠭᠠᠵᠤ ᠪᠠᠢᠪᠠ᠃
ᠪᠤᠳᠠᠯᠠᠩ ᠣᠷᠳᠣᠨ ᠤ᠋ ᠶᠡᠬᠡ ᠵᠠᠰᠠᠪᠤᠷᠢ ᠳ᠋ᠤ᠌ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨ ᠤ᠋ ᠰᠠᠩ ᠠ᠋ᠴᠠ ᠠᠯᠲᠠ᠂ ᠮᠥᠩᠭᠥ ᠬᠢᠭᠡᠳ ᠮᠠᠯ ᠰᠦᠷᠦᠭ ᠡᠷᠭᠦᠨ ᠪᠠᠷᠢᠭᠰᠠᠨ ᠪᠠᠢᠨᠠ᠃ ᠤᠭ ᠠ᠋ᠴᠠ ᠡᠷᠳᠡᠨᠢᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠶ᠋ᠢ ᠲᠥᠪᠡᠳ ᠦ᠋ᠨ ᠲᠠᠪᠤᠳᠤᠭᠠᠷ ᠳᠠᠯᠠᠢ ᠯᠠᠮᠠ ᠮᠠᠰᠢᠳᠠ ᠣᠢᠰᠢᠶᠠᠨ ᠰᠠᠢᠰᠢᠶᠠᠵᠤ᠃
— ᠴᠠᠰᠤᠲᠤ ᠠᠭᠤᠯᠠ ᠶ᠋ᠢᠨ ᠢᠷᠪᠢᠰ ᠮᠡᠲᠦ ᠬᠡᠢᠮᠣᠷᠢ ᠲᠠᠢ ᠡᠷᠡ ᠬᠥᠮᠦᠨ ᠭᠡᠵᠡᠢ᠃ ᠡᠨᠡ ᠦᠭᠡ ᠶ᠋ᠢ ᠬᠡᠯᠡᠭᠰᠡᠨ ᠡᠴᠡ ᠬᠣᠢᠰᠢ ᠣᠯᠠᠨ ᠴᠤ᠌ ᠵᠢᠯ ᠥᠩᠭᠡᠷᠡᠪᠡ᠃
ᠲᠡᠭᠡᠲᠡᠯᠡ ᠬᠥᠪᠡᠭᠦᠨ ᠭᠠᠯᠳᠠᠨ ᠢ᠋ᠶ᠋ᠠᠨ ᠲᠥᠪᠡᠳ ᠲᠦ᠍ ᠢᠯᠡᠭᠡᠵᠡᠢ᠃ ᠳᠠᠯᠠᠢ ᠯᠠᠮᠠ ᠵᠡᠭᠦᠨᠭᠠᠷ ᠤ᠋ᠨ ᠬᠣᠩ ᠲᠠᠢᠵᠢ ᠶ᠋ᠢᠨ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠳᠠᠯᠠᠯᠤᠭᠠᠳ ᠪᠠᠢᠬᠤ ᠰᠢᠭ᠋ ᠲᠡᠭᠦᠨ ᠳ᠋ᠦ᠍ ᠰᠠᠨᠠᠭᠳᠠᠳᠠᠭ ᠪᠠᠢᠯᠠ᠃ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠰᠠᠨᠠᠭᠠ ᠶ᠋ᠢ ᠳᠠᠯᠠᠢ ᠯᠠᠮᠠ ᠳᠡᠮᠵᠢᠵᠡᠢ᠃ ᠳᠡᠮᠵᠢᠬᠦ ᠪᠡᠷ ᠦᠯᠦ ᠪᠠᠷᠠᠨ ᠵᠡᠭᠦᠨᠭᠠᠷ ᠤ᠋ᠨ ᠬᠠᠭᠠᠨᠲᠤ ᠤᠯᠤᠰ ᠢ᠋ ᠪᠤᠷᠬᠠᠨ ᠤ᠋ ᠣᠷᠣᠨ ᠪᠣᠯᠭᠠᠬᠤ ᠠᠯᠤᠰ ᠤ᠋ᠨ ᠪᠣᠳᠣᠯ ᠢ᠋ᠶ᠋ᠠᠨ ᠬᠡᠷᠡᠭᠵᠢᠭᠦᠯᠬᠦ ᠳ᠋ᠦ᠍ ᠦᠨᠡᠨ ᠬᠦ᠌ ᠨᠥᠯᠥᠭᠡᠯᠡᠭᠰᠡᠨ ᠨᠢ ᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠥᠪᠡᠷ ᠦ᠋ᠨ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠱᠠᠪᠢ ᠪᠣᠯᠭᠠᠵᠤ ᠢᠯᠡᠭᠡᠭᠰᠡᠨ ᠶᠠᠪᠤᠳᠠᠯ ᠪᠠᠢᠯᠠ᠃
ᠬᠣᠷᠢᠨ ᠨᠢᠭᠡ
ᠭᠠᠯᠳᠠᠨ ᠳ᠋ᠤ᠌ ᠠᠬᠠ ᠰᠡᠩᠭᠡ ᠶᠠᠷᠢᠭᠰᠠᠨ ᠶᠤᠮ᠃
— ᠣᠢᠷᠠᠳ ᠤ᠋ᠨ ᠬᠣᠲᠠ ᠬᠦᠷᠢᠶᠡᠨ ᠡᠴᠡ ᠶᠡᠬᠡ ᠴᠡᠷᠢᠭ ᠬᠥᠳᠡᠯᠬᠦ ᠶ᠋ᠢᠨ ᠡᠮᠦᠨᠡ ᠴᠠᠭᠠᠨ ᠰᠣᠷᠮᠤᠤᠰᠤᠲᠤ ᠠᠮᠢᠨᠳᠠᠷᠠ ᠬᠠᠲᠤᠨ ᠡᠴᠢᠭᠡ ᠬᠣᠩ ᠲᠠᠢᠵᠢ ᠶ᠋ᠢᠨ ᠬᠠᠮᠲᠤ ᠦᠷᠭᠦᠭᠡᠨ ᠡᠴᠡ ᠭᠠᠷᠴᠤ ᠵᠣᠷᠢᠭᠤᠳᠠ ᠪᠡᠯᠡᠳᠬᠡᠭᠰᠡᠨ ᠰᠡᠦᠬᠡ ᠲᠡᠷᠭᠡᠨ ᠳ᠋ᠡᠭᠡᠨ ᠰᠢᠪᠡᠭᠴᠢᠨ ᠡᠮᠡ ᠪᠡᠷ ᠲᠦᠰᠢᠭᠦᠯᠦᠨ ᠰᠠᠭᠤᠪᠠ᠃
— ᠡᠷᠬᠡ ᠲᠠᠩᠬᠢ ᠬᠠᠳᠣᠨᠲᠠᠨ ᠬᠠᠮᠢᠭᠠᠰᠢ ᠪᠠᠨ ᠮᠣᠷᠢᠯᠠᠬᠤ ᠶᠤᠮ ᠪᠣᠢ? ᠠᠷᠠᠢ ᠲᠤᠯᠤᠯᠳᠤᠭᠠᠨ ᠤ᠋ ᠁
— ᠲᠡᠢᠮᠦ ᠠ᠋᠃ ᠢᠷᠡᠭᠦᠯ ᠲᠤᠯᠤᠯᠳᠤᠭᠠᠨ ᠦᠵᠡᠬᠦ ᠶᠦᠮ ᠭᠡᠨᠡ᠃
—ᠴᠢᠰᠤ ᠬᠠᠷᠠᠵᠤ ᠶᠠᠭᠠᠬᠢᠬᠤ ᠭᠡᠪᠡ᠃ ᠮᠣᠷᠢᠳ ᠤ᠋ᠨ ᠬᠥᠯ ᠳ᠋ᠦ᠍ ᠭᠢᠰᠬᠢᠭᠦᠯᠵᠦ ᠮᠡᠳᠡᠬᠦ ᠪᠤᠰᠤ ᠤᠤ?
— ᠨᠢᠭᠡᠯᠡ ᠢᠷᠣᠠ ᠶ᠋ᠢᠨ ᠴᠢᠷᠠᠢ᠂ ᠢᠷᠣᠠ ᠶ᠋ᠢᠨ ᠨᠢᠳᠦ ᠬᠠᠷᠠᠭᠳᠠᠭᠠᠳ ᠪᠠᠢᠬᠤ ᠶᠤᠮ᠃ ᠰᠡᠭᠦᠯ ᠳ᠋ᠡᠭᠡᠨ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠳᠠᠭᠠᠬᠤ ᠮᠠᠭᠠᠳ᠃ ᠬᠠᠭᠠᠨ ᠢᠲᠡᠭᠡᠭᠡᠳ ᠪᠠᠢᠬᠤ ᠶᠤᠮ᠃ᠡᠮᠡᠰ ᠶᠡᠷᠦ ᠨᠢ ᠬᠦᠢᠲᠡᠨ ᠵᠡᠪᠰᠡᠭ ᠡᠴᠡ ᠢᠯᠭᠠᠭᠠ ᠦᠭᠡᠢ ᠰᠢᠦ᠂ ᠮᠡᠰᠡ ᠯᠡ ᠭᠡᠰᠡᠨ ᠦᠭᠡ᠃
— ᠬᠠᠷᠢᠨ ᠲᠡᠢᠮᠦ᠃
ᠴᠢᠯᠠᠭᠤᠨ ᠤ᠋ ᠵᠠᠢ ᠵᠠᠪᠰᠠᠷ ᠢ᠋ᠶ᠋ᠠᠷ ᠡᠪᠡᠰᠦ ᠰᠦᠪᠡᠯᠡᠵᠡᠢ᠃ ᠬᠣᠶᠠᠷ ᠲᠠᠯᠠ ᠶ᠋ᠢᠨ ᠮᠣᠷᠢᠲᠠᠨ ᠬᠥᠬᠡ ᠰᠥᠨᠢ ᠶ᠋ᠢᠨ ᠲᠤᠯᠤᠯᠳᠤᠭᠠᠨ ᠶᠠᠭᠠᠬᠢᠵᠤ ᠲᠡᠭᠦᠰᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠯᠠ᠃ ᠣᠮᠣᠭᠯᠠᠩ ᠬᠦᠯᠦᠭ ᠮᠣᠷᠢᠳ ᠤ᠋ᠨ ᠰᠠᠮᠰᠠ ᠰᠠᠷᠲᠠᠯᠵᠠᠨ᠂ ᠰᠢᠭᠦᠰᠦ ᠶᠡᠬᠡᠲᠡᠢ ᠨᠣᠭᠣᠭᠠᠨ ᠳ᠋ᠤ᠌ ᠴᠠᠳᠬᠣᠯᠳᠣᠭᠰᠠᠨ ᠲᠤᠯᠠ ᠪᠠᠭᠴᠠ ᠪᠠᠭᠴᠠ ᠰᠢᠳᠡᠯᠡᠨᠡ᠃ ᠭᠣᠣᠯ ᠤ᠋ᠨ ᠬᠠᠢᠷᠭᠠᠲᠦ ᠬᠥᠨᠳᠡᠢ ᠳ᠋ᠦ᠍ ᠮᠠᠨᠠᠨ ᠦᠭᠡᠢ ᠲᠤᠩᠭᠠᠯᠠᠭ ᠠᠲᠠᠯᠠ ᠪᠢᠲᠡᠭᠦᠦ ᠬᠥᠬᠡ ᠬᠥᠰᠢᠭᠡ ᠲᠠᠲᠠᠭᠰᠠᠨ ᠤᠴᠢᠷ ᠪᠢᠲᠡᠭᠦᠯᠢᠭ ᠪᠠᠢᠪᠠ᠃
ᠭᠡᠨᠡᠳᠲᠡ ᠪᠦᠷᠭᠦᠳ ᠬᠠᠭᠰᠢᠵᠤ ᠴᠣᠢᠯᠡᠪᠡ᠃ᠡᠮᠨᠢᠭ ᠳᠣᠭᠰᠢᠨ ᠪᠦᠷᠭᠦᠳ ᠦ᠋ᠨ ᠬᠦᠵᠦᠭᠦᠨ ᠡᠴᠡ ᠣᠯᠣᠰᠣ ᠮᠡᠲᠦ ᠲᠣᠮᠣᠰᠤᠨ ᠤᠷᠭᠤᠮᠠᠯ ᠢ᠋ ᠲᠣᠰᠣ ᠪᠠᠷ ᠳᠤᠰᠤᠯᠠᠵᠤ ᠵᠡᠭᠦᠵᠡᠢ᠃ ᠪᠦᠷᠭᠦᠳ ᠦ᠋ᠨ ᠬᠦᠵᠦᠭᠦᠪᠴᠢ ᠶ᠋ᠢᠨ ᠲᠡᠮᠦᠷ ᠭᠠᠷᠠᠬᠠ ᠳ᠋ᠤ᠌ ᠣᠯᠣᠰᠣ ᠶ᠋ᠢ ᠵᠠᠩᠭᠢᠳᠤᠭᠰᠠᠨ ᠠᠵᠢ᠃ ᠣᠯᠣᠰᠣᠨ ᠤ᠋ ᠦᠵᠦᠭᠦᠷ ᠲᠦ᠍ ᠭᠠᠯ ᠠᠰᠠᠭᠠᠵᠠᠢ᠃ ᠲᠡᠷᠡ ᠬᠦ᠌ ᠮᠣᠭᠠᠢ ᠮᠡᠲᠦ ᠡᠷᠴᠢᠯᠡᠭᠰᠡᠨ ᠭᠠᠯ ᠣᠢᠷᠠᠳ ᠬᠠᠰᠠᠭ ᠴᠡᠷᠢᠭ ᠦ᠋ᠳ ᠢ᠋ ᠭᠡᠢᠭᠦᠯᠦᠯᠡ᠃ ᠳᠠᠬᠢᠭᠠᠳ ᠨᠢᠭᠡ ᠡᠷᠴᠢᠲᠦ ᠪᠦᠷᠭᠦᠳ ᠲᠩᠷᠢ ᠳ᠋ᠦ᠍ ᠴᠣᠢᠯᠠᠯᠠ᠃ ᠬᠣᠶᠠᠷ ᠪᠦᠷᠭᠦᠳ ᠭᠠᠯ ᠢ᠋ᠶ᠋ᠠᠨ ᠡᠷᠭᠢᠯᠳᠦᠭᠦᠯᠦᠨ᠂ ᠬᠠᠭᠰᠢᠵᠤ ᠤᠳᠠᠬᠤ ᠦᠭᠡᠢ ᠴᠢᠰᠤ ᠳᠣᠩᠰᠢᠵᠤ᠂ ᠬᠠᠯᠠᠭᠤᠨ ᠮᠢᠬᠠ ᠵᠣᠭᠣᠭᠯᠠᠨᠠ ᠭᠡᠮᠡᠨ ᠪᠠᠢᠵᠤ ᠶᠠᠳᠠᠨ ᠡᠷᠭᠢᠯᠳᠦᠬᠦ ᠪᠥᠯᠥᠭᠡ᠃
ᠡᠩᠨᠡᠭᠰᠡᠨ ᠵᠢᠭᠰᠠᠭᠠᠯ ᠠ᠋ᠴᠠ ᠵᠠᠢᠳᠠᠭᠤᠬᠠᠨ ᠪᠠᠢᠭᠰᠠᠨ ᠠᠮᠢᠨᠳᠠᠷᠠ ᠬᠠᠳᠣᠨᠲᠠᠨ ᠤ᠋ ᠰᠡᠦᠬᠡ ᠲᠡᠷᠭᠡ ᠶ᠋ᠢ ᠬᠥᠲᠥᠴᠢ ᠬᠥᠲᠥᠯᠦᠭᠰᠡᠭᠡᠷ ᠬᠣᠩ ᠲᠠᠢᠵᠢ ᠶ᠋ᠢᠨ ᠣᠢᠷᠠᠯᠴᠠᠭᠠ ᠠᠪᠴᠢᠷᠠᠪᠠ᠃ ᠬᠣᠩ ᠲᠠᠢᠵᠢ ᠡᠷᠭᠢᠵᠦ ᠬᠠᠷᠠᠭᠠᠳ ᠤᠯᠠᠭᠠᠨ ᠰᠠᠬᠠᠯ ᠢ᠋ᠶ᠋ᠠᠨ ᠢᠯᠢᠵᠦ ᠲᠠᠭᠠᠰᠢᠶᠠᠨᠠ᠃ ᠠᠮᠢᠨᠳᠠᠷᠠ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠬᠥᠨᠳᠡᠢ ᠳᠦᠭᠦᠷᠡᠩ ᠵᠢᠭᠰᠠᠭᠰᠠᠨ ᠢᠳᠡ ᠬᠠᠪᠤ ᠲᠠᠢ ᠣᠮᠣᠭᠯᠠᠩ ᠮᠣᠷᠢ ᠲᠠᠢ᠂ ᠵᠡᠪᠰᠡᠭ ᠠᠭᠰᠠᠭᠰᠠᠨ ᠴᠡᠷᠢᠭ ᠦ᠋ᠳ ᠡᠴᠡ ᠭᠠᠳᠠᠨᠠ ᠳᠤᠭᠤᠢ ᠬᠦᠷᠢᠶᠡ ᠶ᠋ᠢ ᠭᠡᠷᠡᠯᠲᠦᠭᠦᠯᠦᠨ ᠡᠷᠭᠢᠬᠦ ᠭᠠᠯᠲᠤ ᠪᠦᠷᠭᠦᠳ ᠢᠯᠡᠭᠦᠦ ᠲᠣᠰᠴᠤ ᠪᠠᠢᠯᠠ᠃
ᠵᠤᠵᠠᠭᠠᠨ ᠪᠡᠶᠡ ᠲᠡᠢ᠂ ᠬᠦ ᠬᠠᠷᠠ ᠰᠠᠬᠠᠯ ᠲᠠᠢ᠂ ᠥᠩᠭᠡᠲᠦ ᠨᠢᠳᠦ ᠲᠡᠢ ᠬᠠᠰᠠᠭ ᠤ᠋ᠨ ᠶᠠᠩᠭᠢᠷ ᠰᠤᠯᠲᠠᠨ ᠬᠡᠮᠡᠬᠦ ᠪᠠᠭᠠᠲᠤᠷ ᠡᠷᠡ ᠬᠠᠰᠬᠢᠷᠤᠨ᠄
— ᠪᠢ ᠴᠢᠨᠦ ᠲᠣᠯᠣᠭᠠᠢ ᠶ᠋ᠢ ᠥᠷᠢᠳᠡᠰᠦ ᠦᠭᠡᠢ ᠬᠢᠷᠭᠠᠨᠠ᠃ ᠭᠠᠯᠳᠠᠮᠠ ᠴᠢᠨᠦ ᠴᠡᠭᠡᠵᠢᠨ ᠦ᠌ ᠴᠢᠰᠤ ᠠᠭᠠᠷ ᠲᠤ᠌ ᠲᠤᠷᠭᠢᠬᠤ ᠶ᠋ᠢ ᠲᠠᠨ ᠤ᠋ ᠣᠢᠷᠠᠳ ᠤ᠋ᠳ ᠦᠵᠡᠬᠦ ᠪᠣᠯᠤᠨᠠ ᠭᠡᠮᠡᠨ ᠵᠢᠭᠰᠠᠭᠠᠯ ᠤ᠋ᠨ ᠡᠮᠦᠨᠡᠭᠦᠷ ᠳᠠᠪᠬᠢᠪᠠ᠃
ᠳᠤᠰᠤᠯᠠᠭᠰᠠᠨ ᠰᠤᠷ ᠰᠢᠭ᠋ ᠵᠢᠪᠬᠤᠯᠵᠠᠭᠰᠠᠨ ᠪᠡᠶᠡ ᠲᠡᠢ᠂ ᠤᠭᠤᠴᠠᠨ ᠳ᠋ᠠᠭᠠᠨ ᠮᠠᠬᠢᠷ ᠬᠠᠷᠠ ᠰᠠᠬᠠᠯ ᠲᠠᠢ᠂ ᠭᠡᠷᠡᠯ ᠴᠠᠬᠢᠯᠠᠭᠰᠠᠨ ᠨᠢᠳᠦ ᠲᠡᠢ᠂ ᠴᠡᠯ ᠵᠠᠯᠠᠭᠤ ᠭᠠᠯᠳᠠᠮᠠ ᠪᠠᠭᠠᠲᠤᠷ᠂ ᠶᠠᠩᠭᠢᠷ ᠰᠤᠯᠲᠠᠨ ᠤ᠋ ᠣᠮᠣᠭ ᠢ᠋ ᠳᠠᠷᠤᠬᠤ ᠭᠡᠰᠡᠨ ᠮᠡᠲᠦ ᠥᠨᠳᠥᠷ ᠳᠠᠭᠤ ᠪᠠᠷ᠂
— ᠴᠢᠮᠠᠶ᠋ᠢ ᠪᠢ ᠮᠡᠳᠡᠨᠡ᠃ ᠴᠢ ᠰᠥᠰᠥ ᠲᠡᠢ ᠡᠷᠡ ᠪᠣᠯᠬᠤ ᠭᠡᠵᠦ ᠪᠤᠤ ᠬᠠᠰᠬᠢᠷ᠃ ᠴᠢᠨᠦ ᠰᠥᠰᠥ ᠴᠢᠯᠠᠭᠤᠵᠢᠭᠰᠠᠨ ᠪᠤᠰᠤ ᠤᠤ᠂ ᠰᠤᠯᠲᠠᠨ ᠴᠢᠮᠠᠶ᠋ᠢ ᠦᠬᠦᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠡᠮᠦᠨᠡ ᠮᠠᠭᠤ ᠬᠡᠢ ᠪᠡᠨ ᠭᠠᠷᠭᠠᠵᠤ ᠬᠠᠰᠬᠢᠷᠤᠭᠰᠠᠨ ᠳ᠋ᠤ᠌ ᠲᠠᠯᠠᠷᠬᠠᠯᠠ᠃ᠴᠢᠨᠦ ᠰᠢᠷᠪᠥᠰᠥ ᠶ᠋ᠢ ᠲᠠᠮᠤᠵᠤ ᠬᠠᠰᠠᠭ ᠴᠡᠷᠢᠭ ᠦ᠋ᠳ ᠢ᠋ ᠳᠡᠭᠦᠵᠢᠯᠡᠵᠦ᠂ ᠬᠠᠰᠠᠭ ᠤ᠋ᠨ ᠬᠡᠭᠦᠷ ᠢ᠋ᠶ᠋ᠡᠷ ᠬᠢᠯᠢ ᠶ᠋ᠢᠨ ᠳᠡᠭᠡᠰᠦ ᠲᠠᠲᠠᠵᠤ ᠴᠡᠭᠡᠷ ᠭᠠᠷᠭᠠᠨᠠ ᠭᠡᠯᠡ᠃
ᠣᠢᠷᠠᠳ ᠬᠠᠰᠠᠭ ᠴᠡᠷᠢᠭ ᠦ᠋ᠨ ᠰᠦᠯᠳᠡ᠂ ᠲᠤᠭ ᠭᠬᠢᠷᠢ ᠨᠠᠮᠢᠷᠠᠵᠤ ᠢᠷᠡᠭᠦᠯ ᠳᠣᠯᠣᠭᠠᠨ ᠪᠡᠯᠡᠨ ᠪᠣᠯᠵᠠᠢ᠃ ᠴᠡᠷᠢᠭ ᠦ᠋ᠳ ᠦ᠋ᠨ ᠵᠢᠷᠦᠬᠡ ᠣᠪᠣᠯᠵᠠᠨ ᠪᠠᠢᠭᠠ ᠨᠢ ᠮᠡᠳᠡᠷᠡᠭᠳᠡᠨᠡ᠃ᠡᠢᠮᠦ ᠳᠣᠯᠣᠭᠠᠨ ᠨᠢ ᠮᠠᠰᠢ ᠰᠢᠳᠤᠷᠭᠤ ᠪᠥᠭᠡᠳ ᠴᠡᠷᠢᠭ ᠦ᠋ᠨ ᠵᠣᠷᠢᠭ ᠵᠢᠷᠦᠬᠡ ᠶ᠋ᠢ ᠬᠥᠪᠴᠢᠯᠡᠵᠦ ᠨᠢᠳᠦᠨ ᠦ᠌ ᠡᠮᠦᠨᠡ ᠠᠯᠠᠯᠳᠤᠬᠤ ᠪᠥᠯᠥᠭᠡ᠃
ᠬᠠᠰᠠᠭ ᠤ᠋ᠨ ᠶᠠᠩᠭᠢᠷ ᠰᠤᠯᠲᠠᠨ᠂ ᠣᠢᠷᠠᠳ ᠤ᠋ᠨ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠬᠣᠶᠠᠷ ᠲᠤᠯᠤᠯᠳᠤᠬᠤ ᠪᠠᠷ ᠬᠠᠰᠬᠢᠷᠤᠯᠳᠤᠨᠠ᠃ ᠶᠠᠩᠭᠢᠷ ᠰᠤᠯᠲᠠᠨ ᠬᠠᠷᠠ ᠮᠣᠷᠢ ᠲᠠᠢ᠂ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠰᠢᠷᠭᠠ ᠮᠣᠷᠢ ᠲᠠᠢ ᠪᠠᠢᠯᠠ᠃ ᠢᠯᠳᠦ ᠬᠠᠷᠰᠢᠵᠤ ᠬᠠᠯᠵᠠ ᠳᠣᠯᠣᠭᠠᠨ ᠡᠬᠢᠯᠡᠪᠡ᠃ ᠭᠣᠣᠯ ᠤ᠋ᠨ ᠬᠥᠨᠳᠡᠢ ᠶ᠋ᠢᠨ ᠴᠢᠯᠠᠭᠤ ᠰᠦᠪᠡᠯᠡᠭᠰᠡᠨ ᠨᠣᠭᠣᠭᠠᠨ ᠳᠤᠮᠳᠠ ᠬᠣᠶᠠᠷ ᠮᠣᠷᠢᠲᠠᠨ ᠪᠠᠭᠠᠲᠤᠷ ᠬᠦᠴᠦ ᠴᠢᠳᠠᠯ᠂ ᠢᠳᠡ ᠬᠠᠪᠤ ᠪᠠᠨ ᠦᠵᠡᠯᠴᠡᠨ ᠲᠤᠯᠤᠯᠳᠤᠵᠤ ᠪᠠᠢᠯᠠ᠃ ᠬᠦᠴᠦ ᠲᠡᠩᠴᠡᠭᠦᠦ ᠠᠵᠢ᠃ ᠬᠡᠨ ᠨᠢ ᠬᠡᠨ ᠢ᠋ ᠪᠡᠨ ᠶᠠᠳᠠᠨ ᠲᠠᠢᠯᠵᠤ᠂ ᠠᠮᠢᠨ ᠭᠣᠣᠯ ᠢ᠋ ᠨᠢ ᠲᠠᠰᠤᠳᠠᠬᠤ ᠶ᠋ᠢ ᠳᠠᠭᠠᠬᠤ ᠲᠤᠩ ᠪᠡᠷᠬᠡ ᠶᠦᠮ᠃
ᠬᠡᠰᠡᠭ ᠲᠤᠯᠤᠯᠳᠤᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠶᠠᠩᠭᠢᠷ ᠰᠤᠯᠲᠠᠨ᠂ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠬᠣᠶᠠᠭᠤᠯᠠ ᠥᠪᠡᠷᠰᠡᠳ ᠦ᠋ᠨ ᠴᠡᠷᠢᠭ ᠡᠷᠡᠰ ᠦ᠋ᠨ ᠡᠮᠦᠨᠡᠭᠦᠷ ᠬᠥᠨᠳᠡᠯᠢᠳᠦᠨ ᠬᠠᠷᠬᠢᠭᠣᠯᠵᠣ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠬᠣᠶᠠᠷ ᠲᠠᠯᠠ ᠠ᠋ᠴᠠ ᠬᠠᠷᠠ ᠬᠤᠷᠳᠤ ᠪᠠᠷ ᠢ᠋ᠶ᠋ᠠᠨ ᠳᠣᠪᠲᠣᠯᠤᠨ ᠮᠥᠷᠭᠥᠯᠳᠦᠵᠦ ᠴᠠᠪᠴᠢᠯᠳᠤᠪᠠ᠃ ᠡᠨᠡ ᠡᠭᠡᠵᠡᠭᠲᠡᠢ ᠦᠶᠡ ᠳ᠋ᠦ᠍ ᠶᠠᠩᠭᠢᠷ ᠰᠤᠯᠲᠠᠨ ᠤ᠋ ᠳᠤᠭᠤᠯᠠᠭᠠ ᠨᠢ ᠬᠠᠩ ᠶᠠᠩᠭᠢᠨ ᠣᠢᠴᠢᠪᠠ᠃ ᠭᠠᠯᠳᠠᠮᠠ ᠪᠠᠭᠠᠲᠤᠷ᠂
— ᠪᠠᠭᠤᠵᠤ ᠥᠭ! ᠭᠡᠵᠦ ᠬᠠᠰᠬᠢᠷᠪᠠ᠃ ᠶᠠᠩᠭᠢᠷ ᠰᠤᠯᠲᠠᠨ᠂
— ᠬᠡᠯᠡ ᠪᠡᠨ ᠬᠠᠮᠠᠷ ᠲᠠᠭᠠᠨ ᠬᠦᠷᠭᠡ ᠭᠡᠵᠦ ᠬᠠᠰᠬᠢᠷᠪᠠ᠃
— ᠭᠠᠪᠠᠯᠠ ᠶ᠋ᠢ ᠴᠢᠨᠢ ᠴᠣᠭᠣᠯᠵᠤ ᠣᠷᠬᠢᠨᠠ ᠰᠢᠦ᠃
— ᠮᠢᠨᠦ ᠳᠤᠭᠤᠯᠠᠭᠠ ᠣᠢᠴᠢᠭᠰᠠᠨ ᠪᠣᠯᠬᠤ ᠠ᠋ᠴᠠ ᠲᠣᠯᠣᠭᠠᠢ ᠪᠦᠲᠦᠨ ᠪᠠᠢᠨᠠ᠃ᠮᠠᠯᠠᠭᠠᠢ᠂ ᠲᠣᠯᠣᠭᠠᠢ ᠬᠣᠶᠠᠷ ᠢ᠋ ᠢᠯᠭᠠᠵᠤ ᠲᠣᠩᠭᠣᠰ!
ᠡᠨᠡ ᠦᠶᠡ ᠳ᠋ᠦ᠍ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠳᠤᠭᠤᠯᠠᠭᠠ ᠪᠠᠨ ᠠᠪᠴᠤ ᠴᠢᠯᠠᠭᠤᠳᠠᠪᠠ᠃ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠤ᠋ᠨ ᠳᠤᠭᠤᠯᠠᠭᠠ ᠥᠩᠬᠥᠷᠢᠭᠰᠡᠭᠡᠷ ᠶᠠᠩᠭᠢᠷ ᠰᠤᠯᠲᠠᠨ ᠤ᠋ ᠳᠤᠭᠤᠯᠠᠭᠠ ᠶ᠋ᠢ ᠬᠠᠩᠭᠢᠲᠠᠯᠠ ᠳᠡᠯᠡᠰᠴᠦ ᠵᠣᠭᠰᠣᠪᠠ᠃
— ᠪᠢᠲᠡᠭᠡᠢ ᠠᠶᠤ᠃ᠪᠢ ᠪᠠᠰᠠ ᠳᠤᠭᠤᠯᠠᠭᠠ ᠦᠭᠡᠢ ᠲᠤᠯᠤᠯᠳᠤᠨᠠ᠃
— ᠬᠣᠬᠢ ᠴᠢᠨᠢ ᠳᠡ᠃ᠰᠠᠢᠨ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠳᠤᠭᠤᠯᠠᠭᠠ ᠦᠭᠡᠢ ᠪᠣᠯᠤᠨᠠ ᠰᠢᠦ ᠳᠡ᠃ ᠴᠢ!
ᠬᠣᠶᠠᠷ ᠪᠠᠭᠠᠲᠤᠷ ᠤ᠋ᠨ ᠳᠣᠯᠣᠭᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠦ᠌ ᠡᠴᠦᠰ ᠲᠦ᠍ ᠭᠠᠯᠳᠠᠮᠠ ᠪᠠᠭᠠᠲᠤᠷ᠂
— ᠮᠠᠨ ᠤ᠋ ᠨᠤᠲᠤᠭ ᠲᠤ᠌ ᠥᠩᠭᠡᠯᠵᠡᠵᠦ᠂ ᠰᠢᠨᠤᠭᠰᠠᠨ ᠤ᠋ ᠲᠥᠯᠥᠭᠡ ᠴᠢᠮᠠ ᠠ᠋ᠴᠠ ᠨᠡᠬᠡᠵᠦ ᠶᠠᠯᠠ ᠠᠰᠠᠭᠤᠵᠤ ᠪᠠᠢᠨᠠ ᠭᠡᠪᠡ᠃
ᠭᠠᠯᠳᠠᠮᠠ ᠪᠠᠭᠠᠲᠤᠷ᠂ᠶᠠᠩᠭᠢᠷ ᠰᠤᠯᠲᠠᠨ ᠲᠠᠢ ᠳᠤᠬᠤ ᠪᠠᠷ ᠢ᠋ᠶ᠋ᠠᠨ ᠬᠠᠷᠠᠯᠴᠠᠨ᠂ ᠴᠢᠰᠤᠨ ᠥᠰᠢᠶᠡ ᠵᠠᠩᠭᠢᠳᠴᠤ ᠠᠮᠢᠰᠬᠤᠭᠠ ᠪᠠᠨ ᠳᠠᠷᠤᠨᠠ᠃ ᠲᠡᠳᠡᠨ ᠦ᠌ ᠮᠣᠷᠢᠳ ᠡᠷᠭᠢᠴᠡᠨ᠂ᠲᠡᠳᠡ ᠨᠢᠭᠡ ᠨᠢᠭᠡᠨ ᠢ᠋ᠶ᠋ᠡᠨ ᠲᠣᠭᠣᠷᠢᠭ ᠮᠡᠲᠦ ᠡᠷᠭᠢᠯᠳᠦᠨᠡ᠃ ᠶᠠᠩᠭᠢᠷ ᠰᠤᠯᠲᠠᠨ ᠴᠢᠰᠤ ᠱᠦᠭᠦᠷᠡᠭᠰᠡᠨ ᠤᠷᠤᠭᠤᠯ ᠢ᠋ᠶ᠋ᠠᠨ ᠳᠣᠯᠢᠶᠠᠵᠤ
— ᠤᠳᠠᠬᠤ ᠦᠭᠡᠢ ᠴᠢ ᠦᠬᠦᠳᠡᠯ ᠪᠣᠯᠵᠤ ᠬᠠᠰᠠᠭ ᠴᠡᠷᠢᠭ ᠦ᠋ᠳ ᠦ᠋ᠨ ᠳᠤᠬᠤᠨ ᠤ᠋ ᠦᠷᠴᠢᠯᠡᠭᠡ ᠶ᠋ᠢ ᠲᠡᠨᠢᠢᠯᠭᠡᠨᠡ᠃ ᠴᠢᠨᠦ ᠨᠢᠳᠦ ᠦᠬᠦᠭᠰᠡᠨ ᠬᠥᠮᠦᠨ ᠦ᠌ ᠬᠢ ᠰᠢᠭ ᠬᠠᠷᠠᠭᠳᠠᠵᠤ ᠪᠠᠢᠨᠠ᠃ ᠴᠢᠨᠦ ᠲᠥᠷᠥᠭᠰᠡᠨ ᠪᠠᠭᠤᠴᠠ ᠳᠡᠭᠡᠷᠡ ᠬᠣᠭ ᠤ᠋ᠨ ᠡᠪᠡᠰᠦ ᠤᠷᠭᠤᠨᠠ ᠭᠡᠯᠡ᠃
ᠭᠡᠨᠡᠳᠲᠡ ᠭᠠᠯᠳᠠᠮᠠ ᠪᠠᠭᠠᠲᠤᠷ ᠠᠶᠤᠩᠭᠠ ᠴᠠᠬᠢᠯᠭᠠᠨ ᠮᠡᠲᠦ ᠭᠢᠯᠠᠯᠵᠠᠨ ᠳᠠᠭᠠᠷᠢᠵᠤ᠂ᠶᠠᠩᠭᠢᠷ ᠰᠤᠯᠲᠠᠨ ᠤ᠋ ᠭᠠᠪᠠᠯᠠ ᠶ᠋ᠢ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠢ᠋ᠶ᠋ᠠᠨ ᠴᠣᠭᠣᠯᠵᠤ ᠣᠷᠬᠢᠬᠤ ᠳ᠋ᠤ᠌ ᠬᠠᠰᠠᠭ ᠴᠡᠷᠢᠭ ᠦ᠋ᠳ ᠦ᠋ᠨ ᠵᠢᠭᠰᠠᠭᠠᠯ ᠲᠦᠳᠡᠭᠡᠨᠡ ᠬᠤᠮᠢᠭᠳᠠᠨ ᠳᠤᠭᠤᠢᠷᠠᠵᠤ ᠲᠡᠭᠦᠨ ᠢ᠋ ᠬᠦᠷᠢᠶᠡᠨ ᠳ᠋ᠡᠭᠡᠨ ᠬᠤᠮᠢᠨ ᠣᠷᠣᠭᠤᠯᠵᠤ ᠣᠳᠤᠯᠠ᠃ ᠡᠷᠳᠡᠨᠢᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠶ᠋ᠢᠨ ᠴᠡᠷᠢᠭ ᠦ᠋ᠳ ᠮᠤᠭᠠᠢᠪᠴᠢᠯᠠᠨ ᠡᠪᠬᠡᠷᠡᠵᠦ ᠬᠤᠮᠢᠭᠳᠠᠬᠤ ᠳ᠋ᠤ᠌ ᠬᠠᠰᠠᠭ ᠴᠡᠷᠢᠭ ᠦ᠋ᠳ ᠭᠦᠨ ᠰᠠᠢᠷ ᠤᠷᠤᠭᠤ ᠰᠢᠷᠭᠤᠵᠤ ᠪᠠᠢᠯᠠ᠃
—ᠦᠯᠳᠡᠨ ᠬᠥᠭᠡᠭᠡᠲᠦᠭᠡᠢ! ᠭᠡᠵᠦ ᠬᠣᠩ ᠲᠠᠢᠵᠢ ᠵᠠᠷᠯᠢᠭ ᠪᠠᠭᠤᠯᠭᠠᠪᠠ᠃
ᠲᠩᠷᠢ ᠳ᠋ᠦ᠍ ᠪᠦᠷᠭᠦᠳ ᠬᠠᠭᠰᠢᠨ᠂ ᠭᠠᠯ ᠢ᠋ᠶ᠋ᠠᠷ ᠭᠡᠷᠡᠯᠲᠦᠭᠦᠯᠦᠨ ᠨᠢᠰᠦᠨᠡ᠃ ᠪᠦᠷᠭᠦᠳ ᠴᠢᠯᠠᠭᠤᠨ ᠰᠠᠢᠷ ᠤᠷᠤᠭᠤ ᠱᠤᠩᠭᠤᠨ ᠱᠤᠩᠪᠠᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠬᠦᠵᠦᠭᠦᠨ ᠳ᠋ᠦ᠍ ᠵᠡᠭᠦᠯᠲᠡ ᠲᠡᠢ ᠭᠠᠯ ᠤᠯᠠᠯᠵᠠᠨ ᠪᠠᠳᠠᠷᠠᠵᠤ ᠴᠡᠷᠢᠭ ᠦ᠋ᠳ ᠦ᠋ᠨ ᠤᠤᠬᠠᠢ ᠬᠠᠰᠬᠢᠷᠤᠭᠠᠨ ᠳ᠋ᠤ᠌ ᠳᠦᠷᠡᠯᠵᠡᠬᠦ ᠪᠥᠯᠥᠭᠡ᠃ ᠭᠠᠯ ᠤ᠋ᠨ ᠭᠡᠷᠡᠯ ᠳ᠋ᠦ᠍ ᠨᠡᠯᠦᠩᠬᠡᠢ ᠬᠥᠬᠡ ᠲᠩᠷᠢ᠂ ᠪᠠᠷᠠᠭᠠᠨ ᠠᠭᠤᠯᠠᠰ ᠤ᠋ᠨ ᠬᠢᠷᠠ ᠰᠡᠭᠥᠳᠡᠷᠲᠡᠨ ᠪᠠᠢᠯᠠ᠃ᠨᠠᠮᠤᠷ ᠴᠠᠭ ᠤ᠋ᠨ ᠴᠠᠳᠬᠤᠯᠠᠩ ᠮᠣᠷᠢᠳ ᠢᠯᠳᠦ ᠬᠠᠷᠰᠢᠬᠤ᠂ᠮᠥᠷᠥ ᠡᠴᠡ ᠪᠡᠨ ᠰᠠᠯᠲᠠᠭᠠ ᠪᠠᠨ ᠬᠦᠷᠲᠡᠯᠡ ᠴᠠᠪᠴᠢᠭᠤᠯᠤᠭᠰᠠᠨ ᠴᠡᠷᠢᠭ ᠦ᠋ᠨ ᠦᠬᠦᠯ ᠦ᠋ᠨ ᠬᠠᠰᠬᠢᠷᠤᠯᠲᠠ ᠳ᠋ᠤ᠌ ᠰᠣᠴᠢᠨ ᠪᠣᠰᠬᠤ ᠠᠵᠢ᠃ ᠲᠤᠯᠤᠯᠳᠤᠭᠠᠨ ᠤᠳᠠᠭᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠦᠭᠡᠢ᠃ᠬᠠᠰᠠᠭ ᠤ᠋ᠨ ᠵᠣᠯᠪᠢᠩ ᠮᠢᠩᠭᠠᠲᠤ ᠪᠤᠲᠠᠷᠠᠨ ᠰᠠᠷᠨᠢᠵᠤ᠂ᠵᠠᠭᠤᠲᠤ ᠵᠠᠭᠤᠲᠤ ᠪᠠᠷ ᠢ᠋ᠶ᠋ᠠᠨ ᠠᠭᠤᠯᠠᠰ ᠤ᠋ᠨ ᠠᠮᠠ ᠰᠠᠯᠠᠭᠠ ᠪᠠᠷ ᠲᠠᠷᠬᠠᠵᠤ ᠭᠠᠭᠴᠠ ᠬᠦ᠌ ᠶᠠᠩᠭᠢᠷ ᠰᠤᠯᠲᠠᠨ ᠤ᠋ ᠰᠣᠷᠪᠢᠲᠤ ᠲᠣᠯᠣᠭᠠᠢ ᠶ᠋ᠢ ᠲᠡᠭᠡᠭᠡᠭᠰᠡᠨ ᠵᠠᠭᠤᠲᠤ ᠰᠤᠷᠠᠭ ᠦᠭᠡᠢ ᠪᠣᠯᠵᠠᠢ᠃
ᠰᠡᠦᠬᠡ ᠲᠡᠷᠭᠡᠨ ᠡᠴᠡ ᠠᠮᠢᠨᠳᠠᠷᠡ ᠪᠣᠯᠭᠣᠮᠵᠢᠲᠠᠢ ᠪᠠᠭᠤᠪᠠ᠃ ᠬᠠᠲᠤᠨ ᠭᠤᠩᠬᠠᠯᠵᠠᠨ ᠠᠯᠬᠤᠭᠰᠠᠭᠠᠷ ᠲᠣᠮᠣ ᠲᠣᠮᠣ ᠬᠠᠳᠠ ᠴᠢᠯᠠᠭᠤᠨ ᠤ᠋ ᠵᠠᠢ ᠵᠠᠪᠰᠠᠷ ᠢ᠋ ᠰᠦᠪᠡᠯᠡᠨ ᠥᠨᠳᠥᠷ ᠤᠷᠭᠤᠭᠰᠠᠨ ᠡᠪᠡᠰᠦᠨ ᠦ᠌ ᠴᠠᠭᠠᠭᠤᠷ ᠣᠷᠣᠪᠠ᠃ᠲᠡᠭᠦᠨ ᠦ᠌ ᠠᠷᠤ ᠠ᠋ᠴᠠ ᠪᠠᠷᠠ ᠪᠣᠯᠣᠭᠰᠠᠳ ᠨᠢ ᠬᠠᠷᠠᠭᠰᠠᠭᠠᠷ ᠪᠠᠢᠯᠠ᠃ᠠᠮᠢᠨᠳᠠᠷᠠ᠂ᠡᠷᠳᠡᠨᠢᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ ᠶ᠋ᠢᠨ ᠡᠮᠦᠨᠡ ᠢᠷᠡᠭᠡᠳ᠂
— ᠭᠠᠯᠲᠤ ᠪᠦᠷᠭᠦᠳ ᠬᠠᠮᠢᠭᠠ ᠣᠴᠢᠪᠠ ᠭᠡᠵᠦ ᠠᠰᠠᠭᠤᠪᠠ᠃
— ᠡᠭᠦᠷ ᠲᠡᠭᠡᠨ ᠪᠤᠴᠠᠭᠰᠠᠨ ᠭᠡᠵᠦ ᠬᠠᠭᠠᠨ ᠬᠡᠯᠡᠪᠡ᠃
— ᠡᠭᠦᠷ ᠨᠢ ᠁ ᠭᠡᠲᠡᠯᠡ ᠬᠠᠭᠠᠨ ᠦᠭᠡ ᠶ᠋ᠢ ᠨᠢ ᠲᠠᠰᠤᠯᠵᠤ᠂
— ᠣᠢᠷᠠᠳ ᠤ᠋ᠨ ᠶᠡᠬᠡ ᠬᠦᠷᠢᠶᠡ ᠭᠡᠮᠡᠨ ᠲᠣᠳᠣᠳᠬᠠᠪᠠ᠃
— ᠠᠮᠢᠨᠳᠠᠷᠠ ᠬᠠᠲᠤᠨ ᠬᠠᠮᠢᠭᠠᠰᠢ ᠪᠠᠨ ᠣᠳᠪᠠ?
— ᠬᠠᠳᠠᠨ ᠤ᠋ ᠮᠥᠭᠥ ᠦᠵᠡᠭᠰᠡᠨ ᠪᠢᠯᠡ᠃《ᠬᠠᠳᠠᠨ ᠤ᠋ ᠮᠥᠭᠥ》 ᠭᠡᠮᠡᠨ ᠬᠣᠩ ᠲᠠᠢᠵᠢ ᠶ᠋ᠢ ᠠᠮᠠᠨ ᠳ᠋ᠠᠭᠠᠨ ᠬᠥᠪᠳᠦᠨᠡᠨ ᠥᠭᠦᠯᠡᠬᠦ ᠳ᠋ᠦ᠍ ᠠᠮᠢᠨᠳᠠᠷᠠ ᠬᠠᠲᠤᠨ ᠲᠡᠭᠦᠨ ᠦ᠌ ᠰᠢᠷᠦᠭᠦᠨ ᠰᠠᠬᠠᠯ ᠢ᠋ ᠠᠮᠢᠰᠬᠤᠭᠠ ᠪᠠᠷ ᠢ᠋ᠶ᠋ᠠᠨ ᠢᠷᠪᠡᠭᠡᠨᠡᠭᠦᠯᠦᠨ ᠣᠢᠷᠠᠳᠴᠤ᠂
— ᠬᠠᠭᠠᠨ ᠲᠠ ᠶᠠᠭᠤᠨ ᠳ᠋ᠤ᠌ ᠢᠩᠭᠢᠲᠡᠯᠡ ᠪᠡᠨ ᠡᠷᠡᠭᠡᠯᠵᠡᠪᠡ ᠭᠡᠮᠡᠨ ᠰᠢᠯᠭᠠᠪᠠ᠃ ᠡᠷᠳᠡᠨᠢᠪᠠᠭᠠᠲᠤᠷ ᠬᠣᠩ ᠲᠠᠢᠵᠢ᠂
— ᠮᠥᠭᠥ ᠪᠣᠯ ᠠᠮᠢᠳᠤ ᠤᠷᠭᠤᠮᠠᠯ᠃ᠵᠢᠷᠮᠦᠰᠦᠨ ᠡᠮᠡᠰ ᠰᠠᠪᠠᠨ ᠤ᠋ ᠬᠠᠯᠠᠭᠤᠨ ᠠ᠋ᠴᠠ ᠪᠣᠯᠭᠣᠮᠵᠢᠯᠠᠨ ᠬᠠᠳᠠᠨ ᠤ᠋ ᠮᠥᠭᠥ ᠪᠤᠴᠠᠯᠭᠠᠵᠤ ᠤᠤᠭᠤᠳᠠᠭ ᠶᠤᠮ᠃ᠬᠠᠷᠢᠨ ᠦᠷᠡ ᠵᠣᠯᠪᠠᠭᠤᠯᠳᠠᠭ ᠭᠡᠵᠦ ᠰᠣᠨᠣᠰᠤᠭᠠ ᠦᠭᠡᠢ ᠪᠢᠯᠡ᠃ ᠬᠠᠲᠤᠨ ᠲᠠᠨ ᠤ᠋ ᠬᠡᠪᠡᠯᠢ ᠳᠤᠩᠰᠢᠵᠤ ᠪᠠᠢᠨᠠ ᠤᠤ? ᠭᠡᠪᠡᠰᠦ ᠠᠮᠢᠨᠳᠠᠷᠠ ᠬᠠᠲᠤᠨ ᠴᠠᠭᠠᠨ ᠰᠣᠷᠮᠤᠤᠰᠤ ᠪᠠᠨ ᠢᠷᠮᠡᠨ᠂
— ᠨᠠᠮᠠᠶ᠋ᠢ ᠬᠠᠷᠠᠳᠠᠨᠠ ᠤᠤ ᠭᠡᠵᠦ ᠬᠣᠩ ᠲᠠᠢᠵᠢ ᠠ᠋ᠴᠠ ᠠᠰᠠᠭᠤᠵᠠᠢ᠃
ᠶᠠᠮᠠᠷ ᠨᠢᠭᠡᠨ ᠬᠠᠷᠠᠳᠠᠬᠤ ᠶᠠᠭᠤᠮᠠ ᠬᠢᠭᠰᠡᠨ ᠤᠴᠢᠷ ᠠ᠋ᠴᠠ ᠠᠮᠢᠨᠳᠠᠷᠠ ᠬᠠᠲᠤᠨ ᠡᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠡᠮᠦᠨᠡ ᠨᠣᠮᠣᠬᠠᠨ ᠬᠦᠯᠢᠴᠡᠩᠭᠦᠢ ᠪᠠᠢᠯᠠ᠃ ᠬᠣᠩ ᠲᠠᠢᠵᠢ ᠶ᠋ᠢᠨ ᠳᠡᠷᠭᠡᠳᠡ ᠵᠣᠭᠰᠣᠬᠤ ᠠᠮᠢᠨᠳᠠᠷᠠ ᠬᠠᠲᠤᠨ ᠳᠣᠶᠢᠬᠠᠨ ᠡᠰᠢ ᠲᠡᠢ ᠬᠣᠩᠬᠣᠨ ᠴᠡᠴᠡᠭ ᠰᠢᠭ ᠠᠵᠢ᠃
ᠬᠣᠩ ᠲᠠᠢᠵᠢ ᠠᠭᠤᠯᠠ ᠶ᠋ᠢᠨ ᠭᠣᠣᠯ ᠤ᠋ᠨ ᠤᠰᠤᠨ ᠳ᠋ᠤ᠌ ᠳᠣᠯᠢᠶᠠᠯᠠᠭᠠᠵᠤ ᠮᠥᠯᠢᠢᠭᠰᠡᠨ ᠬᠠᠳᠠ ᠮᠡᠲᠦ ᠪᠠᠷᠠ ᠲᠠᠢ ᠬᠠᠷᠠᠭᠳᠠᠨᠠ᠃ᠬᠠᠭᠠᠨ ᠤ᠋ ᠰᠡᠭᠦᠳᠡᠷ ᠲᠦ᠍ ᠬᠡᠳᠦᠢᠪᠡᠷ ᠬᠠᠷᠠᠩᠭᠤᠢ ᠪᠣᠯᠪᠠᠴᠤ ᠠᠮᠢᠨᠳᠠᠷᠠ ᠨᠢᠭᠤᠭᠳᠠᠵᠤ ᠪᠠᠢᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠣᠨᠢᠴᠢᠨ ᠴᠠᠰᠤᠨᠠ᠂ ᠳ᠂ ᠣᠶᠤᠨᠴᠢᠮᠡᠭ᠂ ᠠ᠊·ᠮᠢᠬᠣᠸᠠᠷ᠂ ᠨᠠ᠊᠂ ᠴᠠᠭᠠᠨ᠂ ᠨᠠᠷᠠᠨᠲᠣᠭᠣᠰ᠂ ᠠᠨᠢᠷ᠂ ᠣᠳᠬᠠᠨᠴᠡᠴᠡᠭ᠂ ᠪᠦᠷᠢᠨᠴᠡᠴᠡᠭ᠂ ᠠ᠊·ᠴᠠᠭᠠᠨ᠂ ᠠᠨᠢᠷ
ᠬᠢᠨᠠᠭᠴᠢ ᠪᠠᠭᠰᠢ᠄ ᠠᠨᠢᠷ᠂ ᠣᠳᠬᠠᠨᠰᠣᠠ᠂ ᠨᠠᠷᠠᠨ᠂ ᠲᠣᠳᠣᠭᠡᠷᠡᠯ