ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ <ᠨᠢᠭᠡᠳᠦᠭᠡᠷ ᠪᠦᠯᠦᠭ>– ᠳᠣᠯᠣᠭᠠ ᠂ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠵᠦ ᠪᠣᠯᠤᠨᠠ Эр эмийн ёсон – Д᠂ Болдцэрэн <Нэгдүгээр бүлэг>– Долоо ᠂ Жирэмслэхээс сэргийлж болно
222ᠳᠣᠯᠣᠭᠠ᠂ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠵᠦ ᠪᠣᠯᠤᠨᠠ
ᠨᠥᠭᠥᠭᠡᠲᠡᠭᠡᠭᠦᠷ᠂ ᠡᠨᠡ ᠠᠷᠭᠠ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠴᠦ᠍ ᠪᠠᠰᠠ ᠡᠷᠡᠭᠲᠡᠢ ᠬᠥᠮᠦᠨ ᠡᠴᠡ ᠳᠤᠲᠠᠬᠤ ᠦᠭᠡᠢ ᠬᠣᠣᠷᠲᠠᠢ ᠨᠥᠯᠥᠭᠡᠯᠡᠨᠡ᠃ ᠡᠨᠡ ᠨᠢ ᠬᠡᠳᠦ ᠬᠡᠳᠦᠨ ᠤᠴᠢᠷ ᠰᠢᠯᠲᠠᠭᠠᠨ ᠲᠠᠢ᠃ ᠨᠢᠭᠡᠳᠦᠭᠡᠷ ᠲᠦ᠍᠂ ᠡᠮᠡᠭᠲᠡᠢ ᠬᠥᠮᠦᠨ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠡᠭᠡᠨ ᠡᠷᠡ ᠨᠥᠬᠥᠷ ᠲᠡᠭᠡᠨ ᠪᠡᠶᠡ᠂ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠦᠷᠢᠨ ᠵᠣᠷᠢᠭᠤᠯᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠲᠡᠭᠦᠨ ᠦ᠌ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠦᠲᠦᠷᠢᠶᠡ ᠳᠣᠲᠣᠷᠠ ᠠᠯᠳᠠᠴᠢᠬᠠᠬᠤ ᠠ᠋ᠴᠠ ᠤᠬᠠᠭᠠᠨ ᠦᠭᠡᠢ ᠠᠶᠤᠳᠠᠭ᠃ ᠡᠨᠡ ᠨᠢ ᠡᠮᠡᠭᠲᠡᠢ ᠶ᠋ᠢᠨ ᠪᠡᠶᠡ ᠲᠠᠯᠪᠢᠭᠤᠷᠠᠵᠤ᠂ ᠳᠤᠷᠠ ᠬᠠᠩᠬᠤ ᠪᠣᠯᠤᠯᠴᠠᠭᠠ ᠣᠯᠭᠣᠬᠤ ᠦᠭᠡᠢ᠃ ᠬᠣᠶᠠᠳᠤᠭᠠᠷ ᠲᠤ᠌᠂ ᠡᠨᠡ ᠠᠷᠭᠠ ᠶ᠋ᠢ ᠲᠣᠭᠲᠠᠮᠠᠯ᠂ ᠲᠠᠩᠳᠠ ᠬᠡᠷᠡᠭᠯᠡᠪᠡᠯ ᠡᠮᠡᠭᠲᠡᠢ ᠶ᠋ᠢᠨ ᠪᠡᠯᠭᠡ ᠡᠷᠬᠡᠲᠡᠨ ᠴᠢᠰᠤ ᠵᠣᠭᠰᠣᠩᠭᠤᠢᠷᠠᠵᠤ᠂ ᠡᠭᠦᠨ ᠦ᠌ ᠤᠯᠠᠮ ᠠ᠋ᠴᠠ ᠦᠷᠪᠢᠰᠦᠯ ᠡᠭᠦᠰᠦᠨᠡ᠃ ᠢᠩᠭᠢᠵᠦ ᠪᠡᠯᠭᠡ ᠡᠷᠬᠡᠲᠡᠨ ᠳ᠋ᠦ᠍ ᠦᠷᠪᠢᠰᠦᠯ ᠡᠭᠦᠰᠬᠦ ᠨᠢ ᠡᠮᠡᠭᠲᠡᠢ ᠶ᠋ᠢᠨ ᠮᠡᠳᠡᠷᠡᠮᠵᠢ ᠶ᠋ᠢ ᠮᠣᠬᠣᠭᠠᠵᠤ᠂ ᠬᠤᠷᠢᠴᠠᠯ ᠢ᠋ ᠪᠡᠶᠡ ᠳ᠋ᠦ᠍ ᠡᠪ ᠦᠭᠡᠢ᠂ ᠬᠡᠴᠡᠭᠦᠦ᠂ ᠬᠥᠨᠳᠡᠭᠦᠷ ᠪᠣᠯᠭᠠᠬᠤ ᠨᠢ ᠪᠣᠢ᠃ ᠭᠤᠷᠪᠠᠳᠤᠭᠠᠷ ᠲᠤ᠌᠂ ᠡᠨᠡ ᠠᠷᠭᠠ ᠶ᠋ᠢ ᠲᠣᠭᠲᠠᠮᠠᠯ ᠬᠡᠷᠡᠭᠯᠡᠬᠦ ᠳ᠋ᠦ᠍ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠳ᠋ᠦ᠍ ᠠᠭᠤᠯᠤᠭᠳᠠᠳᠠᠭ ᠪᠢᠣᠯᠣᠭᠢ ᠶ᠋ᠢᠨ ᠢᠳᠡᠪᠬᠢᠲᠦ ᠣᠯᠠᠨ ᠪᠣᠳᠠᠰ ᠢ᠋ ᠠᠪᠴᠤ ᠴᠢᠳᠠᠬᠤ ᠦᠭᠡᠢ᠃ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠳ᠋ᠦ᠍ ᠠᠭᠤᠯᠤᠭᠳᠠᠳᠠᠭ ᠪᠡᠯᠭᠡ ᠶ᠋ᠢᠨ ᠳᠠᠭᠠᠭᠠᠪᠤᠷᠢ᠂ ᠠᠮᠢᠨᠬᠦᠴᠢᠯ ᠤᠭᠤᠷᠠᠭ ᠵᠡᠷᠭᠡ ᠨᠢ ᠡᠮᠡᠭᠲᠡᠢ ᠶ᠋ᠢᠨ ᠪᠣᠳᠠᠰ ᠤ᠋ᠨ ᠰᠣᠯᠢᠯᠴᠠᠭᠠ ᠶ᠋ᠢ ᠬᠡᠪ ᠦ᠋ᠨ ᠪᠣᠯᠭᠠᠳᠠᠭ ᠢ᠋ ᠡᠮᠦᠨᠡ ᠨᠢᠭᠡᠨᠲᠡ ᠥᠭᠦᠯᠡᠭᠰᠡᠨ ᠪᠢᠯᠡ᠃ ᠡᠢᠮᠦ ᠳ᠋ᠦ᠍ ᠳᠡᠭᠡᠷᠡᠬᠢ ᠠᠷᠭᠠ ᠶ᠋ᠢ ᠲᠤᠩ ᠠᠷᠭᠠ ᠪᠠᠨ ᠪᠠᠷᠠᠭᠰᠠᠨ ᠦᠶᠡ ᠳ᠋ᠦ᠍ ᠯᠡ ᠬᠠᠶᠠ ᠬᠡᠷᠡᠭᠯᠡᠬᠦ ᠡᠴᠡ ᠪᠢᠰᠢ᠂ ᠲᠠᠩᠳᠠ ᠬᠡᠷᠡᠭᠯᠡᠭᠡᠳ ᠪᠠᠢᠬᠤ ᠨᠢ ᠲᠤᠰᠠ ᠦᠭᠡᠢ᠃
ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠬᠦ ᠣᠯᠠᠨ ᠠᠷᠭᠠ ᠪᠠᠢᠳᠠᠭ ᠪᠥᠭᠡᠳ ᠲᠡᠳᠡᠭᠡᠷ ᠦ᠋ᠨ ᠨᠢᠭᠡ ᠨᠢ17 ᠵᠠᠭᠤᠨ ᠤ᠋ ᠠᠩᠭ᠌ᠯᠢ ᠶ᠋ᠢᠨ ᠡᠮᠴᠢ ᠺᠣᠨᠲᠣᠮ ᠤ᠋ᠨ ᠰᠠᠨᠠᠭᠠᠴᠢᠯᠠᠨ ᠬᠢᠭᠰᠡᠨ《ᠪᠡᠯᠬᠡᠪᠴᠢ》 ᠬᠡᠷᠡᠭᠯᠡᠬᠦ ᠶᠠᠪᠤᠳᠠᠯ ᠶᠤᠮ᠃ ᠡᠨᠡ ᠨᠢ ᠨᠢᠭᠡ ᠶᠣᠰᠣᠨ ᠳ᠋ᠠᠭᠠᠨ ᠬᠤᠴᠠ᠂ ᠤᠬᠤᠨᠠ ᠳ᠋ᠤ᠌ ᠵᠡᠭᠦᠳᠡᠭ《ᠬᠥᠭ》 ᠲᠡᠢ ᠠᠳᠠᠯᠢᠬᠠᠨ ᠡᠭᠦᠷᠭᠡ ᠭᠦᠢᠴᠡᠳᠬᠡᠨᠡ᠃ ᠠᠯᠢᠪᠠ ᠵᠦᠢᠯ ᠳ᠋ᠦ᠍ ᠪᠠᠢᠳᠠᠭ ᠤ᠋ᠨ ᠠᠳᠠᠯᠢ ᠪᠡᠯᠬᠡᠪᠴᠢ ᠨᠢ ᠰᠠᠢᠨ ᠴᠦ᠍ ᠲᠠᠯᠠ ᠲᠠᠢ᠂ ᠰᠠᠭᠠᠷᠠᠤ ᠴᠦ᠍ ᠲᠠᠯᠠ ᠲᠠᠢ᠃ ᠰᠠᠢᠨ ᠲᠠᠯᠠ ᠨᠢ ᠵᠢᠷᠮᠦᠰᠦᠨ ᠪᠣᠯᠬᠤ ᠦᠭᠡᠢ ᠡᠴᠡ ᠲᠡᠳᠦᠢ ᠦᠭᠡᠢ ᠥᠩᠭᠡ ᠶ᠋ᠢᠨ ᠡᠪᠡᠳᠴᠢᠨ ᠠᠪᠬᠤ ᠠ᠋ᠴᠠ ᠰᠡᠷᠭᠡᠢᠯᠡᠬᠦ ᠳ᠋ᠦ᠍ ᠣᠷᠣᠰᠢᠨᠠ᠃ ᠲᠡᠭᠦᠨᠴᠢᠯᠡᠨ20 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠠᠶᠤᠮᠰᠢᠭᠲᠤ ᠲᠠᠬᠤᠯ ᠪᠣᠯᠤᠭᠰᠠᠨ ᠠᠢᠽᠢ ᠡᠪᠡᠳᠴᠢᠨ ᠡᠴᠡ ᠰᠡᠷᠭᠡᠢᠯᠡᠬᠦ ᠬᠠᠮᠤᠭ ᠤ᠋ᠨ ᠨᠠᠢᠳᠠᠪᠤᠷᠢᠲᠠᠢ ᠠᠷᠭᠠ ᠨᠢ ᠪᠡᠯᠬᠡᠪᠴᠢ ᠶᠠᠪᠤᠳᠠᠯ ᠪᠣᠯᠤᠭᠠᠳ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠪᠠᠷᠠᠭᠤᠨ ᠤ᠋ ᠥᠨᠳᠥᠷ ᠬᠥᠭᠵᠢᠯᠲᠡ ᠲᠡᠢ ᠣᠷᠣᠨ ᠨᠤᠭᠤᠳ ᠲᠤ᠌ ᠪᠡᠯᠬᠡᠪᠴᠢ ᠬᠠᠮᠢᠭᠠ ᠰᠠᠶᠢ ᠦᠭᠡᠢ ᠡᠯᠪᠡᠭ ᠳᠡᠯᠪᠡᠭ ᠪᠠᠢᠨᠠ᠃ ᠮᠠᠨ ᠤ᠋ ᠳ᠋ᠤ᠌ ᠡᠨᠡ ᠣᠨ ᠠ᠋ᠴᠠ ᠡᠮᠨᠡᠯᠭᠡ ᠰᠠᠩ ᠤ᠋ᠳ ᠲᠤ᠌ ᠪᠡᠯᠬᠡᠪᠴᠢ ᠨᠡᠯᠢᠶᠡᠳ ᠡᠯᠪᠡᠭᠰᠢᠭᠰᠡᠨ ᠨᠢ ᠰᠠᠢᠨ ᠬᠡᠷᠡᠭ᠃ ᠮᠠᠭᠤ ᠲᠠᠯᠠ ᠨᠢ ᠲᠡᠭᠦᠨ ᠢ᠋ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠬᠠᠳᠠᠭᠠᠯᠠᠵᠤ᠂ ᠤᠶᠠᠨ ᠬᠠᠳᠠᠨ ᠴᠢᠨᠠᠷ ᠢ᠋ᠶ᠋ᠠᠨ ᠠᠯᠳᠠᠭᠰᠠᠨ ᠨᠥᠬᠥᠴᠡᠯ ᠳ᠋ᠦ᠍ ᠤᠷᠠᠭᠳᠠᠵᠤ ᠪᠣᠯᠵᠣᠰᠢ ᠦᠭᠡᠢ ᠡᠴᠡ ᠭᠠᠳᠠᠨᠠ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠦᠲᠦᠷᠢᠶᠡ ᠶ᠋ᠢᠨ ᠭᠠᠳᠠᠭᠤᠷ ᠭᠠᠷᠭᠠᠬᠤ ᠶ᠋ᠢᠨ ᠨᠢᠭᠡᠨ ᠠᠳᠠᠯᠢ ᠡᠷᠡᠭᠲᠡᠢ ᠶ᠋ᠢᠨ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠳ᠋ᠦ᠍ ᠪᠠᠢᠳᠠᠭ ᠪᠢᠣᠯᠣᠭᠢ ᠶ᠋ᠢᠨ ᠢᠳᠡᠪᠬᠢᠲᠦ ᠪᠣᠳᠠᠰ ᠦᠲᠦᠷᠢᠶᠡ ᠳ᠋ᠦ᠍ ᠣᠷᠣᠬᠤ ᠦᠭᠡᠢ᠃ ᠮᠥᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠡᠷᠬᠡᠲᠡᠨ ᠰᠢᠭᠤᠳ ᠬᠦᠷᠦᠯᠴᠡᠬᠦ ᠦᠭᠡᠢ᠂ ᠨᠢᠭᠡ ᠶᠣᠰᠣᠨ ᠳ᠋ᠠᠭᠠᠨ 《ᠵᠢᠷᠡᠭ》 ᠢ᠋ᠶ᠋ᠡᠷ ᠲᠤᠰᠠᠭᠠᠷᠯᠠᠭᠳᠠᠵᠤ ᠪᠠᠢᠭᠠ ᠤᠴᠢᠷ ᠠ᠋ᠴᠠ ᠪᠡᠯᠭᠡ ᠶ᠋ᠢᠨ ᠮᠡᠳᠡᠷᠡᠮᠵᠢ ᠶ᠋ᠢ ᠪᠠᠭᠤᠷᠠᠭᠤᠯᠬᠤ ᠮᠠᠭᠤ ᠲᠠᠯᠠ ᠲᠠᠢ᠃ ᠪᠡᠯᠬᠡᠪᠴᠢ ᠶ᠋ᠢ ᠬᠡᠷᠡᠭᠯᠡᠬᠦ ᠶ᠋ᠢᠨ ᠡᠮᠦᠨᠡ ᠪᠦᠲᠦᠨ ᠡᠰᠡᠬᠦ ᠶ᠋ᠢ ᠵᠠᠪᠠᠯ ᠰᠢᠯᠭᠠᠨᠠ᠃ ᠬᠣᠶᠠᠷ ᠵᠢᠯ ᠠ᠋ᠴᠠ ᠳᠡᠭᠡᠭᠰᠢ ᠬᠠᠳᠠᠭᠠᠯᠠᠭᠰᠠᠨ ᠪᠡᠯᠬᠡᠪᠴᠢ ᠶ᠋ᠢ ᠬᠡᠷᠡᠭᠯᠡᠬᠦ ᠦᠭᠡᠢ᠃ ᠪᠡᠯᠬᠡᠪᠴᠢ ᠶ᠋ᠢ ᠤᠭᠯᠠᠬᠤ ᠳ᠋ᠠᠭᠠᠨ ᠤᠷᠢᠳᠤ ᠨᠢ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠭᠣᠭᠣᠵᠢᠬᠤ ᠵᠢᠭᠠᠬᠠᠨ ᠵᠠᠢ ᠦᠯᠡᠳᠡᠭᠡᠬᠦ ᠶ᠋ᠢ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ᠃ ᠭᠡᠬᠦ ᠳ᠋ᠦ᠍ ᠶᠡᠬᠡᠩᠬᠢ ᠪᠡᠯᠬᠡᠪᠴᠢ ᠤᠷᠢᠳᠤ ᠨᠢ ᠡᠢᠮᠦ ᠬᠣᠰᠢᠭᠤᠪᠴᠢ ᠲᠠᠢ ᠪᠠᠢᠳᠠᠭ᠃ ᠪᠡᠯᠬᠡᠪᠴᠢ ᠤᠭᠯᠠᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠭᠦᠨ ᠦ᠌ ᠤᠶᠠᠨ ᠬᠠᠳᠠᠨ ᠴᠢᠨᠠᠷ ᠢ᠋ ᠰᠠᠢᠵᠢᠷᠠᠭᠤᠯᠬᠤ᠂ ᠦᠲᠦᠷᠢᠶᠡ ᠳ᠋ᠦ᠍ ᠣᠷᠣᠭᠤᠯᠬᠤ ᠳ᠋ᠤ᠌ ᠵᠥᠭᠡᠯᠡᠨ ᠪᠠᠢᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ᠂ ᠪᠠᠰᠠ ᠤᠷᠠᠭᠳᠠᠬᠤ ᠠ᠋ᠴᠠ ᠰᠡᠷᠭᠡᠢᠯᠡᠬᠦ ᠶ᠋ᠢᠨ ᠲᠤᠯᠠᠳᠠ ᠵᠠᠪᠠᠯ ᠲᠣᠰᠣ ᠪᠠᠷ ᠳᠤᠰᠤᠯᠠᠬᠤ ᠬᠡᠷᠡᠭᠲᠡᠢ᠃ ᠬᠤᠷᠢᠴᠠᠯ ᠦᠢᠯᠡᠳᠦᠭᠰᠡᠨ ᠦ᠌ ᠳᠠᠷᠠᠭᠠ ᠪᠡᠯᠬᠡᠪᠴᠢ ᠤᠷᠠᠭᠳᠠᠭᠰᠠᠨ ᠡᠰᠡᠬᠦ ᠶ᠋ᠢ ᠪᠠᠰᠠ ᠰᠢᠯᠭᠠᠨᠠ᠃ ᠬᠡᠷᠪᠡ ᠤᠷᠠᠭᠳᠠᠭᠰᠠᠨ ᠪᠣᠯ ᠡᠮᠡᠭᠲᠡᠢ ᠬᠥᠮᠦᠨ ᠱᠠᠯᠠᠪᠬᠠᠨ ᠪᠣᠰᠴᠤ ᠤᠬᠢᠶᠠᠯᠭᠠ ᠬᠢᠬᠦ ᠬᠡᠷᠡᠭᠲᠡᠢ᠃ ᠪᠡᠯᠬᠡᠪᠴᠢ ᠨᠢ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠮᠠᠭᠤ ᠲᠠᠯᠠ ᠲᠠᠢ ᠴᠦ᠍ ᠶᠡᠬᠡᠩᠬᠢ ᠲᠣᠬᠢᠶᠠᠯᠳᠤᠯ ᠳ᠋ᠤ᠌ ᠵᠢᠷᠮᠦᠰᠦᠯᠡᠬᠦ ᠶ᠋ᠢ ᠰᠡᠷᠭᠡᠢᠯᠡᠬᠦ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠲᠣᠬᠢᠷᠠᠮᠵᠢᠲᠠᠢ ᠪᠠᠢᠳᠠᠭ᠃
ᠵᠢᠱ᠌ᠢᠶᠡ ᠨᠢ᠄ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠬᠣᠯᠠ ᠶᠠᠪᠤᠬᠤ ᠶ᠋ᠢᠨ ᠡᠮᠦᠨᠡ᠂ ᠤᠬᠢᠶᠠᠯᠭᠠ ᠬᠢᠵᠦ ᠪᠠᠢᠬᠤ ᠵᠠᠪ ᠵᠠᠢ ᠪᠠᠢᠬᠤ ᠦᠭᠡᠢ ᠦᠶᠡ ᠳ᠋ᠦ᠍᠂ ᠥᠭᠡᠷᠡ ᠠᠷᠭᠠ ᠬᠡᠷᠡᠭᠯᠡᠬᠦ ᠪᠣᠯᠤᠯᠴᠠᠭᠠ ᠨᠥᠬᠥᠴᠡᠯ ᠪᠠᠢᠬᠤ ᠦᠭᠡᠢ ᠠᠮᠠᠷᠠᠯᠲᠠ ᠶ᠋ᠢᠨ ᠪᠣᠯᠤᠨ ᠪᠤᠰᠤᠳ ᠨᠥᠬᠥᠴᠡᠯ ᠲᠣᠬᠢᠶᠠᠯᠳᠤᠯ ᠢ᠋ᠶ᠋ᠠᠷ ᠬᠥᠮᠦᠨ ᠲᠡᠢ ᠣᠢᠷᠠᠳᠬᠤ ᠦᠶᠡ ᠳ᠋ᠦ᠍ ᠡᠯᠳᠡᠪ ᠦ᠋ᠨ ᠡᠪᠡᠳᠴᠢᠨ ᠠᠪᠬᠤ ᠠ᠋ᠴᠠ ᠰᠡᠷᠭᠡᠢᠯᠡᠬᠦ ᠶ᠋ᠢᠨ ᠲᠤᠯᠠᠳᠠ ᠪᠡᠯᠬᠡᠪᠴᠢ ᠬᠡᠷᠡᠭᠯᠡᠬᠦ ᠡᠴᠡ ᠥᠭᠡᠷᠡ ᠠᠷᠭᠠ ᠦᠭᠡᠢ᠃ ᠮᠥᠨ ᠲᠡᠭᠦᠨᠴᠢᠯᠡᠨ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠬᠤᠷᠳᠤᠨ ᠲᠦᠷᠭᠡᠨ ᠠᠯᠳᠠᠴᠢᠬᠠᠳᠠᠭ ᠡᠷᠡᠭᠲᠡᠢᠴᠦᠳ ᠪᠠᠰᠠ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃ ᠡᠭᠦᠨ ᠦ᠌ ᠤᠴᠢᠷ ᠪᠣᠯ ᠪᠡᠯᠬᠡᠪᠴᠢ ᠡᠷᠡ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠮᠡᠳᠡᠷᠡᠮᠡᠲᠡᠭᠡᠢ ᠴᠢᠨᠠᠷ ᠢ᠋ ᠪᠠᠭᠤᠷᠠᠭᠤᠯᠵᠤ᠂ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠢ᠋ ᠤᠳᠠᠭᠠᠰᠢᠷᠠᠭᠤᠯᠳᠠᠭ᠃
ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠬᠦ ᠪᠡᠶᠡ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠬᠣᠣᠷ ᠦᠭᠡᠢ᠂ ᠨᠠᠢᠳᠠᠪᠤᠷᠢᠲᠠᠢ ᠠᠷᠭᠠ ᠪᠣᠯ ᠹᠢᠽᠢᠣᠯᠣᠭᠢ ᠶ᠋ᠢᠨ ᠠᠷᠭᠠ ᠪᠣᠯᠠᠢ᠃ ᠡᠨᠡ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠦ᠋ᠨ ᠮᠥᠴᠡᠯᠭᠡ ᠪᠡᠨ ᠰᠠᠢᠲᠤᠷ ᠰᠤᠳᠤᠯᠬᠤ ᠵᠠᠮ ᠢ᠋ᠶ᠋ᠠᠷ ᠥᠨᠳᠡᠭᠡᠪᠴᠢ ᠡᠴᠡ ᠥᠨᠳᠡᠭᠡᠨ ᠡᠰ ᠪᠣᠯᠪᠠᠰᠤᠷᠠᠨ ᠭᠠᠷᠬᠤ ᠡᠳᠦᠷ ᠢ᠋ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠬᠡᠦᠬᠡᠳ ᠣᠯᠵᠤ ᠪᠣᠯᠵᠣᠰᠢ ᠦᠭᠡᠢ ᠡᠳᠦᠷ ᠢ᠋ᠶ᠋ᠡᠨ ᠣᠯᠵᠤ ᠲᠣᠭᠲᠠᠭᠠᠬᠤ ᠳ᠋ᠤ᠌ ᠦᠨᠳᠦᠰᠦᠯᠡᠳᠡᠭ ᠠᠷᠭᠠ ᠶᠤᠮ᠃ ᠥᠨᠳᠡᠭᠡᠨ ᠡᠰ ᠦᠭᠡᠢ ᠪᠡᠷ ᠦᠷᠡ ᠲᠣᠭᠲᠠᠬᠤ ᠦᠭᠡᠢ ᠡᠴᠡ ᠬᠣᠢᠰᠢ ᠲᠡᠭᠦᠨ ᠦ᠌ ᠪᠣᠯᠪᠠᠰᠤᠷᠠᠨ ᠭᠠᠳᠠᠭᠰᠢᠯᠠᠬᠤ ᠡᠳᠦᠷ ᠢ᠋ ᠵᠥᠪ ᠲᠣᠭᠲᠠᠭᠠᠵᠤ ᠴᠢᠳᠠᠪᠠᠯ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠬᠦ ᠳ᠋ᠦ᠍ ᠶᠠᠳᠠᠵᠤ ᠴᠥᠬᠥᠬᠦ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠪᠣᠯᠤᠨᠠ᠃ ᠡᠨᠳᠡ ᠡᠴᠡ ᠡᠭᠦᠳᠦᠭᠡᠳ ᠥᠨᠳᠡᠭᠡᠨ ᠡᠰ ᠪᠣᠯᠪᠠᠰᠤᠷᠠᠨ ᠭᠠᠳᠠᠭᠰᠢᠯᠠᠬᠤ ᠦᠶᠡ ᠶ᠋ᠢ ᠬᠡᠷᠬᠢᠨ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠪᠣᠢ? ᠭᠡᠳᠡᠭ ᠠᠰᠠᠭᠤᠯᠲᠠ ᠵᠦᠢ ᠶᠣᠰᠣᠭᠠᠷ ᠭᠠᠷᠴᠤ ᠢᠷᠡᠨᠡ᠃
ᠥᠨᠳᠡᠭᠡᠨ ᠡᠰ ᠪᠣᠯᠪᠠᠰᠤᠷᠠᠵᠤ᠂ ᠭᠠᠳᠠᠭᠰᠢᠯᠠᠬᠤ ᠦᠶᠡ ᠨᠢ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠰᠢᠨᠵᠢ ᠲᠡᠮᠳᠡᠭ ᠢ᠋ᠶ᠋ᠡᠷ ᠢᠯᠡᠷᠡᠨᠡ ᠲᠡᠳᠡᠭᠡᠷ ᠢ᠋ ᠲᠠᠪᠤᠨ ᠪᠦᠯᠦᠭ ᠪᠣᠯᠭᠠᠨ ᠬᠤᠪᠢᠶᠠᠵᠤ ᠪᠣᠯᠤᠨᠠ᠃ ᠨᠢᠭᠡᠳᠦᠭᠡᠷ ᠪᠦᠯᠦᠭ ᠨᠢ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠲᠠᠯᠠ ᠠ᠋ᠴᠠ ᠢᠯᠡᠷᠡᠬᠦ ᠰᠢᠨᠵᠢ ᠲᠡᠮᠳᠡᠭ ᠶᠦᠮ᠃ ᠡᠭᠦᠨ ᠳ᠋ᠦ᠍᠄
1. ᠤᠮᠠᠢ ᠶ᠋ᠢᠨ ᠬᠦᠵᠦᠭᠦᠨ ᠦ᠌ ᠰᠠᠯᠢᠰᠤ ᠵᠤᠩᠭᠠᠷᠠᠯᠳᠤᠨ ᠰᠣᠩᠬᠤ ᠰᠢᠨᠵᠢ ᠲᠡᠮᠳᠡᠭ ᠣᠷᠣᠨᠠ᠃ ᠡᠨᠡ ᠰᠢᠨᠵᠢ ᠲᠡᠮᠳᠡᠭ ᠨᠢ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠠ᠋ᠴᠠ2-3 ᠡᠳᠦᠷ ᠦ᠋ᠨ ᠡᠮᠦᠨᠡ ᠤᠮᠠᠢ ᠶ᠋ᠢᠨ ᠬᠦᠵᠦᠭᠦᠨ ᠦ᠌ ᠪᠤᠯᠴᠢᠷᠬᠠᠢ ᠠ᠋ᠴᠠ ᠲᠦᠭᠦᠬᠡᠢ ᠥᠨᠳᠡᠭᠡᠨ ᠦ᠌ ᠤᠭᠤᠷᠠᠭ ᠰᠢᠭ᠋ ᠲᠤᠩᠭᠠᠯᠠᠭ ᠰᠢᠩᠭᠡᠨ ᠰᠠᠯᠢᠰᠤ ᠳᠣᠷᠣᠭᠰᠢ ᠪᠠᠨ ᠭᠠᠷᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠢᠯᠡᠷᠡᠨᠡ᠃ ᠡᠯᠡ ᠰᠢᠨᠵᠢ ᠲᠡᠮᠳᠡᠭ ᠢ᠋ ᠢᠯᠡᠷᠡᠭᠦᠯᠬᠦ ᠶ᠋ᠢᠨ ᠲᠤᠯᠠᠳᠠ ᠡᠮᠡᠭᠲᠡᠢ ᠬᠥᠮᠦᠨ ᠦᠲᠦᠷᠢᠶᠡ ᠶ᠋ᠢᠨ ᠠᠮᠠᠰᠠᠷ ᠢ᠋ᠶ᠋ᠠᠨ ᠠᠮᠠᠰᠠᠷ ᠤᠤᠭᠤᠳᠠᠭ ᠴᠠᠭᠠᠰᠤ ᠪᠠᠷ ᠰᠢᠩᠭᠡᠭᠡᠨ ᠠᠷᠴᠢᠵᠤ᠂ ᠳᠠᠷᠠᠭᠠ ᠪᠠᠷ ᠨᠢ ᠠᠷᠴᠢᠭᠳᠠᠭᠰᠠᠨ ᠱᠦᠭᠦᠷᠡᠯ ᠦ᠋ᠨ ᠢ᠋ᠶ᠋ᠡᠨ ᠬᠡᠯᠪᠡᠷᠢ ᠳᠦᠷᠰᠦ ᠶ᠋ᠢ ᠲᠣᠳᠣᠷᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠴᠠᠭᠠᠰᠤ ᠶ᠋ᠢ ᠰᠠᠢᠲᠤᠷ ᠨᠤᠭᠤᠯᠤᠨ ᠡᠪᠬᠡᠨᠡ᠃ ᠢᠩᠭᠢᠭᠡᠳ ᠴᠠᠭᠠᠰᠤ ᠶ᠋ᠢ ᠨᠤᠭᠤᠯᠤᠭᠰᠠᠨ ᠬᠠᠭᠤᠳᠠᠰᠤ ᠪᠠᠷ ᠨᠢ ᠬᠠᠮᠢᠭᠠᠰᠢ ᠴᠦ᠍ ᠳᠡᠯᠭᠡᠭᠰᠡᠨ ᠨᠠᠭᠠᠯᠳᠤᠩᠭᠢ ᠤᠶᠠᠨ ᠬᠠᠳᠠᠨ ᠰᠠᠯᠢᠰᠤ ᠤᠲᠠᠰᠤ ᠰᠢᠭ᠋ ᠰᠤᠨᠤᠨᠠ᠃ ᠡᠨᠡ ᠰᠢᠨᠵᠢ ᠲᠡᠮᠳᠡᠭ ᠡᠮᠡᠭᠲᠡᠢᠴᠦᠳ ᠦ᠋ᠨ90% ᠳ᠋ᠤ᠌ ᠢᠯᠡᠷᠡᠳᠡᠭ᠃
2. ᠬᠡᠪᠡᠯᠢ ᠶ᠋ᠢᠨ ᠳᠣᠣᠷᠠᠲᠤ ᠬᠡᠰᠡᠭ ᠢ᠋ᠶ᠋ᠡᠷ ᠪᠠᠷᠠᠭᠤᠨ ᠪᠤᠶᠤ ᠵᠡᠭᠦᠨ ᠠᠯᠢ ᠨᠢᠭᠡ ᠲᠠᠯᠠ ᠪᠠᠷ ᠬᠥᠨᠳᠡᠭᠦᠷ ᠣᠷᠬᠢᠬᠤ ᠰᠢᠨᠵᠢ᠃ ᠡᠨᠡ ᠡᠪᠡᠳᠦᠯᠲᠡ ᠨᠢ ᠬᠡᠪ ᠭᠡᠨᠡᠳᠲᠡ ᠡᠭᠦᠰᠴᠦ᠂ ᠬᠡᠳᠦᠨ ᠴᠠᠭ ᠪᠣᠯᠤᠭᠠᠳ ᠠᠩᠬᠠ ᠡᠪᠡᠳᠴᠦ᠂ ᠬᠥᠨᠳᠡᠭᠦᠷᠯᠡᠵᠦ ᠡᠬᠢᠯᠡᠭᠰᠡᠨ ᠰᠢᠭ ᠭᠡᠨᠡᠳᠲᠡ ᠠᠯᠠᠭᠠ ᠪᠣᠯᠤᠨᠠ᠃ ᠡᠪᠡᠳᠴᠢᠨ ᠣᠷᠣᠵᠤ ᠬᠥᠨᠳᠡᠭᠦᠷᠯᠡᠬᠦ ᠨᠢ ᠥᠨᠳᠡᠭᠡᠨ ᠡᠰ ᠦ᠋ᠨ ᠪᠣᠯᠪᠠᠰᠤᠷᠠᠭᠰᠠᠨ ᠴᠥᠪᠥᠷᠢᠭᠦᠦ ᠬᠠᠭᠠᠷᠠᠬᠤ ᠳ᠋ᠤ᠌ ᠲᠡᠭᠦᠨ ᠡᠴᠡ ᠪᠠᠭᠠ ᠬᠡᠮᠵᠢᠶᠡᠨ ᠦ᠌ ᠴᠢᠰᠤ ᠪᠠ ᠰᠢᠩᠭᠡᠨ ᠭᠠᠷᠤᠭᠰᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ᠃ ᠡᠨᠡ ᠰᠢᠨᠵᠢ ᠲᠡᠮᠳᠡᠭ ᠨᠢ ᠡᠮᠡᠭᠲᠡᠢᠴᠦᠳ ᠦ᠋ᠨ ᠪᠠᠷᠤᠭᠴᠠᠭᠠᠯᠠᠪᠠᠯ 37% ᠳ᠋ᠤ᠌ ᠠᠵᠢᠭᠯᠠᠭᠳᠠᠨᠠ᠃ ᠬᠡᠷᠪᠡ ᠪᠡᠶᠡ ᠪᠡᠨ ᠮᠠᠰᠢ ᠰᠠᠢᠨ ᠬᠢᠨᠠᠮᠠᠭᠠᠢ ᠴᠠᠭᠳᠠᠵᠤ ᠴᠢᠳᠠᠳᠠᠭ ᠪᠣᠯ ᠳᠡᠭᠡᠷᠡᠬᠢ ᠰᠢᠨᠵᠢ ᠲᠡᠮᠳᠡᠭ ᠦᠨᠡᠬᠡᠷ ᠴᠢᠬᠤᠯᠠ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠡᠨᠡ ᠰᠢᠨᠵᠢ ᠲᠡᠮᠳᠡᠭ ᠨᠢ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠦᠶᠡ ᠲᠡᠢ ᠶᠠᠭ ᠳᠠᠪᠬᠤᠴᠠᠳᠠᠭ᠃
3.ᠥᠲᠥᠷᠢᠶᠡᠨ ᠡᠴᠡ ᠦᠵᠡᠭᠳᠡᠬᠦ ᠲᠡᠳᠦᠢ ᠪᠠᠭᠠ ᠬᠡᠮᠵᠢᠶᠡᠨ ᠦ᠌ ᠶᠠᠭᠠᠨ ᠪᠤᠶᠤ ᠬᠠᠷᠠ ᠬᠦᠷᠡᠩᠲᠦᠦ ᠥᠩᠭᠡ ᠶ᠋ᠢᠨ ᠱᠦᠭᠦᠷᠡᠯ ᠭᠠᠷᠤᠨᠠ᠃ ᠡᠭᠦᠨ ᠢ᠋《ᠪᠠᠭᠠ》 ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠭᠡᠵᠦ ᠨᠡᠷᠡᠯᠡᠬᠦ ᠶᠣᠰᠣᠨ ᠪᠣᠢ᠃ ᠢᠩᠭᠢᠵᠦ ᠦᠵᠡᠭᠳᠡᠬᠦ ᠲᠡᠳᠦᠢ ᠪᠠᠭᠠ ᠬᠡᠮᠵᠢᠶᠡᠨ ᠦ᠌ ᠴᠢᠰᠤ ᠭᠠᠷᠬᠤ ᠨᠢ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠦᠶᠡ ᠳ᠋ᠦ᠍ ᠴᠢᠰᠤᠨ ᠳ᠋ᠤ᠌ ᠡᠮᠡ ᠪᠡᠯᠭᠡ ᠶ᠋ᠢᠨ ᠳᠠᠭᠠᠪᠤᠷᠢ ᠶ᠋ᠢᠨ ᠬᠡᠮᠵᠢᠶᠡ ᠶᠡᠬᠡᠰᠴᠦ᠂ ᠡᠭᠦᠨ ᠦ᠌ ᠤᠯᠠᠮ ᠠ᠋ᠴᠠ ᠤᠮᠠᠢ ᠶ᠋ᠢᠨ ᠬᠥᠨᠳᠡᠢ ᠳ᠋ᠦ᠍ ᠴᠢᠰᠤᠨ ᠤ᠋ ᠤᠯᠠᠭᠠᠨ ᠴᠣᠭᠴᠠᠰ ᠨᠡᠪᠲᠡᠷᠡᠨ ᠣᠷᠣᠵᠤ ᠭᠠᠳᠠᠭᠰᠢᠯᠠᠬᠤ ᠲᠠᠢ ᠬᠣᠯᠪᠣᠭᠠ ᠲᠠᠢ᠃ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠵᠤ ᠪᠣᠢ ᠶ᠋ᠢᠨ ᠢᠯᠡᠷᠡᠯ ᠪᠣᠯᠤᠨ ᠠᠷᠠᠰᠤᠨ ᠳ᠋ᠤ᠌ ᠭᠠᠷᠳᠠᠭ᠃
ᠬᠣᠶᠠᠳᠤᠭᠠᠷ ᠪᠦᠯᠦᠭ ᠰᠢᠨᠵᠢ ᠲᠡᠮᠳᠡᠭ ᠦ᠋ᠨ ᠲᠤᠬᠠᠢ ᠳ᠋ᠤ᠌ ᠪᠣᠯ ᠲᠡᠳᠡᠭᠡᠷ ᠨᠢ ᠪᠡᠶᠡ ᠶ᠋ᠢᠨ ᠲᠣᠳᠣᠷᠬᠠᠢ ᠬᠡᠰᠡᠭ ᠲᠦ᠍ ᠠᠷᠠᠰᠤ ᠤᠯᠠᠢᠬᠤ᠂ ᠵᠠᠭᠠᠲᠤᠨᠠᠬᠤ᠂ ᠰᠤᠳᠠᠰᠤ ᠥᠷᠭᠡᠰᠦᠭᠰᠡᠨ ᠬᠡᠰᠡᠭ ᠢ᠋ᠶ᠋ᠡᠷ ᠬᠥᠨᠳᠡᠭᠦᠷᠯᠡᠬᠦ᠂ ᠦᠰᠦ ᠶᠡᠬᠡ ᠲᠣᠰᠣᠯᠢᠭ ᠪᠣᠯᠬᠤ ᠵᠡᠷᠭᠡ ᠪᠠᠢᠳᠠᠯ ᠢ᠋ᠶ᠋ᠠᠷ ᠢᠯᠡᠷᠡᠨᠡ᠃ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠦᠶᠡ ᠳ᠋ᠦ᠍ ᠰᠡᠳᠬᠢᠯ ᠦ᠋ᠨ ᠲᠠᠯᠠ ᠠ᠋ᠴᠠ ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ᠰᠢᠨᠵᠢ ᠲᠡᠮᠳᠡᠭ ᠭᠠᠷᠤᠨᠠ᠃ ᠡᠭᠦᠨ ᠳ᠋ᠦ᠍᠄ ᠳᠠᠭᠤ ᠴᠢᠮᠡᠭᠡ ᠳ᠋ᠦ᠍ ᠳᠤᠷᠠ ᠦᠭᠡᠢᠴᠡᠬᠦ᠂ ᠰᠡᠳᠬᠢᠯ ᠦᠶᠡ ᠦᠶᠡ ᠵᠣᠪᠠᠭᠤᠷᠢᠯᠠᠬᠤ᠂ ᠬᠠᠢᠷᠠ ᠬᠦᠷᠬᠦ ᠦᠭᠡᠢ ᠪᠠᠢᠬᠤ ᠵᠡᠷᠭᠡ ᠰᠢᠨᠵᠢ ᠲᠡᠮᠳᠡᠭ ᠠᠵᠢᠭᠯᠠᠭᠳᠠᠨᠠ᠃ ᠰᠢᠨᠵᠢ ᠲᠡᠮᠳᠡᠭ ᠨᠢ ᠬᠣᠳᠣᠭᠣᠳᠣ ᠭᠡᠳᠡᠰᠦᠨ ᠦ᠌ ᠦᠢᠯᠡ ᠠᠵᠢᠯᠯᠠᠭᠠ ᠲᠦᠷ ᠵᠠᠭᠤᠷᠠ ᠬᠢᠮᠤᠷᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠢᠯᠡᠷᠡᠨᠡ᠃ ᠡᠨᠡ ᠨᠢ ᠬᠣᠭᠣᠯᠠ ᠶ᠋ᠢᠨ ᠬᠣᠣᠷᠳᠠᠯᠭᠠ ᠲᠠᠢ ᠶᠡᠬᠡᠬᠡᠨ ᠲᠥᠰᠲᠡᠢ ᠪᠠᠢᠳᠠᠭ᠃ ᠮᠥᠨ ᠰᠢᠭᠡᠰᠦ ᠣᠢᠷᠠ ᠣᠢᠷᠠᠬᠠᠨ ᠬᠦᠷᠦᠨᠡ᠃ ᠳᠥᠷᠪᠡᠳᠦᠭᠡᠷ ᠪᠦᠯᠦᠭ ᠰᠢᠨᠵᠢ ᠲᠡᠮᠳᠡᠭ ᠨᠢ ᠬᠣᠳᠣᠭᠣᠳᠣ ᠭᠡᠳᠡᠰᠦᠨ ᠦ᠌ ᠦᠢᠯᠡ ᠠᠵᠢᠯᠯᠠᠭᠠ ᠲᠦᠷ ᠵᠠᠭᠤᠷᠠ ᠬᠢᠮᠤᠷᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠢᠯᠡᠷᠡᠨᠡ᠃ ᠡᠨᠡ ᠨᠢ ᠬᠣᠭᠣᠯᠠ ᠶ᠋ᠢᠨ ᠬᠣᠣᠷᠳᠠᠯᠭᠠ ᠲᠠᠢ ᠶᠡᠬᠡᠬᠡᠨ ᠲᠥᠰᠲᠡᠢ ᠪᠠᠢᠳᠠᠭ᠃ ᠮᠥᠨ ᠰᠢᠭᠡᠰᠦ ᠣᠢᠷᠠ ᠣᠢᠷᠠᠬᠠᠨ ᠬᠦᠷᠦᠨᠡ᠃ ᠲᠠᠪᠤᠳᠤᠭᠠᠷ ᠪᠦᠯᠦᠭ ᠰᠢᠨᠵᠢ ᠲᠡᠮᠳᠡᠭ ᠨᠢ ᠣᠨᠴᠠ ᠶ᠋ᠢᠨ ᠰᠢᠯᠲᠠᠭᠠᠨ ᠦᠭᠡᠢ ᠪᠡᠷ ᠪᠡᠶᠡ ᠲᠠᠪᠠ ᠦᠭᠡᠢ ᠣᠷᠬᠢᠬᠤ᠂ ᠡᠴᠡᠵᠦ ᠶᠠᠳᠠᠷᠠᠬᠤ ᠵᠡᠷᠭᠡ ᠶᠡᠷᠦᠩᠬᠡᠢ ᠰᠢᠨᠵᠢ ᠨᠦ᠍ᠭᠦᠳ ᠣᠷᠣᠨᠠ᠃ ᠮᠥᠮᠥ ᠨᠡᠯᠢᠶᠡᠳ ᠲᠣᠮᠣᠷᠠᠵᠤ᠂ ᠵᠠᠷᠢᠮ ᠳ᠋ᠠᠭᠠᠨ ᠴᠢᠨᠦᠷᠡᠬᠦ ᠨᠢ ᠪᠣᠢ᠃ ᠡᠮᠡᠭᠲᠡᠢ ᠬᠥᠮᠦᠨ ᠪᠣᠯᠭᠠᠨ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠦᠶᠡ ᠳ᠋ᠦ᠍ ᠢᠯᠡᠷᠡᠳᠡᠭ ᠡᠳᠡᠭᠡᠷ ᠪᠦᠬᠦ ᠰᠢᠨᠵᠢ ᠲᠡᠮᠳᠡᠭ ᠢ᠋ ᠣᠢᠯᠠᠭᠠᠵᠤ ᠮᠡᠳᠡᠬᠦ ᠶ᠋ᠢ ᠬᠢᠴᠢᠶᠡᠪᠡᠯ ᠵᠣᠬᠢᠨᠠ᠃ ᠥᠨᠳᠡᠭᠡᠨ ᠡᠰ ᠰᠠᠷᠠ ᠪᠦᠷᠢ ᠪᠣᠯᠪᠠᠰᠤᠷᠠᠵᠤ᠂ ᠭᠠᠳᠠᠭᠰᠢᠯᠠᠬᠤ ᠳ᠋ᠤ᠌ ᠦᠨᠳᠦᠰᠦᠯᠡᠭᠰᠡᠨ ᠡᠨᠡᠬᠦ ᠹᠢᠽᠢᠣᠯᠣᠭᠢ ᠶ᠋ᠢᠨ ᠠᠷᠭᠠ ᠶ᠋ᠢ ᠵᠥᠪ ᠠᠰᠢᠭᠯᠠᠵᠤ ᠰᠤᠷᠬᠤ ᠨᠢ ᠨᠠᠷᠢᠨ ᠤᠷᠠᠯᠢᠭ ᠶᠤᠮ᠃ ᠭᠡᠪᠡᠴᠦ ᠡᠨᠡ ᠤᠷᠠᠯᠢᠭ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠢ᠋ᠶ᠋ᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ᠂ ᠲᠤᠬᠠᠢᠯᠠᠪᠠᠯ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠤᠳᠤᠷᠢᠳᠤᠨ ᠵᠢᠯᠣᠭᠣᠳᠬᠤ ᠬᠣᠪᠢᠨ ᠤ᠋ ᠴᠢᠳᠠᠪᠤᠷᠢ ᠪᠠᠨ ᠲᠡᠭᠦᠯᠳᠡᠷᠵᠢᠭᠦᠯᠦᠭᠡᠳ ᠲᠤᠰᠠᠯᠠᠨᠠ᠃
ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠦᠶᠡ ᠶ᠋ᠢ ᠲᠣᠳᠣᠷᠬᠠᠢᠯᠠᠬᠤ ᠥᠭᠡᠷᠡ ᠨᠢᠭᠡ ᠠᠷᠭᠠ ᠪᠣᠯ ᠬᠠᠯᠠᠭᠤᠨ ᠬᠡᠮᠵᠢᠬᠦ ᠠᠷᠭᠠ ᠶᠤᠮ᠃ ᠬᠠᠯᠠᠭᠤᠨ ᠢ᠋ ᠠᠮᠠ ᠪᠤᠶᠤ ᠰᠢᠯᠤᠭᠤᠨ ᠭᠡᠳᠡᠰᠦᠨ ᠦ᠌ ᠠᠯᠢ ᠨᠢᠭᠡᠨ ᠳ᠋ᠦ᠍ ᠤᠨᠲᠠᠭᠠᠳ ᠰᠡᠷᠢᠭᠰᠡᠨ ᠦ᠌ ᠳᠠᠷᠠᠭᠠ᠂ ᠲᠣᠭᠲᠠᠮᠠᠯ ᠨᠢᠭᠡ ᠴᠠᠭ ᠲᠤ᠌ ᠣᠷᠣᠨ ᠠ᠋ᠴᠠ ᠪᠠᠨ ᠪᠣᠰᠤᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠨᠢᠭᠡ ᠯᠡ ᠬᠠᠯᠠᠭᠤᠨ ᠤ᠋ ᠰᠢᠯ ᠢ᠋ᠶ᠋ᠡᠷ ᠬᠡᠮᠵᠢᠨᠡ᠃ ᠰᠢᠯᠤᠭᠤᠨ ᠭᠡᠳᠡᠰᠦᠨ ᠦ᠌ ᠬᠠᠯᠠᠭᠤᠨ ᠪᠣᠯ ᠥᠨᠳᠡᠭᠡᠪᠴᠢ ᠶ᠋ᠢᠨ ᠳᠠᠭᠠᠭᠠᠪᠤᠷᠢ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠨᠡᠯᠢᠶᠡᠳ ᠦᠨᠡᠨ ᠵᠥᠪ ᠳᠤᠰᠬᠠᠨ ᠬᠠᠷᠠᠭᠤᠯᠳᠠᠭ᠃ ᠬᠠᠯᠠᠭᠤᠨ ᠢ᠋ ᠭᠤᠷᠪᠠ ᠠ᠋ᠴᠠ ᠳᠣᠷᠣᠭᠰᠢ ᠦᠭᠡᠢ ᠰᠠᠷᠠ ᠬᠡᠮᠵᠢᠵᠦ᠂ ᠲᠡᠮᠳᠡᠭᠯᠡᠯ ᠬᠥᠲᠥᠯᠬᠦ ᠳ᠋ᠦ᠍ ᠬᠡᠵᠢᠶᠡ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠵᠤ ᠪᠠᠢᠭᠠ ᠨᠢ ᠲᠣᠪ ᠲᠣᠳᠣᠷᠬᠠᠢ ᠪᠣᠯᠤᠨᠠ᠃ ᠶᠡᠬᠡᠪᠴᠢᠯᠡᠨ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠢᠷᠡᠭᠰᠡᠨ ᠡᠬᠢᠨ ᠦ᠌ ᠡᠳᠦᠷ ᠡᠴᠡ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠦᠶᠡ ᠬᠦᠷᠲᠡᠯᠡ ᠰᠢᠯᠤᠭᠤᠨ ᠭᠡᠳᠡᠰᠦᠨ ᠦ᠌ ᠬᠠᠯᠠᠭᠤᠨ36.7-37 ᠭᠡᠮ ᠪᠠᠢᠭᠰᠠᠨ ᠠ᠋ᠴᠠ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠭᠰᠠᠨ ᠮᠥᠴᠡ ᠡᠴᠡ ᠳᠠᠷᠠᠭᠠ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠢᠷᠡᠬᠦ ᠬᠦᠷᠲᠡᠯᠡ ᠰᠢᠯᠤᠭᠤᠨ ᠭᠡᠳᠡᠰᠦᠨ ᠦ᠌ ᠬᠠᠯᠠᠭᠤᠨ0.6-1 ᠭᠡᠮ ᠬᠦᠷᠲᠡᠯᠡ ᠭᠡᠨᠡᠳᠲᠡ ᠳᠡᠭᠡᠭᠰᠢᠯᠡᠨᠡ᠃ ᠢᠩᠭᠢᠵᠦ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠭᠰᠠᠨ ᠠ᠋ᠴᠠ ᠬᠣᠢᠰᠢ48 ᠠ᠋ᠴᠠ ᠳᠣᠷᠣᠭᠰᠢ ᠦᠭᠡᠢ ᠴᠠᠭ ᠤ᠋ᠨ ᠳᠠᠷᠠᠭᠠ ᠬᠠᠯᠠᠭᠤᠨ ᠭᠡᠨᠡᠳᠲᠡ ᠨᠡᠮᠡᠭᠳᠡᠳᠡᠭ ᠬᠢᠭᠡᠳ ᠪᠡᠶᠡ ᠭᠦᠢᠴᠡᠭᠰᠡᠨ ᠥᠨᠳᠡᠭᠡᠨ ᠡᠰ ᠠᠮᠢᠳᠤᠷᠠᠬᠤ ᠴᠢᠳᠠᠪᠤᠷᠢ ᠪᠠᠨ24 ᠴᠠᠭ ᠬᠠᠳᠠᠭᠠᠯᠠᠳᠠᠭ ᠤᠴᠢᠷ ᠠ᠋ᠴᠠ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠶ᠋ᠢᠨ ᠡᠮᠦᠨᠡᠬᠢ ᠬᠡᠦᠬᠡᠳ ᠣᠯᠬᠤ ᠦᠭᠡᠢ ᠦᠶᠡ ᠨᠢ ᠬᠠᠯᠠᠭᠤᠨ ᠨᠡᠮᠡᠭᠳᠡᠭᠰᠡᠨ ᠡᠴᠡ ᠬᠣᠢᠰᠢ ᠭᠤᠷᠪᠠᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠡᠬᠢᠯᠡᠳᠡᠭ᠃ ᠥᠨᠳᠡᠭᠡᠨ ᠡᠰ ᠪᠣᠯᠪᠠᠰᠤᠷᠠᠬᠤ ᠬᠤᠭᠤᠴᠠᠭᠠ ᠪᠠᠭᠠ ᠵᠡᠷᠭᠡ ᠬᠡᠯᠪᠡᠯᠵᠡᠵᠦ ᠪᠣᠯᠬᠤ ᠶ᠋ᠢ ᠬᠠᠷᠠᠭᠠᠯᠵᠠᠨ ᠦᠵᠡᠵᠦ᠂ ᠡᠨᠡ ᠠᠷᠭᠠ ᠶ᠋ᠢ ᠤᠯᠠᠮ ᠪᠠᠲᠤᠯᠠᠭᠠ ᠲᠠᠢ ᠪᠣᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠥᠨᠳᠡᠭᠡᠨ ᠡᠰ ᠭᠠᠳᠠᠭᠰᠢᠯᠠᠬᠤ ᠠ᠋ᠴᠠ ᠡᠮᠦᠨᠡ ᠪᠠ ᠳᠠᠷᠠᠭᠠ2-3 ᠡᠳᠦᠷ ᠬᠡᠮᠨᠡᠵᠦ ᠠᠪᠬᠤ ᠬᠡᠷᠡᠭᠲᠡᠢ᠃ ᠡᠢᠨᠬᠦ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠦ᠋ᠨ ᠮᠥᠴᠡᠯᠭᠡ ᠶ᠋ᠢᠨ ᠭᠣᠣᠯ ᠤ᠋ᠨ7-8 ᠬᠣᠨᠣᠭ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠦᠭᠡᠢ ᠪᠣᠯ ᠵᠢᠷᠮᠦᠰᠦᠨ ᠪᠣᠯᠬᠤ ᠦᠭᠡᠢ᠃ ᠥᠨᠳᠡᠭᠡᠨ ᠡᠰ ᠥᠨᠳᠡᠭᠡᠪᠴᠢ ᠡᠴᠡ ᠭᠠᠳᠠᠭᠰᠢᠯᠠᠭᠰᠠᠨ ᠤ᠋ ᠳᠠᠷᠠᠭᠠᠬᠢ ᠡᠬᠢᠨ ᠦ᠌ 1-3 ᠡᠳᠦᠷ ᠯᠡ ᠦᠷᠡ ᠲᠣᠭᠲᠠᠬᠤ ᠪᠣᠯᠤᠨᠠ᠃ ᠬᠠᠷᠢᠨ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠰ ᠦᠲᠦᠷᠢᠶᠡᠨ ᠳ᠋ᠦ᠍ ᠠᠮᠢᠳᠤᠷᠠᠬᠤ ᠴᠢᠳᠠᠪᠤᠷᠢ ᠪᠠᠨ3 ᠬᠣᠨᠣᠭ ᠬᠦᠷᠲᠡᠯᠡ ᠬᠠᠳᠠᠭᠠᠯᠠᠵᠤ ᠴᠢᠳᠠᠳᠠᠭ ᠤᠴᠢᠷ ᠠ᠋ᠴᠠ ᠬᠡᠵᠢᠶᠡ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠳ᠋ᠦ᠍ ᠬᠡᠦᠬᠡᠳ ᠣᠯᠬᠤ ᠦᠭᠡᠢ ᠪᠠᠢᠬᠤ ᠪᠣᠢ? ᠭᠡᠳᠡᠭ ᠡᠳᠦᠷ ᠢ᠋ ᠲᠦᠪᠡᠭ ᠦᠭᠡᠢ ᠣᠯᠵᠤ ᠪᠣᠯᠤᠨᠠ᠃ ᠡᠭᠦᠨ ᠦ᠌ ᠲᠤᠯᠠᠳᠠ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠦ᠋ᠨ ᠮᠥᠴᠡᠯᠭᠡ ᠶ᠋ᠢᠨ ᠬᠣᠨᠣᠭ ᠠ᠋ᠴᠠ18 ᠶ᠋ᠢ ᠬᠠᠰᠤᠬᠤ ᠳ᠋ᠤ᠌ ᠵᠢᠷᠮᠦᠰᠦᠨ ᠪᠣᠯᠵᠤ ᠪᠣᠯᠵᠣᠰᠢ ᠦᠭᠡᠢ ᠡᠬᠢᠨ ᠦ᠌ ᠡᠳᠦᠷ᠂11 ᠶ᠋ᠢ ᠬᠠᠰᠤᠬᠤ ᠳ᠋ᠤ᠌ ᠰᠡᠭᠦᠯ ᠦ᠋ᠨ ᠡᠳᠦᠷ ᠭᠠᠷᠤᠨᠠ᠃ ᠲᠤᠬᠠᠢᠯᠠᠪᠠᠯ30 ᠬᠣᠨᠣᠭ ᠤ᠋ᠨ ᠮᠥᠴᠡᠯᠭᠡ ᠲᠡᠢ ᠡᠮᠡᠭᠲᠡᠢ ᠳ᠋ᠦ᠍ ᠵᠢᠷᠮᠦᠰᠦᠨ ᠪᠣᠯᠬᠤ ᠪᠣᠯᠵᠣᠰᠢ ᠦᠭᠡᠢ ᠦᠶᠡ ᠨᠢ ᠰᠡᠭᠦᠯ ᠦ᠋ᠨ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠦ᠋ᠨ ᠡᠬᠢᠨ ᠦ᠌ ᠡᠳᠦᠷ ᠡᠴᠡ ᠬᠣᠢᠰᠢᠬᠢ12-19ᠳᠠᠬᠢ ᠡᠳᠦᠷ ᠶᠦᠮ᠃ ᠲᠠᠨ ᠤ᠋ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠲᠣᠭᠲᠠᠮᠠᠯ ᠪᠢᠰᠢ᠂ ᠶᠠᠩᠵᠤ ᠪᠦᠷᠢ ᠪᠡᠷ ᠡᠷᠭᠢᠳᠡᠭ ᠴᠦ᠍ ᠭᠡᠰᠡᠨ ᠡᠨᠡ ᠠᠷᠭᠠ ᠶ᠋ᠢ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃ ᠢᠩᠭᠢᠬᠦ ᠳ᠋ᠦ᠍ ᠵᠢᠷᠮᠦᠰᠦᠨ ᠪᠣᠯᠬᠤ ᠦᠭᠡᠢ ᠦᠶᠡ ᠯᠡ ᠪᠣᠭᠣᠨᠢᠰᠤᠨᠠ᠃ ᠵᠢᠷᠮᠦᠰᠦᠨ ᠪᠣᠯᠵᠤ ᠪᠣᠯᠵᠣᠰᠢ ᠦᠭᠡᠢ ᠦᠶᠡ ᠶ᠋ᠢ ᠡᠢᠮᠦ ᠡᠮᠡᠭᠲᠡᠢ ᠳ᠋ᠦ᠍ ᠣᠯᠬᠤ ᠳ᠋ᠠᠭᠠᠨ ᠬᠠᠮᠤᠭ ᠤ᠋ᠨ ᠪᠣᠭᠣᠨᠢ ᠮᠥᠴᠡᠯᠭᠡ ᠡᠴᠡ18 ᠶ᠋ᠢ᠂ ᠬᠠᠮᠤᠭ ᠤ᠋ᠨ ᠤᠷᠲᠤ ᠮᠥᠴᠡᠯᠭᠡ ᠡᠴᠡ11 ᠶ᠋ᠢ ᠬᠠᠰᠤᠨᠠ᠃
ᠵᠢᠱ᠌ᠢᠶᠡ ᠨᠢ᠄A ᠭᠡᠳᠡᠭ ᠡᠮᠡᠭᠲᠡᠢ ᠳ᠋ᠦ᠍ ᠡᠨᠡ ᠵᠢᠯ ᠦ᠋ᠨ ᠬᠠᠮᠤᠭ ᠤ᠋ᠨ ᠪᠣᠭᠣᠨᠢ ᠮᠥᠴᠡᠯᠭᠡ24 ᠬᠣᠨᠣᠭ᠂ ᠬᠠᠮᠤᠭ ᠤᠷᠲᠤ ᠨᠢ30 ᠬᠣᠨᠣᠭ ᠦᠷᠭᠦᠯᠵᠢᠯᠡᠭᠰᠡᠨ ᠪᠠᠢᠪᠠᠯ ᠵᠢᠷᠮᠦᠰᠦᠨ ᠪᠣᠯᠵᠤ ᠪᠣᠯᠵᠣᠰᠢ ᠦᠭᠡᠢ ᠦᠶᠡ ᠨᠢ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠢᠷᠡᠭᠰᠡᠨ ᠡᠳᠦᠷ ᠡᠴᠡ ᠬᠣᠢᠰᠢᠬᠢ6-19 ᠡᠳᠦᠷ ᠪᠣᠯᠤᠨᠠ᠃ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠬᠦ ᠶ᠋ᠢᠨ ᠲᠤᠯᠠᠳᠠ ᠡᠮᠡᠭᠲᠡᠢ ᠬᠥᠮᠦᠨ ᠥᠪᠡᠷ ᠢ᠋ᠶ᠋ᠡᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠮᠧᠬᠠᠨᠢᠭ ᠪᠣᠯᠤᠨ ᠬᠢᠮᠢ ᠶ᠋ᠢᠨ ᠠᠷᠭᠠ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃ ᠡᠭᠦᠨ ᠦ᠌ ᠲᠤᠯᠠᠳᠠ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯᠭᠡ ᠳᠠᠭᠤᠰᠤᠩᠭᠤᠲᠠ ᠡᠮᠡᠭᠲᠡᠢ ᠬᠥᠮᠦᠨ ᠶᠠᠪᠠᠭᠠᠨ ᠰᠠᠭᠤᠵᠤ᠂ ᠤᠰᠤ ᠪᠠᠷ ᠤᠬᠢᠶᠠᠯᠭᠠ ᠬᠢᠵᠦ᠂ ᠦᠲᠦᠷᠢᠶᠡᠨ ᠡᠴᠡ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ ᠤᠬᠢᠶᠠᠵᠤ ᠭᠠᠷᠭᠠᠵᠤ ᠪᠣᠯᠤᠨᠠ᠃ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠴᠢᠰᠤᠨ ᠴᠢᠰᠤᠨ ᠡᠷᠭᠢᠯᠲᠡ ᠶᠡᠬᠡᠳᠬᠦ ᠤᠴᠢᠷ ᠠ᠋ᠴᠠ ᠬᠦᠢᠲᠡᠨ ᠤᠰᠤ ᠪᠠᠷ ᠤᠬᠢᠶᠠᠬᠤ ᠶ᠋ᠢ ᠬᠠᠲᠠᠭᠤ ᠬᠣᠷᠢᠭᠯᠠᠨᠠ᠃ ᠤᠬᠢᠶᠠᠯᠭᠠ ᠶ᠋ᠢ ᠪᠠᠭᠠ ᠵᠡᠷᠭᠡ ᠬᠦᠴᠦᠯᠢᠭ᠂ ᠪᠦᠯᠢᠶᠡᠨ ᠤᠰᠤ ᠪᠠᠷ ᠬᠢᠪᠡᠯ ᠵᠣᠬᠢᠨᠠ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠰ ᠱᠦᠯᠲᠦᠯᠢᠭ ᠣᠷᠴᠢᠨ ᠳ᠋ᠤ᠌ ᠯᠠ ᠬᠥᠳᠡᠯᠭᠡᠨ ᠬᠠᠳᠠᠭᠠᠯᠠᠳᠠᠭ᠃ ᠡᠢᠮᠦ ᠡᠴᠡ ᠤᠬᠢᠶᠠᠬᠤ ᠤᠰᠤᠨ ᠳ᠋ᠠᠭᠠᠨ ᠶᠡᠬᠡᠪᠴᠢᠯᠡᠨ1 ᠯᠢᠲ᠋ᠷ ᠪᠤᠴᠠᠯᠤᠭᠰᠠᠨ ᠪᠦᠯᠢᠶᠡᠨ ᠤᠰᠤᠨ ᠳ᠋ᠤ᠌1 ᠴᠠᠢ ᠶ᠋ᠢᠨ ᠬᠠᠯᠪᠠᠭᠠ ᠬᠣᠭᠣᠯᠠᠨ ᠤ᠋ ᠽᠣᠤ᠂ ᠡᠰᠡᠪᠡᠯ1 ᠴᠠᠢ ᠶ᠋ᠢᠨ ᠬᠠᠯᠪᠠᠭᠠ ᠰᠠᠯᠢᠰᠤᠯᠢᠭ ᠪᠤᠶᠤ ᠬᠦᠴᠢᠯ ᠳᠤᠰᠤᠭᠠᠠᠵᠤ ᠬᠡᠷᠡᠭᠯᠡᠨᠡ᠃ ᠤᠬᠢᠶᠠᠯᠭᠠ ᠳ᠋ᠤ᠌ ᠵᠠᠪᠠᠯ ᠬᠦᠴᠦᠲᠡᠢ ᠦᠢᠯᠡᠴᠢᠯᠡᠭᠡ ᠲᠡᠢ ᠬᠠᠲᠠᠭᠤ ᠠᠭᠤᠰᠤᠮᠠᠯ ᠬᠡᠷᠡᠭᠯᠡᠬᠦ ᠬᠡᠷᠡᠭ ᠦᠭᠡᠢ᠃ ᠬᠤᠷᠢᠴᠠᠯ ᠦᠢᠯᠡᠳᠦᠭᠰᠡᠨ ᠦ᠌ ᠳᠠᠷᠠᠭᠠ ᠡᠮᠡᠭᠲᠡᠢ ᠬᠥᠮᠦᠨ ᠬᠡᠳᠦᠢ ᠴᠢᠨᠡᠭᠡ ᠱᠠᠯᠠᠪᠬᠠᠨ ᠪᠣᠰᠪᠠᠯ᠂ ᠲᠡᠳᠦᠢ ᠴᠢᠨᠡᠭᠡ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠰ᠂ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠳᠣᠷᠣᠭᠰᠢ ᠪᠠᠨ ᠤᠷᠤᠰᠤᠨ ᠭᠠᠷᠴᠤ ᠤᠬᠢᠶᠠᠬᠤ ᠳ᠋ᠤ᠌ ᠬᠢᠯᠪᠠᠷᠬᠠᠨ ᠪᠠᠢᠳᠠᠭ᠃ ᠪᠠᠭᠠ ᠵᠡᠷᠭᠡ ᠬᠡᠪᠲᠡᠪᠡᠯ5-10 ᠮᠢᠨᠦ᠋ᠲ ᠲᠦ᠍ ᠤᠮᠠᠢ ᠶ᠋ᠢᠨ ᠬᠦᠵᠦᠭᠦᠨ ᠳ᠋ᠦ᠍ ᠣᠷᠣᠵᠤ ᠤᠬᠢᠶᠠᠯᠭᠠ ᠬᠢᠭᠰᠡᠨ ᠦ᠌ ᠬᠡᠷᠡᠭ ᠦᠭᠡᠢ ᠪᠣᠯᠤᠨᠠ᠃ ᠤᠬᠢᠶᠠᠯᠭᠠ ᠶ᠋ᠢᠨ ᠤᠰᠤ ᠶ᠋ᠢ ᠬᠦᠴᠦᠲᠡᠢ ᠭᠣᠭᠣᠵᠢᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ1.5-2 ᠮᠧᠲ᠋ᠷ ᠦ᠋ᠨ ᠥᠨᠳᠥᠷ ᠲᠦ᠍ ᠰᠠᠪᠠ ᠪᠠᠨ ᠳᠡᠭᠦᠵᠢᠯᠡᠨᠡ᠃ ᠤᠬᠢᠶᠠᠯᠭᠠ ᠶ᠋ᠢᠨ ᠦᠵᠦᠭᠦᠷ ᠢ᠋ ᠦᠲᠦᠷᠢᠶᠡᠨ ᠳ᠋ᠦ᠍ ᠠᠯᠢ ᠪᠣᠯᠬᠤ ᠪᠠᠷ ᠭᠦᠨ ᠣᠷᠣᠭᠤᠯᠤᠨᠠ᠃ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠬᠦ ᠬᠠᠮᠤᠭ ᠤ᠋ᠨ ᠦᠷᠡ ᠳ᠋ᠦᠩ ᠲᠡᠢ᠂ ᠳᠡᠯᠭᠡᠷᠡᠭᠰᠡᠨ ᠠᠷᠭᠠ ᠶ᠋ᠢᠨ ᠨᠢᠭᠡ ᠨᠢ ᠶᠡᠷᠦᠨᠳᠡᠭ ᠶᠦᠮ᠃ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠡᠨᠡ ᠠᠷᠭᠠ ᠶ᠋ᠢ ᠥᠷᠭᠡᠨ ᠬᠡᠷᠡᠭᠯᠡᠬᠦ ᠪᠣᠯᠤᠯᠠ᠃ ᠡᠨᠡ ᠠᠷᠭᠠ ᠨᠢ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠬᠦ ᠪᠤᠰᠤᠳ ᠠᠷᠭᠠ ᠠ᠋ᠴᠠ ᠬᠡᠳᠦ ᠬᠡᠳᠦᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠲᠠᠢ᠃ ᠲᠤᠬᠠᠢᠯᠠᠪᠠᠯ᠂ ᠲᠣᠭᠲᠠᠮᠠᠯ ᠡᠮ ᠤᠤᠭᠤᠭᠠᠳ ᠪᠠᠢᠬᠤ ᠪᠣᠯᠤᠨ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠶ᠋ᠢᠨ ᠡᠮᠦᠨᠡ ᠪᠠ ᠲᠡᠭᠦᠨ ᠦ᠌ ᠳᠠᠷᠠᠭᠠ ᠨᠢ ᠵᠠᠪᠠᠯ ᠪᠣᠰᠴᠤ ᠤᠬᠢᠶᠠᠯᠭᠠ ᠬᠢᠬᠦ ᠶ᠋ᠢ ᠱᠠᠭᠠᠷᠳᠠᠬᠤ ᠦᠭᠡᠢ᠃ ᠶᠡᠷᠦᠨᠳᠡᠭ ᠢ᠋ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠢᠷᠡᠵᠦ ᠳᠠᠭᠤᠰᠤᠭᠰᠠᠨ ᠤ᠋ ᠳᠠᠷᠠᠭᠠᠬᠢ ᠡᠬᠢᠨ ᠦ᠌ ᠡᠳᠦᠷ ᠦ᠋ᠳ ᠲᠦ᠍ ᠵᠥᠪᠬᠡᠨ ᠨᠠᠷᠢᠨ ᠮᠡᠷᠭᠡᠵᠢᠯ ᠦ᠋ᠨ ᠡᠮᠴᠢ ᠲᠠᠯᠪᠢᠨᠠ᠃ ᠶᠡᠷᠦᠨᠳᠡᠭ ᠲᠠᠯᠪᠢᠭᠤᠯᠤᠭᠰᠠᠨ ᠤ᠋ ᠳᠠᠷᠠᠭᠠᠬᠢ ᠡᠬᠢᠨ ᠦ᠌ ᠡᠳᠦᠷ ᠦ᠋ᠳ ᠲᠦ᠍ ᠬᠡᠪᠡᠯᠢ ᠡᠪ ᠦᠭᠡᠢ ᠣᠷᠬᠢᠵᠤ ᠪᠣᠯᠤᠨᠠ᠃ ᠭᠡᠪᠡᠴᠦ ᠡᠨᠡ ᠨᠢ ᠲᠦᠳᠡᠯ ᠦᠭᠡᠢ ᠠᠷᠢᠯᠤᠨᠠ᠃ ᠶᠡᠷᠦᠨᠳᠡᠭ ᠢ᠋ ᠳᠤᠮᠳᠠᠴᠢ ᠪᠠᠷ2-3 ᠵᠢᠯ ᠲᠠᠯᠪᠢᠭᠠᠳ ᠠᠪᠤᠨᠠ᠃ ᠢᠩᠭᠢᠭᠡᠳ ᠭᠤᠷᠪᠠᠨ ᠰᠠᠷᠠ ᠥᠩᠭᠡᠷᠡᠭᠰᠡᠨ ᠦ᠌ ᠳᠠᠷᠠᠭᠠ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠣᠯ ᠳᠠᠬᠢᠨ ᠲᠠᠯᠪᠢᠵᠤ ᠪᠣᠯᠤᠨᠠ᠃᠃ ᠶᠡᠷᠦᠨᠳᠡᠭ ᠨᠢ ᠵᠢᠷᠮᠦᠰᠦᠯᠡᠬᠦ ᠡᠴᠡ95-98% ᠬᠠᠮᠠᠭᠠᠯᠠᠨᠠ᠃ ᠶᠡᠷᠦᠨᠳᠡᠭ ᠨᠢ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠴᠣᠬᠣᠮ ᠶᠠᠭᠠᠬᠢᠵᠤ ᠬᠠᠮᠠᠭᠠᠯᠠᠳᠠᠭ ᠪᠣᠢ ᠭᠡᠪᠡᠯ ᠤᠮᠠᠢ ᠶ᠋ᠢᠨ ᠬᠣᠭᠣᠯᠠᠢ ᠪᠠᠷ ᠥᠨᠳᠡᠭᠡᠨ ᠡᠰ ᠳᠠᠭᠠᠷᠢᠨ ᠭᠠᠷᠬᠤ ᠶ᠋ᠢ ᠡᠷᠡᠰ ᠬᠤᠷᠳᠤᠳᠬᠠᠳᠠᠭ ᠲᠤ᠌ ᠣᠷᠣᠰᠢᠨᠠ᠃ ᠢᠩᠭᠢᠭᠰᠡᠭᠡᠷ ᠥᠨᠳᠡᠭᠡᠨ ᠡᠰ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠰ ᠲᠡᠢ《ᠤᠴᠠᠷᠠᠵᠤ》 ᠠᠮᠵᠢᠬᠤ ᠦᠭᠡᠢ᠃ ᠶᠡᠷᠦᠨᠳᠡᠭ ᠨᠢ ᠪᠦᠬᠦ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠲᠠᠯᠪᠢᠵᠤ ᠪᠣᠯᠬᠤ ᠦᠭᠡᠢ᠃ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠰᠣᠴᠢᠮᠠᠭ᠂ ᠳᠠᠬᠢᠳᠠᠭ ᠠᠷᠬᠠᠭ ᠦᠷᠪᠢᠰᠦᠯ ᠲᠡᠢ ᠡᠮᠡᠭᠲᠡᠢ ᠳ᠋ᠦ᠍ ᠶᠡᠷᠦᠨᠳᠡᠭ ᠲᠠᠯᠪᠢᠬᠤ ᠶ᠋ᠢ ᠬᠣᠷᠢᠭᠯᠠᠨᠠ᠃ ᠲᠥᠷᠥᠭᠰᠡᠨ ᠡᠴᠡ ᠬᠣᠢᠰᠢ ᠭᠤᠷᠪᠠ ᠠ᠋ᠴᠠ ᠳᠣᠭᠣᠭᠰᠢ ᠦᠭᠡᠢ ᠰᠠᠷᠠ ᠪᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ᠂ ᠦᠷᠡ ᠬᠥᠨᠳᠡᠭᠦᠯᠦᠭᠰᠡᠨ ᠡᠴᠡ ᠬᠣᠢᠰᠢ ᠳᠠᠬᠢᠨ ᠰᠠᠷᠠ ᠶ᠋ᠢᠨ ᠲᠡᠮᠳᠡᠭ ᠢᠷᠡᠭᠰᠡᠨ ᠡᠴᠡ ᠬᠣᠢᠰᠢ ᠶᠡᠷᠦᠨᠳᠡᠭ ᠲᠠᠯᠪᠢᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠨᠡ᠃ ᠡᠮᠡᠭᠲᠡᠢᠴᠦᠳ ᠶᠡᠷᠦᠨᠳᠡᠭ ᠲᠠᠯᠪᠢᠬᠤ ᠳᠤᠷᠠᠲᠠᠢ ᠪᠠᠢᠳᠠᠭ᠂ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠵᠢᠷᠮᠦᠰᠦᠨ ᠪᠣᠯᠴᠢᠬᠠᠬᠤ ᠪᠣᠢ ᠭᠡᠳ ᠠᠶᠤᠬᠤ ᠠᠢᠳᠠᠰ ᠦᠭᠡᠢ᠃ ᠠᠮᠢᠳᠤ ᠶ᠋ᠢᠨ ᠵᠢᠷᠭᠠᠯ ᠠᠮᠰᠠᠨ ᠡᠳ᠋ᠯᠡᠬᠦ ᠪᠣᠯᠤᠮᠵᠢ ᠣᠯᠭᠣᠳᠠᠭ᠃ ᠬᠡᠷᠪᠡ ᠲᠠ ᠵᠢᠷᠮᠦᠰᠦᠨ ᠪᠣᠯᠬᠤ ᠶ᠋ᠢ ᠬᠦᠰᠡᠬᠦ ᠦᠭᠡᠢ ᠪᠠᠢᠪᠠᠯ ᠳᠡᠭᠡᠷᠡᠬᠢ ᠠᠷᠭᠠ ᠨᠤᠭᠤᠳ ᠢ᠋ ᠰᠠᠢᠲᠤᠷ ᠰᠤᠳᠤᠯᠵᠤ᠂ ᠣᠢᠯᠠᠭᠠᠬᠤ ᠬᠡᠷᠡᠭᠲᠡᠢ᠃ ᠭᠡᠬᠦ ᠳ᠋ᠡᠭᠡᠨ ᠡᠨᠳᠡ ᠥᠭᠦᠯᠡᠭᠰᠡᠨ ᠬᠡᠳᠦᠨ ᠠᠷᠭᠠ ᠪᠠᠷ ᠵᠢᠷᠮᠦᠰᠦᠯᠡᠬᠦ ᠡᠴᠡ ᠰᠡᠷᠭᠡᠢᠯᠡᠬᠦ ᠠᠷᠭᠠ ᠪᠠᠷᠠᠭᠳᠠᠬᠤ ᠦᠭᠡᠢ᠃ ᠡᠢᠮᠦ ᠡᠴᠡ ᠪᠤᠰᠤᠳ ᠠᠷᠭᠠ ᠶ᠋ᠢᠨ ᠲᠠᠯᠠ ᠪᠠᠷ ᠡᠮᠡᠭᠲᠡᠢᠴᠦᠳ ᠦ᠋ᠨ ᠡᠮᠴᠢ ᠡᠴᠡ ᠵᠥᠪᠯᠡᠯᠭᠡ ᠠᠪᠴᠤ ᠪᠣᠯᠤᠨᠠ᠃