ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ <ᠨᠢᠭᠡᠳᠦᠭᠡᠷ ᠪᠦᠯᠦᠭ>– ᠨᠠᠢ᠍ᠮᠠ᠂ ᠰᠣᠯᠢᠶᠠᠷᠠᠯ ᠪᠠ ᠬᠣᠣᠷᠯᠠᠯ Эр эмийн ёсон – Д᠂ Болдцэрэн <Нэгдүгээр бүлэг>– Найм ᠂ Солиорол ба хорлол
209ᠨᠠᠢ᠍ᠮᠠ᠂ ᠰᠣᠯᠢᠶᠠᠷᠠᠯ ᠪᠠ ᠬᠣᠣᠷᠯᠠᠯ
ᠡᠢᠮᠦ ᠳ᠋ᠦ᠍ ᠤᠤᠭᠤᠭᠰᠠᠨ ᠠᠷᠢᠬᠢ ᠡᠷᠡᠭᠦᠯ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ ᠲᠤ᠌ ᠶᠠᠮᠠᠷ ᠬᠣᠣᠷ ᠬᠥᠨᠥᠭᠡᠯ ᠤᠴᠠᠷᠠᠭᠤᠯᠬᠤ ᠶ᠋ᠢ ᠠᠪᠴᠤ ᠦᠵᠡᠶᠡ᠃ ᠠᠷᠢᠬᠢ ᠤᠤᠭᠤᠭᠰᠠᠨ ᠨᠢ ᠬᠣᠳᠣᠭᠣᠳᠣᠨ ᠤ᠋ ᠬᠠᠨᠠ ᠪᠠᠷ ᠰᠢᠮᠡᠭᠳᠡᠵᠦ᠂ ᠴᠢᠰᠤᠨ ᠳ᠋ᠤ᠌ ᠣᠷᠣᠨᠠ᠃ ᠬᠣᠭᠣᠯᠠ ᠤᠮᠳᠠ ᠢᠳᠡᠭᠡ ᠦᠭᠡᠢ ᠥᠯᠥᠨ ᠦᠶᠡ ᠳ᠋ᠦ᠍ ᠤᠤᠭᠤᠭᠰᠠᠨ ᠠᠷᠢᠬᠢ ᠨᠢ ᠤᠯᠠᠮ ᠬᠤᠷᠳᠤᠨ ᠰᠢᠮᠡᠭᠳᠡᠨᠡ᠃ ᠬᠡᠳᠦᠢ ᠴᠢᠨᠡᠭᠡᠨ ᠬᠤᠷᠳᠤᠨ ᠰᠢᠮᠡᠭᠳᠡᠪᠡᠯ᠂ ᠲᠡᠳᠦᠢ ᠴᠢᠨᠡᠭᠡᠨ ᠬᠤᠷᠳᠤᠨ ᠰᠣᠭᠲᠣᠳᠠᠭ᠃ ᠬᠠᠷᠢᠨ ᠤᠤᠭᠤᠬᠤ ᠠ᠋ᠴᠠ ᠪᠠᠨ ᠡᠮᠦᠨᠡ ᠰᠠᠢᠨ ᠬᠣᠭᠣᠯᠠ᠂ ᠴᠠᠢ ᠤᠤᠭᠤᠭᠰᠠᠨ ᠪᠣᠯ ᠶᠠᠭᠠᠬᠢᠬᠤ ᠡᠢᠬᠦ ᠶ᠋ᠢᠨ ᠵᠠᠭᠤᠷᠠ ᠦᠭᠡᠢ ᠲᠦᠷᠭᠡᠨ ᠰᠣᠭᠲᠣᠬᠤ ᠠ᠋ᠴᠠ ᠬᠠᠮᠠᠭᠠᠯᠠᠨᠠ᠃ ᠰᠣᠭᠲᠣᠬᠤ ᠶ᠋ᠢᠨ ᠬᠢᠷᠢ ᠪᠡᠷ ᠲᠠᠷᠢᠬᠢᠨ ᠤ᠋ ᠠᠩᠬᠠᠷᠤᠯ ᠤ᠋ᠨ ᠲᠥᠪ᠂ ᠬᠥᠮᠦᠨ ᠥᠪᠡᠷ ᠢ᠋ᠶ᠋ᠡᠨ ᠥᠪᠡᠷ ᠢ᠋ ᠪᠡᠨ ᠬᠢᠨᠠᠬᠤ᠂ ᠵᠠᠬᠢᠷᠤᠨ ᠵᠢᠯᠣᠭᠣᠳᠬᠤ ᠲᠥᠪ ᠳᠠᠷᠤᠩᠭᠤᠢᠯᠠᠭᠳᠠᠵᠤ᠂ ᠡᠷᠡᠭᠡ ᠴᠡᠭᠡᠷ ᠢ᠋ᠶ᠋ᠡᠨ ᠠᠯᠳᠠᠬᠤ ᠳ᠋ᠤ᠌ ᠬᠦᠷᠭᠡᠨᠡ᠃ ᠰᠣᠭᠲᠣᠭᠤ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠡᠮᠡᠭᠲᠡᠢ ᠬᠥᠮᠦᠨ ᠪᠣᠯᠭᠠᠨ ᠰᠠᠢᠬᠠᠨ ᠬᠠᠷᠠᠭᠳᠠᠵᠤ ᠲᠡᠰᠴᠦ ᠴᠢᠳᠠᠨᠠ᠃ ᠡᠢᠨᠬᠦ ᠠᠷᠢᠬᠢ᠂《ᠠᠪᠠᠭᠠᠢ》 ᠬᠣᠶᠠᠷ ᠲᠠᠩᠳᠠ ᠬᠠᠮᠲᠤ ᠶᠠᠪᠤᠳᠠᠭ ᠵᠢᠮᠡ ᠲᠡᠢ᠃ ᠵᠠᠷᠢᠮ ᠡᠷᠡᠴᠦᠳ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠲᠠᠴᠢᠶᠠᠯ ᠢ᠋ ᠶᠡᠬᠡᠰᠬᠡᠳᠡᠭ ᠮᠡᠲᠦ ᠪᠣᠳᠣᠳᠠᠭ᠃ ᠦᠨᠡᠨ ᠳ᠋ᠡᠭᠡᠨ ᠴᠦ᠍ ᠵᠠᠷᠢᠮ ᠡᠷᠡᠭᠲᠡᠢᠴᠦᠳ ᠲᠦ᠍ ᠠᠷᠢᠬᠢ ᠪᠠᠭᠠ ᠵᠡᠷᠭᠡ ᠤᠤᠭᠤᠴᠢᠬᠠᠭᠰᠠᠨ ᠦᠶᠡ ᠳ᠋ᠦ᠍ ᠳᠤᠷᠠ ᠲᠠᠴᠢᠶᠠᠯ ᠨᠢ ᠨᠡᠮᠡᠭᠳᠡᠵᠦ᠂ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠤᠳᠠᠭᠠᠨ ᠦᠷᠭᠦᠯᠵᠢᠯᠡᠬᠦ ᠨᠢ ᠪᠣᠢ᠃ ᠭᠡᠪᠡᠴᠦ ᠠᠷᠢᠬᠢ ᠶ᠋ᠢ ᠬᠠᠶᠠ᠂ ᠪᠠᠭᠠ ᠬᠡᠮᠵᠢᠶᠡ ᠪᠡᠷ ᠤᠤᠭᠤᠬᠤ ᠳ᠋ᠤ᠌ ᠯᠠ ᠢᠩᠭᠢᠵᠦ ᠦᠢᠯᠡᠳᠬᠦ ᠡᠴᠡ ᠪᠢᠰᠢ᠂ ᠲᠠᠩᠳᠠ ᠲᠡᠵᠢᠭᠡᠨ ᠲᠡᠳᠬᠦᠬᠦ ᠦᠭᠡᠢ᠃ ᠭᠡᠲᠡᠯᠡ ᠨᠢᠭᠡᠬᠡᠨ ᠬᠤᠨᠳᠠᠭᠠ ᠠᠷᠢᠬᠢ ᠤᠤᠭᠤᠬᠤ ᠪᠠᠷ ᠪᠦᠷ ᠮᠠᠭᠤᠳᠠᠴᠢᠬᠠᠳᠠᠭ᠂ ᠬᠤᠷᠢᠴᠠᠯ ᠦᠢᠯᠡᠳᠴᠦ ᠴᠢᠳᠠᠬᠤ ᠪᠠᠨ ᠪᠣᠯᠢᠴᠢᠬᠠᠳᠠᠭ ᠴᠦ᠍ ᠡᠷᠡᠴᠦᠳ ᠪᠠᠰᠠ ᠪᠣᠢ᠃ ᠢᠩᠭᠢᠵᠦ ᠠᠷᠢᠬᠢ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠶᠠᠩᠵᠤ ᠶᠠᠩᠵᠤ ᠦᠢᠯᠡᠴᠢᠯᠡᠨᠡ᠃
ᠡᠭᠦᠨ ᠡᠴᠡ ᠭᠠᠳᠠᠨᠠ ᠤᠤᠭᠤᠭᠰᠠᠨ ᠠᠷᠢᠬᠢ ᠨᠢ ᠮᠡᠳᠡᠷᠡᠯ ᠦ᠋ᠨ ᠡᠰ ᠢ᠋ ᠦᠢ ᠣᠯᠠᠨ ᠢ᠋ᠶ᠋ᠠᠷ ᠨᠢ ᠦᠬᠦᠭᠦᠯᠳᠡᠭ ᠤᠴᠢᠷ ᠠ᠋ᠴᠠ ᠲᠡᠭᠦᠨ ᠦ᠌ ᠮᠡᠳᠡᠷᠡᠯ ᠰᠡᠳᠬᠢᠴᠡ ᠶ᠋ᠢᠨ ᠰᠣᠩᠭᠣᠮᠠᠯ ᠬᠣᠣᠷ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠨᠢᠭᠡ ᠤᠳᠠᠭᠠ ᠤᠬᠠᠭᠠᠨ ᠢ᠋ᠶ᠋ᠠᠨ ᠠᠯᠳᠠᠲᠠᠯᠠ ᠰᠣᠭᠲᠣᠬᠤ ᠳ᠋ᠤ᠌20000 ᠭᠠᠷᠤᠢ ᠮᠡᠳᠡᠷᠡᠯ ᠦ᠋ᠨ ᠡᠰ ᠦᠬᠦᠳᠡᠭ ᠢ᠋ ᠡᠷᠳᠡᠮᠲᠡᠳ ᠲᠣᠭᠲᠠᠭᠠᠭᠰᠠᠨ ᠶᠤᠮ᠃ ᠬᠠᠷᠠᠮᠰᠠᠯᠲᠠᠢ ᠨᠢ᠂ ᠮᠡᠳᠡᠷᠡᠯ ᠦ᠋ᠨ ᠡᠰ ᠡᠷᠭᠢᠵᠦ ᠰᠢᠨᠡ ᠪᠡᠷ ᠨᠥᠬᠥᠨ ᠲᠥᠯᠥᠵᠢᠬᠦ ᠦᠭᠡᠢ᠃ ᠡᠢᠮᠦ ᠳ᠋ᠦ᠍ ᠰᠣᠭᠲᠣᠬᠤ ᠰᠣᠭᠲᠣᠬᠤ ᠲᠣᠭᠠᠯᠠᠯᠭᠠ ᠪᠠᠷ ᠮᠡᠳᠡᠷᠡᠯ ᠦ᠋ᠨ ᠡᠰ ᠬᠣᠷᠣᠭᠳᠠᠵᠤ᠂ ᠮᠡᠳᠡᠷᠡᠯ ᠦ᠋ᠨ ᠡᠰ ᠬᠣᠷᠣᠭᠳᠠᠬᠤ ᠶ᠋ᠢᠨ ᠬᠢᠷᠢ ᠪᠡᠷ ᠮᠤᠯᠭᠤᠤ ᠲᠡᠨᠡᠭ ᠪᠣᠯᠤᠨᠠ᠃ ᠢᠩᠭᠢᠵᠦ ᠠᠷᠢᠬᠢ ᠬᠥᠮᠦᠨ ᠦ᠌ ᠤᠬᠠᠭᠠᠨ ᠢ᠋ ᠤᠤᠭᠤᠳᠠᠭ᠃ ᠤᠬᠠᠭᠠᠨ ᠢ᠋ᠶ᠋ᠠᠨ ᠤᠤᠭᠤᠴᠢᠬᠠᠭᠰᠠᠨ ᠥᠭᠡᠳᠡ ᠦᠭᠡᠢ ᠠᠮᠢᠲᠠᠨ ᠭᠡᠵᠦ ᠠᠷᠢᠬᠢᠨ ᠳ᠋ᠤ᠌ ᠣᠷᠣᠭᠰᠠᠨ ᠬᠥᠮᠦᠨ ᠢ᠋ ᠡᠪᠦᠭᠡᠳ᠂ ᠳᠡᠭᠡᠳᠦᠰ ᠮᠠᠨᠢ ᠨᠢᠭᠡ ᠨᠢᠳᠦ ᠪᠡᠷ ᠦᠵᠡᠳᠡᠭ ᠦᠭᠡᠢ ᠨᠢ ᠡᠢᠮᠦ ᠤᠴᠢᠷ ᠲᠠᠢ᠃ ᠤᠤᠭᠤᠭᠰᠠᠨ ᠠᠷᠢᠬᠢ ᠨᠢ ᠲᠠᠷᠢᠬᠢ᠂ ᠮᠡᠳᠡᠷᠡᠯ ᠳ᠋ᠦ᠍ ᠨᠥᠯᠥᠭᠡᠯᠡᠬᠦ ᠡᠴᠡ ᠭᠠᠳᠠᠨᠠ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠪᠤᠯᠴᠢᠷᠬᠠᠢ ᠲᠥᠮᠦᠰᠦᠨ ᠳ᠋ᠦ᠍ ᠲᠤᠢᠯ ᠤ᠋ᠨ ᠬᠣᠣᠷᠲᠠᠢ ᠨᠥᠯᠥᠭᠡᠯᠡᠨᠡ᠃ ᠤᠴᠢᠷ ᠨᠢ ᠲᠡᠭᠦᠨ ᠦ᠌ ᠲᠠᠬᠢᠷ ᠰᠣᠪᠠᠭᠠᠨᠴᠢᠷ ᠲᠤ᠌ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠰ ᠪᠣᠯᠪᠠᠰᠤᠷᠠᠳᠠᠭ᠃ ᠲᠡᠢᠮᠦ ᠡᠴᠡ ᠠᠷᠢᠬᠢᠨ ᠤ᠋ ᠨᠥᠯᠥᠭᠡ ᠪᠡᠷ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠰ ᠦ᠋ᠨ ᠪᠦᠲᠦᠴᠡ᠂ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠡᠪᠳᠡᠷᠡᠵᠦ᠂ ᠬᠡᠪ ᠦ᠋ᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠠᠯᠳᠠᠭᠳᠠᠨᠠ᠃ ᠡᠷᠳᠡᠮᠲᠡᠳ ᠦ᠋ᠨ ᠬᠢᠭᠰᠡᠨ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠠᠷᠬᠠᠭ ᠠᠷᠢᠬᠢᠴᠢᠨ ᠤ᠋ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠳᠣᠲᠣᠷᠠᠬᠢ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠰ ᠦ᠋ᠨ ᠲᠣᠭᠠ ᠡᠷᠡᠭᠦᠯ ᠬᠥᠮᠦᠨ ᠦ᠌ ᠬᠢ ᠲᠡᠢ ᠬᠠᠷᠢᠴᠠᠭᠤᠯᠬᠤ ᠳ᠋ᠤ᠌ ᠡᠷᠡᠰ ᠴᠥᠭᠡᠷᠡᠵᠦ᠂ ᠲᠡᠭᠦᠨ ᠦ᠌80-90 ᠬᠤᠪᠢ ᠨᠢ ᠬᠥᠳᠡᠯᠭᠡᠨ ᠮᠠᠭᠤ ᠲᠠᠢ ᠪᠤᠶᠤ ᠬᠥᠳᠡᠯᠭᠡᠨ ᠦᠭᠡᠢ᠂ ᠡᠰᠡᠪᠡᠯ ᠪᠦᠲᠦᠴᠡ ᠶ᠋ᠢᠨ ᠭᠠᠵᠢᠭ ᠲᠠᠢ ᠪᠠᠢᠳᠠᠭ ᠠᠵᠠᠢ᠃
ᠠᠷᠢᠬᠢᠨ ᠤ᠋ ᠤᠯᠠᠮ ᠠ᠋ᠴᠠ ᠭᠡᠮᠲᠦᠭᠰᠡᠨ ᠪᠡᠯᠭᠡ ᠶ᠋ᠢᠨ ᠡᠰ ᠴᠢᠨᠠᠭᠰᠢᠳᠠ ᠶᠠᠮᠠᠷ ᠤᠷᠰᠢᠭ ᠲᠠᠷᠢᠳᠠᠭ ᠭᠡᠵᠦ ᠰᠠᠨᠠ᠃ ᠬᠣᠢᠨᠠ ᠥᠭᠦᠯᠡᠰᠦᠭᠡᠢ᠃
ᠪᠡᠯᠭᠡ ᠶ᠋ᠢᠨ ᠡᠰ ᠲᠦ᠍ ᠡᠴᠢᠭᠡ ᠡᠬᠡ ᠶ᠋ᠢᠨ ᠦᠷᠡ ᠤᠳᠤᠮ ᠳ᠋ᠤ᠌ ᠳᠠᠮᠵᠢᠬᠤ ᠤᠳᠤᠮᠰᠢᠯ ᠤ᠋ᠨ ᠮᠠᠲ᠋ᠧᠷᠢᠶᠠᠯ(ᠬᠣᠷᠣᠮᠰᠤᠮ᠂ ᠭᠧᠨ) ᠠᠭᠤᠯᠤᠭᠳᠠᠭᠰᠠᠨ ᠪᠠᠢᠳᠠᠭ ᠠ᠋ᠴᠠ ᠤᠤᠭᠤᠭᠰᠠᠨ ᠠᠷᠢᠬᠢ ᠴᠢᠰᠤ ᠪᠠᠷ ᠳᠠᠮᠵᠢᠨ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠪᠤᠯᠴᠢᠷᠬᠠᠢ ᠳ᠋ᠤ᠌ ᠰᠠᠭᠠᠳ ᠦᠭᠡᠢ ᠨᠡᠪᠲᠡᠷᠡᠵᠦ᠂ ᠲᠡᠨᠳᠡ ᠪᠠᠢᠭᠠ ᠪᠡᠯᠭᠡ ᠶ᠋ᠢᠨ ᠡᠰ ᠦ᠋ᠨ ᠬᠣᠷᠣᠮᠰᠤᠮ ᠢ᠋ ᠭᠡᠮᠲᠦᠭᠡᠵᠦ᠂ ᠭᠧᠨ ᠢ᠋ ᠬᠤᠪᠢᠰᠬᠠᠨᠠ᠃ ᠡᠢᠨᠬᠦ《ᠬᠣᠷᠸᠠ ᠶ᠋ᠢᠨ ᠶᠡᠬᠡᠩᠬᠢ ᠲᠡᠨᠡᠭ ᠮᠠᠩᠭᠠᠷ ᠤ᠋ᠳ ᠠᠷᠢᠬᠢᠴᠢᠨ ᠠ᠋ᠴᠠ ᠲᠥᠷᠥᠳᠡᠭ》᠃ ᠪᠡᠯᠭᠡ ᠶ᠋ᠢᠨ ᠡᠰ ᠬᠣᠷᠣᠮᠰᠤᠮ ᠤ᠋ᠨ ᠭᠡᠮᠲᠦᠯ ᠨᠢ ᠦᠷᠡ ᠬᠥᠪᠦᠷᠡᠯ ᠦ᠋ᠨ ᠤᠷᠤᠭ ᠲᠤ᠌ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠤᠷᠰᠢᠭ ᠲᠠᠢ᠃ ᠬᠣᠷᠣᠮᠰᠤᠮ ᠤ᠋ᠨ ᠭᠡᠮᠲᠦᠯ ᠲᠡᠢ ᠪᠡᠯᠭᠡ ᠶ᠋ᠢᠨ ᠡᠰ ᠶᠡᠷᠦ ᠡᠴᠡ ᠪᠡᠨ ᠦᠷᠡ ᠲᠣᠭᠲᠠᠭᠠᠬᠤ ᠴᠢᠳᠠᠪᠤᠷᠢ ᠪᠥᠭᠡᠳ ᠦᠷᠡ ᠲᠣᠭᠲᠠᠭᠰᠠᠨ ᠴᠦ᠍ ᠶᠡᠬᠡᠩᠬᠢ ᠳ᠋ᠡᠭᠡᠨ ᠬᠥᠩᠭᠡᠵᠢᠯ ᠦ᠋ᠨ ᠡᠬᠢᠨ ᠦ᠌ ᠱᠠᠲᠤᠨ ᠳ᠋ᠤ᠌ ᠦᠬᠦᠵᠦ ᠵᠤᠯᠪᠤᠳᠠᠭ᠃ ᠰᠡᠳᠬᠢᠴᠡ ᠮᠡᠳᠡᠷᠡᠯ ᠦ᠋ᠨ ᠡᠮᠭᠡᠭ ᠰᠤᠳᠤᠯᠤᠯ ᠤ᠋ᠨ ᠲᠥᠪ(смэст) ᠦ᠋ᠨ ᠨᠡᠷᠺᠦᠯᠦᠭᠢ ᠶ᠋ᠢᠨ ᠲᠠᠰᠤᠭ ᠲᠤ᠌ ᠡᠮᠴᠢᠯᠡᠭᠦᠯᠵᠦ ᠪᠠᠢᠭᠰᠠᠨ49 ᠨᠠᠰᠤᠲᠠᠢ ᠳ ᠭᠡᠭᠴᠢ ᠥᠭᠦᠯᠡᠬᠦ ᠳ᠋ᠡᠭᠡᠨ᠄16 ᠨᠠᠰᠤᠨ ᠠ᠋ᠴᠠ ᠡᠬᠢᠯᠡᠵᠦ ᠠᠷᠢᠬᠢ ᠤᠤᠭᠤᠭᠰᠠᠨ᠃ ᠣᠳᠣ9-17 ᠨᠠᠰᠤᠨ ᠤ᠋5 ᠬᠡᠦᠬᠡᠳ ᠲᠡᠢ᠂ ᠬᠣᠶᠠᠷ ᠨᠢ ᠣᠶᠤᠨ ᠤᠬᠠᠭᠠᠨ ᠤ᠋ ᠬᠣᠮᠰᠠᠳᠠᠯ ᠲᠠᠢ᠂ ᠨᠢᠭᠡ ᠨᠢ ᠤᠨᠠᠵᠤ ᠲᠠᠲᠠᠳᠠᠭ ᠡᠪᠡᠳᠴᠢᠨ ᠲᠡᠢ᠃ ᠳ ᠦ᠋ᠨ ᠡᠬᠡᠨᠡᠷ ᠠᠷᠢᠬᠢ ᠤᠤᠭᠤᠳᠠᠭ ᠦᠭᠡᠢ ᠪᠠᠢᠭᠰᠠᠨ ᠪᠣᠯᠪᠠᠴᠤ3 ᠬᠡᠦᠬᠡᠳ ᠨᠠᠰᠤ ᠪᠠᠷᠠᠵᠤ᠂7 ᠤᠳᠠᠭᠠ ᠦᠷᠡ ᠵᠤᠯᠪᠤᠨ ᠳᠤᠲᠠᠭᠤ ᠲᠥᠷᠥᠵᠦ ᠪᠠᠢᠵᠠᠢ᠃ ᠬᠣᠷᠣᠮᠰᠤᠮ ᠤ᠋ᠨ ᠭᠡᠮᠲᠦᠯ ᠦ᠋ᠨ ᠤᠯᠠᠮ ᠠ᠋ᠴᠠ ᠦᠷᠡ ᠬᠥᠪᠦᠷᠡᠯ ᠦ᠋ᠨ ᠡᠷᠬᠡᠲᠡᠨ᠂ ᠰᠢᠰᠲ᠋ᠧᠮ ᠡᠭᠦᠰᠴᠦ ᠠᠷᠢᠯᠭᠠᠬᠤ ᠦᠢᠯᠡ ᠶᠠᠪᠤᠴᠠ ᠠᠯᠳᠠᠭᠳᠠᠵᠤ᠂ ᠶᠡᠬᠡᠩᠬᠢ ᠲᠣᠬᠢᠶᠠᠯᠳᠤᠯ ᠳ᠋ᠤ᠌ ᠲᠥᠷᠥᠯᠬᠢ ᠶ᠋ᠢᠨ ᠬᠥᠭᠵᠢᠯ ᠦ᠋ᠨ ᠰᠣᠭᠣᠭ ᠲᠠᠢ᠂ ᠳᠣᠲᠣᠷᠠ ᠡᠷᠬᠡᠲᠡᠨ ᠦ᠌ ᠪᠦᠲᠦᠴᠡ ᠶ᠋ᠢᠨ ᠡᠮᠭᠡᠭ᠂ ᠦᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠬᠢᠮᠤᠷᠠᠯ᠂ ᠣᠶᠤᠨ ᠤᠬᠠᠭᠠᠨ᠂ ᠮᠡᠳᠡᠷᠡᠯ ᠰᠡᠳᠬᠢᠴᠡ ᠶ᠋ᠢᠨ ᠭᠠᠵᠢᠭ ᠲᠠᠢ ᠬᠡᠦᠬᠡᠳ ᠲᠥᠷᠥᠳᠡᠭ᠃ ᠵᠢᠰᠢᠶᠠ ᠨᠢ᠄ ᠬᠥᠮᠦᠨ ᠦ᠌21 ᠳ᠋ᠦ᠍ᠭᠡᠷ ᠬᠣᠣᠰ ᠬᠣᠷᠣᠮᠰᠤᠮ ᠨᠢᠭᠡ ᠪᠡᠷ ᠢᠯᠡᠭᠦᠳᠡᠵᠦ ᠭᠤᠷᠪᠠᠯᠠᠪᠠᠯ ᠳ᠋ᠠᠤ ᠶ᠋ᠢᠨ ᠡᠪᠡᠳᠴᠢᠨ ᠭᠡᠳᠡᠭ ᠬᠣᠷᠣᠮᠰᠤᠮ ᠤ᠋ᠨ ᠭᠠᠵᠢᠭ ᠡᠭᠦᠰᠦᠨᠡ᠃ ᠡᠢᠮᠦ ᠡᠪᠡᠳᠴᠢᠨ ᠲᠡᠢ ᠬᠡᠦᠬᠡᠳ ᠭᠢᠯᠠᠭᠠᠷ ᠨᠢᠳᠦ ᠲᠡᠢ᠂ ᠴᠢᠬᠢᠨ ᠦ᠌ ᠪᠠᠢᠷᠢᠯᠠᠯ ᠳᠣᠣᠷᠠ᠂ ᠲᠠᠩᠨᠠᠢ ᠥᠨᠳᠥᠷ᠂ ᠬᠡᠯᠡ ᠨᠢ ᠬᠥᠰᠢᠭᠦᠨ ᠪᠦᠳᠦᠭᠦᠨ᠂ ᠣᠭᠳᠣᠷ ᠨᠠᠮᠬᠠᠨ ᠬᠠᠮᠠᠷ ᠲᠠᠢ ᠲᠣᠯᠣᠭᠠᠢ ᠵᠢᠵᠢᠭ᠂ ᠣᠶᠤᠨ ᠤᠬᠠᠭᠠᠨ ᠤ᠋ ᠬᠥᠭᠵᠢᠯ ᠮᠠᠰᠢ ᠳᠣᠣᠷᠠ᠂ ᠶᠡᠬᠡᠪᠴᠢᠯᠡᠨ《ᠤᠰᠤᠨ ᠲᠡᠨᠡᠭ》 ᠪᠠᠢᠨᠠ᠃ ᠣᠯᠠᠨ ᠤᠯᠤᠰ ᠣᠷᠣᠨ ᠢ᠋ᠶ᠋ᠠᠷ ᠬᠢᠭᠳᠡᠭᠰᠡᠨ ᠰᠤᠳᠤᠯᠤᠯ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠬᠣᠷᠣᠮᠰᠤᠮ ᠤ᠋ᠨ ᠭᠠᠵᠢᠭ ᠢ᠋ ᠡᠭᠦᠰᠬᠡᠳᠡᠭ ᠪᠣᠳᠠᠰ ᠤ᠋ᠨ ᠲᠣᠭᠠᠨ ᠳ᠋ᠤ᠌ ᠠᠷᠢᠬᠢ ᠣᠷᠣᠵᠤ ᠪᠠᠢᠨᠠ᠃ ᠮᠠᠨ ᠤ᠋ ᠰᠤᠳᠤᠯᠤᠭᠴᠢᠳ( ᠢ· ᠫᠦᠷᠦᠪᠳᠤᠷᠵᠢ᠂ ᠬ᠌· ᠳ᠋ᠡᠰᠢᠵᠢᠭᠪᠡ᠂ ᠮ· ᠣᠳᠬᠣᠨ ᠨᠠᠷ) ᠲᠤᠷᠰᠢᠯᠭᠠ ᠶ᠋ᠢᠨ ᠬᠤᠯᠤᠭᠠᠨᠠ ᠶ᠋ᠢ ᠠᠷᠢᠬᠢ ᠪᠠ ᠲᠡᠭᠦᠨ ᠦ᠌ ᠵᠠᠳᠠᠷᠠᠯ ᠤ᠋ᠨ ᠪᠦᠲᠦᠭᠡᠭᠳᠡᠬᠦᠨ ᠠᠼᠸᠲ᠋ᠠᠯᠢᠳᠧᠬᠢᠳ᠋ ᠢ᠋ᠶ᠋ᠡᠷ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠬᠣᠣᠷᠠᠳᠠᠭᠤᠯᠤᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠰᠢᠨᠵᠢᠯᠡᠨ ᠦᠵᠡᠬᠦ ᠳ᠋ᠦ᠍ ᠬᠣᠷᠣᠮᠰᠤᠮ ᠶᠡᠬᠡ ᠪᠡᠷ ᠭᠡᠮᠲᠦᠭᠰᠡᠨ ᠪᠠᠢᠵᠠᠢ᠃ ᠵᠢᠷᠮᠦᠰᠦᠨ ᠦᠶᠡ ᠳ᠋ᠦ᠍ ᠠᠷᠢᠬᠢ ᠤᠤᠭᠤᠬᠤ ᠳ᠋ᠤ᠌ ᠴᠢᠰᠤᠨ ᠳ᠋ᠤ᠌ ᠪᠠᠢᠭᠠ ᠠᠷᠢᠬᠢᠨ ᠤ᠋ ᠲᠤᠩ ᠤ᠋ᠨ70-80 ᠬᠤᠪᠢ ᠲᠠᠢ ᠲᠡᠩᠴᠡᠬᠦ ᠲᠡᠢᠮᠦ ᠬᠡᠮᠵᠢᠶᠡᠨ ᠦ᠌ ᠠᠷᠢᠬᠢ ᠡᠬᠡ ᠶ᠋ᠢᠨ ᠬᠡᠪᠡᠯᠢ ᠳ᠋ᠦ᠍ ᠪᠠᠢᠭᠠ ᠬᠡᠦᠬᠡᠳ ᠦ᠋ᠨ ᠴᠢᠰᠤᠨ ᠳ᠋ᠤ᠌ ᠣᠷᠣᠳᠠᠭ᠃ ᠠᠷᠢᠬᠢᠴᠢᠨ ᠡᠮᠡᠭᠲᠡᠢ ᠡᠴᠡ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠶᠡᠬᠡᠩᠬᠢ ᠳ᠋ᠡᠭᠡᠨ ᠵᠢᠵᠢᠭᠬᠡᠨ ᠲᠣᠯᠣᠭᠠᠢ ᠲᠠᠢ᠂ ᠨᠢᠳᠦ᠂ ᠡᠷᠡᠦ ᠨᠢᠭᠤᠷ ᠨᠢ ᠲᠥᠷᠥᠯᠬᠢ ᠭᠠᠵᠢᠭ ᠲᠠᠢ᠂ ᠥᠰᠦᠯᠲᠡ ᠬᠥᠭᠵᠢᠯ ᠤᠳᠠᠭᠠᠨ᠂ ᠤᠬᠠᠭᠠᠨ ᠬᠣᠮᠰᠠᠳᠠᠯ ᠲᠠᠢ ᠪᠠᠢᠳᠠᠭ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠬᠡᠦᠬᠡᠳ ᠡᠬᠡ ᠶ᠋ᠢᠨ ᠬᠡᠪᠡᠯᠢ ᠳ᠋ᠦ᠍ ᠪᠠᠢᠬᠤ ᠦᠶᠡ ᠳ᠋ᠡᠭᠡᠨ ᠠᠷᠢᠬᠢᠨ ᠳ᠋ᠤ᠌ ᠬᠣᠣᠷᠳᠠᠭᠰᠠᠨ ᠤ᠋ ᠤᠯᠠᠮ ᠠ᠋ᠴᠠ ᠠᠷᠬᠠᠭ ᠠᠷᠢᠬᠢᠴᠢᠨ ᠰᠢᠨᠵᠢ ᠲᠡᠢ ᠲᠥᠷᠥᠵᠦ ᠪᠣᠯᠤᠨᠠ᠃ ᠬᠡᠦᠬᠡᠳ ᠥᠰᠴᠦ ᠲᠣᠮᠣᠷᠠᠬᠤ ᠳ᠋ᠠᠭᠠᠨ ᠶᠠᠷᠳᠠᠭ ᠳᠣᠭᠰᠢᠨ ᠠᠪᠤᠷᠢ ᠲᠠᠢ᠂ ᠬᠡᠷᠡᠭᠦᠯᠴᠢ᠂ ᠲᠡᠨᠦᠭᠦᠯᠴᠢ᠂ ᠬᠢᠴᠢᠶᠡᠯ ᠨᠣᠮ ᠳ᠋ᠠᠭᠠᠨ ᠮᠠᠭᠤ᠂ ᠠᠷᠢᠬᠢ ᠳᠠᠷᠠᠰᠤ ᠤᠤᠭᠤᠬᠤ᠂ ᠬᠡᠪ ᠵᠢᠷᠤᠮ ᠵᠥᠷᠢᠴᠡᠬᠦ ᠵᠡᠷᠭᠡ ᠪᠡᠷ ᠬᠥᠮᠦᠵᠢᠯ᠂ ᠶᠣᠰᠣ ᠰᠤᠷᠲᠠᠬᠤᠨ ᠤ᠋ ᠳᠣᠭᠣᠯᠳᠠᠯ ᠳ᠋ᠤ᠌ ᠣᠷᠣᠬᠤ ᠨᠢ ᠡᠯᠪᠡᠭ ᠪᠠᠢᠳᠠᠭ᠃ ᠠᠷᠢᠬᠢ ᠨᠢ ᠪᠡᠯᠭᠡ ᠶ᠋ᠢᠨ ᠡᠰ᠂ ᠦᠷᠡ ᠤᠳᠤᠮ᠂ ᠮᠡᠳᠡᠷᠡᠯ ᠰᠡᠳᠬᠢᠴᠡ ᠳ᠋ᠦ᠍ ᠨᠥᠯᠥᠭᠡᠯᠡᠭᠡᠳ ᠵᠣᠭᠰᠣᠬᠤ ᠦᠭᠡᠢ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠡᠭᠦᠰᠬᠡᠨᠡ᠃ ᠡᠭᠦᠨ ᠢ᠋ ᠶᠠᠭᠤ ᠲᠠᠢ ᠬᠣᠯᠪᠣᠵᠤ ᠲᠠᠢᠯᠪᠤᠷᠢᠯᠠᠬᠤ ᠪᠣᠢ? ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠵᠢᠮᠡ ᠶᠣᠰᠣ ᠪᠠᠷ ᠢ᠋ᠶ᠋ᠠᠨ ᠬᠡᠪ ᠦ᠋ᠨ ᠪᠣᠯᠵᠤ ᠥᠩᠭᠡᠷᠡᠬᠦ ᠳ᠋ᠦ᠍ ᠮᠡᠳᠡᠷᠡᠯ ᠦ᠋ᠨ ᠰᠢᠰᠲ᠋ᠧᠮ᠂ ᠳᠣᠲᠣᠭᠠᠳᠤ ᠱᠦᠭᠦᠷᠡᠯ ᠦ᠋ᠨ ᠪᠤᠯᠴᠢᠷᠬᠠᠢ᠂ ᠰᠢᠭᠡᠰᠦ ᠪᠡᠯᠭᠡ ᠶ᠋ᠢᠨ ᠲᠣᠭᠲᠠᠯᠴᠠᠭᠠ᠂ ᠬᠥᠮᠦᠨ ᠦ᠌ ᠰᠡᠳᠬᠢᠴᠡ ᠨᠢᠭᠡᠨ ᠵᠡᠷᠭᠡ ᠣᠷᠣᠯᠴᠠᠳᠠᠭ ᠢ᠋ ᠳᠡᠭᠡᠷᠡ ᠥᠭᠦᠯᠡᠭᠰᠡᠨ ᠪᠢᠯᠡ᠃ ᠲᠡᠭᠡᠪᠡᠯ ᠠᠷᠢᠬᠢᠨ ᠤ᠋ ᠬᠣᠣᠷᠳᠠᠯᠭᠠ ᠡᠳᠡᠭᠡᠷ ᠪᠦᠬᠦ ᠲᠣᠭᠲᠠᠯᠴᠠᠭᠠ ᠶ᠋ᠢ ᠭᠡᠮᠲᠦᠭᠡᠳᠡᠭ᠃ ᠡᠳᠡᠭᠡᠷ ᠡᠴᠡ ᠬᠠᠮᠤᠭ ᠤ᠋ᠨ ᠶᠡᠬᠡ ᠭᠡᠮᠲᠦᠳᠡᠭ ᠨᠢ ᠮᠡᠳᠡᠷᠡᠯ— ᠰᠢᠩᠭᠡᠨ ᠦ᠌ ᠪᠠ ᠰᠡᠳᠬᠢᠴᠡ ᠶ᠋ᠢᠨ ᠲᠣᠭᠲᠠᠯᠴᠠᠭᠠ ᠶᠤᠮ᠃ ᠠᠷᠢᠬᠢᠨ ᠤ᠋ ᠠᠷᠬᠠᠭ ᠬᠣᠣᠷᠳᠠᠯᠭᠠ ᠶ᠋ᠢᠨ ᠤᠯᠠᠮ ᠠ᠋ᠴᠠ ᠲᠥᠮᠥᠰᠥᠭ᠂ ᠪᠥᠭᠡᠷᠡ ᠶ᠋ᠢᠨ ᠳᠡᠭᠡᠷᠡᠬᠢ ᠪᠤᠯᠴᠢᠷᠬᠠᠢ᠂ ᠥᠨᠥᠴᠢᠨ ᠲᠠᠷᠢᠬᠢ᠂ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠵᠡᠷᠭᠡ ᠳᠣᠲᠣᠭᠠᠳᠤ ᠱᠦᠭᠦᠷᠡᠯ ᠦ᠋ᠨ ᠴᠢᠬᠤᠯᠠ ᠡᠭᠦᠷᠭᠡ ᠲᠡᠢ ᠪᠤᠯᠴᠢᠷᠬᠠᠢ ᠨᠤᠭᠤᠳ ᠤ᠋ᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠭᠤᠷᠠᠵᠤ᠂ ᠡᠨᠡ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠬᠢᠮᠤᠷᠠᠯ ᠳ᠋ᠤ᠌ ᠣᠷᠣᠭᠤᠯᠳᠠᠭ᠃ ᠢᠩᠭᠢᠭᠰᠡᠨ ᠢ᠋ᠶ᠋ᠡᠷ ᠬᠤᠷᠢᠴᠠᠬᠤ ᠳᠤᠷᠠ ᠬᠦᠰᠡᠯ ᠪᠠᠭᠤᠷᠠᠵᠤ᠂ ᠡᠷᠡ ᠪᠡᠯᠭᠡ ᠡᠷᠬᠡᠲᠡᠨ ᠬᠥᠪᠴᠢᠷᠡᠬᠦ ᠨᠢ ᠮᠠᠭᠤᠳᠠᠵᠤ᠂ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠬᠤᠷᠳᠤᠨ ᠠᠯᠳᠠᠨᠠ᠃ ᠠᠷᠢᠬᠢ ᠡᠷᠡᠭᠲᠡᠢᠴᠦᠳ ᠲᠦ᠍ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠡᠭᠦᠰᠬᠦ ᠳ᠋ᠦ᠍ ᠭᠤᠷᠪᠠᠨ ᠬᠦᠴᠦᠨ ᠵᠦᠢᠯ ᠦ᠋ᠨ ᠭᠣᠣᠯ ᠡᠭᠦᠷᠭᠡ ᠭᠦᠢᠴᠡᠳᠬᠡᠵᠦ ᠪᠠᠢᠭᠠ ᠶ᠋ᠢ ᠡᠷᠳᠡᠮᠲᠡᠳ ᠲᠣᠭᠲᠠᠭᠠᠭᠰᠠᠨ ᠶᠤᠮ᠃
ᠡᠭᠦᠨ ᠳ᠋ᠦ᠍᠄ ᠨᠢᠭᠡᠳᠦᠭᠡᠷ ᠲᠦ᠍᠂ ᠤᠭ ᠠ᠋ᠴᠠ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠤᠯᠠ ᠳᠣᠷᠣᠢ ᠪᠠᠢᠭᠰᠠᠨ ᠪᠠᠢᠬᠤ(ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠬᠥᠮᠦᠨ ᠦ᠌ ᠲᠥᠷᠥᠯᠬᠢ ᠶ᠋ᠢᠨ ᠣᠨᠴᠠᠯᠢᠭ)᠃ ᠬᠣᠶᠠᠳᠤᠭᠠᠷ ᠲᠤ᠌᠂ ᠳᠡᠭᠡᠳᠦ ᠮᠡᠳᠡᠷᠡᠯ ᠦ᠋ᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠬᠡᠪ ᠰᠢᠨᠵᠢ᠂ ᠭᠠᠯᠪᠢᠷ᠂ ᠵᠠᠩ ᠲᠥᠷᠬᠦ ᠶ᠋ᠢᠨ ᠰᠣᠳᠣᠨ ᠣᠨᠴᠠᠯᠢᠭ ᠣᠷᠣᠨᠠ᠃ ᠳᠡᠭᠡᠳᠦ ᠮᠡᠳᠡᠷᠡᠯ ᠦ᠋ᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠭᠠᠯᠪᠢᠷ ᠤ᠋ᠨ ᠬᠤᠪᠢ ᠳ᠋ᠤ᠌ ᠬᠣᠯᠸᠷᠢᠺ ᠶᠤᠮ ᠤᠤ ᠮᠸᠯᠠᠩᠬᠤᠯᠢᠺ ᠠᠪᠤᠷᠢ ᠲᠠᠢ ᠡᠷᠡᠴᠦᠳ᠂ ᠮᠥᠨ ᠲᠡᠭᠦᠨᠴᠢᠯᠡᠨ ᠥᠪᠡᠷᠲᠡᠭᠡᠨ ᠢᠲᠡᠭᠡᠯ ᠮᠠᠭᠤᠲᠠᠢ᠂ ᠢᠴᠢᠮᠡᠬᠡᠢ ᠪᠦᠷᠦᠭ᠂ ᠦᠷᠭᠦᠯᠵᠢ ᠡᠷᠡᠭᠡᠯᠵᠡᠨ ᠲᠡᠭᠡᠨᠡᠭᠡᠯᠵᠡᠳᠡᠭ ᠵᠠᠩ ᠲᠥᠷᠬᠦ ᠶ᠋ᠢᠨ ᠣᠨᠴᠠᠯᠢᠭ ᠲᠠᠢ ᠬᠥᠮᠦᠰ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠳ᠋ᠤ᠌ ᠬᠢᠯᠪᠠᠷᠬᠠᠨ ᠥᠷᠲᠥᠳᠡᠭ᠃ ᠭᠤᠷᠪᠠᠳᠤᠭᠠᠷ ᠲᠤ᠌᠂ ᠠᠷᠢᠬᠢ ᠤᠤᠭᠤᠭᠰᠠᠨ ᠬᠤᠭᠤᠴᠠᠭᠠ᠃ ᠬᠡᠳᠦᠢ ᠴᠢᠨᠡᠭᠡ ᠣᠯᠠᠨ ᠵᠢᠯ ᠠᠷᠢᠬᠢ ᠤᠤᠭᠤᠪᠠᠯ ᠲᠡᠳᠦᠢ ᠴᠢᠨᠡᠭᠡ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠳ᠋ᠤ᠌ ᠠᠮᠠᠷᠬᠠᠨ ᠣᠷᠣᠨᠠ᠃
ᠡᠭᠦᠨ ᠡᠴᠡ ᠭᠠᠳᠠᠨᠠ ᠠᠷᠢᠬᠢᠨ ᠤ᠋ ᠠᠷᠬᠠᠭ ᠬᠣᠣᠷᠳᠠᠯᠭᠠ ᠶ᠋ᠢᠨ ᠨᠥᠯᠥᠭᠡ ᠪᠡᠷ ᠬᠥᠮᠦᠨ ᠦ᠌ ᠰᠡᠳᠬᠢᠴᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠣᠯᠬᠤ ᠲᠠᠨᠢᠨ ᠮᠡᠳᠡᠬᠦ ᠣᠶᠤᠨ ᠤᠬᠠᠭᠠᠨ᠂ ᠵᠠᠩ ᠰᠡᠳᠬᠢᠯ᠂ ᠵᠣᠷᠢᠭ᠂ ᠤᠬᠠᠮᠰᠠᠷ ᠪᠦᠬᠦᠯᠢ ᠳ᠋ᠡᠭᠡᠨ ᠬᠤᠪᠢᠷᠠᠨ ᠥᠭᠡᠷᠴᠢᠯᠡᠭᠳᠡᠳᠡᠭ᠃ ᠠᠷᠢᠬᠢᠨ ᠤ᠋ ᠠᠷᠬᠠᠭ ᠬᠣᠣᠷᠳᠠᠯᠭᠠ ᠶ᠋ᠢᠨ ᠤᠯᠠᠮ ᠠ᠋ᠴᠠ ᠬᠥᠮᠦᠨ ᠦ᠌ ᠵᠠᠩ ᠲᠥᠯᠥᠪ ᠡᠪᠳᠡᠷᠡᠵᠦ᠂ ᠨᠢᠭᠡ ᠬᠡᠰᠡᠭ ᠨᠢ ᠠᠭᠤᠷᠲᠠᠢ᠂ ᠲᠣᠭᠰᠢᠨ ᠪᠦᠳᠦᠭᠦᠯᠢᠭ᠂ ᠪᠤᠰᠤᠳ ᠠ᠋ᠴᠠ ᠦ᠋ ᠰᠡᠪ ᠡᠷᠢᠬᠦ᠂ ᠠᠭᠰᠤᠮ ᠲᠠᠯᠪᠢᠬᠤ᠂ ᠵᠣᠳᠣᠭᠠᠨ ᠴᠣᠬᠢᠭᠠᠨ ᠬᠢᠬᠦ ᠵᠡᠷᠭᠡ ᠶᠣᠰᠣ ᠵᠦᠢ ᠶ᠋ᠢᠨ ᠪᠣᠯᠤᠨ ᠡᠷᠬᠡ ᠵᠦᠢ ᠶ᠋ᠢᠨ ᠵᠥᠷᠢᠴᠡᠯ ᠭᠠᠷᠭᠠᠳᠠᠭ ᠲᠠᠩᠬᠠᠢ ᠪᠠᠯᠠᠮᠠᠳ ᠠᠪᠤᠷᠢ ᠲᠠᠢ ᠬᠥᠮᠦᠰ ᠪᠣᠯᠤᠨ ᠬᠤᠪᠢᠷᠠᠳᠠᠭ᠃ ᠭᠡᠲᠡᠯᠡ ᠨᠥᠭᠦᠭᠡ ᠨᠢᠭᠡ ᠬᠡᠰᠡᠭ ᠨᠢ ᠬᠥᠩᠭᠡᠨ ᠬᠡᠢᠰᠪᠦᠷᠢ᠂ ᠬᠤᠳᠠᠯᠴᠢ᠂ ᠮᠠᠭᠤ ᠵᠠᠯᠢᠷᠬᠠᠭ᠂ ᠵᠣᠬᠢᠰ ᠦᠭᠡᠢ ᠮᠠᠭᠤᠬᠠᠢ᠂ ᠭᠤᠲᠤᠮᠰᠢᠭ ᠲᠠᠢ ᠬᠥᠮᠦᠨ ᠦ᠌ ᠶᠣᠰᠣᠨ ᠠ᠋ᠴᠠ ᠭᠠᠵᠢᠭᠤᠳᠠ ᠬᠡᠷᠡᠭ ᠦᠢᠯᠡᠳᠴᠦ ᠬᠥᠯᠴᠥᠭᠦᠷᠬᠡᠳᠡᠭ ᠪᠡᠷᠲᠡᠭᠴᠢᠨ ᠠᠮᠢᠳᠤᠷᠠᠯ ᠲᠠᠢ ᠬᠥᠮᠦᠰ ᠪᠣᠯᠤᠨᠠ᠃ ᠭᠤᠷᠪᠠᠳᠠᠬᠢ ᠬᠡᠨᠡᠭ ᠦᠭᠡᠢ ᠭᠥᠯᠢᠭᠡᠷ᠂ ᠰᠠᠨᠠᠭᠠ ᠠᠮᠤᠷᠯᠢᠩᠭᠤᠢ᠂ ᠨᠢᠩᠵᠢᠨ ᠰᠡᠳᠬᠢᠯ ᠦᠭᠡᠢ᠂ ᠬᠠᠢᠬᠤᠷᠤᠮᠵᠢ ᠦᠭᠡᠢ ᠬᠥᠮᠦᠰ ᠪᠣᠯᠤᠨᠠ᠃ ᠠᠷᠢᠬᠢ ᠶ᠋ᠢ ᠬᠡᠲᠦᠷᠡᠭᠦᠯᠦᠨ ᠬᠡᠷᠡᠭᠯᠡᠪᠡᠯ ᠦᠷᠡ ᠬᠡᠦᠬᠡᠳ ᠢᠳᠡᠵᠦ ᠤᠤᠭᠤᠬᠤ ᠡᠮᠦᠰᠴᠦ ᠵᠡᠭᠦᠬᠦ ᠪᠡᠷ ᠳᠤᠲᠠᠭᠳᠠᠬᠤ ᠲᠡᠳᠦᠢ ᠦᠭᠡᠢ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠬᠣᠭᠣᠷᠣᠨᠳᠣ ᠪᠠᠨ ᠬᠠᠷᠢᠴᠠᠭᠠ ᠮᠠᠭᠤᠳᠠᠨᠠ᠃ ᠠᠷᠢᠬᠢᠨ ᠳ᠋ᠤ᠌ ᠣᠷᠣᠭᠰᠠᠨ ᠬᠥᠮᠦᠨ ᠭᠡᠷ ᠲᠡᠭᠡᠨ ᠣᠷᠣᠢᠲᠠᠵᠤ ᠢᠷᠡᠳᠡᠭ ᠪᠣᠯᠵᠤ᠂ ᠬᠡᠦᠬᠡᠳ ᠦ᠋ᠨ ᠬᠥᠮᠦᠵᠢᠯ ᠳ᠋ᠦ᠍ ᠪᠠᠷᠤᠭ ᠣᠷᠣᠯᠴᠠᠬᠤ ᠪᠠᠨ ᠪᠣᠯᠢᠵᠤ᠂ ᠰᠥᠨᠢ ᠶ᠋ᠢᠨ ᠭᠡᠢᠴᠢᠨ ᠰᠢᠭ ᠰᠥᠨᠢ ᠳᠦᠯᠢ ᠪᠡᠷ ᠰᠣᠭᠲᠣᠭᠤ ᠢᠷᠡᠵᠦ᠂ ᠡᠬᠡᠨᠡᠷ ᠢ᠋ᠶ᠋ᠡᠨ 《ᠵᠣᠪᠠᠭᠠᠨᠠ》᠃ ᠠᠷᠢᠬᠢᠨ ᠤ᠋ ᠮᠠᠭᠤᠬᠠᠢ ᠡᠬᠡᠭᠦᠨ ᠦᠨᠦᠷ ᠠᠮᠠᠨ ᠠ᠋ᠴᠠ ᠬᠠᠩᠬᠤᠯᠬᠤ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠶ᠋ᠢ ᠭᠤᠲᠤᠭᠠᠵᠤ᠂ ᠣᠢᠷᠠᠳᠬᠤ ᠬᠦᠰᠡᠯ ᠦᠭᠡᠢ ᠪᠣᠯᠭᠠᠨᠠ᠃ ᠡᠢᠮᠦ ᠳ᠋ᠦ᠍ ᠡᠮᠡᠭᠲᠡᠢ ᠬᠥᠮᠦᠨ ᠡᠷᠡ ᠨᠥᠬᠥᠷ ᠢ᠋ᠶ᠋ᠡᠨ ᠰᠣᠭᠲᠣᠭᠤ ᠬᠥᠯᠴᠥᠭᠦᠦ ᠦᠶᠡ ᠳ᠋ᠦ᠍ ᠣᠢᠷᠠᠳᠬᠤ ᠠ᠋ᠴᠠ ᠢᠯᠡᠳᠲᠡ ᠳᠤᠷᠠ ᠦᠭᠡᠢ ᠨᠢ ᠬᠦᠷᠬᠦ ᠡᠴᠡ ᠪᠢᠰᠢ᠂ ᠰᠠᠢᠬᠠᠨ ᠵᠠᠩ ᠶᠠᠭᠠᠬᠢᠪᠠᠴᠤ ᠭᠠᠷᠭᠠᠬᠤ ᠦᠭᠡᠢ ᠶᠦᠮ᠃ ᠭᠡᠪᠡᠴᠦ ᠡᠭᠦᠨ ᠢ᠋ ᠰᠣᠭᠲᠣᠭᠤ ᠲᠣᠯᠣᠭᠠᠢ ᠣᠢᠯᠠᠭᠠᠬᠤ ᠦᠭᠡᠢ᠂ ᠬᠠᠷᠠᠳᠠᠵᠤ ᠰᠡᠷᠡᠳᠡᠵᠦ ᠡᠬᠢᠯᠡᠨᠡ᠃ ᠨᠥᠭᠥᠭᠡᠲᠡᠭᠡᠭᠦᠷ᠂ ᠠᠷᠢᠬᠢᠴᠢᠨ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠰᠤᠯᠠᠷᠠᠬᠤ ᠨᠢ ᠠᠷᠢᠬᠢᠨ ᠤ᠋ ᠬᠠᠷᠠᠳᠠᠯᠲᠠ ᠳᠡᠮᠡᠢᠷᠡᠯ ᠡᠭᠦᠰᠬᠦ ᠳ᠋ᠦ᠍ ᠴᠢᠬᠤᠯᠠ ᠨᠥᠯᠥᠭᠡ ᠦᠵᠡᠭᠦᠯᠳᠡᠭ᠃ ᠡᠬᠡᠨᠡᠷ ᠢ᠋ᠶ᠋ᠡᠨ ᠬᠠᠷᠠᠳᠠᠨ ᠰᠡᠷᠡᠳᠡᠵᠦ᠂ ᠥᠪᠡᠷ ᠡᠴᠡ ᠪᠡᠨ ᠬᠥᠨᠳᠡᠢᠷᠡᠵᠦ᠂ ᠥᠭᠡᠷᠡ ᠬᠥᠮᠦᠨ ᠲᠡᠢ ᠬᠣᠯᠪᠣᠭᠠ ᠲᠠᠢ ᠪᠣᠯᠵᠤ ᠪᠠᠢᠨᠠ ᠭᠡᠵᠦ ᠠᠭᠰᠤᠮ ᠲᠠᠯᠪᠢᠨᠠ᠃ ᠤᠯᠠᠮ ᠢ᠋ᠶ᠋ᠠᠷ ᠬᠠᠷᠠ ᠰᠠᠨᠠᠭᠠ ᠪᠣᠳᠣᠯ ᠨᠢ ᠤᠯᠠᠮ ᠭᠠᠭᠠᠷᠠᠵᠤ᠂ ᠨᠢᠭᠤᠴᠠ ᠠᠮᠠᠷᠠᠭ ᠲᠠᠢ ᠪᠣᠯᠤᠭᠰᠠᠨ ᠭᠡᠮᠡᠨ ᠬᠠᠷᠠᠳᠠᠵᠤ᠂ ᠬᠣᠯᠠ ᠣᠢᠷᠠ ᠶ᠋ᠢᠨ ᠲᠠᠨᠢᠬᠤ ᠲᠠᠨᠢᠬᠤ ᠦᠭᠡᠢ ᠪᠦᠬᠦ ᠬᠥᠮᠦᠨ ᠲᠡᠢ ᠬᠠᠷᠠᠳᠠᠵᠤ᠂ ᠭᠠᠳᠠᠭᠤᠷ ᠳᠣᠲᠣᠭᠤᠷ ᠬᠤᠪᠴᠠᠰᠤ ᠶ᠋ᠢ ᠨᠢ ᠰᠢᠯᠭᠠᠬᠤ ᠵᠡᠷᠭᠡ ᠪᠡᠷ ᠡᠪ ᠦᠭᠡᠢ ᠵᠠᠩ ᠭᠠᠷᠭᠠᠨᠠ᠃ ᠰᠡᠭᠦᠯ ᠰᠡᠭᠦᠯ ᠳ᠋ᠡᠭᠡᠨ ᠬᠠᠷᠠᠳᠠᠬᠤ ᠳᠡᠮᠡᠢᠷᠡᠯ ᠨᠢ ᠤᠯᠠᠮ ᠳᠠᠭᠠᠭᠠᠮᠵᠢᠷᠠᠵᠤ᠂ ᠡᠬᠡᠨᠡᠷ ᠢ᠋ᠶ᠋ᠡᠨ ᠮᠥᠷᠳᠡᠨ ᠮᠥᠰᠬᠢᠬᠦ᠂ ᠲᠠᠨᠢᠬᠤ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠲᠡᠢ ᠵᠠᠪᠬᠠᠢᠷᠠᠵᠤ ᠪᠠᠢᠨᠠ ᠭᠡᠮᠡᠨ ᠬᠠᠭᠤᠷᠮᠠᠴᠢ ᠢᠲᠡᠭᠡᠯ ᠦᠨᠡᠮᠰᠢᠯ ᠳ᠋ᠡᠭᠡᠨ ᠬᠥᠲᠥᠯᠦᠭᠳᠡᠵᠦ᠂ ᠣᠷᠣ ᠦᠭᠡᠢ ᠬᠣᠭᠣᠰᠠ ᠵᠠᠷᠭᠤ ᠮᠡᠳᠡᠭᠦᠯᠵᠦ᠂ ᠡᠳᠦᠷ ᠪᠦᠷᠢ《ᠲᠡᠩᠨᠡᠵᠦ》᠂ ᠠᠵᠢᠯ ᠳᠡᠭᠡᠷᠡ ᠪᠠᠢᠭᠠ ᠡᠰᠡᠬᠦ ᠶ᠋ᠢ ᠤᠲᠠᠰᠤ ᠪᠠᠷ ᠯᠠᠪᠯᠠᠵᠤ᠂ ᠡᠰᠡᠪᠡᠯ ᠣᠴᠢᠵᠤ ᠰᠢᠯᠭᠠᠬᠤ᠂ ᠭᠡᠷ ᠡᠴᠡ ᠭᠠᠳᠠᠭᠤᠷ ᠥᠩᠭᠡᠷᠡᠭᠰᠡᠨ ᠴᠠᠭ ᠮᠥᠴᠡ ᠪᠦᠷᠢ ᠳ᠋ᠦ᠍ ᠲᠣᠭᠠᠴᠠᠭᠠ ᠬᠢᠵᠦ᠂ ᠬᠠᠮᠢᠭᠠ᠂ ᠬᠡᠨ ᠲᠡᠢ ᠪᠠᠢᠭᠰᠠᠨ ᠲᠤᠬᠠᠢ《ᠲᠠᠢᠯᠤᠨ》 ᠲᠠᠯᠪᠢᠬᠤ ᠶ᠋ᠢ ᠱᠠᠭᠠᠷᠳᠠᠨᠠ᠃ ᠬᠠᠷᠠᠳᠠᠬᠤ ᠳᠡᠮᠡᠢᠷᠡᠯ ᠠᠳᠠᠭ ᠰᠡᠭᠦᠯ ᠳ᠋ᠡᠭᠡᠨ ᠡᠬᠡᠨᠡᠷ ᠢ᠋ᠶ᠋ᠡᠨ ᠲᠡᠳᠦᠢ ᠦᠭᠡᠢ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠠᠷᠠᠳᠠᠨ᠂《ᠮᠢᠨᠦ ᠬᠡᠦᠬᠡᠳ》 ᠪᠢᠰᠢ ᠭᠡᠰᠡᠨ ᠡᠷᠡᠭᠦᠯ ᠪᠢᠰᠢ ᠦᠵᠡᠯ ᠰᠠᠨᠠᠭᠠᠨ ᠳ᠋ᠤ᠌ ᠠᠪᠲᠠᠨ ᠲᠡᠭᠦᠨ ᠢ᠋ᠶ᠋ᠡᠨ ᠪᠠᠲᠤᠯᠠᠬᠤ ᠡᠯᠳᠡᠪ ᠣᠷᠣᠯᠳᠣᠯᠭᠠ ᠬᠢᠳᠡᠭ᠃ ᠬᠡᠦᠬᠡᠳ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠲᠠᠯᠠ ᠳ᠋ᠤ᠌ ᠣᠷᠣᠵᠤ᠂ ᠥᠮᠥᠭᠯᠡᠨ ᠬᠠᠮᠠᠭᠠᠯᠠᠬᠤ ᠶ᠋ᠢ ᠡᠭᠦᠨ ᠦ᠌ ᠨᠤᠲᠠᠯᠠᠭᠠ ᠭᠡᠵᠦ ᠲᠣᠭᠠᠴᠠᠳᠠᠭ᠃ ᠡᠨᠡ ᠪᠦᠬᠦ ᠪᠠᠢᠳᠠᠯ ᠡᠴᠦᠰ ᠲᠡᠭᠡᠨ ᠡᠬᠡᠨᠡᠷ ᠢ᠋ᠶ᠋ᠡᠨ ᠪᠣᠯᠤᠨ ᠬᠠᠭᠤᠷᠮᠠᠴᠢ ᠠᠮᠠᠷᠠᠭ ᠬᠣᠯᠪᠣᠭᠠ ᠲᠠᠢ ᠬᠥᠮᠦᠰ ᠦ᠋ᠨ ᠠᠮᠢ ᠨᠠᠰᠤᠨ ᠳ᠋ᠤ᠌ ᠬᠦᠷᠬᠦ ᠳ᠋ᠦ᠍ ᠴᠦ᠍ ᠬᠦᠷᠭᠡᠬᠦ ᠨᠢ ᠪᠣᠢ᠃
ᠠᠷᠬᠠᠭ ᠠᠷᠢᠬᠢᠳᠠᠯᠲᠠ ᠡᠪᠡᠳᠴᠢᠨ ᠦ᠌ ᠳᠤᠮᠳᠠ ᠦᠶᠡ ᠪᠣᠯᠤᠨ ᠲᠡᠭᠦᠰᠬᠡᠯ ᠦ᠋ᠨ ᠱᠠᠲᠤᠨ ᠳ᠋ᠤ᠌ ᠰᠡᠳᠬᠢᠴᠡ ᠶ᠋ᠢᠨ ᠥᠭᠡᠷᠡᠴᠢᠯᠡᠯᠲᠡ ᠤᠯᠠᠮ ᠭᠦᠨᠵᠡᠭᠡᠢᠷᠡᠳᠡᠭ᠃ ᠡᠭᠦᠨ ᠦ᠌ ᠨᠢᠭᠡ ᠨᠢ ᠠᠷᠢᠬᠢᠨ ᠰᠣᠯᠢᠶᠠ ᠶᠤᠮ᠃
᠁ ᠡᠪᠡᠳᠴᠢᠲᠡᠨ ᠨ·44 ᠨᠠᠰᠤᠲᠠᠢ᠂ ᠠᠷᠢᠬᠢᠳᠠᠬᠤ ᠪᠠᠷ ᠭᠡᠷ ᠣᠷᠣᠨ ᠠ᠋ᠴᠠ ᠪᠠᠨ ᠵᠢᠭᠤᠲᠠᠨ ᠬᠣᠲᠠ ᠠ᠋ᠴᠠ ᠬᠥᠳᠡᠭᠡ ᠶᠠᠪᠤᠵᠤ᠂ ᠠᠮᠠᠷᠠᠯᠲᠠ ᠶ᠋ᠢᠨ900 ᠲᠦᠬᠦᠢᠭ ᠢ᠋ᠶ᠋ᠡᠷ5 ᠬᠣᠨᠣᠭ ᠤ᠋ᠨ ᠲᠤᠷᠰᠢ ᠲᠠᠩᠳᠠ ᠬᠥᠯᠴᠥᠭᠦᠷᠡᠵᠦ᠂ ᠡᠴᠦᠰ ᠲᠦ᠋ᠨᠢ ᠠᠷᠢᠬᠢᠨ ᠤ᠋ ᠰᠣᠯᠢᠶᠠ ᠲᠣᠰᠴᠤ ᠭᠡᠷ ᠲᠡᠭᠡᠨ ᠡᠷᠭᠢᠵᠦ ᠢᠷᠡᠭᠡᠳ᠂ ᠰᠡᠳᠬᠢᠯ ᠮᠡᠳᠡᠷᠡᠯ ᠦ᠋ᠨ ᠡᠮᠨᠡᠯᠭᠡ ᠳ᠋ᠦ᠍ ᠬᠦᠷᠭᠡᠭᠳᠡᠵᠦ ᠬᠡᠪᠲᠡᠵᠡᠢ᠃ ᠡᠨᠡ ᠠᠷᠢᠬᠢᠴᠢᠨ ᠡᠮᠨᠡᠯᠭᠡ ᠳ᠋ᠦ᠍ ᠪᠠᠢᠬᠤ ᠦᠶᠡ ᠶ᠋ᠢᠨ3 ᠡᠳᠦᠷ ᠦ᠋ᠨ ᠰᠡᠳᠬᠢᠴᠡ ᠶ᠋ᠢᠨ ᠪᠠᠢᠳᠠᠯ ᠢ᠋ ᠥᠭᠦᠯᠡᠪᠡᠯ᠄ — ᠰᠡᠭᠦᠯ ᠤᠳᠠᠭᠠ ᠲᠠᠩᠳᠠ ᠠᠷᠢᠬᠢᠳᠠᠵᠤ ᠶᠠᠪᠤᠬᠤ ᠳ᠋ᠠᠭᠠᠨ《ᠨᠠᠮᠠ ᠶᠢ ᠬᠥᠮᠦᠨ ᠠᠯᠠᠬᠤ ᠭᠡᠵᠦ ᠪᠠᠢᠨᠠ》 ᠭᠡᠵᠦ ᠶᠠᠷᠢᠨ ᠣᠷᠣᠨ ᠳᠣᠣᠭᠤᠷ ᠬᠥᠨᠵᠢᠯᠡ ᠲᠡᠢ ᠪᠡᠨ ᠮᠥᠯᠬᠥᠨ ᠣᠷᠣᠵᠤ᠂ ᠨᠢᠭᠤᠭᠳᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠰᠣᠯᠢᠶᠠᠷᠠᠯ ᠡᠬᠢᠯᠡᠵᠡᠢ᠃ ᠭᠡᠷ ᠲᠡᠭᠡᠨ ᠢᠷᠡᠭᠰᠡᠨ ᠣᠷᠣᠢ ᠪᠠᠨ ᠪᠠᠢᠰᠢᠩ ᠤ᠋ᠨ ᠬᠠᠨᠠ ᠳ᠋ᠤ᠌ ᠴᠢᠬᠢ ᠪᠡᠨ ᠲᠠᠯᠪᠢᠨ《ᠮᠠᠨ ᠤ᠋ ᠡᠬᠡᠨᠡᠷ ᠶᠠᠷᠢᠭᠠᠳ ᠪᠠᠢᠨᠠ᠃ ᠨᠠᠳᠠ ᠠ᠋ᠴᠠ ᠰᠠᠯᠵᠤ ᠥᠭᠡᠷᠡ ᠪᠠᠶᠠᠨ ᠬᠥᠮᠦᠨ ᠲᠡᠢ ᠰᠠᠭᠤᠬᠤ ᠭᠡᠳ ᠪᠠᠢᠨᠠ᠃ ᠴᠢ ᠰᠣᠨᠣᠰ!》 ᠭᠡᠵᠦ ᠬᠡᠯᠡᠭᠡᠳ ᠬᠥᠷᠰᠢ ᠠᠢᠯ ᠤ᠋ᠨ ᠢ᠋ᠶ᠋ᠠᠨ ᠨᠢᠭᠡᠨ ᠡᠮᠡᠭᠲᠡᠢ ᠶ᠋ᠢᠨ ᠲᠣᠯᠣᠭᠠᠢ ᠶ᠋ᠢ ᠪᠠᠢᠰᠢᠩ ᠤ᠋ᠨ ᠬᠠᠨᠠ ᠳ᠋ᠤ᠌ ᠮᠥᠷᠭᠥᠭᠦᠯᠦᠭᠰᠡᠨ ᠪᠠᠢᠨᠠ᠃
ᠰᠥᠨᠢ ᠶ᠋ᠢᠨ22 ᠴᠠᠭ ᠠ᠋ᠴᠠ3 ᠴᠠᠭ ᠤ᠋ᠨ ᠬᠣᠭᠣᠷᠣᠨᠳᠣ ᠪᠦᠭᠦᠳᠡ5 ᠴᠠᠭ ᠤ᠋ᠨ ᠲᠤᠷᠰᠢ ᠳᠡᠭᠡᠳᠦ ᠳᠠᠪᠬᠤᠷ ᠤ᠋ᠨ ᠠᠢᠯ ᠳ᠋ᠤᠨᠢ ᠠᠵᠢᠯ ᠤ᠋ᠨ ᠭᠠᠵᠠᠷ ᠤ᠋ᠨ ᠨᠡᠷᠡ ᠪᠦᠬᠦᠢ8 ᠬᠥᠮᠦᠨ ᠢ᠋ ᠴᠤᠭᠯᠠᠭᠤᠯᠤᠨ ᠠᠪᠠᠭᠠᠢ ᠶ᠋ᠢ ᠨᠢ ᠰᠠᠯᠭᠠᠨ ᠲᠡᠳᠬᠦᠪᠦᠷᠢ ᠳ᠋ᠦ᠍ ᠭᠠᠷᠤᠭᠰᠠᠨ᠂ ᠪᠠᠶᠠᠨ ᠳ᠋ᠤ᠌— ᠲᠠᠢ ᠰᠠᠭᠤᠯᠭᠠᠬᠤ ᠪᠠᠷ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠲᠠᠢ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠵᠤ ᠪᠠᠢᠭᠠ ᠲᠤᠬᠠᠢ ᠶᠠᠷᠢᠶᠠ ᠰᠣᠨᠣᠰᠤᠭᠳᠠᠵᠠᠢ᠃ ᠲᠡᠳᠡ ᠲᠣᠯᠣᠭᠠᠢ ᠬᠣᠯᠪᠣᠨ ᠰᠢᠯᠦᠭᠯᠡᠵᠦ᠂ ᠲᠡᠭᠦᠨ ᠢ᠋《ᠠᠷᠢᠬᠢᠴᠢᠨ》 ᠭᠡᠵᠦ ᠮᠠᠭᠤᠯᠠᠭᠠᠳ᠂ ᠲᠡᠭᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌ ᠲᠣᠬᠢᠶᠠᠯᠳᠤᠭᠰᠠᠨ ᠰᠢᠪᠰᠢᠭᠲᠦ ᠪᠦᠬᠦ ᠦᠢᠯᠡ ᠶᠠᠪᠤᠳᠠᠯ ᠢ᠋ ᠵᠢᠮᠡᠯᠡᠨ ᠪᠤᠷᠤᠭᠤᠰᠢᠶᠠᠨ ᠶᠠᠷᠢᠭᠠᠳ ᠪᠠᠢᠵᠠᠢ᠃ ᠲᠡᠳᠡ ᠮᠠᠭᠨᠢᠲ᠋ᠣᠹᠣᠨ ᠠᠵᠢᠯᠯᠠᠭᠤᠯᠤᠨ ᠬᠥᠭᠵᠢᠮ ᠦ᠋ᠨ ᠠᠶᠠ ᠲᠠᠯᠪᠢᠨ ᠪᠥᠵᠢᠭᠯᠡᠵᠦ᠂ ᠨᠠᠷᠭᠢᠨ ᠴᠡᠩᠭᠡᠵᠦ ᠪᠠᠢᠭᠠ ᠨᠢ ᠰᠣᠨᠣᠰᠤᠭᠳᠠᠵᠠᠢ᠃ ᠠᠪᠠᠭᠠᠢ ᠨᠢ ᠲᠡᠳᠡᠨ ᠲᠡᠢ ᠨᠡᠢᠯᠡᠵᠦ ᠵᠠᠪᠬᠠᠢ ᠵᠠᠢᠳᠠᠩ ᠶᠠᠪᠤᠳᠠᠯ ᠦᠢᠯᠡᠳᠴᠦ ᠪᠠᠢᠭᠠ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠭᠰᠠᠨ᠃ ᠲᠡᠭᠦᠨ ᠳ᠋ᠦ᠍ ᠬᠠᠨᠳᠤᠵᠤ《ᠡᠰᠡᠪᠡᠯ ᠥᠪᠡᠷ ᠢ᠋ ᠴᠢᠨᠢ᠂ ᠡᠰᠡᠪᠡᠯ ᠬᠣᠶᠠᠷ ᠬᠡᠦᠬᠡᠳ ᠦ᠋ᠨ ᠨᠢᠭᠡ ᠶ᠋ᠢ ᠠᠯᠠᠨᠠ》 ᠭᠡᠵᠦ ᠲᠡᠳᠡ ᠶᠠᠷᠢᠭᠠᠳ ᠪᠠᠢᠵᠠᠢ᠃ ᠲᠡᠳᠡ ᠬᠤᠤᠪᠢᠯᠳᠤᠨ ᠲᠡᠭᠦᠨ ᠢ᠋ ᠠᠯᠠᠭᠠᠳ᠂ ᠡᠬᠡᠨᠡᠷ ᠢ᠋ ᠨᠢ ᠳ᠋ᠦ᠍— ᠲᠡᠢ ᠰᠠᠭᠤᠯᠭᠠᠬᠤ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠵᠤ ᠪᠠᠢᠨᠠ ᠭᠡᠵᠦ ᠲᠡᠷᠡ ᠪᠡᠷ ᠣᠢᠯᠠᠭᠠᠭᠠᠳ ᠡᠨᠡ ᠪᠠᠢᠳᠠᠯ ᠢ᠋ ᠲᠡᠭᠦᠷᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠰᠡᠷᠭᠡᠢᠯᠡᠬᠦ ᠳ᠋ᠦ᠍ ᠤᠲᠠᠰᠤ ᠪᠠᠷ ᠮᠡᠳᠡᠭᠳᠡᠭᠡᠳ ᠬᠢᠲᠤᠭᠠ᠂ ᠵᠠᠭᠠᠵᠤᠤᠷ ᠪᠠᠷᠢᠭᠠᠳ ᠭᠠᠳᠠᠭᠰᠢ ᠭᠠᠷᠬᠤ ᠳ᠋ᠤ᠌ ᠲᠡᠳᠡᠭᠡᠷ ᠬᠥᠮᠦᠰ ᠠᠯᠠᠭᠠ ᠪᠣᠯᠴᠢᠬᠠᠭᠰᠠᠨ ᠪᠠᠢᠵᠠᠢ᠃ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ《ᠥᠴᠥᠭᠡᠳᠦᠷ ᠣᠷᠣᠢ ᠶᠠᠭᠤᠨ ᠤ᠋ ᠬᠥᠮᠥᠨ ᠱᠤᠤᠭᠢᠭᠠᠳ ᠪᠠᠢᠪᠠ ᠠ᠋?》 ᠭᠡᠵᠦ ᠰᠢᠯᠭᠠᠵᠤ᠂ ᠭᠡᠷ ᠣᠷᠣᠨ ᠤ᠋ ᠪᠠᠨ ᠬᠥᠮᠦᠰ ᠢ᠋ ᠰᠠᠨᠳᠤᠷᠭᠠᠪᠠ᠃ ᠪᠣᠰᠤᠩᠭᠤᠲᠠ ᠠᠵᠢᠯ ᠤ᠋ᠨ ᠭᠠᠵᠠᠷ ᠤᠷᠤᠭᠤ ᠪᠠᠨ ᠶᠠᠪᠤᠵᠤ᠂ ᠥᠩᠭᠡᠷᠡᠭᠰᠡᠨ ᠰᠥᠨᠢ ᠶ᠋ᠢᠨ ᠶᠠᠪᠤᠳᠠᠯ ᠢ᠋ ᠳᠠᠷᠤᠭᠠ ᠨᠠᠷ ᠲᠠᠭᠠᠨ ᠨᠢᠭᠡᠳ ᠨᠢᠭᠡ ᠦᠭᠡᠢ ᠮᠡᠳᠡᠭᠳᠡᠪᠡ᠃ ᠡᠳᠦᠷ ᠨᠢ ᠺᠣᠰᠲ᠋ᠢᠶᠣᠮ ᠳᠡᠭᠡᠷᠡ ᠪᠡᠨ ᠳᠡᠪᠡᠯ ᠡᠮᠦᠰᠦᠭᠡᠳ2 ᠬᠡᠦᠬᠡᠳ ᠢ᠋ᠶ᠋ᠡᠨ ᠳᠠᠭᠠᠭᠤᠯᠤᠨ ᠡᠬᠡᠨᠡᠷ ᠳᠡᠭᠡᠷᠡ ᠪᠡᠨ ᠣᠴᠢᠭᠠᠳ《ᠪᠢᠳᠡ ᠭᠤᠷᠪᠠ ᠶ᠋ᠢ ᠮᠠᠨ ᠤ᠋ ᠣᠷᠴᠢᠨ ᠤ᠋ ᠳ ᠠᠯᠠᠬᠤ ᠭᠡᠵᠦ ᠪᠠᠢᠨᠠ》 ᠭᠡᠵᠡᠢ᠃ ᠲᠡᠷᠡ ᠡᠳᠦᠷ ᠲᠡᠭᠦᠨ ᠢ᠋ ᠬᠠᠮᠢᠭᠠᠰᠢ ᠯᠠ ᠶᠠᠪᠤᠨᠠ ᠨᠢᠭᠡ ᠡᠮᠡᠭᠲᠡᠢ᠂ ᠬᠣᠶᠠᠷ ᠡᠷᠡᠭᠲᠡᠢ ᠬᠥᠮᠦᠨ ᠳᠠᠭᠠᠭᠠᠳ ᠪᠠᠢᠭᠠ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠨ᠂ ᠳᠠᠭᠤ ᠨᠢ ᠰᠣᠨᠣᠰᠤᠭᠳᠠᠨ《ᠨᠥᠭᠦᠭᠡ ᠨᠥᠬᠥᠷ ᠴᠢᠨᠢ ᠡᠨᠳᠡ ᠵᠣᠭᠰᠣᠵᠤ ᠪᠠᠢᠨᠠ᠃ ᠤᠰᠤᠨ ᠳ᠋ᠤ᠌ ᠣᠷᠣᠵᠤ ᠪᠠᠢᠨᠠ》 ᠭᠡᠬᠦᠴᠢᠯᠡᠨ ᠢ᠋ᠶ᠋ᠡᠷ ᠬᠢᠭᠰᠡᠨ ᠪᠦᠭᠦᠳᠡ ᠶ᠋ᠢ ᠨᠢ ᠲᠠᠢᠯᠪᠤᠷᠢᠯᠠᠨ ᠶᠠᠷᠢᠭᠠᠳ ᠪᠠᠢᠵᠠᠢ᠃ ᠮᠥᠨ ᠲᠡᠭᠦᠨᠴᠢᠯᠡᠨ ᠬᠣᠶᠠᠷ ᠬᠥᠮᠦᠨ ᠳᠠᠭᠠᠭᠠᠳ《ᠫᠤᠤᠳᠠᠨᠠ᠂ ᠡᠰᠡᠪᠡᠯ ᠫᠤᠤᠵᠢᠩ ᠬᠠᠶᠠᠨᠠ᠃ ᠡᠨᠡ ᠨᠥᠬᠥᠷ ᠳᠡᠭᠡᠷᠡ ᠲᠤᠷᠰᠢᠯᠭᠠ ᠬᠢᠨᠡ᠃ ᠬᠣᠶᠠᠷ ᠶᠠᠩᠵᠤ ᠪᠠᠷ ᠬᠢᠮᠡᠯ ᠢ᠋ᠶ᠋ᠡᠷ ᠪᠡᠶᠡ ᠵᠠᠰᠠᠭᠤᠯᠤᠨᠠ》ᠭᠡᠵᠦ ᠶᠠᠷᠢᠭᠠᠳ ᠪᠠᠢᠬᠤ ᠨᠢ ᠰᠣᠨᠣᠰᠤᠭᠳᠠᠵᠠᠢ᠃ ᠢᠩᠭᠢᠵᠦ ᠠᠷᠢᠬᠢᠳᠠᠨ ᠰᠣᠭᠲᠣᠭᠤᠷᠠᠬᠤ ᠶᠠᠪᠤᠳᠠᠯ ᠨᠢ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ ᠢ᠋ ᠬᠣᠣᠷᠳᠠᠭᠤᠯᠵᠤ ᠲᠠᠬᠢᠷ ᠳᠤᠲᠠᠭᠤ᠂ ᠵᠠᠬᠠ ᠶ᠋ᠢᠨ ᠪᠠ ᠲᠥᠪ ᠮᠡᠳᠡᠷᠡᠯ ᠦ᠋ᠨ ᠰᠢᠰᠲ᠋ᠧᠮ ᠢ᠋ ᠬᠣᠣᠷᠳᠠᠭᠤᠯᠵᠤ ᠥᠷᠥᠭᠡᠯ ᠲᠠᠲᠠᠩᠬᠠᠢ᠂ ᠬᠦᠷᠢᠶᠡᠯᠡᠨ ᠪᠠᠢᠭᠠ ᠶᠠᠭᠤᠮᠠᠰ ᠦᠵᠡᠭᠳᠡᠯ ᠢ᠋ ᠲᠠᠨᠢᠨ ᠮᠡᠳᠡᠬᠦ ᠴᠢᠳᠠᠪᠤᠷᠢ ᠶ᠋ᠢ ᠠᠯᠳᠠᠭᠳᠠᠭᠤᠯᠵᠤ ᠭᠠᠵᠢᠭᠤ ᠲᠤᠰᠬᠠᠯ᠂ ᠬᠡᠢ ᠦᠵᠡᠭᠳᠡᠯ᠂ ᠳᠡᠮᠡᠢᠷᠡᠯ᠂ ᠡᠯᠪᠡᠭ ᠪᠠᠶᠠᠨ ᠣᠶᠤᠨ ᠤᠬᠠᠭᠠᠨ ᠢ᠋ ᠬᠣᠣᠷᠳᠠᠭᠤᠯᠵᠤ ᠲᠡᠨᠡᠭ᠂ ᠳᠤᠷᠠ ᠵᠣᠷᠢᠭ ᠢ᠋ ᠥᠭᠡᠷᠡᠴᠢᠯᠡᠵᠦ ᠠᠷᠢᠬᠢᠨ ᠤ᠋ ᠲᠤᠩ᠂ ᠰᠡᠳᠬᠢᠴᠡ ᠤᠬᠠᠮᠰᠠᠷ ᠢ᠋ ᠬᠤᠪᠢᠷᠠᠭᠤᠯᠵᠤ ᠰᠣᠯᠢᠶᠠ᠂ ᠦᠷᠡ ᠤᠳᠤᠮ ᠢ᠋ ᠬᠥᠨᠥᠭᠡᠵᠦ ᠤᠬᠠᠭᠠᠨ ᠬᠣᠮᠰᠠᠳᠠᠯ᠂ ᠡᠮᠭᠡᠭ ᠲᠥᠷᠬᠦ᠂ ᠤᠨᠠᠳᠠᠭ ᠡᠪᠡᠳᠴᠢᠨ ᠲᠡᠢ ᠪᠣᠯᠭᠠᠳᠠᠭ ᠪᠢᠣᠯᠣᠭᠢ ᠶ᠋ᠢᠨ ᠬᠣᠣᠷᠲᠤ ᠦᠵᠡᠭᠳᠡᠯ ᠶᠦᠮ᠃ ᠠᠷᠢᠬᠢᠨ ᠤ᠋ ᠬᠣᠣᠷ ᠬᠣᠯᠪᠣᠭᠳᠠᠯ ᠤ᠋ᠨ ᠲᠤᠬᠠᠢ ᠡᠨᠳᠡ ᠲᠡᠨᠳᠡ ᠯᠧᠺᠼᠢ ᠶᠠᠷᠢᠶᠠ ᠬᠢᠬᠦ ᠳ᠋ᠦ᠍《ᠠᠷᠢᠬᠢ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠡᠭᠦᠰᠬᠡᠳᠡᠭ ᠭᠡᠳᠡᠭ᠃ ᠲᠡᠢᠮᠦ ᠠᠢᠬᠤᠪᠲᠤᠷ ᠬᠣᠣᠷᠲᠠᠢ ᠯᠠ ᠶᠤᠮ ᠪᠣᠯ ᠮᠢᠨᠦ ᠨᠢᠭᠡ ᠨᠠᠢᠵᠠ ᠠᠷᠢᠬᠢ ᠶ᠋ᠢ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠤᠤᠭᠤᠵᠤ ᠪᠠᠢᠨᠠ᠃ ᠲᠡᠭᠡᠯᠡ ᠭᠡᠳ ᠮᠠᠭᠤᠳᠠᠭᠰᠠᠨ ᠶᠠᠭᠤᠮᠠ ᠶᠡᠷᠦ ᠠᠯᠠᠭᠠ᠂ ᠡᠳᠦᠷ ᠪᠣᠯᠭᠠᠨ ᠡᠩᠭᠡᠷ ᠵᠥᠷᠢᠭᠦᠯᠵᠦ ᠴᠢᠳᠠᠵᠤ ᠪᠠᠢᠨᠠ᠃ ᠤᠤᠭᠤᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠣᠯᠳᠠᠭ ᠪᠣᠯ ᠲᠡᠷᠡ ᠯᠠ ᠶᠣᠰᠣᠲᠠᠢ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠣᠷᠣᠬᠤ ᠶᠤᠮ ᠪᠢᠰᠢ ᠤᠤ?》 ᠭᠡᠵᠦ ᠮᠤᠰᠬᠢᠬᠤ ᠨᠢ ᠴᠥᠭᠡᠨ ᠦᠭᠡᠢ ᠪᠠᠢᠳᠠᠭ᠃ ᠡᠢᠮᠦ ᠪᠠᠢᠵᠤ ᠪᠣᠯᠤᠨᠠ ᠠ᠋᠂ ᠲᠡᠭᠦᠨ ᠢ᠋ ᠪᠢ ᠦᠭᠡᠢᠰᠬᠡᠬᠦ ᠦᠭᠡᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠬᠡᠴᠢᠨᠡᠨ ᠴᠦ᠍ ᠤᠤᠭᠤᠭᠰᠠᠨ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠨᠢ ᠬᠠᠷᠢᠳᠠᠭ ᠦᠭᠡᠢ ᠲᠡᠢᠮᠦ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠠᠢᠲᠠᠢ ᠡᠷᠡᠴᠦᠳ ᠪᠠᠢᠳᠠᠭ᠃ ᠭᠡᠪᠡᠴᠦ ᠡᠢᠮᠦ ᠬᠥᠮᠦᠨ ᠲᠤᠩ ᠴᠥᠭᠡᠬᠡᠨ ᠪᠠᠢᠳᠠᠭ ᠤᠴᠢᠷ ᠠ᠋ᠴᠠ ᠠᠷᠢᠬᠢᠳᠠᠨ ᠰᠣᠭᠲᠣᠭᠤᠷᠠᠬᠤ ᠨᠢ ᠶᠡᠬᠡᠪᠴᠢᠯᠡᠨ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠳ᠋ᠤ᠌ ᠣᠷᠣᠭᠤᠯᠳᠠᠭ᠃ ᠪᠡᠯᠭᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠣᠯ ᠵᠢᠮᠡ ᠶᠣᠰᠣᠭᠠᠷ ᠢ᠋ᠶ᠋ᠠᠨ ᠪᠣᠯ ᠨᠠᠰᠤᠨ ᠥᠨᠳᠥᠷ ᠭᠠᠷᠲᠠᠯᠠ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠳᠠᠭ᠃ ᠭᠡᠲᠡᠯᠡ ᠠᠷᠢᠬᠢ ᠬᠥᠮᠦᠨ ᠦ᠌ ᠨᠠᠰᠤ ᠶ᠋ᠢ ᠬᠤᠯᠠᠭᠠᠢᠯᠠᠵᠤ ᠠᠷᠢᠬᠢᠴᠢᠳ ᠤ᠋ᠨ ᠳᠣᠲᠣᠷᠠ60 ᠳᠡᠭᠡᠭᠰᠢ ᠨᠠᠰᠤᠯᠠᠭᠰᠠᠨ ᠬᠥᠮᠦᠨ ᠪᠠᠷᠤᠭ ᠪᠠᠢᠳᠠᠭ ᠦᠭᠡᠢ᠃ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠠᠷᠢᠬᠢᠴᠢᠳ ᠤ᠋ᠨ ᠳᠤᠮᠳᠠ ᠠᠷᠢᠬᠢᠨ ᠤ᠋ ᠡᠰᠡᠷᠭᠦ ᠡᠮᠴᠢᠯᠡᠭᠡ ᠬᠢᠯᠭᠡᠭᠰᠡᠨ ᠦ᠌ ᠳᠠᠷᠠᠭᠠ᠂ ᠲᠤᠬᠠᠢᠯᠠᠪᠠᠯ ᠲᠸᠲ᠋ᠤᠷᠠᠮ ᠢ᠋ ᠤᠤᠭᠤᠬᠤ ᠪᠠᠷ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠳ᠋ᠤ᠌ ᠣᠷᠣᠳᠠᠭ ᠭᠡᠰᠡᠨ ᠶᠠᠷᠢᠶᠠ ᠠᠮᠠ ᠳᠠᠮᠵᠢᠨ ᠳᠡᠯᠭᠡᠷᠡᠵᠦ᠂ ᠡᠭᠦᠪᠡᠷ ᠰᠢᠯᠲᠠᠭᠠᠯᠠᠨ ᠡᠮᠴᠢᠯᠡᠭᠡ ᠬᠢᠬᠦ ᠡᠴᠡ ᠳᠤᠷᠠ ᠦᠭᠡᠢᠴᠡᠬᠦ ᠨᠢ ᠦᠵᠡᠭᠳᠡᠬᠦ ᠪᠣᠯᠤᠯᠠ᠃ ᠡᠢᠮᠦ ᠬᠤᠳᠠᠯ ᠶᠠᠷᠢᠶᠠᠨ ᠳ᠋ᠤ᠌ ᠢᠲᠡᠭᠡᠵᠦ᠂ ᠠᠷᠢᠬᠢ ᠪᠠᠷ ᠠᠷᠢᠭᠤᠨ ᠪᠡᠶᠡ ᠴᠣᠭᠴᠠᠰ ᠢ᠋ᠶ᠋ᠠᠨ ᠬᠣᠣᠷᠳᠠᠭᠤᠯᠬᠤ ᠶ᠋ᠢᠨ ᠬᠡᠷᠡᠭ ᠦᠭᠡᠢ᠃ ᠡᠮᠴᠢᠯᠡᠭᠡ ᠬᠢᠯᠭᠡᠵᠦ᠂ ᠡᠮ ᠳᠠᠩ ᠤᠤᠭᠤᠭᠰᠠᠨ ᠠ᠋ᠴᠠ ᠠ᠋ᠴᠠ ᠪᠣᠯᠵᠤ ᠪᠠᠢᠭᠠ ᠶᠤᠮ ᠪᠢᠰᠢ᠂ ᠬᠠᠷᠢᠨ ᠡᠮᠨᠡᠯᠭᠡ ᠳ᠋ᠦ᠍ ᠣᠯᠠᠨ ᠬᠣᠨᠣᠭ ᠡᠮᠴᠢᠯᠡᠭᠦᠯᠬᠦ ᠳ᠋ᠦ᠍《ᠰᠤᠭᠳᠠᠢᠭᠰᠠᠨ ᠠ᠋ᠴᠠ》 ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠬᠤᠷᠳᠤᠨ ᠠᠯᠳᠠᠬᠤ ᠨᠢ ᠪᠣᠢ᠃ ᠭᠡᠪᠡᠴᠦ ᠡᠭᠦᠨ ᠦ᠌ ᠤᠴᠢᠷ ᠢ᠋ ᠪᠤᠷᠤᠭᠤ ᠣᠢᠯᠠᠭᠠᠨ ᠡᠮᠴᠢᠯᠡᠭᠡ ᠬᠢᠯᠭᠡᠬᠦ ᠡᠴᠡ ᠤᠷᠢᠳᠠ ᠡᠢᠮᠦ ᠪᠠᠢᠭᠠ ᠦᠭᠡᠢ᠂ ᠡᠮ ᠤᠤᠭᠤᠭᠠᠳ ᠢᠩᠭᠢᠴᠢᠬᠡᠯᠡ ᠭᠡᠵᠦ ᠲᠠᠢᠯᠪᠤᠷᠢᠯᠠᠬᠤ ᠨᠢ ᠴᠥᠭᠡᠨ ᠦᠭᠡᠢ᠃ ᠨᠥᠭᠥᠭᠡᠲᠡᠭᠡᠭᠦᠷ᠂ ᠡᠮᠴᠢᠯᠡᠭᠡ ᠬᠢᠯᠭᠡᠭᠰᠡᠨ ᠦ᠌ ᠳᠠᠷᠠᠭᠠ ᠪᠡᠯᠭᠡ ᠶ᠋ᠢᠨ ᠬᠢᠮᠤᠷᠠᠯ ᠡᠭᠦᠰᠬᠦ ᠡᠰᠡᠬᠦ ᠨᠢ ᠬᠣᠣᠰ ᠤ᠋ᠳ ᠤ᠋ᠨ ᠡᠪ ᠳᠦᠨᠵᠡᠨ ᠡᠴᠡ ᠰᠢᠭᠤᠳ ᠬᠠᠮᠢᠶᠠᠷᠤᠨᠠ᠃ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠬᠣᠭᠣᠷᠣᠨᠳᠣ ᠪᠠᠨ ᠬᠡᠳᠦᠢ ᠴᠢᠨᠡᠭᠡ ᠡᠯᠢᠭᠡᠰᠡᠭ᠂ ᠳᠣᠲᠣᠨᠣ᠂ ᠡᠪ ᠳᠦᠨᠵᠡᠨ ᠰᠠᠢᠲᠠᠢ ᠪᠠᠢᠨᠠ᠂ ᠲᠡᠳᠦᠢ ᠴᠢᠨᠡᠭᠡ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠳ᠋ᠤ᠌ ᠣᠷᠣᠬᠤ ᠨᠢ ᠬᠣᠪᠣᠷ᠂ ᠡᠮᠴᠢᠯᠡᠭᠡ ᠰᠠᠢᠨ ᠠᠪᠳᠠᠭ᠂ ᠠᠷᠢᠬᠢ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠠ᠋ᠴᠠ ᠬᠡᠵᠢᠶᠡ ᠴᠦ᠍᠂ ᠬᠡᠨ ᠴᠦ᠍ ᠠᠪᠤᠷᠠᠵᠤ ᠪᠠᠢᠭᠠ ᠦᠭᠡᠢ᠃ ᠡᠢᠮᠦ ᠳ᠋ᠦ᠍ ᠠᠵᠠᠢ ᠪᠤᠭᠤᠷᠤᠯ ᠪᠣᠯᠤᠨ ᠪᠣᠯᠲᠠᠯᠠ ᠪᠠᠨ ᠬᠥᠮᠦᠨ ᠢ᠋ ᠶᠣᠰᠣᠨ ᠤ᠋ ᠠᠮᠢᠳᠤᠷᠠᠯ ᠢ᠋ᠶ᠋ᠠᠷ ᠠᠮᠢᠳᠤᠷᠠᠵᠤ᠂ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠪᠠᠨ ᠬᠡᠪ ᠢ᠋ᠶ᠋ᠡᠷ ᠪᠠᠢᠯᠭᠠᠬᠤ ᠶ᠋ᠢ ᠬᠦᠰᠡᠪᠡᠯ ᠠᠷᠢᠬᠢ᠂ ᠲᠠᠮᠠᠬᠢ ᠶ᠋ᠢ ᠳᠠᠪᠴᠢ! ᠠᠷᠢᠬᠢ— ᠠᠮᠢᠳᠤᠷᠠᠯ ᠤ᠋ᠨ ᠵᠠᠨᠤᠯᠲᠤ ᠳᠠᠢᠰᠤᠨ ᠭᠡᠳᠡᠭ ᠢ᠋ ᠬᠡᠵᠢᠶᠡ ᠴᠦ᠍ ᠪᠦᠦ ᠮᠠᠷᠲᠠ᠃