《ᠭᠠᠨᠵᠤᠤᠷ》 ᠲᠤ᠌ ᠲᠡᠮᠳᠡᠭᠯᠡᠭᠳᠡᠵᠦ ᠪᠠᠢᠭᠠ ᠡᠪᠡᠳᠴᠢᠨ ᠵᠠᠰᠠᠬᠤ ᠵᠣᠷ“Ганжуур”-ад тэмдэглэгдэж байгаа өвчин засах жор
2516《ᠭᠠᠨᠵᠤᠤᠷ》 ᠲᠤ᠌ ᠲᠡᠮᠳᠡᠭᠯᠡᠭᠳᠡᠵᠦ ᠪᠠᠢᠭᠠ ᠡᠪᠡᠳᠴᠢᠨ ᠵᠠᠰᠠᠬᠤ ᠵᠣᠷ
《ᠭᠠᠨᠵᠤᠤᠷ 》 ᠲᠤ᠌ ᠠᠢᠯᠠᠳᠤᠭᠰᠠᠨ ᠨᠢ᠄
ᠭᠠᠮᠰᠢᠭ ᠵᠣᠪᠠᠯᠠᠩ ᠢ᠋ ᠠᠷᠢᠯᠭᠠᠬᠤ ᠭᠡᠬᠦ ᠡᠴᠡ ᠲᠡᠭᠦᠨ ᠢ᠋ ᠰᠡᠷᠭᠡᠢᠯᠡᠭᠰᠡᠨ ᠨᠢ ᠳᠡᠭᠡᠷᠡ᠂ᠡᠪᠡᠳᠴᠢᠨ ᠠᠷᠬᠠᠭ ᠠ᠋ᠴᠠ ᠤᠷᠢᠳᠴᠢᠯᠠᠵᠤ ᠵᠠᠢᠯᠠᠭᠰᠠᠨ ᠨᠢ ᠰᠠᠢᠨ ᠪᠣᠯᠠᠢ ᠬᠡᠮᠡᠪᠡ᠃ᠲᠡᠭᠡᠭᠡᠳ ᠵᠠᠭᠤᠨ ᠵᠦᠢᠯ ᠦ᠋ᠨ ᠡᠪᠡᠳᠴᠢᠨ ᠦ᠌ ᠲᠥᠷᠥᠯ ᠢ᠋ ᠳᠣᠣᠷᠠ ᠢᠩᠭᠢᠵᠦ ᠲᠡᠮᠳᠡᠭᠯᠡᠵᠡᠢ ᠃
ᠪᠠᠶᠠᠷᠯᠠᠬᠤ ᠠᠭᠤᠷᠯᠠᠬᠤ ᠶ᠋ᠢᠨ ᠥᠷᠥᠭᠡᠰᠦᠯ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠠᠰᠢᠭ ᠢ᠋ ᠬᠦᠷᠲᠡᠵᠦ ᠵᠢᠷᠤᠮ ᠢ᠋ ᠣᠷᠬᠢᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠥᠩᠭᠡᠨ ᠳ᠋ᠦ᠍ ᠲᠠᠴᠢᠶᠠᠵᠤ ᠰᠤᠷᠲᠠᠯ ᠢ᠋ᠶ᠋ᠠᠨ ᠡᠪᠳᠡᠪᠡᠯ ᠨᠢᠭᠡ ᠡᠪᠡᠳᠴᠢᠨ ᠃
ᠬᠠᠢᠷᠠ ᠤᠷᠮᠠ ᠳ᠋ᠤ᠌ ᠨᠢᠭᠡᠮᠦᠰᠦᠨ ᠬᠦᠯᠢᠭᠳᠡᠪᠡᠯ ᠨᠢᠭᠡ ᠡᠪᠡᠳᠴᠢᠨ᠃
ᠡᠷᠬᠡ ᠲᠠᠪᠠ ᠪᠠᠷ ᠶᠣᠰᠣ ᠪᠤᠰᠤ ᠪᠣᠯ ᠨᠢᠭᠡ ᠡᠪᠡᠳᠴᠢᠨ ᠃
ᠬᠡᠳᠦ ᠬᠣᠪᠳᠣᠭ ᠠᠲᠠᠯᠠ ᠭᠡᠮ ᠢ᠋ᠶ᠋ᠡᠨ ᠬᠠᠯᠬᠠᠯᠠᠬᠤ ᠨᠢ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠢ᠋ ᠮᠠᠭᠤᠰᠢᠶᠠᠵᠤ ᠪᠡᠶᠡ ᠪᠡᠨ ᠰᠠᠢᠰᠢᠶᠠᠬᠤ ᠨᠢ ᠨᠢᠭᠡ ᠡᠪᠡᠳᠴᠢᠨ᠃
ᠳᠤᠷᠠ ᠵᠣᠷᠢᠭ ᠢ᠋ᠶ᠋ᠠᠷ ᠪᠡᠶᠡ ᠳ᠋ᠡᠭᠡᠨ ᠡᠷᠡᠮᠰᠢᠬᠦ ᠨᠢ ᠨᠢᠭᠡ ᠡᠪᠡᠳᠴᠢᠨ᠃
ᠬᠥᠩᠭᠡᠨ ᠬᠠᠭᠤᠳᠠᠮ ᠢ᠋ᠶ᠋ᠠᠷ ᠶᠠᠷᠢᠵᠤ ᠦᠢᠯᠡᠳᠪᠡᠯ ᠨᠢᠭᠡ ᠡᠪᠡᠳᠴᠢᠨ᠃
ᠲᠠᠭᠠᠲᠠᠢ ᠪᠠᠬᠠᠲᠠᠢ ᠬᠡᠮᠡᠵᠦ ᠪᠤᠷᠤᠭᠤ ᠶ᠋ᠢ ᠬᠥᠩᠭᠡᠪᠴᠢᠯᠡᠪᠡᠯ ᠨᠢᠭᠡ ᠡᠪᠡᠳᠴᠢᠨ᠃
ᠡᠷᠬᠡ ᠵᠡᠷᠭᠡ ᠲᠡᠢ ᠬᠡᠮᠡᠵᠦ ᠬᠥᠨᠳᠡᠯᠢᠰᠪᠡᠯ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠢ᠋ ᠪᠤᠷᠤᠭᠤᠰᠢᠶᠠᠵᠤ ᠥᠪᠡᠷ ᠢ᠋ ᠪᠡᠨ ᠵᠦᠪᠳᠡᠭᠡᠪᠡᠯ ᠨᠢᠭᠡ ᠡᠪᠡᠳᠴᠢᠨ᠃
ᠪᠡᠯᠪᠡᠰᠦᠨ ᠥᠨᠥᠴᠢᠨ ᠢ᠋ ᠲᠣᠷᠣᠮᠵᠢᠯᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠦᠴᠦᠨ ᠰᠦᠷ ᠢ᠋ᠶ᠋ᠡᠷ ᠬᠥᠮᠦᠰ ᠢ᠋ ᠳᠡᠢᠯᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠥᠪᠡᠷ ᠦ᠋ᠨ ᠰᠦᠷ ᠬᠦᠴᠦᠨ ᠳ᠋ᠡᠭᠡᠨ ᠡᠷᠡᠮᠰᠢᠪᠡᠯ ᠨᠢᠭᠡ ᠡᠪᠡᠳᠴᠢᠨ᠃
ᠦᠭᠡ ᠪᠡᠷ ᠪᠤᠰᠤᠳ ᠢ᠋ ᠳᠡᠢᠯᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠡᠳ᠋ ᠢ᠋ ᠪᠤᠴᠠᠭᠠᠬᠤ ᠶ᠋ᠢ ᠡᠰᠡ ᠪᠣᠳᠣᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠢ᠋ ᠭᠠᠵᠢᠭᠤᠳᠠᠭᠤᠯᠤᠨ ᠥᠪᠡᠷ ᠢ᠋ ᠪᠡᠨ ᠵᠦᠪᠳᠡᠭᠡᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠬᠥᠨᠳᠡᠯᠡᠨ ᠢ᠋ᠶ᠋ᠡᠷ ᠬᠥᠮᠦᠰ ᠢ᠋ ᠭᠠᠰᠠᠯᠭᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠣᠣᠷᠲᠤ ᠬᠥᠮᠦᠰ ᠯᠦ᠍ᠭᠡ ᠬᠠᠷᠢᠯᠴᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠠᠶᠠᠷᠯᠠᠬᠤ ᠠᠭᠤᠷᠯᠠᠬᠤ ᠪᠠᠷ ᠪᠡᠶᠡ ᠪᠡᠨ ᠰᠠᠢᠷᠬᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠮᠤᠩᠬᠠᠭ ᠠᠲᠠᠯᠠ ᠮᠡᠷᠭᠡᠨ ᠣᠪᠯᠠᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠡᠷᠬᠢᠮ ᠭᠠᠪᠢᠶᠠᠷᠬᠠᠵᠤ ᠣᠮᠣᠷᠬᠠᠭᠯᠠᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠡᠷᠳᠡᠮᠲᠡᠨ ᠮᠡᠷᠭᠡᠳ ᠢ᠋ ᠭᠦᠵᠢᠷᠳᠡᠭᠦᠯᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢ ᠳ᠋ᠡᠭᠡᠨ ᠭᠣᠮᠣᠳᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠤᠳᠠᠯ ᠬᠠᠭᠤᠷᠮᠠᠭ ᠢ᠋ ᠦᠨᠡᠨ ᠬᠡᠮᠡᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠭᠡᠮ ᠢ᠋ ᠳᠤᠷᠠ ᠪᠠᠷ ᠲᠣᠭᠠᠴᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠠᠶᠠᠨ ᠡᠷᠬᠢᠮ ᠭᠡᠮᠡᠨ ᠪᠤᠰᠤᠳ ᠲᠤ᠌ ᠣᠮᠣᠷᠬᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠡᠷᠬᠢᠮᠲᠡᠨ ᠬᠥᠮᠦᠨ ᠢ᠋ ᠬᠤᠢᠬᠤᠷᠯᠠᠨ ᠬᠣᠣᠷᠯᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠵᠢᠰᠤᠷᠳᠠᠨ ᠪᠢᠯᠳᠠᠤᠴᠢᠯᠠᠬᠤ ᠪᠣᠯᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠡᠷᠳᠡᠮᠲᠡᠨ ᠡᠷᠬᠢᠮ ᠭᠡᠮᠡᠨ ᠪᠡᠶᠡ ᠪᠡᠨ ᠭᠠᠢᠬᠠᠭᠤᠯᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠶᠠᠳᠠᠭᠤ ᠭᠡᠮᠡᠨ ᠪᠠᠶᠠᠨ ᠳ᠋ᠤ᠌ ᠠᠲᠠᠭᠠᠷᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠢᠯᠠᠯᠲᠠ ᠪᠦᠲᠦᠭᠡᠯ ᠢ᠋ ᠡᠪᠳᠡᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠬᠤᠪᠢᠨᠴᠢᠷ ᠰᠡᠳᠬᠢᠯ ᠢ᠋ᠶ᠋ᠡᠷ ᠬᠠᠮᠲᠤ ᠶ᠋ᠢ ᠰᠠᠮᠠᠭᠤᠷᠠᠭᠤᠯᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠥᠪᠡᠷ ᠢ᠋ ᠪᠡᠨ ᠬᠠᠯᠬᠠᠯᠠᠨ ᠳᠠᠯᠳᠠᠯᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠲᠦᠭᠰᠢᠭᠦᠷᠢ ᠳ᠋ᠦ᠍ ᠥᠪᠡᠷ ᠢ᠋ᠶ᠋ᠡᠨ ᠠᠮᠤᠷᠵᠢᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠠᠷᠭᠠ ᠪᠢᠯᠢᠭ ᠦ᠋ᠨ ᠠᠲᠠᠭᠠ ᠵᠢᠲᠥᠭᠡ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠬᠠᠵᠠᠭᠤᠳᠠᠬᠢ ᠵᠥᠷᠢᠴᠡᠯ ᠢ᠋ ᠬᠥᠭᠵᠢᠭᠡᠬᠦ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠬᠣᠷᠣᠰᠤᠯ ᠢᠯᠡᠭᠦᠦ ᠬᠠᠢᠷᠠ ᠥᠴᠦᠬᠡᠨ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠡᠰᠡᠷᠭᠦ ᠲᠡᠮᠡᠴᠡᠯ ᠢ᠋ ᠡᠷᠡᠰ ᠪᠠᠷᠢᠮᠲᠠᠯᠠᠬᠤ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠳᠡᠭᠡᠷᠡ ᠪᠦᠬᠦᠨ ᠢ᠋ ᠲᠦᠯᠬᠢᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠳᠤᠲᠠᠭᠳᠠᠯ ᠢ᠋ ᠠᠳᠬᠤᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠠᠭᠤᠷᠮᠠᠭ ᠢᠲᠡᠭᠡᠯ ᠢ᠋ᠶ᠋ᠡᠷ ᠪᠡᠶᠡ ᠪᠡᠨ ᠮᠡᠬᠡᠯᠡᠬᠦ ᠨᠢᠭᠡ ᠡᠪᠡᠳᠴᠢᠨ᠃
ᠥᠭᠯᠢᠭᠡ ᠬᠢᠵᠦ ᠬᠠᠷᠢᠭᠤ ᠪᠣᠳᠣᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠥᠭᠯᠢᠭᠡ ᠬᠢᠭᠰᠡᠨ ᠦᠭᠡᠢ ᠪᠡᠷ ᠪᠤᠰᠤᠳ ᠢ᠋ ᠱᠠᠭᠠᠷᠳᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠲᠤ᠌ ᠭᠣᠮᠣᠳᠠᠨ ᠭᠡᠮᠰᠢᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠬᠤᠪᠢ ᠪᠡᠶᠡ ᠳ᠋ᠡᠭᠡᠨ ᠬᠣᠷᠣᠰᠤᠨ ᠭᠣᠮᠣᠳᠠᠬᠤ ᠨᠢ ᠨᠢᠭᠡ ᠡᠪᠡᠳᠴᠢᠨ᠃
ᠬᠣᠷᠣᠬᠠᠢ ᠠᠳᠤᠭᠤᠰᠤᠨ ᠢ᠋ ᠬᠥᠨᠥᠭᠡᠬᠦ ᠠᠪᠤᠷᠢ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠢ᠋ ᠵᠢᠭᠰᠢᠵᠦ ᠪᠤᠶᠠᠨ ᠤ᠋ ᠮᠥᠷ ᠢ᠋ ᠰᠠᠮᠠᠭᠤᠷᠠᠭᠤᠯᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠴᠢᠳᠠᠪᠤᠷᠢᠲᠠᠨ ᠡᠷᠳᠡᠮᠲᠡᠨ ᠢ᠋ ᠭᠦᠳᠬᠡᠨ ᠮᠠᠭᠤᠰᠢᠶᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠳᠠᠪᠠᠭᠤᠯᠢᠭ ᠲᠤ᠌ ᠬᠣᠷᠣᠰᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠣᠣᠷᠲᠤ ᠡᠮ ᠬᠣᠣᠷᠲᠤ ᠠᠷᠢᠬᠢ ᠡᠳ᠋ᠯᠡᠬᠦ ᠨᠢᠭᠡ ᠡᠪᠡᠳᠴᠢᠨ᠃
ᠰᠡᠳᠬᠢᠯ ᠳᠣᠲᠣᠷᠠ ᠲᠡᠭᠰᠢ ᠪᠤᠰᠤ ᠣᠷᠣᠰᠢᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠤᠷᠠᠨ ᠮᠡᠷᠭᠡᠨ ᠬᠡᠮᠡᠵᠦ ᠤᠯᠤᠰ ᠠ᠋ᠴᠠ ᠲᠠᠲᠠᠪᠤᠷᠢ ᠠᠪᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠦᠲᠦᠭᠡᠯ ᠵᠣᠬᠢᠶᠠᠯ ᠳ᠋ᠠᠭᠠᠨ ᠪᠤᠰᠤᠳ ᠤ᠋ᠨ ᠰᠠᠨᠠᠭᠤᠯᠭᠠ ᠶ᠋ᠢ ᠲᠡᠪᠴᠢᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠤᠷᠢᠳᠤ ᠶ᠋ᠢᠨ ᠭᠡᠮ ᠢ᠋ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠢᠳᠬᠠᠯ ᠰᠠᠨᠠᠭᠤᠯᠭᠠ ᠶ᠋ᠢ ᠡᠰᠡ ᠬᠦᠯᠢᠶᠡᠬᠦ ᠨᠢᠭᠡ ᠡᠪᠡᠳᠴᠢᠨ᠃
ᠳᠣᠲᠣᠨᠣᠰᠣᠭ ᠳᠦᠷᠢᠯᠡᠵᠦ ᠪᠠᠢᠭᠠᠳ ᠭᠠᠳᠠᠭᠤᠷᠴᠢᠯᠠᠨ ᠦᠵᠡᠬᠦ ᠨᠢᠭᠡ ᠡᠪᠡᠳᠴᠢᠨ᠃
ᠳᠣᠷᠣᠢ ᠮᠤᠩᠬᠠᠭ ᠢ᠋ ᠳᠣᠭᠣᠭᠢ ᠬᠢᠬᠦ ᠬᠡᠮᠡᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠬᠢᠨᠢᠳᠤᠯ᠂ᠬᠠᠲᠠᠭᠤ᠂ᠬᠥᠩᠭᠡᠨ᠂ᠪᠠᠴᠢᠮᠳᠠᠬᠤ ᠪᠣᠯ ᠪᠠᠰᠠ ᠨᠢᠭᠡ ᠡᠪᠡᠳᠴᠢᠨ᠃
ᠳᠡᠯᠡᠳᠴᠦ ᠴᠣᠬᠢᠭᠠᠳ ᠶᠣᠰᠣᠨ ᠦᠭᠡᠢ ᠪᠣᠯᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠥᠪᠡᠷ ᠦ᠋ᠨ ᠬᠢ ᠪᠡᠨ ᠵᠥᠪ ᠬᠡᠮᠡᠬᠦ ᠨᠢᠭᠡ ᠡᠪᠡᠳᠴᠢᠨ᠃
ᠰᠡᠵᠢᠭ ᠣᠯᠠᠨ ᠢᠲᠡᠭᠡᠯ ᠪᠠᠭᠠ ᠪᠣᠯᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠰᠣᠯᠢᠶᠠ ᠭᠠᠯᠵᠠᠭᠤ ᠬᠥᠮᠦᠨ ᠢ᠋ ᠳᠣᠭᠣᠭᠢ ᠬᠢᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠣᠴᠣᠢᠬᠤ᠂ᠰᠠᠭᠤᠬᠤ ᠳ᠋ᠠᠭᠠᠨ ᠮᠣᠷᠠᠯ ᠠᠯᠳᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠵᠠᠷ ᠶᠠᠷᠢᠶᠠ ᠬᠣᠣᠷᠲᠤ ᠦᠭᠡ ᠪᠣᠯᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠥᠭᠰᠢᠨ ᠵᠠᠯᠠᠭᠤ ᠶ᠋ᠢ ᠬᠥᠩᠭᠡᠪᠴᠢᠯᠡᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠬᠣᠣᠷᠲᠤ ᠮᠠᠭᠤᠬᠠᠢ ᠳᠦᠷᠢᠯᠡᠨ ᠣᠪᠯᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠡᠲᠦᠷᠡᠲᠡᠯᠡ ᠪᠠᠶᠠᠷᠯᠠᠨ ᠬᠡᠳᠦ ᠢᠨᠢᠶᠡᠯᠴᠡᠬᠦ ᠨᠢ ᠨᠢᠭᠡ ᠡᠪᠡᠳᠴᠢᠨ᠃
ᠡᠷᠬᠡ ᠠᠳᠬᠤᠵᠤ ᠳᠤᠷᠠ ᠲᠠᠪᠠ ᠪᠠᠷ ᠪᠣᠯᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠵᠠᠭᠠᠯᠳᠤᠯᠭᠠ ᠬᠢᠵᠦ ᠪᠤᠰᠤᠳ ᠢ᠋ ᠬᠥᠨᠥᠭᠡᠬᠦ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠵᠢᠰᠤᠷ ᠵᠢᠭᠲᠡᠢ ᠬᠤᠢᠬᠤᠷᠯᠠᠨ ᠪᠢᠯᠳᠠᠤᠴᠢᠯᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠤᠪ ᠮᠡᠬᠡᠯᠡᠯ ᠬᠤᠢᠬᠤᠷ ᠬᠠᠭᠤᠷᠮᠠᠭ ᠢ᠋ ᠡᠪᠦᠷᠯᠡᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠬᠣᠪᠴᠢ ᠥᠭᠦᠯᠡᠵᠦ ᠢᠲᠡᠭᠡᠯ ᠠᠯᠳᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠠᠷᠢᠬᠢᠨ ᠤ᠋ ᠬᠦᠴᠦᠨ ᠢ᠋ᠶ᠋ᠡᠷ ᠬᠥᠨᠳᠡᠯᠡᠨ ᠠᠭᠠᠰᠢᠯᠠᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠰᠠᠯᠬᠢᠨ ᠪᠣᠷᠣᠭᠠᠨ ᠢ᠋ ᠵᠢᠭᠠᠵᠤ ᠬᠠᠷᠢᠶᠠᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠣᠣᠷᠲᠤ ᠥᠭᠦᠯᠡᠵᠦ ᠠᠯᠠᠵᠤ ᠨᠢᠲᠤᠯᠪᠠᠰᠤ ᠨᠢᠭᠡ ᠡᠪᠡᠳᠴᠢᠨ᠃
ᠬᠥᠮᠦᠨ ᠠᠯᠠᠵᠤ ᠤᠷᠤᠭ ᠤᠨᠠᠭᠠᠯᠭᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠬᠡᠷᠡᠭ ᠲᠦ᠍ ᠭᠠᠷ ᠲᠥᠷᠥᠬᠦ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠵᠢᠭᠡᠯᠡᠬᠦ ᠭᠡᠳ ᠡᠰᠡ ᠥᠭᠪᠡᠰᠦ ᠬᠣᠷᠣᠰᠬᠤ ᠠᠨᠤ ᠨᠢᠭᠡ ᠡᠪᠡᠳᠴᠢᠨ᠃
ᠥᠷᠢ ᠲᠥᠯᠥᠭᠡᠰᠦᠨ ᠡᠴᠡ ᠪᠡᠨ ᠤᠷᠭᠤᠨ ᠳᠤᠲᠠᠭᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠷᠤᠭᠤ ᠪᠠᠨ ᠬᠠᠮᠠᠭᠠᠯᠠᠵᠤ ᠪᠤᠯᠢᠬᠠᠢᠯᠠᠬᠤ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠬᠢ ᠶ᠋ᠢ ᠬᠤᠯᠠᠭᠠᠢᠯᠠᠨ ᠳᠡᠭᠡᠷᠡᠮᠳᠡᠬᠦ ᠨᠢᠭᠡ ᠡᠪᠡᠳᠴᠢᠨ᠃
ᠵᠣᠷᠢᠭᠤᠳᠠ ᠪᠠᠷ ᠬᠥᠮᠦᠰ ᠢ᠋ ᠲᠥᠭᠡᠷᠢᠭᠦᠯᠦᠨ ᠰᠠᠭᠠᠲᠠᠭᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠡᠭᠦᠷ ᠢ᠋ ᠨᠢ ᠡᠪᠳᠡᠵᠦ ᠥᠨᠳᠡᠭᠡ ᠶ᠋ᠢ ᠨᠢ ᠬᠠᠭᠠᠯᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠤᠰᠤ ᠭᠠᠯ ᠢ᠋ᠶ᠋ᠠᠷ ᠪᠤᠰᠤᠳ ᠢ᠋ ᠳᠠᠢᠯᠠᠨ ᠰᠢᠷᠬᠠᠲᠤᠭᠤᠯᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠰᠣᠬᠣᠷ᠂ ᠳᠦᠯᠡᠢ᠂ ᠶᠠᠪᠠ ᠶ᠋ᠢ ᠳᠣᠭᠣᠭᠢ ᠬᠢᠪᠡᠰᠦ ᠨᠢᠭᠡ ᠡᠪᠡᠳᠴᠢᠨ᠃
ᠬᠥᠮᠦᠨ ᠵᠠᠬᠢᠵᠤ ᠳᠡᠯᠡᠳᠴᠦ ᠴᠣᠬᠢᠭᠤᠯᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠢ᠋ᠶ᠋ᠠᠷ ᠨᠢᠭᠦᠯ ᠦᠢᠯᠡᠳᠦᠭᠦᠯᠬᠦ ᠨᠢᠭᠡ ᠡᠪᠡᠳᠴᠢᠨ᠃
ᠬᠥᠨᠥᠭᠡᠯ ᠢ᠋ ᠡᠪᠦᠷᠯᠡᠵᠦ ᠬᠠᠢᠷᠠ ᠠ᠋ᠴᠠ ᠬᠠᠭᠠᠴᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠡᠳ᠋ ᠪᠠᠷᠠᠭᠠ ᠶ᠋ᠢ ᠦᠵᠡᠭᠰᠡᠭᠡᠷ ᠬᠣᠪᠳᠣᠭᠯᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠤᠷᠤᠭ ᠬᠤᠷᠢᠮ ᠢ᠋ ᠰᠠᠮᠠᠭᠤᠷᠠᠭᠤᠯᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠤ᠋ᠨ ᠡᠳ᠋ ᠪᠣᠳᠠᠰ ᠢ᠋ ᠪᠤᠯᠢᠶᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠢ᠋ ᠥᠳᠥᠭᠡᠨ ᠬᠡᠷᠡᠭᠦᠯ ᠪᠣᠯᠭᠠᠬᠤ ᠨᠢᠭᠡ ᠨᠢ ᠡᠪᠡᠳᠴᠢᠨ᠃
ᠪᠤᠰᠤᠳ ᠢ᠋ᠶ᠋ᠠᠷ ᠱᠣᠭᠯᠠᠵᠤ ᠪᠤᠷᠤᠭᠤ ᠦᠵᠡᠯ ᠢ᠋ᠶ᠋ᠡᠨ ᠪᠠᠷᠢᠮᠲᠠᠯᠠᠬᠤ ᠪᠣᠯ ᠨᠢᠭᠡ ᠡᠪᠡᠳᠴᠢᠨ᠃
ᠥᠪᠡᠷ ᠦ᠋ᠨ ᠬᠢ ᠪᠡᠨ ᠬᠡᠮᠡᠵᠦ ᠣᠮᠣᠷᠬᠠᠭ ᠰᠠᠭᠰᠠᠭᠤ ᠪᠠᠢᠪᠠᠯ ᠨᠢᠭᠡ ᠡᠪᠡᠳᠴᠢᠨ᠃
ᠪᠤᠰᠤᠳ ᠢ᠋ ᠮᠠᠭᠤᠰᠢᠶᠠᠨ ᠳᠡᠢᠯᠦᠩᠭᠢ ᠠᠭᠠᠰᠢᠯᠠᠬᠤ ᠨᠢᠭᠡ ᠡᠪᠡᠳᠴᠢᠨ᠃
ᠭᠠᠨᠵᠤᠤᠷ ᠨᠣᠮ ᠳ᠋ᠤ᠌ ᠠᠢᠯᠠᠳᠤᠭᠰᠠᠨ ᠨᠢ᠄
ᠳᠡᠭᠡᠷᠡᠬᠢ ᠵᠠᠭᠤᠨ ᠵᠤᠷᠪᠤᠰ ᠪᠣᠯ ᠵᠠᠭᠤᠨ ᠵᠦᠢᠯ ᠦ᠋ᠨ ᠡᠪᠡᠳᠴᠢᠨ ᠪᠣᠯᠠᠢ᠂ᠡᠳᠦᠷ ᠪᠦᠷᠢ ᠪᠠᠢᠴᠠᠭᠠᠨ ᠬᠢᠨᠠᠵᠤ᠂ ᠨᠢᠭᠡᠨ ᠡᠪᠡᠳᠴᠢᠨ ᠢ᠋ ᠡᠰᠡ ᠡᠭᠦᠰᠬᠡᠪᠡᠰᠦ ᠯᠠᠪᠲᠠᠢ ᠬᠣᠣᠷᠯᠠᠯ ᠬᠥᠨᠥᠭᠡᠯ ᠡᠰᠡ ᠢᠷᠡᠬᠦ ᠪᠥᠯᠥᠭᠡ᠂ᠨᠢᠰᠸᠠᠨᠢᠰ ᠪᠠ ᠭᠠᠢ ᠵᠣᠪᠠᠯᠠᠩ ᠵᠠᠢᠯᠠᠬᠤ ᠪᠥᠯᠥᠭᠡ᠂ᠥᠪᠡᠷ ᠦ᠋ᠨ ᠠᠮᠢ ᠨᠠᠰᠤᠨ ᠢ᠋ᠶ᠋ᠠᠨ ᠤᠷᠲᠤᠳᠬᠠᠬᠤ ᠮᠥᠷᠲᠡᠭᠡᠨ᠂ᠦᠷᠡ ᠬᠣᠢᠴᠢᠰ ᠲᠠᠭᠠᠨ ᠡᠨᠡᠬᠦ ᠪᠤᠶᠠᠨ ᠢ᠋ ᠡᠳ᠋ᠯᠡᠭᠦᠯᠬᠦ ᠪᠥᠯᠥᠭᠡ! ᠡᠷᠲᠡᠨ ᠦ᠌ ᠪᠣᠭᠳᠠᠰ ᠤ᠋ᠨ ᠰᠤᠷᠭᠠᠯ ᠬᠡᠮᠡᠪᠡᠰᠦ ᠪᠤᠶᠠᠨ ᠤ᠋ ᠦᠨᠳᠦᠰᠦᠨ ᠪᠥᠯᠥᠭᠡ᠃ᠪᠤᠶᠠᠨ ᠢ᠋ ᠥᠴᠦᠬᠡᠨ ᠬᠡᠮᠡᠵᠦ ᠪᠢᠲᠡᠭᠡᠢ ᠪᠠᠰᠤ᠂ᠨᠢᠭᠦᠯ ᠢ᠋ ᠥᠴᠦᠬᠡᠨ ᠬᠡᠮᠡᠵᠦ ᠪᠢᠲᠡᠭᠡᠢ ᠦᠢᠯᠡᠳ᠂ᠨᠢᠭᠦᠯ ᠢ᠋ᠶ᠋ᠡᠨ ᠠᠷᠢᠯᠭᠠᠵᠤ ᠪᠤᠶᠠᠨ ᠢ᠋ ᠦᠢᠯᠡᠳᠪᠡᠰᠦ ᠳᠠᠷᠤᠢ ᠰᠠᠢᠨ ᠡᠮ ᠪᠥᠯᠥᠭᠡ ᠭᠡᠵᠡᠢ᠃
《ᠣᠲᠠᠴᠢ ᠪᠤᠷᠬᠠᠨ ᠤ᠋ ᠶᠢᠷᠲᠢᠨᠴᠦ ᠶ᠋ᠢ ᠲᠤᠰᠠᠯᠠᠬᠤ ᠦᠵᠡᠯ ᠦ᠋ᠨ ᠰᠤᠳᠤᠷ》 ᠠ᠋ᠴᠠ
ᠲᠦᠮᠡᠨᠴᠡᠴᠡᠭ ᠦᠰᠦᠭ ᠢ᠋ ᠠᠮᠢᠯᠠᠭᠤᠯᠵᠤ᠂
ᠮᠤᠩᠭᠤᠯᠵᠠᠶᠠᠭᠠ ᠬᠢᠨᠠᠯᠲᠠ ᠬᠢᠪᠡ᠃
