ᠭᠣᠶᠣᠬᠠᠨ ᠴᠢᠮᠡᠭ- ᠭ᠂ ᠳᠠᠸᠠᠳᠠᠯᠠᠢ ГОЁХОН ЧИМЭГ-Г Даваадалай DAVAADALAI - Goyhon Chimeg ᠳᠠᠭᠤᠤ ᠬᠥᠭᠵᠢᠮ

Үг, Ая: Танхай Ерөөлч Сүхээ
Дуучин: Г Даваадалай

Удам сайтай гэж магтах юмаа
Ухаалаг дөлгөөн гэж ярих юмаа
Сэтгэлийн минь жолоо цулбуур сэмхэн алдарнаа
Сээтэгнэх хүүхэн хүсээд хааяа зуларнаа

…Ай хө дүүрэн сартай үдшийн цагаар
Дүүхэлзэх хүрэнээрээ галигуулсаар
Уяан дээр чинь буух чимээ чагнаарай

Гоёхон чимэг төрсөн гэж ярих юмаа
Гол усаар магтаж нэг шагших юмаа
Эр бие минь догдолж яараад тогтож ядаад байх чинь
Эрчис уяа алдарч чамруу тэмүүлнэ дээ хө

….Ай хө дүүрэн сартай үдэш болоход
Дүүхэлзэх хүрэнээрээ галигуулсаар
уяан дээр чинь буух чимээ чагнаарай

Уран үгэнд уярдаггүй гэж ярих юмаа
Уяхан туяхан гоолиг гэж шагших юмаа
Сэтгэл нийлээд ханилан жаргах ерөөл байдын бол
Сэвэлзүүлэн хатирч очоод хайраа илчлэнэ дээ хө
Ай хө дүүрэн сартай үдэш болоход
Дүүхэлзэх хүрэнээрээ галигуулсаар
Уяан дээр чинь буух чимээ чагнаарай