ᠬᠣᠶᠠᠷ ᠨᠢᠭᠤᠷ ᠲᠠᠢ ᠬᠣᠷᠸᠠ-ᠮᠡᠷᠭᠡᠨᠪᠠᠭᠠᠲᠤᠷХоёр нигууртай хорвоо
264ᠬᠣᠶᠠᠷ ᠨᠢᠭᠤᠷ ᠲᠠᠢ ᠬᠣᠷᠸ᠋ᠠ
ᠨᠣᠶᠠᠨ ᠵᠡᠷᠭᠡ ᠲᠠᠢ ᠶᠠᠪᠤᠬᠤ ᠳᠤ ᠨᠢ
ᠨᠣᠬᠠᠢ ᠰᠢᠭ᠋ ᠳᠠᠭᠠᠳᠠᠭ ᠨᠢ ᠣᠯᠠᠨ ᠪᠠᠶ᠋ᠢᠪᠠᠴᠤ
ᠨᠤᠷᠠᠵᠤ ᠰᠦᠢᠷᠡᠭᠡᠳ ᠤᠷᠤᠭᠤᠳᠠᠬᠤ ᠳᠤ ᠨᠢ
ᠳᠦᠰᠢᠭᠡᠳ ᠠᠪᠳᠠᠭ ᠨᠢ ᠬᠡᠳᠦ ᠯᠠ ᠪᠠᠶ᠋ᠢᠬᠤ ᠪᠤᠢ
ᠥᠩᠭᠡ ᠲᠡᠢ ᠭᠡᠷᠡᠯ ᠲᠡᠢ ᠶᠠᠪᠤᠬᠤ ᠳᠤ ᠨᠢ
ᠡᠳᠦᠷᠵᠢᠨ ᠰᠦᠯᠡᠳᠡᠭ ᠨᠢ ᠣᠯᠠᠨ ᠪᠠᠶ᠋ᠢᠪᠠᠴᠤ
ᠦᠭᠡᠶ᠋ᠢᠷᠡᠬᠦ ᠶ᠋ᠢᠨ ᠵᠤᠪᠠᠯᠠᠩ ᠳᠤ ᠤᠨᠠᠬᠤ ᠳᠤ
ᠡᠷᠭᠦᠭᠡᠳ ᠠᠪᠳᠠᠭ ᠨᠢ ᠬᠡᠳᠦ ᠯᠠ ᠪᠠᠶ᠋ᠢᠬᠤ ᠪᠤᠢ
ᠰᠠᠷᠬᠤᠳ ᠤᠨ ᠰᠢᠷᠡᠭᠡ ᠴᠠᠯᠭᠢᠬᠤ ᠳᠤ
ᠰᠠᠶ᠋ᠢᠬᠠᠨ ᠦᠭᠡ ᠲᠡᠢ ᠨᠢ ᠣᠯᠠᠨ ᠪᠠᠶ᠋ᠢᠪᠠᠴᠤ
ᠰᠣᠭᠳᠣᠵᠤ ᠭᠤᠶ᠋ᠢᠪᠢᠭᠠᠳ ᠤᠨᠠᠬᠤ ᠳᠤ ᠨᠢ
ᠰᠤᠭᠤᠳᠠᠭᠠᠳ ᠪᠤᠴᠠᠬᠤ ᠨᠢ ᠬᠡᠳᠦ ᠯᠠ ᠪᠠᠶ᠋ᠢᠬᠤ ᠪᠤᠢ
ᠠᠮᠤᠭᠤᠯᠠᠩ ᠲᠡᠭᠦᠯᠳᠡᠷ ᠠᠮᠢᠳᠤᠷᠠᠬᠤ ᠳᠤ
ᠠᠶ᠋ᠢᠮᠠᠭ ᠲᠦᠷᠦᠯ ᠦᠳ ᠣᠯᠠᠨ ᠪᠠᠶ᠋ᠢᠪᠠᠴᠤ
ᠠᠮᠢᠳᠤ ᠶ᠋ᠢᠨ ᠬᠠᠭᠠᠴᠠᠯ ᠳᠤ ᠥᠨᠥᠴᠢᠷᠡᠬᠦ ᠳᠦ
ᠥᠷᠥᠪᠳᠦᠭᠡᠳ ᠠᠪᠳᠠᠭ ᠨᠢ ᠬᠡᠳᠦ ᠯᠠ ᠪᠠᠶ᠋ᠢᠬᠤ ᠪᠤᠢ
ᠮᠥᠩᠭᠥ ᠲᠥᠭᠥᠷᠢᠭ ᠢ ᠨᠢ ᠬᠠᠷᠮᠠᠯᠠᠭᠠᠳ
ᠮᠥᠷᠭᠦᠭᠡᠳ ᠶᠠᠪᠤᠳᠠᠭ ᠨᠢ ᠣᠯᠠᠨ ᠪᠠᠶ᠋ᠢᠪᠠᠴᠤ
ᠪᠤᠷᠬᠠᠨ ᠰᠠᠶ᠋ᠢᠬᠠᠨ ᠰᠡᠳᠬᠢᠯ ᠳᠦ ᠴᠢᠨᠢ
ᠪᠤᠶᠠᠨ ᠰᠠᠨᠠᠳᠠᠭ ᠨᠢ ᠬᠡᠳᠦ ᠯᠠ ᠪᠠᠶ᠋ᠢᠬᠤ ᠪᠤᠢ
ᠬᠡᠯᠡᠬᠦ ᠶ᠋ᠢᠨ ᠲᠡᠳᠦᠢ ᠮᠠᠭᠲᠠᠭᠠᠯ ᠢᠶ᠋ᠠᠷ
ᠬᠥᠭᠰᠡᠭᠦᠯᠵᠤ ᠶᠠᠪᠤᠳᠠᠭ ᠨᠢ ᠣᠯᠠᠨ ᠪᠠᠶ᠋ᠢᠪᠠᠴᠤ
ᠬᠦᠭᠡᠷᠦᠦ ᠪᠠᠷᠳᠠᠮ ᠵᠠᠩ ᠢ ᠴᠢᠨᠢ
ᠵᠠᠯᠠᠭᠠᠳ ᠦᠭᠳᠡᠭ ᠨᠢ ᠬᠡᠳᠦ ᠯᠠ ᠪᠠᠶ᠋ᠢᠬᠤ ᠪᠤᠢ
ᠬᠣᠶᠠᠷ ᠥᠩᠭᠡ ᠲᠡᠢ ᠬᠣᠷᠸ᠋ᠠ ᠶ᠋ᠢ ᠪᠢᠳᠠ
ᠬᠤᠭᠤᠷᠳᠠᠵᠤ ᠳᠠᠭᠤᠯᠠᠭᠠᠳ ᠤᠶᠠᠷᠠᠭᠠᠵᠤ ᠴᠢᠳᠠᠨᠠ ᠤᠤ ᠳ᠋ᠠ
ᠬᠣᠶᠠᠷ ᠨᠢᠭᠤᠷ ᠲᠠᠢ ᠵᠢᠰᠦᠷᠲᠡᠨ ᠢ
ᠭᠤᠶᠠᠳᠠᠵᠤ ᠰᠤᠷᠭᠠᠭᠠᠳ ᠬᠤᠪᠢᠷᠠᠭᠤᠯᠵᠤ ᠴᠢᠳᠠᠨᠠ ᠤᠤ ᠳ᠋ᠠ