Үг: Н.Баянмөнх /МУСТА/
Ая: Т.Сэр-Од /МУУГЗ/
Дуучин: Ц.Мөнхсоёл /МУСТА/

Сайны сурагтай явахад минь
Магнай тэнийн баясаад
Саахалт айлын өвөө дөө
Намайгаа л магтах аав минь

Үүлтэй нартай хорвоогийн
Тоостой шаргал нугачаанд
Үрээ л гэсэн сэтгэл тань
Түшиж дандаа явдаг даа


Тоодон жаахан наснаасаа
Эрхэлж өссөн болохоороо
Тоотой хоногийн урсгалдаа
Санаад л байх юм аавыгаа

Дээж аягалсан цайгаа
Яарал үгүй оочилсон
Дэлхийд ганцхан аавдаа
Очмоор дандаа болох юмаа

Алдаж онохын дэнсэнд минь
Сэтгэл дотроо эмтрээд
Алсын саатах чөлөөндөө ч
Учирлаад сургадаг аав минь

Намартай хавартай замбуугийн
Өнгө алаг тавиландаа
Намайгаа л гэсэн сэтгэл тань
Ивээж дандаа явдаг даа