ᠡᠷᠡ ᠡᠮᠡ ᠶᠢᠨ ᠶᠣᠰᠣᠨ – ᠳ ᠂ ᠪᠤᠯᠤᠳᠴᠡᠷᠢᠩ <ᠨᠢᠭᠡᠳᠦᠭᠡᠷ ᠪᠦᠯᠦᠭ>– ᠳᠦᠷᠪᠡ᠂ ᠡᠭᠦᠯᠡ ᠪᠣᠷᠣᠭᠠᠨ ᠤ ᠶᠠᠪᠤᠳᠠᠯ ᠪᠤᠶᠤ ᠡᠩᠭᠡᠷ ᠵᠥᠷᠢᠭᠦᠯᠬᠦ - ᠮᠣᠩᠭᠣᠯ ᠡᠷᠬᠢᠮ ᠶᠣᠰᠣ Эр эмийн ёсон – Д᠂ Болдцэрэн <Нэгдүгээр бүлэг>– дөрөв᠂ Үүл
338ᠳᠦᠷᠪᠡ᠂ ᠡᠭᠦᠯᠡ ᠪᠣᠷᠣᠭᠠᠨ ᠤ ᠶᠠᠪᠤᠳᠠᠯ ᠪᠤᠶᠤ ᠡᠩᠭᠡᠷ ᠵᠥᠷᠢᠭᠦᠯᠬᠦ - ᠮᠣᠩᠭᠣᠯ ᠡᠷᠬᠢᠮ ᠶᠣᠰᠣ
ᠬᠤᠷᠢᠴᠠᠯ ᠪᠣᠯ ᠬᠠᠨᠢᠯᠠᠭᠰᠠᠨ ᠬᠣᠶᠠᠷ ᠤ᠋ᠨ ᠬᠠᠮᠤᠭ ᠤ᠋ᠨ ᠡᠷᠬᠢᠮ ᠨᠢᠭᠤᠴᠠ ᠲᠡᠳᠦᠢ ᠦᠭᠡᠢ ᠲᠡᠳᠡᠨ ᠦ᠌ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠶᠤᠮ᠃ ᠲᠡᠭᠦᠨ ᠦ᠌ ᠥᠷᠨᠢᠬᠦ ᠦᠢᠯᠡ ᠶᠠᠪᠤᠴᠠ ᠶ᠋ᠢ ᠳᠣᠲᠣᠷᠠ ᠨᠢ ᠣᠷᠣᠰᠢᠯ᠂ ᠥᠷᠨᠢᠯ᠂ ᠲᠤᠢᠯ᠂ ᠲᠠᠢᠯᠤᠯ ᠭᠡᠰᠡᠨ ᠳᠥᠷᠪᠡᠨ ᠦᠶᠡ ᠱᠠᠲᠤ ᠪᠣᠯᠭᠠᠵᠤ ᠬᠤᠪᠢᠶᠠᠳᠠᠭ᠃ ᠲᠡᠭᠡᠪᠡᠯ ᠣᠷᠣᠰᠢᠯ ᠨᠢ ᠤᠶᠠᠷᠠᠯ ᠬᠠᠢᠷᠠ ᠪᠠᠨ ᠰᠢᠪᠡᠨᠡᠨ ᠥᠭᠦᠯᠡᠬᠦ ᠢᠯᠳᠠᠮ ᠳ᠋ᠤ᠌ ᠬᠣᠶᠠᠷ ᠪᠡᠶᠡ ᠪᠡᠨ ᠲᠡᠪᠡᠷᠢᠨ ᠦᠨᠦᠰᠬᠦ᠂ ᠢᠯᠢᠨ ᠲᠠᠭᠠᠯᠠᠬᠤ᠂ ᠱᠦᠷᠭᠦᠭᠡᠨ ᠬᠦᠷᠦᠯᠴᠡᠬᠦ᠂ ᠢᠨᠠᠭᠯᠠᠨ ᠡᠩᠬᠦᠷᠡᠢᠯᠡᠬᠦ ᠦᠢᠯᠡᠳᠦᠯ ᠶᠦᠮ᠃ ᠡᠳᠡᠭᠡᠷ ᠦᠢᠯᠡᠳᠦᠯ ᠲᠤᠰ ᠪᠦᠷᠢ ᠨᠢ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠨᠠᠷᠢᠨ ᠤᠷᠠᠯᠢᠭ ᠰᠣᠶᠣᠯ ᠪᠠᠢᠳᠠᠭ᠃ ᠭᠡᠪᠡᠴᠦ ᠵᠠᠷᠢᠮ ᠬᠣᠣᠰ ᠤ᠋ᠳ ᠡᠭᠦᠨ ᠦ᠌ ᠨᠠᠷᠢᠨ ᠤᠴᠢᠷ ᠢ᠋ ᠲᠡᠳᠦᠢ ᠯᠡ ᠣᠢᠰᠢᠶᠠᠳᠠᠭ ᠦᠭᠡᠢ᠃ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠦᠢᠯᠡᠳᠦᠯ ᠨᠢ ᠵᠥᠪᠬᠡᠨ ᠪᠡᠶᠡ ᠶ᠋ᠢᠨ ᠲᠡᠳᠦᠢ ᠦᠭᠡᠢ ᠰᠡᠳᠬᠢᠯ ᠰᠠᠨᠠᠭᠠᠨ ᠤ᠋ ᠨᠠᠨᠳᠢᠨ ᠤᠴᠠᠷᠠᠯ ᠪᠠᠢᠬᠤ ᠤᠴᠢᠷ ᠲᠠᠢ ᠠᠲᠠᠯᠠ ᠣᠷᠣᠰᠢᠯ ᠦᠭᠡᠢ ᠡᠩᠭᠡᠷ ᠵᠥᠷᠢᠭᠦᠯᠪᠡᠯ ᠬᠤᠷᠢᠴᠠᠯ ᠳᠠᠩ ᠭᠠᠭᠴᠠ ᠪᠡᠶᠡ ᠶ᠋ᠢᠨ ᠤᠴᠠᠷᠠᠯ ᠪᠣᠯᠤᠨ ᠬᠤᠪᠢᠷᠠᠨᠠ᠃ ᠣᠷᠣᠰᠢᠯ ᠤ᠋ᠨ ᠶᠠᠪᠤᠴᠠ ᠳ᠋ᠤ᠌ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠬᠥᠳᠡᠯᠵᠦ᠂ ᠬᠠᠢᠷᠠ ᠰᠡᠳᠬᠢᠯ ᠦ᠋ᠨ ᠤᠶᠠᠩᠭᠠ ᠨᠢ ᠡᠭᠡᠰᠢᠭᠯᠡᠨᠡ᠃ ᠣᠷᠣᠰᠢᠯ ᠦᠭᠡᠢ ᠬᠤᠷᠢᠴᠠᠯ ᠪᠣᠯ ᠬᠥᠭ ᠦᠭᠡᠢ ᠬᠥᠭᠵᠢᠮ ᠢ᠋ᠶ᠋ᠡᠷ ᠲᠣᠭᠯᠠᠬᠤ ᠲᠠᠢ ᠢᠯᠭᠠᠭᠠ ᠶᠠᠭᠤᠨ ᠪᠢᠯᠡ᠃ ᠡᠢᠮᠦ ᠡᠴᠡ ᠰᠠᠢᠬᠠᠨ ᠠᠶᠠ ᠡᠬᠢᠯᠡᠭᠦᠯᠬᠦ ᠶ᠋ᠢᠨ ᠲᠤᠯᠠᠳᠠ ᠬᠥᠭᠵᠢᠮ ᠢ᠋ᠶ᠋ᠡᠨ ᠰᠠᠢᠨ ᠬᠥᠭᠯᠡᠬᠦ ᠬᠡᠷᠡᠭᠲᠡᠢ ᠶᠢᠨ ᠠᠳᠠᠯᠢ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠦᠢᠯᠡᠳᠦᠯ ᠳ᠋ᠦ᠍ ᠣᠷᠣᠰᠢᠯ ᠵᠠᠢᠯᠠᠰᠢ ᠦᠭᠡᠢ ᠴᠢᠬᠤᠯᠠ ᠪᠠᠢᠳᠠᠭ᠃ ᠴᠣᠬᠣᠮ ᠡᠨᠳᠡ ᠡᠴᠡ ᠯᠡ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠴᠠᠭᠠᠨ ᠲᠣᠯᠣᠭᠠᠢ ᠡᠬᠢᠯᠡᠨᠡ᠃
ᠣᠷᠣᠰᠢᠯ ᠤ᠋ᠨ ᠴᠢᠬᠤᠯᠠ ᠬᠡᠰᠡᠭ ᠪᠣᠯ ᠲᠡᠪᠡᠷᠢᠨ ᠦᠨᠦᠰᠬᠦ᠂ ᠪᠠᠰᠠ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠶ᠋ᠢ ᠬᠥᠳᠡᠯᠭᠡᠳᠡᠭ ᠪᠡᠶᠡ ᠶ᠋ᠢᠨ ᠳᠣᠲᠣᠷᠠᠬᠢ ᠲᠣᠳᠣᠷᠬᠠᠢ ᠬᠡᠰᠡᠭ ᠢ᠋ ᠱᠦᠷᠭᠦᠭᠡᠨ ᠬᠦᠷᠦᠯᠴᠡᠬᠦ ᠶᠠᠪᠤᠳᠠᠯ ᠶᠤᠮ᠃ ᠲᠤᠬᠠᠢᠯᠠᠪᠠᠯ ᠮᠥᠮᠥ ᠶ᠋ᠢᠨ ᠲᠣᠪᠴᠢ ᠶ᠋ᠢ ᠵᠥᠭᠡᠯᠡᠨ ᠢᠮᠡᠷᠬᠦ᠂ ᠴᠢᠮᠬᠢᠯᠡᠬᠦ᠂ ᠢᠯᠢᠬᠦ᠂ ᠳᠣᠯᠢᠶᠠᠬᠤ᠂ ᠬᠥᠬᠥᠬᠦ ᠳ᠋ᠦ᠍ ᠳᠤᠷᠠ ᠬᠠᠮᠤᠭ ᠤ᠋ᠨ ᠶᠡᠬᠡ ᠬᠦᠷᠳᠡᠭ᠂ ᠬᠠᠷᠢᠨ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠡᠭᠦᠰᠬᠦ ᠬᠢᠷᠢ ᠬᠡᠮᠵᠢᠶᠡ ᠨᠢ ᠬᠥᠬᠥᠨ ᠦ᠌ ᠲᠣᠮᠣ ᠵᠢᠵᠢᠭ ᠡᠴᠡ ᠰᠢᠯᠲᠠᠭᠠᠯᠠᠬᠤ ᠦᠭᠡᠢ᠃ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠦᠢᠯᠡ ᠶᠠᠪᠤᠴᠠ ᠶ᠋ᠢᠨ ᠦᠷᠡ ᠳ᠋ᠦᠩ ᠳ᠋ᠦ᠍ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠤ᠋ᠨ ᠳᠤᠷᠠ ᠬᠦᠰᠡᠯ ᠣᠷᠭᠢᠯᠤᠨ ᠪᠠᠳᠠᠷᠠᠬᠤᠢ ᠳ᠋ᠤ᠌ ᠬᠤᠷᠢᠴᠠᠯ ᠤ᠋ᠨ ᠬᠥᠰᠢᠭᠡ ᠠᠯᠭᠤᠷᠬᠠᠨ ᠨᠡᠭᠡᠭᠡᠭᠳᠡᠨᠡ᠃ ᠬᠡᠳᠦᠢᠪᠡᠷ ᠣᠷᠣᠰᠢᠯ ᠵᠠᠢᠯᠠᠰᠢ ᠦᠭᠡᠢ ᠴᠢᠬᠤᠯᠠ ᠪᠣᠯᠪᠠᠴᠤ ᠲᠡᠭᠦᠨ ᠢ᠋ ᠬᠡᠳᠦ ᠰᠤᠨᠵᠢᠷᠠᠭᠤᠯᠪᠠᠯ ᠵᠠᠯᠬᠠᠬᠤ ᠪᠣᠯᠤᠨᠠ᠃ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠰᠤᠳᠤᠯᠤᠭᠴᠢᠳ ᠣᠷᠣᠰᠢᠯ ᠤ᠋ᠨ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠬᠤᠷᠢᠴᠠᠯ ᠠ᠋ᠴᠠ ᠳᠥᠷᠪᠡ ᠳᠠᠬᠢᠨ ᠤᠷᠲᠤ ᠪᠠᠢᠪᠠᠯ ᠲᠣᠬᠢᠷᠠᠮᠵᠢ ᠲᠠᠢ ᠭᠡᠵᠦ ᠦᠵᠡᠳᠡᠭ᠃
ᠡᠢᠬᠦ ᠣᠷᠣᠰᠢᠯ ᠤ᠋ᠨ ᠠᠴᠢ ᠪᠠᠷ ᠡᠷᠡ ᠡᠮᠡ ᠬᠣᠶᠠᠷ《ᠳᠣᠲᠣᠷᠠ ᠳᠣᠲᠣᠷᠠ ᠪᠠᠨ ᠡᠭᠦᠯᠡᠨ ᠦ᠌ ᠱᠠᠲᠤ ᠶ᠋ᠢ ᠳᠠᠮᠵᠢᠨ ᠰᠠᠷᠠᠨ ᠤ᠋ ᠣᠷᠣᠨ ᠳ᠋ᠤ᠌ ᠣᠴᠢᠵᠤ᠂ ᠪᠣᠷᠣᠭᠠᠨ ᠤ᠋ ᠬᠡᠷᠡᠭ ᠢ᠋ ᠭᠦᠢᠴᠡᠳᠬᠡᠬᠦ》 ᠳ᠋ᠦ᠍ ᠪᠡᠯᠡᠨ ᠪᠣᠯᠤᠭᠰᠠᠨ ᠪᠠᠢᠬᠤ ᠪᠤᠢᠠ᠃ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠡᠭᠦᠰᠦᠭᠰᠡᠨ ᠢ᠋ᠶ᠋ᠡᠷ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠶ᠋ᠢᠨ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ᠂ ᠪᠡᠯᠭᠡ ᠡᠷᠬᠡᠲᠡᠨ ᠳ᠋ᠦ᠍ ᠶᠡᠬᠡᠬᠡᠨ ᠥᠭᠡᠷᠡᠴᠢᠯᠡᠯᠲᠡ ᠭᠠᠷᠤᠨᠠ᠃ ᠲᠤᠬᠠᠢᠯᠠᠪᠠᠯ᠂ ᠬᠠᠴᠠᠷ᠂ ᠴᠢᠬᠢ ᠬᠠᠯᠠᠭᠤ ᠣᠷᠬᠢᠵᠤ᠂ ᠠᠮᠢᠰᠬᠤᠭᠠ ᠳᠠᠪᠴᠢᠭᠤᠳᠠᠬᠤ ᠶ᠋ᠢᠨ ᠰᠠᠴᠠᠭᠤ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠬᠥᠪᠴᠢᠷᠡᠵᠦ᠂ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠮᠥᠮᠥ ᠬᠠᠲᠠᠭᠤᠷᠠᠨ ᠵᠠᠩᠭᠢᠷᠠᠵᠤ᠂ ᠳᠣᠷᠣᠭᠰᠢ ᠪᠠᠨ ᠶᠠᠯᠢᠮ ᠦᠭᠡᠢ ᠰᠢᠩᠭᠡᠨ ᠶᠠᠭᠤᠮᠠ ᠭᠠᠷᠳᠠᠭ᠃ ᠡᠨᠡ ᠪᠣᠯ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠬᠥᠳᠡᠯᠵᠦ᠂ ᠳᠤᠷᠠ ᠨᠢ ᠬᠦᠷᠦᠭᠰᠡᠨ ᠦ᠌ ᠭᠣᠣᠯ ᠰᠢᠨᠵᠢ ᠲᠡᠮᠳᠡᠭ ᠶᠦᠮ᠃ ᠡᠭᠦᠨ ᠢ᠋ᠶ᠋ᠡᠷ ᠬᠤᠷᠢᠴᠠᠯ ᠤ᠋ᠨ ᠣᠷᠣᠰᠢᠯ ᠰᠢᠪᠲᠤᠷᠠᠴᠤ᠂ ᠪᠡᠶᠡ ᠪᠡᠷ ᠣᠢᠷᠠᠲᠤᠬᠤ ᠬᠦᠰᠡᠯ ᠢ᠋ ᠪᠠᠳᠠᠷᠭᠠᠨ ᠥᠷᠨᠢᠯ ᠦ᠋ᠨ ᠱᠠᠲᠤ ᠡᠬᠢᠯᠡᠨᠡ᠃ ᠭᠡᠲᠡᠯᠡ ᠡᠮᠡᠭᠲᠡᠢ ᠪᠡᠨ ᠢᠳᠡ ᠰᠢᠮᠡᠳᠬᠦ ᠶ᠋ᠢᠨ ᠦᠶᠡ ᠳ᠋ᠦ᠍ ᠡᠷᠡ ᠨᠢ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢ᠋ᠶ᠋ᠡᠨ ᠠᠯᠳᠠᠵᠤ ᠳᠤᠷᠠ ᠲᠠᠯᠪᠢᠵᠤ ᠣᠷᠬᠢᠪᠠᠯ ᠡᠮᠡᠭᠲᠡᠢ ᠨᠢ ᠳᠤᠷᠠ ᠬᠠᠩᠬᠤ ᠦᠭᠡᠢ ᠰᠡᠳᠬᠢᠯ ᠳᠤᠮᠳᠠᠭᠤᠷ ᠬᠣᠴᠣᠷᠤᠨᠠ᠃ ᠡᠢᠮᠦ ᠳ᠋ᠦ᠍ ᠠᠯᠢ ᠪᠣᠯᠬᠤ ᠶᠠᠭᠠᠷᠠᠨ《ᠳᠣᠪᠲᠣᠯᠭᠠᠭᠰᠠᠨ》 ᠤ᠋ ᠬᠡᠷᠡᠭ ᠦᠭᠡᠢ ᠶᠦᠮ᠃ ᠪᠦᠰᠡᠭᠦᠢ ᠬᠥᠮᠦᠨ( ᠴᠡᠪᠡᠷ ᠢᠴᠢᠮᠡᠬᠡᠢ ᠮᠣᠩᠭᠣᠯ ᠡᠮᠡᠭᠲᠡᠢ ᠶ᠋ᠢᠨ ᠵᠠᠩ ᠢ᠋ᠶ᠋ᠠᠷ) ᠳᠣᠲᠣᠭᠠᠳᠤ ᠰᠡᠳᠬᠢᠯ ᠢ᠋ᠶ᠋ᠡᠨ ᠰᠢᠭᠤᠳ ᠲᠠᠨ ᠳ᠋ᠤ᠌ ᠭᠠᠷᠭᠠᠭᠠᠳ ᠬᠡᠯᠡᠴᠢᠬᠡᠵᠦ ᠴᠢᠳᠠᠬᠤ ᠦᠭᠡᠢ ᠴᠢᠮᠡᠭᠡ ᠦᠭᠡᠢ ᠶᠠᠪᠤᠵᠤ ᠪᠣᠯᠤᠨᠠ᠃ ᠡᠭᠦᠨ ᠳ᠋ᠦ᠍ ᠡᠷᠡ ᠬᠥᠮᠦᠨ 《ᠪᠣᠯᠵᠤ ᠪᠠᠢᠨᠠ》᠂ 《ᠪᠦᠲᠦᠵᠦ ᠪᠠᠢᠨᠠ》 ᠭᠡᠮᠡᠨ ᠰᠡᠳᠬᠢᠯ ᠠᠮᠤᠷᠯᠢᠩᠭᠤᠢ ᠪᠠᠢᠵᠤ ᠪᠣᠯᠬᠤ ᠦᠭᠡᠢ ᠶᠦᠮ ᠠ᠃ ᠡᠢᠬᠦ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡ ᠥᠷᠨᠢᠨ ᠥᠷᠨᠢᠭᠰᠡᠭᠡᠷ《ᠲᠤᠢᠯ》 ᠳ᠋ᠠᠭᠠᠨ ᠬᠦᠷᠬᠦ ᠳ᠋ᠦ᠍ ᠪᠡᠶᠡ ᠲᠠᠯᠪᠢᠭᠤᠷᠠᠵᠤ᠂ ᠶᠡᠬᠡ ᠬᠦᠰᠡᠯ ᠢ᠋ ᠲᠡᠭᠦᠰᠬᠡᠨᠡ᠃ ᠶᠠᠭ ᠡᠭᠦᠨ ᠦ᠌ ᠡᠮᠦᠨᠡᠬᠡᠨ ᠡᠮᠡᠭᠲᠡᠢ ᠶ᠋ᠢᠨ ᠴᠢᠰᠤᠨ ᠳᠠᠷᠤᠯᠲᠠ175-200 ᠬᠦᠷᠲᠡᠯᠡ᠂ ᠡᠷᠡᠭᠲᠡᠢ ᠶ᠋ᠢᠨ ᠬᠢ180-220 ᠬᠦᠷᠲᠡᠯᠡ ᠨᠡᠮᠡᠭᠳᠡᠵᠦ ᠨᠢᠭᠡ ᠮᠢᠨᠦ᠋ᠲ ᠲᠦ᠍ ᠴᠣᠬᠢᠯᠠᠬᠤ ᠵᠢᠷᠦᠬᠡᠨ ᠦ᠌ ᠴᠣᠬᠢᠯᠲᠠ175᠂ ᠠᠮᠢᠰᠬᠤᠯ ᠤ᠋ᠨ ᠲᠣᠭᠠ40 ᠣᠷᠴᠢᠮ ᠬᠦᠷᠦᠨᠡ᠃ ᠭᠡᠪᠡᠴᠦ ᠳᠤᠷᠠ ᠬᠠᠨᠵᠤ ᠪᠡᠶᠡ ᠲᠠᠯᠪᠢᠭᠤᠷᠠᠭᠰᠠᠨ ᠤ᠋ ᠳᠠᠷᠠᠭᠠ ᠲᠦᠳᠡᠬᠡᠨ ᠪᠤᠴᠠᠭᠠᠳ ᠬᠠᠭᠤᠴᠢᠨ ᠬᠡᠪ ᠲᠡᠭᠡᠨ ᠡᠷᠭᠢᠵᠦ ᠣᠷᠣᠳᠠᠭ᠃ ᠳᠤᠷᠠ ᠬᠠᠩᠬᠤ ᠮᠡᠳᠡᠷᠡᠮᠵᠢ ᠭᠡᠳᠡᠭ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠲᠡᠭᠦᠨ ᠦ᠌ ᠪᠦᠬᠦ ᠪᠡᠶᠡ ᠴᠢᠩᠭᠠᠷᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠰᠠᠷᠠᠯ ᠳᠡᠭᠡᠳᠦ ᠴᠢᠭ ᠲᠡᠭᠡᠨ ᠬᠦᠷᠬᠦ ᠳ᠋ᠦ᠍ ᠪᠤᠯᠴᠢᠩ ᠨᠢ ᠰᠤᠯᠠᠷᠠᠵᠤ ᠪᠡᠶᠡ ᠨᠢ ᠲᠠᠯᠪᠢᠭᠤᠷᠠᠬᠤ ᠶ᠋ᠢ ᠬᠡᠯᠡᠨᠡ᠃ ᠡᠨᠡ ᠦᠶᠡ ᠳ᠋ᠦ᠍ ᠬᠤᠷᠢᠴᠠᠯ ᠢ᠋ 《ᠤᠯᠠᠮ ᠤᠳᠠᠭᠠᠨ》᠂《ᠳᠠᠬᠢᠨ ᠳᠠᠪᠲᠠᠨ》 ᠬᠢᠮᠡᠷ᠂《ᠶᠣᠰᠣᠲᠠᠢ ᠲᠡᠷᠡᠬᠡᠨ ᠦᠶᠡ ᠳ᠋ᠡᠭᠡᠨ ᠰᠠᠯᠤᠮᠠᠷ ᠦᠭᠡᠢ》 ᠰᠠᠨᠠᠭᠳᠠᠳᠠᠭ᠃ ᠳᠤᠷᠠ ᠬᠠᠩᠬᠤ ᠮᠡᠳᠡᠷᠡᠮᠵᠢ ᠪᠣᠯ ᠬᠤᠷᠢᠴᠠᠯ ᠤ᠋ᠨ ᠲᠡᠭᠦᠰᠬᠡᠯ᠂ ᠰᠢᠪᠲᠤᠷᠭᠠ ᠳ᠋ᠤ᠌ ᠡᠭᠦᠰᠳᠡᠭ ᠬᠠᠨᠤᠰᠢ ᠦᠭᠡᠢ ᠰᠠᠢᠬᠠᠨ ᠰᠠᠷᠠᠯ ᠪᠥᠭᠡᠳ ᠲᠡᠭᠦᠨ ᠦ᠌ ᠡᠷᠴᠢᠮ ᠨᠢ ᠬᠥᠮᠦᠨ ᠲᠤᠰ ᠪᠦᠷᠢ ᠳ᠋ᠦ᠍ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠠᠢᠨᠠ᠃ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠰᠤᠳᠤᠯᠤᠭᠴᠢᠳ ᠤ᠋ᠨ ᠪᠢᠴᠢᠭᠰᠡᠨ ᠢ᠋ᠶ᠋ᠡᠷ᠂ ᠳᠤᠷᠠ ᠬᠠᠩᠬᠤ ᠮᠡᠳᠡᠷᠡᠮᠵᠢ ᠭᠣᠣᠯ ᠲᠥᠯᠥᠪ10-15 ᠬᠣᠷᠣᠮ ᠦᠷᠭᠦᠯᠵᠢᠯᠡᠳᠡᠭ ᠪᠠ ᠡᠨᠡ ᠵᠠᠪᠰᠠᠷ ᠨᠢᠭᠡ ᠬᠣᠷᠣᠮ ᠤ᠋ᠨ ᠵᠠᠢᠲᠠᠢ5-12 ᠤᠳᠠᠭᠠ ᠪᠡᠶᠡ 《ᠵᠢᠷᠦᠰ ᠵᠢᠷᠦᠰ》 ᠭᠡᠳᠡᠭ ᠪᠠᠢᠨᠠ᠃ ᠵᠠᠷᠢᠮ ᠡᠮᠡᠭᠲᠡᠢᠴᠦᠳ ᠨᠢᠭᠡ ᠤᠳᠠᠭᠠ ᠶ᠋ᠢᠨ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠡᠴᠡ ᠬᠣᠶᠠᠷ ᠪᠠ ᠲᠡᠭᠦᠨ ᠡᠴᠡ ᠣᠯᠠᠨ ᠤᠳᠠᠭᠠ ᠳᠤᠷᠠ ᠬᠠᠩᠬᠤ ᠠᠪᠠᠴᠤ ᠡᠬᠢᠨ ᠦ᠌ ᠬᠢ ᠳ᠋ᠦ᠍ ᠨᠢ ᠬᠠᠮᠤᠭ ᠤ᠋ᠨ ᠲᠠᠴᠢᠶᠠᠩᠭᠤᠢ ᠪᠠᠢᠳᠠᠭ᠃ ᠡᠨᠡ ᠪᠣᠯ ᠤᠭ ᠡᠮᠡᠭᠲᠡᠢ ᠶ᠋ᠢᠨ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠣᠨᠴᠠᠯᠢᠭ ᠶᠤᠮ᠃ ᠡᠷᠡᠭᠲᠡᠢ ᠬᠥᠮᠦᠨ ᠡᠬᠡᠨᠡᠷ ᠡᠴᠡ ᠪᠡᠨ ᠲᠦᠷᠦᠭᠦᠯᠡᠵᠦ ᠳᠤᠷᠠ ᠬᠠᠩᠬᠤ ᠨᠢ ᠣᠷᠣᠰᠢᠯ ᠳᠤᠲᠠᠭᠤ ᠳᠤᠯᠢᠮᠠᠭ ᠪᠣᠯᠤᠭᠰᠠᠨ ᠤ᠋ ᠬᠢ᠃ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠬᠢ ᠡᠴᠡ ᠠᠭᠠᠵᠢᠮ ᠤᠳᠠᠭᠠᠨ ᠡᠭᠦᠰᠳᠡᠭ ᠤᠴᠢᠷ ᠠ᠋ᠴᠠ ᠣᠷᠣᠰᠢᠯ ᠰᠠᠢᠬᠠᠨ ᠪᠣᠯᠪᠠᠯ ᠬᠣᠴᠣᠷᠬᠤ᠂ ᠲᠥᠷᠥᠭᠦᠯᠬᠦ ᠶ᠋ᠢᠨ ᠵᠣᠪᠠᠯᠠᠩ ᠠᠶᠠᠨᠳᠠᠭᠠᠨ ᠠᠷᠢᠯᠵᠤ᠂ ᠡᠬᠡᠨᠡᠷ ᠨᠥᠬᠥᠷ ᠨᠢᠭᠡᠨ ᠵᠡᠷᠭᠡ ᠳᠤᠷᠠ ᠬᠠᠨᠵᠤ ᠰᠠᠶᠢ ᠬᠠᠢᠷᠠ ᠶ᠋ᠢᠨ ᠪᠠᠯ ᠪᠤᠷᠠᠮ ᠢ᠋ ᠠᠮᠲᠠᠯᠠᠬᠤ ᠪᠥᠯᠥᠭᠡ᠃ ᠪᠡᠶᠡ ᠲᠠᠯᠪᠢᠭᠤᠷᠠᠵᠤ᠂ ᠳᠤᠷᠠ ᠬᠠᠨᠤᠭᠰᠠᠨ ᠢ᠋ᠶ᠋ᠠᠷ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠬᠠᠷᠠᠬᠠᠨ ᠥᠨᠳᠥᠷᠯᠡᠬᠦ ᠦᠭᠡᠢ᠂ ᠬᠤᠷᠢᠴᠠᠯ ᠡᠬᠢᠯᠡᠭᠰᠡᠨ ᠰᠢᠭ ᠢ᠋ᠶ᠋ᠡᠨ ᠡᠩᠬᠦᠷᠡᠢᠯᠡᠯ ᠬᠠᠢᠷᠠ ᠪᠠᠷ ᠲᠡᠭᠦᠰᠬᠦ ᠤᠴᠢᠷᠲᠠᠢ᠃ ᠡᠨᠡ ᠪᠣᠯ ᠲᠡᠭᠦᠨ ᠦ᠌ ᠲᠠᠢᠯᠤᠯ ᠶᠤᠮ᠃ ᠬᠡᠷᠪᠡ ᠡᠷᠡᠭᠲᠡᠢ ᠬᠥᠮᠦᠨ ᠳᠤᠷᠠ ᠬᠦᠰᠡᠯ ᠢ᠋ᠶ᠋ᠡᠨ ᠬᠠᠩᠭᠠᠮᠠᠭᠴᠠ ᠪᠤᠷᠤᠭᠤ ᠬᠠᠷᠠᠭᠠᠳ ᠤᠨᠲᠠᠭᠠᠳ ᠥᠭᠪᠡᠯ ᠡᠮᠡᠭᠲᠡᠢ ᠳ᠋ᠦ᠍ ᠶᠠᠮᠠᠷ ᠶᠡᠬᠡ ᠴᠢᠮᠠᠯᠠᠯ ᠲᠠᠢ ᠪᠠᠢᠨᠠ᠃ ᠡᠢᠮᠦ ᠳ᠋ᠦ᠍ ᠡᠷᠡᠭᠲᠡᠢ ᠬᠥᠮᠦᠨ ᠨᠣᠢᠷ ᠤ᠋ᠨ ᠠᠶᠠᠨ ᠢᠯᠪᠢᠲᠡᠯᠡ ᠴᠦ᠍᠂ ᠶᠠᠳᠠᠷᠠᠵᠤ ᠲᠠᠮᠢᠷᠳᠠᠭᠰᠠᠨ ᠴᠦ᠍ ᠡᠬᠡᠨᠡᠷ ᠡᠴᠡ ᠪᠡᠨ ᠲᠦᠷᠦᠭᠦᠯᠡᠵᠦ ᠤᠨᠲᠠᠬᠤ ᠦᠭᠡᠢ᠂ ᠲᠡᠭᠦᠨ ᠢ᠋ ᠤᠨᠲᠠᠨ ᠤᠨᠲᠠᠲᠠᠯᠠ ᠨᠢ ᠢᠯᠢᠨ ᠲᠠᠭᠠᠯᠠᠵᠤ ᠢᠨᠠᠭᠯᠠᠨ ᠡᠩᠬᠦᠷᠡᠢᠯᠡᠪᠡᠯ ᠬᠠᠨᠢ ᠶ᠋ᠢᠨ ᠬᠠᠢᠷᠠ ᠭᠡᠭᠴᠢ ᠴᠣᠬᠣᠮ ᠡᠨᠡ ᠪᠤᠰᠤ ᠤᠤ! ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠦᠢᠯᠡᠳᠦᠯ ᠥᠨᠳᠥᠷᠯᠡᠭᠰᠡᠨ ᠦ᠌ ᠳᠠᠷᠠᠭᠠᠬᠢ ᠦᠶᠡ ᠨᠢ ᠡᠷᠡᠭᠦᠯ ᠠᠬᠤᠢ ᠶ᠋ᠢᠨ ᠵᠠᠷᠢᠮ ᠭᠡᠮ ᠬᠡᠮᠵᠢᠶᠡ ᠶ᠋ᠢ ᠬᠠᠩᠭᠠᠭᠰᠠᠨ ᠪᠠᠢᠬᠤ ᠶ᠋ᠢ ᠱᠠᠭᠠᠷᠳᠠᠨᠠ᠃ ᠣᠷᠣᠨ ᠤ᠋ ᠴᠠᠭᠠᠨ ᠬᠡᠷᠡᠭᠯᠡᠯ《ᠪᠣᠬᠢᠷᠳᠠᠬᠤ》᠂ ᠪᠡᠯᠭᠡ ᠡᠷᠬᠡᠲᠡᠨ ᠴᠢᠭᠢᠭ ᠲᠠᠲᠠᠬᠤ ᠵᠡᠷᠭᠡ ᠡᠴᠡ ᠰᠡᠷᠭᠡᠢᠯᠡᠬᠦ ᠶ᠋ᠢᠨ ᠲᠤᠯᠠᠳᠠ ᠵᠣᠷᠢᠭᠤᠯᠤᠯᠲᠠ ᠶ᠋ᠢᠨ ᠠᠯᠴᠢᠭᠤᠷ ᠲᠠᠢ ᠪᠠᠢᠬᠤ ᠶᠣᠰᠣᠲᠠᠢ᠃ ᠲᠡᠭᠦᠨ ᠢ᠋ ᠬᠡᠷᠡᠭᠯᠡᠭᠰᠡᠨ ᠦ᠌ ᠳᠠᠷᠠᠭᠠ ᠪᠣᠯᠵᠤ ᠥᠭᠪᠡᠯ ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠦ ᠬᠡᠷᠡᠭᠲᠡᠢ ᠶᠦᠮ᠃ ᠡᠨᠡ ᠨᠢ ᠰᠢᠭᠡᠰᠦ᠂ ᠪᠡᠯᠭᠡ ᠶ᠋ᠢᠨ ᠵᠠᠮ ᠢ᠋ᠶ᠋ᠠᠷ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠦᠷᠪᠢᠰᠦᠯ ᠲᠡᠢ ᠡᠪᠡᠳᠴᠢᠨ ᠡᠴᠡ ᠰᠡᠷᠭᠡᠢᠯᠡᠬᠦ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ᠃《ᠪᠣᠬᠢᠷᠲᠤᠭᠰᠠᠨ》 ᠴᠠᠭᠠᠨ ᠬᠡᠷᠡᠭᠯᠡᠯ ᠳ᠋ᠦ᠍ ᠡᠪ ᠦᠭᠡᠢ ᠦᠨᠦᠷ ᠣᠷᠣᠵᠤ᠂ ᠬᠡᠦᠬᠡᠳ ᠦ᠋ᠨ ᠡᠷᠡᠭᠦᠯ ᠮᠡᠨᠳᠦ ᠳ᠋ᠦ᠍ ᠴᠦ᠍ ᠮᠠᠭᠤ ᠪᠠᠷ ᠨᠥᠯᠥᠭᠡᠯᠡᠨᠡ᠃
ᠬᠤᠷᠢᠴᠠᠯ ᠤ᠋ᠨ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠳᠥᠷᠪᠡᠨ ᠦᠶᠡ ᠱᠠᠲᠤ ᠨᠢ ᠡᠮᠡᠭᠲᠡᠢ᠂ ᠡᠷᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠲᠤᠰ ᠪᠦᠷᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠬᠤᠭᠤᠴᠠᠭᠠ ᠲᠠᠢ ᠦᠷᠭᠦᠯᠵᠢᠯᠡᠳᠡᠭ ᠤᠴᠢᠷ ᠠ᠋ᠴᠠ ᠬᠤᠭᠤᠴᠠᠭᠠᠨ ᠤ᠋ ᠡᠨᠡᠬᠦ ᠢᠯᠭᠠᠪᠤᠷᠢ ᠶ᠋ᠢ ᠡᠷᠡᠭᠲᠡᠢ ᠬᠥᠮᠦᠨ ᠲᠦᠪᠡᠭ ᠦᠭᠡᠢ ᠠᠷᠢᠯᠭᠠᠵᠤ ᠴᠢᠳᠠᠳᠠᠭ ᠪᠣᠯ ᠰᠠᠢᠨ ᠰᠠᠨ᠃ ᠭᠡᠪᠡᠴᠦ ᠪᠡᠯᠭᠡ ᠶ᠋ᠢᠨ ᠰᠣᠶᠣᠯ ᠬᠥᠮᠦᠵᠢᠯ ᠳᠤᠲᠠᠭᠰᠠᠨ ᠠ᠋ᠴᠠ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠱᠠᠲᠤ ᠨᠤᠭᠤᠳ ᠬᠣᠭᠣᠷᠣᠨᠳᠣ ᠪᠠᠨ ᠰᠣᠯᠪᠢᠨ ᠵᠥᠷᠢᠵᠦ᠂ ᠨᠢᠭᠡ ᠨᠢ ᠳᠥᠩᠭᠡᠵᠢ ᠰᠢᠮᠡᠳᠦᠨ(ᠥᠷᠨᠢᠨ) ᠡᠬᠢᠯᠡᠵᠦ ᠪᠠᠢᠬᠤ ᠳ᠋ᠤ᠌ ᠨᠥᠭᠥᠭᠡᠳᠡᠬᠢ ᠨᠢ ᠬᠡᠳᠦᠢᠨᠡᠢ《ᠴᠢᠨᠡᠭᠡ》 ᠪᠡᠨ ᠪᠠᠷᠠᠵᠤ ᠣᠷᠬᠢᠭᠰᠠᠨ ᠪᠠᠢᠬᠤ ᠨᠢ ᠪᠣᠢ᠃ ᠡᠭᠦᠨ ᠦ᠌ ᠤᠯᠠᠮ ᠠ᠋ᠴᠠ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠬᠠᠩᠬᠤ ᠦᠭᠡᠢ ᠬᠣᠴᠣᠷᠴᠤ᠂ ᠡᠨᠡ ᠨᠢ ᠲᠡᠭᠦᠨ ᠦ᠌ ᠵᠣᠪᠠᠭᠤᠷᠢ᠂ ᠰᠢᠨᠠᠯᠠᠭᠠ ᠲᠠᠢ ᠪᠠᠢᠬᠤ ᠲᠡᠳᠦᠢ ᠦᠭᠡᠢ ᠪᠠᠶᠠᠨ ᠳ᠋ᠤᠨᠢ ᠮᠠᠭᠤ ᠪᠠᠷ ᠨᠥᠯᠥᠭᠡᠯᠡᠨᠡ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠬᠥᠳᠡᠯᠬᠦ ᠦᠶᠡ ᠳ᠋ᠦ᠍ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ᠂ ᠲᠤᠬᠠᠢᠯᠠᠪᠠᠯ᠂ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠳ᠋ᠦ᠍ ᠶᠡᠬᠡᠬᠡᠨ ᠬᠤᠪᠢᠷᠠᠯ ᠥᠭᠡᠷᠡᠴᠢᠯᠡᠯᠲᠡ ᠭᠠᠷᠳᠠᠭ ᠪᠥᠭᠡᠳ ᠡᠳᠡᠭᠡᠷ ᠨᠢ ᠬᠤᠷᠢᠴᠠᠯ ᠲᠤᠢᠯ᠂ ᠲᠠᠢᠯᠤᠯ ᠳ᠋ᠠᠭᠠᠨ ᠬᠦᠷᠴᠦ ᠴᠢᠳᠠᠭᠠ ᠦᠭᠡᠢ ᠶ᠋ᠢᠨ ᠤᠯᠠᠮ ᠠ᠋ᠴᠠ ᠬᠠᠭᠤᠴᠢᠨ ᠬᠡᠪ ᠲᠡᠭᠡᠨ ᠮᠠᠰᠢ ᠠᠭᠠᠵᠢᠮ ᠤᠳᠠᠭᠠᠨ ᠪᠤᠴᠠᠵᠤ ᠣᠷᠣᠳᠠᠭ᠃ ᠢᠩᠭᠢᠵᠦ ᠪᠡᠶᠡ ᠶ᠋ᠢᠨ ᠰᠤᠳᠠᠰᠤᠨ ᠳ᠋ᠤ᠌ ᠡᠭᠦᠰᠦᠭᠰᠡᠨ ᠴᠢᠰᠤᠨ ᠳᠦᠭᠦᠷᠦᠯᠲᠡ ᠳ᠋ᠦ᠍ ᠪᠡᠯᠭᠡ ᠡᠷᠬᠡᠲᠡᠨ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠢᠭᠰᠠᠨ ᠠ᠋ᠴᠠ ᠰᠢᠮᠡ ᠲᠡᠵᠢᠭᠡᠯ ᠨᠢ ᠮᠠᠭᠤᠳᠠᠵᠤ᠂ ᠡᠮᠡᠭᠲᠡᠢᠴᠦᠳ ᠦ᠋ᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠡᠪᠡᠳᠴᠢᠨ ᠡᠮᠭᠡᠭ ᠲᠣᠰᠴᠤ ᠪᠣᠯᠬᠤ ᠶᠤᠮ᠃
ᠨᠥᠭᠥᠭᠡᠲᠡᠭᠡᠭᠦᠷ᠂ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠬᠥᠳᠡᠯᠬᠦ ᠳ᠋ᠦ᠍《ᠳᠠᠢᠴᠢᠯᠠᠭᠳᠠᠭᠰᠠᠨ》 ᠡᠷᠴᠢᠮ ᠬᠦᠴᠦ᠂ ᠡᠨᠧᠷᠭᠢ ᠨᠢ ᠳᠤᠷᠠ ᠬᠠᠩᠬᠤ ᠮᠡᠳᠡᠷᠡᠮᠵᠢ ᠪᠡᠷ《ᠲᠠᠢᠯᠤᠭᠳᠠᠬᠤ》 ᠤᠴᠢᠷ ᠲᠠᠢ ᠪᠠᠢᠳᠠᠭ᠃ ᠭᠡᠲᠡᠯᠡ ᠳᠤᠷᠠ ᠬᠠᠩᠬᠤ ᠦᠭᠡᠢ ᠬᠣᠴᠣᠷᠤᠭᠠᠳ ᠪᠠᠢᠪᠠᠯ ᠶᠠᠪᠤᠭᠠᠨ ᠳ᠋ᠠᠭᠠᠨ ᠳᠠᠷᠤᠯᠲᠠ ᠶᠡᠬᠡᠳᠬᠦ᠂ ᠪᠡᠯᠭᠡ ᠡᠷᠬᠡᠲᠡᠨ ᠳ᠋ᠦ᠍ ᠴᠢᠰᠤ ᠵᠣᠭᠰᠣᠩᠭᠢᠷᠠᠬᠤ᠂ ᠬᠣᠳᠣᠭᠣᠳᠣ ᠭᠡᠳᠡᠰᠦᠨ ᠦ᠌ ᠰᠢᠷᠬᠠᠯᠠᠭᠠ ᠡᠭᠦᠰᠬᠡᠬᠦ ᠳ᠋ᠦ᠍ ᠬᠦᠷᠭᠡᠵᠦ ᠪᠣᠯᠤᠨᠠ᠃ ᠡᠨᠡ ᠪᠣᠯ ᠵᠥᠪᠬᠡᠨ ᠪᠡᠶᠡ ᠳ᠋ᠦ᠍ ᠤᠴᠠᠷᠠᠭᠤᠯᠬᠤ ᠬᠣᠣᠷ ᠤᠷᠰᠢᠭ ᠶᠤᠮ᠃ ᠡᠭᠦᠨ ᠦ᠌ ᠴᠠᠭᠠᠨᠠ ᠰᠡᠳᠬᠢᠯ ᠦ᠋ᠨ ᠰᠢᠨᠠᠯᠤᠯ ᠭᠡᠵᠦ ᠪᠠᠰᠠ ᠪᠠᠢᠨᠠ᠃ ᠳᠤᠷᠠ ᠬᠠᠩᠬᠤ ᠦᠭᠡᠢ ᠡᠴᠡ ᠡᠮᠡᠭᠲᠡᠢ ᠬᠥᠮᠦᠨ ᠠᠭᠤᠷ ᠤᠴᠠᠭᠠᠷ ᠲᠠᠢ᠂ ᠶᠠᠭᠠᠷᠠᠮᠠᠲᠠᠭᠠᠢ ᠪᠣᠯᠬᠤ᠂ ᠨᠣᠢᠷ ᠬᠤᠯᠵᠢᠬᠤ᠂ ᠲᠣᠯᠣᠭᠠᠢ ᠡᠪᠡᠳᠬᠦ᠂ ᠠᠵᠢᠯ ᠠᠮᠢᠳᠤᠷᠠᠯ ᠳ᠋ᠤ᠌ ᠰᠣᠨᠢᠷᠬᠠᠯ ᠪᠠᠭᠤᠷᠠᠬᠤ ᠵᠡᠷᠭᠡ ᠬᠢᠮᠤᠷᠠᠯ ᠡᠭᠦᠰᠴᠦ ᠪᠣᠯᠤᠨᠠ᠃ ᠭᠡᠪᠡᠴᠦ ᠳᠤᠷᠠ ᠬᠠᠩᠬᠤ ᠦᠭᠡᠢ ᠬᠣᠴᠣᠷᠤᠭᠰᠠᠨ ᠠ᠋ᠴᠠ ᠤᠴᠠᠷᠠᠬᠤ ᠬᠣᠣᠷ ᠤᠷᠰᠢᠭ ᠢ᠋ ᠬᠡᠲᠦᠷᠡᠭᠦᠯᠦᠨ ᠦᠨᠡᠯᠡᠵᠦ ᠪᠠᠰᠠ ᠪᠣᠯᠬᠤ ᠦᠭᠡᠢ᠂ ᠶᠠᠮᠠᠷ ᠴᠦ᠍ ᠠᠲᠤᠭᠠᠢ ᠳᠤᠷᠠ ᠬᠠᠩᠬᠤ ᠮᠡᠳᠡᠷᠡᠮᠵᠢ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠶᠡᠬᠡ ᠴᠢᠬᠤᠯᠠ ᠭᠡᠳᠡᠭ ᠢ᠋ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ᠃ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠭᠡᠭᠡᠨ ᠪᠠᠭᠠ ᠲᠠᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠳᠤᠷᠠ ᠬᠠᠩᠬᠤ ᠦᠭᠡᠢ ᠬᠣᠴᠣᠷᠬᠤ ᠨᠢ ᠲᠡᠭᠦᠨ ᠦ᠌ ᠪᠡᠶᠡ ᠳ᠋ᠦ᠍ ᠲᠡᠢᠮᠦ ᠴᠦ᠍ ᠶᠡᠬᠡ ᠬᠣᠣᠷ ᠬᠥᠨᠥᠭᠡᠯ ᠤᠴᠠᠷᠠᠭᠤᠯᠬᠤ ᠦᠭᠡᠢ ᠪᠠᠢᠵᠤ ᠪᠣᠯᠤᠨᠠ᠃ ᠳᠤᠷᠠ ᠬᠠᠩᠬᠤᠢ ᠶ᠋ᠢᠨ ᠪᠢᠣᠯᠣᠭᠢ ᠶ᠋ᠢᠨ ᠠᠴᠢ ᠬᠣᠯᠪᠣᠭᠳᠠᠯ ᠨᠢ ᠪᠡᠯᠭᠡ ᠶ᠋ᠢᠨ ᠠᠮᠢᠳᠤᠷᠠᠯ ᠤ᠋ᠨ ᠠᠭᠤᠯᠭᠠ ᠶ᠋ᠢ ᠪᠠᠶᠠᠵᠢᠭᠤᠯᠵᠤ᠂ ᠡᠮᠡᠭᠲᠡᠢ ᠬᠥᠮᠦᠨ ᠡᠷᠡᠭᠲᠡᠢ ᠬᠥᠮᠦᠨ ᠲᠡᠢ ᠨᠢᠭᠡᠨ ᠠᠳᠠᠯᠢ ᠰᠡᠳᠬᠢᠯ ᠬᠠᠨᠤᠮᠵᠢ ᠲᠠᠢ ᠪᠠᠢᠬᠤ ᠳ᠋ᠤ᠌ ᠲᠤᠰᠠᠯᠠᠨᠠ᠃ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠬᠠᠩᠬᠤ ᠮᠡᠳᠡᠷᠡᠮᠵᠢ ᠨᠢ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠬᠢ ᠡᠴᠡ ᠢᠯᠭᠠᠭᠠ ᠲᠠᠢ᠃ ᠲᠤᠬᠠᠢᠯᠠᠪᠠᠯ᠂ ᠣᠷᠣ ᠳᠤᠤᠭᠠᠷᠬᠤ᠂ ᠬᠠᠵᠠᠭᠤ ᠥᠷᠥᠭᠡᠨ ᠳ᠋ᠦ᠍ ᠬᠥᠮᠦᠨ ᠦ᠌ ᠳᠠᠭᠤ ᠭᠠᠷᠬᠤ᠂ ᠭᠤᠳᠤᠮᠵᠢᠨ ᠤ᠋ ᠳᠠᠭᠤ ᠴᠢᠮᠡᠭᠡ ᠱᠤᠤᠭᠢᠶᠠᠨ᠂ ᠤᠲᠠᠰᠤ ᠳᠤᠤᠭᠠᠷᠬᠤ᠂ ᠬᠡᠦᠬᠡᠳ ᠤᠬᠢᠯᠠᠬᠤ᠂ ᠬᠤᠷᠴᠠ ᠭᠡᠷᠡᠯ ᠵᠡᠷᠭᠡ ᠳ᠋ᠦ᠍ ᠠᠮᠠᠷᠬᠠᠨ ᠰᠠᠷᠨᠢᠳᠠᠭ᠃ ᠲᠡᠢᠮᠦ ᠡᠴᠡ ᠡᠷᠡ ᠡᠮᠡ ᠬᠣᠶᠠᠷ ᠪᠡᠶᠡ ᠪᠡᠶᠡ ᠪᠡᠨ ᠬᠦᠰᠡᠮᠵᠢᠯᠡᠬᠦ ᠳ᠋ᠡᠭᠡᠨ ᠠᠶᠠᠲᠠᠢᠬᠠᠨ ᠨᠥᠬᠥᠴᠡᠯ ᠪᠦᠷᠢᠯᠳᠦᠭᠦᠯᠵᠦ᠂ ᠰᠣᠨᠣᠰᠬᠤ᠂ ᠦᠵᠡᠬᠦ᠂ ᠦᠨᠦᠷᠯᠡᠬᠦ᠂ ᠢᠯᠢᠬᠦ᠂ ᠠᠮᠰᠠᠨ ᠪᠠᠶᠠᠷᠯᠠᠬᠤ ᠲᠠᠪᠤᠨ ᠮᠡᠳᠡᠷᠡᠬᠦᠢ ᠶ᠋ᠢᠨ ᠲᠠᠭᠠᠯᠠᠯ ᠢ᠋ᠶ᠋ᠠᠷ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠨᠢ ᠳᠤᠷᠠ ᠬᠠᠩᠬᠤ ᠦᠭᠡᠢ ᠬᠣᠴᠣᠷᠬᠤ ᠠ᠋ᠴᠠ ᠰᠡᠷᠭᠡᠢᠯᠡᠬᠦ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ᠃ ᠲᠡᠭᠡᠬᠦ ᠳ᠋ᠦ᠍ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠬᠠᠷᠠᠵᠤ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠦᠷᠦᠯᠴᠡᠵᠦ᠂ ᠮᠡᠳᠡᠷᠡᠵᠦ ᠪᠠᠢᠭᠠ ᠪᠦᠬᠦᠨ ᠰᠠᠷᠠᠯ ᠡᠭᠦᠰᠬᠡᠳᠡᠭ ᠪᠣᠯ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠴᠢᠬᠢ ᠪᠡᠷ ᠢ᠋ᠶ᠋ᠡᠷ ᠰᠣᠨᠣᠰᠴᠤ ᠪᠠᠢᠭᠠ ᠨᠢ ᠢᠯᠡᠭᠦᠦ ᠲᠠᠭᠠᠯᠠᠮᠵᠢᠲᠠᠢ ᠪᠠᠢᠨᠠ᠃ ᠡᠭᠦᠨ ᠦ᠌ ᠤᠴᠢᠷ ᠨᠢ ᠡᠷᠡᠭᠲᠡᠢ ᠬᠥᠮᠦᠨ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ᠂ ᠡᠮᠡᠭᠲᠡᠢ ᠬᠥᠮᠦᠨ ᠴᠢᠬᠢ ᠪᠡᠷ ᠢ᠋ᠶ᠋ᠡᠨ 《ᠳᠠᠭᠠᠯᠠᠳᠠᠭ》 ᠲᠤ᠌ ᠣᠷᠣᠰᠢᠨᠠ᠃ ᠡᠢᠮᠦ ᠡᠴᠡ ᠡᠷᠡᠭᠲᠡᠢ ᠬᠥᠮᠦᠨ ᠬᠣᠷᠸᠠ ᠳ᠋ᠤ᠌ ᠲᠦᠰᠢᠭᠰᠡᠨ ᠬᠠᠨᠢ ᠲᠠᠢ ᠪᠠᠨ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠳ᠋ᠡᠭᠡᠨ ᠲᠡᠭᠦᠨ ᠦ᠌ ᠳᠤᠷᠠ ᠶ᠋ᠢ ᠬᠥᠳᠡᠯᠭᠡᠭᠰᠡᠨ᠂ ᠭᠡᠵᠢᠭᠡᠳᠡᠭᠰᠡᠨ ᠦᠭᠡ᠂ ᠥᠩᠭᠡ ᠠᠪᠢᠶᠠ ᠭᠠᠷᠭᠠᠬᠤ ᠨᠢ ᠵᠦᠭᠡᠷ᠃ ᠡᠨᠡ ᠪᠣᠯ ᠬᠠᠢᠷᠠ ᠶ᠋ᠢᠨ ᠤᠶᠠᠩᠭᠠ ᠡᠬᠡᠰᠢᠭ ᠪᠥᠭᠡᠳ ᠲᠡᠭᠦᠨ ᠢ᠋ ᠬᠣᠶᠠᠷ ᠲᠣᠮᠣ ᠪᠦᠯᠦᠭ ᠲᠦ᠍ ᠬᠤᠪᠢᠶᠠᠳᠠᠭ᠃ ᠡᠬᠢᠨ ᠦ᠌ ᠬᠢᠨᠢ ᠳᠤᠷᠠ ᠬᠥᠳᠡᠯᠭᠡᠬᠦ《ᠥᠪᠡᠷᠮᠢᠴᠡ》 ᠦᠭᠡᠰ ᠢ᠋ ᠢᠯᠢᠨ ᠲᠠᠭᠠᠯᠠᠵᠤ᠂ ᠲᠡᠪᠡᠷᠢᠨ ᠦᠨᠦᠰᠴᠦ ᠪᠠᠢᠬᠤ ᠳ᠋ᠠᠭᠠᠨ ᠴᠢᠬᠢᠨ ᠳ᠋ᠦ᠍ᠨᠢ ᠰᠣᠨᠣᠰᠤᠭᠳᠠᠬᠤᠢᠴᠠ ᠰᠢᠪᠡᠨᠡᠨ ᠥᠭᠦᠯᠡᠬᠦᠢ᠂ ᠨᠥᠭᠥᠭᠡᠳᠡᠬᠢ ᠨᠢ ᠦᠭᠡ ᠬᠡᠯᠡᠬᠦ ᠦᠭᠡᠢ ᠪᠡᠷ ᠤᠶᠠᠷᠠᠯ ᠬᠠᠢᠷᠠ ᠪᠠᠨ ᠡᠭᠡᠰᠢᠭᠯᠡᠬᠦᠢ ᠪᠣᠯᠠᠢ᠃ ᠤᠶᠠᠷᠠᠯ ᠬᠠᠢᠷᠠ ᠪᠠᠨ ᠰᠢᠪᠡᠨᠡᠨ ᠥᠭᠦᠯᠡᠬᠦ ᠨᠢ ᠵᠢᠷ ᠦ᠋ᠨ ᠦᠶᠡ ᠳ᠋ᠦ᠍ ᠬᠥᠮᠦᠨ ᠦ᠌ ᠠᠮᠠᠨ ᠠ᠋ᠴᠠ ᠪᠠᠭᠲᠠᠵᠤ ᠭᠠᠷᠤᠮᠠ ᠦᠭᠡᠢ《ᠡᠪ ᠦᠭᠡᠢ》 ᠦᠭᠡ ᠬᠡᠯᠡᠬᠦ ᠪᠤᠶᠤ ᠡᠰᠡᠪᠡᠯ《ᠬᠠᠢᠷᠠᠲᠤ ᠮᠢᠨᠢ᠂ ᠴᠢ ᠶᠠᠭᠠᠬᠢᠭᠰᠠᠨ ᠰᠠᠢᠬᠠᠨ ᠶᠤᠮ ᠪᠣᠢ! ᠴᠢᠮᠠ ᠳ᠋ᠠᠭᠠᠨ ᠪᠢ ᠬᠠᠢᠷᠠᠲᠠᠢ》 ᠭᠡᠬᠦ ᠮᠡᠲᠦ ᠢᠨᠠᠭ ᠠᠮᠠᠷᠠᠭ ᠤ᠋ᠨ ᠤᠶᠠᠨ ᠦᠭᠡ ᠬᠡᠯᠡᠯᠭᠡ ᠬᠡᠷᠡᠭᠯᠡᠬᠦ ᠪᠠᠢᠳᠠᠭ ᠢ᠋ᠶ᠋ᠠᠷ ᠢᠯᠡᠷᠡᠨᠡ᠃ ᠠᠯᠢ ᠴᠦ᠍ ᠤᠯᠤᠰ ᠦᠨᠳᠦᠰᠦᠲᠡᠨ ᠦ᠌ ᠠᠮᠠᠨ ᠶᠠᠷᠢᠶᠠᠨ ᠳ᠋ᠤ᠌ ᠬᠤᠷᠢᠴᠠᠯ ᠬᠤᠶᠠᠯᠢ ᠶ᠋ᠢᠨ ᠦᠢᠯᠡᠳᠦᠯ ᠲᠡᠢ ᠬᠣᠯᠪᠣᠭᠠ ᠲᠠᠢ ᠤᠷᠢᠨ ᠲᠠᠴᠢᠶᠠᠩᠭᠤᠢ ᠶ᠋ᠢ ᠢᠯᠡᠷᠬᠡᠢᠯᠡᠭᠰᠡᠨ ᠦᠭᠡ ᠬᠡᠯᠡᠯᠭᠡ ᠪᠠᠢᠳᠠᠭ ᠪᠥᠭᠡᠳ ᠲᠡᠳᠡᠭᠡᠷ ᠨᠢ ᠭᠣᠣᠯᠳᠠᠭᠤ ᠬᠠᠷᠢᠶᠠᠯ ᠤ᠋ᠨ ᠦᠭᠡ ᠰᠢᠭ ᠭᠠᠭᠴᠠ ᠦᠶᠡ ᠪᠣᠭᠣᠨᠢᠬᠠᠨ ᠦᠭᠡᠰ ᠪᠠᠢᠳᠠᠭ᠃ ᠶᠡᠷᠦᠨᠢ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠬᠡᠯᠡ ᠦᠭᠡᠢ ᠶᠦᠮ ᠰᠢᠭ ᠳᠤᠭᠤᠢ ᠪᠠᠢᠭᠰᠠᠨ ᠤ᠋ ᠣᠷᠣᠨ ᠳ᠋ᠤ᠌ ᠬᠡᠨ ᠬᠡᠨ ᠳ᠋ᠡᠭᠡᠨ ᠲᠠᠭᠠᠯᠠᠮᠵᠢᠲᠠᠢ᠂ ᠳᠤᠷᠠ ᠬᠥᠳᠡᠯᠭᠡᠬᠦ ᠦᠭᠡ ᠰᠢᠪᠡᠨᠡᠨ ᠥᠭᠦᠯᠡᠬᠦ ᠨᠢ ᠡᠭᠦᠯᠡ ᠪᠣᠷᠣᠭᠠᠨ ᠤ᠋ ᠶᠠᠪᠤᠳᠠᠯ ᠢ᠋ ᠤᠯᠠᠮ ᠴᠦ᠍ ᠴᠢᠮᠡᠨᠡ᠃
ᠬᠠᠨᠢᠯᠠᠭᠰᠠᠨ ᠬᠣᠶᠠᠷ ᠵᠥᠪᠬᠡᠨ ᠦᠷᠡ ᠬᠡᠦᠬᠡᠳ ᠲᠡᠢ ᠪᠣᠯᠬᠤ ᠶ᠋ᠢᠨ ᠲᠤᠯᠠᠳᠠ ᠲᠡᠳᠦᠢ ᠦᠭᠡᠢ ᠪᠠᠰᠠ ᠴᠡᠩᠭᠡᠨ ᠵᠢᠷᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠠᠮᠢᠳᠤ ᠶ᠋ᠢᠨ ᠵᠢᠷᠭᠠᠯ ᠡᠳ᠋ᠯᠡᠬᠦ ᠶ᠋ᠢᠨ ᠲᠤᠯᠠᠳᠠ ᠡᠩᠭᠡᠷ ᠵᠥᠷᠢᠭᠦᠯᠳᠡᠭ ᠪᠢᠯᠡ᠃ ᠲᠡᠢᠮᠦ ᠡᠴᠡ ᠲᠡᠭᠦᠨ ᠦ᠌ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠶ᠋ᠢ ᠠᠯᠢ ᠪᠣᠯᠬᠣᠷ ᠤᠷᠲᠤᠰᠬᠠᠬᠤ ᠶ᠋ᠢ ᠬᠢᠴᠢᠶᠡᠬᠦ ᠡᠴᠡ ᠪᠢᠰᠢ ᠪᠤᠰᠢᠭᠤᠬᠠᠨ ᠰᠢᠭ᠋ ᠳᠠᠭᠤᠰᠬᠠᠬᠤ ᠶ᠋ᠢ ᠬᠡᠨ ᠴᠦ᠍ ᠬᠦᠰᠡᠬᠦ ᠦᠭᠡᠢ ᠨᠢ ᠣᠢᠯᠠᠭᠠᠮᠵᠢᠲᠠᠢ᠃ ᠢᠯᠠᠩᠭᠤᠶᠠ ᠡᠷᠡᠭᠲᠡᠢ ᠬᠥᠮᠦᠨ ᠡᠬᠡᠨᠡᠷ ᠦ᠋ᠨ ᠢ᠋ᠶ᠋ᠡᠨ ᠳᠤᠷᠠ ᠬᠠᠩᠬᠤ ᠬᠦᠷᠲᠡᠯᠡ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠢ᠋ᠶ᠋ᠡᠨ ᠤᠷᠲᠤᠰᠬᠠᠵᠤ ᠴᠢᠳᠠᠳᠠᠭ ᠡᠷᠳᠡᠮᠲᠡᠢ ᠪᠣᠯ ᠵᠦᠭᠡᠷ᠃ ᠵᠠᠷᠢᠮ ᠡᠷᠡᠴᠦᠦᠯ ᠡᠨᠡᠬᠦ ᠴᠡᠩᠭᠡᠯ ᠢ᠋ᠶ᠋ᠡᠨ ᠤᠷᠲᠤᠰᠬᠠᠬᠤ ᠶ᠋ᠢᠨ ᠲᠤᠯᠠᠳᠠ ᠠᠵᠢᠯ ᠲᠥᠷᠥᠯ ᠢ᠋ᠶ᠋ᠡᠨ ᠪᠣᠳᠣᠵᠤ ᠠᠩᠬᠠᠷᠤᠯ ᠢ᠋ᠶ᠋ᠠᠨ ᠵᠣᠷᠢᠭᠤᠳᠠ ᠥᠭᠡᠷᠡ ᠲᠠᠰᠢ ᠪᠠᠨ ᠬᠠᠨᠳᠤᠭᠤᠯᠬᠤ ᠨᠢ ᠡᠴᠦᠰ ᠲᠡᠭᠡᠨ ᠮᠠᠭᠤ ᠪᠠᠷ ᠨᠥᠯᠥᠭᠡᠯᠡᠵᠦ ᠪᠡᠯᠭᠡ ᠶ᠋ᠢᠨ ᠰᠤᠯᠠᠷᠠᠯ ᠡᠭᠦᠰᠬᠡᠵᠦ ᠪᠣᠯᠬᠤ ᠠᠶᠤᠯᠲᠠᠢ ᠶ᠋ᠢ ᠠᠩᠬᠠᠷ᠃
ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠶ᠋ᠢ ᠤᠷᠲᠤᠰᠬᠠᠬᠤ ᠲᠤᠰᠬᠠᠢ ᠠᠷᠭᠠᠴᠠᠭᠠᠯᠠᠯ ᠢ᠋ ᠠᠮᠧᠷᠢᠺᠠ ᠶ᠋ᠢᠨ ᠨᠡᠷᠡ ᠳ᠋ᠦ᠍ ᠭᠠᠷᠤᠭᠰᠠᠨ ᠪᠡᠯᠭᠡ ᠶ᠋ᠢᠨ ᠡᠮᠭᠡᠭ ᠰᠤᠳᠤᠯᠤᠭᠴᠢ ᠡᠮᠴᠢ ᠣ· ᠮᠰᠲᠸᠷᠰ᠂ ᠦ᠋ᠨ· ᠳ᠋ᠵᠤᠨᠰᠣᠨ ᠨᠠᠷ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠪᠠᠢᠳᠠᠭ᠃ ᠡᠭᠦᠨ ᠢ᠋ ᠪᠢᠳᠡ ᠱᠠᠭᠠᠷᠳᠠᠯᠭᠠ ᠲᠠᠢ ᠬᠥᠮᠦᠨ ᠳ᠋ᠦ᠍ ᠬᠡᠯᠡᠵᠦ ᠵᠥᠪᠯᠡᠳᠡᠭ᠃ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠦᠰᠡᠯ ᠬᠠᠩᠬᠤ ᠳ᠋ᠤ᠌ ᠬᠤᠷᠢᠴᠠᠯ ᠤ᠋ᠨ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠨᠡᠩ ᠴᠢᠬᠤᠯᠠ ᠡᠭᠦᠷᠭᠡ ᠲᠡᠢ᠃ ᠶᠡᠷᠦᠨᠢ ᠬᠤᠷᠢᠴᠠᠯ ᠬᠡᠳᠦᠢ ᠴᠢᠨᠡᠭᠡ ᠬᠤᠷᠳᠤᠨ ᠪᠣᠯᠵᠤ ᠥᠩᠭᠡᠷᠡᠨᠡ᠂ ᠲᠡᠳᠦᠢ ᠴᠢᠨᠡᠭᠡ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠬᠠᠩᠬᠤ ᠦᠭᠡᠢ ᠬᠣᠴᠣᠷᠤᠨᠠ᠃ ᠬᠡᠷᠪᠡ ᠡᠷᠡᠭᠲᠡᠢ ᠬᠥᠮᠦᠨ ᠬᠤᠷᠢᠴᠠᠯ ᠢ᠋ ᠨᠢᠭᠡ ᠮᠢᠨᠦ᠋ᠲ ᠡᠴᠡ ᠤᠳᠠᠭᠠᠨ ᠦᠢᠯᠡᠳᠴᠦ ᠴᠢᠳᠠᠬᠤ ᠦᠭᠡᠢ ᠪᠣᠯ ᠦᠷᠡ ᠰᠢᠩᠭᠡᠨ ᠢ᠋ᠶ᠋ᠡᠨ ᠬᠤᠷᠳᠤᠨ ᠠᠯᠳᠠᠵᠤ ᠪᠠᠢᠨᠠ ᠭᠡᠵᠦ ᠦᠵᠡᠨᠡ᠃ ᠡᠨᠳᠡ ᠬᠤᠷᠢᠴᠠᠯ ᠤ᠋ᠨ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠶᠠᠮᠠᠷ ᠪᠠᠢᠬᠤ ᠶ᠋ᠢ ᠬᠡᠪ ᠦ᠋ᠨ ᠭᠡᠬᠦ ᠪᠣᠢ? ᠭᠡᠰᠡᠨ ᠠᠰᠠᠭᠤᠯᠲᠠ ᠵᠦᠢ ᠶᠣᠰᠣᠭᠠᠷ ᠭᠠᠷᠴᠤ ᠢᠷᠡᠨᠡ᠃
ᠶᠡᠬᠡᠩᠬᠢ ᠡᠷᠡ ᠡᠮᠡ ᠶ᠋ᠢᠨ ᠰᠤᠳᠤᠯᠤᠭᠴᠢᠳ ᠡᠭᠦᠨ ᠢ᠋ ᠬᠣᠶᠠᠷ ᠮᠢᠨᠦ᠋ᠲ ᠪᠠᠢᠪᠠᠯ ᠬᠡᠪ ᠦ᠋ᠨ ᠭᠡᠵᠦ ᠦᠵᠡᠳᠡᠭ᠃ ᠭᠡᠪᠡᠴᠦ ᠡᠨᠡ ᠬᠤᠭᠤᠴᠠᠭᠠ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠳᠡᠩᠳᠡᠭᠦᠦ ᠪᠣᠭᠣᠨᠢ ᠣᠬᠣᠷᠬᠠᠨ ᠪᠠᠢᠵᠤ ᠪᠣᠯᠤᠨᠠ᠃ ᠡᠮᠡᠭᠲᠡᠢ ᠶ᠋ᠢᠨ ᠳᠤᠷᠠ ᠬᠦᠰᠡᠯ ᠬᠠᠩᠬᠤ ᠳ᠋ᠤ᠌ ᠨᠠᠢ᠍ᠮᠠᠨ ᠮᠢᠨᠦ᠋ᠲ ᠬᠡᠷᠡᠭᠲᠡᠢ ᠪᠠᠢᠳᠠᠭ ᠢ᠋ ᠰᠤᠳᠤᠯᠤᠭᠴᠢᠳ ᠲᠣᠭᠲᠠᠭᠠᠵᠤ ᠪᠠᠢᠨᠠ᠃ ᠭᠡᠬᠦ ᠳ᠋ᠡᠭᠡᠨ ᠵᠢᠷᠭᠤᠭᠠᠨ ᠮᠢᠨᠦ᠋ᠲ ᠢ᠋ ᠡᠬᠡᠨᠡᠷ ᠢ᠋ᠶ᠋ᠡᠨ ᠡᠩᠬᠦᠷᠡᠢᠯᠡᠨ ᠲᠠᠭᠠᠯᠠᠬᠤ ᠶᠣᠰᠣᠲᠠᠢ ᠶ᠋ᠢ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ᠃ ᠭᠡᠲᠡᠯᠡ ᠡᠷᠡᠴᠦᠳ ᠬᠤᠷᠢᠴᠠᠯ ᠢ᠋《ᠣᠷᠣᠰᠢᠯ》 ᠦᠭᠡᠢ ᠬᠠᠮ ᠬᠣᠮ ᠦᠢᠯᠡᠳᠦᠭᠰᠡᠨ ᠡᠴᠡ ᠡᠬᠡᠨᠡᠷ ᠡᠴᠡ ᠪᠡᠨ ᠲᠦᠷᠦᠭᠦᠯᠡᠵᠦ ᠳᠤᠷᠠ ᠬᠠᠩᠬᠤ ᠨᠢ ᠣᠨᠴᠠ ᠦᠭᠡᠢ᠃ ᠡᠢᠮᠦ ᠳ᠋ᠦ᠍ ᠡᠬᠡᠨᠡᠷ ᠢ᠋ᠶ᠋ᠡᠨ ᠪᠣᠯᠤᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠨᠢ《ᠴᠢᠨᠡᠭᠡ》 ᠪᠡᠨ ᠪᠠᠷᠠᠵᠤ ᠣᠷᠬᠢᠭᠰᠠᠨ ᠳ᠋ᠤ᠌ ᠰᠡᠳᠬᠢᠯ ᠨᠢ ᠭᠣᠩᠰᠣᠢᠵᠤ ᠳᠠᠬᠢᠨ ᠣᠢᠷᠠᠳᠬᠤ ᠶ᠋ᠢ ᠬᠦᠰᠡᠪᠡᠴᠦ ᠬᠢᠰᠠᠭᠠᠨ ᠲᠠᠢ ᠶᠤᠮ ᠰᠢᠭ᠋ ᠲᠡᠷᠡ ᠪᠦᠷᠢ ᠶ᠋ᠢᠨ ᠰᠠᠨᠠᠭᠰᠠᠨ ᠢ᠋ᠶ᠋ᠠᠷ ᠪᠣᠯᠬᠤ ᠦᠭᠡᠢ᠃ ᠡᠭᠦᠨ ᠢ᠋ ᠶᠠᠭᠤᠲᠠᠢ ᠬᠣᠯᠪᠣᠨ ᠦᠵᠡᠬᠦ ᠪᠣᠢ? ᠡᠷᠡᠭᠲᠡᠢ ᠬᠥᠮᠦᠨ ᠳᠤᠷᠠ ᠬᠠᠨᠵᠤ᠂ ᠪᠡᠶᠡ ᠲᠠᠯᠪᠢᠭᠤᠷᠠᠭᠰᠠᠨ ᠤ᠋ ᠳᠠᠷᠠᠭᠠ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠦᠭᠡᠢ ᠦᠶᠡ ᠡᠬᠢᠯᠡᠳᠡᠭ ᠪᠥᠭᠡᠳ ᠲᠡᠭᠦᠨ ᠦ᠌ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ᠂ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠬᠤᠷᠢᠴᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠠᠯᠳᠠᠭᠰᠠᠨ ᠡᠷᠴᠢ ᠬᠦᠴᠦ ᠪᠡᠨ ᠪᠦᠷᠢᠨ ᠨᠥᠬᠥᠨ ᠰᠡᠯᠪᠢᠵᠦ ᠳᠠᠬᠢᠨ《ᠠᠮᠢᠯᠠᠬᠤ》 ᠬᠤᠭᠤᠴᠠᠭᠠ ᠡᠷᠡᠴᠦᠳ ᠦ᠋ᠨ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠠ᠋ᠴᠠ ᠰᠢᠭᠤᠳ ᠰᠢᠯᠲᠠᠭᠠᠯᠠᠨᠠ᠃ ᠨᠥᠭᠥᠭᠡᠲᠡᠭᠡᠭᠦᠷ᠂ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠦᠭᠡᠢ ᠦᠶᠡ ᠨᠢ ᠴᠠᠭᠠᠨᠠ ᠪᠠᠨ ᠪᠢᠣᠯᠣᠭᠢ ᠶ᠋ᠢᠨ ᠭᠦᠨ ᠭᠦᠨᠵᠡᠭᠡᠢ ᠦᠨᠳᠦᠰᠦ ᠰᠠᠭᠤᠷᠢ ᠲᠠᠢ ᠶᠤᠮ᠃ ᠡᠨᠡ ᠶᠠᠭᠤ ᠭᠡᠰᠡᠨ ᠦᠭᠡ ᠪᠣᠢ? ᠬᠤᠷᠢᠴᠠᠯ ᠤ᠋ᠨ ᠡᠴᠦᠰ ᠦ᠋ᠨ ᠵᠣᠷᠢᠯᠭᠠ ᠪᠣᠯ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠤᠳᠤᠮ ᠤᠭᠰᠠᠭᠠ᠂ ᠦᠷᠡ ᠲᠤᠢᠯ ᠢ᠋ᠶ᠋ᠠᠨ ᠲᠠᠰᠤᠯᠠᠬᠤ ᠦᠭᠡᠢ ᠵᠠᠯᠭᠠᠮᠵᠢᠯᠠᠨ ᠦᠯᠡᠳᠡᠭᠡᠬᠦ ᠶᠠᠪᠤᠳᠠᠯ ᠲᠠᠢ ᠤᠴᠢᠷ ᠠ᠋ᠴᠠ ᠦᠷᠡ ᠲᠣᠭᠲᠠᠭᠠᠬᠤ ᠴᠢᠳᠠᠪᠤᠷᠢ ᠲᠠᠢ᠂ ᠴᠢᠨᠠᠷᠯᠢᠭ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠢᠯᠭᠠᠷᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠲᠣᠳᠣᠷᠬᠠᠢ ᠬᠤᠭᠤᠴᠠᠭᠠ ᠬᠡᠷᠡᠭ ᠲᠡᠢ ᠶᠦᠮ᠃ ᠬᠡᠷᠪᠡ ᠡᠷᠡᠴᠦᠳ ᠬᠦᠴᠦ ᠪᠡᠨ ᠰᠢᠪᠬᠠᠨ ᠤᠭᠰᠠᠷᠠᠭᠤᠯᠤᠨ ᠬᠤᠷᠢᠴᠠᠯ ᠦᠢᠯᠡᠳᠪᠡᠯ ᠲᠡᠭᠦᠨ ᠦ᠌ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠤᠷᠲᠤᠰᠴᠤ᠂ ᠢᠯᠭᠠᠷᠠᠬᠤ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠦ᠌《ᠴᠢᠨᠠᠷ ᠴᠢᠨᠰᠠᠭᠠ ᠮᠠᠭᠤᠳᠠᠵᠤ》 ᠦᠷᠡ ᠲᠣᠭᠲᠠᠭᠠᠬᠤ ᠴᠢᠳᠠᠪᠤᠷᠢ ᠨᠢ ᠴᠦ᠍ ᠳᠣᠷᠣᠢᠲᠠᠨᠠ᠃ ᠡᠭᠦᠨ ᠢ᠋ ᠡᠮᠡᠭᠲᠡᠢ ᠬᠥᠮᠦᠨ ᠣᠢᠯᠠᠭᠠᠬᠤ ᠦᠭᠡᠢ ᠪᠡᠷ ᠢᠯᠡᠭᠦᠦ ᠶᠠᠭᠤᠮᠠ ᠱᠠᠭᠠᠷᠳᠠᠵᠤ《ᠴᠢ ᠶᠠᠭᠠᠬᠢᠭᠰᠠᠨ ᠪᠤᠯᠢᠴᠢᠬᠠᠭᠰᠠᠨ ᠡᠷᠡ ᠪᠣᠢ?》 ᠭᠡᠮᠡᠨ ᠲᠣᠭᠯᠠᠭᠠᠮ ᠱᠣᠭᠯᠠᠭᠠᠮ ᠢ᠋ᠶ᠋ᠠᠷ ᠵᠢᠮᠡᠯᠡᠬᠦ ᠶ᠋ᠢᠨ ᠬᠡᠷᠡᠭ ᠦᠭᠡᠢ᠃ ᠬᠠᠪᠤᠷ ᠤ᠋ᠨ ᠢᠷᠭᠤᠢ ᠰᠢᠭ᠋ ᠴᠡᠴᠡᠭᠯᠡᠵᠦ ᠶᠠᠪᠤᠭᠠ ᠥᠰᠪᠥᠷᠢ ᠨᠠᠰᠤᠨ ᠳ᠋ᠤ᠌( ᠨᠢ14-18 ᠨᠠᠰᠤᠨ ᠳ᠋ᠤ᠌) ᠯᠠ《ᠬᠡᠵᠢᠶᠡᠳᠡ ᠪᠡᠯᠡᠨ》 ᠪᠠᠢᠬᠤ ᠠ᠋ᠴᠠ ᠪᠢᠰᠢ᠂ ᠨᠠᠰᠤ ᠠᠬᠢᠬᠤ ᠶ᠋ᠢᠨ ᠬᠢᠷᠢ ᠪᠡᠷ《ᠪᠡᠯᠡᠨ ᠪᠣᠯᠬᠤ》 ᠶ᠋ᠢᠨ ᠲᠤᠯᠠᠳᠠ ᠨᠡᠯᠢᠶᠡᠳ ᠦᠢᠯᠡᠴᠢᠯᠡᠭᠡ ᠱᠠᠭᠠᠷᠳᠠᠵᠤ᠂ ᠡᠷᠡ ᠪᠡᠯᠭᠡ ᠡᠷᠬᠡᠲᠡᠨ ᠬᠥᠪᠴᠢᠷᠡᠬᠦ ᠨᠢ ᠨᠡᠯᠢᠶᠡᠳ ᠰᠣᠩᠭᠣᠮᠠᠯ ᠰᠢᠨᠵᠢ ᠴᠢᠨᠠᠷᠲᠠᠢ ᠪᠣᠯᠳᠠᠭ᠃ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ 《ᠬᠡᠷᠡᠭᠯᠡᠯ》 ᠨᠢ ᠡᠯᠢᠭᠡ᠂ ᠵᠢᠷᠦᠬᠡ᠂ ᠠᠭᠤᠰᠬᠢ ᠭᠡᠬᠦ ᠮᠡᠲᠦ ᠵᠣᠭᠰᠣᠯᠲᠠ ᠦᠭᠡᠢ ᠠᠵᠢᠯᠯᠠᠭᠠ ᠲᠠᠢ ᠡᠷᠬᠡᠲᠡᠨ ᠨᠦ᠍ᠭᠦᠳ ᠲᠡᠢ ᠬᠠᠷᠢᠴᠠᠭᠤᠯᠪᠠᠯ ᠬᠠᠮᠤᠭ ᠤ᠋ᠨ ᠵᠠᠯᠬᠠᠭᠤ ᠨᠢ ᠠᠲᠠᠯᠠ ᠬᠥᠮᠦᠨ ᠦ᠌ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠬᠠᠮᠤᠭ ᠤ᠋ᠨ《ᠰᠠᠬᠢᠯᠭᠠ ᠦᠭᠡᠢ》᠂《ᠪᠣᠯᠳᠠᠭ ᠦᠭᠡᠢ》 ᠡᠷᠬᠡᠲᠡᠨ ᠭᠡᠮᠡᠷ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ《ᠡᠵᠡᠨ》 ᠨᠢ ᠬᠦᠰᠡᠭᠡ ᠦᠭᠡᠢ ᠶᠠᠭᠤᠮᠠ ᠶ᠋ᠢ ᠲᠠᠩᠳᠠ ᠬᠦᠰᠡᠮᠵᠢᠯᠡᠭᠡᠳ ᠪᠠᠢᠳᠠᠭ ᠣᠨᠴᠠᠯᠢᠭ ᠲᠠᠢ᠃ ᠣᠷᠴᠢᠨ ᠦᠶᠡ ᠶ᠋ᠢᠨ ᠪᠡᠯᠭᠡ ᠶ᠋ᠢᠨ ᠡᠮᠭᠡᠭ ᠰᠤᠳᠤᠯᠤᠯ ᠤ᠋ᠨ ᠤᠬᠠᠭᠠᠨ ᠳ᠋ᠤ᠌ ᠡᠷᠡᠴᠦᠳ ᠦ᠋ᠨ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠠᠢᠲᠠᠢ᠂ ᠳᠤᠮᠳᠠ ᠵᠡᠷᠭᠡ᠂ ᠰᠤᠯᠠ ᠲᠠᠢ ᠭᠡᠵᠦ ᠠᠩᠭᠢᠯᠠᠨ ᠵᠡᠷᠭᠡᠯᠡᠳᠡᠭ᠃ ᠡᠳᠡᠭᠡᠷ ᠨᠢ ᠬᠡᠢ ᠬᠣᠭᠣᠰᠣᠨ ᠵᠦᠢᠯ ᠪᠢᠰᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠴᠢᠰᠤᠨ ᠤ᠋ ᠳᠠᠷᠤᠯᠲᠠ ᠶ᠋ᠢᠨ ᠲᠤᠰᠬᠠᠢ ᠠᠫᠫᠠᠷᠠᠲ ᠤ᠋ᠨ ᠲᠤᠰᠠᠯᠠᠮᠵᠢ ᠲᠠᠢ ᠪᠠᠷ ᠬᠡᠮᠵᠢᠳᠡᠭ ᠰᠢᠭ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠶ᠋ᠢ ᠲᠣᠳᠣᠷᠬᠠᠢᠯᠠᠳᠠᠭ ᠦᠨᠳᠦᠰᠦᠨ ᠳᠣᠯᠣᠭᠠᠨ ᠬᠡᠮᠵᠢᠭᠦᠷ ᠪᠠᠢᠳᠠᠭ᠃ ᠲᠡᠭᠦᠨ ᠦ᠌ ᠨᠢᠭᠡ ᠨᠢ ᠬᠤᠷᠢᠴᠠᠯ ᠤ᠋ᠨ ᠳᠠᠷᠠᠭᠠ ᠠᠯᠳᠠᠭᠰᠠᠨ ᠡᠷᠴᠢ ᠬᠦᠴᠦ ᠪᠡᠨ ᠪᠦᠷᠢᠨ ᠨᠥᠬᠥᠨ ᠰᠡᠯᠪᠢᠵᠦ ᠳᠠᠬᠢᠨ ᠣᠢᠷᠠᠳᠬᠤ ᠴᠢᠳᠠᠪᠤᠷᠢ ᠶᠤᠮ᠃ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠠᠢᠲᠠᠢ᠂ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠬᠦᠴᠦᠲᠡᠢ ᠢᠯᠡᠷᠡᠳᠡᠭ ᠡᠷᠡᠴᠦᠳ ᠣᠬᠣᠷᠬᠠᠨ ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠳᠣᠲᠣᠷᠠ ᠠᠯᠳᠠᠭᠰᠠᠨ ᠡᠷᠴᠢ ᠬᠦᠴᠦ ᠪᠡᠨ ᠲᠦᠷᠭᠡᠨ ᠨᠥᠬᠥᠨ ᠰᠡᠯᠪᠢᠵᠦ ᠳᠠᠬᠢᠨ ᠣᠢᠷᠠᠲᠤᠵᠤ ᠴᠢᠳᠠᠨᠠ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠬᠡᠳᠦᠢ ᠴᠢᠨᠡᠭᠡ ᠪᠣᠭᠣᠨᠢ ᠣᠬᠣᠷᠬᠠᠨ ᠬᠤᠭᠤᠴᠠᠭᠠᠨ ᠳᠠᠷᠠᠭᠠ ᠳᠠᠬᠢᠨ ᠣᠢᠷᠠᠲᠤᠵᠤ ᠴᠢᠳᠠᠵᠤ ᠪᠠᠢᠨᠠ ᠲᠡᠳᠦᠢ ᠴᠢᠨᠡᠭᠡ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠠᠢᠲᠠᠢ ᠪᠠᠢᠭᠠ ᠶ᠋ᠢ ᠬᠠᠷᠠᠭᠤᠯᠤᠨᠠ᠃ ᠲᠡᠳᠡ ᠨᠠᠰᠤ ᠰᠡᠭᠦᠳᠡᠷ ᠥᠨᠳᠥᠷ ᠪᠣᠯᠲᠠᠯᠠ ᠪᠠᠨ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠪᠠᠨ ᠬᠠᠳᠠᠭᠠᠯᠠᠵᠤ ᠴᠢᠳᠠᠳᠠᠭ ᠤᠯᠤᠰ᠃ ᠲᠡᠭᠡᠪᠡᠯ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠮᠠᠭᠤᠲᠠᠢ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠰᠤᠯᠠ ᠢᠯᠡᠷᠡᠳᠡᠭ ᠡᠷᠡᠴᠦᠳ ᠨᠢᠭᠡ ᠯᠡ ᠬᠠᠨᠤᠭᠰᠠᠨ ᠪᠣᠯ ᠳᠠᠬᠢᠵᠤ ᠮᠥᠳᠳᠥ《ᠠᠮᠢᠯᠠᠵᠤ》 ᠴᠢᠳᠠᠬᠤ ᠦᠭᠡᠢ᠃ ᠲᠡᠷᠡ ᠬᠡᠳᠦ ᠬᠣᠨᠣᠭ ᠴᠦ᠍᠂ ᠰᠠᠷᠠ ᠪᠠᠷ᠂ ᠲᠡᠷᠡ ᠪᠤᠤ ᠬᠡᠯᠡ ᠣᠯᠠᠨ ᠵᠢᠯ ᠢ᠋ᠶ᠋ᠡᠷ ᠴᠦ᠍ ᠲᠡᠪᠴᠢᠵᠦ ᠴᠢᠳᠠᠨᠠ᠃ ᠡᠨᠡ ᠨᠢ ᠲᠡᠳᠡᠨ ᠦ᠌ ᠪᠡᠶᠡ ᠳ᠋ᠦ᠍ ᠥᠴᠦᠬᠡᠨ ᠴᠦ᠍ ᠮᠠᠭᠤ ᠪᠠᠷ ᠨᠥᠯᠥᠭᠡᠯᠡᠬᠦ ᠦᠭᠡᠢ ᠪᠡᠷ ᠦᠯᠦ ᠪᠠᠷᠠᠨ ᠪᠦᠷ ᠴᠦ᠍ ᠠᠶᠠᠲᠠᠢ ᠲᠠᠭᠠᠲᠠᠢ ᠪᠠᠢᠳᠠᠭ ᠲᠠᠯᠠ ᠴᠦ᠍ ᠪᠣᠢ᠃ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠤᠯᠠ ᠲᠠᠢ ᠡᠷᠡᠴᠦᠳ ᠦ᠋ᠨ ᠣᠢᠷᠠᠲᠤᠬᠤ ᠴᠢᠳᠠᠪᠤᠷᠢ ᠡᠷᠲᠡ ᠬᠠᠷᠢᠵᠤ ᠡᠬᠢᠯᠡᠳᠡᠭ᠃ ᠡᠢᠬᠦ ᠡᠷᠡᠴᠦᠳ ᠲᠣᠭᠠᠯᠠᠪᠠᠯ ᠨᠠᠰᠤ ᠴᠢᠴᠠᠤ᠂ ᠲᠥᠭᠡᠯᠡᠪᠡᠯ ᠨᠢᠷᠤᠭᠤ ᠴᠢᠴᠠᠤ ᠴᠤ᠌ ᠭᠡᠰᠡᠨ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠨᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠠᠢᠨᠠ᠃ ᠲᠣᠳᠣᠷᠬᠠᠢᠯᠠᠨ ᠬᠡᠯᠡᠪᠡᠯ᠂ ᠠᠳᠠᠯᠢᠬᠠᠨ30 ᠨᠠᠰᠤᠲᠠᠢ ᠬᠣᠶᠠᠷ ᠵᠠᠯᠠᠭᠤ ᠶ᠋ᠢᠨ ᠨᠢᠭᠡ ᠨᠢ ᠳᠣᠯᠣᠭᠠ ᠬᠣᠨᠣᠭ ᠲᠤ᠌ ᠲᠣᠭᠲᠠᠮᠠᠯ2-3 ᠤᠳᠠᠭᠠ ᠬᠤᠷᠢᠴᠠᠯ ᠦᠢᠯᠡᠳᠳᠡᠭ ᠪᠠᠢᠬᠤ ᠳ᠋ᠤ᠌ ᠨᠥᠭᠥᠭᠡᠳᠡᠬᠢ ᠨᠢ ᠰᠠᠷᠠ ᠳ᠋ᠠᠭᠠᠨ ᠳᠥᠩᠭᠡᠵᠢ ᠭᠠᠭᠴᠠᠬᠠᠨ ᠤᠳᠠᠭᠠ ᠦᠢᠯᠡᠳᠳᠡᠭ ᠪᠠᠢᠵᠤ ᠪᠣᠯᠤᠨᠠ᠃
32 ᠨᠠᠰᠤᠲᠠᠢ ᠨᠢᠭᠡ ᠢᠨᠵᠧᠨᠧᠷ ᠵᠠᠯᠠᠭᠤ ᠵᠠᠬᠢᠳᠠᠯ ᠳ᠋ᠠᠭᠠᠨ᠄《ᠳᠣᠲᠣᠨᠣ ᠶ᠋ᠢᠨ ᠨᠠᠢᠵᠠ ᠮᠠᠨᠢ ᠨᠢᠭᠡ ᠰᠥᠨᠢ7 ᠤᠳᠠᠭᠠ ᠡᠩᠭᠡᠷ ᠵᠥᠷᠢᠭᠦᠯᠦᠭᠰᠡᠨ ᠭᠡᠬᠦ ᠶᠦᠮ ᠦᠨᠡᠬᠡᠷ ᠢᠲᠡᠭᠡᠮᠡᠷ ᠦᠭᠡᠢ ᠰᠠᠨᠠᠭᠳᠠᠳᠠᠭ᠃ ᠪᠢ ᠲᠡᠭᠦᠨ ᠡᠴᠡ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠳᠡᠭᠦᠦ ᠬᠢᠷᠢ ᠨᠢ ᠣᠳᠣ ᠪᠣᠯᠲᠠᠯᠠ ᠢᠩᠭᠢᠵᠦ ᠦᠵᠡᠭᠡ ᠦᠭᠡᠢ᠃ ᠡᠭᠦᠨ ᠦ᠌ ᠤᠴᠢᠷ ᠢ᠋ ᠬᠡᠯᠡᠵᠦ ᠥᠭᠭᠦᠨᠡ ᠤᠤ!》 ᠭᠡᠵᠦ ᠪᠢᠴᠢᠭᠰᠡᠨ ᠪᠠᠢᠭᠰᠠᠨ ᠶᠤᠮ᠃ ᠡᠨᠡ ᠨᠢ ᠡᠷᠡ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠲᠠᠢ ᠬᠣᠯᠪᠣᠭᠠ ᠲᠠᠢ ᠶ᠋ᠢ ᠤᠩᠰᠢᠭᠴᠢ ᠲᠠ ᠣᠳᠣ ᠯᠠᠪᠲᠠᠢᠶᠠ ᠣᠢᠯᠠᠭᠠᠭᠰᠠᠨ ᠪᠢᠵᠡ᠃ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠰᠤᠳᠤᠯᠤᠯ ᠤ᠋ᠨ ᠤᠬᠠᠭᠠᠨ ᠳ᠋ᠤ᠌ ᠡᠷᠡᠭᠲᠡᠢ ᠬᠥᠮᠦᠨ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠨᠢᠭᠡ ᠰᠥᠨᠢ1-3 ᠤᠳᠠᠭᠠ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠶ᠋ᠢ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠤᠯᠠ ᠲᠠᠢ᠂4-6 ᠤᠳᠠᠭᠠ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠶ᠋ᠢ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠳᠤᠮᠳᠠ ᠵᠡᠷᠭᠡ᠂7-9 ᠪᠠ ᠲᠡᠭᠦᠨ ᠡᠴᠡ ᠳᠡᠭᠡᠭᠰᠢ ᠤᠳᠠᠭᠠ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠶ᠋ᠢ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠠᠢᠲᠠᠢ ᠳ᠋ᠤ᠌ ᠲᠣᠭᠠᠴᠠᠳᠠᠭ᠃ ᠢᠩᠭᠢᠬᠦᠯᠡᠷ᠂ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠠ᠋ᠴᠠ ᠬᠠᠮᠢᠶᠠᠷᠤᠨ ᠨᠢᠭᠡ ᠬᠥᠮᠦᠨ ᠳ᠋ᠦ᠍ ᠬᠡᠪ ᠦ᠋ᠨ ᠪᠠᠢᠭᠠ ᠬᠤᠷᠢᠴᠠᠯ ᠤ᠋ᠨ ᠲᠣᠭᠠ ᠬᠡᠮᠵᠢᠶᠡ ᠨᠥᠭᠥᠭᠡᠳᠡᠬᠢ ᠳ᠋ᠦ᠍ᠨᠢ ᠢᠯᠡᠭᠦᠳᠡᠵᠦ ᠭᠤᠷᠪᠠᠳᠠᠬᠢ ᠳ᠋ᠤᠨᠢ ᠳᠤᠲᠠᠭᠳᠠᠵᠤ ᠪᠠᠢᠳᠠᠭ᠃ ᠲᠡᠢᠮᠦ ᠡᠴᠡ ᠥᠪᠡᠷ ᠢ᠋ ᠪᠡᠨ ᠥᠷᠥᠭᠡᠯ ᠪᠤᠰᠤᠳ ᠲᠠᠢ ᠵᠠᠪᠠᠯ ᠠᠳᠠᠯᠢ ᠲᠡᠩᠴᠡᠭᠦᠦ ᠪᠠᠢᠯᠭᠠᠬᠤ ᠭᠡᠵᠦ ᠪᠡᠶᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠵᠣᠪᠠᠭᠠᠬᠤ ᠬᠡᠷᠡᠭ ᠦᠭᠡᠢ᠃ ᠢᠩᠭᠢᠬᠦ ᠠᠪᠠᠰᠤ ᠪᠦᠬᠦ ᠬᠥᠮᠦᠨ ᠳ᠋ᠦ᠍ ᠨᠢᠭᠡ ᠬᠡᠮᠵᠢᠶᠡ ᠲᠡᠢ ᠭᠤᠲᠤᠯ ᠡᠮᠦᠰᠬᠡᠬᠦ ᠭᠡᠵᠦ ᠣᠷᠣᠯᠳᠣᠭᠰᠠᠨ ᠲᠠᠢ ᠢᠯᠭᠠᠭᠠ ᠶᠠᠭᠤᠨ᠃ ᠲᠡᠭᠡᠬᠦᠯᠡᠷ ᠥᠪᠡᠷ ᠦ᠋ᠨ ᠶᠠᠭᠤᠮᠠ ᠥᠪᠡᠷ ᠲᠡᠭᠡᠨ ᠵᠥᠪ᠂ ᠥᠷᠥᠭᠡᠯ ᠳᠠᠪᠤᠤ ᠥᠮᠥᠳᠥᠨ ᠳ᠋ᠡᠭᠡᠨ ᠵᠥᠪ ᠠ᠋᠃ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠨᠢ ᠤᠳᠤᠮᠰᠢᠯ ᠤ᠋ᠨ ᠪᠣᠯᠤᠨ ᠣᠯᠳᠠᠮᠠᠯ ᠤ᠋ᠨ ᠣᠯᠠᠨ ᠬᠦᠴᠦᠨ ᠵᠦᠢᠯ ᠡᠴᠡ ᠰᠢᠯᠲᠠᠭᠠᠯᠠᠨᠠ᠃ ᠬᠡᠳᠦᠢᠪᠡᠷ ᠬᠤᠷᠢᠴᠠᠬᠤ ᠴᠢᠳᠠᠪᠤᠷᠢ ᠪᠡᠶᠡ ᠶ᠋ᠢᠨ ᠶᠡᠷᠦᠩᠬᠡᠢ ᠲᠥᠷᠬᠦ ᠭᠠᠯᠪᠢᠷ ᠤ᠋ᠨ ᠨᠢᠭᠡᠨ ᠢᠯᠡᠷᠬᠡᠢᠯᠡᠯ ᠪᠣᠯᠬᠤ ᠪᠣᠯᠪᠠᠴᠤ ᠥᠪᠡᠷ ᠦ᠋ᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠪᠠᠢᠳᠠᠭ᠃ ᠡᠷᠡᠭᠲᠡᠢ ᠶ᠋ᠢᠨ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠶ᠋ᠢ ᠲᠣᠭᠲᠠᠭᠠᠬᠤ ᠳ᠋ᠤ᠌ ᠨᠢᠭᠡ ᠲᠠᠯᠠ ᠠ᠋ᠴᠠ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᠶᠡᠷᠦᠩᠬᠡᠢ ᠥᠰᠦᠯᠲᠡ ᠬᠥᠭᠵᠢᠯᠲᠡ ᠶ᠋ᠢ᠂ ᠨᠥᠭᠦᠭᠡ ᠲᠠᠯᠠ ᠠ᠋ᠴᠠ ᠪᠡᠯᠭᠡ ᠶ᠋ᠢᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ᠋ ᠵᠠᠪᠠᠯ ᠬᠠᠷᠠᠭᠠᠯᠵᠠᠨ ᠦᠵᠡᠬᠦ ᠶᠣᠰᠣᠲᠠᠢ᠃ ᠡᠭᠦᠨ ᠢ᠋ ᠦᠯᠦ ᠬᠠᠢᠬᠤᠷᠤᠨ ᠪᠦᠬᠦᠨ ᠢ᠋ ᠳᠠᠩ ᠭᠠᠭᠴᠠ ᠪᠡᠶᠡ ᠶ᠋ᠢᠨ ᠥᠰᠦᠯᠲᠡ ᠬᠥᠭᠵᠢᠯᠲᠡ ᠳ᠋ᠦ᠍ ᠠᠭᠤᠰᠬᠠᠨ ᠣᠢᠯᠠᠭᠠᠵᠤ ᠪᠣᠯᠬᠤ ᠦᠭᠡᠢ ᠶᠦᠮ᠃ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᠪᠣᠯᠤᠨ ᠪᠡᠯᠭᠡ ᠶ᠋ᠢᠨ ᠬᠥᠭᠵᠢᠯ ᠶᠡᠬᠡ ᠲᠥᠯᠥᠪ ᠬᠠᠷᠢᠯᠴᠠᠨ ᠰᠢᠲᠦᠯᠴᠡᠭᠡ ᠲᠡᠢ ᠪᠠᠢᠳᠠᠭ ᠴᠦ᠍ ᠲᠡᠳᠡᠭᠡᠷ ᠨᠢ ᠬᠣᠭᠣᠷᠣᠨᠳᠣ ᠪᠠᠨ ᠶᠡᠬᠡᠬᠡᠨ ᠵᠥᠷᠢᠶᠡ ᠲᠡᠢ ᠪᠠᠢᠵᠤ ᠪᠣᠯᠳᠠᠭ ᠢ᠋ ᠠᠮᠢᠳᠤᠷᠠᠯ ᠠ᠋ᠴᠠ ᠪᠢᠰᠢᠭᠦᠢ ᠬᠠᠷᠠᠵᠤ ᠪᠣᠯᠤᠨᠠ᠃ ᠪᠡᠶᠡ ᠶ᠋ᠢᠨ ᠶᠡᠷᠦᠩᠬᠡᠢ ᠬᠥᠭᠵᠢᠯ ᠰᠠᠢᠲᠠᠢ᠂ ᠬᠠᠷᠠ ᠪᠢᠷᠠ᠂ ᠲᠡᠩᠬᠡᠭᠡ ᠶᠡᠬᠡᠲᠡᠢ ᠬᠢᠷᠢ ᠨᠢ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠤᠯᠠ ᠲᠠᠢ ᠬᠥᠮᠦᠨ ᠪᠠᠢᠳᠠᠭ᠃ ᠭᠡᠲᠡᠯᠡ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠠᠢᠲᠠᠢ ᠮᠥᠷᠲᠡᠯᠡ ᠪᠡᠨ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᠬᠥᠭᠵᠢᠯ ᠰᠤᠯᠠ ᠳᠣᠷᠣᠢ ᠲᠡᠩᠬᠡᠭᠡ ᠲᠠᠭᠠᠷᠠᠤ ᠡᠷᠡᠴᠦᠳ ᠴᠦ᠍ ᠪᠣᠢ᠃ ᠡᠨᠳᠡ ᠨᠢᠭᠡ ᠵᠦᠢᠯ ᠢ᠋ ᠣᠨᠴᠠᠯᠠᠨ ᠲᠡᠮᠳᠡᠭᠯᠡᠬᠦ ᠨᠢ ᠵᠦᠢᠲᠡᠢ᠃ ᠶᠠᠭᠤ ᠪᠣᠢ ᠭᠡᠪᠡᠯ ᠡᠷᠡᠴᠦᠳ ᠦ᠋ᠨ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠨᠢ ᠲᠡᠳᠡᠨ ᠦ᠌ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠬᠡᠯᠪᠡᠷᠢ ᠪᠣᠯᠤᠭᠠᠳ ᠬᠡᠮᠵᠢᠶᠡᠨ ᠡᠴᠡ ᠣᠭᠲᠣ ᠰᠢᠯᠲᠠᠭᠠᠯᠠᠳᠠᠭ ᠦᠭᠡᠢ᠃ ᠡᠭᠦᠨ ᠢ᠋ ᠪᠢᠳᠡᠨ ᠦ᠌ ᠬᠢᠭᠰᠡᠨ ᠰᠤᠳᠤᠯᠭᠠ ᠪᠦᠷᠢᠨ ᠨᠤᠲᠠᠯᠠᠭᠰᠠᠨ ᠶᠤᠮ᠃ ᠭᠡᠲᠡᠯᠡ ᠡᠷᠡᠴᠦᠳ ᠦ᠋ᠨ ᠳᠤᠮᠳᠠ《ᠬᠡᠷᠡᠭᠯᠡᠯ》 ᠨᠢ ᠬᠡᠳᠦᠢ ᠴᠢᠨᠡᠭᠡ ᠲᠣᠮᠣ ᠪᠠᠢᠨᠠ᠂ ᠲᠡᠳᠦᠢ ᠴᠢᠨᠡᠭᠡ ᠪᠡᠯᠭᠡ ᠶ᠋ᠢᠨ ᠴᠢᠯᠬᠠ ᠰᠠᠢᠲᠠᠢ ᠲᠡᠳᠦᠢ ᠴᠢᠨᠡᠭᠡ ᠡᠮᠡᠭᠲᠡᠢ ᠬᠥᠮᠦᠨ ᠢ᠋ ᠬᠠᠩᠭᠠᠬᠤ ᠴᠢᠳᠠᠪᠤᠷᠢ ᠰᠠᠢᠲᠠᠢ ᠪᠠᠢᠬᠤ ᠮᠡᠲᠦ ᠠᠨᠳᠠᠭᠤ ᠲᠡᠰᠢᠶᠡ ᠣᠢᠯᠠᠭᠠᠯᠲᠠ ᠪᠠᠢᠳᠠᠭ᠃ ᠬᠡᠷᠡᠭ ᠳᠡᠭᠡᠷᠡ ᠪᠡᠨ ᠣᠭᠲᠣ ᠲᠡᠢᠮᠦ ᠪᠢᠰᠢ᠃ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠬᠡᠯᠪᠡᠷᠢ ᠬᠡᠮᠵᠢᠶᠡ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠥᠭᠡᠷᠡ ᠥᠭᠡᠷᠡ ᠪᠠᠢᠬᠤ ᠪᠣᠯᠪᠠᠴᠤ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠬᠠᠩᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠰᠡᠳᠬᠢᠯ ᠰᠠᠨᠠᠭᠠᠨ ᠤ᠋ ᠪᠠᠢᠳᠠᠯ᠂ ᠪᠡᠯᠭᠡ ᠶ᠋ᠢᠨ ᠳᠠᠭᠠᠭᠠᠪᠤᠷᠢ ᠶ᠋ᠢᠨ ᠬᠡᠮᠵᠢᠶᠡ᠂ ᠲᠡᠭᠦᠨᠴᠢᠯᠡᠨ ᠬᠤᠷᠢᠴᠠᠬᠤ ᠠᠷᠭᠠ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠪᠠᠢᠳᠠᠭ ᠶᠤᠮ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠬᠠᠩᠬᠤ ᠳ᠋ᠤ᠌ ᠡᠷᠡ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠬᠡᠯᠪᠡᠷᠢ᠂ ᠬᠡᠮᠵᠢᠶᠡ ᠶᠠᠮᠠᠷ ᠪᠠᠢᠬᠤ ᠨᠢ ᠭᠣᠣᠯ ᠪᠢᠰᠢ᠃ ᠤᠴᠢᠷ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠡᠷᠬᠡᠲᠡᠨ( ᠦᠲᠦᠷᠢᠶᠡ) ᠨᠢᠭᠡ ᠲᠠᠯᠠ ᠠ᠋ᠴᠠ ᠠᠭᠰᠢᠬᠤ ᠰᠤᠩᠬᠤ ᠴᠢᠳᠠᠪᠤᠷᠢ ᠲᠠᠢ᠂ ᠨᠥᠭᠦᠭᠡ ᠲᠠᠯᠠ ᠠ᠋ᠴᠠ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠬᠥᠳᠡᠯᠬᠦ ᠦᠶᠡ ᠳ᠋ᠦ᠍ ᠦᠲᠦᠷᠢᠶᠡ ᠶ᠋ᠢᠨ ᠰᠤᠳᠠᠰᠤ ᠴᠢᠰᠤ ᠪᠠᠷ ᠬᠦᠴᠦᠲᠡᠢ ᠳᠦᠭᠦᠷᠦᠭᠰᠡᠨ ᠡᠴᠡ ᠬᠠᠨᠠ ᠨᠢ ᠬᠥᠭᠡᠭᠡᠵᠦ ᠡᠵᠡᠯᠡᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠭᠠ ᠵᠡᠷᠭᠡ ᠲᠣᠮᠣᠷᠠᠳᠠᠭ᠃ ᠡᠭᠦᠨ ᠦ᠌ ᠤᠯᠠᠮ ᠠ᠋ᠴᠠ ᠲᠡᠭᠦᠨ ᠦ᠌ ᠳᠣᠲᠣᠭᠠᠳᠤ ᠵᠠᠢ ᠨᠢ ᠨᠠᠷᠢᠰᠴᠤ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠬᠡᠮᠵᠢᠶᠡᠨ ᠳ᠋ᠦ᠍ ᠲᠠᠭᠠᠷᠠᠵᠤ ᠵᠣᠬᠢᠴᠠᠵᠤ ᠥᠭᠳᠡᠭ᠃ ᠡᠢᠮᠦ ᠳ᠋ᠦ᠍ ᠡᠷᠬᠡᠲᠡᠨ ᠢ᠋ᠶ᠋ᠡᠨ ᠪᠠᠭᠠ ᠭᠡᠵᠦ ᠴᠢᠮᠠᠯᠠᠨ ᠭᠣᠯᠣᠵᠤ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠣᠢᠷᠠᠲᠤᠬᠤ ᠠ᠋ᠴᠠ ᠢᠴᠢᠵᠦ ᠵᠣᠪᠠᠵᠤ ᠶᠠᠪᠤᠳᠠᠭ ᠡᠷᠡᠴᠦᠳ ᠦᠨᠡᠨ ᠤᠴᠢᠷ ᠢ᠋ ᠣᠢᠯᠠᠭᠠᠵᠤ ᠳᠠᠷᠤᠢᠬᠠᠨ ᠬᠠᠨᠢ ᠪᠦᠯᠢ ᠲᠡᠢ ᠪᠣᠯᠤᠭᠠᠰᠠᠢ ᠳᠠ᠃ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠬᠥᠪᠴᠢᠷᠡᠭᠡ ᠦᠭᠡᠢ ᠦᠶᠡ ᠳ᠋ᠡᠭᠡᠨ ᠬᠣᠶᠠᠷ ᠬᠤᠷᠤᠭᠤ ᠤᠷᠲᠤ(3-4 ᠰᠡᠨᠲ᠋ᠢᠮᠧᠲᠷ) ᠪᠠᠢᠪᠠᠯ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠪᠣᠯᠤᠮᠵᠢ ᠲᠠᠢ ᠭᠡᠵᠦ ᠦᠵᠡᠳᠡᠭ᠃ ᠭᠡᠪᠡᠴᠦ ᠶᠡᠬᠡᠩᠬᠢ ᠡᠷᠡᠴᠦᠳ ᠦ᠋ᠨ ᠪᠡᠯᠭᠡ ᠡᠷᠬᠡᠲᠡᠨ ᠬᠥᠪᠴᠢᠷᠡᠭᠡ ᠦᠭᠡᠢ ᠬᠡᠪ ᠦ᠋ᠨ ᠦᠶᠡ ᠳ᠋ᠡᠭᠡᠨ4-5 ᠬᠤᠷᠤᠭᠤ ᠤᠷᠲᠤ (8-10 ᠰᠡᠨᠲ᠋ᠢᠮᠧᠲᠷ) ᠪᠠᠢᠳᠠᠭ ᠪᠥᠭᠡᠳ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠡᠭᠦᠰᠬᠦ ᠦᠶᠡ ᠳ᠋ᠦ᠍ ᠪᠠᠷᠤᠭ ᠭᠤᠷᠪᠠ ᠳᠠᠬᠢᠨ ᠲᠣᠮᠣᠷᠠᠵᠤ ᠨᠢᠭᠡ ᠪᠠᠷᠢᠮ ᠢᠯᠡᠭᠦᠦ ᠤᠷᠲᠤ(10-15 ᠰᠡᠨᠲ᠋ᠢᠮᠧᠲᠷ) ᠪᠣᠯᠳᠠᠭ᠃ ᠡᠨᠡ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠬᠠᠩᠭᠠᠯᠲᠠᠲᠠᠢ ᠬᠡᠮᠵᠢᠶᠡ ᠶᠦᠮ᠃ ᠤᠴᠢᠷ ᠨᠢ ᠲᠡᠭᠦᠨ ᠦ᠌ ᠦᠲᠦᠷᠢᠶᠡ ᠶ᠋ᠢᠨ ᠤᠷᠲᠤ ᠣᠢᠷᠠᠯᠴᠠᠭᠠ ᠪᠠᠷ6-10 ᠰᠡᠨᠲ᠋ᠢᠮᠧᠲᠷ ᠪᠠᠢᠳᠠᠭ᠃ ᠲᠡᠭᠦᠨᠴᠢᠯᠡᠨ ᠡᠷᠡᠴᠦᠳ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠥᠷᠬᠦ ᠭᠠᠯᠪᠢᠷ᠂ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠬᠡᠮᠵᠢᠶᠡ ᠨᠢ ᠬᠣᠭᠣᠷᠣᠨᠳᠣ ᠪᠠᠨ ᠰᠢᠭᠤᠳ ᠬᠣᠯᠪᠣᠭᠠ ᠦᠭᠡᠢ ᠤᠴᠢᠷ ᠠ᠋ᠴᠠ ᠲᠣᠮᠣ ᠵᠢᠵᠢᠭ ᠦ᠋ᠨ ᠲᠤᠬᠠᠢ ᠳ᠋ᠤ᠌ ᠬᠥᠮᠦᠨ ᠦ᠌ ᠥᠨᠳᠥᠷ ᠨᠠᠮ᠂ ᠲᠠᠷᠭᠤᠨ ᠲᠤᠷᠠᠩᠬᠠᠢ ᠪᠠᠷ ᠢ᠋ᠶ᠋ᠠᠨ ᠲᠣᠳᠣᠷᠬᠠᠢᠯᠠᠬᠤ ᠳ᠋ᠤ᠌ ᠬᠡᠴᠡᠭᠦᠦ ᠶᠦᠮ᠃ ᠡᠮᠡᠭᠲᠡᠢ ᠬᠥᠮᠦᠨ ᠳᠤᠷᠠ ᠲᠠᠴᠢᠶᠠᠯ ᠬᠠᠩᠬᠤ ᠳ᠋ᠤ᠌ ᠡᠷᠡ ᠨᠥᠬᠥᠷ ᠢ᠋ᠶ᠋ᠡᠨ ᠬᠠᠢᠷᠠᠯᠠᠬᠤ ᠰᠡᠪᠲᠦᠭᠡᠨ ᠦᠭᠡᠢ ᠰᠡᠳᠬᠢᠯ ᠬᠠᠮᠤᠭ ᠠ᠋ᠴᠠ ᠴᠢᠬᠤᠯᠠ ᠪᠣᠯᠬᠤ ᠠ᠋ᠴᠠ ᠪᠢᠰᠢ ᠲᠡᠭᠦᠨ ᠦ᠌ 《ᠬᠡᠷᠡᠭᠯᠡᠯ》 ᠦ᠋ᠨ ᠬᠡᠮᠵᠢᠶᠡ ᠭᠣᠣᠯ ᠪᠢᠰᠢ ᠭᠡᠳᠡᠭ ᠢ᠋ ᠳᠡᠭᠡᠷᠡ ᠥᠭᠦᠯᠡᠭᠰᠡᠨ᠃ ᠢᠯᠠᠩᠭᠤᠶᠠ ᠬᠡᠯᠦᠦ ᠶ᠋ᠢ ᠱᠦᠷᠭᠦᠭᠡᠨ ᠬᠦᠷᠦᠯᠴᠡᠬᠦᠢ ᠳ᠋ᠦ᠍ ᠳᠤᠷᠠ ᠨᠢ ᠬᠥᠳᠡᠯᠵᠦ᠂ ᠠᠮᠠᠷᠬᠠᠨ ᠬᠠᠨᠳᠠᠭ ᠡᠮᠡᠭᠲᠡᠢ ᠳ᠋ᠦ᠍ ᠡᠷᠡ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠬᠡᠮᠵᠢᠶᠡ ᠲᠣᠮᠣ ᠵᠢᠵᠢᠭ ᠪᠠᠢᠬᠤ ᠨᠢ ᠪᠦᠷ ᠴᠦ᠍ ᠬᠠᠮᠢᠶᠠ ᠦᠭᠡᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠦᠲᠦᠷᠢᠶᠡ ᠪᠣᠯ ᠡᠮᠡᠭᠲᠡᠢ ᠶ᠋ᠢᠨ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠢ᠋ ᠬᠥᠳᠡᠯᠭᠡᠳᠡᠭ ᠴᠣᠷ ᠤ᠋ᠨ ᠭᠠᠭᠴᠠ ᠡᠷᠬᠡᠲᠡᠨ ᠪᠢᠰᠢ᠃ ᠵᠠᠷᠢᠮ ᠡᠮᠡᠭᠲᠡᠢ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠭᠠᠭᠴᠠ ᠴᠦ᠍ ᠤᠳᠠᠭᠠ ᠬᠠᠨᠵᠤ ᠦᠵᠡᠭᠡ ᠦᠭᠡᠢ ᠪᠡᠨ ᠡᠷᠡ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠪᠡᠯᠭᠡ ᠡᠷᠬᠡᠲᠡᠨ ᠲᠡᠢ ᠬᠣᠯᠪᠣᠨ ᠲᠠᠢᠯᠪᠤᠷᠢᠯᠠᠬᠤ ᠶ᠋ᠢ ᠬᠢᠴᠢᠶᠡᠳᠡᠭ᠃ ᠦᠨᠡᠨ ᠬᠡᠷᠡᠭ ᠲᠡᠭᠡᠨ ᠡᠮᠡᠭᠲᠡᠢ ᠬᠥᠮᠦᠨ ᠬᠠᠩᠬᠤ ᠦᠭᠡᠢ ᠬᠣᠴᠣᠷᠬᠤ ᠨᠢ ᠥᠭᠡᠷᠡ ᠤᠴᠢᠷ ᠰᠢᠯᠲᠠᠭᠠᠨ ᠲᠠᠢ ᠪᠠᠢᠳᠠᠭ ᠶᠤᠮ᠃ ᠡᠷᠡᠴᠦᠳ ᠪᠣᠯᠬᠣᠷ ᠪᠦᠰᠡᠭᠦᠢ ᠬᠥᠮᠦᠨ ᠪᠦᠬᠦᠨ ᠡᠷᠡ ᠨᠥᠬᠥᠷ ᠢ᠋ᠶ᠋ᠡᠨ ᠲᠣᠮᠣ《ᠬᠡᠷᠡᠭᠯᠡᠯ》 ᠲᠡᠢ ᠪᠠᠢᠬᠤ ᠶ᠋ᠢ ᠬᠦᠰᠡᠮᠵᠢᠯᠡᠭ ᠮᠡᠲᠦ ᠪᠡᠷ ᠪᠣᠳᠣᠳᠠᠭ᠃ ᠡᠨᠡ ᠪᠣᠯ ᠡᠨᠳᠡᠭᠦᠷᠡᠯ ᠶᠦᠮ ᠰᠢᠦ᠃ ᠪᠦᠰᠡᠭᠦᠢ ᠬᠥᠮᠦᠨ ᠴᠢᠨᠠᠳᠤ ᠬᠥᠮᠦᠨ ᠳ᠋ᠡᠭᠡᠨ ᠰᠡᠳᠬᠢᠯ ᠦᠭᠡᠢ ᠯᠡ ᠪᠣᠯ《ᠬᠡᠷᠡᠭᠯᠡᠯ》 ᠨᠢ ᠬᠡᠴᠢᠨᠡᠨ ᠲᠣᠮᠣ ᠪᠠᠢᠭᠠᠳ ᠨᠡᠮᠡᠷᠢ ᠦᠭᠡᠢ᠃ ᠪᠢᠳᠡ ᠬᠡᠦᠬᠡᠨ ᠨᠦ᠍ᠭᠦᠳ ᠦ᠋ᠨ ᠳᠤᠮᠳᠠ《ᠲᠠ ᠡᠷᠡ ᠬᠥᠮᠦᠨ ᠦ᠌ ᠶᠠᠮᠠᠷ ᠰᠢᠨᠵᠢ ᠴᠢᠨᠠᠷ ᠢ᠋ ᠲᠤᠬᠠᠢᠯᠠᠪᠠᠯ ᠲᠡᠭᠦᠨ ᠦ᠌(ᠬᠡᠷᠡᠭᠯᠡᠯ) ᠶᠠᠮᠠᠷ ᠬᠡᠮᠵᠢᠶᠡ ᠲᠡᠢ ᠪᠠᠢᠬᠤ ᠶ᠋ᠢ ᠢᠯᠡᠭᠦᠦ ᠬᠦᠰᠡᠮᠵᠢᠯᠡᠳᠡᠭ ᠪᠣᠢ?》 ᠭᠡᠰᠡᠨ ᠠᠰᠠᠭᠤᠯᠲᠠ ᠪᠠᠷ ᠰᠤᠳᠤᠯᠭᠠᠨ ᠶᠠᠪᠤᠭᠤᠯᠬᠤ ᠳ᠋ᠤ᠌᠂《ᠰᠡᠳᠬᠢᠯ ᠲᠡᠢ ᠪᠣᠯᠤᠭᠠᠳ ᠠᠰᠢᠭᠯᠠᠵᠤ ᠴᠢᠳᠠᠪᠠᠯ ᠠᠯᠢ ᠨᠢ ᠴᠦ᠍ ᠶᠠᠭᠠᠬᠢᠬᠤᠪ》 ᠭᠡᠵᠦ ᠬᠠᠷᠢᠭᠤᠯᠤᠭᠰᠠᠨ ᠨᠢ ᠳᠡᠢᠯᠦᠩᠭᠢ ᠪᠠᠢᠯᠠ᠃ ᠡᠨᠡ ᠪᠣᠯ ᠡᠮᠡᠭᠲᠡᠢ ᠬᠥᠮᠦᠨ ᠡᠷᠡ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠬᠡᠮᠵᠢᠷᠡ ᠶ᠋ᠢ ᠭᠣᠣᠯ ᠪᠣᠯᠭᠠᠳᠠᠭ ᠦᠭᠡᠢ ᠶ᠋ᠢ ᠪᠠᠰᠠ ᠳᠠᠬᠢᠨ ᠪᠠᠲᠤᠲᠠᠢ ᠭᠡᠷᠡᠴᠢᠯᠡᠵᠦ ᠪᠠᠢᠭᠠ ᠶᠤᠮ᠃ ᠡᠮᠡᠭᠲᠡᠢ ᠬᠥᠮᠦᠨ ᠡᠷᠡ ᠨᠥᠬᠥᠷ ᠲᠡᠭᠡᠨ ᠦᠨᠡᠨ ᠭᠣᠣᠯ ᠠ᠋ᠴᠠ ᠪᠠᠨ ᠬᠠᠢᠷᠠᠲᠠᠢ ᠪᠠᠢᠵᠤ ᠲᠡᠭᠦᠨ ᠳ᠋ᠦ᠍ ᠪᠡᠶᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠦᠷᠢᠨ ᠵᠣᠷᠢᠭᠤᠯᠵᠤ ᠴᠢᠳᠠᠬᠤ ᠪᠥᠭᠡᠳ ᠢᠩᠭᠢᠭᠰᠡᠨ ᠢ᠋ᠶ᠋ᠡᠷ ᠬᠠᠩᠬᠤ ᠦᠭᠡᠢ ᠬᠣᠴᠣᠷᠬᠤ ᠶ᠋ᠢᠨ ᠵᠣᠪᠠᠯᠠᠩ ᠠ᠋ᠴᠠ ᠠᠶᠠᠨᠳᠠᠭᠠᠨ ᠠᠷᠢᠯᠤᠨᠠ᠃ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠲᠠᠴᠢᠶᠠᠯ ᠬᠥᠳᠡᠯᠬᠦ ᠳ᠋ᠦ᠍ ᠴᠢᠨᠠᠳᠤ ᠬᠥᠮᠦᠨ ᠦ᠌ ᠪᠡᠨ ᠮᠥᠰᠥ ᠴᠢᠨᠠᠷ ᠢ᠋ ᠦᠨᠡᠯᠡᠬᠦ ᠦᠨᠡᠯᠡᠭᠡ ᠬᠠᠮᠤᠭ ᠠ᠋ᠴᠠ ᠡᠷᠬᠢᠮ ᠪᠠᠢᠳᠠᠭ ᠶᠤᠮ᠃ ᠭᠡᠪᠡᠴᠦ ᠡᠷᠡᠴᠦᠳ ᠡᠭᠦᠨ ᠢ᠋ ᠲᠡᠷᠡ ᠪᠦᠷᠢ ᠣᠢᠯᠠᠭᠠᠬᠤ ᠦᠭᠡᠢ᠂ ᠡᠷᠡ ᠡᠮᠡ ᠶ᠋ᠢᠨ ᠢᠯᠪᠢ ᠤᠬᠠᠭᠠᠨ ᠳ᠋ᠤ᠌ ᠰᠠᠢᠨ ᠪᠣᠯᠪᠠᠰᠤᠷᠠᠵᠤ ᠴᠢᠳᠠᠭᠰᠠᠨ ᠯᠠ ᠪᠣᠯ ᠶᠠᠮᠠᠷ ᠴᠦ᠍ ᠡᠮᠡᠭᠲᠡᠢ ᠶ᠋ᠢ ᠭᠣᠮᠣᠳᠠᠭᠠᠬᠤ ᠦᠭᠡᠢ ᠭᠡᠵᠦ ᠪᠠᠷᠳᠠᠮᠨᠠᠬᠤ ᠨᠢ ᠪᠣᠢ᠃ ᠬᠡᠷᠡᠭ ᠳᠡᠭᠡᠷᠡ ᠪᠡᠨ ᠪᠠᠰᠠ ᠴᠦ᠍ ᠲᠡᠢᠮᠦ ᠪᠢᠰᠢ᠃ ᠬᠡᠷᠪᠡ ᠡᠮᠡᠭᠲᠡᠢ ᠬᠥᠮᠦᠨ ᠴᠢᠨᠠᠳᠤ ᠬᠥᠮᠦᠨ ᠦ᠌ ᠪᠡᠨ ᠲᠠᠷ ᠢ᠋ ᠲᠠᠨᠢᠭᠰᠠᠨ ᠪᠣᠯ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠡᠷᠳᠡᠮ ᠬᠡᠴᠢᠨᠡᠨ ᠰᠠᠢᠨ ᠪᠠᠢᠭᠠᠳ ᠴᠦ᠍ ᠲᠤᠰᠠ ᠪᠣᠯᠬᠤ ᠦᠭᠡᠢ᠃ ᠲᠡᠭᠡᠪᠡᠯ ᠬᠥᠮᠦᠨ ᠦ᠌ ᠮᠥᠰᠥ ᠴᠢᠨᠠᠷ ᠰᠠᠢᠲᠠᠢ᠂ ᠲᠩᠷᠢᠯᠢᠭ ᠳᠣᠲᠣᠷ ᠲᠠᠢ ᠪᠣᠯ ᠡᠷᠡ ᠡᠮᠡ ᠶ᠋ᠢᠨ ᠢᠯᠪᠢ ᠤᠬᠠᠭᠠᠨ ᠢ᠋ ᠣᠯᠣᠯ ᠦᠭᠡᠢ ᠴᠦ᠍ ᠭᠡᠰᠡᠨ ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠢ᠋ ᠲᠠᠲᠠᠭᠠᠳ ᠪᠠᠢᠵᠤ ᠴᠢᠳᠠᠨᠠ᠃ ᠳᠤᠷᠠ ᠦᠭᠡᠢ ᠳ᠋ᠦ᠍ ᠬᠦᠴᠦ ᠦᠭᠡᠢ ᠭᠡᠭᠴᠢ ᠪᠡᠷ ᠡᠮᠡᠭᠲᠡᠢ ᠬᠥᠮᠦᠨ ᠶᠠᠭᠠᠬᠢᠨ ᠳᠤᠷᠠ ᠦᠭᠡᠢ ᠬᠥᠮᠦᠨ ᠳ᠋ᠡᠭᠡᠨ ᠪᠡᠶᠡ ᠪᠡᠨ ᠲᠤᠰᠢᠶᠠᠵᠤ ᠳᠤᠷᠠ ᠬᠠᠩᠬᠤ ᠶ᠋ᠢᠨ ᠪᠠᠯ ᠪᠤᠷᠠᠮ ᠢ᠋ ᠠᠮᠰᠠᠬᠤ ᠶᠤᠮ ᠪᠣᠢ! ᠡᠢᠮᠦ ᠳ᠋ᠦ᠍ ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠢ᠋ ᠣᠢᠯᠠᠭᠠᠭᠠ ᠦᠭᠡᠢ ᠪᠠᠢᠵᠤ ᠲᠡᠭᠦᠨ ᠢ᠋ ᠶᠠᠭᠠᠷᠠᠨ ᠬᠦᠢᠲᠡᠨ ᠴᠡᠪᠳᠡᠭ ᠢ᠋ᠶ᠋ᠡᠷ ᠨᠢ ᠳᠠᠭᠠᠷᠢᠵᠤ ᠭᠣᠮᠣᠳᠠᠭᠠᠬᠤ ᠶ᠋ᠢᠨ ᠬᠡᠷᠡᠭ ᠦᠭᠡᠢ᠃ ᠡᠨᠡ ᠪᠣᠯ ᠤᠬᠠᠭᠠᠨ ᠮᠠᠭᠤᠲᠠᠢ ᠡᠷᠡ ᠶ᠋ᠢᠨ ᠯᠡ ᠬᠢᠳᠡᠯ᠃ ᠤᠬᠠᠭᠠᠨ ᠪᠣᠯ ᠭᠡᠷ ᠪᠦᠯᠢ ᠶ᠋ᠢᠨ ᠥᠯᠵᠡᠢ ᠬᠤᠲᠤᠭ ᠪᠠ ᠴᠣᠭ ᠤ᠋ᠨ ᠨᠠᠷᠠᠨ ᠮᠥᠨ ᠡᠴᠡ ᠪᠡᠨ ᠮᠥᠨ ᠠ᠋᠃ ᠪᠦᠰᠡᠭᠦᠢ ᠬᠥᠮᠦᠨ ᠣᠢᠷᠠᠲᠤᠬᠤ ᠶ᠋ᠢ ᠥᠪᠡᠷ ᠢ᠋ᠶ᠋ᠡᠨ ᠬᠦᠰᠡᠬᠦ ᠦᠭᠡᠢ ᠪᠠᠢᠯᠠ ᠴᠦ᠍ ᠭᠡᠰᠡᠨ ᠡᠷᠡ ᠨᠥᠬᠥᠷ ᠢ᠋ᠶ᠋ᠡᠨ ᠪᠣᠳᠣᠨ ᠲᠡᠭᠦᠨ ᠦ᠌ ᠱᠠᠭᠠᠷᠳᠠᠵᠤ ᠪᠣᠢ ᠶ᠋ᠢ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠬᠦ ᠡᠴᠡ ᠥᠭᠡᠷᠡ ᠠᠷᠭᠠ ᠦᠭᠡᠢ ᠪᠣᠯᠬᠤ ᠲᠣᠬᠢᠶᠠᠯᠳᠤᠯ ᠴᠥᠭᠡᠨ ᠦᠭᠡᠢ ᠪᠠᠢᠳᠠᠭ᠃ ᠲᠡᠭᠦᠨ ᠢ᠋ ᠪᠦᠦ ᠬᠡᠯᠡ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠳ᠋ᠦ᠍ ᠪᠡᠶᠡ ᠨᠢ ᠲᠠᠯᠪᠢᠭᠤᠷᠠᠬᠤ ᠦᠭᠡᠢ᠂ ᠳᠤᠷᠠ ᠨᠢ ᠬᠠᠩᠬᠤ ᠦᠭᠡᠢ ᠪᠠᠢᠭᠠ ᠴᠦ᠍ ᠡᠭᠦᠨ ᠢ᠋ᠶ᠋ᠡᠨ ᠶᠠᠭᠤᠮᠠᠨ ᠴᠢᠨᠡᠭᠡᠨ ᠪᠣᠳᠣᠬᠤ ᠦᠭᠡᠢ ᠬᠠᠢᠷᠠᠲᠤ ᠬᠥᠮᠦᠨ ᠢ᠋ᠶ᠋ᠡᠨ ᠵᠢᠷᠭᠠᠭᠰᠠᠨ ᠳ᠋ᠠᠭᠠᠨ ᠰᠡᠳᠬᠢᠯ ᠨᠢ ᠬᠠᠨᠤᠨ ᠴᠢᠮᠡᠭᠡ ᠦᠭᠡᠢ ᠶᠠᠪᠤᠭᠠᠳ ᠪᠠᠢᠵᠤ ᠴᠢᠳᠠᠬᠤ ᠤᠯᠤᠰ᠃ ᠲᠡᠳᠡᠨ ᠳ᠋ᠦ᠍ ᠡᠷᠡ ᠬᠥᠮᠦᠨ ᠦ᠌ ᠬᠣᠯᠠ ᠶ᠋ᠢᠨ ᠤᠬᠠᠭᠠᠨ᠂ ᠥᠭᠭᠢᠶᠡᠮᠦᠷ ᠰᠡᠳᠬᠢᠯ᠂ ᠬᠠᠢᠷᠠ ᠬᠠᠯᠠᠮᠵᠢ ᠠ᠋ᠴᠠ ᠥᠭᠡᠷᠡ ᠶᠠᠭᠤ ᠴᠦ᠍ ᠬᠡᠷᠡᠭ ᠦᠭᠡᠢ᠃ ᠡᠷᠡᠴᠦᠳ ᠦ᠋ᠨ ᠨᠢᠭᠡᠨ ᠠᠳᠠᠯᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ᠂ ᠲᠡᠭᠦᠨ ᠦ᠌ ᠡᠷᠴᠢᠮ ᠨᠢ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠥᠭᠡᠷᠡ ᠥᠭᠡᠷᠡ ᠪᠠᠢᠳᠠᠭ᠃ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠰᠤᠳᠤᠯᠤᠯ ᠤ᠋ᠨ ᠤᠬᠠᠭᠠᠨ ᠳ᠋ᠤ᠌ ᠬᠡᠦᠬᠡᠨ ᠨᠦ᠍ᠭᠦᠳ ᠦ᠋ᠨ ᠳᠤᠷᠠ ᠲᠠᠴᠢᠶᠠᠯ ᠶᠡᠬᠡᠲᠡᠢ᠂ ᠳᠤᠮᠳᠠ ᠵᠡᠷᠭᠡ᠂ ᠪᠠᠭᠠᠲᠠᠢ ᠭᠡᠵᠦ ᠢᠯᠭᠠᠨ ᠵᠡᠷᠭᠡᠯᠡᠳᠡᠭ ᠪᠠ ᠲᠡᠭᠦᠨ ᠢ᠋ ᠲᠣᠳᠣᠷᠬᠠᠢᠯᠠᠳᠠᠭ ᠦᠨᠳᠦᠰᠦᠨ11 ᠬᠡᠮᠵᠢᠭᠦᠷ ᠪᠠᠢᠳᠠᠭ᠃ ᠬᠡᠦᠬᠡᠨ ᠨᠦ᠍ᠭᠦᠳ ᠦ᠋ᠨ ᠨᠢᠭᠡ ᠬᠡᠰᠡᠭ ᠨᠢ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠭᠡᠨ ᠶᠡᠬᠡᠲᠡᠢ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠬᠦᠴᠦᠲᠡᠢ ᠢᠯᠡᠷᠡᠳᠡᠭ ᠤᠴᠢᠷ ᠠ᠋ᠴᠠ ᠳᠤᠷᠠ ᠬᠠᠩᠬᠤ ᠦᠶᠡ ᠳ᠋ᠡᠭᠡᠨ ᠳᠠᠭᠤ ᠠᠯᠳᠠᠵᠤ᠂ ᠭᠢᠩᠰᠢᠨ ᠤᠬᠢᠯᠠᠬᠤ ᠨᠢ ᠪᠣᠢ᠃ ᠡᠨᠡ ᠪᠣᠯ ᠴᠢᠩ ᠬᠠᠢᠷᠠ ᠶ᠋ᠢᠨ ᠰᠡᠳᠬᠢᠯ ᠦ᠋ᠨ ᠬᠢ ᠪᠣᠯᠬᠤ ᠠ᠋ᠴᠠ ᠪᠢᠰᠢ᠂ ᠬᠠᠯᠠ ᠳ᠋ᠤᠯ ᠴᠣᠬᠢᠭᠰᠠᠨ ᠤ᠋ ᠬᠢ ᠬᠠᠷᠠᠬᠠᠨ ᠪᠢᠰᠢ᠃ ᠡᠨᠡ ᠪᠣᠯ ᠵᠢᠩᠬᠢᠨᠢ ᠠᠮᠠᠷᠠᠭ ᠤ᠋ᠨ ᠠᠷᠭᠠ ᠦᠭᠡᠢ ᠠᠮᠠᠷᠠᠭ ᠤ᠋ᠨ ᠨᠢᠯᠪᠤᠰᠤ ᠮᠥᠨ᠃ ᠲᠡᠭᠡᠪᠡᠯ ᠬᠡᠦᠬᠡᠨ ᠨᠦ᠍ᠭᠦᠳ ᠦ᠋ᠨ ᠨᠥᠭᠦᠭᠡ ᠨᠢᠭᠡ ᠬᠡᠰᠡᠭ ᠨᠢ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠭᠡᠨ ᠪᠠᠭᠠᠲᠠᠢ᠂ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠪᠠᠭᠠ ᠢᠯᠡᠷᠡᠳᠡᠭ ᠲᠤᠯᠠ《 ᠡᠩᠭᠡᠷ ᠵᠥᠷᠢᠭᠦᠯᠵᠦ》 ᠪᠠᠢᠬᠤ ᠳ᠋ᠤ᠌ ᠶᠠᠭᠠᠬᠢᠳᠠᠭ ᠴᠦ᠍ ᠦᠭᠡᠢ᠃ ᠲᠡᠳᠡᠨ ᠢ᠋ ᠬᠠᠩᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠪᠡᠯᠭᠡ ᠶ᠋ᠢᠨ ᠰᠠᠷᠠᠯ ᠢ᠋ ᠨᠢ ᠰᠠᠢᠨ ᠬᠥᠳᠡᠯᠭᠡᠵᠦ ᠥᠭᠬᠦ ᠬᠡᠷᠡᠭ ᠲᠡᠢ ᠪᠣᠯᠳᠠᠭ᠃ ᠢᠩᠭᠢᠬᠦᠯᠡᠷ᠂ ᠬᠤᠷᠢᠴᠠᠬᠤ ᠦᠶᠡ ᠳ᠋ᠦ᠍ ᠲᠠᠴᠢᠶᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠠᠰᠤ ᠣᠨᠳᠣᠣ ᠬᠣᠶᠠᠷ ᠬᠥᠮᠦᠨ ᠲᠣᠯᠣᠭᠠᠢ ᠬᠣᠯᠪᠣᠪᠠᠯ ᠲᠡᠳᠡᠨ ᠦ᠌ ᠡᠮᠦᠨᠡ ᠰᠡᠳᠬᠢᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠠᠷᠢᠨ ᠲᠦᠪᠡᠭ ᠲᠡᠢ ᠠᠰᠠᠭᠤᠳᠠᠯ ᠲᠤᠯᠭᠠᠷᠠᠬᠤ ᠨᠢ ᠠᠷᠭᠠ ᠦᠭᠡᠢ᠃ ᠲᠣᠳᠣᠷᠠᠭᠤᠯᠤᠨ ᠬᠡᠯᠡᠪᠡᠯ᠂ ᠨᠢᠭᠡ ᠨᠢ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠶᠡᠬᠡᠲᠡᠢ᠂ ᠨᠥᠭᠦᠭᠡ ᠳᠠᠬᠢ ᠨᠢ ᠡᠨᠡ ᠲᠠᠯᠠ ᠶ᠋ᠢᠨ ᠳᠤᠷᠠ ᠬᠦᠰᠡᠯ ᠪᠠᠭᠠᠲᠠᠢ ᠪᠣᠯ ᠡᠬᠡᠨᠡᠷ ᠨᠥᠬᠥᠷ ᠬᠣᠭᠣᠷᠣᠨᠳᠣ ᠪᠠᠨ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠲᠠᠯᠠ ᠪᠠᠷ ᠲᠠᠭᠠᠷᠠᠵᠤ ᠲᠣᠬᠢᠷᠠᠬᠤ ᠳ᠋ᠤ᠌ ᠠᠮᠠᠷ ᠦᠭᠡᠢ ᠪᠠᠢᠳᠠᠭ᠃ ᠭᠡᠪᠡᠴᠦ ᠬᠠᠷᠢᠯᠴᠠᠨ ᠪᠡᠯᠭᠡᠯᠡᠬᠦ ᠬᠠᠢᠷᠠ ᠰᠡᠳᠬᠢᠯ ᠦ᠋ᠨ ᠠᠴᠢ ᠪᠠᠷ ᠲᠡᠳᠡ ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ ᠢᠵᠢᠯᠢᠳᠦᠨ ᠲᠡᠰᠴᠦ᠂ ᠠᠮᠢᠳᠤᠷᠠᠯ ᠤ᠋ᠨ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠢ᠋ ᠠᠮᠰᠠᠨ ᠡᠳ᠋ᠯᠡᠳᠡᠭ᠃ ᠡᠢᠮᠦ ᠳ᠋ᠦ᠍ ᠬᠠᠨᠢᠯᠠᠭᠰᠠᠨ ᠬᠠᠨᠢ ᠪᠠᠨ ᠢᠨᠠᠭ ᠤ᠋ᠨ ᠰᠡᠳᠬᠢᠯ ᠢ᠋ᠶ᠋ᠡᠷ ᠬᠡᠵᠢᠶᠡ ᠴᠦ᠍ ᠪᠦᠦ ᠳᠤᠲᠠᠭᠠ! ᠲᠣᠭᠣᠨᠣᠲᠤ ᠭᠡᠷ ᠲᠦ᠍ ᠲᠣᠯᠣᠭᠠᠢ ᠬᠣᠯᠪᠣᠭᠰᠠᠨ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠬᠡᠨ ᠬᠡᠨ ᠢ᠋ ᠪᠡᠨ ᠬᠠᠢᠷᠠᠯᠠᠬᠤ ᠶ᠋ᠢᠨ ᠳᠡᠭᠡᠳᠦ ᠪᠡᠷ ᠬᠠᠢᠷᠠᠯᠠᠵᠤ ᠰᠠᠨᠠᠭᠰᠠᠨ ᠪᠣᠳᠣᠭᠰᠠᠨ ᠢ᠋ᠶ᠋ᠠᠨ ᠰᠡᠳᠬᠢᠯ ᠳ᠋ᠡᠭᠡᠨ ᠨᠢᠭᠤᠵᠤ ᠬᠠᠭᠠᠭᠠᠯ ᠦᠭᠡᠢ ᠢᠯᠠᠨ ᠳᠠᠯᠠᠨ ᠦᠭᠡᠢ ᠪᠠᠢᠵᠤ ᠴᠢᠳᠠᠪᠠᠯ ᠵᠢᠷᠭᠠᠯ ᠭᠡᠵᠦ ᠲᠡᠭᠦᠨ ᠢ᠋ ᠬᠡᠯᠡᠬᠦ ᠪᠣᠢ ᠢᠠ᠃ ᠭᠡᠪᠡᠴᠦ ᠵᠠᠷᠢᠮ ᠬᠡᠦᠬᠡᠨ ᠨᠦ᠍ᠭᠦᠳ ᠢᠩᠭᠢᠬᠦ ᠶ᠋ᠢ ᠪᠦᠦ ᠬᠡᠯᠡ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠳ᠋ᠡᠭᠡᠨ ᠴᠦ᠍ ᠡᠷᠡ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠢᠳᠡᠪᠬᠢᠲᠡᠢ ᠰᠠᠨᠠᠭᠠᠴᠢᠯᠠᠭᠠ ᠶ᠋ᠢ ᠬᠣᠷᠢᠵᠤ ᠲᠡᠭᠦᠨ ᠦ᠌ ᠬᠦᠰᠡᠭᠰᠡᠨ ᠪᠦᠭᠦᠳᠡ ᠶ᠋ᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠳᠤᠷᠠ ᠦᠭᠡᠢᠴᠡᠬᠦ ᠨᠢ ᠪᠣᠢ᠃ ᠡᠷᠡ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠤᠷᠢᠳᠤ ᠡᠮᠦᠨᠡ ᠦᠵᠡᠵᠦ ᠥᠩᠭᠡᠷᠡᠭᠡ ᠦᠭᠡᠢ ᠥᠭᠡᠷᠡ ᠰᠢᠨᠡ ᠪᠠᠢᠷᠢᠯᠠᠯ ᠳ᠋ᠤ᠌ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠭᠡᠰᠡᠨ ᠦ᠌ ᠲᠥᠯᠥᠭᠡ ᠬᠠᠷᠠᠳᠠᠨ ᠰᠡᠷᠡᠳᠡᠵᠦ᠂ ᠡᠪ ᠳᠦᠨᠵᠡᠨ ᠬᠠᠭᠠᠷᠠᠵᠤ᠂ ᠮᠠᠭᠤᠳᠠᠯᠴᠠᠭᠰᠠᠨ ᠵᠠᠯᠠᠭᠤᠬᠠᠨ ᠬᠣᠣᠰ ᠪᠢᠳᠡᠨ ᠡᠴᠡ ᠵᠥᠪᠯᠡᠯᠭᠡᠨ ᠠᠪᠬᠤ ᠪᠠᠷ ᠢᠷᠡᠵᠦ ᠪᠠᠢᠭᠰᠠᠨ ᠢ᠋ ᠲᠣᠳᠣᠬᠠᠨ ᠰᠠᠨᠠᠵᠤ ᠪᠠᠢᠨᠠ᠃ ᠲᠡᠳᠡᠨ ᠦ᠌ ᠤᠴᠢᠷ ᠪᠠᠢᠳᠠᠯ ᠢ᠋ ᠰᠠᠢᠲᠤᠷ ᠲᠠᠢᠯᠪᠤᠷᠢᠯᠠᠨ ᠣᠢᠯᠠᠭᠠᠭᠤᠯᠤᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠯᠡ ᠡᠪ ᠵᠦᠢ ᠪᠡᠨ ᠣᠯᠵᠤ᠂ ᠣᠳᠣ ᠥᠨᠢᠷ ᠥᠳᠬᠡᠨ᠂ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠵᠤ ᠪᠠᠢᠨᠠ᠃ ᠡᠨᠳᠡ ᠡᠴᠡ ᠦᠵᠡᠬᠦ ᠳ᠋ᠦ᠍᠂ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠰᠣᠶᠣᠯ ᠬᠥᠮᠦᠵᠢᠯ ᠳᠤᠲᠠᠪᠠᠯ ᠶᠠᠭᠤᠨ ᠳ᠋ᠤ᠌ ᠴᠣ ᠬᠦᠷᠭᠡᠵᠦ ᠮᠡᠳᠡᠨᠡ᠃ ᠥᠨᠥᠳᠥᠷ ᠪᠠᠷᠤᠭ ᠪᠦᠬᠦ ᠡᠮᠡᠭᠲᠡᠢᠴᠦᠳ ᠬᠡᠪᠯᠡᠯ ᠨᠣᠮ ᠪᠣᠯᠤᠨ ᠬᠥᠮᠦᠨ ᠦ᠌ ᠡᠮᠦᠨᠡ ᠡᠴᠡ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠪᠣᠯ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠲᠡᠳᠦᠢ ᠦᠭᠡᠢ᠂ ᠪᠦᠰᠡᠭᠦᠢ ᠳ᠋ᠦ᠍ ᠪᠠᠰᠠ ᠴᠢᠬᠤᠯᠠ ᠭᠡᠳᠡᠭ ᠢ᠋ ᠨᠢᠭᠡᠨᠲᠡ ᠣᠯᠵᠤ ᠮᠡᠳᠡᠵᠡᠢ᠃ ᠡᠢᠮᠦ ᠨᠥᠬᠥᠴᠡᠯ ᠳ᠋ᠦ᠍ ᠵᠠᠯᠠᠭᠤ ᠬᠣᠣᠰ ᠤ᠋ᠳ ᠡᠷᠡ ᠡᠮᠡ ᠶ᠋ᠢᠨ ᠢᠯᠪᠢ ᠤᠬᠠᠭᠠᠨ ᠳ᠋ᠤ᠌ ᠲᠡᠭᠦᠰ ᠰᠤᠷᠤᠯᠴᠠᠬᠤ ᠬᠡᠷᠡᠭᠲᠡᠢ᠃ ᠡᠨᠡ ᠶᠠᠭᠤ ᠭᠡᠰᠡᠨ ᠦᠭᠡ ᠪᠣᠢ ᠭᠡᠪᠡᠯ ᠤᠴᠡᠷᠠᠭᠰᠨᠨ ᠬᠣᠶᠠᠷ ᠡᠯᠡ ᠡᠷᠬᠢᠮ ᠶᠣᠰᠣ ᠶ᠋ᠢ ᠬᠡᠨ ᠬᠡᠨ ᠳ᠋ᠦ᠍ ᠪᠡᠨ ᠳᠡᠭᠡᠳᠦ ᠵᠡᠷᠭᠡ ᠪᠡᠷ ᠬᠠᠨᠤᠮᠵᠢᠲᠠᠢ᠂ ᠬᠣᠶᠠᠭᠤᠯᠠ ᠪᠠᠨ ᠨᠢᠭᠡᠨ ᠵᠡᠷᠭᠡ ᠳᠤᠷᠠ ᠬᠠᠩᠬᠤᠢᠴᠠ ᠪᠠᠢᠳᠠᠯ ᠢ᠋ᠶ᠋ᠠᠷ ᠦᠢᠯᠡᠳᠴᠦ ᠰᠤᠷᠬᠤ ᠬᠡᠷᠡᠭᠲᠡᠢ ᠭᠡᠰᠡᠨ ᠦᠭᠡ ᠶᠦᠮ᠃ ᠨᠥᠭᠦᠭᠡᠲᠡᠭᠦᠷ᠂ ᠡᠮᠡᠭᠲᠡᠢ ᠬᠥᠮᠦᠨ ᠬᠤᠷᠢᠴᠠᠯ ᠠ᠋ᠴᠠ ᠵᠥᠪᠬᠡᠨ ᠪᠡᠶᠡ ᠶ᠋ᠢᠨ ᠠᠮᠠᠷᠠᠯᠲᠠ᠂ ᠰᠡᠳᠬᠢᠯ ᠦ᠋ᠨ ᠵᠢᠷᠭᠠᠯ ᠠᠮᠰᠠᠨ ᠡᠳ᠋ᠯᠡᠬᠦ ᠲᠡᠳᠦᠢ ᠦᠭᠡᠢ ᠡᠷᠡ ᠬᠥᠮᠦᠨ ᠦ᠌ ᠪᠡᠶᠡ ᠡᠴᠡ《ᠭᠠᠷᠴᠤ》 ᠪᠠᠢᠭᠠ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠡᠴᠡ ᠤᠭᠤᠷᠠᠭ᠂ ᠠᠮᠢᠨ ᠬᠦᠴᠢᠯ᠂ ᠸᠢᠲ᠋ᠠᠮᠢᠨ᠂ ᠡᠷᠦᠳᠡᠰᠦ ᠪᠣᠳᠠᠰ ᠵᠡᠷᠭᠡ ᠪᠡᠶᠡ ᠳ᠋ᠦ᠍ ᠰᠠᠢᠨ ᠨᠥᠯᠥᠭᠡ ᠦᠵᠡᠭᠦᠯᠳᠡᠭ ᠪᠢᠣᠯᠣᠭᠢ ᠶ᠋ᠢᠨ ᠢᠳᠡᠪᠬᠢᠲᠦ ᠵᠠᠷᠢᠮ ᠪᠣᠳᠠᠰ ᠢ᠋ ᠠᠪᠳᠠᠭ᠃ ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠪᠣᠯ ᠴᠣᠷᠭᠣ ᠠ᠋ᠴᠠ ᠭᠣᠭᠣᠵᠢᠳᠠᠭ ᠲᠦᠭᠦᠬᠡᠢ ᠤᠰᠤ ᠪᠢᠰᠢ ᠤᠴᠢᠷ ᠠ᠋ᠴᠠ ᠲᠡᠷᠡᠬᠦ《ᠠᠰᠢᠭᠲᠠᠢ》 ᠰᠢᠩᠭᠡᠨ ᠢ᠋ ᠡᠮᠡᠭᠲᠡᠢ ᠬᠥᠮᠦᠨ ᠠᠯᠲᠠᠬᠠᠨ ᠪᠡᠶᠡ ᠳ᠋ᠡᠭᠡᠨ ᠠᠯᠢ ᠪᠣᠯᠬᠤ ᠰᠢᠩᠭᠡᠭᠡᠬᠦ ᠶ᠋ᠢ ᠭᠡᠴᠢᠶᠡᠭᠦᠰᠢᠲᠡᠢ᠃ ᠭᠠᠭᠴᠠ ᠪᠡᠶᠡ ᠡᠮᠡᠭᠲᠡᠢ ᠭᠣᠣᠯᠴᠠᠭᠤ ᠡᠴᠡᠩᠬᠡᠢ ᠲᠤᠷᠠᠩᠬᠠᠢ᠂ ᠬᠠᠲᠠᠮᠠᠯ ᠬᠠᠭᠤᠷᠠᠢ ᠠᠷᠠᠰᠤ ᠲᠠᠢ᠂ ᠴᠢᠷᠠᠢ ᠵᠢᠰᠦ ᠠᠯᠳᠠᠭᠰᠠᠨ᠂ ᠲᠠᠷᠢᠬᠢ ᠲᠣᠯᠣᠭᠠᠢ ᠨᠢ ᠪᠠᠢᠩᠭᠤ ᠡᠪᠡᠳᠳᠡᠭ᠂ ᠪᠡᠶᠡ ᠶ᠋ᠢᠨ ᠵᠢᠪᠬᠤᠭᠠ ᠮᠠᠭᠤᠲᠠᠢ᠂ ᠣᠭᠵᠣᠮ ᠲᠦᠷᠭᠡᠨ ᠠᠭᠤᠷ ᠤᠴᠠᠭᠠᠷ ᠲᠠᠢ ᠪᠠᠢᠳᠠᠭ ᠨᠢ ᠡᠭᠦᠨ ᠲᠡᠢ ᠬᠣᠯᠪᠣᠭᠠ ᠲᠠᠢ ᠪᠠᠢᠵᠤ ᠮᠡᠳᠡᠬᠦ ᠶ᠋ᠢ ᠬᠡᠨ ᠦᠭᠡᠢᠰᠬᠡᠬᠦ ᠪᠢᠯᠡ᠃ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠤᠷᠠ ᠬᠠᠩᠬᠤ ᠣᠯᠠᠨ ᠵᠦᠢᠯ ᠡᠴᠡ ᠰᠢᠯᠲᠠᠭᠠᠯᠠᠬᠤ ᠲᠡᠳᠦᠢ ᠦᠭᠡᠢ ᠲᠡᠭᠦᠨ ᠦ᠌ ᠭᠠᠳᠠᠭᠠᠳᠤ ᠢᠯᠡᠷᠡᠯ ᠨᠢ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠠᠢᠳᠠᠭ᠃ ᠪᠢᠳᠡᠨ ᠦ᠌ ᠬᠢᠭᠰᠡᠨ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠵᠠᠷᠢᠮ ᠬᠡᠦᠬᠡᠨ ᠨᠦ᠍ᠭᠦᠳ ᠪᠡᠶᠡ ᠨᠢ ᠲᠠᠯᠪᠢᠭᠤᠷᠠᠵᠤ ᠳᠤᠷᠠ ᠨᠢ ᠬᠠᠩᠬᠤ ᠦᠶᠡ ᠳ᠋ᠡᠭᠡᠨ ᠪᠠᠷᠤᠭ ᠤᠬᠠᠭᠠᠨ ᠠᠯᠳᠠᠵᠤ ᠭᠢᠩᠰᠢᠨ ᠤᠬᠢᠯᠠᠬᠤ᠂ ᠳᠠᠭᠤ ᠠᠯᠳᠠᠬᠤ᠂ ᠬᠠᠵᠠᠬᠤ᠂ ᠴᠢᠮᠬᠢᠬᠦ᠂ ᠴᠢᠩᠭᠠ ᠪᠠᠷ ᠲᠡᠪᠡᠷᠢᠬᠦ ᠵᠡᠷᠭᠡ ᠪᠠᠢᠳᠠᠯ ᠢ᠋ ᠭᠠᠷᠭᠠᠳᠠᠭ ᠪᠣᠯ ᠨᠥᠭᠦᠭᠡ ᠬᠡᠰᠡᠭ ᠨᠢ ᠢᠩᠭᠢᠬᠦ ᠶ᠋ᠢ ᠪᠦᠦ ᠬᠡᠯᠡ ᠨᠥᠬᠥᠷ ᠢ᠋ᠶ᠋ᠡᠨ ᠱᠠᠯᠠᠪᠳᠠᠬᠤ ᠶ᠋ᠢ ᠱᠠᠭᠠᠷᠳᠠᠵᠤ ᠶᠠᠮᠠᠷ ᠴᠦ᠍ ᠢᠳᠡᠪᠬᠢ ᠦᠭᠡᠢ ᠪᠠᠢᠳᠠᠭ ᠠᠵᠠᠢ᠃ ᠡᠨᠳᠡ ᠡᠴᠡ ᠡᠮᠡᠭᠲᠡᠢ ᠶ᠋ᠢᠨ ᠳᠤᠷᠠ ᠬᠠᠩᠬᠤ ᠮᠡᠳᠡᠷᠡᠮᠵᠢ ᠶ᠋ᠢᠨ ᠭᠠᠳᠠᠭᠠᠳᠤ ᠢᠯᠡᠷᠡᠯ ᠡᠢᠬᠦ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠪᠠᠢᠳᠠᠭ ᠤᠴᠢᠷ ᠶᠠᠭᠤ ᠪᠣᠢ ᠭᠡᠰᠡᠨ ᠠᠰᠠᠭᠤᠯᠲᠠ ᠤᠷᠭᠤᠨ ᠭᠠᠷᠴᠤ ᠢᠷᠡᠬᠦ ᠨᠢ ᠮᠡᠳᠡᠭᠡᠵᠢ᠃ ᠡᠨᠡ ᠨᠢ ᠲᠤᠬᠠᠢ ᠶ᠋ᠢᠨ ᠡᠮᠡᠭᠲᠡᠢ ᠶ᠋ᠢᠨ ᠳᠡᠭᠡᠳᠦ ᠮᠡᠳᠡᠷᠡᠯ ᠦ᠋ᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠬᠡᠪ ᠦ᠋ᠨ ᠰᠢᠨᠵᠢ ᠠᠪᠤᠷᠢ ᠠᠷᠠᠨᠰᠢᠨ᠂ ᠵᠠᠩ ᠲᠥᠷᠬᠦ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠭᠡᠨ᠂ ᠪᠡᠯᠭᠡ ᠶ᠋ᠢᠨ ᠳᠤᠷᠠ ᠲᠠᠴᠢᠶᠠᠯ᠂ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠬᠥᠮᠦᠵᠢᠯ ᠵᠡᠷᠭᠡ ᠡᠴᠡ ᠰᠢᠯᠲᠠᠭᠠᠯᠠᠳᠠᠭ᠃ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠭᠡᠨ ᠶᠡᠬᠡᠲᠡᠢ᠂ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠬᠦᠴᠦᠲᠡᠢ ᠢᠯᠡᠷᠡᠳᠡᠭ ᠠᠲᠠᠯᠠ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠪᠤᠷᠤᠭᠤ ᠬᠥᠮᠦᠵᠢᠯ ᠦ᠋ᠨ ᠤᠯᠠᠮ ᠠ᠋ᠴᠠ ᠡᠩᠭᠡᠷ ᠵᠥᠷᠢᠭᠦᠯᠬᠦ ᠪᠣᠯᠤᠨ ᠳᠤᠷᠠ ᠬᠠᠩᠬᠤ ᠦᠶᠡ ᠳ᠋ᠡᠭᠡᠨ ᠳᠠᠭᠤ ᠴᠢᠮᠡᠭᠡ ᠭᠠᠷᠭᠠᠬᠤ ᠭᠢᠩᠰᠢᠨ ᠤᠬᠢᠯᠠᠬᠤ ᠵᠡᠷᠭᠡ ᠶ᠋ᠢ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠂ ᠡᠪ ᠦᠭᠡᠢ ᠮᠠᠭᠤᠬᠠᠢ ᠵᠦᠢᠯ ᠮᠡᠲᠦ ᠦᠵᠡᠳᠡᠭ ᠡᠮᠡᠭᠲᠡᠢ ᠳ᠋ᠦ᠍ ᠬᠤᠷᠢᠴᠠᠯ ᠶᠠᠮᠠᠷ ᠴᠦ᠍ ᠰᠠᠢᠬᠠᠨ ᠪᠠᠢᠯᠠ ᠭᠡᠰᠡᠨ ᠪᠡᠶᠡ ᠪᠡᠨ ᠪᠠᠷᠢᠭᠠᠳ ᠳᠠᠭᠤ ᠱᠣᠣ ᠭᠠᠷᠭᠠᠬᠤ ᠦᠭᠡᠢ ᠪᠠᠢᠵᠤ ᠪᠣᠯᠤᠨᠠ᠃ ᠲᠡᠭᠡᠪᠡᠯ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠭᠡᠨ ᠪᠠᠭᠠᠲᠠᠢ᠂ ᠬᠤᠷᠢᠴᠠᠬᠤ ᠳᠤᠷᠠ ᠲᠠᠴᠢᠶᠠᠯ ᠰᠤᠯᠠᠲᠠᠢ᠂ ᠲᠡᠷᠡ ᠪᠦᠦ ᠬᠡᠯᠡ ᠳᠤᠷᠠ ᠬᠠᠨᠳᠠᠭ ᠦᠭᠡᠢ ᠡᠮᠡᠭᠲᠡᠢ《ᠡᠯᠳᠡᠪ ᠮᠠᠶᠢᠭ》 ᠭᠠᠷᠭᠠᠬᠤ ᠨᠢ ᠡᠷᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠢᠯᠡᠭᠦᠦ ᠲᠠᠭᠠᠯᠠᠮᠵᠢᠲᠠᠢ ᠠᠶᠠᠲᠠᠢᠬᠠᠨ ᠪᠠᠢᠳᠠᠭ ᠢ᠋ ᠮᠡᠳᠡᠳᠡᠭ᠂ ᠡᠷᠡ ᠡᠮᠡ ᠶ᠋ᠢᠨ ᠶᠣᠰᠣᠨ ᠤ᠋ ᠵᠥᠪ ᠬᠥᠮᠦᠵᠢᠯ ᠲᠡᠢ ᠪᠣᠯ ᠡᠬᠡᠨᠡᠷ ᠨᠢ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠳᠤᠷᠠ ᠶ᠋ᠢ ᠢᠯᠡᠭᠦᠦ ᠬᠠᠩᠭᠠᠨᠠ᠃ ᠲᠡᠭᠦᠨ ᠡᠴᠡ ᠭᠠᠳᠠᠨᠠ ᠳᠤᠷᠠ ᠬᠠᠩᠬᠤ ᠮᠡᠳᠡᠷᠡᠮᠵᠢ ᠶ᠋ᠢᠨ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠ ᠪᠦᠰᠡᠭᠦᠢ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠤᠷᠲᠤ᠂ ᠪᠣᠭᠣᠨᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠠᠢᠨᠠ᠃ ᠲᠡᠭᠦᠨᠴᠢᠯᠡᠨ ᠨᠢᠭᠡ ᠤᠳᠠᠭᠠ ᠶ᠋ᠢᠨ ᠬᠤᠷᠢᠴᠠᠯ ᠠ᠋ᠴᠠ ᠬᠡᠳᠦᠨ ᠤᠳᠠᠭᠠ ᠳᠤᠷᠠ ᠬᠠᠩᠬᠤ ᠴᠢᠳᠠᠪᠤᠷᠢ ᠪᠠᠷ ᠢ᠋ᠶ᠋ᠠᠨ ᠴᠦ᠍ ᠪᠠᠰᠠ ᠡᠮᠡᠭᠲᠡᠢ ᠬᠥᠮᠦᠨ ᠪᠦᠬᠦᠨ ᠢᠯᠭᠠᠭᠠ ᠲᠠᠢ᠃ ᠬᠡᠦᠬᠡᠨ ᠨᠦ᠍ᠭᠦᠳ ᠦ᠋ᠨ ᠶᠡᠬᠡᠩᠬᠢ ᠨᠢ ᠨᠢᠭᠡ ᠤᠳᠠᠭᠠ ᠶ᠋ᠢᠨ ᠬᠤᠷᠢᠴᠠᠯ ᠠ᠋ᠴᠠ ᠭᠠᠭᠴᠠᠬᠠᠨ ᠯᠠ ᠤᠳᠠᠭᠠ ᠳᠤᠷᠠ ᠬᠠᠨᠳᠠᠭ ᠪᠣᠯ ᠲᠡᠳᠡᠨ ᠦ᠌ ᠴᠥᠭᠡᠩᠬᠢ ᠨᠢ ᠲᠡᠭᠦᠨ ᠡᠴᠡ ᠬᠣᠶᠠᠷ ᠪᠠ ᠡᠭᠦᠨ ᠡᠴᠡ ᠴᠦ᠍ ᠣᠯᠠᠨ ᠤᠳᠠᠭᠠ ᠳᠤᠷᠠ ᠬᠠᠩᠬᠤ ᠨᠢ ᠪᠣᠢ᠃
ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠨᠢᠭᠡ ᠠᠩᠬᠠᠷᠬᠤ ᠵᠦᠢᠯ ᠪᠣᠯ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠶᠡ ᠲᠠᠯᠪᠢᠭᠤᠷᠠᠬᠤ᠂ ᠳᠤᠷᠠ ᠨᠢ ᠬᠠᠨᠤᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠭᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠨᠢᠭᠡ ᠬᠡᠰᠡᠭ ᠰᠠᠷᠠᠯ ᠤ᠋ᠨ ᠪᠠᠢᠳᠠᠯ ᠳ᠋ᠤ᠌ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠳᠠᠭ ᠢ᠋ ᠰᠠᠨᠠᠬᠤ ᠶᠠᠪᠤᠳᠠᠯ ᠶᠤᠮ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠬᠤᠷᠢᠴᠠᠯ ᠤ᠋ᠨ ᠦᠢᠯᠡᠳᠦᠯ ᠳᠠᠭᠤᠰᠤᠩᠭᠤᠲᠠ ᠡᠷᠬᠡᠲᠡᠨ ᠢ᠋ᠶ᠋ᠡᠨ ᠰᠤᠭᠤᠯᠤᠨ ᠠᠪᠠᠴᠢᠵᠤ ᠪᠣᠯᠬᠤ ᠦᠭᠡᠢ᠃ ᠲᠡᠭᠦᠨ ᠦ᠌ ᠪᠡᠶᠡ ᠬᠠᠭᠤᠴᠢᠨ ᠬᠡᠪ ᠲᠡᠭᠡᠨ ᠣᠷᠣᠲᠠᠯᠠ ᠪᠠᠢᠯᠭᠠᠬᠤ ᠬᠡᠷᠡᠭᠲᠡᠢ᠃ ᠠᠮᠠᠷᠠᠭ ᠬᠣᠣᠰ ᠤ᠋ᠳ ᠠᠩᠬᠠᠷᠤᠯ ᠲᠠᠲᠠᠳᠠᠭ ᠨᠢᠭᠡ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠪᠠᠢᠷᠢᠯᠠᠯ ᠪᠢᠯᠡ᠃ ᠰᠠᠶᠢᠬᠠᠨ ᠪᠣᠯᠲᠠᠯᠠ ᠡᠨᠡ ᠲᠤᠬᠠᠢ ᠶᠠᠷᠢᠬᠤ᠂ ᠪᠢᠴᠢᠬᠦ ᠶ᠋ᠢ ᠬᠣᠷᠢᠵᠤ ᠪᠠᠢᠭᠰᠠᠨ᠃ ᠭᠡᠪᠡᠴᠦ ᠠᠷᠠᠳᠴᠢᠯᠠᠯ ᠢᠯᠡ ᠲᠣᠳᠣ ᠪᠠᠢᠳᠠᠭ ᠤ᠋ᠨ ᠠᠴᠢ ᠪᠠᠷ ᠬᠠᠭᠠᠯᠲᠠ ᠲᠠᠢ ᠬᠣᠷᠢᠭᠠ ᠲᠠᠢ ᠰᠡᠳᠦᠪ ᠨᠡᠭᠡᠭᠡᠯᠲᠡ ᠲᠡᠢ ᠪᠣᠯᠤᠯᠠ᠃ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠳ᠋ᠦ᠍ ᠣᠯᠠᠨ ᠮᠠᠶᠢᠭ᠂ ᠪᠠᠢᠷᠢᠯᠠᠯ ᠪᠠᠢᠳᠠᠭ ᠨᠢ ᠣᠳᠣ ᠬᠡᠨ ᠳ᠋ᠦ᠍ ᠴᠦ᠍ ᠨᠢᠭᠤᠴᠠ ᠪᠢᠰᠢ᠃ ᠲᠡᠭᠦᠨ ᠢ᠋ ᠣᠯᠠᠨ ᠮᠢᠩᠭᠠᠨ ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠳᠣᠷᠣᠨᠠ ᠵᠦᠭ ᠦ᠋ᠨ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠠᠯᠢ ᠬᠡᠳᠦᠢᠨᠡᠢ ᠲᠡᠦᠬᠡ ᠱᠠᠰᠲᠢᠷ ᠲᠠᠭᠠᠨ ᠲᠤᠭᠤᠷᠪᠢᠨ ᠦᠯᠡᠳᠡᠭᠡᠭᠰᠡᠨ ᠪᠢᠯᠡ᠃ ᠲᠡᠳᠡᠭᠡᠷ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠪᠠᠢᠷᠢᠯᠠᠯ ᠨᠢ ᠡᠷᠡᠭᠲᠡᠢ᠂ ᠬᠥᠮᠦᠨ ᠦ᠌ ᠪᠡᠶᠡ ᠪᠢᠯᠳᠠᠷ᠂ ᠰᠡᠳᠬᠢᠴᠡ ᠪᠣᠯᠤᠨ ᠪᠡᠯᠭᠡ ᠡᠷᠬᠡᠲᠡᠨ ᠦ᠌ ᠠᠨᠠᠲ᠋ᠣᠮᠢ ᠶ᠋ᠢᠨ ᠵᠠᠷᠢᠮ ᠣᠨᠴᠠᠯᠢᠭ ᠢ᠋ ᠬᠠᠷᠠᠭᠠᠯᠵᠠᠨ ᠦᠵᠡ᠃ ᠲᠤᠬᠠᠢᠯᠠᠪᠠᠯ᠂ ᠣᠳᠣ ᠠ᠋ᠴᠠ 2 ᠮᠢᠩᠭᠠᠨ ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠲᠤᠭᠤᠷᠪᠢᠭᠰᠠᠨ ᠡᠨᠡᠳᠬᠡᠭ ᠦ᠋ᠨ《ᠺᠠᠮᠠᠰᠤᠲᠷᠠ》 ᠬᠡᠮᠡᠬᠦ ᠱᠤᠳᠤᠷ ᠲᠤ᠌ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠬᠠᠮᠤᠭ ᠤ᠋ᠨ ᠲᠣᠬᠢᠷᠠᠮᠵᠢ ᠲᠠᠢ ᠪᠠᠢᠷᠢᠯᠠᠯ ᠢ᠋ ᠡᠷᠢᠵᠦ ᠣᠯᠬᠤ ᠶ᠋ᠢ ᠬᠠᠮᠤᠭ ᠠ᠋ᠴᠠ ᠴᠢᠬᠤᠯᠠᠴᠢᠯᠠᠭᠰᠠᠨ ᠪᠠᠢᠳᠠᠭ᠃ ᠡᠷᠲᠡᠨ ᠦ᠌ ᠡᠨᠡᠳᠬᠡᠭ ᠣᠷᠣᠨ ᠠ᠋ᠴᠠ ᠥᠭᠡᠷᠡ ᠬᠠᠮᠢᠭᠠ ᠴᠦ᠍ ᠢᠩᠭᠢᠵᠦ ᠨᠠᠷᠢᠪᠴᠢᠯᠠᠨ ᠪᠢᠴᠢᠭᠰᠡᠨ ᠭᠠᠷ ᠤ᠋ᠨ ᠠᠪᠤᠯᠭᠠ ᠥᠨᠥ ᠬᠢᠷᠢ ᠦᠭᠡᠢ᠃《 ᠺᠠᠮᠠᠰᠤᠲᠤᠷᠠ》 ᠪᠣᠯ ᠬᠥᠮᠦᠨ ᠪᠦᠬᠦᠨ ᠦ᠌ ᠰᠢᠷᠡᠭᠡᠨ ᠦ᠌ ᠨᠣᠮ ᠶᠤᠮ᠃ ᠬᠠᠷᠠᠮᠰᠠᠯᠲᠠᠢ ᠨᠢ᠂ ᠡᠨᠡ ᠨᠣᠮ ᠮᠠᠨ ᠤ᠋ ᠳ᠋ᠤ᠌ ᠬᠣᠪᠣᠷᠬᠠᠨ᠂ ᠴᠥᠭᠡᠨ ᠬᠡᠳᠦᠨ ᠬᠥᠮᠦᠨ ᠳ᠋ᠦ᠍ ᠪᠠᠢᠨᠠ᠃ ᠣᠷᠴᠢᠨ ᠦᠶᠡ ᠶ᠋ᠢᠨ ᠡᠷᠡ ᠡᠮᠡ ᠶ᠋ᠢᠨ ᠰᠤᠳᠤᠯᠤᠯ ᠤ᠋ᠨ ᠤᠬᠠᠭᠠᠨ ᠳ᠋ᠤ᠌ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠳ᠋ᠦ᠍ ᠡᠷᠡ ᠨᠢ ᠳᠡᠭᠡᠷᠡ ᠪᠡᠨ᠂ ᠡᠮᠡ ᠨᠢ ᠳᠡᠭᠡᠷᠡ ᠪᠡᠨ᠂ ᠪᠣᠰᠤᠭᠠ᠂ ᠠᠷᠤ ᠠ᠋ᠴᠠ᠂ ᠬᠠᠵᠠᠭᠤ ᠠ᠋ᠴᠠ᠂ ᠰᠠᠭᠤᠭᠠ ᠭᠡᠰᠡᠨ ᠦᠨᠳᠦᠰᠦᠨ6 ᠪᠠᠢᠷᠢᠯᠠᠯ ᠢᠯᠭᠠᠨ ᠦᠵᠡᠳᠡᠭ ᠪᠥᠭᠡᠳ ᠪᠠᠢᠷᠢᠯᠠᠯ ᠲᠤᠰ ᠪᠦᠷᠢ ᠳᠣᠲᠣᠷᠠ ᠪᠠᠨ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠬᠤᠪᠢᠯᠪᠤᠷᠢ ᠲᠠᠢ ᠪᠠᠢᠳᠠᠭ ᠠ᠋ᠴᠠ ᠶᠠᠭ ᠲᠥᠴᠢᠨᠡᠨ ᠪᠠᠢᠷᠢᠯᠠᠯ ᠪᠣᠢ ᠭᠡᠵᠦ ᠲᠣᠭᠲᠠᠭᠰᠠᠨ ᠲᠣᠭᠠ ᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠲᠤᠬᠠᠢᠯᠠᠪᠠᠯ᠂ ᠡᠷᠡ ᠨᠢ ᠳᠡᠭᠡᠷᠡ ᠪᠡᠨ ᠪᠠᠢᠷᠢᠯᠠᠯ ᠭᠡᠬᠦ ᠳ᠋ᠦ᠍ ᠳᠣᠲᠣᠷᠠ ᠪᠠᠨ15 ᠬᠤᠪᠢᠯᠪᠤᠷᠢ ᠲᠠᠢ ᠪᠠᠢᠬᠤ ᠳ᠋ᠤ᠌ ᠡᠮᠡ ᠨᠢ ᠳᠡᠭᠡᠷᠡ ᠪᠡᠨ ᠪᠠᠢᠷᠢᠰᠢᠯ17᠂ ᠬᠠᠵᠠᠭᠤ ᠶ᠋ᠢᠨ ᠪᠠᠢᠷᠢᠯᠠᠯ6 ᠪᠣᠰᠤᠭᠠ ᠪᠠᠢᠷᠢᠯᠠᠯ5 ᠠᠷᠤ ᠶ᠋ᠢᠨ ᠪᠠᠢᠷᠢᠯᠠᠯ17 ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠤᠪᠢᠯᠪᠤᠷᠢ ᠲᠠᠢ ᠪᠠᠢᠬᠤ ᠵᠢᠰᠢᠶᠠ ᠲᠠᠢ᠃ ᠵᠠᠷᠢᠮ ᠪᠠᠢᠷᠢᠯᠠᠯ ᠡᠬᠡᠨᠡᠷ᠂ ᠨᠥᠬᠥᠷ ᠬᠣᠶᠠᠷ ᠲᠤᠨᠢ ᠲᠠᠭᠠᠯᠠᠮᠵᠢᠲᠠᠢ᠂ ᠡᠰᠡᠪᠡᠯ ᠬᠡᠨ ᠬᠡᠨ ᠳ᠋ᠦ᠍ᠨᠢ ᠣᠭᠲᠣ ᠲᠣᠬᠢᠷᠠᠮᠵᠢ ᠦᠭᠡᠢ ᠪᠠᠢᠵᠤ ᠪᠣᠯᠬᠤ ᠲᠤᠯᠠ ᠠᠯᠢ ᠠᠶᠠᠲᠠᠢ ᠪᠠᠨ ᠰᠣᠩᠭᠣᠬᠤ ᠬᠡᠷᠡᠭᠲᠡᠢ᠃ ᠬᠠᠷᠢᠨ ᠬᠤᠷᠢᠴᠠᠯ ᠢ᠋ ᠨᠢᠭᠡ ᠶᠠᠩᠵᠤ ᠶ᠋ᠢᠨ ᠪᠠᠢᠷᠢᠯᠠᠯ ᠳ᠋ᠤ᠌ ᠣᠯᠠᠨ ᠳᠠᠬᠢᠨ ᠦᠢᠯᠡᠳᠬᠦ ᠡᠴᠡ ᠠᠯᠢ ᠪᠣᠯᠬᠤ ᠪᠠᠷ ᠵᠠᠢᠯᠠᠰᠬᠢᠬᠦ ᠶ᠋ᠢ ᠰᠢᠨᠡᠯᠢᠭ ᠮᠡᠳᠡᠷᠡᠮᠵᠢ ᠥᠭᠴᠦ ᠨᠢᠭᠡ ᠪᠠᠢᠷᠢᠯᠠᠯ ᠳ᠋ᠤ᠌ ᠣᠷᠣᠬᠤ ᠠ᠋ᠴᠠ ᠰᠡᠷᠡᠮᠵᠢᠯᠡᠬᠦ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ᠃ ᠬᠥᠮᠦᠨ ᠠᠮᠠ ᠶ᠋ᠢᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠳᠠᠪᠬᠤᠷᠭᠠ ᠶ᠋ᠢᠨ ᠳᠤᠮᠳᠠ ᠪᠢᠳᠡᠨ ᠦ᠌ ᠬᠢᠭᠰᠡᠨ ᠡᠷᠡ ᠡᠮᠡ ᠶ᠋ᠢᠨ ᠰᠤᠳᠤᠯᠤᠯ ᠤ᠋ᠨ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍᠂35 ᠬᠦᠷᠲᠡᠯᠡᠬᠢ ᠨᠠᠰᠤᠨ ᠤ᠋ ᠬᠣᠣᠰ ᠤ᠋ᠳ ᠪᠠᠷᠤᠭ80% ᠨᠢ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ6 ᠪᠠᠢᠷᠢᠯᠠᠯ ᠳ᠋ᠤ᠌ ᠡᠩᠭᠡᠷ ᠵᠥᠷᠢᠭᠦᠯᠵᠦ ᠥᠩᠭᠡᠷᠡᠭᠰᠡᠨ ᠪᠠᠢᠪᠠ᠃ ᠡᠢᠮᠦ ᠪᠣᠯᠬᠣᠷ ᠡᠭᠦᠨ ᠢ᠋ ᠨᠢᠭᠤᠭᠠᠳ ᠪᠠᠢᠬᠤ ᠬᠡᠷᠡᠭ ᠦᠭᠡᠢ ᠪᠢᠯᠡ᠁ ᠥᠨᠥ ᠪᠢᠳᠡᠨ ᠦ᠌ ᠦᠶᠡ ᠳ᠋ᠦ᠍ ᠨᠢᠭᠤᠵᠤ ᠬᠠᠭᠠᠭᠠᠳ ᠰᠦᠢᠳ ᠮᠡᠢᠳ ᠪᠣᠯᠤᠭᠠᠳ ᠪᠠᠢᠭᠠ ᠶᠠᠭᠤᠮᠠ ᠶ᠋ᠢ ᠣᠯᠠᠨ ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠲᠤᠭᠤᠷᠪᠢᠭᠰᠠᠨ ᠶᠠᠪᠤᠯᠳᠤᠬᠤ ᠶ᠋ᠢᠨ ᠵᠢᠮᠡ ᠶᠣᠰᠣᠨ ᠤ᠋ ᠳᠡᠭᠡᠳᠦ ᠵᠡᠷᠭᠡ ᠪᠡᠷ ᠪᠡᠶᠡᠰᠦᠭᠴᠢ ᠳᠣᠷᠵᠢᠵᠠᠪᠵᠢᠳ ᠤ᠋ᠨ ᠲᠠᠭᠠᠯᠠᠯ ᠢ᠋ ᠬᠠᠩᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠶᠠᠪᠤᠯᠳᠤᠬᠤ ᠶᠣᠰᠣ ᠶ᠋ᠢ ᠪᠠᠷᠢᠭᠴᠢ ᠱᠠᠳᠪᠢᠳᠣᠷᠵᠢ《 ᠶᠠᠪᠤᠯᠳᠤᠬᠤ ᠶ᠋ᠢ ᠬᠦᠰᠡᠭᠰᠡᠨ ᠲᠥᠷᠥᠯᠬᠢᠲᠡᠨ ᠦ᠌ ᠡᠨᠡᠯᠦᠯ ᠢ᠋ ᠠᠷᠢᠯᠭᠠᠭᠴᠢ ᠬᠡᠮᠡᠬᠦ ᠣᠷᠣᠰᠢᠪᠠᠢ》 ᠳ᠋ᠤ᠌ ᠨᠢᠭᠡᠳ ᠨᠢᠭᠡ ᠦᠭᠡᠢ ᠰᠡᠢᠷᠡᠭᠦᠯᠦᠨ ᠪᠢᠴᠢᠵᠡᠢ᠃ ᠲᠤᠬᠠᠢᠯᠠᠪᠠᠯ᠂《ᠦᠢᠯᠡᠳᠦᠯᠦᠯ ᠦ᠋ᠨ ᠡᠮᠡ ᠶ᠋ᠢ ᠠᠷᠪᠠᠨ ᠵᠢᠷᠭᠤᠭᠠ ᠠ᠋ᠴᠠ ᠳᠡᠭᠡᠭᠰᠢ᠂ ᠬᠣᠷᠢᠨ ᠲᠠᠪᠤᠨ ᠨᠠᠰᠤᠨ ᠠ᠋ᠴᠠ ᠳᠣᠭᠣᠭᠰᠢ ᠶ᠋ᠢ ᠰᠢᠲᠦ》 ᠭᠡᠮᠡᠨ ᠨᠣᠮᠯᠠᠭᠰᠠᠨ᠂ ᠲᠡᠭᠦᠨ ᠳ᠋ᠦ᠍᠄ — ᠴᠡᠴᠡᠭ ᠦ᠋ᠨ ᠢᠵᠠᠭᠤᠷ᠂ ᠵᠠᠭᠠᠨ ᠤ᠋ ᠢᠵᠠᠭᠤᠷ᠂ ᠭᠥᠷᠦᠭᠡᠰᠦᠨ ᠦ᠌ ᠢᠵᠠᠭᠤᠷ ᠬᠡᠮᠡᠬᠦ ᠭᠣᠣᠯᠯᠠᠬᠤ ᠳᠥᠷᠪᠡᠨ ᠢᠵᠠᠭᠤᠷ ᠪᠠᠢᠳᠠᠭ ᠪᠥᠭᠡᠳ ᠲᠡᠭᠦᠨ ᠳ᠋ᠦ᠍ ᠬᠤᠷᠠᠵᠤ ᠪᠠᠭᠲᠠᠭᠠ ᠦᠭᠡᠢ ᠡᠬᠡᠨᠡᠷ ᠪᠠᠢᠬᠤ ᠦᠭᠡᠢ᠂ ᠪᠠᠰᠠ ᠡᠷᠬᠢᠮ᠂ ᠳᠤᠮᠳᠠ᠂ ᠠᠳᠠᠭ ᠬᠡᠮᠡᠬᠦ ᠢᠯᠭᠠᠪᠤᠷᠢ ᠶᠡᠬᠡ ᠪᠠᠢᠳᠠᠭ ᠪᠣᠯᠬᠣᠷ ᠳᠤᠮᠳᠠ ᠠ᠋ᠴᠠ ᠳᠡᠭᠡᠭᠰᠢᠬᠢ ᠶ᠋ᠢ ᠰᠢᠲᠦ᠂ ᠠᠳᠠᠭ ᠤ᠋ᠨ ᠬᠢ ᠶ᠋ᠢ ᠲᠡᠪᠴᠢᠬᠦ ᠬᠡᠷᠡᠭᠲᠡᠢ ᠬᠡᠮᠡᠭᠡᠳ ᠬᠠᠮᠤᠭ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠᠳᠠ ᠪᠤᠷᠬᠠᠨ ᠪᠣᠯᠤᠶᠠ᠃ ᠲᠡᠭᠦᠨ ᠦ᠌ ᠲᠤᠯᠠᠳᠠ ᠶᠠᠪᠤᠯᠳᠤᠬᠤ ᠭᠡᠮᠡᠨ ᠪᠤᠶᠤ ᠮᠢᠨᠦ ᠶᠠᠪᠤᠯᠲᠠ ᠳ᠋ᠤ᠌ ᠰᠢᠲᠦᠭᠰᠡᠨ ᠡᠴᠡ ᠪᠤᠷᠬᠠᠨ ᠪᠣᠯᠲᠤᠭᠠᠢ ᠭᠡᠮᠡᠨ ᠡᠷᠡ ᠡᠮᠡ ᠬᠣᠶᠠᠭᠤᠯᠠ ᠪᠠᠨ ᠰᠠᠨᠠᠬᠤ ᠬᠡᠷᠡᠭᠲᠡᠢ᠃ ᠰᠤᠳᠠᠰᠤᠨ ᠤ᠋ ᠢᠯᠭᠠᠪᠤᠷᠢ ᠪᠠᠷ ᠴᠡᠴᠡᠭᠲᠡᠨ ᠬᠡᠮᠡᠬᠦ ᠢᠵᠠᠭᠤᠷ ᠲᠤ᠌ ᠥᠨᠥ ᠮᠠᠷᠭᠠᠰᠢ ᠶ᠋ᠢᠨ ᠶᠢᠷᠲᠢᠨᠴᠦ᠂ ᠨᠡᠢᠲᠡ ᠶ᠋ᠢᠨ ᠵᠢᠮᠡ ᠶᠣᠰᠣ ᠪᠠᠷ ᠶᠠᠪᠤᠯᠳᠤᠬᠤ ᠬᠡᠷᠡᠭᠲᠡᠢ᠃ ᠵᠠᠭᠠᠨ ᠤ᠋ ᠢᠵᠠᠭᠤᠷᠲᠠᠨ ᠳ᠋ᠤ᠌ ᠪᠣᠯ ᠡᠬᠡᠨᠡᠷ ᠨᠢ ᠲᠦᠷᠦᠭᠦᠯᠡᠨ ᠬᠠᠷᠠᠭᠤᠯᠵᠤ ᠠᠳᠤᠭᠤᠰᠤ ᠮᠡᠲᠦ ᠠᠷᠤ ᠠ᠋ᠴᠠ ᠨᠢ ᠶᠠᠪᠤᠯᠳᠤᠨᠠ᠃ ᠯᠠᠪᠠᠢ ᠶ᠋ᠢᠨ ᠢᠵᠠᠭᠤᠷ ᠲᠤ᠌ ᠪᠣᠯ ᠡᠷᠡ ᠨᠢ ᠭᠡᠳᠡᠷᠭᠦ ᠪᠡᠨ ᠬᠠᠷᠠᠵᠤ ᠰᠠᠭᠤᠭᠠᠳ ᠡᠬᠡᠨᠡᠷ ᠨᠢ ᠲᠦᠷᠦᠭᠦᠯᠡᠨ ᠬᠠᠷᠠᠵᠤ᠂ ᠲᠣᠯᠣᠭᠠᠢ ᠶ᠋ᠢ ᠡᠷᠡ ᠶ᠋ᠢᠨ ᠬᠥᠯ ᠵᠦᠭ ᠲᠦ᠍ ᠥᠭᠴᠦ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠷᠡ ᠶ᠋ᠢᠨ ᠮᠥᠷᠦᠨ ᠳ᠋ᠦ᠍ ᠲᠡᠭᠡᠭᠡᠯᠭᠡᠨ ᠳᠣᠣᠷᠠ ᠠ᠋ᠴᠠ ᠶᠠᠪᠤᠯᠳᠤᠨᠠ᠃ ᠲᠡᠭᠦᠨ ᠢ᠋ ᠭᠠᠬᠠᠷᠠᠳ ᠤ᠋ᠨ ᠤᠴᠠᠷᠠᠯ ᠭᠡᠳᠡᠭ᠃ ᠭᠥᠷᠦᠭᠡᠰᠦᠨ ᠦ᠌ ᠢᠵᠠᠭᠤᠷ ᠲᠤ᠌ ᠪᠣᠯ ᠪᠤᠷᠬᠠᠨ ᠤ᠋ ᠡᠴᠢᠭᠡ ᠡᠬᠡ ᠮᠡᠲᠦ ᠪᠡᠷ ᠵᠠᠪᠢᠯᠠᠵᠤ᠂ ᠡᠬᠡᠨᠡᠷ ᠨᠢ ᠲᠡᠪᠡᠷᠢᠵᠦ ᠶᠠᠪᠤᠯᠳᠤᠨᠠ᠃ ᠡᠭᠦᠨ ᠢ᠋( ᠪᠠᠯᠪᠠ) ᠰᠤᠯᠠ ᠤᠴᠠᠷᠠᠯ ᠭᠡᠮᠡᠨ ᠥᠭᠦᠯᠡᠳᠡᠭ ᠪᠣᠯᠤᠨᠠ᠃ ᠤᠷᠢᠳᠤ ᠶ᠋ᠢᠨ ᠤᠴᠠᠷᠠᠯ ᠨᠢ ᠡᠷᠡ ᠥᠪᠡᠷ ᠢ᠋ᠶ᠋ᠡᠨ ᠳᠡᠭᠡᠷᠡ ᠡᠴᠡ ᠨᠢ ᠶᠠᠪᠤᠯᠳᠤᠬᠤ ᠪᠥᠭᠡᠳ ᠠᠮᠤᠭᠤᠯᠠᠩ ᠶᠡᠬᠡ ᠪᠡᠷ ᠡᠮᠡᠭᠲᠡᠢ ᠶ᠋ᠢ ᠭᠡᠳᠡᠷᠭᠦ ᠨᠢ ᠬᠠᠷᠠᠭᠤᠯᠤᠨ ᠬᠣᠶᠠᠷ ᠡᠪᠦᠳᠦᠭ ᠢ᠋ ᠭᠡᠳᠡᠢᠯᠭᠡᠨ ᠠᠯᠴᠠᠢᠵᠤ ᠳᠡᠮᠵᠢᠵᠦ ᠦᠢᠯᠡᠳᠬᠦ ᠳ᠋ᠦ᠍ ᠡᠷᠡ ᠨᠢ ᠦᠨᠦᠰᠬᠦ ᠪᠠ ᠲᠡᠪᠡᠷᠢᠵᠦ ᠵᠠᠢᠮᠤᠴᠢᠵᠤ ᠦᠢᠯᠡᠳᠦᠭᠰᠡᠨ ᠢ᠋ᠶ᠋ᠡᠷ ᠬᠣᠶᠠᠭᠤᠯᠠ ᠶ᠋ᠢᠨ ᠳᠤᠷᠠᠯᠠᠯ ᠶᠡᠬᠡ ᠪᠣᠯᠤᠨᠠ᠃ ᠨᠢᠳᠦ ᠪᠡᠷ ᠰᠢᠷᠳᠡᠬᠦ ᠬᠢᠭᠡᠳ ᠠᠮᠠ ᠪᠠᠨ ᠨᠡᠢᠯᠡᠭᠦᠯᠬᠦ᠂ ᠭᠠᠷ ᠢ᠋ᠶ᠋ᠠᠷ ᠵᠢᠭᠤᠷᠠᠯᠳᠤᠬᠤ ᠲᠡᠷᠢᠭᠦᠲᠡᠨ ᠢ᠋ ᠬᠣᠯᠠ ᠤᠴᠠᠷᠠᠯ ᠬᠡᠮᠡᠨᠡ᠃ ᠳᠠᠪᠤᠰᠠᠩ ᠢ᠋ ᠭᠠᠷ ᠢ᠋ᠶ᠋ᠠᠷ ᠢᠯᠢᠬᠦ ᠪᠠ ᠦᠨᠦᠰᠬᠦ ᠨᠠᠭᠠᠯᠳᠤᠬᠤ᠂ ᠬᠣᠰᠢᠭᠤ ᠬᠡᠯᠡ ᠪᠡᠨ ᠭᠥᠬᠥᠯᠳᠡᠬᠦ ᠲᠡᠷᠢᠭᠦᠲᠡᠨ ᠢ᠋ ᠣᠢᠷᠠ ᠶ᠋ᠢᠨ ᠤᠴᠠᠷᠠᠯ ᠭᠡᠮᠡᠨ ᠥᠭᠦᠯᠡᠳᠡᠭ ᠪᠣᠯᠤᠨᠠ᠃ ᠤᠮᠠᠳᠠᠭ ᠤ᠋ᠨ ᠬᠣᠭᠣᠷᠣᠨᠳᠣ ᠣᠷᠣᠭᠤᠯᠵᠤ ᠪᠡᠯᠭᠡ ᠪᠡᠷ ᠶᠣᠪᠣᠴᠢᠬᠤ ᠶ᠋ᠢ ᠦᠯᠡᠮᠵᠢ ᠣᠢᠷᠠ ᠶ᠋ᠢᠨ ᠤᠴᠠᠷᠠᠯ ᠭᠡᠮᠡᠨ ᠥᠭᠦᠯᠡᠳᠡᠭ ᠪᠣᠯᠤᠨᠠ᠃ ᠡᠯᠡ ᠶᠠᠪᠤᠯᠳᠤᠬᠤ ᠶᠣᠰᠣᠨ ᠳ᠋ᠤ᠌ ᠬᠥᠳᠡᠯᠬᠦ ᠠᠷᠭᠠ ᠶ᠋ᠢ ᠴᠦ᠍ ᠪᠠᠰᠠ ᠭᠠᠢᠬᠠᠯᠲᠠᠢ ᠳᠦᠷᠰᠦᠯᠡᠨ ᠥᠭᠦᠯᠡᠵᠡᠢ᠃ ᠲᠡᠷᠡ ᠪᠡᠷ᠁ ᠳᠣᠲᠣᠷᠠ ᠨᠢ ᠨᠢᠭᠡ ᠬᠤᠷᠤᠭᠤ ᠲᠡᠳᠦᠢ ᠣᠷᠣᠭᠤᠯᠵᠤ ᠭᠠᠳᠠᠭᠰᠢ ᠨᠢ ᠭᠠᠷᠭᠠᠨ ᠲᠡᠷᠡ ᠮᠡᠲᠦ ᠪᠡᠷ ᠳᠠᠷᠠᠭᠠᠯᠠᠨ ᠣᠷᠣᠭᠤᠯᠵᠤ ᠰᠢᠩᠭᠡᠭᠡᠵᠦ ᠳᠠᠷᠤ᠃ ᠲᠡᠭᠦᠨᠴᠢᠯᠡᠨ ᠪᠠᠷᠠᠭᠤᠨ ᠵᠡᠭᠦᠨ ᠲᠠᠰᠢ ᠨᠢ ᠮᠤᠷᠤᠢᠯᠭᠠᠵᠤ᠂ ᠳᠡᠭᠡᠭᠰᠢ ᠨᠢ ᠥᠯᠢᠢᠯᠭᠡᠬᠦ᠂ ᠲᠤᠰᠢᠶᠠ ᠴᠢᠭ ᠢ᠋ᠶ᠋ᠡᠷ ᠨᠢ ᠡᠷᠭᠢᠭᠦᠯᠬᠦ᠂ ᠰᠤᠮᠤ ᠮᠡᠲᠦ ᠬᠠᠶᠠᠬᠤ᠂ ᠨᠤᠮᠤ ᠮᠡᠲᠦ ᠪᠥᠬᠥᠢᠬᠦ᠂ ᠠᠮᠠᠨ ᠤ᠋ ᠬᠢᠨᠢ ᠣᠢᠷᠠ ᠣᠷᠴᠢᠮ ᠳ᠋ᠤ᠌ ᠪᠠᠮᠪᠠᠯᠵᠠᠭᠤᠯᠵᠤ ᠤᠴᠠᠷᠠᠭᠰᠠᠨ ᠢ᠋ᠶ᠋ᠠᠷ᠂ ᠪᠡᠶᠡ ᠶ᠋ᠢ ᠢᠯᠢᠵᠦ ᠪᠠᠶᠠᠰᠬᠠᠵᠤ ᠦᠢᠯᠡᠳᠦᠭᠰᠡᠨ ᠢ᠋ᠶ᠋ᠡᠷ ᠥᠬᠢᠨ ᠪᠠᠷᠰ ᠮᠡᠲᠦ ᠰᠢᠷᠭᠤᠭᠤᠯᠵᠤ ᠦᠢᠯᠡᠳ᠂ ᠠᠷᠰᠯᠠᠨ ᠮᠡᠲᠦ ᠲᠠᠪᠠᠯᠠᠵᠤ ᠶᠠᠩᠪᠠᠯᠠᠬᠤ᠂ ᠵᠢᠭᠠᠰᠤ ᠮᠡᠲᠦ ᠭᠢᠯᠠᠯᠵᠠᠭᠤᠯᠬᠤ᠂ ᠶᠠᠰᠤᠲᠤ ᠮᠡᠯᠡᠬᠡᠢ ᠮᠡᠲᠦ ᠠᠭᠠᠵᠢᠮᠬᠠᠨ ᠤᠴᠠᠷᠠᠬᠤ ᠬᠢᠭᠡᠳ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠡᠪᠡᠷᠢᠨᠡ᠃ ᠬᠥᠯ ᠢ᠋ ᠨᠢ ᠥᠪᠡᠷ ᠦ᠋ᠨ ᠲᠠᠬᠢᠮ ᠢ᠋ᠶ᠋ᠠᠷ ᠣᠷᠢᠶᠠᠯᠭᠠᠵᠤ᠂ ᠤᠭᠤᠴᠠᠨ ᠳᠡᠭᠡᠷᠡ ᠨᠢ ᠳᠠᠷᠤᠵᠤ ᠤᠷᠤᠭᠤᠯ ᠭᠡᠮᠡᠨ ᠨᠣᠮᠯᠠᠭᠠᠳ ᠴᠢᠭ ᠢ᠋ᠶ᠋ᠡᠷ ᠡᠷᠭᠢᠭᠦᠯᠬᠦ᠂ ᠰᠤᠮᠤ ᠮᠡᠲᠦ ᠬᠠᠶᠠᠬᠤ ᠶ᠋ᠢᠨ ᠢᠯᠭᠠᠪᠤᠷᠢ ᠨᠢ ᠠᠩᠬᠠ ᠲᠡᠭᠦᠨ ᠢ᠋ ᠭᠠᠷᠭᠠᠵᠤ ᠣᠷᠣᠭᠤᠯᠬᠤ ᠶ᠋ᠢᠨ ᠤᠳᠬᠠ ᠪᠠ ᠬᠣᠶᠠᠳᠤᠭᠠᠷ ᠲᠤ᠌ ᠲᠡᠷᠡ ᠨᠢ ᠳᠠᠷᠤᠵᠤ ᠬᠥᠳᠡᠯᠵᠦ ᠦᠢᠯᠡᠳᠬᠦ ᠶ᠋ᠢᠨ ᠤᠳᠬᠠ ᠮᠥᠨ ᠪᠣᠯᠤᠨᠠ᠃ ᠡᠨᠡ ᠦᠶᠡ ᠳ᠋ᠦ᠍ ᠡᠷᠡ ᠨᠢ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠮᠡᠭᠲᠡᠢ ᠶ᠋ᠢᠨ ᠣᠷᠣᠢ ᠠ᠋ᠴᠠ ᠪᠣᠭᠣᠵᠤ ᠲᠦᠷᠦᠭᠦᠯᠡᠭᠡ ᠪᠡᠨ ᠵᠣᠬᠢᠯᠳᠤᠭᠤᠯᠤᠨ ᠪᠡᠯᠭᠡ ᠪᠡᠷ ᠬᠠᠳᠬᠤᠬᠤ ᠬᠡᠷᠡᠭᠲᠡᠢ ᠪᠣᠯᠤᠨᠠ᠃ ᠨᠤᠮᠤ ᠮᠡᠲᠦ ᠪᠥᠬᠥᠢᠬᠦ ᠬᠡᠮᠡᠬᠦ ᠨᠢ ᠡᠷᠡ ᠶ᠋ᠢᠨ ᠪᠡᠯᠭᠡ ᠶ᠋ᠢ ᠳᠣᠣᠷᠠ ᠠ᠋ᠴᠠ ᠳᠡᠭᠡᠭᠰᠢ ᠨᠢ ᠥᠯᠢᠢᠯᠭᠡᠵᠦ᠂ ᠡᠷᠡ ᠨᠢ ᠥᠪᠡᠷ ᠦ᠋ᠨ ᠪᠡᠶᠡ ᠶ᠋ᠢ ᠨᠤᠮᠤ ᠮᠡᠲᠦ ᠪᠥᠬᠥᠢᠯᠭᠡᠵᠦ ᠶᠠᠪᠤᠯᠳᠤᠬᠤ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠪᠠᠷᠰ ᠮᠡᠲᠦ ᠰᠢᠷᠭᠤᠬᠤ ᠨᠢ ᠬᠦᠵᠦᠭᠦᠦ ᠪᠡᠷ ᠨᠢ ᠲᠡᠪᠡᠷᠢᠵᠦ ᠠᠮᠠ ᠪᠠᠨ ᠨᠠᠭᠠᠯᠳᠤᠭᠤᠯᠤᠨ᠂ ᠪᠡᠯᠭᠡ ᠶ᠋ᠢᠨ ᠤᠭ ᠪᠠ ᠣᠪᠣᠭᠣᠷ ᠶᠠᠰᠤ ᠶ᠋ᠢ ᠬᠠᠪᠰᠤᠷᠭᠠᠵᠤ ᠴᠢᠴᠢᠬᠦ ᠶ᠋ᠢ ᠥᠭᠦᠯᠡᠳᠡᠭ᠃ ᠠᠷᠰᠯᠠᠨ ᠮᠡᠲᠦ ᠲᠠᠪᠠᠯᠠᠬᠤ ᠨᠢ ᠡᠷᠡ ᠨᠢ ᠪᠡᠶᠡ ᠪᠡᠨ ᠰᠢᠯᠤᠭᠤᠨ ᠰᠢᠳᠤᠷᠭᠤ ᠪᠣᠯᠭᠠᠵᠤ ᠨᠢᠷᠤᠭᠤ ᠪᠠᠨ ᠴᠢᠭ ᠢ᠋ᠶ᠋ᠡᠷ ᠨᠢ ᠶᠠᠪᠤᠯᠳᠤᠬᠤ ᠶ᠋ᠢ ᠥᠭᠦᠯᠡᠨᠡ᠃ ᠵᠢᠭᠠᠰᠤ ᠮᠡᠲᠦ ᠭᠢᠯᠠᠯᠵᠠᠬᠤ ᠨᠢ ᠪᠠᠷᠠᠭᠤᠨ ᠲᠠᠰᠢ ᠮᠤᠷᠤᠢᠬᠤ᠂ ᠵᠡᠭᠦᠨ ᠳᠠᠰᠢ ᠮᠤᠷᠤᠢᠬᠤ᠂ ᠲᠡᠷᠢᠭᠦᠲᠡᠨ ᠡᠷᠭᠦᠵᠦ ᠴᠢᠩᠭᠠ ᠶᠠᠪᠤᠯᠳᠤᠬᠤ ᠶ᠋ᠢ ᠥᠭᠦᠯᠡᠨᠡ᠃ ᠶᠠᠰᠤᠲᠤ ᠮᠡᠯᠡᠬᠡᠢ ᠮᠡᠲᠦ ᠠᠭᠠᠵᠢᠮ ᠬᠡᠮᠡᠬᠦ ᠨᠢ ᠠᠮᠠ ᠪᠠᠨ ᠤᠴᠠᠷᠠᠭᠤᠯᠤᠨ᠂ ᠡᠪᠴᠢᠭᠦᠦ ᠪᠡᠨ ᠨᠠᠭᠠᠯᠳᠤᠭᠤᠯᠵᠤ ᠠᠯᠭᠤᠷ ᠤᠳᠠᠭᠠᠨ ᠬᠠᠳᠬᠤᠵᠤ ᠭᠠᠷᠭᠠᠵᠤ ᠣᠷᠣᠯᠠᠭᠤᠯᠬᠤ ᠶ᠋ᠢᠨ ᠡᠭᠦᠳᠡᠨ ᠡᠴᠡ ᠶᠠᠪᠤᠯᠳᠤᠬᠤ ᠶ᠋ᠢ ᠥᠭᠦᠯᠡᠨᠡ᠃ ᠡᠬᠡᠨᠡᠷ ᠪᠠ ᠡᠷᠡ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠵᠠᠷᠢᠮ ᠨᠢᠭᠡᠨ ᠳ᠋ᠦ᠍ ᠬᠣᠶᠠᠭᠤᠯᠠ ᠪᠠᠨ ᠳᠠᠪᠤᠰᠠᠩ ᠪᠥᠭᠰᠡ ᠪᠡᠨ ᠨᠡᠢᠯᠡᠭᠦᠯᠵᠦ ᠳᠠᠪᠤᠰᠠᠩ ᠢ᠋ᠶ᠋ᠠᠷ ᠶᠠᠪᠤᠯᠳᠤᠪᠠᠰᠤ ᠠᠮᠤᠭᠤᠯᠠᠩ ᠤ᠋ᠨ ᠬᠦᠴᠦ ᠶᠡᠬᠡ ᠭᠡᠮᠡᠨ ᠥᠭᠦᠯᠡᠳᠡᠭ ᠪᠣᠯᠤᠨᠠ᠃ ᠶᠡᠬᠡ ᠵᠣᠩᠬᠢ ᠨᠢ ᠡᠮᠡᠭᠲᠡᠢ ᠪᠡᠷ ᠡᠷᠡ ᠶ᠋ᠢᠨ ᠲᠠᠬᠢᠮ ᠢ᠋ᠶ᠋ᠠᠷ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠷᠢᠶᠠᠵᠤ ᠤᠭᠤᠴᠠᠨ ᠳᠡᠭᠡᠷᠡ ᠡᠴᠡ ᠨᠢ ᠪᠣᠭᠣᠬᠤ ᠪᠤᠶᠤ ᠡᠰᠡ ᠪᠥᠭᠡᠰᠦ ᠲᠠᠬᠢᠮ ᠢ᠋ᠶ᠋ᠠᠷ ᠨᠢ ᠣᠷᠢᠶᠠᠵᠤ ᠠᠶᠠᠨ ᠳ᠋ᠠᠭᠠᠨ ᠣᠷᠬᠢᠭᠠᠳ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠡᠷᠡ ᠶ᠋ᠢᠨ ᠬᠦᠵᠦᠭᠦᠦ ᠪᠡᠷ ᠲᠡᠪᠡᠷᠢᠬᠦ ᠪᠤᠶᠤ ᠪᠡᠯᠬᠡᠭᠦᠰᠦ ᠪᠡᠷ ᠨᠢ ᠲᠡᠪᠡᠷᠢᠬᠦ ᠠᠯᠢ ᠠᠮᠠᠷ ᠢ᠋ᠶ᠋ᠠᠷ ᠨᠢ ᠦᠢᠯᠡᠳ᠃ ᠤᠮᠠᠢ ᠶ᠋ᠢᠨ ᠠᠮᠠ ᠨᠡᠭᠡᠭᠡᠵᠦ ᠮᠦᠰᠢᠶᠡᠭᠰᠡᠨ ᠢ᠋ᠶ᠋ᠡᠷ ᠡᠷᠡ ᠶ᠋ᠢᠨ ᠪᠡᠯᠭᠡ ᠶ᠋ᠢ ᠴᠢᠭᠯᠡᠭᠦᠯᠵᠦ ᠦᠢᠯᠡᠳᠬᠦ ᠬᠢᠭᠡᠳ ᠴᠡᠭᠡᠵᠢ ᠶ᠋ᠢ ᠬᠥᠳᠡᠯᠭᠡᠬᠦ ᠦᠭᠡᠢ ᠬᠣᠳᠣᠭᠣᠳᠣᠨ ᠠ᠋ᠴᠠ ᠳᠣᠭᠣᠭᠰᠢᠬᠢ ᠪᠠᠷ ᠤᠮᠠᠢ ᠶ᠋ᠢᠨ ᠬᠠᠷᠠᠯᠳᠤᠭᠠ ᠪᠠᠷᠠᠭᠤᠨ ᠵᠡᠭᠦᠨ ᠳ᠋ᠦ᠍ ᠡᠷᠭᠢᠭᠦᠯᠵᠦ ᠳᠣᠣᠷᠠ ᠠ᠋ᠴᠠ ᠨᠢ ᠡᠷᠭᠢᠬᠦ ᠣᠨᠢᠰᠣᠨ ᠬᠦᠷᠳᠦ ᠶ᠋ᠢ ᠡᠷᠡ ᠶ᠋ᠢᠨ ᠪᠠᠭᠤᠬᠤ ᠲᠠᠢ ᠵᠣᠬᠢᠴᠠᠭᠤᠯᠵᠤ ᠦᠢᠯᠡᠳᠪᠡᠰᠦ ᠵᠣᠬᠢᠨᠠ᠃ ᠬᠠᠮᠤᠭ ᠪᠡᠶᠡ ᠶ᠋ᠢ ᠲᠠᠢᠪᠤᠩ ᠪᠠᠢᠯᠭᠠᠬᠤ᠂ ᠭᠡᠵᠢᠭᠡ ᠶ᠋ᠢ ᠪᠠᠷᠢᠬᠤ᠂ ᠤᠭᠤᠴᠠᠨ ᠤ᠋ ᠲᠤᠰᠢᠶᠠ ᠳᠡᠭᠡᠷᠡ ᠢᠯᠢᠬᠦ ᠨᠢ ᠳᠤᠰᠤᠯ ᠤ᠋ᠨ ᠰᠤᠳᠠᠰᠤ ᠨᠤᠭᠤᠳ ᠳᠣᠲᠣᠷᠠ ᠠ᠋ᠴᠠ ᠬᠥᠳᠡᠯᠳᠡᠭ ᠪᠣᠯᠬᠣᠷ ᠳᠤᠷᠠᠯᠠᠯ ᠬᠦᠴᠦᠲᠡᠢ ᠪᠣᠯᠬᠤ ᠬᠢᠭᠡᠳ ᠠᠮᠤᠭᠤᠯᠠᠩ ᠶᠡᠬᠡ ᠪᠡᠷ ᠣᠳᠪᠠᠰᠤ ᠡᠷᠡ ᠡᠮᠡ ᠬᠣᠶᠠᠭᠤᠯᠠ ᠪᠠᠨ ᠵᠢᠷᠭᠠᠨᠠ᠃ ᠪᠠᠲᠤ ᠬᠠᠲᠠᠭᠤ ᠰᠤᠳᠤᠯᠤᠨ ᠨᠡᠩ ᠠᠮᠤᠭᠤᠯᠠᠩ ᠪᠠᠳᠠᠷᠠᠨ ᠬᠡᠮᠵᠢᠶᠡ ᠶ᠋ᠢ ᠡᠰᠡ ᠳᠠᠭᠠᠷᠠᠭᠤᠯᠪᠠᠰᠤ ᠳᠤᠰᠤᠯ ᠲᠦᠷᠭᠡᠨ ᠠᠯᠳᠠᠳᠠᠭ ᠪᠣᠯᠬᠣᠷ ᠢᠨᠠᠭᠰᠢ ᠴᠢᠨᠠᠭᠰᠢ ᠭᠡᠮ ᠬᠡᠮᠵᠢᠶᠡ ᠶ᠋ᠢ ᠲᠠᠭᠠᠷᠠᠭᠤᠯᠤᠨ ᠭᠦᠢᠴᠡᠳᠬᠡᠭᠡᠷᠡᠢ᠃ ᠠᠮᠢᠨ ᠳ᠋ᠠᠭᠠᠨ ᠲᠤᠯᠪᠠᠴᠤ ᠳᠤᠰᠤᠯ ᠠᠯᠳᠠᠬᠤ ᠦᠭᠡᠢ ᠶ᠋ᠢᠨ ᠡᠭᠦᠳᠡᠨ ᠡᠴᠡ ᠶᠠᠪᠤᠯᠳᠤᠬᠤ ᠬᠡᠷᠡᠭᠲᠡᠢ᠃ ᠠᠮᠤᠭᠤᠯᠠᠩ ᠤ᠋ᠨ ᠬᠥᠳᠡᠯᠦᠯ ᠬᠦᠴᠦ ᠶᠡᠬᠡᠲᠡᠢ ᠤᠴᠢᠷ ᠠ᠋ᠴᠠ ᠠᠯᠳᠠᠬᠤ ᠶ᠋ᠢ ᠵᠠᠪᠳᠤᠪᠠᠰᠤ ᠬᠥᠯ ᠭᠠᠷ ᠤ᠋ᠨ ᠬᠤᠷᠤᠭᠤ ᠨᠤᠭᠤᠳ ᠢ᠋ ᠬᠤᠮᠢ᠂ ᠬᠣᠳᠣᠭᠣᠳᠣ ᠶ᠋ᠢ ᠨᠢᠷᠤᠭᠤᠨ ᠳ᠋ᠤᠨᠢ ᠨᠢᠳᠦ ᠪᠡᠨ ᠳᠡᠭᠡᠭᠰᠢ ᠨᠢ ᠬᠤᠢᠯᠠᠷᠠᠭᠤᠯᠤᠨᠠ᠃ ᠡᠮᠡᠭᠲᠡᠢ ᠨᠢ ᠨᠢᠳᠦ ᠶ᠋ᠢ ᠬᠥᠮᠥᠰᠬᠡ ᠥᠭᠡᠳᠡ ᠪᠡᠨ ᠪᠣᠯᠭᠠᠵᠤ ᠬᠠᠷᠠᠭᠠ ᠪᠠᠨ ᠣᠭᠲᠠᠷᠭᠤᠢ ᠥᠭᠡᠳᠡ ᠴᠢᠭᠯᠡᠭᠦᠯ᠃ ᠬᠣᠮ ᠦᠰᠦᠭ ᠤᠷᠲᠤ ᠪᠣᠭᠣᠨᠢ ᠪᠠᠷ ᠳᠣᠣᠷᠠᠲᠤ ᠡᠭᠦᠳᠡ ᠶ᠋ᠢ ᠴᠢᠩᠭᠠ ᠬᠠᠭᠠᠵᠤ ᠠᠮᠢᠰᠬᠤᠭᠠ ᠪᠠᠨ ᠳᠡᠭᠡᠭᠰᠢ ᠲᠠᠲᠠᠨᠠ᠃ ᠡᠮᠡᠭᠲᠡᠢ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠰᠡᠷᠭᠦᠬᠦ ᠬᠢᠭᠡᠳ ᠳᠤᠰᠤᠯ ᠬᠣᠷᠢᠭᠳᠠᠭᠰᠠᠨ ᠠ᠋ᠴᠠ ᠬᠦᠢᠲᠡᠨ ᠢ᠋ᠶ᠋ᠡᠷ ᠡᠪᠡᠳᠴᠢᠯᠡᠬᠦ ᠬᠢᠭᠡᠳ ᠪᠤᠰᠤᠳ ᠤ᠋ᠨ ᠲᠤᠯᠠᠳᠠ ᠰᠡᠭᠦᠯ ᠳ᠋ᠦ᠍ ᠬᠡᠷᠡᠭ ᠪᠣᠯᠬᠤ ᠠ᠋ᠴᠠ ᠪᠤᠰᠤᠳ ᠲᠤ᠌ ᠳᠤᠰᠤᠯ ᠢ᠋ ᠠᠮᠢᠨ ᠳ᠋ᠠᠭᠠᠨ ᠲᠤᠯᠪᠠᠴᠤ ᠪᠤᠤ ᠠᠯᠳᠠᠭᠠᠷᠠᠢ᠃ ᠤᠮᠠᠢ ᠶ᠋ᠢᠨ ᠳᠣᠲᠣᠷᠠ ᠪᠡᠯᠭᠡ ᠶ᠋ᠢᠨ ᠬᠠᠮᠤᠭ ᠪᠤᠷᠬᠠᠳ ᠣᠷᠣᠰᠢᠭᠰᠠᠨ ᠳ᠋ᠤ᠌ ᠲᠠᠬᠢᠯ ᠡᠷᠭᠦᠵᠦ ᠪᠣᠢ ᠭᠡᠮᠡᠨ ᠰᠠᠨᠠᠵᠤ ᠳᠤᠰᠤᠯ ᠢ᠋ ᠪᠤᠤ ᠳᠡᠯᠪᠢ᠃ ᠲᠦᠷ ᠵᠠᠭᠤᠷᠠ ᠪᠡᠯᠭᠡ ᠶ᠋ᠢ ᠭᠠᠳᠠᠭᠰᠢ ᠭᠠᠷᠭᠠᠬᠤ ᠦᠭᠡᠢ ᠰᠡᠭᠦᠯᠴᠢ ᠶ᠋ᠢᠨ ᠠᠮᠤᠭᠤᠯᠠᠩ ᠢ᠋ ᠠᠮᠰᠠᠵᠤ ᠦᠵᠡᠯ ᠢ᠋ ᠪᠢᠰᠢᠯᠭᠠ᠃ ᠲᠡᠭᠡᠭᠡᠳ ᠡᠷᠡ ᠡᠮᠡ ᠶ᠋ᠢᠨ ᠳᠤᠰᠤᠯ ᠢ᠋ ᠨᠡᠢᠯᠡᠭᠦᠯᠵᠦ ᠡᠷᠡ ᠶ᠋ᠢᠨ ᠬᠡᠯᠡ ᠪᠡᠷ ᠰᠢᠮᠡᠵᠦ ᠠᠪᠤᠭᠰᠠᠨ ᠢ᠋ ᠡᠷᠡ ᠡᠮᠡ ᠬᠣᠶᠠᠭᠤᠯᠠ ᠪᠠᠨ ᠠᠮᠰᠠᠵᠤ ᠪᠡᠶᠡ ᠶ᠋ᠢᠨ ᠪᠤᠷᠬᠠᠳ ᠢ᠋ ᠪᠠᠶᠠᠰᠬᠠᠯᠠ ᠭᠡᠮᠡᠨ ᠰᠠᠨᠠᠨᠠ᠃ ᠢᠩᠭᠢᠪᠡᠰᠦ ᠲᠦᠢᠳᠬᠡᠷ ᠠᠷᠢᠯᠬᠤ ᠪᠠ ᠰᠢᠮᠡ ᠶ᠋ᠢ ᠠᠪᠬᠤ ᠶ᠋ᠢᠨ ᠳᠡᠭᠡᠳᠦ ᠪᠣᠯᠤᠨᠠ᠃
ᠶᠠᠪᠤᠯᠳᠤᠵᠤ ᠳᠠᠭᠤᠰᠤᠭᠠᠳ ᠳᠠᠷᠤᠢ ᠳᠠᠭᠤᠰᠤᠯ ᠦᠭᠡᠢ ᠨᠠᠰᠢ ᠴᠠᠰᠢ ᠬᠠᠷᠢᠯᠴᠠᠨ ᠲᠡᠪᠡᠷᠢᠯᠳᠦᠬᠦ᠂ ᠦᠨᠦᠰᠦᠯᠳᠦᠬᠦ᠂ ᠢᠨᠠᠭᠯᠠᠬᠤ᠂ ᠬᠡᠯᠡ ᠪᠡᠨ ᠬᠥᠬᠥᠯᠳᠡᠬᠦ ᠵᠡᠷᠭᠡ ᠶ᠋ᠢ ᠡᠭᠡᠯᠵᠢᠯᠡᠨ ᠦᠢᠯᠡᠳᠪᠡᠯ ᠵᠢᠴᠢ ᠠᠮᠤᠭᠤᠯᠠᠩ ᠲᠥᠷᠬᠦ ᠳ᠋ᠦ᠍ ᠬᠢᠯᠪᠠᠷ ᠪᠣᠯᠬᠤ ᠶ᠋ᠢᠨ ᠪᠡᠯᠭᠡᠳᠡᠯ( ᠳᠡᠮᠪᠡᠷᠢᠯ) ᠪᠠᠢᠳᠠᠭ ᠪᠣᠯᠤᠨᠠ᠃ ᠶᠠᠪᠤᠯᠳᠤᠬᠤ ᠲᠡᠭᠦᠨ ᠳ᠋ᠦ᠍ ᠰᠢᠲᠦᠭᠰᠡᠨ ᠡᠴᠡ ᠯᠠᠮᠠ ᠪᠠᠭᠰᠢ ᠪᠣᠯᠤᠨ ᠳᠠᠭᠢᠨᠢᠰ ᠪᠠᠶᠠᠰᠬᠤ ᠬᠠᠮᠤᠭ ᠠᠮᠢᠲᠠᠨ ᠤ᠋ ᠲᠤᠰᠠ ᠪᠦᠲᠦᠬᠦ ᠪᠣᠯᠲᠤᠭᠠᠢ ᠭᠡᠮᠡᠨ ᠪᠢ ᠲᠡᠷᠢᠭᠦᠯᠡᠨ ᠠᠮᠢᠲᠠᠨ ᠪᠦᠭᠦᠳᠡ ᠶ᠋ᠢᠨ ᠪᠤᠶᠠᠨ ᠳ᠋ᠤ᠌ ᠵᠣᠷᠢᠭᠤᠯ᠁ ᠤᠬᠢᠶᠠᠯᠭᠠ ᠬᠢᠭᠡᠳ ᠪᠡᠶᠡ ᠪᠡᠨ ᠢᠯᠢᠬᠦ ᠶ᠋ᠢ ᠰᠢᠮᠳᠠᠬᠤ ᠬᠡᠷᠡᠭᠲᠡᠢ᠃ ᠁ ᠲᠠᠴᠢᠶᠠᠯ ᠤ᠋ᠨ ᠵᠠᠮ ᠤ᠋ᠨ ᠰᠤᠳᠤᠯᠤᠭᠴᠢᠳ ᠢ᠋ ᠬᠠᠷᠢᠯᠴᠠᠨ ᠱᠣᠣᠯᠠᠬᠤ᠂ ᠳᠠᠭᠠᠷᠢᠵᠤ ᠳᠠᠪᠰᠢᠯᠠᠬᠤ᠂ ᠪᠤᠷᠤᠭᠤ ᠦᠵᠡᠬᠦ ᠲᠡᠷᠢᠭᠦᠲᠡᠨ ᠢ᠋ ᠪᠦᠦ ᠦᠢᠯᠡᠳ᠃ ᠢᠩᠭᠢᠬᠦ ᠠᠪᠠᠰᠤ ᠭᠡᠮ ᠶᠡᠬᠡ ᠪᠣᠯᠠᠢ᠃ ᠁ ᠠᠶᠠ᠂ ᠡᠨᠡ ᠪᠦᠬᠦᠨ ᠶᠠᠭᠤᠲᠠᠢ ᠭᠠᠢᠬᠠᠮᠰᠢᠭᠲᠠᠢ ᠨᠣᠮᠯᠠᠨᠠᠮ ᠪᠢᠯᠡ᠃ ᠲᠡᠭᠦᠨ ᠦ᠌ ᠡᠮᠦᠨᠡ ᠡᠪᠦᠳᠦᠭ ᠰᠥᠬᠥᠷᠡᠶᠡ᠃ ᠥᠨᠥ ᠪᠢᠳᠡᠨ ᠦ᠌ ᠦᠶᠡ ᠶ᠋ᠢᠨ ᠬᠢᠨ ᠡᠭᠦᠨ ᠲᠡᠷᠡ ᠪᠦᠷᠢ ᠮᠡᠳᠡᠬᠦ ᠦᠭᠡᠢ ᠨᠢ ᠳᠠᠩᠴᠤ ᠬᠠᠷᠠᠮᠰᠠᠮᠠᠷ᠃ ᠭᠡᠪᠡᠴᠦ ᠡᠨᠡ ᠪᠢᠳᠡᠨ ᠦ᠌ ᠴᠦ᠍ ᠪᠤᠷᠤᠭᠤ ᠪᠢᠰᠢ᠃ ᠬᠠᠷᠢᠨ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠬᠦᠨᠳᠦ ᠰᠤᠷᠲᠠᠯ᠂ ᠶᠠᠭᠤᠮᠠ ᠪᠣᠯᠭᠠᠨ ᠢ᠋ ᠴᠠᠭᠳᠠᠳᠠᠭ᠂ ᠬᠣᠷᠢᠳᠠᠭ ᠪᠠᠢᠭᠰᠠᠨ ᠴᠠᠭ ᠦᠶᠡ ᠶ᠋ᠢᠨ ᠪᠤᠷᠤᠭᠤ᠃ ᠡᠪᠦᠭᠡᠳ ᠳᠡᠭᠡᠳᠦ ᠡᠴᠡ ᠮᠢᠨᠢ ᠣᠯᠠᠨ ᠦᠶᠡ ᠶ᠋ᠢᠨ ᠲᠤᠷᠰᠢᠲᠠ ᠨᠠᠨᠳᠢᠩᠨᠠᠨ ᠬᠠᠢᠷᠠᠯᠠᠴᠤ ᠢᠷᠡᠭᠰᠡᠨ ᠥᠪ ᠤᠯᠠᠮᠵᠢᠯᠠᠯ᠂ ᠨᠣᠮ ᠰᠤᠳᠤᠷ ᠪᠢᠳᠡᠨ ᠳ᠋ᠦ᠍ ᠶᠠᠭᠤᠲᠠᠢ ᠪᠢᠰᠢᠷᠡᠯᠲᠡᠢ᠂ ᠶᠠᠭᠤᠲᠠᠢ ᠰᠤᠷᠭᠠᠮᠵᠢ ᠲᠠᠢ᠃ ᠲᠡᠭᠦᠨ ᠳ᠋ᠦ᠍ ᠶᠠᠮᠠᠷ ᠨᠠᠷᠢᠨ ᠰᠣᠶᠣᠯ ᠬᠥᠮᠦᠵᠢᠯ ᠨᠢᠭᠤᠭᠳᠠᠨᠠᠮ ᠪᠣᠢ? ᠲᠡᠷᠡ ᠪᠦᠬᠦᠨ ᠡᠴᠡ ᠪᠢᠳᠡ ᠬᠣᠯᠠ ᠬᠣᠴᠣᠷᠴᠢᠬᠠ ᠦᠭᠡᠢ ᠳᠡᠭᠡᠷᠡ ᠪᠡᠨ ᠳᠡᠭᠡᠷᠡ ᠪᠡᠨ ᠳᠠᠷᠤᠢᠬᠠᠨ ᠰᠤᠷᠤᠯᠴᠠᠵᠠᠭᠶᠠ᠃ ᠲᠠ ᠮᠢᠨᠢ᠃ ᠶᠠᠭᠤᠮᠠ ᠪᠣᠯᠭᠠᠨ ᠢ᠋ ᠴᠠᠭᠳᠠᠨ ᠪᠠᠢᠭᠰᠠᠨ ᠬᠦᠨᠳᠦ ᠴᠠᠭ ᠦᠶᠡ ᠪᠡᠨ ᠥᠩᠭᠡᠷᠡᠭᠡᠵᠦ ᠠᠷᠠᠳ ᠢ᠋ᠶ᠋ᠠᠨ ᠳᠡᠭᠡᠳᠦᠯᠡᠬᠦ ᠤᠯᠠᠷᠢᠯ ᠢᠷᠡᠯᠡ᠃ ᠡᠨᠡ ᠰᠠᠢᠬᠠᠨ ᠴᠠᠭ ᠢ᠋ ᠠᠯᠳᠠᠯ ᠦᠭᠡᠢ᠂ ᠪᠦᠬᠦᠨ ᠢ᠋ ᠠᠮᠵᠢᠭᠤᠯᠤᠶᠠ᠃ ᠠᠷᠠᠳ ᠮᠢᠨᠢ ᠪᠢᠯᠢᠭ ᠪᠠᠳᠠᠷᠠᠲᠤᠭᠠᠢ᠃